#ﺻﺮﺧﺎﺕ_ﻏﻴﺮ_ﻣﺴﻤﻮﻋﻪ_ج٢
ﺑﻘﻠﻢ ﺍﻟﻜﺎﺗﺒﻪ ﺍﻡ ﻏﺎﻳﺐ
ﺍﻟﻨﺎﻗﻠﻪ ﺯﻭﺯﻩ
#بارت١٥
ﺳﻠﻤﻠﻲ ﻋﻠﻰ ﺭﻭﺣﻚ ﻣﻦ ﻳﻤﺴﻬﺎ ﺍﻟﺸﻮﻙ
ﻭﻛﻠﻬﺎ ﺍﻟﻜﺒﻞ ﺣﺒﺞ ﺑﺸﺮ ﻣﻮ ﺳﻠﻌﻪ
ﺷﻜﻠﻲ ﻳﻠﻮﻛﻠﻚ ﺑﺲ ﻋﻨﺪﻙ ﺍﺯﻣﺔ ﺫﻭﻕ
ﺍﻟﻴﻐﺮﺩ ﻟﻚ ﻋﻤﺮ ﻣﺎﺗﻌﺮﻑ ﺗﺴﻤﻌﻪ
ﻫﺴﻪ ﺍﻧﺖ ﺑﻌﺖ ﺑﺲ ﻋﺎﺩ ﻟﻮ ﺭﺑﺤﺎﻥ
ﺷﺎﺭﻳﻨﻲ ﺑﻜﻤﺮ ﻭﺗﺒﻴﻌﻨﻲ ﺑﺸﻤﻌﻪ
ﻟﻠﺸﺎﻋﺮ ﺭﺍﺋﺪ ﺍﺑﻮ ﻓﺘﻴﺎﻥ 💔
ﻭﺍﻧﻲ ﻭﺍﺣﺠﻲ ﺩﺧﻞ ﻓﺎﺭﺱ
ﺑﺎﻭﻋﺖ ﻋﻠﻲ ..... ﻭﻫﻮ ﺧﺰﺭﻧﻲ ..... ﻛﺒﻞ ﺳﺪﻳﺘﻪ
ﺷﻬﺪﺩﺩ ﺍﻧﻲ ﺷﻠﻮﻥ ﺑﻴﺞ
ﺍﻱ ﻫﻴﻪ ﺣﻘﻴﺮﻩ ﻭﺍﺩﺑﺴﺰ ﺷﺘﺮﻳﺪﻧﻲ ﻣﺜﻼً ﺍﺳﻜﺘﻠﻬﻪ
ﻻ ﻣﺘﺴﻜﺘﻴﻦ ﺑﺲ ﺗﻨﺰﻟﻴﻦ ﻣﺴﺘﻮﺍﺝ ﺍﻟﻤﺴﺘﻮﺍﻫﻪ
ﺧﻞ ﺗﻮﻟﻲ .....
ﺷﻬﺪﺩﺩﺩ ﺗﻌﺮﻓﻴﻦ ﻣﺎﺍﺣﺐ ﻫﺎﻱ ﺍﻟﺴﻮﺍﻟﻒ ..... ﻭﺑﻌﺪﻳﻦ ﺗﻌﺎﻱ ﻟﻴﺶ ﺗﺠﺬﺑﻴﻦ ﻭﺗﻜﻮﻟﻴﻦ ﻣﺮﻳﻢ ﻣﺨﺎﺑﺮﻩ ﻟﻴﺶ ﻣﺮﻳﻢ ﻣﻮ ﻋﺪﻫﻪ ﻣﻮﺑﺎﻳﻞ
ﻣﺎﺑﻲ ﺭﺻﻴﺪ ﺧﻄﻬﻪ ﻭﺑﻌﺪﻳﻦ
ﻭﺍﻟﻠﻪ ﻳﺎ ﻓﺎﺭﺱ .... ﻣﺸﻜﻠﺘﻚ ﺍﻧﻲ ﻣﺎﺍﺗﺤﻤﻞ ﺍﺳﻜﺖ ﻟﻠﻴﺘﺤﺎﺭﺵ ﺑﻴﻪ ﻭﻳﺤﺎﻭﻝ ﻳﺘﻘﺮﺏ ﺍﻟﺸﻲ ﻳﺨﺼﻨﻲ
ﺗﻘﺮﺏ ﻋﻠﻴﻪ ﻳﻌﻨﻲ ﺍﻧﻲ ﺍﺧﺼﺞ
ﺷﺘﻜﻮﻝ ﺍﻧﺖ
ﺍﻧﻲ ﻛﺎﻋﺪ ﺍﺳﺄﻟﺞ
ﺑﻬﺪﻭﺀ ... ﻭﺧﺠﻞ ﺍﻧﺖ ﺍﻟﻲ ﻭﺑﺲ ﻣﻠﻜﻲ ﻭﺣﺪﻱ
ﻭﺑﻌﺼﺒﻴﻪ ﻭﻫﺎﻱ ﻏﺰﺯﺯﻝ ﺍﺫﺍ ﺍﻟﺰﻣﻬﻪ ﺍﻛﻄﻌﻬﻪ ﺗﻜﻄﻊ ﺍﻟﺤﻘﻴﺮﻩ
ﺿﺤﻚ ..... ﺍﻱ ﻫﺎﻱ ﺷﻬﺪ ﺍﻟﻲ ﺍﻋﺮﻓﻬﻪ
ﺳﻜﺘﺖ ﻭﺍﻟﺤﺰﻥ ﺗﻤﻠﻜﻨﻲ ...... ﻳﻌﻨﻲ ﺍﻧﻲ ﻫﺬﺍ ﻫﻮ ﻋﺸﺖ ﺣﻴﺎﺗﻲ ﻃﺒﻴﻌﻲ ﺑﺪﻭﻥ ﻋﺴﻮﻟﻪ .
ﻟﺘﺨﻠﻴﻦ ﺍﺑﺘﺴﺎﻣﺘﺞ ﺗﺨﺘﻔﻲ .. ﺍﺭﻳﺪﺝ ﻫﻴﺞ ﺗﺒﻘﻴﻦ
ﻭﻋﺴﻮﻟﻪ
ﺷﻬﻮﺩﺗﻲ .... ﺗﺪﺭﻳﻦ ﺍﻟﻄﻔﻞ ﺍﻟﻲ ﻳﻤﻮﺕ ﻭﻳﺼﻴﺮ ﻃﻴﺮ ﻣﻦ ﻃﻴﻮﺭ ﺍﻟﺠﻨﻪ ﺍﻣﻪ ﻣﻦ ﺗﻤﻮﺕ ﻫﻮ ﻳﺴﺘﻘﺒﻠﻬﻪ
ﺑﺤﺰﻥ / ﺑﺲ ﺍﻧﻲ ﻛﺘﻠﺘﻬﻪ ﺍﻛﻴﺪ ﻣﺘﺴﺘﻘﺒﻠﻨﻲ
ﺣﺒﻴﺒﺘﻲ ﺍﻧﺘﻲ ﻣﺎﻟﺞ ﻋﻼﻗﻪ ﺭﺍﺡ ﺍﻋﻴﺪﻫﻪ ﻟﻠﻤﺮﻩ ﺍﻻﻟﻒ ﻫﺬﺍ ﻗﺪﺭ ﻭﺻﺎﺭ
ﻳﻌﻨﻲ ﻋﺴﻮﻟﻪ ﻫﻢ ﺗﺒﻘﻪ ﺗﺤﺒﻨﻲ
ﺍﻛﻴﺪ ﺗﺤﺒﺞ
ﻓﺎﺭﺱ ..... ﺗﺪﺭﻱ ﺍﻧﺖ ﻧﻌﻤﺔ ﺭﺏ ﺍﻟﻌﺎﻟﻤﻴﻦ ﺍﻟﻲ .... ﻭﺍﻟﻠﻪ ﺍﻟﻌﻈﻴﻢ ﺍﻧﻲ ﺍﺣﺴﺪ ﻧﻔﺴﻲ ﻋﻠﻴﻚ ..... ﺑﻜﻞ ﺍﻟﻤﻮﺍﻗﻒ ﺍﻟﺼﻌﺒﻪ ﺍﻧﺖ ﺳﻨﺪﺗﻨﻲ
ﻭﻟﺞ ﺍﻧﺘﻲ ﻏﻴﺮ ﺭﻭﻳﺤﺘﻲ ...... ﺍﺩﺭﻱ ﺍﻧﻲ ﺷﻌﻨﺪﻱ ﻏﻴﺮﺝ ﺑﻬﺎﻱ ﺍﻟﺪﻧﻴﺎ ﺍﺣﺒﻞ ﺍﺟﻴﺐ
ﺍﺑﺘﺴﻤﺖ ...... ﻣﻦ ﺷﻮﻛﺖ ﺗﺤﺒﻨﻲ
ﻫﺎﻱ ﺷﻨﻮﻭﻭ ﻣﻮ ﺣﺎﺟﻴﻬﻪ ﻗﺒﻞ
ﻧﺴﻴﺘﻬﻪ
ﻣﻦ ﺭﺟﻌﺖ ﻣﻦ ﺍﻟﺴﻔﺮ ﻣﺮﻩ ﻭﺍﻧﺘﻲ ﺟﻨﺞ ﺧﻨﻔﺴﺎﻧﻪ ...... ﺍﻧﻲ ﻛﺘﻠﺞ ﺑﻮﻗﺘﻬﻪ ﺧﻨﻔﺴﺎﻧﻪ ﻟﻮ ﺷﻨﻮﻭﻭ
ﻫﺎﺍﺍﺍﺍ ﺗﺠﺬﺏ ﻋﻠﻴﻪ ﻳﻌﻨﻲ ﻣﺠﻨﺖ ﺗﺤﺒﻨﻲ ﻫﺎﻱ ﻗﺼﻪ ﻟﻔﻘﺘﻬﻪ ﺿﺮﺑﺘﻪ ﺑﺒﻄﻨﻪ ﻭﺭﺩﺕ ﺍﻭﺧﺮ ﺟﺮﻧﻲ ﻭﺧﻠﻪ ﺍﻳﺪﻩ ﺗﺤﺎﻭﻁ ﺧﺼﺮﻱ
ﻭﻛﺘﻴﻠﻲ ﺟﺒﺘﻠﻲ ﻫﺪﻳﻪ ..... ﻛﺘﻠﺞ ﻻ ﻭﺍﻧﺘﻲ ﺟﻨﺘﻲ ﺷﺎﻳﻠﻪ ﺻﻮﻧﺪﻩ ﻭﺭﺷﻴﺘﻲ ﻋﻠﻴﻪ ﻣﻲ ﻭﺣﺒﺞ ﺑﻜﻠﺒﻲ ﺻﺎﺭ ﻣﻦ ﺍﻭﻝ ﺭﺷﻪ
ﻣﻲ
ﻭﺍﻧﺘﻲ
ﺿﺤﻜﺖ ﺧﺠﻠﺖ
ﻭﺍﻧﺘﻲ ﻳﻠﻠﻪ ﺍﺣﺠﻲ ﺍﻟﻴﻮﻡ ﻳﻮﻡ ﺍﻻﻋﺘﺮﺍﻓﺎﺕ
ﺍﻧﻲ ﺭﺍﺡ ﺍﺣﺠﻴﻠﻚ ﺑﺲ ﻣﻮ ﺗﻀﺤﻚ ﻋﻠﻴﻪ
ﺍﻱ ﺑﻠﻠﻪ ﺧﺎﺗﻮﻧﻪ ﺍﻃﺮﺑﻴﻨﻲ ﻭﺍﺻﺪﻣﻲ ﺍﺫﻧﻲ
ﻓﻜﺮﺕ ﺑﻌﻘﻠﻲ ﻭﻛﻠﺖ ﺍﻧﻲ ﻟﻴﺶ ﻣﺎﻋﻨﺪﻱ ﺣﺒﻴﺐ
ﺍﻳﻲ ﺑﺼﻔﻨﻪ
ﻣﺎﺍﻛﻤﻞ
ﺧﺰﺭﻧﻲ .... ﻛﻤﻠﻲ ﺧﻞ ﺍﻧﻄﺮﺏ ﻛﺘﻠﺞ
ﻓﻔﻜﺮﺕ ﻭﺷﻔﺘﻚ ﻭﺳﻴﻢ ﺣﻴﻞ ﻭﺣﺒﻴﺘﻚ
ﻫﺎﺍﺍﺍ ﻫﺬﺍ ﻏﻴﺮ ﺣﺐ
ﻭﺭﺍﻫﻪ ﺳﻜﻨﺖ ﻣﻮ ﺑﺲ ﻛﻠﺒﻲ ﺣﺘﻰ ﻋﻘﻠﻲ
ﻭﺧﺮ ﺍﻳﺪﻩ
ﻭﺍﻧﻲ ﻋﺒﺎﻟﻲ ﺗﺤﺒﻴﻨﻲ ﻭﻣﻦ ﻫﺎﻟﺴﻮﺍﻟﻒ ﺯﻳﻦ ﺑﺤﺎﻟﺔ ﻋﻘﻠﺞ ﺍﻟﻤﺘﺨﻠﻒ ﺍﺧﺘﺎﺭ ﻏﻴﺮﻱ ﻭﺍﺫﺍ ﺟﻨﺖ ﻣﻮ ﻭﺳﻴﻢ ﻣﺘﺤﺒﻴﻨﻲ
ﻃﺒﻌﺎً ﻻ ﻣﺎﺍﺣﺒﻚ
ﺍﺩﻱ ﻣﻦ ﺍﺑﻮﺳﻚ ﻏﻴﺮ ﺍﺳﺘﻤﺘﻊ ﺑﺸﻜﻠﻚ
ﻫﺎﺍﺍﺍﺍﺍ
ﺟﺬﺏ ﺟﺬﺏ ..... ﺍﺣﺒﻚ ﻣﻮ ﺍﻟﺸﻜﻠﻚ ﺍﺣﺐ ﻛﻠﺸﻲ ﺑﻴﻚ
ﺑﺲ ﺍﺫﺍ ﺗﺨﻮﻧﻲ ﻣﺎﺍﺣﺒﻚ ﺍﻛﻴﺪ .... ﺍﺑﻄﻞ
ﺍﻋﺘﺮﻓﻠﺞ ﺍﻋﺘﺮﺍﻑ ﺻﻐﻴﺮ
ﺍﻱ
ﻣﻊ ﺍﻟﻌﻠﻢ ﻫﻮﺍﻱ ﺗﻌﺮﻓﺖ ﻋﻠﻰ ﺑﻨﺎﺕ
ﺑﺎﻭﻋﺖ ﺑﺼﺪﻣﻪ
ﻳﻌﻨﻲ ﻣﻮ ﺍﻟﻪ ﻋﻼﻗﻪ ﻭﻟﺞ .... ﺻﻴﺮﻱ ﺷﻮﻳﻪ ﺣﻀﺎﺭﻳﻪ
ﺍﻱ ﺑﻠﻠﻪ
ﻣﺎﺑﻴﻬﻦ ﻭﻻ ﻭﺣﺪﻩ ﻣﺜﻞ ﻃﻔﻮﻟﻴﺘﺞ .... ﺍﻧﻲ ﺍﻛﺜﺮ ﺷﻲ ﺍﺣﺒﻪ ﺑﻴﺞ ﻃﻔﻮﻟﻴﺘﺞ
ﻃﻔﻮﻟﻴﺘﻲ .... ﺍﻧﻲ ﻣﻮ ﻃﻔﻠﻪ
ﺍﻧﺘﻲ ﻃﻔﻠﺘﻲ ﻭﺭﺍﺩ ﻳﺒﻮﺳﻨﻲ
ﺿﺮﺑﺘﻪ ﻋﻠﻰ ﺑﻄﻨﻪ ..... ﺍﻛﻮ ﻭﺍﺣﺪ ﻳﺒﻮﺱ ﻃﻔﻠﺘﻪ
ﺍﻳﺎﺍﺍﺍ ﻣﻠﻌﻮﻧﻪ .. ﺗﺮﻳﺪﻳﻦ ﺍﺿﺮﺑﺞ ﺍﻟﻴﻮﻡ
.............................................
ﺷﻴﺮﻳﻦ .... ﻣﺮﻥ ﺷﻬﺮﻳﻦ ﻋﻠﻰ ﺍﺗﺼﺎﻟﻲ ﺏ ﺍﺛﻴﺮ ﻭﺍﻧﻲ ﺻﺢ ﻣﺮﺗﺎﺣﻪ ﻻﻥ ﻋﻤﺮ ﺣﻜﻤﻪ ﻣﺆﺑﺪ ﻣﻮ ﺍﻋﺪﺍﻡ .....
ﻓﺰﻳﺖ ﺑﻴﻮﻣﻬﻪ ﻣﻦ ﺣﻠﻢ ﺧﻨﻜﻨﻲ ﺣﻴﻞ ﺣﻠﻤﺖ ﺑﻌﻤﺮ ﺗﻌﺒﺎﻥ ﻭﻣﺮﻳﺾ ..... ﻓﺰﻳﺖ ﺍﺑﺠﻲ ..... ﻳﺎﺭﺏ ﻭﺍﻟﻠﻪ ﺗﻌﺒﺖ ..... ﻳﺎ ﺭﺏ ﺗﻌﺒﺖ ﺣﻴﻞ .... ﺍﺭﺣﻤﻨﻲ ﻳﺎﺭﺏ ﻭﺍﻟﻠﻪ ﻋﻤﺮ ﺑﺮﻱﺀ ﺳﺎﻋﺪﻩ
ﺑﻘﻴﺖ ﻳﻮﻣﻲ ﻛﻠﻪ ﻣﻜﺮﻭﺏ ﻛﻠﺒﻲ ﻭﺍﻟﻜﺂﺑﻪ ﻣﺎﻟﻴﻪ ﻭﺟﻬﻲ
ﺟﻨﺖ ﻛﺎﻋﺪﻩ ﻣﺎﺍﺣﺲ ﺍﻟﻪ ﺍﻣﻲ ﺟﺎﻧﺖ ﺗﺤﺠﻲ ﺑﺎﻟﻤﻮﺑﺎﻳﻞ
ﻻ ...... ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ
ﻣﻦ ﺣﺠﺖ ﻫﻴﺞ ﺭﺣﺖ ﻭﻛﻔﺖ ﻛﺒﺎﻟﻬﻪ ﻣﺎﺍﻋﺮﻑ ﻟﻴﺶ ﺍﺟﻪ ﺑﺒﺎﻟﻲ ﻋﻤﺮ ﻣﻊ ﺍﻟﻌﻠﻢ ﻣﺎﻛﻮ ﺍﺣﺪ ﻳﻘﺮﺑﻨﻪ ﻣﻦ ﺍﻫﻠﻪ ﺣﺘﻰ ﻳﻜﻮﻟﻮﻥ
ﻭﻫﻴﻪ ﺗﺤﺠﻲ ﺑﻌﺪﻫﻪ ﻣﻨﻮﻭﻭ ﻣﺎﺕ ﻣﺎﻣﺎ
ﻭﻫﻴﻪ ﺗﺤﺠﻲ ﻭﻻ ﻳﻤﻬﻪ
ﺍﻭﻭﻭﻑ ﺍﻟﻠﻪ ﻳﻌﻴﻨﻬﻬﻪ ﺳﻮﺩﻩ ﻋﻠﻴﻪ
ﻫﺴﻪ ﺭﺍﺡ ﻧﺠﻲ
ﻣﻨﻮﻭﻭ ﻣﺎﺕ ﻣﺎﻣﺎ
ﻋﻠﻲ ﺧﻄﻴﺐ ﻣﺮﻳﻢ
ﻳﺎﺍﺍﺍﺍﺍﺍ ﺧﻄﻴﻪ ﺷﻠﻮﻥ
ﻣﻨﺘﻮﻝ ﺍﻟﻮﻟﺪ ﺟﺎﻱ ﻳﻐﺴﻞ ﺳﻴﺎﺭﺗﻪ ﻭﻣﻨﻜﻊ ﻭﺍﻟﻤﺎﻃﻮﺭ ﺳﺎﺣﺒﻪ
ﻻ ﺍﻭﻭﻳﻠﻲ ﺍﻟﻠﻪ ﻳﺴﺎﻋﺪﻫﻢ .... ﺭﺃﺳﺎً ﺑﺠﻴﺖ ﻛﻠﺶ ﺧﻮﺵ ﻭﻟﺪ ﺟﺎﻥ ﻭﻣﺮﻳﻢ ﻫﻮﺍﻱ ﺗﺤﻤﺪ ﺑﻲ
ﺑﺪﻟﺖ ﺑﺴﺮﻋﻪ ﻭﺭﺣﺖ ﻭﻳﻪ ﺍﻣﻲ ﻭﻋﻤﻪ ﺧﻮﻟﻪ ...... ﺍﻟﺒﻴﺖ ﻋﻤﻪ ﺍﻡ ﻗﻴﺼﺮ ﺍﻭﻝ ﺷﻲ
ﺷﻴﺮﻳﻦ / ﺍﻛﻴﺪ ﻫﺴﻪ ﺑﺒﻴﺘﻬﻢ ﺧﻞ ﻧﺮﻭﺡ ﻛﺒﻞ ﺍﻟﺒﻴﺖ ﺍﻡ ﻋﻠﻲ
ﺭﺣﺎﺏ / ﻻ ﺍﺧﺘﺞ ﻫﻢ ﺗﺮﻭﺡ ﻛﺎﻟﺖ ﺍﻣﺮﻟﻠﻬﻪ
ﺭﺣﻨﻪ ﺍﻟﺸﻬﺪ ﺟﺎﻧﺖ ﻣﺒﺪﻟﻪ ﻭﺟﺎﻫﺰﻩ ﻭﺭﺃﺳﺎً ﻃﻠﻌﻨﻪ
ﺧﻮﻟﻪ / ﺳﻮﺩﻩ ﻋﻠﻴﻪ ﻣﺮﻳﻢ ﺷﻨﻮ ﻭﺿﻌﻬﻪ
ﺷﻬﺪ / ﺗﺨﺮﺑﻄﺖ ﻣﻦ ﺳﻤﻌﺖ ﻭﺗﻜﺴﺮ ﺍﻟﺨﺎﻃﺮ
ﺍﻭﻭﻭﻑ ﻳﺎ ﺑﻨﺎﺕ ﺍﺧﻮﺍﻧﻲ ﻛﻠﺠﻦ ﻋﻠﻰ ﻫﺎﻟﺤﻆ ﺍﻻﻛﺸﺮ
ﻫﺴﻪ ﻭﻟﺪ ﻣﺜﻞ ﺍﻟﻮﺭﺩﻩ ﻫﻴﺞ ﻳﻤﻮﺕ ﺑﻠﻤﺢ ﺍﻟﺒﺼﺮ ....
ﺧﻮﻟﻪ / ﺷﻠﻮﻥ ﺩﺭﺕ
ﺷﻬﺪ / ﺷﻨﻮ ﺷﻠﻠﻮﻥ ﺩﺭﺕ ﻫﻮ ﻏﻴﺮ ﺍﻟﻔﺮﻉ ﺍﻧﻜﻠﺐ ﺑﺎﻟﺼﺮﻳﺦ
ﺷﻴﺮﻳﻦ / ﻭﺻﻠﻨﻪ ﺍﻟﺒﻴﺖ ﻋﻠﻲ ﺧﻄﻴﺒﻬﻪ ﺍﻣﻪ ﻭﺍﺧﻮﺍﺗﻪ ﻭﻣﺮﻳﻢ ﻳﻜﺴﺮﻥ ﺍﻟﻜﻠﺐ
ﺟﻨﻪ ﻛﺎﻋﺪﻳﻦ ﻭﻧﺒﺠﻲ ﻋﻠﻰ ﺑﺠﻴﻬﻦ ..... ﻓﺒﺼﻔﻲ ﻛﺎﻋﺪﺍﺕ ﻧﺴﻮﺍﻥ ﻣﺎﺍﺣﺲ ﺍﻟﻪ ﻳﺤﺠﻦ ﻋﻠﻰ ﻣﺮﻳﻢ
ﻣﻤﻢ ﺗﺒﺠﻲ ﺍﻟﻔﻜﺮ ... ﻓﻜﺮﺗﻪ ﻟﻠﻮﻟﺪ ﻭﻣﻮﺗﺘﻪ
ﺍﻱ ﻫﻴﻪ ﻫﺎﻱ ﻣﻮ ﺑﺖ ﻋﻤﻬﻪ ﻧﻔﺴﻬﻪ ﺍﻟﻲ ﺟﺎﻧﺖ ﺍﻟﻬﻪ ﻣﻘﺎﻃﻊ ﻓﺪﻳﻮ .... ﺍﺩﺭﻱ ﺍﻣﻪ ﺷﻠﻮﻥ ﻗﺒﻠﺖ
ﻳﻤﻌﻮﺩﻩ ﺗﻠﻜﻴﻬﻪ ﺳﺎﺣﺮﺗﻪ ﻟﻠﻮﻟﺪ ﻭﻣﻦ ﺍﻟﺴﺤﺮ ﻣﺎﺕ
ﺍﻱ ﻭﺍﻟﻠﻪ .... ﻛﻠﺸﻲ ﻳﻄﻠﻊ ﻣﻨﻬﻦ ﺫﻧﻲ
ﻛﺮﺻﺖ ﺷﻬﺪ ﺟﺎﻧﺖ ﺗﺒﺎﻭﻉ ﻋﻠﻰ ﻣﺮﻳﻢ ﻭﺗﺒﺠﻲ ﻛﺎﻋﺪﻩ ﻳﻢ ﺍﻡ ﻋﻠﻲ ﻭﺍﻡ ﻋﻠﻲ ﺣﺎﺿﻨﺘﻬﻪ ﻭﺗﺒﺠﻲ
ﻭﻟﺠﺠﺞ ﻳﻤﻪ ﻣﺮﻳﻮﻣﻪ ﺟﺎﺍﻥ ﻓﺮﺣﺎﻥ ﻭﻳﺠﻌﺰ ﺑﻐﺮﻓﺘﻜﻢ .... ﺭﺍﺡ ﻭﻟﻴﺪﻱ ﺭﺍﺡ ﻗﺒﻞ ﻟﻴﻨﺰﻑ
ﺭﺟﻌﺖ ﻛﺮﺻﺖ ﺷﻬﺪ
ﺷﻜﻮﻭﻭ ﻳﻤﻌﻮﺩﻩ
ﺑﺎﻉ ﺫﻧﻲ ﻳﺤﺠﻦ ﻋﻠﻴﻪ ﻭﻋﻠﻰ ﻣﺮﻳﻢ ﺍﻻﺩﺑﺴﺰﻳﺎﺕ
ﺷﻴﺤﺠﻦ
ﺷﺘﻜﻮﻟﻴﻦ ﺍﻛﻠﻬﻦ ﺗﺮﻩ ﺍﻧﻲ ﺍﻟﻲ ﻛﺎﻋﺪ ﺗﺤﺠﻦ ﻋﻨﻬﻪ
ﺍﻧﺠﺒﻲ ﻭﺍﺳﻜﺘﻲ ﻃﺒﻬﻦ ﻣﺮﺽ ﻫﺴﻪ ﺗﺼﻴﺮ ﻣﺸﻜﻠﻪ ﺑﻮﺟﻪ ﻣﺮﻳﻢ .... ﻭﻳﻄﻠﻌﻨﻪ ﺍﺣﻨﻪ ﺍﻟﻲ ﻣﻤﺘﺄﺩﺑﺎﺕ
ﻭﻻ ﻋﺮﻓﺘﺞ ﻭﻟﺞ
ﻣﺎﺍﺣﺲ ﺍﻟﻪ ﻛﺎﻣﺖ ﺷﻬﺪ .... ﺑﺎﻭﻋﺖ ﻋﻠﻴﻬﻪ ﻭﻳﻦ ﺭﺍﺣﺖ ﻫﺎﻱ ﺍﻟﺨﺒﻠﻪ .... ﺷﻮﻳﻪ ﻭﺍﺟﺘﻲ ﺷﺎﻳﻠﻪ ﺻﻴﻨﻴﻪ ﻣﺎﻝ ﺟﺎﻱ ﻭﺑﺪﺕ ﺗﻮﺯﻉ ...... ﻭﺻﻠﺖ ﻟﻠﻨﺴﻮﺍﻥ ﺍﻟﻲ ﺑﺼﻔﻲ ...... ﻓﺠﺄﻩ ﻭﻛﻌﺖ ﺍﻟﺼﻴﻨﻴﻪ .... ﺍﻧﺼﺪﻣﺖ ﺍﻧﻲ ﻭﻫﺎﻱ ﺍﻟﻤﺮﻩ ﺍﻟﻲ ﺑﺼﻔﻲ ﻋﺎﻃﺖ
ﺷﻬﺪ / ﻳﺎﺍﺍﺍ ﺍﺳﻔﻪ ﻭﺍﻟﻠﻪ ﻣﺪﺭﻱ ﻣﻨﻴﻪ ﻋﺜﺮﺗﻨﻲ ﺑﺮﺟﻠﻬﻪ ﻳﻤﻌﻮﺩﻳﻦ ﻟﺰﻣﻮ ﺟﻬﺎﻟﻜﻢ ﻭﺩﻧﻜﺖ ﻋﻞ ﻣﺮﻩ
ﺧﻮ ﻣﺎ ﺗﺄﺫﻳﺘﻲ ﺧﺎﻟﻪ
ﻳﺎ ﺧﺎﻟﻪ ﻏﻴﺮ ﺗﺪﻳﺮﻳﻦ ﺑﺎﻟﺞ ... ﺷﻨﻮ ﻣﺘﺸﻮﻓﻴﻦ ..... ﺍﺳﺘﻐﻔﺮﻙ ﻳﺎ ﺭﺑﻲ
ﺑﻬﺎﻟﻠﺤﻈﻪ ﺍﺟﺘﻨﻲ ﺍﻟﻀﺤﻜﻪ ﻣﺘﺤﻤﻠﺖ ﻛﻤﺖ ﺭﺃﺳﺎً ﺭﺣﺖ ﺩﺧﻠﺖ ﻟﻠﺤﻤﺎﻡ ﻓﻄﺴﺖ ﺿﺤﻚ ..... ﺻﺪﻣﺘﻨﻲ ﺷﻬﺪ ﺍﻛﻮﻝ ﺍﻧﻲ ﻣﻌﻘﻮﻟﻪ ﺷﻬﺪ ﻋﻘﻠﺖ ﻣﻦ ﺟﺎﻭﺑﺘﻨﻲ
ﺍﻧﻮﺏ ﻣﺪﺭﻱ ﺷﺒﻴﻪ ﻗﻔﻠﺖ ﻋﻞ ﺿﺤﻚ ..... ﻭﺭﺍﻫﻪ ﺭﺣﺖ ﺍﻝ ﻣﺎﻣﺎ ﻛﺘﻠﻬﻪ ﺍﺭﻳﺪ ﺍﺭﻭﺡ ﻃﺒﻌﺎً ﺍﻧﻲ ﺑﻌﺪ ﻣﺎﺗﻄﻠﻜﺖ ﻣﻦ ﻛﺮﺍﺭ ﻛﻤﺖ ﺍﻟﻠﺒﺲ ﺟﺒﻪ ﻣﻦ ﺍﻃﻠﻊ ﺟﻨﺖ ﺍﻟﻠﺒﺲ ﺍﻟﻌﺒﺎﻳﻪ ﻋﻠﻤﻮﺩﻩ
ﻭﻃﺒﻌﺎً ﻛﺮﺍﺭ ﻣﻦ ﻳﻮﻡ ﻃﻼﻛﻨﻪ ﻭﺍﻧﻲ ﻣﺸﺎﻳﻔﺘﻪ ﺣﺘﻰ ﻣﻦ ﻳﺠﻲ ﻣﺮﺍﺕ ﻳﺎﺧﺬ ﺟﻨﺎﺕ ﻳﺼﺎﺩﻑ ﺍﻧﻲ ﻓﻮﻙ
ﺭﺣﺎﺏ / ﺑﻌﺪ ﻭﻛﺖ ﻭﻳﻦ ﻧﺮﻭﺡ
ﺟﻨﺎﺕ ﺃﺫﺗﻨﻲ
ﻭﻟﺞ ﻋﻴﺐ ﻣﻦ ﺑﺖ ﻋﻤﺞ ﻛﻌﺪﻱ . ﻭﺟﻴﺒﻴﻬﻪ ﻳﻤﻲ ﺍﻝ ﺟﻨﺎﺕ
ﻣﺎﺷﻲ .... ﻛﻌﺪﺕ ﺷﻮﻳﻪ ﻭﺍﺟﺘﻲ ﻋﻤﻪ ﺣﻨﺎﻥ ﻭﻟﻤﻰ ﻭﺍﺯﻝ
ﺍﺯﻝ ﻭﻟﻤﻰ ﺻﺪﻳﻘﺎﺕ ﺻﺎﻳﺮﺍﺕ ﻟﺬﻟﻚ ﺍﺟﻨﻲ ﺳﻮﺍ
ﻛﻌﺪﺕ ﻳﻤﻲ ﻟﻤﻰ
ﺍﻫﻼ ﺷﻴﺮﻳﻦ ﻋﺎﺵ ﻣﻦ ﺷﺎﻓﺞ
ﻫﻠﻮ ﻟﻤﻰ ﺷﻠﻮﻧﺞ
ﻭﺍﻟﻠﻪ ﺍﻟﺤﻤﺪﻟﻠﻪ
ﺩﻭﻣﺞ ﺍﻥ ﺷﺎﺀ ﺍﻟﻠﻪ
ﻟﻤﻰ / ﺷﻴﺮﻳﻦ
ﺩﺭﺕ ﻋﻠﻴﻬﻪ ..
ﺧﻮﻣﺎ ﺑﻌﺪﺝ ﺯﻋﻼﻧﻪ ﻣﻨﻲ
ﺗﻔﺎﺟﺌﺖ ﻣﻦ ﻛﻼﻣﻬﻪ .... ﻟﻴﺶ ﺍﺯﻋﻞ ﻣﻨﺞ ﻟﻤﻰ
ﻳﻌﻨﻲ ﺑﺬﻳﺞ ﺍﻟﻔﺘﺮﻩ ..... ﺍﻧﻲ ﺣﺠﻴﺖ ﻛﻼﻡ ﻣﺤﻠﻮ ﺑﺤﻘﺞ .... ﺗﻌﺮﻓﻴﻦ ﺍﻧﻲ ﺍﻟﻠﻪ ﻳﺸﻬﺪ ﻣﻮ ﻫﺬﺍ ﻃﺒﻌﻲ ﺑﺲ ﻣﻦ ﺣﺴﻴﺖ ﺑﻴﺘﻲ ﻳﻨﻬﺠﻢ ﺗﺄﺫﻳﺖ
ﺍﻛﻴﺪ ﺣﻘﺞ ﻟﻤﻰ ﺍﻧﻲ ﻟﻮ ﻣﻨﺞ ﻳﻤﻜﻦ ﺟﺎﻥ ﺳﻮﻳﺖ ﺍﻻﻛﺜﺮ
ﺷﻴﺮﻳﻦ ... ﺍﻧﻲ ﺍﺣﺐ ﻛﺮﺍﺭ ﻭﻛﺮﺍﺭ ﻳﺤﺒﻨﻲ ﻭﺣﻴﺎﺗﻨﺎ ﺟﺎﻧﺖ ﺣﻠﻮﻩ ﻓﺠﺄﻩ ﻛﻠﺸﻲ ﺗﻐﻴﺮ
ﻟﻤﻰ ﻭﺍﻟﻘﺮﺍﻥ ﺍﻟﻠﻪ ﻳﺸﻬﺪ ﻋﻠﻰ ﻛﻼﻣﻲ ﺍﺑﺪ ﻣﻔﻜﺮﺕ ﺑﻴﻮﻡ ﺍﺑﻮﻙ ﺣﻴﺎﺗﺞ ﻣﻨﺞ ...
ﺑﻘﻴﻨﻪ ﻧﺴﻮﻟﻒ ﻭﻟﻤﻰ ﺟﺎﻧﺖ ﺍﻧﺴﺎﻧﻪ ﺑﻤﻌﻨﻰ ﺍﻟﻜﻠﻤﻪ ﻭﺍﺣﻠﻰ ﺷﻲ ﺳﻤﻌﺘﻪ ﺍﻧﻮ ﺣﻴﺎﺗﻬﻢ ﺭﺟﻌﺖ ﻣﺜﻞ ﻗﺒﻞ .... ﻟﻮ ﻣﻔﻜﺮﻩ ﺑﺎﻧﺎﻧﻴﻪ ﺟﺎﻥ ﻫﺴﻪ ﻋﺎﺋﻠﺘﻬﻢ ﻧﺤﻮ ﺍﻻﺳﻮﺀ ﻭﻳﻤﻜﻦ ﺟﺎﻥ ﻟﻤﻰ ﻣﺘﻄﻠﻜﻪ ﻣﻦ ﻛﺮﺍﺭ ﻻﻥ ﻟﻤﻰ ﻣﻮ ﻣﻦ ﺍﻟﻨﻮﻉ ﺍﻟﻲ ﺗﺴﺘﻠﻢ ﻟﻼﻣﺮ ﺍﻟﻮﺍﻗﻊ ﻭﻛﺮﺍﻣﺘﻬﻪ ﺍﻫﻢ ﺷﻲ ﻭﻫﺬﺍ ﺍﺣﻠﻰ ﺷﻲ ﺑﻴﻬﻪ
ﺭﺟﻌﻨﻪ ﻛﻠﻨﻪ ﺳﻮﻩ ﺣﺘﻰ ﻟﻤﻰ ﺍﻭﻝ ﺷﻲ ﻭﺻﻠﻨﻪ ﺷﻬﺪ ﻭﺍﺯﻝ .... ﻭﻭﺭﺍﻫﻪ ﺭﺟﻌﻨﻪ ﻛﻠﻨﻪ ..... ﺟﺎﻥ ﻛﺮﺍﺭ ﻭﺍﻛﻒ ﺑﺎﻟﺒﺎﺏ ﺟﻨﺎﺕ ﻣﻦ ﻗﺒﻞ ﻟﻨﻮﺻﻞ ﻟﻠﺒﻴﺖ ﺑﺲ ﺷﺎﻓﺘﻪ ﺭﻛﻀﺖ ﻋﻠﻲ ﻭﺗﻀﺤﻚ
ﺍﺟﺬﺏ ﺍﺫﺍ ﺍﻛﻮﻝ ﻣﻤﺸﺘﺎﻗﺘﻠﻪ ... ﻣﻮ ﺣﺐ ﺑﺲ ﺍﺷﺘﻴﺎﻕ ﺍﻟﺸﺨﺺ ﻋﺎﻣﻠﻚ ﺑﻜﻞ ﺍﻧﺴﺎﻧﻴﻪ ﻭﺟﺎﻥ ﺍﻣﺎﻧﻚ ﺑﻴﻮﻡ ﻣﻦ ﺍﻻﻳﺎﻡ .... ﺑﺎﻭﻋﺖ ﺷﺎﻟﻬﻪ ﻭﺑﺎﺳﻬﻪ ﻭﻳﻀﺤﻚ ﻭﻳﺎﻫﻪ
ﺧﻮﻟﻪ / ﺷﻌﺠﺐ ﻣﻮ ﺑﺎﻟﻔﺎﺗﺤﻪ
ﺗﻮﻧﻲ ﺭﺟﻌﺖ ... ﻣﻦ ﺍﻟﻔﺎﺗﺤﻪ ﻋﻨﺪﻱ ﺷﻐﻠﻪ ..... ﺑﺎﻭﻉ ﻋﻠﻴﻪ
ﺷﻠﻮﻧﺞ ﺍﻡ ﺟﻨﺎﺕ
ﻫﻠﻮ ﻛﺮﺍﺭ ﺷﻠﻮﻧﻚ
ﺍﻟﺤﻤﺪﻟﻠﻪ ﺯﻳﻦ .... ﻭﺭﺃﺳﺎً ﺣﺠﻪ ﻭﻳﻪ ﻟﻤﻰ
ﻟﻤﻰ ﺭﺍﻳﺢ ﻟﻠﻤﺤﻞ ﺗﺮﻳﺪﻳﻦ ﺷﻲ
ﻻ .... ﺣﺴﻴﺖ ﻟﻤﻰ ﺿﺎﺟﺖ ﻣﻊ ﺍﻟﻌﻠﻢ ﺑﺲ ﺳﻼﻡ ﺻﺎﺭ ﺑﻴﻨﺎﺗﻨﻪ .....
ﻛﺮﺍﺭ / ﺟﻨﺎﺕ ﻭﻳﺎﻳﻪ ...
ﻭﺍﺧﺬ ﺟﻬﺎﻟﻪ ﻭﺭﺍﺣﻮ ..... ﺑﻠﻴﻞ ﻛﻮﻟﺶ ﻳﺎﻟﻠﻪ ﺟﺎﺏ ﺟﻨﺎﺕ
ﺑﻘﻴﻨﻪ ﻳﻮﻣﻴﻪ ﻧﺮﻭﺡ ﻟﻠﻔﺎﺗﺤﻪ ...... ﻭﺣﺘﻰ ﻣﻦ ﺧﻠﺼﺖ ﻛﻤﺖ ﺍﺭﻭﺡ ﺍﻟﺒﻴﺖ ﻋﻤﻮ ﻋﻠﻤﻮﺩ ﻭﺿﻊ ﻣﺮﻳﻢ
ﺷﻬﺪ / ﻣﺮﻳﻢ ﺣﺒﻴﺒﺘﻲ .... ﻣﺎﻓﻲ ﺷﻮﻓﻲ ﺷﺼﺎﻳﺮ ﺑﻴﺞ
ﻣﺮﻳﻢ / ﻣﺎﺍﻋﺮﻑ ﺷﻬﺪ ﺗﻮﻧﻲ ﺑﺪﻳﺖ ﺍﺣﺒﻪ ﻭﺍﺗﻌﻠﻖ ﺑﻲ ﺭﺍﺡ ..... ﻳﺎﺭﺑﻲ ﻟﻴﺶ ﻫﻴﺞ ﺗﻌﺒﺖ ﻭﺍﻟﻠﻪ
ﺷﻴﺮﻳﻦ / ﺍﻟﻠﻪ ﻳﺴﺎﻋﺪﺝ ﺣﺒﻴﺒﺘﻲ .... ﻭﻳﺼﺒﺮﺝ
ﻣﺮﻳﻢ / ﻋﻮﻓﺞ ﻣﻦ ﻛﻠﺸﻲ ﺷﻴﺮﻳﻦ .... ﻳﻌﻨﻲ ﻫﻮ ﺍﻧﺴﺎﻥ ﻃﻴﺐ ﻭﺣﻨﻴﻦ .... ﺗﻌﻮﺩﺕ ﻋﻠﻰ ﻭﺟﻮﺩﻩ ﺑﺤﻴﺎﺗﻲ ﻭﻋﻠﺴﺎﺱ ﺑﻌﺪ ﺷﻬﺮﻳﻦ ﻧﺘﺰﻭﺝ .... ﻓﺠﺄﻩ ﺭﺍﺡ ﻣﺪﻳﺴﺘﻮﻋﺐ ﻋﻘﻠﻲ
ﺧﻮﺏ ﺍﺧﺮ ﻓﺘﺮﻩ .... ﻟﺞ ﺑﺲ ﻳﺤﺠﻲ ﺑﺎﻟﻤﻮﺕ ﻫﺴﻪ ﻣﻦ ﺍﺗﺬﻛﺮ ﺍﺧﺘﻨﻚ .... ﺳﻮﺩﻩ ﻋﻠﻴﻪ ﺟﺎﻥ ﻳﺪﺭﻱ ﺑﺮﻭﺣﻪ ﻳﺮﻳﺪ ﻳﻤﻮﺕ ﻋﺒﺎﻟﻚ
ﺷﻬﺪ / ﻳﻜﻠﺞ ﺍﻟﻲ ﻳﻮﻳﺪ ﻳﻤﻮﺕ ﻳﺪﺭﻱ ﺑﺮﻭﺣﻪ ﻣﻦ ﺍﻭﻝ ﻣﺎﻭﺭﻗﺘﻪ ﺗﻮﻛﻊ
ﺍﻭﻭﻑ ﻳﺎ ﺷﻬﺪ ﺍﺳﻜﺘﻲ .....
ﺷﻬﺪ / ﻣﻦ ﺍﺑﺎﻭﻉ ﻋﻠﻰ ﺣﻴﺎﺗﻨﺎ
ﺑﺎﺑﺎ ﻭﺟﺪﻭ ﻭﻋﺴﻮﻟﻪ ﻭﻫﺴﻪ ﺧﻄﻴﺒﺞ ﻣﺎﺍﻋﺮﻑ ﺍﻟﻤﻮﺕ ﺷﺒﻲ ﻭﻳﺎﻧﻪ
ﺷﻴﺮﻳﻦ / ﻭﻋﻤﺮ ﻫﻢ ﻣﺎﺍﻋﺮﻑ ﺷﻨﻮ ﻭﺿﻌﻪ
ﺷﻬﺪ / ﻣﻮ ﻛﻠﺘﻴﻠﻲ ﻣﺆﺑﺪ
ﺍﻱ ﺑﺲ ﻣﻦ ﺫﺍﻙ ﺍﻟﻴﻮﻡ ﺍﻟﺤﺪ ﻫﺴﻪ ﻣﺎﺍﻋﺮﻑ ﺷﻲ ﻋﻨﻪ ﻭﺑﻌﺪﻳﻦ ﻣﻮ ﻣﻔﺮﻭﺽ ﺍﻧﻲ ﺍﺷﻬﺪ
ﺷﻬﺪ / ﻣﻮ ﺭﺍﺩﻭﺝ ﻭﻛﺮﺍﺭ ﻣﻘﺒﻞ
ﻭﺍﻟﻠﻪ
ﺍﻱ ﻭﺍﻟﻠﻪ ﻣﺘﺪﺭﻳﻦ ﻟﻴﺶ
ﻻ ...... ﻭﺍﺻﻼً ﻭﻻ ﻭﺍﺣﺪ ﻣﻦ ﺍﻟﻮﻟﺪ ﻗﺒﻞ ﻣﺒﻘﻮ ﺷﻐﻠﻪ ﻣﺴﻮﻭﻫﻪ ﺣﺘﻰ ﺍﻧﺘﻲ ﻣﺘﺪﺧﻠﻴﻦ ﻟﻠﻤﺤﻜﻤﻪ
ﻭﻟﻴﺶ ﻳﻌﻨﻲ ﻓﻮﻙ ﻣﺎﺫﺑﻮ ﻋﻤﺮ ﺑﺎﻟﺴﺠﻦ ﻭﺑﻌﺪﻳﻦ ﻃﻠﻊ ﺑﺮﻱﺀ ﻣﻦ ﻛﺘﻞ ﺣﺴﻦ
ﻣﺮﻳﻢ / ﻏﺒﻴﻪ ﺍﻧﺘﻲ ﺍﺫﺍ ﻗﺼﻴﺔ ﺍﻏﺘﺼﺎﺏ ﺍﻧﺘﻲ ﺗﻮﻛﻌﻴﻦ ﺑﻴﻬﻪ ﺗﻨﻔﻀﺤﻴﻦ
ﻭﻋﻤﺮ ﻳﻨﻌﺪﻡ
ﻻ ﻣﺤﻤﺪ ﻛﺎﻝ ﻣﻴﻨﻌﺪﻡ ﻣﺆﺑﺪ
ﻳﻌﻨﻲ ﻣﺤﻤﺪ ﻫﻢ ﻣﺘﺎﺑﻊ ﻗﻀﻴﺔ ﻋﻤﺮ
ﺷﻬﺪ / ﺍﻱ
ﺷﻴﺮﻳﻦ / ﻭﻭﺣﻌﻲ ﻟﻌﺪ ﻟﻴﺶ ﻣﺘﻜﻮﻟﻴﻦ ﺍﻧﺘﻲ
ﺷﻬﺪ / ﺫﺍﻙ ﺍﻟﻴﻮﻡ ﻓﺎﺭﺱ ﺣﺠﻪ ﻭﻳﻪ ﻣﺤﻤﺪ ﻳﻤﻨﻪ
ﻭﺷﻠﻮﻥ ﺍﻟﺪﻭﻟﻪ ﻳﻘﺒﻠﻮﻥ
ﺷﻬﺪ / ﺑﺎﻉ ﻫﺎﻱ ﻳﺎﺭﺑﻲ ﺍﻟﺒﻄﺮﺍﻧﻪ ﺣﺘﻰ ﺍﻟﺪﻭﻟﻪ ﺍﻧﻄﻲ ﻓﻠﻮﺱ ﻛﻠﺸﻲ ﻳﻤﺸﻲ ﻋﺪﻝ ﻭﻳﺎﻙ
ﺷﻴﺮﻳﻦ / ﻭﺍﻟﻠﻪ ﺗﻌﺒﺖ ﻳﺎﺭﺑﻲ ﻭﺣﻴﻞ
ﺭﺟﻌﺖ ﺑﻴﻮﻣﻬﻪ ﺣﺰﻳﻨﻪ ﺣﻴﻞ ﻭﻛﻌﺪﺕ ﺧﻠﻴﺖ ﺍﻳﺪﻱ ﻋﻠﻰ ﺧﺪﻱ ﻭﻛﻌﺪﺕ
ﺧﻮﻟﻪ / ﺷﺒﻲ ﺍﻟﺤﻠﻮ ﺻﺎﻓﻦ
ﻣﻦ ﻓﺪﻭﻩ ﺭﺣﺖ ﺍﻟﻬﺎﻱ ﺍﻟﺼﻔﻨﻪ ﻣﺘﻜﻮﻣﻴﻦ ﺗﺴﻮﻳﻠﻨﻪ ﻛﻴﻜﻪ
ﺷﻨﻮ ﺍﻟﻤﻨﺎﺳﺒﻪ
ﻫﻴﺞ
ﻣﻤﻤﻢ ﻋﻠﻴﻨﻪ ﺷﻮ ﻭﺟﻬﺞ ﻣﺒﺘﺴﻢ
ﻓﺠﺄﻩ ﻛﺎﻣﺖ ﻋﻤﻪ ﺍﻛﻠﺞ ﻋﻮﻓﺞ ﻣﻦ ﺍﻟﻜﻴﻚ ﻣﻮ ﻳﺮﺍﺩ ﺍﺳﻮﻱ ﺩﺍﻳﺖ ﻭﺧﺼﺮﺕ ﺩﺷﺪﺍﺷﺘﻬﻪ ﺷﻠﻮﻥ ﺑﻜﺮﺷﻲ ﻳﺎﺭﺑﻲ ﻻﺯﻡ ﺍﺿﻌﻔﻪ
ﻟﻴﺶ....بيج قصص عراقيه حقيقيه من واقعنا.روعه الطائي
ﺷﻨﻮ ﻟﻴﺶ ﺍﻻﻧﺴﺎﻥ ﻻﺯﻡ ﻳﺼﻴﺮ ﺭﺷﻴﻖ ﺣﺘﻰ ﺍﻟﻤﻼﺑﺲ ﺗﺮﻫﻤﻠﻪ
ﻋﻤﻪ ﺷﻌﻨﺪﺝ ﺍﺣﺠﻴﻠﻲ ﻣﻦ ﺍﻻﺧﻴﺮ
ﺷﺎﻣﻪ ﺭﻳﺤﺔ ﺣﺐ
ﻭﻟﺞ
ﺑﺮﺍﺳﻴﺘﻮﻝ ﺷﺒﻴﺞ
ﻭﺿﺮﺑﺖ ﻛﺮﺷﻬﻪ ﺑﻴﺪﻫﻪ ﻗﺮﺭﺕ ﻣﻦ ﺍﻟﻴﻮﻡ ﺭﺟﻴﻢ ﺍﺑﺪﻱ ﺑﻌﺪ ﻣﺎﻛﻮ ﺗﻤﻦ ﻣﺎﻛﻮ ﺧﺒﺰ ﻣﺎﻛﻮ ﺣﻠﻮﻳﺎﺕ
ﺍﻧﺘﻲ ﺗﺴﻮﻳﻦ ﺭﺟﻴﻢ
ﻃﺒﻌﺎً ﻣﻮ ﺑﻌﻴﻨﺞ ..... ﻛﺎﻣﺖ ﺭﺍﺣﺖ ﻟﻠﺜﻼﺟﻪ ﺷﺎﻟﺖ ﺷﻜﻮ ﻧﺴﺘﻠﻪ ﺷﻜﻮ ﺑﺒﺴﻲ ﻭﺭﺍﺩﺕ ﺗﺬﺑﻬﻦ ﺍﻣﻲ ﺩﻭﻡ ﺗﺸﺘﺮﻱ ﻭﺗﺨﻠﻲ ﺑﺎﻟﺜﻼﺟﻪ
ﺭﺣﺖ ﻭﺭﺍﻫﻪ .... ﻫﺎﻱ ﺷﺮﺍﺡ ﺗﺴﻮﻳﻦ ﻋﻤﻪ
ﺩﺍﻳﺖ
ﻭﺍﺣﻨﻪ ﺷﻨﻮ ﺫﻧﺒﻨﻪ
ﺫﻧﺒﻜﻢ ﺍﻫﻠﻲ .... ﺍﻧﻲ ﺿﻌﻴﻔﻪ ﻛﺪﺍﻡ ﺍﻟﺒﻴﺴﻲ ﻭﺍﻟﺤﻠﻮﻳﺎﺕ ﻟﺬﻟﻚ ﻣﻨﺎ ﻭﻫﻴﺞ ﻣﻤﻨﻮﻉ ﺗﺎﻛﻠﻮﻫﻦ
ﻋﻤﻪ
ﻭﻋﻠﻪ ﻣﻦ ﺍﻟﻠﻪ ﺗﺠﻴﺞ ﺍﺩﺭﻱ ﺗﺮﻳﺪﻭﻥ ﺗﺎﻛﻠﻮﻥ ﻭﺍﻧﻲ ﺍﺑﺎﻭﻉ ﻋﻠﻴﻜﻢ . ﻫﻢ ﺍﻟﻠﻪ ﻣﻦ ﻓﻮﻙ ﻣﻴﻘﺒﻠﻬﻪ ﺫﺑﺘﻬﻦ ﺑﺎﻟﺰﺑﺎﻟﻪ ﻭﺭﺟﻌﺖ ﻭﺣﺪﻩ ﻫﺎﻱ ﺍﻝ ﺟﻨﺎﺕ ﺑﺲ ﺍﻝ ﺟﻨﺎﺕ ﺗﺠﻴﺒﻮﻥ ﺑﻌﺪ
ﺿﺤﻜﺖ ﻋﻤﻪ ﻳﻌﻨﻲ ﻫﺎﻱ ﺻﺪﻭﻙ ﺗﺤﺠﻴﻦ
ﻓﺪ ﻳﻮﻡ ﻣﺘﺸﺎﻗﻴﻪ ﻭﻳﺎﺝ ﺍﻧﻲ .... ﻛﺮﺷﻲ ﻻﺯﻡ ﺍﺻﻌﻔﻪ ﻫﺎﻱ ﺍﻻﻳﺎﻡ
ﺍﺟﺘﻲ ﺍﻣﻲ ﺟﺎﻧﺖ ﺗﺼﻠﻲ ﻭﻻﺑﺴﻪ ﻋﺒﺎﻳﺔ ﺍﻟﺼﻼﺓ
ﻫﺎ ﺧﻮﻟﻪ ﺍﺷﻢ ﺭﻳﺤﺔ ﺳﺤﺐ
ﺑﺎﻭﻋﺖ ﻋﻠﻴﻬﻪ
ﻋﻤﻪ ﺑﺲ ﻻ
ﻭﻭﺟﻊ ﻟﺘﺘﺪﺧﻠﻴﻦ ﺑﺴﻮﺍﻟﻒ ﺍﻟﻜﺒﺎﺭ
ﻭﺍﻟﻠﻪ
ﺍﻱ ﻭﺍﻟﻠﻪ ﻣﺘﺘﺪﺧﻠﻴﻦ
ﻻ ﻣﻮ ﻋﻠﻰ ﻣﺎﺍﺩﺧﻞ ﻭﺍﻟﻠﻪ ﺭﺍﺡ ﻳﺨﻄﺒﺞ
ﺍﻭﻭﻭﻑ ﻳﺎ ﺭﺣﺎﺏ ﻣﻮ ﺻﻮﺟﺞ ﺻﻮﺝ ﺍﻟﻜﺎﻟﺞ ﻭﺍﻟﻠﻪ ﺑﻌﺪ ﻓﻼ ﺍﺣﺠﻴﻠﺞ ﺷﻲ
ﺷﻴﺮﻳﻦ / ﻋﻤﻪ ﺍﻧﺘﻲ ﺻﺪﻭﻙ ﺗﺤﺠﻴﻦ ﺷﻠﻮﻥ ﻣﺘﻜﻠﻴﻠﻲ
ﻓﺮﺣﺖ ﺑﻬﺎﻟﻠﺤﻈﻪ ﻓﺮﺣﻪ ﻣﺘﻨﻮﺻﻒ ﻳﻌﻨﻲ ﻋﻤﻪ ﺭﺍﺡ ﺗﺘﺰﻭﺝ ﺍﻟﺸﺨﺺ ﺍﻟﻲ ﺣﺒﺘﻪ ﺑﺸﺒﺎﺑﻬﻪ ﻣﻴﺴﺘﻮﻋﺐ ﻋﻘﻠﻲ ﺍﺑﺪ
ﺷﻴﺮﻳﻦ / ﻭﺯﻭﺟﺘﻪ ﻫﻮ ﻣﻮ ﻣﺘﺰﻭﺝ
ﺧﻮﻟﻪ / ﻣﻦ ﺯﻣﺎﻥ ﻣﺘﻮﻓﻴﻪ ﻭﻭﻟﺪﻩ ﺍﻛﺒﺮﻫﻢ ﺳﺎﺩﺱ ﻋﻠﻤﻲ ﻫﺴﻪ ﻭﺍﻟﻠﻪ ﺍﺧﺠﻞ ﻭﺍﻧﻲ ﺑﻬﺬﺍ ﺍﻟﻌﻤﺮ ﻭﺍﺗﺰﻭﺝ
ﻳﺎ ﺍﻟﻠﻪ ﻋﻤﻪ ..... ﻭﻳﻦ ﻛﺒﺮﺝ ﺻﺪﻙ ﺗﺤﺠﻴﻦ
ﺍﻭﻭﻑ ﻣﻨﺞ ﺭﺟﺎﺏ ﺭﺍﺡ ﺗﺨﻠﻴﻨﻲ ﻣﻀﺤﻜﻪ ﺍﻟﻬﻢ
ﺯﻳﻦ ﻋﻤﻮ ﺳﻌﺪ ﻗﺒﻞ
ﻭﻟﺞ ﻫﻤﻪ ﻋﻤﺎﻣﺞ ﻭﺍﺑﻮﺝ ﺍﺑﺪ ﻣﻌﺎﺭﺿﻮ ﻗﺒﻞ ﺑﺲ ﺍﺑﻮﻳﻪ ﺍﻟﻠﻪ ﻳﺮﺣﻤﻪ
ﺍﻭﻭﻑ ﻳﺎ ﺟﺪﻭ
ﺍﺩﺭﻱ ﺭﺍﺡ ﻳﻐﻀﺐ ﻋﻠﻴﻪ ﺑﺲ ﺷﺴﻮﻱ
ﺗﺤﺒﻲ
ﻭﻟﺞ ﺷﻴﺮﻳﻦ ﺍﻣﻮﺗﺞ ﻭﺍﻟﻠﻪ
ﺑﻘﻴﺖ ﺍﺗﺸﺎﻗﻪ ﻭﻳﻪ ﻋﻤﻪ ﺑﻬﺬﺍ ﺍﻟﻤﻮﺿﻮﻉ ﻭﻫﻴﻪ ﺗﺘﺰﻋﻞ ﻭﺗﺨﺠﻞ ﻭﺗﺮﺯﻝ ﻣﺎﻣﺎ .....
ﺻﻌﺪﺗﺠﻨﺎﺕ ﻭﺻﻌﺪﺕ ﻭﺍﻧﻲ ﺍﺗﺨﺎﻳﻞ ﻫﻢ ﻳﺠﻲ ﻳﻮﻡ ﻭﻋﻤﺮ ﻳﻄﻠﻊ ﻣﻦ ﺍﻟﺴﺠﻦ ﻭﻧﺘﺰﻭﺝ ﻭﺍﻟﻠﻪ ﻣﺸﺘﺎﻗﺘﻠﻚ ﻳﺎ ﺣﺒﻴﺒﻲ
ﻛﻤﺖ ﺍﺑﺠﻲ .... ﻃﻠﻌﺖ ﺩﻓﺘﺮﻩ ﻭﻛﻤﺖ ﺍﺑﻮﺱ ﺑﻜﺘﺎﺑﺘﻪ ﻭﺧﻄﻪ .... ﻭﺍﻟﻠﻪ ﺍﺣﺒﻚ ﻳﺎ ﻋﻤﺮ ﻭﺍﺗﻤﻨﺎﻙ ﻳﺎ ﺣﻠﻤﻲ ﺍﻟﻲ ﺻﻌﺐ ﺗﺤﻘﻴﻘﻪ ﺑﺲ ﺗﺪﺭﻱ ﺍﻟﻴﻮﻡ ﺻﺎﺭ ﻋﻨﺪﻱ ﺍﻣﻞ ﻋﻤﻪ ﺷﻜﺪ ﺻﺒﺮﺕ ﻭﻫﺴﻪ ﺭﺍﺡ ﺗﻨﺠﻤﻊ ﻭﻳﻪ ﺣﺒﻴﺒﻬﻪ
ﻳﺎﺭﻳﺖ ﻟﻮ ﺑﺪﻩ ﺣﺒﻨﻪ ﻭﺭﻩ ﺗﺎﺭﻳﺦ ﻭﻓﺎﺓ ﺟﺪﻭ .... ﻳﺎ ﺭﻳﺖ ﻟﻮ ﺗﻮﻧﻲ ﻳﺎﻟﻠﻪ ﺭﺍﺡ ﺍﺗﻌﺮﻑ ﻋﻠﻴﻚ ..... ﺍﻭﻭﻑ ... ﻳﺎ ﺣﺒﻴﺒﻲ ﺑﺠﻴﺖ ﺑﺠﺮﻛﻪ
ﻓﺠﺄﻩ ﺧﻄﺮ ﺑﺒﺎﻟﻲ ﺍﺧﺎﺑﺮ ﺍﺛﻴﺮ ﺭﺣﺖ ﺍﻟﻐﺮﻓﺔ ﻣﺎﻣﺎ ﺗﺴﺤﺒﺖ ﻧﺎﻳﻤﻪ .... ﺍﺧﺬﺕ ﻣﻮﺑﺎﻳﻠﻬﻪ ﻭﻃﻠﻌﺖ ﺑﻬﺪﻭﺀ
ﺩﻛﻴﺖ ﻋﻠﻰ ﺍﺛﻴﺮ ﻣﺠﺎﻭﺏ
ﺩﺯﻳﺘﻠﻪ ﺭﺳﺎﻟﻪ ﺑﺪﺍﻋﺔ ﺍﻣﻚ ﻭﺑﺪﺍﻋﺔ ﻋﻤﺮ ﺍﻟﻲ ﺍﻋﺰ ﺻﺪﻳﻖ ﻋﻨﺪﻙ ﺟﺎﻭﺑﻨﻲ
ﺭﺟﻊ ﺩﻙ ﻫﻮ
ﺷﺘﺮﻳﺪﻳﻦ
ﻃﻤﻨﻲ ﻋﻠﻰ ﻋﻤﺮ ﻋﻠﻴﻚ ﺍﻟﻠﻪ ﻭﺍﻟﻠﻪ ﺗﻌﺒﺎﻧﻪ ﻭﻣﺨﺘﻨﻜﻪ ﺣﻴﻞ
ﺷﻨﻮ ﻻﺯﻡ ﺭﺟﻠﺞ ﺷﻤﺮﺝ
ﺍﻧﻲ ﺗﻄﻠﻜﺖ ﻣﻦ ﻛﺮﺍﺭ ﻭﺍﺻﻼً ﺯﻭﺍﺟﻨﻪ ﺟﺎﻥ ﻋﻠﻤﻮﺩ ﺟﺪﻭ ﻣﻴﺬﺑﺤﻨﻲ
ﺷﻴﺮﻳﻦ ﺑﺲ ﺍﻛﻠﺞ ﺑﺸﻐﻠﻪ ﺑﺸﺮﻓﺞ ﺑﻀﻤﻴﺮﺝ ﺍﺫﺍ ﻋﻨﺪﺝ ﺿﻤﻴﺮ ﻋﻮﻓﻲ ﻋﻤﺮ .... ﻣﻮ ﻛﺎﻓﻲ ﻣﺴﺘﻘﺒﻠﻪ ﺿﺎﻉ
ﺍﻟﻠﻪ ﻳﺨﻠﻴﻚ ﺍﺛﻴﺮ ﺑﺲ ﻃﻤﻨﻲ ﻋﻠﻲ ﻭﺍﻟﻠﻪ ﻣﻴﺘﻪ ﺍﻧﻲ ﻭﺍﻟﻠﻪ ﺍﻟﻲ ﺻﺎﺭ ﻛﻠﻪ ﻣﻮ ﺑﻴﺪﻱ ﻭﺍﻟﻠﻪ ﺗﻌﺒﺖ ﻭﻣﻴﺘﻪ ﺣﻴﻞ
ﺑﺎﺟﺮ ﺭﺍﺡ ﺍﺭﻭﺡ ﺍﺷﻮﻓﻪ ﺍﻥ ﺷﺎﺀ ﺍﻟﻠﻪ ﻣﻮﻋﺪ ﺍﻟﺰﻳﺎﺭﻩ
ﻭﺍﻟﻠﻪ ..... ﻋﻠﻴﻚ ﺍﻟﻠﻪ
ﺍﻱ ﻭﺍﻟﻠﻪ ﺑﺲ ﻭﺭﺍﻫﻪ ﻳﺎ ﺷﻴﺮﻳﻦ ﻟﺘﺨﺎﺑﺮﻳﻨﻲ ﺑﻌﺪ .... ﻣﻦ ﺍﺳﻤﻊ ﺻﻮﺗﺞ ﻭﺍﺗﺬﻛﺮ ﻋﻤﺮ ﺑﺎﻟﺴﺠﻦ ﺍﻣﻮﻭﺕ ﻗﻬﺮ
ﺧﻠﻴﻨﻲ ﺍﺭﻭﺣﻠﻪ
ﺿﺤﻚ .... ﻫﻬﻬﻬﻪ ﺍﻧﺘﻲ ﺗﺨﺒﻠﺘﻲ
ﻋﻠﻴﻚ ﺍﻟﻠﻪ
ﻣﻴﺼﻴﺮ ﺍﻧﻲ ﻛﻮﻩ ﺍﺩﺧﻠﻪ
ﻋﻠﻴﻚ ﺍﻟﻠﻪ ﺍﺛﻴﺮ
ﺗﻮﺝ ﺭﺩﺗﻲ ﺑﺲ ﺗﻄﻤﺌﻨﻴﻦ ﻫﺴﻪ ﺗﺸﺮﻓﻲ ﺭﻭﺣﻲ ﺍﻟﻠﻪ ﻳﺨﻠﻴﺞ
ﻋﻠﻴﻚ ﺍﻟﻠﻪ ﻭﺍﻟﻠﻪ ﻭﺭﺍﻫﻪ ﺑﻌﺪ ﻻ ﺍﺧﺎﺑﺮﻙ ﻭﻻ ﺍﺣﺠﻲ ﻭﻳﺎﻙ ﺑﺲ ﻣﺮﻩ ﻭﺣﺪﻩ ﻓﺪﻭﻭﻩ ﺍﻟﻠﻪ ﻳﺤﻔﻈﻚ ﺍﻟﺸﺒﺎﺑﻚ
ﺑﺎﻉ ﻫﺎﻱ ﻳﺎﺭﺑﻲ .... ﻭﺍﻟﻠﻪ ﻳﺎﺭﺑﻲ ﺗﻮﻛﻠﻲ ﻋﻠﻰ ﺍﻟﻠﻪ ﺷﻴﺮﻳﻦ
ﻋﻠﻴﻚ ﺍﻟﻠﻪ ﺍﺛﻴﺮ ﻭﺍﻟﻠﻪ ﻣﺮﻩ ﻭﺣﺪﻩ
ﻣﻴﺼﻴﺮ
ﺍﻧﺖ ﺗﻌﺮﻑ ﺍﻟﻀﺎﺑﻂ ﻭﺍﻟﻠﻪ ﺍﻧﻲ ﺍﺩﺭﻱ ﺑﺲ ﺧﻠﻴﻨﻲ ﺍﺷﻮﻓﻪ ﻋﺸﺮ ﺩﻗﺎﻳﻖ ﻭﺍﻟﻠﻪ
ﻭﻣﻨﻮ ﻛﻠﺞ ﻫﻮ ﻳﻘﺒﻞ ﻭﺑﻌﺪﻳﻦ ﺍﻫﻠﺞ ﺷﻠﻮﻥ
ﺑﺲ ﻛﻮﻝ ﺍﻱ ﺍﺛﻴﺮ
ﻭﺍﻟﻠﻪ ﻣﺎﺍﺩﺭﻱ ﺷﻜﻠﺞ ... ﺍﻧﻲ ﺭﺍﺡ ﺍﺣﺎﻭﻝ ﺑﺲ ﺗﺪﺭﻳﻦ ﻟﻴﺶ ﺍﺭﻳﺪﺝ ﺗﺘﺮﺯﻟﻴﻦ ﻣﻦ ﻋﻤﺮ ﻻﻥ ﻋﻤﺮ ﻛﺎﺭﻫﺞ ﺗﺮﻩ
ﺑﺎﺟﺮ ﺍﻟﺼﺒﺢ ﺍﺭﺟﻌﻠﺞ ﺧﺒﺮ
ﻣﻦ ﺣﺠﻪ ﻫﻴﺞ ﻛﻠﺒﻲ ﻃﺎﺭ ﻣﺎﺍﺭﻳﺪ ﺍﻓﻜﺮ ﺑﺄﻱ ﺷﻲ ﻏﻴﺮ ﺑﺲ ﺷﻮﻓﺔ ﻋﻤﺮ .... ﻏﻠﻂ ﺻﺢ ﺍﺭﻳﺪ ﺍﺷﻮﻓﻪ ﻭﺑﺲ
ﺭﺣﺖ ﻧﺰﻟﺖ ﺍﻝ ﻋﻤﻪ ﺧﻮﻟﻪ
ﻣﺎﻋﻨﺪﻱ ﻏﻴﺮﻫﻪ ﺗﺴﺎﻋﺪﻧﻲ ﻭﻫﻴﻪ ﺍﻟﻮﺣﻴﺪﻩ ﺍﻟﻲ ﺗﻌﺮﻑ ﺍﻭﻋﺔ ﺍﻟﺤﺐ ﻭﻋﺎﻳﺸﻪ ﺍﻟﺤﺮﻣﺎﻥ
ﺟﺎﻧﺖ ﻧﺎﻳﻤﻪ .... ﻧﺪﻫﺘﻬﻪ ... ﻭﺍﻧﻲ ﺍﺑﺠﻲ
ﻋﻤﻪ .... ﻋﻤﻪ
ﻓﺰﺕ ﻣﺨﺘﺮﻋﻪ .... ﺷﻴﺮﻳﻦ ﺷﺒﻴﺞ ﻋﻤﻪ ﻣﻨﻮﻣﺎﺕ
ﻣﺤﺪ ﻣﺎﺕ ﻋﻤﻪ ﺍﻧﻲ ﻣﻴﺘﻪ
ﺍﺳﻢ ﺍﻟﻠﻪ ﺣﻠﻤﺎﻧﻪ ﺍﻧﺘﻲ ﺷﺒﻴﺞ ﺷﻴﺮﻳﻦ
ﻋﻠﻴﺞ ﺍﻟﻠﻪ ﻋﻤﻪ ﺍﺫﺍ ﻗﺒﻞ ﺍﺛﻴﺮ ﺍﺷﻮﻑ ﻋﻤﺮ ﻭﺩﻳﻨﻲ ﺍﻧﺘﻲ
ﺍﻧﺼﺪﻣﺖ ﻋﻤﻪ ﻫﻢ ﻛﺎﻋﺪﻩ ﻣﺨﺮﻭﻋﻪ ﻣﻦ ﺍﻟﻨﻮﻡ ﻭﻫﻢ ﻫﻴﺞ ﻃﻠﺐ
ﺍﻧﺘﻲ ﺗﺨﺒﻠﺘﻲ ﺷﻴﺮﻳﻦ
ﻋﻠﻴﺞ ﺍﻟﻠﻪ ﻋﻤﻪ ﻭﺍﻟﻠﻪ ﺭﺍﺡ ﺍﻣﻮﺕ ﺍﺣﻠﻔﺞ ﺑﺮﻭﺡ ﺟﺪﻭ ﺑﺲ ﻫﺎﻱ ﺍﻟﻤﺮﻩ ﻭﺍﻟﻠﻪ ﻋﻤﻪ ﺭﺍﺡ ﺍﻣﻮﺕ ﻋﻠﻰ ﺷﻮﻓﺘﻪ
ﻟﺘﺒﺠﻴﻦ ﺷﻴﺮﻳﻦ ﻭﻟﺞ ﺭﺍﺡ ﺍﺑﺠﻲ ﺧﻞ ﻳﻄﻠﻊ ﺍﻟﺼﺒﺢ ﻭﺍﻟﻠﻪ ﻛﺮﻳﻢ
ﻋﻠﻴﺞ ﺍﻟﻠﻪ ﻋﻤﻪ ﺍﻟﻠﻪ ﻳﺨﻠﻴﺞ ﻭﺍﻟﻠﻪ ﺭﺍﺡ ﺍﻣﻮﺕ
ﻭﻟﺞ ﻣﺨﺒﻠﻪ ﻣﻮ ﻛﺘﻠﺞ ﺍﻟﺼﺒﺢ ﻧﺤﺠﻲ
ﻻ ﻣﺎﺍﻛﻮﻡ ﻣﻨﺎ ﺍﻟﻪ ﺗﻜﻮﻟﻴﻠﻲ ﻧﺮﻭﺡ
ﻭﻣﻨﻮ ﻛﻠﺞ ﻳﻘﺒﻠﻮﻥ ﻗﺎﺑﻞ ﺍﻧﺘﻲ ﻗﺮﻳﺒﺘﻪ
ﺍﺧﻮ ﻭﺍﺛﻴﺮ ﺻﺪﻳﻘﻪ ﻋﺪﻫﻢ ﻋﺮﻑ ﻭﺍﻟﻠﻪ ﻳﻜﺪﺭ ﻳﺪﺑﺮﻫﻪ
ﻋﻠﻴﺞ ﺍﻟﻠﻪ ﻋﻤﻪ ﺍﺫﺍ ﺍﺛﻴﺮ ﻛﺎﻝ ﺍﻱ ﺍﺧﺬﻳﻨﻲ ﺍﻧﺘﻲ
ﻭﺍﻣﺞ ﺷﻠﻮﻥ
ﻧﻜﻠﻬﻪ ﺭﺍﻳﺤﻴﻦ ﻟﻼﻣﺎﻣﺎ ﺍﻟﻜﺎﻇﻢ ﻟﻠﺪﻛﺘﻮﺭ ﺍﻻﻱ ﺷﻲ ﻓﺪﻭﻭﻩ
ﺍﻭﻭﻑ ﻳﺎ ﺷﻴﺮﻳﻦ ﻭﺍﻟﻠﻪ ﺭﺍﺡ ﺗﻤﻮﺗﻴﻨﻲ ﺍﻧﺘﻲ ﺳﻮﺍﻟﻔﺞ ﻣﻤﻌﻘﻮﻟﻪ
ﻋﻤﻪ ﺣﺒﺎﺑﻪ ﺷﺒﻴﺞ
ﻣﻴﺨﺎﻟﻒ ﺍﺫﺍ ﻗﺒﻞ ﻣﻴﺨﺎﻟﻒ ﺑﺲ ﻫﺎﻱ ﺍﻭﻝ ﻣﺮﻫﻮﺍﺧﺮ ﻣﺮﻩ ﺷﻴﺮﻳﻦ
ﺑﺴﺘﻬﻪ ﻣﻦ ﺧﺪﻫﻪ ﻭﺷﺒﻜﺘﻬﻪ ﺷﻜﺮﺍً ﻋﻤﻪ ﺷﻜﺮﺍً ﺣﺒﻴﺒﺘﻲ
ﺑﻮﺩﻱ ﺍﺻﺮﺥ ﻭﺍﻛﻤﺰ ﺑﺲ ﻟﻸﺳﻒ ﺣﺘﻰ ﺍﺛﻴﺮ ﻣﻤﺮﺟﻌﻠﻲ ﺍﻟﺠﻮﺍﺏ ﺑﻘﻴﺖ ﻟﻠﺼﺒﺢ ﺍﺻﻠﻲ ﻭﺍﺩﻋﻲ ﺍﺛﻴﺮ ﻳﺮﺩ ﺧﺒﺮ ﻭﻳﻜﻮﻝ ﻣﺎﺷﻲ ﺑﻘﻴﺖ ﻣﻮﺑﺎﻳﻞ ﻣﺎﻣﺎ ﻳﻤﻲ
ﻭﺍﺑﺎﻭﻉ ﻋﻞ ﻣﻮﺑﺎﻳﻞ
ﺑﺎﻝ٦ﺗﻘﺮﻳﺒﺎً ﺩﻙ ﻋﻠﻴﻪ ﺍﺛﻴﺮ ﻛﺒﻞ ﺷﻠﺘﻪ
ﺍﻟﺴﺎﻋﻪ ﺑﺎﻝ ٧ﺿﺒﻂ ﺗﻮﻛﻔﻴﻦ ..... ﺏ ..............
ﻃﺮﺕ ﻣﻦ ﺍﻟﻔﺮﺡ .... ﺷﻜﺮﺍ ﺍﺛﻴﺮ ﻭﺍﻟﻠﻪ ﺍﻧﺖ ﺍﻧﻴﺎﻥ ﺭﺍﻗﻲ ﻭﻣﺘﻨﻮﺻﻒ ﺑﻌﺪﻧﻲ ﺍﺣﺠﻲ ﺳﺪﻩ ﺑﻮﺟﻬﻲ
ﻣﻴﺨﺎﻟﻒ ﺑﺲ ﺍﻫﻢ ﺷﻲ ﺍﺷﻮﻑ ﻋﻤﺮ
ﻣﺰﻟﺖ ﺍﺭﻛﺾ ﺍﻝ ﻋﻤﻪ ﺟﺎﻧﺖ ﻧﺎﻳﻤﻪ
ﻋﻤﻪ .... ﻋﻤﻪ ﻛﻌﺪﻱ
ﻛﺒﻞ ﻓﺰﺕ ﻭﺷﻬﻜﺖ ﺷﻜﻮﻭﻭﻭ ﺷﻜﻮﻭﻭﻭ
ﺑﻀﺤﻜﻪ .... ﺷﺒﻴﺞ ﻋﻤﻪ ...... ﻣﺎﻛﻮ ﺷﻴﺎﺛﻴﺮ ﻛﺎﻝ ﺍﺷﻮﻑ ﻋﻤﺮﺭ
ﻏﻤﺘﻨﻲ ﻣﻦ ﻫﻤﺪﺩﺩﺩﺍﺝ ﺍﻱ ﻭﺍﻟﻠﻪ ﻓﺰﺯﺗﻴﻨﻲ ﻭﺣﺘﻰ ﺍﻟﺨﻠﻔﻪ ﻛﻄﻌﺘﻴﻬﻪ ﻋﻨﻲ ﻋﻠﻰ ﻫﺎﻟﻔﺰﻩ
ﻋﻤﻪ ﻛﻮﻣﻲ ﺑﺴﺮﻋﻪ ﺑﺪﻟﻲ ﺣﺒﺎﺑﻪ
ﻭﻟﺞ ﺻﺨﺎﻡ ﺍﻟﺼﺨﻤﺞ ﺟﻨﺖ ﺍﺧﺬﺝ ﻋﻠﻰ ﻛﺪ ﻋﻘﻠﺞ
ﻋﻤﻪ ﻭﺍﻟﻘﺮﺍﻥ ﻫﺴﻪ ﺍﻃﻠﻊ ﻭﺣﺪﻱ .... ﻻ ﻋﻤﻪ ﻋﻠﻴﺞ ﺍﻟﻠﻪ ﻭﺍﻟﻠﻪ ﺍﻣﻮﺕ ﺭﻭﺣﻲ ﺍﻧﻲ ﻣﺎﻋﻮﻟﺖ ﻭﺍﻧﺘﻲ ﺗﺤﺠﻴﻦ ﻫﻴﺞ ﻋﻠﻴﺞ ﺍﻟﻠﻪ ﻋﻤﻪ ﻟﺘﺴﻮﻳﻬﻪ ﺑﻴﻪ
ﻳﺎﺍﺍﺍﺍ ﻣﺨﺒﻠﻪ ﺍﻧﺘﻲ
ﻛﻌﺪﺕ ﺑﺤﺰﻥ ﺑﺎﻟﻜﺎﻉ ﻭﻛﻤﺖ ﺍﺑﺠﻲ .... ﻣﺤﺪ ﺑﻴﻜﻢ ﻳﺮﺣﻤﻨﻲ .... ﻭﺍﻟﻠﻪ ﻣﺤﺪ ﻳﻔﻜﺮ ﺑﻴﻪ .... ﺗﻌﺮﻓﻴﻦ ﻣﻦ ﺧﺎﺑﺮﻧﻲ ﺍﺛﻴﺮ ﺻﺎﺭ ﻋﻴﺪ ﻋﻨﺪﻱ ..... ﻟﻴﺶ ﻣﺘﺤﺴﻮﻥ ﺑﻴﻪ ﻣﺎﺍﺩﺭﻱ....بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﻳﺎ ﺷﻴﺮﻳﻦ ﻧﺨﺎﻑ ﻋﻠﻴﺞ
ﻣﻦ ﺷﻨﻮ ﺷﻮ ﻋﻤﺮ ﻭﺟﻮﻩ ﺑﺎﻟﺴﺠﻦ ﺑﺴﺒﺒﻲ ﺍﺻﻼ ﻋﻤﺮ ﻳﻨﺨﺎﻑ ﻋﻠﻲ ﻣﻨﻲ ﻻﻥ ﺍﻧﻲ ﻓﻜﺮ ﻭﻓﻜﺮﺗﻪ ... ﻋﻤﻪ ﺑﺪﺍﻋﺔ ﺣﺒﻴﺒﺞ ﺍﻟﻲ ﺭﺍﺡ ﺗﻨﺠﻤﻌﻴﻦ ﺑﻲ ﻭﺩﻳﻨﻲ
ﺍﻭﻭﻑ ﻳﺎ ﺷﻴﺮﻳﻦ ﺣﺒﻜﻢ ﺩﻣﺮﻛﻢ ﺍﺛﻨﻴﻨﻜﻢ ﻫﻮ ﺷﺎﺏ ﺑﻌﻤﺮ ﺍﻟﻮﺭﺩ ﻭﻫﺴﻪ ﺑﺎﻟﺴﺠﻦ ﻭﺍﻧﺘﻲ ﻛﻠﺸﻲ ﺷﻔﺘﻲ .... ﻭﺑﻌﺪﻛﻢ ﻣﺘﻮﺑﻮﻥ
ﻋﻤﻪ ﻋﻠﻴﺞ ﺍﻟﻠﻪ
ﻣﺎﺷﻲ .... ﻣﺎﺷﻲ .... ﺑﺲ ﺧﻞ ﺍﺗﺮﻳﻚ
ﺍﻧﺘﻲ ﻣﻮ ﻣﺴﻮﻳﻪ ﺭﺟﻴﻢ ﻋﻤﻪ
ﺍﻱ ﻭﺍﻟﻤﺴﻮﻱ ﺭﺟﻴﻢ ﻣﻴﺘﺮﻳﻚ ﻗﺎﺑﻞ ..... ﻋﻔﺘﻬﻪ ﻭﺻﻌﺪﺕ ﺍﺑﺪﻝ ﻣﻜﻴﺠﺖ ﺧﻔﻴﻒ ﻭﺍﻧﻲ ﻓﺮﺣﺎﻧﻪ ﻭﻟﺒﺴﺖ ﻗﻤﻴﺺ ﺍﺳﻮﺩ ﻭﺑﻨﻄﺮﻭﻥ ﺍﺳﻮﺩ ﻛﻤﻠﺖ ﻭﺭﺣﺖ ﺍﻝ ﻣﺎﻣﺎ ﻛﻌﺪﺗﻬﻪ
ﻣﺎﻣﺎ .... ﻣﺎﻣﺎ
ﻓﺰﺕ ﺭﺃﺳﺎً .... ﺍﺳﻢ ﺍﻟﻠﻪ ﻣﺎﻛﻮ ﺷﻲ ﺷﺒﻴﺞ
ﺷﺘﺮﻳﺪﻳﻦ ﺧﻮﻣﺎﻛﻮ ﺷﻲ ﻭﻭﻳﻦ ﺭﺍﻳﺤﻪ
ﺭﺍﻳﺤﻪ ﻭﻳﻪ ﻋﻤﻪ ﻟﻼﻣﺎﻡ ﺍﻟﻜﺎﻇﻢ
ﻟﻼﻣﺎﻡ ﺍﻟﻜﺎﻇﻢ ﺷﻨﻮ ﺣﻠﻤﺎﻧﺎﺕ
ﺍﻱ ﻭﻣﻨﺎﻙ ﻟﻠﺒﺎﻟﻪ ﺩﻳﺮﻱ ﺑﺎﻟﺞ ﻋﻠﻰ ﺟﻨﺎﺕ
ﺃﺟﻠﻨﻬﻪ ﺍﻟﻌﺼﺮ ﻧﺮﻭﺡ ﺳﻮﻩ
ﻻ ﻣﺎﻣﺎ ﺗﻌﺒﺎﻧﻪ ﺍﻧﻲ ﺣﻴﻞ ﻏﻴﺮ ﻣﺮﻩ
ﻧﺰﻟﺖ ﻭﻫﻤﺰﻳﻦ ﻣﺎﻣﺎ ﻣﺴﻜﺖ ﻣﺎﺍﻋﺮﻑ ﺑﻘﻠﻖ ﻻﻥ ﺍﻋﺮﻑ ﻛﺎﻋﺪ ﺍﺳﻮﻱ ﺷﻲ ﻣﻴﻘﺒﻠﻮﻥ ﻋﻠﻲ
ﻧﺰﻟﺖ ﻟﻜﻴﺖ ﻋﻤﻪ ﻣﻜﻠﻴﻪ ﺑﻴﺾ ﻭﻣﻜﺴﺒﻪ ﺧﺒﺰ
ﻋﻤﻪ ﺍﻧﺘﻲ ﻣﻮ ﺑﺪﻳﺘﻲ ﺭﺟﻴﻢ
ﻭﺍﻧﻲ ﻫﺴﻪ ﺷﻤﺴﻮﻳﻪ ﻫﻮ ﻛﺎﻋﺪ ﺍﺳﺘﻄﻌﻤﻬﻦ ﻭﺍﻋﻠﺴﻬﻦ ﺑﺪﻭﻥ ﻣﻴﺪﺧﻠﻦ ﻣﻌﺪﺗﻲ
ﻳﺎﺍﺍﺍﺍﺍ
ﻭﻭﺟﻌﺎ ﻋﻞ ﺍﻗﻞ ﻣﻦ ﺍﻟﻮﺝ ﺍﻟﻠﻜﻤﻪ ﺍﺣﺲ ﺑﺎﻻﻣﺎﻥ ﺍﺣﺲ ﻧﻔﺴﻲ ﻣﺎﻛﻠﻪ ﺣﺘﻰ ﺍﺫﺍ ﻣﺘﻮﺻﻞ ﻣﻌﺪﺗﻲ
ﺧﻠﺼﺖ ﻛﺮﺻﻪ ﻛﺎﻣﻠﻪ ﺗﻌﻠﺲ ﻭﺗﺬﺏ ﺍﻟﺤﺪ ﻣﻜﻤﻠﺖ ﺗﺒﺪﻳﻞ ﺷﻠﺖ ﺣﺎﻟﻲ
ﺍﺟﺮﻧﻪ ﺗﻜﺴﻲ ﻟﻜﻴﻨﻪ ﺍﺛﻴﺮ ﻳﻨﺘﻀﺮﻧﻪ
ﺍﺣﺲ ﻛﻠﺒﻲ ﺻﺎﺭ ﻃﺒﻞ ﻳﺪﻙ ﺳﺮﻳﻊ ﻓﺮﺣﺎﻧﻪ ﺣﻴﻞ ﺍﻟﺪﺭﺟﺔ ﻳﺮﻳﺪﻳﻐﻤﻪ ﻋﻠﻴﻪ
ﺑﺎﺑﺘﺴﺎﻣﻪ .... ﻫﻠﻮ ﺍﺛﻴﺮ
ﺍﻫﻼ .... ﻣﻦ ﻭﺭﻩ ﺧﺸﻤﻪ
ﻭﻛﻔﺖ ﻛﺒﺎﻟﻪ ﻋﻤﻪ .... ﻫﻮ ﺍﻧﺖ ﺍﺛﻴﺮ .... ﺷﻮ ﺧﺸﻤﻚ ﻳﺎﺑﺲ ﺍﺑﻮ ﺧﺸﻢ
ﺍﻫﻼ ﺧﺎﻟﻪ
ﺷﻴﺮﻳﻦ / ﻋﻤﺘﻲ ﺧﻮﻟﻪ ..... ﻋﻤﻪ ﺍﺛﻴﺮ ﺻﺪﻳﻖ ﻋﻤﺮ ﺍﻟﻤﻘﺮﺏ
ﺍﻱ ﻣﻮ ﺷﻔﺘﻴﻨﻲ ﻛﺘﻠﻪ ﺍﺛﻴﺮ ﺍﺑﻮ ﺧﺸﻢ ﺍﻟﻴﺎﺑﺲ
ﺿﺤﻚ ﺍﺛﻴﺮ ..... ﻻ ﺧﺎﻟﻪ ﺑﺲ ﺍﺿﻮﺝ ﻣﻦ ﺑﺖ ﺍﺧﻮﺝ
ﺧﻮﻟﻪ / ﻳﻌﺠﺒﻨﻲ ﺍﻻﻧﺴﺎﻥ ﺍﻟﺼﺮﻳﺢ .... ﻫﻮ ﻫﺬﺍ ﺍﻟﺴﺠﻦ
ﺍﺛﻴﺮ / ﺍﻱ
ﻋﺎﺩ ﺍﻧﻲ ﺍﺩﺧﻞ ﻭﻳﺎﻛﻢ ﻟﻮ ﺍﺑﻘﻪ ﻫﻨﺎ ﺑﺎﻟﺸﺎﺭﻉ
ﻣﺒﻴﻦ ﺍﺑﻘﻪ ﺍﻧﻲ ﺭﺍﺡ ﺍﻛﻌﺪ ﻫﻨﺎ ﺑﺎﻟﻔﻲ ﺍﺣﺴﻦ ﺍﻟﻲ
ﺿﺤﻚ ﺍﺛﻴﺮ ﻭﻛﺎﻝ ﺗﺮﻩ ﺍﺣﺘﻤﺎﻝ ﻣﻴﻘﺒﻠﻮﻥ ﺍﻧﻲ ﺣﺠﻴﺖ ﻭﻳﻪ ﺍﻟﻀﺎﺑﻂ ﻭﺑﻌﺪ ﻣﺎﺍﻋﺮﻑ
ﺻﺪﻙ ﺍﺛﻴﺮ
ﺍﻱ ﻭﺍﻟﻠﻪ
ﺭﺍﺣﺖ ﺍﺑﺘﺴﺎﻣﺘﻲ .... ﻭﺧﻔﺖ ﺣﻴﻞ ﺍﻋﺮﻑ ﺣﻀﻲ ﺯﻓﺖ
ﺩﺧﻠﺖ ﻭﺭﻩ ﺍﺛﻴﺮ ﺑﻘﻪ ﻳﺤﺠﻲ ﻭﺑﻪ ﻭﺍﺣﺪ ﻫﻮﺍﻱ ﻭﺍﻟﻲ ﻳﺤﺠﻲ ﻭﻳﺎ ﻳﺒﺎﻭﻉ ﻋﻠﻴﻪ ﻭﺍﻧﻲ ﺑﺪﺍﺧﻠﻲ ﺍﺣﺲ ﻧﻔﺴﻲ ﺭﺍﺡ ﺍﻧﻬﺎﺭ ﺑﺲ ﻻ ﻣﻴﻘﺒﻠﻮﻥ
ﺩﺍﺭ ﺍﺛﻴﺮ ﻋﻠﻴﻪ .... ﻳﻠﻠﻪ ﺩﺧﻲ ﻣﻨﺎ ﻋﻞ ﺗﻔﺘﻴﺶ
ﺣﺴﻴﺖ ﻧﻔﺴﻲ ﺍﺭﻳﺪ ﺍﺗﺨﺮﺑﻂ ﻣﻤﺼﺪﻛﻪ ﻭﻛﻠﺒﻲ ﻛﺎﻡ ﻳﻮﺟﻌﻨﻲ ﻣﻦ ﺍﻟﻔﺮﺣﻪ ..... ﻳﺎﺭﺏ ﺷﻜﺮﺍً ... ﺷﻜﺮﺍً
ﺩﺧﻠﺖ ﻟﻠﺘﻔﺘﻴﺶ ﺭﺟﻠﻲ ﺗﺮﺟﻒ ﻣﺎﺍﻋﺮﻑ ﺭﺍﺡ ﺍﻭﺻﻞ ﻭﺍﺷﻮﻑ ﻋﻤﺮ ﻣﻤﺴﺘﻮﻋﺒﻪ ﻫﺬﺍ ﺍﻟﺸﻲ ﺍﺑﺪ ..... ﺣﺘﻰ ﺍﻳﺪﻱ ﺗﺮﺟﻒ
ﻭﺍﻧﻲ ﺍﻣﺸﻲ ﻳﻢ ﺍﺛﻴﺮ ﻛﻠﻲ .... ﻟﺘﺘﻮﻗﻌﻴﻦ ﻣﻦ ﻋﻤﺮ ﺭﺍﺡ ﻳﻘﺒﻞ ﻳﺸﻮﻓﺞ ... ﻋﻞ ﻋﻤﻮﻡ ﺍﻧﻲ ﺭﺍﺡ ﺍﺩﺧﻞ ﺍﺷﻮﻓﻪ ﻭﺍﻃﻠﻊ ﻻﻥ ﺍﺫﺍ ﻣﺪﺧﻠﺖ ﻣﺎﺍﺭﺗﺎﺡ ﻭﻻﺯﻡ ﺍﻟﻪ ﺍﻟﺸﻬﺮ ﺍﻟﻴﺠﻲ ﻳﺎﻟﻠﻪ ﺍﺷﻮﻓﻪ
ﺍﻱ
ﺍﺣﺠﻲ ﻭﺍﺭﺟﻒ ﻣﻤﺼﺪﻛﻪ ﻭﺍﻟﻠﻪ ..... ﺩﺧﻠﺖ ﺷﻔﺘﻪ ﻭﺍﻛﻒ ﺑﺲ ﺷﻨﻮ ﻣﻮ ﻣﺜﻞ ﺑﺎﻟﻤﺴﻠﺴﻼﺕ ﻳﻌﻨﻲ ﺍﻛﻮ ﺣﺎﺟﺰ ﺑﻴﻨﺎﺗﻨﻪ
ﺑﺎﻭﻉ ﺍﻧﺼﺪﻡ ..... ﻓﺘﺢ ﻋﻴﻨﻪ
ﻛﺒﻞ ﺑﺠﻴﺖ ﻣﺘﺤﻤﻠﺖ
ﺍﺛﻴﺮ ﻫﺎﻱ ﺷﺠﺎﺑﻬﻪ ﻫﻨﺎ
ﺍﺛﻴﺮ / ﺷﺨﺒﺎﺭﻙ
ﻋﻤﺮ / ﻛﺘﻠﻚ ﻫﺎﻱ ﺷﺠﺎﺑﻬﻪ ﻫﻨﺎ ..... ﺷﻠﻮﻥ ﺗﺠﻴﺒﻬﻪ
ﺷﻴﺮﻳﻦ / ﺗﻘﺮﻳﺖ ... ﻋﻤﺮ
ﺍﺷﺸﺸﺸﺶ ﻟﺘﺤﺠﻴﻦ ﺍﺑﺪﺍً .... ﺑﺄﻱ ﻭﺟﻪ ﺗﺠﻴﻦ ﻭﺑﻌﺪﻳﻦ ﺍﻧﺘﻲ ﺍﻟﻬﺎﻱ ﺍﻟﺪﺭﺟﻪ ﺭﺧﻴﺼﻪ ﺷﻠﻮﻥ ﺗﺠﻴﻨﻲ ﻭﺍﻧﺘﻲ ﻣﺮﻩ ﻋﻠﻰ ﺫﻣﺔ . ﺭﺟﺎﻝ
ﺍﺛﻴﺮ / ﻋﻤﺮ ﺧﻠﻴﻨﻲ ﺍﺷﻮﻓﻚ ﻭﺍﻃﻠﻊ
ﻃﻠﻌﻬﻪ ﻭﻳﺎﻙ ﻣﺎﺍﺭﻳﺪ ﺣﺘﻰ ﺗﺴﻤﻊ ﺻﻮﺗﻬﻪ ﻣﻮ ﺍﺷﻮﻓﻬﻪ ﺍﻧﻮﺏ
ﻋﻤﺮ ﻭﺍﻟﻠﻪ ﺍﻧﻲ ﻣﺎﻟﻲ ﻋﻼﻗﻪ
ﺑﺸﻨﻮﻭﻭﻭ ﻣﺎﻟﺞ ﻋﻼﻗﻪ .... ﺑﺸﻨﻮﻭﻭﻭ ﺑﺎﻟﻀﺒﻂ . ﺍﻧﻲ ﻣﻜﺎﻋﺪ ﺍﺣﻤﻠﺞ ﻣﺴﺆﻟﻴﺔ ﻭﺟﻮﺩﻱ ﺑﺎﻟﺴﺠﻦ .... ﺍﻧﺘﻲ ﻏﺪﺭﺗﻴﻨﻲ
ﺍﻧﻲ ﻣﺒﻠﻐﺖ ﻋﻠﻴﻚ
ﺿﺮﺏ ﺑﻴﺪﻩ ﻋﻞ ﺣﺪﻳﺪﻩ ﺍﻋﺮﺭﺭﺭﻑ
ﺑﺲ ﺍﻧﺘﻲ ﺭﺣﺘﻲ ﺗﺰﻭﺟﺘﻲ ﻭﺭﻩ ﻣﻨﺴﺠﻨﺖ
ﺍﻧﺠﺒﺮﺕ
ﺿﺤﻚ ﺑﺎﺳﺘﻬﺰﺍﺀ ...... ﺍﻧﺠﺒﺮﺗﻲ ... ﺍﻧﺠﺒﺮﺗﻲ
ﺍﻧﺘﻲ ﺧﻠﺼﺘﻲ ﻋﻤﺮﺝ ﺗﻐﻠﻄﻴﻦ ﻭﺗﻜﻮﻟﻴﻦ ﺍﻧﺠﺒﺮﺗﻲ
ﻛﻤﺖ ﺍﺑﺠﻲ ﻭﻫﻮ ﻳﺒﺎﻭﻉ ﻋﻠﻴﻪ ﺑﺤﻘﺪ ﺑﺎﻭﻋﺖ ﻋﻠﻲ
ﺍﻧﻲ ﺗﻄﻠﻜﺖ
ﺻﻔﻚ ﻣﺒﺮﺭﺭﻭﻙ .... ﻣﺒﺮﻭﻙ ﺗﻘﺮﺏ ﺣﻴﻞ ﻭﻛﻠﻲ ﺗﻘﺮﺑﻲ ﻋﻠﻴﻪ ﻭﺣﺠﻪ ﺑﺼﻮﺕ ﻧﺎﺻﻲ
ﻳﻮﻡ ﺑﻌﺪ ﻳﻮﻡ ﺍﻛﺘﺸﻒ ﺍﻧﺘﻲ ﻭﺣﺪﻩ ﺭﺧﻴﺼﻪ ﺣﻴﻞ
ﺑﺎﻭﻋﺖ ﻋﻠﻲ ﻭﺍﻧﻲ ﺍﺑﺠﻲ ....... ﻟﻴﺶ ﻫﻴﺞ ﺗﺤﺠﻲ ﻳﺎﻋﻤﺮ
ﺭﻭﺣﻲ ﺷﻴﺮﻳﻦ ﻟﺘﺠﻴﻨﻲ ﺑﻌﺪ .
ﻋﻤﺮ ﻫﻴﺞ ﺍﻧﻲ ﺑﻌﻴﻮﻧﻚ ﺭﺧﻴﺼﻪ
ﺭﻭﺣﻲ ﺷﻴﺮﻳﻦ
ﺭﺍﺡ ﺍﺭﻭﺡ ﺑﺲ ﺍﻛﻠﻚ ﺍﻧﺖ ﻫﺴﻪ ﻣﻮ ﺑﺎﻟﺴﺠﻦ ﺑﺲ ﺍﻧﻲ ﻣﻦ ﺍﻣﻮﺕ ﺍﺭﻭﺡ ﻟﻠﻨﺎﺭ ﻣﻦ ﻭﺭﺍﻙ ﻻﻥ ﻣﺎﻛﻮ ﻳﻮﻡ ﻣﻔﻜﺮﺕ ﺑﻴﻚ
ﻣﻮ ﺍﻛﻠﺞ ﻭﺣﺪﻩ ﺭﺧﻴﺼﻪ . ﺗﻀﻮﺟﻴﻦ
ﺑﺮﺍﺣﺘﻚ ﺑﺲ ﺍﻛﻠﻚ ﺑﺸﻐﻠﻪ ..... ﻟﺘﺼﺪﻙ ﻣﻦ ﺫﺍﻙ ﺍﻟﻴﻮﻡ ﺍﻟﻬﺬﺍ ﺍﻟﻴﻮﻡ ﻋﺸﺖ ﻳﻮﻡ ﻭﺍﺣﺪ ﻣﺮﺗﺎﺣﻪ ..... ﺍﻟﺤﺪ ﻫﺴﻪ ﺍﺟﻴﺖ ﻭﺑﺪﻭﻥ ﻣﻴﺪﺭﻭﻥ ﺍﻫﻠﻲ
ﺳﻜﺖ ﻭﺍﻧﻲ ﺳﻜﺘﺖ ..... ﺑﻘﻴﺖ ﺍﺑﺎﻭﻉ ﻋﻠﻲ .... ﻣﺸﺘﺎﻗﺘﻠﻪ ﻭﻫﻮﺍﻱ ﺟﻨﺖ ﻣﺘﻮﻗﻌﻪ ﻣﻴﻘﺒﻞ ﺑﻴﻪ ﺑﺲ ﺟﻨﺖ ﻋﺎﻳﺸﻪ ﺑﺄﻣﻞ ﻭﺍﺣﺪ ﺑﺎﻟﻤﻴﻪ ﺧﻠﻴﺖ ﺍﻳﺪﻱ ﻋﻠﻰ ﺍﺻﺒﻌﻪ
ﺍﻋﺮﻑ ﻏﻠﻂ ﺑﺲ ﺗﻌﺒﺖ ﻣﻦ ﺍﻟﺘﻔﻜﻴﺮ ﺑﺎﻟﺼﺢ ﻭﺍﻟﻐﻠﻂ ....
ﺟﺮ ﺍﻳﺪﻩ ﻛﻠﻬﻪ ﻭﺿﺤﻚ .... ﺭﻭﺣﻲ ﺷﻴﺮﻳﻦ ..... ﺗﺠﺎﻫﻠﻨﻲ ﻭﺣﺠﻪ ﻭﻳﻪ ﺍﺛﻴﺮ
ﺍﺛﻴﺮ .... ﺷﺨﺒﺎﺭ ﺑﻜﺮ
ﺯﻳﻦ .... ﺍﻻﺳﺒﻮﻉ ﺍﻟﻴﺠﻲ ﻫﻢ ﺭﺍﺡ ﻳﺠﻲ
ﺷﻠﻮﻥ ﻳﺠﻲ ﺑﻠﻠﻪ ﺻﺎﺭ ﻋﻠﻲ ﺷﻲ
ﻻ ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ ﻟﺘﺨﺎﻑ ﻣﺄﻣﻦ ﻣﻜﺎﻥ ﻭﺑﻌﺪﻳﻦ ﺍﺻﻼ ﻫﻮ ﺭﺍﺡ ﻳﺠﻲ ﻋﻠﻤﻮﺩ ﺣﻞ ﺍﻟﻤﺸﻜﻠﻪ ﺍﻟﻌﺸﺎﺋﺮﻳﻪ ﺍﻧﺖ ﻭﺑﺎﻟﺴﺠﻦ ﺑﻌﺪ ﺷﻜﻮ
ﻣﻦ ﻛﻞ ﻋﻘﻠﻪ ﺑﻜﺮ
ﺍﺣﺴﻦ ﺷﻨﻮ ﻟﺸﻮﻛﺖ ﻳﺒﻘﻪ ﺑﻜﺮ ﻣﻴﻜﺪﺭ ﻳﺪﺧﻞ ﻟﻠﻌﺮﺍﻕ
ﺑﺎﻭﻉ ﻋﻠﻴﻪ ...... ﻣﻦ ﻭﺭﺍﺝ ﻟﻌﺒﺖ ﺑﺄﻫﻠﻲ ﺟﻮﻟﻪ ﻣﻦ ﻭﺭﻩ ﺣﺒﺞ ﺍﻟﻔﺎﺷﻞ
ﺳﻜﺘﺖ ﻭﺩﻧﻜﺖ ﺑﻘﻪ ﻳﺴﻮﻟﻒ ﻭﻳﻪ ﺍﺛﻴﺮ ﻭﺭﺍﻫﻪ ﺧﻠﺺ ﻣﻮﻋﺪ ﺍﻟﺰﻳﺎﺭﻩ
ﻭﺍﻧﻲ ﺍﺑﺎﻭﻉ ﻋﻠﻲ ﻣﻦ ﻳﺴﻮﻟﻒ ﻣﻴﺨﺎﻟﻒ ﺧﻠﻲ ﺯﻋﻼﻥ ﻭﻣﻤﻌﺒﺮﻧﻲ ﺑﺲ ﺍﻫﻢ ﺷﻲ ﺷﻔﺘﻪ
ﻣﺎﺍﻋﺮﻑ ﺷﻜﻠﻪ ﺍﺛﻴﺮ ﺑﺼﻮﺕ ﻧﺎﺻﻲ ﺣﻴﻞ ﺍﺑﺘﺴﻢ ..... ﺍﺑﺘﺴﻤﺖ ﻻ ﺍﺭﺍﺩﻳﺎً ﺍﻻﺑﺘﺴﺎﻣﺘﻪ ﺍﻟﻤﺸﺘﺎﻗﺘﻠﻬﻪ ﺑﺎﻭﻉ ﻋﻠﻴﻪ
ﺩﻳﺮ ﺑﺎﻟﺞ ﺗﺴﻮﻳﻬﻪ ﺑﻌﺪ
ﺷﻨﻮ
ﺩﻳﺮ ﺑﺎﻟﺞ ﺗﺠﻴﻦ ﺑﻌﺪ ﻣﺎﺍﺭﻳﺪ ﺍﺷﻮﻓﺞ
ﺗﻘﺮﺑﺖ ﻋﻠﻲ ﻭﺍﺛﻴﺮ ﻭﻛﻒ ﻋﻠﻰ ﺻﻔﺤﻪ
ﺍﻧﻲ ﺍﺣﺒﻚ ﻋﻤﺮ ﻭﺍﻋﺸﻘﻚ ﺗﻘﺒﻞ ﺍﻭ ﻣﺘﻘﺒﻞ ﺑﺮﺍﺣﺘﻚ
ﻭﺭﺍﺡ ﺍﻧﺘﻈﺮﻙ ﺍﻟﺤﺪ ﻣﺘﻄﻠﻊ ﻭﺗﺘﺰﻭﺟﻨﻲ ﻏﺼﺒﺎً ﻣﺎﻋﻠﻴﻚ ﻭﺍﻟﻠﻪ
ﺿﺤﻚ ﺑﺎﺳﺘﻬﺰﺍﺀ .... ﺑﺎﺑﺎ ﺍﻧﻲ ﻣﺤﻜﻮﻡ ﻣﺆﺑﺪ ﻳﻌﻨﻲ ﻣﻨﺎ ﺍﻃﻠﻊ ﻟﻠﻜﺒﻮﺭ ﺧﺎﻑ ﻣﺎﻋﻨﺪﺝ ﻓﻜﺮﻩ
ﺍﺛﻴﺮ / ﻳﻠﻠﻪ ﺧﻠﺼﺖ ﺍﻟﺰﻳﺎﺭﻩ ﻋﻤﻮﺭﻱ ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ
ﻭﺍﻧﻲ ﻛﺎﻋﺪ ﺍﻃﻠﻊ ﺻﺎﺡ ﺷﻴﺮﻳﻦ ..... ﻳﺘﺒﻊ
|