عرض مشاركة واحدة
قديم 09-12-19, 04:10 AM   #20

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



ﺍﻟﺒﺎﺭﺕ ﺍﻟﺜﺎﻟﺚ ﻋﺸﺮ
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ

💔💔💔💔💔💔💔💔
ﺍﻫﻼ ﺍﺣﺒﺘﻲ ... ﻣﺸﺘﺎﻗﻪ ﺍﻟﻜﻢ ﻫﻮﻭﻭﻭﺍﻳﻪ ﺑﻜﺪ ﺍﻟﺴﻤﺎﺀ ﺍﻟﺤﻤﺪ ﻟﻠﻪ ﺻﺮﺕ ﺍﻡ ﻭﺍﺧﻴﺮﺍ ...
ﻭﻫﺴﻪ ﺣﺎﻳﺮﻩ ﺍﺯﻭﺟﻬﺎ ﺍﻟﻤﻦ ﻛﻮﻟﻬﺎ ﺗﺮﻳﺪﻫﺎ ﻃﻜﺖ ﻃﻜﺖ ﺧﻄﺎﺑﺘﻬﺎ ﻛﺜﺮﺓ .. ﻭﻣﺤﺘﺎﺭﻩ ﻟﺴﺎﺭﺓ ﻟﻄﻠﺤﻪ ﻟﻮﺋﺎﻡ ﻟﻤﻨﺎﺭﺱ 😅..
ﺧﻠﻴﻬﺎ ﻫﻲ ﺗﻜﺒﺮ ﻭﺗﺰﻭﺝ ﺍﻟﻴﻌﺠﺒﻬﺎ 😍❤..
ﻭﺷﻜﺮﺍ ﺍﻟﻜﻢ ﻛﻠﻜﻢ ﻋﻠﺊ ﺳﺆﺍﻟﻜﻢ ﻭﻣﺒﺎﺭﻛﺘﻜﻢ ﺻﺎﺭﺕ ﻭﺍﻟﺪﺗﻲ ﺍﻻﺛﻨﻴﻦ ﺍﻟﻔﺎﺕ ﻭﺍﻟﺤﻤﺪ ﻟﻠﻪ ﻋﻠﺊ ﻗﻄﻌﺔ ﺍﻟﺴﻜﺮ ﺍﻟﻲ ﺯﺍﺩﺕ ﺑﻌﺎﺋﻠﺘﻲ 😍
ﻭﻫﺬﺍ ﺍﻟﺒﺎﺭﺕ ﻛﺎﺗﺒﺘﻪ ﺍﻧﻲ ﺑﺲ ﻫﺴﻪ ﻛﻤﻠﺘﻪ ﺑﻤﺴﺎﻋﺪﺓ ﺍﻻﺑﻄﺎﻝ ﻃﺒﻌﺎ
...............................
ﺩﺧﻠﺖ ﻟﻐﺮﻓﺘﻲ ﻭﺍﻟﺪﻣﻌﻪ ﺑﻌﻴﻨﻲ ...
ﻣﻮ ﺍﻟﺨﺎﻃﺮ ﺷﺊ ﺑﺲ ﺑﺼﺮﺍﺣﻪ ﻣﺎ ﺍﻋﺮﻑ ﺷﻨﻮ ﺍﻟﺼﺎﺭ ﻭﻳﺎﻳﻪ ﺍﺣﺲ ﺟﺮﺣﻨﻲ ﻛﻼﻣﻪ ...
ﻫﻮ ﺻﺢ ﺍﺗﻔﻘﻨﻪ ﻳﺘﺰﻭﺝ ﺑﺲ ﻫﺎﻱ ﺍﻫﺎﻧﻪ ﺍﻟﻴﻪ ﻛﺪﺍﻡ ﺍﻟﻜﻞ ﻫﺴﻪ ﻟﻌﺎﻟﻢ ﺩﻛﻮﻝ ﻟﻴﺶ ﺗﺰﻭﺝ ﻭﻫﻮ ﻣﺼﺎﺭ ﻛﻢ ﻳﻮﻡ ﻣﻦ ﺗﺰﻭﺟﻬﺎ
ﻣﺴﺤﺖ ﺩﻣﻮﻋﻲ ﺑﻘﺴﻮﻭﻩ ... ﻻ ﻣﻮ ﺍﻧﻲ ﺍﻟﻲ ﺗﻮﻛﻊ ﺩﻣﻮﻋﻲ ﺑﺴﺒﺐ ﻣﻮﺿﻮﻉ ﺗﺎﻓﻬﻪ ﻣﺜﻞ ﻫﺬﺍ ﻳﺮﻳﺪ ﻳﺘﺰﻭﺝ ﺍﻟﻠﻪ ﻭﻳﺎﻩ ﻭﻣﺤﻤﺪ ﻭﻋﻠﻲ ... ﻭﻣﺒﺮﻭﻙ ﻣﻘﺪﻣﺎ ...
ﺿﻠﻴﺖ ﺍﻛﻞ ﺑﺮﻭﺣﻲ ... ﻭﺍﻓﺘﺮ ﺑﺎﻟﻐﺮﻓﻪ ﺣﺎﺟﻴﺖ ﻧﻔﺴﻲ ﺑﻌﺼﺒﻴﺔ ... ﺻﺎﺭ ﻋﺰﻳﺰ ﻣﻮ ﺍﻧﺘﻲ ﺍﻧﻬﺰﻣﺘﻲ ﻣﻨﻪ ﻭﻣﺎ ﺭﺩﺗﻲ ﻳﺎﻟﻠﻪ ﺍﻛﻠﻲ ﺗﺒﻦ ﻭﺍﺳﻜﺘﻲ ...
ﻳﻌﻨﻲ ﻫﺴﻪ ﺍﻧﻲ ﻟﻮ ﻣﺎ ﻏﻠﻄﺖ ﻭﺍﻧﻬﺰﻣﺖ ﺟﺎﻥ ﻫﺴﻪ ﺣﻴﺎﺗﻲ ﻏﻴﻴﺮ ... ﺍﻟﻤﻘﺴﻮﻡ ﻣﻀﻤﻮﻡ ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ...
ﺷﻮﻭﻳﻪ ﻭﺩﺧﻠﺖ ﺯﻧﻮﺑﻪ ﻛﺎﻟﺖ ﺑﻄﻔﻮﻟﻪ ... ﺗﻮﺗﻪ ﺍﺑﻮﺝ ﻳﻠﻴﺪﺝ ...
ﺗﻔﺎﺟﺌﺖ ﻭﺍﻧﻘﺒﺾ ﻛﻠﺒﻲ ﺑﺎﺑﺎ ﺍﺟﻪ ﺧﻄﻴﻪ ﺷﺼﺎﺭ ﺑﻲ ﻣﻦ ﻭﺭﺍﻳﻪ ﺷﻠﻮﻥ ﺍﺟﻪ ..
ﺑﺴﺮﻋﻪ ﻃﻠﻌﺖ ﻣﻠﻬﻮﻭﻓﻪ ﺣﺘﺊ ﺣﺠﺎﺑﻲ ﻣﻠﺒﺴﺘﻪ ﺩﺧﻠﺖ ﻟﻼﺳﺘﻘﺒﺎﻝ ﺑﺪﻭﻥ ﺳﺎﺑﻖ ﺍﻧﺬﺍﺭ ...
ﻣﻠﮕﻴﺖ ﺑﺲ ﻋﻤﻮ ﻭﺍﺑﺎﺫﺭ ... ﻋﻘﺪﺕ ﺣﻮﺍﺟﺒﻲ ﺑﺘﺴﺎﺅﻝ ﻫﻤﺴﺖ ... ﻭﻳﻨﻪ ﺍﺑﻮﻭﻭﻳﻪ ...
ﻫﻲ ﻟﺰﻣﺖ ﺍﺩﻳﻪ ﺍﺷﺮﺕ ﻋﻠﺊ ﺍﺑﺎ ﺫﺭ ﻛﺎﻟﺖ ... ﻫﺪﺍ ﺍﺑﻮﺝ ﻳﻠﻴﺪﺝ
ﺭﻣﺸﺖ ﺑﻌﻴﻮﻧﻲ ﻭﻋﻤﻮ ﻃﻜﻬﺎ ﺿﺤﻜﻪ ﻛﺎﻝ ... ﺭﻭﻭﻭﺡ ﺭﻓﻌﻮﻙ ﻣﻦ ﺯﻭﺟﻬﺎ ﻻﺑﻮﻫﺎ ﺑﻌﺪ ﺷﺘﺮﻳﺪ ﻃﻜﻴﺖ ﻋﻤﻲ ﻃﻜﻴﺖ .. ﺗﺮﻗﻴﻪ ﺳﺮﻳﻌﻪ
ﻫﻮ ﺍﺑﺘﺴﻢ ﻛﺎﻝ ... ﻫﻲ ﺍﻟﺠﻬﺎﻝ ﻛﻠﻬﺎ ﺍﺫﺍ ﻣﻴﻜﺒﺮﻭﻥ ﻗﺮﻥ ﻣﺎ ﻳﺮﺗﺎﺣﻮﻥ ... ﻗﺒﻞ ﺷﻮﻳﻪ ﺍﺟﺘﻨﻲ ﺩﻛﻠﻲ ﺑﻨﺘﻚ ﺗﺮﻳﺪﻙ ... ﺗﻔﺎﺟﺌﺖ ﻳﺎﺭﺑﻲ ﺷﻮﻛﺖ ﺧﻠﻔﺖ ... ﻃﻠﻌﺖ ﺗﻘﺼﺪ ﺍﻣﻲ
ﻋﻤﻮ ﺿﺤﻚ ﻛﻠﻪ ... ﻫﺴﻪ ﺷﻮﻳﻪ ﻭﺗﺴﻮﻳﻨﻲ ﺍﻧﻲ ﺍﺑﻨﻚ
ﺭﺩ ﻋﻠﻴﻪ ... ﺍﻱ ﻫﻲ ﺑﺲ ﻫﺎﻱ ﺍﻟﻌﺎﻳﺰﻩ ﻋﻤﻲ ﻳﺼﻴﺮ ﺍﺑﻨﻲ ...
ﻧﺰﻟﺖ ﺭﺍﺳﻲ ﺑﻬﺪﻭﺀ ﻛﺘﻠﻪ ... ﻣﺤﺘﺎﺟﻴﻦ ﺷﺊ
ﻫﻮ ﻛﺎﻝ ... ﺍﻱ ﺗﻌﺎﻟﻲ ﺻﺒﻲ ﺑﻌﺪ ﺟﺎﻱ ..
ﺍﺧﺬﺕ ﺍﻻﺳﺘﻜﺎﻳﻦ ﻭﺭﺣﺖ ﺑﺲ ﺑﻴﻪ ﺿﺤﻜﻪ ﻋﻠﺊ ﺯﻧﻮﺑﻪ ﻣﻦ ﻛﺎﻟﺖ ﺍﺑﻮﻭﺝ ﺣﻠﻠﻞ ﻳﺴﺘﺎﻫﻞ ﺑﻜﺪ ﺟﻮﺭﺝ ﺑﻮﺵ ﻭﻳﺮﻳﺪ ﻳﺘﺰﻭﺝ ﺍﻟﺜﺎﻧﻴﻪ ...
ﺻﺒﻴﺖ ﺟﺎﻱ ﻭﺭﺣﺖ ﺍﺧﺬﺗﻪ ﻟﻜﻴﺘﻬﻢ ﻣﺴﻮﻳﻦ ﺍﻻﺳﺘﻘﺒﺎﻝ ﻋﺒﺎﺭﻩ ﻋﻦ ﺩﺧﺎﻥ ﻋﺒﺎﻟﻚ ﺑﻴﺖ ﺳﺤﺎﺭ ... ﻭﻋﺒﺎﻟﻚ ﺩﻳﺴﺎﺑﻘﻮﻥ ﻣﻨﻮ ﻳﺸﺮﺏ ﺍﻛﺜﺮ ﻫﻮ ﻳﻔﻮﺯ
ﺧﻠﻴﺖ ﺍﻟﺠﺎﻱ ﻋﻠﺊ ﺍﻟﻄﺎﻭﻟﻪ ﻭﻗﺪﻣﺖ ﻟﺠﺎﻱ ﻟﻜﻞ ﻭﺍﺣﺪ ﻣﻨﻬﻢ ..
ﻋﻤﻮ ﻛﻠﻪ ... ﺍﻛﻠﻚ ﺍﺷﻮﻭ ﻻﺑﺲ ﺩﺷﺪﺍﺷﻪ ﺑﻴﻀﻪ ﺷﺴﺎﻟﻔﻪ ...
ﻫﻮ ﻧﻔﺦ ﺍﻟﺪﺧﺎﻥ ﻣﻦ ﺑﻴﻦ ﺷﻔﺎﻳﻔﻪ ﻭﺑﺎﻭﻉ ﻋﻠﻴﻪ ﻛﺎﻝ .. ﺍﻱ ﻋﻮﺩ ﻋﺮﻳﺲ ﻋﺸﺘﻮ ..
ﻋﻤﻮ ﻫﺰ ﺭﺍﺳﻪ ﺑﺒﺘﺴﺎﻣﻪ ﻭﺍﺧﺬ ﺍﺳﺘﻜﺎﻥ ﺍﻟﺠﺎﻱ ﻭﺍﻧﻲ ﻃﻠﻌﺖ ﺑﺲ ﺣﺴﻴﺖ ﺑﻨﻈﺮﺍﺗﻪ ﺗﺮﺍﻗﺒﻨﻲ ..
ﻛﻌﺪﺕ ﻋﻠﺊ ﺍﻟﺪﺭﺝ ﻣﻌﻘﻮﻟﻪ ﻳﺘﺰﻭﺝ ﻟﻮ ﺩﻳﻜﺬﺏ ﺣﺘﺊ ﻳﻘﻬﺮﻧﻲ ﺑﺲ ﻻ ﺍﻛﻴﻴﺪ ﻛﺬﺍﺏ ﻣﺎ ﺍﻋﺘﻘﺪ ﻳﺴﻮﻳﻬﺎ ...
ﺑﺲ ﺍﺫﺍ ﺗﺰﻭﺝ ﺷﻠﻮﻥ ﻫﻲ ﺍﻟﻨﺴﻮﺍﻥ ﺗﻜﻴﻒ ﺑﺲ ﺍﻟﻤﻬﻢ ﺭﺟﻞ ﺍﻛﻴﺪ ﻳﺨﻤﻄﻨﻪ ﺧﻤﻂ ...
ﺟﺮﻳﺖ ﻧﻔﺲ ... ﺍﺫﺍ ﺗﺰﻭﺝ ﺍﻧﻲ ﻣﺎ ﻋﻠﻴﻪ ﺑﻲ ﺍﻟﻤﻬﻢ ﺑﻨﺎﺕ ﻫﺒﻪ ﻭﻣﺎﻟﻲ ﺷﻐﻞ ﺑﻲ ﺣﺘﺊ ﻟﻮ ﻳﻌﺰﻝ ﺍﻟﻲ ﺍﻧﻲ ﻭﺍﻟﺒﻨﺎﺕ ﻭﺣﺪﻧﻪ ﻭﺗﻜﻌﺪ ﻭﻳﺎﻧﻪ ﻋﻤﻪ ...
ﺷﻮﻭﻳﻪ ﻭﻃﻠﻊ ﻋﻤﻮ ﻫﻮ ﻃﻠﻊ ﻭﺭﻩ ﻋﻤﻮﻭﻭ ... ﻭﺻﻠﻪ ﻭﺭﺟﻊ ﺩﺧﻞ ﻟﻐﺮﻓﺔ ﻋﻤﺘﻲ ...
ﺯﻧﻮﺑﻪ ﺟﺎﻧﺖ ﺑﺎﻟﺸﺎﺭﻉ ﺩﺧﻠﺖ ﻭﻫﻲ ﺗﺒﺠﻲ ﻭﺷﻌﺮﻫﺎ ﻣﻜﻔﺶ
ﻭﻛﻔﺖ ﺑﻌﺼﺒﻴﺔ ﻛﻠﺘﻠﻬﺎ ... ﻣﻨﻮﻭ ﺿﺮﺭﺭﺑﺞ؟
ﺭﺩ ﺑﺒﻜﺎﺀ ﻭﻃﻔﻮﻟﻪ ... ﺗﻮﺗﻮ ﺍﺑﻦ ﺭﺍﺿﻲ ..
ﺣﺠﻴﺖ ﺑﻌﺼﺒﻴﺔ ﻃﺎﺡ ﺣﻀﻪ ﻭﺣﻆ ﺍﺑﻮﻭ ﻭﺍﻟﻠﻪ ﺍﻟﻴﻮﻡ ﺍﻧﻌﻞ ﺳﻠﻔﻪ ﺳﻠﻔﺎﻩ ..
ﺭﺣﺖ ﻟﻐﺮﻓﺘﻲ ﻭﻃﻠﻌﺖ ﺻﺎﻳﻪ ﻭﻟﺒﺴﺖ ﺍﻟﺘﻮﺭﺑﺎﻥ ﻭﺩﺍ ﺍﻟﺒﺲ ﺑﻨﻌﺎﻟﻲ ..
ﻣﺎ ﺍﺷﻮﻭﻓﻪ ﺍﻟﻪ ﻃﻠﻊ ﻛﺎﻝ ... ﺗﻌﺎﺍﺍﺍﻱ ﻫﻴﻴﻴﻴﻴﻲ ﻭﻳﻦ ﺭﺍﻳﺤﻪ
ﺭﺩﻳﺖ ﻋﻠﻴﻪ ﺑﺨﻮﻑ ﻣﻤﺰﻭﺝ ﺑﻐﻀﺐ ... ﻫﺬﺍ ﺳﻮﺳﻮ ﺍﺑﻦ ﺭﻭﻳﻀﻲ ﺿﺎﺭﺏ ﺯﻧﻮﺑﻪ ﺭﺍﻳﺤﻪ ﺍﻃﻴﺢ ﺣﻈﻪ ...
ﻫﻮ ﺻﺎﺡ ﺑﻌﺼﺒﻴﺔ ... ﺍﻣﺸﻴﻴﻲ ﻟﺞ ﺍﺩﺧﻠﻲ ﺟﻮﻩ ﻻ ﺍﻛﺴﺮ ﺭﺟﻠﺞ ﻃﺎﻟﻌﻪ ﻫﺎﺩﻩ ﺑﻨﺺ ﺍﻟﺸﺎﺭﻉ ﺍﺩﺏ ﺳﺰ ﻣﺘﻌﻠﻤﻪ ﻋﻠﺊ ﺍﻟﻤﺸﺎﻛﻞ ﺷﻨﻮ ﻣﺎﻛﻮ ﺯﻟﻢ ﻭﺗﻄﻠﻌﻴﻦ ﺍﻧﺘﻲ ﺗﺎﺧﺬﻳﻦ ﺣﻘﻨﻪ؟
ﺟﺎﻭﺑﺘﻪ ﺑﻘﻬﺮ ... ﻳﺎﻟﻠﻪ ﻫﺪ ﻭﺭﻩ ﺑﻨﺖ ﺍﺧﻮﻭﻙ ﺿﺮﺑﻬﺎ ﺍﺑﻦ ﺭﻭﻳﻀﻲ ﻭﺍﺧﺬ ﺣﻘﻬﺎ ..
ﻫﻮ ﻣﺸﻪ ﺗﻘﺮﺏ ﻣﻨﻲ ﻭﺍﻧﻲ ﺭﺟﻌﺖ ﺧﻄﻮﺍﺕ ﻛﺒﻴﺮﻩ ﻛﺎﻝ ﺑﻌﺼﺒﻴﺔ ... ﻣﻮ ﺍﻧﺘﻲ ﺍﻟﻲ ﺗﻔﻬﻤﻴﻨﻲ ﺍﺧﺬ ﺣﻖ ﻣﻨﻮ ﻫﻤﻪ ﺟﻬﺎﻝ ﻣﺎﻛﻮ ﺩﺍﻋﻲ ... ﻭﻳﺎﻟﻠﻪ ﺍﻣﺸﻲ ﻭﻟﻲ ﻟﻐﺮﻓﺘﺞ ...
ﺿﻠﻴﺖ ﻭﺍﻛﻔﻪ ﺑﻌﺼﺒﻴﺔ ﻭﻣﻜﺘﻔﻪ ﺍﺩﻳﻪ ﻫﻤﺴﺖ ... ﻣﻮ ﺻﻮﺝ ﺳﻮﺳﻮ ﺻﻮﺝ ﺯﻧﻴﺒﻪ ﺍﻟﺰﻣﺎﻟﻪ ﻛﻢ ﻣﺮﻩ ﻛﺘﻠﻬﺎ ﻻ ﺗﻠﻌﺒﻴﻦ ﻭﻳﺎﻫﻢ ﻭﺍﻟﻠﻪ ﺍﻟﻴﻮﻡ ﺍﻟﻪ ﺍﻃﻴﺢ ﺣﻀﻬﺎ ...
ﻫﻮ ﻫﺠﻢ ﻋﻠﻴﻪ ﻭﻟﺰﻡ ﺍﻳﺪﻱ ﻓﺮﻫﺎ ﺣﻴﻴﻞ ﻭﺭﻩ ﺿﻬﺮﻱ ﻛﺎﻝ ﺑﻌﺼﺒﻴﺔ ﻭﻋﻴﻮﻧﻪ ﺗﻨﻄﻨﻂ ﺑﻐﻀﺐ ... ﺍﻧﺘﻲ ﻣﺪﻱ ﺍﻳﺪﺝ ﻋﻠﻴﻬﺎ ﻭﺷﻮﻓﻲ ﺷﻨﻮ ﻳﺠﺮﺍﻟﺞ ﻭﺍﻟﻠﻪ ﺍﻛﺴﺮﻫﺎ ﻭﺍﻋﻠﻜﻬﺎ ﺑﺮﻛﺒﺘﺞ ...
ﺍﻧﺼﺪﻣﺖ ﻣﻦ ﻛﻼﻣﻪ ﻭﻫﺠﻮﻣﻪ ﻟﻤﺒﺎﻏﺖ ﻭﻛﻼﻣﻪ ﺍﻟﻼﺫﻉ ﺟﺎﻭﺑﺘﻪ ﺑﺤﺪﻩ ... ﺍﻧﻲ ﺍﺭﻳﺪ ﺍﻋﻠﻤﻬﺎ ﻭﺍﺭﺑﻴﻬﺎ ﻣﺎﺍﺭﻳﺪﻫﺎ ﺗﺘﻘﺮﺏ ﻣﻨﻬﻢ ﺣﺘﺊ ﻣﺎ ﺗﺘﺄﺫﻩ
ﺟﺎﻭﺏ ﺑﻀﺤﻜﻪ ﻣﺴﺘﻬﺰﺀﺓ .. ﻭﺍﻟﻠﻪ ﻣﻴﺸﺮﻓﻨﻪ ﺗﺮﺑﻴﺘﺞ ﺑﻴﺞ ﺧﻴﺮ ﺭﺑﻲ ﺭﻭﺣﺞ ﻭﻋﻮﻓﻲ ﺑﻨﺎﺕ ﺍﺧﻮﻳﻪ ﻋﻠﻴﻪ ...
ﻓﺘﺤﺖ ﻋﻴﻮﻧﻲ ﺑﺮﻋﺐ ﻗﺼﺪﻩ ﺍﻧﻲ ﺑﺪﻭﻥ ﺍﺧﻼﻕ ﻭﻣﺎﻋﻨﺪﻱ ﺗﺮﺑﻴﻪ ﺣﺴﻴﺖ ﺑﻄﻌﻨﻪ ﻗﺎﺳﻴﻪ ﻭﺟﻬﻪ ﺍﻟﻴﻪ ...
ﺩﻓﻌﺘﻪ ﺷﻮﻭﻳﻪ ﻭﺣﺠﻴﺖ ﻣﻦ ﺑﻴﻦ ﺍﺳﻨﺎﻧﻲ ... ﺍﺣﺘﺮﻡ ﻧﻔﺴﻚ ﺍﻟﺤﻤﺪ ﻟﻠﻪ ﻣﺘﺮﺑﻴﻪ ﻭﺍﺣﺴﻦ ﺗﺮﺑﻴﻪ
ﻫﻮ ﺑﺎﻭﻉ ﻻﻣﻪ ﻻﺯﻣﻪ ﺯﻧﻮﺑﻪ ﻭﺗﺴﻜﺖ ﺑﻴﻬﺎ ﻭﻛﻞ ﺷﻮﻳﻪ ﻛﺎﻟﺖ .. ﻭﻟﻚ ﻳﻤﻪ ﻛﺎﻓﻲ ﻣﺎﻛﻠﻴﻦ ﺩﺟﺎﺝ ﺍﻟﻴﻮﻡ ﺑﺲ ﺗﺘﻨﺎﻛﺮﻭﻥ ...
ﻣﻦ ﺷﺎﻑ ﺍﻣﻪ ﺳﺤﺒﻨﻲ ﻭﻓﺘﺢ ﺍﻟﻐﺮﻓﻪ ﻭﺩﻓﻌﻨﻲ ﺑﻴﻬﺎ ﻛﺎﻝ ﺑﻌﺼﺒﻴﺔ ... ﺍﻱ ﻭﺍﺿﺢ ...... ﻣﻨﺞ ﻭﺗﻨﻜﻄﻊ ﺍﻟﺘﺮﺑﻴﻪ ﺑﻴﺞ ﺧﻴﺮ ﻣﺎ ﺍﻧﻬﺰﻣﺘﻲ ...
ﻋﻄﺖ ﺑﻮﺟﻬﻪ ﺑﻐﻀﺐ ... ﻣﺎ ﺍﻧﻬﺰﻣﺖ ﺍﻧﻲ ﺭﺣﺖ ﺍﻟﺨﺎﻟﻪ ﻭﺍﺫﺍ ﺍﻧﺖ ﻓﺎﻫﻢ ﻏﻠﻂ ﻣﻮ ﻣﺸﻜﻠﺘﻲ ...
ﻋﺾ ﺷﻔﺘﻪ ﻭﻫﺰ ﺭﺃﺳﻪ ﺑﺎﺳﺊ ﻭﻫﻮ ﻳﺒﺘﺴﻢ ... ﺗﻀﺤﻜﻴﻦ ﻋﻠﻴﻪ ﻣﺎ ﺍﻧﻬﺰﻣﺘﻲ ﻭﻋﻨﺪ ﺧﺎﻟﻪ ... ﻟﺞ ﻟﻮ ﻣﺎ ﻣﻠﺤﻚ ﻋﻠﻴﺞ ﺟﺎﻥ ﻫﺴﻪ ﺍﻧﺘﻲ ﺑﺨﺒﺮ ﻛﺎﻥ ﺑﺎﻟﻘﺮﺍﻥ ﻟﻮ ﻃﺎﻟﻌﻪ ﺷﺒﺮ ﻭﺍﺣﺪ ﻣﻦ ﺍﻟﻌﺮﺍﻕ ﺑﺎﻟﻘﺮﺍﻥ ﺍﻟﻪ ﺍﺩﻓﻨﺞ ﻭﺍﺗﻔﻞ ﻋﻠﺊ ﻛﺒﺮﺝ ...
ﺣﺴﻴﺖ ﺑﻘﻬﺮ ﻋﻤﻴﻴﻖ ﻧﺰﻝ ﺑﺄﻋﻤﺎﻕ ﺻﺪﺭﻱ ﻣﺎ ﻛﺪﺭﺕ ﺍﺭﺩ ﻋﻠﻴﻪ ﻣﺎ ﺍﻋﺮﻑ ﺷﺒﻴﻪ ﺍﻟﻜﻠﻤﺎﺕ ﺗﻼﺷﺖ ﻣﻦ ﻋﻨﺪﻱ ...
ﺑﻌﺪﻫﺎ ﺗﻘﺮﺏ ﻣﻨﻲ ﻭﺳﺤﺐ ﺍﻟﺘﻮﺭﺑﺎﻥ ﻭﺷﻤﺮﻩ ﻛﺎﻝ ... ﻫﺬﺍ ﺍﺫﺍ ﺷﻔﺘﺞ ﻻﺑﺴﺘﻪ ﻭﺣﻖ ﺍﻟﺤﺴﻴﻦ ﺍﺣﺮﻛﺞ ﺍﻧﺘﻲ ﻭﻳﺎﻩ ﺍﻟﺒﺴﻲ ﺣﺠﺎﺏ ﻣﺜﻞ ﺍﻟﻌﺎﻟﻢ ﻭﺍﻟﻨﺎﺱ ﻣﻮ ﻃﺎﻟﻌﺘﻠﻲ ﺟﻨﺞ ﻋﺒﺎﺱ ﺍﺑﻦ ﻓﺮﻧﺎﺱ
ﺑﺎﻭﻋﺖ ﻋﻠﺊ ﺍﻟﺘﻮﺭﺑﺎﻥ ﻋﻠﺊ ﺍﻻﺭﺽ ﻭﺷﻌﺮﻱ ﺗﺨﺮﺑﻂ ﻣﻦ ﺳﺤﺒﺘﻪ ﻟﻠﺘﻮﺭﺑﺎﻥ ...
ﺷﻜﺪ ﻫﻤﺠﻲ ﻭﻣﺎﻋﻨﺪﻩ ﺍﺳﻠﻮﻭﺏ ﻋﺒﺎﻟﻪ ﻣﻦ ﻳﺴﻮﻱ ﻫﻴﺞ ﺍﺣﺘﺮﻣﻪ ﺍﺻﻼ ﺍﻧﻲ ﻣﺎ ﺍﺣﺐ ﺍﺣﺪ ﻳﻔﺮﺽ ﺷﺨﺼﻴﺘﻪ ﻋﻠﻴﻪ
ﺑﺲ ﺣﻴﻴﻴﻞ ﺍﻧﻘﻬﺮﺕ ﻭﺣﺰ ﺑﺨﺎﻃﺮﻱ ﺗﺼﺮﻓﻪ ... ﺣﺘﺠﺎﻭﺯﺓ ﺑﺘﺮﻓﻊ ﺍﺩﺭﻱ ﺑﻲ ﻳﺴﺘﻔﺰﻧﻲ ...
ﺑﻠﻠﺖ ﺷﻔﺎﻳﻔﻲ ﺑﻘﻬﺮ ﻭﺭﺟﻌﺖ ﺧﺼﻞ ﺷﻌﺮﻱ ﻭﺭﻩ ﺍﺫﺍﻧﻲ ... ﻫﻬﻪ ﻣﺎ ﺷﺎﺀ ﻟﻠﻪ ﺗﻌﺮﻓﻮﻥ ﺍﻟﺤﺠﺎﺏ ﺑﺲ ﻣﺘﻌﺮﻓﻮﻥ ﺍﻟﻠﻪ ... ﺷﻜﺪ ﺣﻠﻮ ﻣﻦ ﺗﻄﺒﻘﻮﻥ ﺍﺣﻜﺎﻡ ﺑﺲ ﻣﺘﻌﺮﻓﻮﻥ ﻣﻨﻮ ﻓﺮﺽ ﻫﺬﻱ ﺍﻻﺣﻜﺎﻡ .. ﻟﻬﺬﺍ ﺍﻟﺴﺒﺐ ﺍﻧﺖ ﻣﺜﻞ ﺍﻟﻤﺮﺣﻮﻡ .. ﺍﻟﻨﺴﺨﻪ ﺍﻻﺻﻠﻴﻪ ﺗﻌﺮﻑ ﺗﻔﺮﺽ ﺑﺲ ﻣﺘﻌﺮﻑ ﻣﻨﻮ ﺍﻟﻔﺮﺽ ﻫﺎﻱ ﺍﻻﺣﻜﺎﻡ ﻭﻣﺘﻌﺮﻑ ﺷﻨﻮ ﺑﺎﻗﻲ ﺍﺣﻜﺎﻣﻪ ...
ﺗﻘﺮﺏ ﻣﻨﻲ ﻭﺗﻜﻠﻢ ﺑﺎﺳﺘﻔﺰﺍﺯ ... ﻻ ﺗﻀﻠﻴﻦ ﺗﺘﻔﻠﺴﻔﻴﻦ ﺑﺮﺍﺳﻲ ﺍﻧﺘﻲ ﻟﻮ ﺗﻌﺮﻓﻴﻦ ﺍﺣﻜﺎﻣﻪ ﺟﺎﻥ ﻣﻦ ﺫﺍﺗﺞ ﻃﺒﻘﺘﻴﻬﻦ ... ﻭﺗﻌﺮﻓﻴﻦ ﺍﻟﺘﻄﻠﻊ ﺑﺪﻭﻥ ﻋﻠﻢ ﺯﻭﺟﻬﺎ ﺣﺮﺍﻡ ﻭﻣﻠﻌﻮﻧﻪ ﺍﻟﻴﻮﻡ ﺍﻟﺪﻳﻦ ... ؟
ﺟﺎﻭﺑﺘﻪ ﺑﻘﻬﺮ ﻭﻋﻨﺎﺩ ... ﻭﻫﺴﺴﻪ ﺷﺘﺮﻳﺪ . ؟
ﺑﺎﻭﻋﻠﻲ ﺑﺎﺳﺘﻬﺰﺍﺀ ﻛﺎﻝ ... ﺳﻼﻣﺘﺞ
ﺍﺗﺼﻞ ﺗﻠﻴﻔﻮﻧﻪ ﻭﻫﻮ ﺑﺎﻭﻉ ﻋﻠﻴﻪ ﻭﻋﻘﺪ ﺣﻮﺍﺟﺒﻪ ﺑﻌﺪﻫﺎ ﺍﺑﺘﺴﻢ ﻭﻓﺘﺢ ﺧﻂ Hello my best friend Michael
ﺿﻠﻴﺖ ﻭﺍﻛﻔﻪ ﺑﻤﻜﺎﻧﻲ ﻫﻮ ﻳﺤﺠﻲ ﺑﻄﻼﻗﻪ ﺍﻧﻜﻠﻴﺰﻱ ... ﻋﺸﺘﻮ ﺍﻣﺪﺍﻧﻲ ﻋﻮﺩ ﻫﻮ ﻳﻌﺮﻑ ﻟﻐﺎﺕ ﻭﻳﺨﺎﺑﺮ ﺑﻐﻴﺮ ﻟﻐﻪ ﺣﺘﺊ ﻣﺎ ﺍﻋﺮﻑ ﺷﻨﻮ ﻳﺤﺠﻲ ...
ﺑﺲ ﺍﻧﻲ ﻋﺮﻓﺖ ﻫﻮ ﺩﻳﺨﺎﺑﺮ ﺻﺪﻳﻘﻪ ﺍﻟﻤﻔﻀﻞ ﻣﺎﻳﻜﻞ ﺑﺲ ﻻ ﻳﻄﻠﻊ ﻣﺎﻳﻜﻞ ﺍﺑﺮﺵ ﻭﻋﻴﻮﻧﻪ ﺯﺭﻙ ﻭﺍﻧﻮﺏ ﻳﺰﻭﺟﻪ ﺍﺧﺘﻪ ﻭﻳﻄﺒﻖ ﺗﻌﺪﺩ ﺍﻟﺰﻭﺟﺎﺕ ﺑﺮﺍﺱ ﻣﺎﻳﻜﻞ ﻭﺍﺧﺘﻪ ﻣﺴﺎﻛﻴﻦ ﻭﺍﻟﻠﻪ ...
ﺑﺲ ﺷﻜﺪ ﺣﻘﻴﻴﻴﺮ ﻣﺎ ﺧﻼﻧﻲ ﺍﻫﺪ ﻭﺭﻩ ﺯﻧﻮﺑﻪ ... ﺍﻥ ﺷﺎﺀ ﻟﻠﻪ ﻏﻴﺮ ﻣﺮﻩ ﺍﻫﺪ ﻭﺍﻧﺘﻘﻢ ﻣﻦ ﺭﻭﻳﻀﻲ ﻭﺍﺑﻨﻪ ...
.................................
ﻣﻴﺲ
ﺑﻌﺪ ﻣﺮﻭﺭ ﺍﺳﺒﻮﻉ ...
ﻣﺎﻣﺎ ﺭﺍﺣﺖ ﻟﻠﺴﻮﻙ ﻭﺍﻧﻲ ﻛﻌﺪﺕ ﺍﻧﻀﻒ ﺑﺎﻟﺒﻴﺖ ﻭﻫﺸﺎﻡ ﻛﻞ ﻋﺎﺩﻩ ﻛﺎﻋﺪ ﺑﻐﺮﻓﺘﻪ ..
ﻭﺑﺎﺑﺎ ﺷﻮﻳﻪ ﺻﺤﺘﻪ ﺗﺤﺴﻨﺖ ﻭﻳﺎﺧﺬ ﻋﻼﺝ .. ﻭﺑﻴﺒﻲ ﻛﺎﻋﺪﻩ ﻳﻤﻪ
ﻭﻋﻤﻮ ﺍﻟﺘﺤﻖ ﻟﻠﺪﻭﺍﻡ ﺑﻌﺪ ﻛﻢ ﻳﻮﻡ ﻳﻨﺰﻝ ... ﻣﻦ ﻳﺮﻭﺡ ﻟﻠﺪﻭﺍﻡ ﻧﺮﺗﺎﺡ ﻣﺼﻴﺒﻪ ﺷﻜﺪ ﻳﻄﻠﺐ ﺳﻮﻱ ﺟﺎﻱ ﺍﻛﻮﻱ ﻗﻤﻴﺼﻲ ﻋﻤﺮﻱ ﺍﻻﺭﻛﻴﻠﻪ ... ﺍﻏﺴﻠﻲ ﻣﻼﺑﺴﻲ ... ﺍﻛﻮﻱ ﺟﻮﺍﺭﻳﺒﻲ ... ﺧﺮﺏ ﺣﻀﻲ ﺣﺘﺊ ﺍﻟﺠﻮﺍﺭﻳﺐ ﺍﻛﻮﻳﻬﻦ
ﻳﻨﺮﺍﺩ ﺍﻟﻪ ﻋﺸﺮ ﻧﺴﻮﻭﺍﻥ ...
ﺩﺍﺋﻤﺎ ﺍﻛﻮﻝ ﻟﻤﺎﻣﺎ ﺗﺮﺉ ﺣﻤﺎﺝ ﻃﻴﺢ ﺣﻀﻲ ﺻﻴﺤﻲ،ﺑﻲ ... ﺯﻭﺟﻲ ﺷﻮﻓﻴﻠﻪ ﻣﺮﻩ ... ﺧﻠﻲ ﺗﺨﺪﻣﻪ ...
ﻣﺎﻣﺎ ﺩﻛﻮﻝ ... ﺑﺎﺟﺮ ﻳﺘﺰﻭﺝ ﻭﻫﻮ ﻳﺨﺪﻡ ﺍﻟﻤﺮﻩ ﻫﻤﻪ ﻛﻠﻬﻢ ﺍﻟﻤﺘﻌﺠﺮﻓﻴﻦ ﻫﻴﺞ ﻳﺼﻴﺮﻭﻥ ﻧﺎﻋﻤﻴﻦ ﻭﻳﻪ ﺍﻟﻨﺴﻮﺍﻥ ...
ﻭﻫﻮﺍﻳﻪ ﻳﺪﻗﻖ ﻭﺣﺼﺮﻩ ﺍﺣﺠﻲ ﺣﺠﺎﻳﻪ ﺍﺧﺬﻫﺎ ﺑﻐﻴﺮ ﻗﺼﺪ .. ﻭﻛﺎﻝ ﻻﻣﻲ ... ﺍﺩﺑﻲ ﺑﻨﺘﺞ .. ﺻﻮﺗﺞ .. ﺷﻌﺮﺝ .. ﻟﺴﺎﻧﺞ .. ﺻﺪﺭﻳﺘﺞ ﺿﻴﻘﻪ .. ﻣﻮ ﻋﻢ ﺍﻧﺘﻘﺎﻡ ﻭﻃﺎﺡ ﻋﻠﺊ ﺭﺍﺳﻲ ...
ﻭﺍﻟﻠﻪ ﻻﻥ ﻓﻘﻴﺮﻩ ﺟﺎﻧﺖ ﺗﺎﺝ ﻣﻴﺤﺠﻲ ﻭﻳﺎﻫﺎ ﻳﺨﺎﻑ ﻣﻨﻬﺎ ﻣﺪﺭﻱ ﺷﻨﻮ ﺑﺲ،ﺍﻧﻲ .. ﺻﺪﻙ ﻟﻮ ﻛﺎﻟﻮ ﺍﺑﻮﻳﻪ ﻣﻜﺎﺩﺭ ﺑﺲ ﻋﻠﺊ ﺍﻣﻲ
ﺍﺟﺖ ﻣﺎﻣﺎ ﻣﻦ ﺍﻟﺴﻮﻙ ﻭﺍﻧﻲ ﻋﺰﻟﺖ ﺍﻟﻤﺴﻮﺍﻙ ...
ﺑﻌﺪﻫﺎ ﺻﺎﺣﺖ ﻋﻠﻴﻪ ﻭﻫﻲ ﺗﺒﺘﺴﻢ ﻭﺳﺪﺕ ﺍﻟﻐﺮﻓﻪ ﻛﺎﻟﺖ ... ﻣﻴﺲ ﺗﻌﺎﻟﻲ ﺷﻮﻓﻲ ﺷﻨﻮ ﺟﺒﺖ ﻻﺧﺘﺞ ..
ﻋﻘﺪﺕ ﺣﻮﺍﺟﺒﻲ ﺑﺘﺴﺎﺅﻝ ﻭﻫﻲ ﻓﺘﺤﺖ ﻋﻠﺒﻪ ﺻﻐﻴﺮﻩ ﺣﻤﺮﻩ ﻭﻃﻠﻌﺖ ﻣﻨﻬﺎ ﻣﺤﺒﺲ ﺫﻫﺐ ﺻﻐﻴﺮ ﻭﺑﻲ ﻛﺮﺳﺘﺎﻟﻪ ﺑﻴﻀﻪ ﻛﻮﻭﻟﺶ ﺣﻠﻮﻭ ...
ﺍﺑﺘﺴﻤﺖ ﺑﻔﺮﺡ ... ﺍﻟﻠﻪ ﻣﺎﻣﺎ ﺷﻜﺪ ﺣﻠﻮﻭ ﻫﺬﺍ ﺑﻤﻨﺎﺳﺒﺔ ﺯﻭﺍﺟﻬﺎ ﻣﻮ
ﺟﺎﻭﺑﺖ ... ﺍﻱ ﺍﺳﺘﻠﻤﺖ ﺍﻟﺴﻠﻔﻪ ﻣﻦ ﺍﻡ ﺳﺠﺎﺩ 250 ﻭﺟﺒﺖ ﺑﻴﻬﺎ ﻫﺪﻳﻪ ﻻﺧﺘﺞ ﺧﻄﻴﻪ ﺍﺭﻳﺪ ﺍﻓﺮﺣﻬﺎ ﻭﺍﻛﻠﻬﺎ ﻣﻦ ﺍﺑﻮﺝ ﻭﻣﻨﻲ ...
ﺭﺩﻳﺖ ﻋﻠﻴﻬﺎ ... ﺍﻱ ﻫﻤﺰﻳﻦ ﻣﺎﻣﺎ ﺧﻄﻴﻴﻪ ...
ﺳﻤﻌﺖ ﺍﻟﺒﺎﺏ ﺍﻧﺪﻙ ﺭﺣﺖ ﺑﺴﺮﻋﻪ ﻓﺘﺤﺘﻪ ﻟﻜﻴﺘﻪ ﺟﺪﻭ ﺍﺑﻮ ﻓﺆﺍﺩ ﻭﺑﻴﺒﻲ ﻭﺧﺎﻟﻪ ﺩﻋﺎﺀ ..
ﺳﻠﻤﺖ ﻋﻠﻴﻬﻢ ﻭﺩﺧﻠﻮ ﺑﺎﻻﺳﺘﻘﺒﺎﻝ ...
ﺭﺣﺖ ﻟﻤﺎﻣﺎ ﺧﺒﺮﺗﻬﺎ ﺑﻮﺻﻮﻝ ﺑﻴﺖ ﺟﺪﻭﻭ ﻫﻲ ﻛﺎﻟﺖ ... ﻫﺴﻪ ﺍﺟﻴﻬﻢ ..
ﺭﺣﺖ ﻛﻌﺪﺕ ﻳﻤﻬﻢ ﺩﻋﺎﺀ ﻻﺑﺴﻪ ﺗﻨﻮﺭﻩ ﻗﺼﻴﺮﻩ ﺳﻮﺩﻩ ﻭﻗﻤﻴﺺ ﻣﺎﺭﻭﻧﻲ ﻭﻻﺑﺴﻪ ﺷﺎﻝ ﻛﺮﻳﻤﻲ ﻭﺣﺬﺍﺀ ﻓﻼﺕ ﻛﺮﻳﻤﻴﻪ .. ﻭﺗﻄﻜﻄﻚ ﺑﻤﻮﺑﺎﻳﻠﻬﺎ ﻭﺗﺒﺘﺴﻢ ﻭﻻ ﺍﺭﺗﺎﺡ ﺍﻟﻬﺎ .. ﻣﻮ ﺧﺎﻟﻪ ﺍﻧﺘﻘﺎﻡ ﻫﻬﻬﻪ
ﻣﺮﻩ ﻛﻠﺖ ﻟﺘﺎﺝ ﺩﻋﺎﺀ ﻫﻢ ﻋﻨﺪﻫﺎ ﺍﺻﺪﻗﺎﺀ ﻭﻟﺪ ﻛﺎﻟﺖ ﻭﻫﻲ ﺗﻌﺪ ﻋﻠﺊ ﺍﺻﺎﺑﻌﻬﺎ ... ٥ .... ٤ ... ٣ ... ٢ ... ١
ﺑﻌﺪﻫﺎ ﺿﺤﻜﺖ ﻛﺎﻟﺖ ... ﻋﻨﺪﻫﺎ ﻭﺍﺣﺪ ﻫﻜﺮ ﻣﺮﻩ ﺗﻬﻜﺮﺕ ﻭﺳﻮﺍﻟﻲ ﺣﺴﺎﺑﻲ ﺑﺲ ﻫﻲ ﺻﺪﺍﻗﺎﺕ ﻭﺗﺠﺮﺏ ﺣﻀﻬﺎ ﻣﺘﺤﺐ .. ﺑﺲ ﺟﺎﻧﺖ ﺗﺤﺐ ﻋﻤﻮ ﻭﻣﻴﺤﺒﻬﺎ ﻫﻮ ... ﻛﻮﻥ ﻳﺘﺰﻭﺟﻬﺎ
ﺣﺘﺊ ﻫﻲ ﺩﻟﻮﻋﻪ ﻭﻓﺮﻱ ﻭﻃﻴﺢ ﺣﻀﻬﺎ ﺑﻄﻠﺒﺎﺗﻪ ...
ﻛﺎﻟﻮ ﺟﺎﻳﺒﻴﻦ ﻫﺪﻳﻪ ﻭﺩﻳﺮﺣﻮﻥ ﻟﺘﺎﺝ ﻣﺎﻣﺎ ﺳﻠﻤﺖ ﻋﻠﻴﻬﻢ ﻭﺑﺪﻟﺖ ﻭﺭﺣﻨﻪ ﻭﻳﺎﻫﻢ ﺍﻟﺒﻴﺖ ﻋﻤﻮﻭ ...
.....................
ﺗﺎﺝ ...
ﻧﻀﻔﺖ ﺍﻟﺒﻴﺖ ﻛﻠﻪ ﻭﺳﻮﻳﺖ ﻏﺪﻩ ...
ﻣﺤﺪ ﻣﻮﺟﻮﺩ ﺍﻟﻜﻞ ﻃﺎﻟﻊ ﺑﺲ ﻋﻤﻪ ﻭﺍﺟﺖ ﻋﻠﻴﻬﺎ ﺍﻡ ﺭﺍﺿﻲ ﻭﻃﻠﻌﻦ ﺭﺍﺣﻦ ﺍﻟﻔﺎﺗﺤﻪ
ﻃﺒﻌﺎ ﺍﻡ ﺭﺍﺿﻲ ﺍﺫﺍ ﻣﺎ ﺗﺴﻤﻤﻨﻲ ﺑﺤﺠﺎﻳﻪ ﻣﺘﺮﺗﺎﺡ ﻛﺎﻟﺖ .. ﺍﻟﺒﻴﺖ ﻭﺻﺦ ﻣﻮ ﻣﺜﻞ ﻣﺎ ﺟﺎﻥ ﻋﻠﺊ ﻫﺒﻪ ﻛﺎﻓﺘﻪ ﻛﻒ ﻭﻧﻀﻴﻒ ﻫﺴﻪ ﻭﺻﺦ ...
ﺳﻜﺘﺖ ﻣﺎ ﺭﺩﻳﺖ ﻋﻠﻴﻬﺎ ...
ﺭﺟﻌﺖ ﻛﺎﻟﺖ ... ﺍﻣﻬﺎﺕ ﺍﻟﺴﻄﻮﺡ ﺻﺎﺭﻥ ﻧﺴﻮﺍﻥ ... ﻫﻲ ﻳﺎ ﻳﻮﻡ ﺍﻡ ﺍﺑﺎﺫﺭ ﺟﺎﺑﺘﻠﻬﺎ ﺟﻴﺒﻪ ﺑﻴﻬﺎ ﺧﻴﻴﺮ ...
ﻓﺮﺕ ﻣﻦ ﻛﻼﻣﻬﺎ ﺻﺤﺖ ﻋﻠﺊ ﺯﻳﻨﺐ ... ﺍﻭﻭﻭﻑ ﺷﻮﻛﺖ ﺍﻟﻠﻪ ﻳﺎﺧﺬﺝ ﻭﻧﺨﻠﺺ ﻣﻨﺞ ﻣﻮﺗﻴﻨﻪ ﺍﻛﻌﺪﻱ ﻭﺍﺳﻜﺘﻲ ..
ﻫﻲ ﺧﺰﺭﺗﻨﻲ ﻭﻃﻠﻌﺖ ﺗﻜﺮﻫﻨﻲ ﻻﻥ ﺍﺗﻬﻤﺘﻬﻢ ﻫﻤﻪ ﻭﺭﻩ ﻗﺘﻞ ﻫﺒﻪ ﻭﻫﻤﻪ ﺍﻟﺸﻴﻄﺎﻥ ﺍﻻﻛﺒﺮ ﻭﺭﻩ ﺻﺒﻴﺢ ...
ﻫﻲ ﻣﺮﺓ ﺍﺑﻮ ﺍﺑﺎﺫﺭ ﻛﻞ ﻫﻤﻬﺎ ﺍﻟﻨﺎﺱ ﺗﺤﺠﻲ ﻋﻠﺊ ﻋﻤﺘﻲ ... ﻫﻲ ﺟﻨﺎﻳﻨﻬﺎ ﻣﺪﻟﻼﺕ ﻭﺗﺨﻠﻲ ﻫﺒﻪ ﺗﺨﺪﻡ ﺍﻟﻬﺎ ...
ﺻﺒﻴﺢ ﺟﺎﻥ ﻟﻌﺒﻴﻪ ﺑﻴﺪ ﺭﺍﺿﻲ ﻓﻤﻦ ﻣﺎﺗﺖ ﻫﺒﻪ ﻣﺎﺗﺖ ﻣﻦ ﻭﺭﺍﻫﻢ ﻫﻮ ﻳﺤﺮﺿﻪ ﻋﻠﺊ،ﻫﺒﻪ ﻭﺫﺍﻙ ﺍﻟﻠﻪ ﻳﺮﺣﻤﻪ ﻏﺒﻲ ﻣﺎ ﻳﺮﺣﻢ ﻫﺒﺎﻭﻱ ﻳﺴﻜﻄﻬﺎ ﺗﺴﻜﻂ ...
ﻣﻦ ﺗﺰﻭﺟﻨﻲ ﻣﺮﻩ ﻃﻠﺐ ﻣﻨﻲ ﺍﺭﻭﺡ ﺍﺳﺎﻋﺪﻫﻢ ﻣﺴﻮﻳﻦ ﻋﺰﻳﻤﺔ ﻃﻬﻮﺭ ﺍﺑﻦ ﺭﺍﺿﻲ ...
ﻋﺎﺩ ﺍﻧﻲ ﻛﺘﻠﻪ ... ﺷﻌﻨﺪﻱ ﺭﺍﻳﺤﻪ ﻣﺎ ﺍﺭﻭﺡ
ﻛﺎﻝ .. ﺭﻭﺣﻲ ﺳﺎﻋﺪﻳﻬﻢ ﺍﻟﻴﻮﻡ ﻋﺎﺯﻣﻴﻴﻦ
ﺟﺎﻭﺑﺘﻪ ﺑﻌﻨﺎﺩ ... ﺷﻨﻮ ﻣﺎﻋﺪﻫﻢ ﺑﻨﺎﺕ ﻣﺎﻋﺪﻫﻢ ﺟﻨﺎﻳﻦ ﻭﺍﺳﺎﻋﺪﻫﻢ ﻭﺣﺪﺗﻬﻦ ﺣﻴﻠﻬﺎ ﺣﻴﻴﻞ ﺍﻟﻤﻄﻲ ﻣﺎ ﻳﻜﻮﻣﻦ ﻳﺸﺘﻐﻠﻦ ﻟﻮ ﻫﻨﻪ ﺑﺮﻧﺴﻴﺴﺎﺕ ﻭﺍﻧﻲ ﻭﻫﺒﻪ ﺧﺪﻡ ﻋﺪﻫﻢ ...
ﻫﻮ ﺷﻤﺮ ﻋﻠﻴﻪ ﺍﻻﺳﺘﻜﺎﻥ ﻛﺎﻝ ... ﺗﺮﺣﻴﻦ ﻭﻏﺼﺒﺎ ﻋﻨﺞ ﻭﻻ ﺗﺰﺭﻋﻴﻦ ﺍﻟﺘﻔﺮﻗﻪ ﺑﻴﻨﻲ ﻭﺑﻴﻦ ﺍﺧﻮﺗﻲ ... ﻭﺗﻘﻠﻠﻴﻦ ﻣﻦ ﺭﺟﻮﻟﺘﻲ
ﺿﺤﻜﺖ ﺑﺎﺳﺘﻬﺰﺍﺀ ﺭﺩﻳﺖ ﻋﻠﻴﻪ ﺑﻌﺪ ﻣﺎ ﺻﻜﻴﺖ ﺍﺳﻨﺎﻧﻲ ... ﺍﻧﺖ ﻭﺍﻟﺮﺟﻮﻟﻪ ﺷﻨﻮﻭﻭ؟ ﻟﻚ ﺍﻟﻲ ﻳﺨﻠﻲ ﻣﺮﺗﻪ ﺧﺪﺍﻣﻪ ﺑﻐﻴﺮ ﺑﻴﺘﻪ ﻫﺬﺍ ﻣﻮ ﺭﺟﺎﻝ ﺍﺻﻼ ﻋﺎﺍﺍﺭ ﻋﻠﺊ ﺍﻟﺮﺟﻮﻟﻪ ..
ﻋﺎﺩ ﻫﻮ ﺗﺨﺒﻞ ﻭﻛﻒ ﺑﻜﻞ ﻋﺼﺒﻴﻪ ﻭﻫﺠﻢ ﻋﻠﻴﻪ ﺍﻧﻲ ﺭﺟﻌﺖ ﻣﺮﻋﻮﻭﺑﻪ ﻣﻦ ﺍﻟﺨﻮﻭﻑ
ﻫﻮ ﺍﻧﺘﻘﻢ ﻣﻨﻲ ﺭﺍﺷﺪﻳﺎﺕ ﻭﺑﻮﻛﺴﻴﺎﺕ ﺷﻌﺮﻱ ﻛﻔﺸﻪ ﺗﻜﻔﺶ ﻭﻫﻮ ﻳﺴﺐ ﻭﻳﻐﻠﻂ ﻭﻳﺼﻴﺢ ﻟﺞ ﺍﻧﻲ ﻣﻮ ﺭﺟﺎﻝ ﺍﻟﻴﻮﻡ ﺍﻃﻠﻊ ﺍﻟﺮﺟﻮﻟﻪ ﻣﻦ ﻋﻴﻮﻧﺞ ..
ﻃﻠﻊ ﻳﺮﻛﺾ ﻭﺑﻌﺪﻫﺎ ﺩﺧﻞ ﻭﻫﻮ ﺷﺎﻳﻞ ﻭﺍﻳﺮ ﻣﺎﻝ ﺳﺤﺐ ﻣﻦ ﺷﻔﺘﻪ ﺭﻭﺣﻲ ﻣﺎﺗﺖ ﺭﺟﻌﺖ ﺍﺯﺣﻒ ﻋﻠﺊ ﺍﻻﺭﺽ ﻭﺭﻓﻌﺖ ﺍﻳﺪﻱ ﺑﺘﻮﺳﻞ ... ﻻ ﻻﺍ ﺻﺒﺎﺍﺍﺡ ﺑﺮﻭﺡ ﻫﺒﻪ ﻻﺍﺍ
ﻛﺎﻝ .. ﺍﻧﻌﻞ ﺍﺑﻮﺝ ﻳﺎ ﺍﺑﻮ ﻫﺒﻪ
ﺿﺮﺑﻨﻲ ﺿﺮﺑﺘﻴﻦ ﺍﺣﺲ ﺭﻭﺣﻲ ﻃﺎﺭﺕ ﻭﺻﺮﺧﺖ ﺑﺼﻮﺕ ﻋﺎﻟﻲ ﺳﺤﺒﻨﻲ ﻭﻫﻮ ﻧﺎﻭﻱ ﻳﺸﻮﻓﻨﻲ ﺭﺟﻮﻟﺘﻪ ﻋﺸﺘﻮﻭ ﻋﺒﺎﻟﻪ ﺍﻟﺮﺟﻮﻟﻪ ﺑﻔﺮﺍﺷﻪ ...
ﺿﻠﻴﺖ ﻻﺯﻣﻪ ﺑﺮﺟﻞ ﺍﻟﻘﻨﻔﻪ ﻭﻫﻮ ﻳﺴﺤﺐ ﺑﻴﻪ ﻭﺍﻧﻲ ﺍﺻﺮﺥ ﻣﻦ ﺣﻼﺓ ﺭﻭﺣﻲ ﺳﺤﺐ ﺍﻟﻘﻨﻔﻪ ﻭﻳﺎﻳﻪ
ﺍﻟﺤﻤﺪ ﻟﻠﻪ ﺍﺟﻪ ﺣﻤﺎﻳﻪ ﻣﻬﺪﻱ ﺍﻟﻠﻪ ﻳﺮﺣﻤﻪ ﻭﺧﻠﺼﻨﻲ ﻣﻨﻪ ﻳﻮﻣﻬﺎ ﻣﺘﺖ ﻣﻦ ﺍﻟﻘﻬﺮ ﻭﻋﻴﻮﻧﻲ ﻭﺭﻣﺖ ﻭﻛﺮﻫﺖ ﺭﻭﺣﻲ ﻭﻛﺮﻫﺖ ﺍﻫﻠﻲ ﻭﻛﺮﻫﺖ ﺣﺘﺊ ﻫﺒﻪ ﺍﻟﻠﻪ ﻳﺮﺣﻤﻬﺎ ...
ﻭﺿﻠﻴﺖ ﺍﺳﺒﻮﻉ ﺑﺲ ﺍﺑﺠﻲ .. ﺑﺲ ﻟﻼﺳﻒ ﺭﺟﻌﺖ ﻟﻨﻔﺲ ﺍﻟﻮﻛﺮ ﻭﻧﻔﺲ ﺍﻟﻜﻬﻒ ...
ﻣﺴﺤﺖ ﺩﻣﻮﻋﻲ ﺑﺎﺳﺊ ﺷﻮﻛﺖ ﺍﺭﺗﺎﺡ ﻭﺍﻧﺴﺊ ﺍﻟﺼﺎﺭ ﺗﻌﺒﺖ ﻓﻌﻼ ﺗﻌﺒﺖ ...
ﺍﺭﻳﺪ ﺍﺣﺐ ﻭﺍﻧﺤﺐ ﻣﻮ ﻫﻴﻴﺞ ﻣﻠﻴﺖ ﺍﺣﺲ ﺣﻴﺎﺗﻲ ﻣﺎﻟﻬﺎ ﺩﺍﻋﻲ ﻭﻻ ﺑﻴﻬﺎ ﺣﻜﻤﻪ ...
ﺍﻧﺪﻙ ﺍﻟﺒﺎﺏ ﻭﻃﻠﻌﺖ ﻛﻠﺖ ﻣﻨﻮﻭﻭﻭ؟
ﻣﺎﻣﺎ ﻛﺎﻟﺖ ... ﺍﻧﻲ ﺗﻮﺗﻪ ﺣﺒﻴﺒﺘﻲ ﺍﻓﺘﺤﻲ ﺍﻟﺒﺎﺏ ..
ﺍﺑﺘﺴﻤﺖ ﺑﻤﺮﺡ ﻭﻣﺴﺤﺖ ﺩﻣﻮﻋﻲ ﻓﺘﺤﺖ ﺍﻟﺒﺎﺏ ﻭﺿﺤﻜﺖ ﺍﺟﻤﻞ ﻭﺍﺭﻗﺊ ﻭﺍﺣﻠﺊ ﺍﻧﺴﺎﻥ ﺟﺪﻭﻭ ﺍﺑﻮ ﻓﺆﺍﺩ ﺍﻣﻮﺕ ﻋﻠﻴﻪ
ﻫﻮ ﺩﺧﻞ ﻭﺍﻧﻲ ﺣﻀﻨﺘﻪ ﺑﺤﺐ ﻭﺣﻨﺎﻥ ﻭﺟﺪﻭ ﺑﺎﺩﻟﻨﻲ ﺍﻟﺤﻀﻦ ﻭﻫﻮ ﻳﺒﻮﺱ ﺭﺍﺳﻲ
ﺑﻌﺪﻫﺎ ﺳﻠﻤﺖ ﻋﻠﺊ ﻣﺎﻣﺎ ﻭﺑﻴﺒﻲ ﻭﺩﻋﺎﺀ ﻭﻣﻴﺲ ...
ﺩﺧﻠﻮ ﻛﻠﻬﻢ ﺑﺎﻻﺳﺘﻘﺒﺎﻝ ﻭﺍﺟﺖ ﺯﻧﻮﺑﻪ ﺷﻤﺮﺕ ﺭﻭﺣﻬﺎ ﺑﺤﻀﻦ ﻣﺎﻣﺎ ﻭﻣﺎﻣﺎ ﺗﺒﻮﺱ ﺑﻴﻬﺎ ...
ﺿﻠﻴﻨﻪ ﻛﺎﻋﺪﻳﻦ ﻭﺍﻧﻲ ﻛﺎﻋﺪﻩ ﻳﻢ ﺟﺪﻭﻭ ﻛﻞ ﺷﻮﻳﻪ ﺍﺑﻮﻭﺳﻪ ﻭﻫﻮ ﻳﺴﺄﻟﻨﻲ ﻋﻦ ﺯﻭﺟﻲ ﺍﻟﺠﺪﻳﺪ ﻋﺸﺘﻮﻭ
ﻛﺘﻠﻪ ... ﺯﻭﻳﻴﻦ ﺳﻮﻳﻒ ﺧﻠﻒ ﺍﺣﺴﻦ ﻣﻦ ﺫﺍﻙ ﺑﺸﻮﻭﻳﻪ ﻣﻮ ﻫﻮﺍﻳﺔ ..
ﻛﺎﻝ .. ﺍﻃﻴﺢ ﺣﻀﻪ ﺍﺫﺍ ﺣﺠﻪ ﻭﻳﺎﺝ ﻫﺴﻪ ﺗﻌﺮﻓﺖ ﻋﻠﺊ ﻭﻟﺪ ﻣﺤﺎﻣﻲ ﺑﺲ ﻳﺤﺠﻲ ﻭﻳﺎﺝ ﺍﺧﻠﻲ ﻳﻄﻠﻜﺞ ﻣﻨﻪ ..
ﺿﺤﻜﺖ ﻛﺘﻠﻪ ... ﺍﻟﻠﻪ ﻛﺮﻳﻢ ﻻ ﻫﻮ ﺍﺣﺴﻦ ﻣﻦ ﻏﻴﺮﻩ ﺍﺻﻼ ﻋﺎﻓﺘﻪ ﻟﻮﺣﺪﻩ ﻣﺎ ﺍﺣﺘﻚ ﺑﻲ ...
ﺑﻌﺪﻫﺎ ﺍﻧﻄﺎﻧﻲ ﻫﺪﻳﺘﻲ ﺟﺎﻳﺒﻠﻲ ﻋﻘﺪ ﺍﺳﻤﻲ ﺻﺎﻳﻐﻪ ﺻﻴﺎﻏﻪ ﻛﻮﻭﻟﺶ ﺣﻠﻮﻭ ...
ﺑﺴﺘﻪ ﺣﻴﻴﻞ ﻭﺣﻀﻨﺘﻪ ...
ﻭﻣﺎﻣﺎ ﺍﻧﻄﺘﻨﻲ ﻫﺪﻳﻪ ﻣﺤﺒﺲ ﺫﻫﺐ ﺣﻴﻴﻞ ﻓﺮﺣﺖ ﺑﻲ ﺭﻏﻢ ﻗﺒﻞ ﻣﻦ ﺗﺰﻭﺟﺖ ﺻﺒﺎﺡ ﺟﺎﺑﺘﻠﻲ ﻫﺪﻳﻪ ﺷﻤﺮﺗﻬﺎ ﺑﻮﺟﻬﻬﺎ ﻭﺯﻋﻠﺖ ﻋﻠﻴﻪ ...
ﺑﺴﺖ ﻣﺎﻣﺎ ﻭﺑﻌﺪﻫﺎ ﺟﺒﺘﻠﻬﻢ ﺟﺎﻱ ﻻﻥ ﻣﺎﻋﻨﺪﻱ ﻋﺼﻴﺮ ...
ﺩﻋﺎﺀ ﻛﺎﻟﺖ .. ﻫﺎﺍﺍ ﻭﻟﺞ ﺍﺷﻮﻓﺞ ﺯﻳﻨﻪ ﻣﻮ ﻣﺜﻞ ﺯﻭﺍﺟﺞ ﻣﻦ ﺻﺒﺎﺡ
ﺿﺤﻜﺖ .. ﻻ ﺗﻔﺮﺣﻴﻦ ﻧﻔﺲ ﺍﻟﺸﺊ ﻫﻮ ﻭﺍﺧﻮ ﺑﺲ ﻫﺬﺍ ﻫﻮ ﻣﻴﺮﻳﺪﻧﻲ ﻳﻌﻨﻲ ﻣﺎﻣﻨﻪ ﻋﻠﺊ ﺭﻭﺣﻲ
ﺿﺤﻜﺖ ﻛﺎﻟﺖ ... ﺣﻠﻮﻭ ﻻ
ﺭﻓﻌﺖ ﻋﻴﻮﻧﻲ ﺑﺘﻔﻜﻴﺮ ... ﻳﺸﺒﻪ ﻛﻮﻓﻲ،ﻋﻨﺎﻥ ﺑﺸﺒﺎﺑﻪ
ﻃﻜﺘﻬﺎ ﺿﺤﻜﻪ ﻣﺎﻝ ﻣﺴﺘﻬﺘﺮﺍﺕ ﻛﺎﻟﺖ .... ﻫﻬﻬﻬﻬﻬﻬﻬﻬﻬﻬﺎﻱ ﻻ ﺑﺸﺮﻓﺞ ...
ﺿﺤﻜﺖ ... ﻫﺴﻪ ﻳﺠﻲ ﻭﺗﺸﻮﻓﻲ
ﺍﺟﺖ ﺯﻧﻮﺑﻪ ﺗﺮﻛﺾ ﻛﺎﻟﺖ ... ﺗﻮﺗﻪ ﺗﻮﺗﻪ ﺍﺟﻪ ﺍﺑﻨﺞ
ﻣﻴﺲ ﻋﻘﺪﺕ ﺣﻮﺍﺟﺒﻲ ﺍﻧﻲ ﺩﻋﺎﻭﻱ ﻛﺘﻠﻬﺎ ... ﺗﺎﺝ ﻣﻨﻮ ﺍﺑﻨﺞ
ﺿﺤﻜﺖ ﻛﺎﻟﺖ ... ﺍﺑﺎﺫﺭ ﺍﺑﻨﻲ ﺍﻟﻜﻌﺪﻩ ﻓﺪﻭﻩ ﺍﻟﻜﻠﺒﻪ ﺍﺻﻐﺮ ﺍﺧﻮﺗﻪ ..
ﺿﺤﻜﺖ ﻭﺩﻋﺎﺀ ﻓﻴﻔﻲ ﻋﺒﺪﻩ ﻣﺘﺼﺪﻙ ﻃﻜﺘﻬﺎ ﺿﺤﻜﻪ
ﻫﻮ ﺩﺧﻞ ﻛﺎﻝ ... ﺍﻟﺴﻼﻡ ﻋﻠﻴﻜﻢ
ﺍﺣﻨﻪ ﺭﺩﻳﻨﻪ ﺍﻟﺴﻼﻡ ﻭﻫﻮ ﺩﺧﻞ ﺳﻠﻢ ﻋﻠﻰ ﺟﺪﻭﻭ
ﻭﻳﻪ ﻣﺎ ﺍﺟﻪ ﻳﻜﻌﺪ ﺟﺪﻭﻭ ﻭﻛﻒ ﻛﻠﻬﻢ .. ﻳﺎﻟﻠﻪ ﺍﻣﺸﻮﻧﻪ ﺍﺣﻨﻪ ﻧﺘﺮﺧﺺ ...
ﻫﻮ ﻛﻠﻪ ... ﺍﻛﻌﺪﻱ ﺷﻮﻳﻪ ﺣﺠﻲ ﺧﻠﻴﻨﻪ ﻧﺸﻮﻭﻓﻚ
ﺟﺪﻭﻭ ... ﻻ ﻣﺸﻜﻮﺭ ﺗﺎﺧﺮﺕ ﻋﻨﺪﻱ ﻓﺎﺗﺤﻪ ﻭﺍﺭﻳﺪ ﺍﺭﻭﺡ .. ﺑﺲ ﻫﺎﺍ ﺩﻳﺮ ﺑﺎﻟﻚ ﻋﻠﺊ ﺗﺎﺝ ﺗﺮﺉ ﺍﻋﺰ ﻣﻦ ﺑﻨﺎﺗﻲ ﻛﻠﻬﻦ ﻭﺧﻠﻲ ﺍﻣﻚ ﺩﻛﻠﻚ ﺍﻧﻲ ﺷﺴﻮﻳﺖ ﺑﺼﺒﺎﺡ ﻣﻦ ﺟﺎﻥ ﻳﻀﺮﺑﻬﺎ ﺩﺧﻠﺘﻪ ﺳﺠﻦ ﻭﺍﺧﻠﻴﺘﻪ ﻳﻌﻔﻦ ﻫﻨﺎﻙ ..
ﺍﺑﺎﺫﺭ ﺭﺩ ﻋﻠﻴﻪ ﺑﻬﺪﻭﺀ ﺑﻌﺪ ﻣﺎ ﺑﻠﻞ ﺷﻔﺎﻳﻔﻪ ﻛﺎﻝ ... ﺍﺑﻮ ﻓﺆﺍﺩ ﺍﻧﺖ ﻋﻠﺊ ﻋﻴﻨﻲ ﻭﺭﺍﺳﻲ ﺑﺲ ﺍﻟﻤﻴﺖ ﻣﺎ ﺗﺠﻮﺯ ﻋﻠﻴﻪ ﻏﻴﺮ ﺍﻟﺮﺣﻤﻪ ﻣﺮﻩ ﺛﺎﻧﻴﻪ ﺷﻮﻳﻪ ﻗﺪﺭﻭ ﻣﻮﻗﻔﻨﺎ ﺍﺣﻨﻪ ﺍﺧﻮﺓ ﺻﺒﺎﺡ ﺗﺮﺉ ﻣﻴﺼﻴﺮ ﻫﻴﺞ ﻛﺎﺑﻠﻪ ﻭﺑﺰﻩ ﺑﻌﻴﻨﻪ ...
ﺟﺪﻭ ﺟﺎﻭﺑﻪ ... ﻭﻋﻤﻲ ﻟﻴﺶ ﻧﻘﺪﺳﻪ ﻣﺪﺍﻡ ﻫﻮ ﻭﺍﺣﺪ ﻋﺎﺭ ﻭﻣﺴﺘﺮﺟﻞ ﻋﻠﺊ ﻃﻔﻠﻪ ﻻ ﺣﻮﻝ ﻭﻻ ﻗﻮﻩ ﻣﻦ ﻳﻤﻮﺕ ﺍﻟﻀﺎﻟﻢ ﻧﻘﺪﺳﻪ ﺻﺪﻙ ﺍﺣﻨﻪ ﺍﻟﻌﺮﺍﻗﻴﻴﻦ ﻣﺘﺼﻴﺮ ﺍﻟﻨﻪ ﺟﺎﺭﻩ
ﺍﺑﺎﺫﺭ ﻛﻠﻪ ... ﺗﻔﻀﻞ ﺣﺠﻲ ﻣﺎﻋﻨﺪﻱ ﺣﺠﻲ ﻭﻳﺎﺍﺍﻙ ...
ﺟﺪﻭ ﺍﺳﺘﻐﺮﺏ ﻛﻠﻪ ... ﺗﻄﺮﺩﻧﻲ ..
ﺣﺎﻭﺑﻪ ... ﻣﻮ ﻣﻦ ﻃﺒﻌﻲ ﺍﻃﺮﺩ ﺍﻱ ﺷﺨﺺ ﺩﺍﺧﻞ ﺑﻴﺘﻲ ﺑﺲ ﺍﻧﺖ ﺗﺮﻳﺪ ﺗﺘﻮﻛﻞ ﻭﺍﻧﻲ،ﺍﻛﻠﻚ ﺍﻟﻠﻪ ﻭﻳﺎﻙ ...
ﺟﺪﻭﻭ ﻟﻒ ﻋﺒﺎﺗﻪ ﺑﻐﻀﺐ ﻭﻃﻠﻊ ﻭﻣﺎﻣﺎ ﻭﺑﻴﺒﻲ،ﻭﺍﻧﻲ ﻭﺭﺍﻩ
ﻭﺩﻋﺎﺀ ﺩﻛﻮﻝ ﻟﺘﺎﺝ ... ﻓﺪﻳﻴﻴﺖ ﺭﺟﻞ ﺑﻨﺖ ﺍﺧﺘﻲ ﺍﺫﺍ ﻣﺘﺮﺩﻳﻨﻪ ﺍﺷﻤﺮﻱ ﻋﻠﻴﻪ ﺣﺮﺍﻡ ﻳﺮﻭﺡ ﻟﻠﻐﺮﺏ ﻭﺍﻟﻠﻪ ﺍﺩﻟﻠﻪ ﺩﻻﻝ ﺍﻛﻌﺪﻩ ﺑﻴﺖ ﻟﻮﺣﺪﻩ ﺑﺼﻒ ﺍﻣﻪ ﺑﺲ ﻳﺼﻴﺢ ﺟﺎﻱ ﺟﺎﻱ ﺗﺠﻲ ﺗﺮﻛﺾ ﺍﺧﺎﻑ ﺍﻧﻲ ﻣﻤﻮﺟﻮﺩﻩ ...
ﻛﻠﺘﻠﻬﺎ ﺗﺎﺝ .. ﻃﺎﺡ ﺣﻀﺞ ﻋﻮﺩ ﺧﺎﻟﺘﻲ ﻋﺸﺘﻮ ﺧﻞ ﺧﻼﻟﻪ ﺑﻌﻈﺎﻣﺞ ﺍﻥ ﺷﺎﺀ ﻟﻠﻪ ..
ﻃﻠﻌﻨﻪ ﻭﺟﺪﻭ ﻋﻴﻮﻧﻪ ﺑﻜﺼﺘﻪ ﻛﺎﻝ .. ﻃﺎﺡ ﺣﻀﻬﻢ ﻣﻦ ﻋﺎﺋﻠﻪ ﺍﺧﻼﻗﻬﻢ ﺳﺰ ﺍﻧﻮﺏ ﻧﺎﺳﺒﻮﻧﻲ ﻭﺍﺧﺬﻭ ﺗﺎﺝ ﺗﺴﻮﻩ ﺭﺍﺳﻬﻢ ﻣﺮﺗﻴﻦ ﺩﺧﻠﻲ ﻳﻤﺪ ﺍﻳﺪﻩ ﻋﻠﻴﻬﺎ ﺍﻟﻪ ﺍﺩﻓﻨﻪ ﻭﻫﻮ ﻋﺪﻝ ...
ﻣﺎﻣﺎ ﻛﻌﺪﺕ ﺗﻬﺪﻱ ﺑﻲ ﻭﺭﻛﺒﻨﻪ ﺑﺴﻴﺎﺭﻩ ﻭﺟﺪﻭ ﺑﻌﺪﺥ ﻳﺴﺐ ﻭﻳﻐﻠﻂ ....
.....................
ﺗﺎﺝ
ﻃﻠﻊ ﺟﺪﻭﻭ ﻣﺘﻀﺎﻳﻖ ﻣﻦ ﻛﻼﻡ ﺍﺑﺎﺫﺭ ﻓﻌﻼ ﺍﻧﺴﺎﻥ ﻣﻴﺴﺘﺤﻲ ﻣﺎ ﺍﺣﺘﺮﻡ ﺟﺪﻭﻭ ...
ﻛﻌﺪ ﻋﻠﺊ ﺍﻟﻘﻨﻔﻪ ﻛﺘﻠﻪ ﺑﻌﺼﺒﻴﺔ ... ﺍﻧﺖ ﻟﻴﺶ ﻫﻴﺞ ﺗﺤﺠﻲ ﻭﻳﻪ ﺟﺪﻭﻭ ﻣﻮ ﻋﻴﺐ ..
ﻫﻮ ﻃﻠﻊ ﺟﻜﺎﺭﺗﻪ ﻭﺣﻄﻬﺎ ﺑﻴﻦ ﺷﻔﺎﻳﻔﻪ ﻛﺎﻝ ... ﺭﻭﺣﻲ ﺟﻴﺒﻲ ﺯﻫﺮﺍﺀ ﺣﺠﺰﺕ ﺍﻟﻬﺎ ﻋﻨﺪ ﺍﻟﺪﻛﺘﻮﺭ ﻭﻻ ﺗﻠﻐﻴﻦ ﺯﺍﻳﺪ ﻻ ﺍﻟﺤﻜﺞ ﺑﺠﺪﺝ ...
ﺭﺩﻳﺖ ﺑﻐﻀﺐ ... ﻣﺎ ﺍﺧﻠﻴﻚ ﺗﺎﺧﺬﻫﺎ ﻭﺍﻟﻠﻪ ﻫﺴﻪ ﺍﺫﻛﺮ ﻳﺮﺍﺟﻊ ﺑﻴﻬﺎ ...
ﻫﻮ ﻭﻛﻒ ﻭﺍﻧﻲ ﺟﻤﺪﺕ ﺧﺎﻳﻔﻪ ﺗﻘﺮﺏ ﻣﻨﻲ ﻭﺣﻂ ﺍﻳﺪﻩ ﻋﻠﺊ ﺍﻟﺤﺎﻳﻂ ﻭﺣﺎﺻﺮﻧﻲ ﺿﻞ ﻳﺒﺎﻭﻉ ﻋﻠﻴﻪ ﻭﺑﻌﺪﻫﺎ ﺳﺤﺐ ﺍﻟﺠﻜﺎﺭﻩ ﻣﻦ ﺷﻔﺎﻳﻔﻪ ﻭﺿﻞ ﻳﺒﺎﻭﻉ ﻋﻠﻴﻬﺎ ﻛﺎﻝ ... ﺍﻧﺘﻲ ﺗﺤﺒﻴﻴﻦ ﺍﻻﻫﺎﻧﻪ؟
ﺟﺎﻭﺑﺘﻪ ﺑﻌﻨﺎﺩ ... ﺍﻱ ﺍﺣﺒﻬﺎ ...
ﺑﺎﻭﻋﻠﻲ ﻭﻛﺎﻝ ... ﺍﻱ ﻭﺍﺿﺢ .. ﻭﻳﺎﻟﻠﻪ ﺭﻭﺣﻲ ﺟﻴﺒﻲ ﺯﻫﺮﺍﺀ ﺣﺠﺰﺕ ﺍﻟﻬﺎ ... ﻛﺎﻝ ﺍﻟﺪﻛﺘﻮﺭ ﺑﻌﺪ ﻭﻛﺖ ﻟﻮ ﺑﻌﺪ ﺳﻨﺘﻴﻦ ﻭﺗﺠﻴﺒﻬﺎ ﻣﻮ ﺍﺣﺴﻦ ... ﺍﺩﺭﻱ ﻣﻨﺘﻈﺮﻳﻤﻦ
ﻋﺮﻓﺘﻪ ﻳﺴﺘﻬﺰﺀ ﻛﺘﻠﻪ ﺑﺴﺨﺮﻳﻪ ... ﻣﺎ ﺍﺧﺬﻧﻬﺎ ﻣﻨﺘﻈﺮﻳﻦ ﺣﻀﺮﺓ ﺟﺎﻧﺒﻚ ﺗﺎﺧﺬﻫﺎ
ﻛﺎﻝ ... ﺍﻛﻠﻲ ﺗﺒﻦ ﻭﺭﻭﺣﻲ ﺟﻴﺒﻲ ﻟﺒﻨﻴﻪ ...
ﺑﺎﻭﻋﺘﻠﻪ ﺑﻐﻀﺐ ... ﺍﺭﻭﺡ ﻭﻳﺎﻙ ﺍﺧﺎﻑ ﺗﺨﻄﻔﻬﺎ ﻭﺗﺤﺮﻙ ﻛﻠﺒﻲ
ﺿﺤﻚ ﺑﺎﺳﺘﻬﺰﺍﺀ ... ﺍﻱ ﻣﻮ ﺍﻧﻲ ﺧﺎﻟﺘﺞ ﺍﻣﺸﻲ ﻭﻟﻲ ﻣﻦ ﻭﺟﻬﻲ ﻻ ﺍﻃﺸﺮ ﻣﻼﻣﺤﺞ ﻫﺴﻪ ...
ﺭﺣﺖ ﺑﺴﺮﻋﻪ ﺷﻜﺪ ﺟﻠﺐ ﻭﺧﺒﻴﺚ ﺍﻥ ﺷﺎﺀ ﻟﻠﻪ ﺗﺴﻮﻱ ﺣﺎﺩﺙ ... ﺑﺲ ﺯﻫﺮﺍﺀ ﺷﻠﻮﻭﻥ ﻻ ﺍﺳﻢ ﺍﻟﻠﻪ ...
ﺭﺣﺖ ﻏﺴﻠﺖ ﺍﻟﻬﺎ ﻭﺑﺪﻟﺖ ﺍﻟﻬﺎ ﺑﺴﺘﻬﺎ ﺣﻴﻴﻞ ﻭﺍﺑﺘﺴﻤﺖ ﺑﻮﺟﻬﻬﺎ ...
ﺷﻠﺘﻬﺎ ﻭﺍﺧﺬﺗﻪ ﺍﻟﻪ ﺧﻄﻴﻴﻪ ﻧﻤﻮﻫﺎ ﺣﻴﻴﻴﻞ ﺿﻌﻴﻒ ﺑﺲ،ﻫﻲ ﺗﺤﺮﻙ ﺍﻃﺮﺍﻓﻬﺎ ...
ﺧﻠﻴﺘﻬﺎ ﻳﻤﻪ ﺍﺟﺖ ﻋﻤﻪ ﺑﺎﺳﺘﻬﺎ ...
ﻫﻮ ﺑﺎﻭﻉ ﻋﻠﻴﻬﺎ ﺿﺤﻚ ﻛﻠﻬﺎ ... ﻫﺎﺍﺍ ﻋﻤﻮﻭ ﺣﺒﻴﺒﻲ ﻣﻨﻮﻭ ﻭﻳﺎﺝ ..
ﻫﻲ ﺑﺎﻭﻋﺘﻠﻪ ﻭﺑﺮﻃﻤﺖ ﻋﺒﺎﻟﻚ ﻣﺤﺪ ﻣﺸﻜﻴﻬﺎ ﻛﻠﺘﻠﻪ ... ﺍﻩﺀﺀ
ﻫﻮ ﺗﺨﺒﻞ ﻋﻠﻴﻬﺎ ﻛﻠﻬﺎ ... ﻳﻤﻪ ﺑﺎﻋﻲ ﺷﻠﻮﻥ ﺗﺸﺘﻜﻲ ﻋﻨﺪﻱ ﻭﺍﻟﻠﻪ ﻭﺍﻟﻠﻪ ﻟﻮ ﺍﻋﺮﻑ ﺍﺑﻴﻊ ﺍﻟﺒﻴﺖ ﺍﻟﻪ ﺍﻋﺎﻟﺠﻬﺎ ... ﺭﺟﻊ ﺣﺠﻪ ﻭﻳﺎﻫﺎ ﻛﻠﻬﺎ ... ﻫﺎﺍﺍ ﻋﻤﻮ ﺣﺒﻴﺒﺘﻲ ﺍﻧﻲ ﻳﻤﺞ
ﺍﺟﺖ ﺯﻧﻮﺑﻪ ﻛﻌﺪﺕ ﻳﻤﻪ ﻛﻠﺘﻠﻪ ... ﺍﺑﺠﻲ ﻋﻠﺊ ﺍﻣﻬﺎ ﻣﺎﺗﺖ
ﺭﻛﺰ ﻋﻠﺊ ﺯﻳﻨﺐ ﻛﻠﻬﺎ ... ﻣﻨﻮ ﺍﻣﻬﺎ
ﺟﺎﻭﺑﺘﻬﺎ ﺑﻄﻔﻮﻟﻪ ... ﻫﺒﻪ ﺍﻣﻬﺎ ﺍﺣﺘﺮﺩﺕ ‏« ﺍﺣﺘﺮﻛﺖ ‏» ﻣﺎﺗﺖ ﺩﻭﻝ ﺗﻮﺗﻪ ﺭﺍﺡ ﻓﻮﻭﺩ ﻟﻠﺴﻤﺎﺀ ...
ﻫﻮ ﺟﺮ ﻧﻔﺲ ﻭﺣﻀﻨﻬﺎ ﻭﺍﻧﻲ ﺑﺠﻴﻴﺖ ﻣﺎ ﺍﺗﺤﻤﻠﺖ ﻛﻼﻣﻬﺎ ﻣﻌﻘﻮﻟﻪ ﺻﺪﻙ ﺯﻫﺮﺍﺀ ﺗﺒﺠﻲ ﻋﻠﺊ ﺃﻣﻬﺎ ...
ﻋﻤﻪ ﻛﺎﻟﺖ ﺑﻨﺤﻴﺐ ... ﺍﺛﺎﺭﻱ ﺍﻟﻮﺍﻟﺪﻩ ﺟﻨﻪ ﻫﻮﻭﻩ ﻭﻣﺎ ﻳﻨﺸﺒﻊ ﻣﻨﻪ ... ﻋﻤﺖ ﻋﻴﻨﻲ ﻋﻠﻴﺠﻦ ﻳﺒﻴﺒﻲ ...
ﻫﻮ ﻣﺴﺢ ﻭﺟﻬﻪ ﺑﺘﻮﺗﺮ ﻛﻠﻬﺎ ... ﻳﻤﻪ ﺍﻣﺸﻲ ﻭﻳﺎﻱ ..
ﻋﻤﺖ ﻛﻠﺘﻠﻪ ... ﻻ ﻣﺎﺍﺭﻭﺡ ﻳﻤﻤﻪ ﺗﻌﺮﻓﻨﻲ ﻣﺎﺍﺣﺐ ﺍﻧﺘﻈﺮ ﺍﺧﺬ ﺗﺎﺝ ﻭﺭﻭﺡ
ﻛﻠﻬﺎ ... ﻻ ﻣﺎﻛﻮﻭ ﺩﺍﻋﻲ ﺍﺧﺬﻫﺎ ﻟﻮﺣﺪﻱ ..
ﺷﺎﻟﻬﺎ ﻭﻟﻔﻬﺎ ﺑﺎﻟﻤﻠﺤﻒ ﻭﺑﺎﺳﻬﺎ ﺑﺠﺒﻴﻨﻬﺎ ﻭﺍﻧﻲ ﺍﻧﻘﻬﺮﺕ ﻟﻴﺶ ﻳﺴﺘﻨﻜﻒ ﻣﻨﻲ ... ﻋﺎﺑﺘﻠﻪ ...
ﻻ ﻫﺬﺍ ﻛﻮﻭﻭﻟﺶ ﻣﺤﺘﻘﺮﻧﻲ ﺷﺎﻣﺮﻧﻲ ﺑﻐﺮﻓﻪ ﺟﻨﻬﺎ ﺳﺮﺩﺍﺏ ﻭﺳﺮﻳﺮ ﺍﺑﻮ ﺍﻟﻨﻔﺮ ﻭﻣﻮﺑﺎﻳﻠﻲ ﻛﺴﺮﻩ ﻭﻓﻮﻙ ﻛﻞ ﻫﺬﺍ ﻣﻴﻘﺒﻞ ﺍﺭﻭﺡ ﻭﻳﺎﻩ ﻻﻱ ﻣﻜﺎﻥ ..
ﻋﻤﺘﻲ ﻛﻠﺘﻠﻪ ... ﻭﻟﻚ ﻳﻤﻪ ﺍﺧﺬﻫﺎ ﻭﺍﻟﻠﻪ ﺗﺘﺒﻬﺬﻝ ﻭﺣﺪﻙ ﻭﺍﻧﺖ ﻣﺘﻌﺮﻑ ﻟﻠﺠﻬﺎﻝ ..
ﻫﻮ ﺍﺧﺬ ﺍﻻﻏﺮﺍﺽ ﻣﺎﻟﺘﻬﺎ ﻛﻠﻬﺎ ... ﻻ ﻳﻤﻪ ﻛﺘﻠﺞ ﻣﺎﻟﻪ ﺩﺍﻋﻲ ﺣﺘﺊ ﻟﻮ ﺍﺣﺘﺎﺝ ﺍﺧﺎﺑﺮ ﻋﻠﺊ ﻣﺤﻤﺪ ﺍﺧﻮﻭﻱ ...
ﻫﻮ ﺧﻠﻪ ﻭﻃﻠﻊ ﻭﺍﻧﻲ ﺷﺒﻌﺘﻪ ﻣﺴﺒﻪ ﺑﻜﻠﺒﻲ ﻣﺎ ﺧﻠﻴﺖ ﻏﻠﻄﻪ ﻣﺎ ﻏﻠﻄﺘﻬﺎ ﻳﺎﺭﺑﻲ ﻫﺬﺍ ﻣﻦ ﻳﺎ ﻃﻴﻨﻪ ﻣﺨﻠﻮﻕ ﺣﻘﻴﻴﺮ ﺣﻴﻴﻞ ... ﺭﺍﺿﻊ ﻭﻳﻪ ﺍﺑﻠﻴﺲ ...
ﺍﻧﻘﻬﺮﺕ ﺣﻴﻴﻞ ﻭﺿﻞ ﺑﺎﻟﻲ،ﻳﻢ ﺯﻫﺮﺍﺀ ﻫﻲ ﺧﻄﻴﻪ ﻋﻨﺪﻫﺎ ﻣﻲ ﺑﺮﺍﺳﻬﺎ ﻭﺗﺤﺘﺎﺝ ﻋﻤﻠﻴﻪ ...
ﺿﻠﻴﺖ ﻣﻨﺘﻈﺮﻩ ﻫﻮﻭﻭﺍﻳﻪ ﺻﺎﺭﺕ ﺗﻘﺮﻳﺒﺎ ﺍﻟﺴﺎﻋﻪ ﺑﺴﺒﻌﻪ ﺍﻟﻤﻐﺮﺏ ..
ﻭﻫﻮ ﺍﺟﻪ ﺷﺎﻳﻞ ﺯﻫﺮﺍﺀ ﺍﻧﻄﺎﻩ ﻻﻣﻪ ﻭﺍﻧﻲ ﺍﺟﻴﺖ ﻛﻌﺪﺕ ﻛﻠﺘﻠﻬﻞ ... ﻫﺎﺍﺍ ﻳﻤﻪ ﺷﻜﺎﻝ ﺍﻟﺪﻛﺘﻮﺭ
ﻫﻮ ﺟﺮ ﻧﻔﺲ ﻛﻠﻬﺎ ... ﺍﻟﻄﻔﻠﻪ ﻋﻨﺪﻫﺎ ﻣﻲ ﺑﺮﺍﺳﻬﺎ ﻭﻻﺯﻡ ﻋﻤﻠﻴﻪ ﻳﺴﻮﻟﻬﺎ ﺻﻤﺎﻡ ﻭﻳﺤﻄﻮﻥ ﺑﻲ ﺟﻬﺎﺯ ﻳﻨﺰﻝ ﺍﻟﺼﻤﺎﻡ ﻣﻦ ﺍﻟﺮﺍﺱ ﻟﻠﻤﺠﺎﺭﻱ ﺍﻟﺒﻮﻟﻴﻪ ﺣﺘﺊ ﺍﻟﻤﻲ ﻳﻨﺰﻝ ﻭﻳﻪ ﺍﻟﺪﺭﺍﺭ ﻫﺬﺍ ﺍﻟﻲ ﻓﻬﻤﺘﻪ ﻣﻦ ﺍﻟﺪﻛﺘﻮﺭ ..
ﻭﻫﻤﺎﺗﻴﻦ ﺣﺠﻴﺖ ﻭﻳﻪ ﺻﺪﻳﻘﻲ ﻣﺎﻳﻜﻞ ﻫﻮ ﻳﻌﺮﻑ ﺑﺮﻓﺴﻮﺭ ﻫﻨﺎﻙ ﻭﺭﺳﻠﺖ ﺍﻟﻪ ﻛﻞ ﺍﻟﺘﺤﺎﻟﻴﻞ ﺑﺎﻟﻨﺖ ﻛﺎﻝ .. ﻧﻔﺲ ﺣﺠﻲ ﺍﻟﺪﻛﺘﻮﺭ ﻫﻨﺎ ﻭﻋﻤﻠﻴﺘﻬﺎ ﻧﺎﺟﺤﻪ ﻭﻫﻮﺍﻳﻪ ﻧﺎﺱ،ﻣﺜﻞ ﺣﺎﻟﺘﻲ ﻭﻫﺴﻪ ﻋﺎﻳﺸﻴﻦ ﻭﻳﻤﺎﺭﺳﻮﻥ ﺣﻴﺎﺗﻬﻢ ﻃﺒﻴﻌﻲ ...
ﺭﺩﺕ ﻋﻤﻲ ... ﺟﺎﺍ ﺧﻮﺵ ﻳﻤﻪ ﺍﻧﺴﻮﻳﻠﻬﺎ ﻋﻤﻠﻴﻪ
ﺟﺎﻭﺑﻬﺎ ﺑﻌﺪ ﻣﺎﺟﺮ ﻧﻔﺲ ... ﻻﺯﻡ ﻫﺬﺍ ﺍﻻﺳﺒﻮﻉ ﺍﻧﺎﻡ ﺑﻴﻬﺎ ﻣﺴﺘﺸﻔﺊ ﻭﺗﻌﺮﻓﻴﻦ ﻣﺎ ﻳﻘﺒﻠﻮﻥ ﺍﻟﻪ ﻣﺮﻩ ﻓﻼﺯﻡ ﺍﺧﻂ ﻋﻤﺘﻲ ﺗﻨﺎﻡ ﻭﻳﺎﻫﺎ ﺍﻭ ﺍﺩﺯ ﻋﻠﺊ ﺍﺧﺘﻲ ﺗﻨﺎﻡ ﻭﻳﺎﻫﺎ
ﺟﺎﻭﺑﺘﻪ ... ﺍﻧﻲ ﺍﻧﺎﻡ ﻭﻳﺎﻫﺎ
ﺑﺎﻭﻋﻠﻲ ﻛﺎﻝ ... ﻣﺎﻛﻮﻭ ﺩﺍﻋﻲ ﻫﻮﺍﻱ ﺍﻛﻮﻭ ﻏﻴﻴﺮﺝ
ﺟﺎﻭﺑﺘﻪ ﺑﻌﺼﺒﻴﺔ ... ﺷﻨﻮﻭﻭﻭ ﺍﻛﻮﻭﻭ ﻏﻴﺮﻱ ﺗﺮﺉ ﺯﻫﺮﺍﺀ ﺍﻋﺰ ﻣﻦ ﺭﻭﺣﻲ ﻻ ﺗﺘﺴﻠﻂ ﻋﻠﻴﻪ ﺭﺟﺎﺀﺍ ﺗﺮﺉ ﻣﺎ ﺍﺣﺐ ﻫﺬﺍ ﺍﻻﺳﻠﻮﺏ ...
ﺗﺠﺎﻫﻞ ﻛﻼﻣﻲ ﻛﺎﻝ ... ﺍﺧﺘﻲ ﺍﻡ ﺣﺴﻴﻦ ﺍﺣﺴﻦ ﺷﺊ
ﺣﺴﻴﺖ ﺍﻟﻘﻬﺮ ﺗﻀﺎﻋﻒ ﻋﻨﺪﻱ ﻛﺘﻠﻪ ... ﻻ ﺍﻡ ﺣﺴﻴﻦ ﻭﻻ ﺍﻡ ﺑﻄﻴﻴﻴﺦ ﺯﻫﺮﺍﺀ ﺍﻧﻲ ﺍﺭﻭﺡ ﻭﻳﺎﻫﺎ
ﺑﺎﻭﻋﻠﻲ ﺑﻌﺼﺒﻴﺔ ﻛﺎﻝ ... ﺑﺎﻟﻘﺮﺍﻥ ﻣﻦ ﺍﻛﻮﻡ ﺍﻟﺞ ﺍﻟﻪ ﺍﻧﻮﻣﺞ ﺑﻤﻜﺎﻥ ﺯﻫﺮﺍﺀ ﺑﻨﺖ ﺍﻟﺰﻣﺎﻝ ﺧﻠﻴﻨﻲ ﺍﻛﻞ ﺗﺒﻦ ﻭﺍﻛﻤﻞ ﻛﻞ ﺷﻮﻳﻪ ﻛﻄﻌﺖ ﻛﻼﻣﻲ ....
ﻓﺤﻤﺖ ﻣﻦ ﺍﻟﻘﻬﺮ ... ﻻ ﺗﻐﻠﻂ ﻫﺬﺍ ﺍﻟﻔﺎﻟﺤﻴﻦ ﺑﻲ ﺑﺲ ﺍﻟﻤﺴﺒﻪ ﻭﺍﻟﻐﻠﻂ ﻣﺎﻛﻮ ﺗﻔﺎﻫﻢ ﻋﺒﺎﻟﻬﻢ ﻫﺎﻱ ﺭﺟﻮﻟﻪ ..
ﻫﻮ ﺗﺨﺒﻞ ﻭﻫﺠﻢ ﻋﻠﻴﻪ ﺑﺲ ﻋﻤﺘﻲ ﻟﺰﻣﺘﻪ ﻛﻠﻬﺎ ... ﺧﻠﻲ ﺍﺭﺑﻴﻬﺎ ﻫﺎﻱ ﺍﻟﻜﻄﺸﻪ ﺗﺮﺑﻴﺔ ﻧﺼﻴﻒ ﻣﻮﺗﺘﻨﻲ ﺍﻧﺘﻘﺎﻡ ﻭﻃﺎﺡ ﻋﻠﺊ ﺭﺍﺳﻲ ﺍﻟﺴﺎﻧﻬﺎ ﺍﻃﻮﻝ ﻣﻨﻬﺎ ...
ﻋﻤﺘﻲ ﻟﺰﻣﺘﻪ ﻛﻠﺘﻠﻪ ... ﺷﺒﻴﻚ ﺗﺨﺒﻠﺖ ﻛﻮﻝ ﻳﺎﻟﻠﻪ ﻫﺴﻪ ﻫﻲ ﺷﻨﻮ ﺣﺠﺖ ﺣﺘﺊ ﺗﺨﺒﻠﺖ ﻋﻠﻴﻬﺎ ﺧﻠﻴﻬﺎ ﺗﻨﺎﻡ ﻭﻳﻪ ﺯﻫﻮﺭ
ﻛﻠﻬﺎ ... ﺑﺎﻟﻘﺮﺍﻥ ﺍﺟﻴﺐ ﻭﺣﺪﻩ ﻣﻦ ﺍﻟﺸﺎﺭﻉ ﺗﻨﺎﻡ ﻭﻳﺎﻫﺎ ﻭﻣﺎ ﺍﺧﻠﻴﻬﺎ ﺗﺮﻭﺡ ﻭﻳﻪ ﺯﻫﺮﺍﺀ ﻋﻨﺎﺩ ﺑﻴﻬﺎ ...
ﻋﻤﺘﻲ ﻛﻠﺘﻠﻲ ... ﺍﻃﻠﻌﻲ ﻋﻤﻪ ﻓﺪﻭﻩ ﺍﻟﻜﻠﺒﺞ ...
ﻃﻠﻌﺖ ﻭﺍﺳﻤﻌﻬﺎ ﺩﻛﻠﻪ ... ﻭﻟﻚ ﻳﻤﻤﻪ ﺷﺒﻴﻜﻢ ﺗﺨﺒﻠﺘﻮ ﺫﺍﻙ ﺭﺍﺿﻲ ﺣﺎﻓﻆ ﺍﻟﻌﺎﻳﻠﻪ ﻛﻠﻬﺎ ﻭﻣﺤﺪ ﻳﺤﺠﻲ ﻭﺍﻧﺘﻢ ﻋﺮﻙ ﻭﻳﻪ ﻧﺴﻮﺍﻧﻜﻢ ﺗﺮﻳﺪﻫﺎ ﺗﻨﺘﺤﺮ ﻣﺜﻞ ﺍﺧﺘﻬﺎ
ﺟﺎﻭﺑﻬﺎ ... ﻳﻤﻪ ﻻ ﺗﺨﺎﻓﻴﻦ ﺍﻧﻲ ﺍﻧﺘﺤﺮ ﻭﺍﻃﻚ ﻭﺍﻣﻮﺕ ﻭﻫﺎﻱ ﺍﻟﺼﻠﻔﻪ ﺗﻀﻞ ﻣﺎﻳﻄﻜﻬﺎ ﻋﺮﺭﺝ ﻫﺎﻱ ﻓﻠﻚ ﺍﺳﻮﻭﺩ ...
ﻫﺎﻱ ﻣﺜﻞ ﻫﺒﻪ ... ﻫﺒﻪ ﺗﺎﺧﺬﻳﻦ ﻟﻜﻤﺘﻬﺎ ﻣﻦ ﺣﻠﻜﻬﺎ ﻣﺘﺤﺠﻲ ﻭﺣﺘﺊ ﻣﻴﺲ ﻓﻘﻴﺮﻩ ﺑﺲ ﻫﻞ ﺍﻧﺘﻘﺎﻡ ﻣﺎ ﺷﺎﻳﻒ ﻣﺜﻠﻬﺎ ﺑﻜﺪ ﺍﻟﺒﺮﻏﻲ ﻭﻟﺴﺎﻧﻬﺎ ﻣﺘﺮ ...
ﺭﺣﺖ ﺍﻟﻐﺮﻓﺘﻲ ﻭﺍﻧﻲ ﺍﺑﺠﻲ ﺍﻛﺮﺭﺭﻫﻪ ﺧﺒﻴﺚ ﻳﻜﻮﻝ ﺍﺧﻮﺗﻲ ﺍﺣﺴﻦ ﻣﻨﻲ ﺍﻱ ﻃﺒﻌﺎ ﺍﺧﻮﺍﺗﻲ ﺻﺎﻳﺮﺍﺕ ﻣﺪﻣﻐﻪ ﻻﻡ ﺭﺍﺿﻲ ...
ﻣﺴﺤﺖ ﺩﻣﻮﻋﻲ ﺣﻴﻴﻴﻞ ﻭﺣﺎﻭﻟﺖ ﺍﻗﻮﻱ ﻧﻔﺴﻲ ﺷﺎﺩ ﺣﺮﺏ ﻭﻳﺎﻳﻪ ﻣﻦ ﺍﻧﻬﺰﻣﺖ ﻟﺤﺪ ﻫﺴﻪ ...
ﻣﺪﺍﻡ ﻫﻴﺞ ﻭﺍﻟﻠﻪ ﺍﻟﻪ ﺍﻧﻬﺰﻡ ﻣﻨﻚ ﻳﺎ ﺯﻣﺎﻝ ....
ﺍﺗﺬﻛﺮﺕ ﺍﻟﺬﻫﺐ ﻋﻨﺪ ﺧﺎﻟﻪ ﻻﺯﻡ ﺍﺗﻮﺍﺻﻞ ﻭﻳﺎﻫﺎ ﻭﺍﺭﺟﻊ ﺫﻫﺒﻲ ...
ﺟﺮﻳﺖ ﻧﻔﺲ ﻋﻤﻴﻖ ﻭﻣﺴﺤﺖ ﺩﻣﻮﻋﻲ ﻭﺍﻧﻲ ﺍﺷﻬﻚ ﻣﺎ ﺍﺣﺒﻪ ﻃﺎﻳﺢ ﺍﻟﺤﻆ ﺧﻠﻲ ﻳﻄﻠﻜﻨﻲ ...
.........................
ﻛﻌﺪﺕ ﺍﻟﺼﺒﺢ ﻋﻠﺊ ﺻﻮﺕ ﻫﺠﻮﻡ ﻓﺘﺤﺖ ﻋﻴﻮﻧﻲ ﻣﺮﻋﻮﻭﺑﻪ
ﺍﺟﺖ ﺗﻮﻟﻴﻦ ﺗﺮﻛﺖ ﻛﺎﻟﺖ ... ﺍﻟﺤﻜﻲ ﻗﺪﺭ ﻣﺴﻠﻢ ﺗﻌﺎﺭﻙ ﻭﻳﻪ ﺍﺑﻮ ﻋﺪﻭﻳﻪ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﺷﻨﻮﻭﻭ؟
ﺿﺤﻜﺖ ... ﺍﻣﺒﻼ ﻫﺴﻪ ﻳﻀﺮﺑﻮ ﺿﺮﺑﻪ ﻭﺣﺪﻩ ﻭﻳﻤﻮﺕ ﺍﻟﻌﺮﻳﺲ ﻫﻬﻬﻪ
ﺍﺑﺘﺴﻤﺖ ﻭﻟﺒﺴﺖ ﺣﺠﺎﺑﻲ ﻭﻃﻠﻌﺖ ﺩﺣﻜﺖ ﻣﻦ ﺍﻟﺒﺎﺏ ﺷﻔﺖ ﻣﺴﻠﻢ ﻋﺸﺮﻩ ﻣﺎ ﻻﺯﻣﻴﻨﻪ ﻭﻫﻮ ﻳﺤﻜﻲ ... ﺍﻧﻲ ﺍﺑﺎﻭﻉ ﻋﻠﺊ ﺑﻨﺎﺗﻚ ﻣﻦ ﺣﻮﺭﻫﻦ ﺟﻨﻬﻦ ﺩﺟﺎﺝ ﻣﻌﺼﻲ ...
ﺍﺑﻮ ﻋﺪﻭﻳﻪ ﻛﺎﻝ ... ﻟﻚ ﺍﻧﺖ ﻧﻬﺎﺭ ﻛﻠﻪ ﺻﺎﻋﺪ ﻓﻮﻙ ﺍﻟﺴﻄﺢ ﻭﺗﺒﺎﻭﻉ ﻋﻠﺊ ﺑﻨﺎﺗﻲ ﻭﺗﺤﺠﻲ ﻋﻠﺊ ﺣﻴﺎﺓ ﺑﻨﺘﻲ ﻭﺍﻟﻠﻪ ﺍﻟﻴﻮﻡ ﺍﻃﻴﺢ ﺣﻀﻚ
ﻣﺴﻠﻢ ... ﺍﻱ ﻣﻮ ﻋﻠﺊ ﺍﺳﺎﺱ ﺣﻴﺎﺓ ﻫﻴﻔﺎﺀ ﻭﻫﺒﻲ ﻫﻲ ﺟﻨﻬﺎ ﮔﺮﺍﻃﺔ ﺣﺠﺎﺭ
ﺍﺑﻮ ﻋﺪﻭﻳﻪ ﺑﻌﺼﺒﻴﺔ ... ﻣﻮ ﺍﺑﻮ ﺍﻟﺘﻔﻠﻴﺶ،ﻳﻜﻮﻝ ﺗﻐﻨﻲ،ﻋﻠﺊ ﺣﻴﺎﺓ
ﻣﺴﻠﻢ ﺩﺣﻚ ﻟﻠﻌﺎﻟﻢ ... ﻋﻤﻲ ﺟﻨﺖ ﺳﻜﺮﺍﻥ ﻭﺻﺎﺭ ﺑﺎﺏ ﺍﺑﻮ ﻋﺪﻭﻳﻪ ﻛﺒﺎﻟﻲ ... ﻛﻠﺖ ﻏﺎﺏ ﺍﻟﻜﻤﺮ ﻭﺧﻠﻴﺘﻪ ﻛﻠﻤﻦ ﻧﺎﻡ ﻭﻳﻪ ﻣﺮﻳﺘﻪ ﻭﺍﻧﻲ ﻣﻜﺎﺑﻞ ﺍﺑﻮ ﻋﺪﻭﻳﻪ ﺑﻠﻜﻴﺖ ﻳﻨﻄﻴﻨﻲ ﺣﻮﻳﺘﻪ ...
ﻭﻫﺬﺍ ﺍﻟﻜﻠﺐ ﺍﺑﻮ ﺍﻟﺘﻔﻠﻴﺶ ﻣﺼﻮﺭﻧﻲ
ﺍﻡ ﻋﺒﺪﺍﻟﻠﻪ ﻛﺎﻟﺖ ... ﺻﺪﻙ ﺟﺬﺏ ﺍﺑﻮ ﻋﺪﻭﻳﻪ ﻣﻮ ﻋﻴﺐ ﻣﺴﻠﻢ ﺷﺮﻳﻒ ﻭﻣﺆﺩﺏ ﻣﺎ ﻳﻄﻠﻊ ﻫﻴﺞ ﻃﻠﻌﺎﺕ ﻭﻫﺬﺍ ﺍﺑﻮ ﺗﻔﺎﻳﺶ ﻳﻐﺎﺭ ﻣﻨﻪ ﻻﻥ ﻛﻠﻬﺎ ﺗﺤﺐ ﻣﺴﻠﻢ
ﻣﺴﻠﻢ ... ﺭﺣﻤﺔ ﻋﻠﺊ ﻭﺍﻟﺪﻳﺞ ﺧﺎﻟﻪ ﺑﺎﻟﻘﺮﺍﻥ ﻳﻐﺎﺭﻭﻥ ..
ﺍﻡ ﻋﺒﺪﺍﻟﻠﻪ ... ﺍﻛﻞ ﺗﺒﻦ ﺧﺎﻟﻪ ﻫﺎﺯﻩ ﻛﺎﺭﻭﻛﻚ ﻭﺩﻛﻠﻲ ﺧﺎﻟﻪ
ﻣﺴﻠﻢ ... ﺑﺎﻟﻘﺮﺍﻥ ﺍﻛﻮ ﻧﺴﻮﺍﻥ ﺍﺣﻠﺊ،ﻣﻦ ﺳﻴﺮﺍﻣﻴﻚ ﺍﻟﻜﻌﺒﻪ ﻭﻣﺎ ﺍﻗﻠﺪ ﺍﻟﻬﻦ ﻣﻮ ﺣﻮﻳﺘﻪ ﺟﻨﻬﺎ ﺣﺎﻳﻂ ﺣﻤﺎﻣﻨﻪ
ﺍﺑﻮ ﻋﺪﻭﻳﻪ ... ﺗﺠﻲ ﺗﺨﻄﺐ ﺣﻴﺎﺓ ﻭﺭﺟﻠﺞ ﻓﻮﻙ ﺭﺍﺳﻚ
ﻣﺴﻠﻢ ﺑﻘﻬﺮ ... ﺣﻀﺮﺓ ﺍﻟﻤﺮﺣﻮﻡ ﻣﻮ ﻣﺎﺧﺬ ﻓﺮﺣﺔ ﺍﻟﺰﻫﺮﻩ ﻭﺷﺎﻣﺮ ﻋﻠﻴﻪ ﺷﻬﺮ ﻋﺎﺷﻮﺭ .. ﻣﺎ ﺍﺯﻭﺟﻬﺎ ﻟﻮ ﺗﺴﺠﻞ ﺍﻟﻤﻨﻄﻘﻪ ﺑﺎﺳﻤﻲ
ﺻﺎﺭ ﺍﻟﻐﻠﻂ ﻭﺍﻟﻤﺴﺒﻪ ﻭﺣﻴﺎﺓ ﺑﻨﺖ ﺯﻭﺟﻲ ﺍﻟﻤﺮﺣﻮﻡ ﺗﻠﻌﻠﻊ ﻭﺗﺼﻴﺢ ...
ﺍﺗﺼﻞ ﻣﻮﺑﺎﻳﻠﻲ ﺍﺑﺘﺴﻤﺖ ﻫﺬﺍ ﺍﻟﻤﻨﺪﺱ ﺍﺑﻮ ﺍﻟﻄﺮﺷﻲ ...
ﺗﺮﻛﺘﻬﻢ ﻭﺩﺧﻠﺖ ﺟﻮﻩ ...
ﻓﺘﺤﺖ ﺧﻂ ﻛﻠﺖ ... ﺍﻟﻮﻭﻭ
ﻛﺎﻝ ... ﺍﻟﻮ ﺍﻟﺴﻼﻡ ﻋﻠﻴﻜﻢ
ﺭﺩﻳﺖ ﺑﺨﺠﻞ ... ﻭﻋﻠﻴﻜﻢ ﺍﻟﺴﻼﻡ ﺷﻠﻮﻧﻚ
ﺟﺮ ﻧﻔﺲ ﻛﺎﻝ .. ﺍﻟﺤﻤﺪ ﻟﻠﻪ ﺗﻤﺎﻡ .. ﻗﺪﺭ ﺍﺭﻳﺪﺝ ﺗﺴﻤﻌﻴﻨﻲ ﻟﻼﺧﺮ ﻭﻫﺬﺍ ﺍﻟﻲ ﺍﻛﺪﺭ ﺍﺳﺎﻋﺪﺝ ﺑﻲ ﻭﻟﻮ ﺍﻧﻲ ﻣﺸﻐﻮﻝ ﻭﺛﻘﻲ ﺑﺎﻟﻠﻪ ﺍﻧﻲ ﻣﺎﺍﺟﺒﺮﺝ ﻋﻠﺊ ﺷﺊ ﺍﻧﺘﻲ ﻣﺮﺍﺿﻴﻪ ﺑﻲ ...
ﺧﻔﺖ ﻣﻦ ﻛﻼﻣﻪ ﻛﺜﻴﺮ ﻛﺘﻠﻮﻭ ... ﺍﻱ ﺍﺣﻜﻲ ﺍﺳﻤﻊ ﺍﻧﺎ
ﻛﺎﻝ ﺑﻌﺪ ﻣﺎ ﺗﻨﻬﺪ ... ﻗﺪﺭ ﺍﻧﻲ ﺍﺳﺎﻋﺪﺝ ﺑﻌﻴﻮﻧﻲ ﻭﺍﺩﻓﻊ ﺍﻟﻤﺒﻠﻎ ﻭﻣﺎ ﻳﻬﻤﻨﻲ ﺍﻱ ﺷﺊ ﺑﺲ ﻳﺎ ﻗﺪﺭ ﺍﻧﺘﻲ ﻋﻨﺪ ﻧﺎﺱ ﺣﻘﺮﺍﺀ ﻭﻟﻮ ﺗﺰﻋﻠﻴﻦ ﺍﺫﺍ ﺩﻓﻌﺖ ﺍﻟﻤﺒﻠﻎ ﺭﺍﺡ ﻳﺒﻌﻮﻧﺞ ﻟﻐﻴﺮﻩ ﻭﺍﻧﻲ ﻣﺎ ﺍﺭﻳﺪ ﺍﻃﻠﻌﺞ ﻣﻦ ﻣﺄﺯﻕ ﺍﺩﺧﻠﺞ ﺑﻐﻴﺮﻩ ...
ﺟﺎﻭﺑﺘﻪ ... ﺷﻠﻮﻥ ﻣﻔﻬﻤﺖ ...
ﺟﺮ ﻧﻔﺲ ﻛﺎﻝ ... ﺍﻧﻲ ﺍﺭﻳﺪﺝ ﺗﻔﻜﺮﻳﻦ ﺍﻋﺘﺒﺮﻱ ﻧﻔﺴﺞ ﻣﻤﺮﺿﻪ ﻭﺍﻟﺞ ﺭﺍﺗﺐ ﻗﺒﻞ ﻻ ﺗﻜﻮﻧﻴﻦ ﺯﻭﺟﻪ ﻭﻫﻢ ﺍﻋﺘﺮﺑﻴﻬﺎ ﺍﻧﺴﺎﻧﻴﻪ
ﺣﺴﻴﺖ ﺑﺨﻄﺮ ﻛﺘﻠﻮ .. ﻣﺎ ﺍﻋﺮﻑ ﺍﻧﺖ ﺷﻨﻮ ﺗﻘﺼﺪ ﻳﺎﺭﻳﺖ ﺗﻮﺿﺢ ﺍﻛﺜﺮ
ﻛﺎﻝ ... ﻋﻨﺪﻱ ﺍﺑﻦ ﺍﺧﻮﻭﻳﻪ ﻣﻌﺎﻕ ﻭﺣﺎﻟﺘﻪ ﺣﺮﺟﻪ ﻳﺤﺘﺎﺝ ﻋﻨﺎﻳﻪ ﻭﻫﻮ ﻛﺒﺮ ﺍﻣﻪ ﺗﻄﻠﻊ ﻭﺗﺮﻭﺡ ﺧﻄﺎﺭ ﻫﻮ ﻳﻀﻞ ﻟﻮﺣﺪﻩ ﻭﺣﺎﻟﺘﻪ ﺧﺎﺻﻪ ... ﺍﻧﻲ ﺍﻋﺘﺒﺮﺝ ﻣﻤﺮﺿﻪ ﺍﺫﺍ ﺗﻜﺪﺭﻳﻦ ﺗﺴﺎﻋﺪﻳﻨﻪ ﻭﺍﻥ ﺷﺎﺀ ﻟﻠﻪ ﺑﺲ ﺍﻟﻜﻪ ﺧﻮﺍﻟﺞ ﺍﺭﺟﻌﺞ ﺍﻟﻬﻢ ﻭﺍﻧﻔﺼﻠﻲ ﻋﻨﻪ ﺍﻥ ﺷﺎﺀ ﻟﻠﻪ ﺍﻓﺘﻬﻤﺘﻴﻨﻲ ...
ﺟﺎﻭﺑﺘﻮ ﻭﺍﻟﺪﻣﻌﻪ ﺗﻼﻟﻲ ﺑﻌﻴﻨﻲ ... ﺍﺗﺰﻭﺝ ﻣﻌﺎﺍﺍﺍﺍﻕ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘😘...
ﻻ ﺗﻨﺴﻮ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس