#بنت__المؤمن
شيخ_الشباب_ج٢
لزهراء العراقيه
#بارت٤
ﺣﺰﻥ ﻳﻐﺘﺎﻟﻨﻲ
ﻭﻫﻢ ﻳﻘﺘﻠﻨﻲ
ﻭﻇﻠﻢ ﺣﺒﻴﺐ ﻳﻌﺬّﺑﻨﻲ
ﺁﻩ ! ﻣﺎ ﻫﺬﻩ ﺍﻟﺤﻴﺎﺓ
ﺍﻟﺘﻲ ﻛﻠّﻬﺎ ﺁﻻﻡ ﻻ ﺗﻨﺘﻬﻲ
ﻭﺟﺮﻭﺡ ﻻ ﺗﻨﺒﺮﻱ
ﻭﺩﻣﻮﻉ ﻣﻦ ﺍﻟﻌﻴﻮﻥ ﺗﺠﺮﻱ
ﺟﺮﺣﺖ ﺧﺪّﻱ
ﺃﺭّﻗﺖ ﻣﻀﺠﻌﻲ
- ﻧﺰﺍﺭ ﻗﺒﺎﻧﻲ
ﺍﺑﺎﻭﻉ ﻟﻠﻤﻠﺰﻣﺔ ﻭﺑﺎﻟﻲ ﻣﻮ ﻳﻤﻬﺎ ، ﻣﺒﺘﺴﻤﺔ
ﻭﺳﺎﺭﺣﺔ
- ﺯﻳﻨﺐ .
ﻓﺰﻳﺖ ﻣﻦ ﺳﺮﺣﺎﻧﻲ ﻋﻠﻰ ﺻﻮﺕ ﺭﻗﻴﺔ
- ﺗﻌﺎﻟﻲ ﺗﻌﺎﻟﻲ ﺷﻮﻓﻲ ﺷﻮﻓﻲ ﺷﺴﻮﻳﺖ
ﺟﺎﻧﺖ ﻫﻲ ﻭﺍﻛﻔﺔ ﻛﺪﺍﻡ ﻃﺎﻭﻟﺔ ﺍﻟﻤﻜﻮﻯ
ﻭﻛﻔﺖ ﻳﻤﻬﺎ ﻭﺻﻔﻨﺖ
- ﺍﺣﺘﺮﻙ ﺍﺣﺘﺮﻙ ﻭﺍﻟﻠﻪ ﻣﺪﺭﻱ ﻣﺪﺭﻱ
- ﺍﻫﻮﻭﻭﻭ ﻛﻠﺖ ﺍﻟﺞ ﻻ ﺗﻠﺤﻴﻦ ﻋﻠﻰ ﺍﻟﻤﻼﺑﺲ ﻭﻫﺬﺍ ﺍﻟﺤﺠﺎﺏ ﺑﻴﻪ ﻧﺴﺒﺔ ﺣﺮﻳﺮ ﻣﺎ ﺍﺗﺤﻤﻞ
ﺷﻔﺘﻬﺎ ﻏﻴﻤﺖ ﺑﺴﺒﺐ ﺷﻌﻮﺭﻫﺎ ﺑﺎﻟﺬﻧﺐ ﺍﺟﺖ ﺗﺒﺠﻲ
- ﻣﻮ ﻣﺸﻜﻠﺔ ﺍﺻﻼ ﻋﺘﻴﻚ
- ﺻﺪﻙ
- ﺍﻱ ﺟﻨﺖ ﺍﺭﻳﺪ ﺍﺫﺑﻪ
ﻣﺎ ﻻﺑﺴﺘﻪ ﻏﻴﺮ ﻛﻢ ﻣﺮﺓ ﺟﺪﻳﺪ
ﻛﻠﺖ ﺑﮕﻠﺒﻲ ﻫﻤﺰﻳﻦ ﻣﻮ ﺣﺠﺎﺏ ﺧﻠﻴﻞ ﻋﺎﺩ
ﺭﺟﻌﺖ ﻋﻠﻰ ﺳﺮﻳﺮﻱ ﺍﺣﺎﻭﻝ ﺍﺭﻛﺰ ﺑﺎﻟﻘﺮﺍﺀﺓ ﻣﺎ ﻛﺪﺭﺕ
ﺧﺎﺑﺮﺕ ﻓﺎﻃﻤﺔ ...
- ﺍﻡ ﺻﻮﻓﻲ ﺍﺷﻠﻮﻧﺞ
- ﻫﻼ ﺑﺰﻭﺑﺔ
ﺷﺨﺒﺎﺭﺝ
- ﺗﻤﺎﻡ ﻓﻄﻮﻣﺔ ﺍﺭﻳﺪ ﺍﺧﺬ ﺭﺃﻳﺞ ﺑﺸﻐﻠﺔ
- ﺍﺳﻤﻌﺞ ﺟﺎﻱ ﻋﺮﻳﺲ؟
- ﻧﻌﻢ ﻫﻬﻬﻪ ﺍﺷﻤﻴﻦ ﻇﻬﺮ ﺍﻳﺪﺝ
- ﻻ ﺑﺲ ﻏﺎﻟﺒﺎ ﻫﺎﻱ ﻣﻮﺍﺿﻴﻊ ﺍﻵﻧﺴﺔ
ﺯﻣﻴﻞ؟ ﺍﺧﻮ ﺯﻣﻴﻠﺔ ؟ ﻋﺮﻑ ؟
- ﺍﻻﺧﻴﺮﺓ ،ﻋﺮﻑ
- ﻋﻦ ﻃﺮﻳﻘﻤﺎً
- ﺷﻬﺪ
- ﻣﺮﺕ ﻣﺮﺗﻀﻰ ؟ !
- ﺍﻱ ﺍﺑﻦ ﺧﺎﻟﻬﺎ ﺍﻟﻲ ﻳﻮﺻﻠﻨﺎ ﺍﻗﺼﺪ ﺍﻟﻲ ﻛﺎﻥ ﻳﻮﺻﻠﻨﺎ
ﻫﻮ ﺷﺎﻳﻔﻨﻲ ﻭﻣﻘﺘﻨﻊ ﺑﻴﻪ ﻭ ﻛﺎﻳﻞ ﻟﺸﻬﺪ ﻋﻨﻲ
- ﺍﺳﻤﺔ ﻋﻤﺮﺓ ﻭﻟﻮ ﻣﺎ ﺗﻔﺎﺋﻠﺖ ﺳﺎﻳﻖ ﻣﺎ ﺍﺭﺗﺎﺡ ﻷﻫﻞ ﺍﻟﺨﻄﻮﻁ
- ﻻ ﻫﻮ ﻣﻮ ﺳﺎﻳﻖ
ﺍﻗﺼﺪ ﻳﻌﻨﻲ ﻫﻮ ﻣﺎ ﻳﺸﺘﻐﻞ ﺧﻂ ﻓﺘﺮﺓ ﺟﺎﻣﻞ ﻣﺮﺗﻀﻰ ﻭﺑﺲ ﺧﻄﻨﺎ ﺍﺧﺬﻩ ﻭ ﺑﻌﺪﻳﻦ ﺑﻄﻞ ﻋﻨﺪﻩ ﺍﻟﺘﺰﺍﻣﺎﺕ ﻣﺤﻼﺕ ﻣﻮﺍﺩ ﻏﺬﺍﺋﻴﺔ ﻭﻋﻨﺪﻩ ﺍﺳﻮﺍﻕ ﻫﻮ ﻭﺍﺧﻮﺗﻪ
ﺗﺪﺭﻳﻦ ﺑﻴﻬﻢ ﺍﺻﺤﺎﺏ ﺧﻴﺮ ﺧﻮﺍﻝ ﻳﺎﺳﺮ
- ﻫﺎ ﻧﺴﻴﺖ ...
ﺯﻳﻦ ﻫﻮ ﺧﻮﺵ ﺭﺟﺎﻝ
- ﻛﻞ ﺧﻴﺮ ﺳﻤﻌﺖ ﻋﻨﻪ ﻣﻦ ﺷﻬﺪ ﺑﻌﺪ ﻣﺎ ﺍﺩﺭﻱ
ﻋﻤﺮﺓ ﺍﺳﻤﺔ ﺗﺤﺼﻴﻠﺔ ﺍﻟﺪﺭﺍﺳﻲ
- ﺧﻠﻴﻞ ﻋﻤﺮﺓ ٣٤ ﻣﺎ ﻣﺨﻠﺺ ﺍﻹﻋﺪﺍﺩﻳﺔ
- ﻫﺎﺍﺍ ﻳﻌﻨﻲ ﺗﺤﺼﻴﻠﺔ ﺍﻟﺪﺭﺍﺳﻲ ﻣﺘﻮﺳﻄﺔ !
- ﺍﻱ ﺑﺲ ﻣﻮ ﺳﻮﻗﻲ
ﺟﺪﺍ ﺍﻧﻴﻖ ﻭ
- ﻫﺎ ﻫﻬﻬﻬﻬﻬﻬﻬﻬﻪ
- ﻟﻴﺶ ﺍﺿﺤﻜﻴﻦ
- ﺍﻟﻈﺎﻫﺮ ﺍﻛﻮ ﻗﺒﻮﻝ ﻣﻨﺞ
ﻋﻀﻴﺖ ﺷﻔﺘﻲ ﺑﺘﻮﺗﺮ ﺳﺄﻟﺖ
- ﻫﻴﺞ ﺷﻲ ﻋﻴﺐ ﻣﻮ ! ؟
- ﻫﻬﻬﻬﻬﻪ ﻻ ﻣﻮ ﻋﻴﺐ ﻣﺪﺍﻡ ﺍﻟﺤﺠﻲ ﺑﻴﻨﺎ
ﻫﻮ ﻳﻌﻨﻲ ﺩﺍﺯ ﺧﺒﺮ ﺑﻠﺴﺎﻥ ﺷﻬﺪ ﺍﺑﻠﻎ ﺍﻣﻲ ﻧﺴﻮﺍﻧﻬﻢ ﻳﺠﻮﻥ ﺑﺲ ﺍﺷﻮﻳﺔ ﻭﻗﺖ ﻷﻥ ﺍﺑﻮﻫﻢ ﻣﺼﺎﺭﻟﺔ ﺍﻫﻮﺍﻱ ﻣﻴﺖ
- ﻫﺎﺍﺍﺍ ﻫﺬﺍ ﻧﻔﺴﺔ ﺍﻟﻲ ﺍﺑﻮ ﺻﻮﻓﻲ ﺭﺍﺡ ﻋﺰﺍﻫﻢ ﻭﻳﺔ ﻣﺮﺗﻀﻰ
- ﺍﻱ
- ﺷﻮﻓﻲ ﺍﻟﺸﻐﻠﺔ ﺍﺷﻮﻳﺔ ﺍﺻﻌﺐ ﻣﻦ ﻛﻞ ﺧﻄﻴﺐ ﺑﺴﺒﺐ ﺍﻟﺴﻮﺍﻟﻒ ﺑﻴﻦ ﺟﺪﻫﻢ ﻭ ﺍﺑﻮﺝ ... ﺍﺑﻮﺝ ﻣﺎﺧﺬ ﻣﻮﻗﻒ ﻗﻮﻱ ﻣﻦ ﺟﺪﻫﻢ ....
- ﻣﺪﺭﻱ ﺑﺲ ﻫﻮ ﺗﺮﺓ ﺍﺷﻮﻓﻪ ﻣﺮﻳﺢ ﺟﻴﺮﺍﻧﻪ ﻣﺎ ﺍﺑﺘﻌﺪ ﻋﻦ ﺍﻫﻠﻲ ﻭ ﻣﺒﻠﻎ ﺷﻬﺪ ﻣﻮﺍﻓﻖ ﻋﻠﻰ ﺍﻧﻲ ﻃﺎﻟﺒﻪ ﻭﻫﻢ ﻫﻲ ﺗﻤﺪﺡ ﺑﺄﺧﻼﻗﻪ ﻭﺗﻌﺮﻓﺔ
ﻭﻣﺎﺩﻳﺎ ﻣﻮﻓﻖ ...
- ﻣﺎ ﺍﺩﺭﻱ ﻧﻜﻮﻝ ﻷﻣﻲ ﻭﺍﻟﺤﺠﻴﺔ ﺍﺷﻮﻑ ﺷﻐﻠﻬﺎ ...
ﺻﺎﺭ ﻋﻠﻢ ﻋﻨﺪ ﺍﻣﻲ ﺍﺳﺘﻘﺒﻠﺖ ﺍﻟﻄﻠﺐ ﺑﺘﺮﺩﺩ ﻭﺍﻧﺤﺮﺍﺝ ﻣﻦ ﺷﻬﺪ ﻭﺍﺟﻪ ﺍﻟﻮﻛﺖ ﺍﻟﻲ ﺭﺳﻞ ﺧﻠﻴﻞ ﺍﻣﻪ ﻭ ﺍﺧﺘﻪ ﺍﻟﻨﺎ ﻛﻌﺪﻥ ﻣﻊ ﺍﻣﻲ
ﻭﺷﺎﻓﻨﻲ
،
ﺑﺎﻟﻠﻴﻞ ﺭﺣﺖ ﻟﻐﺮﻓﺔ ﺍﻣﻲ
ﻭﻛﻔﺖ ﻳﻢ ﺑﺎﺏ ﻏﺮﻓﺘﻬﺎ ﻭﻫﻲ ﻛﺎﻋﺪﻩ ﻛﺪﺍﻡ ﻣﺮﺍﻳﺘﻬﺎ
- ﻣﺎﻣﺎ ﻳﻮﻡ ﺣﺎﻭﻟﻲ ﺍﻗﻨﻌﻴﻪ ﺑﺄﺳﻠﻮﺑﺞ
- ﺍﺷﻮﻓﺞ ﺍﻟﺞ ﺭﻏﺒﺔ
ﺣﺮﻛﺖ ﺍﻋﻴﻮﻧﻬﺎ ﻛﺄﻧﻬﺎ ﺷﺎﻛﺔ ﺑﺸﻲ
- ﺍﺣﻢ ﺗﻌﺮﻓﻴﻦ ﻳﻤﺔ ﻻ ﺗﺤﺮﺟﻴﻨﻲ ﺍﻧﻲ ﺷﺎﻳﻔﺘﻪ ﺍﻛﻴﺪ ﺍﻛﻮ ﻗﺒﻮﻝ ﻣﻨﻲ ﻷﻥ
ﻋﺮﻑ ﻭﻣﻦ ﺧﻼﻝ ﺷﻬﺪ ﻣﻀﻤﻮﻥ
ﻳﻌﻨﻲ ﺍﺷﻮﻓﻪ ﻣﻨﺎﺳﺐ ﻻ ﺍﻛﺜﺮ
- ﺍﻋﺮﻓﺞ ﺍﻛﺒﺮ ﻣﻦ ﻋﻤﺮﺝ ﻭﺷﻔﺘﻴﻪ ﻻ ﻏﺒﺎﺭ ﻋﻠﻴﻪ ﻛﻠﺘﻲ ﻣﻨﺎﺳﺐ ﺍﺩﺭﻱ ﻣﺎﻋﻨﺪﺝ ﺷﻲ
ﺍﻟﻠﻪ ﻛﺮﻳﻢ ﺍﺫﺍ ﻗﺴﻤﺘﺞ ﺗﺎﺧﺬﻳﻪ
- ﺍﻟﻠﻪ ﻛﺮﻳﻢ
- ﺗﻌﺎﻟﻲ ﺍﺩﻫﻨﻲ ﺍﻟﻲ ﺭﺟﻠﻴﺔ ..
،
ﺑﻌﺪﻫﺎ
ﺭﺣﺖ ﻟﻐﺮﻓﺘﻲ ﻭﺍﻟﻠﻴﻠﺔ ﺍﻣﻲ ﺭﺍﺡ ﺗﻔﺎﺗﺢ ﻭﺍﻟﺪﻱ
ﻛﻌﺪﺕ ﻣﻦ ﺍﻟﺼﺒﺢ ﻃﻠﻌﺖ ﻟﻐﺮﻓﺔ ﺍﻣﻲ ﻭﺍﺑﻮﻳﺔ ﺍﻭﻭﻩ ﺑﻌﺪﻫﺎ ﻣﻐﻠﻘﺔ
ﺍﺷﻮﻛﺖ ﻳﺼﺤﻮﻥ؟
ﺭﺟﻌﺖ ﻟﻐﺮﻓﺘﻲ
ﺑﺎﻭﻋﺖ ﻟﻠﺴﺎﻋﻪ ﺏ٦ ﻭﺭﺑﻊ
ﻳﻮﻭﻩ ﺍﻧﻲ ﻛﺎﻋﺪﻩ ﻣﻦ ﻭﻛﺖ ﺷﻴﻄﻠﻌﻬﻢ ؟
ﻣﻦ ﺣﺮﻛﺘﻲ ﻭﻓﺮﺗﻲ ﺑﺎﻟﻐﺮﻓﺔ ﻛﻌﺪ ﻋﻼﻭﻱ
ﻭﺭﻛﺾ ﻋﻠﻰ ﺗﻠﻴﻔﻮﻥ ﺍﻣﻪ ﻳﻠﻌﺐ ﺑﻴﻪ
- ﺗﻌﺎﻝ ﺍﻃﻠﻊ ﺍﻟﻚ ﻟﻌﺒﺘﻚ
ﻭﺍﻧﻲ ﺣﺎﻃﺔ ﻋﻼﻭﻱ ﺑﺤﻀﻨﻲ ﻭﻳﻠﻌﺐ ﺳﻤﻌﺖ ﺻﻮﺕ ﺣﺮﻛﺔ ﺑﺎﻟﻤﻤﺮ ، ﻭﺧﺮﺕ ﻋﻼﻭﻱ ﺑﺴﺮﻋﺔ ﻭﻃﻠﻌﺖ ﻭﻣﺮ ﻣﻦ ﻳﻤﻲ ﺑﺎﺑﺎ ﺑﮕﻠﺒﻴﺘﻪ ﺍﻟﺒﻴﺘﻴﺔ ﺭﺍﻳﺢ ﻟﺒﺮﺓ
ﺭﺣﺖ ﻟﻐﺮﻓﺔ ﻣﺎﻣﺎ
ﻟﻜﻴﺘﻬﺎ ﺑﻌﺪﻫﺎ ﻣﻄﺮﻭﺣﺔ
- ﻣﺎﻣﺎ ﻣﺎﻣﺎ ......ﻓﺘﺤﺖ ﺑﻨﻌﺎﺱ
- ﻫﺎ
ﺭﺟﻌﺖ ﻏﻤﻀﺖ
- ﺷﻜﺎﻝ ﺑﺎﺑﺎ ﻣﺎﻣﺎ ﺍﺻﺤﻲ ﺣﺒﺎﺑﺔ ﻭﻛﻮﻟﻲ ﻭﺍﻓﻖ ﻟﻮ ﻻ
ﺗﺜﺎﻭﺑﺖ ﻭﺍﻧﻄﺘﻨﻲ ﻇﻬﺮﻫﺎ
- ﻣﺎﻣﺎ ﻳﺎ ﺣﺮﻛﺘﻬﺎ ﺑﺨﻔﺔ ﻣﻦ ﻣﺘﻨﻬﺎ
- ﻣﺎﻣﺎ ﺑﺎﺑﺎ ﻭﺍﻓﻖ ﻋﻠﻰ ﺧﻠﻴﻞ ﻟﻮ ﺣﻂ ﻋﻘﺪ
- ﺍﻟﻤﺎﻃﻮﺭ ﻟﻴﺶ ﻧﺎﺳﻴﻪ
ﺍﺧﺘﺮﻋﺖ ﻭ ﻭﺟﻬﻲ ﺍﺻﻔﺮ ﺑﺎﺑﺎ ﺧﻠﻔﻲ ﻭﻳﺴﺄﻝ ﻋﻦ ﻣﺎﻃﻮﺭ ﺳﺤﺐ ﺍﻟﻤﺎﻱ ، ﺍﻛﻴﺪ ﺳﻤﻌﻨﻲ ﺗﻮﻧﻲ ﻧﻄﻘﺖ ﺳﺆﺍﻝ ﻻﻣﻲ
ﻇﻠﻴﺖ ﻣﻨﻄﻴﺘﻪ ﻇﻬﺮﻱ ﻭﺍﺑﺎﻭﻉ ﻟﻈﻬﺮ ﺍﻣﻲ ﺑﻐﺒﺎﺀ
ﺍﻣﻲ ﺷﺎﻟﺖ ﺭﺍﺳﻬﺎ ﻭﺑﺎﻭﻋﺖ ﺍﻟﻨﺎ
ﺍﺑﻮﻳﺔ ﺑﺼﻴﻐﺔ ﺍﻣﺮ ﻏﺎﺿﺐ
- ﺭﻭﺣﻲ ﺳﻮﻱ ﺭﻳﻮﻙ
ﻣﺸﻴﺖ ﻣﻦ ﻳﻤﺔ ﻣﺤﻨﻴﺔ ﺍﻟﺮﺍﺱ
ﺑﺲ ﻃﻠﻌﺖ ﻣﻦ ﺍﻟﻐﺮﻓﺔ ﻫﺮﻭﻟﺖ ﻭﻋﺜﺮﺕ ﺑﺎﻟﺴﺠﺎﺩﺓ ﺍﻟﻜﺎﺭﺑﺖ ﻭ ﻛﻌﺖ
ﺩﻛﻮﻡ ﻭﻟﻤﺤﺖ ﺑﺎﺑﺎ ﻣﻦ ﺟﻮﺍﻱ ﻳﺒﺎﻭﻉ ﺍﻟﻲ ﻭﻫﺎﻱ ﺍﻟﻨﻈﺮﺓ ﺣﺎﻓﻈﺘﻬﺎ ﻋﻦ ﻇﻬﺮ ﻗﻠﺐ
( ﻣﺎﻝ ﻭﺍﺣﺪ ﻣﺎ ﻋﺎﺟﺒﻪ ﺍﻟﺤﺎﻝ )
ﻛﻤﺖ ﻭ ﺭﺣﺖ ﻟﻠﻤﻄﺒﺦ ﻟﻜﻴﺖ ﺭﻗﻴﺔ ﺻﺎﺣﻴﺔ ﻣﻦ ﺍﻟﻨﻮﻡ ﻭ ﻭﺍﻛﻔﺔ ﺗﺸﺮﺏ ﻣﺎﻱ
- ﺑﺎﺑﺎ ﻭﺍﻓﻖ ﻭﺍﻓﻖ ﻋﻠﻰ ﺧﻠﻴﻞ ﺧﻠﻴﻞ ؟
ﻣﺴﺤﺖ ﻭﺟﻬﻲ ﺑﻌﺪﻧﻲ ﻣﻤﺠﺎﻭﺑﺔ ﻛﺎﻟﺖ ﻫﻲ
- ﺻﺒﺎﺡ ﺻﺒﺎﺡ ﺍﻟﺨﻴﺮ ﺑﺎﺑﺎ ﺑﺎﺑﺎ
ﺍﻟﺘﻔﺘﺖ ﻫﻢ ﺑﺎﺑﺎ ﺧﻠﻔﻲ ، ﺭﺣﺖ ﻟﻠﺜﻼﺟﺔ ﻓﺘﺤﺘﻬﺎ ﻭﺳﻮﻳﺖ ﻧﻔﺴﻲ ﻣﺸﻐﻮﻟﺔ ﺍﺧﺬ ﺑﻴﺾ ..
ﺭﻗﻴﺔ - ﻫﺎ ﺑﺎﺑﺎ ﻭﺍﻓﻘﺖ ﻭﺍﻓﻘﺖ ﻋﻠﻰ ﺧﻠﻴﻞ
ﻋﻀﻴﺖ ﺷﻔﺘﻲ ﻭﺍﻧﻲ ﻛﻠﻮﺏ ﺍﻟﺜﻼﺟﻪ ﺻﺎﻳﺮ ﻛﺪﺍﻣﻲ ﻭﺩﻱ ﺍﻃﻠﻊ ﺭﺍﺳﻲ ﺍﺿﺮﺑﻬﺎ ﺑﺒﻴﻀﺔ ﻣﺎﻋﺪﻫﺎ ﺑﺮﻳﻚ
ﻣﺎﻛﻮ ﺟﻮﺍﺏ ﻣﻨﻪ
- ﺍﺭﻳﺪ ﺑﻴﻀﺔ ﻋﻴﻦ ﺑﺲ ﻣﻮ ﻧﺺ ﺍﺳﺘﺎﻭ ﻻ ﺍﺳﻮﻳﻬﺎ ﺍﻧﺖ ﺧﻞ ﺯﻳﻨﺐ ﺍﺳﻮﻳﻬﺎ
- ﺍﻱ ﺍﻱ
ﻃﻠﻊ ﺳﺪﻳﺖ ﺍﻟﺜﻼﺟﺔ
- ﻭﻟﺞ ﺍﻻ ﻛﺪﺍﻣﻲ ﺃﺳﺎﻟﻴﻪ ﻫﺎﺍ
- ﻣﻮ ﺍﻧﺖ ﻛﻠﺘﻲ ﺍﻟﺒﺎﺭﺣﺔ ﺍﻟﺒﺎﺭﺣﺔ ﻣﻠﻬﻮﻓﺔ ﻣﻠﻬﻮﻓﺔ ﺍﺗﻌﺮﻓﻴﻦ ﻭﺍﻓﻖ ﻋﻠﻰ ﺧﻠﻴﻞ ﺧﻠﻴﻞ ﻟﻮ ﻻ ﻻ ﻫﺎ ﻫﺎ
ﻫﻠﻮﻭﻭ ﻫﻠﻮ ﻣﺮﺗﻀﻰ ﺻﺒﺎﺡ ﺍﻟﺨﻴﺮ
ﺍﻟﺨﻴﺮ
ﺣﻄﻴﺖ ﺍﻟﺒﻴﺾ ﻋﻠﻰ ﺍﻟﻄﺎﻭﻟﺔ ﻭﺍﻟﺘﻔﺘﺖ ﻋﻠﻰ ﻣﺮﺗﻀﻰ ﻣﻦ ﺭﻗﻴﺔ ﺻﺒﺤﺖ ﻋﻠﻴﻪ
- ﺳﻮﻱ ﺟﺎﻱ ﺍﺭﻳﺪ ﺍﺷﺮﺏ ﻭﺍﻃﻠﻊ
ﻛﺎﻟﻬﺎ ﺑﺰﻣﺦ ....
- ﺧﻞ ﻣﺮﺗﻚ ﺗﺴﻮﻱ
ﺑﺎﻭﻋﻠﻲ ﺑﻨﻈﺮﺓ ﻣﻼﻣﺔ ﻭﺯﻋﻞ ﻭﻛﺎﻝ
- ﻣﺎ ﺍﺭﻳﺪ
ﺭﻗﻴﺔ - ﻫﺴﺔ ﺍﺳﻮﻱ ﺍﺳﻮﻱ
ﻻ ﺗﺰﻋﻞ ﻭﺭﺍﺣﺖ ﺗﺒﻮﺱ ﺑﻴﻪ
- ﻣﺎ ﺍﺭﻳﺪ
ﻭﻳﺒﺎﻭﻉ ﺍﻟﻲ
ﻃﻠﻊ
- ﻳﻮﻭﻩ ﺑﺲ ﻻ ﺯﻋﻞ ﻣﻨﻲ ﺍﻭﻭﻑ
- ﻟﻴﺶ ﺯﻋﻠﺘﻴﻪ ﺯﻋﻠﺘﻴﻪ
- ﻷﻥ ﻳﺰﻣﺦ ﺑﻴﻪ ﻛﻠﺘﻬﺎ ﻫﻴﺞ ﻻﻥ ﺿﻮﺟﻨﻲ
ﻭﺭﺓ ﺍﺷﻮﻳﺔ ﻭﺍﻧﻲ ﺍﻗﻠﻲ ﺑﻴﺾ ﻭﺍﺩﺭﺩﻡ
- ﻫﺴﺔ ﺍﻻ ﻋﻴﻦ ﺧﻤﺲ ﺑﻴﻀﺎﺕ ﻛﻠﻴﺖ ﻭﻣﺎ ﺧﻠﺼﺖ ﺍﻭﻭﻑ
ﺍﻛﻠﻮ ﻣﺨﻠﻤﺔ
ﺭﻗﻴﺔ ﺗﺤﻀﺮ ﺍﻻﻛﻮﺍﺏ ﺑﺎﻟﺼﺎﻟﺔ ﻭﺗﺠﻲ ﺗﺎﺧﺬ ﺍﻟﺸﻜﺮ ، ﻭ ﺩﺍﺭﺕ ﺍﻟﺠﺎﻱ ﺑﺎﻟﺘﺮﻣﺰ ﻭﺭﺍﺣﺖ ﺗﻮﺩﻳﻪ
ﺩﺧﻠﺖ ﺷﻬﺪ
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﻨﻮﺭ
- ﺍﻛﻠﺞ ﺗﺮﺓ ﻣﺮﺗﻀﻰ ﺳﺎﻣﻌﻜﻢ ﻳﻜﻮﻝ ﺷﻨﻮ ﺯﻳﻨﺐ ﻣﻠﻬﻮﻓﺔ ﻋﻠﻰ ﺧﻠﻴﻞ ﻭﻛﻌﺪ ﻳﺤﻘﻖ ﻭﻳﺎﻱ ﻭﺻﺎﻳﺮ ﻧﺎﺭ ﻫﺴﺔ
ﻛﻨﺖ ﺍﺣﻂ ﻋﻠﻰ ﺍﻟﺒﻴﻀﺔ ﺩﻫﻦ ﺣﺘﻰ ﺗﺴﺘﻮﻱ ﻣﻦ ﺻﻔﺎﺭﻫﺎ ﺣﻄﻴﺖ ﺑﺴﺮﻋﺔ ﻃﻔﺮ ﺍﺗﺮﺍﺟﻌﺖ ﻋﻦ ﺍﻟﻄﺒﺎﺥ
- ﺳﺎﻣﻊ !!
ﺍﻧﻲ ﻻ ﺍﺑﺪ ﻻ ﻫﺎﻱ ﺭﻗﻴﺔ
ﻛﻤﻠﻲ ﻛﻤﻠﻲ ﺍﻧﺖ ﮔﻠﻲ
ﺷﺮﺩﺕ ﻟﻐﺮﻓﺘﻲ ﺳﺪﻳﺖ ﺍﻟﺒﺎﺏ ﻭﺣﻄﻴﺖ ﺍﻳﺪﻱ ﻋﻠﻰ ﺟﺒﻴﻨﻲ ﻣﺼﺨﻦ
- ﺷﻨﻮ ﻫﺎﻟﻤﻮﺍﻗﻒ ﺍﻟﺒﺎﻳﺨﺔ ﺍﻟﻲ ﺻﺎﺭﺕ ﺍﻟﻲ
ﺑﺸﺎﺭﺓ ﻣﻮ ﺧﻴﺮ ﺍﻭﻭﻭﻑ
ﻣﺎ ﺍﺷﻮﻓﻬﻢ ﻭﺟﻲ ﺍﺷﻜﺪ ﻋﻴﺐ ﻣﻜﻔﺎﻧﻲ ﺑﺎﺑﺎ ﻃﻠﻊ ﻣﺮﺗﻀﻰ ﺳﺎﻣﻊ
ﻇﻠﻴﺖ ﺑﻐﺮﻓﺘﻲ ﺍﻧﺘﻈﺮﻫﻢ ﻛﻠﻤﻦ ﻳﺮﻭﺡ ﻷﻋﻤﺎﻟﺔ ﻭ ﺍﺗﺼﻠﺖ ﺑﻔﺎﻃﻤﺔ ﺳﻮﻟﻔﺖ ﺍﻟﻬﺎ ﺍﻟﻲ ﺻﺎﺭ ﻻﻣﺘﻨﻲ ...
،
- ﺍﻓﺘﺤﻲ ﺍﻟﺒﺎﺏ ﻟﻴﺶ ﻣﻘﻔﻮﻝ
ﻫﺬﺍ ﺻﻮﺕ ﻣﺎﻣﺎ
ﺩﺧﻠﺖ
- ﺍﺷﺒﻴﺞ ﻟﻴﺶ ﻣﺎ ﻃﻠﻌﺘﻲ ﺗﺎﻛﻠﻴﻦ
ﺭﻭﺣﻲ ﺗﺮﻳﻜﻲ
- ﻣﺎ ﺍﺭﻳﺪ ﻣﺎﻣﺎ
- ﺑﺲ ﻻ ﻣﺴﻮﻳﺔ ﻫﺬﺍ ﺍﻟﺘﺎﻳﺖ
ﻭﻟﺞ ﻻ ﺍﺻﻴﺮﻳﻦ ﻣﺴﻠﻮﻋﺔ ﺭﻭﺣﻲ ﺍﻛﻠﻲ ﺷﻲ
- ﻣﺎ ﻣﺴﻮﻳﺔ ﺩﺍﻳﺖ ﺑﺲ
ﺑﺲ
ﻣﺎﻣﺎ ﻣﺮﺗﻀﻰ ﺯﻋﻼﻥ ؟
- ﺷﻨﻮ ﺯﻋﻼﻥ ﻛﻠﺸﻲ ﻣﺎ ﺑﻴﻪ ﺻﺎﻳﺮ ﺷﻲ ﺑﻴﻨﻜﻢ
- ﻻ ﻫﻴﺞ ﻣﺼﺎﻳﺮ
- ﺭﺍﺡ ﻟﻠﺪﻭﺍﻡ ﻭﺍﺑﻮﺝ ﻃﻠﻊ ... ﺭﻭﺣﻲ ﺍﻛﻠﻲ ﻻ ﺍﻇﻠﻴﻦ ﺑﻼ ﺍﻛﻞ .... ﻭﺑﺎﻟﻨﺴﺒﺔ ﻟﻠﻤﻮﺿﻮﻉ ﺍﺑﻮﺝ ﺑﺎﻟﻠﻴﻞ ﺳﺪﺓ ﻣﺎ ﺍﻫﺘﻢ ﺍﻟﻪ ، ﺑﺲ ﻫﺴﺔ ﻗﺒﻞ ﻻ ﻳﻄﻠﻊ ﻛﺎﻝ ﺧﻞ ﺍﻛﻌﺪ ﻭﻳﻪ ﺍﻟﻮﻟﺪ ﻭﺍﺷﻮﻑ ﻛﻠﻤﺘﻪ !
ﻣﻢ ﺍﻋﺘﻘﺪ ﻷﻥ ﺷﺎﻓﻨﻲ ﻣﻬﺘﻤﺔ ﺳﺄﻟﺖ ﺃﻣﻲ
- ﻫﺎ ﺻﺪﻙ
ﺯﻳﻦ ﻫﻮ ﻣﻮ ﻳﻌﺮﻓﺔ
- ﺍﻱ ﻳﻌﺮﻓﺔ ﺑﺲ ﻫﺴﺔ ﻳﺮﻳﺪ ﻳﻜﻌﺪ ﻭﻳﺎﻩ ﻛﻌﺪﺓ ﺧﺎﺻﺔ ﺑﺎﻟﻤﻮﺿﻮﻉ ﻭﻳﺸﻮﻓﻪ ﻛﺪ ﺍﻟﻲ ﻗﺎﺩﻡ ﻋﻠﻴﻪ ﻭﻳﻨﻄﻴﻪ ﻓﺮﺻﺔ ..
ﻭﻣﺮﺗﻀﻰ ﺍﻳﺪﺓ ﻳﻜﻮﻝ ﻧﻨﻄﻴﻪ ﺍﺻﻼ
- ﺻﺪﻭﻙ ﺍﻭﻭﻑ ﻣﺎﻣﺎ ﻣﺮﺗﻀﻰ ﺳﻤﻊ ﺷﻲ ﺳﺨﻴﻒ ﻭﺯﻋﻞ
ﺳﻮﻟﻔﺖ ﺍﻟﻬﺎ
ﻛﺎﻟﺖ ﻻ ﻋﺎﺩﻱ ﻳﻨﺴﻰ ﺭﻗﻴﺔ ﻣﺎ ﻳﻨﻮﺧﺬ ﻋﻠﻰ ﻛﻼﻣﻬﺎ
- ﻣﺎﻣﺎ ﺧﺎﻑ ﻋﺒﺎﻟﻪ ﻋﻨﺪﻱ ﻋﻼﻗﺔ ﺑﻴﻪ ﻫﻮ ﻛﺎﻥ ﺍﻟﺴﺎﻳﻖ
- ﻻ ﺍﻟﺮﺟﺎﻝ ﺍﻟﺨﻂ ﻋﺎﻳﻔﻪ ﻣﻮ ﻣﺴﺘﻤﺮ ﻭﻳﺎﺝ
ﻗﺎﺑﻞ ﻣﺎ ﻳﻌﺮﻑ ﺍﺧﺘﻪ
ﻭﺍﺿﺤﺔ ﺍﻟﺸﻐﻠﺔ ﺍﻧﺖ ﺻﺎﺩﺗﻪ ﻭ ﺍﺟﻪ ﻣﻦ ﺍﻟﺒﺎﺏ
ﺗﺒﺎﻭﻉ ﺍﻟﻲ ﻣﺜﻞ ﺍﻟﻲ ﺷﺎﻛﺔ
- ﻻ ﻻ ﻣﺎﻣﺎ ﻣﺎ ﺗﻌﺮﺽ ﺍﻟﻲ ﺍﺑﺪ ﺍﺑﺪ
ﺳﻮﺕ ﺍﻳﻤﺎﺀ ﺑﻮﺟﻬﺎ ﻣﺎﻝ ﻭﺍﺣﺪ ﻣﺎ ﻣﻘﺘﻨﻊ
ﻟﻜﻦ ﻣﺎ ﻟﺤﺖ ﻭﻳﺎﻱ
ﺍﺧﺘﺼﺮﺕ ﺍﻟﻜﻼﻡ ﺑﺠﻤﻠﺔ
- ﺍﻟﻤﻬﻢ ﻣﺪﺍﻡ ﻋﺮﻑ ﺍﻟﻄﺮﻳﻖ ﺍﻟﺼﺤﻴﺢ ﻧﻤﺸﻲ ﻭﻳﺎﻩ ﻟﻼﺧﻴﺮ ﻭﺍﻟﻠﻪ ﻛﺮﻳﻢ ﻭﻟﻮ ﮔﻠﺒﻲ ﻟﻌﺐ ﻣﻨﻪ
ﺑﺲ ﺍﻣﻪ ﺧﻮﺵ ﻣﺮﺓ
ﺍﻟﻴﻮﻡ ﺑﺎﻟﻠﻴﻞ ﻣﻮﻋﺪ ﺧﻠﻴﻞ ﻭﻳﺔ ﺑﺎﺑﺎ ﻣﺜﻞ ﻳﻮﻡ ﺍﻣﺘﺤﺎﻥ ﻋﻠﻴﻪ
ﻋﻔﺘﻪ ﺑﺎﻻﺳﺘﻘﺒﺎﻝ ﻭﻳﺔ ﺑﺎﺑﺎ ﻭ ﻣﺮﺗﻀﻰ ﺭﺣﺖ ﻟﺸﻬﺪ ﻟﻐﺮﻓﺘﻬﺎ
- ﺷﻬﺪ ﻳﺎ ﺗﺮﻯ ﺷﻨﻮ ﺍﻟﻨﺘﻴﺠﺔ
- ﻣﺪﺭﻱ ﻣﺮﺗﻀﻰ ﺣﻴﻞ ﻣﺘﻌﺎﻭﻥ ﻭ ﻫﻮ ﻣﺜﻞ ﺍﻟﻲ ﺟﺎﻱ ﻳﺴﻌﻰ ﺗﺼﻴﺮ
ﺑﺲ ﺍﻟﺨﻮﻑ ﻣﻦ ﺍﺑﻮﺝ ﻭﺭﺟﻞ ﺍﺧﺘﺞ ﺍﻟﻲ ﺑﺎﻟﻄﺮﻳﻖ
- ﺷﻨﻮ ﺍﺑﻮ ﻣﺼﻄﻔﻰ ﺟﺎﻱ !
- ﺍﻱ ﻛﺎﻟﻲ ﻣﺮﺗﻀﻰ
- ﻻ ﺧﺮﺑﺖ ﺍﻧﻲ ﺍﻛﻠﺞ ﺧﺮﺑﺖ
ﺍﻛﻠﺞ ﺷﻨﻮ ﻻﺑﺲ ﺧﻠﻴﻞ ﻣﻦ ﻃﻠﻌﺘﻲ ﺳﻠﻤﺘﻲ ﻋﻠﻴﻪ ﻫﺎﺍ ﻭﺷﻌﺮﺓ ﺍﺍﺍﺥ ﺷﻌﺮﺓ ﻣﺎ ﻛﺪﺭﺗﻲ ﺍﺗﻘﻨﻌﻴﻪ ﻳﻜﺼﺔ
- ﻻﺑﺲ ﻗﻤﻴﺺ ﻧﻴﻠﻲ ﻭﺑﻨﻄﺮﻭﻥ ﻛﺎﺑﻮﻱ ﺑﻮﺭﻱ ﻣﻤﻢ
ﻭﺷﻌﺮﺓ ﺷﺎﺩﺓ ﻟﻠﺨﻠﻒ ﻛﻌﻜﺔ
- ﻻ ﻳﺎﺭﺑﻲ
ﺍﻭﻑ ﺷﻌﺮﺓ ﺑﻄﻮﻝ ﺷﻌﺮﺝ ﻳﺎ ﺷﻬﺪ ﺿﻌﻒ ﻃﻮﻝ ﺷﻌﺮﻱ
ﻭﺍﻫﻠﻲ ﻭﺍﺷﻠﻮﻥ ﻣﺎ ﺗﻬﻤﻬﻢ ﻫﺎﻱ ﺍﻟﺴﻮﺍﻟﻒ
ﺳﺎﻋﺔ ﻣﺮﺕ ﻭ ﺻﺎﺭﺕ ﺳﺎﻋﺔ ﻭﻧﺺ ﺍﻧﻲ ﻛﺎﻋﺪﻩ ﻳﻢ ﺷﻬﺪ ﺑﻐﺮﻓﺘﻬﺎ ﻋﻠﻰ ﺳﺮﻳﺮﻫﺎ ﻣﺮﺗﺒﻜﺔ ﻭﺑﺎﺑﺎ ﻭﺍﺑﻮ ﻣﺼﻄﻔﻰ ﻣﺴﺘﻔﺮﺩﻳﻦ ﺑﻴﻪ ...
ﺷﻬﺪ - ﻃﻠﻊ ﻃﻠﻊ
- ﺍﺷﻤﺪﺭﻳﺞ
- ﻫﺎﻱ ﺭﺩ ﻋﻠﻰ ﺭﺳﺎﻳﻠﻲ ﺧﻞ ﺍﺧﺎﺑﺮﺓ
ﺭﺣﺖ ﻗﻔﻠﺖ ﺍﻟﺒﺎﺏ ﻭﺭﺟﻌﺖ ﻳﻤﻬﺎ . ﻓﺘﺤﺖ ﻣﺎﻳﻚ
- ﻫﺎ ﺧﻠﻴﻞ ﺑﺸﺮ
- ﻫﺎ
- ﺍﻧﻲ ﺍﻛﻠﻚ ﻫﺎ ﺷﺼﺎﺭ ﺍﺷﻠﻮﻧﻬﺎ ﺍﻟﻤﻘﺎﺑﻠﺔ ...
- ﻣﺎ ﻣﺘﻔﺎﺋﻞ ﺑﻴﻬﺎ
- ﻟﻴﺶ ﺷﺼﺎﺭ ﺍﺑﻮﻫﺎ ﺷﻜﺎﻝ
- ﺍﺑﻮﻫﺎ ﺯﻳﻦ ﻧﻮﻋﺎً ﻣﺎ ﺑﻄﺮﻳﻘﺔ ﻛﻼﻣﺔ ﻭﻳﺎﻱ
ﺭﻏﻢ ﺍﺣﺴﺔ ﻣﻮ ﻛﻠﺶ ﻋﻠﻴﻪ ﻋﻼﻣﺎﺕ ﺍﻟﻘﺒﻮﻝ .
- ﻳﻌﻨﻲ ﺷﻨﻮ ﻣﺮﺍﺡ ﻳﻮﺍﻓﻖ
- ﻣﺎ ﺍﺩﺭﻱ ﻛﻠﻬﺎ ﺑﺼﻔﺤﺔ ﻭﻫﺬﺍ ﻧﺴﻴﺒﻬﻢ ﺑﺼﻔﺤﺔ
ﻣﺘﻜﺒﺮ ﻳﺤﺠﻲ ﻭﻳﺎﻱ ﻣﺸﻤﺮ ﺗﺼﻮﺭﻱ ﺑﻜﻞ ﺍﺣﺘﻘﺎﺭ ﻳﻜﻠﻲ " ﻭﻫﺬﺍ ﺷﻌﺮﻙ ﺑﻌﺪ ﺍﻟﺰﻭﺍﺝ ﻫﻢ ﺗﺨﻠﻴﻪ ﻫﻴﺞ !
- ﻳﺎ
- ﻟﻮ ﺷﺎﻳﻔﺔ ﻃﺮﻳﻘﺔ ﻛﻼﻣﺔ ﺍﺷﻠﻮﻥ ﻳﺤﺠﻲ ﻭﻳﺎﻱ ﺣﺴﺴﻨﻲ ﺍﻧﻲ ﺻﻐﻴﺮ ﻣﺎ ﺍﺳﻮﺓ
ﺍﺷﻜﺪ ﺍﻛﺮﻩ ﺍﻟﻤﻌﻤﻤﻴﻦ ﻭﻳﺤﺠﻲ ﻭﻳﺎﻱ ﺑﻘﻠﺔ ﺧﻠﻚ ﻭﺍﻟﻠﻪ ﺍﻟﻌﻈﻴﻢ ﻟﻮ ﻣﻮ ﺍﻧﻲ ﺍﻟﺴﺎﺋﻞ ﻭﺍﺣﺘﺮﺍﻣﺎً ﻻﺑﻮﻫﺎ ﺟﺎﻥ ﺍﺿﺮﺑﻪ ﻋﻠﻰ ﺍﺳﻨﻮﻧﻪ ﺍﻃﻴﺤﻬﺎ
ﻓﺮﻛﺖ ﺟﺒﻴﻨﻲ ﺑﺘﻮﺗﺮ ﻭﺣﺴﻴﺖ ﺍﻟﻤﻮﺿﻮﻉ ﺧﺮﺏ ﻛﻠﻪ ﻣﺪﺍﻡ ﻣﺤﻤﺪ ﻣﺎ ﻣﻘﺘﻨﻊ ﻛﻠﺶ
- ﺍﻧﻮﺏ ﻳﻜﻠﻲ ﻭﺍﻟﺤﺸﺪ ﻫﻢ ﺗﺠﻴﻚ ﺍﻟﺤﻤﻴﺔ ﻭﺍﺗﺮﻭﺡ ﺍﻟﻪ ﻓﺠﺄﺓ ﻭﺗﺒﻄﻞ ﻟﻮ ﺍﺳﺘﻘﺮﻳﺖ .!
ﺳﺪﺕ ﺍﻻﺗﺼﺎﻝ ﻭﻳﺔ ﺧﻠﻴﻞ ﺣﻴﻞ ﻣﻌﺼﺐ ﻣﻦ ﻣﺤﻤﺪ ..
- ﺷﻬﺪ ﺍﺛﺮﻱ ﻋﻠﻰ ﻣﺮﺗﻀﻰ ﻭ ﺑﻠﻐﻴﺔ ﺑﻐﻠﺘﺞ ﺍﻟﺨﺎﺻﺔ ﺍﻧﻲ ﻋﻨﺪﻱ ﻗﺒﻮﻝ ﺑﻬﺎﻱ ﺍﻟﺰﻭﺍﺟﺔ
- ﻗﺼﺪﺝ ﻣﺮﺗﻀﻰ ﻳﺠﺒﺮ ﻭﺭﺟﻞ ﺍﺧﺘﺞ ﻳﻜﺴﺮ ﻭ ﻣﻨﻮ ﺍﻟﻲ ﺭﺍﺡ ﻳﺄﺛﺮ ﻋﻠﻰ ﺍﺑﻮﺝ ﺍﻛﺜﺮ ﻳﺎ ﺗﺮﻯ ؟
- ﻣﺎ ﺍﺩﺭﻱ ﻣﺎ ﺍﺩﺭﻱ
ﻣﻦ ﻋﺮﻓﺖ ﺭﺩﺓ ﻓﻌﻞ ﻣﺤﻤﺪ ﺯﺍﺩﺕ ﺭﻏﺒﺘﻲ ﺑﺨﻠﻴﻞ ﻷﻥ ﺍﻹﻧﺴﺎﻥ ﺣﻴﻞ ﻣﻨﻄﻲ ﻧﻔﺴﺔ ﺍﻛﺒﺮ ﻣﻦ ﺣﺠﻤﻪ ﺑﺤﻴﺎﺗﻨﺎ
ﺍﻛﺮﻩ ﺗﻜﺒﺮﺓ ﺣﻴﻞ
ﻛﺴﺮﻟﻲ ﺧﺎﻃﺮﻱ ﺧﻠﻴﻞ ﻛﺎﻥ ﻳﺄﺱ ﻭ ﺿﺎﻳﺞ
ﻣﻦ ﻃﻠﻌﺖ ﻣﻦ ﻏﺮﻓﺘﻬﺎ ﺗﻨﺪﻣﺖ ﻋﻠﻰ ﺍﻧﻔﻌﺎﻟﻲ ﻣﻬﻤﺎ ﻛﺎﻥ ﻫﻮ ﺯﻭﺝ ﺍﺧﺘﻲ ﺍﻟﻜﺒﻴﺮﺓ ﻣﺎ ﻛﺎﻥ ﻻﺯﻡ ﻫﻴﺞ ﺍﺣﺠﻲ ﻋﻨﻪ ﻛﺪﺍﻣﻬﺎ ﻣﺮﺕ ﺍﻳﺎﻡ ﻣﺤﺪ ﺍﺗﻜﻠﻢ ﺑﻬﺬﺍ ﺍﻟﻤﻮﺿﻮﻉ ﻛﺪﺍﻣﻲ ﻭﺍﻧﻲ ﺍﺟﻨﺒﺘﻪ ﺑﻌﺪ ﺍﻟﻤﻮﺍﻗﻒ ﺍﻟﻲ ﺻﺎﺭﺕ ﻻ ﺍﺛﺒﺖ ﺍﻟﺘﻬﻤﺔ ﻋﻠﻴﻪ ﺍﺣﺲ ﻣﺮﺗﻀﻰ ﺷﺎﻙ ﻻﻥ ﻛﺎﻥ ﻳﺸﺘﻐﻞ ﻳﻤﻨﺎ ..
ﻣﻊ ﻫﺬﺍ ﺭﺟﻊ ﻃﺒﻴﻌﻲ ﻭ ﺷﻬﺪ ﻣﻦ ﺳﺄﻟﻬﺎ ﺍﺗﻜﻮﻝ ﻣﺎ ﺍﺩﺭﻱ ﺍﻟﺨﺒﺮ ﻳﻢ ﺍﻫﻠﺞ ﺍﺧﻮﺝ ﻉ ﺍﻟﺼﺎﻣﺖ ﻣﺎ ﺍﺧﺬ ﻣﻨﻪ ﺣﻖ ﺍﻭ ﺑﺎﻃﻞ
ﺍﻧﻲ ﺑﻬﺎﻱ ﺍﻟﻔﺘﺮﺓ ﺍﺗﻐﻴﺐ ﻭﺍﺭﺟﻊ ﺍﺩﺍﻭﻡ ﻷﻥ ﻣﺴﺆﻟﻴﺎﺕ ﻋﻨﺪﻱ ﻟﻮ ﺷﻐﻞ ﺑﺎﻟﺒﻴﺖ ﻟﻮ ﻃﻠﺒﺎﺕ ﻣﻦ ﻓﺎﻃﻤﺔ ﺍﺭﻭﺡ ﺍﻟﻬﺎ ﺗﻄﻠﻊ ﺍﻟﻲ ﺍﻟﻤﺸﺎﻏﻞ ....
ﻣﻦ ﻣﺮ ﺍﺳﺒﻮﻉ ﺍﺟﺘﻨﻲ ﺷﻬﺪ ﻟﻠﻤﻄﺒﺦ
- ﺯﻳﻨﺐ ﻭﻳﻨﺞ
- ﺑﺎﻟﺨﻠﻔﻴﺔ ﺟﺎﻱ ﺍﮔﻠﻲ ﺩﺟﺎﺝ ..
ﺍﻟﺨﻔﻠﻴﺔ ( ﻣﻨﻮﺭ ﻟﻠﺒﻴﺖ، ﺍﻟﻤﻄﺒﺦ ﻭ ﻏﺮﻓﺔ ﻣﺎﻣﺎ ﻭﺑﺎﺑﺎ ﺷﺒﺎﻛﻬﺎ ﻋﻠﻴﻬﺎ ﻭ ﺑﺎﺑﻬﺎ ﻣﻦ ﺍﻟﻤﻄﺒﺦ ﻃﺎﻟﻌﺔ .. ﻃﺒﺎﺥ ﻣﻨﻀﺪﻱ ﺑﻴﻬﺎ ﺍﻃﻠﻌﻪ ﺑﺲ ﺑﻮﻗﺖ ﺗﻘﻼﺓ ﺍﻟﺰﻓﺮ ﻭﺍﺭﺟﻌﺔ ﺍﺿﻤﻪ ﻣﻦ ﺍﺧﻠﺺ ﻣﺎﻟﻪ ﻣﻜﺎﻥ ..
- ﻫﺎ
- ﺍﺑﻮﺝ ﻭﺍﻓﻖ ﻋﻠﻰ ﺧﻠﻴﻞ
- ﺻﺪﻙ ﻫﻬﻬﻬﻪ ﺍﺷﻌﺠﺐ
- ﺍﺷﻮﻑ ﺍﻟﻀﺤﻜﺔ ﺗﻮﺳﻌﺖ
- ﺍﺛﻖ ﺑﺨﻴﺎﺭﺍﺕ ﺑﺎﺑﺎ ﺍﻛﺪﻟﻲ ﺧﻠﻴﻞ ﻣﻨﺎﺳﺐ
- ﺑﺲ ﻛﺎﻟﻲ ﻣﺮﺗﻀﻰ ﻫﺴﺔ ﻣﻮ ﻣﻮﺍﻓﻘﺔ ﻣﻮﺍﻓﻘﺔ
ﺗﻮﻩ ﺍﻻ ﻓﻜﺮ ﻳﺴﺄﻝ ﻭﻳﻄﻘﺲ ﻋﻨﻪ ﺍﻻ ﻳﻮﺍﻓﻖ
- ﺣﻴﻞ ﻫﻬﻬﻬﻪ ﻫﺬﺍ ﺍﻻﺳﺒﻮﻉ ﺑﺲ ﻳﻼ ﻳﺎﺧﺬ ﻗﺮﺍﺭ ﻳﺴﺎﻝ ﻋﻨﻪ ﻟﻮ ﻻ ﻫﻬﻬﻬﻪ
- ﺍﻱ ﺭﺟﻞ ﺍﺧﺘﺞ ﻛﻠﺶ ﻗﺎﻓﻞ ﻋﻠﻰ ﺍﺑﻦ ﺧﺎﻟﻲ ﺷﺪﻋﻮﺓ
- ﻫﺎﺍ ﻫﻴﺞ ﻟﻌﺪ ﺯﻳﻦ ﻣﻦ ﻭﺍﻓﻖ ﻻﻥ ﻣﺤﻤﺪ ﺍﻟﻪ ﺗﺄﺛﻴﺮ ﻋﻠﻰ ﺑﺎﺑﺎ ..
- ﺑﺲ ﺣﺒﻴﺒﻲ ﻣﺮﺗﻀﻰ ﻣﻮﺍﻓﻖ ﻭﺧﻠﺔ ﺍﺑﻮﺝ ﻳﻮﺍﻓﻖ
- ﺭﺿﺎﻭﻱ ﻫﻬﻬﻬﻪ
ﺍﻱ ﺟﺎﻥ ﻗﺒﻞ ﻭﻻ ﻳﺄﺛﺮ ﺑﻴﻪ ﺑﺲ ﻫﺴﺔ ﻣﻦ ﺻﺎﺭ ﺛﻼﺛﻴﻦ ﺟﺎﺩ ﺻﺎﺭﺕ ﻋﻨﺪﻩ ﻛﻠﻤﺔ ﻋﻨﺪ ﺑﺎﺑﺎ
- ﻫﻬﻬﻬﻬﻪ ﺗﺮﺓ ﺍﻛﺘﻠﺞ ﻋﻠﻰ ﻫﺎﻱ ﺛﻼﺛﻴﻦ ﺻﺎﻙ ﻻ ﻫﺬﺍ ﻣﺎﻟﻲ ﺑﺲ ﺍﻧﻲ ﺍﺗﻐﺰﻝ ﺑﻴﻪ
ﻫﺰﻳﺖ ﺍﻳﺪﻱ ﻭﻛﻠﺖ
- ﻛﻠﺖ ﺟﺎﺩ ﺗﺮﺓ
- ﺍﺭﻭﺡ ﻳﻤﺔ
ﻭﺗﺮﻛﺺ ﺑﺤﻮﺍﺟﺒﻬﺎ
- ﻳﻮﻡ ﺍﻟﺠﻤﻌﺔ ﻣﺎ ﻳﻨﺰﻝ ﺑﻴﻪ ﻣﺮﺗﻀﻰ ﺻﺎﻳﺮ ﻣﻌﻠﻚ ﻓﻮﻙ
ﺿﺤﻜﺖ ﻭﺭﺍﺣﺖ ...
ﺟﻤﻌﺔ ﻛﺎﻣﻠﺔ .. ﻭ ﻫﻤﻪ ﻳﺴﺄﻟﻮﻥ ﺍﻗﺼﺪ ﺑﺎﻟﺠﻤﻌﺔ ﺍﻟﻜﺎﻣﻠﺔ ﺍﺳﺒﻮﻉ ﻣﻦ ﺍﻟﺠﻤﻌﺔ ﻟﻠﺠﻤﻌﺔ ، ...
ﻭﺷﻬﺪ ﺗﻬﺪﻱ ﺑﺄﻡ ﺧﻠﻴﻞ ﺿﺎﺟﺖ ﻣﻦ ﺍﻟﺘﺄﺧﻴﺮ ﻭﺗﺤﺠﺞ ﺍﻟﻬﺎ ﺑﺤﺠﺞ ﻭﺍﻫﻴﺔ ..
ﻣﺮﺗﻀﻰ ﺣﺘﻰ ﻣﺎ ﻛﻠﻒ ﻧﻔﺴﺔ ﻳﺴﺄﻝ ﻋﻨﻪ
ﻋﻨﺪﺓ ﺷﻲ ﺭﻭﺗﻴﻨﻲ ﻳﻜﻮﻝ ﺍﻋﺮﻓﺔ ﻣﻌﺮﻓﺔ ﺷﺨﺼﻴﺔ ﻫﻮ ﻭﻳﺎﺳﺮ ﻻ ﻏﺒﺎﺭ ﻋﻠﻴﻬﻢ
ﺍﻧﻲ ﺍﻧﺘﻈﺮ ﺑﺎﺑﺎ ﻭ ﺳﻴﺪ ﻣﺤﻤﺪ ﻳﺨﻠﺼﻮﻧﻲ ﻣﻦ ﺗﻌﻘﻴﺪﻫﻢ ... ﺍﻟﺼﺮﺍﺣﺔ ﺣﻴﻞ ﺭﻏﺒﺘﻲ ﺯﺍﺩﺕ ﺑﻬﺬﺍ ﺍﻟﺰﻭﺍﺝ ﺣﺘﻰ ﺑﺸﺘﻴﺎﻕ ﺍﻟﻪ ﺍﺣﺲ ...
ﺑﺎﻟﻠﻴﻞ ﺍﺑﺎﻭﻉ ﻋﻠﻰ ﺗﺼﻮﻳﺮﺍﺗﻪ ﺍﻟﻲ ﺗﺮﺳﻠﻬﻢ ﺍﻟﻲ ﺷﻬﺪ ...
ﺭﺣﺖ ﻟﻜﻨﺘﻮﺭﻱ ﺍﺗﻔﻘﺪ ﻫﺪﻳﺘﻪ .. ﻟﺰﻣﺖ ﻃﺮﻓﻪ ﻭﺍﻧﻲ ﺍﺗﺨﻴﻞ ﺍﺩﻳﺔ ﻭﻫﻲ ﺗﺨﺘﺎﺭﺓ ﻭﺗﺘﺨﻴﻠﻨﻲ ﺍﻋﻴﻮﻧﻪ
ﺍﺑﺘﺴﻤﺖ
- ﺧﺒﺎﻝ ﺍﻱ ﻭﺍﻟﻠﻪ ﺧﺒﺎﻝ ﻓﺮﺽ ﻧﻔﺴﺔ ﻓﺮﺽ ﻏﻴﺮ ﺍﻫﻠﻲ ﻳﺮﺣﻤﻮﻩ ﻭﻳﺮﺣﻤﻮﻧﻲ .ﺍﺷﻜﺪ ﺣﻠﻮﺓ ﻫﻮ ﻳﻮﺻﻠﻨﻲ ﻭﻳﺮﺟﻌﻨﻲ ﻭﺍﻧﻲ ﺧﻄﻴﺒﺘﻪ ﻫﻬﻬﻬﻬﻪ ﻣﺎ ﺍﻋﺘﻘﺪ ﺭﺍﺡ ﻳﻜﻌﺪ ﻋﺎﻗﻞ ﺑﺲ ﺍﻧﻲ ﺍﻟﻪ ﺑﺎﻟﻤﺮﺻﺎﺩ ﺍﻻ ﺍﺗﻐﻠﻰ ﻋﻠﻴﻪ ﻣﺎ ﺍﺩﻭﺭ ﺳﻨﺔ ﺍﺑﻮﻩ ﺍﻻ ﺷﺎﻋﻠﺔ ﻧﺎﺭ ﻧﺎﺭﺓ ﻫﻬﻬﻬﻬﻪ
ﺍﻟﺘﻔﺘﺖ ﻣﺨﺘﺮﻋﺔ ﺑﺎﻟﻀﺮﺑﺔ ﻋﻠﻰ ﺭﺟﻠﻲ
- ﺍﻟﻴﺪ ﻣﻤﻮ ﻣﻤﻮ
- ﻛﻮﻝ ﻣﻤﺔ ﻣﻮ ﺻﺮﺕ ﺭﺟﺎﻝ ﻋﻠﻴﻮﺍﻥ
ﺗﻌﺎﻝ ﺭﺍﺡ ﻳﺼﻴﺮ ﻋﻤﺮﻙ ﺳﻨﺘﻴﻦ ﻭ ﻻﺯﻙ ﺍﻟﻬﺎ ﺍﺑﻮ ﺍﻟﺴﺎﻥ
- ﺩﺑﻲ ( ﺍﻧﺠﺒﻲ )
- ﻋﺎﺑﺖ ﻛﻠﻪ ﻣﻨﻲ ﻋﻠﻤﺘﻚ ﻋﻠﻴﻬﺎ
ﺳﻮﻳﺘﻬﺎ ﻭﺣﻄﻴﺘﻪ ﺑﺴﺮﻳﺮﻩ ﻳﺮﺿﻊ
ﺭﻗﻴﺔ ﺧﻠﺼﺖ ﻗﺮﺍﺀﺓ ﻗﺮﺍﻥ ﺍﻟﻠﻴﻠﺔ ﻟﻴﻠﺔ ﺟﻤﻌﺔ ﻭﺩﺧﻠﺖ ﻟﻔﺮﺍﺷﻬﺎ
ﺍﻭﻝ ﻣﺎ ﺍﻧﻄﺮﺣﺖ ﺍﻧﻲ ﻋﺎﻑ ﻣﻜﺎﻧﻪ ﻭﺍﺟﻪ ﻳﻤﻲ ﺍﻧﻄﺮﺡ ﻭﻟﺰﻡ ﻇﻔﻴﺮﺗﻲ ﺍﻟﻲ ﻃﻮﻟﻬﺎ ﻭﻳﺔ ﻃﻮﻝ ﺭﻗﺒﺘﻲ ﺗﻌﺎﻧﻲ ﻣﻦ ﺍﻟﻬﺰﻝ !
- ﻋﻼﻭﻱ ﺗﻌﺎﻝ ﻳﻤﻲ
ﻣﻐﻤﺾ ﺍﻋﻴﻮﻧﻪ ﻭﺣﺎﻁ ﺭﺍﺳﻪ ﻋﻠﻰ ﺻﺪﺭﻱ
ﺭﻗﻴﺔ - ﺗﻌﺎﻝ ﻳﻤﻲ ﻋﻼﻭﻱ
- ﺧﻠﻴﻪ ﻳﻤﻲ
- ﻟﻴﺶ ﺍﺟﻪ ﻳﻤﺞ ﻣﻮ ﻳﻤﻲ
- ﻋﻼﻭﻱ ﺍﺑﻨﺎ
ﺿﺤﻜﺖ
- ﻣﻮ ﺛﻨﻴﻨﺎ ﺧﻠﻔﻨﺎﻩ ﺧﻠﻔﻨﺎﻩ ﻭﺣﺪﻱ ﻭﺣﺪﻱ ﺟﺒﺘﻪ
- ﻫﻬﻬﻬﻬﻪ ﺍﻧﻲ ﺍﺑﻮﻩ ﻭﺍﻧﺖ ﺍﻣﻪ ﺍﺣﺴﺒﻴﻨﻲ ﺑﺒﺪﺍﻝ ﺍﺑﻮﻩ ﺍﻟﻲ ﺻﺎﺭﻟﺞ ﺍﻫﻮﺍﻱ ﻣﺎﺩﺍﺯﺗﻪ ﻏﻴﺮ ﻣﺮﺓ ﻟﻮ ﻣﺮﺗﻴﻦ ﻋﺼﺮﻳﺎﺕ
- ﻣﺎ ﻣﺎ ﺍﻧﺖ ﻭﺷﻬﺪ ﺍﻫﻨﺎ ﺍﻫﻨﺎ ﺍﺗﺮﻛﻀﻦ ﺍﺗﺮﻛﻀﻦ ﻭﺭﺍﻩ
ﺍﻫﻨﺎﻙ . ﺍﻫﻨﺎﻙ ﻣﺎ ﺍﺩﻳﺮ ﺍﻟﻪ ﻳﺎﺳﻤﻴﻦ ﺑﺎﻝ ﺑﺎﻝ ﺭﺍﺳﻪ ﺭﺍﺳﻪ ﺧﺎﻑ ﻳﻨﻔﺠﺮ ﻳﻨﻔﺠﺮ
- ﻳﻮﻩ ﺍﺳﻢ ﺍﻟﻠﻪ
ﺍﻓﻜﺎﺭﺝ ﺻﺎﻳﺮﺓ ﺳﻮﺩﺓ
- ﺍﺷﺘﺎﻗﻴﺖ ﺍﻟﻪ ﺍﻟﻪ ﺍﻫﻮﺍﻱ
- ﻭﺍﻧﻲ ﻫﻢ
- ﺍﺷﺘﺎﻗﻴﺖ ﻟﻴﺎﺳﺮ
- ﻫﻬﻬﻪ ﻻﺑﻦ ﺧﺎﻟﺔ ﺑﺲ ﻫﺬﺍ ﺳﺮ ﺑﻴﻨﺎ ﻣﻮ ﺍﺗﻔﻀﺤﻴﻨﻲ
- ﻳﺎﻫﻮ ﻳﺎﻫﻮﻭ ﻫﺎﺍﺍ
- ﺧﻠﻴﻞ ﺍﺷﺒﻴﺞ ﺍﻧﺖ
ﺻﻔﺮ ﻫﺪﻭﺀ ﺍﻟﻠﻴﻞ ﻭ ﻧﻴﻤﻨﺎ
ﻓﺘﺤﺖ ﺍﻋﻴﻮﻧﻲ ﺍﻟﻴﻮﻡ ﺟﻤﻌﺔ ﺧﻠﺼﺖ ﺷﻐﻠﻲ ﺍﻟﻴﻮﻡ ﻭ ﻗﻞ ﻭﺍﻫﺴﻲ ﻣﻦ ﺳﻤﻌﺖ ﺍﻟﻴﻮﻡ ﺑﻴﺖ ﻓﺎﻃﻤﺔ ﻳﺠﻮﻥ ﻳﻤﻨﺎ ﺟﻨﺖ ﻧﺎﻭﻳﺔ ﺍﻃﻠﻊ ﻟﻠﺠﻠﺴﺔ ﺍﺩﺭﻱ ﺑﻴﻪ ﻳﻨﺘﻈﺮﻧﻲ !
ﺭﺣﺖ ﺍﻛﺘﺐ ﻗﺎﺋﻤﺔ ﻟﻤﻘﺘﺪﻯ
ﻣﻘﺘﺪﻯ
- ﻳﻼ ﺍﺭﻳﺪ ﺍﺭﻭﺡ ﻫﺴﺔ ﺍﻣﻨﻴﻦ ﻃﻠﻌﺘﻮ ﺍﻟﻲ ﺑﺴﺎﻟﻔﺔ ﺍﻟﺴﻮﻙ
- ﺍﺳﻜﺖ ﺧﻞ ﺍﺭﻛﺰ
ﻫﺎﻙ
ﻫﺎﻱ ﻣﻮ ﺗﻨﺴﻰ ﺷﻲ
- ﻭﻳﻦ ﺍﻻﻓﻠﻮﺱ ﻟﻌﺪ
- ﻫﻢ ﻋﻮﺯﻱ ﺍﻧﻄﻴﻚ ﻣﻨﻲ ﺭﻭﺡ ﻷﻣﻚ
- ﺍﺷﺒﻴﺞ ﺍﺻﻴﺤﻴﻦ ﻋﻠﻴﻪ
- ﻭﻟﻚ ﻻ ﺗﻨﺘﺮ
ﻟﺰﻣﺘﻪ ﻣﻦ ﻳﺎﺧﺘﻪ .
ﻣﺮﺗﻀﻰ ﻭﻫﻮ ﻳﻨﺰﻝ ﻣﻦ ﺍﻟﺪﺭﺝ
- ﺍﺷﺒﻴﻜﻢ ﺍﻧﺘﻢ ﺑﺲ ﺗﺘﻨﺎﻛﺮﻭﻥ
ﻣﻘﺘﺪﻯ - ﻫﺎﻱ ﺣﺎﺳﺒﺔ ﻧﻔﺴﻬﺎ ﻋﻠﻴﻪ ﺟﺒﻴﺮﺓ
- ﻭﻫﻲ ﻫﺎﻱ ﺍﻟﻲ ﺗﻬﻴﻬﻬﻚ
ﻣﺮﺗﻀﻰ - ﻻ ﺗﺮﺍﺩﺩ ﻭ ﺍﺻﺨﺮ
ﻣﻘﺘﺪﻯ - ﻫﻮ ﺑﺲ ﺍﻧﻲ ﻛﺪﺭﺗﻜﻢ ﻋﻠﻴﻪ ﻳﻮﻡ ﺍﻛﺸﺮ ﺍﻟﻲ ﺻﺮﺕ ﺑﻴﻪ ﺍﻟﺼﻐﻴﺮ
ﻟﻮ ﺍﻧﻲ ﻣﺮﺗﻀﻰ ﺟﺎﻥ ﺍﺷﺒﻊ ﻫﺎﻱ ﺩﻙ
ﻳﻤﺸﻲ ﻭﺻﻞ ﻟﻠﻬﻮﻝ ﻭﻳﺪﺭﺩﻡ
- ﺗﺮﺓ ﺳﻤﻌﺘﻚ ﺳﻤﻌﺘﻚ
ﺟﻨﺖ ﺣﺒﺎﺏ ﻟﻴﺶ ﻫﻴﺞ ﺻﺎﻳﺮ
ﻣﺮﺗﻀﻰ - ﻻ ﺗﺮﻛﺰﻳﻦ ﻭﻳﺎﻩ ﻣﺮﺍﻫﻖ ﻭﺟﺎﻱ ﻳﻜﺒﺮ ﺍﺣﺘﺮﻣﻴﻪ ﺍﺷﻮﻳﺔ
ﺷﺮﺍﺡ ﺍﺳﻮﻥ ﻏﺪﺓ
- ﺳﻤﺞ ﺷﻮﻱ ﻭ ﺗﻤﻦ ﺍﺣﻤﺮ
ﺍﻟﺴﺎﻋﺔ ﺑﻬﺪﻋﺶ ﺍﻧﻲ ﻭﺍﻛﻔﺔ ﺑﺎﻟﺨﻠﻔﻴﺔ ﺑﺎﻟﺘﻨﻮﺭ ﺍﻟﺼﻐﻴﺮ ﺣﺎﻃﺔ ﺷﻮﺍﻳﺔ ﺳﻤﺞ ﻭ ﺍﺷﻮﻱ ﺑﻴﻪ ﻭﺑﺎﻟﺜﺎﻧﻲ ﺍﻟﻜﺒﻴﺮ ﺍﺧﺒﺰ
ﻭﻣﻠﺜﻤﺔ ﻭﺟﻬﻲ ﻻ ﻳﺘﺤﺴﺲ ﻣﻨﻪ ﻭﺍﻣﻲ ﻭﻓﺎﻃﻤﺔ ﺑﺎﻟﻤﻄﺒﺦ ﺍﺳﻤﻊ ﺳﻮﺍﻟﻔﻬﻦ ﻭﺷﻬﺪ ﻳﻤﻬﻦ ﺗﺜﺮﻡ ﺯﻻﻃﺔ ..
ﺧﻠﺼﺖ ﺳﺒﺤﺖ ﻭ ﺍﻧﻲ ﻋﻠﻰ ﺗﺮﻗﺐ ﺍﻟﺮﺩ .. ﻟﺒﺴﺖ ﺻﺎﻳﺔ ﺳﻮﺩﺓ ﻋﺮﻳﻀﺔ ﻭ ﺣﺠﺎﺏ ﻭﺭﻗﻴﺔ ﺑﺎﻟﻤﺜﻞ ..
ﺻﺒﻴﺖ ﻏﺪﺓ ﻭ ﻣﻘﺘﺪﻯ ﻭﻣﺼﻄﻔﻰ ﻳﺤﻤﻠﻮﻥ ﺍﻟﺼﻮﺍﻧﻲ .. ﺑﻘﻰ ﺍﻟﻠﺒﻦ ﺍﺧﺬﺗﻪ ﻭﺭﺣﺖ ﻟﻠﺴﻔﺮﺓ ﺍﺧﻠﻴﻪ . ﺑﺲ ﺑﺎﺑﺎ ﻭ ﺍﻟﺴﻴﺪ ﻛﺎﻋﺪﻳﻦ ..
ﺳﻤﻌﺖ ﺳﻴﺪ ﻣﺤﻤﺪ
- ﻣﻦ ﺍﻟﺒﺪﺍﻳﺔ ﻛﻠﺖ ﺍﻟﻚ ﻻ ﺗﺴﺄﻝ ﺍﺻﻼ ﻭﺗﺘﻌﺐ ﻣﻦ ﻫﻴﺄﺗﻪ ..
ﻣﻦ ﺍﺗﻘﺮﺑﺖ ﻳﻤﻬﻢ ﺷﺎﻓﻨﻲ ﻭﺳﻜﺖ ،ﺍﺟﻨﻲ ﺍﻣﻲ ﻭﻓﺎﻃﻤﺔ ﻭﺍﻟﺒﻘﻴﺔ
ﻳﻮﻡ ﻣﺮﻫﻖ . ﺧﻠﻴﺖ ﺷﻬﺪ ﺗﻌﺰﻝ ﺍﻟﻤﻄﺒﺦ ﻭﺍﻧﻲ ﺳﻮﻳﺖ ﺟﺎﻱ ﻭﺩﺧﻠﺖ ﻟﻐﺮﻓﺘﻲ ﻟﻜﻴﺘﻬﺎ ﻣﻘﻠﻮﺑﺔ ﻣﻦ ﻗﺒﻞ ﻭﻟﺪ ﻓﺎﻃﻤﺔ ﻭﻋﻼﻭﻱ ..
ﻛﻌﺪﺕ ﺑﻨﺺ ﺍﻟﻬﻮﺳﺔ ﻭﺍﻟﻐﺮﺍﺽ ﺍﻟﻤﻨﻔﺸﺔ ﻭﺻﺎﻓﻨﻪ ﺍﻓﻜﺮ ﺑﻜﻼﻡ ﻣﺤﻤﺪ .. ﺑﺲ ﻻ ﻳﻘﺼﺪ ﺧﻠﻴﻞ
ﺩﺧﻠﺖ ﻓﺎﻃﻤﺔ ﻭﺑﻴﺪﻫﺎ ﺍﺳﺘﻜﺎﻥ ﺍﻟﺠﺎﻱ ..
- ﺯﻧﻮﺑﺔ ﺗﻌﺒﻨﺎﺝ ﺍﻟﻴﻮﻡ
- ﺍﻱ ﻛﻠﺶ
- ﻋﺎﺑﺖ
ﻛﻌﺪﺕ ﻳﻤﻲ
- ﺻﺪﻙ ﻣﺮﺗﻀﻰ ﺭﺍﺡ ﻳﻜﻮﻝ ﻟﺸﻬﺪ ﺗﺒﻠﻎ ﻗﺮﻳﺒﻬﺎ ﺑﺮﻓﻀﻨﺎ
ﺍﻟﺘﻔﺘﺖ ﻋﻠﻴﻬﺎ ﺍﻟﺘﻔﺎﺗﻪ ﻣﻨﻔﻌﻠﺔ
- ﻣﻦ ﻭﺭﺓ ﺭﺟﻠﺞ ﺍﻋﺮﻑ ﻭﺍﻟﻠﻪ ﻛﻨﺖ ﻣﺘﺄﻛﺪﻩ
- ﻻ ﻣﺎﻟﻪ ﻋﻼﻗﺔ ﺍﺷﺒﻴﺞ ﻫﻴﺞ ﺗﺤﺠﻴﻦ ﻋﻠﻴﻪ
- ﻻ ﺍﻟﻪ
ﺷﻔﺘﻪ ﻋﻠﻰ ﺍﻟﻐﺪﻩ ﺍﺷﻠﻮﻥ ﻛﺎﻋﺪ ﻳﺰﻥ ﺑﺎﺫﻥ ﺑﺎﺑﺎ ﻛﻠﻪ ﻣﻨﻪ
ﻣﻌﻘﺪ ﺣﻜﻢ ﻋﻠﻴﻪ ﻣﻦ ﻣﻈﻬﺮﻩ
- ﺯﻳﻨﺐ ﻻ ﺗﺤﺠﻴﻦ ﺑﻨﺘﺮ ﻫﻴﺞ ﻭﻳﺎﻱ ﻭﻋﻠﻰ ﺭﺟﻠﻲ
- ﻏﻴﺮ ﻛﻠﻪ ﻣﻨﻪ ﻭﺍﺣﺪ ﻋﻜﺮﺓ ﻭﻣﺘﺴﻠﻂ ﺷﻌﻠﻴﻪ ﺑﻴﻨﺎ ﻳﺪﺧﻞ ﺑﻜﻠﺸﻲ ﺑﺤﻴﺎﺗﻨﺎ
- ﺯﻳﻨﺐ !
ﻛﻤﺖ ﻭﺧﺮﺕ ﺍﺑﻨﻬﺎ ﻋﻦ ﻛﺘﺒﻲ ﺑﻌﺼﺒﻴﻪ
- ﻳﻘﻨﻊ ﺑﻮﺍﻟﺪﻱ ﻻ ﻳﻮﺍﻓﻖ ﻭﻫﻮ ﺍﻟﻲ ﺃﺧﺮﻧﺎ ﻣﺎ ﻣﺤﺘﺎﺟﻴﻦ ﺳﺆﺍﻝ ﻣﺮﺗﻀﻰ ﻳﻌﺮﻓﺔ ﺍﺻﻼ
ﺩﻭﺧﺮ
ﺩﻓﻌﺖ ﺗﻘﻲ
- ﻏﺒﻴﺔ ﺍﺷﻠﻮﻥ ﺍﺗﺮﻓﻌﻴﻦ ﺻﻮﺗﺞ ﻫﻴﺞ ﻋﻠﻴﻪ
ﻭ ﺗﺤﺠﻴﻦ ﻋﻠﻰ ﻣﺤﻤﺪ ﺑﻬﺬﺍ ﺍﻻﺳﻠﻮﺏ
ﻭﻟﺞ ﺍﻧﺖ ﺭﺑﻰ ﺍﻳﺪﻱ
- ﻓﺎﻃﻤﺔ ﻫﺎﻱ ﺍﻟﺤﻘﻴﻘﺔ ﻻ ﺍﺯﻋﻠﻴﻦ ﻣﻨﻲ ﺯﻭﺟﺞ ﻣﺘﺴﻠﻂ ﻋﻠﻰ ﺣﻴﺎﺗﻨﺎ ...
- ﻻﻥ ﻣﺜﻞ ﺍﺧﻮﺝ ﺍﻟﺠﺒﻴﺮ ﻭﺗﺪﺭﻳﻦ ﻳﺼﻠﺢ ﻳﺼﻴﺮ ﺍﺑﻮﺝ ﻭﻫﻴﺞ ﺗﺤﺠﻴﻦ ﻋﻨﻪ ﺑﻬﺬﺍ ﺍﻻﺳﻠﻮﺏ ﻭﻫﻮ ﺧﺎﻳﻒ ﻋﻠﻴﺞ
ﻧﺴﻴﺘﻲ ﻳﺎﻣﺎ ﻛﻌﺪﺗﻲ ﺑﺤﻀﻨﻪ
- ﺩﺳﻜﺘﻲ ﻋﺎﺩ ﻳﺎ ﻣﺜﻞ ﺍﺧﻮﻳﺔ
ﻣﺮﺗﻀﻰ ﻣﺎ ﻋﻨﺪﺍ ﺍﻟﺴﻠﻄﺔ ﺍﻟﻲ ﻋﻨﺪ ﻣﺤﻤﺪ ﺑﻜﻠﺸﻲ ﺣﺎﻁ ﻛﻠﻤﺘﻪ
ﺍﺷﺒﻴﻪ ﺧﻠﻴﻞ ﻭﻫﻴﺞ ﻣﺎﺧﺬ ﻋﻨﻪ ﻧﻈﺮﺓ
ﻻ ﺑﺎﻳﻚ ﻭﻻ ﻧﺎﻫﺐ ﺑﺎﺳﻢ ﺍﻟﺪﻳﻦ
ﺿﺮﺑﺘﻨﻲ ﺑﺨﺎﺷﻮﻛﺔ ﺍﻟﺠﺎﻱ ﺑﻌﺼﺒﻴﻪ
- ﻻ ﺗﺨﺮﺑﻄﻴﻦ ﺑﺎﻟﺤﺠﻲ ﻭﺍﺷﻤﺮﻳﻦ ﺑﺎﻟﻜﻼﻡ
ﻋﻠﻰ ﻣﺤﻤﺪ ﻓﻠﺲ ﺣﺮﺍﻡ ﻣﺎ ﻣﺪﺧﻞ ﺍﻟﻨﺎ ﻟﻮ ﻳﻘﺒﻞ ﺍﻟﺤﺮﺍﻡ ﺟﺎﻥ ﺍﺣﻨﻪ ﻫﺴﺔ ﻋﺪﻧﺎ ﻗﺼﻮﺭ
ﻋﺎﻓﺖ ﺍﻻﺳﺘﻜﺎﻥ ﻭﻃﻠﻌﺖ ﻣﻄﻠﻌﻪ ﻭﻳﺎﻫﺎ ﺃﻃﻔﺎﻟﻬﺎ ﺑﻌﺼﺒﻴﻪ ..
ﺻﺪﻳﻖ ﻗﺒﻞ ﻻ ﻳﻄﻠﻊ
ﺣﻀﻨﻲ ﻣﻦ ﺭﺟﻠﻴﻪ ﺍﻟﻲ ﻭﺻﻞ ﺍﻟﻬﻦ ﻭﻃﻠﻊ
ﻛﻌﺪﺕ ﻃﺎﻟﻌﺔ ﺭﻭﺣﻲ ﻭ ﮔﻠﺒﻲ ﻳﻮﺟﻌﻨﻲ
ﺍﻟﻤﻐﺮﺏ ﻣﻦ ﻓﺮﻍ ﺍﻟﺒﻴﺖ ﻋﻠﻴﻨﺎ ﺻﻌﺪﺕ ﻟﺸﻬﺪ ..
ﻟﻜﻴﺘﻬﺎ ﻛﺎﻋﺪﻩ ﻭﺻﺎﻓﻨﻪ ﻋﻠﻰ ﺍﻟﻔﺮﺍﻍ
ﺣﺰﻳﻨﺔ
- ﺍﺩﺧﻞ
- ﻃﺒﻲ
- ﺷﻬﺪ ﺍﻧﺖ ﺯﻋﻼﻧﻪ ﻻﻥ ﺍﻫﻠﻲ ﺭﻓﻀﻮ
ﺩﻧﻜﺖ ﺭﺍﺳﻬﺎ .
- ﺷﻬﺪ .... ﻣﻮ ﺑﻴﺪﻱ ﺑﻠﻐﻴﻪ ﺍﻧﻲ ﺍﻫﻠﻲ ﺻﻌﺒﻴﻦ ﺑﺲ ﺍﺭﻳﺪ ﺍﻋﺮﻑ ﻟﻴﺶ ﺑﺎﺑﺎ ﻣﺸﻰ ﻭﺭﺓ ﻣﺤﻤﺪ ﻭﺭﻓﺾ ﻣﻦ ﻏﻴﺮ ﺳﺒﺐ
ﻣﺎ ﺟﺎﻭﺑﺘﻨﻲ ﺷﻬﺪ ..
ﻧﺰﻟﺖ ... ﺻﺎﺭ ﺑﻄﺮﻳﻘﻲ ﻣﺮﺗﻀﻰ
- ﺟﻨﺘﻲ ﻳﻢ ﺷﻬﺪ
- ﺍﻱ
- ﻛﺎﻟﺖ ﺍﻟﺞ ﺭﻓﻀﻨﺎ ﺧﻠﻴﻞ
ﺳﻜﺘﺖ
- ﻣﺤﻤﺪ ﻣﺪﻭﺭ ﻭﺭﺍﻩ ﻭ ﻃﻠﻊ ﺟﺎﻥ ﻳﺸﺮﺏ
- ﺷﻨﻮ !
- ﻣﺎ ﻛﺎﻟﺖ ﺍﻟﺞ ﺷﻬﺪ ﺳﺒﺐ ﺍﻟﺮﻓﺾ؟
ﻫﺰﻳﺖ ﺭﺍﺳﻲ ﺑﻼ
- ﻣﻦ ﺟﺎﻥ ﺻﻐﻴﺮ
ﺃﺗﺼﻠﺖ
ﻋﺎﺗﺒﺖ ﻳﺎﺳﺮ ﻭﺣﻠﻒ ﺍﻟﻲ ﺑﻔﺘﺮﺓ ﺑﺄﻭﻝ ﻃﻠﻌﺔ ﺍﻟﻪ ﺟﺮﻓﻮﻩ ﺍﻭﻻﺩ ﻋﻤﻪ
ﻫﺬﺍ ﺍﻟﻜﻼﻡ ﺻﺎﺭﻟﺔ ﺍﻛﺜﺮ ﻣﻦ ﻋﺸﺮ ﺳﻨﻮﺍﺕ
ﻭﺍﻋﺘﻴﺎﺩﻱ ﻛﺒﺮ ﻭ ﻋﻘﻞ ﺑﺲ ﺍﺑﻮﺝ ﻣﺘﻌﻮﺩ ﺍﻛﺒﺮ ﺫﻧﺐ ﺳﻮﺍﻩ ﺍﺑﻨﻪ ﺣﺒﺔ ﻝ ﺍﻵﻻﺕ ﺍﻟﻤﻮﺳﻴﻘﻰ ... ﺍﻟﺸﺮﺏ ﻋﺪﺓ ﻣﻦ ﻛﺒﺎﺋﺮ ﺍﻟﺬﻧﻮﺏ ﻣﺎ ﻳﻐﺾ ﻧﻈﺮ ﻋﻨﻬﺎ ﺍﻟﺼﺮﺍﺣﺔ ﺍﻧﻲ ﻟﻮ ﻋﻨﺪﻱ ﺑﻨﻴﺔ ﻫﻢ ﻣﻦ ﺍﻟﻤﺴﺘﺤﻴﻞ ﺍﻧﻄﻴﻬﺎ
ﻷﺣﺪ ﻛﺎﻥ ﻳﺸﺮﺏ
ﻫﺴﺔ ﻣﺘﻔﻬﻢ ﻻﻥ ﺷﺎﺑﺔ ﻣﺜﻠﺔ ﻭ ﻣﺘﻔﻬﻢ ﺍﻟﻮﺿﻊ ﺑﺲ ﺍﻟﺨﻮﻑ ﺍﻻﺑﻮﻱ ﺷﻲ ﺛﺎﻧﻲ
ﺻﺪﻣﺘﻲ ﻛﺎﻧﺖ ﺍﺛﻨﻴﻦ ﺍﻻﻭﻟﻰ ﺑﺨﻠﻴﻞ
ﻭﺍﻟﺜﺎﻧﻴﺔ ﺑﻤﺮﺗﻀﻰ ﻛﺄﻧﻪ ﻳﻮﺍﺳﻴﻨﻲ ﻭﺣﺎﺱ ﺑﺮﻏﺒﺘﻲ ﺑﻴﻪ ! ،ﻣﻦ ﺍﺷﻮﻛﺖ ﻣﻦ ﻳﺘﻘﺪﻡ ﺍﻟﻲ ﺷﺨﺺ ﻭﺗﺨﺮﺏ ﻳﻮﻛﻒ ﻳﺒﺮﺭ ﻭ ﻳﺒﺪﻱ ﺭﺃﻱ ﺑﻬﺘﻤﺎﻡ ﻭﻋﻨﺎﻳﺔ !
ﺑﻴﻦ ﻣﺎ ﺍﻧﻲ ﻻﺯﻣﻪ ﻧﻬﺎﻳﺔ ﺍﻟﻤﺤﺠﺮ ﺑﻴﺪﻱ
ﺃﻧﺘﺒﻬﺖ ﺍﻟﻪ ﺷﻔﺘﻪ ﻳﺒﺎﻭﻉ ﺍﻟﻬﺎ ... ﺣﻄﻴﺘﻬﺎ ﻭﺭﺓ ﻇﻬﺮﻱ ﻭ ﻋﻜﺒﺘﻪ ﻭﺭﺣﺖ ﻟﻠﺤﺪﻳﻘﺔ
ﻛﻌﺪﺕ ﻋﻠﻰ ﺍﻟﺜﻴﻞ ﺍﻟﻤﺒﻠﻮﻝ ﺍﻻﺻﻔﺮ ﻣﺜﻞ ﺍﻟﻌﺸﺐ ﻣﺎ ﺍﻫﺘﻤﻴﺖ ﻟﻠﺮﻃﻮﺑﺔ ﻭ ﺍﻳﺪﻱ ﻋﻠﻰ ﺻﺪﺭﻱ ،ﺣﺮﺍﺭﺓ ﺩﻣﻮﻋﻲ ﺗﺸﻜﻲ ﺍﻻﻟﻢ ﺭﻭﺣﻲ
ﻟﻴﺶ ﻫﻴﺞ ﻳﺼﻴﺮ ﻭﻳﺎﻱ
ﻟﻴﺶ
ﺍﺣﺘﺮﻛﺖ ﻣﻬﺠﻲ ﺑﻨﺎﺭ ﺗﺘﻠﻔﻊ ﺑﺤﺴﺮﺍﺗﻲ
ﺭﺩﺕ ﺍﺻﺮﺥ ﻭﺍﺻﻴﺢ ﻟﻜﻦ ﺣﻨﺠﺮﺗﻲ ﻛﺄﻥ ﺑﻴﻬﺎ ﺣﺼﻮ ﻭﺣﺠﺎﺭ ﻣﺜﮕﻞ ﻋﻠﻴﻬﺎ ﺍﻟﻨﻄﻖ
ﺷﻔﺖ ﺭﻗﻴﺔ ﺟﺎﻳﺔ ﺍﻟﻲ ..
- ﻟﻴﺶ ﺗﺒﺠﻴﻦ ﺗﺒﺠﻴﻦ
ﻛﻌﺪﺕ ﻋﻠﻰ ﺭﻛﺒﻬﺎ ﻛﺪﺍﻣﻲ ﻭﻟﺰﻣﺖ ﺧﺪﻭﺩﻱ
ﺧﺮﺑﺖ ﻃﻠﻊ ﺧﻠﻴﻞ ﻋﻨﺪﻩ ﻣﺎﺿﻲ
ﺧﺮﺑﺖ
ﺑﺎﺳﺖ ﺩﻣﻌﺘﻲ
- ﻫﺴﺔ ﺍﺗﺮﻭﺡ ﺍﺗﺮﻭﺡ ﺍﻟﺪﻣﻌﺔ ..
ﻋﻴﻮﻧﻲ ﺗﻨﺰﻝ ﺩﻣﻮﻉ ﻣﺜﻞ ﺍﻟﻤﻄﺮ ﻭ ﺧﺪﻭﺩﻱ ﺻﺤﺮﺓ ﻣﺎ ﺗﺮﻭﻱ ﻭﺗﺸﺒﻊ ، ﺍﺣﺘﻀﻨﺖ ﺭﻗﻴﺔ ﻭ ﻃﻠﻌﺖ ﻛﻞ ﺍﻻﻫﺎﺗﻲ ﻭﻣﺎ ﺣﺴﻴﺖ ﮔﻠﺒﻲ ﺍﺭﺗﻮﻯ ﻣﻦ ﺣﺪﺓ ﺣﺰﻧﻲ
ﺑﺎﻟﻠﻴﻞ ﺍﻻ ﻛﺪﺭﺕ ﺍﻟﻤﻠﻢ ﺍﺛﺮ ﺻﺪﻣﺘﻲ ..
ﺷﻬﺪ ﺍﺗﻬﺮﺑﺖ ﻣﺎ ﺗﻌﺸﺖ ﻭﻳﺎﻧﻪ ﻓﻤﺎ ﺷﻔﺘﻬﺎ
ﻛﻌﺪﺕ ﺑﻐﺮﻓﺘﻲ ﺩﺯﻳﺖ ﺍﻟﻬﺎ ﺭﺳﺎﻟﺔ ﻋﺘﺎﺏ
- ﺍﺫﺍ ﺟﻨﺖِ ﺍﺗﻌﺮﻓﻴﻦ ﻟﻴﺶ ﻣﺎ ﺑﻠﻐﺘﻴﻨﻲ ﻛﺎﻥ ﺣﻄﻴﺖ ﺍﻟﻪ ﺣﺪ ﻭﻣﺎ ﺻﺎﺭ ﺑﻴﻨﺎ ﻭﻋﺪ
ﻭﻻ ﺣﻄﻴﺘﺞ ﻭﻳﻪ ﺍﻫﻠﻲ ﺑﻬﺬﺍ ﺍﻟﻤﻮﻗﻒ
ﻣﺎ ﺭﺩﺕ
ﺣﺴﻴﺘﻬﺎ ﻏﺒﻴﺔ ﻭﻇﻠﺖ ﻣﻨﺤﺮﺟﺔ ﻟﻮ ﻣﺎ ﻣﺨﻠﻴﺔ ﻧﻔﺴﻬﺎ ﺑﻬﺬﺍ ﺍﻟﻤﻮﻗﻒ
ﺑﻌﺾ ﺍﻟﻨﺎﺱ ﺗﺤﺘﻔﻞ ﺑﺮﺍﺱ ﺍﻟﺴﻨﺔ
ﺍﻻ ﺍﻧﻲ ﻣﺘﻜﺪﺭﺓ ﻭﻣﺸﺎﺋﻤﺔ ﻣﻦ ﺑﺪﺍﻳﺔ ﺍﻟﺴﻨﺔ
ﺩﺧﻠﺖ ﻋﻠﻴﻪ ﺩﺧﻠﺔ ﻗﻮﻳﺔ ﻭﺍﺫﺕ ﮔﻠﺒﻲ ﻣﺮﺓ ﺛﺎﻧﻴﺔ ...
ﻣﺮﺕ ﺍﻻﻳﺎﻡ ﻭﺭﺟﻌﺖ ﺗﻘﻮﻗﻌﺖ ﺣﻮﻝ ﻧﻔﺴﻲ ﻭ ﺭﺟﻌﺖ ﺍﻋﺎﻧﻲ ﺑﺎﻟﺘﻮﺻﻴﻼﺕ ﺭﺍﺡ ﺧﻠﻴﻞ ﻭﺣﺘﻰ ﺍﺧﻮﻩ ﺭﺍﺡ ..
،
ﺑﻴﻮﻡ ﺍﺧﺮ ﺍﻣﺘﺤﺎﻥ ﺍﻟﻲ ﺭﺟﻌﺖ ﻣﻦ ﻭﻛﺖ ﺍﻟﻀﺤﻰ ﻟﻠﺒﻴﺖ
ﺍﺑﻮﻳﺔ ﻭﺻﻠﻨﻲ ..
ﻭ
ﺍﺟﺎﻧﻪ ﺗﺒﻠﻴﻎ ﻣﻦ ﺍﻟﻤﺤﻜﻤﺔ ﺩﻋﻮﺓ ﻟﺤﻀﺎﻧﺔ ﻋﻠﻲ !
ﻭﻧﻔﺬ ﻳﺎﺳﺮ ﺍﻧﺬﺍﺭﺓ ﺍﻟﻨﺎ
ﺑﻌﺪ ﺟﺤﻮﺩ ﺭﻗﻴﺔ ﻭ ﻋﺠﺰ ﺍﻫﻠﻲ ﻭﻳﺎﻫﺎ ﻣﻦ ﻧﺮﺳﻞ ﻋﻠﻲ ﺗﻜﺘﻞ ﻧﻔﺴﻬﺎ ﺑﻮﺍﺟﻲ
ﻭ ﺑﻠﻐﻨﺎ ﺑﻠﺴﺎﻥ ﺷﻬﺪ ﻣﻦ ﻣﻞ ﻳﺮﻳﺪ ﻳﺪﻳﺮ ﺣﻀﺎﻧﻪ ﺍﻟﻮﻟﺪ ﺍﻟﻪ ﺍﺫﺍ ﻣﺎ ﺍﻟﺘﺰﻣﻨﺎ ﻭﻳﺎﻩ ...
ﺍﻟﺘﺰﻣﻨﺎ ﺍﺳﺒﻮﻉ ﻭﺩﻳﻨﺎﻩ ﻟﻨﺼﺔ ﻭ ﻃﻠﺒﻨﺎﻩ ﺭﺃﻓﺘﺎً ﺑﺤﺎﻟﺔ ﺭﻗﻴﺔ ﺗﺨﺮﺑﻄﺖ ..
ﻭ ﺑﻌﺪ ﻣﺎ ﺩﺯﻳﻨﺎ ﻏﻴﺮ ﻋﺼﺮﻳﺎﺕ ﻭﻳﻪ ﺷﻬﺪ ﺑﺲ ﻣﺎ ﺗﻮﻗﻌﻨﺎ ﺍﻟﺘﻬﺪﻳﺪ ﻳﺘﻨﻔﺬ ﻛﻨﺎ ﻭﺍﺛﻘﻴﻦ ﻻﻥ ﺍﺧﺘﻪ ﻛﻨﺘﻨﺎ ﻭ ﻣﺮﺍﺡ ﻧﺪﺧﻞ ﺑﻬﻴﺞ ﻣﺸﺎﻛﻞ .
ﺭﺍﺡ ﺍﻟﻌﺼﺮ ﻣﺮﺗﻀﻰ ﻳﺤﺠﻲ ﻭﻳﺎﻩ ...
ﺭﺟﻊ ﻭﻛﺎﻝ ﻳﺎﺳﺮ ﻳﻜﻠﻲ ﺍﻓﺼﻞ ﺑﻴﻦ ﺍﻟﻨﺴﺐ ﺍﻟﻲ ﺑﻴﻨﺎ ﻭ ﺣﻘﺔ ﺑﻌﻠﻲ، ﺍﺭﻳﺪ ﺍﺭﺑﻲ ﺍﺑﻨﻲ ﻳﻤﻲ ﺍﺳﻘﻂ ﺍﻟﺪﻋﻮﺓ ﺑﺤﺎﻟﺔ ﻭﺣﺪﻩ ﺗﺮﺟﻌﻮﻥ ﺍﻟﻲ ﺍﻣﻪ .
ﻣﻮﻋﺪ ﺍﻟﺪﻋﻮﺓ ﺑﻌﺪ ﺍﺳﺒﻮﻉ ﻭﺻﺎﺭﺕ ﻋﺪﺓ . ﻛﻌﺪﺍﺕ ﺑﻴﻦ ﻣﺮﺗﻀﻰ ﻭﻳﺎﺳﺮ
ﺍﺧﺮﻫﺎ ﻃﻠﺒﻪ ﺑﺎﺑﺎ ﻳﺠﻲ ﻟﺒﻴﺘﻨﺎ ﺭﻓﺾ ﻭﻣﺮﺗﻀﻰ ﺑﺎﻟﻜﻮﺓ ﺍﺛﺮ ﻋﻠﻴﻪ ﻭ ﻗﺒﻞ ﻳﺠﻴﻨﺎ ﻳﺎﺳﺮ ...
ﺑﺎﺑﺎ ﻳﻌﺮﻑ ﻳﺎﺳﺮ ﻳﺮﺑﺢ ﺍﻟﺪﻋﻮﺓ ﻭﻳﺎﺧﺬ ﻋﻼﻭﻱ ﻣﻨﺎ ﻟﻬﺬﺍ ﻛﺎﻥ ﻳﺮﻳﺪ ﻳﺘﻔﺎﻭﺽ ﻭﻳﺎﻩ .. ﻭﻃﻠﻊ ﺑﺎﺑﺎ ﻣﺮﺗﻀﻰ ﻭﻣﻘﺘﺪﻯ ﻣﻦ ﺍﻻﺳﺘﻘﺒﺎﻝ ﻭ ﻃﻠﺐ ﻳﺤﺠﻲ ﻭﺣﺪﻫﻢ !
︎▪ ﻳﺎﺳﺮ
ﺧﺎﺑﺮﻧﻲ ﻣﺮﺗﻀﻰ ﻭﺍﺷﻠﻮﻥ ﺍﻧﺤﺮﺟﺖ ﻣﻨﻪ ﻣﻦ ﺫﻛﺮﻧﻲ ﺑﺴﺎﻟﻔﺔ ﺧﻠﻴﻞ ﺍﻟﻘﺪﻳﻤﺔ ﻭﺷﺮﺣﺖ ﺍﻟﻪ ﺟﺎﻥ ﺻﻐﻴﺮ ﻭﻓﺘﺮﺓ ﻗﻠﻴﻠﺔ ﻭﺍﺑﻮﻩ ﻣﻨﻌﺔ ﻭﻛﺒﺮ ﻭﻣﺎ ﺭﺟﻊ ﺍﻟﻪ
ﺑﺮﺭﺕ ﺍﻟﻪ ﺑﺄﺣﺮﺍﺝ ﻭﻟﻌﻨﺖ ﺍﻟﻲ ﻣﻮﺻﻞ ﺍﻟﻬﻢ ﺳﺎﻟﻔﺔ ﻋﺘﻴﻜﺔ ﻧﺎﺳﻴﻬﺎ ﺍﻧﻲ ﻭﻏﺎﻓﻞ ﻋﻨﻬﺎ
ﻭﺧﺎﺑﺮﺗﻨﻲ ﺷﻬﺪ ﺗﺒﺠﻲ ﻣﻨﺤﺮﺟﺔ ﻣﻦ ﺍﻫﻞ ﺯﻭﺟﻬﺎ ﻣﺎ ﺗﺪﺭﻱ ﺑﺎﻟﻘﺼﺔ ..
ﺳﻜﺘﺘﻬﺎ ﻭﻛﻠﺖ ﺍﻟﻬﺎ ﻻ ﺗﺤﺠﻲ ﺑﺎﻟﻤﻮﺿﻮﻉ ﻭﻳﺎﻫﻢ ﺗﺘﺼﺮﻑ ﻃﺒﻴﻌﻲ ﻗﺎﺑﻞ ﺍﻧﺖ ﻛﻔﺮﺗﻲ ..
،
ﺍﺟﺎﻧﻲ ﺧﻠﻴﻞ ﺍﻟﻤﻐﺮﺏ ﺍﻟﺪﻧﻴﺎ ﻃﺎﻟﻌﺔ ﻣﻦ ﻋﻴﻨﻪ
ﻛﻌﺪﺗﻨﺎ ﺑﺎﻻﺳﺘﻘﺒﺎﻝ ﺩﺍﺋﻤﺎ،
- ﺩﺭﻳﺖ ﺍﻧﺮﻓﻀﺖ ﻭﻟﻚ ﻳﺎ ﻛﻠﺐ ﺍﺑﻦ ﻛﻠﺐ ﻧﺎﺑﺶ ﻫﻴﺞ ﺳﺎﻟﻔﺔ ﻋﺘﻴﻜﺔ
- ﻫﺬﺍ ﺭﺟﻞ ﺍﺧﺘﻬﻢ ﻣﻨﺒﺶ ﻭﺭﺍﻳﺔ ﻋﻠﻰ ﻫﺎﻱ ﺍﻟﺴﺎﻟﻔﺔ ﻗﺪﻳﻤﺔ
- ﺑﺲ ﻻ ﺳﺎﻟﻔﺔ ﺷﺮﺑﻚ
- ﺍﺍﺍﺥ ﺣﻆ ﺍﺭﻳﺪ ﺣﻆ ﺍﻣﻨﻴﻦ ﺍﺟﻴﺐ ﺍﻟﻲ
ﻣﺎ ﺗﻮﻗﻌﺖ ﺑﻴﻮﻡ ﻫﺬﺍ ﺍﻟﺴﺒﺐ ﺍﻟﻲ ﺍﻧﺮﻓﺾ ﻋﻠﻴﻪ .
ﻓﺘﺮﺓ ﻣﻦ ﻋﻤﺮﻱ ﻃﺎﻳﺸﺔ ﻫﻴﺞ ﺗﺪﻣﺮ ﺍﻟﺤﺎﺿﺮ
- ﺍﺷﻜﺪ ﺗﻌﺒﺘﻨﺎ ﺑﻮﻛﺘﻬﺎ ﻭ ﻧﺼﺤﻨﺎﻙ ﻭﺍﺑﻮﻙ ﺗﻌﺐ ﻭﻳﺎﻙ ﺍﻻ ﺑﻄﻠﺖ
ﻫﻮ ﺻﺢ ﻃﻴﺶ ﺷﺒﺎﺏ ﺑﺲ ﻳﺎ ﺍﺧﻲ ﻇﻞ ﻭﻳﺎﻙ ﻟﻸﺑﺪ
- ﻻ ﺗﻠﻮﻡ ﺍﻧﻲ ﻃﺎﻟﻌﺔ ﻋﻴﻨﻲ ﻣﻦ ﺍﻟﺪﻧﻴﺎ ﻫﺴﺔ
- ﻫﺎﻱ ﻣﻨﻮ ﻛﺎﻳﻞ ﺍﻟﻬﻢ ﺍﺣﻨﻪ ﺻﺤﺒﺘﻨﺎ ﻛﻞ ﺧﻴﺮ ﺗﻜﻮﻝ ﻋﻨﻚ
ﻣﻨﻮ ﺍﺑﻦ ﻫﺎﻟﺤﺮﺍﻡ ﻫﻴﺞ ﺧﺮﺏ ﻗﺴﻤﺘﻚ
- ﻣﺎ ﺍﺩﺭﻱ ﺭﺑﻌﻲ ﻛﻠﻬﻢ ﺩﺧﻠﺘﻬﻢ ﺍﻧﺬﺍﺭ ﻭﻣﻦ ﺍﺟﻮ ﺳﺄﻟﻮﻫﻢ ﻛﻞ ﺍﻟﺨﻴﺮ ﻛﺎﻟﻮ ﻋﻨﻲ
- ﻭﻣﺎ ﺟﺬﺑﻮ ﺍﻧﺖ ﻫﺴﺔ ﺗﺴﺘﺎﻫﻞ ﻧﺴﺒﻬﻢ
ﺑﺲ ﻣﻨﻮ ﻫﺎﻻﺑﻦ ﺍﻟﺤﺮﺍﻡ ﺍﻟﻲ ﺫﻛﺮ ﺷﻲ ﻗﺪﻳﻢ ﺻﺎﺭﻟﻪ ﺳﻨﻴﻦ ﻃﻮﻳﻠﺔ
- ﻣﺎ ﺍﺩﺭﻱ ﻭﻳﻦ ﺑﻌﺪ ﻳﻨﻄﻮﻧﻲ ﻣﺮﺓ ﻭﻳﻦ
ﻣﺎ ﺻﺎﺭﺕ ﺧﻄﺒﺘﻪ ﻭﻻ ﻧﺼﺤﺘﻪ ﻳﺤﺎﻭﻝ ﻣﺮﺓ ﺛﺎﻧﻴﺔ ﺑﺲ ﻳﺤﺮﺝ ﻧﻔﺴﺔ ﺍﺑﻮﻫﻢ ﺍﻋﺮﻓﺔ ... ﺍﺥ ﺑﺲ ﻟﻮ ﺍﺻﻴﺪ ﺍﻟﻲ ﺳﺄﻟﻴﻪ
ﺍﻻ ﺍﻧﻬﻲ ﺣﻴﺎﺗﻪ
ﺧﻠﻴﻞ ﺣﺎﻟﻪ ﺣﺎﻝ ﺍﻫﻮﺍﻱ ﻣﻦ ﺍﻟﺸﺒﺎﺏ ﻳﻐﺘﺮﻭﻥ ﺑﻔﺘﺮﺓ ﻃﻴﺶ ﻓﻠﺖ ﻋﻴﺎﺭﺓ ﻭ ﺗﻌﺐ ﺍﺑﻮﻩ ﻭﺻﺎﺭ ﻳﻘﻠﺪ ﻭﻳﺴﻬﺮ ﻭﻳﺔ ﺍﺣﻤﺪ ﻭﺟﻤﺎﻋﺘﻪ
ﺑﺲ ﺍﺷﻬﺮ ﻭﺍﺑﻮﻩ ﺍﺗﻼﺣﻜﻪ ﻭﺑﻄﻞ ﻗﺒﻞ ١٢ ﺳﻨﺔ ﺍﻛﺜﺮ ﻣﻦ ١٠ ﺳﻨﻮﺍﺕ
ﻣﺮﺣﻠﺔ ﻭﻋﺒﺮﻫﺎ ﺍﻧﻲ ﺍﻛﺜﺮ ﺍﻧﺴﺎﻥ ﺍﻋﺮﻓﺔ ..
ﻋﻔﺘﻪ ﺑﺎﻻﺳﺘﻘﺒﺎﻝ ﺑﺎﻟﻠﻴﻞ ﻭﺣﺪﻩ ﻣﻄﺮﻭﺡ ﻋﻠﻰ ﻓﺮﺍﺷﺔ ﻭﻳﺪﺧﻦ ﻭﺭﺣﺖ ﻟﻐﺮﻓﺘﻲ
ﻟﻜﻴﺖ ﻳﺎﺳﻤﻴﻦ ﺗﻨﺘﻈﺮﻧﻲ
- ﺧﻄﻴﺔ ﺧﻠﻴﻞ ﺿﺠﺖ ﺍﻋﻠﻴﻪ
- ﻫﻮ ﺍﻟﻤﻮﺿﻮﻉ ﻛﻠﻪ ﺟﺎﻥ ﺻﻌﺐ
- ﻫﻤﻪ ﻟﻴﺶ ﺭﻓﻀﻮﻩ
- ﺻﺪﻙ ﺍﻧﺖ ﺍﺷﻤﺪﺭﻳﺞ ﻫﻮ ﺍﻧﺮﻓﺾ
- ﻛﻮﺛﺮ ﻛﺎﻟﺖ ﺑﺲ ﻣﺎ ﻛﺎﻟﺖ ﺍﻻﺳﺒﺎﺏ
ﻣﺎ ﺟﺎﻭﺑﺘﻬﺎ ﻭﺗﻌﺮﻓﻨﻲ ﻣﺎ ﻋﺎﺩﺕ ﺍﻟﺴﺆﺍﻝ
- ﻋﻼﻭﻱ ﻫﻠﻴﺎﻡ ﻣﺎ ﻳﺠﻲ
- ﺣﻴﻞ ﻣﺸﺘﺎﻕ ﺍﻟﻪ
ﺍﻣﻪ ﺗﺘﺨﺮﺑﻂ ﻣﻦ ﻳﺎﺧﺬﻭﻩ ﻣﻨﻬﺎ
- ﻫﺎ
- ﺍﺟﺎﻫﺎ ﺍﺑﻨﻬﺎ ﻣﻠﻔﻠﻒ ﺷﺘﺘﺮﺟﻴﻦ ﻣﻨﻬﺎ
- ﻛﻠﻪ ﻣﻨﻲ ﺣﮕﻚ ﻋﻠﻴﻪ
- ﻣﻮ ﺻﻮﺟﺞ
ﺷﻲ ﻭﺻﺎﺭ
ﻟﻤﺘﻬﺎ ﺍﻫﻮﺍﻱ ﻛﺴﺮﺕ ﺧﺎﻃﺮﻱ ﻣﺎ ﺍﺭﻳﺪ ﺍﻇﻠﻤﻬﺎ ﻭﻳﺎﻱ ﻭﺍﻇﻞ ﺍﺣﻄﻢ ﺑﻴﻬﺎ
ﺣﻄﺖ ﺭﺍﺳﻬﺎ ﻋﻠﻰ ﺫﺭﺍﻋﻲ
- ﻳﺎﺳﺮ ﺍﺫﺍ ﻗﺒﻞ ﺍﺑﻮﻫﺎ ﺑﻴﻮﻡ ﺗﺮﺟﻌﻬﺎ
- ﺍﻱ ﻭﺍﻧﻪ ﻛﺎﻳﻞ ﺍﻟﺞ ﻣﻦ ﺯﻣﺎﻥ
ﺍﻡ ﻋﻠﻲ ﺍﺫﺍ ﻗﺒﻞ ﺍﺑﻮﻫﺎ ﺍﺭﺩﻫﺎ ﻟﺨﺎﻃﺮ ﻋﻠﻲ
ﺳﻜﺘﺖ ﻭ ﺍﺑﺘﻌﺪﺕ ﻋﻦ ﺍﻳﺪﻱ ﻧﺎﻳﻤﺔ ﻋﻠﻰ ﺍﻟﻄﺮﻑ ﺍﻟﺜﺎﻧﻲ ...
- ﻟﻮ ﺍﺗﻌﺮﻓﻴﻬﺎ ﻣﺎ ﺟﺎﻥ ﻏﺮﺗﻲ ﻭﺍﺑﺘﻌﺪﺗﻲ
- ﺗﺒﻘﻰ ﻣﺮﺓ ﻭﺍﻟﻤﺮﺓ ﺍﻟﺜﺎﻧﻴﺔ ﻣﺮﺓ
- ﺍﻧﺖ ﺍﻟﺜﺎﻧﻴﺔ ﻭ ﻛﺎﻳﻞ ﺍﻟﺞ ﺍﻧﻪ ﻭﻫﻲ ﻣﻼﻙ ﺭﻭﺡ ﻃﻔﻞ ﻻ ﺗﺤﺴﺒﻴﻬﺎ ﺿﺮﺓ
،
ﺗﻤﺎﺩﻭ ﻭﻳﺎﻱ ﻭ ﺣﺠﺘﻬﻢ ﺭﻗﻴﺔ ﺗﺘﻌﺐ ﻭ ﺻﺮﺕ ﻣﺎ ﺍﺷﻮﻑ ﻋﻠﻲ ﺍﻻ ﻭﻳﻦ ﻭﻳﻦ ﺣﺘﻰ ﻣﻦ ﺍﺟﻴﺒﺔ ﺷﻬﺪ ﻣﺎ ﺍﻟﺤﻚ ﺍﻋﻠﻴﻪ ﺑﺎﻟﺸﻐﻞ ﺍﻧﻪ
ﺑﻌﺪ ﻓﺘﺮﺓ ﻭﺑﻌﺪ ﻃﻮﻝ ﺑﺎﻝ ﻭﺻﺒﺮ ﺍﺧﺬﺕ ﻗﺮﺍﺭﻱ ﺍﺧﺮ ﻣﺤﺎﻭﻟﺔ ﻭﻳﺔ ﺍﻟﺸﻴﺦ ﺍﻣﺎ ﺍﺧﺬ ﺍﺑﻨﻲ ﻣﻨﻪ ﺍﻭ ﺍﺑﻨﻲ ﻭﺍﻣﻪ ﺳﻮﺓ
ﻭﺭﻓﻌﺖ ﺩﻋﻮﺓ ﺍﺳﻘﻂ ﺣﻖ ﺍﻻﻡ ﺑﺎﻟﺤﻀﺎﻧﻪ ﻭﺍﺧﺬﻫﺎ ﺍﻟﻲ
.....
ﻣﻦ ﻃﻠﺐ ﻳﺸﻮﻓﻨﻲ ﺍﻟﺸﻴﺦ ﻛﻨﺖ ﺭﺍﻓﺾ ﻭﻣﺘﺮﺩﺩ ﻟﻜﻦ ﻟﺨﺎﻃﺮ ﻣﺮﺗﻀﻰ ﺭﺣﺖ
ﺣﻄﻴﺖ ﺑﺘﻮﻗﻌﺎﺗﻲ ﻗﺒﻞ ﻻ ﺍﺭﻭﺡ ﺍﻟﻬﻢ ﺗﻔﺎﻭﺿﺔ ﻣﻮﺍﻓﻘﺔ ﻋﻠﻰ ﺭﺟﻮﻉ ﺭﻗﻴﺔ ﻟﻌﺼﻤﺘﻲ .... ﻭﻫﻢ ﺣﻄﻴﺖ ﺍﻟﻌﻜﺲ
ﻛﺎﻋﺪ ﻛﺪﺍﻣﻲ ﺑﻌﺪ ﺍﻟﺘﻨﺎﺯﻋﺎﺕ ﺍﻟﻲ ﺻﺎﺭﺕ ﻭﺩﺍﺭﺕ ﺑﻴﻨﺎ ﻛﺎﻋﺪ ﻛﺪﺍﻣﻪ ﻣﻦ ﺟﺪﻳﺪ ﻋﻠﻰ ﻧﻔﺲ ﺍﻟﻤﻮﺿﻮﻉ
- ﻋﻤﻲ ﺍﻧﻲ ﻣﺎ ﻃﺎﻟﺐ ﻏﻴﺮ ﺍﺑﻨﻲ ﻳﻤﻲ
ﻭﺍﻻﺣﺘﺮﺍﻡ ﻭ ﺍﻟﺘﻘﺪﻳﺮ ﺍﻝ ﺑﻴﻨﺎ ﺳﺎﻳﺮ
ﻭﺣﻴﺎﺓ ﺍﺑﻨﻲ ﻭﺍﺟﺐ ﻋﻠﻴﻪ ﺍﻭﻓﺮﻫﺎ ﻭ ﻳﻌﻴﺶ ﺗﺤﺖ ﺍﻧﻈﺎﺭﻱ ... ﺍﻧﻪ ﺍﺑﻨﻲ ﺟﺎﻱ ﻳﻮﻋﻰ ﻋﻠﻴﻜﻢ ﺍﻛﺜﺮ ﻣﻨﻲ
ﺳﻜﻮﺗﻪ ﻃﺎﻝ ﻭﻫﻮ ﻳﺒﺎﻭﻉ ﻟﺴﺒﺤﺘﻪ
- ﺍﺫﺍ ﺍﺭﺟﻊ ﺍﻟﻚ ﺍﻣﻪ ﺷﻨﻮ ﺍﻟﻀﻤﺎﻥ ﺍﻟﻲ ﻣﺎ ﻳﻤﺴﻬﺎ ﺿﺮﺭ ؟
ﺳﺆﺍﻟﻪ ﺍﺣﺘﺎﺟﻴﺖ ﻭﻗﺖ ﺍﻻ ﻟﻤﻠﻤﺖ ﺍﻟﻪ ﺟﻮﺍﺏ
- ﺍﻟﻲ ﺍﺗﺮﻳﺪﻩ ..
- ﺷﻨﻮ ﺍﻟﻀﻤﺎﻥ ﻫﻲ ﺭﺍﺡ ﺗﺮﻋﻰ ﺍﺑﻨﻚ ؟
ﻫﻲ ﻧﻔﺴﻬﺎ ﺍﺛﺒﺘﺖ ﻣﺎ ﺗﻜﺪﺭ ﺗﺮﻋﺎﻫﺎ
ﻏﻠﻄﺖ ﻏﻠﻄﺔ ﻋﻤﺮﻱ ﻭﺿﻠﻞ ﻋﻠﻴﻪ ﺍﻟﻨﺼﻴﺐ ﻭﻗﺪﺭ ﺍﻟﻠﻪ ﻭﺻﺎﺭﺕ ﻫﺎﻱ ﺍﻟﺰﻭﺍﺟﺔ
ﺑﺲ ﺃﺛﺒﺘﺖ ﻓﺸﻠﻬﺎ ﺑﺘﻲ ﺗﺤﺘﺎﺝ ﺍﻟﻲ ﻳﺮﻋﺎﻫﺎ ﺍﻛﺜﺮ ﻣﻦ ﺍﺑﻨﻚ ﻧﻔﺴﻪ
ﺍﺑﻨﻚ ﻳﻜﺒﺮ ﺑﺲ ﻫﻲ ﻭﺿﻌﻬﺎ ﺩﺍﺋﻢ ...
ﻟﻴﺶ ﻣﺎ ﺗﻨﺘﻈﺮ ﻫﻮ ﻳﺠﻴﻚ ﻭﻳﻤﻴﺰﻙ ﻋﻦ ﺍﻟﻜﻞ
ﺍﻻ ﺍﻛﻠﻚ ﻟﻴﻞ ﻧﻬﺎﺭ ﺗﺒﺠﻲ ﻣﻦ ﺗﺒﻴﺖ ﻋﻠﻲ ﻳﻤﻚ
- ﺑﺲ ﻣﺎﺟﺎﻧﺖ ﻫﻴﺞ
- ﻣﻦ ﻭﻛﻊ ﻋﻠﻲ ﻟﻠﻴﻮﻡ ﻭﻫﻲ ﻭﻫﻮﺍﺳﻴﺔ
ﺣﺘﻰ ﺻﺎﻳﺮﺓ ﺗﻌﺎﻧﺪﻧﻲ ﻣﺎ ﺗﺴﻤﻌﻨﻲ ﺍﻻ ﻳﺮﺟﻊ ﺍﻟﻬﺎ ﻣﺜﻞ ﺍﻟﻄﻔﻞ ﺍﻟﺼﻐﻴﺮ
ﺍﺫﺍ ﺗﺮﻓﻊ ﺩﻋﻮﺓ ﺗﺄﺧﺬﻩ ﺿﺎﻣﻦ ﺍﻟﻚ
ﺑﺲ ﺗﻜﺘﻠﻬﺎ ﻟﻸﺑﻨﻴﺔ ...
- ﺷﻜﻠﻨﺎ ﻣﺮﺍﺡ ﻧﻮﺻﻞ ﻟﺤﻞ ..
ﺍﻧﻪ ﺍﺧﺬ ﺣﻀﺎﻧﺘﻪ ﻭﺍﺭﺑﻴﺔ ﻭﻳﻪ ﺍﺧﻮﺍﻧﻪ ﺍﻭﻋﺪﻙ ﺍﺷﻮﻛﺖ ﻣﺎ ﺭﺍﺩﺗﻪ ﺍﺩﺯﻩ ﻟﻬﺎ ﺑﺲ ﻳﺮﺑﻰ ﻳﻤﻲ
ﺍﻧﺘﻬﺖ ﺍﻟﻜﻌﺪﺓ ﻭﻣﺎ ﺻﺎﺭ ﺍﻟﻲ ﺍﺭﻳﺪﻩ
ﻭﻻ ﻭﻋﺪﺗﻪ ﺑﺎﻟﻲ ﻳﺮﻳﺪﺓ ﻛﻞ ﻭﺍﺣﺪ ﺑﻴﻨﺎ ﺧﺎﻳﻒ ﻋﻠﻰ ﻣﺼﻠﺤﺔ ﺍﺑﻨﺔ .....
• ﺯﻳﻨﺐ
ﻣﻦ ﻗﺮﺑﺖ ﻣﻮﻋﺪ ﺍﻟﺠﻠﺴﺔ ﺑﺎﺑﺎ ﺻﺎﺭ ﻳﻔﻜﺮ ﺑﺠﺪﻳﺔ ﻳﺮﺟﻊ ﺭﻗﻴﺔ ﻭﻻ ﻳﻮﻛﻔﻬﺎ ﺑﺎﻟﻤﺤﻜﻤﺔ
،،
ﺑﻌﺼﺮﻳﺔ
ﺯﺭﻧﺎ ﻭﺧﻠﺼﻨﺎ ﻭ ﺍﺧﺬﻧﺎ ﻣﺮﺗﻀﻰ ﺗﻌﺸﻴﻨﺎ ﺑﺮﺓ ﺍﻧﻲ ﻭﺷﻬﺪ ...
ﺗﻮﺳﻠﺖ ﺍﻟﻪ ﺷﻬﺪ ﻳﻔﺮﻧﺎ ﺑﺎﻻﺳﻮﺍﻕ ﻛﺎﻝ ﺗﻌﺒﺎﻥ .
ﺭﺟﻌﻨﺎ ﻧﺰﻟﺖ ﻓﺘﺤﺖ ﺍﻟﻪ ﺍﻟﺒﺎﺏ ﻭﺩﺧﻞ ﻭﺍﻧﻲ ﺳﺪﻳﺘﻬﺎ ﺑﻌﺪﻫﻢ ﻣﺎ ﻧﺎﺯﻟﻴﻦ ﺳﻤﻌﻨﺎ ﺻﻮﺕ ﺻﺮﺍﺥ ﺍﻣﻲ ﻗﻮﻱ ﺭﺝ ﻣﺴﺎﻣﻌﻨﺎ ﻭ ﻓﺠﻌﻬﺎ
- ﺑﺘﻴﻴﻴﻴﻲ
ﺟﻤﺪﺕ ﺭﺟﻠﻴﺔ ﻭﺍﻧﻲ ﺍﺳﻤﻊ ﺍﻟﺒﻮﺍﺟﻲ ﻭﺍﻟﺼﻴﺎﺍﺍﺍﺍﺍﺡ ﺍﻟﻘﻮﻱ ﺍﻟﻤﻔﺠﻮﻭﻭﻉ ﺍﺟﺎﻧﻲ ﻋﻠﻲ ﻳﺮﻛﺾ ﺧﺎﻳﻒ ﻭﺍﻋﻴﻮﻧﻪ ﺟﺎﺣﻈﺔ ﻣﺨﺘﺮﻉ ﺍﺣﺘﻤﻰ ﺑﻌﺒﺎﺗﻲ ﺑﻴﻦ ﻣﺎ ﺍﻧﻲ ﺟﺎﻣﺪﻩ
ﺑﻤﻜﺎﻧﻲ ﻭﻣﺮﺗﻀﻰ ﻭﻣﺮﺗﻪ ﺭﻛﻀﻮ ﻟﻠﺪﺍﺧﻞ ..
ﺍﺳﻤﻊ ﻣﺎﺕ ﻣﺎﺗﺖ ﻣﺪﺭﻱ ﺍﻳﺶ
ﺍﻧﻲ ﺭﺍﻓﻀﺔ ﺍﺩﺧﻞ ﻭﺍﺷﻮﻑ ﺷﻜﻮ
ﻳﺘﺒﻊ ...
ﺍﻟﻲ ﺗﻜﻮﻝ ﺍﻟﺒﺎﺭﺕ ﻗﺼﻴﺮ ﺗﺠﺮﺣﻨﻲ ﻭﺗﻨﻜﺮ ﺗﻌﺒﻲ ..
ﻣﻮﻋﺪ ﺍﻟﺘﻨﺰﻳﻞ ﻳﻮﻡ ﺍﻟﺠﻤﻌﺔ
|