عرض مشاركة واحدة
قديم 20-10-19, 10:20 PM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


#البارت_الخامس

رواية...#نصف_عذراء_بين_أنياب_ قاتلي

#بقلمي...نور سمو العراق


💔💔💔💔💔💔💔💔💔

انا المتمردة العنيدة
لن اخضع لكم ايها الطغات
لن اسمح لكم بقمعي
لا تستطيعون
ممارسه احكامكم الباليه
لتحطيم احلامي هاا انا
امرآة ..لي كياني لي احلامي اليوم نحن في زمن التقدم .. لكن عقولكم في زمن التحجر
يحكمكم خوفكم من الناس ولا يحكمكم خوف الله تغاظيتم عن الجرم ولن تتغاظوا عن ممارسته ضدنا .. لن اسمح لكم بقمعي ...

حال تاج ..بقلم سمسمهsmsma89

حسيت بوجع بصدري رجعلي احساس،موت هبه والوجع الصار الها اتذكرت نظرات عيونها وهي تطلب اكون الهن ام..

دمروني مثل ما دمرو هبه

اجت ماما كالت...شفتي كلها دكول بناتج ماعدهن تربيه وهسه انتي ثبتي هذا الشئ بالله منو للبنات وانتي لسانج شطوله والله انتي اوكح وحده ببناتي علئ يوم تصخمين وجهي...

جاوبتها بحقد...ترئ اذا صحتلي فرصه اصخمه ولا اتراجع خطووه لان انتوو مو اهل انتم وحوش دمرتيني بزواجي من صباح وهسه ترديني،مربية عند اخووو

كالت...هسه هو الرجال شحجه ونكلبتي،عليه مثل الطنطل احجي،بهدوء كليله ما بينه نصيب قلة احترامج خلته ياخذهن منج...

اجه بابا كال..شبيج بنيتي ترئ والله بزعتينه شنو التردينه اني غلطت يوم خليتج عشتي عند بيت جدج انتي لازم تربين عندي لان كلش اسلوبج مو حلوو مثل جدج...

بيبي هماتين اجت تحجي وعموو ومن يجي يركب الحق عليه

عاد اني شسويت خابرت جدوو اجه اخذني

بالسياره كال..شبيج جدو منو وياج

جريت نفس واني ابجي،..عم بنات اختي الكلب اخذ البنات مني

كال...اي،جدو البنات مسؤؤليه انطيهن اله وان شاء لله الله مينساهن...

درت وجهي ومحجيت وياه يكولي انطي البنات لعد هنه غير امانة هبه...اني لا اريد اضحي بيهن ولا اريد اضحي بنفسي ..اريد ابني،ذاتي بذاتي...
وصلنه للبيت لكيت خاله موجوده عند بيت جدوو...

كعدت وياها سولفت الها الصار ...

كالت...خاله حبيبتي عندي الج خطه اذا مشيتي،عليها اكيد حتربحين

استغربت كلتلها...اي شنوو

ابتسمت بهدوء وكالت...اقبلي باخو صباح واطلبي عليه مهر عالي،واخذي بنات اختج بهذا الشئ اولا حيكون عندج مبلغ للسفر...وهماتين مطفيه النار المشتعله عنج ومطمنتهم

رفعت عيوني بتفكير احتمال كلامها صح اني خلي استغله لصالحي وبعدين لكل حادث حديث...لكن سرعان ما غيرت رأيي كلتلها...لا خاله ما احب استغله علئ حساب مصلحتي

لزمت اديه بحب...حبيبتي اني هماتين اريد اسافر اني و زوجي فإذا جبتي فلوس راح نسافر سوه ومراح اخليج تخافين ونوصل لخالج بأمان...يعني اني بصفج ما اتركج

تاج...يعني قصدج اوافق اتزوجه...زين اذا انخطبت وانهزمت منه شلون راح اتحرر منه واسمه مربوط باسمي وعاقد عليه

كالت بمكر...اكيد تطلكين غيابي انتي لازم تاخذين ثأر اختج منهم وهذا انسب حل هم تريحين هبة بقبرها وهم انتي ترتاحين منهم ..

ضليت متشتته مااعرف شنو اسووي احس متشتته من هول الصدمات ... اني ما اريد اتزوج عندي فوبيا صارت من الزواج...

والأدهى من هيج ان اتزوج اخو صباح هاي،مشكله عويصه رغم اني شفت محمد ومهدي الله يرحمه جانو كووولش حبابين ومؤدبين وما يرضون علئ صباح...

بس اباذر احسه نفس صباح و راضي مو مثل،محمد ومهدي...

اريد واحد فقير يحترمني واحترمه يقدرني واقدره ما اريد من هاي الشكولات...

احتاريت حييل...

جان دنيا ليل تقريبا ب 10 مساءا...

اجت ماما هي وبابا واختي ميس ...بابا ضل كاعد عند جدوو

وماما وميس اجن كعدن يمي خالتي وماما سون بماما فلك رزلنها هووايه...

اني انقهرت على ماما لان ضلت تبجي و دكول..بس اني من دون النسوان بناتي ما عدهن حظ..
ضليت كاعده يم ماما...

حضنتني بحنان كالت...ولج يممه تاج اني ما كتلج اتزوجي بس اكلج احجي بأدب حتئ ما يجيبون سيرة تربيتنا العالم الها الضاهر...هذا صباح مات وخلصتي منه والبنات عندج

شفتي،من لسانج عمهن اخذهن انتي ما تردينه ما اجبرج عليه...

باوعتلها بااستغراب...لعد ليش اجبرتيني علئ صباح

جرت نفس وزفرته..ضحيت بيج بس ما حبيت اضحي ببنات اختج

ضحكت بااستهزاء حسيت بنشوة الحقد مثل ما همه استغلوني خليني استغلهم...

كلتلها...ماما اني قررت اوافق بعم البنات لان اكيد اذا تزوجت غير عمهن هو حياخذهن وميقبل بنات اخو يربن عند الغريب وانتي متكدرين تربيهن كافي عليج اخوويه هشام

ابتسمت بحزن كالت...ماما تاج اني حجيت ويه ميوسه كلتلها تاج ضحت هووايه اقبلي بأبن عمج واجمعي بنات اختج...

عقدت حواجبي باستغراب...اي وشكالت ميس
ميس باوعت الي خجلانه...اني والله قبلت لخاطر لبنات بس بيبي كالت...لا تاج احسن لان ارمله وما يجيها شاب وهو ولد شاب ولسه ممتزوج...

حسيت بقهر من كلامها بس،سكتت كلتلها...ميس،ما الج قسمه ويه ابن عمج ...لان اني وافقت بي

ماما باوعتلي مصدومه كالت...من كل عقلج لو تشاقين مساع كلبتي الامه علينه شغيرج هسه

خاله كالت...اني حجيت وياها وفهمتها انتو ما تفهموها بالتأني اكيد تعاند وتتخبل

ماما كالت...لج هي حتئ غلطت علئ الولد وقللت من قيمته

خاله ابتهال...لا ان شاء لله تروح وتعتذر منه.

اني،انصدمت لا مو معقوله اروح اعتذر منه

كالت...لا حبيبتي لازم تعتذرين تصرفج غلط وعيب عليج هسه يكول ما عندها تربية ...انتي كوليله اني غلطت واعتذر لان انصدمت بطلبك...وعضتلي شفتها

سكتت وضليت افكر بكلامها بعدها خليت ورحت اتذكرت بنات هبه ياربي شحالهن زهراء حالتها خاصه وزنوبه تستغرب ومتكدر تتاقلم ويه اي شخص...كوه تعلمت علئ عمو معتصم شلون هسه تشبع بجي...
حسيت النعاس غلبني نمت وكوابيس مرعبه تراودني ياربي الهمني الصبر الدا اسوي صح لو غلط...

اني اعرفه غلط بس والله مستحيل اكدر اعيش وياهم اريد اعيش حياتي واحقق احلامي اذا رضيت بالواقع اتدمر واخس من حالة هبه اصير...

كعدتني خالتي،من النوم الصبح تقريبا الساعه بالعشره كالت خلي نروح نعتذر من الرجال وبعدها نكمل خطتنا...

صدوك بسرعه بدلت وحطيت مكياج خفيييف ورحنه اني وخاله جنت حيل خايفه ومتوتره احس بإحساس فضيع بالخوف ومااريد العب بمشاعره...

مسافة الطريق و وصلنه ترددت ادك الباب بعدها خالتي،دكت الباب شويه وفتح الباب محمد

كال بصدمه من جيتنه...تفضلو تفضلو اهلا وسهلا

دخلنه همست بخفوت...اباذر موجود البنات شلونهن

كال..اي موجود نايم بغرفته والبنات عند اختي...

دخلت سلمت عليهن وبوست البنات جانن يباوعن عليه بعين الصغيره...مااهتميت الهن...

بعدين طلعت كتله..محمد خلي يجي اباذر بالحديقه دا اريد احجي وياه..
كال..اي هو هسه جاي يغسل انتي انتظري..

ضليت منتظرته بالحديقه مرة تقريبا عشر دقايق واجه باوعتله ابتسمت بوجهه همست بهدوء...هلوو

هو عقد حواجبه مستغرب مني كال...هلا تفضلي

جريت نفس وبعدها بتسامتي علئ محياي كتله...اني اعتذر عن كل شئ صار لبارحه بس الصراحه انصدمت وقللت ادب كنت مصدومه والله ياريت تعذرني

جر نفس كال...عادي مصار شئ معذوره

ضحكت بمرح...اريد خطبه مثل لعالم والناس مو مثل صباح عبالك خاطفني

باوعلي باستهزاء واستغراب كال...خطبة شنوو

نزلت راسي بخجل...مو تريد تخطبني؟

كال بحمود ...لا غيرت رأيي

بلعت ريقي بفشله وخجل همست..بس بس انت

كال...اي هذا هو ماكوو نصيب ان شاء لله تلكين ابن الحلال اليسر عقلج وخاطرج

تعصبت حيل حسيت اعصابي انشدت رديت بعصبيه...لعد انطيني بنات اختي اذا متريد تزوجني واني اوعدك ما اتزوج
سكت ما رد عليه

رجعت كتله...اني البارحه الضوجني هو كلامك من كلت مربيه اني من حقي تكون الي عائله و زوج يحبني

ابتسم بهدوء كال..تردين زوج يحبج...عمي نحبج ليش لا..

حسيت مثل الي نرش بمي بارد كتله...لا مو قصدي بس من حقي اعيش ما اريد اكون مربيه

تكلم بجديه كال. والله يا تاج اني من طلبتج ما حبيت يكولون حط عينه علئ ارملة اخوو وجنت اريد علاقتنا انتي الي تبدين بيها من احسج انتي متقبلتني اشوفج اني شنو وشكد اكو فرق بيني وبين صباح واعرف صباح اذاج واذه اختج بس مو معناها اني مثل صباح اكيد كل شخص وتفكيره...وهو اخويه مااريد احجي عليه ولا اقبل واحد يحجي عليه موضوعه لازم ينسد

باوعتله بشك...يعني ما تعتبرني مربيه وانما زوجه واحترامي من احترامك؟

رد بثقه...اكيد والي يدوس الج علئ طرف ادوسه برجلي وانتي والبنات امانة برگبتي اليوم الدين

ما اعرف حسيته فشلني بكلامه مجان عندي اي رد اله اني ممتقبلته بس حسيته متقبلني وكأن مكسور خاطره عليه
كتله بحزن..انت تعرف صباح شسوه بيه

جر نفس كال...اي سولفلي معتصم بس يكون بعلمج صباح مصار عداوني اله من رافگ رويضي واني راضي عدوي اكيد مراح يأثر علئ طبيعة علاقتنا لا هو ولا عائلته...

رديت باارتباك...ان شاء لله ..واني صباح ما احبه ولا عندي موقف وياه فلا تعتبر صباح حاجز بينه...

كال...لا ما اعتبره ولا يأثر علينه

ابتسمت بحزن كرهت نفسي لان بديت بلعبه غبيه كتله...هسه مسامحني

كال بضحكه..مسامحج

...والبنات اخذهن؟

جاوب بهدوء...اخذيهن البنات امانتنه ولازم انكون الهن سند

ابتسمت..ان شاء لله...شكرا

خليت ورحت حسيت بنظراته رافقتي لباب الحووش واحساس،حلوو اجتاحني..حسيته حباب وهادئ ومتفهم عكس صبيح ابو الراشديات...
بس اني ممعاشرته ولا اعرف عنه شئ واكيد بس اول بدايه هيج وبعدها ينكلب سعلوه عليه...

رجعت كعدت شوويه يمهن وبعدها اخذت البنات وطلعت وهو اخذنه بسيارته وصلنه البيت جدوو

كان مريح نوعا ما ومرح كدر ياخذ مني استجابه ومن خالتي كلت لخاله...مو كأنه حباب

كالت...لا ليغرج الكلام الحلوو ترئ بس بالبدايه وبعدين يتخبل عليج...

جريت نفس وبست البنات ومشاعري مضطربه اباوعله بالمرايه عيونه تجدح و حلوووه خفت منه مجرد ما فكرت بالهروب يمكن يذبحني....

وصلنه للبيت سلمت عليه ونزلت وخبرت الكل بالخطبه حبيت اسوي خطبه صغيره وبس اهلي وخالاتي مع العلم الكل مقبل بالخطبه وكالو منسوي احترام لتراب صباح ومهدي...

بس هو اباذر كلهم مجرد خطبه عاديه خلو البنيه تسوي الي بنفسها ولا تكسرون واهسها...

واني هذا الي اريده واحد يحترمني...

....................

ميس...
سمعت تاج راحت اعتذرت وقبلت بالخطبه بصراحه حسيت شئ حلو السوته وماما ارتاحت وبابا كذلك..

كعدت يم اخوويه هشام دا اغسل برجليه هو ولد شاب بعمر ال 25 سنه

ميتكلم هووايه ومنعزل ولا يحب الاختلاط بالناس وشويه عنده حاله نفسيه...

وخطيه كووولش متعب ماما دائما تغسل اله وتبدل اله ومتطلع منا لهنا بسببه وهو دائما يتضايق من حالته ويضل يتذمر ومرات يتعصب ويحبس نفسه بغرفته وميقبل واحد يدخل عليه...

دائما عمو معتصم يكول ازوجه واخلي زوجته تكون ملجئ اله وهو ميقبل يتزوج يكول حالتي مو مال زواج ...

بس عمو مصر اله يزوجه...اني اتمنئ يتزوج لان حيل دا اتعب وياه دائما اسوي مسج لاكتافه واديه واحرك رجليه كل يوم ساعتين مع العلم هو ميستجيب

ودائما نشيله اني وماما احس ضهري ينكسر ودائما يكولون ميس انتي بعد ما تصير عندج خلفه لان هشام ثكيل كاسر ضهرج...

اذا عمو موجود هو يشيله بس من عمو مموجود اني وماما وكم مره نوكع اني وياه وماما تضل تصيح وتغلط عليه...بس اكولها اني مااكدر....
جبت كدر مي دافي وخليت رجلين هشام وضليت ادلكهم وهو يباوع للتلفزيون...

دخل عمو ضحك كال...هلا بهشام شلونك عموو

هو باوعله بهدوء وسكت بعدها كال بحزن..زيين ...خطيه حالته النفسيه تعبانه وكلنا مراعين حالته...

ونتمنه ننطي رجلينه اله ونخلي يمشي...بس هذا قدره

اجه عمو كعد يمه وضلو يباعون علئ لعبه للريال وبرشلونه عموو يشجع برشلونه وهشام الريال وجانت التشجيع بينهم كبير...

اتذكر اني جنت اشجع الريال مو حبا بيهم بس،الخاطر هشام اخوويه...

وبيومها فازو الريال بيها هشام فرح هووايه وعمو ضل يضحك ويكله...الحكم يحايز وفزتو ان شاء لله مره الجايه نسحلكم سحل...

