عرض مشاركة واحدة
قديم 23-10-19, 11:15 PM   #22

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#ﺻﺮﺧﺎﺕ_ﻏﻴﺮ_ﻣﺴﻤﻮﻋﻪ

ﺑﻘﻠﻢ ﺍﻡ ﻏﺎﻳﺐ

ﺍﻟﻨﺎﻗﻠﻪ ﺯﻭﺯﻩ

#البارت١١

ﺍﻛﻮ ﻭﺍﺣﺪ ﻃﻠﻊ ﺣﭽﺎﻱ ﻭﺟﻬﻴﻦ
ﺍﻛﺘﺸﻔﺘﺔ ﻭﺣﻴﻞ ﻧﺪﻣﺎﻥ ﻋﻠﻰ ﻋﺸﮕﺔ
ﺑﻌﺪ ﻟﻮ ﻳﺤﻠﻒ ﺑﺴﺘﻴﻦ ﻣﻌﺼﻮﻡ
ﻭﻳﺠﻴﻨﻲ ﻭﻳﻌﺘﺬﺭ ﻫﻢ ﻣﺎ ﺍﺻﺪﮔﺔ
ﻣﺮﻳﻢ / ﺟﺪﻭ ﻣﺎﺕ
ﺷﻬﺪ / ﺷﻨﻮﻭﻭ ﺟﺪﻭﻭﻭﻭ ﻛﻤﺖ ﺍﺑﺠﻲ ﻭﺍﻋﻴﻂ ﻻ ﺍﺭﺍﺩﻳﺎﺍً ﺷﻜﺪ ﻣﺎﺟﺎﻥ ﻗﺎﺳﻲ ﺷﻜﺪ ﻣﺎﺍﻧﻲ ﻣﺘﺤﻤﻠﺖ ﺍﻟﺨﺒﺮ .....
ﻳﺎ ﺭﺑﻲ ﻟﻴﺶ ﻫﻴﺞ .... ﺍﻟﺒﺎﺭﺣﻪ ﺟﺎﻥ ﻣﺎﺑﻲ ﺷﻲ ﻭﻳﺴﻮﻟﻒ ..... ﺷﻜﺪ ﻣﺎﻛﺎﻥ ﺍﻟﺒﺸﺮ ﻗﺎﺳﻲ ﻭﺗﺘﻮﻗﻊ ﻛﻠﺒﻚ ﺟﺎﻓﻞ ﻣﻦ ﻧﺎﺣﻴﺘﻪ ﺑﺲ ﻣﻦ ﺗﺴﻤﻊ ﺧﺒﺮ ﻭﻓﺎﺗﻪ ﺗﺘﺄﺫﻩ ﻋﻠﻲ ﻭﺗﻨﺴﻪ ﻛﻞ ﺍﻟﻘﺴﻮﻩ ﺍﻟﻲ ﺷﻔﺘﻬﻪ ﻣﻨﻪ
ﻛﺎﻟﺖ ﻋﻤﻪ ﺭﻭﺣﻮ ﺑﺪﻟﻮ ﺑﺴﺮﻋﻪ ﺧﻞ ﻧﺮﻭﺡ ....
ﻓﺎﺭﺱ ﻭﻳﻦ ﻟﻌﺪ
ﻛﻠﻬﻢ ﺑﺎﻟﻤﺴﺘﺸﻔﻰ ..... ﻣﻦ ﺍﻟﻌﺼﺮ ﺟﺪﺝ ﻣﺘﺨﺮﺑﻂ ﻭﻫﺴﻪ ﻗﻴﺼﺮ ﺟﺎﺏ ﻋﻤﺘﺞ ﺧﻮﻟﻪ ﻭﺧﺎﺑﺮ ﻛﻠﻲ ﺍﺭﻭﺡ ﻫﻨﺎﻙ ..... ﻟﺒﺴﻨﻪ ﻭﺭﺣﻨﻪ ﻣﺸﻲ ﻟﻠﺒﻴﺖ ﻣﻦ ﺭﺍﺱ ﺍﻟﻔﺮﻉ ﻭﺻﻮﺕ ﺍﻟﺼﺮﻳﺦ ﻣﺴﻤﻮﻉ
ﺩﺧﻠﺖ ﻟﻜﻴﺖ ﻋﻤﻪ ﺧﻮﻟﻪ ﺗﻜﺴﺮ ﺑﺎﺏ ﺍﻟﻜﻠﺐ ..... ﻣﻨﻬﺎﺭﻩ ﻭﺍﻣﻲ ﻫﻢ ﻧﻔﺲ ﺍﻟﺤﺎﻟﻪ ﻭﺷﻴﺮﻳﻦ ﺗﺒﺠﻲ
ﺧﻮﻟﻪ / ﻭﻟﻜﻢ ﺗﻮﻭﻭﻓﻨﻲ ﺭﺍﺡ ﺍﺑﻮﻳﻪ ﺭﺍﺡ ﺷﻤﻌﺔ ﺑﻴﺘﻨﺎ ﻳﻤﻤﻤﻤﻪ ﻭﻳﻨﺞ ﺍﺧﺬﺗﻲ ﻳﻤﺞ ﻭﺍﻧﻲ ﺷﺒﻘﻴﺘﻴﻠﻲ ﻫﻮﻭ ﺑﺲ ﺍﺑﻮﻳﻪ ﺑﺎﻗﻴﻠﻲ ﺑﺎﻟﺪﻧﻴﺎ
ﺗﺤﺠﻲ ﻭﺗﺨﺮﻣﺶ ﺑﺮﻭﺣﻬﻪ ﻭﺑﺼﻮﺕ ﻣﺒﺤﻮﺡ
ﺍﻣﻲ ﺷﺎﺑﻜﺘﻬﻪ ﻭﺗﺒﺠﻲ .... ﺑﺠﻴﺖ ﺑﻴﻮﻣﻬﻪ ﻫﻮﺍﻱ ﻛﻠﺒﻲ ﻭﺭﻡ ﻣﻤﺼﺪﻛﻪ ﺑﻌﺪ ﻣﺎﻛﻮ ﺟﺪﻭ
ﺑﺪﺕ ﺍﻟﻨﺎﺱ ﺗﺠﻲ ﻭﺑﺤﺬﻭﺩ ﺍﻝ١٢ﺟﺎﺑﻮ ﺟﺪﻭ ﻣﺜﻞ ﻣﺠﺎﺑﻮ ﺑﺎﺑﺎ ﺫﺑﻴﻨﻪ ﺭﻭﺣﻨﻪ ﻋﻠﻰ ﺗﺎﺑﻮﺗﻪ
ﺍﻭﻝ ﻣﺮﻩ ﺍﻋﺮﻑ ﺑﻨﻔﺴﻲ ﺍﻧﻲ ﺍﺣﺒﻚ ﺟﺪﻭ ..... ﺗﻌﺎﻝ ﺍﺭﺟﻊ ﺟﺬﺏ ﻭﺍﻟﻠﻪ ﻣﺎﺍﺭﻳﺪﻙ ﺍﻣﻮﺕ ﺟﻨﺖ ﺩﺍﺋﻤﺎً ﺍﺣﺠﻴﻬﻪ ﺑﺲ ﻫﺴﻪ ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ..... ﺍﺣﺲ ﺷﻲ ﺍﻧﻄﻔﻪ ﺑﻬﺬﺍ ﺍﻟﺒﻴﺖ
ﺍﻭﻝ ﺷﻲ ﺑﺎﺑﺎ ﺭﺍﺡ ﻭﻫﺴﻪ ﺍﻧﺖ ﺭﺍﺡ ﺗﺮﻭﺡ
ﺻﺢ ﺍﻧﺖ ﺗﻀﻮﺟﻨﻪ ﺑﺲ ﺍﺣﻨﻪ ﻧﺤﺒﻚ ﻭﺍﻟﻠﻪ
ﺑﻘﻴﺖ ﺧﺎﻟﻪ ﺭﺍﺳﻲ ﻋﻞ ﺗﺎﺑﻮﺕ ﻭﺍﺑﺠﻲ ﻭﺍﺣﺠﻲ ﻭﻳﺎ ﺑﻜﻠﺒﻲ
ﺻﻮﺭﺗﻪ ﻣﺤﺎﻭﻃﻪ ﻋﻴﻮﻧﻲ
ﺷﻬﺪ / ﻣﻦ ﺳﻤﻌﺖ ﺻﺮﺧﺔ ﻋﻤﻪ ﻣﻦ ﺩﺧﻠﺖ ﻣﻦ ﺑﺎﺏ ﺍﻟﻄﺮﻣﻪ
ﺍﺣﺲ ﺷﻲ ﺍﻧﺨﻤﻂ ﻣﻦ ﺭﻭﺣﻲ ..... ﺑﻘﻴﺖ ﺍﻟﻄﻢ ﻭﺍﺩﻙ ﻋﻠﻰ ﺻﺪﺭﻱ ﻣﺎﺕ ﺟﺪﻭ ﻭﺗﻮﻫﻪ ﺭﺟﻌﺖ ﻋﻼﻗﺘﻲ ﺑﻲ ﻃﺒﻴﻌﻴﻪ
ﺍﻟﺤﺪ ﻣﺠﺎﺑﻮ ﺍﻟﺘﺎﺑﻮﺕ ﻭﺍﻧﻲ ﻣﻤﺴﺘﻮﻋﺒﻪ ﺟﺪﻭ ﺭﺍﺡ
ﻛﻠﻬﻪ ﺟﻴﺘﺖ ﻋﻞ ﺗﺎﺑﻮﺕ ﻭﻛﻠﻬﻪ ﺗﻌﻴﻂ ﺑﻌﻠﻮﻭ ﺻﻮﺗﻬﻪ ﺣﺘﻰ ﻧﺎﺱ ﻏﺮﻳﺒﻪ ﻣﺸﺎﻳﻔﺘﻬﻢ ﻓﻮﻙ ﺍﻟﺘﺎﺑﻮﺕ ﻭﻳﺼﺮﺧﻮﻥ ﻛﻞ ﻭﺍﺣﺪ ﺷﺎﻳﻞ ﻫﻢ ﻋﺒﺎﻟﻚ ﻳﻄﻠﻌﻬﻦ ﺑﻬﺎﻱ ﺍﻟﺼﺮﺧﺎﺕ ﻛﻞ ﺻﺮﺧﻪ ﺗﺤﺠﻲ ﻫﻢ
ﺻﺮﺧﺖ ﻭﻃﻠﻌﺖ ﻛﻞ ﻭﺟﻌﻲ ﻣﺜﻠﻬﻢ
ﻭﺧﻠﻴﺖ ﺭﺍﺳﻲ ﻋﻠﻰ ﻛﺒﺮﻩ
ﻣﺎﺍﻋﺮﻑ ﺷﻜﻠﻚ ﻳﺎ ﺟﺪﻭ .... ﺍﻧﺖ ﺟﻨﺖ ﺗﻌﺮﻑ ﺍﻧﻲ ﺑﺮﻳﺌﻪ ﻭﺣﻜﻤﺖ ﻋﻠﻴﻪ ﺑﺎﻟﻤﻮﺕ ﺻﺢ ﻣﻤﺘﺖ ﺑﺲ ﺟﻨﺖ ﻳﻮﻣﻴﻪ ﺍﻣﻮﺕ ﺍﻟﻒ ﻣﻮﺗﻪ ﻭﺍﻟﺤﺪ ﺍﻻﻥ
ﻣﺎﺍﻋﺮﻑ ﻣﻨﻮ ﺑﻴﻨﻪ ﻳﺤﺘﺎﺝ ﻳﺴﺎﻣﺢ ﺍﻟﺜﺎﻧﻲ
ﺍﻧﻲ ﺑﺎﻟﻨﺴﺒﻪ ﺍﻟﻲ ﻣﺴﺎﻣﺤﺘﻚ
ﻭﺍﻧﺖ ﻫﻢ ﺳﺎﻣﺤﻨﻲ
.........................
ﻋﻤﺮ / ﺗﻌﺒﺎﻥ ﻳﺎ ﺷﻴﺮﻳﻦ ﺍﻻﻳﺎﻡ ﺑﺪﺕ ﺗﻤﺸﻲ ﺳﺮﻳﻊ ..... ﺭﺍﺡ ﺗﺼﻴﺮ ﺍﻟﻤﺤﻜﻤﻪ ﻭﺍﻧﺤﻜﻢ ﺍﻋﺮﻑ ﺣﻜﻤﻲ ﺍﻋﺪﺍﻡ....بيج قصص عراقيه حقيقيه من واقعنا.روعه الطائي
ﻣﺎﺍﺭﻳﺪ ﺍﻣﻮﺕ ﺑﺪﻭﻥ ﺷﻮﻓﺔ ﺍﻣﻲ ....... ﺷﻠﻮﻥ ﺭﺍﺡ ﺍﻣﻮﺕ ﺍﻧﻲ ﻫﻢ ﺍﻟﻠﻪ ﻣﺮﺍﺿﻲ ﻋﻠﻴﻪ ﻭﻫﻢ ﺍﻣﻲ .... ﻣﺸﺘﺎﻗﻠﻬﻪ ﺑﻜﺪ ﺭﺣﻤﺔ ﺍﻟﻠﻪ
ﺗﺪﺭﻳﻦ ﻣﺎﺍﻋﺮﻑ ﻟﻴﺶ ﺍﻟﻴﻮﻡ ﺍﺷﺘﻬﻴﺖ ﺍﻛﻞ ﺳﻤﺞ ﺷﻮﻱ ﻭﺣﺎﻣﺾ ﺗﺪﺭﻳﻦ ﻛﺎﻋﺪ ﺍﺣﺠﻴﻠﺞ ﻭﺍﻟﻠﺴﺎﻧﻲ ﻳﻤﻄﻚ ﻋﺒﺎﻟﻚ ﻛﺎﻋﺪ ﺍﻛﻞ ﺻﺪﻙ
ﻫﻬﻬﻬﻬﻬﻪ ﺍﻟﻴﻮﻡ ﺍﻧﻲ ﺟﻮﻋﻲ ﺷﻮﻭﻭ ﻋﺒﺎﻟﻚ ﻛﺎﻋﺪ ﺍﻛﺘﺐ ﻓﻘﺮﺓ ﺍﻻﻛﻞ ﻭﺗﺪﺭﻳﻦ ﺑﻌﺪ ﺷﻤﺸﺘﻬﻲ ..... ﻣﺸﺘﻬﻲ ﺍﻛﻌﺪ ﻭﻳﻪ ﺟﻤﺎﻋﺘﻲ ﺑﺎﻟﻜﻬﻮﻩ .... ﻭﻧﺘﺸﺎﻗﻪ
ﻭﻣﺸﺘﻬﻲ ﺍﻧﺎﻡ ﺑﻔﺮﺍﺷﻲ ﺍﻟﻘﺪﻳﻢ .... ﻭﺍﺣﺠﻲ ﻭﻳﺎﺝ ﺑﺎﻟﻤﻮﺑﺎﻳﻞ
ﻭﺍﺧﺬ ﺩﻭﺵ ﻭﺍﺧﻠﻲ ﻋﻄﺮ
ﺷﻮﻓﻲ ﺫﻧﻲ ﺷﻜﺪ ﺍﺷﻴﺎﺀ ﺑﺴﻴﻄﻪ ﺧﻮﻭﺏ ﺑﺲ ﺍﻧﻲ ﻣﻔﺘﻘﺪﻫﻪ ﻭﺣﺴﺮﻩ ﻋﻠﻴﻪ
ﻳﻠﻠﻪ ﺷﺴﻮﻱ
ﺧﻞ ﺍﻧﺎﻡ ﺍﺣﺴﻦ ﻣﺎﺍﺑﻘﻪ ﺍﺗﺨﺎﻳﻞ ﻧﻔﺴﻲ ﺍﺳﻮﻱ ﺫﻧﻲ ﺍﻻﺷﻴﺎﺀ
ﺗﺪﺭﻳﻦ ﻣﻦ ﺍﺭﻳﺪ ﺍﺩﺧﻞ ﻟﻠﺤﻤﺎﻡ ﻫﻨﺎ ﺍﻛﺮﻩ ﺍﻟﺴﺎﻋﻪ ﺍﻟﻲ ﺍﻧﺤﺼﺮ ﺑﻴﻬﻪ
ﻣﻮ ﺳﺠﻦ ﺗﻜﻮﻝ ﺯﺭﻳﺒﻪ
ﺍﺿﺤﻜﺞ ﻋﻠﻰ ﺷﻲ .... ﻛﺎﻳﻠﺞ ﻋﻠﻴﻬﻪ ﻗﺒﻞ ﺍﻧﻲ ﺑﺲ ﻫﺴﻪ ﺧﻄﺮﺕ ﺑﺒﺎﻟﻲ
ﻣﻦ ﺍﻭﻝ ﻣﺮﻩ ﺩﺧﻠﺖ ﻟﻠﺴﺠﻦ ﻭﺟﻨﺖ ﺍﺗﺼﻮﺭ ﺍﻟﺴﺠﻦ ﻣﺜﻞ ﺍﻟﻤﺴﻠﺴﻼﺕ
ﺍﺗﺬﻛﺮ ﺟﻨﺖ ﺍﻛﻮﻝ ﻳﻢ ﺍﻣﻲ ﻋﻤﻲ ﺍﺫﺍ ﻫﻴﺞ ﺍﻟﺴﺠﻦ ﺍﺭﻳﺪ ﺍﻧﺴﺠﻦ
ﺍﻣﻲ ﺗﺸﻬﻚ ﻭﺗﻜﻮﻝ ﺍﺳﻢ ﺍﻟﻠﻪ ﻳﻤﻪ ﻏﻴﺮ ﺍﻣﻮﺕ ﻭﺭﺍﻙ
ﺷﺘﻜﻮﻟﻴﻦ ﺍﻣﻲ ﻣﻦ ﺳﻤﻌﺖ ﻫﺬﺍ ﺍﻟﺨﻴﺮ ﺷﺼﺎﺭ ﺑﻴﻬﻪ ﺗﺪﺭﻳﻦ ﻣﺸﺒﻌﺖ ﻣﻨﻬﻪ ﻭﻻ ﻣﻦ ﺣﻀﻨﻬﻪ ﻣﺤﺘﺎﺟﻬﻪ ﺣﻴﻞ
ﺍﻛﻮ ﻭﺍﺣﺪ ﺳﺠﻴﻦ ﻭﻳﺎﻱ ﺍﺳﻤﻪ ﻋﺪﻧﺎﻥ ﺭﺟﺎﻝ ﺟﺒﻴﺮ ﺗﻌﺮﻓﺖ ﻋﻠﻲ ﺳﺄﻟﻨﻲ ﻛﻠﻲ ﺷﻜﻠﻚ ﻣﻬﻤﻮﻡ
ﻛﺘﻠﻪ ﺷﺎﻳﻔﻠﻚ ﺳﺠﻴﻦ ﻣﺮﺗﺎﺡ ﻭﻓﺮﺣﺎﻥ
ﻛﻠﻲ ﻛﻠﻬﻢ ﻃﺒﻴﻌﻴﻴﻦ ﺑﺲ ﺍﻧﺘﻪ ﺣﻴﻞ ﻣﺒﻴﻦ ﻋﻠﻴﻚ ﺍﻟﻬﻢ
ﻛﺘﻠﻪ ﻏﺪﺭﻭﻧﻲ
ﻛﻠﻲ ﺍﺷﻢ ﺑﺎﻟﻐﺪﺭ ﺑﻨﻴﻪ
ﺳﻜﺘﺖ ﻭﺍﺧﺬﺕ ﺣﺴﺮﻩ ﺣﺘﻰ ﺍﻟﻤﻴﺖ ﻳﺴﻤﻌﻬﻪ ﺑﻜﺒﺮﻩ
ﺳﻜﺖ ﻭﻭﺭﻩ ﺳﻜﻮﺗﻪ ﻃﺮﺡ ﻋﻠﻴﻪ ﺳﺆﺍﻝ
ﻛﻠﻲ ﺍﺫﺍ ﻋﻨﺪﻙ ﻃﻠﻘﻪ ﻭﺣﺪﻩ ﻣﻨﻮ ﺗﻀﺮﺏ ﺑﻴﻬﻪ
ﻛﺘﻠﻪ ﺍﺿﺮﺏ ﺭﻭﺣﻲ ﺑﻜﻠﺒﻲ
ﺿﺤﻚ ﻫﻮ ﻭﻛﻠﻲ ﻋﺮﻓﺖ ﻫﺎﻟﺠﻮﺍﺏ ﻗﺒﻞ ﻟﺘﺤﺠﻲ
ﺍﻭﻭﻑ ﻳﺎ ﺷﻴﺮﻳﻦ ﻟﻮﺗﺪﺭﻳﻦ ﻛﻠﺒﻲ ﺷﻜﺪ ﻣﻮﺭﻡ
ﻣﻜﺘﻠﺞ ﻟﻴﺶ ﻛﺘﻠﻪ ﻛﻠﺒﻲ
ﺗﺪﺭﻳﻦ ﻟﻴﺶ ﻻﻥ ﻛﻠﺒﻲ ﻫﻮ ﺍﻟﻐﺪﺭﻧﻲ ..... ﻣﻦ ﺩﺧﻠﺞ ﻭﻗﻔﻞ ﺑﻴﺒﺎﻧﻪ
** ﻭﻳﻦ ﺍﻟﻜﻪ ﺍﻟﻴﺤﺒﻨﻲ ﻭﻛﻠﺒﻪ ﻣﻮ ﺟﺬﺍﺏ
ﻣﻦ ﻭﺭﺍﺝ ﻛﻤﺖ ﺍﺩﻭﺭ ﻋﻞ ﺍﺷﻌﺎﺭ ﻣﺎﻝ ﺧﻴﺎﻧﻪ ﺑﻄﻠﺖ ﺍﺩﻭﺭ ﻋﻦ ﺍﻟﺤﺐ ﻭﺍﻻﺳﺘﻴﺎﻕ
ﺷﺴﻮﻟﻒ ﻭﺍﻻﺭﻳﺪﻩ ﻃﻠﻊ ﺟﺬﺍﺏ ..
ﻣﺎﻳﺴﻮﻭﻩ ﺍﻟﻌﺘﺐ ﺭﺍﺡ ﻭﻧﺴﺎﻧﻪ
ﺍﻧﻪ ﺑﻜﻠﺒﻲ ﺟﺮﺡ ﺑﺲ ﺭﺑﻲ ﻳﻌﻠﻢ ﺑﻴﻪ ..
ﻣﻦ ﺍﻳﺪﻱ ﺍﺷﺒﻌﺖ ﺭﻭﺣﻲ ﻣﻬﺎﻧﻪ ..
ﺍﻟﻒ ﻭﺳﻔﻪ ﺑﻐﺪﺭ ﺟﺎﺯﻭﻧﻪ ﺍﻻﺣﺒﺎﺏ ..
ﻫﺴﻪ ﺍﻟﻜﻠﺐ ﺍﺭﺗﺎﺡ ﻣﻦ ﻓﺎﺭﻛﺎﻧﻪ
ﻫﻬﻪ ﻣﻮ ﻋﺒﺎﻟﺞ ﺫﻧﻲ ﺍﺷﻌﺮﻱ ﻻ ﻭﺩﺍﻋﺘﺞ ﻫﺬﺍ ﺳﺠﻴﻦ ﻭﻳﺎﻱ ﺷﻔﺘﻪ ﻛﻞ ﺷﻮﻳﻪ ﻭﻃﺎﻛﻨﻲ ﺑﺸﻌﺮ ﻛﺘﻠﻪ ﻣﺘﻨﻄﻴﻨﻲ ﺷﻌﺮ ﻋﻦ ﺍﻟﺨﻴﺎﻧﻪ
** ﻣﻼﺣﻈﻪ / ﺗﻢ ﺍﺳﺘﺒﺪﺍﻝ ﺍﻟﺸﻌﺮ ﺍﻟﺤﻘﻴﻘﻲ ﺑﺸﻌﺮ ﺛﺎﻧﻲ ﻣﻦ ﺍﻻﻧﺘﺮﻧﺖ
............................
ﻗﺒﻞ ﺍﺭﺑﻊ ﺷﻬﻮﺭ .....بيج قصص عراقيه حقيقيه من واقعنا.روعه الطائي.....ﺑﻌﺪ ﻣﺎ ﺭﺟﻌﺖ ﻟﻤﻰ ....... ﻛﺮﺍﺭ ﺍﺳﺒﻮﻉ ﻛﺎﻣﻞ ﻣﺄﺟﻪ ﺑﻘﻪ ﺑﺲ ﻳﺘﺼﻞ ﻟﻮ ﻳﺠﻴﺐ ﻣﺴﻮﺍﻙ ﻭﻳﺮﻭﺡ ..... ﺟﻨﺖ ﻣﺤﺘﺎﺟﻪ ﻳﺒﻌﺪ ﺑﻠﻜﺖ ﻣﻦ ﻳﺒﻌﺪ ﺍﻛﺪﺭ ﺍﻋﺮﻑ ﺑﻨﻔﺴﻲ ﺷﺮﻳﺪ .....
ﻭﺭﻩ ﻣﺨﻠﺺ ﺍﻻﺳﺒﻮﻉ ..... ﺗﻘﺮﻳﺒﺎً ﺍﻟﺴﺎﻋﻪ ﺏ١٢ﺑﻠﻴﻞ ﺣﺴﻴﺖ ﺍﻟﺒﺎﺏ ﺍﻧﻔﺘﺤﺖ ....... ﺑﻘﻴﺖ ﻧﺎﻳﻤﻪ ﻋﻠﻰ ﻧﻮﻣﺘﻲ ﻣﺘﺤﺮﻛﺖ ..... ﻛﻠﺖ ﻳﺠﻮﺯ ﻣﺘﻌﺎﺭﻙ ﻭﻳﻪ ﺯﻭﺟﺘﻪ
ﺣﺴﻴﺖ ﺑﺒﺎﺏ ﺍﻟﻐﺮﻓﻪ ﺍﻧﻔﺘﺢ ﻛﻤﺖ ﻛﻌﺪﺕ ﺭﺃﺳﺎً
ﻛﺮﺍﺭ / ﻧﺎﻳﻤﻪ
ﺷﻴﺮﻳﻦ / ﻻ ﺗﻮﻧﻲ ﺭﺩﺕ ﺍﻏﻔﻪ
ﺷﻨﻮ ﻣﺤﺴﻴﺘﻲ ﺑﺎﻟﺒﺎﺏ ﻣﻦ ﺍﻧﻔﺘﺢ
ﺣﺴﻴﺖ
ﻟﻌﺪ ﻟﻴﺶ ﻣﻜﻤﺘﻲ ﺑﻠﻠﻪ ﺣﺮﺍﻣﻲ
ﻭﺍﻟﻜﺎﻣﺮﺍﺕ ﻭﺍﻟﺒﺎﺏ ﻣﻘﻔﻮﻝ ﺷﻠﻮﻥ ﻳﺪﺧﻞ
ﺗﻘﺮﺏ ﻋﻞ ﺟﺮﺑﺎﻳﻪ ﻛﻌﺪ ﻳﻤﻲ ..... ﺷﺨﺒﺎﺭﺝ
ﺯﻳﻨﻪ
ﺷﻴﺮﻳﻦ ﺍﻧﻲ ﺗﻌﺒﺖ
ﻣﻦ ﺷﻨﻮ
ﻣﻦ ﻫﺬﺍ ﺍﻟﻮﺿﻊ ﻭﺻﻠﺖ ﻣﺮﺣﻠﻪ ﺍﺣﺲ ﻧﻔﺴﻲ ﻣﺎﺍﻋﺮﻑ ﺷﺮﻳﺪ ﻛﻠﺸﻲ ﺑﻌﻘﻠﻲ ﻳﻔﻜﺮ ﻳﺮﻳﺪﺝ ﻣﻮ ﻛﺎﺍﺍﻓﻲ
ﺍﻧﺖ ﻣﺘﻌﺎﺭﻙ ﻭﻳﻪ ﻟﻤﻰ

ﺷﻌﺠﺐ ﺍﺟﻴﺖ ﻟﻌﺪ
ﻻﻥ ﺣﺴﻴﺖ ﻧﻔﺴﻲ ﻣﺸﺘﺎﻗﻠﺞ ﻃﻮﻝ ﺍﻟﻮﻗﺖ ﺍﻓﻜﺮ ﺑﻴﺞ .... ﻳﻤﻜﻦ ﻻﻥ ﺍﺣﺴﺞ ﺣﻼﻟﻲ ﺍﻟﻤﻤﻨﻮﻉ
ﺍﻟﻤﻄﻠﻮﺏ ﻣﻨﻲ ﺷﻨﻮﻭﻭ ﻛﺮﺍﺭ .... ﺗﺮﻩ ﺍﻧﻲ ﺗﻌﺒﺎﻧﻪ ﺍﻛﺜﺮ ﻣﻨﻚ
ﺗﻘﺮﺏ ﻋﻠﻴﻪ ﻭﻛﺎﻡ ﻳﺒﻮﺱ ﺑﻴﻪ ...... ﺍﻧﻲ ﻣﺘﺤﺮﻛﺖ ﻣﻦ ﻣﻜﺎﻧﻲ ..... ﻛﻠﻤﺎﺕ ﺍﻟﺴﻴﺪ ﺗﺘﺮﺩﺩ ﺑﻤﺴﻤﻌﻲ .... ﻳﻤﻜﻦ ﺫﻳﺞ ﺍﻻﻳﺎﻡ ﺣﺴﻴﺖ ﺭﻭﺣﻲ ﺗﺮﻏﺒﻪ ﺑﺲ ﻣﻦ ﺍﺟﺖ ﻟﻤﻰ ﻭﺭﺍﺡ ﺣﺴﻴﺘﻪ ﺟﺎﻥ ﻳﺮﻳﺪ ﻳﺴﺪ ﻧﻘﺺ ﻭﺟﻮﺩﻫﻪ ﺑﻴﻪ ﻭﺑﺮﻭﺣﺘﻪ ﺧﻼﻧﻲ ﺑﺲ ﺍﻓﻜﺮ ﺏ ﻋﻤﺮ ﻭﺻﻌﺐ ﻋﻠﻴﻪ ﺍﻻﻣﻮﺭ ﺍﻛﺜﺮ
ﻏﻤﻀﺖ ﻋﻴﻨﻲ ...... ﻭﺑﺎﺩﻟﺘﻪ ﺍﻟﺸﻌﻮﺭ ..... ﺑﺲ ﺑﺪﻭﻥ ﺭﻏﺒﻪ ﺑﺲ ﻻﻥ ﻫﻮ ﺯﻭﺟﻲ .... ﻭﻻﺯﻡ ﺍﺑﻌﺪ ﻋﻤﺮ ﻣﻦ ﻋﻘﻠﻲ ﻣﺜﻞ ﻣﻜﺎﻝ ﺍﻟﺴﻴﺪ ..... ﻳﻤﻜﻦ ﻣﻦ ﻳﺘﻘﺮﺑﻠﻲ .... ﺗﻘﻮﻩ ﻋﻼﻗﺘﻨﺎ
ﻭﺍﺷﻴﻞ ﻋﻤﺮ ﻣﻦ ﻋﻘﻠﻲ
ﺑﻌﺪ ﻣﺎﺗﻘﺮﺑﻠﻲ ﻧﺎﻡ ﺑﺼﻔﻲ ﻭﺑﺎﺳﻨﻲ ﻣﻦ ﺭﺍﺳﻲ ...... ﺷﻮﻳﻪ ﻭﻛﺎﻡ ﻳﺒﺎﻭﻉ ﻋﻞ ﺳﺎﻋﻪ ﺑﻤﻮﺑﺎﻳﻠﻪ
ﺩﺍﺭ ﺟﺴﻤﻪ ﻋﻠﻴﻪ
ﺍﺣﺒﺞ ﺷﻴﺮﻳﻦ
ﺑﻘﻴﺖ ﺍﺑﺎﻭﻉ ﻋﻠﻲ ...... ﻛﺘﻠﻪ ﺭﺍﺡ ﺗﺮﻭﺡ ﻟﻮ ﺗﺒﻘﻪ
ﻛﺘﻠﺞ ﺍﻧﻲ ﺍﺣﺒﺞ ﺟﻨﺖ ﻣﻨﺘﻈﺮ ﻏﻴﺮ ﺭﺩ
ﺭﺍﺡ ﺗﺮﻭﺡ ﻟﻮ ﻻ
ﺍﻱ
ﻟﻴﺶ
ﺩﺍﺭ ﻭﺟﻬﻪ ﻭﻧﺎﻡ ﻋﻠﻰ ﻇﻬﺮﻩ ...
ﺷﻴﺮﻳﻦ ﻣﺎﺍﺭﻳﺪ ﻟﻤﻰ ﺗﻌﺮﻑ ..... ﻣﻮ ﺧﻮﻓﺎً ﻣﻨﻬﻪ ﻋﻠﻤﻮﺩ ﺣﻴﺎﺗﻨﺎ ﺗﻤﺮ ﻃﺒﻴﻌﻲ ﺑﺪﻭﻥ ﻣﺸﺎﻛﻞ ﺍﻧﻲ ﺗﻌﺒﺖ ﻓﻜﺮﻱ ﺑﻴﻪ ﻣﺮﻩ ﻭﺣﺪﻩ .... ﻣﺠﻨﺖ ﻣﺘﻮﻗﻊ ﺭﺍﺡ ﺍﺣﺒﺞ ﻟﺬﻟﻚ ﺑﻜﻞ ﻣﺮﻩ ﺍﺭﺟﻊ ﻟﻤﻰ ﺍﻛﻠﻬﻪ ﺍﻧﻲ ﻭﺍﻧﺘﻲ ﺯﻭﺍﺟﻨﺎ ﺍﺳﻤﻲ ﻭﺑﺲ
ﺍﻟﻴﻮﻡ ﻳﺎﻟﻠﻪ ﺍﻛﺘﻤﻞ ﻫﺬﺍ ﺍﻟﺰﻭﺍﺝ ﻭﻣﺼﺎﺭ ﻫﻮﺍﻱ ﻣﻦ ﺭﺟﻌﺖ ﻟﻤﻰ .... ﺟﻬﺎﻟﻲ ﻣﺪﺍﺭﺱ ..... ﻭﻳﻮﻣﻴﻪ ﺑﺴﺒﺐ ﻟﻤﻰ ﻓﺎﻳﺘﺘﻬﻢ ﺩﺭﻭﺱ ... ﻟﻤﻰ ﺣﻘﻬﻪ ﻭﺍﻧﻲ ﺣﻘﻲ ﻭﺍﻧﺘﻲ ﺣﻘﺞ.....ﺣﻴﺎﺗﻨﺎ ﻣﻌﻘﺪﻩ .... ﺍﻧﻄﻴﻨﻲ ﻓﺮﺻﻪ ﺍﺭﺗﺐ ﻛﻠﺸﻲ
ﺑﻘﻴﺖ ﺍﺑﺎﻭﻉ ﻋﻠﻲ ﺑﺤﺰﻥ .... ﻣﻮ ﻻﻥ ﺣﺠﻪ ﻫﻴﺞ ﻻﻥ ﺣﻴﺎﺗﻲ ﻟﻮ ﺷﻜﺪ ﻣﺎﺍﺳﻮﻱ ﻣﺘﺘﻐﻴﺮ ﻣﻦ ﺍﻟﺘﻌﻘﻴﺪ
ﺑﺎﺳﻨﻲ ﺑﻌﻴﻨﻲ
ﺍﻧﻲ ﺍﺣﺲ ﺏ ﻛﺮﺍﺭ ..... ﻻﻥ ﺍﻟﻲ ﻛﺎﻋﺪ ﺍﻋﻴﺶ ﺑﻲ ﺑﻤﺸﺎﻋﺮﻱ ﻫﻮ ﻛﺎﻋﺪ ﻳﻌﻴﺸﻪ ﻣﺘﺄﻛﺪﻩ ﻫﺴﻪ ﻣﻦ ﺗﻘﺮﺑﻠﻲ ﻫﻢ ﺣﺲ ﺑﺘﺄﻧﻴﺐ ﺍﻟﻀﻤﻴﺮ ﻭﺍﻟﻨﺪﻡ .....
ﺍﺳﺘﻤﺮﺕ ﺣﻴﺎﺗﻨﺎ ﻫﻴﺞ ﻟﻤﺪﺓ ﺷﻬﺮ .... ﺗﻘﺮﻳﺒﺎً ..... ﻣﻜﺪﺭﺕ ﺍﺗﺨﻠﺺ ﻣﻦ ﺍﻟﺘﻔﻜﻴﺮ ﺑﺘﺄﻧﻴﺐ ﺍﻟﻀﻤﻴﺮ ﺗﺠﺎﻩ ﻋﻤﺮ ﻭﻛﺮﺍﺭ ﺑﻨﻔﺲ ﺍﻟﻮﻗﺖ ﻟﺬﻟﻚ ﺻﺮﺕ ﺍﻧﺴﺎﻧﻪ ﻣﻨﻐﻠﻘﻪ ﻋﻠﻰ ﻧﻔﺴﻲ
ﺍﻟﺪﺭﺟﺔ ﺣﺘﻰ ﺑﺨﻄﻮﺑﺔ ﻣﺮﻳﻢ ﻛﻞ ﺍﻟﻨﺎﺱ ﻓﺮﺣﺎﻧﻪ ﻭﺍﻧﻲ ﻣﺎﺧﺬﻩ ﺭﻛﻦ ﺑﻌﻴﺪ
ﻣﺮﻳﻢ ﺍﻗﺘﻨﻌﺖ ﺑﻌﺪ ﻣﺎﺍﺃﻳﺴﺖ ﻣﻦ ﻣﺤﻤﺪ ﻣﻦ ﺣﺠﻮ ﺑﺎﻟﻤﻮﺿﻮﻉ ﻛﺪﺍﻣﻪ
ﻛﺎﻝ ﻣﺮﻳﻢ ﺍﻧﺘﻲ ﻣﺘﻌﺎﻓﻴﻪ ﺍﻟﻮﻟﺪ ﺧﻮﺵ ﻭﻟﺪ
ﺑﻬﺎﻱ ﺃﻳﺴﺖ ﻭﺍﻗﺘﻨﻌﺖ .... ﺑﻴﻮﻣﻬﻪ ﻛﻠﺒﻲ ﺍﻓﻄﺮ ﻋﻠﻴﻬﻪ ﺑﺲ ﻣﻦ ﺗﻌﺮﻓﺖ ﻋﻞ ﻭﻟﺪ ﺣﺴﻴﺖ ﺭﺟﻌﺖ ﺍﻟﺤﻴﻮﻳﻪ ﺍﻟﻮﺟﻬﻪ
ﻛﻠﺸﻲ ﻣﺎﺷﻲ ﻃﺒﻴﻌﻲ ﺟﺎﻥ ﻭﻣﺴﺘﻘﺮﻩ ﺑﺒﻴﺘﻲ
ﺍﺟﻪ ﻛﺮﺍﺭ ﻣﺜﻞ ﻛﻞ ﻣﺮﻩ ﺍﻟﻈﻬﺮ ..... ﺿﺎﻳﺞ
ﺷﺒﻴﻚ ﻛﺮﺍﺭ
ﺷﻴﺮﻳﻦ ﺷﻔﺘﻲ ﺑﻠﻠﻪ ﻋﻠﻴﺞ ﺍﻟﺮﺟﺎﻝ ﻳﺮﻳﺪ ﺑﻴﺘﻪ
ﻳﺒﻮﻭﻭ ﻭﺷﻠﻮﻥ ﻫﺴﻪ ﺑﺲ ﻻ ﺭﺍﺡ ﺍﺭﺟﻊ ﻫﻨﺎﻙ
ﻻ ﺷﻨﻮ ﺍﻟﻘﺼﻪ .... ﺍﻛﻴﺪ ﻻ ﻫﻮ ﺍﻧﻲ ﺑﺪﻭﻥ ﻣﺎﺍﻧﺘﻲ ﻫﻨﺎﻙ ﻭﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻣﺸﺎﻛﻞ ﻭﻃﺎﻓﺮﻩ ﺭﻭﺣﻲ
ﺭﺍﺡ ﺍﺷﻮﻑ ﻫﺎﻱ ﺍﻟﻴﻮﻣﻴﻦ ﺑﻴﺖ
ﺑﻠﻜﺖ ﺍﻟﻜﻪ
ﺍﻟﻤﺸﻜﻠﻪ ﺍﻛﻮ ﺑﻴﺖ ﺑﺲ ﺑﻌﺪ ﻓﺮﻋﻴﻦ ﻋﻦ ﺑﻴﺘﻨﺎ ﻭﺍﻧﻲ ﻣﺎﺍﺭﺗﺎﺡ
ﻭﺍﺻﻼ ﻫﺬﺍ ﺍﻟﺒﻴﺖ ﻋﺎﺟﺒﻨﻲ ﻻﻥ ﻻ ﺑﻲ ﺳﻄﺢ ﻭﻗﺮﻳﺐ ﻋﻠﻰ ﺑﻴﺖ ﻋﻤﻮ ﻳﻌﻨﻲ ﺍﻧﺎﻡ ﻣﻄﻤﺌﻦ
ﺑﻘﻪ ﺩﺍﻳﺦ ﻛﺮﺍﺭ ﻳﻮﻣﻴﻦ ﻭﺭﺍﻫﻪ ﺍﺟﻪ ﻛﺎﻝ ﻟﻜﻴﺖ ﺑﻴﺖ ..... ﺍﻟﺒﻴﺖ ﺟﺪﻳﺪ .... ﺑﺲ ﻳﺤﺘﺎﺟﻠﻪ ﺗﻨﻀﻴﻒ ﻋﺎﺩﻱ ﺑﺲ ﺍﻳﺠﺎﺭﻩ ﺍﻛﺜﺮ ﻣﺒﻴﻦ ﺟﺎﻥ ﻋﺒﺎﺭﻩ ﻋﻦ ﺍﺳﺘﻘﺒﺎﻝ ﻭﺣﻮﻟﻲ ﻫﻮ ﻫﻮﻝ ﻭﻫﻮ ﻣﻄﺒﺦ ﻭﻏﺮﻓﺔ ﻧﻮﻡ ﻭﻃﺎﺑﻖ ﺛﺎﻧﻲ ﺳﻄﺢ ﺑﺲ ﻣﺎﺑﻲ ﻃﺮﻣﻪ ﻛﺒﻞ ﺑﺎﺏ ﺑﺲ ﻛﺮﺍﺭ ﺳﻮﻩ ﺍﻟﺮﺻﻴﻒ ﺑﺠﻴﻨﻜﻮ ﻭﺳﻮﻩ ﻃﺮﻣﻪ ﺻﻐﻴﺮﻩ .... ﺍﺳﺒﻮﻉ ﻭﺍﺳﺘﻘﺮﻳﺖ ﺑﻬﺬﺍ ﺍﻟﺒﻴﺖ ﻃﺒﻌﺎً ﻋﻤﻪ ﺧﻮﻟﻪ ﻭﺍﻣﻲ ﻭﻣﺮﻳﻢ ﺳﺎﻋﺪﻧﻲ ﺑﺎﻟﺘﺤﻮﻳﻠﻪ ﻛﻠﻪ
ﺍﻭﻝ ﺍﻳﺎﻡ ﺍﻣﻲ ﺑﺎﺗﺖ ﻳﻤﻲ ﻋﻠﻤﻮﺩ ﻣﺎﺍﺧﺎﻑ ﻭﻭﺭﻩ ﻣﺮﺍﺣﺖ ﺍﻣﻲ ﺍﺟﻪ ﻛﺮﺍﺭ ﻫﻢ ﺑﺎﺕ ﻳﻤﻲ ..... ﻣﻦ ﻟﻤﻰ ﺭﺍﺣﺖ ﺍﻟﺒﻴﺖ ﺍﻫﻠﻬﻪ .... ﺣﻴﺎﺗﻲ ﺻﺎﺭﺕ ﻃﺒﻴﻌﻴﻪ ﻣﺜﻞ ﺍﻱ ﺍﻧﺴﺎﻧﻪ ﻣﺘﺰﻭﺟﻪ ﻋﺪﻫﻪ ﺑﻴﺘﻬﻪ ﻭﺣﻴﺎﺗﻬﻪ ﺑﺲ ﺍﻧﺴﺎﻧﻪ ﺍﻛﻮ ﻏﺼﻪ ﺑﻜﻠﺒﻬﻪ ﻭﺿﻤﻴﺮ ﻳﺄﻧﺐ ﺑﻴﻬﻪ ﻃﻮﻝ ﺍﻟﻮﻗﺖ ﻳﻌﻨﻲ ﻣﺎﻛﻮ ﺭﺍﺣﺔ ﺍﻟﺒﺎﻝ
ﺍﻓﺘﻘﺪﻟﻬﻪ ﻭﻛﺮﺍﺭ ﺍﺑﺪ ﻣﻤﻘﺼﺮ ﻭﻳﺎﻱ ﺑﺄﻱ ﺷﻐﻠﻪ
ﺑﺲ ﺍﺗﻔﻘﻨﻪ ﺍﻧﻲ ﻭﻳﺎ ﺍﺳﺘﻌﻤﻞ ﺯﻭﻣﺎﻧﻊ ﻛﺎﻝ ﺣﻴﺪﺭ ﻭﻃﻴﺒﻪ ﻭﺟﻨﺎﺕ ﻛﺎﻓﻴﻦ ﺍﺗﻌﺐ ﻋﻠﻴﻬﻢ ﺟﺪﻭ ﺭﺍﺩ ﻳﻮﺍﺩﺭﺳﻬﻢ ﺍﺣﺴﻦ ﻣﺪﺍﺭﺳﺎﺣﺴﻦ ﻣﺎﺍﻛﻮﻣﻬﻢ ﺍﻧﺴﺎﻥ ﻭﺍﻋﻲ ﻭﻣﺜﻘﻒ ﺑﺸﻜﻞ ﻣﻮ ﻃﺒﻴﻌﻲ
ﻳﻤﻜﻦ ﻟﻮ ﻣﻦ ﺯﻣﺎﻥ ﻗﺒﻞ ﻻ ﺍﻟﺘﻘﻲ ﺏ ﻋﻤﺮ ﻣﺘﺰﻭﺟﻪ ﻛﺮﺍﺭ ﺟﺎﻥ ﻫﺴﻪ ﺍﻧﻲ ﺍﺳﻌﺪ ﺍﻧﺴﺎﻧﻪ ﺑﺎﻟﺪﻧﻴﺎ ..... ﺟﺎﻥ ﻣﻌﺎﻧﻴﺖ ﻭﻻ ﺍﻱ ﻣﻌﺎﻧﺎﺓ ﻭﻻ ﺟﺎﻥ ﻋﻤﺮ ﻫﺬﺍ ﺣﺎﻟﻪ ..
ﺧﺎﺑﺮﻧﻲ ﻛﺮﺍﺭ ﻣﺜﻞ ﻳﻮﻣﻴﻪ ﻗﺒﻞ ﻟﻴﻨﺎﻡ
ﻫﺎ ﺣﺒﻴﺒﺘﻲ ﺷﻠﻮﻧﺞ
ﺍﻟﺤﻤﺪﻟﻠﻪ ﻭﺍﻧﺖ
ﻭﺍﻟﻠﻪ ﺍﻧﻲ ﺯﻳﻦ ﻭﻣﺸﺘﺎﻗﻠﺞ ﻫﻮﺍﻱ ﺷﻨﻮ ﺭﺃﻳﺞ ﺍﺟﻲ ﻫﺴﻪ
ﻭﻟﻤﻰ
ﺗﻌﺮﻓﻴﻦ ﻣﻦ ﺍﺣﺠﻲ ﻭﻳﺎﺝ ﻭﻫﻴﺞ ﻛﺒﻞ ﺗﻜﻮﻟﻴﻦ ﻟﻤﻰ ﺷﻜﺪ ﻳﺄﻧﺒﻨﻲ ﺿﻤﻴﺮﻱ ﻋﻠﻴﻬﻪ ﻫﺴﻪ ﺍﻧﺘﻲ ﻏﻠﺴﻲ
ﺍﺑﺘﺴﻤﺖ ... ﺷﻜﺪ ﺗﺤﺒﻬﻪ
ﺷﻌﻠﻴﺞ ﺍﻧﺘﻲ .... ﺍﺳﺄﻟﺞ ﺳﺆﺍﻝ
ﺟﻮﺍﺏ
ﻣﺘﻐﺎﺭﻳﻦ ﻋﻠﻴﻪ
ﻣﺮﺍﺕ ﺍﻱ ﻭﻣﺮﺍﺕ ﻻ
ﻭﺍﺣﻨﻪ ﺩﻧﺴﻮﻟﻒ ﺑﻌﺪﻧﻪ ﺳﻤﻌﺖ ﻭﻳﺎ ﺻﻮﺕ ﺑﺠﻴﺔ ﻳﻤﻜﻦ ﻭﺍﺣﺪ ﻣﻦ ﺍﻟﺠﻬﺎﻝ ﺗﻌﻮﺭ .... ﻛﻠﻲ ﻳﻠﻠﻪ ﺑﺎﻱ ﺑﻌﺪﻳﻦ ﺍﺧﺎﺑﺮﺝ ﻭﺳﺪﻩ
ﻧﻌﺴﺖ ﺣﻴﻞ ...... ﻭﻧﻤﺖ
ﻓﺰﻳﺖ ﻋﻠﻰ ﺟﺴﻢ ﺛﻜﻴﻞ ﻓﻮﻛﺎﻳﻪ ...... ﻭﺩﺍﻳﺮ ﺍﻳﺪﻱ ﻋﻠﻰ ﻇﻬﺮﻱ ﻓﺘﺤﺖ ﻋﻴﻨﻴﺒﺲ ﻣﻮ ﺑﻮﺿﻮﺡ ﻻﻥ ﺟﻨﺖ ﻣﻨﺪﻣﺠﻪ ﺑﺎﻟﻨﻮﻣﻪ ﺍﺑﺎﻭﻉ ﺳﻼﺡ ﻣﻮﺟﻪ ﻋﻠﻰ ﺭﺍﺱ ﺟﻨﺎﺕ
ﻓﺰﻳﺖ ﻣﺨﺘﺮﻋﻪ ﺭﺩﺕ ﺍﺭﻓﻊ ﺭﺍﺳﻲ .....
ﻟﺘﺘﺤﺮﻛﻴﻦ ﻭﺩﻳﺮﻱ ﺑﺎﻟﺞ ﺗﻄﻠﻌﻴﻦ ﺻﻮﺕ .... ﺍﺫﺍ ﺗﺮﻳﺪﻳﻦ ﺑﻨﺘﺞ ﺗﻤﻮﺕ ﻃﻠﻌﻲ ﺻﻮﺕ
ﻣﻨﻮ ﺍﻧﺖ
ﻟﺘﺤﺠﻴﻦ ﻭﻻ ﻛﻠﻤﻪ ﺍﺫﺍ ﺗﺮﻳﺪﻳﻦ ﺑﻨﺘﺞ ﻣﻴﺼﻴﺮ ﺑﻴﻬﻪ ﺷﻲ ﺗﻨﻔﺬﻳﻦ ﺍﻟﻲ ﺍﻛﻠﺞ ﻋﻠﻲ
ﺍﺛﻴﺮ ﺍﻧﺖ
ﺍﻳﻲ ﺍﺷﺸﺸﺶ ﺍﻟﺼﻤﻲ
ﺟﻔﻠﺖ ﺑﻤﻜﺎﻧﻲ ..... ﺣﺘﻰ ﺩﻣﻮﻉ ﻣﻜﺪﺕ ﺍﻃﻠﻊ ﻣﻤﺴﺘﻮﻋﺒﻪ ﺑﺲ ﺍﺣﺲ ﺍﻟﺪﻧﻴﺎ ﺑﺎﺭﺩﻩ ﻭﺣﻴﻞ ﻣﻊ ﺍﻟﻌﻠﻢ ﺍﻟﻐﺮﻓﻪ ﺩﺍﻓﻴﻪ
ﻛﻌﺪﻧﻲ ﻋﻞ ﺟﺮﺑﺎﻳﻪ ﻭﺍﻳﺪﻱ ﻣﺮﺑﻮﻃﻪ
ﻫﻤﺎﻡ ﻃﻠﻊ ﺟﻨﺎﺕ ﻭﺍﻃﻠﻊ
ﺷﺮﺍﺡ ﺗﺴﻮﻱ ﺍﺛﻴﺮ
ﺍﺷﺸﺸﺶ ﻟﺘﺤﺠﻴﻦ ﺍﺑﺪ ﻭﻟﺘﻄﻠﻌﻴﻦ ﺻﻮﺕ
ﺭﺍﺡ ﺗﺎﺧﺬﻭﻥ ﺟﻨﺎﺕ ﻣﻮﻭﻭﻭ
ﺍﺷﺸﺶ ﺍﻟﺼﻤﻲ ﻫﺴﻪ ﺗﻌﺮﻓﻴﻦ
ﻣﺎﺍﻋﺮﻑ ﺷﺴﻮﻱ ﺍﻟﺨﻮﻑ ﺳﺎﻛﻦ ﻛﻠﺒﻲ ﻭﻛﻞ ﻗﻄﺮﺓ ﺩﻡ ﻣﺒﻘﺖ ﺑﻴﻪ
ﻗﺒﻞ ﻓﺘﺮﻩ ﺍﺫﺍ ﺳﻤﻌﺘﻲ ﺧﻄﻔﺖ ﺍﺧﺘﺞ
ﺍﻧﺼﺪﻣﺖ ..... ﺷﻬﺪﺩ
ﻟﻴﺶ ﻋﻨﺪﺝ ﻏﻴﺮ ﺍﺧﺖ ﺍﻧﺘﻲ .... ﺑﺲ ﺍﻧﻘﻬﺮﺕ ﻋﻠﻴﻬﻪ ﻛﻠﺖ .... ﻫﻴﻪ ﺷﻨﻮ ﺫﻧﺒﻬﻪ .... ﺗﺪﻓﻊ ﺍﻏﻼﻁ ﺍﺧﺘﻬﻪ ﻭﺍﺧﻮﻫﻪ
ﺿﻤﻴﺮﻱ ﺍﺷﺘﻐﻞ ﻣﻦ ﻧﺎﺣﻴﺘﻬﻪ ﺑﺲ ﻣﻦ ﻧﺎﺣﻴﺘﺞ ﺃﻳﺴﻲ
ﻣﺜﻞ ﻣﺎ ﺣﻴﺎﺓ ﻋﻤﺮ ﺍﻧﻌﺪﻣﺖ ﺍﻧﺘﻲ ﻫﻢ ﺣﻴﺎﺗﺞ ﺗﻨﻌﺪﻡ
ﺭﺍﺡ ﺍﺻﻮﺭﺝ ﻫﺴﻪ ﻭﺭﺩﺩﻱ ﻫﺎﻱ ﺍﻟﻜﻠﻤﺎﺕ ﻭﺯﻳﻦ ﺩﺷﺪﺍﺷﺘﺞ ﺑﻴﻬﻪ ﺳﺤﺎﺏ ﻣﻦ ﻳﻢ ﺍﻟﺼﺪﺭ ﻧﺰﻟﻴﻬﻪ
ﺍﻧﺖ ﺷﺪﺗﺴﻮﻭﻱ
ﺭﺩﺩﻱ ﻫﺎﻱ ﺍﻟﻜﻠﻤﺎﺕ ..... ﻭﺍﻧﻲ ﺍﺻﻮﺭﺝ
ﺍﺻﻼ ﺍﻧﺘﻲ ﺟﺎﻥ ﻣﻔﺮﻭﺽ ﺍﺑﻮﺝ ﻳﺬﺑﺤﺞ ﻣﻦ ﺍﻟﺒﺪﺍﻳﻪ
ﻳﻠﻠﻪ ﻫﺴﻪ ﺗﻨﺬﺑﺤﻴﻦ ﻋﺎﺩﻱ ﻣﻮ ﻣﺸﻜﻠﻪ
ﻋﺎﺩﻱ ﺍﺫﺑﺤﻨﻲ ﻫﻮ ﺑﺎﻟﺤﺎﻟﺘﻴﻦ ﺍﺫﺍ ﺳﻮﻳﺖ ﺍﻟﻲ ﺗﺤﺠﻲ ﺍﻧﺖ ﺍﻧﻲ ﺍﻧﺬﺑﺢ ﻋﻞ ﺍﻗﻞ ﺍﻧﺬﺑﺢ ﺑﺸﺮﻑ ﻭﻏﺪﺭ
ﺗﻔﺮﻕ ﻫﻮﺍﻱ ﻣﺜﻼ ﻫﺴﻪ ﺍﺫﺑﺢ ﺑﻨﺘﺞ ﻛﺪﺍﻣﺞ ﺗﺘﺤﻤﻠﻴﻦ ﻫﺬﺍ ﺍﻟﻤﻨﻈﺮ
ﺟﻨﺖ ﺗﺤﺠﻲ ﻋﻠﻰ ﻋﻤﺮ ﻭﻫﺴﻪ ﺍﻧﺖ ﺷﻨﻮ....بيج قصص عراقيه حقيقيه من واقعنا.روعه الطائي
ﺍﻧﻲ ﺣﻠﻔﺖ ﺍﺩﻣﺮ ﺷﺮﻓﻜﻢ ﺷﻴﺮﻳﻦ ﻭﺍﻧﺘﻲ ﻭﺣﺪﻩ ﻫﻮﺍﻱ ﻋﻠﻴﺞ ﺍﻟﺤﻴﺎﺓ ﺟﺒﺘﻲ ﺍﻟﻌﺎﺭ ﺍﻻﻫﻠﺞ ﻗﺒﻞ ﻭﺩﺧﻠﺘﻲ
ﺍﻧﺖ ﺷﺪ ﺗﺤﺠﻲ ﻟﻮﻭﻭ ﺗﻤﻮﺕ ﻭﺍﻟﻠﻪ
ﺑﻜﻴﻔﺞ ﻟﻌﺪ ﺟﻨﺎﺕ ﻫﺴﻪ ﺗﻨﺬﺑﺢ
ﺍﺛﻴﺮﺭﺭ ﻋﻠﻴﻚ ﺍﻟﻠﻪ ﻟﺘﺴﻮﻱ ﻫﻴﺞ .... ﺟﻨﺎﺕ ﺷﻨﻮ ﺫﻧﺒﻬﻪ
ﻛﻤﺖ ﺍﺑﺠﻲ ﺍﺛﻴﺮ ﺗﻮﺗﺮ ﺣﻴﻞ
ﺑﺴﺮﻋﻪ ﻳﻠﻠﻪ ﻣﺎﻋﻨﺪﻱ ﻭﻗﺖ .....
ﻋﻨﺪﻙ ﺧﻮﺍﺕ ..... ﺍﻟﻠﻪ ﻳﻄﻠﻌﻬﻪ ﺑﻴﻚ ﻭﺍﻟﻠﻪ
ﺑﺴﺮﻋﻪ ﻛﺘﻠﺞ ﻟﺘﺤﺠﻴﻦ ﻟﺘﺨﺎﻓﻴﻦ ﺍﺧﻮﺝ ﻋﺎﺭ ﻣﻴﺬﺑﺤﺞ ﻣﺠﺮﺩ ﺍﻫﺪﺩﻩ ﺑﻬﺬﺍ ﺍﻟﻔﺪﻳﻮ ﻳﻄﻠﻊ ﻋﻤﺮ ﻣﺜﻞ ﻣﺪﺧﻠﻪ
ﻣﺎﺍﻛﺪﺭ
ﺍﻧﺘﻲ ﻛﻠﺸﻲ ﺗﻜﺪﺭﻳﻦ ﺗﺴﻮﻭﻳﻦ ﺍﻧﺘﻲ ﺍﺛﻼً ﻧﻘﻤﻪ ﻣﻮ ﺟﻮﺩﻩ ﻋﻞ ﺍﺭﺽ
ﺳﻤﻌﺖ ﺻﻮﺕ ﺑﺠﻴﺔ ﺟﻨﺎﺕ ﻋﻄﺖ ﻭﻳﺎﻫﻪ ﺳﺪ ﺣﻠﻜﻲ ﺑﻴﺪﻩ
ﺷﺪﻳﺴﻮﻭﻭﻱ ﺍﻟﺒﺘﻲ ﻫﺬﺍﺍﺍ ﺍﻟﻲ ﻭﻳﺎﻙ
ﺍﺷﺸﺸﺶ ﻛﺘﻠﺞ ﺣﺴﺞ
ﺍﺛﻴﺮ ﻣﻤﺼﺪﻛﻪ ﻭﺍﻟﻠﻪ ﺍﻧﺖ ﻫﻴﺞ ﺻﺎﻳﺮ
ﺷﻴﺮﻳﻦ ﻣﻨﺎ ﻟﻠﺨﻤﺴﻪ ﻳﺄﻣﺎ ﺗﺤﺠﻴﻦ ﻳﺄﻣﺎ ﺍﺫﺑﺢ ﺑﻨﺘﺞ
ﻭﺍﻧﺸﺮ ﺻﻮﺭ ﺍﺧﺘﺞ
ﺻﻮﺭﺗﻬﻪ ﺍﻝ ﺷﻬﺪﺩ ﺍﻟﻠﻠﻪ ﻳﺎﺧﺬﻙ ﺍﻥ ﺷﺎﺀ ﺍﻟﻠﻪ ﺍﻧﺖ ﻣﺠﺮﻡ ﻭﺍﻟﻠﻪ ﻣﻦ ﺟﻬﻪ ﺟﻨﺎﺕ ﺟﺎﻧﺖ ﺗﺒﺠﻲ ﺍﺧﺘﻔﻪ ﺻﻮﺗﻬﻪ ﺑﺠﻴﺖ ﻣﻦ ﻛﻞ ﻛﻠﺒﻲ ﻭﺗﻮﺳﻞ ﺑﻲ ﻭﻫﻮ ﻣﺎﻛﻮ ﻭﻻ ﻳﺴﻤﻊ ﺍﻟﻲ ﻛﺒﺎﻟﻲ ﻣﺴﺘﺤﻴﻞ ﺍﺛﻴﺮ .... ﻳﺨﺘﻠﻒ .... ﺟﺬﺭﻳﺎً
ﻣﺎﺷﻲ ﺍﺻﻮﺭ ﺑﺲ ﺗﺤﻠﻒ ﺑﺪﺍﻋﺔ ﺍﻣﻚ ﻭﺷﺮﻑ ﺧﻮﺍﺗﻚ ﻣﺘﺴﻮﻱ ﺍﻱ ﺷﻲ ﺍﻝ ﺷﻬﺪ ﺑﺼﻮﺭﻫﻪ ﻭﺍﺷﻮﻑ ﺟﻨﺎﺕ ﻳﺎﻟﻠﻪ
ﺟﺎﺏ ﺟﻨﺎﺕ ﺷﺎﻳﻠﻬﻪ ﺳﺎﻛﺘﻪ ﻫﺬﺍﻙ ﺍﻟﻲ ﻭﻳﺎ ﻣﻄﻠﻌﻠﻬﻪ ﻧﺴﺘﻠﻪ ﻣﻦ ﺍﻟﺜﻼﺟﻪ ﻣﺪﺭﻱ ﻫﻮ ﺟﺎﻳﺒﻬﻪ
ﻓﺘﺢ ﺍﻳﺪﻱ ﻭﺳﻮﻳﺖ ﻣﺜﻞ ﻣﻜﺎﻝ ﻧﺰﻟﺖ ﺩﺷﺪﺍﺷﺘﻲ ﺻﺎﺭﺕ ﺩﻟﻌﻪ ..... ﻫﻮ ﺍﻧﻲ ﻋﻤﺮﻱ ﺿﺎﻉ ﻭﺭﺍﺡ ﻭﻣﻦ ﺯﻣﺎﻥ ﺧﺮﺑﺖ ﺳﻤﻌﺘﻲ ﻋﻞ ﺍﻗﻞ ﺑﺲ ﺍﻧﻲ ﻣﻮ ﺷﻬﺪ
ﺍﺣﺠﻲ ﻭﺍﺑﺠﻲ .... ﺑﺲ ﺍﻧﻲ ﻣﺎﺍﻛﺪﺭ ﺍﻛﻮﻝ ﻫﺎﻱ ﺍﻟﻜﻠﻤﺎﺕ
ﺗﻜﻮﻟﻴﻬﻦ ﻋﺎﺩﻱ .... ﺍﻧﺘﻲ ﺑﺎﻟﺬﺍﺕ ﻣﺎﺍﺻﺪﻙ ﺑﻴﺞ ﺑﻌﺪ
....... ﺟﺎﻧﻦ ﻛﻠﻤﺎﺕ ﺻﻌﺒﻪ ﺗﻨﺤﺠﻲ
ﻣﺎﺍﻛﺪﺭ ﺍﻟﻠﻔﻈﻬﻦ ﺑﻴﻨﻲ ﻭﺑﻴﻨﻪ
ﺑﻌﺪﻧﻲ ﻣﻨﺎﻃﻘﻪ ﺍﻭﻝ ﻛﻠﻤﻪ ﺷﻤﺮ ﺍﻟﻤﻮﺑﺎﻳﻞ ﺑﺎﻟﺤﺎﻳﻂ
ﻋﺪﻟﻲ ﺭﻭﺣﺞ
ﺷﻜﺪ ﺍﻛﺮﻫﺞ ﻣﻜﺎﺍﺍﺍﺍﻋﺪ ﺍﻓﻠﺢ ﺑﺄﻱ ﺷﻲ
ﻋﻤﺮﺭﺭﺭ ﺭﺍﺡ ﻳﺎﻛﻞ ﺍﻋﺪﺍﻡ ﻭﺍﻧﻲ ﻣﻤﺘﺤﺮﻙ ﺍﻟﺤﺪ ﺍﻻﻥ
ﺑﻜﺮ ﺧﺴﺮ ﻛﻞ ﺍﻟﻔﻠﻮﺱ ﻋﻠﻤﻮﺩ ﺑﺲ ﻳﺘﺨﻔﻒ ﺍﻟﺤﻜﻢ
ﺭﺟﻌﻮ ﺩﺑﺴﻮﻭﻭﻭ ﺑﺠﺮﻳﻤﺔ ﺻﺎﺩﻕ ﻭﺣﺴﻦ ﺍﻟﻲ ﻫﻮ ﻣﻤﺮﺗﻜﺒﻬﻦ
ﻣﺎﺍﺗﺤﻤﻞ ﺍﺷﻮﻓﻪ ﻳﻨﻌﺪﻡ ﺑﻮﺩﻱ ﻫﺴﻪ ﺍﻟﺰﻡ ﺍﺧﻮﻭﻭﺝ ﻭﺍﻣﻮﺗﻪ ﺑﻴﺪﻱ ﺍﻧﺘﻲ ﻭﻳﺎ ﻣﻦ ﻧﻔﺲ ﺍﻟﻄﻴﻨﻪ
ﺷﺎﻝ ﻣﻮﺑﺎﻳﻠﻪ ﺍﻟﻤﻔﻠﺶ ... ﺭﺍﺡ ﺍﺧﺬ ﺟﻨﺎﺕ .... ﺍﺫﺍ ﺟﺒﺘﻲ ﺍﺳﻤﻲ ﺍﻭ ﺍﺳﻢ ﻋﻤﺮ ﻭﺍﻟﻠﻪ ﻣﺘﺸﻮﻓﻴﻬﻪ ﺑﻌﺪ ﻃﻮﻝ ﺣﻴﺎﺗﺞ
ﻟﺘﺨﺎﻓﻴﻦ ﻣﺎﺍﺳﻮﻳﻠﻬﻪ ﺷﻲ ﺑﺲ ﺍﻃﻠﺐ ﻓﻠﻮﺱ ﻣﻦ ﺍﻫﻠﺞ
ﻋﻠﻤﻮﺩ ﻳﺘﺨﻔﻒ ﺍﻟﺤﻜﻢ ﻋﻠﻰ ﻋﻤﺮ
ﻋﻠﻴﻚ ﺍﻟﻠﻪ ﻟﺘﺎﺧﺬﻫﻪ ﺍﻣﻮﻭﺕ ﻭﺍﻟﻠﻪ .... ﺍﺛﻴﺮ ﺍﺑﻮﺱ ﺍﻳﺪﻙ ﻭﺍﻟﻠﻪ ﻣﺎﻟﻬﻪ ﺩﺧﻞ ﺑﺘﻲ
ﻟﺘﺨﺎﻓﻴﻦ ﻛﺘﻠﺞ ﺑﻴﻦ ﻣﻴﻨﻄﻮﻥ ﺍﻟﻔﻠﻮﺱ ﺍﺫﺍ ﻣﻨﻄﻴﻨﻪ ﻓﻠﻮﺱ ﻋﻤﺮ ﻳﺎﻛﻞ ﺍﻋﺪﺍﻡ ﺷﻴﺮﻳﻦ ﻭﺍﻧﺘﻮ ﺩﺧﻠﺘﻮ ﻟﻠﺴﺠﻦ ﻟﺘﻨﺴﻴﻦ ﻫﺬﺍﺍﻟﻲ ﻣﺨﺒﻠﻨﻲ ﻣﺎﺍﻋﺮﻑ ﺷﻠﻮﻥ ﺍﻟﺸﻲ
ﻭﻗﺒﻞ ﻟﻴﻄﻠﻊ ﺳﺪ ﺣﻠﻜﻲ ﺧﺎﻑ ﺍﺻﺮﺥ ﻭﺑﻘﻪ ﺍﻳﺪﻱ ﻋﻠﻰ ﻧﻔﺲ ﺍﻟﺸﺪﻩ
ﺍﺗﻮﺳﻞ ﺑﻲ ﻭﻣﻴﻘﺒﻞ ﻣﺎﺍﻛﺪﺭ ﺍﺳﻮﻱ ﺑﺸﺮﻓﺞ ﺷﻲ ﻣﺎﺍﻛﺪﺭ ﻟﺘﺨﺎﻓﻴﻦ ﻋﻠﻴﻬﻪ ﺗﺬﻛﺮﻱ ﻋﻤﺮ ﻳﻨﻌﺪﻡ ﺍﺫﺍ ﻣﻮ ﻓﻠﻮﺱ
ﺍﺧﺬ ﺟﻨﺎﺕ ﻭﻃﻠﻊ ﻛﻤﺖ ﺍﺻﺮﺥ ﺑﺲ ﺻﻮﺕ ﻣﻴﻄﻠﻌﻠﻲ ﺑﺲ ﻭﻧﻴﻦ .....
ﻛﻤﺖ ﺑﻌﺪ ﻣﺎﺭﺍﺡ ﻭﺍﻧﻲ ﺍﻳﺪﻱ ﻣﺮﺑﻮﻃﻪ ﺑﺎﻭﻋﺖ ﻣﺎﺧﺬﻫﻪ ﺻﺪﻙ ﺍﺩﺕ ﺑﺠﻴﺘﻲ ﻳﺎﺭﺑﻲ ﺷﺴﻮﻱ ﻫﺴﻪ ﺍﻧﻲ
ﻛﻤﺖ ﺍﻓﺘﺢ ﺑﻴﺪﻱ ﻛﻮﻭﻩ ﻛﺪﺭﺕ ﺍﻓﺘﺤﻬﻪ
ﻭﺧﺮﺕ ﺍﻟﺸﺎﻝ ﺍﻟﻲ ﺳﺎﺩ ﺣﻠﻜﻲ ﺑﻲ ﻭﺍﺗﺼﻠﺖ ﻋﻠﻰ ﻛﺮﺍﺭ
ﻣﺠﺎﻭﺏ ﺭﺟﻌﺖ ﻣﺮﻩ ﺛﺎﻧﻴﻪ ﺟﺎﻭﺑﺘﻨﻲ ﻟﻤﻰ ﻭﻣﺒﻴﻦ ﻣﻦ ﺻﻮﺗﻬﻪ ﻧﺎﻳﻤﻪ
ﺍﻟﻮﻭﻭ
ﻛﺮﺭﺭﺍﺭ ﺍﻟﺤﻚ
ﻟﻤﻰ / ﺷﺒﻴﺞ ﺷﻴﺮﻳﻦ
ﺍﺧﺬﺫﺫﻭ ﺑﺘﻲ ﻟﻤﻰ ﻟﺤﻜﻮﻭًﻟﻲ ﺑﺘﻲ ﺭﺍﺣﺖ
ﻣﺎﻛﻮ ﺷﻮﻳﻪ ﻭﺳﻤﻌﺖ ﺻﻮﺕ ﺷﺨﻄﺔ ﺍﻟﺴﻴﺎﺭﻩ
ﺩﻙ ﺍﻟﺒﺎﺏ ﻓﺎﺭﺱ ﺍﻧﻮﺏ ﺍﻳﺪﻱ ﺗﺮﺟﻒ ﺍﺭﻳﺪ ﺍﻓﺘﺢ ﺍﻟﺒﺎﺏ ﻣﻘﻔﻮﻝ ﻋﺮﻓﺖ ﺍﻧﻮ ﻫﻤﻪ ﺩﺍﺧﻠﻴﻦ ﻣﻦ ﺍﻟﺴﻄﺢ
ﻓﺘﺤﺘﻪ ﻛﺮﺍﺭ ﻣﺨﺮﻭﻉ
ﺷﻜﻮﻭﻭﻭ ﺷﻴﺮﻳﻦ
ﺑﻌﺪﻩ ﻳﺴﺄﻟﻨﻲ ﺩﺧﻞ ﻣﺤﻤﺪ ﻭﻭﺭﺍ ﺳﻴﺎﺭﺓ ﻗﻴﺼﺮ ﺷﺨﻄﺖ ﺑﺎﻟﺒﺎﺏ ﺩﺧﻠﻮ ﻫﻮ ﻭﻓﺎﺭﺱ ﻣﺨﺮﻭﻋﻴﻦ
ﺷﺒﻜﻨﻲ ﻣﺤﻤﺪ
ﺭﺩﺕ ﺍﻛﻮﻝ ﺍﺛﻴﺮ ﺍﺧﺬ ﺟﻨﺎﺕ ﺗﺬﻛﺮﺕ ﻛﺎﻝ ﻳﻤﻲ ﺻﻮﺭ ﺍﻝ ﺷﻬﺪ ﻭﺟﻨﺎﺕ ﺑﻴﺪﻩ
ﺍﺛﻨﻴﻦ ﺩﺧﻠﻮ ﺍﺧﺬﻭ ﺟﻨﺎﺕ ﺍﺭﻳﺪﺩﺩ ﺑﺘﻲ ﻛﺮﺍﺭ
ﺧﻠﻪ ﺍﻳﺪﻩ ﻋﻠﻰ ﺭﺍﺳﻪ ﻛﺮﺍﺭ ﻭﺩﺧﻞ ﺟﻮﻩ ﻳﺮﻛﺾ ﻋﻞ ﻏﺮﻓﻪ ﺭﺟﻊ ﺻﻌﺪ ﻓﻮﻙ
ﺍﻻﻭﻝ ﻣﺮﻩ ﺍﺷﻮﻑ ﺩﻣﻌﺔ ﻛﺮﺍﺭ ..... ﻭﻛﺎﻡ ﻳﺪﻙ ﻋﻞ ﺣﺎﻳﻂ ﺑﻴﺪﻩ ﻭﻳﺼﻴﺢ
ﻓﺎﺭﺱ ﻭﻗﻴﺼﺮ ﺻﻌﺪﻭ ﻓﻮﻙ
ﻓﺎﺭﺱ / ﺫﻭﻟﻲ ﻣﻦ ﺍﻟﻤﻨﻄﻘﻪ ﺍﻛﻴﺪ
ﻛﺮﺍﺭ / ﺍﺣﺠﻴﻠﻲ ﺗﻌﺎﻟﻲ ﺷﻴﺮﻳﻦ ﺷﺼﺎﺭﺭﺭ ﺑﺎﻟﻀﺒﻂ ﻭﺷﻠﻮﻥ ﺣﺴﻴﺘﻲ ﻋﻠﻴﻬﻢ ﻳﺤﺠﻲ ﻭﻫﻮ ﻣﻨﻬﺎﺭ ﻭﺩﻣﻌﺘﻪ ﺑﻌﻴﻨﻪ
ﺣﺴﻴﺖ ﻭﺍﺣﺪ ﻳﺠﺘﻒ ﺑﻴﻪ ﻣﻦ ﻓﺘﺤﺖ ﻋﻴﻨﻲ ﻟﻜﻴﺖ ﺍﻟﺴﻼﺡ ﻋﻠﻰ ﺟﻨﺎﺕ
ﺗﻘﺮﺏ ﻋﻠﻴﻪ ﺧﻮﻣﺎ ﺳﻮﻭﻭ ﺑﻴﺞ ﺷﻲ
ﻫﺰﻳﺖ ﺭﺍﺳﻲ ﺑﻤﻌﻨﻰ ﻻﺑﺲ ﺍﻧﻬﻴﺎﺭ ﺑﺪﺍﺧﻠﻲ ﻭﺗﻔﻜﻴﺮ ﻳﻜﻠﻲ ﻛﻮﻟﻴﻠﻪ
ﺑﻘﺖ ﺟﻨﺎﺕ ﺑﻌﻴﺪﻩ ﻋﻠﻴﻪ ﻟﻤﺪﺓ ١٠ﻳﻮﻡ ﺑﺲ ﺍﺑﺠﻲ ﻭﺧﺎﻳﻔﻪ
ﻻﻥ ﺍﺛﻴﺮ ﺍﻧﻄﺎﻫﻢ ﻣﺪﻩ ١٠ﻳﻮﻡ ﻳﺪﺑﻠﻮﻡ ﺍﻟﻤﺒﻠﻎ
ﻭﻣﻦ ﺫﺍﻙ ﺍﻟﻴﻮﻡ ﻛﺮﺍﺭ ﺭﺟﻌﻨﻲ ﺍﻟﺒﻴﺘﻬﻢ ..... ﺍﺻﻌﺐ ﺷﻲ ﻋﻠﻴﻪ ﺟﺎﻥ ﻣﻦ ﺍﺷﻮﻑ ﻟﻮﺑﺔ ﻛﺮﺍﺭ ﻣﻦ ﺧﺎﺑﺮﻭ ﺍﻟﻤﻜﺎﻓﺤﻪ ﺑﻴﻮﻣﻬﻪ ﻣﻠﻜﻮ ﺍﻱ ﺑﺼﻤﺎﺕ ﻻﻥ ﺟﺎﻧﻮ ﻻﺑﺴﻴﻦ ﺟﻔﻮﻑ ﻭﻣﺎﻛﻮ ﺍﻱ ﺩﻟﻴﻞ ﻳﻜﺸﻔﻬﻢ
ﺍﻧﻲ ﺍﻧﻬﺎﺭﻳﺖ ..... ﻣﺎﺍﻋﺮﻑ ﺷﺴﻮﻱ ﺩﻭﻡ ﻣﻮﻗﻔﻲ ﺻﻌﺐ ﻭﻣﺎﻋﻨﺪﻱ ﺍﺧﺘﻴﺎﺭﺍﺕ
ﺍﺫﺍ ﻣﺄﺧﺬ ﺍﺛﻴﺮ ﺍﻟﻔﻠﻮﺱ ﻋﻤﺮ ﻳﻨﻌﺪﻡ ﻭﺍﺫﺍ ﺍﺧﺬﻫﻦ ﻋﻞ ﺍﻗﻞ ﺍﻛﻮ ﺍﻣﻞ ﻭﻣﻦ ﺟﻬﻪ ﻛﻠﺒﻲ ﻣﻄﻜﻚ ﻋﻠﻰ ﺟﻨﺎﺕ
ﺟﻨﺖ ﻧﺎﻳﻤﻪ ﻭﺑﻌﻘﻠﻲ ﺍﻛﻮﻝ ﻫﺬﺍ ﻫﻮ ﺭﺍﺡ ﺍﻛﻮﻝ ﺍﻝ ﻛﺮﺍﺭ ﻭﻳﺮﻭﺣﻮﻥ ﻳﻘﺒﻀﻮﻥ ﻋﻠﻴﻬﻢ
ﻓﺘﺢ ﺍﻟﺒﺎﺏ ﻛﺮﺍﺭ ﻭﺍﺟﻪ ﻛﻌﺪ ﻳﻤﻲ
ﻭﻟﺰﻡ ﺍﻳﺪﻱ
ﺍﻟﻴﻮﻡ ﺗﺨﻠﺺ ﻫﺎﻱ ﺍﻟﺴﺎﻟﻔﻪ ﻭﺩﺍﻋﺘﺞ
ﻛﺮﺍﺭ ﺍﻧﻲ .... ﺍﻋﺮﻑ ﻣﻨﻮ
ﺑﺎﻭﻉ ﻋﻠﻴﻪ ﺑﺼﺪﻣﻪ .... ﺷﻠﻮﻭﻥ ﻳﻌﻨﻲ
........ ﻳﺘﺒﻊ
ﺑﻲ ﺗﻜﻤﻠﻪ ﺑﺲ ﻣﺎﺍﻛﺪﺭ ﻋﻨﺪﻱ ﺍﺛﻨﻴﻦ ﺍﻃﻔﺎﻝ ﻣﺪﺭﺳﻪ ﻭﻭﺍﺟﺒﺎﺕ ﻛﻮﻣﻪ ﺍﻋﺬﺭﻭﻧﻲ ﻭﺍﺫﺍ ﺍﻛﺪﺭ ﺍﻧﺰﻝ ﺑﻠﻴﻞ ﻣﺘﺄﺧﺮ ﻛﻠﺶ
ﺍﺣﺒﻜﻢ # ﺯﻭﺯﻩ



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس