عرض مشاركة واحدة
قديم 25-10-19, 09:52 AM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,191
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


#نصف_عذراء_بين_أنيابك_قاتلي
سمو العراق
#توضيح

ﻫﻼﻭﻭ ﺑﻨﺎﺕ ﻃﺒﻌﺎ ﺍﻋﺘﺬﺭ ﻋﻦ ﺍﻟﺘﺎﺧﻴﺮ ﺍﻟﻴﻮﻡ ﺍﻧﺰﻝ ﺍﻟﻜﻢ ﺑﺎﺭﺕ ﻃﻮﻳﻞ ﻣﻠﻴﺊ ﺑﺎﻻﺣﺪﺍﺙ ... ﻭﺍﻋﺘﺬﺭ ﻣﺮﻩ ﻟﺦ ..
ﺑﺲ ﺗﻌﺮﻓﻮﻥ ﺇﻧﻔﻠﻮﻧﺰﺍ ﺍﻟﺨﺮﻳﻒ ﺷﻠﻮﻥ ﺩﻣﺎﺭ ﺳﺒﺒﺖ ﺍﻟﻴﻪ ﺍﻟﺘﻬﺎﺏ ﺑﺎﻟﺠﻴﻮﺏ ﺍﻻﻧﻔﻴﻪ ﻭﺍﺳﺎﻟﻪ ﻟﻠﺪﻣﻮﻉ ... ﺣﺎﻟﻪ ﺧﺎﺻﻪ 😅
ﻣﻦ ﻏﻴﺮ ﺍﻭﺟﺎﻉ ﺍﻟﺤﻤﻞ ﻻﻥ ﺩﺧﻠﺖ ﺑﺸﻬﺮ ﺍﻟﺘﺎﺳﻊ ﻣﺪﺭﻱ ﺷﻮﻛﺖ ﺍﻭﻟﺪ ...
ﺑﺲ ﺣﺒﻴﺖ ﺍﻧﺒﻬﻜﻢ ﻋﻠﺊ ﺷﻐﻠﻪ ﻫﻲ ﻗﺪﺭ ... ﻗﺪﺭ ﻧﺎﺯﺣﻪ ﻣﻦ ﺍﻻﻧﺒﺎﺭ ... ﻭﻃﺒﻌﺎ ﺍﻟﻲ ﻳﻌﺮﻑ ﺍﻻﻧﺒﺎﺭ ﻛﺒﻴﺮﻩ ﺣﻴﻞ ﻭﺑﻴﻬﺎ ﻣﻨﺎﻃﻖ ﻋﺪﻩ ﻛﻞ ﻣﻨﻄﻘﻪ ﺗﺨﺘﻠﻒ ﺑﻠﻬﺠﺘﻬﺎ ﻋﻦ ﺳﺎﺑﻘﺘﻬﺎ ...
ﻣﺜﻞ ﻫﻴﺖ ﻭﻛﺒﻴﺴﺎ ﻭﺣﺪﻳﺜﻪ ...
ﻗﺪﺭ ... ﺧﻮﺍﻟﻬﺎ ﻣﻦ ﻏﻴﺮ ﻣﻨﻄﻘﻪ ﻭﻫﻲ ﻭﺍﻣﻬﺎ ﻭﺍﺧﻮﺍﻧﻬﺎ ﻛﺎﻧﻮﺍ ﺳﺎﻛﻨﻴﻦ ﺑﻌﺬﺭﺍﺀ ﺍﻻﻧﺒﺎﺭ ﺍﻟﻲ ﻫﻲ ﺣﺪﻳﺜﻪ ...بيج قصص عراقيه حقيقيه من واقعنا.روعه الطائي
ﺣﺪﻳﺜﻪ ﻣﺎ ﺍﺣﺘﻠﺖ ﻣﻦ ﻗﺒﻞ ﺍﻟﺪﻭﺍﻋﺶ ﻟﺬﻟﻚ ﺳﻤﻮﻫﺎ ﻋﺬﺭﺍﺀ ﺍﻻﻧﺒﺎﺭ ﻟﻜﻦ ﺣﻮﺻﺮﺕ ﺑﺤﺼﺎﺭ ﻗﻮﻱ ﻭﺍﻧﺰﺣﻮﺍ ﺍﻟﺒﻌﺾ ﻣﻦ ﻋﻮﺍﺋﻠﻬﺎ ....
ﻭﻗﺪﺭ ﻛﺎﻧﺖ ﻧﺎﺯﺣﻪ ﻣﻦ ﺍﻻﻧﺒﺎﺭ ... ﺣﺪﻳﺜﻪ ...
ﻟﻬﺠﺘﻬﻢ ﻣﺎﺍﻋﺮﻓﻬﺎ ﺍﺑﺪ ﻭﻻ ﺳﺎﻣﻌﻪ ﺑﻴﻬﺎ ﻭﻻ ﻋﻨﺪﻱ ﺧﻠﻔﻴﻪ ﻋﻠﻴﻬﺎ ...
ﻫﻲ ﺩﻛﻮﻝ ﻗﺒﻞ ﻣﻦ ﻧﺰﺣﻨﺎ ﻣﻦ ﻣﻨﺎﻃﻘﻨﺎ ﻭﺍﻧﺤﻜﻲ ﻭﻳﻪ ﺍﻫﻞ ﺑﻐﺪﺍﺩ ﻋﺒﺎﻟﻬﻢ ﺳﻮﺭﻳﻴﻦ . ﻭﻫﻤﺎﺗﻴﻦ ﺑﻴﻬﺎ ﻛﻠﻤﺎﺕ ﻣﺼﻼﻭﻳﻪ .. ﺧﻠﻴﻂ 😂
ﺍﻗﺮﻭ ﻫﺬﺍ ﺍﻟﻜﻼﻡ ...
ﻭﺍﻟﻲ ﺗﻌﺮﻑ ﻋﻦ ﻟﻬﺠﺔ ﺍﻫﻞ ﺣﺪﻳﺜﻪ ... ﺗﺰﻭﺩ ﺍﻟﻤﺘﺎﺑﻌﻴﻦ ﺑﺎﻟﻜﻠﻤﺎﺕ ﻭﺗﺄﻛﺪ ﻛﻼﻣﻲ ...
.....
ﺍﻣﺎ ﻋﻦ ﺗﺎﺝ ... ﺗﺎﺝ ﺧﺒﺎﻻﺕ ﻋﻠﺊ،ﻃﺒﺎﻛﺎﺕ ﻋﻠﺊ ﺳﻮﺍﺩﻳﻦ ﻣﺎﺧﺬﻩ ﻣﻦ ﺷﺨﺼﻴﺔ ﺍﻫﻞ ﺍﻣﻬﺎ ﺍﻛﺜﺮ ﻣﻦ ﺍﻫﻞ ﺍﺑﻮﻫﺎ ﻛﻮﻧﻬﺎ ﻋﺎﻳﺸﻪ ﺑﻨﺼﻬﻢ ...
ﺑﺲ ﺑﺼﺮﺍﺣﻪ ﺍﻧﻲ،ﺣﺒﻴﺘﻬﺎ ﺣﻴﻞ ﻭﻟﻮ ﻣﺤﺒﻴﺘﻬﺎ ﻣﻜﺘﺒﺖ ﻗﺼﺘﻬﺎ ﺻﺢ ﺗﺼﺮﻓﺎﺗﻬﺎ ﻛﻠﻬﺎ ﺧﻄﺄ ﺑﺲ ﺑﻴﻬﺎ ﺷﺊ ﻳﺴﺤﺮ ﻭﺍﺣﺪﺍﺛﻬﺎ ﻟﺴﻪ ﺑﺎﻟﺒﺪﺍﻳﻪ ﻭﺍﻛﻴﺪ ﺭﺍﺡ ﺗﺒﻴﻦ ﺷﺨﺼﻴﺘﻬﺎ ...
ﻫﻲ ﻣﺮﺣﻪ ﻭﺣﺒﺎﺑﻪ ﻭ ﻭﻛﺤﻪ ... ﻭﺍﻛﻴﺪ ﻣﻀﻠﻮﻣﻪ ﻳﻤﻜﻦ ﻣﻜﺪﺭﺕ ﺍﻭﺻﻞ ﺍﺣﺴﺎﺳﻬﺎ ﻣﻦ ﺯﻭﺍﺟﻬﺎ ﻣﻦ ﺻﺒﺎﺡ ﻭﺑﻌﺪﻫﺎ ﻣﻦ ﺍﺧﻮ ﺍﻟﺜﺎﻧﻲ ﻛﺎﻧﻬﺎ ﺳﻠﻌﻪ ﺑﺲ ﺗﺴﺘﺮﺿﻲ ﺍﻟﻌﺎﻟﻢ .. ﻣﻦ ﺣﻘﻬﺎ ﺗﻌﻴﺶ ﻭﺗﺤﺐ ﻭﻣﺘﺨﺎﻑ ﻭﻻ ﺗﻜﻮﻥ ﺗﺤﺖ ﺷﺪ ﺍﻻﻋﺼﺎﺏ .... ﻫﻲ ﺗﺮﻳﺪ ﺗﺘﻤﺮﺩ ﻋﻠﺊ ﻭﺍﻗﻌﻬﺎ ﺗﺤﺖ ﺳﻘﻒ ﻣﺘﻬﺎﻟﻚ ﻭﻋﺎﺩﺍﺕ ﺑﺎﻟﻴﻪ
وهسه نروح للبارت


#ﺍﻟﺒﺎﺭﺕ__ﺍﻟﺴﺎﺩﺱ
ﺭﻭﺍﻳﺔ .. ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ

💔💔💔💔💔💔💔💔💔
ﺃﺑﺘﺴﻤـﻲ ﺭﻏـﻢ ﺳﺨـﺎﻓـﺎﺕ ﺍﻟﺤﻴـﺎﺓ ﻣــטּ ﺣـﻮﻟﻚ ﺃﺿﺤﻜـﻲ ﺭﻏـﻢ ﺃﻧـﻒ ﺍﻟﺤـﺎﻗﺪﻳـﻦ ﺗﺄﻟﻘـﻲ ﺭﻏـﻢ ﺑﺸـﺎﻋﺔ ﺍﻟـﻮﺍﻗـﻊ ﻻﺗﺘﺨﻠـﻲ ﻋـﻦ ﺃﺷـﺮﺍﻗﺘـﻚ ﻭﺗﻔـﺎﺅﻟﻚ ﻭﺃﺑﺘﺴـﺎﻣﺘـﻚ ..
..................................
ﺩﺧﻠﺖ ﻟﻠﻐﺮﻓﻪ ﺩﺍ ﺍﻋﻘﺪ ﻣﻬﺮ ﻛﺎﻧﺖ ﺃﻃﺮﺍﻓﻲ ﻛﻠﻬﺎ ﺗﺮﺟﻒ ﺧﻮﻭﻑ ﻭ ﺭﻫﺒﻪ ﻭﺍﺣﺴﺎﺱ ﺑﺎﻟﺬﻧﺐ ...
ﻟﺰﻣﺘﻨﻲ ﻣﺎﻣﺎ ﻭﺍﺑﺘﺴﻤﺖ ﺭﻓﻌﺖ ﺭﺍﺳﻲ ﻭﺑﺎﺳﺘﻨﻲ ﺑﺠﺒﻴﻨﻲ ﻛﺎﻟﺖ .. ﺣﺒﻴﺒﺘﻲ ﻣﺎﻣﺎ ﺗﺎﺝ ﺍﺭﻳﺪﺝ ﺗﺼﻴﺮﻳﻦ ﺣﺒﺎﺑﻪ ﻭﺗﻨﺴﻴﻦ ﺍﻟﺼﺎﺭ ﻭﻳﺎﺝ ﻗﺒﻞ ﺯﻳﻦ ﻳﻤﻪ . ؟
ﺑﻠﻌﺖ ﺭﻳﻜﻲ ﻭﻫﺰﻳﺖ ﺭﺃﺳﻲ ﺑﻘﺒﻮﻝ ...
ﻟﺒﺴﺖ ﻋﺒﺎﻳﺔ ﺍﻟﺼﻼﺓ ﻭﻛﻌﺪﺕ ﻣﻨﺘﻈﺮﺗﻬﻢ ﺩﺧﻞ ﺑﺎﺑﺎ ﻭﺍﻟﺸﻴﺦ ﻭﻋﻤﻮﻭ ﻭﺍﻧﻲ ﺑﺴﺮﻋﻪ ﻧﺰﻟﺖ ﺭﺍﺳﻲ ﺑﺨﺠﻞ
ﺣﺴﻴﺖ ﺑﺸﺨﺺ ﻛﻌﺪﺕ ﺑﺼﻔﻲ،ﺭﻳﺤﺔ ﻋﻄﺮﺓ ﺍﻟﻬﺎﺩﺋﻪ ﺗﺮﺳﺖ ﺃﻧﻔﺎﺳﻲ ﺑﺲ ﻣﺎﺍﺭﻳﺪﻩ ﻭﻻ ﺍﺭﻳﺪ ﺍﺗﺰﻭﺝ ﺍﺭﻳﺪ ﺍﺿﻞ ﺣﺮﻩ ﻣﻴﺤﻜﻤﻨﻲ ﺷﺨﺺ ﺍﺳﺎﻓﺮ ﺍﻃﻴﺮ ﺍﺣﻠﻖ ﺑﻌﻴﺪﻩ ﻋﻨﻬﻢ ﻣﺎﺍﺭﻳﺪﻫﻢ ...
ﺍﻧﺘﺒﻬﺖ ﻋﻠﺊ ﻛﻼﻡ ﺍﻟﺴﻴﺪ ﻭﻫﻮ ﻳﺮﻳﺪ ﻣﻮﺍﻓﻘﺘﻲ ﺿﻠﻴﺖ ﺑﺤﻴﺮﻩ ﻣﻦ ﺍﻣﺮﻱ ﺑﻴﻦ ﺍﻟﺘﺮﺩﺩ ﻭﺍﻟﻘﺒﻮﻝ ... ﺑﻌﺪﻫﺎ ﻫﻤﺴﺖ ﺑﺨﺠﻞ ... ﻣﻮﺍﻓﻘﻪ ...بيج قصص عراقيه حقيقيه من واقعنا.روعه الطائي
ﻭﻫﻮ ﺍﻧﻄﻪ ﻣﻮﺍﻓﻘﺘﻪ ﺑﺴﺮﻋﻪ ﻭﺑﺪﻭﻥ ﺍﻱ ﺗﺮﺩﺩ ﺍﻧﺼﺪﻣﺖ ﻣﻨﻪ ... ﻛﺄﻥ ﺧﺎﻃﺐ ﻭﺣﺪﻩ ﻣﺎ ﺳﺒﻖ ﺍﻟﻬﺎ ﻭﺍﻥ ﺗﺰﻭﺟﺖ ﻣﻜﺎﻥ ﻣﺘﺮﺩﺩ ﺍﺑﺒﺒﺪ ﺍﺳﺘﻐﺮﺑﺖ ﻣﻨﻪ ﺣﻴﻴﻞ ...
ﻃﻠﻌﻮ ﺑﺎﺑﺎ ﻭﻋﻤﻮ ﻭﺍﻟﺸﻴﺦ ﻭﺿﻠﻴﻨﻪ ﺑﺲ ﺍﻧﻲ،ﻭﻳﺎﻩ
ﻫﻮ ﺑﺴﺮﻋﻪ ﺳﺤﺐ ﺣﺠﺎﺑﻲ ﻭﺧﻼﻩ ﻋﻠﺊ ﻛﺘﻔﻲ ﻭﻛﺎﻥ ﻳﺒﺎﻭﻋﻠﻲ ﺑﻨﻈﺮﺍﺕ ﻣﻠﻬﻮﻓﻪ ﺧﻔﺖ ﻣﻨﻪ ﺣﻴﻴﻴﻞ ﺭﻏﻢ ﻧﻈﺮﺍﺗﻪ ﺣﻠﻮﻩ ...
ﻫﻤﺲ ﺑﺼﻮﺕ ﻫﺎﺍﺩﺉ ... ﻣﺒﺮﻭﻙ ﺍﻥ ﺷﺎﺀ ﻟﻠﻪ ﻣﺎ ﺗﺸﻮﻓﻴﻦ ﺍﻟﻪ ﻛﻞ ﺧﻴﻴﺮ
ﺭﻏﻢ ﺍﻟﻐﺼﻪ ﺍﻟﺒﺪﺍﺧﻠﻲ ﻭﺫﻛﺮﻳﺎﺗﻲ ﻭﻳﻪ ﺻﺒﺎﺡ ﺍﻟﻤﻮﺟﻌﻪ ﺍﺗﺬﻛﺮﺕ ﻣﻦ ﻋﻘﺪﻧﻪ ﺍﻧﻲ ﻭﺻﺒﺎﺡ ﺷﻠﻮﻥ ﻛﺎﻥ ﻳﻮﻡ ﺗﻌﻴﺲ ﻭﻏﺎﺿﺐ ﺍﻟﻪ .. ﺍﻧﻲ ﺣﺴﻴﺖ ﺍﺑﺎﺫﺭ ﺍﻗﺘﺤﻢ ﺷﻮﻳﻪ ﻣﻦ ﻣﺸﺎﻋﺮﻱ ﻟﻜﻦ ﺳﺮﻋﺎﻥ ﻣﺎ ﺭﺟﻌﺖ ﺍﻟﻄﺒﻴﻌﺘﻲ ﻭﻫﻮ ﺍﻟﺨﻼﺹ ﻣﻦ ﻫﺬﻩ ﺍﻟﻌﺎﺋﻠﻪ ...
ﺳﻜﺘﺖ ﻣﺠﺎﻭﺑﺘﻪ ﺑﺲ ﺟﺮﻳﺖ ﺗﻨﻬﻴﺪﻩ ﻣﻘﻬﻮﺭﻩ ﻫﻮ ﺑﺎﻭﻋﻠﻲ ﺑﻌﺪ ﻣﺎ ﻋﻘﺪ ﺣﻮﺍﺟﺒﻪ ﻛﺎﻝ ... ﺗﺎﺝ ﺍﻧﺘﻲ ﻟﺤﺪ ﺍﻻﻥ ﺍﺣﺴﺞ ﻣﺮﺍﺿﻴﻪ ﺑﻬﺬﺍ ﺍﻟﺰﻭﺍﺝ ﺍﺫﺍ ﺍﻧﺘﻲ ﻓﻌﻼ ﻣﺠﺒﻮﺭﻩ ﺍﻭ ﺍﺣﺪ ﺿﻐﻂ ﻋﻠﻴﺞ ﻋﺎﺩﻱ ﺍﻧﻔﺴﺦ ﺍﻟﻌﻘﺪ ﻳﺎ ﺍﻣﺎ ﺗﺎﺧﺬﻳﻦ ﻛﻞ ﻭﻗﺘﺞ ﺑﺎﻟﺘﻔﻜﻴﺮ ﻭﻣﺎ ﺗﺴﺘﻌﺠﻠﻴﻦ ﺑﺎﻟﺰﻭﺍﺝ ...
ﺗﻜﻠﻤﺖ ﺑﺼﻌﻮﺑﻪ ﻭﺣﺴﺮﻩ ... ﻻ ﺍﻧﻲ ﻣﻮﺍﻓﻘﻪ ﻣﻤﺠﺒﻮﺭﻩ ﻣﺤﺪ ﻳﻜﺪﺭ ﻳﺠﺒﺮﻧﻲ ﺑﺲ ﺍﻧﻲ ﺷﻮﻭﻳﻪ ﻣﺘﻮﺗﺮﻩ ﻭﻣﺎ ﺍﻋﺮﻑ ﺷﺒﻴﻪ ﻳﻤﻜﻦ ﻻﻥ ﺍﻭﻝ ﻣﺮﻩ ﺍﺣﺲ ﺑﺎﻟﺨﻄﺒﻪ ﻣﻦ ﺻﺪﻙ ...
ﺭﻓﻊ ﻭﺟﻬﻲ ﺑﺎﺍﺻﺎﺑﻌﻪ ﺍﻟﺪﺍﻓﻴﻪ ﻭﺍﺑﺘﺴﻢ ﺑﻤﻜﺮ ﺧﻼﻧﻲ ﺍﻧﺘﻔﺾ ﻣﻦ ﻣﻜﺎﻧﻲ ﻣﺎﺍﻋﺮﻑ ﺣﺴﻴﺘﻪ ﻛﺎﺷﻔﻨﻲ ﻭﻳﻌﺮﻑ ﺷﻨﻮ ﻳﺪﻭﺭ ﺑﺮﺍﺳﻲ ...
ﺗﻘﺮﺏ ﻣﻨﻲ ﺍﻛﺜﺮ ﻭﺍﺣﻂ ﺍﻧﻔﻪ ﻋﻠﺊ ﺧﺪﻱ ﻫﻤﺲ ﺑﻬﻴﺎﻡ ﻭﺳﻴﺎﺳﻪ ... ﻣﺎ ﻣﻘﺘﻨﻊ ﺑﻘﺒﻮﻟﺞ ﺍﻟﻤﻔﺎﺟﺊ ﺑﺲ ﺍﻧﻲ ﺍﺭﻳﺪ ﺍﺷﻮﻓﺞ ﻭﻳﻦ ﺗﻮﺻﻠﻴﻦ ﻭﺍﺭﻳﺪ ﺍﻋﺮﻑ ﻟﻴﺶ ﺭﻓﻀﺘﻲ ﻭﺑﻌﺪﻫﺎ ﻗﺒﻠﺘﻲ بيج قصص عراقيه حقيقيه من واقعنا.روعه الطائي
ﺍﺑﺘﻌﺪﺕ ﺷﻮﻳﻪ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻩ ﻭﺩﻓﻌﺘﻪ ﺑﻬﺪﻭﺀ ﺑﻠﻌﺖ ﺭﻳﻘﻲ ﻭﺗﻜﻠﻤﺖ ﺑﺒﺴﺎﻃﻪ ... ﻟﻴﺶ ﻣﻔﺎﺟﺊ ﻣﺎﻣﺎ ﻭﺧﺎﻟﻪ ﻭﺍﻟﻜﻞ ﺣﺠﻪ ﻭﻳﺎﻳﻪ ﻭﻛﺎﻟﻮ ﺍﻧﺘﻲ ﻏﻠﻄﺎﻧﻪ ﻣﺘﻠﻜﻴﻦ ﻭﺍﺣﺪ ﻳﻠﻤﺞ ﺍﻧﺘﻲ ﻭﺑﻨﺎﺕ ﺍﺧﺘﺞ ﻏﻴﺮ ﺍﺑﺎﺫﺭ ﻭﻫﺬﺍ ﺍﻟﺼﺎﺭ ... ﻭﻫﻤﺎﺗﻴﻦ ﻣﺎﻣﺎ ﻛﺎﻟﺖ ﺍﺫﺍ ﻣﺎ ﺗﺰﻭﺟﺘﻲ ﻋﻢ ﺍﻟﺒﻨﺎﺕ ﻭﺗﺰﻭﺟﺘﻲ ﻭﺍﺣﺪ ﻏﺮﻳﺐ ﺍﻛﻴﺪ ﺣﻴﺎﺧﺬ ﺍﻟﺒﻨﺎﺕ ﻣﻨﺞ ﻣﻮ ﺻﺢ؟
ﺟﺮ ﻧﻔﺲ ﻋﻤﻴﻖ ﻛﺎﻝ ... ﺍﻱ ﻓﻌﻼ ﺍﺧﺬﻫﻦ ﻻﻥ ﻣﺴﺘﺤﻴﻞ ﺍﺧﻠﻲ ﺑﻨﺎﺕ ﺍﺧﻮﻭﻳﻪ ﻳﻌﻴﺸﻦ ﻋﻨﺪ ﺭﺟﺎﻝ ﻏﺮﻳﺐ ﺍﻧﻲ ﻋﻤﻬﻦ ﻭﺣﺎﻣﻲ ﻋﺮﺿﻬﻦ ﻭﺑﺤﻤﺎﻳﺘﻲ ﺍﻛﻴﻴﻴﺪ ﻣﺎ ﺍﻧﻄﻴﻬﻢ ﻷﻱ ﺷﺨﺺ ﻟﻮ ﺍﻋﺮﻑ ﺍﺑﻴﻊ ﺭﻭﺣﻲ ...
ﺣﺒﻴﺖ ﺍﺟﺲ ﺍﻟﻨﺒﺾ ﻓﻜﺘﻠﻪ ... ﺍﻧﻲ ﺟﻨﺖ ﻣﻘﺮﺭﻩ ﺍﺳﺎﻓﺮ ﻋﻨﺪ ﺧﺎﻟﻮﻭ ﺑﺄﻣﻴﺮﻛﺎ ﻭﺍﺧﺬ ﺍﻟﺒﻨﺎﺕ ﻭﻳﺎﻳﻪ ﻭﻫﻨﺎﻙ ﻧﺴﺘﻘﺮ ﻭﺍﻋﺎﻟﺞ ﺯﻫﺮﺍﺀ ..
ﺭﻓﻊ ﺣﺎﺟﺐ ﺑﻐﺮﻭﺭ ﻛﺎﻝ ... ﻫﻴﺞ ﺳﻬﻠﻪ ﻋﻨﺪﺝ ﺗﻄﻠﻌﻴﻦ ﻣﻦ ﺩﻭﻟﻪ ﻟﺪﻭﻟﻪ ﻭﺍﻧﺘﻲ ﻃﻔﻠﻪ ﺣﺎﻟﺞ ﺣﺎﻝ ﺑﻨﺎﺕ ﺍﺧﺘﺞ ... ﻟﺞ ﺑﺎﺑﺎ ﺍﺣﻨﻪ ﺯﻟﻢ ﻣﺸﻮﺭﺑﻪ ﻣﺎ ﺗﺤﻤﻠﻨﻪ ﺍﻟﻐﺮﺑﻪ ﻭﺣﻖ ﺍﻟﻠﻪ ﺍﻭﻝ ﺍﻳﺎﻡ ﺍﻟﻴﻪ ﺑﺎﻣﺮﻳﻜﺎ ﺣﺘﺊ ﻛﺒﺴﻠﻪ ﻛﺒﺴﻠﺖ ﻭﻣﺎﺍﺩﺭﻱ ﺑﺎﻟﺪﻧﻴﺎ ﻃﺸﺖ ﺭﺷﺖ
ﻟﺞ ﺑﺎﺑﺎ ﺃﻣﺮﻳﻜﺎ ﺟﺒﻴﺮﻩ ﻭﻻﻳﺎﺕ ﻫﻮﺍﻱ ﻭﺍﻛﺜﺮﻫﻢ ﺯﻧﻮﺝ ﺍﻧﺘﻲ ﻣﻦ ﻛﻞ ﻋﻘﻠﺞ ﻭﺑﻌﺪﻳﻦ ﺍﻧﺘﻲ ﺗﺴﺎﻓﺮﻳﻦ ... ﺑﻨﺎﺕ ﺍﺧﻮﻭﻱ ﺧﻄﻮﻩ ﻣﺎ ﻳﺨﻄﻦ ﻷﻱ ﻣﻜﺎﻥ ﻛﻞ ﺷﺊ ﻣﻠﻜﻲ ﻫﻮ ﻣﻠﻜﻲ ﻭﻣﺎ ﺍﺳﻤﺢ ﻻﻱ ﺗﺼﺮﻑ ﺑﺪﻭﻥ ﻋﻠﻤﻲ ..
ﺿﺤﻜﺖ ﺑﻐﺮﻭﺭ .. ﻫﻬﻪ ﻣﻠﻜﻚ ﺗﺤﺒﻮﻥ ﺍﻟﺘﻤﻠﻚ ﻣﺎ ﺷﺎﺀ ﻟﻠﻪ ﺗﺤﺴﺴﻮﻧﻲ ﺳﻠﻌﻪ ﻣﺘﻤﻠﻜﻴﻨﻬﺎ ﺑﺲ ﺗﺴﺘﻬﻠﻚ ﺗﺸﻤﺮﻭﻧﻬﺎ
ﺑﺎﻭﻋﻠﻲ ﺑﺠﻤﻮﺩ ﻛﺎﻝ ... ﻟﻴﺶ ﺍﺫﺍ ﺗﻤﻠﻜﻨﻪ ﺍﻟﺸﺨﺺ ﻻﺯﻡ ﻧﻬﻠﻜﻪ ﺑﻨﻈﺮﺝ؟ ﻟﻴﺶ ﻣﺎ ﺩﻛﻮﻟﻴﻦ ﻫﺎﻱ ﺍﻟﺴﻠﻌﻪ ﻧﺤﺎﻓﻆ ﻋﻠﻴﻬﺎ ﺍﻛﺜﺮ ﻣﻦ ﻏﻴﺮﻧﻪ ..
ﺭﺩﻳﺖ ... ﺍﻱ ﻣﺎ ﺷﺎﺀ ﻟﻠﻪ ﻫﺒﻪ ﻫﻮﻭﺍﻳﻪ ﺣﺎﻓﻀﺘﻮ ﻋﻠﻴﻬﺎ ﺑﺤﻴﺚ ﺧﻠﻴﺘﻮﻫﺎ ﻻ ﻫﻲ ﻟﻠﺠﻨﻪ ﻭﻻ ﻫﻲ ﻟﺠﻬﻨﻢ ﻭﺍﻟﺒﺮﻛﻪ ﺑﺎﺧﻮﻙ ﺻﺒﺎﺡ ﺍﻟﺒﻄﻞ ﺍﻟﺴﺒﻊ ﺍﻟﮕﺎﺩﺭ ﻟﻠﻨﺴﻮﺍﻥ ...
ﻫﻮ ﺑﺴﺮﻋﻪ ﺷﺪ ﻋﻠﺊ ﺷﻔﺎﻳﻔﻪ ﺑﻌﺼﺒﻴﻪ ﻭﻟﺰﻣﻨﻲ ﻣﻦ ﺭﺍﺳﻲ ﻭﺣﻂ ﻛﻔﻪ ﻋﻠﺊ ﺷﻔﺎﻳﻔﻲ ﺣﺴﻴﺖ ﺍﻧﻘﻄﻊ ﻋﻨﺪﻱ ﺍﻻﻭﻛﺴﺠﻴﻦ ﻓﺘﺤﺖ ﻋﻴﻮﻧﻲ ﻣﺮﻋﻮﻭﺑﻪ ﻭﺍﻳﺪﻱ ﺍﺭﻳﺪ ﺍﺑﻌﺪ ﺑﻴﻬﺎ ﺍﻳﺪﻩ ﻣﺎ ﺍﻛﺪﺭ
ﻫﻤﺲ ﺑﻔﺤﻴﺢ ﺷﻴﻄﺎﻧﻲ ... ﺍﻳﺎﻧﻲ ﻭﺍﻳﺎﺝ ﺗﺘﺠﺎﻭﺯﻳﻦ ﻋﻠﺊ ﺍﺧﻮﺗﻲ ﺃﻳﺎ ﻛﺎﻥ ﺻﺒﺎﺡ ﻣﺠﺮﻡ ﻗﺎﺗﻞ ﻣﺘﺘﺠﺎﻭﺯﻳﻦ ﻋﻠﻴﻪ ﻫﻮ ﺍﺧﻮﻱ ﻭﺭﺍﺡ ﻟﺮﺣﻤﺔ ﺭﺑﻪ ﺍﻟﻠﻪ ﻳﺤﺎﺳﺒﻪ ﻣﻮ ﺍﻧﺘﻲ
ﻛﺪﺭﺕ ﺍﻭﺧﺮ ﺍﻳﺪﻩ ﻣﻦ ﺷﻔﺎﻳﻔﻲ ﺑﺎﻭﻋﺘﻠﻪ ﺑﺤﻘﺪ ﻭﻫﻮ ﺑﺎﻭﻋﻠﻲ ﺑﺨﺒﺚ ﻛﺘﻠﻪ .. ﻭﺍﻟﻠﻪ ﻳﺎ ﺍﺑﻦ ﻋﻤﻲ ﺍﺧﻮﻭﻙ ﻣﺎ ﻳﺴﻠﻢ ﻣﻦ ﻟﺴﺎﻧﻲ ﺍﻟﻴﻮﻡ ﺍﻟﺪﻳﻦ
ﻛﺎﻝ ... ﻟﻌﺪ ﺭﺍﺡ ﻧﺘﻌﺐ
ﺭﺩﻳﺖ ﺑﺤﻘﺪ ... ﺍﺗﻌﺐ ﻟﻮﺣﺪﻙ ﺍﻧﻲ ﻛﻞ ﻣﺎ ﺍﻓﺮﻍ ﻃﺎﻗﺘﻲ ﻣﻦ ﺻﺒﺎﺡ ﺍﺣﺲ ﺍﻧﺰﺍﺡ ﻋﻨﻲ ﺍﻟﺘﻌﺐ ..
ﺿﺤﻚ ﺑﻬﺪﻭﺀ ﻭﻫﺰ ﺭﺃﺳﻪ ﺑﺎﺳﺊ ﻛﺎﻝ .. ﺍﻧﺘﻲ ﺷﻜﺪ ﺷﺮﺳﻪ ﻭﻣﻐﺮﻭﺭﻩ ﻭﺧﺸﻤﺞ ﻳﺎﺑﺲ ﺑﺲ ﻻ ﺗﻌﺘﺒﺮﻳﻦ ﻫﺎﻱ ﻗﻮﻭﻩ ﻻ ﻭﺍﻟﻠﻪ ﻗﻠﺔ ﺍﺩﺏ ...
ﺣﺴﻴﺖ ﺍﻟﻨﺎﺭ ﺍﺷﺘﻌﻠﺖ ﺑﺼﺪﺭﻱ ﺍﺟﻴﺖ ﺍﻛﻮﻟﻪ ﺍﻧﺖ ﻗﻠﻴﻞ ﺍﺩﺏ ﻭﻣﺎ ﺍﺳﻤﺤﻠﻚ ﺗﺤﺠﻲ ﻋﻦ ﺗﺮﺑﻴﺘﻲ ﺑﺲ ﺳﻜﺘﺖ ﺍﺣﺘﺮﺍﻣﺎ ﻟﺘﻨﻔﻴﺬ ﺍﻟﺨﻄﻪ ...
ﺣﺴﻴﺖ ﺩﻣﻮﻋﻲ ﻧﺰﻟﺖ ﺑﺪﻭﻥ ﺳﺎﺑﻖ ﺍﻧﺬﺍﺭ ﻫﻮ ﻣﻦ ﺷﺎﻓﻨﻲ ﺑﺠﻴﺖ ﺣﺴﻴﺘﻪ ﺍﺭﺗﻌﺪ ﺳﺤﺒﻨﻲ،ﻣﻦ ﺍﻳﺪﻱ ﻟﺼﺪﺭﻩ ﺑﺲ ﺍﻧﻲ ﺑﻌﺪﺗﻪ ﻋﻨﻲ ..
ﻟﻜﻦ ﻫﻮ ﺍﺳﺮﻉ ﻣﻨﻲ ﻭﺍﻗﻮﻩ ﺳﺤﺐ ﺭﺍﺳﻲ ﻟﺼﺪﺭﻩ ﻣﺴﺢ ﻋﻠﺊ ﺷﻌﺮﻱ ﺑﻬﺪﻭﺀ ﻭﻛﺎﻝ ... ﻫﺸﺶ ﻣﻮ ﻗﺼﺪﻱ ﺍﺟﺮﺣﺞ ﻭﺍﻟﻠﻪ ﺑﺲ ﺍﻧﺘﻲ ﻣﺎ ﻋﻨﺪﺝ ﺍﺳﻠﻮﺏ ﺑﺎﻟﻜﻼﻡ ﻭﺗﺘﻬﺠﻤﻴﻦ ﺑﺴﺮﻋﻪ ﻭﺑﻬﺎﻱ ﺍﻟﺤﺎﻟﻪ ﻣﺮﺍﺡ ﻧﻮﺻﻞ ﺍﻟﻨﺘﻴﺠﻪ ﻭﺍﻛﺜﺮ ﺷﺊ ﺍﻟﺒﻨﺎﺕ ﺭﺍﺡ ﻳﺘﺪﻣﺮﻭﻥ ﺑﻨﺼﻨﻪ ﻻﻥ ﺍﺣﻨﻪ ﻣﻤﺘﻔﺎﻫﻤﻴﻦ ﺧﻠﻲ ﻛﻞ ﻭﺍﺣﺪ ﺑﻴﻨﻪ ﻳﺸﺮﻁ ﺷﺮﻭﻁ ﻭﻣﺘﻄﻠﺒﺎﺕ ﺗﻜﻮﻥ ﻣﺎ ﺗﺠﺮﺡ ﺍﻟﻤﻘﺎﺑﻴﻞ ﻭﺍﻥ ﺷﺎﺀ ﻟﻠﻪ ﻧﻌﻴﺶ ﺑﺴﻼﻡ ﺿﻠﻴﺖ ﺍﺷﻬﻚ ﻣﻦ ﺍﻟﺒﺠﻲ ﺭﻏﻢ ﺍﺣﺲ ﺷﻮﻳﻪ ﻟﺴﺎﻧﻲ ﻃﻮﻳﻞ ﺑﺲ ﺩﻣﻌﺘﻲ ﺑﺴﺮﻋﻪ ﺗﻨﺰﻝ ﻭﺣﺴﺎﺳﻪ ﺯﻳﺎﺩﻩ ﻋﻦ ﺍﻟﻠﺰﻭﻡ ...
ﺿﺤﻚ ﺑﺼﻮﺕ ﻣﺴﻤﻮﻉ ﻭﻣﺴﺢ ﻋﻠﻰ ﺷﻌﺮﻱ ﻛﺎﻝ ... ﺍﻭﻑ ﻳﺎﻡ ﺩﻣﻌﻪ ﺻﺪﻙ ﺗﺤﺠﻴﻦ ﻟﺞ ﺑﺎﺑﺎ ﺍﻋﺘﺬﺭ ﻭﺃﺳﻒ ﺍﻟﻴﻮﻡ ﻻﺯﻡ ﺗﻔﺮﺣﻴﻦ ﻣﻮ ﺗﺒﺠﻴﻦ ..
ﺯﺩﺕ ﺑﺎﻟﺒﺠﻲ ﺍﻛﺜﺮ ﻭﺭﻏﻢ ﻗﻬﺮﻱ ﻣﻨﻪ ﻭﻛﺮﻫﻲ ﺍﻟﻪ ﺑﺲ ﺳﺮﺕ ﺍﻧﺘﻔﺎﺿﻪ ﺑﺠﺴﻤﻲ ﻭﺭﺟﻔﻪ ﻣﻮ ﻃﺒﻴﻌﻴﻪ ﻭﺍﻧﻲ ﺑﺤﻀﺮﺓ ﺻﺪﺭﻩ ... ﺧﺠﻠﻲ ﺯﺍﺩ ﻋﻦ ﺣﺪﻩ ﻭﺍﻧﻲ ﺑﺎﺣﻀﺎﻥ ﺭﺟﻮﻟﺘﻪ
ﺗﻜﻠﻤﺖ ﺑﺪﺍﺧﻠﻲ ﻳﺎﺭﺑﻲ .. ﺷﻠﻮﻥ ﺍﻛﻤﻞ ﺍﻟﺒﺎﻗﻲ،ﻭﺍﻧﻬﺰﻡ ﺳﺎﻋﺪﻧﻲ ﻳﺎﺭﺏ ﻭﺍﻟﻠﻪ ﻣﺎﻟﻲ ﻏﻴﺮﻙ ﻫﺎﻱ ﺑﺪﺍﻳﺘﻬﺎ ﻣﺎﺍﻛﺪﺭ ﺍﺗﻘﺒﻠﻪ ...
ﻫﻮ ﺭﻓﻊ ﻭﺟﻬﻲ ﻭﺣﻀﻨﻪ ﺑﻜﻔﻮﻑ ﺍﺩﻳﻪ ﺑﺎﺳﻨﻲ ﺑﺠﺒﻴﻨﻲ ﻭﻏﻤﻀﺖ ﻋﻴﻮﻧﻲ ﺧﺠﻼﻧﻪ ﻭﺣﺴﻴﺖ ﺑﻘﺒﻼﺗﻪ ﺍﻟﺪﺍﻓﻴﻪ ﻋﻠﺊ ﺧﺪﻱ ..
ﺍﻧﺼﺪﻣﺖ ﻭﺍﻧﺮﻋﺒﺖ ﺩﻓﻌﺘﻪ ﺑﺴﺮﻋﻪ ﻭ ﻃﻠﻌﺖ ﺑﺮﻩ ﺍﻟﻐﺮﻓﻪ
ﺷﻔﺖ ﻋﻤﻮ ﻣﻌﺘﺼﻢ ﻣﺘﻮﺟﻪ ﻟﻠﻐﺮﻓﻪ ﺍﻟﻲ ﺍﺣﻨﻪ ﺑﻴﻬﺎ ﺑﺎﻭﻋﻠﻲ ﺑﻐﻤﻮﺽ ﻣﺴﺘﻐﺮﺏ ﺍﻟﻜﺤﻞ ﺍﻟﺴﺎﻳﻞ ﻭﺍﻟﺤﻤﺮﻩ ﺍﻟﺮﺍﻳﺤﻪ .. ﻟﺰﻣﻨﻲ ﻣﻦ ﺍﻛﺘﺎﻓﻲ ﺳﺄﻟﻨﻲ ﺑﺤﻴﺮﺓ ﻛﺎﻝ .. ﺷﻜﻮﻭ ﻋﻤﻮ ﺷﺼﺎﺭ ﺍﺑﺎﺫﺭ ﺳﻮﺍﻟﺞ ﺷﺊ .. ﻟﻴﺶ ﻫﻴﺞ ﻭﺟﻬﺞ
ﺍﺑﺘﺴﻤﺖ ﺑﻮﺟﻬﻪ ﻭﺍﻧﻲ ﺍﻣﺴﺢ ﺩﻣﻮﻋﻲ .. ﻻ ﻋﻤﻮ ﻣﺎﻛﻮ ﺷﺊ ﺑﺲ ﺗﺬﻛﺮﺕ ﻫﺒﺎﻭﻱ ﺍﻟﻠﻪ ﻳﺮﺣﻤﻬﺎ ﻭﺑﺠﻴﺖ
ﺟﺮ ﻧﻔﺲ ﻋﻤﻴﻖ ﻛﺎﻝ ... ﺍﻟﻠﻪ ﻳﺮﺣﻤﻬﺎ ﻭﻳﻐﻔﺮ ﺫﻧﺒﻬﺎ ...
ﺭﺣﺖ ﺍﻟﻐﺮﻓﺘﻲ ﺍﺑﺠﻲ ﺩﺧﻠﺖ ﻭ ﺭﺩﻳﺖ ﺍﻟﺒﺎﺏ ﺿﻠﻴﺖ ﺍﺷﻬﻚ ﻣﻦ ﺍﻟﺒﺠﻲ ... ﺍﻟﻠﻪ ﻳﻐﻔﺮ ﺍﻟﺞ ﻳﺎ ﻫﺒﻪ؟ ﻟﻴﺶ ﺷﻨﻮ ﺫﻧﺒﺞ ... ﻻ ﺍﻧﺘﻲ ﻟﺠﻬﻨﻢ ﻭﻻ ﺍﻧﺘﻲ ﻟﻠﺠﻨﻪ ﻫﺎﻱ ﺗﺎﻟﻴﺘﺞ ﺍﺳﻤﻊ ﻛﻼﻣﻬﻢ ﻳﻜﻮﻟﻮﻥ ﺷﻴﻄﺎﻧﻬﺎ ﻗﻮﻭﻱ ﻣﺎ ﻋﻨﺪﻫﺎ ﺍﻳﻤﺎﻥ ﻭﺍﻧﺘﺤﺮﺕ ﻧﺎﺭ ﺗﻔﻮﺭ ﺑﺼﺪﺭﻱ ﻋﻠﻴﺞ ... ﻭﺻﺒﺎﺡ ﺍﻟﻨﺬﻝ ﻳﻜﻮﻟﻮﻥ ﺍﻟﻠﻪ ﻳﺮﺣﻤﻪ ﻭﻳﺴﻜﻨﻪ ﺍﻟﺠﻨﻪ ﻣﺎﺕ ﻣﻀﻠﻮﻡ ﻣﻘﺘﻮﻝ ... ﻣﻮ ﻳﻜﻮﻟﻮﻥ ﻭﺑﺸﺮ ﺍﻟﻘﺎﺗﻞ ﺑﺎﻟﻘﺘﻞ ..... ﻫﻮ ﻗﺘﻠﺞ ﻭﻛﺎﻥ ﺳﺒﺐ ﺑﻤﻮﺗﺞ ﻣﺎ ﺗﺠﻮﺯ ﻋﻠﻴﻪ ﺍﻟﺮﺣﻤﻪ ﺩﻣﺮﻭﺝ ﻭﻳﺮﺩﻭﻥ ﻳﺪﻣﺮﻭﻧﻲ ﻭﻳﻜﻮﻟﻮﻥ ﺿﻌﻴﻔﺔ ﺍﻳﻤﺎﻥ ﻻ ﻭﺍﻟﻒ ﻻ ﻣﺎ ﺍﺳﻤﺢ ﺍﻟﻬﻢ ﻭﻻ ﺍﻗﺒﻞ ﻳﺪﻣﺮﻭﻧﻲ ...
ﺩﺧﻠﺖ ﻣﺎﻣﺎ ﻭﻣﻴﺲ ﻭﺧﺎﻻﺗﻲ ﻛﺎﻟﻦ ... ﻟﻴﺶ ﺗﺒﺠﻴﻦ ﺳﻮﺍﻟﺞ ﺷﺊ ...بيج قصص عراقيه حقيقيه من واقعنا.روعه الطائي
ﻛﻠﺘﻠﻬﺎ ﺑﻨﺤﻴﺐ ... ﻻ ﺑﺲ ﺗﺬﻛﺮﺕ ﻫﺒﻪ
ﻣﺎﻣﺎ ﻣﻦ ﺳﻤﻌﺖ ﺑﻬﺒﻪ ﺿﻠﺖ ﺗﻨﻮﺡ ﻭﺗﺒﺠﻲ ﻭﻣﻴﺲ ﻛﺬﻟﻚ ﻭﺧﺎﻻﺗﻲ ﻣﻦ ﺍﻟﻨﻮﻉ ﺍﻟﺪﻣﻌﺘﻬﻦ ﻏﺎﻟﻴﻪ ﻭﻗﻠﻮﺑﻬﻦ ﻗﺎﺳﻴﻪ ﻫﺎﻱ ﻃﺒﻴﻌﺘﻬﻦ ﺭﺍﺩﻥ ﻳﺒﺠﻦ ﻋﺼﺮﻥ ﺩﻣﻮﻋﻬﻦ ﻋﺼﺮ ﻣﺎ ﺑﺠﻦ ...
ﺍﻭ ﺑﺎﻻﺣﺮﺉ ﻫﻨﻪ ﻣﺎ ﻋﻨﺪﻫﻦ ﻋﻼﻗﻪ ﺑﻬﺒﻪ ﺑﺲ ﺑﻴﻪ ﺣﺘﺊ،ﻣﻴﺲ ﻣﻮ ﻫﻠﻜﺪ ﻋﻼﻗﺘﻬﺎ ﺑﻴﻬﻦ ﻭﻣﺮﺍﺕ ﻳﻜﻮﻟﻠﻲ ﻻ ﺗﺨﻠﻴﻦ ﻣﻴﺲ ﺗﻠﺒﺲ،ﻣﻦ ﻣﻼﺑﺴﺞ ﻣﻮ ﺟﺪﺝ ﻳﺸﺘﺮﻱ ﺍﻟﺞ ﻭﻣﻴﺲ ﺗﻠﺒﺲ ... ﻭﻳﺤﺠﻦ ﻛﺪﺍﻡ ﻣﻴﺲ ﻭﻣﻴﻮﺳﻪ ﺗﺰﻋﻞ ﺑﺲ ﺍﻧﻲ ﺍﺣﺐ ﺍﺧﻮﺍﺗﻲ ﺣﻴﻞ ﻭﻣﻴﺲ ﻣﻌﺰﺗﻬﺎ ﻣﻦ ﻣﻌﺰﺓ ﻫﺒﻪ ﻓﻤﺎ ﺍﺧﺬ ﻛﻼﻣﻬﻦ ...
ﺿﻠﻦ ﻛﺎﻋﺪﺍﺕ ﻳﻤﻲ ﻭﺑﻌﺪﻳﻦ ﻃﻠﻌﻦ ﺿﻠﺖ ﺑﺲ ﺧﺎﻟﻪ ﺍﺑﺘﻬﺎﻝ ﻛﺎﻟﺖ ... ﺷﺒﻲ ﻭﺟﻬﺞ ﻫﻴﺞ ﻟﻴﺶ ﺣﻤﺮﺗﺞ ﻭﻛﺤﻠﺘﺞ ﺳﺎﻳﻼﺕ ..
ﺩﺭﺕ ﻭﺟﻬﻲ ﺑﺰﻋﻞ .. ﻻﻥ ﺿﻠﻴﺖ ﺍﺑﺠﻲ
ﺗﻌﺼﺒﺖ ﻣﻼﻣﺤﻬﺎ ﻛﺎﻟﺖ .. ﺷﺴﻮﺍﻟﺞ ﻫﺬﺍ ﺍﻟﻜﻠﺐ ﺍﻟﻨﺬﻝ ﻫﺪﺩﺝ ﻣﺜﻞ ﺍﺧﻮﻭ
ﺭﺩﻳﺖ ﺑﺴﺮﻋﻪ ... ﻻ ﻣﻬﺪﺩﻧﻲ ﺑﺲ ﺗﻨﺎﻗﺸﻨﻪ ﺷﻮﻭﻭﻳﻪ ﻭﺍﻧﻲ ﺩﺳﺖ ﺑﺎﻟﻜﻼﻡ ﻋﻠﻰ ﺻﺒﺎﺡ ﻭﻫﻮ ﺳﺪ ﺣﻠﻜﻲ ﻭﻫﺬﺍ ﺍﻟﺼﺎﺭ ﻛﺎﻟﺖ ﺑﻐﻀﺐ ... ﻋﺒﺎﻟﻲ ﺑﺎﻳﺴﺞ ﻫﻬﻪ ﺣﺘﺊ ﻋﻮﺩ ﻳﻐﺮﻛﺞ ﺑﺮﻭﻣﺎﻧﺴﻴﺘﻪ ﻭﻳﺨﻠﻴﺞ ﺗﺘﻨﺎﺯﻟﻴﻦ ﻋﻦ ﺣﻘﺞ ﺩﻳﺮﻱ ﺑﺎﻟﺞ ﺗﺨﻠﻴﻨﻪ ﻳﺴﺘﺪﺭﺟﺞ ﻭﻳﺨﻠﻴﺞ ﺗﻔﻘﺪﻳﻦ ﺫﺍﺗﺞ ﺍﻧﻲ،ﻭﺯﻭﺟﻲ ﻣﻨﺘﻈﺮﻳﻦ ﺣﺘﺊ ﻧﺎﺧﺬﺝ ﻭﻳﺎﻧﻪ ﻭﺳﻔﺮﺗﻪ ﻣﺤﺘﺎﺟﻪ ﻓﻠﻮﺱ ﻭﻻﺯﻡ ﺗﺠﻴﺒﻴﻦ ﺍﻟﻔﻠﻮﺱ ﻭﻣﺘﺘﺎﺛﺮﻳﻦ ﺑﻜﻼﻣﻪ ...
ﺳﻜﺘﺖ ﻣﺤﺠﻴﺖ
ﺭﺟﻌﺖ ﺳﺄﻟﺖ ﻛﺎﻟﺖ .. ﺍﻱ ﺗﺎﺧﺮﺗﻮ ﻫﻮﺍﻳﻪ ﺷﻨﻮ ﺟﻨﺘﻮ ﺗﺤﺠﻮﻥ
ﻛﻠﺘﻠﻬﺎ ... ﺍﻱ ﻛﻼﻡ ﻋﺎﺩﻱ ﻫﻮ ﻳﻜﺴﺮ ﻭﻳﺠﺒﺮ ﻣﺤﺠﻪ ﺷﺊ ﻣﻬﻢ ﺑﺲ ﺧﻮﻓﻨﻲ ﻳﻜﻮﻝ ﻛﻮﻟﺸﻲ ﻣﻠﻜﻲ ﻣﺎ ﺍﺣﺐ ﺍﺗﻨﺎﺯﻝ ﻋﻨﻪ .. ﻭﺍﻧﻲ ﺻﺮﺕ ﻣﻠﻜﻪ ﺍﺧﺎﻑ ﻳﺠﺮﻡ ﺑﻴﻪ ﺍﺫﺍ ﺍﻧﻬﺰﻣﺖ ﻭﺗﺮﻛﺘﻪ ...
ﻟﺰﻣﺘﻨﻲ ﻣﻦ ﻭﺟﻬﻲ ﻭﺣﺠﺖ ﺑﻔﺤﻴﺢ ... ﻟﻴﺶ ﺗﺨﺎﻓﻴﻦ ﻻ ﺍﻧﺘﻲ ﺗﺮﺑﻴﺔ ﺍﺑﻮ ﻓﺆﺍﺩ ﻋﻤﺮﻧﺎ ﻣﺎ ﺧﻔﻨﺎ ﻣﻦ ﺷﺨﺺ ﻭﺑﻨﻴﻨﺎ ﺷﺨﺼﻴﺘﻨﻪ ﻭﻣﺎ ﺧﻠﻴﻨﻪ ﺷﺨﺺ ﻳﻬﻴﻨﻪ ﻛﻼﻣﻪ ﺍﻟﻤﻌﺴﻮﻝ ﻻ ﺗﻬﺘﻤﻴﻦ ﺑﻲ ﺍﻃﺮﺩﻱ ﻣﻦ ﻓﻜﺮﺝ
ﻫﻤﺴﺖ ﺑﺨﻔﻮﺕ ﻭﺧﺠﻞ .. ﺑﺲ ﻛﻼﻣﻪ ﻓﻌﻼ ﻳﺄﺛﺮ ﺑﻴﻪ ﻭﺍﻗﻞ ﻟﻤﺴﻪ ﻣﻨﻪ ﺣﺘﺊ ﻭﺍﻥ ﻛﺎﻧﺖ ﺑﻌﻴﺪﻩ ﻭﺟﺪﻳﺪﻩ ﺍﺣﺴﻬﺎ ﺍﻟﻬﺎ ﻭﻗﻊ ﺑﺪﺍﺧﻠﻲ ﺍﺣﺴﻪ ﻓﻌﻼ ﻳﺄﺛﺮ ﺑﻴﻪ ﺭﻏﻢ ﻗﻠﺔ ﻣﻮﺍﻗﻔﻲ ﺑﺲ ﺍﻟﻴﻮﻡ ﺣﺴﻴﺖ ﺍﻟﻪ ﺗﺄﺛﻴﺮ ﻋﻠﻴﻪ
ﺭﻓﻌﺖ ﺣﺎﺟﺒﻬﺎ ﻛﺎﻟﺖ ... ﻫﺬﺍ ﻣﺜﻞ ﺻﺒﺎﺡ ﺍﻧﻲ ﻃﺒﻌﺎ ﺟﻨﺖ ﻋﻨﺪﻱ ﻋﻼﻗﻪ ﻗﻮﻳﻪ ﺑﻬﺒﻪ ﺧﺎﺻﻪ ﻣﻦ ﺟﺎﻧﺖ ﻣﺨﻄﻮﺑﻪ ﺗﺴﻮﻟﻒ ﺍﻟﻲ ﻛﻮﻭﻟﺸﻲ،ﺍﻧﺘﻲ ﺟﻨﺘﻲ ﻃﻔﻠﻪ ﻣﻮﺍﻋﻴﻪ ﻋﻠﺊ ﻋﻼﻗﺘﻨﻪ ﻫﻢ ﺻﺒﺎﺡ ﺟﺮﺟﺮﻫﺎ ﺑﻜﻼﻣﻪ ﺍﻟﻤﻌﺴﻮﻝ ﻭﻣﻦ ﺣﺲ ﻣﻠﻜﻬﺎ ﺩﺍﺳﻬﺎ ﺑﺮﺟﻠﻪ ﻭﺍﺫﺍﻫﺎ ﻭﺧﻼﻫﺎ ﺗﻨﺘﺤﺮ ﻣﺪﺭﻱ ﻫﻮ ﻛﺘﻠﻬﺎ ﻻﻥ ﻫﺒﻪ ﻓﻘﻴﺮﻩ ﻣﺴﺘﺤﻴﻞ ﺗﻨﺘﺤﺮ ﺫﻭﻝ ﻳﺮﺩﻭﻥ ﺍﻟﻤﺮﻩ ﺑﺲ ﻟﻠﺨﺪﻣﻪ ﻭﺍﻟﻜﺘﻞ ﺫﻭﻝ ﻣﺎﺯﻭﺧﻴﻴﻦ ﻣﺠﺮﻣﻴﻦ ﺣﺮﺍﻣﺎﺕ ﺍﻧﺘﻲ ﺍﻟﺤﻠﻮﻩ ﺗﻌﻴﺸﻴﻦ ﺑﺤﻀﻦ ﻫﺬﺍ ﺍﺑﻦ ﻋﻤﺞ ﺗﺮﺉ ﻣﺠﺮﻡ ﻣﺜﻞ ﺍﺧﻮﻭ ﻭﺍﻛﻴﺪ ﻳﺨﻠﻴﺞ ﺗﻨﺘﺤﺮﻳﻦ ﻣﺜﻞ ﻫﺒﻪ ...
ﻛﻌﺪﺕ ﻋﻠﺊ ﺍﻟﺴﺮﻳﺮ ﻭﺍﻟﺪﻣﻮﻉ ﺑﻌﻴﻮﻧﻲ .. ﻭﺍﻟﻠﻪ ﺧﺎﻟﻪ ﺧﺎﻳﻔﻪ ﺩﺍ ﺍﺣﺲ ﺿﻤﻴﺮﻱ ﻳﺄﻧﺒﻨﻲ ﻣﺎ ﺍﺭﻳﺪ ﺍﺳﺘﻐﻠﻪ ..
ﺍﺑﺘﻬﺎﻝ ... ﻭﻟﻴﺶ ﻫﻤﻪ ﺿﻤﻴﺮﻫﻢ ﻣﺎ ﻳﺼﺤﻪ ﺗﺮﺉ ﺳﺎﻟﻔﺘﺞ ﻣﺼﺎﻳﺮﻩ ﺑﺘﺎﺭﻳﺦ ﺍﻟﻌﺮﺍﻕ ﻛﻢ ﻣﺮﻩ ﺿﺤﻮ ﺑﻴﺞ ﻟﺨﺎﻃﺮ ﺑﻨﺎﺕ ﻫﺒﻪ ﻭﺍﻣﺞ ﻛﺎﺗﻠﻪ ﺭﻭﺣﻬﺎ ﻋﻠﻴﻬﻢ ﻭﻻ ﻛﺄﻥ ﻫﺒﻪ ﻣﺎﺗﺖ ﺑﺴﺒﺒﻬﻢ ﻟﺞ ﺧﺎﻟﻪ ﺍﻧﻲ ﺭﺑﻴﺘﺞ ﻭﻛﺒﺮﺗﺞ ﻣﻦ ﺟﻨﺘﻲ،ﻟﺤﻤﻪ ﺣﻤﺮﻩ ﻏﻴﺮ ﺍﺫﺍ ﺻﺎﺭ ﺍﻟﺞ ﺷﺊ ﺍﺣﺮﻙ ﻋﺸﻴﺮﺓ ﻋﻤﺎﻣﺞ
ﺣﺒﻴﺒﺘﻲ،ﺗﺎﺝ ﺍﻧﻲ ﻻﺯﻡ ﺍﻧﻘﻔﺬﺝ ﻣﻦ ﻣﻬﻠﻜﺔ ﺍﻫﻠﺞ ﺍﻧﺘﻲ،ﺑﻨﺘﻲ ﺍﻟﻤﺎ ﺟﺎﺑﺘﻬﺎ ﺑﻄﻨﻲ ﻭﺩﺍﻋﺔ ﺟﻬﺎﻟﻲ ﺍﺣﺒﺞ ﺍﻛﺜﺮ ﻣﻦ ﺭﻭﺣﻲ ﻭﻻﺯﻡ ﺍﺧﻠﺼﺞ ﻣﻨﻬﻢ ﻭﺍﻧﺘﻲ ﻻﺯﻡ ﺗﻨﻬﺰﻣﻴﻦ ﻣﻨﻬﻢ ...
ﺭﻓﻌﺖ ﻭﺟﻬﻲ ﺍﻟﻬﺎ ... ﺯﻳﻦ ﺷﻠﻮﻥ ﺍﺧﺎﻑ ﻳﻘﺘﻠﻮﻧﻲ ﻭﻳﻌﺘﺒﺮﻭﻧﻲ ﻋﺎﺭ ﻻﻥ ﺍﻟﺤﻴﺼﻴﺮ ﻛﺒﻴﺮ ﺣﻴﻴﻞ ﺧﺎﻟﺔ ﻓﺪﻭﻩ ﻟﻮ ﻣﻤﺨﻄﻮﺑﻪ ﺍﺣﺴﻦ ﺩﺍ ﺍﺣﺲ ﺍﻟﺨﻄﻮﺑﻪ ﻣﺜﻞ ﺍﻟﻄﻮﮒ ﺍﻟﻨﺎﺭﻱ ﺍﻟﻲ ﺍﻟﺘﻒ ﻋﻠﺊ ﺭﮔﺒﺘﻲ ... ﺍﻧﻲ ﺍﺧﺎﻑ ﻣﻨﻪ ﺍﻧﺘﻲ ﻣﺎﺷﻔﺘﻪ ﻛﺒﺮﻩ ﻭﺣﺠﻤﻪ ﻫﻮ ﻣﻮ ﻭﻋﻄﻮﻁ ﺣﺘﺊ ﺍﺿﺤﻚ ﻋﻠﻴﻪ ﻫﻮ ﻭﺍﻋﻲ ﻭﻛﺒﻴﺮ ﺍﺧﺎﻑ ﻳﺬﺑﺤﻨﻲ ...
ﻛﺎﻟﺖ ... ﻻ ﺗﺨﺎﻓﻴﻦ ﻣﻴﺴﻮﻳﻠﺞ ﺷﺊ ﺍﻧﺘﻲ ﺣﺘﺨﺘﻔﻴﻦ ﺗﺪﺭﻳﺠﻴﺎ ﻭﻣﻦ ﻧﺴﺎﻓﺮ ﺑﺄﻣﻴﺮﻛﺎ ﻟﻮ ﻳﺠﻲ ﺭﺋﻴﺲ ﺍﻟﺠﻤﻬﻮﺭﻳﺔ ﻣﺮﺍﺡ ﻳﻜﺪﺭ ﻳﻠﻤﺲ ﺷﻌﺮﺓ ﻣﻦ ﺷﻌﺮﺍﺗﺞ
ﺗﻘﺮﺑﺖ ﻣﻨﻲ ﻭﻫﻲ ﺗﺒﺘﺴﻢ ﺭﻓﻌﺖ ﻭﺟﻬﻲ ﺑﺎﻳﺪﻳﻬﺎ ﻭﺑﺎﺳﺘﻨﻲ ﺑﺠﺒﻴﻨﻲ ﻛﺎﻟﺖ ﺑﺒﺘﺴﺎﻣﻪ ﺣﻠﻮﻩ ... ﺑﺎﻋﻲ ﺍﻟﻨﻔﺴﺞ ﺗﺠﻨﻨﻴﻦ ﻟﺞ ﺧﺎﻟﻪ ﺍﻧﺘﻲ ﺷﻜﻞ ﺩﻛﺘﻮﺭﻩ ﻭﺍﻟﻠﻪ ﻫﻨﺎﻙ ﺍﺧﻠﻴﺞ ﺗﺪﺭﺳﻴﻦ ﻭﺗﺼﻴﺮﻳﻦ ﺩﻛﺘﻮﺭﻩ ﻭﺍﻟﺞ ﻣﺮﻛﺰﺝ ﺷﻠﺞ ﺿﺎﻟﻪ ﻫﻨﺎ ﺑﺲ،ﻟﻠﺨﺪﻣﻪ ﻭﺍﻟﻘﺎﻝ ﻭﺍﻟﻘﻴﻞ ﻫﻤﺴﺖ ﺑﻮﺟﻊ .. ﻭﺑﻨﺎﺕ ﻫﺒﻪ
ﻛﺎﻟﺖ ... ﻧﺎﺧﺬﻫﻦ ﻏﻴﺮ ﻣﺮﻩ ﻻﺯﻡ ﺍﺍﻣﻦ ﻋﻠﻴﺞ ﻭﺑﻌﺪﻫﺎ ﻧﺴﺤﺒﻬﻦ ﻭﺍﺧﻠﻴﻬﻦ ﻣﻀﻄﻬﺪﺍﺕ ﻭﺍﻛﻴﺪ ﻳﻨﻄﻮﻫﻦ ﺍﻟﻨﻪ ..
ﻫﺰﻳﺖ ﺭﺃﺳﻲ ﺑﻘﺒﻮﻝ ﺭﻏﻢ ﺍﻟﺨﻮﻑ ﺍﻟﻲ ﺑﺪﺍﺧﻠﻲ
ﺿﻠﻴﺖ ﺑﻴﻦ ﺣﻴﺮﻩ ﻣﻦ ﺍﻣﺮﻱ ﻭﺍﻟﻜﻞ ﺭﺍﺡ ﺣﺘﺊ ﺧﺎﻻﺗﻲ ﺑﺲ ﺑﻨﺎﺕ ﺍﺧﺘﻲ ﺿﻠﻦ ﻳﻤﻲ ...
ﺯﻫﺮﺍﺀ ﻣﺎ ﻋﻨﺪﻫﺎ ﺍﻱ ﺣﺮﻛﻪ ﺑﺲ ﺗﺒﺠﻲ ﺍﻧﻄﻴﻬﺎ ﻣﻤﻪ ﻭﺍﺳﻮﻱ ﺍﻟﻬﺎ ﻣﺴﺎﺝ ﺗﺴﻜﺖ ..
ﻭﺯﻧﻮﺑﻪ ﻭﻛﺤﻪ ﺣﻴﻴﻞ ﻭﻟﺴﺎﻧﻬﺎ ﻃﻮﻳﻞ ﺗﻐﻠﻂ ﻋﻠﻴﻪ ﺩﺍﺋﻤﺎ ﺗﺴﻤﻴﻨﻲ ﺍﻟﻮﺗﺤﻪ ... ﻋﺒﺎﻟﻲ ﺩﻛﻮﻝ ﺍﻟﻮﺻﺨﻪ ﻃﻠﻌﺖ ﺩﻛﻮﻝ ﺍﻟﻮﻛﺤﻪ ...
ﺭﻓﻌﺖ ﺣﺎﺟﺐ ﻋﺴﺎﺱ ﺍﻧﺘﻲ ﻓﻘﻴﺮﻩ ﺍﻧﻲ ﻭﻳﺎﻫﺎ ﺗﻮﻡ ﻭﺟﻴﺮﻱ ﺑﺲ ﻫﻲ ﺣﻴﻞ ﺗﺤﺒﻨﻲ ﻣﻦ ﺗﺸﻮﻓﻨﻲ ﺍﺑﺠﻲ ﺗﻀﻞ ﺗﺒﺠﻲ ﻭﻣﺘﻨﺎﻡ ﺍﻟﻪ ﺑﺤﻀﻨﻲ ... ﻭﺗﺤﻀﻦ ﺷﺎﻟﻲ ﻭﺗﺒﻮﺳﻪ ﺑﺲ ﻣﺮﺍﺕ ﻧﺘﺨﺒﻞ ﺍﻧﻲ ﻭﻳﺎﻫﺎ ...
ﻳﺎﻟﻠﻪ ﻣﺸﺎﻛﻞ ﻣﺎﻟﺖ ﺍﺣﺒﺎﺏ ﻣﺎﻛﻮ ﺯﻋﻞ ﺑﻴﻨﻪ ...
.....................
ﺍﺍﻩ ﻣﻦ ﻗﺪﺭ ﺍﻓﺠﻊ ﻗﻠﺒﻲ .. ﻫﺎ ﺍﻧﺎ ﺍﻟﻴﻮﻡ ﻃﻔﻠﻪ ﻟﻢ ﺗﻤﺎﺭﺱ ﺍﻟﻄﻔﻮﻟﻪ .. ﻋﺠﻮﺯ ﻓﻲ ﻭﻗﺖ ﺷﺒﺎﺑﻲ .. ﺧﺎﺩﻣﻪ ﺑﻨﻈﺮﻙ ﻗﺎﺗﻠﻲ .. ﻓﺮﻳﺴﻪ ﻓﻲ ﺍﻧﻈﺎﺭ ﻣﻦ ﺣﻮﻟﻲ .. ﻣﺎ ﺍﻟﻔﺄﺋﺪﺓ ﻓﻲ ﻭﻻﺩﺗﻲ .. ﺍﻧﺎ ﺗﻌﻴﺴﻪ ﻓﻲ ﺣﻴﺎﺗﻲ .. ﻫﺎ ﻫﻲ ﻳﺪ ﺍﻟﻌﻮﻥ ﺍﻣﺘﺪﺕ ﻟﻲ .. ﺍﻧﺘﺸﻠﺘﻨﻲ ﻣﻦ ﺍﺣﺰﺍﻧﻲ .. ﺍﻧﻘﺬﺗﻨﻲ ﻣﻦ ﻧﻴﺮﺍﻥ ﻛﺎﺩﺕ ﺣﺮﻕ ﺍﻳﺎﻣﻲ .. ﺍﻣﻠﻲ ﻭﻟﻜﻦ ﺑﻚ ﺧﺎﺑﺖ ﺍﻣﺎﻟﻲ .. ﻳﺪﻙ ﺍﺣﺮﻗﺘﻨﻲ ﻭ ﺯﺍﺩﺕ ﻧﻴﺮﺍﻧﻲ ..
ﺣﺎﻝ ﻗﺪﺭ .. ﺑﻘﻠﻢ smsma89
ﻗﺪﺭ ..
ﺩﺧﻞ ﺍﺧﻲ ﺍﻟﺼﻐﻴﺮ .. ﻣﺤﻤﺪ ﻭﻫﻮ ﺣﺎﻣﻞ ﺑﺎﻳﺪﻭ ﻋﺪﺓ ﺍﻟﺒﻮﺍﺭﻱ ﻻﻧﻮ ﻳﺸﺘﻐﻞ ﻭﻳﻪ ﻋﻤﻮ ﺑﺘﺼﻠﻴﺢ ﺍﻟﺒﻮﺭﻳﺎﺕ ﻭﺗﺄﺳﻴﺲ ﺍﻟﺒﻮﺍﺭﻱ ...
ﺷﻔﺘﻮ ﻳﺒﻜﻲ ﻭﺩﻣﻌﺘﻮ ﺑﻌﻴﻨﻮ ﺭﻛﻀﺖ ﻋﻠﻴﻪ ﻭﺣﻀﻨﺖ ﻭﺟﻬﻮ ...
ﺣﻀﻨﺘﻮ ﺑﻠﻬﻔﻪ ... ﺍﺷﺒﻴﻚ ﺳﻴﻒ ﻋﻤﻮ ﺿﺮﺑﻚ ..
ﺭﺩ ﻭﻫﻮ ﻳﻤﺴﺢ ﺩﻣﻮﻋﻮ ... ﺿﺮﺑﻨﻲ ﺑﺎﻟﺒﻮﺭﻱ ﺑﺮﺟﻠﻲ ﻻﻧﻮ ﻣﺎ ﻋﺮﻓﺖ ﺍﺻﻠﺢ ﺍﻟﻜﺴﺮ ﺑﺎﻟﺒﻮﺭﻱ ...
ﺟﺮﻳﺖ ﻧﻔﺲ ﻋﻤﻴﻖ ﻭﻣﻘﻬﻮﺭ ... ﺍﻟﻠﻪ ﻻ ﻳﻔﻘﻮ ﺍﻥ ﺷﺎﺀ ﻟﻠﻪ ﺗﻌﺎﻝ ﺣﺒﻴﺒﻲ ﺍﺩﺧﻞ ﻟﻠﺤﻤﺎﻡ ﺗﺤﻤﻢ ﻭﺍﻧﻪ ﺍﺣﻀﺮ ﻣﻼﺑﺴﻚ .. ﺍﻟﻠﻪ ﻳﻨﺘﻘﻢ ﻣﻨﻮ ﻣﺎ ﻳﻘﻮﻝ ﻃﻔﻞ ﺻﻐﻴﺮ ﻧﺎﺱ ﻣﺎ ﺗﻌﺮﻑ ﺍﻟﺮﺣﻤﻪ
ﺧﻄﻴﻪ ﺩﺧﻞ ﻟﻠﺤﻤﺎﻡ ﺍﻟﻤﺘﻬﺎﻟﻚ ﻭﺍﻧﻲ ﺭﺣﺖ ﺍﺣﻀﺮ ﻣﻼﺑﺴﻮ ...
ﻓﺎﺗﺖ ﺍﺧﺘﻲ ﺗﻮﻟﻴﻦ ﺧﺎﻳﻔﻪ ﺩﺣﻜﺖ ﺑﻮﺟﻬﻪ ... ﺗﻮﻟﻴﻦ ﺍﺷﻨﻮ ﺻﺎﺭ ﺍﺷﺒﻴﻜﻲ
ﺳﻜﺘﺖ ﻣﺠﺎﻭﺑﺖ ﻭﺍﺧﺬﺕ ﺍﻟﻬﺎ ﺯﺍﻭﻳﻪ ﻭﺑﻜﺖ ﺑﺼﻮﺕ ﻣﺴﻤﻮﻉ ...
ﺗﻨﻬﺪﺕ ﺑﺤﺰﻥ ﻭﺭﺣﺖ ﺣﻀﻨﺘﻬﺎ ... ﺍﺷﻨﻮ ﺻﺎﺭ ﺣﺒﻴﺒﻲ ﺍﺣﻜﻲ ﻻ ﺗﺨﺎﻓﻲ ...
ﻣﻜﺎﻧﺖ ﺗﺮﺩ ﻋﻠﻴﻪ ﺑﺲ ﺗﺒﻜﻲ ﺩﺣﻜﺖ ﺑﻮﺟﻬﻬﺎ ﺑﺎﺍﺳﺘﻐﺮﺍﺏ ﺷﻔﺖ ﻭﺟﻬﻪ ﻣﺎ ﺑﻴﺪﻝ ﻋﻠﺊ ﺧﻴﺮ ﺧﻔﺖ ﻋﻤﻲ ﺳﻜﺮﺍﻥ ﻭﻣﺘﺤﺮﺵ ﺑﻴﻬﺎ ...
ﺳﺄﻟﺘﻬﺎ ﺑﺨﻮﻑ .. ﻋﻤﻲ،ﺳﻮﺍﻟﻚ ﺷﺊ
ﻫﺰﻳﺖ ﺭﺍﺳﻬﺎ ﺑﺨﻮﻑ ﺑﻼ ...
ﻟﺰﻣﺘﻬﺎ ﺑﻌﺼﺒﻴﻪ ﻭﺣﺮﻗﻪ ﻗﻠﺐ ... ﺍﻣﺒﻼ ﺳﻮﺍﻟﻚ ﺷﺊ ﻟﻚ ﺍﻧﻪ ﻛﻢ ﻣﺮﻩ ﮔﻠﺘﻠﻚ ﻻ ﺗﻄﻠﻌﻲ ﺑﺮﻩ ﻻ ﺗﺮﻭﺣﻲ ﻋﻨﺪﻫﻢ ﻟﻚ ﻻ ﺗﻄﻠﻌﻴﻴﻴﻲ ﻛﻀﺒﺖ ﺍﺩﻳﻪ ﺑﺨﻮﻑ ﻭﺑﻜﺎﺀ ﺣﺎﺩ ... ﻭﻻ ﻣﺎ ﺍﻃﻠﻊ ﺧﻼﺹ ﺍﻧﺎ ﻛﺎﻋﺪﻩ ﻫﻮﻭﻧﻲ ﻣﺮﺍﺡ ﺍﻃﻠﻊ ...
ﺗﺮﻛﺘﻬﺎ ﻭﻃﻠﻌﺖ ﺑﺮﻩ ﺍﻟﻐﺮﻓﻪ ﺣﺴﻴﺖ ﺍﻟﻨﺎﺭ ﺷﺎﻋﻠﻪ ﺑﻴﻪ ﻭﻳﻦ ﺍﺭﻭﺡ ﺍﺧﺘﻲ ﻭﺍﺧﻮﻳﻪ ﺑﻨﺺ ﺍﻟﻮﺣﻮﺵ ﻻﺯﻡ ﺍﺧﻠﺼﻬﻢ ﻣﻦ ﻫﻮﻭﻧﻲ ﻻﺯﻡ ...
ﺩﺣﻜﺖ ﻣﺮﺓ ﻋﻤﻲ ﺍﺟﺖ ﻛﺎﻟﺖ ... ﺗﻌﺎﻱ ﺧﺎﺑﺮﻱ ﺍﺑﻮ ﻋﺪﻭﻳﻪ ﻳﻜﻮﻝ ﺍﺗﺼﻞ ﻭﻣﺎ ﺗﺮﺩ ﻟﺞ ﺑﺖ ﺍﻟﺰﻓﺮﻩ ﻋﻠﻴﻤﻦ ﺷﺎﻳﻠﻪ ﺧﺸﻤﺞ ﺭﺟﺎﻝ ﻣﺪﻟﻠﺞ ﻭﻳﺮﻳﺪ ﺑﺲ ﺭﺿﺎﺝ ﻭﺗﺘﻌﻴﻘﻠﻴﻦ ﻋﻠﻴﻪ ﺍﻣﺪﺍﺝ ﺍﻣﺪﻩ ﺣﻀﺞ ﻣﻮ ﻭﺟﻪ ﻧﻌﻤﻪ ...
ﺭﺩﻳﺖ ﻋﻠﻴﻬﺎ ... ﻣﺎ ﺍﺭﻳﺪﻭﻭﻭ ﺍﻛﺮﻫﻮﻭﻭ ﺍﻛﺮﻫﻮﻭﻭ
ﺻﺎﺣﺖ ﺑﻐﺮﻭﺭ .... ﻃﺎﺭﻕ ﻃﺎﺭﻕ ﺗﻌﺎﻝ ﺷﻮﻑ ﺑﺖ ﺍﺧﻮﻭﻙ ﻣﺎ ﺗﺮﻳﺪ ﺍﺑﻮ ﻋﺪﻭﻳﻪ ...
ﻫﻮ ﺍﺟﻪ ﻣﺜﻞ ﺍﻟﺜﻮﺭ ﺍﻟﻬﺎﻳﺞ ﻛﺎﻝ ... ﻟﺞ ﺑﺖ ﺍﻟﺰﻣﺎﻝ ﻣﻮ ﺗﻌﺎﻓﻴﺘﻲ ﺻﺎﺭ ﺑﺎﺿﺎﻓﺮﺝ ﻃﺤﻴﻦ ﻻ ﻭﺣﻖ ﺍﻟﻠﻪ ﺍﺷﻚ ﺣﻠﻜﺞ ﺑﺎﻟﻘﻨﺪﺭﻩ ﻓﻮﻙ ﻣﺎ ﺟﺒﻠﺘﻬﺎ ﺭﺟﻞ ﻳﺴﻮﻩ ﺭﺍﺳﻬﺎ
ﺟﺎﻭﺑﺘﻪ ﺑﻘﻬﺮ ... ﻣﺎ ﺍﺭﻳﺪﻭ ﺍﺣﺲ ﺍﻧﻲ ﺻﻐﻴﺮﻩ ﻋﻠﺊ ﺍﻟﺰﻭﺍﺝ
ﻛﺎﻝ ﺑﺤﻘﺎﺭﻩ ... ﻟﻮ ﻳﻨﺎﻡ ﻭﻳﺎﺝ ﻛﻮﺍﺍﺍ ... ﻣﺎ ﻳﺤﺒﻠﺞ ﺍﻧﺠﺒﻲ ﻟﺞ ﻋﺎﺭ ﺍﺑﻮ ﻋﺪﻭﻳﻪ ﻛﻌﺪﻧﻪ ﺑﻴﺘﻪ ﻭﺟﺎﻱ ﻧﺎﻛﻞ ﻣﻦ ﺧﻴﺮﻩ ﺍﺗﺰﻭﺟﻲ ﻭﺍﻟﺼﻤﻲ ﺣﻠﻜﺞ ﻻ ﻭﺍﻟﻠﻪ ﺣﺘﺊ ﺗﻮﻟﻴﻦ ﺍﺷﻤﺮﻫﺎ ﺷﻤﺮﺓ ﺍﻟﻜﻠﺐ ...
ﺗﺮﻛﺘﻪ ﻭﺭﺣﺖ ﺻﻌﺪﺕ ﻓﻮﻙ ﺍﻟﺤﻜﻲ ﻭﻳﺎﻩ ﺿﺎﻳﻊ ﻣﺪﺍﻡ ﻣﺎ ﻳﻌﺮﻑ ﺭﺑﻮ ﺍﻛﻴﺪ ﻣﺮﺍﺡ ﺍﺍﺛﺮ ﻋﻠﻴﻪ ... ﺧﺎﻳﻔﻪ ﻋﻠﺊ ﺍﺧﺘﻲ ﻛﺜﻴﺮ ...
ﺩﺣﻜﺖ ﻟﺴﻄﺢ ﺷﻔﺖ ﻣﺴﻠﻢ ﻳﻄﻴﺮ ﺑﻄﻴﻮﺭﻩ ﻫﻤﺴﺖ ﺑﻬﺪﻭﺀ ... ﻣﺴﻠﻢ ﺍﻧﻲ ﺍﺣﻜﻲ ﻭﻳﺎﻙ ﺍﺭﻳﺪ ﻣﻤﻜﻦ ﺷﻮﻳﻪ ..
ﻫﻮ ﺩﺣﻚ ﻋﻠﻴﻪ ﻛﺎﻝ ﺑﺒﺘﺴﺎﻣﻪ ... ﺑﻮﻭﻳﻪ ﻣﺮﻩ ﺻﻴﻨﻴﺔ ﺍﻟﻘﺎﺳﻢ ﺍﻟﻤﻨﻄﻘﻪ ﻛﻠﻬﺎ ﺗﺮﻭﺣﻠﺞ ﻓﺪﻭﻩ ﺃﻭﻟﻬﻢ ﺍﺑﻮ ﻋﺪﻭﻳﻪ
ﺍﺑﺘﺴﻤﺖ ﺑﻘﻬﺮ ﻛﻠﺘﻠﻮ ... ﻣﺴﻠﻢ ﺍﺗﺮﻛﻨﺎ ﻣﻦ ﻫﻞ ﺣﻜﻲ ﻳﻮﻝ ﻣﺤﺘﺎﺟﺘﻚ ﺿﺮﻭﺭﻱ ﺍﻧﺖ ﻻﺯﻡ ﺗﺨﻠﺼﻨﻲ ﻣﻦ ﺍﺑﻮ ﻋﺪﻭﻳﻪ
ﻛﺎﻝ .. ﺗﻘﺮﺑﻲ ﻋﻠﻴﻪ ﻭﺧﻠﻲ ﻳﺼﻮﺭﻭﻧﻪ ﺍﻟﻤﻄﻴﺮﺟﻴﻪ ﻭﻳﻨﺸﺮﻭﻧﻪ ﻭﻧﻨﻔﻀﺢ ﻭﻧﺘﺰﻭﺝ ﻭﻳﻄﻠﻜﺞ ﺍﺑﻮ ﻋﺪﻭﻳﻪ
ﺭﺩﻳﺖ ... ﻻ ﻣﻮ ﻫﻴﻚ ﺍﻧﻲ ﻋﻨﺪﻱ ﻭﺭﻗﻪ ﺣﺎﺑﻪ ﺗﻮﺻﻠﻬﺎ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ ﻻﺑﻮ ﻋﺪﻭﻳﻪ ..
ﺩﺣﻜﻠﻲ ﺑﺎﺳﺘﻐﺮﺍﺏ ... ﻭﺭﻗﺔ ﺷﻨﻮﻭ ﺗﺰﻭﻳﺮ ﺗﻬﺪﻳﺪ ﻗﺘﻞ ﺑﺮﺳﻢ ﺍﻟﺨﺪﻣﻪ ... ﺍﻭﺩﻱ ﺗﻔﺼﻴﺦ ﻟﻠﻨﺠﻒ ..
ﻛﺘﻠﻮ .. ﻻ ﻻ ﻣﺠﺮﺩ ﻭﺭﻗﻪ ﻋﺎﺩﻳﻪ ﺍﻟﻠﻪ ﻳﺨﻠﻴﻚ ﻣﺴﻠﻢ ﺧﻠﺼﻨﻲ ﻣﻨﻮ ﻣﺎ ﺍﺣﺒﻮﻭ ﺷﻜﻠﻮ ﻣﻘﺰﺯ
ﻫﻤﺲ ﺑﻬﻴﺎﻡ ﻭﺍﻧﻲ ﺍﺑﺘﻌﺪﺕ ... ﻭﺷﻜﻠﻲ؟
ﺭﺩﻳﺖ ﺑﺨﻮﻑ .. ﻣﻘﺰﺯ ﺍﻛﻴﺪ ﺑﺲ ﺍﺣﺴﻦ ﺑﻜﺜﻴﺮ ﻣﻦ ﺍﺑﻮ ﻋﺪﻭﻳﻪ ﻳﻮﻝ ﻭﻋﺪ ﺍﺫﺍ ﺗﺮﻛﻨﻲ ﺍﺑﻮ ﻋﺪﻭﻳﻪ ﺍﺗﺰﻭﺟﻚ ...
ﻛﺎﻝ .. ﻛﻠﻠﻠﻮﺵ ﺍﻟﻴﻮﻡ ﻛﺎﺗﻠﻪ ﻭﺩﺍﻓﻨﻪ ﺑﺼﻒ ﺭﺟﻠﻪ ﺍﻟﻠﻪ ﻻ ﻳﺮﺣﻤﻬﺎ ... ﻣﻮ ﺭﺟﻞ ﻃﺎﻟﻌﻪ ﻋﻦ ﺍﻟﻄﺮﻳﻖ ..
ﺍﺑﺘﺴﻤﺖ ... ﺍﻧﺘﻈﺮﻧﻲ ﻫﻮﻧﻲ ﺭﺍﻳﺤﻪ ﺍﺟﻴﺐ ﺍﻟﻮﺭﻗﻪ ﻣﻮ ﺗﺮﻭﺡ ﻳﻮﻝ ...
ﺩﺣﻜﻠﻲ ﺑﺠﺮﺍﺋﻪ ... ﺭﺍﺣﺖ ﺭﻭﺣﻲ ﻭﺭﻭﺡ ﺍﺑﻮ ﻋﺪﻭﻳﻪ ﺍﺫﺍ ﺭﺣﺖ ﺍﻟﻴﻮﻡ ﺍﺑﺎﺕ ﺑﮕﻦ ﺍﻟﺪﺟﺎﺝ ...
ﻧﺰﻟﺖ ﺑﺴﺮﻋﻪ ﻭﺑﻌﺪﻫﺎ ﺻﻌﺪﺕ ﻟﻜﻴﺘﻮ ﺑﻌﺪﻭ ﻭﺍﻛﻒ ﻋﻠﺊ ﺍﻟﺴﻴﺎﺝ .. ﺍﻧﻄﻴﺘﻮ ﺍﻟﻮﺭﻗﻪ ..
ﺩﺣﻚ ﺑﻴﻬﺎ ﻭﻗﺮﺍﻫﺎ ﺩﺣﻜﻠﻲ ﻣﺘﻔﺎﺟﺊ ... ﺍﻧﺘﻲ ﺟﻨﺘﻲ !!!...
ﻫﺰﻳﺖ ﺭﺍﺳﻲ ﺑﺴﺮﻋﻪ ... ﺍﻱ ﺍﻱ ﺍﺧﺬ ﺍﻟﻮﺭﻗﻪ ﻭﻫﺰ ﺭﺍﺳﻪ ﺑﻌﺪﻡ ﻣﺎ ﻋﺾ ﺷﻔﺘﻮ ...
ﺍﺗﺼﻞ ﻣﻮﺑﺎﻳﻠﻲ ﺷﻔﺘﻮﻭ ﺭﻗﻢ ﺑﻨﺖ ﺧﺎﻟﺘﻲ ﻳﺎﺳﻤﻴﻦ ﻣﺎ ﺭﺩﻳﺖ ﻋﻠﻴﻬﺎ ﺍﻟﺤﻘﻴﺮﻩ ﻫﻲ ﺍﻟﺴﺒﺐ ﺍﻻﻭﻝ ﺑﺎﻟﻲ ﺍﻧﻲ ﺑﻲ ...
ﻭﺑﻌﺪﻫﺎ ﻛﺘﺒﺖ ﺭﺳﺎﻟﻪ ... ﻗﺪﺭ ﻟﻴﺶ ﻣﺎ ﺗﺤﻜﻲ ﻭﻳﺎﻱ ﺍﻧﻲ ﻣﺜﻠﻚ ﻣﺎ ﺣﺼﻠﺖ ﺷﺊ ﻣﻦ ﺍﻟﺼﺎﺭ ﻭﻛﻞ ﻭﺍﺣﺪ ﺭﺍﺡ ﺑﺤﺎﻝ ﺳﺒﻴﻠﻮﻭ ...
ﺿﺤﻜﺖ ﺑﺘﺴﺘﻬﺰﺍﺀ ... ﺭﺍﺡ ﺑﺤﺎﻝ ﺳﺒﻴﻠﻮ ﻛﻠﺒﻪ ﺍﺳﺘﻐﻠﺘﻨﻲ ﺑﺎﺻﻌﺐ ﺍﻟﻀﺮﻭﻑ ﻭﺍﻟﻠﻪ ﻻﻧﺘﻘﻢ ﻣﻨﻚ ﻛﺴﺮﺗﻴﻨﻲ ﻛﺴﺮ ﻳﺎ ﺣﻤﺎﺭﻩ ...
ﺧﺎﻳﻨﻪ ﻏﺪﺍﺭﻩ ...
ﺍﻧﺘﺒﻬﺖ ﻋﻠﺊ ﺣﻜﻲ ﻣﺴﻠﻢ ﻟﻤﺎ ﻛﺎﻝ ... ﺑﺲ،ﺗﺘﻮﻗﻌﻴﻦ ﺍﺑﻮ ﻋﺪﻭﻳﻪ ﺭﺍﺡ ﻳﻬﺘﻢ ﻟﻬﺎﻱ ﺍﻟﻮﺭﻗﻪ ﻫﺬﺍ ﺍﻫﻢ ﺷﺊ ﻋﻨﺪﻩ ﻏﺮﻳﺰﺗﻪ ...
ﺟﺎﻭﺑﺘﻪ ... ﺍﺣﻜﻴﻠﻮ ﻛﻠﻮ ﻫﻲ ﺗﺤﺒﻮﻭ ﻣﺎ ﺗﺤﺒﻚ ﻭﻟﺤﺪ ﻫﺴﻪ ﻋﻨﺪﻫﺎ ﻋﻼﻗﻪ ﺑﻲ
ﻛﺎﻝ .. ﻫﺬﺍ ﺍﻟﻜﻼﻡ ﺻﺢ
ﺟﺎﻭﺑﺖ ... ﻣﻮ ﺷﻐﻠﻚ ﺍﻧﺖ ﺑﺲ ﺳﺎﻋﺪﻧﻲ ﺍﻟﻠﻪ ﻳﺨﻠﻲ ﺍﻣﻚ
ﻫﺰ ﺭﺍﺳﻪ ﺑﺄﻱ ﻛﻠﺘﻠﻮ .. ﻳﺎﻟﻠﻪ ﻣﻊ ﺍﻟﺴﻼﻣﻪ ﻣﺴﻠﻢ ﻳﻮﻝ ﻻ ﺗﻨﺴﺎﻧﻲ ﺍﻧﻲ ﺩﺧﻴﻠﺘﻚ ...بيج قصص عراقيه حقيقيه من واقعنا.روعه الطائي
ﻛﺎﻝ ... ﺻﺪﻙ ﺟﺬﺏ ﻭﺍﻟﻠﻪ ﺍﻧﺘﻲ ﺍﻋﺰ ﻣﻦ ﺳﺘﻮﺗﻲ ﻣﻦ ﺍﺷﻮﻓﺞ ﻳﺼﻴﺮ ﺑﻴﻪ ﺯﻫﺎﻳﻤﺮ ... ﻫﺴﻪ ﻟﻮ ﺍﻧﺘﻲ،ﺑﺪﺍﻝ ﺍﻡ ﻋﺒﺪﺍﻟﻠﻪ ﻭﺍﻟﻠﻪ ﻃﻠﻲ ﻷﺑﻮ ﻓﺎﺿﻞ ﻭﺍﺗﻴﻬﻪ ﺑﻨﺺ ﺍﻟﺰﻭﺍﺭ ..
ﺿﺤﻜﺖ ﻭﺗﺮﻛﺘﻮ ﻭﻧﺰﻟﺖ ﺟﻮﻩ ...
ﻳﺎﺭﻳﺖ ﻫﻞ ﻭﺭﻗﻪ ﺗﻜﻮﻥ ﻣﻔﻴﺪﻩ ﺑﺎﻟﻨﺴﺒﻪ ﺍﻟﻲ ﻭﻳﻨﻚ ﻳﺎ ﻣﺎﻣﺎ ﻭﺍﻟﻠﻪ ﺗﻌﺒﺖ ﻭﺿﺎﻗﺖ ﺑﻴﻪ ﺍﻟﺪﻧﻴﺎ ﻣﻦ ﻏﻴﺮ ﺍﺧﻮﺍﻧﻲ ﻛﺎﺳﺮﻳﻨﻲ ﻛﺴﺮ ﻭﻻ ﺍﻛﺪﺭ ﺍﺗﺮﻛﻬﻢ ..
ﻛﻠﻮ ﺑﺴﺒﺐ ﻳﺎﺳﻤﻴﻦ ﺍﻟﻜﻠﺒﻪ ...
......................
ﻣﻴﺲ
ﺟﻨﻪ ﻛﺎﻋﺪﻳﻦ ﺑﺎﻻﺳﺘﻘﺒﺎﻝ ﺻﺎﺭ ﻋﺸﺮﺓ ﺍﻳﺎﻡ ﻋﻠﻰ ﺧﻄﺒﺔ ﺗﺎﺝ ..
ﺍﻟﻬﺪﻭﺀ ﻣﺎ ﺑﻌﺪ ﺍﻟﻌﺎﺻﻔﻪ ﻣﺎﻛﻮ ﺍﻱ ﺷﺊ ﻭﻫﻤﻪ ﺛﻨﻴﻨﻬﻢ ﻣﺎ ﺑﻴﻨﻬﻢ ﺍﻱ ﺍﺗﺼﺎﻝ ﺍﻭ ﺭﻭﺣﻪ ﻭﺟﻴﻪ ﻫﻮ ﻻ ﻳﺘﺼﻞ ﻭﻻ ﻫﻲ ﺑﺲ ﻣﺮﺍﺕ ﻳﺨﺎﺑﺮﻫﺎ ﻳﺴﺄﻝ ﻋﻠﺊ ﺍﻟﺒﻨﺎﺕ ﻭﻋﻠﻴﻬﺎ ﻭﻳﻄﻔﻲ ..
ﻫﻲ ﺗﻀﻮﺝ ﺑﺲ ﻣﺎ ﺗﺒﻴﻦ ﺍﻟﻪ ﻣﺎﺍﻋﺮﻑ ﻫﻮ ﻣﺎﻋﻨﺪﻩ ﺍﻫﺘﻤﺎﻡ ﺍﻭ ﺧﺠﻼﻥ ﻻﻥ ﻛﺎﻧﺖ ﺯﻭﺟﺔ ﺍﺧﻮﻭ ...
ﻫﺸﺎﻡ ﻣﺎ ﺭﺿﺊ ﻋﻠﺊ ﺧﻄﺒﺔ ﺗﺎﺝ ﻛﺎﻝ ... ﻭﺍﻟﻠﻪ ﻫﻤﻪ ﻧﻔﺲ ﺍﻟﺰﻓﺖ ﻭﺍﺣﺪ ﺍﺧﺲ ﻣﻦ ﺍﻟﺜﺎﻧﻲ
ﻣﺎﻣﺎ ﻛﻠﺘﻠﻪ ... ﻫﺸﺎﻡ ﺍﻟﺨﺎﻃﺮ ﺍﻟﺒﻨﺎﺕ ﻳﻌﻨﻲ ﻭﻳﻦ ﻳﺮﺣﻦ ﻳﺘﺒﻬﺬﻟﻦ
ﻫﺸﺎﻡ .. ﺗﻀﺤﻴﻦ ﺑﺘﺎﺝ ﻭﻳﻪ ﺍﻟﻮﺣﻮﺵ ﻭﺍﻟﻘﺘﻠﻪ ﻟﺨﺎﻃﺮ ﺍﻟﺒﻨﺎﺕ ﺗﻀﻠﻤﻴﻬﺎ ﻳﻌﻨﻲ ﻋﻨﺪﺝ ﻋﺎﺩﻱ ﺗﺮﺉ ﻛﺴﺮﺗﻲ ﺿﻬﺮﻫﺎ ﻣﺮﺗﻴﻦ ﺗﻜﺪﺭﻳﻦ ﺗﻌﺎﺭﻛﻴﻦ ﺍﻟﻜﻞ ﻭﺗﺎﺧﺬﻳﻦ ﺍﻟﺒﻨﺎﺕ ﺑﺲ ﺍﻧﺘﻲ ﺿﻌﻴﻔﻪ ﻳﻤﻪ ﻭﻣﺎ ﻫﻤﺘﺞ ﻫﺒﻪ ﺍﻻﺣﺘﺮﻛﺖ ﺑﺴﺒﺒﻬﻢ ﺍﻧﺘﻲ ﺑﺪﻝ ﻣﺎ ﺗﻜﻄﻌﻴﻦ ﻋﻼﻗﺘﺞ ﺑﻴﺖ ﻋﻤﻲ ﺭﺟﻌﺘﻲ ﻭﻋﺪﺗﻲ ﺍﻣﺠﺎﺩﻫﻢ ﻭﺍﻟﻠﻪ ﻣﺎﺍﻋﺮﻑ ﺷﻠﻮﻥ ﺗﻔﻜﺮﻳﻦ ﺍﻧﺘﻲ ..
ﻣﺎﻣﺎ ﺟﺮﺕ ﻧﻔﺲ ﻭﺿﻠﺖ ﺗﻴﺠﻲ ... ﻫﺸﺎﻡ ﺍﻧﻲ ﺍﻡ ﺗﻌﺮﻑ ﺷﻨﻮ ﺍﻡ ﺗﻌﺒﺖ ﻭﺍﻟﻠﻪ ﺗﻌﺒﺖ ﻋﺒﺎﻟﻚ ﻫﺒﻪ ﻣﺎ ﻛﺎﺳﺮﺓ ﺿﻬﺮﻱ ﻭﻟﻚ ﻳﻤﻪ ﺻﺮﺕ ﺍﺣﻠﻒ ﺟﺬﺏ ﺣﺘﺊ ﺍﻟﻌﺎﻟﻢ ﺗﺘﺮﺣﻢ ﻋﻠﻴﻬﺎ ﻭﺍﻛﻮﻝ ﻣﺎﺗﺖ ﺑﺎﻟﻄﺒﺎﺥ ... ﺧﻠﻴﻨﻲ ﺳﺎﻛﺘﻪ ﻫﺸﺎﻡ ﻛﻠﺒﻲ ﻣﻠﻴﺎﻥ ﺩﻡ ...
ﻫﺸﺎﻡ ﺳﻜﺖ ﻣﺎﻳﺮﻳﺪ ﻳﺠﺮﺡ ﻣﺎﻣﺎ ﺍﻛﺜﺮ ﻣﻦ ﻫﻴﺞ ﻭﻳﻌﺮﻑ ﺑﻤﺎﻣﺎ ﻏﻠﻄﺎﻧﻪ ﻭﻣﺘﻌﺘﺮﻑ ﺑﺨﻄﺎﻫﺎ ...
ﺧﻠﻴﺖ ﻭﺭﺣﺖ ﺍﻟﺘﺎﺝ ﺍﺷﻮﻓﻬﺎ ﻟﻜﻴﺘﻬﺎ ﻛﺎﻋﺪﻩ ﺗﺒﺠﻲ ...
ﺣﻀﻨﺘﻬﺎ ﻛﻠﺘﻠﻬﺎ ... ﺷﺒﻴﺞ ﺗﺎﺝ ﻟﻴﺶ ﺗﺒﺠﻴﻦ؟
ﻣﺴﺤﺖ ﺩﻣﻮﻋﻬﺎ ﻛﺎﻟﺖ ... ﺗﻌﺎﺭﻛﺖ ﻭﻳﻪ ﺍﺑﺎﺫﺭ
ﺍﻧﺼﺪﻣﺖ ﺷﻔﺘﻬﺎ ﻻﺯﻣﻪ ﺍﻟﻤﻮﺑﺎﻳﻞ ﺍﺣﺘﻤﺎﻝ ﺧﺎﺑﺮﺗﻪ ﻭﻫﻮ ﺯﻋﺠﻬﺎ ﻛﻠﺘﻠﻬﺎ ... ﻳﺎﺍﺍ ﻟﻴﺶ ﺷﻜﻮﻭ ﺷﺼﺎﻳﺮ ﺍﺣﺠﻲ ﺣﺒﻴﺒﺘﻲ
ﺭﺩﺕ ﺑﻬﺪﻭﺀ ... ﺗﻌﺎﺭﻛﺖ ﻭﻳﺎﻩ
... ﻟﻴﺶ؟
ﺭﺩﺕ ... ﻭﺍﺣﺪ ﻣﺘﻌﺠﺮﻑ ﺍﻛﺮﻩ ﻣﺎﺍﺣﺒﻪ ﻭﺍﻟﻠﻪ ﻣﺎ ﺍﺣﺒﻪ
ﻛﻠﺘﻠﻬﺎ .. ﻟﻌﺪ ﺷﻜﻮ ﺍﻧﺨﻄﺒﺘﻲ
ﺟﺮﺕ ﻧﻔﺲ ﻭﺑﺒﻜﺎﺀ ﻛﺎﻟﺖ ... ﺣﻀﻲ ﻏﻴﻴﺮ ..
ﻣﻌﺮﻓﺖ ﻋﻠﺊ ﺷﻨﻮ ﺗﻌﺎﺭﻛﺖ ﻭﻳﺎﻩ ﺑﺲ ﻫﻲ ﺧﻠﺖ ﻭﻃﻠﻌﺖ ﻣﻦ ﺍﻟﻐﺮﻓﻪ ﻭﺍﺧﺬﺕ ﻣﻮﺑﺎﻳﻠﻬﺎ ...
ﺗﺎﺝ ..
ﻃﻠﻌﺖ ﻟﻠﺤﺪﻳﻘﻪ ﻭﺍﻧﻲ ﺍﺑﺠﻲ ﻭﺍﻧﻮﺡ ﻣﺎﺍﻋﺮﻑ ﺭﻏﻢ ﻛﻼﻣﻪ ﻋﺎﺩﻱ ﺑﺲ ﺗﺤﺴﺴﺖ ...
ﺧﺎﺑﺮﺕ ﺧﺎﻟﻪ ﺷﻮﻳﻪ ﻭﺍﺟﺎﻧﻲ ﺻﻮﺗﻬﺎ ﻛﺎﻟﺖ ... ﺍﻟﻮﻭ ﻫﺎﺍ ﺧﺎﻟﻪ
ﺟﺎﻭﺑﺘﻬﺎ ﺑﺒﻜﺎﺀ .. ﺧﺎﻟﻪ ﺳﻮﻳﻠﻲ ﺍﻟﺠﻮﺍﺯ ﺣﺘﺊ ﻧﺴﺎﻓﺮ ﻣﺎﺍﺭﻳﺪ ﺍﺿﻞ ﻫﻨﺎ ...
ﻛﺎﻟﺖ ... ﺷﻜﻮ ﺷﺼﺎﺭ ﺍﻛﻴﺪ ﻧﺴﺎﻓﺮ ﺑﺲ ﺍﻧﺘﻲ ﺟﺒﺘﻲ ﺍﻟﻔﻠﻮﺱ
ﻛﻠﺘﻠﻬﺎ ... ﺩﺯﻳﺘﻠﻪ ﺻﻮﺭ ﺍﻟﺨﻄﺒﻪ ﺩﺍ ﺍﺷﻮﻓﻬﻦ ﺍﻟﻪ ﻭﺍﻛﻮﻟﻪ ﻋﻠﺊ ﻓﻠﻮﺱ ﺍﻟﻤﻬﺮ ﺍﺷﻮ ﻫﺬﺍ ﻳﻜﻮﻟﻲ ﺍﻟﺼﻮﺭ ﺍﺣﺬﻓﻴﻬﻦ ﻣﻦ ﻣﻮﺑﺎﻳﻠﺞ ﻭﺿﻞ ﻳﺤﺠﻲ ﻳﻜﻮﻝ ﺍﻧﺘﻲ ﻣﻤﻠﺘﺰﻣﻪ ﺑﺤﺠﺎﺑﺞ ﻭﻣﺘﺒﺮﺟﻪ ﺯﻳﺎﺩﻩ ﻻﺯﻡ ﺗﺤﺎﻓﻈﻴﻦ ﻋﻠﻰ ﻧﻔﺴﺞ ﺩﻳﺤﺴﺴﻨﻲ ﺍﻧﻲ ﺳﺎﻓﻠﻪ ﻭﻣﺎﻋﻨﺪﻱ ﺍﺧﻼﻕ ﻛﻼﻣﻪ ﺣﻴﻞ ﻣﺴﺘﻔﺰ ﺑﺲ ﺍﻧﻲ ﻣﻘﺼﺮﺕ ﻣﺨﻠﻴﺖ ﻛﻠﻤﻪ ﻣﺤﺠﻴﺘﻬﺎ ﻭﺗﺎﻟﻲ ﺧﺎﺑﺮﺗﻪ ﺑﻌﺪﻫﺎ ﺿﻞ ﻳﺼﻴﺢ ﻭﻗﻔﻞ ﺍﻟﺨﻂ ﺑﻮﺟﻬﻲ ..
ﻛﺎﻟﺖ .. ﺭﻭﺣﻲ ﺻﺎﻟﺤﻲ ﻻﺯﻡ ﻳﻨﻄﻴﺞ ﺍﻟﻔﻠﻮﻭﺱ ﺣﺘﺊ ﻧﻨﻬﺰﻡ
ﻛﻠﺘﻠﻬﺎ ... ﻫﻮ ﻻﺯﻡ ﺍﻧﻬﺰﻡ ﺍﻧﻲ ﺍﺭﻳﺪ ﺍﻧﻬﺰﻡ ﻣﻠﻴﺖ ﺗﻌﺒﺖ ﺍﺣﺠﻲ ﻭﻳﻪ ﻣﺤﻤﺪ .. ‏« ﺯﻭﺟﻬﺎ ‏» ﺣﺘﺊ ﻳﺸﻮﻓﻠﻲ ﺣﻞ
ﺣﺴﻴﺖ ﺻﺎﺭﺕ ﻃﻜﻄﻜﻪ ﻗﻔﻠﺖ ﺍﻟﻤﻮﺑﺎﻳﻞ ﺑﺴﺮﻋﻪ ﺑﺎﻭﻋﺖ ﻭﺭﺍﻳﻪ ﺷﻔﺘﻪ ﻭﺍﻛﻒ ﺑﺎﻭﻋﻠﻲ ﺑﺎﺍﺳﺘﻐﺮﺍﺏ ﻭﺿﻮﺀ ﺍﻟﻘﻤﺮ ﻳﻀﺮﺏ ﺑﻌﻴﻮﻧﻪ ﻛﺎﻝ ﺑﺘﺴﺎﺅﻝ ﻭﻏﻤﻮﺽ ... ﻭﻳﻦ ﺗﻨﻬﺰﻣﻴﻦ؟
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻨﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻭﻗﻔﻪ .. ﻗﺪﺭ ﻓﺘﺎﺓ ﻧﺎﺯﺣﻪ ﻣﻦ ﺍﻻﻧﺒﺎﺭ ﻣﻦ ﻣﻨﻄﻘﺔ ﺣﺪﻳﺜﻪ ﻋﺬﺭﺍﺀ ﺍﻻﻧﺒﺎﺭ ﻭﻫﺬﻱ ﻫﻲ ﻟﻬﺠﺘﻬﺎ ... ﻟﺬﻟﻚ ﻗﺪﺭ ﻣﻮ ﻣﺼﻼﻭﻳﻪ ﻣﻮ ﻣﺼﻼﻭﻭﻭﻭﻭﻭﻭﻳﻪ ﺍﻛﺒﺮ ﻟﻮ ﻛﺎﻓﻲ 😂
ﺍﺣﺒﻨﻜﻢ ﻭﺍﻟﻠﻪ ...
ﻻ ﺗﻨﺴﻮ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ 😘.




فيتامين سي غير متواجد حالياً   رد مع اقتباس