#ﺑﻨﺖ_ﺍﻟﻤﺆﻣﻦ
ﺷﻴﺦ ﺍﻟﺸﺒﺎﺏ ²
ﻣﻦ ﻛﺘﺎﺑﺎﺕ ﺯﻫﺮﺍﺀ ﺍﻟﻌﺮﺍﻗﻴﺔ
#بارت١١
ﻟﺤﺪ ﺗﻐﻠﻂ ﻋﻠﻰ ﺍﻱ ﻃﺮﻑ ﻣﻦ ﺍﻃﺮﺍﻑ ﺍﻟﻘﺼﺔ ﺍﺣﺘﺮﺍﻣﺎ ﻟﻄﻠﺐ ﺯﻳﻨﺐ
ﻭﻣﺎ ﺑﻴﻦ ﻓﺼﻞ ﺍﻟﺨﺮﻳﻒ، ﻭﻓﺼﻞ ﺍﻟﺸّﺘﺎﺀْ ﻫﻨﺎﻟﻚَ ﻓَﺼْﻞُ ﺃُﺳَﻤِّﻴﻪِ ﻓﺼﻞَ ﺍﻟﺒﻜﺎﺀْ ﺗﻜﻮﻥ ﺑﻪ ﺍﻟﻨّﻔﺲُ ﺃﻗﺮﺏَ ﻣﻦ ﺃﻱِّ ﻭﻗﺖٍ ﻣﻀﻰ ﻟﻠﺴّﻤﺎﺀْ
- ﻧﺰﺍﺭ ﻗﺒﺎﻧﻲ
ﺩﺧﻠﺖ ﺑﻐﻀﺐ ﻭﺣﺮﺍﺭﺓ ﺑﻮﺟﻬﻲ ﺑﺎﻟﺤﺴﺮﺍﺕ ﺍﻻ ﻛﺪﺭﺕ ﺃﻛﻈﻢ ﻏﻴﻀﻲ ﻭﻣﺎ ﺍﺩﺧﻞ ﺍﺻﺮﺥ ﺑﻴﻬﻢ ﻭﺍﺳﻮﻱ ﺍﻟﻲ ﺳﻮﻳﺘﻪ ﺑﺎﻟﺴﺎﺑﻖ ،
ﻟﻔﻴﺖ ﺍﻟﺤﺠﺎﺏ ﻭ ﺍﻟﻌﺒﺎﻳﺔ ﻭﺩﺧﻠﺖ ﻟﻠﻤﻄﺒﺦ ﺷﻔﺖ ﺷﻬﺪ ﺩﺗﺼﺐ ﺟﺎﻱ ﺍﺳﺘﻐﺮﺑﺖ ﻟﺒﺴﻲ ﻟﻌﺒﺎﻳﺘﻲ
- ﻭﻳﻦ ﻃﺎﻟﻌﻪ ؟
- ﻟﺒﻴﺖ ﺍﺧﻮﺝ ﺍﺷﻮﻑ ﻣﺮﺕ ﺍﺧﻮﺝ ﻟﻴﺶ ﺟﺎﻳﺔ ﻻﺧﺘﻲ
- ﺷﻨﻮ ﺍﻭﻛﻔﻲ
ﺯﻳﻨﺐ ﻣﺎ ﻓﻬﻤﺖ
ﻭﺻﻠﺖ ﻭﻳﺎﻱ ﻟﻠﺤﺪﻳﻘﺔ
ﻗﺒﻞ ﻻ ﺍﻃﻠﻊ ﺟﺎﻭﺑﺖ
- ﻳﺎﺳﻤﻴﻦ
ﺩﻛﻴﺖ ﺑﺎﺏ ﺑﻴﺘﻬﻢ ﺑﺴﺘﻌﺠﺎﻝ ﻭ ﺑﺒﺎﻝ ﻣﺸﺘﺖ ﺑﺎﻻﻓﻜﺎﺭ ..
ﻓﺘﺤﺖ ﺍﻟﺒﺎﺏ ﺍﻟﻲ ﺭﻗﻴﺔ ﺑﺖ ﻛﻮﺛﺮ
ﺿﺤﻜﺖ ﺑﻮﺟﻬﻲ ﺍﻟﻄﻔﻠﺔ
- ﺧﺎﻟﺞ ﺍﻫﻨﺎ
- ﻻ
- ﻣﻨﻮ ﺍﻫﻨﺎ
- ﻣﺤﺪ
- ﻳﻮﻭﻭﻩ ﺍﻗﺼﺪ ﺍﻛﻮ ﺭﺟﺎﻝ
- ﻫﻮ ﻣﺤﺪ
- ﻫﺎ ﺭﻗﻴﺔ ﻭﻳﻦ
ﻛﻮﺛﺮ - ﺷﻨﻮ ﻳﻤﺔ ﻣﻨﻮ ﺑﺎﻟﺒﺎﺏ
ﺯﺍﺣﺖ ﺑﺘﻬﺎ ﻋﻦ ﺍﻟﺒﺎﺏ ﻭ ﺭﺣﺒﺖ ﺑﻴﻪ ﺍﺩﺧﻞ
ﺩﺧﻠﺖ
- ﺍﻟﺴﻼﻡ ﻋﻠﻴﻜﻢ ﺍﺷﻠﻮﻧﺞ ﺍﻡ ﺭﻗﻴﺔ
- ﻭﻋﻠﻴﻜﻢ ﺍﻟﺴﻼﻡ ﻳﺎ ﺍﻫﻼ ﻭﺳﻬﻼ ﺍﺗﻔﻀﻠﻲ ﻟﻴﺶ ﻭﻛﻔﺘﻲ ..
ﺩﺧﻠﺖ ﻭﻳﻪ ﻛﻮﺛﺮ ﻟﻠﻬﻮﻝ ﺷﻔﺖ ﻣﺮﺓ ﻛﺒﻴﺮﺓ ﻭﻣﺮﺓ ﺷﺎﺑﻪ ﺍﻋﺮﻓﻬﺎ ﻳﺎﺳﻤﻴﻦ ﻭﺑﺘﻬﺎ ﺑﺤﻀﻨﻬﺎ ﺑﻌﺒﻴﻬﻢ ﻛﺨﻄﺎﺭ
ﻭﻛﻔﻦ ﻣﻦ ﺩﺧﻠﺖ
- ﺍﻟﺴﻼﻡ ﻋﻠﻴﻜﻢ ...
ﻣﺎ ﺍﺗﻘﺮﺑﺖ ﺍﻟﻬﻦ ﻣﺠﺮﺩ ﺟﻤﻠﺔ ﺍﻟﺴﻼﻡ ﻛﻠﺘﻬﺎ ﻭﻛﺄﻧﻬﻦ ﺭﺍﺩﻥ ﻳﺘﻘﺮﺑﻦ ﻟﻠﺴﻼﻡ ﻭﺍﻧﻲ
ﻛﻤﻠﺖ ﻣﺸﻴﺘﻲ ﻟﻐﺮﻓﺔ ﺭﻗﻴﺔ .....
ﺩﺧﻠﺖ ﻋﻠﻴﻬﺎ ﻟﻜﻴﺘﻬﺎ ﻛﺎﻋﺪﺓ ﻋﻠﻰ ﺳﺮﻳﺮﻫﺎ
- ﻟﻴﺶ ﺗﺒﺠﻴﻦ ﺳﻮﻥ ﺍﻟﺞ ﺷﻲ
- ﻛﻮﺛﺮ ﺗﻜﻮﻝ ﻻﺯﻡ ﺍﻃﻠﻊ ﺍﻟﻬﻦ ﻣﺎ ﻣﺎ ﺍﻃﻠﻊ ﺍﺧﺎﻑ ﺍﺧﺎﻑ
- ﺧﺎﺑﺮﺗﻲ ﺭﺟﻠﻲ
- ﻛﻮﺛﺮ ﻛﺎﻟﺖ ﻻ ﺍﻛﻠﻪ ﻻ ﺍﻛﻠﻪ
- ﺩﺧﺎﺑﺮﻱ ﻳﻼ
- ﻛﻮﺛﺮ ﻣﺎ ﺗﻘﺒﻞ
- ﺍﺗﺼﻠﻲ ﺭﻗﻴﺔ
ﻛﺎﻣﺖ ﺗﺒﺠﻲ ﻭﻣﻜﺒﺮﺓ ﺍﻟﻤﻮﺿﻮﻉ
ﺳﺤﺒﺖ ﺗﻠﻴﻔﻮﻧﻬﺎ ﻣﻨﻬﺎ ﻭﻃﻠﻌﺖ ﺭﻗﻢ ﻳﺎﺳﺮ ﻭﺩﻛﻴﺖ ﻋﻠﻴﻪ
ﻻﻧﻬﺎ ﻣﺎ ﺗﻘﺒﻞ ﺗﺤﺠﻲ ﺗﺨﺎﻑ ﻭﺗﺒﺠﻲ ﺧﻠﻴﺘﻪ ﻳﺴﻤﻊ ﻋﻤﺪﺍ ﺑﻮﺍﺟﻴﻬﺎ ﻭﻋﻤﺪﺍ ﻛﻠﺖ ﺍﻟﻬﺎ
- ﺍﺣﺠﻲ ﻭﻳﺔ ﺭﺟﻠﺞ ﻛﻮﻟﻲ ﺍﻟﻪ ﻻ ﺗﺒﺠﻴﻦ
- ﻓﺎﺗﺤﻪ ﻣﺎﻳﻚ .
- ﺍﻟﻮ ﺭﻗﻴﺔ ﺷﺠﺮﺍﻟﺞ
ﺭﻗﻴﺔ ؟
- ﺍﺣﺠﻲ ﻭﻳﺎﻩ ﺭﺩﻱ ﻋﻠﻴﻪ
ﺭﻗﻴﺔ - ﺍﻟﻮ ﻳﺎﺳﺮ
ﻛﺎﻣﺖ ﺗﻨﺎﺷﻎ
- ﻛﻮﻟﻲ ﺍﻟﻪ
- ﺷﺘﻜﻮﻟﻴﻦ ﺷﺼﺎﻳﺮ ﺻﻮﺗﻤﻦ ﻫﺬﺍ ﻭﻳﺎﺝ ﺍﻧﺖ ﻭﻳﻦ
- ﺑﺒﻴﺖ ﻣﻨﻮ ﺍﻧﺖ ﻳﺎﺳﺮ
ﻻ ﺗﺒﺠﻴﻦ ﻭﺍﺣﺠﻲ ﺍﺷﺒﻴﻚ ﺭﻳﺠﻲ ﻧﺸﻒ ﻫﺒﻄﺘﻴﻨﻲ ﻭﻟﺞ ﺍﺣﺠﻲ ﺷﺠﺮﺍﻟﺞ
- ﻛﻮﻟﻲ ﺍﻟﻪ ﻣﺮﺗﻚ ﺍﻟﺜﺎﻧﻴﺔ ﻳﻤﻨﺎ
- ﻳﺎﺳﻤﻴﻦ ﺑﺎﻟﻬﻮﻝ
ﻣﺎ ، ﻣﺎ ﺍﺭﻳﺪ ﺍﻃﻠﻊ ﺍﺧﺎﻑ ﺍﺧﺎﻑ ﻣﻨﻬﺎ
ﻣﺎ ﺍﺭﻳﺪ ﺍﺷﻮﻑ ﻣﺮﺗﻚ ﻣﺎ ﻣﺎ ﺣﺒﺎﺏ ﻛﻞ ﻟﻜﻮﺛﺮ ﻻ ﺗﺰﻋﻞ ﻋﻠﻴﻪ ﻋﻠﻴﻪ
- ﺍﻧﻌﻞ ﺍﻟﺴﺎﻋﺔ ﺍﻟﻲ ﺍﺟﻴﺖ ﺑﻴﻬﺎ
ﺧﺎﻓﺖ ﻭﻇﻠﺖ ﺗﺒﺠﻲ
- ﻻ ﺗﺒﺠﻴﻦ ﻣﻮ ﺍﻋﻠﻴﺞ ﺭﻗﻴﺘﻲ ﻻ ﺗﺨﺎﻓﻴﻦ
ﺍﺳﻜﺘﻲ
- ﻣﺎ ﻣﺎ ﻣﺎ ﺍﺭﻳﺪ ﺍﺷﻮﻓﻬﺎ ﺣﺒﺎﺏ ﺧﻠﻴﻬﺎ ﺗﺮﺟﻊ
- ﻣﺮﺗﻲ ﺍﻟﺴﺒﺎﻋﻴﺔ ﺍﻧﺖ ﻫﺎﻱ ﺟﺎﻳﺔ ﺗﺘﻌﺮﻑ ﺍﻋﻠﻴﺞ ﺭﻭﺣﻲ ﺍﻃﻠﻌﻲ ﺍﻟﻬﺎ ﻭﻻ ﺗﺨﺎﻓﻴﻦ ﺍﻧﻪ ﻭﺭﺍﺝ ﻣﺤﺪ ﻳﻄﺨﺞ
ﺍﻟﺘﻔﺘﺖ ﺭﻗﻴﺔ ﻟﺨﻠﻒ ﻇﻬﺮﻫﺎ ﺍﺷﻮﻓﻪ ﻭﻳﻦ ﻭﺭﺍﻫﺎ !
- ﺭﻗﻴﺔ ﻭﻳﻦ
- ﻣﺎﻫﻮ ﺍﻧﺖ ﻭﺭﺍﻳﺔ ! ؟
ﺍﻧﻲ ﻻﺯﻣﺔ ﺍﻟﺘﻠﻴﻔﻮﻥ ﺍﻟﻬﺎ ﻭﻫﻲ ﺗﺤﺠﻲ ﻭﺗﻤﺴﺢ ﺑﺪﻣﻮﻋﻬﺎ ..
ﺩﺧﻠﺖ ﺷﻬﺪ ﺍﺟﺖ ﻭﺭﺍﻳﺔ
- ﺍﺷﺒﻴﻬﺎ ﺭﻗﺎﻭﻱ ..
ﻛﻌﺪﺕ ﻳﻤﻬﺎ ﺗﻤﺴﺢ ﺑﻮﺟﻬﻪ
ﺑﺲ ﻫﺪﺍﻫﺎ ﺭﺟﻠﻬﺎ ﻛﺄﻧﻬﺎ ﺑﻨﺘﻪ ﻭﺯﺍﻝ ﺭﻋﺒﻬﺎ ..
ﺷﻬﺪ - ﺻﺪﻭﻙ ﺟﺬﺏ ﺗﺒﺠﻴﻦ ﻭﺧﺎﻳﻔﺔ ﻳﻜﻠﻚ ﺍﻟﺸﺮﻃﺔ ﺟﺎﻳﺔ ﺗﻘﺒﺾ ﻋﻠﻴﺞ ﺣﺒﻴﺒﻲ
ﻛﻮﻣﻲ ﺑﺪﻟﻲ ﻭ ﺧﻞ ﺍﺣﻄﻠﺞ ﺷﻲ ﺑﻮﺟﻬﺞ ﻭﺍﻃﻠﻌﻲ ﻭﺭﺍﻓﻌﺔ ﺭﺍﺳﺞ ﻭﻻ ﻳﻬﻤﺞ ﻫﺬﺍ ﺑﻴﺘﺞ ﻭﻫﻲ ﺟﺎﻳﺔ ﺑﻴﻪ
- ﻣﻮ ﺑﻴﺘﻲ ﺍﺟﺎﺭ ﺍﺟﺎﺭ ﻫﺬﺍ
ﻋﻀﺖ ﺷﻔﺘﻬﺎ ﺷﻬﺪ ﻭﻏﻠﺴﺖ ﻋﻦ ﻣﻼﺣﻈﺔ ﺭﻗﻴﺔ
- ﺩﻛﻮﻣﻲ ﻛﻮﻣﻲ
ﺑﺎﻭﻋﺖ ﺍﻟﻲ ﺭﻗﻴﺔ ﺗﻄﻠﺐ ﺍﻟﻘﺒﻮﻝ ﻣﻨﻲ ﺗﺜﻖ ﺑﻴﺔ
ﻛﻠﺖ
- ﻛﻮﻣﻲ ﺍﻃﻠﻌﻲ ﺍﻟﻬﺎ ﺑﺲ ﻻ ﺗﺤﺠﻴﻦ ﺍﻫﻮﺍﻱ ﻭﺍﻻﻓﻀﻞ ﺑﺲ ﺳﻠﻤﻲ ﻭﺍﺷﻮﻳﺔ ﻭﻛﻮﻣﻲ
ﺷﻬﺪ - ﻫﺎﻱ ﺍﺻﻴﺮ ﻃﺮﺩﺓ
- ﺍﻱ ﺧﻞ ﺍﺻﻴﺮ ﻃﺮﺩﺓ
ﻳﻼ ﺭﻗﻴﺔ ﻛﻮﻣﻲ
ﺷﻬﺪ ﺿﺎﺟﺖ ﻭﺭﺍﺣﺖ ﻣﺎ ﻋﺠﺒﻬﺎ ﻛﻼﻣﻲ ..
ﺑﺪﻟﺖ ﺭﻗﻴﺔ ﻟﺴﻴﺖ ﺍﺳﻮﺩ ﺑﺮﻣﻮﺩﺓ ﻓﺎﻧﻴﻠﺔ ﺭﺑﻊ ﺭﺩﻥ ﻭ ﺑﻴﻪ ﺣﺮﻑ a ﺫﻫﺒﻲ ﺟﻠﺪﻱ ..
ﻭﻟﺒﺴﺘﻬﺎ ﺫﻫﺒﻬﺎ ﻭ ﺣﻄﻴﺖ ﺍﻟﻬﺎ ﺣﻤﺮﺓ ﻭﺭﺩﻱ ﻭ ﻛﺤﻠﺔ ﻧﺺ ﻋﻴﻦ ﻭ ﻓﻠﻴﺖ ﺷﻌﺮﻫﺎ ﻣﻦ ﻛﻌﻜﻪ ﻛﺒﻴﺮﺓ ﺍﻟﻰ ﻇﻔﻴﺮﺓ ﻃﻮﻳﻠﺔ ﻭﻟﺒﺴﺘﻬﺎ ﺃﺳﻮﺍﺭﺍﺕ ﺗﺨﺮﺧﺶ ﺑﻴﻬﻦ .
ﻭﺑﻌﺪﻫﺎ ﺑﻠﻮﻥ ﺍﻟﺨﻮﻑ ﻭﺍﻟﺘﻮﺗﺮ ﻣﺘﻠﻮﻧﻪ
ﻃﻠﻌﺖ ﻭﺍﻧﻲ ﺍﺑﺼﻔﻬﺎ ﺍﺗﺮﺩﺩﺕ ﺩﺧﻠﺖ ﺍﻧﻲ ﺧﻠﻴﺘﻬﺎ ﺗﺪﺧﻞ
- ﺍﻟﺴﻼﻡ ...
ﺳﻜﺘﺖ ﺍﺷﻮﻳﺔ ﺍﻻ ﻛﻤﻠﺖ - ﻋﻠﻴﻜﻢ
ﻭﻛﻌﺪﺕ ﻳﻤﻲ ﻛﺪﺍﻣﻬﻢ ﺍﻟﻤﺮﺓ ﺍﻟﻜﺒﻴﺮﺓ
ﻛﺎﻟﺖ
- ﺻﺪﻗﺔ ﻟﻠﻪ ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﻛﺎﻣﺖ ﻭﻛﺎﻟﺖ
- ﺗﻌﺎﻟﻲ ﻳﻤﺮﺕ ﺍﻟﻐﺎﻟﻲ ﺍﺣﺒﻨﺞ
ﺑﺎﻭﻋﺖ ﺍﻟﻲ ﺭﻗﻴﺔ ﻃﺎﻟﺒﺔ ﺍﺫﻥ ﺍﺷﺮﺕ ﺑﺮﺍﺳﻲ ﺑﺎﻳﺠﺎﺏ ﻭﻟﻤﺤﺖ ﺿﺮﺗﻬﺎ ﺍﺷﻠﻮﻥ ﺗﺒﺎﻭﻉ ﺍﻟﻬﺎ ﻭﺷﺒﻪ ﻓﺘﺤﻪ ﺫﻫﻮﻝ ﺑﺜﻐﺮﻫﺎ
ﺭﻓﻌﺖ ﺍﻟﻬﺎ ﺣﺎﺟﺐ ﻭﺣﻄﻴﺖ ﺍﻳﺪﻱ ﻋﻠﻰ ﺧﺪﻱ
ﺧﻠﺒﺘﻬﺎ ﺗﻨﺰﻝ ﻧﻈﺮﻫﺎ ﻋﻨﻬﺎ ﻭ ﺭﻗﻴﺔ ﺍﻟﻤﺮﺓ ﺍﻟﻜﺒﻴﺮﺓ ﺑﻮﺳﺘﻬﺎ ﻭﺑﺲ ﺍﺻﻞ ﻋﻠﻰ ﺍﻟﻨﺒﻲ
ﻇﻠﻦ ﻳﺴﻮﻟﻔﻦ ﺷﻬﺪ ﻭﻛﻮﺛﺮ ﺍﻃﺮﺍﻑ ﺣﺪﻳﺚ ﺍﺣﻨﻪ ﻣﺎ ﻟﺰﻣﻨﺎ ﺑﻴﻬﺎ ﺧﻴﻂ ﺍﻟﺴﻜﻮﺕ ﻛﺎﻥ ﺣﻠﻴﻔﻨﺎ ﺍﻧﻲ ﺑﺎﻟﻲ ﻳﻢ ﺍﻟﻲ ﺩﺍ ﻳﺤﺎﻙ ﺑﺎﻟﻬﻮﻝ ﺍﻋﺘﻘﺪ ﺑﺲ ﺍﺭﺟﻊ ﺍﻟﻜﺎﻫﻢ ﻳﺨﻄﻄﻮﻥ ﻳﻌﻘﺪﻭﻥ ﺍﻟﻲ ﻣﻮ ﺑﻌﻴﺪ ﺍﻟﻜﺎﻫﻢ ﺟﺎﻳﺒﻦ ﺷﻴﺦ ﻭﻟﻴﺶ ﺷﻴﺦ ﺑﺲ ﺍﺑﻮﻱ ﻭ ﺍﺧﻮﺍﻧﻲ ﻭﻳﻌﻘﺪﻭﻟﻲ ﻣﺘﻮﺳﻠﻴﻦ ﺑﺸﻴﺦ ﻣﺤﻤﺪ ﻭﻳﻦ ﻳﺤﺼﻠﻮﻥ ﻣﻨﻪ ﺍﻟﻲ ﻫﺬﺍ ﺗﻔﻜﻴﺮﻫﻢ ﺍﻟﻲ ﺿﻬﻐﻄﻮﻧﻲ ﺑﻲ
ﻳﺎﺳﻤﻴﻦ - ﺍﺷﻜﺪ ﻋﻤﺮﺝ ﺭﻗﻴﺔ
ﺭﻗﻴﺔ ﺑﺎﻭﻋﺖ ﺍﻟﻲ ﺍﻧﻲ ﻛﻠﺖ
ﺑﺮﺧﺎﻭﺓ
- ﻋﻤﺮﻫﺎ ٢٦ ﻭﺍﻧﺖ ﻣﺒﻴﻨﻪ ﺛﻼﺛﻴﻨﻴﺔ ﻣﻮ
- ﻻ ﺑﻌﺪﻧﻲ ﻣﻮ ﺑﻌﻤﺮﺝ
ﺍﺳﺘﻐﺮﺑﺖ ﻣﻦ ﺳﺆﺍﻟﻬﺎ
ﺷﻬﺪ - ﺯﻫﻮﺭﺓ ﻛﺒﺮﺍﻧﻪ ﺣﺒﻴﺒﺘﻲ
- ﺍﻧﻲ ﺍﺻﻐﺮ ﻣﻦ ﺭﻗﻴﺔ ﺑﺴﻨﺘﻴﻦ
ﻛﻠﺘﻬﺎ ﺑﺒﻬﻮﺕ
ﻳﺎﺳﻤﻴﻦ - ﺗﺒﻴﻨﻴﻦ ﺛﻼﺛﻴﻨﻴﺔ ﺍﻛﺒﺮ ﻣﻨﻲ ﻣﺎ ﺷﺎﺀ ﺍﻟﻠﻪ
ﺭﻗﻴﺔ - ﺯﻳﻨﺐ ﺍﺣﻠﻰ ﺍﺣﻠﻰ ﻣﻨﺞ
ﺍﻟﺘﻔﺘﺖ ﻋﻠﻰ ﺭﻗﻴﺔ ﺑﺎﻭﻋﺖ ﺍﻟﻲ ﻭﺍﺳﺘﺤﺖ ﻭﺩﻧﻜﺖ ﻛﺎﻧﻬﺎ ﺍﺫﻧﺐ ﻣﻦ ﺍﺗﻜﻠﻤﺖ ﻣﺎ ﺗﺪﺭﻱ ﺷﺒﻪ ﺍﺑﺘﺴﺎﻣﺔ ﻃﺎﻓﺖ ﺑﻴﻦ ﺷﻔﺎﻳﻔﻲ ﺣﺴﻴﺖ ﺑﻌﻮﺩﺓ ﻓﺎﻃﻤﺔ ﻭﻫﻲ ﺗﺪﺍﻓﻊ ﺑﺄﺳﻠﻮﺏ ﻓﻄﺮﻱ ﺑﺴﻴﻂ
ﻭﻫﻲ ﺣﺒﺔ ﺍﻟﺒﺮﻛﺔ ﺍﻟﻲ ﻣﺎ ﺗﺄﺫﻱ ﺍﻟﺸﻮﻙ
ﻫﻨﻪ ﻏﻴﺮﻥ ﺍﻟﺴﺎﻟﻔﺔ ﻛﻮﺛﺮ ﻭ ﺷﻬﺪ ﻭﺍﻧﻲ ﺭﻗﻴﺔ ﻧﺘﺒﺎﺩﻝ ﺍﻟﻨﻈﺮﺍﺕ ....
ﺍﻟﺤﺠﻴﺔ ﺳﻮﺍﻟﻔﻬﺎ ﺑﺴﻴﻂ
ﺑﺎﻻﺧﻴﺮ ﺻﺮﺣﺖ ﺳﺒﺐ ﺍﻟﺰﻳﺎﺭﺓ
ﺗﻌﺎﺭﻑ ﻭﻫﻨﻪ ﺍﻫﻞ ﻭﺑﻴﻨﻬﻢ ﻳﺠﻤﻊ ﺩﻡ ﺍﻻﺧﻮﺓ ﻭﻣﻮ ﻋﺪﺍﻭﺓ ﺍﻥ ﺷﺎﺀ ﺍﻟﻠﻪ
ﺩﺧﻞ ﻳﺎﺳﺮ ﻛﺎﻣﺖ ﺭﻗﻴﺔ ﺑﺨﻴﻼﺀ ﺟﺴﻤﻬﺎ ﺍﻟﻐﺾ ﻭ ﺭﺍﺣﺖ ﺍﻟﻪ ﺑﺴﺘﻌﺠﺎﻝ ...
