الجـزء الرابـع ..
-
-
الساعه تشير للخامسه مساء ..
هذا رابع معرض سيارات يدخله
ومايعجبه شيئ
تأفف وصد خارج من المعرض
وصلهه صوت من وراه : دقيييييققهه
التفت لهه : نعم ؟
الشاب بابتسامه : انت تلف من قبل شوي
ومع هذا ما اعجبك اللي عندنا
ممكن تقولي وش بخاطرك ؟؟
نايف بتفكير : سياره اخر موديل سوداء
نظيفه، مافيها اي خلل وماقد استخدمها
احد من قبل ..
الشاب بتفكير : معك الفلوس ؟
نايف بسخريه : ايه تطمن
الشاب : فيه معرض اخر الحي فيه
سيارات جديده وصدقني بتعجبك
نايف ابتسم نص ابتسامه : ششكرا
وطلعع باتجاه المكان اللي قاله الشاب
دقائق وكان واقف عند البوابه بججمووود
وعيوونهه ع سياره ع مدخل المعرض
ابتسم باتساع وعيونه لمعت بفرحه :
جابك الله
دخل بسرعه للمعرض وهو مقرر يشتريها
لو يدفع دم قلبه فيها .
__________________________________________________ ___
-
في مكان مو بعيد عن نايف ..
-
ام يوسف ابتسمت باتساع وعيونها تتأمل دانه بأعجاب ؛ ايه انتي دانه الكبيره صح
دانه بابتسامه صفراء : ايه ياخاله
حنان بضحكة قرصتها :
حرركات ام زوجك واضح حنينه .
ياسمين عيونها على ام يوسف وابتسامه
سخريه ترتسم ع شفتيها
ام يوسف انتبهت لها : فيه شيئ ؟
ياسمين بنفس شينه : لاا وش بيكون فيه ؟
جدتها من وراهاا : ياسمين
ياسمين بقهر ؛ بالاذن
طلعت من المجلس وقابلتها جميله ؛
شفيك حبيبي ؟ قالوا لك شيئ ؟
ياسمين بغصه ؛ لا ، بس شكل دانه اعجبتها
جميله سكتت وعيونها تتأمل الاشيئ تضيع في
الفرراغ وقلبها يوجعها ع بنات اخوها
بعدت عنها ياسمين ودخلت للغرفه وتقفلت
دخلت جميله للمجلس وطاحت عيونها على دانه
انيقه بفستان ناعم احمر تجلس بخجل جنب جدتها
همست لنفسها ؛ صادقه ياسمين ام يوسف بتأكلها بعيونها
تقدمت وجلست جنبها وهي مبتسمه تحاول تخفف ارتباك دانه
-
-
ارتفع اذان المغرب ..
وبدوا الناس يتجهون للمساجد
عكسهم تماما كان يلف بسيارته الجديده
" بورش " سوداء كلفته 500 الف
يحس نفسه اسعد انسان اول شيئ فكر فيه
يروح لعمه وعياله ويقهرهم بسيارته
كشر وهو يشوف الطريق شبه مقفل فيه سيارتين واقفه بالعرض ف الخط والظاهر
اصحابها في المسجد
تأفف ووقف بقله حيله
يتأمل الحي البسيط واضح حياتهم هادئه مافيه
شيئ يعكر عليهم بعيدين عن المدينه والازعاج
ميل راسه ع جنب الشباك
ارتفع صوت الامام " سمع الله لمن حمده "
تنهد وفي نفسه ؛
هذا مطول توه يرفع من الركوع
طلع سيجاره وبداء يدخن وهو ينتظرهم يخلصون مافكر ابدا ينزل يصلي معهم
وقفت سياره بجانبه ونزلت منها وحده وفي حضنها طفل بعمر السنتين
وابتعد صاحب السياره
بتسليه بداء يتبعها بنظراته
يبي يعرف وين بتروح
وقفت عند باب بيت صغير باللون التفاحي
ودقت الباب ثواني وانفتح
شهق وعدل جلسته بسرعه وعيونه على
اللي فتحت الباب
رمش اكثر من مره وهو يتوقعها
"خيال مو حقيقه" اختفوا الثنتين من قدامه
وتقفل الباب .
بلع ريقه وهو مصدوم
" معقوله في احد بهالجمال ؟ "
غمض عيونه بققوووه وهو يأكد لنفسه انه غفى وحلم مستحيل يكون صدق .. ___________________________ ...
-
دخلت للبيت هي وزوجه عمها حمد " رنا "
رنا بشهقه : اهــئ نسيت
ياسمين باستغراب : وش ؟
رنا نزلت ولدها ع الارض وطلعت جوالها بسرعه
واتصلت على حمد : وينك ... اسمع حليب حمودي نسيته ف السياره ارجع
..... طيب انتظرك برا
قفلت الجوال وهي تتأفف : وشهالحظ ؟
مانسيته الا اليوم
ياسمين بهدوء : طيب خلاص انتي ادخلي عند جدتي لانها تسأل عنك وانا اذا جاء بطلع اجيبه
رنا بفرحة : جد ؟ الله يسعدك
شالت ولدها ودخلت بسرعه للمجلس
ياسمين تنهدت بضيق وجلست ف الصاله
تنتظر عمها حمد .
|