#بنت_المؤمن
الجزء ٢ من شيخ الشباب
بفلم زهراء العراقيه
#بارت٢
ﻣﺴﺎﺀ ﺍﻟﻮﺭﺩ
ﺑﻨﺖ ﺍﻟﻤﺆﻣﻦ
ﺷﻴﺦ ﺍﻟﺸﺒﺎﺏ 2
ﺃﺣﺒﻴﻨﻲ .. ﺑﻼ ﻋﻘﺪ
ﻭﺿﻴﻌﻲ ﻓﻲ ﺧﻄﻮﻁ ﻳﺪﻱ
ﺃﺣﺒﻴﻨﻲ .. ﻷﺳﺒﻮﻉ .. ﻷﻳﺎﻡ .. ﻟﺴﺎﻋﺎﺕ ..
ﻓﻠﺴﺖ ﺃﻧﺎ ﺍﻟﺬﻱ ﻳﻬﺘﻢ ﺑﺎﻷﺑﺪ ..
ﺃﻧﺎ ﺗﺸﺮﻳﻦ .. ﺷﻬﺮ ﺍﻟﺮﻳﺢ،
ﻭﺍﻷﻣﻄﺎﺭ .. ﻭﺍﻟﺒﺮﺩ ..
ﺃﻧﺎ ﺗﺸﺮﻳﻦ ﻓﺎﻧﺴﺤﻘﻲ
ﻛﺼﺎﻋﻘﺔ ﻋﻠﻰ ﺟﺴﺪﻱ ..
ﺃﺣﺒﻴﻨﻲ ..
- ﻧﺰﺍﺭ ﻗﺒﺎﻧﻲ
- ﻋﻠﻲ ﻋﻠﻲ ﺭﺍﺳﺔ ﻣﻔﺸﻮﺥ ﻣﻔﺸﻮﻭﺥ
- ﺩﺧﻴﻠﻚ ﻳﺎ ﺭﺑﻲ ﺧﺮﻋﺘﻴﻨﻲ ﺍﺷﻮﻛﺖ ﻛﻌﺪﺗﻲ ﻭﺷﻔﺘﻴﻪ ﻳﺤﻈﻲ
- ﻣﻦ ﺧﺎﺑﺮﺗﺞ ﺍﻟﺼﺒﺢ ﻭﻣﺎ ﻣﺎ ﻣﺎ ﺭﺩﻳﺘﻲ ﺭﺩﻳﺘﻲ
- ﺍﻱ ﻣﺎ ﻛﺎﻟﺖ ﺍﻟﺞ ﺍﻣﻲ ﻭﺍﻛﻊ
- ﻟﻴﺶ ﻟﻴﺶ ﻭﻛﻌﺘﻪ ﻭﻛﻌﺘﻪ ﻳﺎﺳﻤﻴﻦ
- ﻫﻬﻬﻪ ﺍﻛﻠﺞ ﻫﺴﺔ ﺍﻧﻲ ﺍﺭﻳﺪ ﺍﻛﻠﻲ ﺷﻲ ﻭﺍﺭﻭﺡ ﻋﻨﺪﻱ ﻣﺤﺎﺿﺮﺓ ﺍﺑﻨﺞ ﻣﺎﺑﻴﻪ ﺷﻲ
- ﻣﺎ ﺍﺣﺐ ﻳﺎﺳﺮ ﻣﺎ ﺍﺣﺒﻪ ﻣﺎ ﻣﺎ ﺩﺍﻳﺮ ﺑﺎﻟﻪ ﻋﻠﻴﻪ ﻣﺎ ﻣﺎ ﺍﻭﺩﻱ ﺑﻌﺪ ﺗﺮﻯ ﺗﺮﻯ ﻣﺎﺍﺍ
- ﻫﻼ ﻋﻴﻨﻲ ﺗﻌﺎﻝ ﺍﺳﻤﻊ ﻳﻠﻤﺎﺗﺴﻤﻊ ﺭﻗﻴﺔ ﺧﺎﻧﻢ ﺻﺎﺭﺕ ﺻﺎﺭﻣﺔ ﻫﻬﻬﻪ
- ﻣﺎ ﻣﺎ ﻣﺎ
- ﺩﺭﻭﺣﻲ ﺭﻭﺣﻲ ﺍﻟﻴﻮﻡ ﻣﺎ ﺗﺤﺒﻴﻪ ﺑﺎﺟﺮ ﺗﺒﺠﻴﻦ ﻋﻠﻴﻪ ﻳﻤﻲ ﺑﺎﻟﻠﻴﻞ ﺯﻳﻨﺐ ﺍﺭﻳﺪ ﺑﺎﺑﺎ ﻳﺮﺟﻌﻨﻲ
ﺳﺪﻳﺘﻪ ﻭﺍﻧﻲ ﺍﺿﺤﻚ ﻫﺎﻱ ﺑﻠﻮﺓ ﺍﻭﻝ ﻣﺎ ﻛﺎﻋﺪﻩ ﺷﺎﻳﻔﺘﻪ ﻭﻣﺨﺘﺮﻋﻪ ﻭﺧﺮﻋﺘﻨﻲ ﻭﻳﺎﻫﺎ ﻋﺒﺎﻟﻲ ﺻﺎﻳﺮ ﺷﻲ ﺟﺪﻳﺪ ..
،
ﺍﻟﻌﺼﺮ ﺭﺟﻌﺖ ﺗﻌﺒﺎﻧﺔ ﺣﻴﻞ ﺗﻘﺮﻳﺒﺎ ﺍﻟﺴﺎﻋﺔ ﺏ٤
ﺩﺧﻠﺖ ﻟﻠﻐﺮﻓﺔ ﺫﺑﻴﺖ ﻋﺒﺎﺗﻲ ﻭﺣﺠﺎﺑﻲ
ﺭﻗﻴﺔ ﺗﻠﻌﺐ ﺑﺘﻠﻴﻔﻮﻧﻬﺎ
- ﺭﻗﺮﻕ ﺻﺒﻴﻠﻲ ﻏﺪﻩ ﻋﻔﻴﺔ ﺣﻤﻮﺕ ﺟﻮﻉ
ﺍﺧﺬﺕ ﻏﻴﺎﺭﺍﺕ ﻭﻃﻠﻌﺖ ﺍﺳﺒﺢ ..
ﻭﺍﻧﻲ ﺍﺗﻐﺪﻩ ﺍﻣﻲ ﻋﺠﻠﺘﻨﻲ ، ﻻﺑﺴﺔ ﻭﺍﺗﺮﻳﺪ ﺍﺗﺮﻭﺡ ﻟﻠﻔﺎﺗﺤﺔ
- ﺍﻱ ﺑﺲ ﻳﻤﺔ ﺍﻛﻤﻞ ...
- ﻫﻤﺰﻳﻦ ﺳﻮﻭ ﻓﺎﺗﺤﺘﻪ ﺍﻫﻨﺎ ﻣﻮ ﺑﺎﻟﻤﺸﺨﺎﺏ ﺷﻮﺩﻳﻨﻲ ﺍﻧﻲ ﻭﺭﺟﻠﻴﻪ
ﻣﺎ ﺍﺗﺤﻤﻞ ﻛﻌﺪﺓ ﺍﻟﺴﻴﺎﺭﺓ
ﺭﺣﺖ ﻋﻠﻰ ﺳﺮﻳﻊ ﻏﻴﺮﺕ ﺍﺳﻮﺩ ﻭ ﻃﻠﻌﺖ
ﺗﻔﺎﺟﺄﺕ ﺑﺒﺎﺑﺎ ﻳﻮﺻﻠﻨﺎ
ﻣﻤﻢ ﺍﻛﻴﺪ ﻟﺨﺎﻃﺮ ﺍﻣﻲ ﻣﺎ ﺗﻤﺸﻲ ﻫﺎﻟﺨﻄﻮﺗﻴﻦ
( ﺑﺎﺑﺎ ﺭﺍﺡ ﺑﺲ ﺍﺧﺮ ﻳﻮﻡ ، ﻭﺍﺣﻨﻪ ﺭﺣﻨﺎ ﺍﻭﻝ ﻳﻮﻡ ﻭ ﺛﺎﻟﺚ ﻳﻮﻡ ﺍﻻﺧﻴﺮ ... ﻭﻋﺮﻓﻨﺎ ﻣﺮﺗﻪ ﻣﺎ ﻗﺎﺑﻠﺔ ﻳﺴﻮﻫﺎ ﺑﺎﻟﻤﺸﺨﺎﺏ ﻭﺣﺘﻰ ﺻﺎﻳﺮﺓ ﺑﻴﻨﻬﻢ ﺧﻼﻓﺎﺕ ﺑﺴﻴﻄﻪ ﺑﻴﻦ ﺍﻣﻪ ﻭﻣﺮﺗﻪ ...
ﺍﻣﺎ ﺷﻬﺪ ﺑﺲ ﺍﻭﻝ ﻳﻮﻡ ﺍﻻﻳﺎﻡ ﺍﻟﺒﻘﻴﺔ ﺍﺧﺘﻔﺖ ﻣﺎﺧﺬﻫﺎ ﻳﺎﺳﺮ ﻟﺒﻴﺘﻪ ﻣﺘﺨﺮﺑﻄﺔ ﻭﻛﻮﺛﺮ ﻳﻤﻬﺎ . ﻭﻣﺎ ﻳﻘﺒﻞ ﺗﺮﺟﻊ ﻳﻢ ﺍﻣﻪ ﺍﺳﺎﺳﺎ ﻟﻮ ﻋﻠﻴﻪ ﻣﺎ ﻳﺨﻠﻴﻪ ﺍﺑﺪ ﻳﻢ ﺍﻟﻐﺮﻳﺐ ﻣﺜﻞ ﻣﺎ ﻳﺤﺴﺒﺔ ﻫﻮ ، ﺑﺲ ﻫﻲ ﻛﺎﻧﺖ ﺑﺤﻜﻢ ﻣﺮﺗﻀﻰ ﺍﻣﺎ ﻫﺴﺔ ﺍﻋﻠﻦ ﺳﻠﻄﺘﻪ ﺍﻟﻤﺘﺴﻠﻄﺔ ﻭ ﺍﺧﺬﻫﺎ ﻳﻤﺔ ﻣﺄﺧﺬ ﺍﺫﻥ ﻣﻦ ﻣﺮﺗﻀﻰ
ﺧﺎﺑﺮﺗﻬﺎ ﺍﻃﻤﻦ ﻋﻠﻰ ﺻﺤﺘﻬﺎ ﻛﺎﻥ ﺻﻮﺗﻬﺎ ﻭﺍﺿﺢ ﻋﻠﻴﻪ ﺧﻠﻴﻂ ﺍﻟﺘﻌﺐ ﻭﺍﻟﺤﺰﻥ ﻭﺍﻻﻧﻜﺴﺎﺭ ﺣﺘﻰ ﺣﺴﻴﺖ ﺍﻭﺗﺎﺭﻫﺎ ﺍﻟﺼﻮﺗﻴﻪ ﻣﺒﺤﻮﺣﺔ
بيج قصص عراقيه حقيقيه من واقعنا.روعه الطائي
ﺣﺒﻴﺒﺘﻲ ﺷﺪﻱ ﺣﻴﻠﺞ ﻫﺬﺍ ﺣﺎﻝ ﺍﻟﺪﻧﻴﺎ
ﻭﻫﻮ ﻛﺎﻥ ﻣﺮﻳﺾ ﺍﺭﺗﺎﺡ
- ﺍﻟﻠﻪ ﻳﺮﺣﻤﻪ
- ﺍﻟﻠﻪ ﻳﺮﺣﻤﻪ
- ﻣﻨﻮ ﻳﻮﺻﻠﺞ ﻫﻠﻴﺎﻡ
- ﻭﺍﻟﻠﻪ ﺭﺟﻌﺖ ﻟﺸﻼﻉ ﺍﻟﻘﻠﺐ ﻳﺘﺄﺧﺮﻭﻥ ﻋﻠﻴﻪ ﺑﺎﻟﺮﺟﻌﺔ ﻭ ﺍﻟﺼﺒﺢ ﺍﺿﺎﻋﻒ ﺍﻟﻄﺮﻳﻖ ﻋﻠﻰ ﺑﺎﺑﺎ
ﻫﻮ ﺍﺷﻠﻮﻧﻪ ﺳﻤﻌﺖ ﻭﺍﻟﺪﻩ ﺗﻮﻓﻰ ﺯﻋﻼﻥ ﻋﻠﻴﻪ ﺍﻛﻴﺪ ﻫﺬﺍ ﺍﻟﺸﻲ ﻣﺄﺛﺮ ﻋﻠﻰ ﻧﻔﺴﺔ ﺍﻟﻀﻌﻒ
- ﺣﻴﻞ ﻣﺘﺄﺛﺮ
ﺍﻧﺖ ﺍﺷﻤﺪﺭﻳﺞ ﺍﺗﻮﻓﻰ ﺯﻋﻼﻥ ؟
- ﺳﻤﻌﺖ ﻭﺍﻟﺪﺗﻪ ﻛﺎﻟﺖ ﺑﻠﻴﻠﺔ ﺍﻟﻮﻓﺎﺓ
- ﻻ ﻋﺎﺩﻱ ﻛﺎﻥ ﺑﻴﻨﻬﻢ ﻧﻘﺎﺵ ﻭ ﺍﺧﺘﻼﻑ ﻳﻌﻨﻲ ﺯﻋﻞ ﺃﺣﺒﺔ
ﻫﻮ ﺍﺷﻤﺪﺭﻳﻪ ﻳﺘﻮﻓﻰ ﺑﻬﺬﻱ ﺍﻟﻠﻴﻠﺔ ﺧﺎﻟﻲ ﻛﺎﻥ ﻣﺮﻳﺾ ﻣﺨﻄﻮﺭ
- ﺍﻟﻠﻪ ﻳﺼﺒﺮﻫﻢ
- ﺷﻜﺮﺍ ﺣﺒﻴﺒﺘﻲ ﻋﻠﻰ ﺍﻟﺴﺆﺍﻝ
- ﻭﻟﻮ ﻭﺍﺟﺒﻲ ﻫﺬﺍ
ﻳﻼ ﺣﺒﻴﺒﺘﻲ ﺍﺧﺬﻱ ﺭﺍﺣﺘﺞ ..
- ﺳﻠﻤﻲ ﻋﻠﻰ ﻋﻤﺔ ﻭﺭﻗﻴﺔ ﻭﺑﻮﺳﻴﻠﻲ ﻋﻼﻭﻱ ....
*
ﺑﻌﺪ ﺍﺳﺒﻮﻉ ﻣﻦ ﻭﻓﺎﺓ ﻭﺍﻟﺪ ﺧﻠﻴﻞ ﺣﻀﺮﻧﺎ ﻧﻔﺴﻨﺎ ﺍﻧﻲ ﻭﺍﻣﻲ ﻭﻛﺎﻋﺪﻳﻦ ﻧﻨﺘﻈﺮ ﻣﻘﺘﺪﻯ
ﺍﺟﻪ ﻣﻦ ﺑﺮﺓ ﻭﺍﻣﻲ ﻻﻣﺘﻪ ﻋﻠﻰ ﺗﺄﺧﻴﺮﻩ
- ﻭﻳﻨﻚ ﺭﺍﺡ ﻳﺄﺫﻥ ﺍﻟﻤﻐﺮﺏ ﻭﺍﻧﺖ ﺭﺣﺖ ﺑﻌﺪ ﻣﺎ ﺭﺟﻌﺖ
ﻣﻘﺘﺪﻯ
- ﻳﻤﺔ ﻳﺎ ﺍﺫﺍﻥ ﺍﻟﺴﺎﻋﺔ ﺑﺎﻷﺭﺑﻌﺔ
ﺣﺘﻰ ﺍﻟﻤﺤﻼﺕ ﺗﻮﻫﺎ ﻣﻔﺘﺤﺔ ﻛﻮﻟﻲ ﻏﻴﺮﻫﺎ
ﻛﻠﺖ
- ﻻ ﺗﺮﺍﺩﺩ ﺍﻣﻚ ﺭﻭﺡ ﺧﻠﻲ ﺍﻟﻜﺎﺭﺗﻮﻧﻪ ﺑﺴﻴﺎﺭﺓ ﻣﺮﺗﻀﻰ ..
ﻛﻮﻣﺖ ﺍﻣﻲ ﻭ ﺭﺣﻨﺎ ﻭﻳﺔ ﻣﺮﺗﻀﻰ ﻟﺒﻴﺖ ﻳﺎﺳﺮ ﻧﺸﻮﻑ ﺷﻬﺪ ﺍﻟﺒﺎﺭﺣﻪ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﺩﺧﻠﺖ ﻳﻮﻡ ﻣﺘﺨﺮﺑﻄﻪ ...
ﻇﻠﺖ ﺍﻣﻲ ﺗﻮﺻﻲ ﺑﻤﻘﺘﺪﻯ
- ﻇﻞ ﻳﻢ ﺍﺧﺘﻚ ﻻ ﺗﻌﻮﻓﻬﺎ ﻭﺣﺪﻫﺎ
ﺭﻗﻴﺔ ﺑﺎﻟﻐﺮﻓﺔ ﻭﺍﻋﺮﻓﻬﺎ ﻣﻬﻈﻮﻣﺔ ﺍﺗﺮﻳﺪ ﺍﺗﺮﻭﺡ ﻭﻳﺎﻧﻪ ﺍﺷﻮﻑ ﺷﻬﺪ ﺑﺲ ﻣﺎ ﻧﻜﺪﺭ ﻧﺎﺧﺬﻫﺎ ... ﺑﺎﺑﺎ ﺑﺎﻟﺰﻳﺎﺭﺓ ﻃﺎﻟﻊ ﻭﺑﺲ ﻣﻘﺘﺪﻯ ﺧﻠﻴﻨﺎ ﻳﻤﻬﺎ ﻭﺍﺧﺬﻧﺎ ﻋﻠﻲ ﻭﻳﺎﻧﻪ ﺍﻛﻴﺪ ﺣﺎﺷﺮ ﻧﻔﺴﺔ ﻭﻳﺎﻱ ..
ﺍﻭﻝ ﻣﺎ ﻭﺻﻠﻨﺎ ﻋﺮﻓﺖ ﺍﻟﺴﻴﺎﺭﺓ ﺍﻟﻲ ﻭﺍﻛﻔﺔ ﺑﺒﺎﺑﻬﻢ ﺳﻴﺎﺭﺓ } ﺧﻠﻴﻞ {
ﺗﺠﺪﺩ ﺍﻟﺤﺰﻥ ﻋﻠﻰ ﺍﺧﺮ ﻣﻮﻗﻒ ﺷﻔﺘﻪ ﺑﻴﻪ ﻭﺍﻟﻲ ﻏﻴﺮ ﻓﻜﺮﻱ ﺑﻴﺘﻬﻢ ﺍﻟﺠﺪﻳﺪ ﺍﺣﻠﻰ ﻣﻦ ﺫﺍﻙ ، ﺟﺪﻳﺪ ﺗﺼﻤﻴﻤﺔ ﻭ ﻭﺍﺟﻬﺘﺔ ﺣﻠﻮﺓ ﻣﻦ ﺩﺧﻠﺖ
ﺍﺳﺘﻘﺒﻠﺘﻨﺎ ﻛﻮﺛﺮ ﺑﺎﻟﺘﻬﻠﻲ ...
ﺩﺧﻠﻮﻧﺎ ﮔﺒﻞ ﻟﻐﺮﻓﺔ ﺑﻴﻬﺎ ﺷﻬﺪ ﻧﺎﻳﻤﺔ ﻋﻠﻰ ﻓﺮﺍﺵ ﻭﺑﻴﺪﻫﺎ ﻛﺎﻧﻮﻧﺔ ﻭ ﻣﺮﺕ ﺍﺑﻮﻫﺎ ﻳﻤﻬﺎ ﻣﻦ ﺩﺧﻠﻨﺎ ﻭﻛﻔﺖ ﺍﻟﻨﺎ ﻭﺳﻠﻤﺖ ...
ﺣﺴﻴﺖ ﺑﺨﺮﺑﻄﺔ ﺑﺎﻟﻜﻌﺪﺓ ﺧﺎﻟﺔ ﺯﻭﺟﺔ ﻳﺎﺳﺮ ﻭﺍﻣﻲ ﺍﻡ ﻃﻠﻴﻘﺘﻪ ﻣﺘﻘﺎﺑﻼﺕ
ﻋﻠﻰ ﻛﺎﻝ ﻫﻲ ﻭﺍﺟﺐ ﻭﺍﻟﻈﺮﻭﻑ ﻣﺎ ﺗﺨﻠﻖ ﻣﻨﺎ ﻋﺪﺍﺋﻴﻦ ، ﺍﻟﻤﺮﺓ ﻣﺎ ﺛﻜﻠﺖ ﻭﺟﻪ ﻋﻠﻴﻨﺎ ﻭﺍﻣﻲ ﻣﻦ ﺍﻟﻨﻮﻉ ﺍﻟﻲ ﺻﻮﺗﻪ ﻫﺎﺩﺉ ﻭ ﺣﺘﻰ ﺗﻌﺒﻴﺮﺍﺕ ﻭﺟﻬﺎ ، ﻣﺤﺠﺒﺔ ﻣﺜﻠﻲ ﻣﻮ ﺷﻴﻠﺔ ﻭ ﺑﻮﺷﻴﺔ ﺧﻠﻌﺘﻬﺎ ﻣﻦ ﺩﺧﻠﻨﺎ ﻟﻠﻐﺮﻓﺔ ﺣﻄﺘﻬﺎ ﺍﺑﺼﻔﻬﺎ
ﻣﺮﺕ ﺍﺑﻮﻫﻢ ﺍﻛﺒﺮ ﻣﻦ ﺍﻣﻲ ﻣﺸﻴﻠﺔ ﻭ ﺳﻮﺍﻟﻔﻬﺎ ﻛﺜﻴﺮﺓ ﻣﻮ ﻣﺜﻞ ﺍﻣﻲ ﺑﺲ ﺗﺼﻐﻰ ﺍﻟﻬﺎ ﻣﻊ ﻣﺸﺎﺭﻛﺎﺕ ﻣﺆﻳﺪﺓ ﺑﺴﻴﻄﺔ
ﻭ ﺷﻬﺪ ﻣﻄﺮﻭﺣﺔ ﻭﺻﺎﻓﻨﻪ ﻭﺟﻬﺔ ﺷﺎﺣﺐ ﻭﺍﺻﻔﺮ
ﻫﻤﺴﺖ ﺍﻟﻬﺎ
- ﺷﻨﻮ ﻣﺎ ﺗﺎﻛﻠﻴﻦ
ﻫﺰﻳﺖ ﺭﺍﺳﻬﺎ
- ﻣﺮﺗﻀﻰ ﺑﺮﺓ ﻳﻢ ﺍﻟﻮﻟﺪ
- ﺍﺩﺭﻱ ﺑﻴﻪ ﺍﻛﻠﺞ ﺍﺷﻠﻮﻧﻬﺎ ﺭﻗﻴﺔ
- ﺯﻳﻨﺔ
- ﺧﻠﻴﻞ ﻳﻤﻜﻢ ﺟﺎﻱ ﺍﻟﻴﻮﻡ
ﺷﻔﺖ ﺳﻴﺎﺭﺗﻪ ﺑﺮﺓ ؟
- ﺍﻱ ﺍﺻﻼ ﻳﻤﻨﺎ ﻳﺒﺎﺕ ﻋﺎﻳﻒ ﺍﻟﺒﻴﺖ ﻣﻴﻜﺪﺭ ﻳﺸﻮﻑ ﺍﺑﻮﻩ ﺑﻴﻪ
- ﺧﻄﻴﺔ
ﻫﻤﺴﺖ ﻭﺭﺍﺳﻬﺎ ﻳﻢ ﺭﺍﺳﻲ ﺍﻟﻲ ﻣﺤﻨﻲ ﻋﻠﻴﻪ ﻳﺴﻤﻌﻬﺎ
- ﺍﺷﻮﻓﺞ ﻣﻬﺘﻤﺔ ؟
- ﻭﻟﻮ ﺍﺷﻠﻮﻥ ﻣﺎ ﺍﻫﺘﻢ ﺷﺨﺺ ﺍﻋﺮﻓﻪ ﻭ ﻣﺮ ﺑﺄﺯﻣﺔ ﻛﺒﻴﺮﺓ ....
ﻣﻨﻈﺮﺓ ﺑﻠﻴﻠﺔ ﺍﻟﻮﻓﺎﺓ ﻓﻄﺮﻟﻲ ﮔﻠﺒﻲ ﺗﺪﺭﻳﻦ ﺑﻠﻴﻠﺘﻬﺎ ﺭﺣﺖ ﺍﺷﻮﻑ ﺑﺎﺑﺎ ﻳﺘﻨﻔﺲ ﻟﻮ ﻻ
ﻛﻌﺪﺗﻪ ﻣﺨﺘﺮﻉ
ﺷﺒﻪ ﺍﺑﺘﺴﺎﻣﺔ ﺣﺰﻳﻨﺔ ﺧﻄﻔﺖ ﺑﺸﻔﺘﻬﺎ ﻭﻛﺎﻟﺖ
- ﺍﻧﻲ ﻣﺎ ﺍﺫﻛﺮ ﺑﺎﺑﺎ ﻣﺎ ﻋﺸﺖ ﻭﻳﺎﻩ
ﺗﻮﻓﻰ ﻣﻦ ﻛﺎﻥ ﻋﻤﺮﻱ ١٤
- ﺍﻟﻠﻪ ﻳﺮﺣﻤﺔ
- ﺧﺎﻟﻲ ﺍﺑﻮ ﺧﻠﻴﻞ ﻛﻨﺖ ﻋﺎﻳﺸﺔ ﻳﻤﻬﻢ ﻭﻫﻮ ﺭﺑﺎﻧﻲ ﻣﺎ ﻓﺮﻕ ﺑﻴﻨﻲ ﻭ ﺑﻴﻦ ﺍﻭﻻﺩﺓ
ﺍﺑﺘﺴﻤﺖ ﺑﺄﺳﻰ ﻣﻦ ﺟﺪﻳﺪ ﻭﺃﺳﺘﺮﺳﻠﺖ ﺑﺎﻟﻜﻼﻡ ﺍﻟﻬﺎﺩﺉ ﺍﻟﺤﺰﻳﻦ ....
- ﻛﺎﻥ ﺑﺎﻟﻠﻴﻞ ﻳﻠﻤﻨﺎ ﻭﻳﺴﻮﻟﻒ ﺍﻟﻨﺎ ﺳﻮﺍﻟﻒ ﻟﻴﻞ ﻋﻦ ﻣﻐﺎﻣﺮﺍﺗﻪ ﺑﺎﻟﺠﻴﺶ ﻭﻗﺼﺺ ﺭﻋﺐ ﻫﻬﻪ ﻣﺎ ﻧﻌﺮﻑ ﻣﻦ ﺗﺄﻟﻴﻔﻪ ﻟﻮ ﺣﻘﻴﻘﺔ
- ﺷﻬﻮﺩﺓ ﺣﺰﻧﺞ ﻣﺄﺛﺮ ﻋﻠﻰ ﺣﻤﻠﺞ ﺍﻟﻤﻬﺪﺩ
- ﺍﻟﻠﻪ ﺍﻟﺤﺎﻓﻆ
ﻣﺮﺕ ﺍﺑﻮﻫﺎ - ﺗﻮﺣﺸﺘﻲ ﺟﻨﺘﻜﻢ ..
ﻷﻧﻪ ﺍﻟﻜﻼﻡ ﻣﻮﺟﻪ ﺍﻟﻲ ﺷﻠﺖ ﺭﺍﺳﻲ ﻋﻨﻬﺎ
ﻭﺍﺑﺘﺴﻤﺖ
ﻋﻼﻭﻱ ﻣﺎ ﺯﺍﻝ ﻛﺎﻋﺪ ﺑﺤﻀﻨﻲ
ﺿﺎﻳﻔﻮﻧﺎ ﻭ ﻣﺎ ﻳﻘﺒﻞ ﻳﻜﻮﻡ ﻭ ﻛﻌﺪﺕ ﺍﻭﻛﻠﻪ ﺷﺎﻱ ﻭ ﻓﻄﺎﺋﺮ ﺣﻠﻮﺓ ﺑﺎﻟﺴﻤﺴﻢ
ﻳﺎﺳﻤﻴﻦ
- ﺗﻌﺎﻝ ﻋﻼﻭﻱ ﺍﻭﻛﻠﻚ ﺍﻧﻲ
ﻋﻼﻭﻱ - ﻣﺎ
ﻭ ﺣﺮﻙ ﺍﺩﻳﻪ ﻃﺦ ﺍﻳﺪﻱ ﺍﻟﻲ ﺑﻴﻬﺎ ﺻﺤﻦ ﺍﻟﺸﺎﻱ ﺍﺳﻜﺐ ﺍﻟﻪ ﺑﻴﻪ ﻭﺍﺑﺮﺩ ﺣﺘﻰ ﻳﺸﺮﺑﻪ ﺗﺒﺪﻯ ﻋﻠﻰ ﻋﺒﺎﺗﻲ ﻭ ﺍﻧﻮﺏ ﺑﻴﻪ ﺑﺰﺍﺯ ﺟﺮﻙ ( ﻓﻄﺎﺋﺮ ) ﻭﺳﻤﻴﻢ ﻣﻦ ﺣﻠﻜﺔ
ﺍﻡ ﻳﺎﺳﺮ ﺍﻭ ﻣﺮﺕ ﺍﺑﻮﻩ - ﻛﻮﻣﻲ ﺧﺎﻟﻪ ﻏﺴﻠﻲ ﺷﺴﻮﻳﺖ ﺑﺨﺎﻟﺘﻚ ﻋﻼﻭﻱ ﺍﻟﻮﻛﺢ
ﺍﻣﻲ - ﻭﻛﺢ ﻣﺎ ﺗﻬﺪﺃ ﺑﻜﻌﺪﺗﻚ
ﺷﻬﺪ
- ﻛﻮﻣﻲ ﻏﺴﻠﻲ ﺯﻧﻮﺑﺔ
ﻳﺎﺳﻤﻴﻦ ﻭﻛﻔﺘﻠﻲ ﻭ ﻛﻤﺖ ﻭﻳﺎﻫﺎ ﻟﻠﻤﻐﺴﻠﺔ ﺑﻨﻬﺎﻳﺔ ﺍﻟﻤﻤﺮ
ﻃﻠﻌﻨﺎ ﻣﻦ ﺍﻟﻐﺮﻓﺔ ﻟﻠﻬﻮﻝ ﻭﻛﻔﺖ ﺍﻏﺴﻞ ﺍﺩﻳﺔ
ﻳﺎﺳﺮ - ﺗﻌﺎﻟﻮ ﺍﺧﺬﻭ ﻣﻨﻲ
ﺳﻤﻌﺖ ﺻﻮﺗﻪ ﺑﺎﻟﺤﺪﻳﻘﺔ
ﺭﺍﺣﺘﻠﻪ ﻣﺮﺗﻪ ﺍﻧﻲ ﻇﻠﻴﺖ ﺍﻏﺴﻞ ﺑﺠﺰﺀ ﻣﻦ ﻋﺒﺎﺗﻲ ..
ﺳﺮﻋﺎﻥ ﻣﺎ ﺳﻤﻌﺖ ﺻﻮﺗﻪ ﺑﺎﻟﻬﻮﻝ
ﺍﺭﺗﺒﻜﺖ ﺍﺷﻠﻮﻥ ﺍﻋﺒﺮ ﻭﺣﺪﻱ ﻭﻳﻦ ﺭﺍﺣﺖ ﻣﺮﺗﻪ ﺍﻭﻭﻭﻑ
ﻣﻮ ﺧﻮﺵ ﺳﺎﻟﻔﺔ ﺍﻃﻠﻊ ﻟﻠﺤﺪﻳﻘﺔ ﻭﺍﻋﺒﺮ ﻣﻦ ﻣﻤﺮ ﻟﻠﻤﻄﺒﺦ
ﻳﻮﻩ ﻋﻴﺐ ﺍﻓﺘﺮ ﺑﺒﻴﺘﻬﻢ ﺑﺎﻟﻠﻪ ﺷﺎﻓﻮﻧﻲ
ﻭﻫﺴﺔ ﺍﺷﻠﻮﻥ
ﻇﻠﻴﺖ ﻭﺍﻛﻔﻪ ﺑﻤﻜﺎﻧﻲ ﻣﺘﻮﺭﻃﺔ ﻭﺧﺠﻠﻲ ﺍﻟﺰﺍﻳﺪ ﻋﻦ ﺣﺪﻩ ﺣﻨﻄﻨﻲ ﺑﻤﻜﺎﻧﻲ
ﺍﺻﻴﺢ ﻣﺮﺗﻀﻰ؟
ﺑﺎﺏ ﺍﻻﺳﺘﻘﺒﺎﻝ ﻳﻤﻲ ﺑﺲ ﻭﺍﻟﻠﻪ ﻋﻴﺐ ﺧﻠﻴﻞ ﺍﻛﻴﺪ ﺟﻮﺓ ﺍﻧﺘﻈﺮ ﻳﺎﺳﺮ ﺑﻠﻜﻲ ﻳﻄﻠﻊ ﻣﻦ ﺍﻟﻬﻮﻝ
ﻳﺎﺳﺮ - ﺗﻌﺎﻟﻮ ﺧﻠﻴﻞ ﻣﺮﺗﻀﻰ ﺷﺒﺎﺏ ﺑﺎﻟﻬﻮﻝ
ﺧﻠﻴﻞ - ﺟﺒﺘﻠﻲ ﺍﻟﻌﻼﺝ
- ﺍﻱ ﺗﻌﺎﻟﻮ ﺍﻫﻨﺎ ﺍﺩﻓﺊ
ﻳﻼ ﺍﻧﺘﻈﺮﻫﻢ ﻳﺮﺣﻮﻥ ﻟﻠﻬﻮﻝ ﻭﺍﻧﻲ ﺍﺩﺧﻞ ﻟﻼﺳﺘﻘﺒﺎﻝ ﻭﺍﻃﻠﻊ ﻣﻦ ﺑﺎﺑﻪ ﺍﻟﺜﺎﻧﻲ ﻭﺍﺩﺧﻞ ﻟﻠﻐﺮﻓﺔ ﻫﺎﻱ ﺍﻟﺜﻮﻟﺔ ﻧﺴﺘﻨﻲ
ﺳﻤﻌﺖ ﺻﻮﺗﻬﻢ ﺑﺎﻟﻬﻮﻝ ﻭﺩﺧﻠﺖ ﻟﻸﺳﺘﻘﺒﺎﻝ ﺷﻔﺖ ﻣﻼﺑﺲ ﻋﻠﻰ ﺍﻟﻘﻨﻔﺎﺕ ﻣﺸﻤﺮﺓ ﻭ ﻧﻔﺎﺿﺔ ﻣﺘﺮﻭﺳﺔ ﺟﻜﺎﻳﺮ ﺍﻛﻮﻝ ﻳﺎﺳﺮ ﻟﻴﺶ ﻃﻠﻌﻬﻢ ﺍﻟﻈﺎﻫﺮ ﺧﻠﻴﻞ ﻛﺎﻋﺪ ﺑﻴﻪ ﻭ ﻇﺎﻝ ﻣﺤﺪ ﻣﻨﻀﻔﻪ ﺑﺴﺒﺒﻪ
ﻭﺍﻧﻲ ﺍﻣﺸﻲ ﻭ ﺍﺳﺘﻨﺘﺞ ﺩﺧﻞ ﺧﻠﻴﻞ ﻭﺍﺳﺘﻘﺒﺎﻟﻬﻢ ﺷﻜﺒﺮﺓ ﻭﺍﺻﻠﺔ ﻟﻨﺼﻔﻪ
ﺻﺮﻧﺎ ﻣﻘﺎﺑﻴﻞ ﺑﻌﺾ ،ﻟﺰﻣﺖ ﺧﻴﻮﻁ ﺧﺠﻠﻲ ﺑﺎﻟﻘﻮﺓ
ﻭﻃﻠﻊ ﺻﻮﺗﻲ ﻣﺮﺗﺞ ﻣﻨﻲ
- ﺍﻟﺴﻼﻡ ﻋﻠﻴﻜﻢ
ﺭﻓﻌﺖ ﻋﻴﻨﻲ ﺍﻟﻤﺘﻮﺗﺮﺓ ﻭﺍﻟﻤﺘﺮﺩﺩﺓ
ﺷﻔﺘﻪ ﻳﺒﺎﻭﻉ ﺍﻟﻲ ﺑﺬﺑﻮﻝ
ﻋﻴﻮﻧﻪ ﺷﻤﺲ ﻣﻐﻴﻢ ﺿﻮﺍﻫﺎ ﺷﺎﺣﺐ
ﻋﻜﺲ ﺍﻟﺴﺎﺑﻖ
- ﻭﻋﻠﻴﻜﻢ
!- ﺍﻟﺒﻘﻴﺔ ﺑﺤﻴﺎﺗﻚ ﻭﻋﻈﻢ ﺍﻟﻠﻪ ﺍﺟﺮﻙ
ﺻﻮﺗﻲ ﺷﺒﻪ ﻫﺎﻣﺲ
- ﺳﻌﻴﻚ ﻣﺸﻜﻮﺭ
ﺍﻧﺤﻨﻰ ﻭﺍﺧﺬ ﺑﺎﻛﻴﺖ ﺟﻜﺎﻳﺮﺓ ﻭﺗﻠﻴﻔﻮﻧﻪ ﻭﺍﻧﻲ ﺭﺟﻠﻴﺔ ﺍﻧﺸﻠﺖ ﻛﺎﻥ ﻻﺑﺲ ﺳﻴﺖ ﺑﻴﺘﻲ ﻭ ﺷﻌﺮﺓ ﺷﺎﺩﺓ ﻟﻠﺨﻠﻒ ﻭ ﺷﺒﻪ ﻇﻼﻝ ﻟﺤﻴﺔ ﻭﺷﻮﺍﺭﺏ ﻣﺨﻴﻤﺔ ﻋﻠﻰ ﻭﺟﻪ
ﺭﻓﻊ ﺭﺍﺳﻪ ﻭﻛﺎﻧﻪ ﺍﺳﺘﻐﺮﺏ ﺍﻧﻈﺎﺭﻱ ﻋﻠﻴﻪ
ﺑﺴﺮﻋﺔ ﺍﻟﻄﻴﻒ ﺍﺧﺘﻔﻰ ﻃﺎﻟﻊ !
ﺍﻟﻐﺮﻳﺐ ﺗﻮﻧﻲ ﺗﺬﻛﺮﺕ ﺍﻧﻔﺎﺳﻲ ﻟﻴﺶ ﻛﺎﺑﺘﺘﻬﻢ ﺑﺪﺧﻠﺘﻪ ؟ ﺟﺮﻳﺖ ﺍﻧﻔﺎﺳﻲ ﻣﺜﻞ ﺍﻟﻐﺮﻳﻖ ﺍﻟﻲ ﺍﻧﻬﺎﺭ ﻋﻠﻰ ﺑﺮ ﺍﻻﻣﺎﻥ ﺑﻌﺪ ﻣﺎ ﺍﺭﺗﻄﻢ ﺑﺄﻣﻮﺍﺝ ....
ﻛﻌﺪﺕ ﻳﻢ ﺍﻣﻲ ﻭﺍﻧﻲ ﺣﺎﺳﺔ ﺑﻐﻼﻟﺔ ﺣﺰﻥ ﻋﻠﻴﻪ ﻛﻨﺖ ﻣﺘﻮﻗﻌﺘﻪ ﺍﻗﻮﺓ ﺍﻭ ﺍﻗﻞ ﺍﺣﺴﺎﺱ، ﻣﺸﺎﻋﺮﺓ ﻫﻮﺍﺋﻴﺔ ﺍﻧﻔﻌﺎﻟﻲ ﺗﺨﻒ ﺑﻤﺮﻭﺭ ﺍﻟﻤﻮﻗﻒ ﻏﺎﻟﺒﺎ ﺍﻟﺮﺟﺎﻝ ﺍﻟﻲ ﻳﺘﻀﺢ ﻋﻠﻴﻬﺎ ﺍﻟﺤﺰﻥ ﺑﻬﺬﺍ ﺍﻟﺸﻜﻞ ﺍﻟﻤﺰﺭﻱ ﺑﺤﻴﺚ ﻫﺮﺏ ﻣﻨﻲ ﻛﺎﺭﻩ ﻧﻈﺮﺍﺕ ﻋﻄﻔﻲ ﻣﺎ ﺃﺳﺘﻐﻠﻪ ! ﻳﻜﻮﻥ ﺍﺻﺪﻕ ﻭﺍﻋﻤﻖ ﻋﻮﺍﻃﻔﻪ ﻣﻦ ﻏﻴﺮﻩ
- ﻳﻼ ﺍﺣﻨﻪ ﻧﺮﻓﻊ ﺍﻟﺰﺣﻤﺔ
ﺟﻤﻠﺔ ﺍﻣﻲ ﻗﻄﻌﺖ ﺣﺪﻳﺚ ﺍﻓﻜﺎﺭﻱ ﻭ ﻃﻠﻌﺘﻨﺎ ﻣﻦ ﺑﻴﺘﻬﻢ
ﺑﻌﺪ ﺃﻳﺎﻡ ..
ﻃﻠﻌﺖ ﻣﻊ ﻭﺍﻟﺪﻱ ﺑﺴﻴﺎﺭﺗﻪ ﺍﺩﻳﺔ ﺑﺠﻴﻮﺏ ﺗﺮﻭﺍﻛﺘﻲ ﺍﻟﺤﻴﺎﻛﺔ ﺍﻟﻲ ﻣﺪﻓﻴﻪ ﺑﻴﻪ ﺟﺴﺪﻱ
ﻣﺮﻳﻨﺎ ﺑﺄﻡ ﻣﺤﻤﻮﺩ ﻭﻣﻨﺎﻙ ﻟﻨﻮﺭ ...
ﻣﻦ ﻧﺰﻟﻨﺎ ﻓﺎﺗﺤﺘﻨﻲ ﺍﻡ ﻣﺤﻤﻮﺩ
- ﺧﺠﻼﻧﻴﻦ ﻣﻦ ﻭﺍﻟﺪﺝ ﺍﻛﻠﺞ ﺻﺎﺭﻟﻨﺎ ١٤ ﻳﻮﻡ ﻳﻮﺻﻠﻨﺎ ﺻﺤﻴﺢ ﻣﺎ ﻧﺮﺟﻊ ﻭﻳﺎﻩ ﺑﺲ ﻫﻢ ﺟﺎﻱ ﻳﻮﺻﻠﻨﺎ ﻭﻳﺘﻌﺐ
ﺍﺑﺘﺴﻤﺖ
- ﻻ ﻳﻤﻌﻮﺩﻩ ﺑﻜﻞ ﺍﻻﺣﻮﺍﻝ ﻫﻮ ﻳﻮﺻﻠﻨﻲ
ﻧﻮﺭ
- ﻣﻴﺨﺎﻟﻒ ﺍﺣﻨﻪ ﻧﺨﺠﻞ ﻫﻴﺞ ﻛﻼﻓﺔ
- ﻣﺎﻛﻮ ﻛﻼﻓﺔ ﺍﻧﺘﻢ ﻟﻮ ﻣﻮ ﻋﻠﻰ ﻃﺮﻳﻘﻨﺎ ﺍﻧﻲ ﻣﺎ ﺍﻛﻮﻟﻪ ﺻﺤﻴﺢ ﻳﺘﻌﺐ ﺑﺲ ﺍﺣﻨﻪ ﻣﺎ ﺗﻌﺒﺎﻧﻴﻦ ﺑﻜﻞ ﺍﻻﺣﻮﺍﻝ
ﻧﻮﺭ - ﺍﺷﻮﻛﺖ ﺧﻠﻴﻞ ﻳﺮﺟﻊ ؟
- ﻣﺎ ﺍﺩﺭﻱ
ﺍﺧﺘﺼﺮﺕ ﺍﻟﺤﺪﻳﺚ ﻭﺭﺣﺖ ﻟﻠﻤﻐﺎﺳﻞ ﺭﺗﺒﺖ ﺣﺠﺎﺑﻲ ﻭﻋﺪﻟﺖ ﻋﺒﺎﺗﻲ ﻭ ﺭﺣﺖ ﻟﺮﻭﺗﻴﻨﻲ ﺍﻟﻤﻌﺘﺎﺩ
ﺑﻴﻮﻣﻬﺎ ﺑﻴﻦ ﺍﻟﻤﺤﺎﺿﺮﺍﺕ ﻓﺎﺗﺤﺘﻨﻲ ﺍﻡ ﻣﺤﻤﻮﺩ ﺟﺎﻳﻬﺎ ﻃﺎﻟﺐ ﻣﻦ ﺍﻟﻤﺮﺣﻠﺔ ﺍﻟﺜﺎﻟﺜﺔ ﻭﻳﺎﻱ
ﻳﺮﻳﺪ ﻳﺨﻄﺐ ﻭﻳﺸﻮﻑ ﺍﻣﻮﺭﻱ ﻣﻦ ﺧﻼﻝ ﺍﻡ ﻣﺤﻤﻮﺩ ...
ﺭﺣﺖ ﻛﻠﺖ ﻻﻣﻲ ﻛﺎﻟﺖ ﻋﺎﺩﻱ ﺑﺲ ﻳﺮﺳﻞ ﻧﺴﻮﺍﻧﻬﻢ ﻭﻧﺸﻮﻓﻬﻢ ﻭﻧﺴﺄﻝ ﻋﻨﻬﻢ ﺑﺲ ﻛﻮﻥ ﻋﻨﺪﻩ ﺩﺧﻞ ﻣﻮ ﻃﺎﻟﺐ
ﺣﺴﺐ ﻣﻌﻠﻮﻣﺎﺗﻲ ﻣﻦ ﺍﻡ ﻣﺤﻤﻮﺩ ﻫﻮ ﻣﻮﻇﻒ ﺍﻏﻠﺐ ﺍﻟﺮﺟﺎﻝ ﺍﻟﻲ ﻭﻳﺎﻧﻪ ﺑﺎﻟﻤﺴﺎﺋﻲ ﺭﻓﻊ ﻣﻦ ﻣﺴﺘﻮﻯ ﺍﻟﺸﻬﺎﺩﺓ ﻷﺟﻞ ﺍﻟﺮﺍﺗﺐ
ﺍﻣﺎ ﺍﻧﻲ ﺷﺎﻳﻔﺘﻪ ﺷﻜﻠﻪ ﻣﺮﻳﺢ ﻟﻠﻨﻔﺲ ﻣﺎ ﻧﺎﻓﻴﺔ ﻣﻮﺿﻮﻉ ﺍﻟﺰﻭﺍﺝ ﻋﻤﺮﻱ ٢٤ ﺳﻨﺔ ﻭﺍﻟﺒﻌﻴﺪ ﻋﻦ ﺍﻟﻘﻠﺐ ﺑﻌﻴﺪ ﻋﻦ ﺍﻟﻌﻴﻦ ﻳﻤﻜﻦ ﻣﺸﺎﻋﺮﻱ ﻛﺎﻧﺖ ﻣﺘﻔﺎﻋﻞ ﻭﻳﻪ ﺧﻠﻴﻞ
ﺍﻭﻝ ﻣﺮﺓ ﺍﺣﺪ ﻳﺘﻠﻬﻒ ﻟﻘﻠﺒﻲ ﻭﻫﺬﺍ ﺷﻲ ﻃﺒﻴﻌﻲ ﺍﻋﺘﻘﺪ ﺃﻧﻌﺠﺐ ﺑﻴﻪ ﺑﺪﺍﺧﻠﻲ ﺣﺘﻰ ﻟﻮ ﻭﺍﺿﺤﺔ ﺭﻓﻀﻲ ...
ﻭﺍﻓﻘﺖ ﻭﺻﺎﺭﺕ ﻛﻌﺪﺓ ﺍﻟﻨﺴﻮﺍﻥ ﻭﺍﺭﺗﺎﺣﻦ ﺍﻟﻲ ﻭﺍﺣﻨﻪ ﺑﺎﻟﻤﻘﺎﺑﻞ ﻫﻢ . ﺷﻐﻠﺔ ﻣﺮﺿﻲ ﻣﺎ ﺟﺒﺖ ﻃﺎﺭﻳﻬﺎ ﻻﻧﻲ ﺷﻔﻴﺖ ﺑﻌﺪ ﺳﻨﺘﻴﻦ ..
ﻣﺮﺗﻀﻰ ﻛﺎﻝ ﻧﺴﺄﻝ ﻋﻨﻬﻢ ﻭﻧﺸﻮﻑ
ﻭﻇﻠﻮ ﺗﻼﺙ ﺍﻳﺎﻡ ﻳﺴﺄﻟﻮﻥ ﻣﺎ ﺍﻛﺘﻔﻮ ﺍﺑﻮ ﻣﺼﻄﻔﻰ ﻫﻢ ﺍﺷﺘﻐﻞ ﻭﻳﺎﻫﻢ ﺗﺤﺮﻱ ﻋﻦ ﺍﻟﻮﻟﺪ ﻭﺍﻫﻠﺔ
ﺍﻟﺼﻮﺑﺔ ﺍﻟﻨﻔﻄﻴﺔ ﻣﺸﺘﻐﻠﺔ ﻭ ﻋﻠﻴﻬﺎ ﺟﺪﺭ ﻟﺒﻠﺒﻲ ﻭ ﺍﻧﻲ ﻻﺑﺴﺔ ﺣﻔﺎﻳﺎﺕ ( ﺟﻮﺍﺭﻳﺐ ﺷﺘﻮﻳﺔ ﺻﻮﻓﻴﺔ )
ﻭ ﺣﺎﻃﺔ ﺭﺟﻠﻴﺔ ﻳﻢ ﺍﻟﺼﻮﺑﺔ ﻭﺍﻟﻬﻮﻝ ﺍﺭﺍﺟﻊ ﺑﻌﺪ ﺍﻟﻌﺸﺎ ﻭ ﺍﻟﻮﻟﺪ ﺑﻐﺮﻓﻬﻢ ﻭ ﺑﺎﺑﺎ ﺑﻐﺮﻓﺘﻪ ﻭﺻﺎﺡ ﻷﻣﻲ ﺭﺍﺣﺖ ﻳﻤﻪ ﻗﺒﻞ ﺍﺷﻮﻳﺔ
ﺭﻗﻴﺔ ﻳﻤﻲ ﻭ ﺗﻼﻋﺐ ﺑﻌﻼﻭﻱ ( ﺍﻟﻲ ﻓﺎﺕ ﺛﻼﺙ ﺍﺳﺎﺑﻴﻊ ﻣﺎ ﻭﺩﺗﻪ ﻷﺑﻮﻩ ﻭ ﺑﺎﺑﺎ ﺑﻨﻔﺴﺔ ﺍﺗﺼﻞ ﺍﻋﺘﺬﺭ ﻟﻴﺎﺳﺮ ﻭﺷﺮﺡ ﺍﻟﻪ ﺣﺎﻟﺘﻬﺎ ﻭﻣﺨﺎﻭﻓﻬﺎ ﻋﻠﻴﻪ ﺍﺧﺬﻩ ﺑﺲ ﻧﺺ ﻳﻮﻡ ﻭﺭﺟﻌﺔ ﻣﺮﺍﻋﻲ ﻭﺿﻊ ﺍﻣﻪ ﻭ ﺍﻓﻜﺎﺭﻫﺎ )
ﺍﺟﺖ ﻣﺎﻣﺎ ﻳﻤﻨﺎ
- ﺍﻭﻭﻩ ﺍﻟﻴﻮﻡ ﺣﻴﻞ ﺑﺎﺭﺩﺓ
ﺗﺪﻓﻲ ﺍﺩﻳﻬﺎ
ﻛﻠﺖ ﺑﻐﺒﺎﺀ - ﺍﻛﻮ ﻭﺍﺣﺪ ﻳﺴﺒﺢ ﻫﺴﺔ
ﺿﺮﺑﺘﻨﻲ ﺭﻗﻴﺔ ﻋﻠﻰ ﻣﺘﻨﻲ
- ﺷﻊ ﺷﻌﻠﻴﺞ ﺷﻌﻠﻴﺞ ﺍﻧﺖ ﻫﺎ ﻫﺎ ﻋﻴﺐ
ﺧﺪﻭﺩﻱ ﺻﺎﺭﺕ ﻭﺭﺩﻳﺔ ﻣﻜﻨﺖ ﻗﺎﺻﺪﺓ ﺷﻲ ﻧﺴﻴﺖ
ﻣﺎﻣﺎ ﻛﻌﺪﺕ ﺍﺧﺬﺕ ﻋﻼﻭﻱ ﺗﻼﻋﺒﺔ ﻭﺷﻌﺮﻫﺎ ﻣﺎ ﺯﺍﻝ ﺭﻃﺐ
ﺭﻥ ﺗﻠﻴﻔﻮﻧﻲ
- ﻫﻤﻢ ﺷﻬﻮﺩﺓ ﺍﺷﻠﻮﻧﺞ ﺣﺒﻴﺒﺘﻲ
- ﻟﺞ ﺯﻳﻨﺐ ﺍﻧﺨﻄﺒﺘﻲ
ﻛﺎﻟﺘﻬﺎ ﺑﺼﻮﺕ ﻣﺮﻋﻮﺏ ﻳﻜﻠﻚ ﺳﺎﻣﻌﻪ ﺧﺒﺮ ﻣﺮﻋﺐ ﺩﺍ ﺗﺘﺄﻛﺪ ﻣﻨﻪ
- ﺍﺣﺠﻲ ﺧﻠﻴﻞ ﺍﺗﺼﻞ ﮔﺎﻟﺐ ﺍﻟﺠﻮ ﻋﻠﻴﻪ
- ﺍﻟﻠﻪ ﻳﺒﺎﺭﻙ ﺑﻴﺞ
ﺍﺑﺘﺴﻤﺖ ﺑﻐﺒﺎﺀ ﻣﺮﻳﺪ ﺍﻫﻠﻲ ﻳﺤﺴﻮﻥ ﻭ ﺭﺣﺖ ﻟﻐﺮﻓﺘﻲ ﺍﻫﺮﻭﻝ
ﻛﻠﺖ ﻭﺍﻧﻲ ﺍﺳﺪ ﺍﻟﺒﺎﺏ
- ﺍﺷﺒﻴﺞ ﻟﻴﺶ ﻛﻠﺘﻲ ﻟﺨﻠﻴﻞ ﺻﺪﻙ ﺗﺤﺠﻴﻦ ﺷﻬﺪ ﻫﻮ ﺍﺻﻼ ﺷﻨﻮ ﻋﻼﻗﺘﻪ
- ﻣﺎ ﻛﻠﺖ ﺷﻲ ﻭﻣﺎ ﺩﺧﻠﺖ ﻭﻻ ﺷﻠﺖ ﺍﻳﺪﻱ ﺑﻌﺪ ﺍﺻﻼ
ﻫﻮ ﺍﻟﻲ ﺍﺗﺼﻞ ﻋﺎﺭﻑ ﻛﻠﺸﻲ ﻭﻳﻌﻴﻂ ﻋﻠﻴﻪ ﻻﻥ ﻣﺎ ﻛﻠﺖ ﺍﻟﻪ
ﺳﻜﺘﺖ ﺣﺎﻳﺮﺓ ﺑﻴﻪ
- ﺯﻳﻨﺐ ﺍﻧﻲ ﻣﻌﻠﻴﻪ ﻻ ﻛﻮﻟﺖ ﺍﻟﻪ ﻭﻣﻌﻠﻴﺔ ﺑﺒﺎﺟﺮ ﻭﻻ ﺏ ﺍﻟﻲ ﺭﺍﺡ ﻳﺼﻴﺮ
ﺷﻨﻮ ﺍﻟﻲ ﻳﺼﻴﺮ ﺷﻬﺪ ﺍﺷﺒﻴﺞ
- ﻫﻮ ﺭﺍﺡ ﻳﺮﺟﻊ ﻳﺒﺎﺷﺮ ﻭﻳﺎﻛﻢ ﻭﺍﻧﻲ ﻣﻌﻠﻴﻪ ﺣﺘﻰ ﻛﺎﻟﻲ ﺍﻛﻮﻝ ﻟﻤﺮﺗﻀﻰ ﺟﺎﻭﺑﺘﻪ " ﻣﻌﻠﻴﻪ ﺑﻴﻪ ﻭﻣﺎ ﺭﺍﺿﻴﺔ ﻋﻦ ﺗﺪﺧﻠﺔ ﺑﻴﺞ "
ﺑﺲ ﻫﻮ ﻛﺎﻝ ﻫﻮ ﻳﺘﺼﻞ ﺑﻤﺮﺗﻀﻰ ﻭﻳﺮﺟﻊ
- ﻻ ﻋﻔﻴﺔ ﺍﺻﺮﻓﻲ ﺷﻬﺪ
- ﺯﻳﻨﺐ ﻟﻴﺶ ﺧﻠﻴﺘﻨﺎ ﺑﻬﺬﺍ ﺍﻟﻤﻮﻗﻒ
- ﻳﺎ ﻣﻮﻗﻒ ﺷﻬﺪ
- ﻣﻦ ﻛﻠﺖ ﺍﻟﻪ ﺍﻟﺒﻨﻴﺔ ﻣﺎ ﺗﺮﻳﺪﻙ ﻭﻋﻮﻓﻬﺎ
ﻛﺎﻝ " ﻫﻲ ﺍﻧﻄﺘﻨﻲ ﻛﻠﻤﺔ ﻭ ﻣﻮﺍﻓﻘﻪ ﻟﻴﺶ ﻏﻴﺮﺕ "
- ﺍﻧﻲ ! ؟
- ﺷﻨﻮ ﻟﻌﺪ
- ﻣﺎ ﺍﻧﻄﻴﺘﻪ ﺍﻱ ﺷﻲ ﺍﻭ ﺍﻣﻞ ﺷﻬﺪ ﺻﺪﻛﻴﻨﻲ ﻭﻫﻮ ﺍﺗﻮﻓﻰ ﺍﺑﻮﻩ ﻭﺍﺧﺘﻔﻰ ﺑﻌﺪ ﻉ ﺑﺎﻟﻲ ﺭﺍﺡ
- ﺍﻭﻭﻑ ﺑﺎﺟﺮ ﻳﺠﻴﺞ ﺍﺷﻠﻮﻥ ﻭﺭﻃﻪ ﻫﺎﻱ ﺍﻧﻮﺏ ﻣﻌﺼﺐ
- ﻻ ﻋﻔﻴﺔ ﺍﺗﺼﻠﻲ ﺑﻴﻪ ﻓﻬﻤﻴﺔ ﻭﻫﺪﻳﺔ ﻻ ﻳﺠﻲ ﻋﻔﻴﻪ
ﺳﺪﻳﺖ ﺍﻻﺗﺼﺎﻝ ﻭﻳﺔ ﺷﻬﺪ ﻭﺭﻛﺒﻲ ﺳﺎﺣﺖ
ﺍﺟﺘﻨﻲ ﺭﺳﺎﻟﺔ ﻣﺎﺳﻨﺠﺮ ﺑﻌﺪﻧﻲ ﻣﺎ ﻛﺎﻋﺪﻩ ﻋﻠﻰ ﺳﺮﻳﺮﻱ
ﻣﺮﺗﻀﻰ " ﺯﻧﻮﺑﺔ ﺑﺎﺟﺮ ﻳﺮﺟﻊ ﺧﻠﻴﻞ ﺑﻠﻐﻲ ﺻﺪﻳﻘﺎﺗﺞ "
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﺭﺟﻒ
- ﻳﺎ ﺭﺑﻲ
ﺷﺴﻮﻱ
ﺷﺴﻮﻱ
ﻇﻠﻴﺖ ﺍﻓﺘﺮ ﺑﺎﻟﻐﺮﻓﺔ ﻭﺣﺎﻳﺮﺓ ﺷﺴﻮﻱ
ﻓﺎﻃﻤﺔ ﺍﻱ ﻓﺎﻃﻤﺔ
ﺍﺗﺼﻠﺖ ﺑﻴﻬﺎ ﻣﺎ ﺭﺩﺕ
ﻳﻮﻭﻭﻩ
ﺭﺩﺕ ﺭﺳﺎﻟﺔ
- ﻣﺤﻤﺪ ﻳﻤﻲ
- ﻋﻔﻴﺔ ﺭﺳﺎﻳﻞ
- ﻣﻔﺎﺭﻏﻪ ﺯﻧﻮﺑﺔ ﻫﺴﺔ
ﺍﻭﻭﻩ ﻳﺎﺭﺑﻲ ...
ﺍﺷﻠﻮﻥ ﺑﻴﻪ
ﺩﺧﻠﺖ ﺍﻣﻲ
ﻣﻦ ﺧﻮﻓﻲ ﻉ ﺑﺎﻟﻲ ﺗﻌﺮﻑ ﻛﻠﺸﻲ ﻭﺭﺍﺡ ﺗﻀﺮﺑﻨﻲ ..
- ﺣﺒﻴﺒﺘﻲ ﺍﻧﺖ ﻛﺒﺮﺗﻲ ﻭﻋﻠﻰ ﻭﺟﻪ ﺯﻭﺍﺝ ﻣﺎ ﺍﺭﻳﺪﺝ ﺍﻇﻠﻴﻦ ﻏﺸﻴﻤﺔ ﻫﻴﺞ
ﺩﺧﻠﺖ ﻭ ﺳﺪﺕ ﺍﻟﺒﺎﺏ
ﺍﺗﻌﻠﻤﻨﻲ ﺍﻣﻮﺭ ﺑﻌﺪ ﺍﻟﺰﻭﺍﺝ ﻭﻫﺎﻱ ﺍﻟﺴﻮﺍﻟﻒ
ﻭﻓﺴﺮﺕ ﻧﻈﺮﺍﻧﻲ ﺧﺠﻞ ﻣﻨﻬﺎ ﻭﺍﻧﻲ ﺍﻟﺨﻮﻑ ﻣﻦ ﻣﻮﺍﺟﻬﺔ ﺧﻠﻴﻞ ﻳﻨﻬﺶ ﻋﻈﺎﻣﻲ ..
ﻃﻠﻌﺖ ﺍﻣﻲ ﻭﻛﻠﻪ ﻣﻦ ﺭﻗﻴﺔ ﻭﺿﺤﻜﻬﺎ ﻋﻠﻴﻪ ﺧﻠﺖ ﺍﻣﻲ ﺗﻌﻠﻤﻨﻲ
ﻭﻛﻔﺖ ﺍﻣﺎﻡ ﺍﻟﻤﺮﺍﻳﺔ
- ﺯﻧﻮﺑﺔ ﺍﻧﺖ ﻗﻮﻳﺔ ﺑﻨﺖ ﺍﻟﺸﻴﺦ ﺍﻟﻲ ﺗﺨﻮﻓﻴﻦ
ﻛﻠﻬﺎ ﺗﻜﻮﻝ ﺷﻜﻠﺞ ﻫﻴﺒﺔ ﻭ ﺍﻟﺞ ﺣﻀﻮﺭ ﻻ ﺗﺨﺎﻓﻴﻦ ﻣﻨﻪ
ﺍﻧﺖ ﻣﺎ ﻭﻋﺪﺗﻴﻪ ﻭﻻ ﻋﻨﺪﺝ ﻋﻼﻗﻪ ﺑﻴﻪ ﻭﻻ ﺍﻧﻄﻴﺘﻴﻪ ﻣﺠﺎﻝ ﺑﻌﺪ ﺷﻜﻮ ﻻ ﻣﺬﻧﺒﺔ ﺍﻧﻲ ﻭﻻ ﻫﺎﻱ
ﺍﺗﻘﺪﻡ ﻭﺭﻓﻀﺖ ﻣﺎﻟﻪ ﺷﻲ ﻳﻤﻲ ﻭﺑﺎﺟﺮ ﻫﻴﺞ ﺧﻠﻴﺞ ﻭﻳﺎﻩ ﺟﺪﻳﺔ ﻣﺎﻛﻮ ﺧﻮﻑ ﻭﻻ ﺗﻮﺗﺮ ﻭﻻ ﺗﻨﻄﻴﻪ ﻣﺠﺎﻝ ﺍﻭﻛﻲ
ﺭﻓﻌﺖ ﺗﻚ ﺣﺎﺟﺐ ﻭﻛﻠﺖ ﻟﻨﻔﺴﻲ
ﻭﺍﺟﻬﻲ ﻭﻻﺗﺨﺎﻓﻲ ﻋﺰﻳﺰﺗﻲ
ﺻﻮﺗﻪ ﺍﻟﺨﺸﻦ ﻣﺠﺮﺩ ﺍﺧﺘﻼﻑ ﺟﻴﻨﺎﺕ ﻻ ﺍﻛﺜﺮ ﺍﻧﺖ ﺍﻗﻮﻯ ﻣﻦ ﻫﻴﺞ ﻣﻮﻗﻒ ﺑﺴﻴﻂ
ﺭﺣﺖ ﻟﻔﺮﺍﺷﻲ ﺍﻧﻄﺮﺣﺖ ﻭﺍﻧﻌﻔﺺ ﻭﺟﻬﻲ
- ﻳﻤﺔ ﺷﻴﺨﻠﺼﻨﻲ ﻣﻦ ﺑﺎﺟﺮ
ﺍﺍﺍﺥ ﻳﺎ ﺭﺑﻲ ﺍﻧﻮﺏ ﻣﻠﻬﻮﻓﺔ ﻋﻠﻴﻪ !ﺳﻮﻫﺎ ﺻﺪﻙ ﻫﺎﻟﺨﻠﻴﻞ ﻭﺧﻼﻧﻲ ﺍﻧﺸﻐﻞ ﺧﻮﻑ ﻭﺍﻓﻜﺮ ﺑﻴﻪ ﻭﺳﻬﺮﻧﻲ ﻟﻴﻠﻲ
ﺍﻧﻮﺏ ﻋﻨﺪﻱ ﺍﻣﺘﺤﺎﻥ ﻻ ﺍﻛﺪﺭ ﺍﺗﻐﻴﺐ ﻭ ﺍﻟﻬﺮﻭﺏ ﻣﺎ ﻳﻔﻴﺪ ﻭﺭﺍﻳﺔ ﻭﺭﺍﻳﺔ
ﻣﻌﺪﺗﻲ ﻣﺘﻘﻠﺼﺔ ﻭﺗﻮﺟﻌﻨﻲ ﻭﮔﻠﺒﻲ ﻳﺪﻙ ﺑﺨﻮﻑ ﻭﻗﻠﻖ ﻭﻋﺎﺻﻔﺔ ﻣﺨﻔﻴﺔ ﺑﺪﺍﺧﻠﻲ ﻧﻔﺲ ﻣﺎ ﻛﻌﺪﺕ ﻛﻤﺖ ﻣﺎ ﺣﻄﻴﺖ ﻟﮕﻤﺔ ﺑﺤﻠﻜﻲ ﻭﺍﻣﻲ ﻇﻠﺖ ﺗﺤﺠﻲ ﻋﻠﻴﻪ .
ﻣﻊ ﻫﺬﺍ ﻇﻠﻴﺖ ﻛﺎﻋﺪﺓ ﺑﺎﻟﻬﻮﻝ ﻭﻫﻮ ﻣﺮﻣﺶ ﻋﻠﻰ ﻣﺮﺗﻀﻰ ﻭﻛﻠﺴﺎﻉ ﻳﻤﺮ ﻣﻦ ﻳﻤﻲ ﻳﻜﻠﻲ ﻭﺻﻞ ﺍﻃﻠﻌﻲ ...
ﺍﺧﺮﻫﺎ ﺭﺍﺩ ﻳﻄﻠﻊ ﻣﺮﺗﻀﻰ ﻟﻠﺪﻭﺍﻡ ﻭﺻﺎﺡ ﺑﻴﻪ
- ﻣﺎ ﺍﻛﻮﻣﻴﻦ ﺻﺎﻟﺒﺔ ﺍﻟﻮﻟﺪ ﻛﻮﻣﻲ ﻓﺎﻫﻴﺔ
ﻛﻤﺖ ﺭﺟﻠﻴﺔ ﺍﻃﻜﻄﻚ ﻭﻳﺔ ﺑﻌﺾ ﻭﺍﻳﺪﻱ ﻣﺎ ﺷﺎﻳﻠﺔ ﺍﻟﺴﺠﻞ ﻭﻛﻊ ﻣﻨﻲ
ﻣﻦ ﻛﺜﺮ ﻣﺎ ﺗﺮﺟﻒ ، ﺷﻠﺘﻪ ﻭﺍﺧﺬﺕ ﺟﻨﻄﺘﻲ ﻭﻃﻠﻌﺖ ﻟﺒﺮﺓ ﺷﻔﺖ ﺍﻟﺴﻴﺎﺭﺓ ﻛﺪﺍﻣﻲ
ﻇﻠﻴﺖ ﺍﻧﻔﺦ ﺍﻧﻔﺎﺳﻲ ﻭﺍﻧﻲ ﺍﺑﺎﻭﻉ ﻟﻨﻬﺎﻳﺔ ﺍﻟﻔﺮﻉ ﺑﺲ ﺍﻭﺻﻠﻬﺎ ﻭﻳﺎﻩ ﻳﺒﺪﻱ ﺍﻟﻌﺘﺎﺏ ﻭﺍﻟﻬﺠﻮﻡ ﻣﻨﻪ ...
ﺑﺎﻭﻋﺖ ﺍﻟﻪ ﺷﻔﺘﻪ ﻛﺎﻋﺪ ﻭﻳﺒﺎﻭﻉ ﻟﻜﺪﺍﻡ
ﻓﺘﺤﺖ ﺍﻟﺒﺎﺏ ﻭ ﻛﻌﺪﺕ . ﺍﻋﺪﻝ ﺑﻌﺒﺎﺗﻲ ﺍﺟﻴﺒﻬﺎ ﻣﻨﺎ ﻭ ﺍﻭﺩﻳﻬﺎ ﻣﻨﻬﺎ ﻭﻫﻮ ﻣﺸﻰ ﺑﻴﻪ
ﺗﻨﻔﺴﺖ ﺑﺮﺍﺣﺔ ﻭﺍﻋﺘﺪﻟﺖ ﺭﻭﺣﻲ ﻣﻦ ﺍﻟﺘﻘﻠﺺ ﻣﻦ ﻗﺮﺑﻨﺎ ﻧﻮﺻﻞ ﻻﻡ ﻣﺤﻤﻮﺩ ﻭﻣﺎ ﺗﻜﻠﻤﻨﺎ .
ﺍﺷﻮ ﺍﺗﻐﻴﺮ ﻣﺴﺎﺭﺓ ﻋﻦ ﺍﻟﺸﺎﺭﻉ ﺍﻟﻌﺎﻡ ﻭ ﺩﺧﻞ ﺑﻔﺮﻉ !
ﻣﺎ ﻓﻬﻤﺖ ﺑﻴﺖ ﺍﻡ ﻣﺤﻤﻮﺩ ﻋﻠﻰ ﺍﻟﺸﺎﺭﻉ ﻭﻃﻠﻊ ﺑﻴﻪ ﻋﻠﻰ ﺷﺎﺭﻉ ﺧﺪﻣﻲ ﻭ ﻭﻛﻒ
ﺍﻫﻨﺎ ﺳﻜﺒﺖ ﻋﺒﺮﺍﺗﻲ ، ﻇﻠﻴﺖ ﺍﺑﻠﻌﻢ
ﻭ ﺍﺗﻔﺎﻫﺖ ﺭﻭﺣﻲ
ﻧﺰﻝ ﻣﻦ ﻣﻜﺎﻧﻪ ﻭﺍﻧﻲ ﺍﺗﺮﻗﺐ ﻟﻜﻞ ﺣﺮﻛﺔ ﻣﻨﻪ ﻧﺰﻝ ﻭﺍﺗﻮﺿﺢ ﺍﻟﻲ ﺷﻜﻠﻪ ﻣﻦ ﺧﻠﻒ ﻛﻨﺖ ﻣﺘﻮﺗﺮﺓ ﺍﺑﺎﻭﻉ ﺍﻟﻪ ﻣﻦ ﻛﺎﻋﺪ ﻛﺪﺍﻣﻲ
ﻗﻤﻴﺺ ﺍﺳﻮﺩ ﻭ ﺷﻌﺮﺓ ﺷﺎﺩﺓ ﺑﻼﺳﺘﻴﻜﻪ ﻭ ﻟﺤﻴﺘﻪ ﺧﻔﻴﻔﺔ ﻃﺎﻟﻌﺔ .
ﺧﻠﺺ ﺟﻜﺎﺭﺗﻪ ﻛﻠﺖ ﺑﺲ ﻳﺮﺟﻊ ﻳﺪﺧﻞ ﺍﻛﻠﻪ ﻟﻴﺶ ﺟﺎﺑﻨﺎ ﻣﻨﺎ ﻭﺍﺭﺟﻌﻪ ﻟﻠﻄﺮﻳﻖ ﺭﺍﺡ ﺍﺗﺄﺧﺮ
ﺍﻟﺘﺎﻑ ﻣﻦ ﺍﻧﺪﺍﺭ ﻭﻣﺎ ﻛﻌﺪ ﺑﻤﻜﺎﻧﻪ ﻭﻓﺘﺢ ﺍﻟﺒﺎﺏ ﺍﻟﻲ ﻳﻤﻲ ﻭﻛﻌﺪ
ﺍﻧﺨﻠﺴﺖ ﺑﻤﻜﺎﻧﻲ ﻣﻦ ﺟﺎﻭﺭﻧﻲ
- ﻣﺒﺮﻭﻙ ...
ﺑﺎﻭﻋﺘﻠﻪ ﺑﺴﺘﻔﺴﺎﺭ ﻟﻬﺠﺘﻪ ﺗﺨﻮﻑ
- ﺧﻠﻲ ...
- ﺳﻤﻌﻨﺎ ﺍﻧﺨﻄﺒﺖ
- ﺑﻌﺪ ﻣﻮ ﺭﺳﻤﻲ
- ﻫﺎﺍﺍ ﺗﺮﺩﻳﻬﺎ ﺍﺻﻴﺮ ﺭﺳﻤﻲ ! ؟
ﻟﻴﺶ ﺟﺬﺑﺘﻲ ﻋﻠﻴﻪ
- ﻧﻌﻢ !
ﺧﻠﻴﻞ ﻻ ..
- ﺍﻧﻲ ﺑﺲ ﻏﺒﺖ ﺟﻢ ﻳﻮﻡ ﺍﻟﻜﺎﺝ ﻣﺨﻄﻮﺑﺔ ﻟﻮ ﻏﺎﻳﺐ ﺷﻬﺮﻳﻦ ﺍﻟﻜﺎﺝ ﻣﺰﻭﺟﻪ ﺑﻴﺖ ﺭﺟﻠﺞ
ﺷﻨﻮ ﻫﺬﺍ ﺍﻟﺤﻆ
- ﺧﻠﻴﻞ ﻛﻠﺸﻲ ﻗﺴﻤﺔ ﻭﻧﺼﻴﺐ ﻭﺍﻧﺖ ﻇﺮﻭﻓﻚ ﻣﺎ ﺗﻨﺎﺳﺒﻨﻲ
- ﻣﺎ ﺗﺤﻤﻠﺘﻲ ﻓﺘﺮﺓ ﻭﺗﻌﺪﻱ
- ﻣﺎ ﺍﺭﻳﺪ ﺍﻃﻮﺧﻬﺎ ﺑﺎﻟﻜﻼﻡ ﻭﻳﺎﻙ ﻭﻻ ﺍﺗﻌﻤﻖ ﻷﻥ ﻣﻦ ﺻﺪﻭﻙ ﻣﺎﻛﻮ ﺷﻲ ﺑﻴﻨﺎ
ﻻ ﺗﺤﺴﺴﻨﻲ ﺍﻧﻲ ﻭﻳﺎﻙ ﺑﻌﻞ ..ﺳﻜﺘﺖ ﻻﺯﻣﻪ ﺟﺒﻴﻨﻲ ﺑﺘﻮﺗﺮ
- ﺑﻌﻼﻗﺔ ﻗﺼﺪﺝ .. ﺍﺣﻨﻪ ﻣﻮ ﺑﻌﻼﻗﺔ ﻭﺍﺩﺭﻱ ﺑﻴﺞ ﺍﺷﺮﻑ ﻣﻦ ﺍﻟﺸﺮﻑ ﻭﻣﺎ ﺍﺟﻴﺘﺞ ﻣﻦ ﻫﺬﺍ ﺍﻟﺒﺎﺏ ﺍﻟﺘﻌﺒﺎﻥ
ﺍﻧﻲ ﺭﺍﻳﺪﺝ ﺯﻭﺍﺝ
ﻟﻴﺶ ﻫﺎﻟﻌﺠﻞ ﺍﺣﺠﻲ ﺭﺩﻱ
ﺑﺲ ﻫﺎﻟﻤﺮﺓ ﻭﺑﻌﺪ ﻻ ﺗﺤﺠﻴﻦ ﻭﻳﺎﻱ
- ﻇﺮﻭﻓﻚ ﺻﻌﺒﺔ ﻭﺍﻟﺪﻙ ﺗﻮﻓﻰ ﻭ ﻭﺍﻟﺪﻱ ﻭﺟﺪﻙ ﻣﺴﺘﺤﻴﻞ ﺍﺻﻴﺮ ﺑﻴﻨﻬﻢ ﻛﻌﺪﺓ
ﻭﺍﻧﺖ ﺗﻌﺮﻑ ﻭﻣﻮ ﺑﻌﻴﺪ ﺯﻋﻞ ﺍﺑﻮﻙ ﻣﻨﻚ ﺑﺴﺒﺒﻲ
- ﺷﻨﻮ ؟
ﻻ ﻻ ﺍﺑﺪ ﻣﺎ ﺍﻟﺞ ﻋﻼﻗﺔ
ﻭﺍﻧﻲ ﻣﺪﻧﻜﻪ ﺍﺣﺠﻲ ﻭﻳﺎﻩ ﻭﺍﺩﺭﻱ ﺭﺍﺡ ﺍﻧﺪﻡ ﺍﻧﻲ ﻣﻮ ﻣﻦ ﻫﺬﺍ ﺍﻟﻨﻮﻉ ﻣﺎ ﺍﺣﺐ ﺍﺗﻜﻠﻢ ﻭﻳﻪ ﻭﺍﺣﺪ ﺑﺲ ﻏﺼﺒﺎ ﻋﻨﻲ
- ﺑﻨﻔﺲ ﺍﻟﻴﻮﻡ ﺍﻟﻲ ﻛﻠﺖ ﺍﻟﻚ ﺍﻟﻠﻪ ﻛﺮﻳﻢ ﻭﺍﻧﺖ ﺗﻔﺄﻟﺖ ﺍﺗﻮﻓﻰ ﻭﺍﻟﺪﻙ
ﺳﻜﺖ ﻣﺎ ﺍﺗﻜﻠﻢ
- ﺍﻧﻲ ﺗﻌﺒﺎﻧﻪ ﺑﺤﻴﺎﺗﻲ ﻭﺣﺎﻟﻲ ﺣﺎﻝ ﺍﻱ ﺑﻨﺖ ﺗﻘﺪﻣﻠﻲ ﺷﺨﺺ ﻭﺍﻫﻠﻰ ﺩﺍ ﻳﺴﺄﻟﻮﻥ ﻋﻨﻪ ﻃﻠﻊ ﺯﻳﻦ ﺧﻴﺮﺍ ﻋﻠﻰ ﺧﻴﺮ ﻻ ﺍﻟﻠﻪ ﻳﻌﻮﺽ
ﻻ ﻛﺬﺑﺖ ﻋﻠﻴﻚ ﻭﻻ ﻟﻌﺒﺖ ﺑﻴﻚ ﺍﻧﻲ ﺍﺻﻼ ﺭﺍﻓﻀﺔ ﺍﻟﻌﻼﻗﺔ ..
- ﺷﺤﻼﺗﺞ ﻣﻦ ﺍﺳﻮﻟﻔﻴﻦ ﺍﺩﻫﺮﻳﻨﻲ ﻣﺎ ﺍﻛﺪﺭ ﺍﻧﺎﻗﺸﺞ ﻟﻜﻦ
ﻇﺮﻭﻓﻲ ﺗﺘﺤﺴﻦ ﻭﺟﺪﻱ ﻣﻮ ﻭﺻﻲ ﻋﻠﻴﻪ ﺍﻧﻲ ﺭﺟﺎﻝ ﻭﺍﻋﺮﻑ ﺍﺻﺮﻑ ﺣﺘﻰ ﺍﺟﻴﺒﻪ ﺍﻟﻜﻢ ﺑﺲ ﻭﻗﺖ ﺍﻧﻲ ﻫﺴﺔ ﺗﻮﻧﻲ ﻃﺎﻟﻊ ﻣﻦ ﺷﺪﺓ
ﺳﻜﺘﺖ ﻣﺎ ﺟﺎﻭﺑﺖ
ﻣﺮﺕ ﻟﺤﻈﺎﺕ ﺍﻻ ﻛﺎﻝ
- ﻫﺎ ﻓﻬﻤﺖ
ﻓﻬﻤﺖ ﻣﺎ ﺭﺍﻳﺪﺓ ﻻ ﺍﻻﻧﺘﻈﺎﺭ ﻭﻻ ﺍﻟﻤﺠﺎﺯﻓﺔ ﻳﻤﻜﻦ ﻣﺮﺍﻳﺪﺗﻨﻲ ﻭﻳﻤﻜﻦ ﺍﺻﻼ ﺍﻧﻲ ﺣﺘﻰ ﺍﻋﺠﺎﺏ ﻣﻦ ﻧﺎﺣﻴﺘﺞ ﻣﺎ ﻣﺤﺼﻞ ﻓﻠﻴﺶ ﺍﻟﺘﻌﺐ ﻭﺍﻟﻌﺮﻳﺲ ﺟﺎﻫﺰ ﻭﺍﻟﻘﺴﻤﺔ ﺯﻳﻨﺔ
ﺍﻟﻠﻪ ﻳﻮﻓﻘﺞ ﻭﺍﻥ ﺷﺎﺀ ﻣﺎ ﺍﺻﻴﺮ !
ﺍﻟﺘﻔﺘﺖ ﻋﻠﻴﻪ ﻣﺴﺘﻨﻜﺮﺓ
ﺍﺷﺮ ﻋﻠﻰ ﻋﻴﻮﻧﻲ
- ﻭﺩﺍﻋﺖ ﻫﺎﻱ ﺍﻟﻨﻈﺮﺓ ﻛﻮﻥ ﺗﺨﺮﺏ
ﻧﺰﻝ ﻭﺭﺟﻊ ﻟﻤﻜﺎﻧﻪ ، ﻣﺎ ﺳﺎﻕ ﻇﻞ ﻛﺎﻋﺪ ﺑﻤﻜﺎﻧﺔ
ﻣﺜﻞ ﺍﻟﻀﻐﻂ ﻭﺍﻧﺰﺍﺡ ﻋﻨﻲ ﺑﻜﻮﻣﺘﻪ
ﺍﻟﺘﻔﺖ ﻋﻠﻴﺔ
- ﺍﻟﻜﻌﺪﺓ ﻳﻤﺞ ﺗﺴﻮﺓ ﺍﻟﻌﻤﺮ ﻭﻳﻨﺞ ﻣﻦ ﺯﻣﺎﻥ ﻳﺎﺭﻳﺖ ﻣﻦ ﺯﻣﺎﻥ ﻋﺮﻓﺘﺞ ﻳﻤﻜﻦ ﻟﺤﻜﻨﺎ ﻭﻣﺎ ﺍﻧﺒﻨﺖ ﺍﻟﻌﺜﺮﺍﺕ ﻫﺎﻱ ﻛﺪﺍﻣﻲ
ﺯﺍﺭﺗﻨﻲ ﺍﺑﺘﺴﺎﻣﺔ ﺿﺎﻳﻌﺔ ﺑﻮﻗﺖ ﺧﻄﺊ
ﺭﺣﻨﺎ . ﻻﻡ ﻣﺤﻤﻮﺩ ﻭ ﺑﻌﺪﻫﺎ ﻧﻮﺭ ﺳﻠﻤﺖ ﻭﻋﺰﺗﻪ ﻭ ﻛﻌﺪﺕ ﻳﻤﻪ
- ﻣﺎ ﻛﻠﺖ ﺗﺠﻲ ﺷﻨﻮ ﻣﻦ ﻣﻔﺠﺄﺓ ﺯﻳﻨﺐ ﻛﺎﻟﺖ ﺍﻟﺒﺎﺭﺣﻪ ﻧﺺ ﺍﻟﻠﻴﻞ
ﺍﻧﻌﻘﺪﺕ ﺍﻓﻜﺎﺭﻱ ﻭﺍﺑﺴﺮﻋﺔ ﺑﺎﻭﻋﺖ ﻟﻘﻔﺎﻩ !
ﻳﻜﻮﻝ ﺍﻟﻬﺎ ؟
ﺑﻴﻨﻬﻢ ﻛﻼﻡ ﻭﻳﻦ ﻳﻜﻮﻝ ! ؟
ﺑﺎﻟﺮﺟﻌﺔ ﻣﺎﻛﻮ ﻛﻼﻡ ﺑﻴﻨﺎ ﺑﻌﺪ
ﻟﻜﻦ ﻣﻦ ﺭﺩﺕ ﺍﻧﺰﻝ
- ﺯﻳﻨﺐ ﺍﻟﻠﻪ ﻭﻳﺎﺝ
ﻣﺠﺎﻭﺑﺖ ﻭ ﺭﺣﺖ ﻟﺒﻴﺘﻨﺎ
ﻭﻫﻜﺬﺍ ﻳﻮﻣﻴﻦ ﻣﺮﻥ ﻭ ﻫﻮ ﻳﻮﺻﻞ ﻭﻳﺮﺟﻊ ﻣﻦ ﺳﺎﻛﺖ ﻭﺍﻧﻲ ﻣﻦ ﺟﻬﺘﻲ ﻣﺴﺘﺤﻴﻞ ﺍﺣﺠﻲ ﺍﻭ ﺍﺑﻮﺡ ﺑﺸﻲ ﺑﺲ ﻋﻴﺸﻨﻲ ﺑﻀﻴﺎﻉ ﻓﻜﺮﻱ ﻭ ﺍﺧﺘﻼﻝ ، ﻟﻜﻦ ﻣﺎ ﺧﻠﻴﺖ ﻫﺬﺍ ﺍﻟﺸﻲ ﻳﻀﻬﺮ ﻋﻠﻴﻪ ﺑﺘﺄﺛﻴﺮ ﻣﻨﻪ
بيج قصص عراقيه حقيقيه من واقعنا.روعه الطائي
ﻛﻨﺖ ﺍﺣﻀﺮ ﻋﺸﺎ ﻭﻳﺔ ﺭﻗﻴﺔ ﻣﻦ ﺍﺟﺘﻲ ﺍﻣﻲ ﻭﻛﺎﻟﺖ
- ﺧﺮﺑﺖ ﺷﻐﻠﺘﺞ ﻳﻤﺔ
- ﻗﺼﺪﻙ ﺍﻟﻌﺮﻳﺲ
- ﺍﻱ ﻳﻤﺔ ﺍﻟﻌﺮﻳﺲ ﻃﻠﻊ ﻣﻄﻠﻖ ﻭﻣﺎ ﻛﺎﻟﻮ ﺍﻟﻨﺎ
- ﻳﺎ ﺍﺷﻠﻮﻥ ﻫﻴﺞ
- ﻣﺎ ﺍﺩﺭﻱ ﻣﺰﻭﺝ ﺍﻧﻮﺏ ﻣﻮ ﻏﺮﻳﺒﺔ ﺑﺖ ﺧﺎﻟﺘﻪ ﻭﺷﻬﺮﻳﻦ ﻭﻣﻄﻠﻚ ﻭﻣﺎ ﻧﻌﺮﻑ ﺍﻻﺳﺒﺎﺏ ﻳﺨﻮﻑ ﺭﻓﻀﻨﺎ ﻟﻴﺶ ﻛﺬﺑﻮ ﻋﻠﻴﻨﺎ ﻭﺿﻤﻮ
ﺣﻄﻴﺖ ﻛﺒﺔ ﺑﺮﻏﻞ ﺑﺎﻟﻄﺎﻭﺓ ﻭﻛﻠﺖ
- ﻫﻮ ﺍﻧﻲ ﻣﺎﻋﻨﺪﻱ ﺣﻆ ﻫﻲ ﻛﻮﺓ
ﺍﻟﺼﺒﺢ ﻛﻌﺪﺕ ﻣﺘﻜﺪﺭﺓ ﺣﻴﻞ ﻣﻦ ﺣﻈﻲ
ﻋﻮﺩ ﻓﻜﺮﺕ ﺑﻌﻘﻠﻲ ﻭﻛﻠﺖ ﻣﺜﻘﻒ ﻭﺍﻋﻲ
ﻣﻊ ﻫﺬﺍ ﻫﻢ ﻛﻨﺖ ﻣﻴﺘﺔ ﻗﻠﻖ ﺍﺫﺍ ﻃﻠﻊ ﺯﻳﻦ
ﻭ ﺗﻢ ﺍﻟﻘﺒﻮﻝ ﺣﻴﻞ ﺗﺨﻮﻓﻨﻲ ﻓﻜﺮﺓ ﺍﻟﺜﻘﺔ ﺑﺸﺨﺺ ﻣﺎ ﺍﻋﺮﻓﺔ ؟ ﻳﻼ ﺑﻌﺪ ﺧﺮﺑﺖ ﺧﻞ ﺍﺭﺗﺎﺡ ﻟﻴﺶ ﻣﺘﻜﺪﺭﺓ ؟ !
ﺍﻫﻮﻭ ﻭﺭﺍﻳﺔ ﺧﻠﻴﻞ ﺍﺫﺍ ﻋﺮﻑ ﺍﻧﻲ ﺧﺮﺑﺖ ﺷﻐﻠﺘﻲ ﺭﺍﺡ ﻣﺪﺭﻱ ﺷﻨﻮ ﺍﺗﻜﻮﻥ ﺭﺩﺓ ﻓﻌﻠﺔ ﺍﺭﺗﻴﺎﺡ ﻟﻮ ﺷﻤﺎﺗﺔ ﺍﻧﻲ ﺷﻌﺮﻓﻨﻲ ﺑﺎﻟﻨﺎﺱ ﻭﺑﺮﺩﻭﺩ ﻓﻌﻠﻬﻢ
ﺍﺣﺴﻦ ﺷﻲ ﺍﺧﺎﺑﺮ ﺷﻬﺪ ﺍﻭﺻﻴﻬﺎ ﻻ ﺗﻜﻮﻟﻪ ﺧﺎﺑﺮﺗﻬﺎ ﻣﻦ ﺍﻟﺼﺒﺢ ﺗﺤﺠﻲ ﻭﺗﺘﺜﺎﻭﺏ
ﺍﺳﺘﻐﺮﺑﺖ ﻣﻦ ﻣﺨﺎﺑﺮﺗﻲ ﻭﻣﻦ ﻋﺮﻓﺖ ﻛﺎﻟﺖ ﻣﻴﺨﺎﻟﻒ ﺍﻧﻲ ﻣﻌﻠﻴﻪ ﺍﺻﻼ ..
ﻃﻠﻌﺖ ﻣﻦ ﺻﺎﺭ ﺍﻟﻮﻗﺖ ﻭﻟﻜﻴﺘﻪ ﻳﻨﺘﻈﺮﻧﻲ
- ﺍﻟﺴﻼﻡ ﻋﻠﻴﻜﻢ
ﻛﺎﻟﻌﺎﺩﺓ ﺍﻟﺴﻼﻡ ﻫﻤﺴﻲ ..
ﺑﺲ ﻃﻠﻊ ﻣﻦ ﺍﻟﻔﺮﻉ ﺍﻟﺘﻔﺖ ﻭﻛﺎﻝ
- ﺍﻟﻠﻪ ﻳﻌﻮﺿﺞ ﺑﺎﻟﻲ ﺍﺣﺴﻦ ﻣﻨﻪ
ﺑﺲ ﺍﺻﺒﺮﻱ ﻋﻠﻴﻪ !
ﺭﺟﻊ ﻳﺒﺎﻭﻉ ﻟﻄﺮﻳﻘﺔ
- ﺷﻨﻮ ؟ ﺷﻬﺪ ﻛﺎﻟﺖ
- ﻻ ﺍﻛﻴﺪ ﻫﻬﻬﻬﻬﻬﻪ ﺷﺘﻜﻮﻝ ﻭﻳﺎﺳﺮ ﺍﻟﻲ ﻛﺎﻝ ﺍﻟﻲ
ﺍﺧﻮﺝ ﻛﺎﻳﻞ ﻟﻴﺎﺳﺮ ﻋﻠﻰ ﺍﻟﻌﺮﻳﺲ ﻭﻃﻠﻊ ﻳﻌﺮﻑ ﻭﺍﺣﺪ ﻣﻦ ﻋﺸﻴﺮﺗﻬﻢ ﻛﺎﻝ ﻻﺧﻮﺝ ﺭﺍﺡ ﺃﺳﺎﻟﺔ ﻫﻢ ﻋﻠﻴﻬﻢ ﺑﻠﻜﺖ ﻳﻌﺮﻓﻬﻢ
ﻭ ﻃﻠﻊ ﺭﺟﻞ ﺧﺎﻟﺘﻬﺎ ﺍﻟﻲ ﺍﻟﻤﺤﺮﻭﺱ ﻣﺎﺧﺬ ﺑﺘﻪ ﻭ ﻣﻄﻠﻜﻬﺎ ﻫﻮ ﺍﻟﻮﺍﺣﺪ
ﺍﻧﺬﻫﻠﺖ ﻋﻠﻰ ﺍﻧﺸﺪﻫﺖ
ﺳﻜﺘﺖ ﻭﺍﻧﺨﻄﻒ ﻟﻮﻧﻲ ﻭﺍﻧﻲ ﺍﺗﻠﻤﺲ ﺑﺼﻮﺗﻪ ﺍﻟﻔﺮﺡ ﻣﺪﺭﻱ ﺍﻻﻧﺘﺼﺎﺭ
- ﺯﻳﻨﺐ ...
ﺯﻳﻨﺐ
ﺯﻳﻨﺐ
ﻇﻞ ﻳﻌﻴﺪ ﺑﺄﺳﻤﻲ ﻭﺍﻧﻲ ﺍﺑﺎﻭﻉ ﻟﻠﻄﺮﻳﻖ ﺑﺒﺎﻝ ﻳﻤﺔ ! ﻟﻜﻦ ﻣﺎ ﺍﻧﻄﻖ ﻭﺍﺭﻳﺤﻪ !
- ﺷﻨﻮ ﺭﺃﻳﺞ ﺑﻴﻪ ؟
ﺍﻟﺞ ﺭﻏﺒﺔ ﺍﺻﻴﺮﻳﻦ ﺯﻭﺟﺘﻲ ؟
ﺭﻳﺤﻴﻨﻲ ﺑﻬﺎﻱ ﺍﻻﺟﺎﺑﺔ !
ﺣﺘﻰ ﺍﺧﻒ ﺿﻐﻄﻲ ﻋﻠﻴﺞ ﺻﺪﻛﻲ ﺍﺷﻮﻓﻠﺞ ﺳﺎﻳﻖ ﺛﻘﺔ ﺍﺧﻮﻱ ﺍﻟﺼﻐﻴﺮ
ﻭ ﺍﻧﻲ ﺍﺑﻄﻞ ﺍﺣﺎﺻﺮﺝ
ﺑﺲ ﻛﻮﻟﻲ ﺍﻱ ﺣﺘﻰ ﺗﻌﺮﻓﻴﻦ ﻣﺎ ﺍﻟﻌﺐ ﻭﻳﺎﺝ ﺍﻛﻄﻊ ﻋﻴﻮﻧﻲ ﻣﻦ ﺷﻮﻓﺘﺞ ﻣﻨﺎ ﻣﻦ ﻳﻤﺮ ﻭﻛﺖ ﻳﺘﻌﺪﻝ ﺑﻴﻪ ﺍﻟﺤﺎﻝ ﻭ ﺣﺘﻰ ﺗﺜﻘﻴﻦ ﺑﻨﻴﺘﻲ
ﻟﺢ ﺑﺎﻻﺟﺎﺑﺔ ﻭﺍﻧﻲ ﺳﺎﻛﻨﺔ ﺳﺎﻛﺘﻪ ﺍﺑﺎﻭﻉ ﻟﻠﺸﺎﺭﻉ ﻭﺑﺪﺍﺧﻠﻲ ﺻﺮﺍﻋﺎﺕ ﺭﻏﺒﺔ ﺑﺎﻟﻨﻄﻖ ﻫﻴﻜﻠﺖ ﻗﻮﺗﻲ ﻭﺍﻧﻲ ﺍﺣﺎﺭﺑﻬﺎ
ﻣﺎ ﺍﺭﻳﺪ ﺍﺧﻀﻊ ﻷﻱ ﻗﺮﺍﺭ ﺗﺤﺖ ﺿﻐﻂ ﻫﺬﻱ ﺍﻟﻤﺸﺎﻋﺮ
ﻭﺻﻠﻨﺎ ﻷﻡ ﻣﺤﻤﻮﺩ ﻭ ﻣﺎ ﻧﻄﻘﺖ
ﻭﺍﻧﻲ ﺍﺗﻠﻮﻉ ﻋﻠﻰ ﺗﻠﻮﻋﻪ
ﺑﻌﺪ ﺍﻟﻤﻐﺮﺏ
ﻛﺎﻧﺖ ﺭﻗﻴﺔ ﺗﺼﻠﻲ ﻭﺍﻧﻲ ﻳﻤﻬﺎ ﺧﻠﺼﺖ ﻗﺒﻠﻬﺎ
ﻣﻦ ﺧﻠﺼﺖ ﻃﻠﺒﺖ ﻣﻨﻬﺎ
- ﺭﻗﺮﻕ ﺍﺧﺬﻳﻠﻲ ﺧﻴﺮﺓ ﺑﺎﻟﻘﺮﺃﻥ
- ﺍﻱ ﺍﻱ ...
ﺍﺧﺬﺕ ﻋﻠﻰ ﻧﻴﺘﻲ
- ﻫﺎﺍﺍ ﺭﻗﺮﻕ
- ﺍﻓﻌﻞ ﺍﻓﻌﻞ ﻭﻻ ﺗﺘﺮﺩﺩ
- ﺍﻭﻭﻩ
ﻛﻤﺖ ﻣﻦ ﻳﻤﻬﺎ ﻭﺍﻧﻲ ﺍﺳﺎﺳﺎ ﺑﺪﺍﺧﻠﻲ ﻗﺮﺍﺭ ﻭﺍﺗﻘﻮﺕ ﺍﺭﺍﺩﺗﻲ ﺑﺎﻟﺨﻴﺮﺓ ﻭﺧﺎﺑﺮﺕ ﺷﻬﺪ
ﺷﻬﺪ - ﻫﺎ ﺯﻭﺯﻱ
- ﺍﺧﻮﺝ ﻳﺎﺳﺮ ﻃﻠﻊ ﻛﺎﻳﻞ ﺍﻟﻪ ﺍﻟﺰﻟﻢ ﻫﻢ ﻣﺎ ﺍﺿﻢ ﺷﻲ
- ﺻﺪﻭﻙ
- ﺍﻱ ﻭﻳﺎﺳﺮ ﺍﻭﻝ ﻣﻦ ﻋﺎﺭﻑ ﺑﺴﺎﻟﻔﺔ ﺍﻟﻌﺮﻳﺲ ﻭﻃﻼﻗﺔ
- ﻟﻌﺪ ﻳﺎﺳﺮ ﻳﺪﺭﻱ ﺑﻤﺸﺎﻋﺮ ﺧﻠﻴﻞ ﺗﺮﺓ ﺻﺪﻳﻘﻪ ﺍﻟﺮﻭﺡ ﺑﺎﻟﺮﻭﺡ ﻭﻣﺪﺍﻡ ﻫﻴﺞ
ﻛﺎﻳﻞ ﺍﻟﻪ ﻭﻣﺒﺸﺮﺓ ﻳﻌﻨﻲ ﻣﺘﻌﻤﺪ ﻳﺎﺳﺮ ﻣﻜﻠﻒ ﻧﻔﺴﺔ ﻭﻳﺴﺄﻝ ﺣﺘﻰ ﺑﺲ ﻳﺨﺮﺑﻮﻫﺎ
- ﺻﺪﻙ ﺗﺤﺠﻴﻦ ﻳﻌﻨﻲ ﻳﻌﻨﻲ ﻫﺴﺔ ﺍﻧﻲ ﺑﻨﻈﺮ ﻳﺎﺳﺮ ﻭﺣﺪﻩ ﻳﻌﺮﻓﻬﺎ ﺧﻠﻴﻞ ﻻ ﻳﺎﺭﺑﻲ ﻟﻴﺶ ﻫﻴﺞ
- ﻻ ﺍﻧﺖ ﺍﻟﺜﺎﻧﻴﺔ ﻣﻌﻘﺪﻩ ﻳﻌﺮﻑ ﻣﺸﺎﻋﺮ ﺻﺪﻳﻘﻪ ﺑﺲ ﺍﻧﺖ ﺷﻨﻮ ﻋﻼﻗﺘﺞ ﺑﻴﻪ ﺑﻌﺪﻳﻦ ﻳﺪﺭﻱ ﺑﺨﻠﻴﻞ ﻟﺰﻛﻪ ﺍﺫﺍ ﺭﺍﺩ ﺷﻲ ﻭﺍﻛﻴﺪ ﻳﺪﺭﻱ ﺑﻴﻪ ﻣﺘﻌﻤﺪ ﻳﺸﺘﻐﻞ ﺍﻟﻜﻢ ﺑﺨﻂ
ﻳﻌﻨﻲ ﺍﻧﺖ ﻣﺎ ﺍﻟﺞ ﻋﻼﻗﺔ ﻭﻟﻮ ﻣﺎ ﻳﻌﺮﻑ ﻧﻴﺘﻪ ﻟﺨﻠﻴﻞ ﻛﺎﻥ ﻛﺴﺮ ﺭﺍﺳﻪ ﻭﻣﺎ ﺧﻼﺍﻩ ﻳﺘﻘﺮﺏ ﻣﻨﺞ
ﺯﻭﺯ
ﻛﺎﻓﻲ ﺗﻌﻘﻴﺪ ﻭﺧﻮﻑ
- ﻛﻠﺶ ﺍﺧﺎﻑ ﺷﻬﺪ ﻫﺎﻱ ﺳﻤﻌﺔ ﻛﻔﺎﻧﻲ ﺍﻟﻲ ﺻﺎﺭ
- ﻻ ﺗﺨﺎﻓﻴﻦ
ﺍﻟﻴﻮﻡ ﺷﻜﺎﻟﺞ ﺧﻠﻴﻞ
- ﺍﻛﻠﺞ ﺻﺪﻙ ﺍﻧﻲ ﺧﺎﺑﺮﺕ ﺣﺘﻰ ﺍﺭﻳﺪﺝ ﺗﺒﻠﻐﻴﻪ ﻳﻮﻓﻲ ﺑﻮﻋﺪﻩ ﻭﺑﺎﺟﺮ ﻳﺨﻠﻲ ﺍﺧﻮﻩ ﻳﻮﺻﻠﻨﻲ ﻭﺧﻞ ﻳﺒﻠﻎ ﻣﺮﺗﻀﻰ ﻫﺎﺍ ﺧﻮﺵ
- ﺷﻨﻮ ﻫﻢ ﺭﺍﺡ ﺍﺗﻌﺒﻴﻪ ﻭﺍﺗﺮﻓﻀﻴﻦ ﺍﻭﻭﻑ
- ﺷﻬﺪ ﻻ ﻣﺎ ﺍﺗﻌﺒﻪ ﻛﻮﻟﻲ ﺍﻟﻪ ﻫﻴﺞ ﻭﻫﻮ ﺭﺍﺡ ﻳﻄﻴﺮ ﻓﺮﺡ
- ﺷﻨﻮ ﻳﻌﻨﻲ ﺩﺍ ﺍﺗﺒﻌﺪﻳﻪ ﻭﻻ ﺑﻌﺪ ﺷﺎﺭﻃﺔ ﻋﻠﻴﻪ ﻳﺠﻴﺐ ﺍﺧﻮﻩ ﺍﺷﻜﺪ ﻣﺘﺴﻠﻂ ﻗﻠﺒﺞ ﻋﻠﻴﻪ ﻟﻌﺪ
- ﻫﻬﻬﻬﻬﻬﻪ ﻭﻳﻨﻲ ﻭﻳﻦ ﺍﻟﺘﺴﻠﻂ ﺍﺑﻦ ﺧﺎﻟﺞ ﺍﻟﻲ ﻋﻨﻴﺪ ﻫﻮ ﺭﺍﺩﻧﻲ ﻭﺍﻧﻲ ﻭﺍﻓﻘﺖ ﺑﻮﻋﺪﺓ ﻳﺒﺘﻌﺪ ﻣﺎ ﺍﺭﻳﺪ ﺍﻟﻤﻮﺿﻮﻉ ﻳﺘﺤﻮﻝ ﻟﻌﻼﻗﺔ ﻭ ﻳﺮﺳﻞ ﺍﺧﻮﻩ ﺑﻤﻜﺎﻧﻪ ﻣﻨﺎ ﻣﻦ ﺍﻟﻮﺿﻊ ﻳﺘﻐﻴﺮ ﻭﻳﺘﻘﺪﻡ ﻣﻮﺍﻓﻘﺔ ﻋﻠﻴﻪ ﺍﻋﺘﻘﺪ ﻳﺴﺘﺎﻫﻞ ﺃﻧﻄﻴﻪ ﺍﻟﺜﻘﺔ
- ﺻﺪﻭﻙ
ﻓﺮﺣﺘﻴﻨﻲ
- ﺷﻜﺮﺍ ﺷﻬﺪ
- ﺍﻛﻠﺞ ﻣﻤﻜﻦ ﺍﻛﻠﺞ ﺷﻲ
- ﻛﻮﻟﻲ ﺷﻬﻮﺩﺓ
- ﺍﻧﺖ ﻋﻨﻴﺪﺓ ﺍﻡ ﺭﺍﺱ ﻳﺎﺑﺲ ﻭ ﻣﺘﺤﺠﺮ ﻭ ﺗﻘﻬﺮﻳﻦ ﺑﺲ ﺣﻠﻮﺓ ﻫﻴﺞ ﻭﺍﻟﻠﻪ ﻭﺭﺑﻴﺘﻴﻪ ﺍﻟﻨﺎ ﻫﻬﻬﻬﻬﻬﻬﻬﻪ
- ﺍﻋﺠﺒﺞ ﺗﺮﺓ ﺑﺲ ﻛﻮﻥ ﻭﺍﺛﻖ ﻳﺘﺨﻄﻰ ﺍﻟﻌﻘﺒﺎﺕ
- ﻻ ﺗﺨﺎﻓﻴﻦ ﻳﺘﺨﻄﺎﻫﺎ
- ﺷﻬﺪ ﺍﻧﻲ ﻣﺎ ﻭﺍﻓﻘﺖ ﺍﻻ ﻣﺎ ﺍﻟﺘﻤﺴﺖ ﻋﺎﻃﻔﺘﺔ ﺑﺼﺪﻕ ﺍﻧﻲ ﻛﻨﺖ ﻗﺎﻃﻌﺔ ﻋﻬﺪ ﻋﻠﻰ ﻧﻔﺴﻲ ﻣﺎ ﺍﻣﺸﻲ ﻋﻠﻰ ﺍﺣﺎﺳﻴﺴﻲ ﻏﺎﻟﺒﺎ ﻣﺎ ﻣﻐﻠﻮﻃﺔ ﻭﺍﺗﻌﺒﻨﻲ
- ﺛﻘﻲ ﺑﻨﻔﺴﺞ ﺯﻧﻮﺑﺔ ﻻ ﺗﺨﻠﻴﻦ ﺍﻟﻲ ﺻﺎﺭ ﻳﺘﻤﻜﻦ ﻣﻨﺞ
- ﺧﻞ ﻧﺸﻮﻑ ﻫﺬﻱ ﺍﻟﻤﺮﺓ ﻳﺎﺭﻳﺖ ﺗﺼﺪﻕ ﻭﻣﺎ ﻳﻜﺴﺮ ﺍﺧﺮ ﺍﻣﻞ ﺍﻟﻲ ﺑﺎﻟﺜﻘﺔ ﺑﺮﻭﺣﻲ
- ﺯﻳﻨﺐ ﺍﻧﻲ ﻓﺮﺣﺎﻧﻪ ﺣﻴﻞ
- ﻟﺨﻠﻴﻞ
- ﻻﺀ
ﺍﻟﻲ ﺣﺴﻴﺘﺞ ﺍﻟﻴﻮﻡ ﻗﺮﻳﺒﺔ ﻋﻠﻴﻪ
ﻭ ﺷﺎﺭﻛﺘﻴﻨﻲ ﻣﺨﺎﻭﻓﺞ ﺣﺴﻴﺖ ﻧﻔﺴﻲ ﻭﺍﺧﻴﺮﺍ ﻛﺴﺒﺖ ﺛﻘﺘﺞ
- ﺍﻧﺖ ﻃﻴﺒﺔ
ﺷﻬﺪ
- ﺍﻫﻮﺍﻱ ﺍﻧﻐﺪﺭﺕ ﻣﻦ ﻗﺮﻳﺒﺎﺕ ﻫﻢ ﺧﺬﻟﻮ ﺛﻘﺘﻲ ﻭﺣﺴﻴﺖ ﻃﻴﺒﺘﻲ ﻏﺒﺎﺀ ﻭ ﺑﺮﺍﺋﺘﻲ ﻫﺒﻞ ﻛﺪﺍﻣﻬﻦ
- ﻫﻬﻬﻬﻪ ﻣﺜﻠﻲ
ﺳﺪﻳﺘﻪ ﻣﻨﻬﺎ
،
ﺑﻨﺺ ﺍﻟﻠﻴﻞ ﺍﻻ ﻓﺘﺤﺖ ﻣﺤﺎﺩﺛﺎﺕ
ﺍﻡ ﻣﺤﻤﻮﺩ
ﺍﺗﻜﻠﻤﺖ ﺑﺎﻟﻤﺤﺎﺩﺛﺔ ﺍﻟﻲ ﺑﻴﻨﺎ ﺑﻨﺎﺕ
ﻛﺎﻟﺖ ﺍﺑﻨﻲ ﻣﺮﻳﺾ ﺍﺩﻋﻮﻟﻪ
ﺧﻄﻴﺔ ﻫﻲ ﺍﺭﻣﻠﺔ ﻭﻋﺪﻫﺎ ﺍﺛﻨﻴﻦ ﻭﻟﺪ ﻭﻋﺎﻳﺸﺔ ﻋﻠﻰ ﺭﺍﺗﺐ ﺯﻭﺟﻬﺎ ﺷﻬﻴﺪ ﻭ ﺩﺍ ﺗﻜﻤﻞ ﺩﺭﺍﺳﺔ ﻟﺨﺎﻃﺮ ﻣﺴﺘﻘﺒﻞ ﺍﻃﻔﺎﻟﻬﺎ
ﻧﻮﺭ ﺩﻋﺖ ﺍﻟﻬﺎ ﻭﻣﻦ ﺻﺎﺭ ﺍﺳﻢ ﻧﻮﺭ ﻛﺪﺍﻣﻲ ﺗﺬﻛﺮﺕ ﺷﻲ ﻏﺎﻓﻠﺔ ﻋﻨﻪ ﻭﻫﻮ ﻋﻼﻗﺘﻬﺎ ﺑﺨﻠﻴﻞ
ﺩﺧﻠﺖ ﻟﺼﻔﺤﺔ ﺷﻬﺪ ﻟﻜﻴﺘﻬﺎ ﻧﺸﻂ
ﺍﺗﺼﻠﺖ ﺑﻴﻬﺎ ﻣﺸﻐﻮﻟﺔ ﻳﻤﻜﻦ ﺗﺨﺎﺑﺮ ﻣﺮﺗﻀﻰ
ﺍﻧﺘﻈﺮﺕ ﻧﺺ ﺳﺎﻋﺔ ﻣﺎ ﺧﻠﺼﺖ ﻭﺍﻧﻲ ﺍﺷﻠﻮﻥ ﺍﻧﺎﻡ ﻭﺍﻧﻄﻴﺘﻪ ﻣﻮﺍﻓﻘﺔ ﻻ ﻳﺮﺑﻲ
ﺍﺗﺼﻠﺖ ﺑﻴﻬﺎ ﻣﻦ ﺍﻟﺮﻗﻢ ﻭﺭﺩﺕ
- ﻫﺎ ﺯﻳﻨﺐ
- ﺍﻭﻻ ﺍﻋﺘﺬﺭ ﺍﺯﻋﺠﺘﻚ ﻋﻦ ﻣﺨﺎﺑﺮﺍﺕ ﻧﺺ ﺍﻟﻠﻴﻞ
- ﺍﻭﻭﻩ ﺯﻧﻮﺏ ﺷﻨﻮ ﺻﺎﻳﺮ ﻻ ﺗﻜﻮﻟﻴﻦ ﻏﻴﺮﺗﻲ ﺭﺃﻳﻚ ﺗﺮﺓ ﺑﻠﻐﺘﻪ ﺑﻌﺪ ﻣﺎﻛﻮ ﺗﺮﺍﺟﻊ
- ﺣﺒﻴﺒﺘﻲ ﺑﻄﻠﺖ ﻭﻋﻦ ﺟﺪ ﺗﺬﻛﺮﺕ ﺗﻮﻧﻲ ﻋﻼﻗﺘﻪ ﻭﻳﻪ ﻧﻮﺭ ﺍﻟﻲ ﻭﻳﺎﻧﻪ ﺑﺎﻟﺨﻂ ﺍﻟﻲ ﻳﻜﻌﺪﻫﺎ ﺑﺎﻟﺼﺪﺭ ﻳﻤﻪ ﻭﺍﻟﻲ ﺑﻴﻨﻬﻢ ﺗﻮﺍﺻﻞ
ﺍﻧﻲ ﺍﻧﺪﻓﻌﺖ ﻭ ﻭﺍﻓﻘﺖ ﻫﺴﺔ ﺑﻠﻐﻴﻪ ﺑﻄﻠﺖ
ﻳﺘﺒﻊ
ﻃﺮﻳﻘﺔ ﺍﻟﻨﺸﺮ ﺑﻴﻦ ﻳﻮﻡ ﻭﻳﻮﻡ
|