[فيتامين سي]

مساء الخيرات ..
هذا الفصل التاسع رغم قصره قلت انزله هنا مع أني منزلته أساساً بالواتباد لكن بما أن الفصل الجديد الليلة اوبكره بنزله لكم..
قرأت رد أحد المتابعات وأنها حبت روايتي لأنها قريبه من الواقع ..
أنا إنسانة واقعية وماراح أكتب إلا من واقع او قريبة منه مع أني احياناً اشطح بخيالي لكن شطحه معقولة مالكم بالطويلة وأنا اختكم هذا تصبيره للفصل القادم
قراءة ممتعة.❤😌






————-

أريحيني على صدرك
لأني مُتعب مثلك
دعي اسمي و عنواني و ماذا كنت
سنين العمر تخنقها دروب الصمت
و جئت إليك لا أدري لماذا جئت؟
فخلف الباب أمطار تطاردني
شتاء قاتم الأنفاس يخنقني
وأقدام بلون الليل تسحقني
وليس لدي أحباب
ولا بيت ليؤويني من الطوفان
وجئت إليك تحملني
رياح الشك..للإيمان
فهل أرتاح بعض الوقت في عينيك؟
أم أمضي مع الأحزان؟
وهل في الناس من يعطي
بلا ثمن..بلا دين..بلا ميزان؟
،
فاروق جويدة



//

توجهت له وهو واقف ينظر لها اقتربت وهي تبكي بأنهيار :ليييش لييش رحت عني لييش تبي تقهرني قفلت الجوال وانا كنت بسمع بس صوتها وتروح يمهم ليييش ؟؟! نذذذل اكرهههك اكررهك
اخذت تضربه على صدره ببكاء مسك يديها بقوه ليحتضنها محاولاً تهدئتها ..
جلوي بعد صمت وبعد أن هدئت قليلاً ولكنها لازالت تبكي :رحت أخلص لي أعمال معلقه ،ورجعت لكن شفت جدك وهو اللي عطاني هالصندوق
ولولا هالأعمال كان مارحت ..
حنين وهي تتذكر الأموال الطائلة التي بتلك الغرفة:وش أعمالك ذي هاه قلي وش؟

جلوي وقد ابتعد عنها واقفاً موليها ظهره ووجه إلى الأرفف المليئة بالكتب :قلت لك أعمال مالك بالطويلة
حنين بقهر:أنت تتاجر في المخدرات ولا الأسلحه اكييييد عملك مو نظيف
جلوي وهو يمسك فكها بقوة:لا أسمعك تعيدين هالحكي مره ثانية
حنين ببكاء:يعني صدق ؟
جلوي وقد أغضبتهُ قليلاً:أكييد لا ومالك شغل في أعمالي والحين أنقلعي فوق وعيني لاتشوفك
حنين تنهض خارجه :أحسسن ولكن سرعان ما استدارت وعادت للمكتب واخذت اللابتوب والذاكرة التي على الطاوله
جلوي وهو يأخذ اللاب منها:اتركييه احتاجه
حنين بقهر ضربت قدمها على الأرض :الله ياخذك
جلوي بغضب شديد:انقللللعي لاتخليني اتوثم فيك اذلفي
حنين لاتستطيع التحكم بنفسها عندما تغضب وصلت الباب وقبل أن تخرج أخذت ساعة ذات طراز كلاسيك صغيرة كانت على طاوله بقرب الباب ألتفتت إليه ورمتها بقوة حتى اصابت كتفه وهربت
جلوي بصدمه:يابنت اللذين تعااالي
ولكنها هربت للأعلى للمرسم الخاص بها وأغلقت على نفسها الباب ..

استعاذ بالله من الشيطان هذه الطفلة ستأتي بأجله همس معاتباً لنفسه:احسسن تستاهل ولافيه واحد عاقل يحب له طفله استتتغفرالله

هدئ قليلاً كلماتها أتت على الوتر الحساس يريد التخلص من هذا الأمر الذي لازمه طيلة ثمان سنين ..أتت رسالة على هاتفه الأخر ليقرأها ثم تنفس بعمق ثم نهض وذهب للأعلى أرتدى ملابس سوداء واخذ قناع بيده ..خرج بعد أن أرتدى القناع من البوابات الخلفية كي يضمن أن لا أحد يراه ركب السيارة التي كانت تنتظره بالشارع المُقابل سيارة مظلله ألقى السلام على الرجل الذي بجانبه أحد أهم عناصر الأمن في الأردن ماهر من أم سعودية وأب أردني
جلوي:السلام عليكم ورحمة الله
الفريق أول ماهر:وعليكم السلام ورحمة الله هلابك ..كيف حالك
جلوي:والله ماني بخير ،ماعاد فيني طاقه للتحمل
الفريق اول ماهر:راح الكثير مابقى الا القليل أنت تعرف أن فرانك يمثل شبكة كبيرة من تجار المخدرات والأسلحه في الشرق الأوسط وهو المفتاح الوحيد حاول تكسب ثقته ولاتتصرف من راسك أنت تعتبر عنصر من عناصر الأمن حتى لو كنت مجهول
جلوي:خير إن شاء الله ،كيف الأمن على أهلي
الفريق أول ماهر:تطمن موفرين الأمن اللازم وأختك وعيالها كلهم بخير
جلوي:الحمدلله،ترى علاقتي هالفترة مع فرانك مش ولابد
الفريق أول ماهر بهدوء :حاول تصلح الأوضاع لأن فيه اجتماع بينهم حاول تجيب تفاصيله ..
جلوي بتنهد :خير إن شاء الله
الفريق أول ماهر:خذ هذي السماعة اذا دخلت قدرت تدخل الأجتماع ألبسها وشعرك لاتقصه لأجل يغطي عليها وهذي كاميرا صغيره كذلك ثبتها في مقدمة راسك واترك هاتف التواصل مفتوح على طول
جلوي ينزل من السيارة:تمام لاتشيلون هم

غادرت سيارة الفريق أول ماهر الهاشم لمقر ادارة مكافحة المخدرات بعمان..

ليعود جلوي ادراجه ويرتدي لباسه ويضع السماعة والكاميرا بخزانته بمكتبه وذهب للقاء فرانك ويبر ليصلح الأوضاع بينهما وكسب ثقته مجدداً..

***
تعاقب الليل والنهار ليمُر شهراً كاملاً بحزنهِ وفرحه بضحكاتهِ وبكاءه بضيقهِ على البعض وفرجه على الأخرون وهكذا هي الحياة التي تدور عجلتُها كل يوم ..
في أحد أكبر السجون في منطقة الرياض وبعد منتصف الليل كان ساجداً للواحد القهار للعدل للحي القيوم ويبكي بكاءَ المظلوم الذي سُلب حُلمهُ أمامُ عيناه بين ليلةٍ وضُحاها ويدعوا دعاءِ المظطر..
بين فرحة القبول في أعرق جامعات أميركا ووثيقة التخرج بدرجة الدكتوراه ومرور سنينها بأنتظار فرحةٍ كهذا أمسى بين أحضان عائلته بفرحة منتظراً الصباح ليبدى عملة في جامعة الملك سعود ليصبح على رجال الشرطه في وجهه واخذهِ امام انظار والدته بتهمة تهريبُ المخدرات ..ابشع تُهمه على الأطلاق مخدرات !! وكيف؟!!! وهو الذي كان من أشد المعارضين حتى لشُرب الخمر ..تُهمه فضيعه اردتهُ بين أربعةِ جدران مظلمه وقتلت حُلمه أمام عيناه..

رفع رأسهُ من السجود بعد أن افرغ ما ألم بهِ ذكرى وألام ومرارةِ ظُلم
بعد أن رجع لمرقده كان بجانبهُ مُسن قام وجلس بجانبه ثم همس له:والله الذي لاإله إلاهو أنها بتفرج ياولدي توكل عليه وحده
ثنيان:ولاغيره أحد ..الله ينتقم من الظالم
ابو عبدالله:مايبلا الله العبد إلا انه يحبه ..علمني وش قهرك ياولدي؟
ثنيان بعد تنهيدة قويه:والله ياعم أني مالي علاقه بالمخدرات ولا اعرف طريق اهلها درست بأمريكا ورجعت بشهادة الدكتوراه واصبحت على هالتهمه اللي كسرت ظهري وهذي خامس سنة بين ذا الجدران فقد عملي وتخلوا عني الأحباب والأصحاب والقرايب

طبطب على كتفه ابو عبدالله:ماتخلى عنك إلا اللي مايستاهلون طيبك خلان الرخا واجد وانا عمك
ثنيان:الله المستعان وأنت ياعم وش جابك هنا عساها ماهي بكايده؟!
ابو عبدالله :ديون ماديون اعرست بنتي الصغيرة القعده ونقص عليها مهرها وتدينت لي من رجالٍ من جماعتي خمسة عشر الف ولاقدرت اوفيها وهذا انا هنا بسببها

ثنيان:الله يفرج لك
قطع محادثتهم صوت حارس السجن بصوته العالي :ثنيان خالد زياارة

استأذن من المسن الذي اصبح رفيقٌ له بعد سجن عاماً كاملاً لوحده

وضعت القيود بيده ليدخل المكان المخصص للزيارة
تقدم منه الزائر وقبل انفه لزام:وش حالك؟
ثنيان:والله ياخوك من سوء لأسوأ تعببت ماعاد اتحمل
لزام بإبتسامه:واللي يقولك أنها فُرجت

ثنيان بإمل:شلون؟
لزام:اسبوع ولا اسبوعين وبيشملك عفو

ثنيان بفرحه؛انت صادق

لزام:اي والله ماجاك الا الصدق

ثنيان بفرحه شديدة سقط على الارض ساجداً وهو يحمد الله ويبتهل له
رفع لزام من الأرض عندما سمع بكاءه الشديد
لزام بأخوية:ياولد قمم اساساً الجهات العليا ماكانوا مصدقين هالتهمه

ثنيان بضحكة قهر:ويومهم مو مصدقينها ليه خمس سنواات لييه

لزام بعقلانية:الأدلة اللي بسيارتك ألجمتهم وش تبيهم يسوون
ثنيان بعد صمت:وش اللي تغير الحين؟
لزام:تم القبض على مجموعة اشخاص وخلال التحريات والتحقيقات اعترفوا انهم سوو هالشيء انتقاماً من جلوي

ثنيان بإبتسامة على ذكراه:عمري كله فدا لأبو سعد

لزام بضيق:يخسى

ثنيان:ولد ماتعرف وش وراه ولاعمره تخلى عن اصحابه أنا متأكد أن ما ابعده عنا إلا شيٍ كايد

لزام بضيق شديد:اقطع سيرته تبي شي تامر على شي؟!

ثنيان:ايي ولاعليك امر ابي استخدم جوالك

مده بهاتفه بعد أن انهى امره ..اخذ هاتفه لتعقبه رسالة من احد البنوك تحويل

لزام بإستغراب:ليش محول لي وش تبي اسوي فيها
ثنيان:شف الشايب اللي معي عليه دين 15 ألف عطها صاحبها

لزام:زيين ابشر مع ان مالي دخل في هالمركز لكن ابشر بروح للضابط بعد ما اسحبها

ثنيان:بيض الله وجهك ..نهض بعد أن اتى العسكري ليعيده لسجنه ..


***

جامعة الملك سعود -كلية الحقوق
خرجت من قاعة الأختبارات هي وصديقتها احتضنتها بفرح شديد لتهمس سارة:واخيييراً خلصنا اخر اختبار
سندس:الحمدددلله ياربي مو مصدقه مرره فرحانة
سارة:وش رايك نسوي حاجه عمل خير يعني شكر لله
سندس:اممم فكره حلوة
سارة وهي تلم شعرها الطويل:شرايك نزور دار ايتام وكذا نفرح الاطفال

سندس:تم ونشتري لهم ملابس والعاب

وصلوا البوابة للخروج سارة:يلاا تم اسمعي بما أننا نعتبر مُحاميات وش رايك نفتح لنا مكتب خاص

سندس: لاا اصبري الأفضل نشتغل بمكان له سمعته تعرفين في الدول شيء اسمه نقابة المحامين نشتغل معهم فترة بعدين نشتغل لحالنا لأجل ناخذ شهادة في رفع اخلاقيات المهنة..
سارة: اي الله لو ناخذه من لندن ولا نيويورك 🧡🤦🏻‍♀

سندس :فكرة جبارة بس مين بيروح معنا لزام طول عمره مشغول وابوي بعد لكن لزام بيضبط امورنا لو نشتغل بمكان في وزارة الداخلية

سارة بمزح:اخخخ لزام فيها خلاص متطمنه على مستقبلي..

سندس تضربها بحُب:هههههههههههههه انتي حماره ولا ايش مو تقولين ولد عمك خطبك

سارة بتمثيل:وخزيااااه نسيت صويلح ههههههههههه على طارية كلمي ابوك في قصة نقابة المحامين بلندن انا ابوي عادي بيروح معي وان تزوجت صويلح بيروح معي من ورى خشمه لاشغل ولامشغه

سندس تغطي وجهها: ههههههههههه مجنونة انتي شوية احترام ع الاقل للشخص اللي بيكون زوجك اسمعي شرايك نروح الليلة مول نتسوق ونتعشا

سارة: ههههههههههه اوك بروح اتسبح وازيل تعب السنين وانام وبتصل فيك
سندس:اوكيه ونطلع كلنا امك وامي كذا جلسه حلوة
سارة:تممم


***
خلال ثلاثون يوماً فقط استقر فياض واخواته بمنزلهم الجديد بالرغم من معارضة مرام لهذا الأنتقال وجعل فيض تلتقي بهناء وتصبحن صديقات وكأنها صدفه وهي خلافُ ذلك
😂😂😂اسمحوا لي ضحكت من جنون ولدي المهم
...
خرج فياض وفيض من الباب فلديها موعد في أحد العيادات الخاصة
كانوا سيقلون المصعد لو أنه رأها تصعد الدرج ليدفع فيض امامه متوجهين للدرج وهو يهمس فياض :اااه ياقلبي
فيض :خييير شفيك بغيت تطيحني

فياض تجاوزها لينزل ويمر بجانب هناء التي تصعد ما أن تجاوزها حتى اغمض عيناه وتنفس حُباً لهناء
ابطئ خطواته وهو يسمع حديث فيض بينما هناء كانت تتحدث بهمس تمنى لو أن صوتها عالي قليلاً

صعد سيارته ودقات قلبه سريعةً بعض الشيء
صعدت فيض بجانبه وهي تبتسم:هههههههه ياعيني على حركات الحُب تدري شتقول
فياض بضياع:وش؟
فيض:تقول لي اخوك ذا اذا مر من عندي خنقني بريحة عطره وع
فياض يمثل العصبيه وهو ينزع عقاله :يازين من يهفك به ،تعقبين ماهي بطويلة لسان مثلك
فيض:ههههههههههههههههههه امزح عازمتني انا ومرام ع العشاء
فياض بتنهيده:لبببى زوجتي السنعة ولبى طوايفها
فيض:من قال بتصير زوجتك هاه؟!بعدين تراها طبيبه يعني في عملها اختلاط وأنت متحجر وغيور ماتناسبون بعض

فياض بعقل وهدوء :المحترمه وأنا اخوك محترمه واللي تهمس لك بالسلام وماسَمَعَتْ صوتها الرجال ماعليها منقود ..أنا ماني بمتحجر صح غيور لكن غيرتي بحدود
فيض بإبتسامة:الله الله طلع الشايب اللي داخلك بالله نبي الرجل المزوح
فياض: ههههههههههههههههههه وين عيادتك فيه بس؟
فيض:في حي النفل طريق الملك علدالعزيز مخرج 5
فياض:الحين أنتي كل شهر عيادة والله وجبت السيارة والرخصه مشاويرك كثيره

فيض:ههههههههههههه لا بس يمدحون هالعيادة

فياض:طيب كم يبي لك من ساعة

فيض:ساعتين تقريباً

فياض:تمام أجل بطلع أنا والعقيد لكوفي واذا خلصتي اتصلي

فيض :الله لايحرمنا منك


بعد أن نزلت ذهب ليمر بطريقة أحد الحارات كانت تتبعه أحدى السيارات من نوع جيمس سوداء كاتمة لاحظ أنها تتبعه فعلاً عندما دخل الحارة الثانية
فتح هاتفه والتقط رقم اللوحه وارسله لأحد زملائه ما أن اغلق الهاتف حتى قطع سيره سيارتان من نفس النوع نزل منها عدد من الأشخاص
يرتدون الأسود تماماً وعلى وجوههم أقنعه سوداء كذلك
دخل معهم في عراك كانوا هما المنتصرين فالكثرةُ تغلب الشجاعة قيدوا يديه وقدميه

وأخذوه معهم وهو فاقداً للوعي .



***

-
ماراجعت الفصل ادمحوا الزله يالربع 😂😔💔🚶🏻‍♀🌱