هشام كال..سولفها لحبوبتي مال الحكم يحايز انتم ما بيكم خيير وانت كلت بس انفوز الي هديه منك

عمو ضحك كال...عهد عليه ازوجك احلئ وحده بعشيرتنا
هشام ضحك كال...ومنو ترضه بيه

عمو جر نفس كال..لو اعرف اسوي المستحيل ازوجك ازوجك....

هشام نزل راسه بياس وعمو باسه براسه وخله وراح الغرفته....

بس هو نسه موبايله يمنه اجت رساله اني ردت افتحها بس هو خال رمز بس كانت ضاهره علئ الشاشه مكتوب ام عبدالله...ومكتوب ...سيدي الكيته ان شاء لله كم يوم واسوي التريده...

نزل عمو واخذ موبايله

ودخل للمطبخ سمعته يحجي ويه واحد

يكله...ابو طبره اريد مره لابن اخوويه بس اريدها من عائله بسيطه لان ابن اخوويه حالته حرجه شوويه

ضل يسولف وياه وبعدها كله..شنو مهجره من الانبار اهااا ان شاء لله اشوفها...

استغربت شنو يريد عمو يسووي اخذت مي لهشام ورحت اله دا انطي المي...

باوعت لعمو وهو باوع عليه ضحك وكرص خدي وراح....
..............................

قالت متى نلتقي فقلت لها عندما تنتهي الحرب قالت متى تنتهي الحرب فقلت لها عندما نلتقي

..................................

بتاريخ 8 /3/ 2015

يوم نزوحنا من مناطقنا الغربيه كان يوم صعب جدا تركنا ديرتنا واماكنه ومدارسنا وكل شئ...بسبب حصار وهجوم داعش علئ مناطقنه

انا قدر وانكتب عليه القدر هيك اروح نازحه لبغداد انا واخواتي الصغار...

دحكت بوجهي اختي الصغيرة انه كنت مبوشه بسبب حصار داعش علينه..

حكت باسلوب خايف...قدر احنا وين رايحين وانتي ليش هيك لابسه

ابتسمت بحزن وحضنتها...لا تخافي وحدري هووني احنه رايحين لبغداد حتئ نتخلص من حصار الدواعش علينه فهمتي بس لا تحكي هذا الحكي سر بينه مفهوم حبيبتي...

هزت راسها بقبول ورجعت حضنتني واخي الصغير حضني
طلعنه من ديارنا بدون ما ناخذ اي شئ ويانه بس قليل من ملابسنا كنا طالعين انا وخوالي ونسوان خوالي وبيبتي...حملنه سيارتين...ماكنا نعرف شو هو مصيرنا راح نتخلص من الدواعش لو راح يكضبونه وينتقمون منه...

جريت نفس وضليت ادحك للسماء البوشيه حجبت عندي الرؤيه دمعت عيوني اشتاقيت لامي ...امي ماتركتنا امي مو هييك ..لكن روحها اخذها العزيز الجبار ماتت من قبل سنوات بمرض سرطان الرحم سافرت علئ تركيا وعاشت سنتين وبعدها ماتت

حزني كان قووي عليها تعبت نفسيتي وغدروني اقرب الناس اليه وحده منهم بنت خالتي غدرتني وطعنتني بضهري واستغلتني....

وصلنه لهيت وضلينه بيها ليلتين كانو من اصعب اليالي علينا تعبنا كتير...

وبعدها..طلعنه من هيت واتخذنا طريقنا لزمتنا سيطره داعشيه ...

انا رجليه ما عانوني ارجف بصوره مرعبه واختي واخي كاضبيني خايفين

واحد منهم حكئ بلهجه فصيحه...اين انتم متوجهون يا اعداء الله...

خالي رد عليه بهدوء...نحنا متوجهين الحصيبه

ابتسم بخبث والحقاره مرسومه علئ وجهه...بارك الله بكم اخوتي كنا نضن انكم نازحون الئ بغداد ...تحرسكم الملائكه ....ادعو للدوله الاسلاميه ان شاء لله باقيه وتتمدد...
خالي جاوبه...النصر للدوله الاسلاميه الله يحرسكم

كان يدعي الهم خوف من بطشهم وجبروتهم...وكل سيطره نمر عليه تاخذ نص من حيلنه...

اتجهنا علئ طريق ترابي من جهة الموصل وافترينا النخيب من هيت للرمادي للنخيب وبعدها لكربلاء....

انضم النه رتل كامل من السيارات متوجه من الغربيه لبغداد اكثرهم من صلاح الدين والعلم والشرقاط صادف نزوحهم ويه نزوحنه...

وصلنه السيطره تابعه للجيش العراقي وكضبونه واستغربو من الوادم الكثيره النازحه كانو يحكون ويتهامسون بينهم ...هذول كلهم جاين يحتلون بغداد

وكان الضابط شايط ويهوس علئ الجنود التحت ايده الي افتهمتو هو رائد بالجيش بس كان كثير عصبي وتعارك مع كم جندي تحت امرتو..

وانبه كثير بحيث طلب يفتشونه نفر نفر...

بعدها طلب منه ننزل من سيارتنه وننضم للرتل المليان نساء وأطفال ورجال...كأن أمر منو ولازم انفذو

نزلنه نحنا النسوان والاطفال وانظمينه للرتل أخي كان صغير وما كدرت اصعدو بالسياره احتاريت كيف اصعدو...
الخوف كان معتليني واخاف اطلب او احكي وهاد الضابط يصرخ بوجهي ضليت بحيره من أمري صعدت ومديت ايدي لاخي البالغ 12 سنه

وهو مد ايدو طالب مساعدتي ..تقدم الضابط وحمل اخي بين اديه وركبو بالرتل كان الجو مضلم ماشفتو زين...

بس كانت عيونو لونهن بني وضو الايت يضرب عليهن يبرزو اكثر...

همست بصوت واطي ما وصل لمسامعو..شكرا

تركني وراح بدون ما يرد عليه

وبعدها ركبت اختي وضلينه كاضبين السياره وخايفين كل اهلي ركبو معاي وانطلقنا لكربلاء...

تاركين الضابط يهووس ويصيح علئ الجنود درت وجهي عليه وابتعدت سيارتنا عنو كتييير

بلعت ريقي ...شو الي صار انا شبيه مجرد حمل أخي وساعدني ليش اريد ارجع اتشكر منو اكثر ليش..

طردتو من مخيلتي وضليت حاضنه اخواتي اعز ما املك و وديعة امي الغاليه...

ضلينه ليلة كامله بكربلاء بالسيطره كونه من الطائفه السنيه...
مااكدر اوصف القهر والألم والخوف الي تعرضنه ألو تعبنه تعب مو طبيعي...

وصلنه بغداد الساعه4 الفجر ...كان عدنا اقارب ببغداد بس خوالي كالوو نص راح يسافرو علئ مصر وقسم لاربيل او السليمانيه...

استقبلونه اقاربنا ببغداد كانو يبكون علئ حالنا ونحنا نبكي ما نعرف علئ شنو نبكي بس المهم نفرغ طاقتنه السلبيه...

ضلينه كاعدين صلينا ودعينا ..وبعدها كعدنه نتناقش قررو يسافرون..

وخالي كال..قدر واخوتها يضلون ببغداد عندهم عمامها من ابوها هنا وتضل عندهم ما نكدر نتحمل مسؤوليتهم اكثر من هيك...

انا سكتت مالي حق احكي امي منفصله عن أبي من سنين طويله تقريبا 12 سنه ...

رغم همه اقارب وثنينهم من نفس الطائفه بس ما تراهمو وانفصلو وسمعت ابي متزوج...

لذالك خوالي قررو ياخذونه لبابا او عمامي...

ضلينه تقريبا يومين ماعرفو مكان بابا فقط عمامي...
جهزنه رواحنه وطلعنه من البيت ورحنه لعمامي كان يعز عليه افارك اهلي وناسي بس همه ما رادونه واحنه لازم نروح لعمامي...

تقربت مني بنت خالي ياسمين كالت...قدر انا بحبك بس الصار غصب عني ياريت تسامحيني...

نظرتلها بنظره حاده وتركتها ومشيت سمعتها كالت...انا مو كاعد احكي وياكي ليش تركتيني...

همست بقهر ...حقيره بعد عملتها الواطيه تريد احكي وياها ...

ركبنه بالسياره والتجئنا لبيت عمامي لانو عرفت ميت من كم سنه ونحنا ما نعرف لانو علاقتنا مكطوعه من انفصال ماما عنوو...

عشت عند عمامي والي تفاجبت بي انو عمامي منحطين. وكل همهم الفلوس
وصخيين كثيير كرهت حالي عندهم...عشت عندهم سنه كامله والي فاجئني انهم يردون يزوجوني لواحد كبير بالعمر اسمو ابو عدويه رجلوو مكطومه اثر مرض السكري...

عشت ايام صعبه من بين احمي حالي واحمي اخواني الصغار ...اختي طفله واخاف منهم يجون سكارئ ويعتدون عليها ...

دائما اقفل الباب علينا وما اخليهم يطلعون استغلو ضعفي وانطوني لابو عدويه ..وانا وافقت كرامه لاخواني الصغار...
بس كل يوم ابكي كثير على حالي وادحك بوجهي اتحسف نفسي،عند ابوو عدوويه ومالي مكان اروح الوو...

صعدت علئ الدرج المتهالك انشر الملابس تضربهن الشمس شوويه...

باوعت علئ بيت مسلم اتمنيت متزوجه مسلم ابو سن المكسور ولا ابو عدوويه الدجال...بكرهو كثييير. . بيج قصص عراقيه حقيقيه من واقعنا.روعه الطائي
ابتسمت بمرح مسلم التافه دايما بيغازلني وويصفر برومانسيه...كل هل جمال لابو عدووويه يوميه كاطمين شوويه للنجف يوم رجله يوم ايده راح يودونه تفصيخ...

وانه رغم حزني اضحك كثير ودايما من يشوفني يكول...ابو عدوويه يسوي العرس بالفتحه الثالثه ان شاء لله يموت قبل لا يتزوج...والله اتزوجج يقدر واخذج بالستوته واشغلج اغنيه رعد وميثاق اونسج اخر ونسه...

والله صرت اتمنئ اتزوج مسلم ولا هل كلب ابو عدويه...

شفت ام عبدالله حبيبتو لمسلم البالغه من العمر اربعين سنه وهو اصغر منها بعشر سنين ومطلقه من 3 رجال...

طبعا كثير بتكرهني لانو تعتبر عدم زواج مسلم منها انا بتكول انتي السبب من مسلم شافج كلب عليه عساها بحضج وبختج
باوعت عليها هي دتشر ملابسها باوعتلي بحقد وغمتني ونزلت...

ضحكت امده حضي هي ضلت بس ام عبدالله...

رفعت ايدي بالدعاء ..ياربي يا حبيبي خلصني من ابو عدوويه واهلكوو يااارب...

...........................

بعد مرور اسبوع كامل...

صادف يوم جمعه خطبة تاج...

طبعا خطبتي ردت اسويها ببيت جدوو بس،بابا مقبل وكال...بيت ابوج موجود لازم الخطبه ببيتنه...

خضعت للامر الواقع ...ما رحت للصالون بس عندي فستان لونه ذهبي لبسته وشسورت شعري وحفيت حطيت مكياج ثكييل وطوخت الحمره ...

طلعت حلوه الحمد لله...

بدت الخطوبه ماكو لا ركص ولا اي شئ مجرد خطبه عاديه هو وبابا وعمو واخويه ومحمد اخوو وجدوو...

طبعا اني خليت جدوو ...كال اكصبه كصب بالمهر وفعلا طلب عليه مهر عالي بيومها صار جدال حاد بين بابا وجدوو واباذر تدخل ...
وحسب من سولفو اليه جدو كايل لاباذر...اني بناتي غاليات وتاج اني ربيتها وتعبت عليها تريد تخطبها توافق بمهرها ومن حقي اطلب مهر عالي الها...

وطبعا اباذر وافق وتمت الخطبه

دخلت
يتبع



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس