#صرخات_غير_مسموعه_ج٢
بقلم أم غايب
الناقله زوزه
#تكملة_بارت١١
ﻟﺘﻜﻮﻟﻮﻥ ﻗﻴﺼﺮ ﻭﻟﺘﻜﻮﻟﻮﻥ ﻣﺎﺑﻲ ﺍﺣﺪﺍﺙ ﻻﻥ ﻫﺬﺍ ﺗﻜﻤﻠﻪ ﻟﺬﺍﻙ ﺍﻟﺒﺎﺭﺕ
.
ﻛﺮﺍﺭ ﺍﻧﻲ .... ﺍﻋﺮﻑ ﻣﻨﻮ
ﺑﺎﻭﻉ ﻋﻠﻴﻪ ﺑﺼﺪﻣﻪ .... ﺷﻠﻮﻭﻥ ﻳﻌﻨﻲ
ﺍﺭﺗﺒﻜﺖ ﺣﻴﻞ ﻭﺗﻨﺪﻣﺖ ﺑﻨﻔﺲ ﺍﻟﻠﺤﻈﻪ ﺍﺫﺍ ﺳﻮﻳﺘﻬﻪ ﻫﺴﻪ ﻭﺍﻧﻌﺪﻡ ﻋﻤﺮ ﺷﻠﻮﻥ ﺍﻛﺪﺭ ﺍﻛﻤﻞ ﺣﻴﺎﺗﻲ ﻭﺍﻧﺎﻡ ﺍﻟﻠﻴﻞ
ﻳﻌﻨﻲ ﺍﻛﻴﺪ ﺍﻟﻲ ﺧﻄﻒ ﺷﻬﺪ ﺧﻄﻒ ﺟﻨﺎﺕ
ﻭﺍﻧﺘﻲ ﺷﻤﺪﺭﻳﺞ ﺏ ﺷﻬﺪ ﺍﻧﺨﻄﻔﺖ ﺍﺣﻨﻪ ﻣﻜﻠﻨﻪ ﺍﻻﺣﺪ
ﺷﻬﺪ ﻛﺎﻟﺘﻠﻲ ﺑﺲ ﻟﺘﻜﻮﻝ ..... ﻛﺮﺍﺭ ﺑﻠﻠﻪ ﻣﺮﺟﻌﻮ ﺟﻨﺎﺕ ﺍﻣﻮﺕ ﻭﺍﻟﻠﻪ
ﻟﺰﻡ ﺍﻳﺪﻱ ...... ﺑﻴﺪﻩ ﻭﺑﺄﻳﺪﻩ ﺍﻟﺜﺎﻧﻴﻪ . ﺣﻀﻨﻲ ..... ﻛﻠﻪ ﺑﺴﺒﺒﻲ ﺍﻧﻲ ﺻﺎﺭ ﻫﺬﺍ ﺍﻟﺸﻲ ﺟﺎﻥ ﻣﻔﺮﻭﺽ ﻣﺎﺍﺧﻠﻴﻜﻢ ﺗﺒﺎﺗﺮﻥ ﺑﺎﻟﺒﻴﺖ .... ﻣﺎﺍﻋﺮﻑ ﺷﻠﻮﻥ ﻣﺨﻠﻴﺖ ﻛﺎﻣﺮﺍ ﺑﺎﻟﺴﻄﺢ ﺍﻣﺪﺩﺩﺍﻧﻲ ﺍﻱ ﻭﺍﻟﻠﻪ
ﻛﻞ ﻛﻠﻤﻪ ﻳﺤﺠﻴﻬﻪ ﻛﺮﺍﺭ ﺧﻨﺠﺮ ﺗﺪﺧﻞ ﺑﻜﻠﺒﻲ ﺗﻮﺟﻌﻨﻲ ﻋﻠﻲ ..... ﺷﻠﻮﻥ ﻛﺎﻋﺪ ﺍﺳﻮﻱ ﺑﻲ ﻫﻴﺞ .... ﺷﺤﺠﻲ ﻋﻠﻴﻚ ﻳﺎ ﺍﺛﻴﺮ ﺧﻠﻴﺘﻨﻲ ﺑﺎﺑﺸﻊ ﻣﻮﻗﻒ ﻣﻤﻜﻦ ﺗﺴﻮﻱ ﺍﻟﻤﺮﻩ
ﺣﻠﻴﺘﻨﻲ ﺍﻃﻌﻦ ﺍﻟﺮﺟﺎﻝ ﺍﻟﻲ ﺳﻨﺪﻧﻲ ﻭﺣﻤﺎﻧﻲ ﻭﺩﻭﻡ ﺳﺘﺮ ﻭﻏﻄﻪ ﻋﻠﻴﻪ ﺷﻠﻮﻥ ﺍﻋﻴﺶ ﻭﻳﺎ ﻭﺍﻧﻲ ﻫﻴﺞ ﺳﻮﻳﺖ ﺑﻲ
ﺑﺎﺳﻨﻲ ﻣﻦ ﺭﺍﺳﻲ ﻭﺑﺴﺘﻪ ﺑﺼﺪﺭﻩ
ﻭﺍﻟﻠﻪ ﺍﻟﻌﻈﻴﻢ ﻳﺎ ﺭﺑﻲ ﺑﺲ ﺗﺮﺟﻊ ﺟﻨﺎﺕ ﺑﺎﻟﺴﻼﻣﻪ ﻭﻋﻤﺮ ﻳﺸﻮﻓﻮﻟﻪ ﺣﻞ ﺍﺧﻠﻲ ﻛﺮﺍﺭ ﺑﻌﻴﻮﻧﻲ ﻭﻣﺎﺍﻓﻜﺮ ﺑﻐﻴﺮﻩ ﻭﻻ ﺍﻏﺪﺭﻩ ..... ﺍﺧﻠﺺ ﻣﻦ ﺗﺄﻧﻴﺐ ﺍﻟﻀﻤﻴﺮ
ﺍﻋﺮﻑ .... ﺍﻋﺮﻑ ﺍﻧﻲ ﺑﻌﻴﻮﻧﻚ ﻣﻮ ﺯﻳﻨﻪ ﻭﺯﺍﻧﻴﻪ ... ﻭﻛﻠﺸﻲ
ﺑﺲ ﻣﺎﻟﻲ ﻏﻴﺮﻙ
ﺳﺎﻋﺪﻧﻲ ﻳﺎﺭﺏ ﻭﺭﺟﻌﻠﻲ ﺑﺘﻲ ﻭﺍﻟﻠﻪ ﻛﻠﺒﻲ ﻣﻄﻜﻚ ﻋﻠﻴﻬﻪ
ﻭﺍﻟﻠﻪ ﻛﻠﺒﻲ ﻳﻮﺟﻌﻨﻲ
ﻭﺍﻟﻠﻪ ﻣﺮﺩﺕ ﺷﻲ ..... ﺻﺎﺭ ﺻﻮﺕ ﺑﺠﻴﺘﻲ ﻣﺴﻤﻮﻉ
ﻣﺴﺢ ﻋﻠﻰ ﻇﻬﺮﻱ ﻛﺮﺍﺭ .... ﺍﺷﺸﺶ ﻭﺩﺍﻋﺘﺞ ﻭﺩﺍﻋﺔ ﻫﺎﻱ ﻋﻴﻮﻧﺞ ﻳﺼﻴﺮﻥ ﺳﻮﺍﻟﻒ ﻭﺟﻨﺎﺕ ﺗﺮﺟﻊ ﺍﻟﺤﻀﻨﺞ
ﺻﺎﺭ ﻣﻮﻋﺪ ﺗﺴﻠﻴﻢ ﺍﻟﻔﻠﻮﺱ ﻛﻠﺸﻲ ﻣﺎﺷﻲ ﺗﻤﺎﻡ ﻭﻣﻜﺪﺭ ﺍﺣﺪ ﻳﻮﺻﻞ ﻟﻠﺮﻗﻢ ﺍﻟﻲ ﺍﺗﺼﻞ ﻣﻨﻪ ﺍﺛﻴﺮ .... ﺟﺎﻥ ﻣﻨﻈﻢ ﻛﻠﺸﻲ
ﻭﺑﻠﻐﻬﻢ ﺍﺫﺍ ﺑﻠﻐﻮ ﺍﻟﺸﺮﻃﻪ ﻣﻴﺴﺘﻠﻤﻮﻥ ﺟﻨﺎﺕ ﻭﺟﺎﻥ ﺍﻻﺗﻔﺎﻕ ﻭﻳﺎﻫﻢ ﻳﺴﺘﻠﻤﻮﻥ ﺍﻟﻔﻠﻮﺱ ﻳﺎﻟﻠﻪ ﻳﺮﺟﻌﻮﻥ ﺟﻨﺎﺕ
ﺑﺎﻟﻔﻌﻞ ﺳﻠﻤﻮﻫﻢ ﺍﻟﻔﻠﻮﺱ ﻭﺳﺎﻋﺘﻴﻦ ﺟﻨﺎﺕ ﻣﺎﻛﻮ ﺍﻱ ﺧﺒﺮ ﻋﻨﻬﻪ
ﺍﻧﻲ ﻣﻠﺸﺖ ﺷﻌﺮﻱ ....... ﻳﻌﻨﻲ ﺑﺘﻲ ﻣﺎﺗﺘﺖ .... ﻳﻌﻨﻲ ﺟﻨﺎﺕ ﻣﺎﺍﺗﺖ
ﺭﺣﺎﺏ / ﻭﻟﺞ ﻳﻤﻪ ﺷﺠﺎﺝ ﻟﻴﺶ ﺗﻔﺎﻟﻮﻟﻴﻦ ﻋﻠﻴﻬﻪ
ﻳﻤﻪ ﻭﻳﻨﻬﻪ ﻟﻌﺪ ﻭﻳﻨﻬﻪ ﻓﻬﻤﻴﻨﻲ ﻫﺎﻱ ﺻﺎﺭ ﺳﺎﻋﺘﻴﻦ ﻭﻫﻤﻪ ﻣﺎﻛﻮ
ﻣﻌﻘﻮﻟﻪ ﺳﻮﺍﻫﻪ ﺑﻴﻪ ﺍﺛﻴﺮ ﻭﻛﺘﻞ ﺑﺘﻲ .... ﺍﺣﺠﻲ ﺑﻜﻠﺒﻲ ﻭﺍﺻﺎﺭﻉ ﺍﻭﺟﺎﻋﻲ ﻭﺍﻟﻨﺎﺭ ﺍﻟﺒﻲ ﻭﺍﻓﻜﺮ ﺍﺣﺠﻲ ﻭﺍﻛﻠﻬﻢ ﺍﺛﻴﺮ ﻟﻮ ﺷﺴﻮﻱ ......
ﻛﻤﺖ ﺍﻫﺰ ﺑﺮﺍﺳﻲ ﻣﺜﻞ ﺍﻟﻤﺨﺒﻠﻪ ...... ﻣﺎﺍﻛﺪﺭ ﻣﺎﻛﺪﺭ ﺑﻌﺪ ﺑﺘﻲ ..... ﻣﺎﻣﺎ ﺑﺘﻲ ﻭﺍﻟﻠﻪ ﺑﺘﻲ
ﺑﻌﺎﻟﻠﺤﻈﻪ ﺩﺧﻞ ﺟﺪﻭ ﺟﻨﺖ ﻣﻨﻌﺎﺭﻩ ﺣﻴﻞ ﺍﻣﻲ ﻻﺯﻣﺘﻨﻲ ﻭﺍﺑﺠﻲ ﺍﺟﺎﻧﻲ ﺟﺪﻭ .....بيج قصص عراقيه حقيقيه من واقعنا.روعه الطائي
ﻣﺠﻴﺪ / ﻟﺘﺨﺎﻓﻴﻦ ﺑﻨﺘﺞ ﺭﺟﻌﺖ ﺍﻟﺤﻀﻨﺞ
ﺑﺎﻭﻋﺖ ﺑﻠﻬﻔﻪ ..... ﻭﻋﻴﻮﻥ ﻣﻮﺭﻣﻪ ﻣﻦ ﺍﻟﺒﺠﻲ
ﻭﺍﻟﻠﻪ .... ﻳﻌﻨﻲ ﺭﺟﻌﻮﻫﻪ
ﻫﺰ ﺭﺍﺳﻪ ﻭﺷﺒﻜﺘﻪ ﺣﻴﻞ ﻭﻛﻤﺖ ﺍﺑﺠﻲ
ﺑﺸﻬﻜﻪ ﺭﻓﺮﺡ ﻭﺣﺰﻥ ﻭﻛﻠﺸﻲ ﺍﺧﺘﻠﻂ ﻭﻳﺎﻱ
ﻋﺎﻓﻨﻲ ﻭﻃﻠﻊ ﺑﺪﻭﻥ ﺣﺘﻰ ﻣﻴﻄﺒﺒﻄﺐ ﻋﻠﻰ ﻇﻬﺮﻱ
ﺷﻜﺪ ﺍﺣﺘﺎﺟﻴﺖ ﺑﺎﺑﺎ ﺑﻬﺎﻟﻠﺤﻈﻪ ﻟﻮ ﻣﻮﺟﻮﺩ ﺟﺎﻥ ﻛﻠﺸﻲ ﺍﺧﺘﻠﻒ
ﻟﻮ ﻣﻮﺟﻮﺩ ﺟﺎﻥ ﻣﻮﺻﻠﻨﻪ ﺍﻟﻬﺎﻟﻤﺮﺣﻠﻪ ﺍﺑﺪ ﻫﻮ ﺣﻤﺎﻧﻲ ﻭﺟﺎﻥ ﺑﻘﻪ ﻳﺤﻤﻴﻨﻲ
ﻛﻠﻬﻪ ﻛﺎﻋﺪﻩ ﻭﺗﻨﺘﻈﺮ ﻭﺻﻮﻝ ﺟﻨﺎﺕ
ﺻﺎﺭﺕ ﺟﻴﺘﺔ ﺟﻨﺎﺕ ﺣﻠﻢ ﺑﺎﻟﻨﺴﺒﻪ ﺍﻟﻲ
ﺍﺟﺘﻲ ﻃﻴﺒﻪ ﺗﺮﻛﺾ ﻛﺎﻟﺖ ﺟﺎﺑﻮﻭ ﺟﻨﺎﺕ
ﺭﻛﻀﺖ ﺭﻛﻀﻪ ﻭﻭﻳﺎﻫﻪ ﺻﻴﺤﺔ ﺑﺘﺘﺘﺘﻲ
ﺟﺎﻥ ﺷﺎﻳﻠﻬﻪ ﻛﺮﺍﺭ ﺍﺧﺬﺗﻬﻪ ﻣﻨﻪ ﻭﺣﻀﻨﺘﻬﻪ ﺣﻴﻞ ﻳﻤﻜﻦ ﻋﺼﺮﺗﻬﻪ ﺑﻮﻗﺘﻬﻪ ﻭﻫﻴﻪ ﺗﻀﺤﻚ
ﻛﻌﺪﺕ ﺑﻤﻜﺎﻧﻲ ﻭﻫﻴﻪ ﺑﺤﻀﻨﻲ ﻛﻤﺖ ﺍﺷﺒﻚ ﺑﻴﻬﻪ ﻭﺍﺑﻮﺱ ﺑﻴﻬﻪ ﻭﻫﻴﻪ ﺗﻀﺤﻚ ﻭﻻ ﻋﺒﺎﻟﻚ ﻭﺍﻟﻲ ﺻﺤﻜﻨﻲ ﺍﻛﺜﺮ ﺍﻟﻜﺮﻭﻥ ﺍﻟﻲ ﻣﺴﻮﻳﻬﻦ ﺍﺛﻴﺮ ﺍﻟﻬﻪ ﺍﻟﻔﺮﻙ ﻣﻴﻨﻮﺻﻒ ﻣﺨﺮﺑﻂ ﻭﺑﻴﺪﻫﻪ ﻟﻌﺎﺑﻪ ﻣﻜﻔﺸﻪ
ﻫﺎﻱ ﻣﻨﻴﻦ ﺍﻟﻠﻌﺎﺑﻪ
ﻓﺎﺭﺱ / ﻫﺬﺍ ﺍﻟﺨﺎﻃﻔﻬﻪ ﻳﺮﻳﺪ ﻳﺤﻠﻞ ﻟﻜﻤﺘﻪ ﻭﺟﺎﺏ ﻟﻌﺎﺑﻪ ﺍﻟﻬﻪ ﻟﺘﻠﺰﻣﻮﻥ ﺍﻟﻠﻌﺎﺑﻪ ﺍﺑﺪ ﺑﻘﻮﻫﻪ ﺑﻴﺪﻫﻪ ﻭﺟﻴﺒﻮﻟﻲ ﺟﻴﺲ ﻭﺭﻗﻲ
ﺧﻮﻟﻪ / ﻭﻫﺬﺍ ﻣﻨﻴﻦ ﻧﺠﻴﺒﻪ
ﺍﺧﺬﺕ ﺍﻣﻲ ﺟﻨﺎﺕ ﻣﻨﻲ ﻭﻭﻛﻌﺖ ﺍﻟﻠﻌﺎﺑﻪ ﺑﺎﻟﻜﺎﻉ
ﺍﻧﻲ ﺑﺎﻭﻋﺖ ﻋﻠﻴﻬﻪ ﺟﺎﻥ ﻓﺎﺭﺱ ﻳﺮﻳﺪ ﻳﺸﻴﻠﻬﻪ ﻭﻳﺪﻭﺭ ﺟﻴﺲ
ﻧﺰﻟﺖ ﻟﻠﻜﺎﻉ ﺍﺧﺬﺗﻬﻪ ﻭﺑﺴﺮﻋﻪ ﺫﺑﻴﺘﻬﻪ ﺑﺎﻟﻨﺠﺎﻧﻪ
ﻛﺮﺍﺭ / ﺍﺣﻨﻪ ﺷﻜﻠﻨﻪ ﻫﺎﺍﺍﻱ ﻟﻴﺶ ﻫﻴﺞ ﺳﻮﻳﺘﻲ
ﻻﻥ ﺍﺧﺎﻑ ﻋﻠﻰ ﺑﺘﻲ ﺑﻠﻠﻪ ﺭﺟﻌﻮ ﺍﺧﺬﻭﻫﻪ ﻭﻳﻪ ﻣﻨﻮ ﺍﺣﺠﻲ
ﻛﺮﺍﺭ ﺍﻧﻲ ﻣﺎﺍﺭﻳﺪ ﺑﺘﻲ ﺗﺮﻭﺡ ﻣﻨﻲ
ﻳﺠﻮﺯ ﺑﻴﻬﻪ ﺩﻟﻴﻞ ﻭﻧﻠﺰﻣﻬﻢ ﻟﻴﺶ ﻫﻴﺞ ﺳﻮﻳﺘﻲ
ﺍﺧﺬﺕ ﺟﻨﺎﺕ ﻭﺻﻌﺪﺕ ﻓﻮﻙ .... ﺍﻟﺤﻤﺪﻟﻠﻪ ﻳﺎ ﺭﺑﻲ ﻣﻦ ﺳﻮﻳﺖ ﻫﺎﻱ ﺍﻟﺨﻄﻮﻩ .... ﻳﺎﺭﺏ ﺧﻔﻒ ﺍﻟﺤﻜﻢ ﻋﻠﻰ ﻋﻤﺮ ﻭﺭﻳﺤﻨﻲ ﻭﺧﻠﻴﻨﻲ ﺍﻛﻤﻞ ﺣﻴﺎﺗﻲ ﻣﺮﺗﺎﺣﻪ
ﻳﺎﺭﺏ ﺗﻠﻄﻒ ﺑﺤﺎﻟﻪ ﻭﺍﻟﻠﻪ ﻣﻈﻠﻮﻡ ﺍﻧﺖ ﻣﻮ ﻣﻮﺻﻴﻬﻢ ﺑﺎﻟﺪﻓﺎﻉ ﻋﻦ ﺍﻟﺸﺮﻑ ﺍﺣﻨﻪ ﻏﻴﺮ ﺷﺮﻑ
ﺻﻌﺪﺕ ﺷﻬﺪ ﻳﻤﻲ ﻭﺍﺧﺬﺕ ﺟﻨﺎﺕ ﻣﻨﻲ ..... ﻭﺷﺒﻜﺘﻬﻪ
ﻭﺭﺟﻌﺖ ﺷﺒﻜﺘﻨﻲ
ﺍﻟﺤﻤﺪﻟﻠﻪ ﻣﻦ ﺭﺟﻌﺖ ﻭﺍﻟﻠﻪ ﻫﺎﻱ ﻣﻌﺠﺰﻩ ﺟﻨﺖ ﺍﻟﻮﺏ ﺑﺪﺍﺧﻠﻲ ﻭﺍﻛﻮﻝ ﻣﺴﺘﺤﻴﻞ ﻳﻌﻮﻓﻮﻫﻪ ﺑﻌﺪ ﻳﺬﺑﺤﻮﻫﻪ ﺗﻌﻮﺩﻧﻪ ﻋﻠﻰ ﻫﺎﻻﺧﺒﺎﺭ ﺻﺎﺭﺕ ﺣﺘﻰ ﺣﻴﺎﺓ ﺍﻟﻄﻔﻞ ﻣﻬﺪﺩﻩ
ﺍﻭﻭﻑ ﻳﺎ ﺷﻴﺮﻳﻦ ﻳﺎ ﺣﺒﻴﺒﺘﻲ ﺍﻟﻠﻪ ﻳﺤﺒﺞ ﻭﺍﻟﻠﻪ ﺭﺟﻌﻬﻪ ﺍﻟﺞ
ﺍﻱ ﻭﺍﻟﻠﻪ ﺍﻟﺤﻤﺪﻟﻠﻪ ﻳﺎﻟﻠﻪ ﺣﺒﻴﺒﺘﻲ ﺇﻧﻲ ﺍﺭﻭﺡ ﺑﻌﺪ
ﺍﻟﺤﻤﺪ ﻟﻠﻪ ﻃﻤﺌﻴﻨﻴﺎ ﻋﻠﻰ ﺟﻨﺎﺕ ﻭﻋﻠﻴﺞ
ﺷﺒﻜﺘﻬﻪ ﺣﻴﻞ ﻭﺭﺍﺣﺖ .... ﻣﺮﺗﺎﺣﻪ ﺣﻴﻞ ﺻﺢ ﻏﺪﺭﺕ ﺏ ﻛﺮﺍﺭ ﺑﺲ ﺍﻟﻔﻠﻮﺱ ﺗﺘﻌﻮﺽ ﺑﺲ ﺭﻭﺡ ﻋﻤﺮ ﻭﺷﺒﺎﺑﻪ ﻣﻴﺘﻌﻮﺽ ﻭﻛﺮﺍﺭ ﻫﻢ ﻣﺴﺆﻝ ﻋﻦ ﺍﻟﻲ ﺻﺎﺭ ﺏ ﻋﻤﺮ
ﺣﻀﻨﺘﻬﻪ ﺣﻴﻞ ﺍﻝ ﺟﻨﺎﺕ
ﺟﺎﻥ ﺗﻜﻠﻲ ﺍﺑﻊ .... ﺍﺗﺮﻱ .... ﺍﻭﻭﺡ
ﺿﺤﻜﺖ ﻋﻠﻰ ﺳﻮﺍﻟﻔﻬﻪ ﺟﺪﻳﺪﻩ ﻋﺒﺎﻟﻚ ﻣﻮ ﻋﺸﺮ ﺍﻳﺎﻡ ﻋﺒﺎﻟﻚ ﻋﺸﺮ ﺳﻨﻴﻦ ﻭﺍﻟﻠﻪ..بيج قصص عراقيه حقيقيه من واقعنا.روعه الطائي
ﺍﺑﺪ ﻣﻜﺪﺭﺕ ﻋﻴﻮﻧﻲ ﺗﻐﻔﻪ ﻭﻫﻴﻪ ﺑﻌﻴﺪﻩ ﻋﻨﻲ ..... ﻭﺣﺘﻰ ﻣﺮﺍﺕ ﻣﻦ ﺍﻧﺎﻡ ﻫﻴﺞ ﻧﻮﻣﻪ ﺍﻡ ﺍﻝ١٠ﺩﻗﺎﻳﻖ ﻭﺍﻓﺘﺢ ﻋﻴﻨﻲ ﻭﺍﺷﻮﻓﻬﻪ ﻣﺎﻛﻮ
ﺷﻮﻳﻪ ﻭﺻﻌﺪ ﻛﺮﺍﺭ ﻭﺭﺍﻧﻪ ﺍﻭﻝ ﻣﺪﺧﻞ ﺍﺑﺘﺴﻢ ﻭﺟﻨﺎﺕ ﺻﺎﺣﺘﻠﻬﻪ ﺑﺎﺑﺎ ﻭﺭﺍﺣﺖ ﻋﻠﻲ ﺗﻤﺸﻲ
ﻭﻫﻮ ﻓﺘﺢ ﺍﻳﺪﻩ ﺍﺛﻨﻴﻨﻬﻦ ﻭﻛﻠﻬﻪ ﻫﻠﻪ ﺑﺮﻭﺡ ﺑﺎﺑﺎ
ﻛﻤﺖ ﻋﻠﻲ ﺷﻜﺪ ﻣﺎﺍﺷﻜﺮﻩ ﻗﻠﻴﻠﻪ ﺑﺤﻘﻪ .....
ﺷﻜﺮﺍً ﻛﺮﺍﺭ
ﺭﻓﻊ ﺣﺎﺟﺒﻪ ﻋﻠﻰ ﺷﻨﻮﻭ ﻻﻥ ﺩﻓﻌﺖ ﻓﻠﻮﺱ ﻟﺮﺟﻌﺖ ﺑﺘﻲ ﻫﺬﺍ ﻭﺍﺟﺒﻲ ﻫﺎﻱ ﺑﻨﻴﺘﻲ ﺍﻟﺼﻐﻴﺮﻩ ﻭﻧﺰﻝ ﺟﻨﺎﺕ ﻣﻦ ﺍﻳﺪﻩ
ﻭﻫﺴﻪ ﻧﺠﻲ ﺍﻟﺒﻨﺘﻲ ﺍﻟﺠﺒﻴﺮﻩ ﺣﺒﻴﺔ ﺍﺑﻮﻫﻪ
ﺿﺤﻜﺖ
ﻫﺰ ﺭﺍﺳﻪ ﻭﻏﻤﺾ ﻋﻴﻦ ﺑﻤﻌﻨﻰ ﻳﻜﻠﻲ ﺗﻌﺎﻟﻲ
ﺣﻠﻔﺖ ﺍﻧﻲ ﺑﺲ ﺗﺨﻠﺺ ﻫﺎﻟﻤﺤﻨﻪ ﺍﺻﻴﺮ ﺍﻝ ﻛﺮﺍﺭ ﻣﺮﻩ ﺑﺤﻖ ﻭﺣﻘﻴﻘﻲ .... ﻫﺬﺍ ﻫﻮ ﺭﺍﺡ ﺍﺩﻓﻦ ﺣﺐ ﻋﻤﺮ ﻭﺍﻥ ﺷﺎﺀ ﻫﻮ ﻫﻢ ﻳﻄﻠﻌﻪ ﺍﺛﻴﺮ ﻣﺘﺄﻣﻠﻪ ﻳﺪﻓﻌﻮﻥ ﻓﻠﻮﺱ ﻋﻠﻤﻮﺩ ﻳﻬﺮﺑﻮ ﻭﻳﻜﻤﻞ ﺣﻴﺎﺗﻪ ﻳﺎﺭﺏ ﻳﺼﻴﺮ ﻫﺬﺍ ﺍﻟﺸﻲ ﺗﻮﻧﻲ ﺭﺣﺘﻠﻪ ﻭﺑﺸﺒﻜﺘﻪ ﺍﻟﻲ ﺩﺧﻠﺖ ﻟﻤﻰ ﺑﺪﻭﻥ ﻣﺘﻔﺘﺢ ﺍﻟﺒﺎﺏ ﺍﻧﺼﺪﻣﺖ
ﻭﺍﻟﻠﻪ ﻋﺮﻓﺘﻚ ... ﻋﺮﻓﺘﻚ
ﻛﺮﺍﺭ ﺑﻤﻠﻞ ... ﻭﺍﻟﻠﻪ ﺑﻌﺪﻧﻲ ﻣﻤﺮﺗﺎﺡ ﻭﻣﺎﻟﻲ ﺧﻠﻚ
ﻭﻃﻠﻊ ﻭﺭﺍﻫﻪ
ﺳﺪﻳﺖ ﺑﺎﺏ ﺍﻟﻐﺮﻓﻪ ﻭﻛﻌﺪﺕ ﻭﺧﻠﻴﺖ ﺟﻨﺎﺕ ﺑﺤﻀﻨﻲ ﺍﺑﻮﺱ ﺑﻴﻬﻪ
ﺟﻨﻮﻧﺘﻲ ﻣﻨﻮ ﺟﺎﺑﻠﺞ ﻫﺬﺍ
ﺍﻣﻮﻭﻭ ... ﺍﻣﻮﻭﻭ .... ﺩﺩﺍ ... ﺃﻭﻥ ﺃﻭﻥ ﻭﺗﻀﺤﻚ
ﺍﻛﻮ ﺍﻃﻔﺎﻝ ﺑﻌﻤﺮ ﺟﻨﺎﺕ ﻳﺤﺠﻮﻥ ﻭﻭﺍﺿﺢ ﺑﺲ ﻫﻴﻪ ﺍﻟﻠﺴﺎﻧﻬﻪ ﺛﻜﻴﻞ ﺷﻮﻳﻪ
ﻭﺭﺍﻫﻪ ﺳﻤﻌﺖ ﻛﺒﺖ ﺍﻟﻌﻴﻄﻪ ﻭﻛﻼﻡ ﻭﺍﺿﺢ ﺷﻮﻭﻳﻪ
ﻛﺎﺍﺍﻓﻲ .... ﻛﺎﺍﺍﻓﻲ ﺑﻌﺪﺩﺩﺩﺩ ﻣﺎﺍﺗﺤﻤﻞ ﻫﺎﻱ ﺍﻟﺴﻮﺍﻟﻒ ﻫﺎﻙ ﺟﻬﺎﻟﻚ ﺑﻘﻴﻬﻢ ﺍﻟﻚ ﻫﺬﺍ ﻣﻮﺕ ﺑﻄﻲﺀ ﺍﻟﻲ ..... ﻣﺎﺍﺗﺤﻤﻞ
ﻛﺎﺍﻓﻲ ﺗﻌﺒﺘﻴﻨﻲ ﻭﺍﻟﻠﻪ
ﻓﺘﺤﺖ ﺍﻟﺒﺎﺏ ﻻﻥ ﻛﻮﻩ ﺍﺳﻤﻊ
ﺍﻧﻲ ﻟﻮ ﺍﻧﺖ .... ﺍﻧﺖ ﺍﻟﺘﻌﺒﺘﻨﻲ ﺍﻧﺖ ﺍﻟﻲ ﻛﺎﻋﺪ ﺗﺨﻮﻧﻲ
ﻫﻴﻪ ﻣﺮﺗﻲ
ﺗﺘﺬﻛﺮ ﻛﺮﺍﺭ .... ﺗﺘﺬﻛﺮ ﻣﻦ ﻛﺘﻠﻲ ﺷﻜﺘﻠﻚ .... ﻛﺘﻠﻚ ﻫﺴﻪ ﻳﺠﻲ ﺍﻟﻴﻮﻡ ﺍﻟﻲ ﻣﻦ ﺍﻭﻛﻒ ﺑﻮﺟﻬﻚ ﻭﺍﻛﻠﻚ ﻫﺬﺍ ﺍﻟﻜﻼﻡ ﺗﻜﻮﻝ ﻫﻴﻪ ﻣﺮﺗﻲ
ﺗﺘﻬﻨﺎ ﺍﻧﺖ ﻭﻣﺮﺗﻚ
ﻛﺎﺍﺍﻓﻲ ﺭ ﺣﻤﻪ ﺍﻟﺪﻳﻨﺞ ﻛﺎﻓﻲ ﺑﺲ ﺑﺎﻭﻋﻲ ﺍﻛﻠﺞ ﺑﺸﻐﻠﻪ ﺧﻞ ﺍﻛﻠﻚ ﺍﺻﻼ ﺍﻧﻲ ﺗﻘﺮﺑﺖ ﺍﻟﺸﻴﺮﻳﻦ ﺑﺴﺒﺒﺞ
ﺍﻛﻠﺞ ﻣﺎﻋﻨﺪﻱ ﺷﻲ ﻭﻳﺎﻫﻪ
ﻳﻮﻣﻴﻪ ﺗﻜﻠﻴﻠﻲ ﺗﺤﺒﻬﻪ ﺗﺠﺬﺏ ﻋﻠﻴﻪ ﺍﻧﺖ ﺍﻟﻴﻮﻡ ﻣﺘﻘﺮﺑﻠﻬﻪ ﺍﻧﺖ ﺍﻟﻴﻮﻡ ﻛﻠﺖ ﺍﺳﻤﻬﻪ ﻣﻊ ﺍﻟﻌﻠﻢ ﺍﻧﻲ ﻣﺘﺄﻛﺪ ﻣﺎﺍﻏﻠﻂ ﺑﺄﺳﻤﺞ ﺍﺑﺪ ﺧﻠﻴﺘﻴﻨﻲ ﺍﻓﻜﺮ ﺑﻴﻬﻪ ﻭﺣﺘﻰ ﻣﻦ ﺍﺭﻳﺪ ﺍﻧﺴﺎﻫﻪ
ﺍﻧﺘﻲ ﺗﺬﻛﺮﻳﻨﻲ ﺑﻴﻬﻪ
ﻫﺎ ﺟﻨﺖ ﻋﺪﻫﻪ
ﻫﺎ ﺧﺎﻑ ﻧﻤﺖ ﻭﻳﺎﻫﻪ
ﻛﻤﺖ ﺣﺘﻰ ﻣﻦ ﺍﺭﺟﻊ ﻣﻦ ﺍﻟﺤﻤﻞ ﻋﺮﻛﺎﻥ ﻣﺜﻞ ﻛﻞ ﻣﺮﻩ ﺍﺳﺒﺢ
ﺗﻜﻠﻴﻠﻲ ﻫﺎﺍﺍ ﻻﺯﻡ ﻧﻤﺖ ﻭﻳﺎﻫﻪ
ﺍﺫﺍ ﺍﻧﺘﻈﺎﺭ ..... ﻫﺎﺍﺍﺍ . ﺟﻨﺖ ﺗﺤﺠﻲ ﻭﻳﺎﻫﻪ
ﺧﺒﻠﺘﻴﻨﻲ ﻭﺍﻟﻠﻪ .... ﻭﺣﻖ ﺍﻟﻠﻪ ﺍﻟﻔﻮﻙ ﺭﺍﺳﻲ ﺧﺒﻠﺘﻴﻨﻲ ﻭﺗﻌﺒﺘﻴﻨﻲ
ﻳﻌﻨﻲ ﻣﺘﻘﺮﺏ ﺍﻟﻬﻪ
ﺍﺍﺍﺍﺍﺍﻱ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﻚ ﻭﺍﻟﻠﻪ ﻳﻄﻠﻌﻬﻪ ﺑﻴﻚ ﺍﻥ ﺷﺎﺀ ﺍﻟﻠﻪ ﻭﺍﻧﻲ ﻋﺎﻳﻔﺘﻠﻚ ﺍﻟﺠﻤﻞ ﺑﻤﺎ ﺣﻤﻞ ﺍﻟﻚ ﻭﺍﻟﻬﻪ ﺑﺲ ﻭﺍﻟﻠﻪ ﻳﺎ ﻛﺮﺍﺭ ﺑﻌﺪ ﻣﺎﺍﺭﺟﻌﻠﻚ ﻭﻛﺮﻫﺖ ﺍﻟﻴﻮﻡ ﺍﻟﺤﺒﻴﺘﻚ ﺑﻲ
ﻣﺘﻘﺮﺏ ﻳﻠﻠﻠﻪ ﺷﺘﺮﻳﺪﻳﻦ ﻟﺞ ﺑﺎﺑﺎ ﻫﺎﻱ ﺯﻭﺟﺘﻲ ﺣﻼﻟﻲ ﺍﻧﻲ ﻣﺰﺍﻧﻲ
ﺍﺫﺍ ﺗﻄﻠﻌﻴﻦ ﻫﺴﻪ ﻣﻦ ﺍﻟﺒﻴﺖ ﺑﻌﺪ ﻣﺎﻟﺞ ﺭﺟﻌﻪ ﺍﻟﻪ
ﻟﻤﻰ / ﻫﻮ ﺍﻧﻲ ﻣﺎﺍﺩﺧﻠﻪ ﺑﻌﺪ ... ﻳﻠﻠﻪ ﻭﺩﻳﻨﻲ
ﻭﺍﺫﺍ ﻣﺘﺮﻳﺪ ﺗﻮﺩﻳﻨﻲ ﻋﺎﺩﻱ ﺍﺧﺎﺑﺮ ﺑﺎﺑﺎ ﻳﺠﻴﻨﻲ
ﻟﻤﻰ ﻟﻌﻨﻲ ﺍﻟﺸﻴﻄﺎﻥ ﻣﻤﺸﻲ ﻋﻠﻴﺞ ﺍﻟﺰﻫﺮﻩ
ﺍﻧﻲ ﺍﺣﺒﺞ ﻭﺍﻧﺘﻲ ﺗﺤﺒﻴﻨﻲ ﻣﺎﻛﻮ ﺩﺍﻋﻲ ﻧﺴﻮﻱ ﻣﺸﺎﻛﻞ
ﺻﺪﻙ ﻳﻌﻨﻲ ﺗﺮﻳﺪﻧﻲ ﺍﻗﺒﻞ ﺑﻬﺬﺍ ﺍﻟﻮﺿﻊ ﻟﻮ ﺍﻣﻮﺕ ﻟﻮ ﻳﺒﻘﻪ ﺍﺧﺮ ﻳﻮﻡ ﺑﺤﻴﺎﺗﻲ ﻫﻢ ﻣﺘﺎﺑﻘﻪ ﺍﻟﻮﺍﺣﺪ ﺧﺎﻧﻲ ﻭﻣﻮ ﺑﺲ ﺧﻴﺎﻧﻪ ﺟﺴﺪﻳﻪ ﺧﻴﺎﻧﻪ ﻓﻜﺮﻳﻪ ﻳﻌﻨﻲ ﻛﻤﺖ ﺗﻔﻜﺮ ﺑﻐﻴﺮﻱ ﻛﺮﺍﺭ
ﻛﺮﺍﺭ ﺍﺫﺍ ﻣﺘﻄﻠﻚ ﺷﻴﺮﻳﻦ ﺍﻧﻲ ﻣﺎﺍﺑﻘﻪ ﺑﻌﺪ ﻭﺍﻟﻠﻪ ﺍﻧﻲ ﺣﺪﻱ ﺧﻠﺺ ﺑﻌﺪ ﻛﻠﺶ ﻣﺎﺍﺗﺤﻤﻞ ﻭﻟﺘﺨﺎﺑﺮﻧﻲ ﺍﻟﻪ ﺍﺫﺍ ﻣﻄﻠﻜﻬﻪ
ﻛﺮﺍﺭ / ﻟﻤﻰ ﻟﻌﻨﻲ ﺍﻟﺸﻴﻄﺎﻥ
ﻣﺎﺍﻟﻌﻨﻪ ﺍﻟﻴﻮﻭﻭﻡ ﻛﺎﺍﻓﻲ ﺍﻛﻠﻚ ﺗﻌﺒﺖ ﺍﻧﺖ ﺷﻨﻮﻭﻭ ﻣﺘﺤﺲ
ﺷﻨﻮﻭﻭﻭﻭ ﻓﻬﻤﻨﻲ ﻋﺎﺟﺒﻚ ﺗﺼﻴﺮ ﺳﻲ ﺳﻴﺪ ﻭﻧﺴﻮﺍﻧﻚ ﺩﺍﻳﺮ ﻣﺪﺍﻳﺮﻙ ﺑﺲ ﻣﻮ ﺍﻧﻲ ﻣﻦ ﺿﻤﻨﻬﻢ ﺍﻧﻲ ﺍﻻﺣﺒﻪ ﻟﻮ ﻣﻠﻜﻲ ﻭﺣﺪﻱ ﻟﻮ ﻣﺎﺍﺭﻳﺪﻩ
ﺷﻴﺮﻳﻦ / ﻭﺍﻟﻠﻪ ﻣﺎ ﺑﻴﺪﻱ ﺷﻲ ﺍﻧﻲ .... ﺍﻧﻲ ﺑﺲ ﺍﺭﻳﺪ ﺍﻋﻴﺶ ﺑﺴﻼﻡ .... ﺍﺭﻳﺪ ﺧﻴﻤﻪ ﺗﺤﻤﻴﻨﻲ ﻭﺗﺤﻤﻲ ﺑﺘﻲ ﻻ ﺍﺭﻳﺪ ﺭﺟﺎﻝ ﻭﻻ ﺧﺒﺮﻩ
ﺩﺧﻠﺖ ﺍﻟﻐﺮﻓﺘﻲ ﺍﺧﺬﺕ ﺣﺴﺮﻩ ..... ﻧﻮﻣﺖ ﺟﻨﺎﺕ ﻋﻞ ﺟﺮﺑﺎﻱ ﻣﺎﻝ ﻃﻴﺒﻪ ﻻﻥ ﺭﺟﻌﻨﻪ ﻧﻨﺎﻡ ﺑﺎﻟﻐﺮﻓﻪ ﺑﺲ ﺍﻛﻴﺪ ﻛﺮﺍﺭ ﻫﺴﻪ ﻳﺠﻴﺐ ﻏﺮﻓﺘﻨﺎ
ﻣﺸﺖ ﺣﻴﺎﺗﻲ ﻭﺭﺍﻫﻪ ﻃﺒﻴﻌﻲ ﻭﻟﻤﻰ ﻣﺘﻘﺒﻞ ﺗﺮﺟﻊ ﻭﻋﺎﻓﺖ ﺟﻬﺎﻟﻬﻪ ﻭﺭﺍﺣﺖ ..... ﻛﺮﺍﺭ ﻣﺘﻮﺗﺮ ﻃﻮﻝ ﺍﻟﻮﻗﺖ ....
ﻧﺼﺐ ﻏﺮﻓﺘﻨﺎ ﺑﻌﺮﻓﺔ ﺍﻟﺠﻬﺎﻝ ﻭﺣﻮﻝ ﻏﺮﻓﺘﻬﻢ ﺍﻟﻐﺮﻓﺔ ﺣﺴﻦ .... ﺑﺲ ﺷﻨﻮ ﺍﻟﺠﻬﺎﻝ ﺗﺪﻣﺮﺕ ﻧﻔﺴﻴﺘﻬﻢ ﻳﺒﺠﻮﻥ ﻋﻠﻰ ﺍﻣﻬﻢ ﻭﺍﻧﻮﺏ ﻣﻮﺳﻢ ﺩﺭﺍﺳﻪ ﻭﺍﻧﻲ ﻣﻴﻘﺒﻠﻮﻥ ﺍﺩﺭﺳﻬﻢ ﺧﺎﺻﻪ ﺣﻴﺪﺭ ﺣﺘﻰ ﻳﺨﺰﺭ ﺑﻴﻪ ﻭﻻﻋﺒﺎﻟﻚ ﻃﻔﻞ ﻋﻨﺪﻩ ﺭﻓﻌﺔ ﺍﻟﺤﺎﺟﺐ ﺍﻟﻤﺠﻴﺪﻳﻪ ....... ﻭﺍﻧﻮﺏ ﻛﺮﺍﺭ ﻣﺎﻋﻨﺪﻩ ﻭﻗﺖ ﺩﻭﺍﻡ ﻭﺍﻟﻌﺼﺮ ﻣﺤﻞ ﻭﺑﺎﻗﻴﻦ ﻣﺴﺘﻮﺍﻫﻢ ﺩﻳﻘﻞ
ﻧﺰﻟﺖ ﻣﺜﻞ ﻳﻮﻣﻴﻪ ﻋﻠﻰ ﺻﻴﺤﻪ ﻣﻦ ﻋﻤﻪ .... ﻛﺮﺍﺭ ﺟﺎﻥ ﻧﺎﻳﻢ ﻭﺟﻨﺎﺕ ﺑﺼﻔﻪ ﻋﻔﺘﻬﻢ ﻭﻧﺰﻟﺖ
ﺍﻧﺘﻲ ﻣﺘﻨﺰﻟﻴﻦ ﻋﻴﻮﻧﻲ .... ﺷﻨﻮﻭﻭ ﻣﺘﺸﺒﻌﻴﻦ ﻣﻦ ﺍﻟﺮﺟﺎﻝ .... ﻣﻤﻤﻢ ﻣﻦ ﻣﺎﻟﺖ ﻋﻠﻲ ﺑﺴﻮﺍﻟﻔﺞ ﻓﺎﺭﺗﻪ ﻓﺮ ﺍﻟﻌﻘﻠﻪ
ﺳﻜﺘﺖ ﻣﺎﻟﻲ ﺧﻠﻚ ﺭﺣﺖ ﻋﻞ ﻣﻮﺍﻋﻴﻦ ﻭﺗﻤﻦ ﻣﻄﺸﺮ ﻃﻴﺒﻪ ﻭﺣﻴﺪﺭ ﻣﻦ ﻣﺎﻛﻠﻴﻦ ﻻﻋﺒﻴﻦ ﻟﻌﺐ ﺍﺟﺘﻲ ﻭﻛﻔﺖ ﻭﺭﺍﻳﻪ
ﺣﻨﺎﻥ / ﺑﺸﺮﻓﺞ ﻫﺬﺍ ﻣﻨﻈﺮ ﺑﻴﺖ ﺑﻲ ﺑﻨﻴﻪ ﺣﺪﻳﺜﻪ
ﻋﻤﻪ ﺷﻴﻮﻱ ﻳﻌﻨﻲ ﻏﻴﺮ ﺍﻟﺠﻬﺎﻝ
ﺣﺒﻴﺒﺘﻲ ﺫﻭﻟﻲ ﻭﻟﺪ ﺭﺟﻠﺞ ﻭﻟﺪ ﺍﻟﻤﻜﺮﻭﺩﻩ ﺍﻟﻲ ﺑﻜﺘﻲ ﺣﻴﺎﺗﻬﻪ
ﻋﻤﻪ ﻛﺎﻓﻲ ﻣﻦ ﻓﺪﻭﻩ ﺍﺭﻭﺣﻠﺞ ﻛﺎﻓﻲ ﺗﻌﺒﺖ
ﺍﻧﻮﺏ ﻫﻴﻪ ﺗﻌﺒﺖ .... ﻣﺮﺕ ﺍﻻﻳﺎﻡ ﻭﺍﻧﻲ ﻋﻠﻰ ﻧﻔﺲ ﺍﺳﻄﻮﺍﻧﺘﻲ ﺍﻟﻘﺪﻳﻤﻪ ﻭﻳﻪ ﻋﻤﻪ ....
ﻣﺎﺍﻋﺮﻑ ﺍﻱ ﺍﺧﺒﺎﺭ ﻋﻦ ﻋﻤﺮ
ﺍﻣﺎ ﺍﻟﺒﻴﺖ ﺑﻌﺪ ﻣﺎﺑﺎﻋﻪ ﻛﺮﺍﺭ ﺃﺟﺮﻩ ﻣﻦ ﺍﻟﻲ ﺍﺷﺘﺮﺍ ﻣﻨﻪ
ﻫﻮ ﻃﻠﻊ ﺍﻟﺮﺟﺎﻝ ﻣﺸﺘﺮﻱ ﺍﺳﺘﺜﻤﺎﺭ ... ﻳﻨﺨﻔﻖ ﻛﻠﺒﻲ ﻣﻦ ﺍﺷﻮﻓﻪ ﺩﺍﻳﺦ ﺍﻣﺎ ﺟﺪﻭ ﺷﻮﻳﻪ ﺻﺎﺭ ﺳﻼﻡ ﺑﻴﻨﺎﺗﻨﻪ ﻛﺎﻡ ﻳﺴﺘﻘﺒﻞ ﺳﻼﻡ ﻣﻨﻲ....بيج قصص عراقيه حقيقيه من واقعنا.روعه الطائي
ﺑﻴﻮﻣﻬﻪ ﻋﻤﻪ ﺍﺟﺘﻲ ﺗﺮﻛﺾ ..... ﺣﺎﻓﻴﻪ ﻭﻟﻚ ﻛﺮﺭﺍﺭ ﺍﻟﺤﻚ ﺍﻟﺠﺪﻙ
ﻃﻠﻊ ﻛﺮﺍﺭ ﻳﺮﻛﺾ ..... ﺣﺎﻓﻲ ﻭﺍﺣﻨﻪ ﻭﺭﺍ
ﺟﺎﻥ ﺟﺪﻭ ﻣﺘﺨﺮﺑﻂ ﻛﺮﺍﺭ ﺗﻮﺗﺮ ﺣﻴﻞ ﺧﺎﺑﺮ ﻋﻠﻰ ﺍﻟﻮﻟﺪ ﻭﺧﺎﺑﺮ ﻋﻠﻰ ﻋﻤﻮ ﺳﻌﺪ ﻭﻭﺩﻭ
...................................
ﻟﺘﻜﻮﻝ ﺃﻟﺰﻣﻦ ﻏﺪﺍﺭ ﻭﻳﺨﻮﻥ
ﺯﻣﺎﻧﻚ ﻣﺎﻏﺪﺭ ﻭﺍﻧﺘﻪ ﺃﻏﺪﺭﺗﻨﻲ
ﻟﺠﻠﻚ ﺣﺎﺭﺑﺖ ﻛﻞ ﺃﻫﻠﻲ ﻭﺍﻟﻜﻮﻥ
ﻛﻠﺖ ﻣﺎﺭﻳﺪ ﻏﻴﺮﻙ ﻳﻞ ﻋﻔﺘﻨﻲ
ﻭﻻ ﻳﺤﺘﺎﺝ ﺃﻛﻠﻚ ﻃﺒﻌﻚ ﺃﺗﺨﻮﻥ
ﺗﻌﺮﻑ ﻧﻔﺴﻚ ﺃﻧﺘﻪ ﺃﺷﻜﺪ ﺧﻨﺘﻨﻲ
ﺣﺒﻴﺘﻚ ﺻﺪﻙ ﺣﺐ ﻃﻔﻞ ﻣﺠﻨﻮﻥ
ﻭﺍﻧﻄﻴﺘﻚ ﺣﻴﺎﺗﻲ ﻭﻣﻮﺗﺖ
ﻳﺎﻟﺨﺎﻳﻨﻪ ﺷﻠﻮﻧﺞ ﻣﺮﺗﺎﺣﻪ ﺗﻐﻔﺎﻟﺞ ﻋﻴﻦ ﺗﻨﺎﻣﻴﻦ ﺑﺮﺍﺣﻪ ﻭﺿﻤﻴﺮ
ﻣﻴﺄﻟﻤﺞ ﻛﻠﺒﺞ ﻋﻠﻴﻪ
ﻣﻜﻠﺘﻲ ﻫﺬﺍ ﺍﻟﻤﺴﻜﻴﻦ ﺟﺎﻥ ﺑﺲ ﺭﺍﻳﺪ ﺑﺎﺏ ﻳﻨﺴﺪ ﻋﻠﻴﻨﻪ
ﻣﻜﻠﺘﻲ ﻫﺬﺍ ﺍﻟﺴﺎﻓﻞ ﺍﻟﻲ ﻫﺴﻪ ﻣﺸﻤﻮﺭ ﺷﻤﺮﺓ ﺍﻟﺠﻼﺏ ﺑﺎﻟﺴﺠﻦ ﺷﻠﻮﻥ ﻳﻨﺎﻡ ﻭﻫﻮ ﻣﻐﺪﻭﺭ
ﻋﻮﻓﺞ ﻣﻦ ﻛﻞ ﺍﻟﻐﺪﺭ ﻭﻛﻞ ﺍﻟﻨﺎﺱ ﺑﺲ ﺭﻛﺰﻱ ﺑﻐﺪﺭﺝ ﺣﻠﻔﺘﻲ ﻭﻛﻠﺘﻲ ﻣﺎﺍﺧﻮﻥ ﺍﻟﻮﻋﺪ ﻭﻫﺎﻱ ﺍﻧﺘﻲ ﻫﺴﻪ ﺑﺤﻀﻨﻪ
ﻭﻟﺞ ﺍﻧﺘﻲ ﺷﻨﻮﻭﻭ ﻓﻬﻤﻴﻨﻲ
ﻳﻠﻠﻪ ﻋﺎﺩﺩﺩﻱ ﻃﺒﺞ ﻣﺮﺽ
ﺍﻟﻴﻮﻡ ﻗﺎﻓﻞ ﻋﻠﻴﺞ ﺍﻱ ﻗﺎﻓﻞ ﺷﻌﺒﺎﻟﺞ ﻟﻌﺪ ﺍﻟﻴﻮﻭﻡ ﺷﻮ ﻛﻠﺒﻲ ﻣﺤﺘﺮﻙ ﺍﻛﺜﺮ ﻣﻦ ﻛﻞ ﻳﻮﻭﻭﻡ
ﺍﻟﻴﻮﻡ ﻛﻠﺒﻲ ﻣﻮﻭﺟﻮﻉ ﻋﻠﻰ ﺍﺧﻮﻳﻪ ﻟﺬﻟﻚ ﻛﺎﺭﻫﺞ ﺍﻛﺜﺮ ﻣﻦ ﻛﻞ ﻳﻮﻡ
ﺣﻠﻤﺖ ﺑﻲ ﻣﺮﻳﺾ .... ﻭﺗﻌﺒﺎﻥ ..... ﻭﻇﻬﺮﻩ ﺑﻴﻬﻪ ﺣﺪﺑﻪ ﺟﺒﻴﺮﻩ
ﻭﻛﻮﻩ ﻳﻤﺸﻲ ﻣﻨﻬﻪ
ﻓﺴﺮﺗﻪ ﺑﺪﻣﺎﻏﻲ ﺍﻧﻲ ﺍﻟﺤﺪﺑﻪ ﻭﺍﻧﻲ ﺍﻟﻜﺴﺮﺓ ﻇﻬﺮﻩ ﻭﺧﻠﻴﺘﻪ ﻣﺤﻨﻲ
......................
ﺷﻴﺮﻳﻦ / ﺟﻨﺖ ﻛﺎﻋﺪﻩ ﺑﺎﻟﻔﺎﺗﺤﻪ ﺑﺎﻭﻋﺖ ﻭﺣﺪﻩ ﺗﺒﺎﻭﻉ ﻋﻠﻴﻪ ﺍﺑﺪ ﻣﻨﺰﻟﺖ ﻋﻴﻨﻬﻪ ﻣﻨﻲ
ﺑﻘﻴﺖ ﺍﺑﺎﻭﻉ ﺗﻌﺮﻓﻨﻲ ﻟﻮ ﻣﺸﺘﺒﻬﻪ ﺑﻴﻪ ﻻﻥ ﻧﻈﺮﺍﺗﻬﻪ ﻣﻮ ﻃﺒﻴﻌﻴﻪ
ﻣﺎﺍﺣﺲ ﺍﻟﻪ ﻛﺎﻣﺖ .... ﻭﺍﺟﺘﻲ ﺑﺎﺗﺠﺎﻫﻲ ........
ﻳﺘﺒﻊ
ﺍﺣﺘﻤﺎﻝ ﻫﺬﺍ ﺍﺧﺮ ﺑﺎﺭﺕ .... ﺍﻧﺸﺮﻩ ﺍﻡ ﻏﺎﻳﺐ ﻋﺎﺩﺕ ﺑﺎﻟﺴﻼﻣﻪ
ﺍﺫﺍ ﻣﻨﺸﺮﺕ ﺍﺣﺐ ﺍﻭﺩﻋﻜﻢ ﺑﻮﺳﺎﺗﻲ ﺍﻟﻜﻢ ﺟﻤﻴﻌﺎً
ﻭﺍﺫﺍ ﺑﻌﺪﻫﻲ ﺗﻌﺒﺎﻧﻪ ﺍﻛﻤﻞ ﻭﻳﺎﻛﻢ
# زوزه
|