عرض مشاركة واحدة
قديم 29-09-19, 03:20 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#شيخ_الشباب_ج٢

#بنت_المؤمن

#بارت٥


ﺍﻟﻤﻮﺕ ﻫﻮ ﺍﻟﺤﻘﻴﻘﺔ ﺍﻟﻐﺎﺋﺒﺔ ﺍﻟﺤﺎﺿﺮﺓ، ﻓﻌﻠﻰ ﺍﻟﺮﻏﻢ ﻣﻦ ﺃﻥ ﺍﻟﻨﺎﺱ ﻳﺸﺎﻫﺪﻭﻥ ﻳﻮﻣﻴﺎً ﻫﺬﻩ ﺍﻟﺤﻘﻴﻘﻴﺔ ﺍﻟﺘﻲ ﻻ ﺗﺨﻔﻰ ﻋﻠﻰ ﺃﺣﺪ ﻭﻻ ﻳﻤﻜﻦ ﻷﺣﺪ ﺃﻥ ﻳﺘﺠﺎﻫﻠﻬﺎ ﺇﻻ ﺃﻧﻬﻢ ﻗﻠﻴﻼً ﻣﺎ ﻳﺬﻛﺮﻭﻥ ﺍﻟﻤﻮﺕ ﺃﻭ ﻳﻔﻜﺮﻭﻥ ﺑﻪ .. ﺍﻟﻤﻮﺕ ﻫﻮ ﺍﻟﺤﻘﻴﻘﺔ ﺍﻟﺘﻲ ﺳﻠﻤﺖ ﺑﻬﺎ ﻛﻞ ﺍﻟﻤﺨﻠﻮﻗﺎﺕ ﻭﺃﻳﻘﻨﻬﺎ ﻛﻞ ﺇﻧﺴﺎﻥ ﻭﺟﻌﻠﻪ ﺍﻟﻠﻪ ﻋﺰ ﻭﺟﻞ ﻓﺎﺻﻼً ﺑﻴﻦ ﺍﻟﺤﻴﺎﺓ ﺍﻟﺪﻧﻴﺎ ﻭﺍﻟﺤﻴﺎﺓ ﺍﻵﺧﺮﺓ ..
ﺩﺧﻠﺖ ﻟﻠﺒﻴﺖ ﻣﻦ ﺍﺷﺘﺪ ﺻﺮﺍﺥ ﺃﻣﻲ
ﻟﻜﻴﺖ ﺭﻗﻴﺔ ﻳﻤﻬﺎ ﻭﺗﺒﺠﻲ ﻭﺷﻬﺪ ﺗﺤﺎﻭﻝ ﺗﻬﺪﻱ ﺑﻤﺎﻣﺎ
- ﺭﺍﺣﺖ ﺍﺧﺘﺞ ﻳﺰﻳﻨﺐ ....
ﺟﻤﻠﺔ ﻋﻠﻘﺖ ﺑﺄﺫﻧﻲ ﻟﺤﺪ ﻫﺬﺍ ﺍﻟﻴﻮﻡ ﻣﺎ ﺻﺪﺃﺕ ﻭ ﻻ ﺍﻧﺤﺬﻓﺖ ﻣﻦ ﻣﺴﺎﻣﻌﻲ
ﺭﺍﺣﺖ ﺍﺧﺘﺞ ﻳﺰﻳﻨﺐ ﺍﻛﺜﺮ ﺟﻤﻠﺔ ﻣﻮﺟﻮﻋﺔ ﺍﻧﻜﺎﻟﺖ ﺍﻟﻲ ﺑﻌﻤﺮﻱ
ﻣﺮﺗﻀﻰ - ﻋﻠﻴﺞ ﺍﻟﻠﻪ ﺍﺳﻜﺘﻲ
ﺷﺼﺎﺭ ﻭﺍﺷﺒﻴﻬﺎ ﻓﺎﻃﻤﺔ ﻣﻮ ﺭﻭﺣﻲ ﺧﻠﺼﺖ
ﻛﺎﻓﻲ ﺻﻴﺎﺡ ﻭﻓﻬﻤﻴﻨﺎ
ﺍﻫﻨﺎ ﻧﺪﻛﺖ ﺍﻟﺒﺎﺏ ﻭﺍﺟﻨﻲ ﺍﻟﺠﺎﺭﺍﺕ ﻋﻠﻰ ﺻﻮﺕ ﺍﻟﺼﺮﺧﺎﺕ ﻭ ﺍﻣﻲ ﺗﺴﻮﻟﻒ ﻭﺗﺒﺠﻲ
ﻭﻣﺮﺗﻀﻰ ﻋﺠﺰ ﻳﺎﺧﺬ ﻛﻠﻤﺔ ﻣﻨﻬﺎ ﻣﻔﻴﺪﺓ ﻧﺘﺼﻞ ﺑﺎﺑﺎ ﻣﺎ ﻳﻔﺘﺢ ﺧﻂ ،
ﺟﺮﻳﺖ ﺭﻗﻴﺔ ﻣﻦ ﺍﻟﻬﻮﻝ ﻭﺑﺎﻟﻤﻤﺮ
- ﺷﻜﻮ ﺷﻨﻮ ﺻﺎﺭ
- ﺍﺗﺼﻠﻮ ﺍﺗﺼﻠﻮ ﺑﺒﺎﺑﺎ ﺑﺎﺑﺎ ﺑﺎﺑﺎ ﺑﺎﺑﺎ
ﺷﻜﻞ ﺍﻟﺴﺎﻧﻬﺎ
ﺻﺮﺧﺖ ﺑﻮﺟﻬﺎ ﺻﺮﺧﻪ ﺑﻴﻬﺎ ﻛﻞ ﻭﺟﻊ ﺍﻻﻳﺎﻡ
- ﺍﺣﺠﻲ ﻋﺪﻝ ﻛﺎﺍﺍﻓﻲ ﺍﻟﺰﻣﻲ ﺍﻟﺴﺎﻧﺞ
ﺟﻔﻠﺖ ﻣﻦ ﺑﻴﻦ ﺩﻣﻮﻋﻬﺎ ﻭﻣﺮﺗﻀﻰ ﻭﺧﺮﻧﻲ ﻋﻨﻬﺎ ..
ﻭﺣﻂ ﺭﺍﺳﻬﺎ ﻋﻠﻰ ﺻﺪﺭﺓ
- ﻋﻮﻓﻴﻬﺎ ..
- ﺍﻋﺼﺎﺑﻲ ﺭﺍﺣﺖ ﻻ ﻫﻲ ﻭﻻ ﺍﻣﻬﺎ ﻳﺤﺠﻦ
ﻣﺮﺗﻀﻰ
- ﺍﺵ ﺍﻧﺖ ﻻ ﺍﺻﻴﺤﻴﻦ
- ﺍﻧﺖ ﺍﻟﺜﺎﻧﻲ ﺍﻛﺴﺮ ﺑﺮﻭﺩﻙ ﻭﺍﺗﺼﻞ ﺑﺮﺟﻞ ﺍﺧﺘﻚ ﺧﻞ ﻧﻔﻬﻢ ﻣﺎ ﻇﻞ ﻋﻨﺪﻱ ﺍﻋﺼﺎﺏ ..
ﺭﺣﺖ ﻳﻢ ﺍﻣﻲ ﻭﻛﻌﺪﺕ ﻳﻢ ﺭﺟﻠﻴﻬﺎ
- ﺍﺧﺘﺞ ﺭﺍﺣﺖ ﻳﺰﻳﻨﺐ
- ﺷﺼﺎﺭ ﻳﻤﺔ ﻫﻲ ﻣﻮ ﻃﺎﻟﻌﺔ ﺑﺎﻟﺤﻠﺔ ﺯﻳﺎﺭﺓ ﻭﻳﺔ ﻧﺴﻮﺍﻥ ﺣﻤﻮﻳﻬﺎ ﺷﺼﺎﺭ ﻳﻤﺔ ﺍﺷﻠﻮﻥ ﺭﺍﺣﺖ ؟
ﻇﻠﺖ ﺗﺒﺠﻲ ﻭﺗﺤﺠﻲ
- ﺣﺎﺩﺙ
ﺍﺑﻮﺝ ﻃﻠﻊ ﺑﺜﻮﺑﺔ ﺍﻟﻲ ﻋﻠﻴﻪ ﺧﺎﺑﺮﻭﻩ ﺭﺍﺡ ﺭﺍﺡ ﺍﻟﻬﺎ ﻗﺒﻞ ﻧﺺ ﺳﺎﻋﺔ ...
- ﺷﻜﺎﻟﻮ ﺍﻟﻪ ﻳﻮﻡ ﺍﺣﻠﻔﺞ ﺑﺎﻟﺤﺴﻴﻦ ﻛﻮﻟﻲ ﺷﻜﺎﻟﻮ ﺍﻟﻪ ﻭﻃﻠﻊ
ﺗﺄﺷﺮ ﺑﺪﻳﻬﺎ ﻋﻠﻰ ﮔﻠﺒﻬﺎ ﻭﺗﺒﺠﻴﻰ
ﺩﺧﻞ ﻣﺮﺗﻀﻰ ﻭ ﻳﺮﻳﺪ ﻳﻄﻠﻊ ﻟﺒﺮﺓ ﺭﺣﺖ ﻭﺭﺍﻩ
- ﻫﺎ ﻣﺮﺗﻀﻰ ﺭﺩ ﻋﻠﻴﻚ ﻣﺤﻤﺪ
- ﺍﺧﺘﺞ ﻣﺘﻮﻓﻴﺔ !!
ﺟﻤﺪ ﺍﻟﺪﻡ ﺑﻌﺮﻭﻛﻲ ﻭﺟﻔﻠﺖ ﻟﻠﺤﻈﺔ
- ﻻ ﺍﻟﻠﻪ ﻋﻠﻴﻚ ﻛﻮﻝ ﻏﻴﺮﻫﺎ
- ﺭﺍﻳﺢ ﺍﻟﺤﻜﻬﻢ ﺑﺎﻟﺤﻠﺔ ﻫﻲ ﻭﻧﺴﻮﺍﻥ ﺣﻤﻮﻳﻬﺎ
ﺭﻛﻀﺖ ﻭﺭﺍﻩ ﻭﺩﺧﻠﺖ ﺑﺴﻴﺎﺭﺗﻪ ﻭ ﺭﺣﻨﺎ ﻟﻠﺤﻠﺔ ﻭﺍﻧﻲ ﻛﻞ ﺑﺎﻟﻲ ﺑﻠﻜﻲ ﻏﻠﻄﺎﻧﻴﻦ ﺍﻱ ﻏﻠﻂ ﺑﺎﻟﻤﻮﺿﻮﻉ ﺑﻠﻜﺖ ﻭﺣﺪﻩ ﻣﻦ ﻧﺴﻮﺍﻥ ﺣﻤﻮﻳﻬﺎ ﻭﻫﻲ ﺑﻌﺪ ﺑﻴﻬﺎ ﺭﻭﺡ
ﻣﻤﻌﻘﻮﻝ ﻫﻴﺞ ﺗﻤﻮﺕ ﻓﺠﺄﺓ ﻭﻫﻲ ﺍﻟﺼﺒﺢ ﺍﺗﺼﻠﺖ ﺑﻴﻪ ﺗﺸﺎﻗﺔ ﺻﻮﺗﻬﺎ ﺑﻌﺪﻩ ﺟﺪﻳﺪ ﺑﺄﺫﻧﻲ ﻣﻮ ﻣﺎﻝ ﺷﺨﺺ ﻣﻴﺖ ، ﺧﺎﺑﺮﺗﻨﻲ ﻛﺎﻟﺖ ﻃﻠﻌﻨﺎ ﻟﻠﺤﻠﺔ ﻧﺰﻭﺭ ﺑﻨﺎﺕ ﺍﻟﺤﺴﻦ ﻫﻲ ﻭ ﺍﺛﻨﻴﻦ ﻣﻦ ﻧﺴﻮﺍﻥ ﺣﻤﻮﻳﺔ ﻭﻋﺎﻳﻔﺎﺕ ﺍﻃﻔﺎﻟﻬﻦ ﻳﻢ ﻋﻤﺘﻬﻦ ﻭﺣﻤﺎﺗﻬﺎ ﺑﻴﺖ ﺟﺪﻫﻢ ﻣﺎﺧﺬﺓ ﺑﺲ ﺑﺘﻮﻝ ﺣﺘﻰ ﺍﻟﺮﺿﻴﻊ ﻋﺎﻳﻔﺘﻪ ﻳﻢ ﺟﺪﺗﻪ ...
