عرض مشاركة واحدة
قديم 18-10-19, 02:38 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,191
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#بارت٤

ﺭﻭﺍﻳﺔ .. ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ

💔💔💔💔💔💔💔💔💔
ﺣﺎﻭﻟﺖ ﺍﻃﻠﻊ ﺑﺲ،ﺍﻛﻮﻭ ﺧﻮﻑ ﺑﺪﺍﺧﻠﻲ ﻟﺬﻟﻚ ﺭﺟﻌﺖ ﺍﻧﺘﺒﻬﺖ ﻋﻠﺊ ﻧﻔﺴﻲ ﺍﻧﻲ ﺍﺫﺍ ﻫﻴﺞ ﺧﻮﺍﻓﻪ ﺷﻜﻮ ﺭﺩﺕ ﺍﻧﻬﺰﻡ ﻣﻦ ﺻﺒﺎﺡ ﻭﺗﺸﺠﻌﺖ ...
ﺍﻱ ﺍﻟﺤﺰﻥ ﻳﻮﻟﺪ ﺍﻟﺸﺠﺎﻋﻪ
ﻣﺎ ﺍﺷﻮﻭﻑ ﺍﻟﻪ ﺭﺍﺿﻲ ﻃﻠﻊ ﻭﺍﻟﺪﻣﺎﻳﻪ ﺗﻨﺰﻝ ﻣﻨﻪ ﻭﻳﻐﻠﻂ ﺑﺤﺮﮔﻪ ... ﺍﻧﻲ ﺍﻟﻚ ﻛﻠﺐ ﻭﺍﻟﻠﻪ ﺍﻟﻪ ﺍﺳﺤﻠﻚ ﺳﺤﻞ ﻳﺎ ﺳﺎﻓﻞ
ﺭﺟﻌﺖ ﺩﺧﻠﺖ ﻟﻜﻴﺖ ﻋﻤﺘﻲ ﻻﺯﻣﻪ ﺍﺑﻨﻬﺎ ﻭﻋﻤﻮ ﻫﻤﺎﺗﻴﻦ ﻻﺯﻣﻪ ﻭﻫﻮ ﻟﺤﺪ ﺍﻻﻥ ﻳﻐﻠﻂ ... ﺍﻟﻌﺎﺍﺭ ﺍﻟﺴﻜﻂ ﻭﺍﻟﺴﺎﻗﻂ ﻳﻀﺮﺏ ﺍﻣﻲ .. ﻭﺍﻟﻠﻪ ﺑﻌﺪﻩ ﻣﺎ ﺟﺎﺑﺘﻪ ﺍﻣﻪ ﻟﻴﺘﻌﺪﻩ ﻋﻠﺊ ﻋﺮﺿﻲ ...
ﺍﻣﻪ ﻟﺰﻣﺘﻪ ﻫﻮ ﻫﻢ ﻣﺤﺼﻞ ﺑﻮﻛﺲ ﻣﻦ ﺭﺍﺿﻲ ﺷﻔﺘﻪ ﺷﻮﻳﻪ ﺗﻨﺰﻑ ﺩﻣﻪ ﻭﺍﻣﻪ ﺗﻤﺴﺢ ﺑﻴﻬﺎ ﻭﺗﺒﻮﺱ،ﺑﻲ ﻭﺗﻬﺪﻱ ﺑﻲ
ﻋﻔﺘﻬﻢ ﺑﺴﺮﻋﻪ ﻭ ﺭﻛﻀﺖ ﻟﻐﺮﻓﺘﻲ ... ﻃﻠﻌﺖ ﻛﻢ ﻗﻄﻌﺔ ﻣﻼﺑﺲ ﺍﺧﺬﺗﻬﺎ ﺩﻭﺭﺕ ﻋﻠﺊ ﺟﻨﺎﺳﻲ ﺍﻟﺒﻨﺎﺕ ﻣﺎ ﻟﻜﻴﺘﻬﻦ ﺿﻠﻴﺖ ﺍﺩﻭﺭ ﻣﺎﻛﻮﻭ ﻳﺎﺭﺑﻲ ﻭﻳﻦ ﻭﺩﺍﻫﻦ ﺻﺒﺎﺡ ...
ﻃﻠﻌﺖ ﺑﺮﻩ ﻟﻜﻴﺘﻬﻢ ﻛﺎﻋﺪﻳﻦ ﺑﺎﻟﺼﺎﻟﻪ ﺧﻔﺖ ﺍﺳﺄﻝ ﻋﻤﻪ ﻋﻦ ﺍﻟﺠﻨﺎﺳﻲ ﺷﻮﻭﻭﻳﻪ ﻭﺗﺸﺠﻌﺖ ﻛﻠﺘﻠﻬﺎ ﺑﺨﻮﻑ ﻭﺍﺭﺗﺒﺎﻙ ... ﻋﻤﻪ ﺟﻨﺎﺳﻲ،ﺯﻫﺮﺍﺀ ﻭﺯﻳﻨﺐ ﻣﺎﻛﻮﻭﻭ
ﻫﻮ ﺑﺴﺮﻋﻪ ﻧﻂ ﻣﻦ ﻳﻤﻪ ﻋﺎﻛﺪ ﺣﻮﺍﺟﺒﻪ ﻭﺑﺘﺴﺎﺅﻝ ... ﺷﺴﻮﻳﻦ ﺑﺠﻨﺎﺳﻲ ﺍﻟﺒﻨﺎﺕ ...
ﺍﺭﺗﺒﻜﺖ ﺣﻴﻞ ... ﺍﺀﺀ ﺍﺭﻳﺪﻫﻦ ﺍﺧﺎﻑ ﺍﺧﺬ ﺯﻫﺮﺍﺀ ﻟﻠﻤﺴﺘﺸﻔﺊ ﻻﻥ ﺍﺫﺍ ﻣﺘﻌﺮﻑ ﻫﻲ ﻣﻌﺎﻗﻪ ﻭﺍﺣﺘﻤﺎﻝ ﻧﺴﻮﻳﻠﻬﺎ ﻋﻤﻠﻴﻪ ﻓﺎﺣﺘﺎﺝ ﺟﻨﺴﻴﺘﻬﺎ ...
ﻧﺰﻝ ﻋﻴﻮﻧﻪ ﻣﻨﻲ ﻭﺍﺧﺬ ﺍﺳﺘﻜﺎﻥ ﺍﻟﺠﺎﻱ ﺷﺮﺏ ﺷﻮﻳﻪ ﻛﺎﻝ ﺑﻬﺪﻭﺀ .... ﺍﻧﻲ،ﻋﻤﻬﻦ ﻭﺍﻧﻲ ﺍﻟﻤﺴﺆﺅﻝ ﻋﻠﻴﻬﻢ ﻭﻣﺎﺍﺭﻳﺪ ﺍﻱ ﺗﺼﺮﻑ ﻣﻨﺞ ﺑﺪﻭﻥ ﻋﻠﻤﻲ ﻣﺤﺘﺎﺟﻪ ﻋﻤﻠﻴﻪ ﺍﻧﻲ ﺍﺳﻮﻳﻠﻬﺎ
ﺭﺩﻳﺖ ... ﺷﻨﻮﻭ ﺑﺪﻭﻥ ﻋﻠﻤﻚ ﺍﻟﺒﻨﺎﺕ ﺍﺧﺘﻲ ﺍﻣﻨﺘﻬﻦ ﻋﻨﺪﻱ ﻭﺍﻛﻴﺪ ﺷﻨﻮ ﻳﺤﺘﺎﺟﻦ ﺍﻧﻲ ﺣﺎﺿﺮﻩ ﻭﻣﺎ ﺍﻧﻄﻴﻬﻦ ﻟﻮ ﻋﻠﺊ ﻛﺺ ﺭﻛﺒﺘﻲ
ﺍﺑﺘﺴﻢ ﺑﻬﺪﻭﺀ ... ﻭﺍﻧﻲ ﻣﺎ ﮔﺎﻳﻞ ﺷﺊ ﻣﺨﻠﻴﻬﻦ ﻋﻨﺪﺝ ﺑﺲ ﻣﻤﻨﻮﻉ ﺍﻱ ﺗﺼﺮﻑ ﺑﺪﻭﻥ ﻋﻠﻤﻲ ... ﻫﻨﻪ ﺑﻨﺎﺕ ﺍﺧﻮﻭﻳﻪ ﻭﺍﻧﻲ ﻋﻤﻬﻦ ﺑﻤﺜﺎﺑﺔ ﺍﺑﻮﻫﻦ ﻭﺍﻥ ﺷﺎﺀ ﻟﻠﻪ ﺍﺣﺴﻦ ...
ﺣﺒﻴﺖ ﺍﺳﺘﻔﺰﻩ ﻭﺍﺷﻮﻑ ﺭﺩﺓ ﻓﻌﻠﻪ ﺭﻓﻌﺖ ﺣﺎﺟﺐ ... ﻭﺣﺪﻩ ﻣﻦ ﺍﻟﺒﻨﺎﺕ ﻣﺮﻳﻀﻪ ﻋﻨﺪﻫﺎ ﺿﻤﻮﺭ ﻭﻣﻲ ﺑﺮﺍﺳﻬﺎ ﻳﻌﻨﻲ ﻣﻦ ﺫﻭﻱ ﺍﻻﺣﺘﻴﺎﺟﺎﺕ ﺍﻟﺨﺎﺻﻪ ... ﺗﻘﺒﻞ ﺗﺸﻤﺮﻫﺎ ﺑﻤﺴﺘﺸﻔﺊ ﺍﻟﻤﻌﺎﻗﻴﻴﻦ ..
ﺑﺎﻭﻋﻠﻲ ﺑﻌﺼﺒﻴﺔ ﻭﺑﺪﻭﻥ ﻣﺎ ﻳﻮﻛﻒ ﻛﺎﻝ ... ﻭﺍﻟﻠﻪ ﺍﺫﺍ ﺗﺸﻮﻓﻴﻦ ﻋﻴﺸﺘﻬﺎ ﻋﻨﺪﺝ ﺻﻌﺒﻪ ﻭﻣﺎ ﺗﺘﺤﻤﻠﻴﻦ ﻃﻔﻠﻪ ﻣﺮﻳﻀﻪ ﻣﺜﻠﻬﺎ ﺍﻧﻄﻴﻨﻲ ﺑﻨﺎﺕ ﺍﺧﻮﻭﻳﻪ ﺛﻨﻴﻨﻬﻦ ﻭﺍﻧﻲ ﺍﺗﺰﻭﺝ ﻭﺍﺟﻴﺒﻠﻬﻦ ﺧﺪﺍﻣﻪ ﺗﺨﺪﻣﻬﻦ ...
ﺭﺩﻳﺖ ﺑﻌﺼﺒﻴﺔ ... ﺍﻧﻲ ﻣﻤﺘﻌﺎﺟﺰﻩ ﻣﻨﻬﻦ ﻭﺍﻟﺒﻨﺎﺕ ﻣﺎﺍﻧﻄﻴﻬﻦ ﻛﺘﻠﻚ ﻣﻦ ﺍﻟﺒﺪﺍﻳﺔ ...
ﺍﺑﺎﺫﺭ .. ﺧﻠﻴﻬﻦ ﻫﺴﻪ ﻳﻤﺞ ﻣﻔﺎﺭﻍ ﺍﻟﻜﻢ ﺍﻥ ﺷﺎﺀ ﻟﻠﻪ ﺑﺲ ﺍﺭﺗﺐ ﺍﻣﻮﺭﻱ ﻟﻜﻞ ﺣﺎﺩﺙ ﺣﺪﻳﺚ ...
ﺗﻌﺼﺒﺖ ﺣﻴﻴﻞ ﻧﻔﺲ ﺻﺒﻴﺢ ﻋﺮﻓﺘﻪ ﻳﺎﺧﺬﻫﻦ ﻣﻨﻲ ﺑﺲ ﻟﻮ ﻳﻤﻮﺕ ﻣﻴﺎﺧﺬﻫﻦ ﻓﺠﺎﻭﺑﺘﻪ ﺑﺤﺪﻩ ... ﻭﺍﻟﻠﻪ ﻟﻮ ﺷﻴﺼﻴﺮ ﻣﺤﺪ ﻳﺎﺧﺬﻫﻦ ...
ﺿﺤﻚ ﻛﺎﻝ ... ﻫﺴﻪ ﻣﻨﻮ ﻣﺎﺧﺬﻫﻦ ﻳﺎﺑﻪ ﺧﻠﻴﻬﻦ ﻋﻨﺪﺝ ﻫﻨﻪ ﺍﻣﺎﻧﻪ ﻭﺍﻷﻣﺎﻧﻪ ﻻﺯﻡ ﺗﺮﺟﻊ ﻷﺻﺤﺎﺑﻬﺎ ...
ﻣﻌﺘﺼﻢ ﻛﺎﻝ ... ﻛﻮﻭﻟﻮ ﻳﺎﻟﻠﻪ ﺷﺒﻴﻜﻢ ﺷﻮﻭﻳﻪ ﻭﺗﺘﻤﺎﻟﺨﻮﻭﻥ ﺻﺪﻙ ﺟﺬﺏ ﻋﻤﻲ ﺍﻟﺒﻨﺎﺕ ﻋﻨﺪﻱ ﻭﺍﻛﻴﺪ ﺍﺣﻨﻪ ﻋﺎﺋﻠﻪ ﻭﺣﺪﻩ ﺍﺫﺍ ﺟﺎﻧﻦ ﻫﻨﺎ ﺍﻭ ﻫﻨﺎﻙ ﻣﺎﻛﻮ ﻓﺮﻕ
بيج قصص عراقيه حقيقيه من واقعنا.روعه الطائي.ﺍﻧﻲ ﻛﻠﺖ ... ﻻ ﺍﻛﻮﻭ ﻓﺮﻕ
ﻭﻫﻮ ﺑﻨﻔﺲ ﺍﻟﻠﺤﻈﻪ ﻛﺎﻝ ... ﻻ ﻣﺎﻛﻮ ﻓﺮﻕ
ﺧﻠﻴﺖ ﻭ ﺭﺟﻌﺖ ﻟﻠﻐﺮﻓﻪ ﺣﺴﻴﺖ ﺍﺷﺘﻌﻠﺖ ﺑﻴﻪ ﻧﺎﺭ ﻫﺬﺍ ﻣﺒﻴﻦ ﻓﺪ ﻭﺍﺣﺪ ﻳﺸﺘﻐﻞ ﻋﻠﺊ ﺍﻟﻮﺗﺮ ﺍﻟﺤﺴﺎﺱ ﻭﻣﺎ ﻳﺘﻌﺐ ﻧﻔﺴﻪ ﻣﺎﺧﺬ ﺳﻴﺎﺳﺔ ﺃﻭﺑﺎﻣﺎ .... ﻻﻥ ﻣﺒﻴﻦ ﺳﻴﺎﺳﻲ ...
ﻭﻣﺒﻴﻦ ﺧﺒﻴﺚ ﻭﺣﻘﻴﻴﺮ ﺍﺣﻘﺮ ﻣﻦ ﺍﺧﻴﻨﻪ ﺑﺎﻟﻠﻪ ... ﺍﻟﻠﻪ ﻳﺮﺣﻤﻪ ...
ﻭﺍﻧﻲ ﻫﺬﺍ ﻣﺎ ﺍﻛﺪﺭ ﺍﻟﻪ ﺷﻄﻮﻟﻪ ﻭﺷﻀﺨﻤﻪ ﺑﺼﺮﺍﺣﻪ ﺭﻏﻢ ﺣﺠﻴﺖ ﻭﻳﺎﻩ ﻟﻜﻦ ﺍﻛﻮﻭ ﺧﻮﻑ ﺑﺪﺍﺧﻠﻲ ﺍﺣﺲ ﻫﺬﺍ ﺍﺫﺍ ﻳﺠﻴﺒﻨﻲ ﺑﺮﺍﺷﺪﻱ ﺍﻓﻘﺪ ﺷﻬﺮ ﻛﺂﻣﻞ ...
ﺿﻠﻴﺖ ﺍﺩﻭﺭ ﺑﺎﻻﻏﺮﺍﺽ ﻣﺎﻛﻮﻭ ﺷﺊ ...
ﻣﻴﺲ ...
ﻳﻌﻨﻲ ﺗﺎﺝ ﻛﻮﻭﻟﺶ ﻣﺴﺘﻔﺰﻩ ﺍﻧﻲ ﺍﻋﺮﻓﻬﺎ ﺗﺮﻳﺪ ﺍﻟﺠﻨﺎﺳﻲ ﺣﺘﺊ ﺗﻨﻬﺰﻡ ﻭﻳﻪ ﺍﻟﺒﻨﺎﺕ ... ﺍﻧﻲ ﺍﺧﺎﻑ ﺍﺣﺠﻲ ﻭﺍﺧﺎﻑ ﺗﺰﻋﻞ ﻋﻠﻴﻪ
ﻭﻫﻲ ﺍﺣﺴﻬﺎ ﻣﻜﺴﻮﺭﺓ ﻭﺗﺘﻤﺮﺩ ﻋﻠﺊ ﻧﻔﺴﻬﺎ ﻗﺒﻞ ﻣﺎ ﺗﺘﻤﺮﺩ ﻋﻠﺊ ﺍﻟﻨﺎﺱ ﺍﺣﺴﻬﺎ ﻣﻤﺘﺼﺎﻟﺤﻪ ﻭﻳﻪ ﻧﻔﺴﻬﺎ ﻭﺣﺎﻗﺪﻩ ﺣﺘﺊ ﻋﻠﺊ ﺭﻭﺣﻬﺎ ...
ﺍﻧﺘﺒﻬﺖ ﻋﻠﺊ ﺍﺑﺎ ﺫﺭ ﻛﺎﻝ ... ﻭﺩﻳﺖ ﻭﺍﺣﺪ ﻣﻦ ﺍﻟﻌﺸﻴﺮﺓ ﻟﺮﺍﺿﻲ ﻳﻜﻮﻟﻪ ﺍﺑﺎﺫﺭ ﻳﺎﺧﺬ ﺛﺄﺭ ﺍﺧﻮﺗﻪ ﻟﻮ ﻳﻀﻞ ﻳﻮﻡ ﺑﻌﻤﺮﻩ
ﻣﻌﺘﺼﻢ ... ﺍﻱ ﻭﺷﻜﺎﻝ؟
ﺍﺑﺎﺫﺭ ... ﻳﻜﻮﻝ ﺧﻠﺺ ﻣﺎﻛﻮ ﺛﺄﺭ ﻻﻥ ﺍﻟﻨﺎﺱ ﻓﺼﻠﻮﻭﻭ ﻭﺍﻟﻔﺼﻞ،ﻛﻠﺶ ﻛﺒﻴﺮ ... ﻫﻬﻪ ﻭﻳﻜﻮﻝ ﺍﻱ ﻭﺍﺣﺪ ﻳﺘﻌﺮﺽ ﻟﻠﻘﺎﺗﻞ ﻳﺪﺧﻞ ﺍﻟﺴﺠﻦ ﻻﻥ ﻫﻤﻪ ﺍﻧﻄﻮ ﺩﻳﻪ ...
ﻣﻌﺘﺼﻢ ... ﻭﺍﻧﺖ ﺷﺮﺍﺡ ﺗﺴﻮﻱ
ﺍﺑﺎﺫﺭ ﻣﻦ ﺑﻴﻦ ﺍﺳﻨﺎﻧﻪ ... ﺍﺗﻌﺮﺽ ﻟﻠﻘﺎﺗﻞ ... ﻫﻢ ﺍﺧﺬ ﺛﺄﺭ ﺍﺧﻮﺗﻲ ﻭﻫﻢ ﺍﺫﻝ ﺭﻭﻳﻀﻲ ﻭﺍﺧﻠﻲ ﻳﺮﺟﻊ ﻳﻔﺼﻞ
ﻣﻌﺘﺼﻢ ﺟﺮ ﻧﻔﺲ ﻛﺎﻝ ... ﺍﻟﻠﻪ ﻛﺮﻳﻢ ... ﻛﻮﻝ ﻳﺎﻟﻠﻪ ﻫﺴﻪ
ﺍﺑﺎﺫﺭ ﺷﺘﺖ ﻧﻀﺮﻩ ... ﻳﺎﻟﻠﻪ
ﺿﻠﻴﺖ ﻣﺮﻛﺰﻩ ﻋﻠﻴﻬﻢ ﺍﺑﻦ ﻋﻤﻲ ﻣﺒﻴﻦ ﺭﺍﺡ ﻳﻌﻠﻜﻬﺎ ﻭﻳﻪ ﺭﺍﺿﻲ ﻭﺭﺍﺡ ﺗﺮﺟﻊ ﺍﻟﻤﺸﺎﻛﻞ ...
ﺭﺟﻊ ﻋﻤﻮ ﻛﻠﻪ ... ﻣﻨﺎﻭﻱ ﺗﺰﻭﺝ ﺗﺮﺉ ﺧﻄﻴﻪ ﺍﻣﻚ ﻣﻜﺴﻮﺭﻩ ﻭﻣﺎ ﺗﻜﺪﺭ ﻟﻠﺸﻐﻞ ﻭﺑﻌﺪﻳﻦ ﻫﻲ ﻣﺮﺓ ﻛﺒﻴﺮﻩ ﻣﻮ ﻣﺎﻝ ﺷﻐﻞ ﻭﻫﻤﻴﻦ ﻣﻦ ﺗﺠﻴﺒﻠﻚ ﻣﺮﻩ ﻭﺗﻠﻢ ﺑﻨﺎﺕ ﺍﺧﻮﻭﻙ ﺭﺍﺡ ﺍﻟﺒﻴﺖ ﺷﻮﻳﻪ ﺗﺼﻴﺮ ﺑﻲ ﺣﻴﺎﺓ ﺍﺣﺴﻦ ﻣﺎ ﺿﺎﻝ ﻣﻀﻠﻢ ...
ﺗﻜﻠﻢ ﺑﻬﺪﻭﺀ ﺑﻌﺪ ﻣﺎ ﻃﻠﻊ ﺟﻜﺎﺭﺗﻪ ... ﺍﻟﻠﻪ ﻛﺮﻳﻢ ﺍﺷﻮﻑ ﺑﻠﻜﻲ ﻭﺣﺪﻩ ﻣﻦ ﺍﺧﻮﺍﺗﻲ ﺗﺨﻄﺒﻠﻲ
ﻣﻌﺘﺼﻢ ... ﻭﻳﻦ ﺍﺧﻮﺍﺗﻚ ﺛﻨﻴﻨﻬﻦ ﻣﺘﺰﻭﺟﺎﺕ ﺑﺎﻟﻌﻤﺎﺭﻩ ﻣﻨﻴﻦ ﻳﺠﻦ ﻳﺨﻄﺒﻠﻚ ﻣﺎ ﺻﺪﻛﻦ ﺧﻠﺼﺖ ﺍﻟﻔﺎﺗﺤﻪ ﻛﻠﻤﻦ ﻃﺎﺭﺕ ﺍﻟﺮﺟﻠﻬﺎ ...
ﺍﺟﺖ ﺗﺎﺝ ﺗﻤﺸﻲ ﺑﻐﺮﻭﺭ ... ﻃﺒﻌﺎ ﻫﻲ ﻣﻮ ﻣﻐﺮﻭﺭﻩ ﺑﺲ ﻣﺎﺍﻋﺮﻑ ﺍﻭﺻﻒ ﺷﺨﺼﻴﺘﻬﺎ ﺍﺣﺴﻬﺎ ﺗﺸﺒﻪ ﺗﺼﺮﻓﺎﺕ ﺟﺪﻭﻭ
ﺿﺎﺭﺏ ﺍﻟﺪﻧﻴﺎ ﺑﻘﻨﺪﺭﻩ ﻻ ﺗﻬﻤﻪ ﺣﻜﻮﻣﻪ ﻻ ﺗﻬﻤﻪ ﻋﺎﺋﻠﻪ ﻻ ﺗﻬﻤﻪ ﺩﻧﻴﺎ ﺗﻬﻤﻪ ﺑﺲ ﺗﺎﺝ ﻭﺑﻴﺒﻲ ...
ﻭﻫﻲ ﻛﺬﻟﻚ ﺗﻬﻤﻬﺎ ﺑﺲ ﺭﻭﺣﻬﺎ ﻭﺗﺴﻮﻱ ﺷﻮﻳﻪ ﻋﻠﺊ ﺑﻨﺎﺕ ﺍﺧﺘﻲ ﻣﺮﺍﺕ ﺗﺼﻴﺮ ﺣﻨﻴﻨﻪ ﻭﻣﺮﺍﺕ ﺗﺘﻔﺮﻋﻦ ﻭﺗﺘﺼﻨﻊ ﺍﻟﻘﻮﺓ ...
ﺍﻧﻲ ﺍﻧﺘﺒﻬﺖ ﺍﻟﻪ ﺍﻭﻝ ﻣﺎ ﺍﺟﺖ ﺭﻓﻊ ﺑﺲ ﻋﻴﻮﻧﻪ ﺍﻟﻬﺎ ﺑﺪﻭﻥ ﻣﺎ ﻳﺮﻓﻊ ﻭﺟﻬﻪ ﻭﻛﺎﻧﺖ ﻧﻀﺮﺍﺗﻪ ﺳﺎﺧﺮﻩ ﻣﻨﻬﺎ ﻭﻣﻦ ﻋﺪﻡ ﻣﺒﺎﻻﺗﻬﺎ ﻟﻜﻞ ﺷﺊ ﺩﻳﺼﻴﺮ ...
ﻫﻔﺖ ﻋﻠﺊ ﻭﺟﻬﻪ ﺑﻐﺮﻭﺭ ﻭﺣﺠﺖ ﺑﺎﻧﺰﻋﺎﺝ ... ﻳﺎﻟﻠﻪ ﻋﻤﻮ ﺍﻣﺸﻴﻨﻪ ﻣﺘﺖ ﺣﺮﺭﺭ ﺍﺗﻀﺎﻳﻘﺖ ﺣﻴﻴﻞ ...
ﺭﺟﻌﺖ ﺑﺎﻭﻋﺘﻠﻪ ﻟﺴﻪ ﻧﻀﺮﺍﺗﻪ ﺍﻟﻤﺴﺘﻬﺰﺋﻪ ﻣﺜﺒﺘﻪ ﻋﻠﻴﻬﺎ ﺍﻣﺎ ﻫﻲ ﻣﻤﻬﺘﻤﻪ ﺍﻟﻪ ﺍﺑﺒﺒﺒﺪ ﻭﻛﻒ ﻋﻤﻮ ﻛﺎﻝ ﻳﺎﻟﻠﻪ ﺍﻣﺸﻮﻧﻪ ...
ﺍﺑﺎﺫﺭ ﺣﺮﻙ ﻧﻔﺴﻪ ﻭﻣﺪ ﺍﻳﺪﻩ ﺑﺠﻴﺐ ﺍﻟﺒﻨﻄﻠﻮﻥ ﻃﻠﻊ ﻣﺒﻠﻎ ﻭﻗﺪﻣﻪ ﻟﺘﺎﺝ ﻭﻫﻮ ﻛﺎﻋﺪ ﻛﻠﻬﺎ ... ﺍﺗﻔﻀﻠﻲ ...
ﺭﻓﻌﺖ ﺣﺎﺟﺐ ﺑﻐﺮﻭﺭ ﻛﺎﻟﺖ ... ﺷﻜﺮﺍ ﻣﻤﺤﺘﺎﺟﻪ
ﻧﺰﻝ ﻋﻴﻮﻧﻪ ﻭﺿﺤﻚ ﺑﺴﺨﺮﻳﻪ ﻭﺑﻌﺪﻫﺎ ﻛﺎﻝ ... ﺗﺮﺉ ﻣﺎ ﻣﻨﻄﻴﻬﻦ ﺍﻟﺞ ﻫﺬﻱ ﻣﺼﺮﻑ ﻟﺒﻨﺎﺕ ﺍﺧﻮﻳﻪ ...
ﺭﺟﻌﺖ ﻛﺎﻟﺖ .... ﻭﺣﺘﺊ ﺑﻨﺎﺕ ﺍﺧﺘﻲ ﻣﻤﺤﺘﺎﺟﺎﺕ ﺑﻮﺟﻮﺩﻱ ﻃﺒﻌﺎ
ﻫﻮ ﻛﻠﻬﺎ ... ﺍﺩﺭﻱ ﻭﺍﻧﺘﻲ ﻣﻨﻮ ﻭﺯﻳﺮﺓ ﺍﻟﻤﺎﻟﻴﺔ ﺩﺧﺬﻳﻬﻦ ﻭﻻ ﺗﻀﻠﻴﻦ ﺗﻌﺎﻧﺪﻳﻦ ...
ﻣﻘﺒﻠﺖ ﺗﺎﺧﺬﻫﻦ ﺍﻣﺎ ﺍﻧﻲ ﺣﺒﻴﺖ ﺍﻭﻛﻒ ﺍﻟﺠﻮ ﺍﻟﻤﺸﺤﻮﻥ ﺑﻴﻨﻬﻢ ﻟﺬﻟﻚ ﺍﺧﺬﺗﻬﻦ ﻣﻨﻪ ﻭﺍﻧﻲ ﺍﺑﺘﺴﻢ ... ﺷﻜﺮﺍ ﺍﺑﺎﺫﺭ ﺗﺴﻠﻢ ﻣﺘﻘﺼﺮ
ﻃﻠﻌﻨﻪ ﺑﻌﺪ ﻣﺎ ﺳﻠﻤﻨﻪ ﻋﻠﺊ ﻋﻤﻪ ﻭﻣﺤﻤﺪ ﻭﺭﺣﻨﻪ ﻫﻮ ﻃﻠﻊ ﻭﺭﺍﻧﻪ ﻭﺿﻞ ﻳﺤﺠﻲ ﻭﻳﻪ ﻋﻤﻮ ﻣﺴﻤﻌﺖ ﺷﻨﻮ ﺣﺠﻪ ...
ﺑﺲ ﻣﻦ ﺭﻛﺒﻨﻪ ﺍﻟﺴﻴﺎﺭﺓ ﻭﻋﻤﻮ ﺩﻳﺴﻮﻕ ﻫﻮ ﻛﻠﻪ ... ﺍﻧﻌﻞ ﺍﺑﻮ ﺍﻟﺘﺤﻀﺮ ... ﻟﻴﺶ ﺍﻟﺘﺤﻀﺮ ﺑﺎﻟﻄﻴﺤﺎﻥ ﺣﻆ ...
ﻋﻤﻮ ﺿﺤﻚ ﻛﻠﻪ ... ﺗﺮﺉ ﻣﺮﺍﻋﻲ ﺷﻌﻮﺭﻫﺎ ﻻﻥ ﻣﺮﺓ ﺑﺤﺎﻟﻪ ﺻﻌﺒﻪ
ﻫﻮ ﺭﺩ ﻋﻠﻴﻪ ﺑﺎﺍﺳﺘﻬﺰﺍﺀ ... ﺍﻱ ﺧﻄﻴﻪ ﺍﺭﻣﻠﻪ ﻭﺻﺎﺣﺒﺔ ﻳﺘﺎﻣﺊ ﻭﻣﻜﻄﻮﻉ ﻋﻠﻴﻬﺎ ﺍﻟﺮﺍﺗﺐ ... ﺍﻧﺖ ﻟﻴﺶ ﻣﺎ ﺗﺴﻜﺖ ﻻ ﺍﺗﺒﺮﺉ ﻣﻨﻚ
ﺗﺎﺝ ﺑﺎﻭﻋﺖ ﻋﻠﻴﻪ ﻭﺍﻧﻲ ﺑﺎﻭﻋﺖ ﺍﻟﻬﺎ ﻋﺮﻓﺘﻪ ﻳﻘﺼﺪﻫﺎ ﺭﺟﻌﺖ ﺑﺎﻭﻋﺖ ﻋﻠﻴﻪ ﻭﻛﺎﻟﺖ ... ﻭﺍﻟﻠﻪ ﺭﻭﺡ ﺍﺳﺄﻝ ﺍﻣﻚ ﺧﻠﻲ ﺩﻛﻮﻟﻚ ﻋﻠﺊ ﻣﺤﺎﺳﻦ ﺍﺧﻮﻭﻭﻙ ﻭﺑﻌﺪﻳﻦ ﺗﻌﺎﻝ ﺍﻃﻠﺐ ﻣﻨﻲ ﺍﺣﺰﻥ ﻋﻠﻴﻪ ...
ﻫﻬﻪ ﻳﻜﻮﻟﻮﻥ ﺍﺫﻛﺮﻭ ﻣﺤﺎﺳﻦ ﻣﻮﺗﺎﻛﻢ ... ﺷﻠﻮﻥ ﻳﺎﺭﺑﻲ ﺍﺟﺪﻱ ﻣﺤﺎﺳﻦ ﻟﺼﺒﺎﺡ ... ﺍﺑﻮ ﺍﻟﻤﺤﺎﺳﻦ
ﻫﻮ ﻓﺘﺢ ﻋﻴﻮﻧﻪ ﻣﺼﺪﻭﻡ ﻭﺑﺎﻭﻋﻠﻬﺎ ﺑﺤﻘﺪ ﻋﻤﻮ ﻣﻌﺘﺼﻢ ﺑﺴﺮﻋﻪ ﻧﺰﻝ ﺍﺧﺬﻩ ﻋﻠﺊ ﺻﻔﺤﻪ ﻭﺿﻞ ﻳﺤﺠﻲ ﻭﻳﺎﻩ .. ﻭﺍﺑﺎﺫﺭ ﻋﻴﻮﻧﻪ ﺑﻜﺼﺘﻪ
ﺑﻌﺪﻫﺎ ﻋﻤﻮ ﺭﻛﺐ ﺑﺴﻴﺎﺭﺓ ﻭﺳﺎﻕ ﺑﺴﺮﻋﻪ ﺿﻞ ﻳﺤﺠﻲ ﻋﻠﺊ ﺗﺎﺝ ﻭﻫﻲ ﻟﺴﺎﻧﻬﺎ ﻭﻳﺎﻩ ﻛﻠﻤﻪ ﺑﻜﻠﻤﻪ ﻛﻮﻭﻭﻟﺶ ﺿﺠﺖ ﻣﻨﻬﺎ ...
ﻭﺻﻠﻨﻪ ﻟﻠﺒﻴﺖ ﻭﻫﻲ ﺻﻌﺪﺕ ﻓﻮﻭﻙ ﺿﺎﻳﺠﻪ ..
ﻣﺎﻣﺎ ﻛﺎﻟﺖ .. ﺷﺒﻴﻬﺎ ﺗﺎﺝ ﻣﻨﻮ ﻭﻳﺎﻫﺎ
ﺭﺩﻳﺖ ﺑﻘﻬﺮ ... ﻣﻨﻮ ﻭﻳﺎﻫﺎ ﺍﺫﺍ ﻫﻲ ﻟﺴﺎﻧﻬﺎ ﺍﻃﻮﻝ ﻣﻨﻬﺎ ﻋﻠﺊ ﻛﻮﻟﺔ ﻋﻤﻮ ﺻﺢ ﻛﺼﻴﺮﺓ ﺑﺲ ﺍﻟﻠﻪ ﻣﻌﻮﺿﻬﺎ ﺑﺎﻟﺴﺎﻧﻬﺎ ..
ﺭﺣﺖ ﺻﻌﺪﺕ ﻭﺭﺍﻫﺎ ...
ﻓﺘﺤﺖ ﺍﻟﺒﺎﺏ ﺑﻘﻮﻭﻩ ﻛﺎﻟﺖ ... ﺧﻴﻴﺮ ﺧﻴﻴﺮ ﻫﺎﺟﻤﻪ ﻋﻠﻴﻪ ﺷﻜﻮﻭ
ﻛﻠﺘﻠﻬﺎ ... ﺷﺒﻴﺞ ﺗﺨﺒﻠﺘﻲ ﺧﻠﻴﻪ ﺷﻮﻭﻳﻪ ﻋﻨﺪﺝ ﺍﺳﻠﻮﺏ ﺗﺮﺉ ﻣﻬﻤﺎ ﻳﻜﻮﻥ ﻫﻤﻪ ﻭﻟﺪ ﻋﻤﻨﻪ ﻭﻋﻨﺪﻫﻢ ﻋﺰﺍﺀ ... ﻭﻣﻜﺴﻮﺭﻳﻦ
ﺗﺎﺝ ﺑﻬﺪﻭﺀ ... ﻭﻟﻴﺶ ﺍﺣﻨﻪ ﻣﻮ ﻣﻜﺴﻮﺭﻳﻦ ﻟﺞ ﺍﺣﻨﻪ ﻛﺴﺮﺗﻨﻪ ﺍﻛﺒﺮ ﻣﻦ ﻛﺴﺮﺗﻬﻢ ﻣﺎ ﻋﺮﻓﻨﻪ ﻫﺒﻪ ﻣﺎﺗﺖ ﻣﻨﺘﺠﺮﻩ ﻟﻮ ﻣﻘﺘﻮﻟﻪ ... ﻛﺎﻟﻮﻭ ﺍﻧﺘﺤﺮﺕ ﻭﻫﺬﺍ ﻋﺎﺭ ﺑﻌﻴﻮﻥ ﺍﻟﻜﻞ ... ﻫﺒﻪ ﻳﻜﻮﻟﻮﻥ ﺑﺠﻨﻬﻢ ... ﻟﻴﺶ ﻭﺑﺬﻧﺐ ﻣﻨﻮﻭﻭ ... ﺍﺫﺍ ﺍﻧﺘﻲ ﻣﺜﻞ ﺍﻣﺞ ﺍﻧﻲ ﻻﺍﺍﺍﺍﺍ
ﻣﻴﺲ ﺑﻌﺼﺒﻴﺔ .... ﺍﻧﺘﻲ ﻓﺪ ﻭﺣﺪﻩ ﻭﻛﺤﻪ ﻭﻣﺘﺤﺘﺮﻣﻴﻦ ﻣﺎ ﻳﻨﻼﻡ ﺑﻴﺞ ﺻﺒﺎﺍﺍﺡ ﻣﻦ ﺟﺎﻥ ﻳﻀﺮﺑﺞ ... ﺍﻧﺘﻲ ﻣﺎﻣﺎ ﻣﺘﺤﺘﺮﻣﻴﻪ
ﺟﺎﻭﺑﺖ ﺑﺒﻜﺎﺀ ﻭﺍﻧﻬﻴﺎﺭ ... ﺗﺘﺸﻤﺘﻴﻦ ﺑﻴﻪ ﻻﻥ ﺻﺒﻴﺢ ﺟﺎﻥ ﻳﻀﺮﺑﻨﻲ ﺗﺮﺩﻳﻦ ﺍﺩﻋﻲ ﻋﻠﻴﺞ ﺗﻄﻴﺤﻴﻦ ﺑﻤﺜﻠﻪ ﺍﻟﻀﺮﺑﻪ ﻧﺘﻮﺟﻊ ﺍﻟﻪ ﺻﺎﺣﺒﻬﺎ ... ﺍﻃﻠﻌﻲ ﺑﺮﻩ ﻻ ﺍﺑﺘﻠﻲ ﺑﻴﺞ
ﺍﻧﻘﻬﺮﺕ ﻣﻨﻬﺎ ﺣﻴﻴﻞ ... ﺍﺩﺭﻱ ﺑﻴﺞ ﺗﺮﺩﻳﻦ ﺗﻨﻬﺰﻣﻴﻦ ﻟﺨﺎﻟﻮﻭ ﺑﺲ ﻭﺍﻟﻠﻪ ﺑﻜﻠﻤﻪ ﻣﻨﻲ ﺍﺧﻠﻲ ﻋﻤﻲ ﻳﺤﺒﺴﺞ ﻫﻨﺎ .. ﺗﺮﺩﻳﻦ ﺗﻨﻬﺰﻣﻴﻦ ﺍﻧﻬﺰﻣﻲ ﻟﻮﺣﺪﺝ ﻭﻋﻮﻓﻲ ﺑﻨﺎﺕ ﻫﺒﻪ ﻻ ﺗﻮﺭﻃﻴﻨﻪ ...
ﺗﺎﺝ ... ﺍﻣﺸﻲ ﺍﻃﻠﻌﻲ ﺑﺮﺭﺭﻩ ﺍﻃﻠﻠﻠﻠﻠﻠﻠﻠﻠﻠﻠﻠﻠﻠﻌﻲ ﺑﺮﺭﺭﻩ
ﻛﻌﺪﺕ ﻋﻠﺊ ﺍﻟﻘﻨﻔﻪ ﻭﻫﻲ ﺗﺒﺠﻲ ﻭﺗﻨﺎﺷﻎ ﻛﺎﻟﺖ ... ﻟﺞ ﺫﻭﻝ ﺣﻘﺮﺍﺀ ﺍﺗﺰﻭﺟﻲ ﻏﺮﻳﺐ ﻭﻻ ﺗﺄﺧﺬﻳﻦ ﻛﺮﺍﻳﺒﺞ ﺷﻔﺘﻲ ﺷﻠﻮﻥ ﻳﻬﻴﻨﻮﻥ ﺑﻴﻨﻪ ... ﻋﺸﺘﻮﻭﻭ ﻭﻟﺪ ﻋﻤﻨﻪ ﻋﻤﻪ ﺍﻟﻌﻤﺎﻫﻢ ...
ﻋﻔﺘﻪ ﻭﻃﻠﻌﺖ ﺣﺴﻴﺖ ﺑﺘﺄﻧﻴﺐ ﺍﻟﻀﻤﻴﺮ ﻋﻠﺊ ﺍﺧﺘﻲ ﺑﺲ ﺑﺼﺮﺍﺣﻪ ﺍﺳﻠﻮﺑﻬﺎ ﻣﺤﻠﻮﻭﻭ ...
ﺗﺎﺝ ... ﻃﻠﻌﺖ ﻣﻴﺲ ﻣﻦ ﺍﻟﻐﺮﻓﻪ ﻗﻬﺮﺗﻨﻲ ﺑﻜﻼﻣﻬﺎ ﺷﻜﺪ ﺍﺿﻮﺝ ﻣﻦ ﻳﺤﺠﻦ ﻫﻴﺞ ﺍﺣﺴﻬﻦ ﻫﻨﻪ ﺳﺒﺐ ﺑﻤﻮﺕ ﻫﺒﻪ
ﺍﺧﺬﺕ ﺍﻟﻤﻮﺑﺎﻳﻞ ﺍﺗﺼﻠﺖ ﺑﺨﺎﻟﺘﻲ ﺣﺠﻴﺖ ﻭﻳﺎﻫﺎ ﻛﺎﻟﺖ ... ﺍﺫﺍ ﻫﺎﻱ ﻧﻄﻠﻊ ﺗﻬﺮﻳﺐ ﺑﺲ ﺷﻠﻮﻥ ﺍﻟﺠﻨﺎﺳﻲ ﻛﻠﺖ ﺍﻃﻠﻊ ﺍﻟﻬﻦ ﺑﺪﻝ ﺿﺎﻳﻊ ...
ﺷﻮﻳﻪ ﻭﺍﺟﺘﻨﻲ ﺭﺳﺎﻟﻪ ﻣﻦ ﺭﻗﻢ ﻏﺮﻳﺐ ﻣﻜﺘﻮﺏ .. ﺷﻠﻮﻧﺞ ﺗﺎﺝ ﻋﻨﺪﻱ ﻣﻮﺿﻮﻉ ﻭﻳﺎﺝ ﺿﺮﻭﺭﻱ ﺗﺤﺠﻴﻦ ﻭﻳﺎﻱ ...
ﻛﺘﺒﺖ ... ﻣﻨﻮﻭ
ﻛﺘﺐ ... ﺍﻧﻲ ﺻﺪﻳﻖ ﺭﺍﺿﻲ ﻭﻛﻠﺖ ﻻﺯﻡ ﺍﺣﺠﻲ ﻭﻳﺎﺝ ﻭﺍﻧﻬﻲ ﺍﻟﻌﺬﺍﺏ ﺍﻟﺒﻲ ﺭﺍﺿﻲ ﺭﺍﺿﻲ ﻳﺤﺒﺞ ﻭﻣﺴﺘﻌﺪ ﻳﺘﺰﻭﺟﺞ ﻭﻳﺠﻤﻌﺞ ﻭﻳﻪ ﺑﻨﺎﺕ ﺍﺧﺘﺞ ﻭﻳﻨﻄﻴﺞ ﻣﻦ ﺍﻟﻔﺼﻞ
ﻛﺎﻧﺖ ﺭﺳﺎﻟﺘﻪ ﻣﺜﻞ ﺍﻟﺰﻟﺰﺍﻝ ... ﺟﺬﺍﺏ ﺗﺎﻓﻪ ﺍﺻﻼ ﻫﻮ ﺟﺎﻥ ﻳﺤﺮﺽ ﺻﺒﺎﺡ ﻋﻠﻴﻪ ﻭﻋﻠﺊ ﺍﺧﺘﻲ .. ﻫﺬﺍ ﺭﺍﺿﻲ ﻭﺍﺣﺪ ﻧﺬﻝ ﺍﺣﺘﻤﺎﻝ ﻋﻨﺪﻩ ﺧﻄﻪ ﻳﺮﻳﺪ ﻳﻮﺭﻃﻨﻲ ﻭﻳﻜﻠﻬﻢ ﺗﺎﺝ ﺍﺧﺬﺕ ﺍﻟﻔﺼﻞ ﺣﺘﺊ ﺑﻌﺪ ﺍﺑﺎﺫﺭ ﻣﺎ ﻳﺎﺧﺬ ﺑﺜﺎﺭﻩ ...
ﺑﺴﺮﻋﻪ ﺣﺬﻓﺘﻪ ﻭﺣﻀﺮﺗﻪ ... ﻛﻠﺐ ﻫﻮ ﻣﺘﺰﻭﺝ ﻭﻋﻨﺪﻩ ﺟﻬﺎﻝ ﻳﺮﻳﺪ ﻳﺘﺰﻭﺟﻨﻲ ﺍﻛﺒﺮ ﻣﻦ ﺍﺑﻮﻭﻳﻪ ﺍﻟﻠﻪ ﻳﺤﻔﻈﻪ ...
ﺭﺟﻌﺖ ﺍﺗﺼﻠﺖ ﺑﺨﺎﻟﻮﻭ ﺩﻭﻟﻲ ﺍﻭﻝ ﻣﺎ ﺍﺟﺎﻧﻲ ﺻﻮﻭﺗﻪ ﻛﺘﻠﻪ ..... ﺣﺒﻴﺒﻲ ﻻﺯﻡ ﺍﺟﻴﻚ ﺍﻧﻬﺰﻡ ﻣﻦ ﺍﻫﻠﻲ ﻭﺍﺟﻲ ﺗﻌﺒﺖ ﻭﺍﻟﻠﻪ ﺗﻌﺒﺖ ...
ﺍﻧﻜﻄﻊ ﺍﻟﺨﻂ ﻻﻥ ﻳﺼﺮﻑ ﻫﻮﻭﻭﺍﻳﻪ ﺍﻧﻘﻬﺮﺕ ﺣﻴﻴﻞ ﺷﻠﻮﻭﻥ ﻋﺎﻟﻢ ﻭﺻﺨﻪ ﻣﺼﺪﻛﻮ ﻣﺎﺕ ﺻﺒﻴﺢ ﻛﻞ ﺷﻮﻳﻪ ﻭﺍﺣﺪ ﻣﺘﺼﻞ ﻋﻠﻴﻪ ... ﻻﺯﻡ ﺍﻃﻠﻊ ﻭﺍﻧﻬﺰﻡ ﻭﻻ ﺍﺿﻞ ﻭﻳﻪ ﻫﻞ ﺣﻴﻮﺍﻧﺎﺕ ...
.....
ﻣﻴﺲ ﺻﻌﺪﺕ ﻣﺮﻩ ﺛﺎﻧﻴﻪ ﻟﻐﺮﻓﺔ ﺗﺎﺝ ﺟﺒﺖ ﺑﻨﺖ ﺍﺧﺘﻲ ﺩﺍ ﺍﺭﻳﺪ ﺗﻨﻄﻴﻬﺎ ﻋﻼﺟﻬﺎ ...
ﺷﻔﺖ ﻋﻤﻮ ﻣﻌﺘﺼﻢ ﺟﺎﻥ ﻭﺍﻛﻒ ﻣﻘﺎﺑﻴﻞ ﺑﺎﺏ ﻏﺮﻓﺔ ﺗﺎﺝ ﻭﻛﺄﻥ ... ﺟﺎﻥ ﻳﺘﻨﺼﺖ ﻋﻠﻴﻬﺎ ... ﺧﻔﺖ ﺣﻴﻴﻴﻞ
ﺭﺟﻊ ﺑﺎﻭﻋﻠﻲ ﻭﺍﺧﺬ ﺍﻟﻄﻔﻠﻪ ﻣﻦ ﺍﻳﺪﻱ ﺑﺎﺳﻬﺎ ﻛﺎﻝ .. ﺍﺣﺠﻲ ﻭﻳﻪ ﺍﺧﺘﺞ ﻻ ﺗﺘﻔﺮﻋﻦ ﻻ ﻗﺴﻤﺎ ﺑﺬﺍﺕ ﻟﻠﻪ ﺍﺭﺑﻴﻬﺎ ﻣﻦ ﺟﺪﻳﺪ ﻫﻮﻭﺍﻳﻪ ﺗﺠﺎﻭﺯﺕ ﻭﺗﻤﺮﺩﺕ ﺧﻠﻴﻬﺎ ﺗﺴﺘﻘﺮ ﻻ ﺍﻃﻴﺢ ﺣﻀﻬﺎ ...
ﻛﺘﻠﻪ ﺑﺨﻮﻑ ... ﻟﻴﺶ ﻋﻤﻮ ﺷﻨﻮ ﺍﻟﺼﺎﺭ
ﻫﻮ ﻋﺎﻓﻨﻲ ﻭﻧﺰﻝ ﺟﻮﻭﻩ .. ﺧﻔﺖ ﺣﻴﻞ ﺩﺧﻠﺖ ﻟﻜﻴﺘﻬﺎ ﺗﻄﻠﻊ ﺑﻤﻼﺑﺴﻬﺎ ﺗﺮﻳﺪ ﺗﺴﺒﺢ
ﺍﺧﺬﺕ ﻋﻼﺝ ﺯﻫﻮﺭﻩ ﻭﺧﻠﻴﺖ ﻭﻃﻠﻌﺖ ﺑﺲ ﻣﻌﺮﻓﺖ ﺷﻨﻮ ﺍﻟﺼﺎﻳﺮ ...
ﺷﺮﺑﺖ ﺯﻫﻮﺭﻩ ﻋﻼﺟﻬﺎ ﻭ ﻃﻠﻌﺖ ﺷﻔﺖ ﻋﻤﻮ ﺩﺧﻞ ﺍﻟﻐﺮﻓﺘﻪ ...
ﻧﺰﻟﺖ ﺟﻮﻩ ﺩﺍ ﺍﺣﺠﻲ ﻭﻳﻪ ﻣﺎﻣﺎ ﻋﻠﺊ ﺗﺎﺝ ...بيج قصص عراقيه حقيقيه من واقعنا.روعه الطائي
ﺍﺟﺖ ﺯﻧﻮﺑﻪ ﺑﻨﺖ ﻫﺒﻪ ﺍﻟﻜﺒﻴﺮﻩ ﻛﺎﻟﺖ ﺑﻄﻔﻮﻟﻪ ... ﻣﻴﺖ ﻭﺍﺣﺪ ﺗﻨﻪ ﻣﺘﻮﺭ ﻭﺍﺩﻑ ﺑﺎﻟﺒﺎﺏ ﻳﻠﻴﺪ ﻋﻤﻮ
ﻓﻬﻤﺘﻬﺎ ﺩﻛﻮﻝ ... ﻣﻴﺲ ﻭﺍﺣﺪ ﺳﻨﻪ ﻣﻜﺴﻮﺭ ﻳﺮﻳﺪ ﻋﻤﻮ
ﻃﻠﻌﺖ ﻓﺘﺤﺖ ﺍﻟﺒﺎﺏ ﺷﻔﺘﻪ ﺷﺎﺏ ﺍﻋﺘﻴﺎﺩﻱ ﺿﻌﻴﻒ ﻣﺒﻴﻦ ﻣﻠﻌﺐ ﻣﻜﺘﻮﺏ ﻋﻠﺊ ﻭﺟﻪ ﺍﻻ ﻳﺮﺯﻗﻮﻥ
ﺍﻭﻝ ﻣﺸﺎﻓﻨﻲ ﺿﻞ ﺻﺎﻓﻦ ﺑﻮﺟﻬﻲ ﺍﻧﻲ ﺑﺴﺮﻋﻪ ﺳﺪﻳﺖ ﺍﻟﺒﺎﺏ
ﻛﺘﻠﻪ .. ﺷﺘﺮﻳﺪ
ﺭﺩ ﺑﺼﻮﺕ ﺍﻗﺮﺏ ﻟﻠﻨﻌﺎﺱ ... ﺍﺭﻳﺪ ﺭﻭﺣﻲ ﺍﻟﻀﻴﻌﺘﻬﺎ
ﺍﺳﺘﻐﺮﺑﺖ ﻛﺘﻠﻪ ... ﺍﺣﺠﻲ ﺗﺮﻳﺪ ﻋﻤﻮ ﻣﻌﺘﺼﻢ
ﻛﺎﻝ .. ﺍﻱ ﻭﺍﻟﻠﻪ ﺍﺫﺍ ﻣﻮﺟﻮﺩ ...
ﺩﺍ ﺍﺩﺧﻞ ﺳﻤﻌﺘﻪ ﻳﻜﻞ ﻟﺼﺪﻳﻘﻪ ﺣﺒﻴﺘﻬﺎ ...
ﺻﺪﻳﻘﻪ ﻛﻠﻪ ﺟﺎﺍﺍ ﻭﻗﺪﺭ
ﺭﺩ ... ﻫﻢ ﺍﺣﺒﻪ
... ﻭﺍﻡ ﻋﺒﺪﺍﻟﻠﻪ
ﺿﺤﻚ ... ﻛﻠﻬﻦ ﺍﺣﺒﻬﻦ ﻣﺎ ﺍﻓﺮﻕ
ﺿﺤﻜﺖ ﻭﺩﺧﻠﺖ ﺟﻮﻩ ﺻﻌﺪﺕ ﺍﻟﻌﻤﻪ ﻛﺘﻠﻪ ﻭﻟﺪ ﺳﻨﻪ ﻣﻜﺴﻮﺭ ﻳﺮﻳﺪ ﻫﻮ ﺑﺴﺮﻋﻪ ﻛﻤﺰ ﻣﻦ ﻣﻜﺎﻧﻪ ﻭﺭﺍﺡ ﻳﺮﻛﺾ ﻧﺰﻝ ﺟﻮﻭﻩ ....
.........
ﻣﺮ ﻳﻮﻣﻴﻦ ﻋﻠﺊ ﺣﺎﻟﻨﻪ ...
ﻭﺍﻧﻲ ﻗﺮﺭﺕ ﺍﻓﺎﺗﺢ ﺍﻫﻠﻲ ﺑﻤﻮﺿﻮﻉ ﺳﻔﺮﻱ ....
ﺟﺎﻧﻮﻭ ﻛﻠﻬﻢ ﻛﺎﻋﺪﻳﻦ ... ﺍﻧﺘﺒﻬﺖ ﻋﻠﺊ ﻋﻤﻮ ﻣﻌﺘﺼﻢ ﻳﺨﺎﺑﺮ ﺑﺎﻟﻤﻮﺑﺎﻳﻞ ﻭﻛﻞ ﺷﻮﻳﻪ ﻭﻛﻠﻪ ﺷﻮﻭﻛﺖ ﺗﺠﻲ ﻣﻨﺘﻈﺮﻳﻚ ...
ﻋﺮﻓﺘﻪ ﺩﻳﺨﺎﺑﺮ ﺍﺑﺎﺫﺭ
ﺑﻌﺪﻳﻦ ﻛﻠﻪ ... ﻣﺜﻞ ﻣﺎ ﺍﺗﻔﻘﻨﻪ ﺍﻛﻴﺪ ﺍﻧﻲ ﺑﺼﻔﻚ
ﺗﻔﺎﺟﺌﺖ ﺷﻨﻮ ﺍﻟﺪﻳﺼﻴﺮ
ﻣﻦ ﺧﻠﺺ ﻣﻜﺎﻟﻤﺘﻪ ﻛﺘﻠﻬﻢ ... ﺍﺣﻢ ﺩﺍ ﺍﺭﻳﺪ ﺍﻓﺘﺢ ﻭﻳﺎﻛﻢ ﻣﻮﺿﻮﻉ ﺍﻧﻲ ﻗﺮﺭﺕ ﺍﺳﺎﻓﺮ ﻟﺨﺎﻟﻮﻭﻭ
ﻣﺎﻣﺎ ﺑﺎﻭﻋﺘﻠﻲ ﻛﺎﻟﺖ ... ﺷﻨﻮﻭ ﻟﻌﺪ ﻭﺑﻨﺎﺕ ﻫﺒﻪ ﺷﻮ ﺍﻧﺘﻲ ﺗﻠﻌﺒﻴﻦ ﻭﻳﻨﺞ ﻭﻳﻦ ﺍﻣﺮﻳﻜﺎ ﻟﺞ ﻫﻮ ﺧﺎﻟﺞ ﻟﺤﺪ ﺍﻻﻥ ﻳﻌﺎﻧﻲ ﻣﻦ ﺍﻟﻐﺮﺑﻪ ﻭﺭﺍﺣﺖ ﺣﻴﺎﺗﻪ ﺑﺎﻟﻐﺮﺑﻪ ﺍﻧﺘﻲ ﻭﻳﻦ ﺗﺮﺩﻳﻦ ﺗﻮﻟﻴﻦ
ﺿﺠﺖ ﻣﻦ ﻛﻼﻡ ﻣﺎﻣﺎ ﺣﻴﻞ ﺍﺑﺪ ﻣﺎ ﻋﻨﺪﻫﺎ ﺍﺳﻠﻮﺏ ﻭﻳﺎﻳﻪ
ﻭﺑﺎﺑﺎ ﺍﻳﺪﻫﺎ ﻛﺎﻝ ... ﺍﻱ ﺻﺪﻙ ﺍﻧﺘﻲ ﺗﻠﻌﺒﻴﻦ ﺷﻴﻠﻲ ﺍﻟﻔﻜﺮﻩ ﻣﻦ ﺑﺎﻟﺞ ﻭﻻ ﺗﻔﻜﺮﻳﻦ ﺑﻬﻴﺞ ﻣﻮﺿﻮﻉ ...
ﻛﺘﻠﻪ ... ﺑﺲ ﺍﻧﻲ ﻫﺬﺍ ﻃﻤﻮﺣﻲ
ﻋﻤﻮ ﻣﻌﺘﺼﻢ ﻛﺎﻝ ... ﻭﺑﻨﺎﺕ ﺍﺧﺘﺞ
ﻛﺘﻠﻪ ... ﻋﻤﻮﻭ ﺍﺳﺤﺒﻬﻦ ﺑﻌﺪﻳﻦ ﻭﺍﻥ ﺷﺎﺀ ﻟﻠﻪ ﺍﻋﺎﻟﺞ ﺯﻫﻮﺭﻩ
ﻛﺎﻝ ﺑﻌﺼﺒﻴﻪ ... ﻣﻦ ﻛﻞ ﻋﻘﻠﺞ ﺗﺎﺧﺬﻳﻦ ﺍﻟﺒﻨﺎﺕ ﻭﻳﺎﺝ
ﻛﺘﻠﻪ ... ﻳﺎﺑﻪ ﻣﺎﺍﺧﺬﻫﻦ ﺧﻠﻮﻫﻦ ﺍﻟﻜﻢ ﻋﻮﻭﺩ ﻋﺎﻣﻠﻮﻫﻦ ﻣﺜﻞ ﺍﻣﻬﻦ ...
ﺧﻠﻴﺖ ﻭﻃﻠﻌﺖ ﺍﺧﺬﺕ ﺑﻨﺎﺕ ﺍﺧﺘﻲ ... ﺷﻔﺖ ﺍﻟﺒﺎﺏ ﺍﻧﺪﻙ ﺍﻫﻮﻭﻭ ﺍﺟﻪ ﺷﻴﺮﻳﺪ ﺑﺎﻟﻠﻪ ﻫﺬﺍﺍﺍ ....
ﺭﺍﺣﺖ ﻣﻴﺲ ﻓﺘﺤﺖ ﺍﻟﺒﺎﺏ ﻭﻫﻮ ﺩﺧﻞ ...
ﺍﻧﻲ ﺻﻌﺪﺕ ﻓﻮﻭﻙ ﻟﻔﻴﺖ ﺭﺍﺳﻲ ﻭﻧﻤﺖ ﻭﺣﻀﻨﺖ ﺍﻟﺒﻨﺎﺕ ...
ﻣﺮﺓ ﺗﻘﺮﻳﺒﺎ ﻋﺸﺮ ﺩﻗﺎﻳﻖ ﻭﺍﺟﺖ ﻣﻴﺲ ﻛﺎﻟﺖ ... ﺍﻛﻌﺪﻱ ﺗﺎﺝ ﺍﺑﺎﺫﺭ ﻭﺑﺎﺑﺎ ﻭﻋﻤﻮ ﻳﺮﺩﻭﺝ
ﻛﻠﺘﻠﻬﺎ ﺑﺨﻮﻑ ... ﺷﻴﺮﺩﻭﻥ
ﻛﺎﻟﺖ ... ﻣﺎﺍﻋﺮﻑ
ﻧﺰﻟﺖ ﺑﺴﺮﻋﻪ ﻭﻣﻴﺲ ﺍﺧﺬﺕ ﺍﻟﺒﻨﺎﺕ
ﺭﺟﻌﺖ ﻛﻠﺘﻠﻬﺎ ﺑﺼﺪﻣﻪ ... ﺷﻜﻮﻭ ﻣﺎﺧﺬﻩ ﺍﻟﺒﻨﺎﺕ
ﻛﺎﻟﺖ ... ﻋﻤﻬﻦ ﻳﺮﻳﺪﻫﻦ ﻳﺮﻳﺪ ﻳﺸﻮﻓﻬﻦ
ﻋﺼﺮﺕ ﺍﻳﺪﻱ ﺣﻴﻴﻴﻞ ... ﺧﺮﺭﺏ ﻫﺬﺍ ﺷﺮﻳﺪ ﻣﻨﻲ ...
ﻧﺰﻟﺖ ﻭﻣﻴﺲ ﻭﻳﺎﻳﻪ ﻫﻮ ﺍﺧﺬ ﺯﻫﻮﺭﻩ ﻳﺒﻮﺱ ﺑﻴﻬﺎ ﺑﺲ ﺯﻳﻨﺐ ﺧﺎﻓﺖ ﻣﻨﻪ ﻭﺍﺳﺘﻐﺮﺑﺖ ﻭﺧﺘﻠﺖ ﻭﺭﺍﻳﻪ ...
ﻫﻮ ﺿﺤﻚ ﻛﻠﻬﺎ ... ﻫﻬﻪ ﻋﻤﻮ ﺣﺒﻴﺒﺘﻲ ﻻ ﺗﺨﺎﻓﻴﻦ ﺗﻌﺎﻟﻲ
ﻫﻲ ﻟﺰﻣﺘﻨﻲ ﺣﻴﻴﻞ ﻭﺗﺒﺎﻭﻋﻠﻪ ﺑﺨﻮﻭﻑ ﻭﺍﻧﻲ ﺣﻀﻨﺘﻬﺎ ﻣﺨﻠﻴﺘﻬﺎ ﺗﺮﻭﺡ ﺍﻟﻪ ....
ﻛﻌﺪﻧﻪ ﻭﺍﻟﻄﻔﻠﻪ ﻟﺴﻪ ﺑﺤﻀﻨﻪ ...
ﻛﻨﺖ ﻻﺑﺴﻪ ﺗﺮﺍﻙ ﻣﺎﺭﻭﻧﻲ ﻭﺑﻲ ﺍﺳﻮﺩ ﻭﻻﺑﺴﻪ ﺣﺠﺎﺏ ﺍﺳﻮﺩ ...
ﻭﻫﻮ ﻻﺑﺲ ﺍﺳﻮﺩ ﻗﻤﻴﺺ ﻭﻧﺒﻄﻠﻮﻥ ...
ﻛﺘﻠﻪ ... ﺧﻴﻴﻴﺮ ﺭﺍﻳﺪﻧﻲ
ﻛﺎﻝ ... ﺍﻱ ﺍﺭﻳﺪ ﺍﺧﺬ ﺑﻨﺎﺕ ﺍﺧﻮﻭﻭﻭﻳﻪ
ﻭﻛﻔﺖ ﺑﻌﺼﺒﻴﻪ ﻣﺼﺪﻭﻣﻪ ﻣﻦ ﻛﻼﻣﻪ ﻛﺘﻠﻪ ... ﻻ ﻳﻤﻜﻦ ﺍﺳﻤﺢ ﺑﻮﺍﺣﺪ ﻳﺎﺧﺬﻫﻦ
ﻛﺎﻝ ... ﻭﺍﻟﻠﻪ ﺍﻟﺒﻨﺎﺕ ﺑﻨﺎﺗﻲ ﻭﺍﻧﻲ ﻣﺴﺆﺅﻝ ﻋﻨﻬﻦ ﻭﺑﻴﺖ ﺍﺑﻮﻫﻦ ﻣﻮﺟﻮﺩ ﻣﺎﻛﻮ ﺩﺍﻋﻲ ﻳﻀﻠﻦ ﻫﻨﺎ ...
ﺟﺎﻭﺑﺘﻪ ... ﻣﺤﺪ ﻳﺪﺍﺭﻳﻬﻦ ..
ﺑﺎﺱ ﺍﻟﻄﻔﻠﻪ ﺣﻴﻴﻞ ﻛﺎﻝ ... ﺍﺧﺘﻲ ﺍﺟﺖ ﺗﺪﺍﺭﻳﻬﻦ ﻭﺍﻧﻲ ﺍﺭﻳﺪﻫﻦ ﺗﺤﺖ ﻋﻴﻨﻲ ﻭﺍﺭﻳﺪ ﺍﺭﺍﺟﻊ ﺑﺰﻫﺮﺍﺀ ...
ﻛﺎﻝ .. ﻭﺗﻜﺪﺭﻳﻦ ﺗﻜﻮﻧﻴﻦ ﻣﺮﺑﻴﻪ ﺍﻟﻬﻦ ﺍﺑﻴﺘﻲ
ﺍﺳﺘﻐﺮﺑﺖ ﻛﺘﻠﻪ ... ﺷﻠﻮﻭﻭﻭﻥ
ﺑﺎﺍﺍﻭﻉ ﺍﻟﻤﻌﺘﺼﻢ ﻛﺎﻥ ﻳﻄﻠﺐ ﻣﻨﻪ ﺍﻟﻤﺴﺎﻋﺪﻩ
ﻋﻤﻮ ﻛﺎﻝ ... ﻧﺠﻤﻌﻜﻢ ﺳﻮﻭﻭﻭﻭﻩ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻣﻦ ﻛﻼﻣﻪ ﺻﺮﺭﺧﺖ ﺑﻮﺟﻪ ... ﻣﺴﺘﺤﻴﻴﻴﻞ ﻻ ﻳﻤﻜﻦ ﺍﻗﺒﻞ ﺍﺗﺰﻭﺝ ﺍﻱ ﻭﺍﺣﺪ ﻣﻦ ﻫﺬﻱ ﺍﻟﻌﺎﺋﻠﻪ ﻛﻠﻬﻢ ﻣﺠﺮﻣﻴﻴﻦ ﻭﻗﺘﻠﻪ ...
ﻫﻮ ﺑﺎﻭﻋﻠﻲ ﻭﺭﻓﻊ ﺣﺎﺟﺐ ﻛﺎﻝ ... ﺗﺮﺉ ﻟﻮ ﻣﺎ ﺑﻨﺎﺕ ﺍﺧﻮﻭﻳﻪ ﻣﺎ ﺍﺭﺗﺒﻂ ﺑﻴﺞ ﺑﺲ ﺍﻟﺨﺎﻃﺮ ﺍﻟﺒﻨﺎﺕ ﻻ ﺍﻛﺜﺮ ﻭﻻ ﺍﻗﻞ ﻭﺍﻟﻠﻪ ﺷﺎﻫﺪ ﻋﻠﺊ ﻛﻼﻣﻲ ...
ﺍﺳﺘﻔﺰﺍﻧﻲ ﺍﻛﺜﺮ ﺗﻜﻠﻤﺖ ﺑﻌﺼﺒﻴﺔ ... ﻟﻴﻜﻮﻥ ﺧﺪﺍﻣﺔ ﺍﻟﺨﻠﻔﻮﻭﻙ ﻭﺍﻧﻲ ﻣﺎﺍﺩﺭﻱ ...
ﻋﻤﻮ ﻣﻌﺘﺼﻢ ﺗﺨﺒﻞ ﻭﻫﻮ ﻭﻛﻒ ﺑﻌﺼﺒﻴﺔ ﺍﻧﻄﻪ ﻻﻣﻲ ﺯﻫﻮﺭﻩ ﻭﻛﺎﻝ ﺳﻮﻳﻠﻲ ﻃﺮﻳﻖ ...
ﻋﻤﻮﻭ ﻟﺰﻣﻨﻲ ﻣﻦ ﺍﻳﺪﻱ ﻭﻃﻠﻌﻨﻲ ﻛﺎﻝ ... ﺷﻜﺪ ﻭﻛﺤﻪ ﻭﻋﺮﻣﻪ ﺍﻟﻠﻪ ﻳﻨﺘﻘﻢ ﻣﻨﺞ ﻓﺸﻠﺘﻴﻨﻪ ...
ﺷﻔﺖ ﺍﺑﺎﺫﺭ ﻃﻠﻊ ﻛﺘﻠﻪ ... ﻣﺎ ﺍﺗﺰﻭﺟﻚ ﻭﻻ ﺗﻔﺮﺡ ﺣﻠﻢ ﺍﺑﻠﻴﺲ ﺑﺎﻟﺠﻨﻪ
ﻫﻮ ﺭﺟﻊ ﻋﻠﻴﻪ ﻭﺭﺍﺳﻢ ﺍﺑﺘﺴﺎﻣﻪ ﺳﺎﺧﺮﻩ ﻋﻠﺊ ﺷﻔﺎﻳﻔﻪ ﺗﻘﺮﺏ ﻣﻨﻲ ﻭﺍﻧﻲ ﺑﻴﺪ ﻋﻤﻮ ﻛﺎﻝ ... ﻭﺍﻟﻠﻪ ﻳﺎ ﺗﺎﺝ ﺍﻟﻪ ﺍﻧﺪﻣﺞ ﻣﺪﺍﻡ ﻓﺸﻠﺘﻴﻨﻲ ﻛﺪﺍﻡ ﺍﻟﻜﻞ ..
ﻛﺘﻠﻪ .. ﻻ ﻭﺍﻟﻠﻪ ﺯﻟﻢ ﺍﺧﺮ ﻭﻛﺖ ﺗﻬﺪﺩﻧﻲ ﺍﺑﻴﺖ ﺍﻫﻠﻲ ﺭﻭﺡ ﺷﺴﻮﻱ ﺳﻮﻱ ﻭﺍﻋﻠﺊ ﻣﺎ ﺑﺨﻴﻠﻚ ﺍﺭﻛﺒﻪ ...
ﻫﻮ ﺭﺟﻊ ﺷﺎﻝ ﺯﻫﺮﺍﺀ ﻭﺳﺤﺐ ﺯﻳﻨﺐ ﺣﻴﻴﻞ ﺯﻧﻮﺑﻪ ﺿﻠﺖ ﺗﺼﺮﺥ ﻭﺗﺒﺠﻲ ﻣﺘﺮﻳﺪﻩ ...
ﻭﻣﺎﻣﺎ ﺿﻠﺖ ﺗﺘﻮﺳﻞ ﺑﻲ ﻳﻌﻮﻓﻬﻦ ﺑﺲ ﻫﻮ ﻋﺎﻧﺪ ﺑﻌﻨﺎﺩﻱ ..
ﺭﻛﻀﺖ ﻭﺭﺍﻩ ﻟﺰﻣﺘﻪ ﻛﺘﻠﻪ ﻋﻮﻭﻓﻬﻦ ﺑﺲ ﻋﻤﻮ ﻗﻴﺪ ﻣﻘﺎﻭﻣﺘﻲ ...
ﻭﻫﻮ ﺧﻼﻫﻦ ﺑﺎﻟﺴﻴﺎﺭﺓ ﻭﻃﺎﺭ ﺑﻴﻬﻦ ﺭﻏﻢ ﺻﺮﺍﺥ ﺯﻧﻮﺑﻪ ﺍﻟﻤﻔﺠﻊ ...
ﺣﺴﻴﺖ ﻛﻠﺒﻲ ﺻﺎﺭ ﻧﺎﺭ ﺣﻠﻔﺖ ﺍﻧﺪﻣﻪ ﻭﺍﻟﻠﻪ ﺍﻟﺘﺎﻓﻪ ﺍﻟﺤﻘﻴﺮ ﺍﻟﻜﻠﺐ ...
ﺿﻠﻴﺖ ﺍﻓﻮﻭﻭﺭ ﻣﻦ ﺍﻟﻘﻬﺮ ﺷﻠﻮﻥ ﺍﺧﺬ ﺍﻟﺒﻨﺎﺕ ﻭﺩﻣﻮﻋﻲ ﺗﺠﺮﻱ ﺣﻴﻴﻞ ﻗﻬﺮﻧﻲ ﻭﺍﺳﺘﻐﻞ ﻧﻘﻄﺔ ﺿﻌﻔﻲ ﻟﺼﺎﻟﺤﻪ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ .. ﺍﺣﺒﻨﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘...
ﻻ ﺗﻨﺴﻮ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ... ﺑﻜﻢ ﻧﻜﺘﻤﻞ ...
ﻭﻏﻠﺴﻮ ﻋﻠﺊ ﺍﻟﺴﺤﻜﺎﺕ ﺍﻟﻴﻮﻡ ﺧﻤﻴﺲ ﻭﺍﻻﻣﻪ ﻣﺸﺘﻌﻠﻪ ﺧﻄﺎﺭ ﻭﺭﻩ ﺧﻄﺎﺭ



فيتامين سي غير متواجد حالياً   رد مع اقتباس