[فيتامين سي]

صلوا على النبي ..


تكملة البارت السادس ..







اردف بوجع : ابعد هههههههههههههههه لا ماحزرتي يالماس بعدي بيكون من سابع المستحيلات عنك وراح اكون ظلك وقدرك اللي كرهتيه قبل حطي هالشي ببالك يازوجتي الماكره

الماس ناظرت فيه بوجع نطقت بقهر : أي أي ماكره واول شي تذكر كيف هربت منك بصوت واطي : وانت تعترف بحبك المزيف حركت حواجبها بخبث تراجعت بفزعه عندما ضرب بظهرها بالجدار بقوه غمضت عيونها بالالم لكنها بدل من صمتها استمرت بخبثها الماكر

باهي
ضغط على ايدينه بقوه وهو يناظر فيها جامده متصلبه في مكانها ينظر فيها بلا أي ردت فعل فكل ماقالته صح صح نطق بخفوت : خبيثه

الماس رفعت عيونها له من بعد الكلام ناظرت فيه وهو يتركها ببرود ويدخل عند امه شدت خطواتها للمطبخ نزلت من الدرج وهي تسبق خطواتها تبي تركض تبي ماء بارد يبرد اللي بقلبها فتحت الثلاجه بقهر واخذت دبه وهي تروي عطشها او تبرد سبدها جلست بنفس مرتجفه اردفت بخفوت : من الخبيث فينا ياباهي انت او انا او مين فينا المفروض ياخذ اوسكار على التمثيل

انا لست في الرابعة عشرة من عمري
لترضيني قطعه حلوى ولا في الثامنة
عشرة لترضينى كلمة بل عشرينية
الهوى اريد مايقال يفعل

بيت ابو عامر


ابو عامر بهدوء وهو مايبي يفقد اعصابه من بنت اخوه وتناقضها : فاطمه ويش تبين من الاخر يابنتي مابي اجبركم على شي ماتبونه اجلسي لك على بر

فاطمه حركت راسها بغصه ويش تقول مابي الطلاق مابي يتركني مابيه يروح عني لسا احبه الله يقطع هالقلب اللي عندي كل يوم اعيش بتناقض الى متى بجلس جبانه ومالي راي ومالي كلمه على نفسي كله بسبب هل القلب

ابو عامر اردف: رفضتي تروحي المحكمه ومضاوي سوت سالفه تبي طلاقها ونوير ماعطتني أي كلمه الى متى بتجلسو كذا اقولك شي يابنتي انتي ماتبي الطلاق صح


فاطمه دموعها نزلت وبكت

ابو عامر ناظر لبنت اخوه بحزن ااااااااخ اااااااخ حسبي الله عليك ياعايده ويش يسوي اهو لا له حول ولا قوه مايبي يجبرهم على شي ولا يبي يكسر بخواطرهم فاطمه مقررره على الطلاق والحين تراجعت ليه عشان وافي جاء وحاول معي وكانت رافضه الحين ليه تسوي كذا اذا تبي زوجها راح اخليها تروح معه بس بشروط ا اهم شي ماتسكن عند عايده تنهد ويش يسوي اهو اردف بخفوت : فاطمه تبين زوجك روحي معه ولاتخافي من احد توكلي على الله ان شاءالله كل شي يتيسر ولا تفكري اني راح اجبركم على شي اللي تبونه انتي وخواتك انا معكم ولو على حسب رفضي بس مادام الرجال شاريك هو مستعد يسوي اللي تبينه

نطقت فاطمه بنحيب: مابي اروح معه ولا ابي طلاقي ياعم

ابو عامر وقف وهو ينطق : وافي برا راح اقول له هذا الكلام الرجال منتظر له ساعات شد خطواته وهو يتركها وهي تبكي بقهر

انتي لاترفضين الحب رغم كل محاولاتك لاظهار ذلك
لكن في الحقيقة انتي لاترفضينه بالمعني الحرفي للرفض
كل مافي الامر انك تحاولين تجنب مأساة سابقة انهالت علي
قلبك بالطعنات المميتة تتجنبين تكرار مشاهد مأساوية
عجزت الذاكرة علي نسيانها ربما تخشين الوقوع في الفخ
والخذلان مجددا الذي جعلك تفقدي ثقتك فيه لكن بداخلك
تؤمنين بالحب تؤمنين ان الحب وحده من يعطي الحياة


المزرعه

طلال وهو يحرك ايده : اااااااااخ والله تالم

سامي وهو يناظر اخوه بضحكه : غبي انت ليه حركتها

طلال بمكر وهو يناظر اخوه ويرفع حواجبه : ابد كنت اخطط على شي بس اخاف مايضبط لأنو يدي وضعها ماش

سامي عكس حواجبه : على شنو ناوي انت

طلال بهدوء : على كل خير ابد بروح ارجع زوجتي بس لابد من شي يكون مبهر اعملو خخخخخخخخخخخ

سامي بضحكه : تعملوووو الله يستر لا زوجتك ترميك بأي شي انتبه انت متساهل بكل شي البنات مجبورين علينا وانت واخوانك على بالكم الحب سهل وضعنا مايسمح لك انك تسوي اشياء تافه وعلى فكره انت اصلاً حاله خاصه زوجتك مش طاقيتك

طلال بهدوء : وانا ويش دخلني بثاركم اللعين وانا حاله خاصه لم برجع زوجتي حاله خاصه لم مابي طلاق ولا ابي اظلم بنت الناس عندكم انا حاله خاصه ها عارف انو مايصير نجبرهم بس انا راح احارب الكل ومن ضمنهم انت وراح اخذها سواء رضيتو او ابيتو امي مصيرها تنسى الثار وتنسى انو في انتقام راح ارجع زوجتي ونعيش حياتنا زي باقي الناس حتى لو استمرت امي انا راح استمر لم نمحي هذا الثار وانت لا اوصيك اجلس ناظر

سامي بهدوء : انت تقدر توقف بوجه امي

طلال بقهر : امي امي الى متى طيب ماني قادر اوقف بوجهها بس راح ارضي ربي وامي وارضي زوجتي سامي انا وانت وباهي وافي مو مرضينا هالشي امي خططت بنفسها وزوجتنا غصب عنا والحين تبينا نلعب على بنات الناس ليه لعبه عندنا هما اذا اكتفينا منهم نرميهم سامي ابسط شي باخذ زوجتي ولو طرا الامر اقرب منطقه واهج فيها لم الامورر تتصلح مابي ربي يردها لي في اقرب الناس لي واولهم امي لاااااااا ياسامي انا مو كذا ولا راح اصير كذا

سامي ابتسم واردفف : تصدق كنت مااخذ فكره غلط عنك اقول طلال همه الضحك والوناسه واللعب وانسان مستهتر همه نفسه والحين والله كبرت بعيني روح والقلب داعي لك




بعد عدت ايام

بيت عايده
رفعت الجوال وهي تبتسم بنت خالتها جايه وبطريقه ابتسمت وهي ترد : حيا الله ام ديما اخبارك ياقلبي حياك الله انتظرك ياهلا ام شادن ماجت معاك أي زين حياها بأي وقت
قفلت الجوال وهي توها تتذكر كيف نسيتهم المفروض يستقبلوهم باالمطار بس يالله بالطريق جايين


جالسه بالمطبخ وتناظر للعصير اللي بيدها لها مايقارب اسبوع ما شافته وين ذلف تأففت وهي تشرب العصير وقفت وهي تشد خطواتها بعد ماخلصت اللي بيدها بس جسم باهي وقفها تأففت بحقد وناظرت فيه بشراسه وكرههه

باهي بهدوء اردف : من المفروض يناظر بذي النظرات انا ولا انتي

الماس بإشمأزاز : ههه تضحك والله اقول لك شي انت انسان مريض ابي اعرف حاجه كيف قدرت اوثق فيك

باهي بجنون وهو يقرب منها ببرود : الماس الماس ماتبي تعترفي بغلطتك لسا متقنه التمثيل

الماس بقهر : باهي اقولك شي صدمتني فيك

باهي بضحكه مجنونه : ههههههههههههههههههههه انتي ليه تحاولي تسوي دور البريئه

الماس بغصه اردفت : من اليوم راح تبعد البرائه مني شدت خطواتها تاركته يغلي قهر

باهي تنهد وهو لازم يروح السفره هذي لازم يبعد لازم ولا ماراح يكون بصالحه

من يتمسك بك رغم اخطائك يحب بكل
حماقاتك يتحملك بكل جنونك وتخبطك وحيرتك
من يفضلك على الجميع وتكون شاغله الاول مهما
غلطت يبرهن لك بكل لحظة أنه لازال بالحياة شيئا
يستحق المقاومة من اجله من يجعلك تتسائل هل انا
حقا استحق كل ذلك هذا فقط هو الحب ياعزيزي

بعد شهرررررررررر


بيت ابو عامر

فاطمه بحزن : بنات الماس مالها حس اختفت ولا لها صوت ولا كلمتنا تتوقعوا مانع عليها الجوال

مضاوي وهي تبرم اظافرها : والله ياوخيتي اختك عايشه حياتها وفاله امها والولد يعشقها وهي تسوي حركاتها بيدها : انتي ماشفتي كيف يناظر فيها وده يبلعها

نوير بهدوء : بنات تتوقعو سامي راح يطلقني

مضاوي بضحكه : ههههههههه جتك الثانيه وقعت ولله الحمد ههههههههه الحمدالله يارب فكاني منه جعله يطلق وافتك

فاطمه ناظرت بنوير اللي واضح انها تحب سامي وهو مو داري عن هواء دارها والثانيه منتظره طلاقها ضحكت على حالهم عامر يحبها ولين الان مابعدت من تفكيره هذا كلام اخته صدق اللي قال اللي يبينا عيت النفس تبغيه واللي نبيه عيا البخت لا يجيبه قطع تفكير فاطمه صراخ بالحوش وفزت اهي و خواتها برعب

مضاوي برعب : ينادي اسمي مين مين يابنات

فاطمه وهي تحرك نفسها بخوف من هذا اللي ينادي بأسم اختها

نوير بخوف : مدري

مضاوي وهي توقف وتطيح تبي تنزل من السرير : اصبر الله ياخذك بنات لايكون الفارس الملثم جاي يخطفني

دخلت بنت عمها وهي تسمعها : لاوالله الفارس زوجك

مضاوي وهي توقف بصدمه حركت رجولها لجهت عبايتها لبست عبايتها بقهر : جابه الله

نزلو البنات وهم يسمعو صراخ طلال وعمهم يحمدو الله انو عامر مداوم ولا كان فضايح صارت

مضاوي بذهول وهي تناظر فيه : ياويل حالي بنات ويش يسوي هذا المجنون

ابو عامر بغضب ياولد اعقل ابعد اللي بيدك ويش الحركات هذي

طلال وهو يرش على نفسه البنزين وهو يحاول يثبت رجله من الالم اللي يحس فيه اردف بجنون : بلا حركات بلا جنان ابي زوجتي وهي ياعم ماتبيني ياعم تكفى قول لها ترجع احبها

صرخت مضاوي بجنون من كذبه : كذاب كذاب يبي يروح بي عند امه يبي ينتقم ياعم

طلال بجنون وهو يرش على نفسه اردف : أي أي كذاب كذاب الكذاب راح يثبت لك الحين انو يبيك ويحبك كمان وشاريك رفع ايده اللي بها الولاعه واردف: والله لا اولع بنفسي واموت و

صرخو البنات

ابوعامر بربكه : اهدا ياولد اصبر لاااااااااا لاااااا اهدا مالك الا طيب الخاطر اهدا

مضاوي بغضب : ياعم لاتصدقه ترا كذاب من متى يحبني كذاب يبي ينتقم لأمه

طلال بتهور : مضاوي اقسم بالله مالي بالانتقام وشاريك يابنت الناس وابيك أي كذبت اني احبك بس والله شاريك وابيك ولاتفكري اني راح انتقم من الاخير والله يامضاوي ان ماجيتي والله لا اشرب البنزين هذا وقفت ماعادني مولع رمى الولاعه وهو يشرب البنزين اللي اذهل البنات



ركضت مضاوي بجنون وهي تسحب الدبه منه بجنون صرخت : مجنووووووون انت مابك عقل الله لا يوفقك ياشيخ مابي احد يموت بسببي

طلال وهو يقرب منها ونطق وبطريقه مشاكسه : عادي واحد يشرب مويه فيها شي

مضاوي بذهول وهي تقرب الدبه من انفها وتشم حست بغليان يسري بجسمها من استهتار فلت قلب عائله بأكملها اردفت ببرود : تستهبل صح

طلال بضحكه : خبل انا اموت نفسي عشان ادخل النار

مضاوي حركت راسها يمين ويسار بغليان واخذت الدبه وباقوى شي عندها وضربتها بجسمه اللي خلت طلال يركض وهي تركض وراه وتضربه صار تفاحيط بالحوش وهي تضرب فيه وسط صدمات الموجودين ويش بها مضاوي ويش صار عشان تضربه

بدايه مشاكسه
بدايه حياه لاتريده
بدايه عذاب والم
بدايه قرارات
وبدايه تسرع


بعد غياب ادام شهر ولا شافته ولا شافها دايم يغيب يوم يومين ثلاث ايام ويجي والان هما مقابلين بعض معقول الشهر هذا ترجع مشاعرهم


باهي
يقف امامها برغبه جامحه في احتضانها وعيونه تلمع بالحب ليقترب منها بخطوات بطيئه

الماس
على عكسه تماما تقف برغبه الانتقام منه ومن امه شهر كفيله لتعرف من هم ولكن هي لم تبكي لم تصرخ تجرعت الالم وظلم من امه

باهي
امسك يدها وجذبها اليه بقوه محتضنها بجنون الحب اما الابتعاد سيكون الالم حارقا ولكن

ولكن الماس ابعدته بقوه واردفت بغضب : ويش تبي مختفي شهر الحين جاي تتحضن

باهي ابتسم بغموض ونطق : ويش صار معك خلال الشهر هذا

الماس بمكر : كل خير بس روح شوف امك

تراجع ببرود وهو يشد خطواته وهو عاكس حواجبه ويش سوت باامه هالمجنونه معقوله تضرها




بيت ابو عامر

ابو عامر بغضب منه ومن الفلم البايخ اللي سواه هذا بزر يسوي حركات سذا: الحين ايش تبي البنت وقلت لك ماتبيك

طلال بهدوء : ياعمي والله مو مرضيني اللي يصير يعني انت راضي على الطلاق

ابو عامر بقهر : واللي تسويه امك يرضي الله لا والله الطلاق ولا بنات اخوي يتعذبوا اكثر من كذا ابوهم مارحمهم رماهم تبيني اصير زي ابوهم

طلال : عم اللي راح راح ياعم تكفى ياعم فهمها والله ابيها وشاريها اللي تبونه انا حاضر وراح يصير اللي تبيه مضاوي

وقف ابو عامر وهو مو مقتنع راح يكلم مضاوي هالولد عنده اراده انو يقنع الكل الا هو فتح الباب وهو ينادي باسم مضاوي

طلعت مضاوي وهي حتي عبايتها مافسختها من القهر وكانها حاسه ان عمها راح ينادي عليها فتحت الباب بقوه وهي تناظر فيه بقهر قربت وجلست بكل هدوء ومنتظره يتكلم نطقت بغليان:ويش عندك

طلال بهدوء : مضاوي اللي تبينه انا حاضر وشاريك يابنت الناس وابيك

مضاوي بمكر : متاكد

طلال ببتسامه : أي وماقلت هالشي الا انا متاكد

مضاوي بخبث: بيت ويكون بااسمي

طلال تراجع بهدوء اهو عندهم خير بس مو فلوسه فلوس امه وكل شي لأمه حتى ابوه ماعنده شي جدي ابو امي اللي عنده خير يعني راح ياخذ من فلوس امه لها وهو مايبي هالشي غمض عيونه وهو يفكر ويش يسوي لو جاء للبنك راح يكون بسمه ماراح يكون بسمها يعني اهو الحين بين نارين نار مضاوي ونار امه وفلوس امه كمان اردف بتهور : ابشري بس شقه غيرها ماقدر اكثر من كذا


مضاوي بإشمأزاز : وانا طلبت غير كذا شقه وتكون بسمي واضمن حقي لو فكرت تلعب بذيلك

ابتسم طلال بهدوء وهو يردف : بس لي شرط

مضاوي وهي تضرب بيدها واردفت بقهر : وكمان له وجهه يتشرط ي قاطعه

طلال بسرعه : اهدي كل اللي ابيه كلمه طلاق مابيها الا بحاله وحده اذا مديت ايدي عليك ولا نقصت لك بشي

ابو عامر بهدوء ناظر بنت اخوه : فكري يامضاوي قبل

طلال بقهر : عم اذا ماعليك امر تخليني شوي مع زوجتي

وقف ابو عامر بغموض وهو يتمنى مضاوي ترفض

طلال فز بس ايد مضاوي رجعته مكانه

مضاوي :حدك هنا بتكسر رجولك لو تعديتها وكلمتين راح اقولها قول الصدق ياطلال انا كفايه اللي اخذته من امك ومنكم ويش تبي مني اذا انت مقصدك انتقام قادر الله يبتليك بنفسك

طلال بفزعه: اذكري الله يابنت الحلال والله القصد ابيك وشاريك مابي اظلمك والله وما اتمنى لك المضره واذا على امي لك مني انو ماتعرف شي امي وبعدين مع الايام امي بترضى لم تشوف معنا نونو

صرخت مضاوي بجنون اللي خلت طلال يفز : الله ياخذك انت داخل تبي نونو

حرك راسه بجنون من صراخها : اهدي اهدي

بيت عايده

عايده بذهول من ولدها وكيف نحف شهر كفيله انها تشوفه شخص ثاني اصغرهم واحبه على قلبها كلهم مقامهم سوا بس باهي غير اردفت وهي تتحرك له : يمه ياقلب امك ويش فيك ياعين ابوي

باهي قرب منها وهو يبوس راسها ببتسامه وهو يفكر بتلك الماكره وكلامها امه مابها شي ويش يسوي ويش اللي يبيه شهر كامل وهي بعقله وقلبه اللي رافض ابعادها حضن جنته التي يوجد ماينسيه همه شعر بأنه يريدها هي ولكن هي مستحيل فشل في انتقامه فكل ماقرب منها ينسى الانتقام العين عليه ان يختار هو يريد ابرام صفقه بالحب او صفقه بالباقه عندها وفي كل الحالتين هي له له هو لايشرح ولايعاتب هو يقرر وسيظل يخطئ في حقها لين تعترف عن ذنبها لن تعترف وهو عارف ذلك

هكذا هم الرجال اذا عشقوا

بالسياره
طلال مضاوي

مضاوي
سؤال يتردد الان على مسامعها كيف اقنعني وانا كنت ابي الطلاق معقوله سيطر علي بــ هالسهوله وبحركاته الغبيه انا كنت مابيه بس تمسكوا فيني خلاني اوافق وانا عارفه بدايه انتقام وثار معقوله هو راح يتصرف راح يوقف بوجهه امه تأففت اردفت بنفسها انا كيف انعميت كانها سحابه سوده جت على عيوني يمكن حركاته اثرت فيني مستحيل احد يسويه الا هو شاريني ويبيني زوجته بس انا عارفه هالزواج البداية غلط والنهايه كيف بتكون كيف انضحك علي بسهوله لفتت اتجاهه ونطقت : الله يخليك اذا تبي اخذ بثار امك تكفى انا امرأه لا لي حول ولاقوه ترى مالنا عضيد وي قاطعها

طلال بمكر : اهدي اهدي انا باخذ بثاري انا مالي شغل بثأرهم

شهقت بغصه وهي تردف بقهر : انا عارفه انو انضحك علي

ضحك طلال وهو ياخذ ايدها : يشهد الله كل اللي قلته صادق فيه لا همني ثار ولا همني شي ضحك ونطق بمكر : انا باخذ بثاري اللي صار فيني بالمزرعه ضربك لرجلي عوقتيني زياده ههههههههههه انا مالي بثارهم

مضاوي وهي تبعد ايدها بقهر وهي تسب فيه : ماتضحك

بيت عايده

باهي بهدوء اعصاب وهو يضغط على اسنانه بغضب ساحق : افتحي يالماس

الماس اردفت : مابيك ولا ابي افتح الباب وبنفسها لا يالماس انتي خايفه من ردت فعلك الغبيه كل ماشفتيه قلبك وروحك تضعف ولا ابي اناظر لعيونك واترك العنان لقلبي

باهي بقهر : الماس ماراح يصير شي يعجبك افتحي لين الان مثبت اعصابي

الماس ببرود: يالله عطني اللي مايعجبك ابيه يالله

باهي بغصب ليه دايم ترفع ضغطه اردف بمكر : ماتبي تروحي عند خواتك وماهي ثواني الا تفتح الباب بسرعه ابتسم وهو يدخل ويقفل الباب وراه وشدها لحضنه بمكر

الماس بغضب : يالله روح بي عند خواتي ابعد

باهي بجنون : لآخر مره بقولك ليه هربتي يالماس

الماس رفعت عيونها لعيونه وكأن الزمن توقف بهم في هذي اللحظه فبقيا يحدقان في بعضهما نظرت له بحب كل مرة تنظر له بحقد غموضه وتعابيره وصمته ااخر كلماته ماهو الا مريب لها يعني مفكر ان هربت منه

باهي منتظر كلمه منها تبرد سبده لكن نظراتها وسكوتها اوجعته ناظر فيها وهو لاول مره يطيل نظره لها بعيونها الناعمتين نظراتها كانت وديعه صافيه من الحقد ورقيقه جعله رغما عنه زفر انفاسه بتعب وهو يحرك راسه رجع نظره لها بحزن كيف شاحبة اللون بس جميله وانيقه ومثيره تنفس بتوتر فاتنه حدث نفسه بذلك قبل ان يضم حاجبه مستغرب من نفسه وردت فعله لم يكون قبالها لم يستطيع ان يعترف لنفسه بأن مظهرها العفوي والتعبان جذابه ابعد عيونه عنها بقهر من تفكيره نطق بقهر على حاله : ابي اجابه

الماس وهي تناظر فيه وبتساؤلاته الغبيه كانت تنظر له وهو كيف مثبتها متشنج الملامح هيكل عظمي شاحب البشرة تمنت ساعتها دخول عقله ومايدور بباله لا تفهمه ولكنها ندمت لتمنيها فهي رأت شخص ثاني وكأنه تحول لم تستطيع الكلام وهي تناظر لعيونه اللي انقلبت جامدتان اردفت بشراسه فعليها تجنننه : لاني ماحبك وابيك تتعلق فيني واخذ حقي منك

ابتسم باهي بحقد وشراسه : توقعت لا تفكري جيتك الحين حب فيك يالماس

ابتسمت بمكر وهي تقرب منه لم لامست خشمه وناظرت بعيونه ونطقت : بس عيونك ماتقول سذا

باهي بخبث : شنو تقول

الماس بصوت خافت : تقول انك تعشقني لحد الثماله

باهي بغصه من استهتارها بمشاعره اردف بجمود: اجل خبري عيونك وقولي لها والله لو عشق حد الثماله باهي يقدر ينزل العشق لحد القاع

دفته بصرخه مجنونه وكانها تعلن انها خلاص فقدت كل شي : اطلللللللللللللع برررررررررررررا ابعدددددددددد


تراجع بغضب من لو الحق يصرخ قرب منها بقهر بس صوت الجوال قطع ما سيبدأ فيه تراجع وهو يشوفها تبكي حس بقهر من كذبها وتمثيلها



وصول بنت خالت عايده عندها بنت وحده وهي اخت باهي اسمها ديما وثنتين متبنيهم

يممممممممه خلاص ماصارت متى بنوصل ابي الحمام يالله المطار وقلتي قربنا ونسيت نسيت لا ادخل الحمام يالله يالله بموووووووووووووووت

ام ديما : خلاص يابنت فضحتيني الحين بنوصل بيت خالتك

هدى بقهر : خلاص وجع اصه

ياسمين بضحكه : بح حمام

ديما : يمممممممممممممممه والله ابكي ابي الحمام يمممممممممه ابشرس كليتي بتنفجر

هدى بفهاوي : ويش دخل كلتيك

ديما بمغص : مدري يمممممممممممممه ابي الحمام


طلال مضاوي
وقف السياره بنص الحوش

التفتت مضاوي بقهر وندم : انت جايبني عند امك لااااااااااا هذا مو كلامنا

طلال لف لها بهدوء واردف : وانا ماراح اطلع من هنا لم امي تكون راضيه مضاوي اسمعيني وقولي بعدها اللي تبينه الله يخليك افهميني انا وعدتك وانا والله اني عند وعدي بس خليني اتفاهم مع امي الحين ماراح تعرف انك هنا لما اكلمها الله يخليك يامضاوي


مضاوي بتردد وخوف من المجهول لا يارب لا يارب ايش يصير معي كيف وثقت فيه كيف ويش اسوي راح تدري اني هنا ماراح تتركني نطقت : وان علمت امك اني هنا

طلال بهدوء : راح تعرف بس مني انا الحين اهدي انتي وكل شي راح يمشي باللي تبين الله يخليك يامضاوي خليني اخذ رضا امي واوعدك ان رفضت باخذك وامشي محاوله اخيره يامضاوي معها والله محاوله اخيره تكفين مابي اعصاها بحط اللي اقدر عليه تكفين

مضاوي نزلت بهدوء وهي تسمع كيف يترجاها خلاص وثقت وانتهت الحين ما تقدر ترجع الحين هي في نص المعركه

نزل وهو يشوف باهي كيف يناظر فيه قرب منه واردف : لاتقول شي عارف بتصير الدحساء والغبراء بس بحاول

باهي بهدوء : راح تندم بس اخر همي في بنات ابو فاطمه الخوف على امي منهم وان امي صار لها شي صدقني انا اللي ماراح ارحمك


طلال ترك باهي وهو يحس نفسه جاب العنا


عايده واقفه على الدريشه ابتسمت اجل جبتها ياطلال حيالله الحيه اجيتي برجولك ياست مضاوي ابتسمت وهي تشد خطواتها لفراشها


بغرفه طلال

مضاوي تناظر فيه بهدوء ويش تسوي كيف وثقت فيه ياربي رحمتك اللي مطمن قلبها انها راح تشوف اختها تنهدت وهي تشوف دخلت البنت وهي تركض للحمام التفتت بصدمه من هذي

ديما : اسفه اسفه بس ابي الحمام وركض

طلال بصدمه اردف : هذي ويش جابها هنا المخبوله

مضاوي مين هذي

طلال بضحكه: هذي بنت خالتي واخت باهي على فكره ترين عقلها مودع

مضاوي بصدمه بنت خالته وكذا تدخل ايش الوقاحه هذي ماعاد به حيا

سمعت صوت من ورا الباب
هدى بهدوء : العذر والسموحه ياخوك بس تعرف ديما عقلها طاير قلت لها والله يمكن به ناس بس بنت خالتك قالت والله ما ادخل غرفه النفسيه باهي


ضحك طلال ونطق : حيالله بنات الخاله خليها انا طالع اصلاً وانتم حياكم امي بالغرفه

تحركو البنات وهما متفشلين من طريقه اختهم المخبوله

طلع طلال ومضاوي جلست وهي تبي تشوف هالبنت الوقحه

طلعت ديما وبتنهيده : ااااااااااه لك الحمد يارب شوي ويجيني فشل كلوي اااااااااه محل راح رفعت نظرها لمضاوي ابتسمت بفهاوه : سلام والعذر دخلت بهذي الطريقه بفشل اسفه

مضاوي ببتسامه مجامله : عادي كل شي غريب بهذا البيت جت عليك

ديما باستغراب : مافهمت وانتي مين

مضاوي : دخلت دوره المياه وطنشتها

ديما : وجع اشبها هذي ومين هذي اصلاً طلعت وهي تتحلطم

بعد ساعه دخول مضاوي لأختها اللي كسرها وهي تشوف اختها بهذي الحاله

بالصاله

البنات ضحك وام ديما جالسه مع عايده اللي تسولف

عايده بهدوء : عاليه متى بتجي يا ام ديما
عاليه ام شادن اخت عايده من رضاعه

ام ديما : راح تجي بعد اسبوعين ان شاءالله

ابتسمت عايده : حيالله يالله نبي نحددد ملكه شادن وباهي

ابتسمو البنات بفرحه وهما عارفين بنت خالتهم كيف متعلقه بباهي بجنون


دخول سامي وباهي ووافي اللي قطع عليهم ماسيبدو فيه نزل راسه سامي وباهي

تغطو البنات

باهي : حيالله خالتي اسفرت وانورت

وقفت ام ديما وهي تبي تسلم عليهم


سامي بعد ماسلم على راس خالته وهو يتركهم عشان ياخذو راحتهم الباقي ويعرف ديما لو تكلمت مع باهي ماراح احد يسكتها


وافي قرب من خالته وباس راسها وهو يبي يروح بس كلام خالته اوقفه

ام ديما : ان شاء الله انت وفاطمه اموركم زانت سمعت انها رجعت لك

وافي بحزن : مابه رجوع ياخاله راح نباشر بالطلاق

البنات حزنو على وافي وكلامه يعرفو كيف وافي متعلق بفاطمه

التفتت ام ديما لبنت خالتها بقهر وهي عارفه عايده اكيد هي

تحرك وافي وسط صدمه الموجودين

ديما شافت وافي راح فزت ب ضحكه : حيالله النفسيه لك وحشه بيه بطريقه الهنديه

باهي بضحكه : هذي ويش جابها ياخاله

ديما بزعل : أي أي عشان تبي تتزوج تتغلى علينا ويحق لك شادن بنت ال

باهي التفت لأمه ابتسم بقهر اكيد مخططه لشي مادام قالت كذا ديما تركهم وهو يشد خطواته لتلك المجنونه

وماهي دقيقه الا هو عند الباب سمع صوتها هي واختها حس بقهر دق الباب دقتين تراجع للخلف وهو يشوف طلوع مضاوي وكانها مستعده للخروج

دخل بكل هدوء وهو يناظر فيها يالله نظراتها قويه وكانها تعلن عن جنونه قرب منها وهو يحس بشعور غير هو يحسه لم تكون قربه قرب منها شلته الرغبه في انجرافه المحمومه لكنه قبلها بكل هدوء وهي ما بدرت أي ردت فعل فتحت عيونها الماس ببتسامه فاصل بسيط بينهم قبله لم تبدا بعد تقدم نحوها ملتهما شفتيها تراجع للخلف وهو يبي أي ردت فعل ابتسم بقهر وهويتركها وترك قبله جحيم قلبه زرعت سهم بصدره من نظراتها وابتسامتها الماكره هو عارف نظراتها المستفزه وكانها تقول عارفه انك تحبني ولا تقدر تبعد عني هذا انت ياباهي بتروح لاخر الطريق وترجع لي


الماس: لايستحق العاطفه لايستحق حبها وجنونها كانت دايما تبحث عن الرجل الذي يحبها فارس احلامها كأي بنت تتخيل رجل احلامها رجل يفقدها صوابها بحبه يعمل لها اشياء جنونيه يضعها في قلبه ويوصلها الى اعماق قلبه ويخطفها من العالم كله ففي كل مكان يقدمه لها ومن اجلها لكن مستحيل باهي يسوي كذا هو لا يقبل بصواعق المجنونه تنهدت وهي تسمع اصوات وقفت بمكر قالت لها مضاوي به ناس عندهم اجل استعدي ياعايده والان حان دورك من بعد ولدك

بعد نص ساعه

وقفت بنص الدرج بخبث نزلت بمكر وهي تحاول تطلع صوت كعبها التفت كل اللي بالصاله وقفت بنص الصاله واردفت بمكر وخبث والان عليك ياعايده ان تحضري مني الان اعلن جنوني عليك ماراح اطلع من هالبيت الا ماخذه حقي انا وخواتي اردفت بمكر واضح عليها : سلام به ضيوف ياعمه




الـــــــــى الملتقــــــــــــــى

من البارت الجاي


سحبتها من شعرها بجنوووووون وصرخت بنص الصاله : خلااااااااااااااااااص ماعااااااااااد به ثااااااااااااار انتهى انا انهيه الحيييييييييييين انتهى خلاااااااااااااااااااااص يابنات حسناء رااااااااااااااااح تطلعوووووووو من حياة عيااااااااااااااااااالي نزلت لوجهههها واردفت بجنون

باهي بغضب وهو يناظر لألماس اللي متكشخه للآخر حس بوخز بقلبه منها ومن نظراتها ومن نظرات امه صار يناظر فيهم
الماس وعيونها تلمع خبث ومكر : حبيبي




& ولا تحرموني من تعليقاتكم العطرة التي تعطر صفحتي وتملأها بهجة وسرور &