- ﻣﺎ ﻣﺎ ﺧﺎﻳﻔﺔ ﺍﻧﻲ ﻟﻴﺶ ﺍﺟﻴﺖ ﺭﺍﺣﺖ ﺍﻟﺨﻮﻓﺔ ﺍﻟﺨﻮﻓﺔ
ﺍﺩﻳﻬﺎ ﺣﻄﺘﻬﻦ ﺟﻮﺓ ﺍﺑﻄﻪ ﻭ ﺭﺍﺳﻬﺎ ﻋﻠﻰ ﺻﺪﺭﺓ
ﺍﻧﻲ ﻣﻦ ﻳﻤﻲ ﺛﺎﺭ ﺗﺤﻔﻈﻲ ﻫﺬﺍ ﺍﻟﻤﺸﻬﺪ ﻭ ﺍﺳﺘﺤﻴﺖ ﺑﺲ ﻫﻲ ﻛﺎﻧﺖ ﺧﺎﻳﻔﺔ ﻭﺍﻟﻲ ﺳﻮﺗﻪ ﻃﺎﻟﺒﺔ ﺍﻻﻣﺎﻥ ﺍﻋﺮﻓﻬﺎ .....
ﻫﻮ ﺭﺑﺖ ﻋﻠﻰ ﻣﺘﻨﻬﺎ ﻭ ﺯﺍﺣﻬﺎ ﺑﺨﻔﺔ ﻭﻇﻞ ﺣﺎﻁ ﺍﻳﺪﻩ ﻫﻠﻰ ﻣﺘﻦ ﺭﻗﻴﺔ
ﻭﺳﻠﻢ ﺳﻼﻡ ﺑﺎﺭﺩ ﻭﺑﻴﻪ ﻧﺒﺮﺓ ﺗﺨﻮﻑ ﺷﻮ ﻧﻈﺮﺍﺗﻪ ﻟﻤﺮﺗﻪ ﻣﺮﻳﺒﺔ ﻛﺄﻧﻬﺎ ﺗﻨﺬﺭﻫﺎ ﺑﺸﻲ
ﻭ ﻫﻲ ﻫﻢ ﺣﺴﻴﺖ ﺑﺮﺗﻌﺎﺷﺔ ﺫﻗﻨﻬﺎ ﻭ ﺍﻋﻴﻮﻧﻬﺎ ﺫﺑﻠﺖ
ﺍﻟﺤﺠﻴﺔ ﺍﻟﻲ ﻭﻳﺎﻫﺎ ﻛﺎﻟﺖ
- ﺍﻧﻲ ﺍﻟﻲ ﺟﺒﺘﻬﺎ ﻫﺬﺍ ﺭﺍﻳﻲ
- ﺑﻌﺪﻳﻦ ﻧﺤﺠﻲ ﺗﻌﺎﻟﻲ ﺭﻗﺎﻭﻱ
ﺍﻧﻲ ﻣﺎﻱ ﺑﺎﺭﺩ ﻭﻧﺰﻝ ﻋﻠﻰ ﺭﻳﻜﻲ ﻣﻦ ﺩﻟﻌﻬﺎ ﻛﺪﺍﻣﻬﺎ ﻛﺄﻧﻪ ﻫﻮ ﺍﻟﺜﺎﻧﻲ ﺿﺎﻳﺞ ﻣﻦ ﺟﻴﺘﻬﺎ ..
- ﻫﺎ ﻫﺎﻱ ﺯﻳﻨﺐ ﻳﻤﻨﺎ
ﺗﻮﻩ ﺍﻧﺘﺒﻪ ﺍﻟﻲ ﻟﻮﺟﻮﺩﻱ
- ﺍﺷﻠﻮﻧﺞ ﺧﻮﻳﺔ
- ﺍﻟﺤﻤﺪﻟﻠﻪ ﺑﺨﻴﺮ ..
ﺍﺑﺘﺴﻤﺖ ﻟﻌﺪ ﻣﻨﻮ ﺍﻟﻲ ﺧﺎﺑﺮﻙ ﻳﺤﻈﻲ ﻭﻟﻮ ﻳﻤﻜﻦ ﻣﺎ ﻋﺮﻑ ﺻﻮﺗﻲ
بيج قصص عراقيه حقيقيه من واقعنا.روعه الطائي..ﻛﻠﺖ ﻟﺸﻬﺪ ﻻﺯﻡ ﺍﺭﻭﺡ ﻋﺪﻧﺎ ﺧﻄﺎﺭ ﻋﻔﻨﺎﻫﻢ ﻭﺭﻗﻴﺔ ﻣﺎ ﺍﻫﺘﻤﺖ ﻻﻥ ﺭﺟﻠﻬﺎ ﻭﺍﻣﺎﻧﻬﺎ ﻳﻤﻬﺎ ...
ﺩﺧﻠﺖ ﻟﻠﻬﻮﻝ ﻭﺍﺳﻤﻊ ﻛﻼﻡ ﻗﻮﻱ ﻣﻦ ﺑﻴﺒﻲ
- ﺍﻧﺖ ﻣﺎ ﺍﺗﻌﺮﻓﻴﻦ ﻣﺼﻠﺤﺔ ﺍﻭﻻﺩﺝ
ﺟﺎ ﻣﺎ ﻓﺸﻠﺘﻴﻨﻲ ﻛﺪﺍﻡ ﺍﻟﻤﺮﺓ
- ﻋﻤﺔ
ﺳﻜﺘﺖ ﺍﻣﻲ ﻋﻦ ﺍﻟﻤﻮﺿﻮﻉ ﻣﻦ ﺩﺧﻠﺖ
- ﻛﺎﻓﻲ ﻋﻤﺔ
ﻛﺎﻟﺘﻬﺎ ﺑﻘﻠﺔ ﺧﻠﻚ ﺍﺗﺮﻳﺪ ﺗﺴﺪ ﺍﻟﻤﻮﺿﻮﻉ ﻭﻫﻢ ﻭﺍﺿﺢ ﻋﻠﻴﻬﺎ ﺍﻟﺘﻌﺐ ﻣﻦ ﻟﻬﺜﺘﻬﺎ ﺑﺎﻟﻜﻼﻡ ...
- ﻟﻴﺶ ﻫﻴﺞ ﻳﻌﻤﺔ ﻭﺍﻟﻠﻪ ﻣﻦ ﺣﺒﻲ ﺍﻟﻜﻢ ﺍﺷﺒﻴﻪ ﺍﻟﺮﺟﺎﻝ ﻣﺎ ﻳﺘﻌﻴﺐ ﻭ ﺻﻐﻴﺮ ﺷﻜﻠﻪ ﻣﺎ ﻳﺒﻴﻦ ﻋﻠﻴﻪ
- ﻋﻤﺔ ﻫﺴﺔ ﺧﻞ ﺗﻨﺴﺪ ﺍﻟﺴﺎﻟﻔﺔ
- ﺑﺘﺞ ﺗﺪﺭﻱ ﺍﻧﻲ ﻛﻠﺖ ﺍﻟﻬﺎ
ﺻﻔﻨﺖ ﺍﻣﻲ ﺑﻮﺟﻬﻲ ﻣﺬﻫﻮﻟﺔ
- ﺍﺷﺒﻴﺞ ﻣﺎﻣﺎ ﻫﻴﺞ ﺗﺒﺎﻭﻋﻴﻦ ﻋﻠﻴﻪ
ﺍﻟﺘﻔﺘﺖ ﻋﻠﻰ ﺑﻴﺒﻲ ﻭﻛﺎﻟﺖ ﻣﻌﺎﺗﺒﺔ
- ﺃﺷﻠﻮﻥ ﻫﻴﺞ ﺗﻜﻮﻟﻴﻦ ﺍﻟﻬﺎ
- ﺧﺮﺏ ﻛﻠﺸﻲ ﺑﻌﺪ ﺣﺠﺎﺑﺘﺞ ﻫﺎﻱ
- ﺧﻞ ﻳﺨﺮﺏ ﻣﺎ ﺍﻧﻄﻲ ﺑﺘﻲ ﻟﺮﺟﺎﻝ ﺟﺎﻥ ﻣﺰﻭﺝ ﺍﺧﺘﻬﺎ
- ﺍﻟﺒﻨﻴﺔ ﺗﺮﺗﺎﺡ ﻭﻳﺎﻩ ﻣﺜﻞ ﻣﺎ ﺍﺭﺗﺎﺣﺖ ﺍﺧﺘﻬﺎ ﺍﻟﻲ ﺗﻌﺮﻓﺔ ﺍﺣﺴﻦ ﻣﻦ ﺍﻟﻐﺮﻳﺐ
- ﻋﻤﺮﻩ ﺟﺒﻴﺮ ﺑﺘﻲ ﻃﻔﻠﺔ ﻭﻃﺎﻟﺒﺔ ﺷﺠﺎﺭﻱ ﻋﻠﻴﻪ ﺍﻧﻄﻴﻬﺎ ﻫﻴﺞ ﻋﻄﻮﺓ
ﻫﺰﺕ ﺍﻳﺪﻳﻬﺎ ﺑﻴﺒﻲ
- ﻣﺮﺓ ﺷﻜﺒﺮﻫﺎ ﻣﻮ ﻃﻔﻠﺔ ﺑﺘﺞ ﻭﺍﻧﺖ ﺍﺗﻌﺮﻓﻴﻦ ﻟﺤﺒﻲ ﺍﻟﻬﺎ ﺍﺭﻳﺪﻫﺎ ﺗﺮﺗﺎﺡ ﻓﺮﺻﻬﺎ ﻗﻠﺖ ﻟﻠﺒﺖ
ﺩﺧﻞ ﺑﺎﺑﺎ ﻭ ﺑﻴﺪﻩ ﻛﺘﺎﺏ ﺳﻠﻢ ﻟﻜﻦ ﺍﻟﺠﻮ ﻣﺸﺤﻮﻥ ﻭﻻﺣﻈﺖ ﺍﻣﻲ ﻣﺎ ﺯﺍﻟﺖ ﺗﺒﺎﻭﻉ ﻟﺒﻴﺒﻲ ﺑﻐﻀﺐ ﻭﺯﺩﺍﺩ ﻭﺟﻬﺎ ﺍﺣﺘﻘﺎﻥ
- ﻻ ﺗﻜﻮﻟﻴﻦ ﻫﻴﺞ ﻋﻤﺔ
ﻛﻠﻪ ﻣﻦ ﻭﺭﺓ ﺣﻔﻴﺪﺝ ﻏﻴﺮ ﻛﻠﺘﻬﺎ ﻟﻠﻌﻠﻮﻳﺔ ﺑﺘﻲ ﺻﻐﻴﺮﺓ ﻭ ﻃﺎﻟﺒﺔ ﻣﺎ ﺗﻜﺪﺭ ﺗﺘﺤﻤﻞ ﻣﺴﺆﺅﻟﻴﺔ ﺑﻴﺖ ﺑﺴﺖ ﺍﻃﻔﺎﻝ
ﺳﺄﻝ ﺍﺑﻮﻳﺔ ﻋﻦ ﺳﺒﺐ ﻟﻬﺠﺔ ﺍﻣﻲ
- ﺷﻜﻮ ﻧﺴﺮﻳﻦ ؟
- ﺃﺳﺎﻝ ﺍﻣﻚ
ﻛﺎﻟﺘﻬﺎ ﺑﺰﻋﻞ
- ﺍﺧﺬﻳﻨﻲ ﻟﻐﺮﻓﺘﻲ ﺯﻳﻨﺐ
ﺯﻳﻨﺐ ﻧﻄﻘﺘﻬﺎ ﺑﺼﻮﺕ ﻣﺒﺤﻮﺡ ﺍﺧﺬﺗﻬﺎ ﻟﻐﺮﻓﺘﻬﺎ ﺍﻭﻝ ﻣﺎ ﺩﺧﻠﺘﻬﺎ ﺍﻧﻄﻠﻘﺖ ﺑﺎﻟﺒﺠﻲ ﻭﺑﺎﻟﺘﺄﻭﻩ ﻛﻌﺪﺕ ﻋﻠﻰ ﺭﻛﺒﻲ ﻻﺯﻣﻪ ﺣﺠﺮﻫﺎ ﺑﺄﺛﻨﻴﻦ ﺍﺩﻳﻪ
- ﻣﺎﻣﺎ ﻻ ﺗﻨﻘﻬﺮﻳﻦ
ﺍﻟﻠﻪ ﻳﺨﻠﻴﺞ
ﻣﺎﻣﺎ ﺍﻟﻠﻪ ﻳﺨﻠﻴﺞ ﺍﻟﻲ
ﺣﻄﻴﺖ ﺭﺍﺳﻲ ﻋﻠﻰ ﺣﻈﻨﻬﺎ
ﺩﺧﻞ ﺑﺎﺑﺎ ﻭﻧﺰﻉ ﻋﻤﺎﻣﺘﻪ ﻭﺣﻄﻬﺎ ﻋﻠﻰ ﺍﻟﻤﻴﺰ ....
- ﺃﺷﺒﻴﻬﺎ ﺍﻣﺞ ؟
ﻗﺒﻞ ﻻ ﺍﻧﻄﻖ ﺳﺒﻘﺘﻨﻲ ﺑﻌﺘﺎﺏ ﻣﻦ ﺑﻴﻦ ﺩﻣﻮﻋﻬﺎ
- ﺃﻣﻚ ﺩﻟﻠﺖ ﻋﻠﻰ ﺑﺘﻲ ﻛﺪﺍﻣﻲ ﻭ ﺧﻠﺖ ﺍﻟﻤﺮﺓ ﺗﺘﺠﺮﺃ ﻭ ﺗﻄﻠﺒﻬﺎ ﻣﻨﺎ ﻟﻮﺍﺣﺪ ﺍﻛﺒﺮ ﻣﻨﻬﺎ ﺏ١٩ ﺳﻨﺔ ﻗﺒﻞ ﺍﺷﻬﺮ ﻛﺎﻥ ﺯﻭﺝ ﺍﺧﺘﻬﺎ !!
ﺷﻔﺖ ﺍﻣﻲ ﺍﻳﺪﻫﺎ ﺗﺮﺟﻒ ﻣﻦ ﺗﺤﺠﻲ ﻭ ﻣﺘﺸﻨﺠﺔ ﺍﻋﺼﺎﺑﻬﺎ ، ﺑﺎﺑﺎ ﺑﺎﺩﺭ ﺑﻄﻠﺐ ﻣﻨﻲ ﺍﻋﻮﻓﻬﻢ ﻭﺍﻃﻠﻊ ﻭﻛﺎﻥ ﺍﻟﻘﻠﻖ ﻭﺍﺿﺢ ﻋﻠﻴﻪ
ﻭﻛﻔﺖ ﻳﻢ ﺍﻟﺒﺎﺏ ﻭﻫﻲ ﺍﻧﻬﺎﺭﺕ ﻣﺮﺓ ﻟﺦ ﺑﺎﻟﺒﺠﻲ ﻭ ﻛﻌﺪ ﻋﻠﻰ ﺭﻛﺒﻪ ﺯﺍﺣﻒ ﻻﺯﻡ ﺍﻳﺪﻫﺎ ....
- ﻣﻴﺨﺎﻟﻒ ﻳﻬﻮﻥ ﻳﻬﻮﻥ ﻛﻠﺸﻲ ﺑﺲ ﺍﻧﺖ ﺍﺧﺬﻱ ﻧﻔﺲ
- ﺍﻣﻚ ﺗﻜﻠﻲ ﺑﺘﺞ ﺑﺎﺭﺕ ﻛﺎﻟﺖ ﺍﻟﻲ ﻓﺮﺻﻬﺎ ﻗﻠﺖ
ﺑﺎﺑﺎ ﺍﻟﺘﻔﺘﺖ ﻭﻧﻬﺮﻧﻲ
- ﺍﻃﻠﻌﻲ
ﻃﻠﻌﺖ ﻭﺍﻧﻲ ﺍﺑﺠﻲ ﺭﻏﻢ ﺍﻋﺮﻑ ﻛﻼﻡ ﺑﻴﺒﻲ ﺻﺤﻴﺢ ﻟﻜﻦ ﻣﻨﻈﺮ ﺍﻣﻲ ﻋﻠﻰ ﻛﺪ ﻣﺎ ﺭﺿﺎﻧﻲ ﺗﺼﺮﻓﻬﺎ ﺯﻋﻠﺖ ﻭﺍﺣﺘﺮﻛﺖ ﺭﻭﺣﻲ ﻋﻠﻴﻬﺎ
ﺭﺟﻌﺖ ﻟﻐﺮﻓﺔ ﺍﻣﻲ ﻭﻣﺎ ﻛﺪﺭﺕ ﺍﻋﻮﻓﻬﺎ ﻟﻜﻴﺘﻬﺎ ﺑﺤﻈﻦ ﺑﺎﺑﺎ ﻋﻠﻰ ﺻﺪﺭﺓ ﻭﺑﺎﺳﻬﺎ
- ﻻ ﺑﺄﺱ ﻋﻠﻴﺞ ﺣﺒﻴﺒﺘﻲ
ﻇﻬﺮﻩ ﺻﻔﺤﺘﻪ ﻋﻠﻴﻪ ﻣﺎ ﺷﺎﻓﻨﻲ ﻃﻠﻌﺖ ﺑﺨﺪﻭﺩ ﻭﺭﺩﻳﺔ ﺍﻧﺼﺪﻣﺖ ﺑﺸﻬﺪ ﻭﺍﺗﻜﻌﺒﻠﺖ ﺑﻴﻬﺎ ﻭﻭﻛﻌﺖ ﻋﻠﻴﻬﺎ
ﺷﻬﺪ - ﺍﻱ ﺿﻠﻮﻋﻲ ﺯﻳﻨﺐ ﻛﻮﻣﻲ ﺍﺗﻜﺴﺮﺕ
ﻛﻤﺖ ﻋﻨﻬﺎ ﺭﺍﻓﻌﻪ ﺍﺩﻳﻪ
- ﻣﺎ ﺷﻔﺘﺞ
- ﺍﻱ ﻇﻬﺮﻱ
ﻛﻮﻣﺘﻬﺎ ﻭﻫﻲ ﺭﻗﺔ ﺑﺤﺪ ﺫﺍﺗﻬﺎ ﻣﻜﺴﺮﺓ ﺍﺧﺬﺗﻬﺎ ﻟﻐﺮﻓﺘﻲ ﺍﻧﻄﺮﺣﺖ ﻋﻠﻰ ﺳﺮﻳﺮﻱ ﻭﻫﻲ ﺗﺪﺭﺩﻡ ﻋﻠﻴﻪ ..
- ﺑﻴﺒﻲ ﺑﺎﻟﻬﻮﻝ
- ﺍﻱ ﻭﻟﺞ ﻇﻬﺮﻱ ﺍﺍﺥ ﺍﺩﺭﻱ ﺍﺷﺒﻴﺞ
- ﻻ ﻭﻟﺞ ﺑﺲ ﺟﻨﺖ ﺧﺠﻼﻧﻪ ﻣﻦ ﺭﻭﺣﻲ
ﺑﺎﺑﺎ ﻭﻣﺎﻣﺎ ﻭﻫﻤﻪ ﺷﺒﺎﺏ ﺣﺬﺭﻳﻦ ﺣﻴﻞ ﺑﺘﺎﻟﻲ ﺍﻟﻌﻤﺮ ﺍﺷﻮﻓﻪ ﻳﺒﻮﺳﻬﺎ ﻭﻳﻜﻮﻝ ﺍﻟﻬﺎ ﺣﺒﻴﺒﺘﻲ !
ﻃﻜﺘﻬﺎ ﺿﻜﺤﺔ ﺷﻬﺪ ﻟﺤﺪ ﻣﺎ ﻭﺟﻪ ﺣﻮﻣﺮ ﻭﺿﺎﻕ ﻧﻔﺴﻬﺎ ﻭ ﺩﻣﻌﺖ
- ﺷﻬﺪ ﻟﺞ ﻛﺎﻓﻲ
- ﻣﺘﺖ ﺑﻌﻠﻲ
ﻭﺭﺍﺱ ﻳﺎﺳﺮ ﻫﻠﻜﺖ ﺿﺤﻚ
ﺻﺮﺕ ﺍﺗﺨﻴﻞ
ﺑﺲ ﺗﺮﺓ ﺍﻟﻲ ﺷﻔﺘﻴﻪ ﻛﺎﻥ ﺗﺮﺍﺿﻲ ﺍﻟﻬﺎ ﺑﻴﺒﺘﺞ ﺍﻫﻮﺍﻱ ﺟﺮﺣﺘﻬﺎ
- ﺍﻭﻭﻑ ﺍﻟﻤﺼﻴﺒﺔ ﻣﺎ ﺍﻛﺪﺭ ﺍﻏﻠﻂ ﺑﻴﺒﻲ ﺗﺤﺒﻨﺎ ﺣﻴﻞ
ﻭﻣﺮﺓ ﻛﺒﻴﺮﺓ ﻣﺎ ﺗﻌﺮﻑ ﻻ ﻟﺘﻄﺎﺑﻖ ﺍﺭﻭﺍﺡ ﻭﻻ ﻟﻔﺎﺭﻕ ﻋﻤﺮ ﺍﺫﺍ ﺟﺪﻱ ﺍﻛﺒﺮ ﻣﻨﻬﺎ ﺏ٢٣ ﺳﻨﻪ ﺷﺘﺮﺟﻰ ﻣﻦ ﻓﻜﺮﻫﺎ
ﻋﺪﻫﺎ ﻋﻘﺪ ﻣﺮﻣﻦ ﻭﻫﺎﻱ ﻫﻲ ﺗﻨﺤﻞ ﻣﻞ ﺍﻟﻌﻘﺪ
- ﺗﺤﺒﺞ ﻫﻴﺞ ﺗﺴﻮﻱ ﺗﺮﺓ ﺍﻧﻲ ﻭﻳﻪ ﺍﻣﺞ ﺣﻘﻬﺎ ﻭﺍﻧﻲ ﺳﻤﻌﺘﻬﺎ ﻻﻣﺞ ﻣﻦ ﻗﺪﻣﺖ ﺟﺎﻱ ﻣﺎ ﺭﺿﺖ ﻋﻠﻰ ﻛﻼﻣﻬﻦ ﻭﺍﺧﺘﺼﺮﺕ ﺍﻋﺘﺮﺍﺿﻬﺎ ﺯﻳﻨﺐ ﺻﻐﻴﺮﺓ ﻭﻃﺎﻟﺒﺔ ...
ﺳﻜﺘﺖ ﺍﻟﻌﻠﻮﻳﺔ ﻭﻛﺎﻟﺖ ﻫﻢ ﺻﺪﻙ ﺍﻋﺬﺭﻳﻨﺎ ﻭﺍﻟﻠﻪ ﻷﺟﻞ ﻫﺎﻻﻳﺘﺎﻡ ﻭﺍﻻ ﺍﻟﺒﻨﻴﺔ ﺑﺘﻜﻢ ﻭﻛﻼﻣﻚ ﺻﺤﻴﺢ ﻭﺣﻘﺞ ...
- ﻫﺎ ﻫﻴﺞ ﺍﻟﻜﻼﻡ ..
- ﺍﻱ ﻭﺑﻌﺪ ﺍﻧﻲ ﻃﻠﻌﺖ ﻟﺒﺴﺖ ﻭﺍﺟﻴﺖ ﻭﺭﺍﺝ ...
- ﺍﻛﻠﺞ ﻫﺎﻱ ﻳﺎﺳﻤﻴﻦ ﺍﺷﻌﺪﻫﺎ ﺟﺎﻳﺔ
- ﻳﺎ ﺍﺧﺘﻲ ﺟﺎﻳﺔ ﺗﺘﻌﺮﻑ ﻋﻠﻰ ﺭﻗﻴﺔ
ﺑﺲ ﺍﻧﻲ ﺍﺩﺭﻱ ﺧﺎﻟﺘﻬﺎ ﺟﺎﺑﺘﻬﺎ ﻣﻦ ﻭﺭﻩ ﻳﺎﺳﺮ ﻻﻥ ﻣﺎ ﻳﻘﺒﻞ ﺑﺲ ﺣﺘﻰ ﺗﺮﻳﺢ ﺑﺎﻟﻬﺎ ﻭﺗﺒﻄﻞ ﺗﺘﻌﺐ ﻳﺎﺳﺮ ﺑﻐﻴﺮﺗﻬﺎ ﻣﻨﻬﺎ
- ﻭﺍﺷﺒﻴﻬﺎ ﺍﺧﺘﻲ ﺣﺘﻰ ﻣﻦ ﺍﺷﻮﻓﻬﺎ ﺗﺒﻄﻞ ﺗﻐﺎﺭ
ﻛﺎﻣﺖ ﻭﻫﻲ ﻻﺯﻣﻪ ﻇﻬﺮﻫﺎ ﻭﻛﺎﻟﺖ
- ﺍﻟﺼﺮﺍﺣﺔ ﻳﺎﺳﺮ ﺍﻫﺘﻤﺎﻣﺎﺗﻪ ﺑﺮﻗﻴﺔ ﺍﻛﺜﺮ ﻣﻦ ﻳﺎﺳﻤﻴﻦ ﻭﻫﻢ ﺣﻘﻬﺎ ﻣﻌﺬﺭﻭﺓ ﻭﻳﻦ ﺗﻌﺮﻑ ﺭﻗﻴﺔ ﻫﻲ ..
- ﻳﻌﻨﻲ ﺍﻟﺘﻘﺼﻴﺮ ﻣﻦ ﺍﺧﻮﺝ
- ﻣﻮ ﺗﻘﺼﻴﺮ ﺑﺲ ﺭﻗﻴﺔ ﻭﺿﻊ ﺧﺎﺹ
ﻣﺪﺍﺭﺍﺕ ﺍﻛﺜﺮ ﻭﻣﺮﺍﻋﺎﺓ ﺍﻟﻬﺎ ﻣﻮ ﻣﻘﺼﻮﺩﺓ
- ﻫﺎ ﻓﻬﻤﺖ ﺧﺎﻟﺘﻬﺎ ﺟﺎﺑﺘﻬﺎ ﺣﺘﻰ ﺗﺸﻮﻑ ﺑﻌﻴﻨﻬﺎ
ﺑﺲ ﺍﻇﻦ ﺍﻻﻣﻮﺭ ﺗﻌﻘﺪﺕ ﺑﻌﺪ ﺍﻟﻲ ﺷﺎﻓﺘﻪ ﺑﻌﻴﻨﻬﺎ
ﺍﺑﺘﺴﻤﺖ
- ﻟﺞ ﺍﺧﺘﺞ ﻃﺎﻟﻌﺔ ﻗﻤﺮ ﻭ ﺍﻟﻲ ﺷﺎﻓﺘﻪ ﻳﺎﺳﻤﻴﻦ ﺩﻟﻊ ﻣﻦ ﺭﺍﺣﺖ ﺣﻈﻨﺘﻪ ﻛﺪﺍﻣﻨﺎ
ﻭﺍﺷﻠﻮﻥ ﺗﺪﻟﻞ ﻋﻠﻴﻪ
- ﻫﻬﻬﻬﻬﻪ ﺧﺮﺏ ﻭﺍﻟﻠﻪ ﺣﺒﺔ ﺑﺮﻛﺔ ﻋﻠﻰ ﺳﺠﻴﺘﻬﺎ ﺗﺘﺼﺮﻑ ﺑﺲ ﻫﻲ ﺍﻟﻠﻪ ﻋﻴﻨﻪ ﻋﻠﻴﻬﺎ
- ﻫﻬﻬﻬﻬﻬﻬﻬﻪ ﻣﺠﻨﺼﺔ ﺭﻗﻴﺔ ﺍﻧﻲ ﻣﺠﺮﺑﺘﻬﺎ
- ﺍﻟﻠﻪ ﻳﺴﻌﺪﻫﺎ ﻳﺎﺭﺏ ﻭ ﻳﻄﻮﻝ ﺑﻌﻤﺮﻫﺎ ...
ﻓﻄﻮﻣﺔ ﺍﻟﻠﻪ ﻳﺮﺣﻤﻬﺎ ﺑﻨﺺ ﻋﻤﺮﻫﺎ ﺍﻟﺜﻼﺛﻴﻦ ﻭﺭﺍﺣﺖ ﻣﺎ ﻓﺮﺣﺖ ﺑﺄﻭﻻﺩﻫﺎ ﻭﻣﺎ ﺍﻋﺮﻑ ﺷﻨﻮ ﻣﺼﻴﺮﻫﻢ ﻭﻳﻪ ﺑﺲ ﺍﺏ
- ﻟﻴﺶ ﺍﺣﺲ ﺑﻨﺒﺮﺓ ﻛﻼﻣﺞ ﺗﺄﻧﻴﺐ ﺿﻤﻴﺮ
- ﺍﺣﺲ ﺑﻴﺪﻱ ﺍﻟﻤﻬﻢ ﻳﺎ ﺷﻬﺪ
ﺑﺲ ﻭﺍﻟﻠﻪ ﻳﺎ ﺷﻬﺪ ﻣﺎ ﺍﻛﺪﺭ ﻣﺎ ﺍﻛﺪﺭ ﻭﺍﻫﻮﺍﻱ ﺍﺭﺗﺎﺣﻴﺖ ﻣﻦ ﻣﻮﻗﻒ ﺍﻣﻲ ﻣﻌﻨﺎﻩ ﻫﺎﻱ ﻫﻲ ﻣﻮﺿﻮﻉ ﻣﺤﻤﺪ ﺍﻧﺴﺪ ﺑﺲ ﺷﻮ ﻣﺎ ﻓﺮﺣﺎﻧﻪ ﺍﺑﺪ ﺑﺎﻟﻌﻜﺲ ﺍﻧﻐﻤﺘﺖ ﺣﻴﻞ ﻭﺍﺧﺘﻨﻜﺖ
ﺍﻭﻭﻭﻑ ﻟﻮ ﺍﺷﻮﻓﻴﻦ ﺍﻟﺘﻮﻡ ﺍﺷﻠﻮﻥ ﻳﺘﺨﺘﻠﻮﻥ ﺟﻮﺓ ﻋﺒﺎﺗﻲ ﻳﺮﺩﻭﻧﻲ
ﻋﻠﻰ ﻃﺎﺭﻱ ﺍﻟﺠﻬﺎﻝ ﻭﻳﻦ ﺻﻮﻓﻲ ﻣﻮ ﺟﺎﻥ ﺑﻐﺮﻓﺘﻲ؟
- ﺑﺎﻟﻬﻮﻝ ﻳﻢ ﺑﻴﺒﺘﺞ ﺗﻔﻠﻲ ﺭﺍﺳﻪ
ﺍﺑﺘﺴﻤﺖ ﻟﺒﻴﺒﻲ ﻭﺭﺣﺖ ﺍﻟﻬﺎ ﺍﺷﻜﺪ ﻋﺎﺩﺗﻬﺎ
ﻫﺎﻱ
ﻛﻌﺪﺕ ﻳﻤﻬﺎ ﺑﺎﻭﻋﺖ ﺍﻟﻲ ﺑﻄﺮﻑ ﻋﻴﻨﻬﺎ
- ﺑﻴﺒﻲ ﻻ ﺍﺯﻋﻠﻴﻦ ﻣﻦ ﻣﺎﻣﺎ
- ﻋﺒﺎﻟﻲ ﺗﻌﺮﻑ ﺗﻔﻜﺮ ﺻﺢ
- ﺑﻴﺒﻲ ﺍﻧﻲ ﻣﺎ ﺍﺗﻘﺒﻞ ﺍﻟﻲ ﺗﺮﺩﻳﻪ
ﻣﺎ ﻛﺪﺭﺕ ﺍﺫﻛﺮ ﺍﻟﻤﻮﺿﻮﻉ ﻻﻥ ﺻﻮﻓﻲ ﺭﺍﺳﻪ ﺑﺤﺠﺮ ﺑﻴﺒﻲ
ﻓﻜﺎﻟﺖ
- ﺑﻴﻜﻔﻜﻢ ﻭﺍﻟﻠﻪ ﻣﻦ ﺣﺒﻲ ﺍﻟﺞ ﻭﻟﻬﺎﻱ ﺍﻻﻳﺘﺎﻡ
ﺣﻄﺖ ﺭﺍﺳﻪ ﺑﺎﻻﺭﺽ ﻭﻛﺎﻟﺖ ﺍﻧﻲ ﻫﻢ ﻳﺎﻟﻠﻪ ﺍﺭﻭﺡ ﻟﺒﻴﺘﻲ ....
ﺭﺍﺣﺖ ﻟﻐﺮﻓﺘﻲ ﺗﻠﺒﺲ ﻭﺍﻧﻲ ﻭﺭﺍﻫﺎ ﻣﻨﻜﺴﺮ ﺧﺎﻃﺮﻱ ﻋﻠﻴﻬﺎ ....
- ﺑﻴﺒﻲ ﻻ ﺗﺮﺣﻴﻦ ﻭﺍﻧﺖ ﺯﻋﻼﻧﻪ
- ﻣﺎ ﺯﻋﻼﻧﻪ ﻳﺒﻴﺒﻲ ﻣﻨﻜﻢ
ﺯﻋﻼﻧﻪ ﻋﻠﻴﻜﻢ
ﻛﻌﺪﺕ ﻭ ﻫﻲ ﺗﺤﻂ ﻓﻮﻃﺘﻬﺎ ﺍﻟﺒﻴﻀﺔ ﺑﺎﻟﺠﻨﻄﻪ ﺑﺠﺖ ﻭﻛﺎﻟﺖ
- ﻭﺍﻟﻠﻪ ﻳﺒﻴﻲ ﻛﻠﺖ ﺍﻟﻬﺎ ﻟﺰﻫﺮﺍﺀ ﻫﺎﻱ ﺣﻮﺑﺔ ﺑﺖ ﻋﻤﺞ ﺍﻟﻲ ﺷﻬﺮﺗﻲ ﺑﻌﺮﺿﻬﺎ ﺣﻮﺑﺘﻬﺎ ﺟﻮﺕ ﻛﻠﺒﺞ ﺑﺄﺑﻨﺞ ﻣﺎ ﺻﺪﻛﺘﻨﻲ
- ﺑﻴﺒﻲ !
- ﺣﺘﻰ ﻫﺬﺍ ﻋﻤﺎﺩ ﻛﻠﺖ ﺍﻟﻪ
ﺭﺩﺗﺞ ﺗﻨﺴﻌﺪﻳﻦ ﻭﻳﻪ ﺭﺟﺎﻝ ﻧﻌﺮﻓﻪ ﻭ ﺿﺎﻣﻨﻴﻪ ﺍﻟﻐﺮﺏ ﻣﺎ ﻳﺠﻲ ﻣﻨﻬﻢ ﻏﻴﺮ ﺍﻟﺘﻮﺍﻳﻪ ﻭﺍﻟﮕﺮﺍﺑﺔ ﺑﻌﺪﻫﻢ ﺻﺪﻗﺔ
ﻭﻣﺎ ﺯﺍﻟﻮ ﺍﺫﺍ ﺍﻧﺠﺎﺏ ﻃﺎﺭﻳﺞ ﻳﻌﺬﺑﻮﻥ ﺩﻟﻴﻠﻲ
- ﺑﻴﺒﻲ
ﻻ ﺗﻔﻜﺮﻳﻦ ﻭ ﺗﺸﻐﻠﻴﻦ ﺑﺎﻟﺞ ﺍﻛﻮ ﺭﺏ ﺍﺳﻤﻪ ﺍﻟﻜﺮﻳﻢ ﻳﻠﺘﻔﺖ ﻟﻬﺎﻱ ﺍﻻﻳﺘﺎﻡ ﻭﺍﻟﻲ ﺍﻟﻠﻪ ﺍﻛﺮﻡ ﺍﻟﻜﺎﺭﻣﻴﻦ ﺍﻧﻲ ﺳﻠﻤﺘﻬﺎ ﺍﻟﻪ ﻣﻦ ﺯﻣﺎﻥ
ﻭﺍﺭﺗﺎﺣﻴﺖ
ﺗـﺴﺎﺑﻘﻮﺍ ﻧـﺎﺱ ﺑـﺄﺫﻳﺘﻲ
ﻃـﺎﺣﻮﺍ ﻭﻣـﺎﻃﺎﺡ ﺻـﻴﺘﻲ
ﺍﻟﻠﻪ ﻳـﺪﺭﻱ ﺷـﻜـﺪ ﻧـﻈﻴﻔﺔ
ﻭﻣـﺎﺧﺬﺓﺍﻟـﺪﻧﻴﺎ ﺃﻋـﻠﻪ ﻧـﻴﺘﻲ
ﻭﻛﻠﺖ ﻟﺒﻴﺒﻲ ﺳﺒﺐ ﺭﻓﻀﻲ ﻟﻠﻤﻮﺿﻮﻉ
- ﺑﺲ ﺑﻴﺒﻲ ﺗﺮﺓ ﻣﻮ ﻋﻨﺎﺩ ﺑﻴﺞ
ﻣﺎ ﻛﺪﺭﺕ ﺍﺣﺠﻲ ﻛﺪﺍﻡ ﺻﻮﻓﻲ ﻭﺍﻛﻠﺞ ﺯﻭﺝ ﺍﺧﺘﻲ ﻣﺎ ﻳﺼﻠﺢ ﺍﻟﻲ ﻣﺎ ﺍﻛﺪﺭ ﺍﺗﻘﺒﻞ ﺷﺨﺺ ﺟﺎﻥ ﺧﻠﻴﻞ ﺍﺧﺘﻲ ﻭﺍﺻﻴﺮ ﺍﻧﻲ ﻣﺮﺗﻪ !...بيج قصص عراقيه حقيقيه من واقعنا.روعه الطائي..ﺑﻮﺳﺘﻨﻲ ﻛﺄﻧﻬﺎ ﺭﺳﺎﻟﺔ ﺍﻋﺘﺬﺍﺭ ﻭ ﻃﻠﺒﺖ ﻣﻨﻲ ﺍﻛﻮﻝ ﻻﺑﻮﻳﺔ ﻳﻮﺻﻠﻬﺎ ...
ﺑﺲ ﺑﻴﻮﻣﻬﺎ ﻣﺎ ﺧﻼﻫﺎ ﺍﺑﻮﻱ ﺗﻄﻠﻊ ﻣﻦ ﺍﻟﺒﻴﺖ ﻭﻋﻠﻰ ﺍﻟﻌﺸﺎ ﻛﻌﺪﻧﺎ ﻋﺎﺩﻱ ﻛﺄﻧﻪ ﺷﻲ ﻟﻢ ﻳﻜﻦ ﻭﻣﺎ ﻧﺪﺭﻱ ﺑﺎﻟﻘﻠﻮﺏ ﺑﻘﻰ ﺷﻲ ﺍﻭ ﻻ .....
ﺗﻮﺍﻟﻲ ﺍﻟﻠﻴﻞ ﻓﺎﺗﺤﻪ ﺍﻟﻀﻮﺓ ﻭﻭﺍﻛﻔﻪ ﻛﺪﺍﻡ ﻣﺮﺍﻳﺘﻲ ﺧﻠﻴﻠﺔ ﻣﺮﺍﺣﻞ ﻋﻤﺮﻱ ..
ﺍﺑﺎﻭﻉ ﻟﻮﺟﻬﻲ ﺷﻐﻴﺮﻩ ! ؟
ﻭﻳﻦ ﻭﺟﻬﻲ ﺍﻟﻄﻔﻮﻟﻲ ﻟﻴﺶ ﺷﻜﻠﻲ ﺻﺎﻳﺮ ﺍﻛﺒﺮ ﻣﻦ ﻋﻤﺮﻱ ! ؟
ﺍﻟﻌﻤﺮ ﻫﻮ ﻋﺪﺩ ﺍﻳﺎﻡ ﻋﻤﺮﻱ ؟
ﻟﻮ ﺑﻜﺜﺮ ﻣﺘﺎﻋﺐ ﺍﻟﺮﻭﺡ؟
ﺩﻛﺖ ﺑﺒﺎﻟﻲ ﻛﻠﻤﺔ ﻳﺎﺳﻤﻴﻦ
ﻛﻌﺪﺕ ﻋﻠﻰ ﺳﺮﻳﺮﻱ ﻭ ﺍﺑﺎﻭﻉ ﻟﺼﻮﻓﻲ ﺍﻟﻲ ﻧﺎﻳﻢ ....
ﻧﺰﻟﺖ ﻋﻠﻰ ﺍﻻﺭﺽ ﺭﺍﺟﻌﺔ ﻋﻠﻰ ﺍﻟﻔﺮﺍﺵ ﻳﻢ ﻋﺒﻮﺩﻱ ﻭ ﺑﺘﻮﻝ ﺑﻔﻜﺮ ﺧﺮﺑﺎﻥ
ﺑﻌﺪ ﺛﻼﺙ ﺍﻳﺎﻡ ﻭ ﺳﻤﻌﺖ ﺑﺎﻟﺴﻴﺪ ﺟﺎﻱ ﻳﺎﺧﺬ ﺍﺑﻨﻪ ﺻﻮﻓﻲ
ﺣﻈﺮﺕ ﺍﻟﻪ ﻣﻼﺑﺴﺔ ﻭ ﻃﻠﻌﺖ ﻣﻦ ﻏﺮﻓﺘﻲ ﺣﺘﻰ ﻳﺠﻲ ﺍﺑﻮﻩ ﻭﺟﺪﻩ ﻳﻜﻮﻣﻮﻩ ..
ﺭﺣﺖ ﻟﻠﻤﻄﺒﺦ ﻋﻨﺪﻱ ﻛﻢ ﺷﻐﻠﺔ ﺍﺳﻮﻳﻬﺎ ﺑﺲ ﻣﻦ ﺳﻤﻌﺖ ﺑﺠﻲ ﺻﻮﻓﻲ ﺭﺣﺖ ﻟﻠﻐﺮﻓﺔ ﺍﺷﻮﻑ ﺷﻜﻮ
ﺍﺳﻤﻊ ﺻﻮﻓﻲ ﻳﻜﻮﻝ ﻣﺎ ﺍﺭﻭﺡ ﺣﺒﺎﺏ ﻭﻳﺒﺠﻲ ﺑﺤﺮﻛﺔ
ﻃﻠﻴﺖ ﻣﻦ ﺍﻟﺒﺎﺏ
- ﺑﻮﻳﺔ ﺍﻭﻝ ﻭﺗﺎﻟﻲ ﻧﺮﺟﻊ ﻣﺎ ﺗﻜﻠﻲ ﺍﺷﺒﻴﻚ ﻭﺍﻧﺖ ﺍﻟﻜﺒﻴﺮ ﻫﻴﺞ ﺗﺒﺠﻲ
- ﺍﻇﻞ ﺑﺒﻴﺖ ﺟﺪﻱ ﺍﻫﻨﺎ ﻟﻮ ﺑﻴﺖ ﺟﺪﻱ ﺍﻫﻨﺎﻙ ﺑﺲ ﺣﺒﺎﺏ ﺧﻠﻴﻨﻲ ﻣﺎ ﺍﺭﻭﺡ ﻟﺒﻴﺘﻨﺎ
ﺍﺑﻮﻳﺔ ﻛﺎﻝ ﺍﻟﻪ
- ﺍﻧﺖ ﻛﻠﺘﻬﺎ ﺑﻴﺘﻚ ﻳﺎ ﺟﺪﻭ ﺫﺍﻙ ﺑﻴﺘﻚ ﻭﻏﺮﻓﺘﻚ ﻣﺎ ﺃﺷﺘﺎﻗﻴﺖ ﺍﻟﻬﺎ
- ﻣﺎ ﺍﺭﻳﺪ
ﺍﻟﺴﻴﺪ - ﺩﺧﻞ ﻧﻜﻮﻣﻚ ﻭﻻ ﺗﻈﻞ ﺗﺒﺠﻲ
ﺍﻧﻲ ﻭﺭﺍﻫﻢ ﻣﺎ ﺣﺴﻮ ﺑﻮﺟﻮﺩﻱ ﺿﺎﻳﺠﺔ ﻋﻠﻰ ﺻﻮﻓﻲ
- ﺍﺧﺬ ﺍﺧﻮﺗﻲ ﻭ ﺧﻠﻴﻨﻲ
ﺍﺑﻮﻩ ﻣﺜﻞ ﺍﻟﻌﺼﺐ ﻛﺎﻝ ﺑﻘﻠﺔ ﺧﻠﻚ
- ﺍﺷﻌﻨﺪﻙ ﻭﺣﺪﻙ ﻏﻴﺮ ﻭﻳﺎﻧﻪ ﺗﺮﺟﻊ ﻫﺎﻱ ﺍﻧﻲ ﺭﺍﺟﻊ
- ﺍﺭﺟﻊ ﻭﺍﺯﻭﺝ ﺑﻌﺪ ﺍﻣﻲ ﻭﻋﻮﻓﻨﻲ ﺑﺤﺎﻟﻲ
ﺭﺩ ﺍﺑﻨﻪ ﻛﺎﻥ ﻣﺜﻞ ﺍﻟﺴﻬﻢ ﻭﺻﻮﺑﺔ ﻋﻠﻴﻪ ﺧﻠﺔ ﺭﺩﺓ ﻓﻌﻠﺔ ﺻﺎﺩﻣﻪ ﺍﻟﻨﺎ ﻣﻦ ﺿﺮﺏ ﺍﻟﻮﻟﺪ ﻛﻒ ﺳﻜﺘﻪ ﻭﻫﻈﻤﺔ ﺍﺗﻌﺪﻳﺖ ﺍﻟﺒﺎﺏ ﻭﺩﺧﻠﺖ ﺍﻟﻪ
ﻫﻤﺴﺖ - ﺻﻮﻓﻲ
ﻛﺎﻝ - ﻭﺧﺮﻱ ﺍﻧﺖ ﻋﻨﻲ !!
ﺍﺳﺘﻐﺮﺑﺖ ﻧﻔﺮﺓ ﺍﻟﻲ
- ﺍﺯﻭﺟﻮ ﺷﺘﺮﻳﺪ ﺍﺳﻮﻱ ﺍﺳﻮﻱ ﺑﺲ ﻋﻮﻓﻨﻲ ﺑﺤﺎﻟﻲ ﻻ ﺍﺟﺮﻧﻲ ﻭﺭﺍﻙ
ﺟﻨﺎ ﻧﺘﻮﺳﻞ ﺑﻴﻚ ﻧﺮﺟﻊ ﻟﺒﻴﺘﻨﺎ
ﺑﻌﺪﻳﺶ ﺟﺎﻳﻨﺎ ﻫﺴﺔ
ﺍﺯﻭﺟﻬﺎ ﻭﻋﻮﻓﻨﺎ ﺑﺤﺎﻟﻨﺎ
ﻳﺤﺠﻲ ﻭﻳﺒﺠﻲ ﻫﺸﻢ ﺃﺣﺴﺎﺳﻲ ﻭﺟﺮﺣﻨﻲ ﻭﻫﻮ ﻣﺎ ﻳﺪﺭﻱ ﺧﻠﻴﺖ ﻭﻃﻠﻌﺖ ﺳﺎﺣﺒﺔ ﺍﻧﻔﺎﺱ ﺍﻟﺒﺠﻲ ﺑﺎﻟﺨﺘﻠﺔ ..
ﺑﻌﺪﻫﺎ ﺳﻤﻌﺖ ﻃﻠﻌﻮ ﻭﺍﺧﺬﻭﻩ ...
ﺑﺎﻟﻤﻄﺒﺦ
ﺷﻜﻴﺖ ﻟﺸﻬﺪ ﻋﻠﻰ ﻇﻦ ﻣﺼﻄﻔﻰ ﺑﻴﻪ
- ﻟﺞ ﻣﺎ ﺷﻔﺘﻴﻪ ﻳﺒﺎﻭﻉ ﺍﻟﻲ ﻋﻠﻰ ﺍﻧﻲ ﻣﺬﻧﺒﺔ ﻛﺄﻧﻲ ﺭﺍﺡ ﺍﺧﺬ ﻣﻜﺎﻥ ﺍﻣﻪ
ﻟﺞ ﻣﺎ ﻳﺮﻳﺪ ﻳﺮﺟﻊ ﻟﺒﻴﺖ ﺍﺑﻮﻩ
ﺍﺧﺬﻭﻩ ﺑﺎﻟﻐﺼﺐ ﻣﺎ ﺣﺴﻴﺖ ﺑﻮﺟﻮﺩ ﺍﺑﻮﻳﺔ ﺍﻻ ﻣﻦ ﻛﺎﻝ
- ﺯﻳﻨﺐ ﺑﻮﻳﺔ ﺗﻌﺎﻟﻲ
ﺭﺣﺖ ﻭﺭﺍﻩ ﻟﻠﻬﻮﻝ ..
- ﺑﻮﻳﺔ ﻣﺤﻤﺪ ﺍﻋﺘﺬﺭ ﻋﻦ ﺳﻮﺀ ﺍﻟﻔﻬﻢ ﺍﻟﻲ ﺻﺎﺭ
- ﻳﺎ ﻓﻬﻢ ! ؟
- ﻣﻦ ﻃﻠﺒﺘﺞ ﺃﻣﻪ
ﻛﺎﻥ ﻣﻮﺿﻮﻉ ﻭﺍﻟﻨﺴﻮﺍﻥ ﺍﻃﺮﻗﻦ ﺍﻟﻪ ﻣﻮ ﺑﺸﻜﻞ ﺭﺳﻤﻲ ﻭ ﻣﺠﺮﺩ ﺍﻗﺘﺮﺍﺡ ﻻ ﺍﻛﺜﺮ
ﻭﺍﻣﺞ ﺧﺼﻤﺖ ﺍﻟﻜﻼﻡ
- ﺑﺲ ﺍﻟﺠﻬﺎﻝ ﺷﻮ ﻣﻌﺒﺎﻟﻬﻢ ﻫﻴﺞ
- ﺍﻟﻐﻠﻂ ﻛﻠﻪ ﻣﻦ ﻣﺤﻤﺪ ﺍﻟﻤﻔﺮﻭﺽ ﻳﻜﻮﻝ ﻷﻣﻪ ﻭﻳﺒﻠﻐﻬﺎ ﻫﻮ ﻣﻦ ﺷﻬﺮ ﻛﺎﻝ ﺍﻧﺮﻳﺪ ﺯﻳﻨﺐ ﻟﻤﺎﺟﺪ ﻭﺭﺟﻊ ﻓﺘﺢ ﻣﻮﺿﻮﻋﻪ ﻣﻦ ﺟﺪﻳﺪ
ﻛﻌﺪ ﺑﺎﺑﺎ ﻛﺪﺍﻣﻲ ﻣﺴﺘﺮﻳﺢ
- ﻳﺎ ﻣﺎﺟﺪ ﺑﺎﺑﺎ ؟
- ﺍﺧﻮﻩ ﺍﻟﺼﻐﻴﺮ ﺍﻟﻲ ﻃﻠﺐ ﺍﻳﺪﺝ ﻣﻨﻲ
- ﻫﺎﺍﺍﺍ ﻫﺬﺍ ﻣﻮ ﺗﺰﻭﺝ ﻭﻣﺮﺗﻪ ﺩﺧﻠﺖ ﺑﻐﻴﺒﻮﺑﺔ ﺍﻳﺎﻡ ﻭﺍﺗﻮﻓﺖ ؟
- ﺍﻟﺮﺟﺎﻝ ﺭﺟﻊ ﺍﻋﺰﺏ
ﺍﺟﻴﺖ ﺍﻛﻮﻝ " ﻋﻨﺪﺓ ﺑﻨﻴﺔ ﺑﺎﺑﺎ ﺍﻧﻲ ﺍﻛﻴﺪ ﻣﺎ ﺍﺯﻭﺝ ﺷﺨﺺ ﻣﺰﻭﺝ ﺳﺎﺑﻘﺎ
ﺑﺲ ﺳﻜﺘﺖ ﺍﺳﺘﺤﻴﺖ ﺍﺟﺎﺩﻝ ﺍﻛﺜﺮ
ﻭﻫﻮ ﺧﺘﻢ ﺍﻟﺤﺪﻳﺚ ﺑﻌﺒﺎﺭﺓ " ﺍﻟﺸﻐﻠﺔ ﺻﺎﺭﺕ ﻣﺨﺮﺑﻄﺔ ﺑﺴﺒﺐ ﺍﻣﻪ ﻫﻤﻪ ﻳﺼﻔﻮﻥ ﺃﻣﻮﺭﻫﻢ ﻭﻧﺸﻮﻑ ﺍﺣﻨﻪ ﺑﻌﺪﻫﺎ ﺷﻨﺼﺮﻑ
ﻫﻮ ﻫﻢ ﻋﻨﺪﻩ ﺑﻨﻴﺔ ﻭ ﺍﻧﺖ ﺍﻭﻝ ﺯﻭﺍﺟﺔ ﻭﺍﻟﻠﻪ ﺣﻴﺮﺓ
ﺭﻭﺣﻲ ﺑﻮﻳﺔ ﺳﻮﻳﻠﻲ ﺟﺎﻱ
ﺭﺣﺖ ﻭﺍﻧﻲ ﺍﻓﻜﺮ ﺍﻧﻮﺏ ﻋﻠﻴﻪ ﻣﺎﺟﺪ ﺍﺧﻠﺺ ﻣﻦ ﺍﺧﻮﻩ ﻳﻄﻠﻊ ﻫﻮ ﺍﺍﺍﺍﺥ ﻣﻦ ﺍﻟﻨﺪﻡ ﺍﻟﻲ ﺭﺟﻊ ﺍﻛﻠﻨﻲ ﻫﺴﺔ ﺍﻛﻞ ﻟﻮ ﻣﻦ ﺍﻟﺒﺪﺍﻳﺔ ﻭﺭﺍﺿﻴﻪ ﺑﻴﻪ ﻻ ﺣﺮﻳﺔ ﻭﻻ ﺩﺭﺍﺳﺔ ﺷﺤﺼﻠﺖ ﻻ ﺣﻈﻴﺖ ﺑﻴﻬﻦ ﻭﻻ ﺣﻈﻴﺖ ﺑﺰﻭﺝ ﺑﻴﻪ ﺣﻆ ﻣﻦ ﻭﺭﻩ ﻋﻤﺎﺩ ﺍﻟﻲ ﺧﻼﻧﻲ ﺍﺭﻓﻀﺔ ﺍﻭﻭﻭﻑ ﻳﺎﺭﺑﻲ ﺟﺎﻥ ﻣﺎ ﻇﻠﻴﺖ ﺑﺤﻴﺮﺓ ﻭﻗﺮﻳﺒﺔ ﻋﻠﻰ ﺍﻃﻔﺎﻝ ﺍﺧﺘﻲ ..
ﺧﺪﺭﺕ ﺍﻟﺠﺎﻱ
ﻭﺍﺗﺬﻛﺮﺕ ﻭﻛﻠﺖ ﻟﻨﻔﺴﻲ ﺣﻈﻲ ﺍﻟﻔﻜﺮ ﻟﻮ ﺍﻧﻲ ﻣﺮﺗﻪ ﺟﺎﻥ ﻭﻳﻪ ﺍﺧﺘﻲ ﻣﺘﺖ ﺑﺪﻝ ﻣﺮﺗﻪ ﻭﻳﺎ ﻳﻤﺔ ﺟﻨﺖِ ﺑﻮﺣﺪﺓ ﻭﺻﺮﺗﻲ ﺑﺄﺛﻨﻴﻦ
ﻳﻼ ﻋﻤﺮ ﺍﻟﮕﻮﻱ ﺑﮕﻲ ...
ﻭﻛﺎﺑﺘﻦ ﻣﺎﺟﺪ ﺗﺮﺭﻥ
ﺻﺮﺕ ﺍﺩﻧﺪﻥ ﻭ ﺭﺣﺖ ﻻﺑﻮﻳﺔ ﻭﺩﻳﺖ ﺍﻟﺠﺎﻱ ...
ﺭﺣﺖ ﻟﺸﻬﺪ ﻟﻐﺮﻓﺘﻬﺎ ﺍﺑﺸﺮﻫﺎ ﺑﺎﻻﺧﺒﺎﺭ
- ﺷﻬﻮﻭﺩ ﺭﺿﺎﻭﻱ ﻃﻠﻊ
ﻛﺎﻟﺖ
- ﺍﺩﺧﻠﻲ ﺯﻭﺯ
ﻣﺪﻳﺖ ﺭﺍﺳﻲ ﻭﻛﻠﺖ
- ﻟﻜﻢ ﺍﺧﺮ ﺍﻻﺧﺒﺎﺭ ﻛﺎﺑﺘﻦ ﻣﺎﺟﺪ ﺗﻘﺪﻡ ﻟﺰﻳﻨﺐ ﺣﺴﻦ
ﺿﺤﻜﺖ ﻣﻦ ﻏﻴﺮ ﺍﻫﺘﻤﺎﻡ
- ﺍﺣﺠﻲ ﺻﺪﻙ ﺗﺮﺓ ﻃﻠﻊ ﺍﺧﻮ ﺍﻟﺴﻴﺪ ﺭﺍﻳﺪﻧﻲ ﻫﻬﻬﻬﻪ
- ﻳﺎ ﺳﻴﺪ
- ﺍﺑﻮ ﻣﺼﻄﻔﻰ ﺍﺷﺒﻴﺞ ﻫﺬﺍ ﺍﻟﻲ ﻛﻠﺖ ﺍﻟﺞ ﻋﻠﻴﻪ ﻣﺮﺓ ﺧﻄﺒﻨﻲ
- ﻫﺎﺍﺍ ﻛﻢ ﻋﻤﺮﺓ
- ﻳﻌﻨﻲ ﻳﻄﻠﻊ ﻣﻦ ﻋﻤﺮ ﻣﺮﺗﻀﻰ
- ﻳﺎﻱ ﻋﻤﺮ ﻣﻨﺎﺳﺐ ﻣﻮ ﻫﻮ ﻫﺬﺍ ﺍﻟﻲ ﻣﺮﺗﻪ ﻫﻢ ﺍﺗﻮﻓﺖ
- ﻧﻌﻢ
- ﻭﺍﻭ ﺍﻱ ﻋﻠﻰ ﺍﻟﺨﻴﺮ
- ﺧﻴﺮ ﻳﺼﻴﺒﺞ ﺑﺲ ﺍﻧﻲ ﻣﺎ ﺍﺧﺬﺗﻪ ﻭﻫﻮ ﻭﻟﺪ ﺍﻭﻟﻮﺩ ﺍﺧﺬﻩ ﺍﺭﻣﻞ؟
- ﺣﺒﻴﺒﺘﻲ ﻣﻮ ﻣﻬﻢ ﺍﺫﺍ ﻛﺎﻥ ﺑﺘﻮﻝ ﻟﻮ ﻻ ﺑﺎﻟﻌﻜﺲ ﺍﻟﻤﺠﺮﺏ ﺍﺿﻤﻦ
ﻫﻔﻴﺘﻬﺎ ﺑﻜﺮﻭﺷﻴﺔ ﻭ ﻛﻌﺪﺕ ﻳﻤﻬﺎ
ﻻ ﺟﺪﻳﺎﺕ ﻫﺎﻱ ﺍﻟﻌﻴﻠﺔ ﻣﺎ ﺍﺭﻳﺪ ﺍﺗﻘﺮﺏ ﺍﻟﻬﺎ
ﺑﻌﺪﻳﻦ ﺍﻟﺴﻴﺪ ﻟﻤﺼﻠﺤﺘﻪ ﻫﻮ ﻗﺒﻞ ﻣﺠﺎﻥ ﻣﻘﺘﻨﻊ ﺑﻴﻪ ﺗﺮﺓ ﻫﺴﺔ ﺻﺮﺕ ﻋﺰﻳﺰﺓ ﻭﻳﺤﺤﻲ ﻟﺒﺎﺑﺎ ﻋﻨﻲ ..
- ﻣﺎ ﺍﻋﺮﻑ ﺑﺲ ﺍﺷﻮﻓﻪ ﺷﻲ ﻣﻨﺎﺳﺐ ﺍﻟﺞ ﻣﺎﻋﻨﺪﻩ ﻏﻴﺮ ﺑﻨﺖ ﻃﻔﻠﻪ ﺗﻜﺪﺭﻳﻦ ﺗﺸﻜﻠﻴﻬﺎ ﻭﺗﺮﺑﻴﻬﺎ ﻋﻠﻰ ﺍﻳﺪﺝ
ﻭﻇﺮﻭﻓﺔ ﺳﺎﻣﻌﻪ ﻋﻨﻬﻢ ﻛﻠﻬﻢ ﻭﺍﺻﻠﻴﻦ
ﻭﺍﺑﻮﺝ ﻭﺍﺧﻮﺝ ﺿﺎﻣﻨﻴﻪ ﻳﻌﻨﻲ ﺯﻭﺍﺟﻪ ﺩﻫﺮ ﻟﻴﺶ ﺍﻟﺮﻓﺾ
- ﻳﻜﻔﻲ ﻫﻮ ﺍﺧﻮ ﺍﻟﺴﻴﺪ
- ﻭﺍﻧﺖ ﺷﻌﻠﻴﺞ ﺑﺎﻟﺴﻴﺪ
ﻫﺴﺔ ﻭﺟﻪ ﻣﻘﺎﺭﻧﻪ ﻣﺮﺗﻀﻰ ﺍﺑﻦ ﺍﻟﺸﻴﺦ ﺣﺴﻦ ﺑﺲ ﺍﻟﻔﺮﻕ ﺑﺎﻟﺸﺨﺼﻴﺎﺕ ﺑﻴﻦ ﺍﻟﺴﻤﺎ ﻭﺍﻻﺭﺽ
ﺷﻔﺘﻬﺎ ﺍﺗﺮﻳﺪ ﺗﻘﻨﻊ ﺑﻴﻪ ﻋﻔﺘﻬﺎ ﻭﺭﺣﺖ ﻟﻐﺮﻓﺘﻲ ..
ﻭﺑﺎﻟﻔﻌﻞ ﺧﻄﺒﻮﻧﻲ ﺭﺳﻤﻲ ﻣﻮ ﺑﺲ ﻛﻼﻡ ﻋﺎﺑﺮ ﻭﺭﻓﻀﺖ ﺭﻓﺾ ﻗﺎﻃﻊ ﻭﺍﺟﻬﺖ ﺑﻴﻪ ﺍﻣﻲ ﺍﻟﻲ ﻓﺮﺣﺖ ﺑﻴﻪ
ﻭﻓﺮﺣﺘﻬﻢ ﺑﻴﻪ ﻛﺎﻧﺖ ﺳﻴﻒ ﻏﺪﺭ ﻣﻨﻬﻢ ﻟﻴﺶ ﻳﻨﻄﻮﻧﻲ ﻷﺭﻣﻞ ﻭﻟﺨﻠﻴﻞ ﻋﺰﻭﻧﻲ ﻋﻠﻴﻪ ﺧﺎﺻﺔ ﻣﻦ ﺳﺄﻟﺖ ﻋﻦ ﺃﺣﻮﺍﻟﻪ ﻭﻋﺮﻓﺖ ﻣﺎ ﺭﺍﻫﻢ ﻭﻳﻪ ﻣﺮﺗﻪ ﻭﻳﻜﻮﻝ ﻃﻔﻠﺔ ﻭﻫﻢ ﻣﻨﺼﺪﻡ ﺑﺎﻟﻮﺍﻗﻊ ﻣﻦ ﺻﺤﻰ ﻋﻠﻰ ﺯﻣﺎﻧﻪ ﻭﻇﺎﻝ ﻣﺸﺘﺖ
،
ﻛﻨﺖ ﺍﻧﻈﻒ ﺑﺎﻟﺒﻴﺖ ﻭ ﻛﺎﻟﻮ ﺍﻟﻲ ﺍﻣﺞ ﺍﺻﻴﺤﺞ ﺭﺣﺖ ﺍﻟﻬﺎ
- ﻫﺎ ﻳﻤﺔ ﺍﻭﺩﻳﺞ ﻟﻠﺤﻤﺎﻡ
- ﻻ ﺗﻌﺎﻟﻲ ﺍﻫﻨﺎ ﻳﻤﻲ ﺍﻛﻌﺪﻱ
ﻛﻌﺪﺕ ﻋﻠﻰ ﻃﺮﻑ ﺳﺮﻳﺮﻫﺎ
- ﻫﺎ ﻣﺎﻣﺎ
- ﻣﻮﺿﻮﻉ ﻣﺎﺟﺪ ﻳﻤﺔ ﺯﻭﺝ ﺍﺧﺘﺞ ﺧﻄﺒﺞ ﺍﻟﻪ ﻣﺮﺓ ﺛﺎﻧﻴﺔ ﻭﺍﻧﺖ ﺗﺪﺭﻳﻦ ﺍﻝ ......
- ﻫﻢ ﺭﺟﻌﻨﺎ ﻳﻤﺔ ﻣﻮ ﺭﻓﻀﺖ
- ﺑﻌﺪﻧﺎ ﻣﺎ ﻛﻠﻨﺎ ﺍﻟﻬﻢ ﺷﻲ
- ﻳﻮﻫﻮﻭﻭ ﻭﺗﻌﺎﻝ ﺣﻠﻬﺎ ﻳﺎ ﺣﻼﻝ ﻣﺎﻣﺎ ﻣﺎ ﺍﺯﻭﺝ ﻭﺍﺣﺪ ﺳﺎﺑﻖ ﺍﻟﻪ ﺍﻟﺰﻭﺍﺝ ﻭﻻ ﺍﺭﺑﻲ ﻃﻔﻞ ﻏﻴﺮﻱ ... ﻧﻔﺴﻲ ﺿﻴﻖ ﺍﻧﻲ
- ﻣﻮ ﺍﺷﻮﻓﺞ ﻭﻳﻪ ﺍﻃﻔﺎﻝ ﺧﻮﺍﺗﺞ ﺣﻨﻴﺔ ﺍﻟﺪﻧﻴﺎ ﺑﻴﺞ ﻳﺘﻴﻤﺔ ﻭﺍﺗﻜﺴﺒﻴﻦ ﺛﻮﺍﺏ ﺑﻴﻬﺎ
- ﻣﺎﻣﺎ ﺍﻭﻻﺩ ﺧﻮﺍﺗﻲ ﺍﻧﺖ ﻛﻠﺘﻴﻬﺎ ﻃﺒﻴﻌﻲ ﺍﺻﺐ ﻋﻄﻔﻲ ﻋﻠﻴﻬﻢ ﺷﻨﻮ ﺻﺎﻳﺮ ﻋﻠﻴﻪ
ﺍﺯﻭﺝ ﻭﺍﺣﺪ ﺍﺭﻣﻞ ﻭﺍﻧﻲ ﺃﻧﺴﺔ
- ﻳﻤﺔ
ﺻﻔﻨﺖ ﺍﻫﻮﺍﻱ ﺍﻻ ﻛﺎﻟﺖ ﺍﻟﻲ ﺑﻜﻠﺒﻬﺎ ﻭﺍﺫﺍﻧﻲ
- ﻛﻼﻡ ﺑﻴﺒﺘﺞ ﺗﺮﺓ ﺻﺤﻴﺢ
ﻓﺮﺻﺞ ﺑﺎﻟﺰﻭﺍﺝ ﺍﻟﺰﻳﻦ ﻗﻠﺖ ﻭﻗﻠﺖ ﺣﻴﻞ
ﻳﺎ ﻳﻤﺔ ﻫﺎﻱ ﺍﻟﺰﻭﺍﺟﺔ ﻣﻨﺎﺳﺒﺔ ﻟﻴﺶ ﺗﻀﻴﻌﻴﻬﺎ ﻣﻦ ﺍﻳﺪﺝ
ﺻﻌﺪ ﻋﻨﺪﻱ ﺍﻟﻐﻞ ﻭ ﻣﺎ ﻛﺪﺭﺕ ﺍﻛﺘﻢ ﻋﺘﺎﺑﻲ
- ﻣﻮ ﺧﻄﺒﻨﻲ ﺍﻟﻲ ﻣﺎ ﻫﻤﻪ ﺷﻲ ﻣﻦ ﺍﻻﺷﺎﻋﺎﺕ ﻭﺗﺪﺭﻳﻦ ﺑﻴﻪ ﻳﺎ ﺍﻣﻲ ﺭﺍﻳﺪﺗﻪ ﻭﻣﻦ ﻭﺭﺓ ﻇﻬﺮﻱ ﺻﺪﻳﺘﻲ ﺍﻣﻪ
ﺑﺲ ﻻﻥ ﻫﺬﺍ ﻣﻦ ﻃﺮﻑ ﺍﻟﺴﻴﺪ ﻓﺮﺣﺎﻧﻴﻦ ﺑﻴﻪ ﻭﺗﺬﻛﺮﺗﻮ ﻓﺮﺻﻲ ﻗﻠﻴﻠﺔ
- ﺯﻳﻨﺐ ﻳﻤﺔ؟
- ﺍﺵ ﻣﺎﻣﺎ ﺍﺵ ﺍﻟﻠﻪ ﻋﻠﻴﺞ ﻛﺎﻓﻲ ﺗﻌﺒﺖ ﻣﻨﻜﻢ ﺣﻴﻞ . ﻭ ﻭﺻﻠﺖ ﺣﺪﻫﺎ ﺍﻇﻞ ﻣﻌﻨﺴﺔ ﻭﻻ ﺍﺧﺬﻩ ﺧﻮﺵ ﻫﻴﺞ ﺍﺭﺗﺎﺣﻴﺘﻲ
︎▪ ﻣﺎﺟﺪ
ﻛﻨﺖ ﻛﺎﻋﺪ ﻣﻤﺘﻌﺾ ﻣﻦ ﺍﺑﻮﻳﺔ ﻭﺍﻟﺸﻴﺦ ﺍﺑﻮ ﻋﻠﻲ ﻣﻦ ﺍﺗﻨﺎﺯﻟﻮ ﻋﻦ ﺣﻖ ﻣﺼﻄﻔﻰ ﺑﻌﺪ ﺍﻻﺿﺮﺍﺭ ﺍﻟﻲ ﻟﺤﻘﺖ ﺑﻴﻪ ﺑﺴﺒﺐ ﻫﺎﻟﺤﺎﺩﺙ ﺍﻟﻤﻘﺼﻮﺩ ..
ﺩﺧﻠﺖ ﻋﻠﻴﻨﺎ ﺃﻋﺼﺎﺭ ﻣﺘﺤﺮﻛﺔ ﺑﺜﻮﺏ ﺍﺳﻮﺩ ﻳﻌﺎﻧﻲ ﻣﻦ ﻫﺰﻝ ﺻﺎﺣﺒﺘﻪ ﻣﺮﺳﻮﻡ ﻋﻠﻰ ﺟﺴﺪﻫﺎ ﺍﻟﻬﺰﻳﻞ ﺍﻟﺘﻔﺘﺖ ﻋﻠﻴﻪ ﻣﻦ ﻏﻴﺮ ﻣﺎ ﺗﻼﺣﻆ ﻭﺟﻮﺩﻱ ﺍﺳﺘﺪﺍﺭﺕ ﻋﻠﻴﻪ ﻣﺜﻞ ﻣﻮﺟﻪ ﺣﺮﻳﺮﻳﻪ ﻋﻨﻴﻔﺔ ﻣﻮﺟﻬﺔ ﻛﻼﻣﻬﺎ ﻷﺧﻮﻳﺔ ﺍﻟﺴﻴﺪ ﻣﺤﻤﺪ ...
ﺗﺴﺄﻝ ﻋﻦ ﺣﺎﻝ ﺍﺑﻦ ﺍﺧﺘﻬﺎ ﺑﺨﻮﻑ
ﻭﻗﻠﻖ ﺣﺴﻴﺖ ﻭﺟﻬﻪ ﺷﺪﻳﺪ ﺍﻟﺠﺎﺫﺑﻴﺔ ﻗﺮﻳﺒﺎ ﻟﻠﻨﻔﺲ ﻣﺮﻳﺢ ﻟﻠﻨﻈﺮ ﺑﺒﺴﺎﻃﺔ ﻣﻌﺎﻧﻴﺔ ﻭ ﺍﻋﺘﺪﺍﻟﺔ ﻋﺮﻓﺘﻬﺎ ﻫﺬﻱ ﺍﻟﻲ ﺭﺩﺗﻬﺎ ﺑﻴﻮﻡ ﻭﺭﻓﻀﺘﻨﻲ !
ﻧﻄﻖ ﺍﺧﻮﻳﺔ ﻣﺤﺴﻦ " ﺗﺸﺒﻪ ﺍﺧﺘﻬﺎ ﺍﻟﻤﺮﺣﻮﻣﺔ
ﺍﺧﺬﻫﺎ ﺍﺧﻮﻫﺎ ﻭﺳﺎﺩ ﺍﻟﺒﺎﺏ ﺧﻠﻔﻬﻢ
ﺷﻔﺖ ﻟﻤﺤﺔ ﺍﻧﻜﺴﺎﺭ ﺑﻮﺟﻪ ﻣﺤﻤﺪ ﻣﻦ ﺍﻧﺬﻛﺮ ﻃﺎﺭﻱ ﺍﺧﺘﻬﺎ ﻛﺄﻧﻬﺎ ﺟﺮﺡ ﻣﺎ ﻳﻨﺪﻣﻞ ﺫﻛﺮﺍﻩ ﻣﻠﺢ ﻳﻬﻴﺞ ﺍﻭﺟﺎﻋﻪ ﺭﺍﻓﺾ ﻳﻨﺠﺎﺏ ﻃﺎﺭﻳﻬﺎ .....
،
ﺍﻧﻲ ﺍﻟﺼﺮﺍﺣﺔ ﻓﻜﺮﺕ ﺑﻴﻬﺎ ﻣﺮﺓ ﺛﺎﻧﻴﺔ ﻭﻛﻠﺖ ﺍﻟﻔﻜﺮﺓ ﻣﻦ ﻗﺒﻞ ﻟﻤﺤﻤﺪ ﻭﻫﻮ ﻛﺎﻝ ﺑﻌﺪ ﻭﻛﺖ ﻋﻠﻰ ﻫﺬﺍ ﻛﻼﻣﻚ ﺍﻟﺠﻤﺎﻋﺔ ﻣﻮﺟﻮﻋﻴﻦ ﻋﻠﻰ ﺑﺘﻬﻢ
ﻭﺑﻌﺪﻳﻦ ﺍﻧﺖ ﺍﻟﻤﻔﺮﻭﺽ ﺗﺤﺘﺎﺭ ﺑﺒﺘﻚ ﻫﺴﺔ ﻣﻮ ﺗﻔﻜﺮ ﺑﺎﻟﺰﻭﺍﺝ ﻣﻦ ﻫﺴﺔ
ﺍﺟﻠﺖ ﺍﻟﻤﻮﺿﻮﻉ ﻭﻫﻢ ﺍﺣﺘﺮﺍﻡ ﻻﻡ ﺍﻟﻤﺮﺣﻮﻣﺔ ﻭﺍﻻ ﺍﻟﻤﺮﺣﻮﻣﺔ ﺍﺫﺗﻨﻲ ﺍﻫﻮﺍﻱ ﻭﻻ ﺭﺍﻳﺪ ﺍﺣﺘﺮﻡ ﺫﻛﺮﺍﻫﺎ ﺍﺫﺍ ﺍﻧﻲ ﻋﺎﻳﺶ ﻭﻣﺎ ﺍﺣﺘﺮﻣﺘﻨﻲ !...
ﺭﺣﺖ ﻟﺒﻴﺖ ﺍﻫﻠﻲ ﻣﺜﻞ ﻛﻞ ﻳﻮﻡ ﺑﻴﺘﻲ ﻗﺮﻳﺐ ﻭﺍﻛﻞ ﻭﺟﺒﺎﺕ ﻳﻤﻬﻢ ﻭﺑﺘﻲ ﻳﻢ ﺑﻴﺒﺘﻬﺎ ﺍﻡ ﺍﻣﻬﺎ ...
ﻣﻦ ﺩﺧﻠﺖ ﺍﺳﺘﻐﺮﺑﺖ ﻋﺼﺒﻴﺔ ﺍﻟﺴﻴﺪ ﻋﻠﻰ ﺃﻣﻲ ..
- ﺍﺷﻠﻮﻥ ﻣﻦ ﻛﻴﻔﺞ ﺗﺘﺼﺮﻓﻴﻦ ﻳﻤﺔ
- ﺧﻴﺮ ﺍﺑﻮ ﻣﺼﻄﻔﻰ ﻋﻠﻰ ﻛﻴﻔﻚ ﻭﻳﻪ ﺍﻟﻮﺍﻟﺪﺓ ﺍﻋﺼﺎﺑﻚ ﻣﺎ ﻛﻨﺖ ﻫﻴﺞ ..
- ﺗﻌﺎﻝ ﺍﺳﺘﻠﻢ ﺍﻣﻚ ﺍﻟﻴﻮﻡ ﺣﺎﺟﻴﺔ ﺑﺨﺎﻟﺔ ﺍﻻﻃﻔﺎﻝ
- ﻫﺎ ﻛﻠﺖ ﻻﻣﻲ ﺗﺨﻄﺒﻬﺎ ﺍﻟﻲ ﻭﻟﻴﺶ ﺿﺎﻳﺞ ﺍﻧﺖ ﻟﻌﺪ
ﻣﺴﺢ ﻭﺟﻬﻪ ﺑﻌﺼﺒﻴﺔ ﻣﺒﺎﻟﻎ ﺑﻴﻬﺎ
- ﻻ ﺍﻣﻚ ﺧﻄﺒﺘﻬﺎ ﺍﻟﻲ ﻭﺍﻣﻬﺎ ﺻﺎﺩﺗﻬﺎ
ﺍﻧﺒﻠﻊ ﺍﻟﻜﻼﻡ ﻣﻦ ﺻﻌﻮﺑﺔ ﺍﻟﻤﻮﻗﻒ ﻭﻛﻌﺪﺕ ﻣﺤﺘﺎﺭ ﺑﻤﻜﺎﻧﻲ ...
ﻳﺘﺒﻊ
ﺍﻧﻔﺘﺤﺖ ﺷﻔﺮﺍﺕ ﺍﻟﻘﺼﺔ ﻭﺍﻧﺰﺍﻟﺖ ﻋﻼﻣﺔ ﺍﻟﺴﺆﺍﻝ ﺣﻮﻝ ﻣﻨﻮ ﺧﻠﻒ ﻋﻼﻣﺔ ﺍﻻﺳﺘﻔﻬﺎﻡ ، ﻭﺍﻟﻘﺼﺔ ﻭﺻﻠﺖ ﻟﻨﺼﻔﻬﺎ ﺍﻟﺜﺎﻧﻲ ﺗﻘﺮﻳﺒﺎ ... ﻫﺎﻱ ﻟﻮ ٢٠ ﻟﻮ ٢٥ ﺍﺫﺍ ﺍﻟﻠﻪ ﺷﺎﺀ ﻳﻤﻜﻦ ﺍﻛﺜﺮ ﺍﻭ ﺍﻗﻞ ..
|