عرض مشاركة واحدة
قديم 17-10-19, 09:51 PM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,170
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#بارت٣
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ

💔💔💔💔💔💔💔💔
ﻣﻌﺘﺼﻢ ... ﺷﻨﻮﻭ ﺧﻴﻴﻴﺮ ﺍﺣﺠﻲ ﻳﻤﻌﻮﺩ
ﺭﺍﺿﻲ ... ﺻﺒﺎﺡ ﻭﺍﺧﻮﺍﻧﻪ ﻣﺘﻌﺎﺭﻛﻴﻦ ﻭ ﻭﺍﺣﺪ ﺳﺎﺣﺐ ﻋﻠﻴﻬﻢ ﺍﺳﻼﺡ ﻭﻣﺼﻮﺑﻬﻢ ﻭﻫﺴﻪ ﻫﻤﻪ ﺑﻤﺪﻳﻨﺔ ﺍﻟﻄﺐ ﻭﺣﺎﻟﺘﻬﻢ ﺣﺎﻟﻪ ...
ﺣﺴﻴﺖ ﻣﺜﻞ ﺍﻟﺼﻌﻘﻪ ﺍﻟﻜﻬﺮﺑﺎﺋﻴﻪ ﻭﺳﺮﺕ ﺑﺠﺴﻤﻲ ﺍﻟﺨﺒﺮ ﺟﺎﻥ ﺯﻟﺰﺍﻝ ﻭ ﻭﻛﻊ ﻋﻠﺊ ﺭﺍﺳﻨﺎ 3 ﻣﻦ ﻭﻟﺪ ﺍﺧﻮﻭﻳﻪ ﺣﺎﻟﺘﻬﻢ ﺧﻄﺮﻩ ...
ﺭﺟﻌﺖ ﺭﻛﺒﺖ ﺑﺎﻟﺴﻴﺎﺭﻩ ﻭﺍﺗﺠﻬﺖ ﻟﻠﻤﺴﺘﺸﻔﺊ،ﻭﺳﻘﺖ ﺑﺴﺮﻋﻪ ﺟﻨﻮﻧﻴﻪ ﺑﺤﻴﺚ ﻣﺎ ﺍﺷﻮﻑ ﺍﻟﻜﺪﺍﻣﻲ ...
ﺻﺎﺭﺕ ﺍﻻﺭﻗﺎﻡ ﺗﺘﺼﻞ ﻋﻠﻴﻪ ﻣﻦ ﺍﻗﺎﺭﺑﻨﻪ ﻭﺍﻟﻌﺸﻴﺮﻩ ﻋﻔﺖ ﻣﺎ ﺭﺩﻳﺖ ﻋﻠﺊ ﺍﻱ ﺷﺨﺺ ...
ﻭﺻﻠﺖ ﺍﻟﻤﺴﺘﺸﻔﺊ ﻣﺪﻳﻨﺔ ﺍﻟﻄﺐ ﻟﻜﻴﺖ ﺭﺍﺿﻲ ﻭﺍﺧﻮﺍﻧﻪ ... ﻃﺒﻌﺎ ﺍﺧﻮﻳﻪ ﺍﺑﻮ ﺭﺍﺿﻲ ﻣﺘﺰﻭﺝ ﺛﻨﻴﻦ ﺍﻡ ﺭﺍﺿﻲ ﺍﻟﻜﺒﻴﺮﻩ ... ﻭﺍﻡ ﺍﺑﺎﺫﺭ ﺍﻟﺼﻐﻴﺮﻩ ﻭﻛﻠﻤﻦ ﺑﻴﺘﻬﺎ ﻭﺍﺑﻮ ﺭﺍﺿﻲ ﻣﻴﺖ ...
ﺷﻮﻳﻪ ﺭﺍﺿﻲ ﺧﺒﻴﺚ ﻳﺮﻳﺪ ﻳﺴﻴﻄﺮ ﻋﻠﻴﻬﻢ ﻭﻫﻮ ﻓﻌﻼ ﻣﺴﻴﻄﺮ ﻭﻳﺨﺎﻓﻮﻥ ﻣﻨﻪ ﺣﻴﻴﻞ ﻣﺎﺍﻋﺮﻑ ﺳﺒﺐ ﺧﻮﻓﻬﻢ ﻣﻨﻪ ﺻﺒﺎﺡ ﺍﻳﺪﻩ ﺍﻟﻴﻤﻴﻦ ﺍﻟﺮﺍﺿﻲ ﻭﻣﺤﻤﺪ ﻭﻣﻬﺪﻱ ﻓﻘﺮﻩ ..
ﻭﺻﻠﺖ ﻟﻠﻤﺴﺘﺸﻔﺊ ﻟﻜﻴﺘﻬﺎ ﻛﻠﻬﺎ ﻫﻨﺎﺍﺍﻙ ﺣﺘﺊ ﺍﻡ ﻫﺒﻪ ﻭﺍﻡ ﺭﺍﺿﻲ،ﻭﺍﺻﺪﻗﺎﺋﻬﻢ ...
ﺷﻔﺖ ﺭﺍﺿﻲ ﻭﺍﻛﻒ ﺑﺒﺎﺏ ﺍﻟﻤﺴﺘﺸﻔﺊ،ﻭﺟﻪ ﻣﺨﻄﻮﻑ ﺭﻛﻀﺖ ﻋﻠﻴﻪ ﻟﺰﻣﺘﻪ ﻣﻦ ﻳﺎﺧﺘﻪ ﻛﺘﻠﻪ ﺑﺨﻮﻭﻑ ... ﺍﺣﺠﻲ ﺷﻜﻮﻭﻭﻭ؟
ﻛﺎﻝ ... ﺗﻌﺎﺭﻛﻮﻭ ﺑﺎﻟﻤﺤﻞ ﻣﺎﻝ ﺍﻟﻌﻘﺎﺭ ﻭﻳﻪ ﻭﺍﺣﺪ ﺍﻧﻲ ﺑﺎﻳﻌﻠﻪ ﺑﻴﺖ ﻭﻃﻠﻊ ﻭﺭﺍﺛﻲ ﻭﺻﺒﺎﺡ ﻏﺎﻟﻂ ﻋﻠﺊ ﺍﻟﺮﺟﺎﻝ ﻭﻫﻮ ﺟﺎﺏ ﻭﻟﺪﻩ ﻭﻛﺘﻠﻬﻢ ﺗﻼﺛﺘﻬﻢ .. ﺻﺒﺎﺡ ﻭﻣﻬﺪﻱ ﺣﺎﻟﺘﻬﻢ ﺧﻄﺮﻩ ﻻﻥ ﻣﺨﺘﺮﻗﻪ ﺍﻟﻄﻠﻘﻪ ﺍﻟﻜﻠﻴﻪ ﻭﻣﺤﻤﺪ ﻣﻀﺮﻭﺏ ﺑﺮﺟﻠﻪ ....
ﺣﻄﻴﺖ ﺍﻳﺪﻱ ﻋﻠﺊ ﺭﺍﺳﻲ ﻻﺍﺍ ﻣﺼﻴﺒﻪ ﻣﺼﻴﻴﻴﺒﺒﻪ ﻟﺰﻣﺘﻪ ﻣﻦ ﻳﺎﺧﺘﻪ ﺑﻌﺼﺒﻴﺔ ... ﻭﺍﻧﺖ ﻭﻳﻦ ﺟﻨﺖ ﺗﺴﻮﻱ ﺍﻟﻤﺼﻴﺒﻪ ﻭﺗﻌﻮﻓﻬﻢ ﺍﻟﻮﺣﺪﻫﻢ ﺗﻌﺮﻑ ﺻﺒﺎﺡ ﻋﺼﺒﻲ ﻭﺑﺴﺮﻋﻪ ﻳﻨﻔﻌﻞ ﺷﻠﻮﻥ ﺗﻌﻮﻓﻪ ﺍﻟﻮﺣﺪﻩ ﻭﺑﻌﺪﻳﻦ ﺷﻜﻮﻭ ﺗﺰﻭﺭ ﻭﺗﻠﻌﺐ ﺑﻜﻴﻔﻚ .... ﻛﻞ ﻫﻤﻚ ﺍﻟﻔﻠﻮﺱ ﺷﻮﻑ ﺍﺧﻮﺍﻧﻚ ﺭﺍﺣﻮ ﺑﺴﺒﺒﻚ ...
ﻣﺎ ﺍﺳﻤﻊ ﺍﻟﻪ ﺻﻮﻭﻭﺕ ﺍﻟﺼﺮﻳﺦ ﺻﺎﺍﺍﺭ ﻭﺍﻻﻣﻪ ﺍﺷﺘﻌﻠﺖ ﺭﺣﺖ ﺍﺭﻛﺾ ﻣﻠﻬﻮﻭﻑ ﻭﺭﺍﺿﻲ ﻭﺭﺍﻱ ﺗﻠﻜﺘﻨﻪ ﺍﻡ ﺻﺒﺎﺡ ﻭﻫﻲ ﺗﺼﺮﺭﺥ ﻛﺎﻟﺖ ... ﺻﺒﺎﺡ ﻭﻣﻬﺪﻱ ﻣﺎﺗﻮﻭﻭ ...
ﻓﺘﺤﺖ ﻋﻴﻮﻧﻲ ﻣﺼﺪﻭﻡ ﻭﺭﺍﺿﻲ ﻳﻠﻄﻢ ﻋﻠﺊ ﺭﺍﺳﻪ ﻭﻳﺼﻴﺢ ﻭﻟﻚ ﺧﻮﻭﻭﻳﻪ ﺻﺒﺎﺡ ﻭﻟﻚ ﺧﻮﻭﻭﻳﻪ ﻣﻬﺪﻱ ﺍﻧﻜﺴﺮ ﺿﻬﺮﻱ ...
ﻣﻌﺘﺼﻢ ... ﻻ ﺍﻟﻪ ﺍﻻ ﺍﻟﻠﻪ ... ﺍﻟﻠﻪ ﻳﻬﻠﻜﻚ ﺭﺍﺿﻲ ..
......................
ﻣﻴﺲ
ﻛﺎﻟﻮﻭ ﻭﻟﺪ ﻋﻤﻲ ﺗﺼﻮﺑﻮ ﺍﻧﻲ ﺟﻨﺖ ﻳﻢ ﺗﺎﺝ ﻭﻛﺎﻟﻮ ﺻﺒﺎﺡ ﺣﺎﻟﺘﻪ ﺧﻄﺮﻩ ...
ﺷﻔﺖ ﺗﺎﺝ ﺍﻧﺼﻜﺖ ﻛﺎﻟﺖ ﺻﺢ ﻣﺎﺍﺣﺒﻪ ﺑﺲ ﻣﺎﺍﺭﻳﺪ ﺍﺗﺸﻤﺖ ﺑﻲ
ﺿﻠﻴﻨﻪ ﺷﻮﻭﻳﻪ ﻭﺧﺎﺑﺮﺕ ﻣﺎﻣﺎ ... ﺍﺟﺎﻧﻲ ﺑﺲ ﺻﻮﺕ ﺍﻟﻌﻴﺎﻁ ﻛﺎﻟﺖ ... ﺻﺒﺎﺡ ﻭﻣﻬﺪﻱ،ﻣﺎﺗﻮﻭﻭ
ﺿﺮﺑﺖ ﻋﻠﺊ ﻭﺟﻬﻲ ﺑﺼﺪﻣﻪ ﻭﺻﺮﺧﺖ ﻛﺎﻟﺖ ﺗﺎﺝ ﺑﻮﺟﻬﻪ ﻣﺨﻄﻮﻭﻑ .. ﺷﻜﻮﻭ ﺍﺣﺠﻲ ﻣﻨﻮ ﻣﺎﺕ
ﻛﻠﺘﻠﻬﺎ ... ﺻﺒﺎﺍﺍﺡ ﻭﻣﻬﺪﻱ ..... ﻭﺍﻧﻲ ﺍﺑﺠﻲ
ﺟﺮﺕ ﻧﻔﺲ ﻋﻤﻴﻖ ﻛﺎﻟﺖ ... ﺍﻟﻠﻪ ﻳﺮﺣﻤﻬﻢ ﻭﻳﻐﻔﺮ ﺫﻧﺒﻬﻢ ﻣﻬﺪﻱ ﻓﻘﻴﺮ ﻣﻴﺴﺘﺎﻫﻞ ﺑﺲ ﺻﺒﺎﺡ ﻗﺎﺗﻞ ﻭﺑﺸﺮ ﺍﻟﻘﺎﺗﻞ ﺑﺎﻟﻘﺘﻞ ...
ﻛﻠﺘﻠﻬﺎ ﺑﺒﻜﺎﺀ ... ﺗﺎﺝ ﺣﺮﺍﻡ ﻋﻠﻴﺞ ﻫﻮ ﻣﺎﺕ ﻻ ﺗﺤﺠﻴﻦ ﻋﻠﻴﻪ
ﺿﺤﻜﺖ ﺑﺎﺍﺳﺘﻬﺰﺍﺀ ﻭﻛﺎﻣﺖ ﻣﻦ ﻣﻜﺎﻧﻬﺎ ﻛﺎﻟﺖ ... ﺍﻱ ﻣﺎﺕ ﻋﻮﺩ ﻗﺪﺳﻮﻭ ﻣﺎ ﺍﻭﺻﻴﻜﻢ ..
ﻟﺰﻣﺘﻬﺎ ﻣﻦ ﺍﻳﺪﻫﺎ ﺣﻴﻴﻞ ... ﺷﺒﻴﺞ ﺗﺎﺝ ﻳﻜﻮﻟﺞ ﺍﺫﻛﺮﻭ ﻣﺤﺎﺳﻦ ﻣﻮﺗﺎﻛﻢ
ﺭﻓﻌﺖ ﺣﺎﺟﺐ ﺑﺎﺍﺳﺘﻬﺰﺍﺀ ... ﻟﻴﺶ ﺻﺒﻴﺢ ﻣﻨﻴﻠﻪ ﺣﺴﻨﺎﺕ ﻫﻬﻪ ﺭﺟﺎﺀﺍ ﺷﻮﻛﺖ ﺗﺮﺗﻘﻮﻭﻥ ﻳﻌﻨﻲ ﻣﺠﺮﺩ ﻣﺎﺕ ﺻﺎﺭ ﻗﺪﻳﺲ ﺗﺮﺉ ﻣﺠﺮﻡ ﻭﻻ ﺗﻨﺴﻴﻦ ﺷﺴﻮﻩ ﺑﻬﺒﻪ ﻭﺷﻠﻮﻥ ﺩﻣﺮﻧﻲ ...
ﻧﺰﻟﺖ ﻟﺘﺸﻴﺮﺕ ﻣﻦ ﻧﺎﺣﻴﺔ ﻛﺘﻔﻬﺎ ﻛﺎﻟﺖ ... ﺷﻮﻓﻲ ﺍﺛﺎﺭ ﺿﺮﺑﻪ ﻭﺑﻌﺪﻳﻦ ﺗﻌﺎﻟﻲ ﻛﻮﻟﻲ ﺗﺮﺣﻤﻲ ﻋﻠﻴﻪ
ﻋﺎﻓﺘﻨﻲ ﻭﺭﺍﺣﺖ ﻭﻫﻲ ﺗﺒﺠﻲ ... ﺗﻨﻬﺪﺕ ﻳﺎﺭﺑﻲ ﻟﻌﺪ ﺷﻜﺪ ﻣﻮﺟﻮﻋﻪ ﻣﻨﻪ ﺣﺘﺊ ﻣﺎ ﻗﺒﻠﺖ ﺑﺎﻟﺮﺣﻤﻪ ﺍﻟﻪ
ﺍﺳﺘﻐﻔﺮﺕ ﺭﺑﻲ ﻭﺭﺣﺖ ﺍﻟﺒﻴﺒﻲ ﺧﺒﺮﺗﻪ ﻛﺎﻟﺖ ﺧﻠﻴﻨﻪ ﻧﺮﻭﺡ ﺍﻟﺒﻴﺘﻬﻢ ﺑﺴﺮﻋﻪ ﺑﺪﻟﺖ ﻭﺍﻧﻲ ﺍﺑﺠﻲ ﻣﻬﻤﺎ ﻳﻜﻮﻥ ﻫﻤﻪ ﻭﻟﺪ ﻋﻤﻲ ...
ﻭﺑﻴﺒﻲ،ﻛﻠﺖ ﻟﺘﺎﺝ ﺍﻣﺸﻲ ﻭﻳﺎﻧﻪ ﻣﻘﺒﻠﺖ ﺗﺮﻭﺡ ... ﺑﺲ ﻣﻦ ﺟﺎﻱ ﺍﻃﻠﻊ ﻛﺎﻟﺖ ﺟﻴﺒﻲ ﻭﻳﺎﺝ ﺍﻟﺒﻨﺎﺕ ﻻ ﻳﻨﺮﻋﺒﻦ ﻣﻦ ﺍﻟﺼﺮﻳﺦ ...
ﻫﺰﻳﺖ ﺭﺍﺳﻲ ﻭﻃﻠﻌﺖ ...
ﺭﻛﺒﻨﻪ ﺗﻜﺴﻲ ﻃﺒﻌﺎ ﺟﺪﻭﻭ ﻣﻘﺒﻞ ﺑﻴﺒﻲ ﺗﺮﻭﺡ ﻛﻠﻬﺎ ﺷﻨﻮ ﻫﻤﻪ ﺫﻭﻝ ﻭﺗﺮﺣﻴﻦ ﺍﻟﻬﻢ ﻧﺎﺱ،ﻫﻤﺞ ﻣﺘﺤﺴﻒ ﺍﻡ ﻫﺒﻪ ﺑﻴﻬﻢ ﺑﺲ ﺑﻴﺒﻲ ﻣﻘﺒﻠﺖ ...
ﻭﺍﻧﻲ ﺿﺠﺖ ﺷﻨﻮ ﻳﺤﺠﻲ ﻋﻠﺊ ﺍﻫﻠﻲ ﻣﻬﻤﺎ ﻳﻜﻮﻥ ﺍﻻﺿﻔﺮ ﻣﻴﻄﻠﻊ ﻣﻦ ﺍﻟﻠﺤﻢ ...
ﻫﻮ ﺟﺪﻭ ﺍﺑﻮ ﻓﺆﺍﺩ ﻣﻴﺤﺐ ﺑﺲ ﺭﻭﺣﻪ ﻭﺗﺎﺝ ﻭﺑﻴﺒﻲ ﻭﺑﻌﺪ ﻛﻠﻬﺎ ﻳﻜﺮﻫﺎ ﺣﺘﺊ ﻣﺎﻣﺎ ﻫﻬﻪ
ﻭﺩﺍﺋﻤﺎ ﻋﻨﺪﻩ ﺗﺎﺝ ﻋﺒﺎﻟﻚ ﻧﺎﺯﻟﻪ ﻣﻦ ﺍﻟﺴﻤﺎﺀ ﻋﺎﺩ ﻣﻦ ﺗﺰﻭﺟﺖ ﺻﺒﺎﺡ ﻟﻌﺐ ﻟﻌﺐ ﺑﺒﺎﺑﺎ ﻭﻣﺎﻣﺎ ﺑﺲ ﺑﺎﺑﺎ ﺗﻌﺎﺭﻙ ﻭﻳﺎﻩ ﻭﺍﺧﺬ ﺗﺎﺝ ﻏﺼﺐ ﻋﻨﻪ
ﻭﺻﻠﻨﻪ ﺍﻟﺒﻴﺖ ﻋﻤﻮ ﺟﺎﻧﺖ ﺍﻟﻬﻮﺳﻪ ﻋﻨﺪ ﺑﻴﺖ ﺭﺍﺿﻲ ﻭﺍﻟﺼﺮﻳﺦ ﺑﺲ ﻣﺎ ﻣﻨﺼﻮﺏ ﺟﺎﺩﺭ ﺍﻟﻪ ﻳﺎﺧﺬﻭﻥ ﺛﺎﺭﻫﻢ ...
ﻭﻋﻤﻮ ﻣﻌﺘﺼﻢ ﺟﺎﻥ ﻭﺍﻛﻒ ﻭﻳﺼﻴﺢ ﻭﻳﻐﻠﻂ ﻭﺭﺍﺿﻲ ﻭﺍﺧﻮﺍﻧﻪ ﻛﺬﻟﻚ ﻭﻧﺴﺎﺑﺘﻬﻢ ﻣﻜﻠﻮﺑﻪ ﺍﻻﻣﻪ
ﺩﺧﻠﻨﻪ ﺟﻮﻩ ﻟﻜﻴﺖ ﺑﻨﺖ ﺍﺧﺘﻲ ﻫﺒﻪ ﺍﻟﻠﻪ ﻳﺮﺣﻤﻬﺎ ﺍﻟﻤﻌﻮﻗﻪ ﺗﺼﺮﺥ ﻭﻣﺤﺪ ﺑﺤﺎﻟﻬﺎ ﺭﻛﻀﺖ ﻋﻠﻴﻬﺎ ﺷﻠﺘﻬﺎ ﻭﺍﻧﻲ ﺍﺑﺠﻲ ﻭﺯﻧﻮﺑﻪ ﻛﺬﻟﻚ ﺗﺒﺠﻲ ﺑﺲ ﻣﺎﻣﺎ ﺣﺎﺿﻨﺘﻬﺎ
ﻭﻣﺮﺕ ﻋﻤﻮﻭ ﻣﻜﻄﻌﻪ ﻧﻔﺴﻬﺎ ﺗﻜﻄﻊ ﺧﻄﻴﻪ ﻣﻮ ﻫﻴﻦ ﻋﻠﻴﻬﺎ ﻭﻟﺪﻫﺎ ﻣﺎﺗﻮ ﺛﻨﻴﻦ ﺑﻴﻮﻡ ﻭﺍﺣﺪ ﻭﺍﻟﺜﺎﻟﺚ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﻭﺗﺼﻴﺢ .... ﻭﻟﻚ ﻳﻤﻪ ﺍﺑﺎﺫﺭ ﺗﻌﺎﻝ ﺷﻮﻑ ﺍﺧﻮﺗﻚ ﺷﺼﺎﺭ ﺑﻴﻬﻢ ... ﻛﻠﻪ ﻣﻦ ﻭﺭﻩ ﺭﻭﻳﻀﻲ
ﺿﻠﻴﻨﻪ ﻧﺒﺠﻲ ﻭﻧﺼﺮﺥ ﺍﻟﺠﻨﺎﻳﺰ ﺍﺧﺬﻭﻫﻦ ﻟﻠﻄﺐ ﺍﻟﻌﺪﻟﻲ ﻻﻥ ﻣﻘﺘﻮﻟﻴﻦ ﻗﺘﻞ ...
ﻭﺍﻟﻌﺸﻴﺮﻩ ﻛﻠﻬﺎ ﻫﺠﻤﺖ ﻋﻠﺊ ﺍﻟﻘﺎﺗﻞ ﺣﺮﻛﻮ ﺑﻴﻮﺗﻬﻢ ﻭﺍﻧﻬﺰﻣﻮ ﺑﺲ ﻭﺍﺣﺪ ﻣﻨﻬﻢ ﺳﻠﻢ ﻧﻔﺴﻪ ﺍﺻﻼ ﻫﻮ ﻣﻮ ﻗﺎﺗﻞ ﻫﻴﺞ ﺳﻠﻢ ﻧﻔﺴﻪ ...
ﺿﻠﻴﻨﻪ 3 ﺍﻳﺎﻡ ﺑﻌﺪ ﻣﺎ ﺩﻓﻨﻮ ﺻﺒﺎﺡ ﻭﻣﻬﺪﻱ ﻭﻣﺤﻤﺪ ﻟﺴﻪ ﺣﺎﻟﺘﺔ ﻣﺎ ﻣﺴﺘﻘﺮﻩ
ﺿﻠﻴﻨﻪ ﻋﻠﺊ ﻫﺬﺍ ﺍﻟﺤﺎﻝ ﻭﺧﺎﺑﺮﻭ ﺍﺑﺎﺫﺭ ﻛﻠﻮﻟﻪ ﺻﺒﺎﺡ ﻭﻣﻬﺪﻱ ﻣﺎﺗﻮ ﻗﺘﻞ ﻭﻫﻮ ﺗﺨﺒﻞ ﻛﺎﻝ ﺍﺭﺟﻊ ﺑﺲ ﻫﻨﺎﻙ ﻣﻘﺒﻠﻮ ﺍﻟﻪ ﻳﻨﻄﻮ ﻛﺎﺭﺕ ﻭﺭﺟﻌﺘﻪ ﺗﻜﻠﻒ ﻫﻮﻭﻭﺍﻳﻪ ...
ﺧﻠﺼﺖ ﺍﻟﻔﺎﺗﺤﻪ ﺑﺪﻭﻥ ﺟﺎﺩﺭ ...
ﻭﺑﻌﺪﻫﺎ ﺻﺎﺭﺕ ﻣﺸﺎﻛﻞ ﻫﻮﻭﻭﺍﻳﻪ ﺑﻴﻦ ﺍﻟﻌﺸﺎﺋﺮ ﻭﺍﻟﻜﺒﺎﻳﺮﻳﻪ ﻭﺍﻟﺸﻴﻮﺥ ﺍﺧﺬﻭﻭ ﻋﻄﻮﻩ ﻭﺻﺎﺭ ﻓﺼﻞ
ﻭﻣﻦ ﻭﺭﻩ ﺍﻟﻔﺼﻞ ﺻﺎﺭﺕ ﻣﺼﺎﻳﺐ ﻻﻥ ﺭﺍﺿﻲ ﺍﺧﺬ ﺍﻟﻔﺼﻞ ﻛﻠﻪ ﻭﻃﻠﻊ ﻣﻦ ﺍﻟﻌﺸﻴﺮﻩ ﻛﺎﻥ ﻓﺼﻞ ﻛﺒﻴﺮ 600 ﺍﻟﻒ ﻣﻠﻴﻮﻥ ﻋﺮﺍﻗﻲ،ﺩﺭﻫﻢ ﻣﺎ ﺍﻧﻄﻪ ﻣﻨﻪ ...
ﺣﺘﺊ ﻻﻡ ﺻﺒﺎﺡ ﻣﺎﺍﻧﻄﻪ ﻟﻬﺬﺍ ﺍﻟﺴﺒﺐ ﺛﺎﺭﻭ ﻋﻠﻴﻪ ...
ﻭﻋﻤﻮ ﻣﻌﺘﺼﻢ ﺗﻌﺎﺭﻙ ﻭﻳﺎﻩ ﻭﺿﺮﺑﻪ ﺑﻮﻛﺲ ﻭﻫﻮ ﺍﺟﻪ ﻭﺟﺎﺏ ﺍﻟﻔﺼﻞ ﻛﺎﻝ ﺍﺧﺬﻭﻭ ﻣﺎﺍﺭﻳﺪﻩ ﺑﺲ ﻫﻮ ﺟﺬﺍﺏ ﺭﺍﺩ ﻋﻤﻮ ﻣﻌﺘﺼﻢ ﻳﻄﻤﻊ ﺑﺎﻟﻔﺼﻞ ﺣﺘﺊ ﻳﺼﻴﺮ ﺑﺼﻔﻪ ﺍﺫﺍ ﻭﺍﺣﺪ ﻳﻮﻛﻒ ﺑﻮﺟﻬﻪ ﻋﻤﻮ ﻳﻮﻛﻒ ﺳﻴﻒ ﻭﺩﺭﻛﻪ ...
ﺑﺲ ﻋﻤﻮ ﻣﻌﺘﺼﻢ ﻣﺎ ﻳﺤﺐ ﺳﻮﺍﻟﻒ ﺍﻟﻌﺸﺎﻳﺮ ﻭﻳﻌﺮﻑ ﻧﻴﺔ ﺭﺍﺿﻲ ﻟﺬﻟﻚ ﻃﺎﺡ ﺑﻲ ﻭﻃﺮﺩﻩ ﻫﻮ ﻭﻓﻠﻮﺳﻪ ...
..............................
ﺑﻌﺪ ﻣﻮﺕ ﺻﺒﺎﺡ ﺣﺴﻴﺖ ﻣﺜﻞ ﺍﻟﻄﻴﺮ ﺍﻟﻤﺴﺠﻮﻥ ﻭﺗﺤﺮﺭ ﻭﺣﺴﻴﺖ ﺍﻟﺪﻧﻴﺎ ﺣﻠﻮﻩ ﺑﻌﺪ ﻣﺎ ﻛﻨﺖ ﻣﻜﺘﻮﻡ ﻋﻠﺊ ﺻﺪﺭﻱ
ﺍﻣﻪ ﺍﺟﺖ ﻭﻃﻠﺒﺖ ﻣﻨﻲ ﺍﺣﻮﻟﻠﻪ ﻻﻥ ﺿﻠﻤﻨﻲ ﻫﻮﻭﺍﻳﻪ ﻛﻨﺖ ﺩﺍﺋﻤﺎ ﺍﺭﻓﺾ ﻗﺮﺑﻪ ﻭﻃﺒﻌﺎ ﻣﻦ ﺍﺭﻓﺾ ﺍﺗﻠﻘﺊ ﺍﻟﻀﺮﺏ ﻣﻦ ﻛﻞ ﺟﺎﻧﺐ ﺑﺲ ﺍﻟﺤﻤﺪ ﻟﻠﻪ ﻛﻨﺖ ﺻﺎﻣﺪﻩ
ﻛﻠﺘﻠﻬﺎ ﻣﺎﺍﻛﺪﺭ ﺍﺣﻮﻟﻠﻪ ﺻﻌﺐ ﻋﻠﻴﻪ ... ﺧﻠﻲ ﻳﺎﺧﺬ ﺟﺰﺍﺗﻪ ﺿﻠﺖ ﺗﺘﻮﺳﻞ ﻭﺗﺒﺠﻲ ﻛﻠﺘﻠﻬﺎ ... ﺧﻼﺹ ﻋﻤﻪ ﻣﺒﺮﻱ ﺍﻟﺬﻣﻪ ﺍﻥ ﺷﺎﺀ ﻟﻠﻪ ...
ﺑﺲ ﺑﺼﺮﺍﺣﻪ ﺩﺍﺧﻠﻲ ﻏﻴﺮ ﺷﺊ ...
ﻭﻛﻠﺘﻠﻬﺎ .. ﺍﺫﺍ ﻓﻌﻼ ﺗﺮﻳﺪﻥ ﺍﺑﺮﻱ ﺃﻧﻄﻮﻧﻲ ﺑﻨﺎﺕ ﺍﺧﺘﻲ
ﻛﺎﻟﺖ ... ﺍﺧﺬﻳﻬﻦ ﻫﻮ ﺍﺻﻼ ﻣﻨﻮ ﺍﻟﻬﻦ
ﻓﺮﺣﺖ ﺣﻴﻴﻴﻞ ﺻﺪﻭﻙ ﺍﺧﺬﺗﻬﻦ ...
ﺑﺲ ﺟﺪﻭﻭ ﻣﻦ ﺍﻟﻨﻮﻉ ﺍﻟﻲ ﻳﻜﺸﻜﺶ ﻭﻳﺘﺬﻣﺮ ﺑﺴﺮﻋﻪ ﻭﺯﻧﻮﺑﻪ ﺣﻴﻞ ﻭﻛﺤﻪ ﻭﺯﻫﺮﺍﺀ ﻣﺮﻳﻀﻪ ﻣﺎﺍﻛﺪﺭ ﺍﻟﻮﺣﺪﻱ ﺍﺭﻳﺪ ﻭﺍﺣﺪ ﻳﻌﻴﻨﻲ ﻋﻠﻴﻬﻦ ﻟﺬﻟﻚ ﺭﺣﺖ ﻟﺒﻴﺖ ﺍﻫﻠﻲ
ﺭﺟﻌﺖ ﺍﻟﺒﻴﺖ ﺍﻫﻠﻲ ﺻﺎﺭ ﺗﻘﺮﻳﺒﺎ ﺍﺭﺑﻊ ﺍﺷﻬﺮ ﻛﺎﻋﺪﻩ ﻋﻨﺪ ﺍﻫﻠﻲ ﺍﻧﺘﻘﻠﺖ ﻣﻦ ﺑﻴﺖ ﺟﺪﻭﻭ ﺍﻫﻞ ﻣﺎﻣﺎ ﺭﻏﻢ ﺍﺣﺲ ﺑﻐﺮﺑﻪ ﻫﻨﺎ ﺑﺲ ﻟﺨﺎﻃﺮ ﺑﻨﺎﺕ ﺍﺧﺘﻲ ﺿﺎﻟﻪ ﻫﻨﺎﻳﻪ ...
ﺍﺧﺬﺕ ﻏﺮﻓﻪ ﺑﺎﻟﺒﻴﺖ ﻧﻀﻔﺘﻬﺎ ﻭﺭﺗﺒﺘﻬﺎ ﻧﻘﻠﺖ ﺑﻴﻬﺎ ﺍﻏﺮﺍﺿﻲ ﺍﺑﺸﺮﻛﻢ ﺻﺮﺕ ﺍﺭﻣﻠﻪ ﻣﻊ ﻟﻌﻠﻢ ﻟﺴﻪ ﻋﺬﺭﺍﺀ ﻫﻬﻬﻬﻪ
ﺍﺣﻨﻪ ﻋﺎﺋﻠﺔ ﺍﻫﻠﻲ ﺑﺲ ﺍﺧﺘﻲ ﻣﻴﺲ ﻭﺍﺧﻮﻳﻪ ﻫﺸﺎﻡ ﻣﻌﻮﻕ ﻭﻋﻨﺪﻱ ﺍﺧﻮﻳﻪ ﻫﻴﺜﻢ ﻃﻔﻞ ﺑﻌﺪﻩ ﻭﻫﺒﻪ ﻣﺘﻮﻓﻴﻪ ﻭﻣﺎﻣﺎ ﻭﺑﺎﺑﺎ ﻭﺑﻴﺒﻲ ﻭﻋﻤﻮ ﻣﻌﺘﺼﻢ ﻛﻠﻨﻪ ﻛﺎﻋﺪﻳﻦ ﻧﻔﺲ ﺍﻟﺒﻴﺖ ...
ﺯﻧﻮﺑﻪ ﻭﺯﻫﺮﺍﺀ ﺑﻨﺎﺕ ﻫﺒﻪ ﺍﺧﺬﺗﻬﻦ ﺍﻧﻲ ﻭﺍﺩﺍﺭﻳﻬﻦ ﺑﺲ ﺍﻧﻲ ﻣﻘﺮﺭﻩ ﺍﻟﺴﻔﺮ ﻭﺍﺗﻔﻘﺖ ﻭﻳﻪ ﺧﺎﻟﻮ ﻛﺎﻝ ﺗﻌﺎﻟﻲ ﺭﻏﻢ ﻫﺒﻪ ﻣﻮﺻﻴﺘﻨﻲ ﻋﻠﻴﻬﻦ ﺑﺲ ﺍﻧﻲ ﻣﺎ ﺍﺣﺐ ﺍﺧﻀﻊ ﻟﻠﻌﺎﺩﺍﺕ ﺍﺭﻳﺪ ﺍﺗﻐﺮﺏ ﻟﻠﺨﺎﺭﺝ .... ﺍﺣﻼﻣﻲ ﻭﻃﻤﻮﺣﻲ ﺍﻛﺒﺮ ﻣﻦ ﻫﻴﺞ ﺍﺭﻳﺪ ﺍﺩﺭﺱ ﻫﻨﺎﻙ ﻭﺍﺣﺘﻤﺎﻝ ﺍﺧﺬﻫﻦ ﻭﻳﺎﻳﻪ
ﻣﻦ ﺑﻌﺪ ﻭﻓﺎﺓ ﺻﺒﺎﺡ ﻭﻣﻬﺪﻱ ﺍﺧﻮﻭ ﺧﻄﻴﻪ ﺿﻞ ﺑﺲ ﻣﺤﻤﺪ ﻭﻣﻴﻜﺪﺭ ﻳﻤﺸﻲ ﻣﻦ ﺭﺟﻠﻪ ... ﺍﻋﺘﻘﻠﻮ ﻣﻮ ﺍﻟﻘﺎﺗﻞ ﻻ ﻭﺍﺣﺪ ﻏﻴﺮﻩ ﺳﻠﻢ ﻧﻔﺴﻪ ﻭﺫﺍﻙ ﺍﻧﻬﺰﻡ ...
ﻫﻤﻪ ﺻﺢ ﺣﺮﻛﻮ ﺑﻴﺘﻬﻢ ﻭﻫﺠﺮﻭﻫﻢ ﻭﺻﺎﺭﺕ ﻋﺸﺎﻳﺮ ﺑﻌﺪﻳﻦ ﺭﺍﺿﻲ ﺭﺍﺩ ﻳﻮﻛﻒ ﺳﻔﻚ ﺍﻟﺪﻡ ﻛﺎﻝ ﺍﻋﻔﻲ ﻋﻦ ﺍﻟﻤﺠﺮﻡ ﺑﺲ ﺗﺮﺿﻮﻥ ﺑﺎﻟﻔﺼﻞ ﻭﺗﺸﻴﻠﻮﻥ ﻣﻦ ﺍﻟﻤﻨﻄﻘﻪ ...
ﺍﻭﻝ ﻛﻠﻤﺘﻪ ﺑﺎﻟﻔﺼﻞ ﺭﺍﺩ ﻣﻠﻴﺎﺭ .... ﺧﻠﻪ ﻛﻞ ﺍﻟﻲ ﻛﺎﻋﺪﻳﻦ ﺗﻨﻬﺎﺭ ﺑﺎﻟﺼﻴﺎﺡ ﻭﺍﻟﻜﻼﻡ ﺣﺘﺊ ﺑﺎﺑﺎ ﻭﻋﻤﻮ ﻣﻌﺘﺼﻢ ﺍﻧﺼﺪﻣﻮ ﻣﻨﻪ ...
ﺑﻌﺪﻫﺎ ﻛﺎﻝ ... ﺍﺭﻳﺪ 600 ﻣﻠﻴﻮﻥ ﻻﻥ ﻗﺎﺗﻞ ﺛﻨﻴﻦ ﻭﺍﻟﺜﺎﻟﺚ ﻣﺘﺼﻮﺏ ﻭﺣﺎﻟﺘﻪ ﺗﻌﺒﺎﻧﻪ ...
ﺍﺻﺮ ﻋﻠﺊ ﺍﻝ 600 ﻭﻓﺼﻠﻮﻭ ﺍﺧﺬ ﺍﻟﻔﺼﻞ ﻛﻠﻪ ﻭﻣﺎ ﺍﻧﻄﻪ ﺍﻱ ﺷﺊ ﻻﻱ ﻭﺍﺣﺪ ﺣﺘﺊ ﺻﻨﺪﻭﻙ ﺍﻟﻌﺸﻴﺮﻩ ﻣﺎ ﺍﻧﻄﻪ ﺍﻟﻬﻢ ﻭﻛﺎﻝ ﺍﻃﺮﺩﻭﻧﻲ ﻣﻦ ﺍﻟﻌﺸﻴﺮﻩ ...
ﺻﺎﺭﺕ ﻋﺮﻛﻪ ﻫﻮ ﻭﻋﻤﻮ ﻣﻌﺘﺼﻢ ... ﻻﻥ ﻋﻤﻮ ﻣﻌﺘﺼﻢ ﺭﺍﺩ ﻳﻜﻮﻥ ﺍﻟﻔﺼﻞ ﻷﻡ ﺻﺒﺎﺡ ﻭﺻﺎﺭﺕ ﻣﺸﺎﻛﻞ ... ﺍﻡ ﺻﺒﺎﺡ ﻛﺎﻟﺖ ﻣﺎﺍﺭﻳﺪ ﻓﺼﻞ ﺍﺭﻳﺪ ﻗﺎﺗﻞ ﻭﻟﺪﻱ ...
ﻭﻟﺤﺪ ﺍﻻﻥ ﺍﻻﻣﻪ ﻣﺸﺘﻌﻠﻪ ﻣﻦ ﻭﺭﻩ ﺍﻟﻔﺼﻞ ﻭﻳﻮﻣﻴﻪ ﻋﺮﻛﻪ ﺑﻴﻦ ﺍﻡ ﺭﺍﺿﻲ ﻭﺍﻡ ﺻﺒﺎﺡ ...
ﺳﺒﺤﺖ ﺑﺴﺮﻋﻪ ﻭﺳﺒﺤﺖ ﺍﻟﺒﻨﺎﺕ ...
ﻟﺒﺴﺖ ﺗﺮﺍﻙ ﺗﺮﻛﻮﺍﺯﻱ ﻃﺒﻌﺎ ﻟﺒﺴﺖ ﻟﻼﺭﺑﻌﻴﻦ ﻣﻮ ﺣﺒﺎ ﺑﺼﺒﺎﺡ ﺑﺲ ﻟﺨﺎﻃﺮ ﺍﺧﻮ ﻣﻬﺪﻱ ﻻﻥ ﺟﺎﻥ ﺣﺒﺎﺏ ﻭﻳﺎﻳﻪ ﻭﺣﺘﺊ ﻣﺤﻤﺪ ﺣﺒﺎﺏ ...
ﻃﻠﻌﺖ ﻟﻠﺼﺎﻟﻪ ﻟﻜﻴﺖ ﺍﻫﻠﻲ ﻛﻠﻬﻢ ﻛﺎﻋﺪﻳﻦ ﻭﺍﺧﻮﻳﻪ ﻫﺸﺎﻡ ﻛﺎﻋﺪ ﻋﻠﺊ ﺍﻟﻜﺮﺳﻲ ﺍﻟﻤﺘﺤﺮﻙ ﺍﺑﺘﺴﻤﺖ ﺑﻮﺟﻬﻬﻢ ﺷﻔﺖ ﻧﻈﺮﺍﺕ ﺑﺎﺑﺎ ﻣﺎ ﺭﺍﺿﻴﻪ ﻋﻠﺊ ﻟﺒﺴﻲ ﺑﺲ ﺍﻧﻲ ﻃﻨﺸﺖ ....
ﺟﺎﻥ ﻋﻤﻮ ﻣﻌﺘﺼﻢ ﻣﻮ ﻫﻨﺎﻧﻪ ﺑﺪﻭﺍﻣﻪ ...
ﻛﻌﺪﺕ ﺑﻨﺼﻬﻢ ﺟﺎﻧﻮ ﻳﺴﻮﻟﻔﻮﻥ ﻋﻠﺊ ﺭﺍﺿﻲ ﻭﺍﻟﻔﺼﻞ ﻭﻣﺎ ﺍﻋﺮﻑ ﺷﻨﻮﻭﻭ ...
ﻣﺎ ﻧﺴﻤﻊ ﺍﻟﻪ ﺍﻟﺒﺎﺏ ﺗﻌﻄﺮ ﺗﻌﻄﺮ ﺭﻛﻀﺖ ﻣﻴﺲ ﺭﺍﺣﺖ ﻓﺘﺤﺘﻪ ...
ﺩﺧﻠﺖ ﺍﻡ ﺻﺒﺎﺡ ﺍﻟﺪﻡ ﻳﻨﺰﻝ ﻣﻦ ﻛﺼﺘﻬﺎ ﻭﺗﺒﺠﻲ ﻭﺣﺠﺎﺑﻬﺎ ﻣﺨﺮﺑﻂ
ﻛﻠﻨﻪ ﺍﻧﺼﺪﻣﻨﻪ ﻭ ﻭﻛﻔﻨﻪ ﺑﺎﺑﺎ ﺭﻛﺾ ﻋﻠﻴﻬﺎ ﻛﻠﻬﺎ ... ﺧﻴﻴﺮ ﺍﻡ ﺍﺑﺎ ﺫﺭ ﺷﻨﻮ ﻫﺎﻱ ﻣﻨﻮ ﺿﺎﺭﺑﺞ
ﻛﺎﻟﺖ ﺑﺼﻮﺕ ﻋﺎﻟﻲ ... ﻭﻳﻦ ﻣﻌﺘﺼﻢ ﺍﺭﻳﻴﻴﺪ ﻣﻌﺘﺼﻢ ﻭﻳﻴﻨﻪ
ﺑﺎﺑﺎ ﻛﻠﻬﺎ ﺑﺨﻮﻑ ... ﺷﺒﻴﺞ ﺧﻮﻭﻭﻳﻪ ﻣﻌﺘﺼﻢ ﻣﻮ ﻫﻨﺎ ﺍﺣﺠﻲ ﻣﻨﻮ ﺿﺎﺭﺑﺞ
ﺑﺠﺖ ﺑﺼﻮﺕ ﻋﺎﻟﻲ ﻛﺎﻟﺖ ... ﺭﻭﻳﻀﻲ ﺍﻟﻨﺬﻝ ﺿﺮﺑﻨﻲ ﺍﻟﻌﺎﺍﺭ ﺷﺎﻑ ﺍﻟﺒﻴﺖ ﻓﺮﻍ ﻋﻠﻴﻪ ﺍﻟﺤﺮﻣﻪ ﻛﺎﻝ ﺍﺧﻠﻲ ﺍﺳﺘﻘﻮﻱ ﻋﻠﻴﻬﺎ ﺷﺎﻓﻮ ﻭﻟﺪﻱ ﻣﺎﺗﻮﻭﻭ ....
ﺍﺑﻮﻭﻳﻪ ﺗﻌﺼﺐ ﺣﻴﻞ ﻛﻠﻬﺎ ... ﻟﻴﺶ ﻳﻀﺮﺑﺞ ﻭﺍﻟﻠﻪ ﺍﻟﻴﻮﻡ ﺍﻃﻴﺢ ﺣﻀﻪ ﺷﻠﻮﻥ ﻳﻤﺪ ﺍﻳﺪﻩ ﻋﻠﻴﺞ ...
ﻛﻌﺪﺕ ﻋﻠﺊ ﺍﻟﻘﻨﻔﻪ ﻛﺎﻟﺖ ... ﺧﺎﺑﺮﻭﻟﻲ ﺍﺑﺎ ﺫﺭ ﻋﺪﻛﻢ ﺍﻧﺘﺮﻧﺖ ﺧﺎﺑﺮﻭ ﺍﻟﻴﻪ ﺍﺫﺍ ﻣﺘﺨﺎﺑﺮﻭﻧﻪ ﺍﻛﺘﻞ ﺭﻭﺣﻲ ...
ﺧﻄﻴﻪ ﻣﻴﺲ ﺟﺎﺑﺖ ﺍﻟﺤﺎﺳﺒﻪ ﺑﺴﺮﻋﻪ ﻭﻓﺘﺤﺘﻬﺎ ﺍﻧﻄﺘﻬﺎ ﻟﺒﺎﺑﺎ ﻭﺑﺎﺑﺎ ﺍﺗﺼﻞ ﻋﻠﻴﻪ ﻋﻠﺊ ﺍﻟﺤﺎﺳﺒﻪ ﺻﻮﺭﻩ ﻭﺻﻮﺕ ...
ﺑﺠﺖ ﺯﻫﻮﺭﻩ ﻭﺍﻧﻲ ﺭﺣﺖ ﺷﻠﺘﻬﺎ ﻭﺍﺟﻴﺖ ﺍﺷﻮﻑ ﺷﻨﻮ ﺍﻟﺪﻳﺼﻴﺮ ﻋﻨﺪﻱ ﻓﻀﻮﻝ ﻗﺎﺗﻞ ﺍﺷﻮﻓﻪ ﺷﻨﻮ ﻳﺴﻮﻱ ﺍﺗﺨﻴﻠﻪ ﻳﺸﺒﻪ ﺻﺒﺎﺡ ﻭﺍﻛﺮﻩ ﻣﺪﺭﻱ ﻟﻴﺶ ...
ﻭﻛﻔﺖ ﻭﺭﻩ ﺍﻡ ﺻﺒﺎﺡ ﻭﺯﻫﻮﺭﻩ ﺷﺎﻳﻠﺘﻬﺎ ﻫﻲ ﺧﻄﻴﻪ ﻣﻌﺎﻗﻪ ...
ﻃﻠﻌﺖ ﺻﻮﺭﺗﻪ ﺑﺲ ﻣﻮﺷﻮﺷﻪ ﺷﻮﻭﻳﻪ ﻣﻮ ﻭﺍﺿﺤﻪ ﺑﺲ ﻣﺒﻴﻦ ﻟﺒﺴﻪ ﺍﻛﺜﺮ ﺷﺊ ﺟﺎﻥ ﻻﺑﺲ ﺗﺸﻴﺮﺕ ﺍﺳﻮﻭﺩ ﺑﺎﺭﺯ ﻋﻀﻼﺗﻪ ﻭﻛﺎﻋﺪ ﻋﻠﺊ ﺍﻟﻘﻨﻔﻪ ﺍﻭﻝ ﻣﺎ ﺷﺎﻑ ﻭﺟﻪ ﺍﻣﻪ ﺍﻧﺼﺪﻡ ﻭﺣﺠﻪ ﺑﺼﻮﺕ ﻫﺠﻮﻣﻲ ... ﻳﻤﻤﻤﻤﻪ ﺷﺒﻴﻴﻴﻴﺞ ﻣﻨﻮﻭﻭﻭ ﺿﺎﺍﺍﺍﺭﺑﺢ
ﻋﻤﻪ ﺑﺠﺖ ﺑﺼﻮﺕ ﻋﺎﻟﻲ ﻛﻠﺘﻠﻪ ... ﺍﺑﺎ ﺫﺭ ﺍﺭﺭﺭﺟﻊ ﺍﻣﻚ ﻫﺎﺍﺍﻧﻮﻫﺎ ﻣﺤﺪ ﺍﺣﺘﺮﻣﻬﺎ ...
ﻫﻮ ﺗﺨﺒﻞ ﺻﺎﺭﺕ ﺭﺑﻜﻪ ﻳﻤﻤﻪ ﻛﻠﻬﺎ ... ﻣﻨﻮﻭﻭ ﺿﺮﺭﺭﺭﺭﺑﺞ ﻭﺣﻖ ﺍﺑﻮ ﻓﺎﺿﻞ ﺍﺭﺟﻊ ﺍﺣﺮﻙ ﺍﻟﻌﺮﺍﻕ ﻋﻠﺊ ﺭﻭﺳﻬﻢ ..
ﻛﻠﺘﻠﻪ ﺑﺼﺮﺍﺥ ... ﺭﻭﻳﻀﻲ ﺍﻟﻜﻠﺐ ﻳﻜﻠﻲ ﺷﻠﻮﻥ ﺩﻛﻮﻟﻴﻦ ﺭﺍﺿﻲ ﻟﻐﻒ ﻓﻠﻮﺱ ﻓﺼﻞ ﺍﺧﻮﻭﻭﺗﻪ ... ﺍﺟﻪ ﺳﻮﻩ ﺑﻴﻪ ﺩﻫﺮ ﻭﺷﻤﺮ ﺍﻟﻜﻼﺹ ﺍﺟﻪ ﺑﺮﺍﺳﻲ ﻭﺷﻚ ﻛﺼﺘﻲ ...
ﺍﺑﺎﺫﺭ ﺑﻌﺼﺒﻴﺔ ... ﺩﺧﻠﻲ ﺍﺭﺟﻊ ﺍﻟﻪ ﺍﺷﻚ ﺣﻠﻜﻪ ﻟﻬﻞ ﺯﻣﺎﻝ ﻫﺬﺍ ﻭﺍﻟﻠﻪ ﻭﺍﻟﻠﻪ ﺍﺳﺤﻞ ﺑﻲ ﺍﻟﻌﺮﺍﻕ ﺳﺤﻞ ... ﺑﺲ ﻫﺬﺍ ﺍﻻﺳﺒﻮﻉ ﻭﺍﺭﺟﻊ ﻫﻴﻴﻴﻦ ﻳﺎ ﺭﻭﻳﻀﻲ ﺍﻟﻪ ﺍﺩﻓﻨﻚ ﺑﺎﺭﺿﻚ ﻳﺎ ﺯﻣﺎﻝ ...
ﻋﻤﻪ ﺿﻠﺖ ﺗﺤﺠﻲ ﻭﻳﺎﻩ ﻭﻫﻮ ﺑﺲ ﻳﻐﻠﻂ ﻣﺒﻴﻦ ﻣﺘﻌﺠﺮﻑ ﻭﺍﺧﺲ ﻣﻦ ﺻﺒﺎﺡ ﻭﺭﺍﺿﻲ ﻫﺬﺍ ﺍﺫﺍ ﺭﺟﻊ ﺗﻘﻮﻡ ﺍﻟﺤﺮﺏ ﺍﻟﻌﺎﻟﻤﻴﺔ ﺍﻟﺜﺎﻟﺜﻪ ...
ﺧﻠﺼﺖ ﻛﻼﻡ ﻭﻗﻔﻠﺖ ﺍﻟﺸﺎﺷﻪ ... ﺍﻧﻲ ﺍﻧﻄﻴﺖ ﺍﻟﻄﻔﻠﻪ ﺍﻟﻤﻴﺲ،ﻭﺭﺣﺖ ﺟﺒﺖ ﻣﻌﻘﻢ ﻭﻗﻄﻦ ﻭﺩﺍﻭﻳﺘﻬﺎ ﺭﻏﻢ ﺭﻓﻀﻬﺎ ﺍﻟﻜﺒﻴﺮ ... ﻛﺎﻧﺖ ﻋﺒﺎﻟﻚ ﻣﺮﺍﺿﻴﻪ ﻋﻠﻴﻪ ﻻﻥ ﻧﺎﺯﻋﻪ ﺍﻻﺳﻮﺩ ...
ﺑﻌﺪﻫﺎ ﺑﺎﺳﺖ ﺑﻨﺎﺕ ﻫﺒﻪ ﻭﺍﺧﺬﻫﺎ ﺑﺎﺑﺎ ﻭﺭﺟﻌﺖ ﻟﺒﻴﺘﻬﺎ ...
ﺧﻔﺖ ﺣﻴﻞ ﻳﺎﺭﺑﻲ ﻫﺬﺍ ﺣﻴﺮﺟﻊ ﺍﺧﺎﻑ ﻳﻄﺎﻟﺐ ﺑﺎﻟﺒﻨﺎﺕ ﻭﻳﺎﺧﺬﻫﻦ ﻣﻨﻮ ﻭﻣﻴﻘﺒﻞ ﺍﺳﺎﻓﺮ ﻭﻫﻨﻪ ﻭﻳﺎﻳﻪ ﻻﺯﻡ ﺍﺳﺘﻌﺠﻞ
ﺍﺧﺬﺕ ﺍﻟﻤﻮﺑﺎﻳﻞ ﻭﺩﺧﻠﺖ ﻟﻐﺮﻓﺘﻲ ﺧﺎﺑﺮﺕ ﻋﻠﺊ ﺧﺎﻟﻪ ﻛﻠﺘﻠﻬﺎ ﺧﻠﻲ ﺗﺴﺘﻌﺠﻞ ﻭﺗﺴﻮﻱ ﺟﻮﺍﺯﺍﺕ ﺍﻟﻨﻪ ...
ﻛﺎﻟﺖ ﻻﺯﻡ ﺗﺠﻴﺒﻴﻦ ﺟﻨﺴﻴﺔ ﺯﻫﺮﺍﺀ ﻭﺯﻳﻨﺐ ﻭﺗﻄﻠﻌﻴﻠﻬﻢ ﺷﻬﺎﺩﺓ ﺟﻨﺴﻴﻪ ﺣﺘﺊ ﻧﻄﻠﻊ ﺟﻮﺍﺯ ...
ﺗﻨﻬﺪﺕ ﻻﺯﻡ ﺍﺭﻭﺡ ﻟﺒﻴﺘﻬﻢ ﺣﺘﺊ ﺍﺟﻴﺐ ﺍﻟﺠﻨﺎﺳﻲ ﻭﺑﻌﺪﻫﺎ ﻧﻄﻠﻊ ﻗﺒﻞ ﻻ ﻳﺠﻲ ﻫﺬﺍ ﺍﺑﻨﻬﻢ ﺍﻓﺘﻚ ﻣﻦ ﻭﺍﺣﺪ ﻳﻄﻠﻌﻠﻲ ﺍﻟﺜﺎﻧﻲ .. ﺷﻠﻮﻥ ﻣﺼﻴﺒﻪ ....
.................................
ﻣﻌﺘﺼﻢ ....
ﺧﺎﺑﺮﻧﻲ ﺍﺑﺎﺫﺭ ﻳﻬﻮﻭﻭﺱ ﺑﺎﻟﻐﻠﻂ ﻣﺎ ﻓﻬﻤﺖ ﻣﻨﻪ ﺷﺊ ﺑﺲ ﻛﺎﻝ ... ﺭﻭﻳﻀﻲ ﺍﻟﻌﺎﺭ ﺿﺎﺭﺏ ﺍﻣﻲ ﺍﻧﻲ ﻫﺬﺍ ﺍﻻﺳﺒﻮﻭﻉ ﺭﺍﺟﻊ ﻗﺴﻤﺎ ﺑﺬﺍﺕ ﻟﻠﻪ ﺍﻟﻪ ﺍﺩﻓﻨﻪ ﺑﻐﺮﻓﺘﻪ ...
ﺭﻛﺒﺖ ﻭﺭﺟﻌﺖ ﺍﻟﺒﻐﺪﺍﺩ ﺍﺗﺬﻛﺮﺕ ﺍﻟﺴﺠﻨﺘﻬﻢ ﻗﺒﻞ ﻣﺴﻠﻢ ﻭﺟﻤﺎﻋﺘﻪ ﻻﺯﻡ ﺍﺧﻠﻴﻬﻢ ﺑﺼﻔﻲ،ﺣﺘﺊ ﻳﻔﻴﺪﻭﻧﻲ ﺑﻬﻴﺞ ﺷﻐﻼﺕ ...
ﺍﻧﻲ ﺍﻛﺪﺭ ﺍﺳﻮﻭﻱ ﻛﻠﺸﻲ ﺑﺲ ﺍﺭﻳﺪ ﺍﻃﺒﺨﻬﺎ ﻋﺪﻝ ﺭﺍﺿﻲ ﻭﺍﻟﻠﻪ ﻻ ﻣﺎ ﺧﻠﻴﺘﻚ ﺗﻤﺸﻲ ﻭﺗﺘﻠﻔﺖ ﻣﺎ ﺍﻃﻠﻊ ﻣﻌﺘﺼﻢ ...
ﺍﺗﺬﻛﺮﺕ ﻣﺴﻠﻢ ﻭﺟﻤﺎﻋﺘﻪ ﺻﺎﺭ ﺍﻛﺜﺮ ﻣﻦ ﺧﻤﺲ ﺍﺷﻬﺮ ﻣﺤﺒﻮﺳﻴﻦ ﻭﺟﺎﺭﻱ ﺍﻟﺘﺤﻘﻴﻖ ﻭﻳﺎﻫﻢ ﻫﻤﻪ ﻣﺎﻋﻨﺪﻫﻢ ﺷﺊ ﺑﺲ ﻏﺮﻳﺒﻪ ﺷﻌﺪﻫﻢ ﻳﻔﺘﺮﻭﻥ ﺑﺤﺪﻳﺜﻪ ﻭﻫﻲ ﻣﻠﻴﺎﻧﻪ ﺩﻭﺍﻋﺶ ...
ﻭﻣﺼﺮﻳﻦ ﻋﻠﺊ ﻛﻼﻣﻬﻢ ﺍﻥ ﻳﺠﻴﺒﻮﻥ ﺭﻛﻲ ... ﺑﺲ ﻭﺍﺣﺪ ﻣﻨﻬﻢ ﺟﻔﺺ ﻛﺎﻝ ﻭﺣﺪﻩ ﻛﻠﻔﺘﻨﻪ ﺑﻤﻮﺿﻮﻉ ﻭﺍﺟﻴﻨﻪ
ﺣﺠﻴﺖ ﻭﻳﻪ ﺿﺎﺑﻂ ﺍﻟﺘﺤﻘﻴﻖ ﻭﻛﺎﻝ ... ﺍﻥ ﺷﺎﺀ ﻟﻠﻪ ﺍﻃﻠﻌﻬﻢ ﺧﻼﻝ ﻫﺬﺍ ﺍﻻﺳﺒﻮﻉ ﻻﻥ ﻣﺎﻋﻨﺪﻫﻢ ﺷﺊ
ﻟﺬﻟﻚ ﺣﺒﻴﺖ ﺍﺳﺘﻐﻠﻬﻢ ﺍﻟﺼﺎﻟﺤﻲ ﻻﻥ ﻣﺒﻴﻦ ﻋﻠﻴﻬﻢ ﻫﺘﻠﻴﻪ ﻳﻔﻴﺪﻭﻧﻲ ...
ﻭﺻﻠﺖ ﻟﻠﺪﺍﺧﻠﻴﻪ ﺩﺧﻠﺖ ﻟﻠﺴﺠﻦ ﻃﻠﺒﺖ ﻣﻦ ﺍﻟﻀﺎﺑﻂ ﻳﺠﻴﺒﻬﻢ
ﺩﺧﻠﻮﻭ ﻣﺎﺷﺎﺀ ﻟﻠﻪ ﻣﺎﻋﺮﻓﺘﻬﻢ ﻣﻨﺸﻨﺸﻴﻦ ﻭﺳﻤﻨﺎﻧﻴﻦ ﺧﺎﺻﻪ ﺍﺑﻮ ﻃﺒﺮﻩ ﺻﺎﻳﺮ ﺑﻄﻞ ...
ﺍﻧﺘﺠﻴﺖ ﻋﻠﺊ ﺍﻟﻜﺮﺳﻲ ﺍﻟﺠﻠﺪ ﺑﺎﻭﻋﺖ ﻋﻠﻴﻬﻢ ﺑﺎﺳﺘﻬﺰﺍﺀ ... ﻣﺎ ﺷﺎﺀ ﻟﻠﻪ ﺻﺎﻳﺮﻳﻦ ﺍﺑﻄﺎﻝ ﻭﺍﺣﺪﻛﻢ ﻣﺎ ﻳﺪﺧﻞ ﺍﻟﺒﺎﺏ ...
ﺭﺩ ﺭﺋﻴﺲ ﺍﻟﺸﻠﻪ ﺑﻔﺨﺮ ﻭﺷﻜﺮ ... ﺑﻔﻀﻠﻚ ﺳﻴﺪﻱ ﻭﺍﻟﻠﻪ ﺍﻣﻮﺕ ﻭﻣﺎ ﺍﻧﺴﻪ ﻣﻮﻗﻔﻚ ﺷﻠﻮﻥ ﺩﻻﻝ ﺷﻠﻮﻥ ﺍﻛﻞ ﻋﻮﺩ ﻣﺜﻞ ﺍﻣﻲ ﻣﺨﻠﺼﺘﻬﺎ ﻋﻠﻴﻪ ﻣﺤﺮﻭﻙ ﺍﺻﺒﻌﻪ ﻭﻣﺮﮔﻪ ﻫﻮﻩ
ﺿﺤﻜﺖ ﺑﻬﺪﻭﺀ ﻭﺩﻧﻜﺖ ﻛﺘﻠﻪ ... ﺗﻌﺎﻝ ﺍﺳﺘﺮﻳﺢ ﻋﻨﺪﻱ ﻣﻮﺿﻮﻉ ﻭﻳﺎﻙ ...
ﻛﻌﺪ ﻭﻫﻮ ﻳﻀﺤﻚ ﻛﺎﻝ ... ﺍﻣﺮ ﺳﻴﺪﻱ ﺍﻧﻲ ﺟﺴﺮ ﻟﻠﺰﻳﻨﻴﻦ
ﺑﺎﻭﻋﺘﻠﻪ ﺑﻐﻤﻮﺽ ... ﻋﻨﺪﻱ ﻣﺸﻜﻠﻪ ﺍﺭﻳﺪﻙ ﺗﺤﻠﻬﺎ ﺍﻟﻴﻪ ﻭﺍﻟﻤﺒﻠﻎ ﺍﻟﻲ ﺗﺮﻳﺪﻩ ﺍﻧﻄﻲ ﺍﻟﻚ ...
ﻃﻚ ﺭﮔﺒﺘﻪ ﺑﻄﺮﻳﻘﻪ ﻣﺎﻝ ﻫﺘﻠﻴﻪ ... ﺗﺪﻟﻞ ﺳﻴﺪﻱ ﻟﻮ ﺗﺮﻳﺪ ﺍﻓﺠﺮ ﺭﻭﺣﻲ ﺍﻫﻢ ﺍﻟﺒﺲ ﺍﺣﺰﺍﻡ ﻭﺍﻓﺠﺮﻫﺎ ﻋﻠﺊ ﺍﺑﻮ ﺑﻜﺮ ﺍﻟﺒﻐﺪﺍﺩﻱ ...
ﻣﻌﺘﺼﻢ ... ﻋﻮﻑ ﺍﺑﻮ ﺑﻜﺮ ﻭﺍﺳﻤﻌﻨﻲ ...
ﺿﻞ ﻣﺮﻛﺰ ﻭﻳﺎﻱ ﻭﺍﻧﻲ ﺍﺷﺮﺣﻠﻪ ﺍﻟﻲ ﺍﺭﻳﺪﻩ ﻓﺘﺢ ﻋﻴﻮﻧﻪ ﺑﺼﺪﻣﻪ ﻛﺎﻝ ... ﻻ ﻻﺍﺍ ﺳﻴﺪﻱ ﻓﺎﻫﻢ ﻏﻠﻂ ﺍﻧﻲ ﺻﺢ ﻫﺘﻠﻲ ﻭﺳﺎﻗﻂ ﻭﺍﺷﺮﺏ ﺑﺲ ﻣﺘﻮﺻﻞ ﻟﻬﻞ ﻣﻮﺍﺻﻴﻞ
ﻣﻌﺘﺼﻢ ... ﺍﻧﺖ ﻓﻜﺮ ﻭﺭﺩﻟﻲ ﺟﻮﻭﻭﺍﺏ ﻭﻛﺘﺒﺖ ﺍﻟﻜﻢ ﺍﻓﺮﺍﺝ
ﺍﺑﻮ ﺍﻟﺘﻨﺮ ﺿﺮﺏ ﺭﺟﻠﻪ ﺑﺎﻻﺭﺽ ﺑﺰﻋﻞ ... ﻻ ﺳﻴﺪﻱ ﺿﻠﻤﺘﻨﻪ ﻭﺍﻟﻠﻪ ﻣﺪﻟﻠﻴﻦ ﻫﻨﺎ ﻫﺴﻪ ﻧﺮﺟﻊ ﻭﺗﻌﺎﻝ ﺷﻮﻑ ﺍﻟﻌﺮﻙ ﻣﻦ ﻭﺭﻩ ﺳﺘﻮﺗﺔ ﻣﺴﻠﻢ ﻭﺣﺒﻴﺒﺘﻪ ﺃﻡ ﻋﺒﺪﺍﻟﻠﻪ
ﻣﻌﺘﺼﻢ .. ﻭﺷﻜﻮ ﻳﻌﺎﺭﻙ ﻭﺭﻩ ﺍﻡ ﻋﺒﺪﺍﻟﻠﻪ
ﺍﺑﻮ ﺍﻟﺘﻨﺮ ... ﺳﻴﺪﻱ ﺍﻡ ﻋﺒﺪ ﺍﻟﻠﻪ ﻣﻔﺘﺤﻪ ﺍﺭﻳﺪﻭ ﺻﻐﻴﺮﻭﻥ ﻳﻌﻨﻲ ﺻﺎﻟﻮﻥ ﻭﻣﻨﻮ ﺗﺨﺮﺏ ﺷﻌﺮﻫﺎ ﻟﻮ ﺣﻮﺍﺟﺒﻬﺎ ﻣﺴﻠﻢ ﻳﻬﺪ ﻭﺭﺍﻩ ﻻﻥ ﺷﻨﻮ ﺩﺍﻫﻨﻪ ﺯﺭﺩﻭﻣﻪ ...
ﻣﻌﺘﺼﻢ ... ﻫﻪ ﺻﺎﻳﺮ ﻧﺰﻳﺔ ﺑﺮﺍﺳﻲ ﻣﺴﻠﻢ ﻫﺴﻪ ﺗﺴﻮﻱ ﻟﻜﺘﻠﻚ ﻋﻠﻴﻪ ﻟﻮ ﺍﺷﻮﻑ ﻏﻴﺮﻙ
ﻣﺴﻠﻢ ... ﺍﻓﻜﺮ ﺳﻴﺪﻱ ﻫﻞ ﻣﻮﺿﻮﻉ ﺧﻄﺮ ﻭﺍﻧﻲ ﺍﺧﺎﻑ ﺍﺭﻭﺡ ﺑﻴﻪ ... ﻭﺍﺻﻴﺮ ﻣﺜﻞ ﻫﺎﻱ ﺍﻻ ﺣﻀﺖ ﺑﺮﺟﻴﻠﻬﺎ ﻭﻻ ﺍﺧﺬﺕ ﺳﻴﺪ ﻋﻠﻲ
ﻣﻌﺘﺼﻢ ... ﻓﻜﺮ ﻭﺭﺩﻟﻲ ﺟﻮﺍﺏ ...
ﻫﻮ ﺷﺒﻪ ﻣﻮﺍﻓﻖ ﺧﻠﻮﻭ ﻭﻃﻠﻌﻮﻭ .... ﺑﺲ ﺍﻧﻄﺎﻧﻲ ﺭﻗﻤﻪ ﺍﺫﺍ ﺧﺎﺑﺮﺗﻚ ﻣﻦ ﻏﻴﺮ ﺭﻗﻢ ﻓﻬﺬﺍ ﺭﻗﻢ ﺍﻡ ﻋﺒﺪﻟﻠﻪ
ﺑﻌﺪ ﻣﺎ ﻃﻠﻌﻮﻭﻭ ﺭﺣﺖ ﻟﺒﻴﺖ ﺭﺍﺿﻲ ﻣﺎ ﻟﻜﻴﺘﻪ ﺭﺣﺖ ﻟﻠﻤﺤﻞ ﻟﻜﻴﺘﻪ ﻣﻌﺰﻝ ... ﺧﻠﻴﺖ ﻭﺭﺟﻌﺖ ﻟﺤﺪﻳﺜﻪ ﺟﺎﻥ ﺍﻟﻄﺮﻳﻖ ﻭﻋﺮ ﻭﻳﺨﻮﻑ ﻭﺍﻧﻲ ﺭﺗﺒﻪ ﺍﺫﺍ ﺍﻧﻠﺰﻡ ﺍﺭﻭﺡ ﺑﺎﻟﺮﺟﻠﻴﻦ ....
ﺑﻌﺪ ﻛﻢ ﻳﻮﻡ ﻭﺍﻧﺰﻝ
.............................
ﺑﻌﺪ ﻣﺮﻭﺭ 8 ﺍﻳﺎﻡ ...
ﻗﺮﺭﺕ ﺍﺭﻭﺡ ﺍﻟﺒﻴﺖ ﻋﻤﻮ ﺍﺑﻮ ﺻﺒﺎﺡ ﺍﺟﻴﺐ ﺍﻟﺠﻨﺎﺳﻲ ﻓﻜﻠﺖ ﺍﺧﺬ ﻣﻴﺲ ﻭﻧﺮﻭﺡ ﻭﺍﺧﻠﻲ ﺍﻟﺒﻨﺎﺕ ﻋﻨﺪ ﻣﺎﻣﺎ ...
ﺑﺪﻟﺖ ﺑﺴﺮﻋﻪ ﻟﺒﺴﺖ ﺑﻨﻄﺮﻭﻥ ﻛﺎﺑﻮﻱ ﻭﻗﻤﻴﺺ ﺯﻳﺘﻮﻧﻲ ﻭﺣﺬﺍﺀ ﺑﻴﺠﻴﻪ ﻭﺷﺎﻝ ﺑﻴﺠﻲ ﻭﺍﺧﺬﺕ ﺟﻨﻄﻪ ﻛﺒﻴﺮﻩ ﺣﺘﺊ ﺍﺧﺬ ﺑﻴﻬﺎ ﺍﻟﺠﻨﺎﺳﻲ ....
ﺧﻠﻴﺖ ﻣﻜﻴﺎﺝ ﺧﻔﻴﻒ ...
ﻃﺒﻌﺎ ﺍﺑﻨﻬﻢ ﺍﺟﻪ ﻣﻦ ﺍﻟﺴﻔﺮ ﺑﺲ ﻛﺎﻥ ﻫﺪﻭﺀ ﻣﺎﻛﻮ ﺷﺊ ﻣﺎ ﺳﻤﻌﻨﻪ ﺍﻛﻮ ﻋﺮﻛﻪ ... ﻟﻌﺪ ﺷﻮ ﻣﻦ ﻳﺨﺎﺑﺮ ﺑﺮﻭﺱ ﻟﻲ ﻣﻴﻠﺤﻜﻪ
ﻋﻤﻮ ﻣﻌﺘﺼﻢ ﺭﺍﺡ ﺷﺎﻓﻪ ﻛﻢ ﻣﺮﻩ ﻻﻥ ﻧﺰﻝ ﻣﻦ ﺩﻭﺍﻣﻪ ﻭﻛﺎﻟﻮ ﺍﻟﻴﻮﻡ ﻫﻮ ﺭﺍﺡ ﻟﻠﻨﺠﻒ ﻳﺰﻭﺭ ﺻﺒﺎﺡ ﻭﻣﻬﺪﻱ
ﻛﻠﺖ ﻣﺪﺍﻡ ﺭﺍﺡ ﺧﻠﻲ ﺍﺭﻭﺡ ﺍﺳﺘﻐﻞ ﺍﻟﻔﺮﺻﻪ ...
ﺭﺣﺖ ﻟﻜﻴﺖ ﻣﻴﺲ ﻻﺑﺴﻪ ﺻﺎﻳﻪ ﺳﻮﺩﻩ ﻭﺣﺠﺎﺏ ﺍﺳﻮﺩ ﺣﺰﻧﺎﻧﻪ ﻋﻠﺊ ﺻﺒﺎﺡ ﻻﻥ ﻛﺎﻥ ﻛﻮﻭﻭﻭﻟﺶ ﻣﺮﻳﺢ ﺍﺧﻮﺍﺗﻬﺎ
ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﻩ ﻛﺄﻥ ﺗﻘﻴﻤﻨﻲ ﻛﺎﻟﺖ ... ﻫﻴﺞ ﺗﺮﺣﻴﻦ
ﻫﺰﻳﺖ ﺭﺍﺳﻲ ﺑﺄﻱ ... ﻫﺰﺕ ﺍﻳﺪﻫﺎ ﻭﻣﺸﺖ ... ﻛﺎﻟﺖ ... ﻳﺎﻟﻠﻪ ﻋﻤﻮ ﻣﻨﺘﻈﺮﻧﻪ .....
ﻃﻠﻌﻨﻪ ﺭﻛﺒﻨﻪ ﺑﺎﻟﺴﻴﺎﺭﻩ ﻭﻃﺒﻌﺎ ﺍﺧﺬﺕ ﻣﺤﺎﺿﺮﻩ ﻃﻮﻳﻠﻪ ﻣﻦ ﻋﻤﻮ ... ﺷﻨﻮ ﻫﺬﺍ ﻟﺒﺴﺞ ﺷﻨﻮ ﻫﻴﺞ ﺣﺎﻃﻪ ﻣﻜﻴﺎﺝ ﻭﺷﻨﻮﻭ ﻭ ﺷﻨﻮ
ﻣﺎ ﺍﻫﺘﻤﻴﺖ ﻟﻜﻼﻣﻪ ﺑﺲ ﻧﺎﻗﺸﺘﻪ ﺑﻬﺪﻭﺀ ﻭﺻﻠﻨﻪ ﻟﻠﺒﻴﺖ ﻧﺰﻟﺖ ﺩﻛﻴﻨﻪ ﺍﻟﺒﺎﺏ ...
ﺷﻮﻭﻳﻪ ﻭﺍﻧﻔﺘﺢ ﺍﻟﺒﺎﺏ ... ﺍﺳﺘﻐﺮﺑﺖ ﺍﻭﻝ ﻣﺮﻩ ﺍﺷﻮﻓﻪ ...
ﻛﺎﻥ ﺷﺎﺏ ﻣﺒﻴﻦ ﺍﻛﺒﺮ ﻣﻦ ﻋﻤﻮ ﻣﻌﺘﺼﻢ ﻃﻮﻭﻭﻳﻞ ﺷﻜﻠﻪ ﺍﻋﺘﻴﺎﺩﻱ ﻭﺻﺎﺣﺐ ﻟﺤﻴﻪ ﺷﻮﻭﻳﻪ ﺑﺲ ﺷﻜﻠﻪ ﻳﺮﺭﻫﺐ ...
ﻻﺑﺲ ﻗﻤﻴﺺ ﺍﺳﻮﺩ ﻭﺑﻨﻄﺮﻭﻥ ﺍﺳﻮﻭﻭﺩ ﻭﻛﺎﻧﻮ ﺟﺎﻱ ﻳﻄﻠﻊ
ﺳﻠﻢ ﻋﻠﻴﻪ ﻋﻤﻮﻭ ... ﺑﺲ ﺣﻀﻨﻪ ﻭﻫﻮ ﻛﺎﻥ ﺟﺎﻣﺪ ﺣﻴﻴﻞ ...
ﺩﺧﻠﻨﻪ ﺟﻮﻭﻩ ﺑﻌﺪﻧﻪ ﺑﺎﻟﺤﺪﻳﻘﻪ
ﻭﻫﻮ ﺳﻠﻢ ﻋﻠﺊ ﻣﻴﺲ ﻛﻠﻬﺎ ... ﺷﻠﻮﻭﻧﺞ ﺧﻮﻭﻳﻪ ﺍﻥ ﺷﺎﺀ ﻟﻠﻪ ﺍﻧﻲ ﺍﺧﻮﺝ ﺷﻨﻮ ﺗﺤﺘﺎﺟﻴﻦ ﺑﻌﻴﻨﻲ ...
ﻫﻲ ﺭﺩﺕ ﺑﺨﺠﻞ ﻭﺍﺳﺘﻐﺮﺍﺏ ... ﺗﺴﻠﻢ
ﺭﺟﻊ ﻛﻠﻬﺎ .... ﺍﻟﺒﻨﺎﺕ ﺷﻠﻮﻧﻬﻦ ﺍﻥ ﺷﺎﺀ ﻟﻠﻪ ﻣﺎ ﻣﺘﻌﺒﺎﺗﺞ
ﻋﻤﻮ ﺿﺤﻚ ﻛﻠﻪ ... ﺍﺑﺎﺫﺭ ﺍﻧﺖ ﺧﺮﺑﻄﺖ ﻣﻴﺲ ﻣﻮ ﺍﺭﻣﻠﺔ ﺻﺒﺎﺡ ﺗﺎﺝ ﻫﻲ ﺍﺭﻣﻠﺔ ﺻﺒﺎﺡ .... ﻭﺍﺷﺮ ﻋﻠﻴﻪ ...بيج قصص عراقيه حقيقيه من واقعنا.روعه الطائي
ﻫﻮ ﺑﺎﻭﻋﻠﻲ ﻣﺼﺪﻭﻭﻡ ﻭﺍﻧﻲ ﻗﺎﺑﻠﺘﻪ ﺑﻨﻈﺮﺍﺕ ﺑﺎﺭﺩﻩ
ﺿﺤﻚ ﺑﺎﺳﺘﻬﺰﺍﺀ ﻭﻫﺰ ﺍﻳﺪﻩ ﻛﺎﻝ ... ﻭﺍﻟﻠﻪ ﻋﻤﻲ ﺧﻮﻭﺵ ﺍﺭﻣﻠﻪ ... ﺍﻧﻲ ﻃﻠﻌﺖ ﺍﻻﺭﻣﻞ ... ﻣﺘﻄﻮﺭﻳﻦ ﻭﺍﻟﻠﻪ ﺍﻟﻐﺮﺏ ﻣﺎ ﻳﻠﺤﮕﻜﻢ ﺑﺎﻟﺤﺰﻥ ...
ﺭﺟﻊ ﻛﺎﻝ ﺑﺴﺨﺮﻳﻪ ... ﺷﺪﻋﻮﻩ ﻫﻠﻜﺪ ﺣﺰﻧﺎﻧﻪ ﺗﺮﺉ ﺍﻟﺤﺰﻥ ﻣﻮ ﺯﻳﻦ ﻋﻠﺊ ﺍﻟﻤﻴﺖ ...
ﺍﻧﻲ ﻓﺘﺤﺖ ﺷﻔﺎﻳﻔﻲ ﺭﺩﺕ ﺍﻛﻮﻟﻪ ... ﻭﺍﻟﻠﻪ ﺍﺧﻮﻙ ﻣﻴﺴﺘﺎﻫﻞ ﻭﺍﺣﺪ ﻳﺤﺰﻥ ﻋﻠﻴﻪ
ﺑﺲ ﻋﻤﻮ ﻣﻌﺘﺼﻢ ﻭﻛﻒ ﺑﻨﺼﻨﻪ ﻛﺎﻝ ... ﻋﻮﻓﻚ ﻣﻨﻬﺎ ﺷﻨﻮ ﻣﺤﺪ ﻣﻮﺟﻮﺩ
ﻣﺴﺢ ﻭﺟﻪ ﺑﺘﻮﺗﺮ ﻭﻛﺄﻥ ﻭﺟﻮﺩﻱ ﺍﺯﻋﺠﻪ ﻛﺎﻝ ... ﻻ ﺟﻮﻭﻭﻩ ﺍﻣﻲ ﻭﻣﺤﻤﺪ ...
ﻋﻤﻮ ﺑﺎﻭﻋﻠﻲ ﻛﺎﻝ ... ﺭﻭﺣﻲ ﻋﻤﻮ ﺍﺟﻤﻌﻲ ﺍﻏﺮﺍﺿﺞ ﺣﺘﺊ ﻧﺮﻭﺡ
ﻣﺸﻴﺖ ﺧﻄﻮﺗﻴﻦ ﻭﺍﻧﺪﻙ ﺍﻟﺒﺎﺏ ... ﺭﺍﺡ ﻣﻌﺘﺼﻢ ﻓﺘﺤﻪ ﻭﺩﺧﻞ ﺭﺍﺿﻲ
ﺑﺎﻭﻉ ﻻﺑﺎﺫﺭ ﻭﺿﺤﻚ ﻛﺎﻝ ... ﺍﻓﺎﺍ ﺍﺧﻮﻭﻭﻱ ﺍﺑﻦ ﺍﺑﻮﻭﻱ ﺻﺎﺭ ﻳﻮﻣﻴﻦ ﻣﻦ ﺟﺎﻱ ﻣﻦ ﺍﻟﺴﻔﺮ ﻭﻣﺎ ﻳﻤﺮ ﻋﻠﻴﻪ ﻻ ﻭﺍﻟﻠﻪ ﻣﺎ ﺭﺩﺗﻬﺎ ﻣﻨﻚ ...
ﺗﻘﺮﺏ ﺍﻛﺜﺮ ﻣﻦ ﺍﺑﺎﺫﺭ ﺍﻟﻲ ﻛﺎﻧﺖ ﻣﻼﻣﺤﻪ ﻫﺎﺩﺋﻪ ﻭﻣﺎ ﺗﺪﻝ ﻋﻠﺊ ﺍﻱ ﺭﺩﺓ ﻓﻌﻞ ...
ﻭﻛﻒ ﺭﺍﺿﻲ ﻛﺪﺍﻡ ﺍﺑﺎﺫﺭ ﻭﻣﺪ ﺍﻳﺪﻩ ﻭﻫﻮ ﻳﺒﺴﺘﻢ ﻣﺎ ﻧﺤﺲ ﺍﻟﻪ ﺑﻮﻭﻭﻭﻛﺲ ﻗﻮﻭﻭﻭﻳﻪ ﻣﻦ ﺍﺑﺎﺫﺭ ﺑﻮﺟﻪ ﺭﺍﺿﻲ ...
ﻭﻫﻮ ﺻﺎﺭ ﺍﻟﺼﺮﺭﻳﺦ ﻋﻤﻪ ﺗﺼﺮﺥ ﻭﺍﻧﻲ ﻭﻣﻴﺲ ﻭﺣﺪﻩ ﺣﺎﺿﻨﻪ ﺍﻟﺜﺎﻧﻴﻪ ...
ﻭﺍﺑﺎﺫﺭ ﻃﺎﺡ ﻟﺮﺍﺿﻲ ﺑﻮﻛﺴﺎﺕ ﻭﻣﺴﺒﻪ ﻣﺎﺧﻠﻪ ﻓﺸﻮﺭﻩ ﻣﺎ ﻓﺸﺮﻫﺎ ﻋﻠﻴﻪ ...
ﺍﻧﻲ ﺧﻔﺖ ﻣﻨﻪ ﻃﻠﻌﺖ ﺑﺴﺮﻋﻪ ﺍﺭﻛﺾ ﻭﺿﻠﻴﺖ ﺣﺎﻳﺮﻩ ﺑﻴﻦ ﺍﻻﺩﺧﻞ ﻭﺍﺭﻭﺡ ... ﻋﺎﺋﻠﻪ ﺑﺲ ﻣﺸﺎﻛﻞ ﻭﺍﻧﻲ ﻣﺎﺍﺣﺐ ﻫﻴﻴﺞ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘...



فيتامين سي غير متواجد حالياً   رد مع اقتباس