ﺑﻌﺪﻳﻦ ﻫﻲ ﻛﻴﺔ ﺑﻴﻬﺎ ﻧﺴﻮﺍﻥ ﺍﻗﺎﺭﺏ ﻟﻤﺤﻤﺪ ﻗﺎﺑﻞ ﻛﻠﻬﻢ ﻫﻴﺞ ﻣﻴﺘﻴﻦ ﺑﻴﻬﻦ ﺑﺎﻟﺴﺖ ﻣﺮﻳﺔ ﻻ ﻻ ﻓﺎﻃﻤﺔ ﻳﺎﺭﺑﻲ ﺍﺷﻔﻴﻬﺎ ﻭﻣﺎ ﺗﻄﻠﻊ ﺃﺻﺎﺑﺘﻬﺎ ﻗﻮﻳﺔ
ﻣﺮﺗﻀﻰ ﻳﺤﺎﻭﻝ ﻳﺘﺼﻞ
- ﺑﻴﻤﻦ ﺗﺘﺼﻞ
- ﺑﻤﺤﻤﺪ ﺍﺗﺄﻛﺪ ﺑﻠﻜﺖ ﺍﻛﻮ ﻏﻠﻂ
- ﻻ
ﺍﻟﺘﻔﺖ ﻋﻠﻴﻪ
- ﻻ ﺣﺒﺎﺏ
ﻣﺎ ﺳﻤﻊ ﻛﻼﻣﻲ ﺍﻧﻲ ﻣﺎ ﺍﺭﻳﺪﻩ ﻳﺘﺄﻛﺪ ﮔﻠﺒﻲ ﺻﺎﺭ ﻳﺨﻔﮓ ﺧﻔﮓ ﻭ ﻳﺼﻔﻚ ﻭﻳﻪ ﺍﻟﻀﻠﻮﻉ
ﻣﺎ ﺭﺩ ﻋﻠﻴﻪ ، ﺍﺗﺼﻞ ﺑﺄﺑﻮﻳﺔ
- ﻫﺎ ﺑﻮﻳﺔ ﺍﻧﺖ ﻭﻳﻦ
- ﻭﻳﻦ ﻫﻲ ﺍﻟﻤﺴﺘﺸﻔﻰ ؟
ﺍﻛﻠﻚ ﺑﻮﻳﺔ ﻣﺘﺎﻛﺪﻳﻦ ﺑﻠﻜﺖ ﺍﻛﻮ ﻏﻠﻂ
ﺳﻜﺖ ﻣﺮﺗﻀﻰ ، ﻭﻟﻤﺤﺖ ﺩﻣﻌﺔ ﺗﻠﻤﻊ ﻳﻢ ﺍﻟﻤﺪﻣﻊ ﻭﻧﺰﻟﺖ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﻛﺘﻢ ﺍﻟﺼﻮﺕ ﺑﺲ ﺍﻟﻮﻧﻴﻦ ﻭﺍﻟﺪﻣﻮﻉ ﻳﻄﻠﻊ ﻣﻨﻴﻰ
- ﻭﻳﺎﻙ ﺑﻮﻳﺔ
ﺻﻮﺗﻪ ﺍﺻﻄﺤﺐ ﻭﻳﻪ ﻧﺸﻴﺞ ﺍﻟﺒﺠﻲ .
- ﻣﺎ ﻭﻳﺎﻱ ﻣﺮﺓ ﻏﻴﺮ ﺯﻳﻨﺐ
ﺗﺤﺘﺎﺝ ﻧﺴﻮﺍﻥ؟
ﺳﺪ ﺍﻟﺨﻂ ﻭ ﻭﻛﻒ ﺍﻟﺴﻴﺎﺭﺓ ﺑﻄﺮﻳﻖ ﺣﺪﻭﺩﻱ ﺑﻴﻨﺎ ﻭﺑﻴﻦ ﺑﺎﺑﻞ
ﻭ ﺣﻂ ﺭﺍﺳﻪ ﻋﻠﻰ ﺍﻻﺳﺘﻴﺮﻥ ﺑﻴﻨﻤﺎ ﻻﺯﻣﻪ ﺑﺄﺛﻨﻴﻦ ﺍﺩﻳﻪ ﻭ ﻇﻬﺮﺓ ﻳﻬﺘﺰ ﻭﺻﻮﺕ ﻧﺸﻴﺠﺔ ﺣﺰ ﻭﺗﻴﻨﻲ
ﺟﻤﺪﺕ ﺩﻣﻮﻋﻲ ﺑﻤﻘﻠﺘﻲ ﻭ ﺍﻧﻲ ﺍﺷﻮﻑ ﻣﺮﺗﻀﻰ ﺍﻧﻬﺎﺭ ﻣﻌﻠﻦ ﺗﻜﺴﺮ ﺍﻣﺎﻟﻲ ﻭﺗﻼﺷﻲ
ﺍﺧﺮ ﺍﻣﻞ ﺍﻟﻲ ﻃﺎﻗﺔ ﺍﻟﺒﺠﻲ ﺍﻧﺰﺍﺣﺖ ﻋﻨﻲ ﻭ ﺷﻲ ﻳﻠﻮﻱ ﺃﺣﺸﺎﺋﻲ ﻭ ﺣﺘﻰ ﻧﺒﻀﺎﺗﻲ ﺗﺰﺍﻳﺪﺕ ﺣﺪ ﺍﻟﻮﺟﻊ ..
ﺭﺟﻌﺖ ﺑﺮﺍﺳﻲ ﻣﻨﺴﻨﺪﺓ ﻭ ﺍﺑﺎﻭﻉ ﻟﻠﺴﻴﺎﺭﺍﺕ ﺍﻟﻲ ﺗﻤﺮ ﺑﻮﻛﺖ ﻏﺮﻭﺏ ﻣﺤﻤﺮﺓ ﺍﻟﺸﻤﺲ ﻭﺗﻮﺩﻉ ﻣﻨﻈﺮ ﻛﺌﻴﺐ ﻟﻠﺮﻭﺡ
ﺍﺣﺘﺎﺝ ﻣﺮﺗﻀﻰ ﻭﻗﺖ ﺍﻻ ﻳﻠﻤﻠﻢ ﺣﺰﻧﻪ ﻭ ﻳﺴﻮﻕ ﻣﻦ ﺟﺪﻳﺪ ﻣﺎﺧﺬﻧﻲ ﻭﻳﺎﻩ ﺟﺴﺪ ﺑﻼﻳﺔ ﺭﻭﺡ ،
ﻣﻦ ﻣﺮﺕ ﻧﺺ ﺳﺎﻋﺔ ﺗﺠﺪﺩ ﺍﻻﻣﻞ ﺍﻟﻜﺬﺍﺏ ﺍﻟﻤﻐﺘﺮ ﻭ ﺍﻛﻮﻝ ﻣﻦ ﺍﺭﻭﺡ ﻭﺍﺷﻮﻓﻬﺎ ﺍﻛﻴﺪ ﺑﻴﻬﺎ ﺭﻭﺡ !
ﻭﺻﻠﻨﺎ ﻟﻤﺒﻨﻰ ﺟﺒﻴﺮ ﺍﻭﻝ ﻣﺮﺓ ﺍﺭﻭﺡ ﺍﻟﻬﺎ ﻣﺴﺘﺸﻔﻰ ﺍﻟﺤﻠﺔ ﺍﻟﺘﻌﻠﻴﻤﻲ ..
ﺭﺣﻨﺎ ﻟﻸﺳﺘﻌﻼﻣﺎﺕ ، ﻭﺧﺎﺑﺮ ﻣﺮﺗﻀﻰ
ﻭﺍﺟﻪ ﺍﺧﻮ ﻣﺤﻤﺪ ﺍﺧﺬﻧﺎ ﻧﻤﺸﻲ ﻭﺭﺍﻩ
ﺷﻔﺖ ﺯﻟﻢ ﻭﺍﻛﻔﺔ ﻛﺪﺍﻡ ﺭﺩﻫﻪ ﻭ ﻭﻫﻮﺳﺔ ﻭﻛﻠﺸﻲ ﻣﺎ ﺍﻓﺘﻬﻤﺖ ﻳﺤﺠﻮﻥ ﺑﺎﺑﺎ ﻣﺎﻛﻮ ﻭﻻ ﻣﺤﻤﺪ ﺑﺲ ﺫﻭﻟﺔ ﻣﺎ ﺍﻋﺮﻓﻬﻢ ﻭﻣﺮﺗﻀﻰ ﺩﺧﻞ ﺑﻮﺳﻄﻬﻢ ﻭﺍﻧﻲ ﻋﻠﻰ ﺻﻔﺤﺔ ﻭﺍﻛﻔﺔ ..
ﺍﻟﺰﻣﺖ ﻣﻦ ﻣﺘﻨﻲ ﺍﻟﺘﻔﺘﺖ ﻭﺑﻌﻴﻮﻧﻲ ﻏﺎﺭﺓ ﺑﺠﻲ ..
- ﺍﻧﺖ ﻣﻦ ﻃﺮﻑ ﺟﻤﺎﻋﺔ ﺣﺎﺩﺙ ﻛﻴﺎ ﻣﻮﻫﺎﻓﻲ ؟
ﻫﺰﻳﺖ ﺑﺮﺍﺳﻲ ﺑﺄﻱ
- ﺍﻟﻠﻪ ﻳﺼﺒﺮﻛﻢ ...
- ﻭﻳﻨﻬﻢ ﻭﻳﻨﻬﻢ
ﺟﺎﻭﺑﺖ ﺍﻟﻤﻤﺮﺿﺔ
- ﺍﻟﻤﺼﺎﺑﻴﻦ ﺍﻛﻮ ﺩﺧﻮ ﻟﻠﻌﻤﻠﻴﺎﺕ ﻭ ﺍﻛﻮ ﺑﺎﻟﻌﻴﺎﺩﺓ ﺗﺘﻨﻈﻒ ﺟﺮﺍﺣﻬﻢ ﻭ ﺗﺘﺨﻴﻂ ..
- ﻭﺩﻳﻨﻲ ﺍﻟﻬﻢ ﺍﻟﻠﻪ ﻳﺨﻠﻴﺞ
ﺭﺣﺖ ﻭﺭﺍﻫﺎ ﻭﺍﺣﺪ ﺻﺎﺣﻨﻲ ﺍﻟﺘﻔﺘﺖ ﻣﺮﺗﻀﻰ
- ﺗﻌﺎﻟﻲ ﻭﻳﻦ ﺭﺍﻳﺤﻪ
- ﺍﺷﻮﻑ ﻓﺎﻃﻤﺔ ﺑﻠﻜﺖ ﻭﻳﺔ ﻭﻳﻪ ﺍﻟﻤﺼﺎﺑﻴﻦ
- ﺗﻌﺎﻟﻲ ﺗﻌﺎﻟﻲ
ﻋﺎﻓﺘﻨﻲ ﺍﻟﻤﻤﺮﺿﺔ ﻭﺭﺣﺖ ﻭﺭﺓ ﻣﺮﺗﻀﻰ ﻭﻛﻔﻨﺎ ﻛﺪﺍﻡ ﻏﺮﻓﺔ ﻭﻫﻮ ﻇﻞ ﻭﺍﻛﻒ
- ﺍﺩﺧﻠﻲ ﺍﻫﻨﺎ ﺍﺧﺘﺞ ...
ﺩﺧﻠﺖ ﻣﺘﻠﻬﻔﺔ، ﻭ ﺍﺑﺎﻭﻉ ﻟﻠﺴﺪﻳﺎﺕ ﺍﻟﺜﻼﺛﺔ .
ﻏﺮﻓﺔ ﺻﻐﻴﺮﺓ
ﻭ ﻧﺎﺱ ﻧﺎﻳﻤﺔ ﻭﻣﻐﻄﺎﻳﺔ ﺑﺸﺮﺷﻒ ﺳﻤﺎﺋﻲ ﻭ ﻣﺤﻤﺪ ﻭﺍﻛﻒ ﻛﺪﺍﻡ ﻭﺣﺪﻩ ﻣﻨﻬﻦ ﻭﺣﺎﻁ ﻛﻔﻪ ﻋﻠﻰ ﺍﻋﻴﻮﻧﻪ . ﻭﻣﻨﺤﻨﻲ ﺍﻟﺮﺍﺱ
ﺭﺣﺖ ﺍﻟﻪ ﻻﺧﺮ ﺳﺮﻳﺮ ﺑﻴﻨﻬﻦ ﺭﻓﻌﺖ ﺍﻟﻐﻄﻰ ﺍﻟﺴﻤﺎﺋﻲ ﺑﻴﺪ ﺗﺮﺟﻒ
ﺍﻫﺘﺰ ﺻﺪﺭﻱ ﻭﺍﻋﻴﻮﻧﻲ ﺟﺤﻈﺖ ﺷﺎﺧﺼﺔ ..
ﺍﺧﺘﻲ ﻫﺬﻱ ﺍﺧﺘﻲ ﻭﺟﻬﺎ ﻣﺠﺮﺡ ﺑﺲ ﻣﻐﻤﻀﺔ ﻣﺜﻞ ﺍﻟﻨﺎﻳﻢ ﺑﻬﺪﻭﺀ
- ﻓﺎﻃﻤﺔ !
ﻓﺎﻃﻤﺔ ﺍﺳﻤﻌﻴﻨﻲ ؟
ﺍﻧﺖ ﻧﺎﻳﻤﺔ ﻫﺬﺍ ﺷﻜﻠﻚ ﺷﻜﻞ ﻧﺎﻳﻤﺔ ﮔﻠﺒﻬﺎ ﻣﺎ ﻭﺍﻛﻒ ﻣﻮ .
- ﻓﻄﻮﻣﺔ
ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻫﺎ ﻣﺎﻛﻮ ﻧﺒﺾ ! ﺍﻟﺘﻔﺘﺖ ﺷﻔﺖ ﻋﻠﻰ ﻣﻴﺰ ﻋﺒﺎﻳﺘﻬﺎ ﻣﺤﻄﻮﻃﻪ
ﻭﻫﻲ ﻣﺎ ﺯﺍﻟﺖ ﺑﺤﺠﺎﺑﻬﺎ ﻭ ﻧﺎﻳﻤﺔ ﺑﺲ ﻟﻴﺶ ﻣﻔﺘﻮﺡ ﻭﻣﺤﻄﻮﻁ ﺑﺄﻫﻤﺎﻝ .. ﺍﻟﺪﻡ ﺻﺤﻴﺢ ﻣﺘﻴﺒﺲ ﻋﻠﻰ ﺟﺒﻴﻨﻬﺎ ﺑﺲ ﻧﺎﻳﻤﺔ
ﺣﺎﻭﻟﺖ ﺑﻜﻠﻨﺘﺴﻲ ﺍﻣﺴﺤﺔ ﺑﺲ ﻣﺎ ﺍﻧﻤﺴﺢ
ﺭﻓﻌﺖ ﺍﻟﺤﺠﺎﺏ ﻣﻄﻠﻌﺔ ﻣﻘﺪﻣﺔ ﺭﺍﺳﻪ ﺟﺮﺡ ﻧﻈﺮﻱ ﻣﻨﻈﺮ ﺍﻟﺨﻴﺎﻃﺎﺕ ﺍﻟﻲ ﺑﺮﺍﺳﻬﺎ
- ﺍﻣﻲ ﺗﻨﺘﻈﺮﺝ ﻛﻮﻣﻲ ﻭﻳﺎﻱ ...
ﺷﻔﺖ ﺩﻣﻌﺔ ﻧﺰﻟﺖ ﻣﻦ ﺟﻔﻨﻬﺎ ﺍﻟﺬﺍﺑﻞ ..
ﺷﻬﻜﺖ
- ﻣﺮﺗﻀﻰ ﺑﻌﺪﻫﺎ ﺑﻌﺪﻫﺎ ﻋﺎﻳﺸﺔ ﻫﺎﻱ ﺩﻣﻌﺘﻬﺎ .... ﻣﺮﺗﻀﻰ ﺷﻮﻑ ...
ﺍﻧﺤﻨﻴﺖ ﻋﻠﻴﻬﺎ ﺑﺴﺘﻬﺎ ﻣﻦ ﺫﻗﻨﻬﺎ
ﺧﻴﻤﺖ ﻋﻠﻴﻬﺎ ﻭ ﺷﻤﺮﺕ ﻧﻔﺴﻲ ﻋﻠﻰ ﺻﺪﺭﻫﺎ ﺍﻧﺤﺐ
- ﻛﻮﻣﻲ ﻭﻳﺎﻱ
ﻛﻮﻣﻲ ﻟﻴﺶ ﻛﻞ ﻫﺎﻟﻨﻮﻡ ﻛﻮﻣﻲ
ﻣﺮﺗﻀﻰ - ﺍﺷﻠﻮﻥ ﺻﺎﺭ ﺍﻟﺤﺎﺩﺙ
- ﺗﺼﺎﺩﻡ ﻭﻳﺔ ﺗﺮﻳﻠﺔ
- ﺑﺘﻮﻝ ﻭﻳﻨﻬﺎ
- ﻋﻔﺘﻬﺎ ﻋﻤﻬﺎ ﻳﻤﻬﺎ ﺑﻘﺴﻢ ﺍﻟﻜﺴﻮﺭ
- ﺍﺷﻠﻮﻥ ﻫﻴﺞ ﺻﺎﺭ
ﻳﺤﺠﻮﻥ ﻳﻤﻲ ﻭﺍﻧﻲ ﺍﺷﻢ ﺑﻴﻬﺎ ﻭﺑﺮﻳﺤﺘﻬﺎ
- ﺍﻟﺴﺎﻳﻖ ﻭﺍﻟﻲ ﻛﺎﻋﺪﻳﻦ ﺧﻠﻔﺔ ﺍﺗﻮﻓﻮ
ﺳﺒﻊ ﺭﻛﺎﺏ ﻧﺴﻮﺍﻥ ﺍﺧﻮﺗﻲ ﻭﺣﺪﻩ ﺑﺤﺎﻟﺔ ﺣﺮﺟﺔ ﻭ ﻫﺎﻱ ﺍﻟﺜﺎﻧﻴﺔ ﺍﺗﻮﻓﺖ ﻭﻳﻪ ﻓﺎﻃﻤﺔ
ﺍﺷﺮ ﻋﻠﻰ ﺍﻟﺴﺪﻳﺔ ﺍﻟﻲ ﺍﺑﺼﻒ ﻓﺎﻃﻤﺔ ..
ﻣﺮﺗﻀﻰ - ﻭﺍﻟﺜﺎﻟﺜﺔ ﻣﻨﻮ
- ﻣﺮﺕ ﺍﻟﺴﺎﻳﻖ ﻗﺮﻳﺒﻲ ﻭﺻﺪﻳﻘﻲ
ﺗﻜﻮﻝ ﺍﺧﺘﻲ ﺑﺘﻮﻝ ﺟﺎﻧﺖ ﺑﺤﻀﻨﻬﺎ
ﻫﻲ ﺣﻀﻨﻬﺎ ﻭﺟﻌﻬﺎ ﻭﺣﻄﺘﻬﺎ ﺑﺎﻟﺠﻴﺐ ﻭﻳﺔ ﻃﻔﻞ ﺍﺑﻦ ﺍﺧﺘﻲ ..
ﻟﻮ ﻇﺎﻟﺔ ﻣﺎ ﻧﺎﺟﻴﺔ ﺑﺘﻮﻝ
- ﺍﺻﺎﺑﺘﻬﺎ ﺑﺮﺍﺳﻬﺎ ؟
- ﺍﻱ ﻫﻲ ﺳﺒﺐ ﺍﻟﻮﻓﺎﺓ ﻣﻦ ﺑﻴﻦ ﺍﻟﺠﺮﻭﺡ ﻫﻲ ﺍﻋﻤﻖ ﺟﺮﺡ ﺩﻣﺎﻏﻬﺎ ﻣﺘﻬﺸﻢ . ..
ﺻﻮﺗﻪ ﺻﺎﺭﺕ ﺑﻴﻪ ﺑﺤﺔ
ﻭﺍﻧﻲ ﺑﺲ ﺭﺍﺳﻲ ﺭﻓﻌﺘﻪ ﺍﺑﺎﻭﻉ ﺍﻟﻬﺎ ..
- ﺍﻭﻝ ﻣﺎ ﻃﻠﻌﻮﻫﺎ ﻣﻦ ﺟﻮﺓ ﺍﻟﺴﻴﺎﺭﺓ ﻣﻴﺘﺔ ..
ﻋﻠﻰ ﻣﺎ ﺟﺎﺑﻮﻫﺎ ﺑﺮﺩﺕ
ﺯﻭﺟﺔ ﺍﺧﻮﻳﺔ ﺑﻴﻬﺎ ﺭﻭﺡ ﺑﺎﻟﻄﺮﻳﻖ ﺳﻠﻤﺘﻬﺎ ﻛﺎﻧﺖ ﺗﺤﺘﻀﺮ .
ﻛﻌﺪ ﻣﺮﺗﻀﻰ ﻋﻠﻰ ﻃﺮﻑ ﺍﻟﺴﺪﻳﺔ ﻭ ﺭﺟﻊ ﻳﺒﺠﻲ ﺑﺼﻮﺗﻪ ﻭ ﻣﺤﻤﺪ ﻭﻋﺎﻓﻨﻪ ﻭﻃﻠﻊ ..
ﺣﺴﻴﺖ ﺑﺎﺣﺪ ﻳﻮﺧﺮﻧﻲ
- ﻛﻮﻣﻲ ﺑﻮﻳﺔ ﻛﻮﻣﻲ
- ﺑﺎﺑﺎ ﻓﺎﻃﻤﺔ ﺭﺍﺣﺖ ﮔﻠﺒﻬﺎ ﻣﺎ ﻳﻨﺒﺾ ﺧﻠﻴﻨﻲ ﺍﺷﺒﻊ ﻣﻨﻬﺎ
ﺍﺧﺬﻧﻲ ﻭ ﻃﻠﻌﻨﻲ ﻭﻳﺎﻩ ﻛﻌﺪﻧﺎ ﻋﻠﻰ ﻣﻘﺎﻋﺪ ﻭ ﺍﻧﻲ ﺍﻧﺤﺐ ﻧﺤﺐ ﻗﻮﻱ ..
ﺧﻠﺼﻮ ﺍﻹﺟﺮﺍﺀﺍﺕ ﻭﺑﺘﺪﺧﻞ ﻭﺍﺳﻄﺎﺕ ﻟﺘﺴﻬﻴﻞ ﺍﻻﻣﺮ ﺍﻟﻲ ﻣﺼﺎﺏ ﺍﻧﺘﺮﻙ ﻳﻤﻪ ﺷﺨﺺ ﺷﺨﺼﻴﻦ ﻭﺍﻟﻲ ﺍﺗﻮﻓﻰ ﺍﻟﻬﻢ ﻻﺯﻡ ﻳﺎﺧﺬﻭﻩ ﻭﻳﻄﻠﻌﻮﻥ ..
ﻟﻨﺺ ﺍﻟﻠﻴﻞ ﺍﺣﻨﻪ ﺍﻻ ﻃﻠﻌﻨﺎ ﻣﻦ ﺍﻟﺤﻠﺔ ﻟﻠﻨﺠﻒ . ﻟﻤﺴﺘﺸﻔﻰ ﻭ ﺑﺘﻮﻝ ﺍﺑﻮﻫﺎ ﻧﻘﻠﻬﺎ ﺑﻴﻬﺎ
ﻭﺍﺗﻔﺎﻗﻴﺎﺕ ﺣﺰﻳﻨﺔ ﺗﺼﻴﺮ ﻭﺍﻧﻲ ﺍﻓﻜﺮ ﻫﺎﻱ ﺍﻟﻨﻬﺎﻳﺔ ﻟﻮ ﺑﻌﺪ ﺍﻛﻮ ﻟﻘﻰ ! ؟
ﻋﻼﻗﺘﻲ ﺑﺨﻮﺍﺗﻲ ﻣﺘﻴﻨﺔ ﺍﻟﺘﺨﻠﻲ ﻋﻨﻬﻦ ﻣﺜﻞ ﺍﻧﺘﺰﺍﻉ ﺍﻟﻠﺤﻢ ﻣﻦ ﺍﻟﻌﻈﺎﻡ ﻭ ﺍﻣﺘﺼﺎﺹ ﺍﻟﺪﻡ ﻣﻦ ﺍﻟﻮﺭﻳﺪ ﻳﻌﻨﻲ ﺷﻲ ﺗﻌﺠﻴﺰﻱ ﻣﺎ ﺟﺎﻥ ﺑﺒﺎﻟﻲ ﺑﻴﻮﻡ ﻭﺣﺪﻩ ﻣﻨﻬﻦ ﺗﻔﺎﺭﻕ ﺍﺷﻮﻑ ﺟﺴﺪﻫﺎ ﺑﻼ ﺭﻭﺡ ﻫﻮ ﻫﺬﺍ ﺍﻟﻲ ﻳﺴﻤﻮﻩ ﺍﻟﻤﻮﺕ ﻣﺎﻟﻪ ﺍﺣﺴﺎﺱ ﻏﻴﺮ ﺍﻟﻀﻴﺎﻉ ﻭ ﺍﻟﻀﻌﻒ ،
ﺩﺧﻠﺖ ﺑﻤﻌﻤﻌﺔ ﻭﺍﻧﺘﻈﺎﺭ ﺍﻫﻮﺍﻱ ﺍﻧﻲ ﻭﻳﺎﻫﻢ ﻟﻠﺼﺒﺢ ﺍﻻ ﺣﺼﻠﻨﺎ ﺗﺼﺮﻳﺢ ﺩﻓﻦ ﻭ
ﻣﻦ ﻭﺻﻠﻨﺎ ﻟﻠﻤﻐﺘﺴﻞ ﺍﻧﺼﺪﻣﺖ ﺑﺲ ﺑﻴﺒﻲ ﻭﺧﺎﻟﺘﻲ ﻭ ﻛﻢ ﻗﺮﻳﺒﺔ ﺍﻣﻲ ﻭﻳﻦ ! ؟
ﻟﻴﺶ ﻣﻮ ﻭﻳﺎﻫﻦ ﺗﻮﺩﻉ ﺑﺘﻬﺎ ؟
- ﺧﺎﻟﺔ ﻭﻳﻦ ﺍﻣﻲ ...
ﺑﻴﺒﻲ ﺍﻡ ﺍﺑﻮﻳﺔ ﺟﺮﺗﻨﻲ ﻟﺤﻀﻨﻬﺎ
- ﺍﻣﺞ ﻣﺎ ﺗﻜﺪﺭ ﺗﺠﻲ ﺭﺟﻠﻴﻬﺎ ﻣﺎ ﻳﺸﻴﻠﻨﻬﺎ
ﺍﻫﻨﺎ ﻣﺮﺗﻀﻰ ﻭﺯﻟﻢ ﻧﺰﻟﻮ ﺍﻟﻨﻌﺶ ﻭ ﺩﺧﻠﻮﻫﺎ ﻟﻠﻤﻐﺘﺴﻞ ﻭ ﺣﻄﻮﻫﺎ ﻭﻃﻠﻌﻮ
ﺍﻣﺎ ﺍﻧﻲ ﺟﺮﺗﻨﻲ ﺑﻴﺒﻲ ﻣﻦ ﺍﻳﺪﻱ
- ﻇﻠﻲ ﺑﺮﺓ ﻳﺒﻴﺒﻲ ﻭﺍﻧﺘﻢ ﻫﻢ ﺳﻌﻴﻜﻢ ﻣﺸﻜﻮﺭ ﺍﻧﻲ ﻭﺧﺎﻟﺘﻬﺎ ﻧﻮﻛﻒ ﻭﻳﺎﻫﻦ ...
‏( ﻗﺼﺪﺕ ﻗﺮﻳﺒﺎﺗﻨﺎ ﻧﺴﻮﺍﻥ ﺧﻮﺍﻟﻲ ‏)
- ﻻ ﺍﺩﺧﻞ ﻭﻳﻪ ﺍﺧﺘﻲ !
ﺍﺛﻨﻴﻦ ﻧﺴﻮﺍﻥ ﻭﺣﺪﻩ ﻛﺒﻴﺮﺓ ﺑﺎﻟﻌﻤﺮ ﻛﺄﻧﻬﺎ ﺻﺎﺣﺒﺔ ﺍﻟﺸﻐﻞ ﻭﺍﻟﺜﺎﻧﻴﺔ ﺻﺒﻴﺔ ﻋﺪﻫﺎ ..
ﺍﺑﺎﻭﻉ ﻃﻠﻌﻨﻬﺎ ﻭ ﺣﻄﻨﻬﺎ ﻋﻠﻰ ﺍﻟﻤﻐﺘﺴﻞ ﻭ ﺑﻌﺪﻥ ﻋﺒﺎﻳﺘﻬﺎ ﻋﻨﻬﺎ ﺍﻟﻲ ﻣﻐﻄﺎﻳﺔ ﺑﻴﻬﺎ ...
ﺍﻧﻄﻮﻫﺎ ﻟﺒﻴﺒﻲ
ﺍﺟﺖ ﺑﺒﺎﻟﻲ ﻣﻦ ﺍﺷﺘﺮﺕ ﻗﻤﺎﺷﻬﺎ ﻭ ﻛﺎﻟﺖ ﻟﻠﺒﺎﻳﻊ ﻛﻮﻥ ﻣﺎ ﻳﻘﻠﺐ ﻟﻮﻧﻬﺎ ﺑﺴﺮﻋﺔ ﺍﺭﻳﺪﻫﺎ ﻋﻤﺮ ! ،
ﻫﻮ ﻭﻳﻦ ﺍﻟﻌﻤﺮ ؟ ﺍﺍﺍﺍﻩ ...
ﺑﺪﻥ ﻳﺠﺮﺩﻧﻬﺎ ﻣﻦ ﻣﻤﺘﻠﻜﺎﺗﻬﺎ ، ﺗﺮﺍﺟﻴﻬﺎ ﻣﺤﺎﺑﺴﻬﺎ ﺍﺳﻮﺍﺭﺍﺗﻬﺎ ﻳﻨﺰﻋﻦ ﺑﺴﺮﻋﺔ ﻭﻗﻮﺓ
ﺍﻋﻴﻮﻧﻲ ﺗﺒﺎﻭﻉ ﻟﻸﻳﺪ ﺍﻟﻲ ﻳﺎﻣﺎ ﺍﻛﻠﺖ ﻣﻨﻬﺎ ﺍﻃﻴﺐ ﺍﻛﻞ !
ﺍﻟﻤﻐﺴﻠﺔ ﻛﺎﻟﺖ - ﻣﺎ ﻣﺘﻘﺮﺑﻴﻦ ﺍﻟﻬﺎ ! ﺷﻨﻮ ﺑﺎﻟﻤﺴﺘﺸﻔﻰ ﻭﺍﺻﻠﺘﻬﻢ ﻣﻴﺘﺔ ﺍﻟﻠﻪ ﻳﺮﺣﻤﻬﺎ
ﺗﺮﺓ ﺑﺎﺭﺩﺓ ﺍﺳﺘﻮﺟﺐ ﻏﺴﻞ ﺍﻟﻤﺲ ﺍﺫﺍ ﻟﻤﺴﺘﻮﻫﺎ ﻗﺒﻞ ﺍﻟﺒﺮﺩ
ﺧﺎﻟﺔ ﻛﺎﻟﺖ - ﺍﺑﻮﻫﺎ ﻛﺎﻝ ﻣﺎ ﺧﻠﻴﻨﺎﻫﻢ ﻳﻔﺼﺨﻮﻫﺎ ﻷﻥ ﻭﺍﺻﻠﺔ ﺍﻟﺮﻭﺡ ﻃﺎﻟﻌﺔ ﻣﻨﻬﺎ
ﻣﻼﺑﺴﻬﺎ ﻛﻠﻬﺎ ﺩﻡ ﻭﺍﻧﻲ ﺑﺎﻟﻤﺜﻞ ﺑﻴﻪ ﻧﻘﺎﻁ ﺍﺛﺮ ﺣﻀﻨﻲ ﺍﻟﻬﺎ ...
ﻛﻞ ﻇﻨﻲ ﺍﻧﻲ ﺍﺭﺟﻊ ﻭﺣﺪﻱ ﻭﻫﻲ ﺍﺗﺮﻭﺡ ﻟﻤﺜﻮﺍﻫﺎ ﺭﺣﺖ ﻟﻠﺴﻴﺎﺭﺓ ﻛﻌﺪﺕ ﻭﺍﻓﻜﺮ ﺣﻴﺎﺓ ﺑﻼ ﻓﺎﻃﻤﺔ ؟
ﻛﻌﺪ ﻳﻤﻲ ﻣﺮﺗﻀﻰ ﻭﻛﺎﻝ ﺭﺍﺡ ﻧﺎﺧﺬﻫﺎ ﻷﻣﻲ
ﻭﺻﻠﻨﺎ ﻟﻠﺒﻴﺖ ﻭﻧﺰﻟﻮ ﺍﻟﺘﺎﺑﻮﺕ ﻭﺍﻧﻲ ﺩﺧﻠﺖ
ﺍﺩﻭﺭ ﺍﻣﻲ
ﻣﺎﻫﻲ ﻣﺎ ﺗﻠﻜﺖ ﺑﻨﺎﺗﻬﺎ ! ؟
ﻭﺍﻟﺴﻮﺍﺩ ﻳﺴﻠﻢ ﻋﻠﻴﻪ ﺍﻗﺎﺭﺑﻲ ﺑﺎﻟﺒﻴﺖ ﺑﺲ ﻣﺎ ﺍﻫﺘﻢ ﻟﻠﻮﺟﻮﻩ ﺍﻟﻤﻬﻢ ﺍﻧﻬﻲ ﺗﻌﺎﺯﻳﻬﻢ ﻭ ﺍﺭﻭﺡ ﻷﻣﻲ ...
ﺍﻧﺼﺪﻣﺖ ﺑﻄﻠﻌﺘﻬﺎ ﺑﻜﺮﺳﻲ ﻣﺘﺤﺮﻙ ﻗﺪﻳﻢ
- ﻫﺎﻱ ﺷﻨﻮ ﻳﻤﺔ
ﺧﺎﻟﺘﻲ - ﻻ ﺗﺨﺎﻓﻴﻦ ﺟﺒﻨﻪ ﺍﻟﻬﺎ ﻛﺮﺳﻲ ﺟﺪﺝ ﺭﺟﻠﻴﻬﺎ ﻭﻛﻔﻦ ﻣﺎ ﺗﻜﺪﺭ ﺗﺘﺤﺮﻙ ﻫﺒﻄﺔ ﻭﺍﺗﺮﻭﺡ ﺗﺮﺓ
ﺍﻣﻲ ﺑﺼﻮﺕ ﻣﺨﺮﻭﻉ - ﻫﺬﺍ ﺩﻡ ﺍﺧﺘﺞ ... ؟
ﺍﺷﺮﺕ ﻋﻠﻰ ﺍﻃﺮﺍﻑ ﺣﺠﺎﺑﻲ ﻭﺑﻠﻮﺯﻱ .
ﻭﺍﻟﻌﺒﺎﻳﺔ ﻣﻔﺘﻮﺣﻪ ﻓﺮﺟﺔ ﻻﻣﻲ ﺩﻡ ﺍﺧﺘﻲ .
ﻭﺩﻭﻫﺎ ﻟﺒﺘﻬﺎ ﺑﺎﻻﺳﺘﻘﺒﺎﻝ ﻓﺘﺤﻮ ﺍﻟﺘﺎﺑﻮﺕ ﻭ ﻣﺎ ﺗﻜﺪﺭ ﺳﻮﺩﻩ ﻋﻠﻴﻪ ﺗﻨﺤﻨﻲ ﺗﺒﻮﺳﻬﺎ ﻭﺗﺸﻤﻬﺎ
- ﺍﺭﻓﻊ ﺍﻟﻲ ﺍﻟﻐﻄﺎ
ﺭﻓﻊ ﺑﺎﺑﺎ ﻋﻨﻬﺎ ﺍﻟﻐﻄﻰ ﻃﻠﻊ ﻭﺟﻬﺎ ﻧﺎﻳﻤﺔ ﻣﻮ ﻣﻴﺘﺔ . ﺑﺲ ﺷﻔﺘﻬﺎ ﺗﺤﻮﻟﺖ ﻣﺰﺭﮔﺔ ﻣﻦ ﺍﻻﻧﺠﻤﺎﺩ
- ﻳﻤﺔ ﺑﭽﺮﻱ ‏( ﺑﻜﺮﻱ ‏)
ﻣﺎ ﺻﺪﻛﻴﺖ ﺍﻟﺨﺒﺮ ﺍﻻ ﻫﺴﺔ ﻣﻦ ﺷﻔﺘﺞ
ﺍﺍﺍﺥ ﻳﺮﺑﺎﺕ ﺍﻳﺪﻱ ﺭﺩﺗﺞ ﺍﻧﺖ ﺍﻟﺘﺤﻀﺮﻳﻦ ﻏﺴﻠﻲ ﺭﺩﺗﺞ ﺍﻧﺖ ﺍﻟﺘﻮﺩﻋﻴﻨﻲ ﻭﺗﺒﺠﻴﻨﻲ ﻣﻮ ﺍﻧﻲ !
‏( ﻛﺎﻧﺖ ﺗﻨﺪﺏ ﺑﻬﺪﻭﺀ ﻭ ﺍﻟﺪﻣﻊ ﺣﺎﺭ .. ‏)
ﺭﺩﺗﺞ ﻟﻠﺰﻣﻦ ﺗﭽﻮﺓ ﻳﺒﺖ ﻋﻤﺮﻱ ﻫﻴﺞ ﺗﺮﺣﻴﻦ ﺑﻼﻳﺎ ﻭﺩﺍﻉ ....
ﺟﻬﺎﻟﺞ ﺟﺎﺑﻮﻫﻢ ﻋﻤﺎﻣﻬﻢ ﻣﺤﺪ ﺍﻟﻬﻢ
ﭼﻮﻳﺘﻲ ﮔﻠﺒﻲ ﻳﺎ ﻳﻤﺔ ﻣﺎ ﺍﻛﺪﺭ ﺣﺘﻰ ﺍﺩﻧﻚ ﻋﻠﻴﺞ ﺍﻧﺸﻞ ﺣﺎﻟﻲ
ﺭﻭﺣﻲ ﻟﺮﺑﺞ ﺍﻟﻜﺮﻳﻢ ﻣﻮﺩﻋﺔ ﻳﺎ ﺳﺒﺎﺡ ﺍﻟﺮﻭﺡ ﻳﺎ ﺍﻭﻝ ﻓﺮﺣﺘﻲ
ﻛﺴﺮﺗﻲ ﻋﻤﺮﻱ
ﻏﻄﺎﻫﺎ ﺑﺎﺑﺎ
ﻭ ﺩﻋﻬﺎ ﺍﺑﻨﻬﺎ ﻣﺼﻄﻔﻰ ﺑﺲ ﺍﻟﺠﺒﻴﺮ ﺧﻠﻮﻩ ﻳﺪﺧﻞ
ﺍﻧﻲ ﺭﺣﺖ ﺍﺳﺒﺢ ﻭﺍﺑﺠﻲ ...
" ﻭﺭﺟﻮﺕُ ﻋﻴْﻨﻲ ﺃﻥْ ﺗَﻜُﻒَّ ﺩُﻣﻮﻋَﻬﺎ
ﻳﻮﻡ ﺍﻟﻮَﺩﺍﻉ ﻧَﺸﺪﺗُﻬﺎ ﻻ ﺗَﺪﻣﻌﻲ
ﺃﻏﻤﻀﺘُﻬﺎ ﻛﻲْ ﻻ ﺗَﻔﻴﺾ ﻓﺄﻣْﻄَﺮَﺕْ
ﺃﻳﻘﻨﺖُ ﺃﻧّﻲ ﻟﺴﺖُ ﺃﻣﻠﻚُ ﻣَﺪﻣﻌﻲ
ﻭﺭﺃﻳﺖُ ﺣُﻠﻤًﺎ ﺃﻧَّﻨﻲ ﻭﺩَّﻋﺘﻬُﻢ
ﻓَﺒﻜﻴﺖُ ﻣﻦ ﺃﻟﻢِ ﺍﻟﺤﻨﻴﻦِ ﻭﻫُﻢْ ﻣَﻌﻲ
ﻣُﺮٌّ ﻋَﻠﻲ ﺃﻥْ ﺃﻭﺩﻉَ ﺯﺍﺋﺮًﺍ
ﻛﻴﻒَ ﺍﻟﺬﻳﻦ ﺣَﻤﻠﺘُﻬﻢْ ﻓﻲ ﺃﺿﻠُﻌﻲ "
ﻃﻠﻌﺖ ﻻﺑﺴﺔ ﺍﺳﻮﺩ ﻣﻬﺪﻭﻟﺔ ﺍﻟﺼﺪﺭ ﻭﺍﻟﺜﻮﺏ ﺑﺎﻟﻤﮕﻠﻮﺑﻲ
ﻧﺒﻬﺘﻨﻲ ﻋﻨﻪ ﺷﻬﺪ ...
ﺍﻭﻝ ﻣﺎ ﺷﻔﺘﻬﺎ ﺫﺑﻴﺖ ﻧﻔﺴﻲ ﻋﻠﻴﻬﺎ ﻣﺎ ﺭﻛﺰﺕ ﻋﻠﻰ ﺍﻟﺘﻨﺒﻴﻪ
- ﺍﺧﺘﻲ ﺭﺍﺣﺖ ﺷﻬﺪ ﺷﻬﺪ ﻟﻜﻴﺘﻬﺎ ﺑﺎﺭﺩﺓ
ﺑﻌﺪ ﻣﺎ ﺍﺷﻮﻓﻬﺎ ...
ﺻﺎﺭﺕ ﺣﺮﻛﺔ ﺑﺎﻟﺒﻴﺖ ﻫﺪﻳﺖ ﺷﻬﺪ ﻭﺭﺣﺖ ﻟﻌﺮﻓﺘﻲ ﻃﻠﻌﺖ ﺣﺠﺎﺏ ﺍﺳﻮﺩ ﻭﻋﺒﺎﻳﺔ ..
ﻭﻛﻌﺪﺕ ﺍﻟﺒﺲ ﺟﻮﺍﺭﻳﺐ .
ﺍﻫﻨﺎ ﺳﻤﻌﺖ ﺭﺑﺪﺓ ﻭﺍﺻﻴﺎﺡ ﺍﻃﻔﺎﻝ ..
ﻃﻠﻌﺖ ﺷﻔﺖ ﺍﺧﺮ ﻭﺍﺣﺪ ﺑﻴﻬﻢ ﺗﻘﻲ ﻳﻨﺰﻝ ﻣﻦ ﺍﻟﺪﺭﺝ ﺭﻛﺾ .....
ﺭﻛﻀﺖ ﻭﺭﺍﻫﻢ ﻃﻠﻌﻮ ﻝ ﺍﻻﺳﺘﻘﺒﺎﻝ ﻋﺎﻛﺒﻴﻦ ﺍﻟﻨﺴﻮﺍﻥ ﺍﻟﻲ ﺑﺎﻟﻬﻮﻝ ..
ﺭﺣﺖ ﺍﺷﻮﻓﻬﻢ ﻟﻴﺶ ﻫﻴﺞ ﻳﺮﻛﻀﻮﻥ ..
ﺍﻟﺘﺎﺑﻮﺕ ﻣﺎﻛﻮ ﻃﻠﻌﺖ ﻣﺎﻛﻮ ﺯﻟﻢ ﺑﺎﻟﺤﺪﻳﻘﺔ ﻭﺷﻔﺖ ﺍﻟﺠﻬﺎﻝ ﻃﻠﻌﻮ ...
ﺭﻛﻀﺖ ﻭﺍﻧﻲ ﺍﺣﻂ ﻋﺒﺎﺗﻲ ﺍﻟﻲ ﺑﺎﻳﺪﻱ ﻋﻠﻰ ﺭﺍﺳﻲ . ﺷﻔﺖ ﺍﻟﺠﻬﺎﻝ ﻭﺍﺻﻠﻴﻦ ﺑﺎﻟﺮﻛﺾ ﻟﻨﺺ ﺍﻟﺒﻴﺖ ﻋﻠﻰ ﻣﺎ ﺩﺍﺭﻛﺖ ﻧﻔﺴﻲ ﻭ ﻋﺮﻓﺘﻬﻢ ﻃﺎﻟﻌﻴﻦ ﻭﺭﺓ ﺍﻟﺠﻨﺎﺯﺓ ﺍﺧﺮ ﺳﻴﺎﺭﺓ ﺟﺎﻧﺖ ﺳﻴﺎﺭﺓ ﻣﺮﺗﻀﻰ ﻋﻠﻴﻬﺎ ﻣﺜﺒﺘﻴﻦ ﺍﻟﺘﺎﺑﻮﺕ ﺑﺤﺒﺎﻝ ﻭﻃﺎﻟﻌﻴﻦ ..
ﺭﻛﻀﺖ ﺑﻼﻳﺔ ﻣﺪﺍﺱ
ﻗﺎﺳﻢ ﻣﺘﺨﺒﻞ ﺍﺑﻨﻬﺎ ﻋﻤﺮﻩ ﻋﺸﺮ ﺳﻨﻮﺍﺕ ﻭ ﻣﺨﺒﻞ ﺍﺧﻮﺍﻧﻪ ﺍﻟﺘﻮﻡ ﺗﻘﻲ ﻭ ﺻﺪﻳﻖ ﻋﻤﺮﻫﻢ ٥ ﺳﻨﻮﺍﺕ
بيج قصص عراقيه حقيقيه من واقعنا.روعه الطائي
ﻳﺼﻴﺢ ﻗﺎﺳﻢ
- ﻳﻤﺔ ﻳﻤﺔ
ﻟﺰﻣﺖ ﺗﻘﻲ ﻳﺮﺍﻓﺲ ﺑﻴﻪ
- ﻣﺎﻣﺎ ﻣﺎﻣﺎ
ﻳﺒﺠﻲ ﺑﺬﻋﺮ
ﺟﺮﺣﻨﻲ ﺑﺠﻴﺔ ، ﺣﻀﻨﺘﻪ ﻭ ﻳﺪﻓﻊ ﺑﻴﻪ ﻣﺎ ﺍﻛﺪﺭ ﺍﻟﺤﻚ ﺍﻟﺒﻘﻴﺔ
ﺍﻫﻨﺎ ﺍﺟﻪ ﻭﺍﺣﺪ ﻣﺎ ﻓﺮﺯﻧﺘﻪ ﻣﻨﻮ ﺭﻛﺾ ﻭﺭﺓ ﺻﺪﻳﻖ ﺟﺎﺑﻪ ﺍﻟﻲ
ﻟﺰﻣﺘﻪ ﺍﺳﺘﺴﻠﻤﻮ ﻭ ﻇﻠﻮ ﻳﺒﺠﻮﻥ ﺍﺧﺬﺗﻬﻢ
- ﻋﻔﻴﺔ ﺟﻴﺐ ﺍﻟﻲ ﺍﺧﻮﻫﻢ ﺍﻣﻬﻢ ﻣﺎﺗﺖ ﻳﺮﻛﺾ ﻭﺭﺓ ﺟﻨﺎﺯﺗﻬﺎ ....
- ﺍﺩﺧﻠﻲ ﺯﻳﻨﺐ ﺭﺟﻠﺞ ﺗﻨﺰﻑ ...
ﺍﻧﺘﺒﻬﺖ ﻫﺬﺍ ﻋﻤﺎﺩ ﺍﺑﻦ ﻋﻤﻲ ﺍﺧﺬﺗﻬﻢ ﻭﺍﻧﻲ ﺍﻋﺮﺝ ﺗﻮﻧﻲ ﺣﺎﺳﺔ ﺑﻜﺰﺍﺯﺓ ﺑﻄﻞ ﻃﺎﺑﺔ ﺑﺒﻄﻦ ﺍﻟﻘﺪﻡ ﻭﺭﺟﻞ ﻻﺑﺴﻪ ﺟﺎﺭﻭﺑﺔ ﻭﺗﻚ ﻻ ...
ﺩﺧﻠﺘﻬﻢ ﺑﺎﻟﺤﺪﻳﻘﺔ ﺷﻬﺪ ﺗﻨﺘﻈﺮﻧﺎ ﻛﺎﻟﺖ
- ﺟﻨﺖ ﺣﺎﺑﺴﺘﻬﻢ ﺑﻐﺮﻓﺘﻲ ﻣﺎ ﻛﺎﻳﻠﺔ ﺍﻟﻬﻢ ﺍﺻﻼ ﺍﺷﻠﻮﻥ ﻃﻠﻌﻮ
ﺩﺧﻞ ﻋﻤﺎﺩ ﻭ ﻗﺎﺳﻢ ﻳﺮﺍﻓﺲ ﻭﻳﺎﻩ
ﺍﺧﺮﻫﺎ ﻗﺎﺳﻢ ﺿﺮﺏ ﻋﻤﺎﺩ ﺑﻴﻦ ﺭﺟﻠﻴﻪ ﻫﺪﺓ ﻣﺘﻮﺟﻊ ﻣﻨﻪ .
ﻭﻳﺮﻳﺪ ﻳﻔﺘﺢ ﺍﻟﺒﺎﺏ ﻳﻄﻠﻊ ﺟﺮﻳﺘﻪ
ﺳﺤﻞ ﻭ ﺩﺧﻠﺘﻪ ﻛﺪﺍﻡ ﺍﻟﻨﺴﻮﺍﻥ ﺍﻟﻲ ﻳﺒﺠﻦ ﻋﻠﻰ ﺣﺎﻟﻪ ﻭﺻﻮﺕ ﺍﻟﺒﺠﻲ ﻋﻠﻰ
ﺻﻌﺪﻧﺎ ﺍﻟﻴﺘﺎﻣﻰ ﻟﻐﺮﻓﺔ ﺷﻬﺪ ﻭﺣﻀﻨﺖ ﻗﺎﺳﻢ ﻭﺍﺑﺠﻲ ﻭﻫﻮ ﻳﻀﺮﺏ ﺑﻴﻪ
- ﺧﻠﻮﻧﻲ ﺍﺷﻮﻓﻬﺎ ﻣﻮ ﺑﺲ ﻣﺼﻄﻔﻰ ..
ﺍﺩﺭﻱ ﺑﻴﻬﺎ ﻣﺎﺗﺖ ﺗﺮﺓ ﻭ ﺷﻔﺘﻬﻢ
ﻣﻦ ﺍﻟﺸﺒﺎﻙ ﺍﻟﺒﻠﻜﻮﻧﻪ ﻳﺸﺪﻭﻥ ﺍﻟﺘﺎﺑﻮﺕ ﻋﻠﻰ ﺍﻟﺴﻴﺎﺭﺓ
ﻋﻔﺘﺔ ﻭﻛﻌﺪﺕ ﺑﺰﻭﻳﺔ ﻛﺪﺍﻣﻬﻢ ﺍﻧﻬﺎﺭﻳﺖ ﺍﺑﺠﻲ ....
ﺻﺪﻳﻖ ﺍﺟﻪ ﻳﻤﻲ ﻟﺰﻡ ﺑﺜﻮﺑﻲ ﻭﺗﻘﻲ ﺫﺏ ﻧﻔﺴﺔ ﻋﻠﻴﻪ ﻭ ﻗﺎﺳﻢ ﺍﻧﻄﺎﻧﻲ ﻇﻬﺮﺓ ﻭﻳﺒﺠﻲ ....
ﺷﻮﺻﻒ ﻫﺎﻱ ﺍﻻﻳﺎﻡ ﻣﺎ ﺍﻋﺮﻑ ﺍﻟﻬﺎ ﻭﺻﻒ ﻋﺼﻰ ﻋﻠﻴﻪ ﻻﻥ ﺍﻟﻜﻼﻡ ﻛﺘﺎﺑﺔ ﻣﺎ ﺑﻴﻪ ﺭﻭﺡ ﻣﺸﺎﻋﺮ ﺗﻮﺻﻒ ﺍﻟﻔﻘﺪ ﺍﻟﻲ ﻧﺤﺴﺔ
ﺍﻣﻲ ﺍﻟﻲ ﻛﺎﻋﺪﺓ ﺑﺎﺩﻳﻮﺍﻥ ﻋﺰﺍﻫﺎ
ﻭﺍﻧﻲ ﻭﺭﻗﻴﺔ ﻭﻫﻲ ﺑﻮﺳﻄﻨﺎ ﻣﺎ ﺗﻮﻛﻒ ﻟﻠﻲ ﻳﻮﺍﺟﻬﺔ ﺑﺎﻟﺘﻌﺰﻳﺔ ...
ﺑﺎﺑﺔ ﻣﺤﺬﺭ ﺍﻟﻒ ﺗﺤﺬﻳﺮ ﺍﻣﻲ ﺍﻟﻀﺮﺏ ﺍﻟﻤﺆﺫﻱ ﺍﻭ ﺗﺨﺮﻣﺶ ﺍﻟﻮﺟﻪ ﻋﻠﻴﻪ ﻛﻔﺎﺭﺓ ﺣﺮﺍﻡ ...
ﺑﻴﻮﻡ ﺳﺎﺑﻌﻬﺎ ﺍﻧﻲ ﻣﻮ ﺑﺎﻟﺒﻴﺖ ﻳﻤﻬﻦ ﻃﺎﻟﻌﺔ ﻋﺎﻳﺸﺔ ﺑﺎﻟﻤﺴﺘﺸﻔﻰ ﻳﻢ ﺑﺘﻮﻝ ..
،
ﺍﺗﻌﻠﻢ ﺑﻴﻪ ﺍﻟﻤﻤﺮﺿﺔ ﺍﺷﻠﻮﻥ ﻛﻞ ﻣﺎ ﺍﻟﺠﺮﺍﺡ ﺍﻟﻲ ﺑﻮﺟﻪ ﺗﺬﺏ ﺟﺮﺍﺣﻪ ﺍﻋﻘﻤﻬﺎ ..
- ﻋﻔﻴﺔ ﺗﻌﺎﻟﻲ ﺍﻧﺖ ﻛﻞ ﺍﺷﻮﻳﺔ ﻣﺎ ﺍﻛﺪﺭ ﺍﻟﻤﺲ ﺍﻟﺨﻴﺎﻃﺎﺕ ﺍﺧﺎﻑ ﺍﺫﻳﻬﺎ
- ﻣﻴﺨﺎﻟﻒ ﻳﺤﺮﻛﻬﺎ ﻻﺯﻡ ﺗﻌﻘﻴﻢ .. ﺧﻠﻴﺞ ﻗﻮﻳﺔ !
ﻃﻠﻌﺖ ﺍﻟﻤﻤﺮﺿﺔ ...
ﺩﻣﻌﺖ ﺍﻟﺒﻨﻴﺔ
- ﻡ ﻣﺎﻣﺎ
- ﺣﺒﻴﺒﺘﻲ ﺍﻃﻠﻊ ﺍﻟﺞ ﺻﻮﻓﻴﺎ ﺍﻻﻣﻴﺮﺓ
ﻃﻠﻌﺘﻬﺎ ﺑﺎﻻﻳﺒﺎﺩ ﻣﺎﻟﺘﻬﺎ
ﺍﻧﻲ ﻻﺯﻣﺘﻪ ﺍﻟﻬﺎ ﻭﻫﻲ ﻧﺎﻳﻤﻪ ﻭﺍﺩﻳﻬﺎ ﻣﻠﻔﻠﻔﻪ .. ﻭﺍﻟﺮﺍﺱ ﻣﻠﻔﻮﻑ ﻋﻠﻴﻪ ﺷﺎﺵ ﻛﻞ ﻳﻮﻡ ﻳﺘﻐﻴﺮ ﺿﻤﺎﺩﻩ ...
ﻛﻞ ﻣﺎ ﺗﺴﺎﻝ ﻋﻠﻰ ﺍﻣﻬﺎ ﺟﻮﺍﺑﻲ ﻳﻄﻠﻊ ﻣﺠﺮﺡ ﺑﺄﻭﺗﺎﺭ ﺍﻟﺒﺠﻲ ﻣﺒﺤﻮﺡ ﻣﻐﻴﺮ ﺍﻟﺴﺎﻟﻔﺔ
،
ﺍﻟﻨﻮﻡ ﺟﺴﻤﻲ ﻛﻠﻪ ﻣﺤﺘﺎﺟﻪ ﺑﺲ ﺍﻟﺒﺎﻝ ﻣﺎ ﻳﻐﻤﺾ ﺍﻟﻪ ﺟﻔﻦ ﺍﻋﻴﻮﻧﻲ ﺗﻮﺟﻌﻨﻲ ﻃﺎﻟﺒﺔ ﻧﻮﻡ ﺑﺲ ﻣﺎ ﺗﻐﻤﺾ ..
ﺟﻨﺖ ﻣﺮﻋﻮﺑﺔ ﻣﻦ ﺍﻟﻔﻜﺮﺓ ﻛﻠﻬﺎ ‏( ﻓﺎﻃﻤﺔ ﻣﺎﺗﺖ ‏) ﻭﺑﺪﻳﺖ ﺑﺎﻟﻤﺮﺣﻠﺔ ﺍﻟﺜﺎﻧﻴﺔ ﻣﺎ ﺑﻌﺪ ﺍﻟﺼﺪﻣﺔ ﻭ ﺑﺪﺃ ﻳﺴﻌﺮ ﻋﻠﻴﻪ ﺍﻟﺤﻨﻴﻦ ﻭﺍﻻﻓﺘﻘﺎﺩ
ﺑﻌﺪ ﻋﺸﺮﺓ ﺍﻳﺎﻡ ﻳﻌﻨﻲ ﺑﻌﺪ ﻭﻓﺎﺓ ﻓﺎﻃﻤﺔ ﺏ ١٧ ﻳﻮﻡ ﺍﻻ ﻃﻠﻌﺖ ﺍﻧﻲ ﻣﻦ ﺍﻟﻤﺴﺘﺸﻔﻰ
ﻳﻤﻜﻦ ﺑﺪﻟﺘﻨﻲ ﺧﺎﻟﺘﻲ ﻳﻮﻣﻴﻦ ﻭﺭﺟﻌﺖ
ﺍﻫﻞ ﻣﺤﻤﺪ ﻣﻌﺬﻭﺭﻳﻦ ﺑﺘﻬﻢ ﺻﺎﺭﺕ ﺑﻴﻬﺎ ﻋﺎﻫﻪ ﺑﻮﺟﻬﺎ ﻭ ﻣﻜﺴﺮﺓ ﻭ ﺟﻨﻪ ﻣﻴﺘﻪ ﻭﺍﻟﺜﺎﻧﻴﺔ ﻟﻬﺴﺔ ﻣﺎ ﺻﺎﺣﻴﺔ ...
ﻭﺍﻟﺠﺪﺓ ﻣﺎ ﻣﻘﺼﺮﺓ ﺍﻟﻄﻔﻞ ﺍﻟﺮﺿﻴﻊ ﻋﺒﺪ ﺍﻟﻠﻪ ﺧﻠﺘﻪ ﻳﻤﻬﺎ ﻻﻥ ﻣﺘﻌﻮﺩ ﻋﻠﻴﻬﺎ ﺍﻛﺜﺮ ﻣﻨﺎ ...
ﺑﺒﻴﺘﻨﺎ ﺑﺘﻮﻝ ﺟﺒﺘﻬﺎ ... ﺍﺩﻳﻬﺎ ﻛﻠﻬﺎ ﺧﻴﺎﻃﺎﺕ ﻣﺎ ﺗﺤﺮﻛﻬﻦ ﺭﻋﺎﻳﺔ ﺧﺎﺻﺔ
ﻭ ﺗﻘﻲ ﻭ ﺍﺧﻮﻩ ﻛﺎﻧﻮ ﻳﻮﺍﺟﻬﻮﻥ ﺣﻨﻴﻨﻬﻢ ﻷﻣﻬﻢ ﺑﺎﻟﺒﺠﻲ
ﺍﺗﻜﻔﻠﻬﻢ ﻭﺍﻟﺪﻱ ﻭ ﻣﺮﺗﻀﻰ ... ﺷﻬﺪ ﻣﺎ ﻗﺼﺮﺕ ﻭﻳﺎﻫﻢ .. ﺍﻧﻲ ﺑﺲ ﺑﺘﻮﻝ ﺍﻟﻲ ﻣﺎ ﺍﻋﺮﻑ ﺍﺷﻠﻮﻥ ﺍﺳﻜﺘﻬﺎ ﺗﺒﺠﻲ ﺑﺎﻟﺴﺎﻋﺎﺕ ﻭﻣﺎ ﺍﺗﺮﻳﺪﻧﻲ ﻭﻻ ﺍﺗﺮﻳﺪ ﺍﺣﺪ ﺧﻮ ﺍﺫﺍ ﺍﺟﺖ ﺷﻬﺪ ﻳﻤﻬﺎ ﺗﻜﻄﻊ ﻧﻔﺴﻬﺎ ﺑﺠﻲ .
ﻟﻮ ﺭﻗﻴﺔ ﺗﻜﻌﺪ ﺗﺒﺠﻲ ﻭﻳﺎﻫﺎ ﻳﺄﺫﻥ ﺑﮕﻠﺒﻲ ﻭ ﻧﻴﺎﺣﻬﻦ ﻳﻨﻬﺶ ﺑﻌﺎﻓﻴﺘﻲ ﻧﻬﺶ ...
ﻛﻞ ﻫﺬﺍ ﻛﻮﻡ ﻭﺍﻣﻲ ﻛﻮﻡ ﺛﺎﻧﻲ ﺍﻟﻲ ﺑﺪﺕ ﺻﻔﻨﻪ ﺍﺳﻜﺘﻬﺎ ﻭﺻﻔﻨﻪ ﺗﺒﺠﻴﻬﺎ ﻋﺎﻳﺸﺔ ﺑﺮﻭﺟﺔ ﺍﻟﺬﻛﺮﻳﺎﺕ ...
ﻣﺮﻥ ﻋﺸﺮﻳﻦ ﻳﻮﻡ ﻭ ﺍﻡ ﻣﺤﻤﺪ ﺩﺯﺕ ﺍﻟﺮﺿﻴﻊ ﺍﻟﻨﺎ ﻷﻥ ﻛﻨﺘﻬﺎ ﺍﻟﻲ ﺑﻐﻴﺒﻮﺑﺔ ﺍﺗﻮﻓﺖ ﺍﻟﻲ ﺍﻟﺜﺎﻟﺜﺔ
ﺑﺮﻭﺣﻪ ﻭﺣﺪﻩ ﺧﺴﺮﻭﺓ ﺛﻼﺙ ﻛﻨﺎﺕ ﻭﺛﻼﺙ ﺑﻴﻮﺕ ﻣﻦ ﻋﺪﻫﻢ ﻓﺮﻏﺖ ﻣﻦ ﺭﺑﺎﺗﻬﻦ ..
ﻭﺍﻧﻲ ﺍﺗﻌﺬﺏ ﻭﺑﺠﺮﺣﻲ ﻣﻠﺢ ﻣﻦ ﺑﺠﻲ ﺍﻣﻲ ..
ﺍﺣﻀﻦ ﺑﻬﺬﺍ ﻭﺍﺳﻜﺖ ﺑﻬﺬﺍ ﻭﺍﺭﺿﻲ ﺑﺎﻟﺜﺎﻧﻲ ﻭﺍﻧﻲ ﻣﺸﺘﻬﻴﺔ ﺍﺣﺪ ﻳﺤﻀﻨﻲ ﺣﻀﻨﺔ ﻃﻔﻞ ﻇﻬﺮﺓ ﺍﻧﻜﺴﺮ ...
ﺑﺲ ﺍﻧﻲ ﻭﻣﺮﺗﻀﻰ ﻭ ﺍﺑﻮﻳﺔ ﻻﺯﻡ ﻣﺎ ﻳﻮﺿﺢ ﻋﻠﻴﻨﺎ ﺷﻲ ﻭﺍﻟﺪﻱ ﺍﺷﻮﻓﻪ ﻫﺎﺩﻱ ﻭﻳﺤﺎﻭﻝ ﻭﻳﻪ ﺍﻣﻲ ﺗﺘﻘﺒﻞ ﻗﺪﺭ ﺍﻟﻠﻪ ﺏ ﺍﻳﻤﺎﻥ ﻭﺭﺿﻰ ...
ﺍﻫﻨﺎ ﺧﺎﺑﺮﺗﻨﻲ ﺣﻤﺎﺓ ﻓﺎﻃﻤﺔ ﻛﺎﻟﺖ ﻻﺯﻡ ﻭﺣﺪﻩ ﻣﻨﺠﻦ ﺗﺠﻲ ﻟﺒﻴﺖ ﺍﺧﺘﺞ ﺣﺪﺩﻱ ﻣﻮﻋﺪ ﺍﺳﺎﻋﺪﺝ ﻧﻔﺮﻍ ﻛﻨﺘﻮﺭﻫﺎ ﻣﻦ ﻏﺮﺍﺿﻬﺎ ﻣﺎ ﻳﺼﻠﺢ ﻳﻈﻠﻦ .
ﺍﺧﺬﺕ ﺍﻟﺮﺿﻴﻊ ﻭﻳﺎﻱ ﺗﺎﺭﻛﻪ ﺑﺘﻮﻝ ﻧﺎﻳﻤﺔ ﺍﻟﻌﺼﺮ ﻭﻃﻠﻌﺖ ﻭﻳﺔ ﻣﺮﺗﻀﻰ ﻟﺒﻴﺖ ﻓﺎﻃﻤﺔ ....
ﺍﻭﻝ ﻣﺎ ﻓﺘﺤﺖ ﺍﻟﻨﺎ ﺍﻟﺒﺎﺏ ﺣﻤﺎﺗﻬﺎ ..
ﺍﺑﺎﻭﻉ ﻟﻠﺤﺪﻳﻘﺔ ﺍﻟﻤﺘﺮﺑﺔ
ﺟﺎﻭﺑﺖ ﺍﻧﻈﺎﺭﻱ ﺍﻟﻤﺮﺓ ﻗﺮﺕ ﻓﻜﺮﻱ
- ﻣﺤﺘﺎﺭﻳﻦ ﺑﺎﺧﺘﻲ ﻣﺎ ﺑﻴﻨﺎ ﺍﺣﺪ ﻳﻜﺪﺭ ﻳﺠﻲ ﻟﻠﺒﻴﺖ ﻳﺸﻮﻑ ﺣﺘﻰ ﻣﺤﻤﺪ ﺍﻣﻲ ﺧﻠﺘﻪ ﻳﻈﻞ ﻳﻤﻬﺎ ...
ﺩﺧﻠﺘﻨﻲ ﻭ ﺳﻴﺪ ﻣﺤﻤﺪ ﺍﻟﻈﺎﻫﺮ ﻫﻮ ﺍﻟﻲ ﺟﺎﻳﺒﻬﺎ ﻛﺎﻟﺖ ﺑﺎﻻﺳﺘﻘﺒﺎﻝ ﻛﺎﻋﺪ ...
ﻃﻠﻊ ﺳﻠﻢ ﻭﺭﺍﺡ ﻳﺪﺧﻞ ﻣﺮﺗﻀﻰ . ﺍﻧﻲ ﺍﺑﺎﻭﻉ ﻟﻠﺒﻴﺖ ﺍﻟﻤﺘﺮﺏ ﺍﺛﺎﺛﺔ ﺿﺎﻡ ﻧﺸﻌﺔ ﺗﺮﺗﻴﺐ ﻓﺎﻃﻤﺔ ﻭﺍﺧﺘﻴﺎﺭﺗﻬﺎ ﺍﻟﻨﺎﺯﻛﺔ ﻭﺍﻗﻞ ﻟﻤﺴﺔ ﻣﻨﻬﺎ ﻫﺴﺔ ﻣﻐﺒﺮﺓ ﺟﺎﻧﺖ ﺍﺑﺮﺓ ﺗﻮﺧﺰ ﮔﻠﺒﻲ
ﺩﺧﻠﺖ ﻟﻐﺮﻓﺘﻬﺎ ....
ﺻﺎﻓﻨﺔ ﻋﻠﻴﻬﺎ ﻭﻋﻠﻰ ﻛﻞ ﺷﺒﺮ ﺑﻴﻬﺎ ..
ﺭﺣﺖ ﻛﺪﺍﻣﻪ ﺍﻟﻜﻨﺘﻮﺭ ﻓﺘﺤﺘﻪ ﻃﻠﻌﺖ ﺟﻨﻂ ﺳﻔﺮﻫﺎ ..
ﺍﻃﻠﻊ ﻭﺍﺣﻂ ﺣﺘﻰ ﻣﻼﺑﺴﻬﺎ ﺍﻟﺸﺘﻮﻳﺔ ﻃﻠﻌﻨﺎﻫﺎ ..
ﻃﻠﻌﺖ ﺷﺎﻝ ﺍﺳﻮﺩ ...
- ﻋﺎﺩﻱ ﺍﺧﺬﻩ ﺍﻟﻲ
- ﺣﺒﻴﺒﺘﻲ ﺍﻱ ﻗﻄﻌﺔ ﺗﺮﺩﻳﻬﺎ ﺍﺧﺬﻳﻬﺎ ﻫﺎﻱ ﺭﻳﺤﺔ ﺍﺧﺘﺞ ﻣﻦ ﺣﻘﺞ ﻻ ﺃﺳﺎﻟﻴﻦ ..
ﻃﻠﻌﺖ ﺍﻟﺒﻮﻣﺎﺗﻬﺎ ﻭﺍﺧﺬﺕ ﻛﻢ ﺻﻮﺭﺓ
ﻭﺣﺪﻩ ﻣﻨﻬﻦ ﻓﻄﺮﺕ ﮔﻠﺒﻲ
ﻫﻲ ﻛﺎﻋﺪﻩ ﻋﻠﻰ ﻛﺮﺳﻲ ﻣﻐﻄﻴﻪ ﺑﻘﻤﺎﺵ ﺍﺑﻴﺾ ﻭ ﺣﺎﻃﻴﻦ ﺷﺪﻩ ﻭﺭﺩﺓ ﺣﻤﺮﺓ ﻻﺻﻘﻴﻬﺎ ﻋﻠﻰ ﻣﺴﻨﺪ ﺍﻟﻜﺮﺳﻲ ﺻﺎﻳﺮ ﻛﻮﺷﺔ ﺍﻟﻬﺎ ،ﻭﺍﻛﻮ ﺷﺒﻪ ﻟﻌﺮﻳﺴﻬﺎ
ﻭ ﺑﺤﻀﻨﻬﺎ ﺍﻧﻲ ﻃﻔﻠﺔ ﺧﻤﺲ ﺍﻭ ﺳﺖ ﺳﻨﻮﺍﺕ .. ﺑﺒﺪﻟﺔ ﻛﻴﺒﻮﺭﺩ ﺣﻤﺮﺓ ﻭﺷﻌﺮ ﺑﻨﻲ ﻛﻴﺮﻟﻲ ﻭ ﻫﻲ ﺑﺒﺪﻟﺔ ﻋﺮﺳﻬﺎ ﺿﺎﺣﻜﻪ ﺍﻟﻲ ﻣﺤﻨﻲ ﻭﺟﻪ ﻋﻠﻴﻪ ﻇﺎﻫﺮﺓ ﺑﺲ ﺿﺤﻜﺘﻬﺎ ﻭﺯﻭﺟﻬﺎ ﻳﻤﻬﺎ ﻳﺒﺎﻭﻉ ﺍﻟﻬﺎ ﺑﺒﺘﺴﺎﻣﻪ ﺟﺎﻧﺒﻴﺔ ﻭﺍﻧﻲ ﺍﻟﻮﺣﻴﺪﺓ ﺍﻟﻲ ﺍﺑﺎﻭﻉ ﻟﻠﺼﻮﺭﺓ ﻣﺨﺘﺮﻋﺔ ﻭﺑﻴﺪﻱ ﺑﻄﻞ ﺑﺒﺴﻲ ﻛﻮﻻ ﻫﺬﺍ ﺍﺑﻮ ﺍﻟﺴﻴﻔﻮﻧﻪ
ﻣﻜﺪﺭﺕ ﺍﻟﺰﻡ ﻧﻔﺴﻲ ﻇﻠﻴﺖ ﺍﺑﺠﻲ ﺑﺠﻲ ﺑﻌﻤﺮﻱ ﻣﺎ ﺗﻮﻗﻌﺖ ﻳﻄﻠﻊ ﻣﻨﻲ ﻭ ﺍﻟﻤﺮﺓ ﺗﺮﺑﺖ ﻋﻠﻰ ﻇﻬﺮﻱ ...
ﺍﺧﺬﺕ ﺍﻟﺼﻮﺭﺓ ﺑﺠﻨﻄﺘﻲ ﻭﻛﻢ ﺷﻐﻠﺔ ﺍﻧﻲ ﺍﺷﺘﺮﻳﺘﻬﺎ ﻭﻳﺎﻫﺎ ﺍﺿﻤﻬﺎ ﺣﺘﻰ ﺍﺣﺴﻬﺎ ﺑﻌﺪﻫﺎ ﻗﺮﻳﺒﺔ ﻋﻠﻴﻨﺎ .
ﺍﻧﻄﻮﻫﻦ ﻟﻠﻔﻘﺮﺍﺀ .. ﺣﺘﻰ ﻣﻜﻴﺎﺟﻬﺎ ..
ﻓﻘﻂ ﺫﻫﺒﻬﺎ ...
ﻣﺮﻥ ﺷﻬﺮﻳﻦ ﻭﻓﺎﺗﻬﺎ ﺻﻌﺒﺎﺕ ﺣﻴﻞ ﻭﺑﺘﻮﻝ ﺍﺑﻮﻫﺎ ﻳﻤﻬﺎ ﺳﺎﻛﺘﻪ ﻳﺮﻭﺡ ﺗﺒﺠﻲ ﻭﺗﺤﺴﺲ ﻣﻨﺎ ﻭﻫﻲ ﺍﻛﺜﺮ ﺷﺨﺺ ﺍﺣﺘﺎﺭﻳﺖ ﻭﻳﺎﻩ ﻣﺎ ﺍﺗﺮﻳﺪﻧﻲ
،
ﺟﻨﺖ ﺍﺳﺤﻞ ﺑﺴﺮﻳﺮﻱ ﻭﻣﻘﺘﺪﻯ ﺳﺄﻟﻨﻲ
- ﻭﻳﻦ ﻣﻮﺩﻳﺘﻪ
- ﺍﺭﻛﻨﻪ ﺟﻮﺓ ﺍﻟﺪﺭﺝ ﻣﺎﺧﺬ ﻣﻜﺎﻥ ﻭﺍﻧﻲ ﻣﺎ ﺍﻧﺎﻡ ﻋﻠﻴﻪ ﻋﺎﺩ ﺍﻟﻐﺮﻓﺔ ﺗﻜﻔﻴﻨﺎ
- ﻟﻴﺶ ﻫﻤﻪ ﺑﺎﻗﻴﻴﻦ
- ﻭﻳﻦ ﻳﺮﺣﻮﻥ ﺍﺑﻮﻫﻢ ﻣﺎ ﻳﻜﺪﺭ ﻳﻌﺘﻨﻲ ﺑﻴﻬﻢ
ﺳﺤﻞ ﻭﻳﺎﻱ ﻭﺻﺢ ﻣﺼﻄﻔﻰ ﺷﺎﻟﻮ ﺣﻄﻮ ..
ﻣﺼﻄﻔﻰ ﺍﺻﻐﺮ ﻣﻦ ﻣﻘﺘﺪﻯ ﺃﺷﻬﺮ ﺑﺲ ﻣﺤﺴﻮﺑﺔ ﺳﻨﺔ ﻻﻥ ﻧﻬﺎﻳﺔ ﺳﻨﺔ ﻣﻮﻟﻮﺩ ﻣﻘﺘﺪﻯ١٧ﺳﻨﺔ ﻋﻤﺮﺓ ..
ﺑﺘﻮﻝ ﻭﺟﻬﻪ ﻣﺎ ﻧﺨﻠﻴﻬﺎ ﺍﺷﻮﻓﻪ ﺑﺎﻟﻤﺮﺍﻳﺔ ﺍﺛﺎﺭﺍ ﺍﻟﻐﺮﺯ ﻣﺸﻮﻫﻪ ﺷﻜﻠﻪ ...
ﺑﻬﺎﻱ ﺍﻟﻔﺘﺮﺓ ﺍﻟﺼﻌﺒﺔ ﺣﺒﻠﺖ ﺷﻬﺪ ﻣﺮﺓ ﺛﺎﻧﻴﺔ ﺑﺼﺮﺍﺣﺔ ﺗﺨﻮﻓﺖ ﻣﻦ ﺣﻤﻠﻬﺎ ﻻ ﻫﻢ ﻳﺨﻠﻴﻬﺎ ﺗﺒﺘﻌﺪ ﻋﻨﻪ ﻭﺍﻧﻲ ﺣﻴﻞ ﻣﺤﺘﺎﺟﺘﻬﺎ ﻣﺨﻔﻔﻪ ﻋﻨﻲ ﻭﺩﺍﺋﻤﺎ ﺗﺤﺲ ﺑﻴﻪ ﻭﺍﺷﻜﻲ ﺍﻟﻬﺎ ﻣﺎ ﺍﻛﺪﺭ ﻻ ﻛﺪﺍﻡ ﺍﻣﻲ ﺍﻭ ﺭﻗﻴﺔ ﺍﺑﺚ ﺿﻌﻔﻲ ﻛﺪﺍﻣﻬﺎ .. ﻭﻣﺜﻞ ﻣﺎ ﺗﻮﻗﻌﺖ ﻋﺪﺓ ﺷﻬﺮ ﻭﻫﻢ ﺻﺎﺣﺖ ﻇﻬﺮﻱ ﻳﻮﺟﻌﻨﻲ ﻭﺗﻤﺮﺿﺖ ﻭﺍﻛﻴﺪ ﻻﺯﻡ ﺍﺗﺮﻭﺡ ﺍﻟﺒﻨﻴﺔ ﻣﺎ ﻗﺼﺮﺕ ..
ﺍﻫﻨﺎ ﺣﺴﻴﺖ ﺍﻟﺪﻧﻴﺎ ﺗﻀﻴﻚ ﺑﻴﻪ
ﻃﻔﻞ ﺭﺿﻴﻊ ﻋﻤﺮﺓ ﺏ ٨ﺍﺷﻬﺮ ﻭ ﻣﺴﺆﻟﻴﺔ
ﻭﺑﻨﻴﺔ ﻣﺮﻳﻀﺔ ﺗﻮﺣﺪ ﺗﻜﻀﻲ ﻳﻮﻣﻬﺎ ﺑﺠﻲ
ﻭ ﻫﺬﺍ ﻏﻴﺮ ﺍﻟﻔﺮﻳﻖ ﺍﻟﻮﻛﺢ ﻋﻠﻲ ﻭ ﺗﻘﻲ ﻭﺻﺪﻳﻖ ﺭﻗﺎﺑﺔ ﺩﺍﺋﻤﺔ ﻻﺯﻡ
ﺍﻣﻲ ﺍﻟﻌﻠﻴﻠﺔ ﺍﻟﻲ ﻛﻮﻣﺘﻬﺎ ﻋﻠﻰ ﻛﺪ ﺣﺎﺟﺘﻬﺎ ﺻﺎﺭﺕ ...
ﺭﻗﻴﺔ ﻭﺟﻮﺩﻫﺎ ﻧﺴﻤﺔ ﺑﺎﻟﺒﻴﺖ ﻭﺻﺎﺭﺕ ﺍﻃﻮﻝ ﺑﺎﻝ ﻭﻳﻪ ﺑﺘﻮﻝ ﻭ ﺑﺎﻟﻜﻮﺓ ﺗﻘﻨﻌﻬﺎ ﺗﺎﻛﻞ ﻭﺗﺸﺮﺏ ﺭﻏﻢ ﺣﺮﻛﺘﻬﺎ ﺍﻟﺒﻄﻴﺌﺔ ﺑﺲ ﻫﻢ ﻣﻬﻮﻧﻪ ﻋﻠﻴﻪ ﻋﻠﻰ ﻻﻗﻞ ﻭﺟﻪ ﻟﺮﻗﻴﺔ ﻣﺒﺘﺴﻢ ﺍﻟﺘﺼﻤﻴﻢ ﻭ ﺍﺷﻮﻑ ﺑﻴﻬﺎ ﻧﺴﻤﺔ ﺗﺒﺮﺩ ﮔﻠﺒﻲ ﺻﺎﺭﺕ ﺍﺧﺘﻲ ﺍﻟﻮﺣﻴﺪﻩ .!
ﻭﻫﻲ ﻋﻜﺴﻲ ﻭﺟﻬﻲ ﺑﺎﺋﺲ ﻛﺌﻴﺐ ﻭﺍﻋﻴﻮﻧﻲ ﺗﺸﻜﻲ ﺣﺰﻥ ﻭﺍﻟﻢ ﺩﻭﻡ
ﻛﻌﺪﻧﻲ ﻭﺍﻟﺪﻱ ﻧﺺ ﺍﻟﻠﻴﻞ
- ﺷﻜﻮ ﺑﺎﺑﺎ ﺻﺎﻳﺮ ﺷﻲ
- ﻻ ﻻﺑﻮﻳﺔ ﻛﻮﻣﻲ ﺍﺭﻳﺪ ﺷﻐﻠﺔ ﻣﻨﺞ
ﻛﻤﺖ ﻭﺭﺍﻩ
- ﻫﺎ ﺑﺎﺑﺎ ﺷﻨﻮ
ﻣﻮ ﻣﻦ ﻋﺎﺩﺗﻪ ﻳﻜﻌﺪﻧﻲ ﺧﻔﺖ
- ﺻﺤﺼﺤﺘﻲ
- ﺍﻱ ﺑﺎﺑﺎ
- ﻏﺴﻠﻲ ﻭﺟﻬﺞ ﻭﺍﻟﺒﺴﻲ ﻋﺒﺎﺗﺞ ﻧﺎﺧﺬ ﺍﻣﺞ ﻟﻠﻄﻮﺍﺭﺉ
ﺷﻬﻜﺖ
ﺍﻣﻲ ﺑﻴﻬﺎ ﺷﻲ
- ﻻ ﻫﺴﺔ ﺭﻭﺣﻲ ﺗﻌﺒﺎﻧﻪ ﻋﺎﺩﻱ ﻫﻲ ﺩﻭﻣﻬﺎ ﺗﻌﺒﺎﻧﻪ ﺑﺲ ﺍﻟﻔﺮﻕ ﺗﻌﺒﺖ ﻫﺎﻟﻤﺮﺓ ﺑﻠﻴﻞ ﻣﻮ ﻧﻬﺎﺭ
ﻣﺎ ﺻﺪﻛﺘﻪ ﺭﺣﺖ ﺍﻟﻬﺎ ﺍﺭﻛﺾ
ﻳﺘﺒﻊ
ﺗﻌﺒﺖ ﻣﻮ ﺟﻬﺪ ﻳﺪﻭﻱ ﻫﺎﻟﻤﺮﺓ ﺗﻌﺐ ﻧﻔﺴﻲ ﺍﻟﺒﺎﺭﺕ ﺍﻗﺼﺮ ﻣﻦ ﻛﻞ ﻣﺮﺓ ﻷﻥ ﺍﺣﺲ ﻧﻔﺴﻲ ﻏﻴﺮ ﻗﺎﺩﺭﺓ ﻋﻠﻰ ﺍﻟﺘﻜﻤﻠﺔ ﺍﻧﻐﻤﺘﺖ ﻧﻔﺴﻲ ﻭﺍﺳﻔﺔ ﺍﺫﺍ ﺣﺰﻧﺘﻜﻢ ﺑﺲ ﺗﻌﻤﻘﺖ ﺑﻤﻮﺕ ﺍﻷﺧﺖ ﺗﻌﻤﺪﺍً ﺍﺫﺍ ﻋﻨﺪﻛﻢ ﺧﺼﺎﻡ ﺑﺎﺩﺭﻭ ﺑﺎﻟﺼﻠﺢ ﺍﺫﺍ ﺷﺎﻏﻠﺘﻜﻢ ﺍﻟﺤﻴﺎﺓ ﺃﺳﺄﻟﻮ ﻋﻦ ﺑﻌﺾ ﻣﺎ ﺍﺗﻌﺮﻓﻮﻥ ﺃﺷﻮﻛﺖ ﺍﻟﻔﺮﺍﻕ ﺍﻧﻲ ﻫﺬﺍ ﺍﻛﺒﺮ ﻣﺨﺎﻭﻓﻲ ﺑﺎﻟﺤﻴﺎﺓ ﻓﺮﺍﻕ ﻋﺰﻳﺰ ﺑﺎﻟﻤﻮﺕ
ﺍﻛﺮﺭ ﺍﺳﻔﻲ ﻫﺬﻱ ﺍﻟﺜﻼﺙ ﺑﺎﺭﺗﺎﺕ ﺣﺰﻳﻨﺔ ﺗﺤﻤﻠﻮﻫﺎ ❤
ﺍﻟﺘﻨﺰﻳﻞ ﺑﻴﻦ ﻳﻮﻡ ﻭﻳﻮﻡ ﻭﺍﺣﺘﺎﺝ ﺑﺸﺪﻩ ﺭﺍﺣﺔ ﻣﻦ ﻫﺬﺍ ﺍﻟﺒﺎﺭﺕ ﺍﻟﻲ ﺯﻳﻨﺐ ﺗﻬﺮﺑﺖ ﻣﻨﻪ ﻭﻛﻠﺔ ﺗﻌﺒﻴﺮﻱ ﻣﺎ ﺳﺎﻋﺪﺗﻨﻲ ﻭﻻ ﺭﺍﺡ ﺗﻘﺮﺍﻩ



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس