روبى واكبر مخاوفها بتتحقق بالفعل سيزار فى سبيل انه ينتقم او يحتفظ بيها غلط غلطة كبيرة واتصرف تصرف مهين صعب واحدة فى قوتها تتقبلها صعب جدا الانسان يعيش ينكر صفات معينة فى شخصيته ومع اول اختبار حقيقى بيتصرف بناء على الصفات دى وده اللى عمله سيزار بينكر تصرفات قريبه بس تقريبا اتصرف زيه هو واقع فى مشكلة اعتقد انه موش مدرك ابعادها مفيش ست هتحب واحد وتقبل بوجود طفل ليه خصوصا ان هيتولد وقت زواجهم
صوفى
تقريبا موش بتحب اليخاندرو قد ما بتحب وهم موجود فى خيالها انه عكس روكو لو استمرت كدة حالتها هتزيد سوء موش فاهمة ازاى مراجعتش حسابتها بعد تجربة قربها من الموت ومازلت نفس الشخصية بل بتزيد وقاحة وهمجية
اليخاندرو
لسة فى جواه حاجات كتيير هو كمان مشوش يمكن اكتر من بيانكا ولازم يفكر فى المساعدة النفسية اللى موش هتقدمها له بيانكا بقلة نضوجها
روكو
بيغلط نفس الغلط عاوز يفرض اسلوب حياة بيانكا عليها كأنها طفلة طيب دى ممكن تنضج او تبقى شخص مسئول ازاى طالما هتتقلى الاوامر من الوالد
فلور
المفترض انها اقوى من كدة موش فاهمة لية موش بتوقفه عند حده وتفهمه انها شريكته موش حاجة يصرخ فيها تحت الضغط كلامها عن كيفن منطقي ما هى قدامه طول عمرها عشان كدة اعتقد انه موش بيحبها قد ما بيحب يمتلكها ليس الا
خوسية
اسوء شخص فى كل اجزاء السلسة حصل عليها بحدارة اتمنى منكونش حامل هتكون ضربة كويسة لكبريائه
شكرااا على الفصل الرائع الاحداث بتتعقد بشكل كبيير بصراحة موش عارفة ممكن تحلى التشابك ده ازاي مع انى واثقة من انك عندك افكار صعب نوصلها وده اللى اتعودناه منك القدرة على مفاجأتنا باحداث غير متوقعة |