ﺑﺎﺭﺕ ﺍﻟﺘﺎﺳﻊ
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﺃﻳﻦ ﻧﻤﺸﻲ؟ ..
ﻛﻞ ﺍﻟﺮﺻﻴﻒ ﺯﺟﺎﺝ
ﺃﻳﻦ ﻧﺒﻜﻲ؟ ..
ﻛﻞ ﺍﻟﻘﻠﻮﺏ ﺣﺠﺎﺭﻩ ..
ﻣﺎﺫﺍ ﻓﻌﻠﺖ ﺑﻨﻔﺴﻲ ،ﻣﻦ ﺳﻴﻨﻘﺬﻧﻲ ؟ ﻭﻛﺒﺮﻳﺎﺋﻲ ﻳﻐﻄﻲ ﺍﻟﺠﺮﺡ ﻳﺨﻔﻴﻪ ﺇﻥ ﻳﺴﺄﻟﻮﺍ : ﺃﺩّﻡٌ ﺫﺍ ؟ ﻗﺎﻝ : ﺑﻞ ﻛﺮﺯٌ ،ﺍﺻﺎﺏ ﺛﻮﺑﺎ ﻗﺪﻳﻤﺎ ﺳﻮﻑ ﺍﺭﻣﻴﻪ
.................................... .
ﻛﻨﺖ ﻛﺎﻋﺪﻩ ﻋﻠﺊ ﺍﻟﻘﻨﻔﻪ ﻭﻻﻣﻪ ﺭﺟﻠﻴﻪ ﻟﺼﺪﺭﻱ ﺧﺎﻟﺘﻲ ﻣﻮ ﻫﻨﺎ ﻃﻠﻌﺖ ﺗﺸﻮﻑ ﺍﻟﻮﺿﻊ ﻭ ﺯﻭﺟﻬﺎ ﺑﺎﻟﺸﻐﻞ ... ﻭﺍﻃﻔﺎﻟﻬﺎ ﺑﺎﻟﻤﺪﺭﺳﻪ ..
ﻣﻮﺑﺎﻳﻠﻲ ﻣﻦ ﻃﻠﻌﺖ ﻣﻦ ﺑﻴﺖ ﺍﻫﻠﻲ ﻟﺤﺪ ﺍﻻﻥ ﻣﺎ ﻓﺎﺗﺤﺘﻪ ﺍﺳﺄﻝ ﺧﺎﻟﻪ ﺍﻛﻮﻟﻬﺎ ﺷﻨﻮ ﺍﻟﻮﺿﻊ ﺩﻛﻮﻝ ﺗﻤﺎﻡ ﻣﺎﻛﻮ ﺷﺊ ﺍﺳﺘﻐﺮﺑﺖ ﺷﻨﻮ ﻣﺎﻛﻮ ﺷﺊ ﺟﺎﻥ ﺩﻛﻮﻝ ﺍﻱ ﺩﻭﺭﻭ ﻳﻮﻡ ﻳﻮﻣﻴﻦ ﻭﺳﻜﺘﻮ ﻫﺴﻪ ﻳﻜﻮﻟﻮﻥ ﻣﺎﺗﺖ ﻭﻳﺨﻔﻮﻥ ﺫﻛﺮﺝ ﺍﻟﻤﻬﻢ ﻧﺴﺎﻓﺮ ﻣﻀﻞ ﺷﺊ ﻭﻧﻄﻠﻊ .....
ﻭﻛﻔﺖ ﺑﺘﻮﺗﺮ ﻭﺍﻧﻲ ﺍﻛﻞ ﺑﺎﺿﺎﻓﺮﻱ ﺭﺣﺖ ﺍﺧﺬﺕ ﻣﻮﺑﺎﻳﻠﻲ ﻓﺘﺤﺘﻪ ...
ﺍﻧﺼﺪﻣﺖ ﻣﻦ ﻋﺪﺩ ﺍﻟﺮﺳﺎﺋﻞ ﻭﺍﻟﻤﻜﺎﻟﻤﺎﺕ ﻭﺍﻛﺜﺮﻫﺎ ﻣﻦ ﺍﻫﻠﻲ ﻭﺟﺪﻭﻭ ﻭﺑﻴﺒﻲ ﻭﻣﻴﺲ ...
ﻭﺭﺳﺎﻟﻪ ﻭﺣﺪﻩ ﻣﻦ ﺍﺑﺎ ﺫﺭ
ﻣﺠﺮﺩ ﻭﺟﻮﺩ ﺭﺳﺎﻟﻪ ﻭﺣﺪﻩ ﻣﻨﻪ ﺍﺣﺲ ﺍﻟﻤﻮﺑﺎﻳﻞ ﻋﺒﺎﺭﻩ ﻋﻦ ﻫﻮ ﻭﺑﺪﻭﻥ ﻭﻋﻲ ﻣﻨﻪ ﺍﻭﻝ ﺭﺳﺎﻟﻪ ﻓﺘﺤﺘﻬﺎ ﻫﻲ ﺭﺳﺎﻟﺘﻪ ...
ﺍﻧﺼﺪﻣﺖ ﻭﺻﺎﺑﺘﻨﻲ ﺧﻴﺒﺔ ﺍﻣﻞ ﻛﻮﻭﻭﻟﺶ ﻛﺒﻴﺮﻩ ﺣﺴﻴﺖ ﻣﺜﻞ ﺍﻟﻲ ﺍﻧﻀﺮﺏ ﺭﺍﺷﺪﻱ ﻗﻮﻱ ...
ﻗﺮﻳﺘﻬﺎ ﺑﺤﺴﺮﻩ ﻋﻠﻴﻪ ﻭﻋﻠﺊ ﻧﻔﺴﻲ ﻛﺎﺗﺐ ... ﻫﻞ ﻟﻲ ﺑﺤﺎﺳﻪ ﺳﺎﺩﺳﻪ ... ﺗﻠﻬﻤﻨﻲ ﻋﻤﺎ ﺑﺪﺍﺧﻠﻚ ... ﺗﺴﺮﻕ ﻟﻲ ﺍﺧﺒﺎﺭﻙ ... ﻭﻣﺎ ﻳﺤﺪﺙ ﺣﻮﻟﻚ ... ﻓﺘﺆﻛﺪ ﻟﻲ ﺭﺍﺣﺘﻚ ... ﺷﻠﻮﻧﺞ ﺣﺒﻴﺒﺘﻲ ﺍﻟﻴﻮﻡ ﺟﺎﻳﻜﻢ ... ﺗﺴﺘﻘﺒﻠﻴﻨﻲ؟
ﻏﻤﻀﺖ ﻋﻴﻮﻧﻲ ﺑﺠﻴﺖ ﻭﺍﻧﻲ ﺍﻛﺘﻢ ﻋﺒﺮﺍﺗﻲ ﺷﻜﺘﺐ ﻭﺷﻨﻮ ﺍﺭﺳﻞ ﺳﻮﻳﺖ ﺳﺎﻟﻔﺔ ﻣﺎ ﺗﺘﺴﻮﻟﻒ ... ﻭﻳﻦ ﺍﺳﺘﻘﺒﻠﻚ
ﺑﺲ ﻟﻴﺶ ﻣﺠﺎﻥ ﻳﺤﺠﻲ ﻭﻳﺎﻳﻪ ﻫﻴﺞ ﻛﻼﻡ ﺣﻠﻮ ﻟﻴﺶ ﻣﻦ ﺍﻧﻬﺰﻣﺖ ﻳﺎﻟﻠﻪ ﻏﺮﺩ ...
ﺑﻌﺪﻫﺎ ﺣﺴﻴﺖ ﺍﺷﺘﻐﻞ ﺍﻟﺘﻔﻜﻴﺮ ﻋﻨﺪﻱ ﻣﻌﻘﻮﻟﻪ ﻛﺬﺍﺏ ﻳﺴﺘﺪﺭﺟﻨﻲ ﺑﻜﻼﻣﻪ ﻭﻳﺮﻳﺪﻧﻲ ﺍﺣﺠﻲ ﻭﻳﺎﻩ ﻭﺑﻌﺪﻫﺎ ﻳﻠﺰﻣﻨﻲ ...
ﺍﻱ ﺍﺣﺘﻤﺎﻝ ﺍﺫﺍ ﻟﺰﻣﻨﻲ،ﻳﺬﺑﺤﻨﻲ ﻭﻳﺪﻓﻨﻲ ... ﻳﺎﺍﺍﺍﺍﺭﺑﻲ ﺳﺎﻋﺪﻧﻲ ﻳﺎﺍﺍﺍﺭﺏ ﻻ ﺗﺘﺮﻛﻨﻲ،ﺍﺣﺲ ﺗﻬﻮﺭﺕ ...
ﺿﻠﻴﺖ ﺍﻓﺘﺮ ﺑﺎﻟﺒﻴﺖ ﺑﺘﻮﺗﺮ ﻭﻛﻞ ﺧﻠﻴﻪ ﺑﺠﺴﻤﻲ ﺗﺮﺟﻒ ... ﻓﺘﺤﺖ ﺍﻟﻤﻜﺎﻟﻤﺎﺕ ...
ﻭﺑﻌﺪﻫﺎ ﺷﻔﺖ ﺍﻟﺮﺳﺎﺋﻞ ﻓﺘﺤﺖ ﻋﻴﻮﻧﻲ ﻣﺮﻋﻮﻭﻭﺑﻪ ﻣﻦ ﺍﻟﻤﻜﺘﻮﺏ ﻣﻴﺲ ﻛﺎﺗﺒﻪ ... ﻟﺞ ﺗﺎﺝ ﻭﻳﻴﻴﻦ ﺭﺣﺘﻲ ﻭﺍﻟﻠﻪ ﺍﻟﻌﻈﻴﻢ ﻭﺭﻭﺡ ﻫﺒﻪ ﻋﻤﻮ ﻭﺑﺎﺑﺎ ﻭﺑﻴﺒﻲ ﻗﺮﻭ ﻋﻠﻴﺞ ﺍﻟﻔﺎﺗﺤﻪ ﻭﻫﺪﺭﻭ ﺩﻣﺞ ﻳﺎ ﺯﻣﺎﻟﻪ ... ﺍﻟﻠﻪ ﻳﻄﻴﺢ ﺣﻀﺞ ...
ﺑﻠﻌﺖ ﺭﻳﻜﻲ ﺑﺮﺟﻔﻪ ... ﺍﺣﺲ ﺭﻭﺣﻲ ﻣﻮ ﺑﺄﻣﺎﻥ ﺍﺣﺲ ﺣﺘﺊ ﺍﻟﺒﻴﺖ ﻳﺮﻳﺪ ﻳﺎﻛﻠﻨﻲ ... ﺿﻠﻴﺖ ﺍﺗﻠﻔﺖ ﺑﺨﻮﻑ ﻭﺍﻟﺪﻣﻮﻉ ﺟﻤﺪﺕ ﺑﻌﻴﻮﻧﻲ ..بيج قصص عراقيه حقيقيه من واقعنا.روعه الطائي
ﺍﺩﻭﺭ ﺳﺒﺐ ﻟﺘﺼﺮﻓﺎﺗﻲ ﻣﻨﻮ ﺍﻟﺴﺒﺐ ﺍﻧﻲ ﻟﻮ ﻫﻤﻪ ...
ﺍﺫﺍ ﺍﻧﻲ ﺍﻛﺪﺭ ﺍﺑﺮﺭ ﺍﻟﻨﻔﺴﻲ ﺻﻐﻴﺮﻩ ﻭﻧﺰﻟﻮﻧﻲ ﺑﮕﺒﺮ ﻭﺧﻠﻮﻧﻲ ﺑﻴﻦ ﺍﺩﻳﻦ ﻗﺎﺗﻞ ... ﻣﻦ ﻃﻔﻠﻪ ﻭﺍﻧﻲ ﺍﻓﺘﻘﺪ ﺍﻟﺘﺮﺑﻴﺔ ﺍﻣﻲ ﻭﺍﻓﺘﻘﺪ ﺍﻟﺤﻨﺎﻧﻬﺎ ﻣﻦ ﻧﻌﻮﻣﺔ ﺍﺿﺎﻓﺮﻱ ﻭﺗﺨﻠﺖ ﻋﻨﻲ ﺍﻧﻄﺘﻨﻲ ﻟﺒﻴﺖ ﺟﺪﻭ ﺭﺑﻮﻧﻲ ﺑﺤﺠﺔ ﻛﺜﺮﺓ ﻋﺎﺋﻠﺘﻬﺎ ... ﺷﺘﺘﻨﻲ ﻣﻦ ﺑﻴﻦ ﺍﺧﻮﺍﻧﻲ
ﺍﺣﺲ ﺍﻟﻌﺎﻟﻢ ﻛﻮﻟﻪ ﺟﺎﺛﻢ ﻋﻠﺊ ﺻﺪﺭﻱ ... ﻭﺍﻟﻜﻼﻡ ﻣﺘﻀﺨﻢ ﺑﺎﻋﻤﺎﻗﻲ ... ﻋﻨﺪ ﻛﻼﻡ ﺍﻋﺠﺰ ﺍﺣﺠﻲ ﺑﻲ ﻛﺪﺍﻡ ﻭﺍﺣﺪ ﺩﺍﺋﻤﺎ ﺍﻛﻮﻥ ﺣﻨﻴﻨﻪ ﻋﻠﺊ ﻧﻔﺴﻲ ﻭﻣﺎﺍﺣﺐ ﺍﺟﺮﺡ ﺧﺎﻃﺮﻱ ﻟﺬﻟﻚ ﻣﺎﺍ ﺍﺷﻜﻲ ﻋﻦ ﻣﺄﺳﺎﺗﻲ
ﻭﺣﺘﺊ ﻟﻮ ﻣﺤﺪ ﺭﺍﺡ ﻳﻔﻬﻢ ﺷﻌﻮﺭﻱ ﻭﻻ ﻳﺘﺮﺟﻢ ﺍﺣﺴﺎﺳﻲ ... ﺍﺫﺍ ﺣﺠﻴﺖ ﻭﻳﻪ ﻭﺍﺣﺪ ﻣﻦ ﻋﺎﺋﻠﺘﻲ ﻳﺤﺴﻨﻲ ﺍﻫﺬﻱ ﻭﺩﺍﺋﻤﺎ ﻳﻀﺤﻜﻮﻥ ﻋﻠﺊ ﺗﻔﻜﻴﺮﻱ ﻋﺒﺎﻟﻚ ﻧﺎﺯﻟﻪ ﺍﻟﻬﻢ ﻣﻦ ﻏﻴﺮ ﻛﻮﻛﺐ ﻭﻫﻢ ﻧﺴﻮ ﻭﺗﻨﺎﺳﻮ ﻫﺎﻱ ﺣﻘﻮﻗﻲ
ﺍﺣﺲ ﻧﻔﺴﻲ ﻣﺜﻞ ﺍﻟﺸﻌﺐ ﻣﻀﻠﻮﻡ ﻭﺿﺎﻳﻊ ﺣﻘﻪ
ﺍﻗﺎﺭﻥ ﺑﻴﻦ ﺣﻴﺎﺗﻲ ﻗﺒﻞ ﻭﺑﻌﺪ ... ﻗﺒﻞ ﺯﻭﺍﺟﻲ ﻣﻦ ﺻﺒﺎﺡ ﻃﺒﻌﺎ ﺍﺷﻮﻑ ﺗﺤﻤﻠﺖ ﺑﻬﻮﺍﻳﻪ ﻣﻦ ﺍﻟﺬﻝ ﻭﻟﻜﻤﺎﺕ ﺍﻷﺳﺮ ... ﺍﺣﺲ ﻧﻔﺴﻲ ﺍﺳﻴﺮﻩ ... ﻭﺑﻴﻦ ﺍﻧﻴﺎﺏ ﻗﺎﺗﻞ
ﻭﺭﻏﻢ ﻛﺜﺮﺓ ﺍﻟﻮﺟﻮﻩ ﺍﺣﺴﺎﺱ ﺍﻟﻮﺣﺪﻩ ﻳﺠﺘﺎﺣﻨﻲ ﺍﻧﻲ ﻣﺠﺮﻭﺣﻪ ﻭﻣﺤﺪ ﺩﺍﻭﺍﻧﻲ .. ﻭﺭﺍﻓﻀﻪ ﺍﻟﻌﻼﺝ ... ﺍﻱ ﺭﺍﻓﻀﻪ ﺍﻟﻌﻼﺝ ..
ﺭﺟﻌﺖ ﻗﺮﻳﺖ ﺭﺳﺎﻟﺔ ﺍﺑﺎﺫﺭ ﺍﻟﻮﺣﻴﺪﻩ ﺍﻟﻲ ﺍﺛﺮﺕ ﺑﻴﻪ ﻭﻛﻠﻤﺘﻪ ﺍﻷﺧﻴﺮﻩ ﺍﺟﺘﺎﺣﺖ ﻛﻞ ﺍﺣﺴﺎﺱ ﺑﺪﺍﺧﻠﻲ ... ﺗﺴﺮﻕ ﻟﻲ ﺍﺧﺒﺎﺭﻙ ﻭﻣﺎ ﻳﺤﺪﺙ ﺣﻮﻟﻚ ﺷﻠﻮﻧﺞ ﺣﺒﻴﺒﺘﻲ ...
ﺷﻠﻮﻧﻲ ﺍﻭﻭﻭﻑ ﺷﻠﻮﻭﻧﻲ ...
ﺍﻧﺪﻙ ﺍﻟﺒﺎﺏ ﺭﺣﺖ ﺑﺴﺮﻋﻪ ﺑﺎﻭﻋﺖ ﻣﻦ ﺯﺭﻑ ﺍﻟﺒﺎﺏ ﺷﻔﺖ ﺯﻭﺝ ﺧﺎﻟﻪ ﻛﻮﻭﻟﺶ ﺧﻔﺖ ﻭﺧﺎﻟﻪ ﻣﻮ ﻫﻨﺎﻧﻪ ...
ﻓﺘﺤﺖ ﺍﻟﺒﺎﺏ ﺑﺨﻮﻑ ﻭﺍﺩﻳﻪ ﺗﺮﺟﻒ ﺑﺎﻭﻋﺘﻠﻪ ﺑﺎﺭﺗﺒﺎﻙ ... ﺍﻟﻠﻪ ﻳﺴﺎﻋﺪﻙ ﻋﻤﻮ
ﺍﺑﺘﺴﻢ ﻭﻧﻀﺮﺍﺗﻪ ﺗﻘﻠﻘﻨﻲ ... ﻫﻠﻮﻭ ﻋﻤﻮ ﺷﻠﻮﻧﺞ ...
ﺑﻠﻌﺖ ﺭﻳﻜﻲ ﻫﻤﺴﺖ ... ﺯﻳﻨﻪ ..
ﺍﺟﻪ ﻛﻌﺪ ﻋﻠﺊ ﺍﻟﻘﻨﻔﻪ ﻭﺍﻧﻲ ﺩﺍ ﺍﺭﻭﺡ ﻟﻐﺮﻓﺘﻲ ﻛﺎﻝ ... ﺟﻴﺒﻴﻠﻲ ﻣﻲ ﻓﺪﻳﺘﺞ
ﻋﻘﺪﺕ ﺣﻮﺍﺟﺒﻲ ﻣﻦ ﺍﺳﻠﻮﺑﻪ ﻭﻧﻈﺮﺍﺗﻪ ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﻪ ﻭﺭﺣﺖ ﺟﺒﺖ ﺍﻧﻄﻴﺘﻪ ﺍﻟﻪ ﻭﻫﻮ ﺩﻳﻠﻌﺐ ﺑﻠﺤﻴﺘﻪ ﻭﻧﻈﺮﺍﺗﻪ ﺗﺨﺘﺮﻗﻨﻲ ﻭﻳﺘﺒﺴﻢ ...
ﺣﺴﻴﺖ ﺍﻃﺮﺍﻑ ﺍﺻﺎﺑﻌﻲ ﻃﺨﺖ ﺑﺎﺻﺎﺑﻌﻪ ﻫﻮ ﺣﺴﻴﺘﻪ ﺗﻘﺼﺪ ﻟﺰﻡ ﺍﻳﺪﻱ ﺍﺑﺘﻌﺪﺕ ﺑﺴﺮﻋﻪ ﻭﺍﻳﺪﻱ ﻭﻛﻊ ﻣﻨﻬﺎ ﻛﻼﺹ ﺍﻟﻤﻲ ﻭﺗﻜﺴﺮ ...
ﻫﻮ ﻛﺎﻝ ... ﺍﻟﻠﻪ ﺍﻟﻠﻪ ... ﻭﺍﻧﻲ ﺿﻠﻴﺖ ﻣﺘﻮﺗﺮﻩ ﺩﻧﻜﺖ ﺍﻟﻢ ﺑﺎﻟﻜﺰﺍﺯ ﺑﺲ ﻛﺎﻋﺪﻩ ﻛﻌﺪﻩ
ﺣﺴﻴﺖ ﺑﻨﻈﺮﺍﺗﻪ ﺑﻌﺪﻫﻦ ... ﻛﺎﻝ ... ﺧﺎﻟﺘﺞ ﺿﻌﻴﻔﻪ ﺣﻴﻞ ﺑﺲ ﻋﻀﺎﻡ ﺍﻧﺘﻦ ﺑﻨﺎﺕ ﺍﺧﺘﻬﺎ ﺭﻏﻢ ﺿﻌﻴﻔﺎﺕ ﺑﺲ ﺑﺮﺷﺎﻗﻪ ﻣﻮ ﻳﺎﺑﺴﺎﺕ ...
ﺣﺴﻴﺖ ﻛﻠﺒﻲ ﻭﻛﻊ ﺑﺒﻄﻨﻲ ﻣﻦ ﻛﻼﻣﻪ ﺑﺲ ﺗﺪﺍﺭﻛﺘﻪ ﻛﻠﺖ ﻳﺠﻮﺯ ﻳﺘﺸﺎﻗﻪ ﺭﻏﻢ ﻣﺎ ﻋﻨﺪﻱ ﻣﻮﺍﻗﻒ ﻭﻳﺎﻩ ...
ﺗﺮﻛﺘﻪ ﻭﺭﺣﺖ ﻟﻠﻐﺮﻓﻪ ﺷﻮﻳﻪ ﻭﺍﺟﺖ ﺧﺎﻟﻪ ﺳﻤﻌﺖ ﺻﻮﺗﻬﺎ ...
ﻣﺎ ﻃﻠﻌﺖ ﺍﻟﻬﺎ ﻫﻲ ﺍﺟﺖ ﺩﺧﻠﺖ ﻛﺎﻟﺖ ... ﻫﺎ ﺣﺒﻴﺒﺘﻲ ﺳﻮﻳﺘﻲ ﻏﺪﻩ
ﻛﻠﺘﻠﻬﺎ ... ﻻ ﻣﺴﻮﻳﺖ ﺍﻧﺘﻲ ﻭﻳﻦ ﺟﻨﺘﻲ ..
ﺗﺬﻣﺮﺕ ﺑﺎﻧﺰﻋﺎﺝ ... ﻟﻴﺶ ﻣﺴﻮﻳﺘﻲ ﻣﺪﻛﻮﻟﻴﻦ ﻫﺎﻱ ﺭﺍﻳﺤﻪ ﺗﺸﻮﻑ ﺍﻟﻮﺿﻊ ﻭﺑﻌﺪﻳﻦ ﺟﻬﺎﻟﻲ ﺑﺎﻟﻤﺪﺭﺳﻪ ﻫﺴﻪ ﺷﻴﺎﻛﻠﻮﻥ ﻭﺯﻭﺟﻲ ﺷﻴﺎﻛﻞ ...
ﻫﻤﺴﺖ ﺑﻜﻠﺒﻲ ... ﻳﺎﻛﻞ ﻧﻌﻞ ﺷﻌﻠﻴﻪ ..
ﺟﺎﻭﺑﺘﻬﺎ ... ﻭﺍﻟﻠﻪ ﺧﺎﻟﻪ ﻣﺎﺍﻋﺮﻑ ﺍﺳﻮﻱ ﺑﻴﺖ ﻭﺍﺣﺪ ﺟﺪﻳﺪ ﻋﻠﻴﻪ ﺍﺿﻴﻊ ﻭﻣﺎﺍﻧﺪﻝ ...
ﺭﻓﻌﺖ ﺣﺎﺟﺐ ﻣﻘﺎﺑﻠﻪ ﺑﻜﻼﻣﻲ ... ﻭﺷﻠﻮﻥ ﺭﺍﺡ ﺗﻌﺸﻴﻦ ﺑﺎﻣﺮﻳﻜﺎ ﺑﻴﺘﻲ ﻧﺺ ﻗﻄﻌﻪ ﺿﻌﺘﻲ ﺍﻣﺮﻳﻜﺎ ﺷﻠﻮﻥ ...
ﺻﺤﺖ ﺑﻮﺟﻬﻬﺎ ... ﺍﻫﻮﻭ ﺧﺎﻟﻪ ﺫﻟﻴﺘﻴﻨﻲ ﻫﺴﻪ ﻛﻮﻟﻲ ﺷﻜﻮﻭ ﺷﺼﺎﺭ
ﺭﺩﺕ ﺑﻼ ﻣﺒﺎﻻﺓ ... ﻣﺎﻛﻮ ﺷﺊ ﻛﻞ ﻋﺎﺩﻩ ...
ﻃﻠﻌﺖ ﻣﺎ ﺍﺧﺬﺕ ﻣﻨﻬﺎ ﻻ ﺣﻖ ﻭﻻ ﺑﺎﻃﻞ ﺷﻮﻛﺖ ﻧﺴﺎﻓﺮ ﺍﺣﺲ ﺍﻟﻴﻮﻡ ﺑﺴﻨﻪ ﻛﻮﻭﻭﻟﺶ ﺗﻌﺒﺖ ...
.,,,,,,,,,,,,................
ﻗﺪﺭ
ﻓﺘﺤﺖ ﻋﻴﻮﻧﻲ ﺑﺼﻌﻮﺑﺔ ﻭﺃﺣﺲ ﻟﺴﺎﻧﻲ ﻣﺮﺑﻮﻁ ﻣﺎ ﺍﻛﺪﺭ ﺍﺣﻜﻲ ﻭﺣﺎﺳﻪ ﺑﻐﻮﺍﺵ ﺑﻌﻴﻮﻧﻲ ﺍﻧﺎ ﻭﻳﻦ ﻋﺮﻓﺖ ﺑﺎﻟﻤﺴﺘﺸﻔﺊ ﺑﻌﺪ ﺍﻟﻀﺮﺑﻪ ﺍﻟﻲ ﺍﻛﻠﺘﻬﺎ ...
ﺍﻧﺘﺒﻬﺖ ﻋﻠﻰ ﺣﺮﺣﺸﺔ ﻛﻼﻡ ﻋﺮﻓﺘﻮ ﻣﻦ ﺻﻮﺗﻮ ﻫﺬﺍ ﻣﺴﻠﻢ
ﻭﺟﻬﺖ ﻋﻴﻮﻧﻲ ﺍﻟﻮ ﺑﺘﻌﺐ ﻫﻮ ﺣﻜﺊ ﺑﺮﺟﻔﻪ .... ﺑﺎﺍﺍﺭﺩﻩ ﻫﻨﻴﺎﻝ ﺍﻟﻄﻠﻲ ﻗﻤﺼﻠﺘﻪ ﻣﻨﻪ ﻭﺑﻲ ﻟﻮ ﺧﺎﻟﻘﻨﻲ ﻃﻠﻲ ﻭﻻ ﻫﺎﻱ ﺍﻟﻌﻴﺸﻪ ﻋﻠﺊ ﺍﻻﻗﻞ ﻋﻨﺪﻱ ﻗﻤﺼﻠﻪ ...
ﺭﺟﻌﺖ ﺑﺎﻭﻋﺖ ﻟﺸﺎﺏ ﺍﻟﻲ ﻭﺍﻛﻒ ﺑﺼﻔﻮ ﻛﺎﻥ ﺷﻜﻠﻮ ﻛﺜﻴﺮ ﺣﻠﻮﻭ ﺑﺸﺮﺗﻮ ﺑﺮﻭﻧﺰﻳﻪ ﻭﻋﻴﻮﻧﻮ ﻛﺎﻧﻬﻢ ﻣﻠﻮﻧﻪ ﺑﺲ ﻣﺎ ﺩﺣﻜﺖ ﻛﺜﻴﺮ ﻻﻧﻮ ﺗﻌﺒﺎﻧﻪ ...
ﺩﺣﻚ ﻋﻠﻴﻪ ﺑﺎﺳﺘﻐﺮﺍﺏ ﻛﺎﻟﻮ ... ﺍﻧﺖ ﻣﻮ ﻗﺒﻞ ﺷﻮﻳﻪ ﺩﻛﻮﻝ ﻧﺎﺱ ﺣﺘﺊ ﺑﺘﻤﻮﺯ ﻣﺎ ﺗﻜﻌﺪ ﺳﺎﻋﻪ ﻣﺤﺘﺮ ﺳﺎﻋﻪ ﺑﺮﺩﺍﻥ ..
ﻣﺴﻠﻢ .. ﺳﻴﺪﻱ ﻓﺪﻭﻭﻩ ﺑﺮﺩﺍﻥ ..
ﻣﻌﺘﺼﻢ ﺑﻤﻠﻞ ... ﻭﺷﺘﺮﻳﺪ ﺍﺣﻀﻨﻚ؟
ﻣﺴﻠﻢ ﺑﺎﻧﺤﺮﺍﻑ ... ﻻ ﺳﻴﺪﻱ ﻣﺎﻛﻮ ﺳﺴﺘﺮ ﻣﻤﺮﺿﻪ ﺣﺘﺊ ﻟﻮ ﻣﺮﻳﻀﻪ ﻭﻋﻠﺊ ﻓﺮﺍﺵ ﺍﻟﻤﻮﺕ ﻫﻢ ﻣﻴﺨﺎﻟﻒ ﺑﺲ ﺍﻟﻤﻬﻢ ﻧﺪﻓﻪ ...
ﻫﻮ ﻛﺎﻥ ﻳﺮﻳﺪ ﻳﺤﻜﻲ ﺍﻧﻪ ﺣﺮﻛﺖ ﻧﻔﺴﻲ ﺑﻀﻴﻖ ﻭﺩﻣﻮﻋﻲ ﺗﻨﺰﻝ ﺑﺼﻤﺖ ﻣﺎ ﺍﻛﺪﺭ ﺍﺣﻜﻲ ﺍﺣﺲ ﻟﺴﺎﻧﻲ ﻳﻮﺟﻌﻨﻲ ...
ﻣﺮﺓ ﻋﻤﻲ ﺍﺟﺖ ﻋﻠﻴﻪ ﺑﺴﺮﻋﻪ ﻭﻫﻮ ﻭﻣﺴﻠﻢ ﺍﺟﻮﻭ ... ﺑﺲ ﻫﻮ ﻭﻛﻒ ﺑﻌﻴﺪ ﻋﻨﻲ ﻭﻳﺪﺣﻜﻠﻲ ﻣﺴﺘﻐﺮﺏ ...
ﺍﺷﺮﺕ ﻋﻠﺊ ﻓﻤﻲ ﻭﺍﻧﺎ ﺍﺑﻜﻲ ... ﺑﻤﻌﻨﺊ ﺍﻧﺎ ﻣﺎ ﺍﻛﺪﺭ ﺍﺣﻜﻲ ..
ﻣﺮﺓ ﻋﻤﻲ ﺿﺮﺑﺖ ﺍﻳﺪﻫﺎ ﺑﻴﺪﻫﺎ ﺍﻟﺜﺎﻧﻴﻪ ﻛﺎﻟﺖ ... ﺍﻱ ﻣﺘﻜﺪﺭﻳﻦ ﺗﺤﺠﻴﻦ ﺧﻴﻄﻮ ﻟﺴﺎﻧﺞ ﻣﻦ ﺍﻟﻀﺮﺑﻪ ﻋﻀﻴﺘﻲ ﺣﻴﻴﻞ ﻭﻧﺠﺮﺡ ﻟﺴﺎﻧﺞ ﻭﺧﻴﻄﻮ ...
ﺑﻠﻌﺖ ﺭﻳﻜﻲ ﻭﺗﻨﻬﺪﺕ ﻭﺍﻧﺎ ﺍﻛﺘﻢ ﻋﺒﺮﺍﺗﻲ ...
ﺣﻜﻲ ﺍﻟﺸﺎﺏ ﺍﻟﺤﻠﻴﻮﻩ ﻛﺎﻝ ﻟﻤﺮﺓ ﻋﻤﻲ ... ﻫﻨﺎ ﺗﻌﺮﻓﻴﻦ ﺍﻟﺸﺮﻃﻪ ﺗﺠﻲ ﺗﺎﺧﺬ ﺍﻗﻮﺍﻝ ﺍﻧﻲ ﺳﺠﻠﺖ ﺍﺑﻼﻍ ﺿﺪ ﺯﻭﺟﺞ ...
ﻫﻲ ﺍﻧﺠﻨﺖ ﻛﻠﺘﻠﻪ ... ﻻ ﻓﺪﻭﻩ ﺍﺭﻭﺣﻠﻚ ﺳﻴﺪﻱ ﻫﻮ ﻋﻤﻬﺎ ﻗﺎﺑﻞ ﻳﺮﻳﺪ ﻳﻀﺮﻫﺎ ﻫﻲ ﻣﺨﻄﻮﺑﻪ ﻭﻣﺘﻘﺒﻞ ﺗﺰﻭﺝ ﺗﺮﻳﺪ ﺗﻔﺸﻠﻨﻪ ...
ﻫﻮ ﻏﻤﺾ ﻋﻴﻮﻧﻮ ﻭﻫﺰ ﺭﺍﺳﻮ ﺑﺎﺳﺊ ﻛﺎﻧﻮ ﺗﺬﻛﺮ ﺷﺊ ﻗﺎﺳﻲ ﻋﻠﺊ ﻗﻠﺒﻮ
ﻛﻠﻬﺎ ... ﺍﻟﻔﺮﻕ ﺑﻴﻦ ﺍﻟﺒﻨﻴﻪ ﻭ ﺧﻄﻴﺒﻬﺎ ﻛﻠﺶ ﻛﺒﻴﺮ ﺍﻛﻴﺪ ﻫﺬﺍ ﺿﻠﻢ ﺟﺒﻴﺮ ﺍﻟﻬﺎ ﻭﻣﺒﻴﻨﻪ ﻣﺠﺒﻮﺭﻩ ...
ﺩﺣﻜﺖ ﻋﻠﻴﻪ ﺑﺎﺳﺊ ﻭﺩﻣﻮﻋﻲ ﻣﻐﺮﻛﻪ ﻭﺟﻬﻲ ﺣﺒﻴﺖ ﺍﺳﺘﻨﺠﺪ ﺑﻲ ﻫﺰﻳﺖ ﺭﺍﺳﻲ ﺃﺃﻛﺪ ﻋﻠﺊ ﻛﻼﻣﻮ ﻭﻃﺎﻟﺒﻪ ﻣﻨﻮ ﺍﻟﻤﺴﺎﻋﺪﻩ ...
ﻫﻮ ﺩﺣﻜﻠﻲ ﺑﻨﻈﺮﺍﺗﻮ ﻭﻋﻴﻮﻧﻮ ﺍﻟﻼﻣﻌﻪ ﻭﺭﺟﻊ ﺩﺣﻚ ﻟﻤﺮﺓ ﻋﻤﻲ ﻛﺎﻝ ... ﺧﻠﻲ ﻳﺎﻛﻞ ﻛﻢ ﻳﻮﻡ ﺑﺎﻟﺴﺠﻦ ﺣﺘﺊ ﻳﻌﺮﻑ ﺷﻠﻮﻥ ﻳﻌﻨﻒ ﻃﻔﻠﻪ ﻳﺘﻴﻤﻪ ﻣﺜﻞ ﺑﻨﺖ ﺍﺧﻮ
ﻣﺴﻠﻢ ﻛﻠﻬﺎ ... ﻳﻤﻌﻮﺩﻩ ﺧﻠﻲ ﻳﻨﺎﻡ ﺟﻢ ﻳﻮﻡ ﺑﺎﻟﺴﺠﻦ ﺑﺎﻟﻘﺮﺍﻥ ﺣﻴﺎﺓ ﻫﻨﺎﻙ ﺍﺣﺴﻦ ﻣﻦ ﺑﻴﺘﻜﻢ ﻣﻠﺠﺊ ﻣﺎﻝ ﺟﺮﻳﺬﻳﻪ ... ﻭﺩﺍﻋﺘﺞ ﺑﻌﺪ ﻣﺎ ﻳﻄﻠﻊ
ﻭﺍﻟﻠﻪ ﻣﺮﻩ ﺳﺠﻨﻲ ﺩﻛﻮﻟﻴﻦ ﻣﻮ ﺳﺠﻦ ﺧﻤﺲ ﻧﺠﻮﻡ ﺣﺘﺊ ﻋﻀﻼﺕ ﺻﺎﺭﺕ ﻋﻨﺪﻱ
ﺍﺑﺘﺴﻢ ﺍﻟﺸﺎﺏ ﻋﻠﺊ ﻣﺴﻠﻢ ﻭﺑﻌﺪﻫﺎ ﺗﻘﺮﺏ ﻣﻨﻲ ﻛﺎﻝ ... ﺍﻟﺤﻤﺪ ﻟﻠﻪ ﻋﻠﺊ ﺍﻟﺴﻼﻡ ﺍﻥ ﺷﺎﺀ ﻟﻠﻪ ﻣﺎﺑﻴﺞ ﻏﻴﺮ ﺍﻟﻌﺎﻓﻴﻪ ...
ﻛﺎﻥ ﻳﺤﻜﻲ ﻭﻳﺎﻳﻪ ﻭﺍﻧﺎ ﻛﻠﺒﻲ ﻳﺪﻙ ﺳﺮﻳﻴﻴﻊ ... ﺍﺷﺮﺕ ﻋﻠﺊ ﻓﻤﻲ ﻫﻮ ﺍﻓﺘﻬﻢ ﺑﺴﺮﻋﻪ ...
ﻛﺎﻝ ... ﻻ ﺍﻥ ﺷﺎﺀ ﻟﻠﻪ ﺗﻜﺪﺭﻳﻦ ﺗﺤﺠﻴﻦ ﺑﺲ ﻫﺴﻪ ﺷﻮﻳﻪ ﻣﺨﺪﺭ ﻣﻦ ﺍﻟﺨﻴﺎﻁ ﻻ ﺗﺨﺎﻓﻴﻦ ...
ﻏﻤﻀﺖ ﻋﻴﻮﻧﻲ ﻛﻨﺖ ﺍﺿﻦ ﻣﻌﺪﺗﻲ ﺗﻀﺮﺭﺕ ﺑﺲ ﺍﻟﺤﻤﺪ ﻟﻠﻪ ...
ﺩﺣﻜﺖ ﺍﻟﻤﺴﻠﻢ ﻳﺪﺣﻜﻠﻲ ﺑﻨﻈﺮﺍﺕ ﻛﺎﻧﻮ ﻳﺮﻳﺪ ﻳﺤﻀﻨﻲ ﻟﻮ ﻣﺎ ﻫﻞ ﺷﺎﺏ ﻭﺍﻛﻒ ...
ﺣﻜﺊ ﺑﺮﻭﻣﺎﻧﺴﻴﻪ ... ﺍﻟﺤﻤﺪ ﻟﻠﻪ ﻋﻠﺊ ﺍﻟﺴﻼﻣﻪ ﺑﺎﻟﻘﺮﺍﻥ ﺗﻤﻨﻴﺖ ﺍﻟﻀﺮﺑﻪ ﺑﺄﻡ ﻋﺒﺪﺍﻟﻠﻪ ﻭﻻ ﺑﻴﺞ ﻋﻠﺊ ﺍﻻﻗﻞ ﺫﻳﺞ ﻫﺎﻳﺸﻪ ﺳﺎﻃﻮﺭ ﻣﺎ ﻳﻤﺮ ﺑﻴﻬﺎ ﻣﻮ ﻣﺜﻠﺞ ﺗﺠﺮﺣﺞ ﻧﺴﻤﺔ ﻫﻮﻩ
ﺩﺣﻜﻠﻮ ﺍﻟﺸﺎﺏ ﻭﺧﺰﺭ ﺑﻮﺟﻬﻮﻭ ... ﻣﺴﻠﻢ ﺍﻧﺘﻈﺮ ﺑﺮﻩ
ﻣﺴﻠﻢ ... ﻟﻴﺶ ﺳﻴﺪﻱ ﺗﻄﺮﺩﻧﻲ ﺗﺮﺉ ﻣﺴﺘﺸﻔﺊ ﺍﻟﺤﻜﻮﻣﻪ ﻣﻮ ﻣﺮﻛﺰ ﺷﺮﻃﻪ ...
ﺍﺷﺮﻟﻪ ﺑﺎﻳﺪﻭ ﻋﻠﺊ ﺍﻟﺒﺎﺏ ... ﺗﻔﻀﻞ ..
ﻣﺴﻠﻢ ﻣﺸﺊ ﺧﻄﻮﺗﻴﻦ ﻭﻛﻞ ﺷﻮﻳﻪ ﻭﺍﻟﺘﻔﺖ ﻋﻠﻴﻨﺎ
ﺑﻌﺪﻫﺎ ﺍﻟﺸﺎﺏ ﺩﺣﻚ ﻟﻌﻤﺘﻲ ﻭﺣﻜﻲ ... ﺍﻧﺘﻲ ﺗﻔﻀﻠﻲ ﻭﻳﻪ ﻣﺴﻠﻢ
ﻫﻲ ﺭﺩﺕ ﺑﻌﺼﺒﻴﺔ ... ﺷﻨﻮ ﺗﻄﺮﺩﻧﺎ ﻭﺍﻟﻠﻪ ﺍﺳﻮﻭﻱ ﻓﻠﻚ ﺷﻨﻮ ﺑﻨﻴﻪ ﺣﻤﺮﻩ ﺻﻔﺮﻩ ﻭﺍﻧﺖ ﺷﺎﺏ ﻭﺿﺎﻝ ﻭﻳﺎﻫﺎ ﺑﺎﻟﻐﺮﻓﻪ ﺍﻛﻴﺪ ﺛﺎﻟﺜﻜﻢ ﺍﻟﺸﻴﻄﺎﻥ ...
ﻫﻮ ﺿﺤﻚ ﺑﺎﺳﺘﻬﺰﺍﺀ
ﻭﻣﺴﻠﻢ ... ﺍﻱ ﻭﺍﻟﻠﻪ ﺻﺪﻙ ﺷﻮ ﻣﻨﻮ ﻻﺟﻪ ﻭﻃﺮﺩﻩ ﺑﻌﺪ ﺍﻃﺮﺩ ﺍﻟﻤﺮﻳﻀﻪ ﻭﺍﻛﻌﺪ ﻟﻮﺣﺪﻙ ﻋﻠﺊ ﺍﻟﺴﺪﻳﻪ ...
ﻫﻮ ﺗﻘﺮﺏ ﻣﻦ ﻣﺮﺓ ﻋﻤﻲ ﻭﺍﺷﺮ ﻋﻠﺊ ﻧﻔﺴﻮﻭ ... ﺍﻧﺘﻲ ﺗﻌﺮﻓﻴﻦ ﺍﻧﻲ ﻣﻨﻮ ؟ ﻗﺒﻞ ﻻ ﺗﻜﻌﺪﻳﻦ ﺗﺘﻔﻠﺴﻔﻴﻦ ﺑﺮﺍﺳﻲ ﺍﻧﻲ ﺣﺘﺊ ﻟﻮ ﻣﺎ ﻃﺎﻟﻊ ﺑﺄﻣﺮ ﻋﺴﻜﺮﻱ ... ﺑﺲ ﻭﺍﺟﺒﻲ ﻫﺬﺍ ﺗﺠﺎﻩ ﺍﻱ ﺣﺎﻟﺔ ﺗﺼﻴﺮ ﻭﻫﺴﻪ ﺗﻔﻀﻠﻲ ﺍﺭﻳﺪ ﺍﺣﻘﻖ ﻭﻳﻪ ﺍﻟﺒﻨﻴﻪ ...
ﻣﺴﻠﻢ ... ﻫﻮ ﺍﺷﺘﻐﻞ ﺍﻟﻤﺤﻘﻖ ﻛﻮﻧﺎﻥ ﻭﺗﺎﻟﻴﻬﺎ ﻳﺘﺰﻭﺝ ﻛﺸﻤﻴﺮﻭ ﻣﺪﺭﻱ ﻛﺎﻧﻴﻤﻴﺮﻭ ... ﻭﺑﻌﺪﻳﻦ ﺳﻴﺪﻱ ﺍﻧﺖ ﺭﺍﺋﺪ ﺷﻠﻮﻥ ﺗﺤﻘﻖ ﻭﻳﺎﻫﺎ ...
ﺍﻧﺎ ﻛﻨﺖ ﺍﻭﺯﻉ ﻧﻀﺮﺍﺗﻲ ﺑﻴﻨﻬﻢ .. ﻳﺎﻟﻠﻪ ﺷﺊ ﺣﻠﻮ ﺭﺍﺋﺪ ﺑﺎﻟﺠﻴﺶ ﺍﻛﻴﺪ ﻳﻜﺪﺭ ﻳﺴﺎﻋﺪﻧﻲ .. ﺍﺣﻜﻴﻠﻮ ﻛﻞ ﺷﺊ ﺻﺎﺭ ﻭﻳﺎﻳﻪ ...
ﻫﻮ ﻋﺾ ﺷﻔﺎﻳﻔﻮ ﺑﻌﺼﺒﻴﺔ ... ﻣﺴﻠﻢ ﻭﺍﻟﻠﻪ ﺍﺫﺍ ﻣﺎ ﻃﻠﻌﺘﻮ ﻫﺴﻪ ﺍﺩﺧﻞ ﺩﻭﺭﻳﻪ ﺗﻄﻠﻌﻜﻢ ﻋﻠﺊ ﻃﺮﻳﻘﺘﻲ ...
ﻣﺴﻠﻢ ... ﻭﺷﺒﻴﻨﻪ ﻣﺎ ﻋﺪﻧﻪ ﺭﺟﻠﻴﻦ ﻧﻄﻠﻊ ﻃﺎﻟﻌﻴﻦ ﺳﻴﺪﻱ ﻃﺎﻟﻌﻴﻦ ﺑﺲ ﺩﻳﺮ ﺑﺎﻟﻚ ﻣﻦ ﻳﺠﻲ ﻳﻤﻜﻢ ﺍﻟﺸﻴﻄﺎﻥ ﺩﺯﻭ ﺍﻟﻴﻪ ﻋﻨﺪﻱ ﻣﻮﺿﻮﻉ ﻣﺎ ﻓﺎﻫﻤﻪ ﺍﺭﻳﺪ ﻳﺸﺮﺣﻪ ﺍﻟﻲ
ﻋﻤﺘﻲ ﺣﻜﺖ ... ﻳﺎ ﻣﻮﺿﻮﻉ
ﻣﺴﻠﻢ ... ﻣﻮﺿﻮﻉ ﻛﻞ ﺛﻨﻴﻦ ﺛﺎﻟﺜﻬﻢ ﺍﻟﺸﻴﻄﺎﻥ ﻛﻠﻠﻠﺶ ﻣﻔﺎﻫﻤﻪ
ﻣﻌﺘﺼﻢ ... ﺍﻱ ﻋﻮﺩ ﻣﻦ ﻳﺠﻲ ﺍﺩﺯﻩ ﺍﻟﻚ
ﻣﺴﻠﻢ ... ﺷﻨﻮ ﻣﻦ ﻳﺠﻲ ﺍﺻﻼ ﺍﺑﻮ ﺩﺍﻣﺲ « ﺍﻟﺸﻴﻄﺎﻥ » ﻣﻦ ﻫﺴﻪ ﻟﺒﺲ ﻗﺎﻃﻪ ﻭﺣﻀﺮ ﻧﻔﺴﻪ ﻳﻜﻌﺪ ﺑﻨﺼﻜﻢ
ﻟﻴﺶ ﻫﻮ ﻟﻴﺸﻮﻑ ﺻﻴﻨﻴﺔ ﺍﻟﻘﺎﺳﻢ ﻳﺴﺘﻘﺮ ﺑﻤﻜﺎﻧﻪ ﻻ ﻭﺣﻖ ﻋﻠﺊ ... ﻋﻮﺩ ﺳﻴﺪﻱ ﻣﺎ ﺍﻭﺻﻴﻚ ﺍﺧﺬﻟﻚ ﺍﺧﺬﻟﺞ ﺟﻜﻠﻴﺘﻪ ﺣﻠﻘﻮﻭﻣﻪ ﻣﻦ ﺍﻟﺼﻴﻨﻴﻪ ﻭﺍﻟﻠﻪ ﻟﻮ ﻣﻜﺎﻥ ﺍﻟﻐﻒ ﺍﻟﺼﻴﻨﻴﻪ ﻟﻐﻒ ...
ﻣﻌﺘﺼﻢ ﺑﺤﺪﻩ ... ﺍﻃﻠﻊ ﺑﺮﻩ
ﻣﺴﻠﻢ .. ﻃﺎﻟﻊ ﺑﺎﻟﻌﺎﻓﻴﻪ ﺍﻧﺖ ﻭﺍﺑﻮ ﺩﺍﻣﺲ ﻟﻮ ﺧﺎﻟﻘﻨﻲ ﺍﺑﻮ ﺩﺍﻣﺲ ﻭﻻ ﻫﻞ ﻋﻴﺸﻪ ...
ﻃﻠﻌﻮﻭ ﻭﺍﻧﺎ ﻛﻨﺖ ﺻﺎﻓﻨﻪ ﻣﺎ ﺍﻓﻬﻢ ﻛﻼﻣﻮ ﻭﺍﻟﻐﺎﺯﻭ ...
ﺍﻣﺎ ﺳﻴﺪﻱ ﻣﺜﻞ ﻣﺎ ﺣﻜﺊ ﻣﺴﻠﻢ ﺩﺣﻚ ﺑﻮﺟﻬﻲ ﻭﺍﺑﺘﺴﻢ ﻛﺎﻝ ... ﻫﺬﺍ ﻣﺴﻠﻢ ﺻﺢ ﺳﺎﻓﻞ ﺑﺲ ﺍﺣﺒﺒﻪ ﺍﺣﺴﻦ ﻣﻦ ﻫﻮﻭﻭﺍﻱ ﻧﺎﺱ .... ﺻﺢ ﻣﺎ ﺑﻲ ﺷﺊ ﺍﻳﺠﺎﺑﻲ ﺑﺲ ﺳﻠﺒﻴﺎﺗﻪ ﻭﺍﻗﻌﻴﻪ ﺍﺣﺴﻦ ﻣﻦ ﻏﻴﺮﻩ
ﻫﺰﻳﺖ ﺭﺍﺳﻲ ﺑﺒﺘﺴﺎﻣﻪ ﺑﺎﻫﺘﻪ ...
ﻛﺎﻝ ﺑﻌﺪ ﻣﺎ ﺟﺮ ﻧﻔﺲ ... ﺍﻧﻲ ﺣﺎﻟﻲ ﻭﺍﻛﻊ ﺑﻤﺸﻜﻠﻪ ﻭﺑﺲ ﺍﺣﻠﻬﺎ ﺍﻥ ﺷﺎﺀ ﻟﻠﻪ ﺍﻭﻛﻒ ﺑﺼﻔﺞ ﻣﺴﻠﻢ ﺣﺠﺎﻟﻲ ﻗﺼﺘﻚ ﻛﻠﻬﺎ ... ﺍﻥ ﺷﺎﺀ ﻟﻠﻪ ﻻ ﺗﺨﺎﻓﻴﻦ ...
ﺑﺲ ﺍﺫﺍ ﻋﻨﺪﺝ ﺭﻗﻢ ﺍﻛﺪﺭ ﺍﺗﻮﺍﺻﻞ ﻭﻳﺎﺝ
ﻫﺰﻳﺖ ﺭﺍﺳﻲ ﺑﺄﻱ ﻭﻫﻮ ﻃﻠﻊ ﻣﻮﺑﺎﻳﻠﻮ ﺍﻧﻄﺎﻧﻴﺎﻩ ﻭﻓﺎﺗﺢ ﻟﻮﺣﺔ ﺍﻟﻤﻔﺎﺗﻴﺢ ...
ﻛﺘﺒﺖ ﺭﻗﻤﻲ ﺑﺴﺮﻋﻪ ﻭﻫﻮ ﺣﻔﻀﻮ ...
ﻳﻌﺪﻫﺎ ﺟﺮ ﻧﻔﺲ ﻛﺎﻝ ... ﺍﻥ ﺷﺎﺀ ﻟﻠﻪ ﺑﺲ ﺗﺼﻴﺮﻳﻦ ﺯﻳﻨﻪ ﻧﺤﺠﻲ ﺍﻧﻲ ﻭﻳﺎﺝ ﻭﻋﻤﺞ ﻻ ﺗﺨﺎﻓﻴﻦ ﻫﻮ ﺑﺎﻟﺴﺠﻦ ﻣﺮﺍﺡ ﻳﻜﺪﺭ ﻳﺴﻮﻱ ﺷﺊ ...
ﺍﺑﺘﺴﻤﺖ ﻭﻫﺰﻳﺖ ﺭﺍﺳﻲ ...
ﻭﺑﻌﺪﻫﺎ ﺳﻠﻢ ﻋﻠﻴﻪ ﻭﻃﻠﻊ ...
ﻳﺎﻟﻠﻪ ﺷﻜﺪ ﺣﺒﺎﺏ ... ﻫﺬﺍ ﻭﺟﻬﻮ ﻳﻔﺘﺢ ﺍﻟﻨﻔﺲ ﻣﻮ ﻣﺜﻞ ﺍﺑﻮ ﻋﺪﻭﻳﻪ ﻭﺟﻬﻮ ﻣﻄﻌﻮﺝ ﻛﺎﻧﻮ ﻟﻘﻠﻖ ﻣﻨﺘﻮﻑ ﺭﻳﺸﻮ ..بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﺣﺘﺊ ﺍﺣﻠﺊ ﻭﺍﺣﺴﻦ ﻣﻦ ﺳﺎﻣﺎﻥ ﺍﻟﻜﻠﺐ ﺍﻟﻠﻪ ﻳﺎﺧﺬﻭ ﻫﻮ ﻭﻳﺎﺳﻤﻴﻦ ...
ﺗﺬﻛﺮﺗﻮ ﻟﺴﺎﻣﺎﻥ ﺷﻠﻮﻥ ﻏﺪﺭﻧﻲ ﺑﺎﺻﻌﺐ ﺍﻟﻀﺮﻭﻑ ... ﺍﻟﻜﺎﻛﺎ ﻣﺎ ﺍﺣﺒﻮﻭﻭ ﺍﻟﻠﻪ ﻳﻬﻠﻜﻮ ﻫﻮ ﻭﻳﺎﺳﻤﻴﻦ ..
ﻳﺎﺭﺑﻲ ﻳﻜﺪﺭ ﻳﺴﺎﻋﺪﻧﻲ ﺍﻟﺮﺍﺋﺪ ﻣﻌﺘﺼﻢ ﺧﻄﻴﻪ ﺗﻮﻟﻴﻦ ﺍﺧﺘﻲ ﻫﻲ ﻭﺍﺧﻲ ﻳﺎﺭﻳﺖ ﺍﻛﺪﺭ ﺃﻣﻦ ﻋﻠﻴﻬﻢ ﻭﺍﻧﻘﺬﻫﻢ ﻣﻦ ﻣﻬﻠﻜﺔ ﻋﻤﻲ ﺍﻟﻌﺎﺭ ...
.............................
ﻣﻴﺲ ...
ﺗﻘﺮﺏ ﻣﻦ ﺑﻴﺒﻲ ﻭﺍﺣﺲ ﻋﻴﻮﻧﻪ ﺗﺠﺪﺡ ﻧﺎﺭ ﻭﺷﻴﻄﺎﻧﻴﻪ ﺣﻴﻴﻴﻴﻴﻞ ...
ﺑﺎﻭﻋﻠﻬﺎ ﺑﺸﻚ ﻭﺗﺮﻗﺐ ... ﺷﺪﻛﻮﻟﻴﻦ ﺷﻠﻮﻭﻭﻥ ﺍﻧﺘﻲ ... ﺍﻧﺖ
ﺑﻴﺒﻲ ﺗﻘﺮﺑﺖ ﻣﻨﻪ ﻭﻫﻲ ﺗﻨﻮﺡ ... ﺧﻠﻲ ﺗﻮﻟﻲ ﻣﺎ ﺍﺧﻠﻴﻬﺎ ﺗﺨﺴﻞ ﺭﺟﻠﻴﻚ ﻫﻞ ﻋﺎﺭ ﺩﻣﻬﺎ ﻣﻬﺪﻭﺭ ﻭﺍﺯﻭﺟﻚ ﺗﺎﺝ ﺭﺍﺳﻬﺎ ...
ﻫﻮ ﺻﺮﺭﺥ ﺑﻮﺟﻬﻬﺎ ﺑﺼﻮﻭﻭﻭﺕ ﻋﺎﻟﻲ ﻛﻠﻬﺎ ... ﺍﻧﺘﻲ ﺷﺪﻛﻮﻟﻴﻦ ﺷﻨﻮﻭﻭﻭﻭ ﺍﻧﻬﺰﻣﺖ ﺍﺣﺠﻲ ﺷﻠﻮﻭﻭﻭﻭﻭﻭﻭﻥ ﺷﻮﻭﻭﻭﻛﺖ ﻻ ﻭﺣﻖ ﻋﻠﻲ ﻫﺴﻪ ﺍﺣﺮﻙ ﺍﻟﺒﻴﺖ ﻋﻠﺊ ﺭﺍﺳﻜﻢ ...
ﺑﻴﺒﻲ ﻧﺰﻟﺖ ﺭﺍﺳﻬﺎ ﺑﺎﺳﻒ ﻭﻣﺎﻣﺎ ﺗﺒﺠﻲ ﻭﺗﻠﻄﻢ ﻋﻠﺊ ﺻﺪﺭﻫﺎ ﻭﺗﺰﻟﻎ ﺑﺨﺪﻭﺩﻫﺎ ﻭﺍﻧﻲ ﻓﺮﻓﺤﺖ ﻣﻦ ﺍﻟﺒﺠﻲ ...
ﺑﻴﺒﻲ ﻛﺎﻟﺖ ... ﺻﺎﺭ ﻳﻤﻜﻦ ﻫﺬﺍ ﺍﻟﻴﻮﻡ ﺍﻟﺮﺍﺑﻊ ...
ﻫﻲ ﻭﻳﻪ ﻣﻜﺎﻟﺖ ﺍﻟﻴﻮﻡ ﺍﻟﺮﺍﺑﻊ ﻫﻮ ﺣﻂ ﺍﺩﻳﻪ ﻋﻠﺊ ﺭﺍﺳﻪ ﻭﺷﺪ ﻋﻠﺊ ﺷﻔﺎﻳﻔﻪ ﺑﻘﻮﻩ ﻛﺎﻧﻪ ﻳﺘﻮﻋﺪ ﺑﺸﺨﺺ ﺍﺣﺘﻤﺎﻝ ﺍﺫﺍ ﺗﺎﺝ ﻭﻛﻌﺖ ﺑﺎﻳﺪﻩ ﻳﻘﺘﻠﻬﺎ ﻻ ﻣﺤﺎﻝ ﻭﺑﺪﻭﻥ ﺗﺮﺩﺩ ...
ﺩﺧﻞ ﻋﻤﻮ ﻣﻌﺘﺼﻢ ﺑﺴﺮﻋﻪ ﻭﺟﻪ ﻧﻈﺮﻩ ﺍﻟﻪ ﻭﻋﻤﻮ ﻣﻌﺘﺼﻢ ﻭﻛﻒ ﻣﺼﺪﻭﻡ ﻣﻦ ﻭﺟﻮﺩ ﺍﺑﺎﺫﺭ
ﺍﺷﻮ ﻫﺬﺍ ﻫﺠﻢ ﻋﻠﺊ ﻋﻤﻮ ﺑﺪﻭﻥ ﺍﻱ ﺍﺣﺘﺮﺍﻡ ﻭﻟﺰﻣﻪ ﻣﻦ ﻳﺎﺧﺘﻪ ﻭﻫﻮ ﻳﻜﻠﻪ .... ﻟﻚ ﺯﻣﺎﻝ ﺣﻴﻮﻭﻭﺍﻥ ﻫﻞ ﻛﻠﺒﻪ ﺻﺎﺭ ﺍﺭﺑﻊ ﺍﻳﺎﻡ ﻣﺎﻛﻮﻭ ﻭﻣﺎ ﺩﻛﻠﻲ ﻟﻚ ﻧﻌﺎﻝ ﺑﺎﻟﻘﺮﺍﻥ ﺍﻟﻴﻮﻡ ﺍﺷﻮﻩ ﻭﺟﻬﻚ ﻭﺟﻪ ﺑﺖ ﺍﺧﻮﻙ ﺍﻟﺴﻜﻂ ...
ﻋﻤﻮ ﺗﺨﺒﻞ ﺩﻓﻌﻪ ﻭﺿﺮﺑﻪ ﺑﻮﻛﺲ ... ﺍﻧﺠﺐ ﻭﺍﻛﻞ ﺗﺒﻦ ﻭﺍﻋﺮﻑ ﺷﻠﻮﻥ ﺗﺤﺠﻲ ﻭﻳﻪ ﻣﻨﻮ ﻟﻚ ﺍﻧﻲ ﻋﻤﻚ ﻳﺎ ﺟﺤﺶ ﻭﻣﺮﺗﻚ ﺍﻧﻬﺰﻣﺖ ﺍﻧﻲ ﺍﺷﻢ ﺍﻳﺪﻱ ﺟﻨﺖ ﺑﺎﻟﻮﺍﺟﺐ ...
ﺍﺑﺎﺫﺭ .. ﺟﺎﻥ ﺷﻌﺮﻩ ﻣﺒﻌﺜﺮ ﻭﺷﻔﺘﻪ ﺗﻨﺰﻑ ﺩﻡ ﻭﺍﻛﻒ ﻣﺜﻞ ﺍﻟﺸﺒﺢ ﻭﻋﻴﻮﻧﻪ ﻣﺮﻋﺒﻪ ﺣﻤﺮﺍ ﺗﺨﻮﻑ ﺣﻴﻴﻞ
ﺭﺟﻊ ﺑﻨﻔﺲ ﺍﻟﻬﺠﻮﻡ ﻭﺿﺮﺏ ﺍﺑﺎﺫﺭ ﻭﻫﻮ ﻳﺴﺐ ﻭﻳﻐﻠﻂ ﻭﻳﻔﺸﺮ ﻭﻋﻤﻮ ﻳﻐﻠﻂ ﻋﻠﻴﻪ ﻭﺑﻴﺒﻲ ﻭﻣﺎﻣﺎ ﻳﺼﺮﺧﻦ ﻭﻳﻔﺎﺭﻏﻦ ﺑﻴﻬﻢ ...
ﺧﻄﻴﻪ ﻫﺸﺎﻡ ﻣﺎ ﻃﻠﻊ ﻣﻦ ﻏﺮﻓﺘﻪ ﻭﺍﻧﻲ ﻟﺰﻛﺖ ﺭﻭﺣﻲ ﺑﺎﻟﺤﺎﻳﻂ ﻭﺍﺑﺠﻲ ﻭﺣﺎﺿﻨﻪ ﻧﻔﺴﻲ
ﺩﻋﻴﺖ ﻋﻠﺊ ﺗﺎﺝ ﻣﻦ ﻛﻞ ﻛﻠﺒﻲ ﻻ ﻟﻴﻠﻨﻪ ﻟﻴﻞ ﻭﻻ ﻧﻬﺎﺭﻧﺎ ﻧﻬﺎﺭ ﺍﻳﺎﻡ ﻣﺮﻋﺒﻪ ﻭﻗﺎﺳﻴﻪ ﻣﺮﺓ ﻋﻠﻴﻨﻪ ...
ﺑﻌﺪﻫﺎ ﺑﻴﺒﻲ ﻓﺎﺭﻏﺘﻬﻢ ﻭﻫﻮ ﻃﻠﻊ ﻭﻳﺼﻴﺢ ... ﺑﺎﻟﻘﺮﺍﻥ ﺍﻟﻪ ﺍﻛﺘﻠﻬﺎ ﺍﻟﻪ ﺍﺩﻓﻨﻬﺎ ﺑﻴﺪﻱ ﻭﻻ ﻳﺮﻑ ﺍﻟﻲ ﺟﻔﻦ ...
ﺑﻴﺒﻲ ﻟﺰﻣﺖ ﻋﻤﻮ ﻛﻠﺘﻠﻪ . ﺭﻭﺡ ﻭﺭﺍﻩ ﻻ ﻳﺴﻮﻱ ﺣﺎﺩﺙ ﻳﻤﻌﻮﺩ ﺑﻴﻤﻦ ﺭﺑﺤﻨﻪ ﺑﺬﻳﺞ ﺍﻟﺴﺎﻗﻄﻪ ﺍﻡ ﺍﻟﺸﻮﺍﺭﻉ ...
ﻋﻤﻮ ﺭﻛﺾ ﻭﻃﻠﻊ ﻭﺭﺍﻩ ﻭﺑﻌﺪ ﻣﺎ ﺍﺟﻪ ﻭﻣﺎﻣﺎ ﺗﺒﺠﻲ ﻭﺗﻨﺤﺐ ﻭﺑﻴﺒﻲ ﺗﺴﺐ ﻭﺗﻔﺸﺮ ﻃﻠﻌﺘﻨﻪ ﺍﻣﻬﺎﺕ ﺍﻟﻤﻼﻫﻲ
ﺍﻧﻮﺏ ﻛﺎﻟﺖ ... ﻣﻮ ﺑﻨﺎﺕ ﺍﻧﺘﻘﺎﻡ ﻓﻠﻚ ﺍﺳﻮﻭﺩ ﺫﻳﺞ ﻟﺤﺪ ﻫﺴﻪ ﻣﺘﻌﺠﺒﻪ ﺷﻠﻮﻥ ﺍﻟﻬﺎ ﺍﻳﺪ ﻭﺗﺤﺮﻙ ﺭﻭﺣﻬﺎ ﻭﺟﻨﺖ ﺷﺎﻛﻪ ﺑﺼﺒﺎﺡ ﺍﻟﻠﻪ ﻳﺮﺣﻤﻪ ... ﺑﺲ ﺑﻌﺪ ﻋﻤﻠﺔ ﺗﻮﻳﺠﻪ ﻻ ﻭﺭﻭﺡ ﺍﻟﺤﺠﻲ ﺗﺎﻛﺪﺕ ﻫﻞ ﺑﻨﺎﺕ ﻛﺢ ... ﻭﺑﺪﻭﻥ ﺗﺮﺑﻴﻪ
ﻣﺎﻣﺎ ﻣﺎ ﺍﻟﻬﺎ ﺍﻱ ﺭﺩ ﻭﺷﻨﻮ ﺗﺮﺩ ﺑﺲ ﺗﺒﺠﻲ ﻭﺗﻨﻮﺡ ﻣﺎﻟﻬﺎ ﻭﺟﻬﻪ
ﻃﻠﻌﺖ ﻟﻠﺤﺪﻳﻘﻪ ﺷﻔﺖ ﻋﻤﻮ ﻭﺍﺑﺎﺫﺭ ﻭﺍﻛﻔﻴﻦ ﻳﺤﺠﻮﻥ ﻭﻻ ﺟﻨﻬﻢ ﺫﻭﻟﻪ ﺍﻟﻘﺒﻞ ﺷﻮﻭﻳﻪ ﺻﺎﺭﺕ ﺍﻟﻬﻢ ﻣﻜﺎﺻﺐ ...بيج قصص عراقيه حقيقيه من واقعنا.روعه الطائي
ﺑﺲ ﻭﺟﻮﻫﻢ ﻣﺘﺒﺸﺮ ﺑﺨﻴﺮ
ﺳﻤﻌﺖ ﻋﻤﻮ ﻳﻜﻠﻪ ... ﻟﻚ ﻣﺎ ﺧﻠﻴﺖ ﻣﻜﺎﻥ ﻳﻌﺘﺐ ﻋﻠﻴﻪ ﺣﺘﺊ ﺍﻟﻤﻄﺎﺭﺍﺕ ﺍﻧﻄﻴﺘﻬﻢ ﻋﻠﻢ ﺑﺲ ﻫﻴﻪ ﺑﺪﺍﺧﻞ ﺑﻐﺪﺍﺩ ﻣﻄﺎﻟﻌﻪ ﺧﺎﺭﺟﻬﺎ ﻟﻜﻞ ﺍﻛﺪ ﺍﻟﻲ ﻫﻲ ﻣﻮﺟﻮﺩﻩ ﻫﻨﺎ ﻣﻄﺎﻟﻌﻪ
ﺍﺑﺎﺫﺭ ﺑﻌﺼﺒﻴﺔ ... ﺍﻧﺖ ﺷﻨﻮﻭ ﻭﻣﺪﻛﻠﻲ ﺍﻧﻬﺰﻣﺖ ﺷﻨﻮ ﺍﻧﻲ ﺭﺟﻞ ﻛﺮﺳﻲ ﻣﻜﺴﻮﺭ ﺍﻧﻲ ﺍﻭﻝ ﻭﺍﺣﺪ ﻻﺯﻡ ﺍﻋﺮﻑ ﺑﻬﻞ ﻋﺎﺭ ﻭﻳﻦ ﻭﻟﺖ ... ﻋﻮﺩ ﻋﺒﺎﻟﻚ ﺗﺮﺟﻌﻬﺎ ﻭﺗﺤﻄﻬﺎ ﺑﺮﮔﺒﺘﻲ ﻟﻚ ﻫﺎﻱ ﺍﻟﻨﻌﺎﻝ ﺍﺧﻠﻴﻬﺎ ﺧﺪﺍﻣﻪ ﻭﻣﺎ ﺍﻋﺘﺮﻑ ﺑﻴﻬﺎ ﻣﺮﻩ
ﻋﻤﻮ ﺟﺮ ﻧﻔﺲ ﻛﻠﻪ ... ﻭﻫﺴﻪ ﺷﻠﻮﻥ ﺷﻨﻜﻮﻝ ﻣﺎﺗﺖ ﻟﻮ ﻧﺴﻜﺖ ﻭﻧﻐﻠﺲ ﺍﻡ ﺭﺍﺿﻲ ﺍﺫﺍ ﺳﻤﻌﺖ ﺗﻌﺮﻓﻬﺎ ﺍﻟﻨﺎﻃﻖ ﺍﻟﺮﺳﻤﻲ ﻣﺘﺨﻠﻲ ﻭﺍﺣﺪ ﻣﺘﺤﺠﻴﻠﻪ ﺑﺎﻟﻌﺸﻴﺮﻩ ﻭﺭﺍﺿﻲ،ﻣﺎ ﺷﺎﺀ ﻟﻠﻪ ﻳﺮﻳﺪ ﺑﺲ ﻳﻠﺰﻡ ﻋﻠﻴﻚ ﻟﺰﻣﻪ ﺣﺘﺊ ﻳﺴﻜﺘﻚ ﻣﻦ ﻭﺭﺙ ﺍﺧﻮﺗﻚ ﺍﻻﺣﺴﻦ ﻧﻜﻮﻝ ﻣﺎﺗﺖ
ﺍﺑﺎﺫﺭ ﺟﺎﻭﺑﻪ ... ﻫﻲ ﻧﻠﻜﺎﻫﺎ ﻣﺎ ﻧﻠﻜﺎﻫﺎ ﻣﻴﺘﻪ ﻭﻣﻮﺗﺘﻬﺎ ﻋﻠﺊ ﺍﻳﺪﻱ ﻣﺪﺍﻡ ﻃﻠﻌﺖ ﺑﺪﻭﻥ ﻋﻠﻤﻲ ﻭﺍﻧﻬﺰﻣﺖ ﺷﺎﺭﺩﻩ ﻭﻃﺎﻟﻌﻪ ﻭﺿﺎﺭﺑﻪ ﺍﻟﻄﻞ ﺑﻨﻌﺎﻝ ﺻﺪﻛﻨﻲ ﻣﺎ ﺍﺧﻠﻴﻬﺎ ﺗﺸﻢ ﺍﻟﻬﻮﻩ .. ﻧﻌﻠﻦ ﻫﻲ ﻣﺎﺗﺖ ﺑﺲ ﻭﺍﻟﻠﻪ ﻣﺎ ﻳﻨﺎﻡ ﺍﻟﻲ ﺟﻔﻦ ﺍﺫﺍ ﻣﺎ ﺩﻓﻨﺘﻬﺎ ﺑﻴﺪﻱ ...
ﺍﺭﺗﻌﺒﺖ ﻣﻦ ﻛﻼﻣﻬﻢ ﻭﺧﻔﺖ ﺣﻴﻴﻴﻞ ﻳﺎﺭﺑﻲ ﺷﻠﻮﻥ ﻭﺍﻟﻠﻪ ﺣﺘﺊ ﻟﻮ ﺗﺎﺝ ﻏﻠﻄﺖ ﺑﺲ ﻫﻲ ﺍﺧﺘﻲ ﺍﺧﺘﻲ ﺗﻌﺰ ﻋﻠﻴﻪ ﻭﻣﺎ ﺍﺣﺐ ﻳﺼﻴﺮ ﻫﻴﺞ ﺑﺤﺎﻟﻬﺎ .....
ﻣﻌﺘﺼﻢ ... ﺧﻮﺵ ﺑﺎﺟﺮ ﺍﻧﻜﻠﻬﻢ ﻣﺎﺗﺖ
ﺍﺑﺎﺫﺭ ﺑﺘﻔﻜﻴﺮ ... ﺍﻧﺘﻈﺮ ﺧﺎﻟﺘﻬﺎ ﺍﻛﻴﻴﺪ ﻋﻨﺪ ﺧﺎﻟﺘﻬﺎ ﺍﻧﻲ ﺷﺎﻙ ﺑﻴﻬﺎ ﻣﻦ ﺯﻣﺎﻥ ...
ﻣﻌﺘﺼﻢ ﺑﺼﺪﻣﻪ ... ﺷﻠﻮﻥ
ﺍﺑﺎﺫﺭ ... ﻗﺒﻞ ﻓﺘﺮﻩ ﻣﻦ ﺍﺟﻴﺖ ﻭﻃﻠﺒﺖ ﺍﺷﻮﻑ ﺑﻨﺎﺕ ﺍﺧﻮﻳﻪ ﻭﻣﻦ ﻛﻌﺪﺕ ﻭﻳﺎﻫﻦ ﻭﻫﺎﻱ ﺍﻟﻨﻌﺎﻝ ﻃﻠﻌﺖ ﺗﺴﻮﻱ ﺟﺎﻱ ﺿﻠﻴﺖ ﺍﺳﻮﻟﻒ ﻭﻳﻪ ﺯﻳﻨﺐ
ﻭﻛﺎﻟﺖ ﺑﺪﻭﻥ ﻓﻬﻢ ﻣﻨﻬﺎ ... ﺗﻮﺗﻪ ﺭﺍﺡ ﺗﺴﺎﻓﺮ ﻭﻳﻪ ﺧﺎﻟﻪ ﺍﻧﻄﻴﻬﺎ ﻓﻠﻮﺱ ﺗﺴﺎﻓﺮ ﺧﻄﻴﻪ
ﻣﻌﺘﺼﻢ ﺑﺼﺪﻣﻪ ... ﻻﺍﺍﺍﺍ ﻣﺴﺘﺤﻴﻴﻞ ﻣﺎﺍﻋﺘﻘﺪ ﻫﻲ ﺍﻟﻔﻠﻮﺱ ﻋﻨﺪ ﺍﻣﻬﺎ ﻣﺎ ﻣﺎﺧﺬﻩ ﻣﻨﻬﻦ ﺍﻱ ﺷﺊ ...
ﻭﺑﻌﺪﻳﻦ ﺍﺣﻨﻪ ﺧﻮﺍﻟﻬﺎ ﻭﺧﺎﻟﺘﻬﺎ ﻭﺑﻴﺖ ﺟﺪﻫﺎ ﻛﻠﻬﻢ ﺣﻠﻔﻨﺎﻫﻢ ﻭﺣﻠﻔﻦ ﻛﻠﻬﻦ ﻣﻮ ﻋﺪﻫﻢ ﻣﺎﺍﻋﺘﻘﺪ ﻋﺪﻫﻢ
... ﺍﻧﻲ ﺍﻧﺼﺪﻣﺖ ﺍﺑﺎﺫﺭ ﻳﻌﺮﻑ ﺑﻴﻬﺎ ﺑﺲ ﺻﺤﻴﺢ ﻣﺎﻣﺎ ﻭﺑﻴﺒﻲ ﺣﻠﻔﺖ ﺑﻴﺖ ﺟﺪﻭ ﻛﻠﻬﻢ ﻛﺎﻟﺖ ﺧﺎﻑ ﺗﺨﺎﻑ ﺗﺮﺟﻊ ﺑﺲ ﻫﻤﻪ ﻛﻠﻬﻢ ﺣﻠﻔﻮ ﻭﻛﺎﻟﻮ ﻣﺎ ﻋﺪﻧﻪ ...
ﺍﺑﺎﺫﺭ ... ﺧﻠﻴﻨﺎ ﻧﺮﺍﻗﺐ ﺧﺎﻟﺘﻬﺎ .. ﻭﺑﻌﺪﻳﻦ ﻟﻜﻞ ﺣﺎﺩﺙ ﺣﺪﻳﺚ ﻫﺴﻪ ﺧﻠﻴﻬﺎ ﻻ ﺗﺴﻮﻱ ﺍﻱ ﺷﺊ ﻭﺑﺲ ﺍﻧﺠﻴﺒﻬﺎ ﻧﻜﺘﻠﻬﺎ ﻭﻧﻜﻮﻝ ﻣﺎﺗﺖ ...
ﻣﻌﺘﺼﻢ ... ﻟﻌﺪ ﺧﻠﻲ ﺍﺻﻴﺢ ﻟﻤﻴﺲ ﺗﺪﻟﻴﻨﻪ ﺑﻴﺖ ﺧﺎﻟﺘﻬﺎ ﻭﻧﺮﺍﻗﺒﻬﺎ ...
ﺍﻧﻲ ﻣﻦ ﺳﻤﻌﺖ ﻫﻴﺞ ﺭﻛﻀﺖ ﺑﺴﺮﻋﻪ ﺩﺧﻠﺖ ﻭﺷﻮﻳﻪ ﻭﺩﺧﻞ ﻋﻤﻮ ﺻﺎﺡ ﻣﻴﻴﺲ ﺗﻌﺎﻟﻲ ...
ﺭﺣﺖ ﺍﺭﻛﺾ ﺍﻣﺸﻲ ﻭﺭﺍﻩ
ﻃﻠﻌﺖ ﺑﺮﻩ ﺟﺎﻥ ﻋﻤﻮ ﻛﺎﻝ ... ﻣﻨﻮ ﻣﻦ ﺧﺎﻻﺗﺞ ﺗﻠﺘﻘﻲ ﺑﻴﻬﺎ ﺍﺧﺘﺞ
ﻫﻤﺴﺖ ﺑﺨﻮﻑ ... ﺧﺎﻟﺘﻲ ﺍﺑﺘﻬﺎﻝ ﻫﻲ ﺍﻛﺜﺮ ﻭﺣﺪﻩ ﺗﻠﺘﻘﻲ ﺍﻟﻬﺎ
ﻫﻮ ﺑﺪﻭﻥ ﻣﻴﺒﺎﻭﻋﻠﻲ ﻭﺭﺙ ﺟﻜﺎﺭﺗﻪ ﻭﺷﻐﻠﻬﺎ ﻛﺎﻝ ... ﻭﻳﻦ ﺑﻴﺘﻬﻢ ﺧﺎﻟﺘﺞ ﺍﻟﻌﻔﻴﻔﻪ
ﺑﻠﻌﺖ ﺭﻳﻜﻲ ﺑﺨﻮﻑ ﻳﻤﻪ ﻫﺬﺍ ﺍﺫﺍ ﻳﻠﺰﻡ ﺗﺎﺝ ﻻ ﻭﺍﻟﻠﻪ ﺗﻤﻮﺕ ﺑﻴﺪﻩ ﻫﻤﺴﺖ ... ﺍﺀﺀﺀ ﺏ .... « »
ﻋﻤﻮ ﻛﺎﻝ ... ﺭﻭﺣﻲ ﺍﻟﺒﺴﻲ ﺣﺠﺎﺑﺞ ﻭﺻﺎﻳﺘﺞ ﻭﺗﻌﺎﻟﻲ ﻭﻳﺎﻧﻪ
ﺭﺣﺖ ﻟﺒﺴﺖ ﺑﺴﺮﻋﻪ ﻭﻣﺎﻣﺎ ﺗﻤﺸﻲ ﻭﺭﺍﻳﻪ ﺩﻛﻮﻝ ﻭﻳﻦ ﺭﺍﻳﺤﻪ ﻛﻠﺘﻠﻬﺎ ﻟﺒﻴﺖ ﺻﺎﺣﺒﺖ ﺗﺎﺝ
ﻛﺎﻟﺖ ... ﻫﻲ ﻫﺎﻱ ﻣﻨﻴﻠﻬﺎ ﺻﺎﺣﺒﻪ ﺗﻌﺎﻱ ﻭﻳﻦ ﻣﻮﻟﻴﻪ ﻛﻠﺒﻲ ﺧﻠﺺ ﻣﻨﺠﻦ ...
ﻋﻔﺘﻬﺎ ﻭﺭﺣﺖ ﺭﻛﺒﻨﻪ ﺑﺎﻟﺴﻴﺎﺭﻩ ﺟﺎﻥ ﻫﻮ ﻳﺴﻮﻕ ﻭﻋﻤﻮ ﺑﺼﻔﻪ ﻭﻳﺤﺠﻮﻥ ﺑﺲ ﻋﻠﻴﻬﺎ ﻭﺍﺑﺎﺫﺭ ﻳﺘﻮﻋﺪ ﺑﻴﻬﺎ ...
ﻭﺍﻟﻠﻪ ﺍﻋﺘﻘﺪ ﺭﺍﺷﺪﻱ ﻣﻨﻪ ﻳﻔﻘﺪﻫﺎ ﺍﻟﺬﺍﻛﺮﻩ ...
ﻭﺻﻠﻨﻪ ﻟﺒﻴﺖ ﺧﺎﻟﻪ ﻭﺩﻟﻴﺘﻬﻢ ﻋﻠﺊ ﺑﻴﺘﻬﻢ ..
ﺍﺑﺎﺫﺭ ... ﻫﺬﺍ ﻫﻮ ﺍﻧﺪﻟﻴﺘﻪ ﺍﻥ ﺷﺎﺀ ﻟﻠﻪ ﺧﻴﺮ ...
ﺭﺟﻌﻮﻧﻲ ﻟﻠﺒﻴﺖ ﻭﻫﻤﻪ ﻃﻠﻌﻮﻭﻭ .... ﺭﺍﺣﻮ ﻣﺪﺭﻱ ﻭﻳﻴﻦ ...
...............................
ﺭﺩﺕ ﺍﺭﻭﺡ ﺍﻓﻴﺰ ﺍﻟﺠﻮﺍﺯ ﻣﺎﻟﺘﻲ ﻛﻠﺖ ﺍﻟﺨﺎﻟﻪ ﻧﺮﻭﺡ ﻻﻥ ﻗﺮﺭﻧﻪ ﺍﻟﺴﻔﺮ ﻫﺬﺍ ﺍﻻﺳﺒﻮﻉ ...
ﻣﻴﺲ ﻟﻜﻴﺘﻬﺎ ﺭﺍﺳﻠﺘﻠﻲ ﺭﺳﺎﻟﻪ ﻛﺎﺗﺒﻪ ... ﺗﺎﺝ ﺍﻧﺘﻲ ﺍﻧﺘﻬﻴﺘﻲ ﺍﺑﺎﺫﺭ ﻋﺮﻑ ﺑﻴﺞ ﺍﻧﻬﺰﻣﺘﻲ ﻭﻟﻌﺐ ﻟﻌﺐ ﺣﺘﺊ ﺿﺮﺏ ﻋﻤﻮ ﻭﺻﺎﺭﺕ ﺩﻣﺎﻳﻪ ﻭﻫﺪﺭ ﺩﻣﺞ ﻟﺞ ﺷﺴﻮﻳﺘﻲ ﺑﺮﻭﺣﺞ
ﺭﺳﺎﻟﺘﻬﺎ ﺧﻠﺖ ﻛﻞ ﺫﺭﻩ ﺑﺠﺴﻤﻲ ﺗﺮﺟﻒ ﻭﻫﺒﻂ ﺿﻐﻄﻲ ﺿﻠﻴﺖ ﺍﺗﻘﻴﺊ ﻭﺍﺑﺠﻲ ﻭﺧﺎﻟﻪ ﺗﻬﺪﻱ ﺑﻴﻪ ﻛﺎﻟﺖ ﻻ ﺗﺨﺎﻓﻴﻦ ﻣﻴﺼﻴﺮ ﺷﺊ ﺍﻧﻲ ﺣﻠﻔﺖ ﺑﺎﻟﻘﺮﺍﻥ ﺟﺬﺏ ﺍﻧﺘﻲ ﻣﻮ ﻋﻨﺪﻱ ﻣﺤﺪ ﺭﺍﺡ ﻳﺸﻚ ﺑﻴﺞ ﻋﻨﺪﻱ
ﻛﻠﺘﻠﻬﺎ ﺑﺒﻜﺎﺀ ... ﺧﺎﻟﻪ ﺩﻣﻲ ﻫﺪﺭﻭ ﻛﺴﺮﺕ ﺭﻭﺣﻲ ﻗﺒﻞ ﻻ ﺍﻛﺴﺮﻫﻢ ﻻ ﻋﻨﺪﻱ ﻭﻃﻦ ﻭﻻ ﺍﻫﻞ ﺍﻧﺘﻲ ﻟﻌﺒﺘﻲ ﺑﻴﻪ ﻟﻌﺐ ﺍﺣﺲ ﺍﻟﺴﻮﻳﺘﻪ ﻏﻠﻂ
ﻟﺰﻣﺘﻨﻲ ﺑﻌﺼﺒﻴﻪ ﻭﺛﻘﻪ ... ﻻ ﻣﻮ ﻏﻠﻂ ﺍﻛﺒﺮ ﺻﺢ ﺳﻮﻳﺘﻲ ﻭﻣﺤﺪ ﺭﺍﺡ ﻳﻠﻜﺎﺝ ﻣﻦ ﺭﺍﺡ ﻧﻄﻠﻊ ﻣﺘﻨﺪﻣﻴﻦ ﺍﺑﺪ ﺻﺪﻛﻴﻨﻲ ﺍﺻﻼ ﺭﺍﺡ ﺗﺘﺮﺣﻤﻴﻦ ﺍﻟﻲ ﻭﺍﻟﻠﻪ ....
ﺿﻠﻴﺖ ﺍﺑﺠﻲ ﻭﺍﺷﻬﻚ ﻭﺗﻤﻨﻴﺖ ﻣﺎ ﻃﻠﻌﺖ ... ﻭﻻ ﺍﻧﻬﺰﻣﺖ
ﻫﻲ ﺭﺍﺣﺖ ﺟﺎﺑﺘﻠﻲ ﺑﻮﺷﻴﻪ ﻭﻋﺒﺎﻳﻪ ﻟﺒﺴﺘﻬﻢ ﻃﻠﻌﺖ ﺟﻨﻲ ﻣﺨﺒﻠﻪ ﻛﺎﻟﺖ ﺣﺘﺊ ﻣﺤﺪ ﻳﻐﺮﻓﺞ ...
ﻭﺭﺣﻨﻪ ﻟﻠﺠﻮﺍﺯﺍﺕ ﻣﻘﺒﻠﻮ ﻳﺴﻮﻫﻦ ﺍﻟﻨﻪ ﻧﺎﺳﻴﻪ ﺍﻟﺠﻨﺴﻴﻪ ﻣﻦ ﺍﻟﺨﻮﻑ ﺍﻻﺭﺗﺒﺎﻙ ﻧﺴﻴﺖ ﺍﻟﺠﻨﺴﻴﻪ ....
ﺭﺟﻌﻨﻪ ﻟﻠﺒﻴﺖ ﺣﺴﻴﺖ ﺑﺎﺷﺘﻴﺎﻕ ﻟﺰﻳﻨﺐ ﻭﺯﻫﺮﺍﺀ ﻭﺍﺣﻠﻢ ﺑﻬﺒﻪ ﺯﻋﻼﻧﻪ ﻣﻨﻲ ... ﺣﻴﻞ ﺍﻧﻘﻬﺮﺕ ﻭﺑﺠﻴﺖ ﺑﻴﻮﻣﻬﺎ ...بيج قصص عراقيه حقيقيه من واقعنا.روعه الطائي
ﺿﻠﻴﻨﻪ ﺷﻮﻳﻪ ﻛﺎﻋﺪﻳﻦ ﺧﺎﻟﻪ ﺻﺒﺖ ﻏﺪﻩ ﻭﺯﻭﺟﻬﺎ ﻛﻌﺪ ﻳﺎﻛﻞ ...
ﺍﻧﺪﻙ ﻟﺒﺎﺏ ... ﻭﻛﻔﺖ ﻭﺭﻩ ﺍﻟﺒﺎﺏ ﺑﺲ ﻻ ﻛﻠﺖ ﻣﻨﻮ ﻭﻻ ﺣﺠﻴﺖ
ﻃﻠﻌﺖ ﺑﻨﺖ ﺧﺎﻟﺘﻲ ﻃﻔﻠﻪ ... ﺳﻤﻌﺖ ﺣﺮﺣﺸﺔ ﻛﻼﻣﻬﺎ ﺗﺤﺠﻲ ﻭﻳﻪ ﺷﺨﺺ ﺑﺲ ﻣﻔﺘﻬﻤﺖ ﺷﺊ ﺟﺎﻥ ﺻﻮﺕ ﻛﻮﻭﻭﻟﺶ ﻧﺎﺻﻲ ....
ﺩﺧﻠﺖ ﺑﻨﺖ ﺧﺎﻟﻬﺎ ﻭﺍﻧﻲ ﻟﺰﻣﺘﻬﺎ ﺑﺒﺎﺏ ﺍﻟﺸﺎﺭﻉ ﻛﻠﺘﻠﻬﺎ ﻣﻨﻮﻭﻭﻭ
ﻣﺎ ﺍﺣﺲ ﺍﻟﻪ ﺍﻧﺮﻛﻌﺖ ﺑﺎﻟﺒﺎﺏ ﺑﻘﻮﻭﻭﻩ ﻭﻛﻌﺖ ﻣﻦ ﻃﻮﻟﻲ ﺑﻌﺪﻧﻲ ﻣﻮﺍﻛﻔﻪ ﺷﻔﺘﻪ ﺩﺧﻞ ﺑﻄﻮﻟﺔ ﺍﻟﻔﺎﺭﻉ ﻭﻫﻮ ﺭﺍﺳﻢ ﺍﺑﺘﺴﺎﻣﻪ ﺧﺒﻴﺜﻪ ﻋﻠﺊ ﺷﻔﺎﻳﻔﻪ ﻭﻣﻼﻣﺤﻪ ﻣﺘﺪﻝ ﻋﻠﺊ ﺍﻟﺨﻴﺮ ﻗﺮﻳﺖ ﻋﻠﺊ ﺭﻭﺣﻲ ﺍﻟﺴﻼﻡ ....
ﺍﺑﺘﺴﻢ ﺑﺨﺒﺚ ﻭﺗﻮﻋﺪ ﺭﻓﻊ ﺣﺎﺟﺐ ﻭﻛﺎﻝ ... ﻣﻠﻚ ﺍﻟﻤﻮﻭﻭﺕ
ﻧﻬﺎﻳﺔ ﺍﻟﺒﺎﺭﺕ .. ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻨﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﺭﺟﺎﺀﺍ ﺭﺟﺎﺀﺍ ... ﻣﺴﻠﻢ ﻣﺤﺠﻮﺯ ﻟﻠﻜﺎﺗﺒﻪ ﺷﻠﺘﺎﻏﻪ ﺩﻛﻮﻝ ﻣﻮﺵ ﺭﺟﺎﻝ ﻣﻬﺘﻠﻒ ﻣﻬﺘﺘﺘﺘﺘﺘﻠﻒ ﻭﺍﻟﺘﺘﻘﺮﺏ ﻣﻨﻪ ﺍﻟﺴﺠﻴﻨﻪ ﻟﻐﺘﻲ 🔪🔪🔪🍴...🔫 ﻟﺬﻟﻚ ﻣﺴﻠﻢ ﻟﺸﻠﺘﺎﻏﻪ ﻣﺤﺪ ﺗﺘﻘﺮﺏ ﻭﻗﺪ ﺍﻋﺬﺭ ﻣﻦ ﺍﻧﺬﺭ ﺍﻟﻠﻬﻢ ﺍﺷﻬﺪ ﺍﻧﻲ ﺑﻠﻐﺖ
|