[فيتامين سي]

ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
#بارت 16


💔💔💔💔💔💔💔💔💔💔
ﻓﻬﻤﺖ ﻣُﺆﺧﺮﺍً ﺑﺄﻥ ﻛُﻠﻤﺎ ﻛﺘﻢ ﺍﻟﻤﺮﺀ ﺃﺣﺰﺍﻧﻪ ﻭﺭﺍﻛﻤﻬﺎ، ﻛُﻠﻤﺎ ﺗﺤﻮﻟﺖ ﺗﺪﺭﻳﺠﻴﺎً ﺇﻟﻰ ﺃﻟﻢ ﺟﺴﺪﻱ، ﺗﺨﻴﻠﻮﺍ ﻣﺪﻯ ﻫﺸﺎﺷﺔ ﺍﻟﻤﺮﺀ ﺣﻴﻨﻤﺎ ﻳﻈﻦ ﺃﻥ ﺍﻟﻜﺘﻤﺎﻥ ﺇﻧﺘﺼﺎﺭ ﺑﻴﻨﻤﺎ ﻫﻮ ﺑﺎﻟﺤﻘﻴﻘﺔ ﺃﻛﺒﺮ ﻫﺰﻳﻤﺔ ﻗﺪ ﻳﺮﺗﻜﺒﻬﺎ ﺑﺤﻖ ﻧﻔﺴﻪ ".
.................................
ﻣﻦ ﻛﺎﻝ ﺭﺍﺡ ﺍﺗﺰﻭﺝ ﻋﺒﺎﻟﻚ ﺿﺮﺑﻨﻲ ﺑﺒﻠﻮﻛﻪ ﻋﻠﺊ ﺻﺪﺭﻱ ﺍﻧﻬﺒﻄﺖ ﻫﺒﻄﻪ ﻣﻮ ﻃﺒﻴﻌﻴﻪ ...
ﺑﺲ ﺣﺎﻭﻟﺖ ﺍﺗﻤﺎﺳﻚ ﻭﺍﺻﺒﺮ ﻧﻔﺴﻲ ﻣﺎﻛﺪﺭﺕ ﺍﺑﺒﺒﺒﺪ ﻋﻠﺊ ﺍﻱ ﻟﺤﻈﻪ ﺍﻧﻔﺠﺮ ...
ﻋﻤﺘﻲ ﻛﺎﻟﺖ ... ﻳﺎﺍﺍﺍ ﺗﺤﺠﻲ ﺻﺪﻙ ﺷﻨﻮ ﺗﺰﻭﺝ ﻣﻮ ﻫﺎﻱ ﺗﺎﺝ ﺷﻨﺎﻗﺼﻬﺎ ﺷﻮ ﺻﻐﻴﺮﻩ ﻭﺣﻠﻮﺓ ﻣﻴﺔ ﻭﺍﺣﺪ ﻳﺘﻤﻨﺎﻫﺎ
ﻫﻮ ﻣﺴﺢ ﻭﺟﻪ ﺑﺘﻮﺗﺮ ﻛﺎﻝ ... ﻳﻤﻪ ﻣﻦ ﺯﻣﺎﻥ ﺣﺠﻴﻨﻪ ﻭﻛﻠﻨﻪ ﻫﻲ ﻣﺎﺗﺮﻳﺪ ﻭﺍﻧﻲ ﻣﺎ ﺍﺟﺒﺮﻫﺎ
ﺍﻧﻲ ﺑﻠﻌﺖ ﺭﻳﻜﻲ ﻫﻤﺴﺖ ﻛﻮﺓ ﻣﺼﺒﺮﻩ ﺭﻭﺣﻲ ... ﻋﻤﻪ ﻋﺎﺩﻱ ﺍﻧﻲ ﺍﺻﻼ ﻣﺎ ﺍﻟﻲ ﻧﻔﺲ ﺑﺄﻱ ﺷﺊ ﻣﻮ ﺍﻧﻮﺏ ﺍﺗﺰﻭﺝ ﺧﻠﻴﻨﻲ ﻭﻳﻪ ﺑﻨﺎﺕ ﺍﺧﺘﻲ ﻭﺍﻟﻠﻪ ﺍﻛﺘﻔﻴﺖ ﻣﺎﻋﻨﺪﻱ ﻭﺍﻫﺲ ﻷﻱ ﺷﺊ ..
ﻋﻤﺘﻲ ﺗﻌﺼﺒﺖ ﻛﻠﺘﻠﻪ ... ﻭﻣﻨﻮ ﺳﻌﻴﺪﺓ ﺍﻟﺤﻆ ﺍﻟﺮﺍﺡ ﺗﺠﻴﺒﻬﺎ ﻋﻠﺊ ﺗﺎﺝ ..
ﻫﻮ ﺭﺩ ﺑﻬﺪﻭﺀ ... ﺣﻤﺎﺓ ﺍﻡ ﺑﺎﻗﺮ
ﻣﻦ ﻛﺎﻝ ﺍﻡ ﺑﺎﻗﺮ ﺗﻤﻨﻴﺖ ﺍﺣﺮﻙ ﺍﻟﺒﻴﺖ ﺑﻴﻬﻢ ... ﺍﻱ ﺻﺢ ﻣﺜﻞ ﻣﻜﺎﻟﺖ ﺧﺎﻟﻪ ﻫﻮ ﻣﺘﻔﻖ ﻳﺘﺰﻭﺝ ... ﻳﻄﺒﻪ ﻃﺤﺎﻝ ﺧﻠﻲ ﻳﺘﺰﻭﺝ ﻣﻴﺘﻪ ﻋﻠﻴﻪ ...
ﻋﻤﺘﻲ ﻛﺎﻟﺖ ... ﻳﺎﺍﺍ ﺍﻧﺘﺼﺎﺭ ﺣﻤﺎﺓ ﺍﺧﺘﻚ ﺩﻫﺮ ﻓﺮﻫﺎ ﻭﻟﻚ ﻫﺎﻱ ﻣﻮ ﺗﻄﻠﻜﺖ ﻣﻦ ﺯﻭﺟﻬﺎ ... ﻣﻦ ﻭﺭﻩ ﺳﻮﺍﻟﻔﻬﺎ ﻭﻟﺴﺎﻧﻬﺎ
ﻫﻮ ﺭﺩ ... ﻭﺷﻨﻮ ﻳﻌﻨﻲ ﻭﺍﺫﺍ ﻣﻄﻠﻘﻪ ﺟﺮﺑﺖ ﺣﻀﻬﺎ ﻭﻣﻄﻠﻊ ﺯﻳﻦ ﺍﻥ ﺷﺎﺀ ﻟﻠﻪ ﻫﻞ ﻣﺮﻩ ﺣﻠﻮﻭﻭ ...
ﺗﻨﻔﺴﺖ ﺑﻐﻀﺐ ﻭﺭﻭﺣﻲ ﺗﻔﻮﻭﺭ ﻛﺘﻠﻨﻲ،ﺑﺒﺮﻭﺩﻩ ﻭﺍﻟﻠﻪ ﻭﺍﻟﻠﻪ ﺍﺗﻤﻨﺊ ﺍﺣﺮﻛﻪ ﺍﻟﺘﺎﻓﻬﻪ ﻳﻜﻮﻝ ﺑﻠﻜﻲ ﻭﻳﺎﻩ ﺣﻀﻬﺎ ﺣﻠﻮﻭ ...
ﺍﻋﺮﻓﻬﺎ ﻧﺼﻴﻴﺮﻩ ﺣﻤﺎﺓ ﺍﻡ ﺑﺎﻗﺮ ﻓﺪ ﻭﺣﺪﻩ ﻟﺒﮕﻪ ﻭﺗﻜﺸﻂ ﺑﺎﻟﻜﻼﻡ ﻫﺎﻱ ﺍﺫﺍ ﺟﺎﺑﻬﺎ ﺗﺎﺧﺬﻩ ﺣﺎﺻﻞ ﻓﺎﺻﻞ ...
ﺿﻠﻴﺖ ﺍﻫﺰ ﺭﺟﻠﻴﻪ ﺑﺘﻮﺗﺮ ﻭﺍﻛﻞ ﺑﺎﺿﺎﻓﺮﻱ ...
ﻋﻤﺘﻲ ﻛﺎﻟﺖ ... ﻭﻟﻚ ﻳﻤﻪ ﺍﻧﺖ ﺷﻠﻚ ﺑﺎﻟﻤﺮﻩ ﺍﻟﺜﺎﻧﻴﻪ ﺗﺮﺉ ﻭﺭﻭﺡ ﺍﺑﻮﻙ ﻳﻄﻠﻌﻦ ﺍﻟﻚ ﻛﺮﻭﻥ ﻭﻳﻮﺭﻣﻦ ﻛﻠﺒﻚ ...
ﺿﺤﻚ ﻻﺳﺘﻬﺰﺍﺀ ﻛﺎﻝ ... ﻭﺍﻟﻠﻪ ﻛﻠﺒﻲ ﻣﻮﺭﻡ ﻣﻦ ﺯﻣﺎﺍﺍﻥ
ﺍﻧﻲ ﻭﻛﻔﺖ ﻛﻠﺘﻠﻬﺎ ... ﻣﺤﺘﺎﺟﻴﻴﻦ ﺷﺊ ﺍﺭﻳﺪ ﺍﻧﺎﻡ ..
ﻋﻤﻪ ﻛﺎﻟﺖ ... ﺗﺼﺒﺤﻴﻦ ﻋﻠﻰ ﺧﻴﺮ ﺭﻭﺣﻲ ﺍﻟﻠﻪ ﻭﻳﺎﺝ
ﺍﺧﺬﺕ ﺍﻟﺒﻨﺎﺕ ﻭﺭﺣﺖ ﻭﻛﻠﺒﻲ ﻳﻔﻮﻭﻭﻭﺭ
ﻛﻌﺪﺕ ﺑﻐﺮﻓﺘﻲ ﻭﺍﻟﻐﺼﻪ ﺑﺼﺪﺭﻱ ﻋﻠﺊ ﺍﻱ ﻟﺤﻈﻪ ﻭﺍﺑﺠﻲ ﻭﻣﺼﺒﺮﻩ ﺭﻭﻭﻭﺣﻲ ﺑﺎﻟﮕﻮﻭﻩ ...
ﺣﻄﻴﺖ ﺯﻫﺮﺍﺀ ﺑﺴﺮﻳﺮﻫﺎ ... ﻭﻛﻌﺪﺕ ﻋﻠﺊ ﺍﻟﺠﺮﺑﺎﻳﻪ ﻣﺎﻟﺘﻲ ...
ﺑﻠﻌﺖ ﺭﻳﻜﻲ ﺑﺼﻌﻮﻭﺑﻪ ﺍﺣﺴﻪ ﻋﻠﻘﻢ ﺗﻨﻔﺴﺖ ﺑﺎﺳﻒ
ﺑﺎﻭﻋﺘﻠﻲ ﺯﻳﻨﺐ ﻭﻣﺪﺕ ﺍﻳﺪﻫﺎ ﻣﺴﺤﺖ ﺩﻣﻌﺘﻬﺎ .. ﺗﻔﺎﺟﺌﺖ ﺍﻧﻲ ﺷﻮﻛﺖ ﺑﺠﻴﻴﺖ ... ﻭﻟﻴﺶ ﺍﺑﺠﻲ
ﻭﺍﻟﻠﻪ ﺻﺒﺎﺡ ﺍﺣﺘﺎﺭ ﺷﻴﺴﻮﻱ ﻭﻳﺎﻳﻪ ﺍﺑﺒﺪ ﻣﺎ ﺑﺠﻴﺖ ﺑﺲ ﻣﻦ ﺟﺎﻥ ﻳﻘﺴﻲ ﻭﻳﺎﻳﻪ ﺑﺎﻟﻀﺮﺏ ﺍﺑﺠﻲ ﻣﻦ ﺍﻟﻮﺟﻊ ﻻ ﺍﻛﺜﺮ ﻭﻻ ﺍﻗﻞ ...
ﺍﺷﻮ ﻫﺬﺍ ﻻ ﺿﺮﺑﻨﻲ ﻭﻻ ﺭﻓﺴﻨﻲ ﻟﻴﺶ ﺍﺑﺠﻲ ﻟﻴﻴﻴﺶ؟
ﺣﻀﻨﺘﻨﻲ ﺯﻳﻨﺐ ﺑﻄﻔﻮﻭﻭﻟﻪ ﻭﺍﻧﻲ ﻋﺒﺎﻟﻚ ﺷﺨﺺ ﻛﺒﻴﺮ ﻭﺣﺎﺑﻪ ﺍﻓﺮﻍ ﻫﻤﻲ ﻋﻨﺪﻫﺎ ﺣﻀﻨﺘﻬﺎ ﺑﺼﻐﺮﻫﺎ ﻭﺑﺠﻴﻴﻴﺖ ﺣﻴﻴﻴﻞ ..
ﻫﻲ ﺍﺳﺘﻐﺮﺑﺖ ﻭﺑﺎﻭﻋﺖ ﻋﻠﻴﻪ ﻛﺎﻟﺖ ... ﻟﻴﺶ ﺍﺑﺠﻴﻴﻦ
ﻫﻤﺴﺖ ﺑﺒﻜﺎﺀ ... ﻋﻠﺊ ﺍﺧﺘﻲ ﻣﺎﺗﺖ
ﺭﺩ ﺑﻄﻔﻮﻟﺔ ... ﺣﻄﻴﻴﻪ ﻻﺣﺖ ﻟﻠﺪﻧﻪ ‏« ﺧﻄﻴﻪ ﺭﺍﺣﺖ ﻟﻠﺠﻨﻪ ‏»
ﻫﺰﻳﺖ ﺭﺍﺳﻲ ﺑﺄﻱ ... ﺟﺎﻧﺖ ﻣﻦ ﺗﺮﻳﺪ ﺍﻣﻬﺎ ﻧﻜﻮﻟﻬﺎ ﺭﺍﺣﺖ ﻟﻠﺠﻨﻪ .. ﻭﻣﺎﻣﺎ ﺗﻀﻞ ﺗﺒﺠﻲ ﺩﻛﻮﻝ ﻳﺎﺭﻳﺖ ﻫﺒﻪ ﺑﺎﻟﺠﻨﻪ ...
ﻭﺗﺒﺠﻲ ﺩﻛﻮﻝ ... ﻫﺒﻪ ﻣﺸﻠﻮﻉ ﻛﻠﺒﻲ ﻋﻠﻴﻬﺎ ﺑﺎﻟﺪﻧﻴﺎ ﻭﺑﺎﻻﺧﺮﻩ ... ﻣﺎﺍﺩﺭﻱ ﺑﻨﻴﺘﻲ ﻣﺮﺗﺎﺣﻪ ﻳﻢ ﺭﺑﻬﺎ ﻟﻮ ﺗﺘﺤﺎﺳﺐ ﻋﻠﺊ ﺍﻟﺴﻮﺗﻪ
ﻭﺍﻧﻲ ﺍﻛﻮﻟﻬﺎ ... ﻫﻮ ﺣﺮﻛﻬﺎ ﻫﻮ ﻳﺘﺤﺎﺳﺐ ﻫﻮ ﻫﻮﻭ ..
ﻣﺎﻣﺎ ﺗﺮﺩ ... ﻻ ﻫﻲ ﺣﺮﻛﺖ ﺭﻭﺣﻬﺎ ﻣﺎ ﺗﺤﻤﻠﺖ ﻭﻋﻤﻮ ﻳﻜﻮﻝ ﺷﻴﻄﺎﻥ ﻟﻌﺐ ﺑﻌﻘﻠﻬﺎ ...
ﻭﻫﻲ ﻫﺒﻪ ﻭﺍﻟﻠﻪ ﻭﺍﻟﻠﻪ ﻣﻮ ﻻﻥ ﺍﺧﺘﻲ ﺍﻟﻜﻞ ﺗﺤﻠﻒ ﺑﺎﺧﻼﻗﻬﺎ ﻓﻘﻴﻴﺮﻩ ﻭﺑﺴﺮﻋﻪ ﻳﻨﻀﺤﻚ ﻋﻠﻴﻬﺎ ...
ﻋﻤﺘﻬﺎ ﺍﻡ ﺍﺑﺎﺫﺭ ﺗﻤﻮﺕ ﻋﻠﻴﻬﺎ ﻭﺍﻟﻠﻪ ﺩﻛﻮﻝ ﺣﺎﻣﻞ ﻭﺗﺼﻮﻡ ﻭﺗﺼﻠﻲ ﻭﺗﻘﺮﻩ ﻗﺮﺍﻥ ﻭﺍﺧﺬﻫﺎ ﻭﻳﺎﻱ ﻟﻠﺴﻮﻙ ﻳﻜﻮﻟﻮﻥ ﻫﺎﻱ ﺧﺮﺳﻪ ... ﻭﺧﺎﺩﻣﻪ ﻋﻤﺘﻲ
ﻋﻤﺘﻲ ﺗﺤﺒﻨﻲ ﻣﺤﺒﺘﺎ ﺑﻬﺒﻪ ... ﺩﻛﻮﻝ ﻣﻦ ﺍﺭﻳﺪ ﻋﻼﺟﻲ ﺗﺮﻛﺾ ﻫﻲ ﺗﺠﻴﺒﻪ ﻭﺗﺠﻴﺐ ﻣﺼﻼﻳﺘﻲ ﻫﻲ ﻋﻤﺘﻲ ﻣﺎ ﺗﺼﺪﻙ ﻫﺒﻪ ﺍﻧﺘﺤﺮﺕ ...
ﺍﻧﻲ ﺣﻴﻴﻴﻞ ﺍﺣﺐ ﻫﺒﻪ ﺍﻣﻮﺕ ﻋﻠﻴﻬﺎ ﺍﺣﺒﻬﺎ ﺍﻛﺜﺮ ﻣﻦ ﻣﻴﺲ ﺻﺢ ﻣﺎ ﻋﺸﺖ ﻭﻳﺎﻫﻦ ﺑﺲ ﻣﻦ ﺟﻨﺖ ﺍﺟﻴﻬﻢ ﻋﺒﺎﻟﻚ ﻫﻲ ﺍﻣﻲ ﺗﻔﺮﺡ ﺑﻴﻪ ﺣﻴﻴﻞ ﻭﺗﺘﺒﺎﻫﺊ ﺑﻴﻪ ...
ﻻﻥ ﺍﻧﻲ ﻣﺨﺘﻠﻔﻪ ﺷﻮﻳﻪ ﻋﻨﻬﻢ ﺑﺤﻜﻢ ﺗﺮﺑﻴﺔ ﺟﺪﻭﻭ
ﺟﺎﻧﺖ ﺧﺎﻟﻪ ﺍﺑﺘﻬﺎﻝ ﻣﻤﺘﺰﻭﺟﻪ ﻭﺗﺴﻮﻳﻠﻲ ﺗﺴﺮﻳﺤﺎﺕ ﺑﺸﻌﺮﻱ ﻭﺗﻀﻔﺮﻟﻲ ﺿﻔﻴﺮﻩ ﻓﺮﻧﺴﻴﻪ ﻫﺒﻪ ﻭﻣﻴﺲ ﻳﻜﻮﻟﻦ ﻫﻨﻴﺎﻟﺞ ﻛﻮﻥ ﺍﺣﻨﻪ ﻧﻌﻴﺶ ﻋﻨﺪ ﺑﻴﺖ ﺟﺪﻭﻭ ... ﻭﺗﺸﺘﺮﻳﻠﻲ ﻣﻼﺑﺲ ﺗﺠﻨﻦ ﺑﻴﺒﻲ
ﺟﻨﺖ ﺟﺪﻭ ﻣﻨﻄﻴﻨﻲ ﺍﻟﺤﺮﻳﻪ ﻭﻋﻨﺪﻱ ﺛﻘﻪ ﺑﻨﻔﺴﻲ ﻟﻼﺳﻒ ﻋﺪﻣﻬﺎ ﺻﺒﺎﺡ ...
ﻃﻔﻠﻪ ﺟﻨﺖ ﺑﺲ ﻣﺤﻂ ﺍﻫﺘﻤﺎﻡ ﺍﻟﻜﻞ ﺣﺘﺊ ﻋﻤﻮ ﻳﺤﺒﻨﻲ ﻭﻣﻤﻴﺰﻩ ﻋﻨﺪﻩ ﻛﺪ ﻣﺎ ﺣﻠﻮﻩ ﻭﻣﺮﺗﺒﻪ ﻭﺫﻛﻴﻪ ﻭﻟﺴﺎﻥ ﻣﻦ ﺍﺣﺠﻲ ﻛﻠﻤﻪ ﻳﺘﻔﺎﺟﺌﻮﻥ ﻭﻛﻠﻬﺎ ﺗﻀﺤﻚ ﻣﻦ ﺭﺩﻭﺩﻱ ...
ﺣﺘﺊ ﻣﻦ ﺻﺎﺭ ﺍﻟﺴﻘﻮﻁ 2003 ﻭﺍﺣﻨﻪ ﺭﺣﻨﻪ ﻟﺪﻳﺎﻟﺊ ﺑﺸﻬﺮﺑﺎﻥ ﺟﻨﺖ ﻃﻔﻠﻪ ﻭﻣﺎﻣﺎ ﺍﺧﺬﺗﻨﻲ ﻭﻳﺎﻫﺎ ﺑﻴﺖ ﺟﺪﻭ ﻣﻄﻠﻌﻮ ...
ﻫﻨﺎﻙ ﺷﻔﺖ ﺍﻫﺘﻤﺎﻣﻬﻢ ﺑﻴﻪ ﻫﻮ ﻭﺍﺣﺪ ﻣﻨﻬﻢ ﺍﺑﺎﺫﺭ ... ﺟﺎﻥ ﺍﻫﺘﻤﺎﻣﻪ ﻣﻠﺤﻮﻅ ﻭﻟﺤﺪ ﺍﻻﻥ ﻳﺘﺬﻛﺮﻭ ...
ﻛﻠﻬﺎ ﻃﻠﻌﺖ ﺍﻟﻌﻮﺍﺋﻞ ﺍﻫﻠﻪ ﻭﺍﻫﻠﻲ ﻭﺍﻫﻞ ﺭﺍﺿﻲ ﻭﺍﺧﻮﺍﺗﻪ ﺑﻌﻮﺍﺋﻠﻬﻢ ﺟﺎﻧﻮ ﻭﻛﺤﻴﻴﻦ ﺍﻟﻜﺎﻉ ﻣﺘﺠﺮﻋﻬﻢ ﻣﺜﻞ ﺳﻮﺳﻮ ﻛﻠﻬﻢ ..
ﺑﺲ ﺍﻧﻲ ﺟﻨﺖ ﻣﺘﻔﺎﺟﺌﻪ ﺑﻴﻬﻢ .. ﻫﻠﻜﺪ ﻣﺎ ﻭﻛﺤﻴﻴﻦ ﻣﺎﺧﻠﻮ ﻻ ﺯﺭﻉ ﻻ ﻓﺮﺍﺵ ﻻ ﻭﺭﺩ ﻛﻮﻟﻪ ﻗﻄﻔﻮ ...
ﻭﺍﻧﻲ ﻣﻦ ﺭﺍﻓﻖ ﺍﻟﻘﻮﻡ ﺍﺭﺑﻌﻴﻦ ﻳﻮﻡ ﺻﺎﺭ ﻣﺜﻠﻬﻢ ... ﻫﻤﺎﺗﻴﻦ ﺍﺟﻤﻊ ﺣﺸﺮﺍﺕ ﺍﻟﻐﺰﺍﻝ ﻭﺍﺣﻄﻪ ﺑﺠﻴﺲ ﻭﻓﺮﺍﺵ ...
ﻭﺍﻗﺎﺭﺑﻬﻢ ﺷﻠﻌﻮﻭ ﺍﻟﻮﺭﺩ ﺑﻴﻬﺎ ﺍﺑﺎﺫﺭ ﺗﺨﺒﻞ ﻛﻠﻬﻢ ﻃﺮﺩﻫﻢ ﺍﻟﺠﻬﺎﻝ ﻭﺟﺎﺏ ﺑﻄﺎﻧﻴﻪ ﻏﻄﻪ ﺑﻴﻬﺎ ﺍﻟﻮﺭﺩ ﻫﻬﻬﻪ
ﻭﻋﻤﻮ ﺿﻞ ﻳﺤﺠﻲ ﻛﺎﻝ .. ﻭﻟﻚ ﺷﻠﻮﻥ ﻳﺘﻨﻔﺴﻦ ﺍﻟﻮﺭﺩﺍﺕ ﻭﺍﻧﺖ ﺧﻨﻜﺘﻬﻦ
ﻫﻮ ﺟﺎﻭﺑﻪ ... ﻳﻤﻌﻮﺩ ﺫﻭﻟﻪ ﻗﺮﻭﺩﻩ ﻻ ﺧﻠﻮ ﻭﺭﺩ ﻻ ﺧﻠﻮ ﺍﻧﺘﻘﺎﻡ ﻛﻠﻪ ﺷﻠﻌﻮﻭ ... ﻭﻫﺎﻱ ﺍﻟﺰﻋﺎﻃﻴﻂ ﻛﻠﻬﻢ ﻛﺴﺎﻟﻪ ﻭﻻﺯﻣﻴﻦ ﺍﻟﻮﺭﺩ ﺍﻧﺠﺢ ﻣﺎ ﺍﻧﺠﺢ ... ﻭﻫﻲ ﺣﺘﺊ ﻣﺪﺭﺳﻪ ﻣﺎﻛﻮ
ﺟﺎﻧﻮﺍ ﻫﺴﻮ ﺻﺎﻳﺮﻳﻦ ﺷﺒﺎﺏ
ﺍﻧﻲ ﺟﻨﺖ ﻛﺎﻋﺪﻩ ﻋﻠﺊ ﺍﻟﺜﻴﻞ ﻭﺻﺎﻓﻨﻪ ﻋﻠﻴﻬﻢ ﻋﻤﻮ ﺑﺎﻭﻉ ﻋﻠﻴﻪ ﻭﺿﺤﻚ ﺷﺎﻟﻨﻲ ﻛﺎﻝ ... ﻋﻨﺪﻛﻢ ﻫﻴﺞ ﺑﻨﻴﻪ ﺣﻠﻮﻩ ﻭﺣﺒﺎﺑﻪ
ﻫﻮ ﺿﺤﻚ ﻭﺟﺎﻭﺏ ... ﻣﻦ ﻭﻳﻦ ﺍﻟﻨﻪ ﻫﻴﺞ ﺑﻨﺎﺕ ﺑﺸﺮﻓﻲ ﻛﻠﻬﻦ ﺳﻌﺎﻟﻮﻭ ﻳﺎﻛﻠﻦ ﺍﻻﺧﻀﺮ ﻭﺍﻟﻴﺎﺑﺲ ﻫﻲ ﻫﺎﻱ ﻭﺍﺧﻮﺍﺗﻬﺎ ﻃﺎﻟﻌﻴﻦ ﻟﺒﻴﺖ ﻧﺼﻴﻒ ﺣﻠﻮﻳﻦ ...
ﻋﻤﻮ ... ﺑﺲ ﻋﺼﺒﻴﻪ ﻗﺒﻞ ﺷﻮﻳﻪ ﺗﻌﺎﺭﻛﺖ ﻭﻳﻪ ﺍﻣﻬﺎ ﺭﻛﻌﺖ ﺭﺍﺳﻬﺎ ﺑﺎﻟﺤﺎﻳﻂ ﻭﻣﻠﺨﺖ ﺷﻌﺮﻫﺎ ﻭﻛﻠﻨﻪ ﻣﺴﻜﺘﻨﺎﻫﺎ ﻭﻫﻲ ﻃﻔﻠﻪ ﻣﻦ ﺗﻜﺒﺮ ﺷﻠﻮﻥ ...
ﺍﺑﺘﺴﻢ ﺑﻬﺪﻭﺀ ﻭ ﻭﺧﺮ ﺍﻟﺒﻄﺎﻧﻴﻪ ﻗﻄﻒ ﻭﺭﺩﻩ ﻭﻧﻄﺎﻫﺎ ﺍﻟﻴﻪ ﺍﺧﺬﺗﻬﺎ ﻣﻨﻪ ﻭﻫﻮ ﺑﺎﺳﻨﻲ ﺑﺨﺪﻱ ..
ﻋﻤﻮ ﺩﻓﻌﻪ ... ﻫﻴﻴﻲ ﻫﻴﻲ ﻻ ﺗﺒﻮﺱ ﺑﻨﺖ ﺍﺧﻮﻭﻱ ﻻ ﺍﺳﻮﻳﻬﺎ ﻋﺸﺎﻳﺮ
ﺍﺑﺎﺫﺭ ... ﺧﺎﺏ ﺩﺭﻭﺡ ﻏﻴﻴﺮ ﺑﻨﺖ ﻋﻤﻲ ﻭﺍﻟﻠﻪ ﻛﻮﻥ ﺑﻜﺪﻫﺎ ﺟﺎﻥ ﺧﻄﺒﺘﻬﺎ ...
ﻋﻤﻮ ... ﻻ ﻳﺎﺑﻪ ﻣﺎ ﻧﻨﻄﻴﻬﺎ ﻧﺮﻳﺪ ﺍﻟﻬﺎ ﺩﻛﺘﻮﺭ ﻣﻮ ﺛﻮﺭ ..
ﺍﺑﺎﺫﺭ .. ﺍﻛﻞ ﺗﺒﻦ
ﻭﺍﺷﺮ ﻋﻠﺊ ﻧﻔﺴﻪ ﻭﺑﺎﻭﻋﻠﻲ ﻛﺎﻝ .. ﺗﺮﺩﻳﻨﻲ؟
ﻫﺰﻳﺖ ﺭﺃﺳﻲ ﺑﻘﺒﻮﻝ ﻭﺍﻧﻲ ﺍﺿﺤﻚ ﻭﻣﺎ ﺍﻋﺮﻑ ﺷﻨﻮ ﺍﻟﺴﺎﻟﻔﻪ ..
ﺻﺢ ﺟﻨﺖ ﺻﻐﻴﺮﻩ ﺑﺲ ﺍﺗﺬﻛﺮ ﺗﻘﺮﻳﺒﺎ ﺧﻤﺲ ﺳﻨﻮﺍﺕ ﻭﻧﺺ ﺳﺘﻪ ﺳﻨﻮﺍﺕ ...
ﻭﺧﺮﺕ ﺯﻧﻮﺑﻪ ﻣﻦ ﺣﻀﻨﻲ ﻭﺿﻠﻴﺖ ﺍﻓﺘﺮ ﺑﺘﻮﺗﺮ ﻫﺴﻪ ﺛﻮﺭ ﻭﻗﺒﻠﻨﻪ ﻭﺍﻛﻠﻨﻪ ﻧﻌﻞ ... ﺍﻧﻮﺏ ﺣﻴﺘﺰﻭﺝ ﻋﻠﻴﻪ ..
ﻃﻠﻌﺖ ﺑﺮﻩ ﺷﻔﺘﻪ ﺑﻌﺪﻩ ﻛﺎﻋﺪ ﻳﻢ ﺍﻣﻪ ﺭﺣﺖ ﺗﻮﺿﻴﺖ ﻭﺭﺟﻌﺖ ﻟﻠﻐﺮﻓﻪ ..
ﻣﺪﺭﻱ ﺍﺣﺲ ﺭﻭﺣﻪ ﻣﺴﺤﻮﻟﻪ ﻣﻦ ﻗﺒﻞ ﺍﺑﻮ ﺍﻟﻮﻻﻳﺎﺕ ﺍﻟﻤﺘﺤﺪﻩ ﺟﻨﺖ ﻋﺒﺎﻟﻲ ﻳﺠﻴﺒﻠﻲ ﺿﺮﻩ ﺍﻣﺮﻳﻜﻴﻪ ﺗﻨﻬﺰﻡ ﺛﺎﻧﻲ ﻳﻮﻡ ...
ﺍﻧﻮﺏ ﺟﺎﺑﻠﻲ ﺍﻧﺘﺼﺎﺭ ﻣﺪﺭﻱ ﺍﻧﺘﺤﺎﺭ ﺷﻜﺪ ﻧﺬﻟﻪ ﻫﻲ ﺍﺻﻼ ﺍﻡ ﺑﺎﻗﺮ ﺟﺎﻧﺖ ﺗﺸﻜﻲ ﻣﻨﻬﺎ ﺩﻛﻮﻝ ﻭﻛﺤﻪ ...
ﻫﻲ ﺍﺗﺬﻛﺮ ﺻﺎﺭ ﻣﺘﺰﻭﺟﻪ ﺍﺑﻦ ﺧﺎﻟﺘﻬﺎ ﺻﺎﺭ ﺧﻤﺲ ﺳﻨﻮﺍﺕ ﻭﺗﻄﻠﻜﺖ ﻣﻨﻪ ﺩﻛﻮﻝ ﻣﻴﺨﻠﻒ ...
ﻟﺒﺴﺖ ﻋﺒﺎﺀﺓ ﺍﻟﺼﻼﺓ ﻭﺻﻠﻴﺖ ﺭﻛﻌﺘﻴﻦ ﻭﻃﻠﺐ ﻭﺻﻠﻴﺖ ﻟﻬﺒﻪ ﺩﺍ ﺍﻭﻓﻲ ﺍﻟﺊ ﻫﻲ ﻣﻄﻠﻮﺑﻪ ﺑﻴﻬﻦ ﻭﻫﻤﺎﺗﻴﻦ ﺍﻗﺮﻩ ﺧﺘﻤﺔ ﻗﺮﺍﻥ ﺍﻟﻬﺎ ..
ﻭﺫﺍﻙ ﺍﻟﻴﻮﻡ ﻋﻤﻪ ﺩﻛﻮﻝ ﻷﻡ ﺭﺍﺿﻲ ﺗﺎﺝ ﺗﺨﺘﻢ ﻗﺮﺍﻥ ﻭﺗﺼﻠﻲ ﻟﻬﺒﻪ ﺟﺎﻥ ﺩﻛﻮﻝ ﺑﺎﺳﺘﻬﺰﺍﺀ ... ﻋﻠﻴﻤﻦ ﻣﻜﻠﻔﻪ ﻧﻔﺴﻬﺎ ﻣﻴﻔﻴﺪﻫﺎ ﻫﻲ ﺑﺎﻟﻨﺎﺭ ﺑﺎﻟﻨﺎﺭ ...
ﺷﻠﻮﻭﻭﻥ ﺣﺮﻛﺖ ﻛﻠﺒﻲ ﻭﻗﻬﺮﺗﻨﻲ ﺻﺎﻳﺮﻩ ﺗﺘﻮﺩﺩ ﻟﻌﻤﺘﻲ ﻭﻛﻞ ﺷﻮﻳﻪ ﺟﺎﻳﻪ ﻫﻲ ﻭﺟﻨﺎﻳﻨﻬﺎ ﻳﺘﻔﻘﺪﻥ ﺍﻻﻣﺮ ﻳﺠﻦ ﻣﻦ ﺍﻟﺼﺒﺢ ﻻﻥ ﺍﺑﺎﺫﺭ ﻣﻤﺘﻮﺍﺟﺪ ﻫﻮ ﻭﻣﺤﻤﺪ ... ﻻﻥ ﻫﻮ ﻣﻴﺤﺒﻬﻦ ﻣﺜﻠﻲ ...
ﻛﻌﺪﺕ ﺻﻠﻴﺖ ﻭﻗﺮﻳﺖ ﻗﺮﺍﻥ ﺑﻌﺪﻧﻲ ﺑﺼﻮﺭﺓ ﺍﻟﺒﻘﺮﻩ ﻃﻮﻳﻠﺔ ﻣﺎ ﺷﺎﺀ ﻟﻠﻪ
ﺑﺠﻴﻴﺖ ﺷﻮﻳﻪ ﻋﻠﺊ ﺣﻀﻲ ﻭﺣﺾ ﺍﺧﺘﻲ ﺍﻟﻤﺴﻜﻴﻨﻪ ﺳﺪﻳﺖ ﺍﻟﻘﺮﺍﻥ ﻭﻫﺪﻳﺘﻪ ﻟﻬﺒﻪ ﺣﺒﻴﺒﺘﻲ ﺍﻟﻠﻪ ﻳﺮﺣﻤﻬﺎ ...
ﻛﻤﻠﺖ ﻭﺭﺣﺖ ﻧﻤﺖ ﺑﺼﻒ ﺯﻧﻮﺑﻪ ﺿﻠﻴﺖ ﺍﺑﺠﻲ ﺷﻮﻭﻳﻪ ﺻﺎﻳﺮﻩ ﺟﻨﻲ ﺑﻮﻭﻣﻪ ﺑﺲ ﺍﺑﺠﻲ ﻛﻠﻪ ﻣﻦ ﻭﺭﻩ ﺑﻴﺖ ﻋﻤﻲ ﻃﻴﺤﻮ ﺣﻀﻨﻪ .. ﻋﻤﻪ ﺍﻟﻌﻤﺎﻫﻢ ﻛﻮﻭﻥ ...
........................
ﻣﻴﺲ
ﻣﺘﺨﺒﻠﻪ ﻣﻦ ﻋﺮﻳﺲ ﺍﻟﻐﻔﻠﻪ ﺍﻟﻲ ﺍﺑﺘﻠﻴﺖ ﺑﻲ ﻛﻠﻪ ﻣﻦ ﻭﺭﻩ ﺩﻋﻴﻪ ﺍﻟﺤﻤﺎﺭﻩ ﻣﻮ ﺧﺎﻟﻪ ﻋﻜﺮﺑﻪ ﺳﻮﺩﻩ ﻻ ﻭﺗﺮﻳﺪ ﺗﺰﻭﺝ ﻋﻤﻮ ﺗﻬﻲ ﺑﻬﻲ
ﻋﻠﺊ ﺗﺼﺮﻓﺎﺗﻬﺎ ﻳﺼﻠﺒﻬﺎ ﺑﺎﻟﺒﻨﻜﻪ ﻭﻳﺴﻮﻱ ﻛﺘﻠﺘﻬﺎ ﻋﻤﻞ ﺷﻌﺒﻲ ..
ﻋﻮﺩ ﺍﺑﻮ ﻃﺒﺮﻩ ﺟﺎﺑﻠﻲ ﻣﻮﺑﺎﻳﻞ ﺍﻣﺪﺍﻧﻲ ﻣﻮﺑﺎﻳﻞ ﺍﺳﻤﻪ ﻛﻠﻜﺴﻲ ﻭﺍﻥ .. ﺻﺢ ﺣﻠﻮ ﺑﺲ ﻣﺎ ﺣﺎﺑﺘﻪ ...
ﺣﺴﻴﺘﻪ ﻣﻮ ﻣﺎﻝ ﺣﻼﻝ ﺣﺴﻴﺘﻪ ﻣﺨﻤﻮﻁ ﻟﻌﺪ ﻫﻮ ﻣﻨﻴﻠﻪ ﻭﻳﺠﻴﺒﻠﻲ ﻣﻮﺑﺎﻳﻞ ... ﻫﻞ ﻃﻄﻮﻩ ﻫﺬﺍ
ﻣﻜﻴﻒ ﺣﺎﻁ ﺭﻗﻤﻪ ﺍﻭﻝ ﻭﺍﺣﺪ ﻣﻨﺰﻝ ﺣﺴﺎﺑﺎﺕ ﺑﻲ ﻭﻣﻨﺰﻟﻲ ﺍﻟﻌﺎﺏ ﺣﺮﺏ ﺍﻟﺸﻮﺍﺭﻉ ﻭﻓﻄﺮﻳﻪ ﻭﻟﻌﺒﺔ ﺍﻟﺘﺠﻤﻊ ﻓﻠﻮﺱ ﺍﻟﻲ ﺍﺣﺒﻬﺎ ...
ﺷﻮﻳﻪ ﺍﺟﺘﻨﻲ ﺭﺳﺎﻟﻪ ﻣﻨﻪ ﻛﺎﺗﺐ ... ‏« ﻭﺍﻟﻴﺤﺒﺞ ﻣﺎ ﻳﻌﻮﻓﺞ ﺣﺘﺊ ﻟﻮ ﺑﺸﻮﺍﺭﺑﺞ ﺩﻏﺪﻏﺘﻲ ﺧﺪﻩ .. ‏» ﺷﻠﻮﻭﻧﻪ ﺍﻟﺤﻮﻭﺏ
ﻗﺮﻳﺖ ﺍﻟﺮﺳﺎﻟﻪ ﺍﺗﻤﻨﻴﺖ ﻣﺴﻠﻢ ﻳﻤﻲ ﺍﻟﻪ ﺍﺣﻂ ﺍﻟﻤﻮﺑﺎﻳﻞ ﺑﺮﺍﺳﻪ
ﺍﺗﺼﻞ ﻓﺘﺢ ﺧﻂ ﻛﺘﻠﻪ ﺑﺎﻧﺰﻋﺎﺝ ... ﺍﻟﻮﻭﻭﻭﻭ
ﻛﺎﻝ ... ﻫﻼﺍﺍﺍﺍ ﺑﺮﺑﻴﻊ ﻫﻼ ﺑﺎﻟﻤﻮﻟﻮﺩﻩ ﺑﺎﻟﻴﻠﺔ ﺍﻟﻘﺪﺭ ﺷﻠﻮﻧﺞ ﺣﻮﻭﺑﻲ
ﺟﺮﻳﺖ ﻧﻔﺲ ﺑﻤﻠﻞ ... ﺯﻳﻴﻴﻴﻴﻨﻪ
ﺿﺤﻚ ... ﺍﻥ ﺷﺎﺀ ﻟﻠﻪ ﺩﻭﻭﻡ ﺍﻱ ﺗﺮﺳﺖ ﺍﻟﻤﻮﺑﺎﻳﻞ ﺍﻟﺞ ﺍﻟﻌﺎﺏ ﺣﺘﺊ ﺷﻨﻮ ﺗﻠﻌﺒﻴﻦ ﺑﻴﻬﻦ ﺍﺣﺴﻦ ﻣﺎ ﺗﺮﺣﻴﻦ ﺗﻄﻠﻌﻴﻦ ﻣﻘﺎﻃﻊ ﻟﻴﻠﺊ ﻋﻠﻴﻮﻱ ﻭﻋﺎﺩﻝ ﺍﻣﺎﻡ ﺍﻧﻮﺏ ﺗﻨﺤﺮﻓﻴﻦ ﺣﺘﺊ ﺍﺑﻴﻦ ﺍﻟﻌﻤﺞ ﺍﻧﻲ ﻛﺪ ﺍﻟﺜﻘﻪ ﻭﺷﻜﺪ ﺍﺣﺎﻓﻆ ﻋﻠﺊ ﻋﺮﺿﻪ ﻭﻫﺎﻱ ﺍﻭﻝ ﺧﻄﻮﻩ
ﺟﺎﻭﺑﺘﻪ ... ﻻ ﻭﺍﻟﻠﻪ ﻣﻮ ﺯﻋﻄﻮﻃﻪ ﻣﻨﺰﻟﻲ ﺍﻟﻌﺎﺏ ﻛﻠﻬﻢ ﺣﺬﻓﺘﻬﻢ
ﺭﺩ ﺑﺎﺳﺘﻬﺰﺍﺀ ... ﻟﻪ ﻟﻪ ﻟﻪ ﻟﻴﺶ ﺣﺒﻴﺒﺘﻲ ﻃﻠﻌﺘﻲ ﺧﺎﻳﻨﻪ ﻭﻣﻮ ﻛﺪ ﺍﻟﺜﻘﻪ ﻫﺎﻱ ﻭﺍﻧﻲ ﻣﻨﺰﻟﺞ ﻟﻌﺒﺔ ﺗﺠﻤﻊ ﻓﻠﻮﺱ ﻛﻠﺖ ﺑﻠﻜﻲ ﺗﺠﻤﻌﻴﻨﻪ ﻛﻢ ﻓﻠﺲ ﻧﻌﺪﻝ ﺍﻟﺒﻴﺖ ﺑﻲ ...
ﻋﻀﻴﺖ ﺷﻔﺎﻳﻔﻲ ﺑﻌﺼﺒﻴﺔ ... ﻟﻴﺶ ﻋﻴﻨﻲ ﺷﺒﻲ ﺑﻴﺘﻜﻢ؟
ﻣﺴﻠﻢ ... ﻳﺠﻨﻦ ﻓﻠﺔ ﻣﻮ ﺑﻴﺖ ﺍﻟﺤﻤﺎﻡ ﺧﻤﺲ ﻧﺠﻮﻡ ﻭﺍﻟﺒﺎﺏ ﻣﺎﻟﺖ ﺍﻟﺸﺎﺭﻉ ﺍﺳﻼﻳﺖ ﻭﺍﻻﺛﺎﺙ ﻻ ﺗﺤﺠﻴﻴﻦ ﺍﻟﺜﻼﺟﻪ ﻣﺎﻟﺘﻨﻪ ﻋﻠﺊ ﺍﻟﺮﻳﻤﻮﻧﺖ ﻭﺻﺎﺭ ﻳﻮﻣﻴﻦ ﺿﺎﻳﻊ ﺍﻟﺮﻳﻤﻮﻧﺖ ﻭﻣﺨﻠﺼﻴﻨﻬﺎ ﻓﻼﻓﻞ
ﺍﻧﻲ ﻭﺍﻣﻲ ...
ﻣﻴﺲ ... ﺗﺤﺠﻲ ﺻﺪﻙ ﻟﻮ ﺗﺠﺬﺏ
ﻣﺴﻠﻢ ... ﺍﻧﻲ ﻳﺎﻳﻮﻡ ﺟﺬﺑﺖ ﻓﺪﻭﺓ ﺍﻟﻜﻠﺒﺞ ﺑﺎﻟﻘﺮﺍﻥ ﺍﺧﺮﺏ ﻋﻠﻴﺞ ﻫﻴﺞ ﻫﻴﺞ ﺗﻠﻌﺒﻴﻦ ﺑﺎﻹﻋﺪﺍﺩﺍﺕ ﺷﺴﻤﻬﺎ ﺍﻟﺤﻮﻭﺏ ..
ﺭﺩﻳﺖ ﺑﻘﺮﻑ ... ﻣﻴﺲ
ﻫﻮ ﺭﺩ ﺑﺼﺪﻣﻪ ﻭﺟﺪﻳﻴﻪ ... ﻻﺍﺍ ﻻﺍ ﺟﺬﺏ ﻣﻮ ﻣﻌﻘﻮﻟﻪ ﺍﺳﻤﺞ ﻣﻴﺲ ﻃﺒﻌﺎ ﺗﻘﺸﻤﺮﺕ ﻭﺍﻟﻠﻪ ﻋﺼﻮﻣﻲ ﻗﺸﻤﺮﻧﻲ ﺟﺎﺍﺍ ﺍﻧﻲ ﻣﻮ ﻛﺘﻠﻪ ﺍﺭﻳﺪ ﺩﻳﺎﻧﺎ ﻛﺮﺯﻭﻥ ﺟﺎﻳﺒﻠﻲ ﻣﻴﺲ ﻛﻤﺮ ... ﺑﺲ ﻳﺎﻟﻠﻪ ﺑﻌﺪ ﻃﺎﺡ ﺍﻟﻔﺄﺱ ﺑﺎﻟﺮﺍﺱ ... ﺍﻱ ﺣﺐ ﺷﻮﻛﺖ ﻧﺘﺰﻭﺟﺖ ...
ﻫﻤﺴﺖ ﺑﻜﻠﺒﻲ ﺗﺰﻭﺟﺘﻚ ﺟﻨﻴﻪ ﻛﻮﻟﻮ ﺍﻣﻴﻴﻴﻦ ﺟﺎﻭﺑﺘﻪ ... ﻣﺎﺍﺩﺭﻱ
ﺟﺎﻭﺏ ... ﺍﺣﺴﺞ ﺗﺤﺠﻴﻦ ﻣﻦ ﻭﺭﻩ ﺧﺸﻤﺞ؟ ﺑﺲ ﻭﺭﻭﺡ ﺍﺑﻮ ﻋﺪﻭﻳﻪ ﻟﻮ ﺗﺤﺠﻴﻦ ﻣﻦ ﻭﺭﻩ ﺍﺫﺍﻧﺞ ﺍﺗﺰﻭﺟﺞ ﺍﺗﺰﻭﺟﺞ ﻏﻴﺮ ﻓﺮﻳﺪﻩ ﻣﻦ ﻧﻮﻋﺞ ﺍﺣﻠﺊ ﻣﻦ ﺍﻣﻲ ﺑﺸﺒﺎﺑﻬﺎ ...
ﺣﺴﻴﺘﻪ ﺛﻜﻴﻞ ﻋﻠﺊ ﺍﻟﻤﻌﺪﻩ ﻫﻤﺴﺖ ﺧﺮﺏ ﺣﻀﻲ ... ﺗﺮﻳﺪ ﺷﺊ ﻧﻌﺴﺖ ﺍﺭﻳﺪ ﺍﻧﺎﻡ
ﻛﺎﻝ ﺑﺬﻭﺑﺎﻥ ... ﺍﻱ ﺍﺭﺭﺭﺭﺭﺭﺭﺭﺭﺭﺭﺭﺭﻳﺪ
ﻟﻮﻳﺖ ﺷﻔﺎﻳﻔﻲ ... ﺷﺘﺮﻳﻴﻴﻴﻴﺪ؟
ﺗﻨﻔﺲ ﺑﺮﻭﻣﺎﻧﺴﻴﻪ ﻭﻧﻌﺎﺱ ... ﺍﺭﻳﻴﻴﻴﻴﺪ ﺑﻮﻭﻭﻭﺳﻪ
ﻗﻔﻠﺖ ﺍﻟﻤﻮﺑﺎﻳﻞ ﺑﺴﺮﻋﻪ ﺷﻜﺪ ﺍﺩﺏ ﺳﺰ ﻭﻣﻨﺤﻂ ﻫﺬﺍ ﺷﻠﻮﻥ ﺍﻋﻴﺶ ﻭﻳﺎﻩ ﻣﺨﻠﺼﻬﻪ ﺗﺤﺸﻴﺶ ﻭﺿﺤﻚ ﻭﻣﺎﻋﻨﺪﻩ ﺟﺪﻳﻪ ﺑﺎﻟﺤﻴﺎﺓ ﺍﺭﻳﺪ ﻭﺍﺣﺪ ﺣﻤﺶ ﻣﻮ ﻣﺴﻠﻢ ...
ﺷﻮﻳﻪ ﻭﺍﻧﺪﻙ ﺍﻟﺒﺎﺏ ﻛﻠﺖ ﺗﻔﻀﻞ ﺩﺧﻞ ﻋﻤﻮ ﻛﺎﻝ ... ﻫﺎﺝ ﻫﺎﻱ ﺧﻤﺲ ﻣﻼﻳﻴﻦ ﺟﻴﺒﻲ ﺑﺲ ﺫﻫﺐ ﺍﻭﻙ ﻭﺍﻟﻤﻼﺑﺲ ﺑﻌﺪﻳﻦ
ﺍﺧﺬﺗﻬﻦ ﻫﻤﺴﺖ ... ﻣﻨﻴﻦ ﺫﻭﻭﻝ
ﻛﺎﻝ .. ﻣﻨﻴﻦ ﻳﻌﻨﻲ ﻏﻴﺮ ﻣﻦ ﻣﺴﻠﻢ
ﺍﺧﺬﺗﻬﻦ ﻣﺬﻫﻮﻟﻪ ﻫﺬﺍ ﻣﻨﻴﻦ ﻳﺠﻴﺐ ﻓﻠﻮﺱ ﻣﺒﻴﻦ ﻣﻬﺘﻠﻒ ﺯﻳﻦ ﻫﻮ ﻋﻨﺪﻩ ﺑﺲ ﺳﺘﻮﺗﻪ ﻣﻨﻴﻦ ﺟﺎﺏ ﻫﺬﺍ ﺍﻟﻤﺒﻠﻎ ﻭﺑﺲ ﺫﻫﺐ ﻳﻌﻨﻲ ﺑﻌﺪ ﻳﻨﻄﻴﻨﻲ ... ﺑﺲ ﻻ ﻳﻄﻠﻊ ﺍﺭﻫﺎﺑﻲ ﻭﺍﺧﺮ ﻣﻬﻤﻪ ﻳﻔﺠﺮ ﻧﻔﺴﻪ ... ﺍﻥ ﺷﺎﺀ ﻟﻠﻪ ﺗﻨﺜﻮﻝ ﻭﺗﻔﺠﺮ ﻧﻔﺴﻚ ﻋﻠﺊ ﺍﻟﺪﻭﺍﻋﺶ ...
ﻛﺘﻠﻪ ... ﻋﻤﻮ ﺷﻨﻮ ﻣﺴﻠﻢ ﺑﺎﻉ ﺍﻟﺴﺘﻮﺗﻪ
ﻣﻌﺘﺼﻢ ... ﻻ ﻣﺎ ﺑﺎﻋﻬﺎ ﻟﻴﺶ؟
ﺟﺎﻭﺑﺘﻪ ... ﻻﻥ ﺩﺍﻓﻊ ﻫﻠﻜﺪ ﻣﺒﻠﻎ ﻭﻫﻮ ﻣﺎﻋﻨﺪﻩ
ﺍﺑﺘﺴﻢ ﻛﺎﻝ ... ﻻ ﻋﻨﺪﻩ ﺧﻴﻴﺮ ﻣﻦ ﺍﻟﻠﻪ ﻻ ﺗﺨﺎﻓﻴﻦ ﻣﻮ ﻓﻜﺮ
ﺿﺤﻜﺖ ﺑﺎﺳﺘﻬﺰﺍﺀ ... ﺧﻠﻲ ﻓﻜﺮ ﺑﺲ ﺍﺧﻼﻗﻪ ﺍﺷﻠﻮﻭﻥ ﻣﺒﻴﻦ ﻭﺍﺣﺪ ﻫﺘﻠﻲ
ﻋﻤﻮ ... ﺍﻻﻧﺴﺎﻥ ﻣﻦ ﺗﺘﻌﺐ ﻧﻔﺴﻴﺘﻪ ﻭﻳﺤﺲ ﻣﺤﺪ ﺍﻟﻪ ﻳﺘﺼﺮﻑ ﺗﺼﺮﻓﺎﺕ ﻣﻮ ﻗﺎﻧﻮﻧﻴﻪ ﻣﺴﻠﻢ ﻣﻬﻤﺎ ﻳﻜﻮﻥ ﻫﻮ ﺍﻧﺴﺎﻥ ﻭﺍﻧﺘﻲ ﺑﻴﺪﺝ ﺗﻐﻴﺮﻳﻨﻪ ﺍﺫﺍ ﺍﻛﻮﻟﺞ ﻫﺴﻪ ﻓﺪ ﺷﻐﻠﻪ ﻣﺘﺼﺪﻛﻴﻴﻦ ...
ﺑﺎﻭﻋﺘﻠﻪ ﺑﺎﺳﺘﻐﺮﺍﺏ ... ﺷﻨﻮﻭﻭ ؟
ﺟﺮ ﻧﻔﺲ ﻭﻛﺎﻝ ... ﻣﺴﻠﻢ ﺧﺮﻳﺞ ﺍﻋﺪﺍﺩﻳﻪ ﻭﺟﺎﻥ ﻳﺪﺍﻭﻡ ﺟﺎﻣﻌﻪ
ﻓﺘﺤﺖ ﺣﻠﻜﻲ ﻣﺼﺪﻭﻭﻭﻣﻪ ... ﻣﺴﻠﻢ ﺧﺮﻳﺞ ﻻﺍ ﻻﺍﺍ ﺟﺬﺏ ﻣﺎ ﺍﺻﺪﻙ ﻫﺬﺍ ﺟﻨﻪ ﺑﺤﻴﺎﺗﻪ ﻣﺸﺎﻳﻒ ﺑﻨﺎﺕ ﺍﻛﻴﻴﺪ ﻓﺼﻠﻮﻭ ﻣﻮ ﺻﺢ ..
ﻛﺎﻝ ... ﻫﻮ ﺻﺢ ﻣﺎ ﺗﺨﺮﺝ ﻣﻦ ﺍﻟﺠﺎﻣﻌﻪ ﻧﺠﺢ ﺳﻨﻪ ﺍﻭﻟﺊ ﻭﺑﻌﺪﻫﺎ ﺑﻄﻞ ﺍﺳﺒﺎﺏ ﺧﺎﺻﻪ
ﺳﻜﺘﺖ ﻋﺮﻓﺘﻪ ﻭﺍﺣﺪ ﻃﺎﻳﺢ ﺣﺾ ﻗﺎﺑﻞ ﺷﻨﻮ ﻭﻳﺨﻠﻮﻧﻪ ﺑﺎﻟﺠﺎﻣﻌﻪ ﺍﺑﻮ ﺻﻴﻨﺔ ﺍﻟﻘﺎﺳﻢ ﺍﻛﻴﺪ ﻣﺘﺤﺎﺭﺵ ﺑﺎﻟﺒﻨﺎﺕ ﻭﻓﺼﻠﻮ ...
ﻋﻤﻮ ﻃﻠﻊ ﻭﺍﻧﻲ ﺍﺧﺬﺕ ﺍﻟﻔﻠﻮﺱ ﺍﻟﺤﻤﺪ ﻟﻠﻪ ﻣﻦ ﻃﻠﻊ ﻣﻨﻪ ﻛﻢ ﻣﻠﻴﻮﻥ ﻋﺎﺩ ﻧﺸﺘﺮﻱ ﺫﻫﺐ ...
ﺭﺣﺖ ﻭﻳﺎﻳﻪ ﻣﺎﻣﺎ ﺍﺳﺎﻋﺪﻫﺎ ﻭﺑﻌﺪﻫﺎ ﺭﺣﺖ ﺷﻔﺖ ﺑﺎﺑﺎ ﺻﺎﺭ ﺯﻳﻴﻦ ﻭﺻﺎﺭ ﻳﻜﻌﺪ ﻭﻳﺎﻛﻞ ﻭﺣﺪﻩ ﻳﻄﻠﻊ ﺑﺮﻩ ﻣﺎﺭﺱ ﺣﻴﺎﺗﻪ ﻃﺒﻴﻌﻴﻪ ﺑﺲ ﻟﺤﺪ ﺍﻻﻥ ﻣﺘﺨﺒﻞ ﻣﻦ ﺗﺎﺝ ﻭﻣﺎﻣﺎ ﺗﻬﺪﻱ ﺑﻲ
ﻛﻠﺘﻠﻪ .. ﻓﺪﻭﺓ ﺍﺭﻭﺣﻠﻚ ﺍﺑﻮ ﻫﺸﺎﻡ ﺭﺍﺡ ﻧﺨﺴﺮ ﻟﺒﻨﻴﻪ ﻭﺍﻟﻠﻪ ﺑﻴﻬﺎ ﺣﺎﻟﺔ ﻧﻔﺴﻴﻪ ﻣﺘﻌﺮﻑ ﺷﺘﺮﻳﺪ ﺍﺣﺴﻦ ﺗﻨﺘﺤﺮ ﻭﻧﺸﻴﻞ ﺧﻄﻴﺘﻬﺎ ﻣﺜﻞ ﺍﺧﺘﻬﺎ ... ﻭﺍﻟﻠﻪ ﺍﺫﺍ ﺗﺎﺝ ﺻﺎﺭ ﺑﻴﻬﺎ ﺷﺊ ﺑﺎﻟﻘﺮﺍﻥ ﺍﺗﺨﺒﻞ ﻛﻮﻭﻭﻟﺸﻲ ﻭﻻ ﺑﻨﺎﺗﻲ
ﻫﻮ ﻛﻠﻬﺎ ... ﻻ ﺍﺟﺖ ﻭﻻ ﺍﻋﺘﺬﺭﺕ ﻣﻨﻲ ﺩﺍﻓﺮﺗﻨﻲ ﻣﻴﺔ ﺟﻼﻕ ﻣﺎ ﺩﻛﻮﻝ ﺍﺑﻮﻳﻪ ﺍﺟﻪ ﻳﻤﻮﺕ ﻣﻦ ﻭﺭﺍﻳﻪ
ﻣﺎﻣﺎ ﻛﺎﻟﺖ .. ﻻ ﻭﺍﻟﻠﻪ ﻣﻦ ﺟﻨﺖ ﻣﺮﻳﺾ ﺗﺠﻴﻚ ﻣﻦ ﺗﻨﺎﻡ ﻻﻥ ﺗﺨﺎﻑ ﻣﻦ ﺭﺩﺓ ﻓﻌﻠﻚ ﻭﻣﺮﻩ ﺍﻧﺖ ﻛﺎﻋﺪ ﻣﻮ ﺍﺟﺘﻚ ﻭﺍﺧﺬﺕ ﻣﻦ ﺧﺎﻃﺮﻙ
ﺑﺎﺑﺎ ﺭﺩ ﻋﻠﻴﻬﺎ ... ﺷﺒﻴﺞ ﻗﺎﺑﻞ ﺍﻧﻲ ﺍﻛﺮﻫﻪ ﻫﺎﻱ ﺑﻨﺘﻲ ﻃﺎﻟﻌﻪ ﻣﻦ ﻛﻠﺒﻲ ﻭﺍﻟﻠﻪ ﻟﺤﺪ ﺍﻻﻥ ﻫﺒﻪ ﺣﺴﺮﺗﻬﺎ ﺑﻜﻠﺒﻲ ﺍﻛﻴﺪ ﺭﺍﺿﻲ ﻋﻠﻴﻬﺎ ﻭﺍﺫﺍ ﺩﻛﻮﻟﻴﻦ ﻧﺎﺧﺬﻫﺎ ﻟﺪﻛﺘﻮﺭ ﻧﻔﺴﺎﻧﻲ ﺍﻧﻲ ﺣﺎﺿﺮ ...
ﺭﺩﺕ ﻋﻠﻴﻪ ... ﺍﻱ ﻧﺎﺧﺬﻫﺎ ﺑﺲ ﺧﻠﻲ ﺍﺗﻔﻖ ﻭﻳﺎﻫﺎ ﺗﺮﺉ ﺑﻴﻨﺘﻚ ﻣﻮ ﺑﺨﻴﺮ ﺑﺲ ﺗﻜﺎﺑﺮ ﺻﺪﻣﻪ ﻭﺭﻩ ﺻﺪﻣﻪ ﺷﺘﺼﻴﺮ
ﻣﺎﻣﺎ ﺿﻠﺖ ﺗﻨﻮﺡ ﻋﻠﺊ ﻫﺒﻪ ﻭﺑﺎﺑﺎ ﻭﻳﺎﻫﺎ ﺿﻞ ﻳﺒﺠﻲ ﻭﺍﻧﻲ ﻛﺬﻟﻚ ﺑﻌﺪﻫﺎ ﻃﻠﻌﺖ ﻣﺎ ﺍﺗﺤﻤﻞ ﻫﺒﻪ ﺍﺧﺘﻲ ﻋﺎﺷﺖ ﻭﻳﺎﻳﻪ ﺍﻛﺜﺮ ﻣﺎ ﺗﺎﺝ ﻋﺎﺷﺖ ﻭﻳﺎﻫﺎ ...
ﺑﺲ ﺗﺎﺝ ﺍﻟﻲ ﺭﻋﺒﻬﺎ ﺍﻧﻲ ﻣﺎﻣﺎ ﻣﻦ ﺍﺣﺘﺮﻛﺖ ﻫﺒﻪ ﻃﻠﻌﻨﻪ ﺑﺮﻩ ﺗﺎﺝ ﺿﻠﺖ ﻣﺼﻄﻜﻪ ﻭﺗﺼﺮﺥ ﺑﻀﻞ ﺑﺨﻴﺎﻟﻬﺎ ﺭﻛﺾ ﻫﺒﻪ ﻣﻦ ﻏﺮﻓﻪ ﻟﻐﺮﻓﻪ ﻭﺑﻌﺪﻫﺎ ﻣﻦ ﺩﺧﻠﺖ ﻟﻠﺤﻤﺎﻡ ﻃﻔﺖ ﻧﻔﺴﻬﺎ ...
ﻳﺎﻟﻠﻪ ﺷﻜﺪ ﺍﻟﺮﻭﺡ ﻋﺰﻳﺰﻩ ﺑﺤﻴﺚ ﻫﻲ ﻣﻦ ﺣﻼﺓ ﺭﻭﺣﻬﺎ ﻭﺭﻏﻢ ﻣﺤﺘﺮﻛﻪ ﻓﺘﺤﺖ ﺍﻟﺪﻭﻭﺵ ﻭﻃﻔﺖ ﻧﻔﺴﻬﺎ ﻭﺗﻠﻮﺙ ﺟﺴﻤﻬﺎ ﻟﻼﺳﻒ ﻭﻣﺎﺗﺖ ﻣﻐﺪﻭﺭﻩ ﻣﻀﻠﻮﻣﻪ ...
ﺍﻟﻠﻪ ﻳﺮﺣﻤﻬﺎ ﻭﻳﺴﻜﻨﻬﺎ ﻓﺴﻴﺢ ﺟﻨﺎﺗﻪ ﻭﻳﻐﻔﺮ ﺍﻟﻬﺎ ...
........................
ﺗﺎﺝ ...
ﺍﺟﺘﻨﻲ ﺑﻄﻠﺘﻬﺎ ﺍﻟﺤﻠﻮﻭﻭﻩ ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻭﻓﺮﺣﺎﺍﺍﻧﻪ ﺑﻴﻬﺎ
ﺷﻔﺘﻬﺎ ﺗﺪﻭﺭ ﺑﻴﻦ ﺍﻟﻐﺮﻑ ﻭﺗﻨﺘﻘﻞ ﻣﺜﻞ ﺍﻟﻔﺮﺍﺷﻪ ﺭﻛﻀﺖ ﻭﺭﺍﻫﺎ ﻭﺍﻧﻲ ﺍﺗﺒﻌﻬﺎ ﺑﺨﻄﻮﺍﺗﻲ
ﺩﺧﻠﺖ ﻏﺮﻓﺘﻲ ﻭﺭﺍﺣﺖ ﺗﻬﺮﻭﻝ ﺑﺴﺮﻋﻪ ﻭﻣﻠﻬﻮﻭﻭﻓﻪ ﻭﻛﻔﺖ ﻓﺠﺎﺀﺓ ﺑﺎﻭﻋﺖ ﻟﻠﻜﺎﺭﻭﻙ ﻣﺎﻟﺖ ﺯﻫﺮﺍﺀ ﻭﻛﻤﻠﺖ ﺧﻄﻮﺍﺗﻬﺎ ﺍﺧﺬﺗﻬﺎ ﻣﻦ ﻓﺮﺍﺷﻬﺎ ﻭﺣﻀﻨﺘﻬﺎﺍﺍﺍ ﺣﻴﻴﻴﻴﻴﻴﻞ ﺑﺎﺳﺘﻬﺎ ﻭﻧﻮﻣﺘﻬﺎ ﻋﻠﺊ ﺻﺪﺭﻫﺎ ..
ﻭﺍﻧﻲ ﺍﺑﺎﻭﻉ ﻭﻟﻤﻌﺔ ﺍﻟﻔﺮﺣﻪ ﺑﻌﻴﻮﻧﻲ ﻣﻤﺼﺪﻛﻪ ﺭﺟﻌﺖ ﻟﺒﻨﺎﺗﻬﺎ ﻭﺭﺟﻌﺖ ﺍﻟﻨﻪ ...
ﺩﺍﺭﺕ ﻭﺟﻬﻪ ﻋﻠﻴﻪ ﻭﺍﺑﺘﺴﺎﻣﻪ ﻋﻠﺊ ﺷﻔﺎﻳﻔﻬﺎ ...
ﻧﺰﻟﺖ ﺑﻨﺘﻬﺎ ﺑﻜﺎﺭﻭﻛﻬﺎ ﻭﺭﺟﻌﺖ ﻋﻠﻴﻪ ﺑﺎﻭﻋﺘﻠﻲ ﻭﺿﺤﻜﺖ ﻭﻓﺠﺄﺓ ﺍﺷﺘﺪﺕ ﻣﻼﻣﺤﻬﺎ ﻭﺟﻤﺪﺕ ..
ﺍﻧﻲ ﺍﺑﺘﺴﻤﺖ ﺍﻟﻬﺎ ﻭﺗﻘﺮﺑﺖ ﻣﻨﻬﺎ ﺍﺣﻀﻨﻬﺎ ﺑﺲ ﻫﻲ ﺣﻀﻨﺘﻨﻲ ﺷﺒﻜﺘﻬﺎ ﺑﺤﻨﺎﻥ ..
ﻭﻫﻲ ﺣﻀﻨﺘﻨﻲ ﺣﻴﻴﻴﻴﻴﻴﻞ ﺣﻴﻴﻴﻞ ﺣﺴﻴﺖ ﺍﺿﻠﻮﻋﻲ ﺗﻜﺴﺮﺕ ﻭﺍﺧﺘﻨﻜﺖ ﻣﺎ ﺭﺩﺕ ﺍﺩﻓﻌﻬﺎ ﺧﺎﻑ ﻳﻨﻜﺴﺮ ﺧﺎﻃﺮﻫﺎ ...
ﺑﺲ ﻋﺼﺮﺗﻬﺎ ﻗﻮﻭﻭﻭﻭﻭﻳﻪ ﺍﺣﺲ ﻃﻠﻌﺖ ﺷﺮﺍﻳﻴﻨﻲ ﻭﺿﻠﻴﺖ ﺍﺭﺍﻓﺲ ﺑﺮﺟﻠﻴﻪ ﻭﺍﺩﻓﻌﻬﺎ ﺑﺲ ﻣﺎﻛﺪﺭﺕ ...
ﺟﻨﺖ ﺍﺻﺮﺭﺭﺥ ﺑﺼﻮﺕ ﺑﺲ ﺻﻮﺗﻲ ﺍﺧﺘﻔﻲ ﻭﺭﺍﺍﺍﺍﺡ ﺿﻠﻴﺖ ﺍﺩﻓﻊ ﺑﻴﻬﺎ ﻭﺍﻟﻤﻮﺕ ﺷﻔﺘﻪ ﺑﻌﻴﻨﻲ ﻭﺭﻭﺣﻲ ﻃﻠﻌﺖ ﻭﻫﻲ ﺑﻌﺪﻫﺎ ﺗﺸﺪ ﻋﻠﻴﻪ ﺑﻘﻮﻭﻭﺓ ...
ﻟﺤﺪ ﻣﺎ ﺣﺴﻴﺖ ﺭﺟﻠﻴﺔ ﻣﺎﺗﺖ ﻭﺭﻭﺣﻲ ﻃﻠﻌﺖ ﻭﻣﺎ ﺍﻛﺪﺭ ﺍﻗﺎﻭﻡ ﺍﻛﺜﺮ ﻭﻛﻌﺖ ﺻﺮﻳﻌﻪ ﻋﻠﺊ ﺍﻻﺭﺽ ﻭﺗﻨﻔﺴﻲ ﺭﺍﺍﺡ
ﺑﺎﻭﻋﺘﻠﻲ ﺑﺤﺰﻥ ﻭﻛﺎﻟﺖ ... ﺍﻋﺬﺭﻳﻨﻲ ﻣﻮ ﺑﻴﺪﻱ ﺍﺋﺬﻳﻴﺞ . ﺭﻏﻢ ﺍﻧﺘﻲ ﺍﻛﺜﺮ ﻭﺣﺪﻩ ﻣﺪﺍﺭﻳﺘﻨﻲ
ﻓﺰﻳﺖ ﻣﻦ ﺍﻟﻨﻮﻭﻭﻡ ﻭﺍﻧﻲ ﺍﻟﻬﺚ ﻭﺍﻳﺪﻱ ﻋﻠﺊ ﺻﺪﺭﻱ ﻭﺍﺗﻨﻔﺲ ﺑﺼﻌﻮﻭﺑﻪ ﻋﻴﻮﻧﻲ ﺗﺪﻣﻊ
ﻫﻤﺴﺖ ... ﺍﻟﺤﻤﺪ ﻟﻠﻪ ﺣﻠﻠﻠﻢ ﻃﻠﻊ ﺣﻠﻢ ﺭﻭﺣﻲ ﻃﻠﻌﺖ ﻭﺍﻟﻠﻪ ﺣﺴﻴﺖ ﺑﺎﻟﻤﻮﺕ ﺍﻋﻮﻭﻭﺫ ﺑﺎﻟﻠﻪ ﺷﻜﻮﻭ ﻫﺒﻪ ﻟﻴﺶ ﻫﻴﺞ ﺳﻮﺕ ﺑﻴﻪ
ﺑﺠﻴﺖ ﺑﺼﻮﺕ ﻋﺎﻟﻲ ... ﻭﺍﻟﻠﻪ ﻣﺠﺎﻱ ﺍﻗﺼﺮ ﺑﻨﺎﺗﻬﺎ ﻧﻀﻴﻔﺎﺕ ﻭﻣﺪﺍﺭﻳﺘﻬﻦ ﻭﺟﺎﻱ ﺍﺧﺘﻢ ﺍﻟﻬﺎ ﻗﺮﺍﻥ ﻭﺍﺻﻠﻲ ﻟﻴﺶ ﻳﺎﺭﺑﻲ ﻟﻴﻴﻴﺶ ...
ﻭﻛﻔﺖ ﺑﺴﺮﻋﻪ ﺭﺣﺖ ﻏﺴﻠﺖ ﻭﺗﻮﺿﻴﺖ ﻭﺻﻠﻴﺖ ﻭﺍﺭﺟﻒ ﻣﻦ ﺍﻟﺨﻮﻭﻑ ...
ﺭﻋﺒﺘﻨﻲ ﺣﻴﻴﻞ ﺟﺎﻧﺖ ﺍﻟﺴﺎﻋﻪ ﺑﺎﻟﺴﺒﻌﻪ ﺍﻟﺼﺒﺢ ﺷﻔﺖ ﺍﻟﺒﺎﺏ ﻣﻔﺘﻮﺡ ﻳﻌﻨﻲ ﻃﺎﻟﻊ ﺭﺍﺡ ﻟﺸﻐﻠﻪ ...
ﺑﻠﻌﺖ ﺭﻳﻜﻲ ﺍﺣﺲ ﺍﻟﺒﻴﺖ ﺣﻴﺎﻛﻮﻟﻨﻲ ...
ﺭﺣﺖ ﺷﻔﺖ ﻋﻤﻪ ﻧﺎﻳﻤﻪ ﺑﺎﻻﺳﺘﻘﺒﺎﻝ ﺩﺣﺴﺖ ﺭﻭﺣﻲ ﺑﺤﻀﻨﻬﺎ ﻭﻏﻄﻴﺖ ﺭﺍﺳﻲ ﻭﺣﺘﺊ ﺭﺟﻠﻴﻪ ...
ﺑﻌﺪﻫﺎ ﺧﻔﺖ ﻟﺒﻨﺎﺕ ﻭﺣﺪﻫﻦ ... ﺍﺧﺎﻑ ﺯﻫﺮﺍﺀ ﺗﻜﻌﺪ
ﺑﺠﻴﺖ ﺑﻬﺪﻭﺀ ﻓﺰﺕ ﻋﻤﺘﻲ ﻟﺰﻣﺘﻨﻲ ﻛﺎﻟﺖ ... ﻳﻤﻤﻤﻪ ﺍﺳﻢ ﺍﻟﻠﻪ ﺷﺒﻴﺞ ﻋﻤﻪ ﺗﻮﺟﻪ
ﻛﻌﺪﺕ ﻭﺍﻧﻲ ﺍﺭﺟﻒ ﻭﺍﻛﻞ ﺑﺎﺿﺎﻓﺮﻱ ﺳﻮﻟﻔﺖ ﺍﻟﻬﺎ ﺍﻟﺤﻠﻢ
ﻛﺎﻟﺖ ... ﻳﺎﺍﺍ ﺍﺳﻢ ﺍﻟﻠﻪ ﻳﻤﻤﻪ ﻻ ﺗﺨﺎﻓﻴﻦ ﻣﺎﻛﻮﻭ ﺷﺊ ﺍﻟﻴﻮﻡ ﺍﺭﻭﺡ ﺍﺟﻴﺐ ﺩﺟﺎﺟﻪ ﻓﺪﻩ ﻭﺍﺫﺑﺤﻬﺎ ﻭﺍﻥ ﺷﺎﺀ ﻟﻠﻪ ﻣﺎﻛﻮ ﺷﺊ ...
ﻭﻫﻢ ﺍﺣﺎﺟﻲ ﺍﺑﺎﺫﺭ ﻣﺎ ﺍﺧﻠﻲ ﻳﺘﺰﻭﺝ ﻋﻠﻴﺞ ﻭﺍﻟﻠﻪ ﺷﻮ ﻳﺘﻌﻴﻘﻞ ﻭﻳﻦ ﻳﻠﻜﻪ ﻫﻴﺞ ﺑﻨﻴﻪ ﺣﻠﻴﻮﻩ ﻭﻧﺎﺯﻛﻪ ﻭﻭﻱ ﻋﻮﺩ ﻧﺼﻴﺮﻩ ﺟﻨﻬﺎ ﺍﻟﺼﺨﻠﻪ
ﻛﻠﺘﻠﻬﺎ ... ﻋﻤﻤﻪ ﺑﺮﻭﺡ ﻭﻟﺪﺝ ﻻ ﺗﺤﺠﻴﻦ ﻭﻳﺎﻩ ﺑﻬﺬﺍ ﺍﻟﻤﻮﺿﻮﻉ ﺍﻧﻲ ﻣﺎﺍﺭﻳﺪﻩ ﺧﻠﻴﻨﻪ ﻫﻴﻴﺞ ﺍﺣﺴﺴﻦ ﺍﻟﻪ ﻭﺍﻟﻲ ﺍﻧﻲ ﻣﻜﺴﻮﺭ ﺧﺎﻃﺮﻱ ﻣﺎ ﺍﺭﻳﺪ ﺍﻱ ﺭﺟﺎﻝ
ﻭﻫﻮ ﺭﺟﺎﻝ ﻭﻳﺮﻳﺪ ﻣﺮﻩ ﺗﺨﺪﻣﻪ ﻭﺗﻬﺘﻢ ﺑﻲ ﻭﻳﺼﻴﺮ ﻋﻨﺪﻩ ﻃﻔﻞ ﻣﻦ ﺣﻘﻪ ﺗﺮﺉ ﻣﺎﻋﻨﺪﻱ ﺍﺷﻜﺎﻝ ﻭﺍﻟﻠﻪ ...
ﻭﻛﻔﺖ ﻭﻃﻠﻌﺖ ﺳﻮﻳﺖ ﺟﺎﻱ ﻭﺍﻧﻲ ﺍﺑﺠﻲ ﻭﺍﻟﺤﻠﻢ ﺭﻋﺒﻨﻲ ﺿﻠﻴﺖ ﺍﻣﺸﻲ ﻭﺍﺗﻠﻔﺖ ...
ﻛﻌﺪ ﺣﻤﺎﻳﻪ ﻣﺤﻤﺪ ﺭﺍﺡ ﺟﺎﺏ ﺻﻤﻮﻥ ﻭﺟﺒﻦ ﻭﺑﻴﺾ
ﺍﻧﻲ ﺳﻮﻳﺖ ﺑﺲ ﺟﺒﻦ ﻣﺎﺍﺣﺐ ﺍﻟﺒﻴﺾ ﻭﻋﻤﻮ ﻛﺎﻟﺖ ﺣﺠﻴﺐ ﺩﺟﺎﺟﻪ ﻋﺎﺩ ﻣﻮ ﻧﺎﻛﻞ ﺑﻴﺾ ﻭﺩﺟﺎﺝ ﻟﻌﺒﺎﻥ ﻧﻔﺲ ﺍﺣﺲ ﻧﻔﺴﻲ ﺿﺎﻟﻤﻪ ﻣﺎﻛﻠﻪ ﺍﻻﻡ ﻭﺍﺑﻨﻬﺎ ... ﻃﺒﻌﺎ ﻣﻦ ﺍﺗﻌﺎﺟﺰ ﻫﻴﺞ ﺍﻓﻜﺮ ﻫﻬﻬﻪ ....
ﺭﺍﺣﺖ ﻋﻤﻪ ﻟﻠﺴﻮﻙ ﺟﺎﻳﺒﻪ ﺧﻄﻴﻪ ﺩﺟﺎﺟﻪ ﻭﻣﺘﺴﻮﻛﻪ ﻳﻴﻴﻊ ﺗﻠﻌﺐ ﻧﻔﺴﻲ ﻣﻦ ﺭﻳﺤﺔ ﺍﻟﺪﺟﺎﺟﻪ ﺧﺎﺻﻪ ﺍﺫﺍ ﻣﺎ ﻣﻨﻀﻔﻪ ﻣﻦ ﺍﻟﺮﻳﺶ
ﺳﺪﻳﺖ ﺧﺸﻤﻲ ﺑﺎﻟﺸﺎﻝ ﻭ ﻭﻛﻔﺖ ﻋﻠﺊ ﺻﻔﺤﻪ
ﺩﺧﻞ ﻣﺤﻤﺪ ﻛﺎﻝ .. ﺷﻨﻮ ﺷﻮ ﻣﻠﺜﻤﻪ ﺑﺲ ﻻ ﺟﺎﻱ ﺗﻐﺘﺎﻟﻴﻦ ﻣﺎﻱ ﻣﺎﺫﺭ
ﻋﻤﻪ ﺿﺤﻜﺖ ﻛﺎﻟﺖ .. ﺗﻠﻌﺒﻦ ﻧﻔﺴﻬﺎ ﻣﻦ ﺭﻳﺤﺔ ﺍﻟﺪﺟﺎﺝ
ﻣﺤﻤﺪ .. ﺧﺎﻑ ﺣﺎﻣﻞ .. ﻻ ﻭﺍﻟﻠﻪ ﺻﺪﻙ ﺣﺎﻣﻞ .. ﻳﻌﻨﻲ ﺭﺍﺡ ﺍﺻﻴﺮ ﻋﻤﻮﻭ
ﺩﺧﻞ ﺍﺑﺎﺫﺭ ﻟﻠﻤﻄﺒﺦ ﺟﺎﻱ ﻣﻦ ﻏﻴﺮ ﻋﺎﺩﺗﻪ ﻛﺎﻝ .. ﻣﻨﻮﻭ ﺣﺎﻣﻞ
ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻛﻮﻥ ﻣﺤﻤﺪ ﻳﻜﻮﻝ ﺍﻣﻲ ﺣﺎﻣﻞ ...
ﻛﻠﻪ .. ﻫﺎﻱ ﺗﺎﺝ ﺗﻠﻌﺐ ﻧﻔﺴﻬﺎ ﻣﻦ ﺭﻳﺤﺔ ﺍﻟﺪﺟﺎﺝ ﺍﻛﻮﻝ ﺧﺎﻑ ﺣﺎﻣﻞ ..
ﻋﻤﺘﻲ ﻛﺎﻟﺖ .. ﻣﻨﻴﻦ ﺣﺎﻣﻞ ﻣﻦ ﺣﻈﻲ
ﻓﺸﻠﺖ ﻣﻦ ﻛﻼﻣﻬﻢ ﻭﻫﻮ ﺑﺎﻭﻋﻠﻲ ﺑﻬﺪﻭﺀ ﻛﺎﻝ .. ﻭﻛﻞ ﻭﺍﺣﺪ ﺗﻠﻌﺐ ﻧﻔﺴﻪ ﻳﻄﻠﻊ ﺣﺎﻣﻞ ﺷﺒﻴﻚ ﺍﻧﺖ ﻣﻄﻔﻲ .. ﻣﺘﺸﻮﻑ ﺍﺧﻮﻭﻙ ﺑﺎﻟﺸﺮﻕ ﻭﻣﺮﺗﻪ ﺑﺎﻟﻐﺮﺏ ...
ﺍﻧﻲ ﻣﺪﺭﻱ ﺍﺑﺘﺴﻤﺖ ﺍﻟﺤﻤﺪ ﻟﻠﻪ ﻣﻠﺜﻤﻪ ﺟﺎﻥ ﺍﻧﻔﻀﺤﺖ ..
ﻣﺤﻤﺪ ﻛﺎﻝ .. ﺷﻤﺪﺭﻳﻨﻲ ﻋﺒﺎﻟﻲ ﺗﻔﺮﺣﻮﻧﻲ ﻭﺍﺻﻴﺮ ﻋﻤﻮ ﻟﻠﻤﺮﻩ ﺍﻟﺜﺎﻟﺜﻪ ...
ﻋﻤﺘﻲ ﻛﺎﻟﺖ ... ﺍﻱ ﻛﻮﻝ ﻻﺧﻮﻙ .. ﻭﻳﺎﻟﻠﻪ ﺷﺪ ﺣﻴﻠﻚ ﺍﺯﻭﺟﻚ ﻭﺍﺻﻴﺮ ﺍﺑﻮﻭ ..
ﻣﺤﻤﺪ ... ﻻ ﻳﻤﻪ ﺍﻋﻔﻴﻴﻨﻲ ﺧﻠﻴﻨﻲ ﻃﻴﺮ ﺣﺮ ﻃﻠﻴﻖ ... ﻣﻮ ﻣﺜﻞ ﺍﺧﻮﺍﻧﻲ ﻛﻞ ﺷﻮﻳﻪ ﻭﻛﺒﺖ ﺍﻟﻌﻴﻄﻪ ﻟﻠﺰﺭﻛﻪ
ﺍﺑﺎﺫﺭ ﻫﺰ ﺍﻳﺪﻩ ﻭﻃﻠﻊ ﻭﻋﻤﻪ ﻛﻌﺪﺕ ﺗﻬﻠﺲ ﺑﺎﻟﺪﺟﺎﺟﻪ ﻳﻴﻊ .
ﻃﻠﻌﺖ ﻭﺭﺍﻩ ﺻﺎﻳﺮﻩ ﺟﻨﻲ ﺯﻟﻴﺨﻪ ﻣﻦ ﺗﺸﻮﻑ ﻳﻮﺳﻒ ﻭﺗﻄﻴﺮ ﻭﺭﺍﻩ ...
ﺑﺎﻭﻋﺖ ﻋﻠﻴﻪ ﺣﻀﻦ ﺯﻧﻮﺑﻪ ﻭﺑﺎﺳﻬﺎ ﺷﺎﻟﻬﺎ ﻳﺤﺠﻲ ﻭﻳﺎﻫﺎ ﻭﻫﻲ ﺗﺘﺪﻟﻊ ﻋﻠﻴﻪ ...
ﻳﺎﻟﻠﻪ ﺷﻜﺪ ﻣﺘﻐﻴﻴﺮ ﻭﺻﺎﻳﺮ ﺷﻜﻠﻪ ﺭﺟﻮﻟﻲ ﻭﺭﺷﺎﻗﺘﻪ ﺗﺤﻨﻦ ﺍﺣﺘﻤﺎﻝ ﻣﺎﻳﻜﻞ ﻳﻠﻌﺐ ﻫﻮ ﻭﻳﺎﻩ ﺭﻳﺎﺿﻪ ﻭﻣﺴﻮﻳﻠﻪ ﺣﻤﻴﻪ ﻏﺬﺍﺋﻴﺔ ....
ﺑﻌﺪﻫﺎ ﺭﺍﺡ ﺩﺧﻞ ﻏﺮﻓﺘﻪ .. ﻭﺧﺎﺑﺖ ﺍﻣﺎﻟﻲ ﺍﺗﻤﻨﺊ ﺍﺩﺧﻞ ﻏﺮﻓﺘﻪ ﺍﺷﻮﻑ ﺷﻴﺴﻮﻱ ...
ﻣﺮﺍﺕ ﺧﻠﻲ ﺯﻧﻮﺑﻪ ﺗﺘﺠﺴﺲ ﺩﻛﻮﻝ ﻳﺤﺠﻲ ﻭﻳﻪ ﻭﺍﺣﺪ ﺍﺳﻮﻭﻭﺩ ﻋﻴﻮﻧﻪ ﻧﺎﻃﻪ ...
ﺷﻜﻜﻨﻲ ﺑﺮﻭﺣﻲ ﻣﻌﻘﻮﻟﻪ ﻣﺎﻳﻜﻞ ﺑﺲ ﺍﻧﻲ ﻣﺘﺨﻴﻠﺘﻪ ﺍﺑﺮﺵ ﻭﻋﻴﻮﻧﻪ ﺯﺭﻙ ...
ﻻ ﻭﺍﻟﻒ ﻻ ﻣﺎﻳﻜﻞ ﺣﻠﻮ ﻭﻋﻴﻮﻧﻪ ﺧﻀﺮ ﻣﺜﻞ ﺟﺎﻙ ﻫﺬﺍ ﻣﺪﺭﻱ ﻣﻨﻮ ﺍﻟﺰﻧﺠﻲ ...
ﺍﻱ ﺍﺑﻮ ﺍﻟﺰﻧﻮﺝ ﻣﺴﻮﻱ ﻣﺎﻓﻴﺎ ﺑﺎﻣﺮﻳﻜﺎ ﻳﺮﻳﺪ ﻳﻐﺘﺎﻝ ﺍﻭﺑﺎﻣﺎ ﻫﻬﻬﻪ ...
ﻋﻤﻪ ﻛﻌﺪﺕ ﺗﻄﺒﺦ ﻭﺍﻧﻲ ﺍﺷﺘﻐﻞ ﻭﻳﺎﻫﺎ ...
ﻛﻤﻠﻨﻪ ﻏﺪﻩ ﻭﻛﻌﺪﻧﻪ ﻧﺘﻐﺪﻩ ﻫﻮ ﺻﺎﺣﺘﻪ ﺯﻳﻨﺐ ﺻﺮﺕ ﻣﻘﺎﺑﻴﻠﻪ ﻭﺻﺎﻓﻨﻪ ﻋﻠﻴﻪ ﻛﻞ ﺷﻮﻳﻪ ﺍﺧﻄﻒ ﻧﻈﺮﺍﺕ ...
ﻫﻮ ﻭﻻ ﻣﻬﺘﻢ ﺍﻟﻴﻪ ﻋﺒﺎﻟﻚ ﻛﻠﻴﻤﺎﻣﺎ ﺧﺎﺩﻣﺔ ﺯﻟﻴﺨﻪ ...
ﻣﻴﺤﺒﻨﻲ؟ ﺩﻳﺎﻟﻠﻪ ﻋﺴﺎﺱ ﻣﻴﺘﻪ ﻋﻠﻴﻪ ﺧﺎﺏ ﻳﻄﻴﺮ ﺍﻧﻲ ﻣﻴﻬﺰﻧﻲ ﺭﺟﺎﻝ ...
ﺭﺩﻳﺖ ﻋﻠﺊ ﻧﻔﺴﻲ ﻻ ﺑﺎﻟﻘﺮﺍﻥ ﻫﺰﻧﻲ ﻭﻃﻴﺢ ﻛﻞ ﻣﺸﺎﻋﺮﻱ ﻭﺷﺎﻋﺮﻳﺘﻲ ...
ﺍﻧﺘﺒﻬﺖ ﻋﻠﺊ ﻣﺤﻤﺪ ﻛﻠﻪ ... ﺍﺑﺎﺫﺭ ﺍﻧﺖ ﺷﻠﻮﻥ ﺗﻌﺮﻓﺖ ﻋﻠﺊ ﻣﺎﻳﻜﻞ
ﻫﻮ ﺍﺑﺘﺴﻢ ﻛﺎﻝ ﻣﻦ ﺳﺎﻓﺮ ﻭﺍﺳﺘﻘﺮﻳﺖ ﻭﺍﺧﺬﺕ ﺍﻟﺠﻨﺴﻴﻪ ﺍﻧﻜﻮﻧﻲ ﺷﻘﻪ ﻭﺳﻴﺎﺭﻩ ... ﻃﻠﻌﺖ ﺍﺳﻮﻕ ﻭﺳﻘﺖ ﺳﺮﺭﺭﻋﻪ ﻟﺰﻣﻨﻲ ﺍﻟﻤﺮﻭﺭ ﻣﺨﺎﻟﻔﻪ ﻭﺷﻤﺮﻭﻧﻲ ﺑﺴﺠﻦ ...
ﻭﻫﻨﺎﻙ ﺍﺗﻌﺮﻓﺖ ﻋﻠﺊ ﻣﺎﻳﻜﻞ ﺍﻭﻝ ﻣﺎﺷﻔﺘﻪ ﻭﺍﺣﺪ ﻫﺘﻠﻲ ﺩﻓﻌﻨﻲ ﻳﺮﻳﺪ ﺍﺧﺬﻣﻪ ...
ﻋﺎﺩ ﺍﻧﻲ ﺗﺨﺒﻠﺖ ﺿﺮﺑﺘﻪ ﻛﻠﻪ ﺷﻜﻴﺖ ﻛﺼﺘﻪ ﻭﻫﻮ ﻫﺠﻢ ﻋﻠﻴﻪ ﻭﺻﺎﺭﺕ ﻟﻠﺴﺘﺎﺭ ..
ﺍﺟﻪ ﺍﻟﻀﺎﺑﻂ ﻭﺳﺠﻨﻪ ﺍﻧﻔﺮﺍﺩﻱ ﻭﺑﻌﺪﻫﺎ ﻃﻠﻌﻨﻪ ﺳﻮﻭﻩ ...
ﻋﺎﺩ ﻫﻮ ﻣﺮﺍﻗﺒﻨﻲ ﻭﻣﺘﺒﻌﻨﻲ ﻣﺎﺍﺷﻮﻑ ﺍﻟﻪ ﻭﺍﺣﺪ ﻫﺠﻢ ﻋﻠﻴﻪ ﺑﻴﺪﻩ ﺳﺠﻴﻨﻪ ﺗﻼﻭﻳﺖ ﻭﻳﺎﻩ ﻫﻮ ﺍﻟﻜﻠﺐ ﻗﻮﻭﻱ ﺿﺮﺑﻨﻲ ﺑﺴﺠﻴﻴﻦ ﺑﻴﺪﻱ ..
ﻋﻤﺘﻲ ﺻﺎﺣﺖ ... ﻳﻤﻤﻤﻤﻪ ﺍﺳﻢ ﺍﻟﻠﻪ ﻳﻤﻤﻪ ﺩﻫﺮ ﻓﺮ ﻣﺎﻳﻜﻞ ﺑﻌﺎﻓﻴﺘﻪ ﻫﺴﻪ ﺑﺲ ﻻ ﺑﻴﻚ ﺷﺊ ...
ﻫﻮ ﺿﺤﻚ ﻛﻠﻬﺎ ... ﺷﺴﺎﻟﻔﻪ ﻗﺒﻞ ﺍﺭﺑﻊ ﺳﻨﻮﺍﺕ ﻫﻞ ﺣﺠﻲ
ﺍﻧﻲ ﺟﻨﺖ ﻣﺮﻛﺰﺓ ﺑﻜﻼﻣﻪ ﻭﺍﻓﻮﺭ ﻋﻠﺊ ﻣﺎﻳﻜﻞ ﺍﺑﻮ ﺷﻌﻔﺔ ﺍﻟﺼﻔﺮﻩ ﻭﺍﻟﻠﻪ ﻣﻦ ﺍﻟﺰﻣﻪ ﺍﻟﻪ ﺍﺫﺑﺤﻪ ﻓﺪﻩ ﻟﺮﻭﺡ ﺍﺑﺎﺫﺭ
ﻣﺤﻤﺪ ﻛﻠﻪ .. ﺍﻱ ﻛﻤﻞ ﻭﻟﻚ ﺣﻠﻮﻩ ﻫﺎﻱ ﺍﻟﺴﺎﻟﻔﻪ ﺟﻨﻬﺎ ﻓﻠﻢ ﺍﻛﺸﻦ
ﻫﻮ ﻛﺎﻝ .. ﺍﻱ ﻋﺼﺎﺑﺎﺕ ﺧﺎﺻﻪ ﻧﻴﻮﻳﻮﺭﻙ ﻫﻢ ﺍﻟﺰﻧﻮﺝ ﺍﻛﺜﺮ ﺷﺊ ﺑﻴﻬﺎ ...
ﻫﻮ ﺿﺮﺑﻨﻲ ﺍﺷﻮ ﻫﺬﺍ ﺍﺧﺬﻧﻲ ﻭﺭﺍﺡ ﻋﺎﻟﺠﻨﻲ ﺭﻏﻢ ﺣﻤﺎﺭ ﺑﺲ ﻋﻨﺪﻩ ﺍﻧﺴﺎﻧﻴﻪ ﺍﻟﺰﻣﺎﻝ ...
ﺣﺎﻭﻝ ﻳﺘﻘﺮﺏ ﻣﻨﻲ ﻭﺍﻧﻲ ﻛﺬﻟﻚ ﺍﻟﻐﺮﺑﻪ ﺗﻜﺘﻞ ﺻﻌﺒﺒﺒﻪ ﺣﻴﻴﻞ ﻻ ﻭﻃﻦ ﻻ ﺍﺣﺪ ﻭﻳﺎﻙ ﺍﻛﻴﻒ ﻋﻠﺊ ﺍﻱ ﻭﺍﺣﺪ ﻳﺼﺎﺩﻗﻨﻲ ﻛﻴﻔﺖ ﻋﻠﺊ ﻣﺎﻳﻜﻞ ﺻﺎﺭ ﺻﺪﻳﻘﻲ ﺑﻌﺪ ﻣﺠﺎﻥ ﻋﺪﻭﻳﻲ ...
ﻫﺴﻪ ﻫﻮ ﻣﺘﺨﺒﻞ ﻻﻥ ﺍﺟﻴﺖ ﻟﻠﻌﺮﺍﻕ ﻭﻳﻜﻮﻝ ... Promptly return the country
ﻣﺤﻤﺪ ... ﻳﻌﻨﻲ ﺷﻨﻮﻭﻭ
ﺍﺑﺎﺫﺭ ... ﺷﻨﻮ ﻣﺘﺮﺟﻢ ﻋﻨﺪﻙ ﺍﻧﺖ ﺗﺮﺟﻢ ﻟﺮﻭﺣﻚ ..
ﺿﺤﻜﺖ ﻭﺍﻧﺪﻙ ﺍﻟﺒﺎﺏ ﺭﺍﺣﺖ ﺯﻳﻨﺐ ﻓﺘﺤﺘﻪ ... ﺍﻫﻮﻭﻭ ﺍﺟﺖ ﻧﺪﻳﻴﻤﻪ ﻻ ﻫﻼ
ﺳﻠﻤﺖ ﻋﻠﻴﻨﻪ ﻭﻛﻌﺪﺕ ﺗﻌﻠﻒ ﻋﻮﺩ ﻣﺘﻐﺪﻳﻪ ...
ﺍﻧﻲ ﻋﺰﻟﺖ ﺍﻟﻤﻮﺍﻋﻴﻦ ﻭﺭﺣﺖ ﺍﻏﺴﻠﻬﻦ ﻭﻫﻮ ﺭﺍﺡ ﺍﻟﻐﺮﻓﺘﻪ
ﻫﻲ ﻟﺤﻜﺘﻪ ﻭﺩﺧﻠﺖ ﻟﻠﻐﺮﻓﻪ .. ﻣﺘﺖ ﻣﻦ ﺍﻟﻘﻬﺮ ﻣﻦ ﺗﺠﻲ ﺗﻬﺒﻄﻨﻲ ﺍﺧﺎﻑ ﻣﻨﻬﺎ ﺣﻴﻴﻞ ...
ﻣﺮﺓ ﻧﺺ ﺳﺎﻋﻪ ﻭﻃﻠﻌﺖ ﻭﻫﻲ ﺗﺘﻤﻀﺤﻚ ﻭﻫﻮ ﻃﻠﻊ ﻭﻳﺎﻫﺎ ﻛﺎﻟﺖ ... ﻫﺴﻪ ﻏﻴﺮ ﺗﻨﻄﻴﻨﻲ ﻣﻮﻋﺪ ﺧﺒﻠﺘﻨﻲ ﺷﺎﻓﺖ ﺻﻮﺭﺗﻚ ﺗﺨﺒﻠﺖ ...
ﺳﻤﻌﺘﻬﺎ ﻣﻦ ﺍﻟﻤﻄﺒﺦ
ﻫﻮ ﻛﻠﻬﺎ ... ﺍﻟﻠﻪ ﻛﺮﻳﻢ ..
ﺗﺨﺒﻠﺖ ﺗﻤﻨﻴﺖ ﺍﻛﺴﺮ ﺍﻟﻤﻮﺍﻋﻴﻦ ﻛﻠﻬﻢ ...
ﻃﻠﻌﺖ ﻣﺸﺘﻌﻠﺔ ﺻﻔﺤﺔ ﺟﺪﻱ ﺭﺣﺖ ﺍﻟﻐﺮﻓﺘﻲ ﺣﻴﺴﻮﻳﻬﺎ ﺻﺪﻙ ﻭﻳﺘﺰﻭﺝ ...
ﺷﺎﻓﺘﻪ ﻭﺗﺨﺒﻠﺖ ﻟﻴﺶ ﻫﻲ ﻳﺼﺤﻠﻬﺎ ﻫﻴﺞ ﻭﺃﺣﺪ ﻫﻞ ﻣﻬﺘﻠﻔﻪ ﺍﻟﻌﻮﻭﺑﻪ ...
ﺣﺴﻴﺖ ﻧﺎﺭ ﺷﺘﻌﻠﺖ ﺑﺼﺪﺭﻱ .. ﻻ ﻭﺍﻟﻠﻪ ﻣﺎ ﺍﺿﻞ ﺩﻗﻴﻘﻪ ﻭﺣﺪﻩ ﻻﺯﻡ ﺍﺭﻭﺡ ﻟﺒﻴﺖ ﺍﻫﻠﻲ ...
ﺻﺤﺖ .. ﺯﻧﻮﻭﺑﻪ ﺭﻭﺣﻲ ﻟﻌﻤﺞ ﺍﻟﺘﺎﻓﻪ ﻛﻠﻴﻠﻬﺎ ﻧﺮﻭﺡ ﻟﺒﻴﺖ ﺟﺪﻭﻭ ...
ﻫﻲ ﻃﻠﻌﺖ ﻭﺍﻧﻲ ﻃﻠﻌﺖ ﻭﺭﺍﻫﺎ ﻭﺍﻛﻒ ﺩﻳﻐﺴﻞ ﺑﺎﺳﻨﺎﻧﻪ ﻋﻠﺊ ﺍﻟﻤﻐﺴﻠﻪ ﻛﻠﺘﻠﻪ ... ﻋﻤﻮ ﺩﻭﻝ ﺗﻮﺗﻪ ﺩﻭﻝ ﻋﻤﺞ ﺗﺎﻓﻬﻪ ﻧﺮﻭﺡ ﺑﻴﺖ ﺩﺩﻭ .. ‏« ﺑﻴﺖ ﺟﺪﻭ ‏»
ﺍﻧﻲ ﻟﻄﻤﺖ ﻭﺟﻬﻲ ... ﻳﺎﺍﺍ ﺻﺨﺎﻡ ﺍﻟﺼﺨﻤﻨﻲ ﻭﻟﺞ ﻣﻮ ﻫﻴﻴﺞ ﺑﺴﺮﻋﻪ ﺩﺧﻠﺖ ﻟﻠﻤﻄﺒﺦ ﻻ ﻳﺸﻮﻓﻨﻲ
ﻫﻮ ﻛﻠﻬﺎ ... ﻃﺎﺡ ﺣﻀﻬﺎ ﺍﺩﺏ ﺳﺰ ﻛﻠﻬﺎ ﺧﻠﻲ ﺗﺤﻈﺮ ﺭﻭﺣﻬﺎ
ﺭﺟﻊ ﻳﻐﺴﻞ ﺑﻮﺟﻬﻪ ﻭﺍﻧﻲ ﻃﻠﻌﺖ ﺍﺭﻛﺾ ﻫﻲ ﺍﺟﺘﻨﻲ ﻛﺎﻟﺖ .. ﺍﻳﺪﻭﻝ ﻃﺎﺡ ﺣﻀﻬﺎ ﺑﺴﺰ ﺣﺘﺤﻀﺮ ﻧﻔﺴﻬﺎ ..
ﻏﻤﻴﺖ ﺭﻭﺣﻲ ﺍﻣﺪﺍﻧﻲ ﺍﻣﺪﻩ ﺣﻀﻲ ﻻﺻﺘﻬﺎ ﺍﻟﻌﻮﻭﺑﻪ ﺗﻐﺮﺩ ﺍﻡ ﺍﻟﺴﺎﻥ ﻣﻜﺴﻮﺭ ...
ﺣﻀﺮﺕ ﻧﻔﺴﻲ ﺑﺴﺮﻋﻪ ﻭﻟﻠﺒﻨﺎﺕ ﻭﺗﺮﺧﺼﺖ ﻣﻦ ﻋﻤﻪ ﻭﻫﻮ ﺍﺧﺬﻧﻪ ﺑﺲ ﺷﻨﻮ ﺟﺎﻥ ﻋﻴﻮﻧﻪ ﻏﺎﺿﺒﻪ ﻋﻠﻴﻪ ﻭﺍﻧﻲ ﺧﻔﺖ ﻣﻨﻪ ﻭﺍﺳﺘﺤﻴﺖ ...
ﻭﺻﻠﻨﻪ ﻟﻠﺒﻴﺖ ﻭﺩﺧﻠﻨﻪ ﺳﻠﻢ ﻋﻠﺊ ﻋﻤﻮ ﺑﺎﻟﺤﺪﻳﻘﻪ ﺟﺎﻥ ﻳﻜﻮﻝ ﻟﻌﻤﻮ ... ﺟﺒﺘﻠﻜﻢ ﺑﺮﺝ ﺍﻟﻔﻠﻔﻞ ﻭﺍﺭﻳﺪ ﺍﺭﻭﺡ
ﻋﻤﻮ ﺿﺤﻚ ﻛﺎﻝ ... ﺑﻌﺪ ﻭﻛﺖ ﻳﻤﻌﻮﻭﺩ ﻻﺯﻡ ﺻﺎﻳﺮ ﺷﺊ ﻣﺪﺍﻡ ﺑﺮﺝ ﺍﻟﻔﻠﻔﻞ ...
ﻫﻮ ﻛﺎﻝ ... ﺧﻠﻴﻬﺎ ﻋﻠﺊ ﺍﻟﻠﻪ
ﺑﻌﺪﻫﺎ ﻃﻠﻊ ...
ﺍﻧﻲ ﺩﺧﻠﺖ ﺳﻠﻤﺖ ﻋﻠﺊ ﻣﺎﻣﺎ ﻭﻋﻠﺊ ﻣﻴﺲ
ﻛﻌﺪﺕ ﻳﻤﻬﻦ ﻭﺍﻟﺤﺴﺮﻩ ﺑﺼﺪﺭﻱ ﻣﺎﻣﺎ ﻛﺎﻟﺖ ﺑﺨﻮﻑ ... ﺷﺒﻴﺞ ﻳﻤﻪ ﺍﺷﻮ ﻭﺟﻬﺞ ﻣﺎ ﻳﻄﻤﻦ
ﺑﻠﻌﺖ ﺍﻟﻐﺼﻪ ﻭﺳﻜﺘﺖ
ﻣﻴﺲ ...
ﺍﺟﺖ ﺗﺎﺝ ﺳﻠﻤﺖ ﻭﻛﻌﺪﺕ ﻋﺮﻓﺘﻬﺎ ﺑﻴﻬﺎ ﺷﺊ ﻣﻦ ﻭﺟﻬﻬﺎ ﻣﺨﻄﻮﻑ ﻭﺍﻟﺪﻣﻌﻪ ﺗﻼﻟﻲ ﺑﻌﻴﻨﻬﺎ ﻋﺮﻓﺘﻬﺎ ﺗﺮﻳﺪ ﺗﺒﺠﻲ
ﺑﺲ ﻛﺘﻠﻬﺎ ... ﺷﻜﻮﻭ
ﻫﻲ ﺑﺠﺖ ﻭﻏﻄﺖ ﻭﺟﻬﻬﺎ ﺑﻜﻔﻮﻓﻬﺎ ...
ﻣﺎﻣﺎ ﺗﺨﺒﻠﺖ ﻋﻠﻴﻬﺎ ﺣﻀﻨﺘﻬﺎ ﻭﺑﺎﺳﺘﻬﺎ ﻛﻠﺘﻠﻬﺎ .. ﺷﺒﻴﺞ ﻳﻤﻪ ﺍﺣﺠﻴﻠﻲ ﺍﻧﻲ ﺍﻣﺞ ﻣﻮ ﻋﺪﻭﺗﺞ ﺷﻜﻮﻭ ﻓﺪﻭﻩ ﺍﻟﻜﻠﺒﺞ ﺍﺣﺠﻲ ﻻ ﺗﺼﻴﺮﻳﻦ ﻣﺜﻞ ﻫﺒﻪ
ﻫﻲ ﻛﺎﻟﺖ ﺑﺒﻜﺎﺀ ... ﺭﺍﺍﺍﺡ ﻳﺘﺰﻭﺝ
ﻣﺎﻣﺎ ﻣﺴﺤﺖ ﻭﺟﻬﻬﺎ ﻭﺿﻠﺖ ﺗﺴﻮﻟﻒ ﻭﻳﺎﻫﺎ ﻛﺎﻟﺖ ﻫﻴﺞ ﺧﺎﻟﺔ ﻛﺎﻟﺖ ﺍﻟﻴﻪ ﻭﺭﺍﺿﻲ ﻭﻧﺪﻳﻤﻪ ﺣﻴﺰﻭﺟﻮ ﻭﻫﻮ ﻳﻜﻮﻝ ﻋﻠﻴﻪ ﻣﺮﻳﻀﻪ ﻧﻔﺴﻴﻪ ...
ﻣﺎﻣﺎ ﺗﺨﺒﻠﺖ ﺍﺧﺬﺕ ﺍﻟﻤﻮﺑﺎﻳﻞ ﻭﺧﺎﺑﺮﺕ ﻋﻠﺊ ﺧﺎﻟﻪ ﺍﺑﺘﻬﺎﻝ ﻭﺭﺯﻟﺘﻬﺎ
ﻛﻠﺘﻠﻬﺎ ... ﺍﺑﺘﻌﺪﻥ ﻋﻦ ﺑﻨﺎﺗﻲ ﻣﻦ ﻭﺭﺍﺝ ﺗﺎﺝ ﻃﻴﺤﻮ ﺣﻀﻬﺎ ﻭﻣﻴﺲ ﻣﻦ ﻭﺭﻩ ﺩﻋﻴﻪ ﺍﻻﺩﺏ ﺳﺰ ﻋﻤﻬﺎ ﻟﻌﺐ ﺑﻴﻬﺎ ﻟﻌﺐ ﻳﺎﺑﻪ ﻛﻔﻨﺎ ﺷﺮﺟﻦ ﻣﺎ ﻧﺮﻳﺪﺟﻦ ...
ﻭﻛﻌﺪﺕ ﻓﻬﻤﺖ ﺗﺎﺝ ﻣﺘﺎﺧﺬ ﺣﺠﻲ ﺍﻱ ﻭﺍﺣﺪ ...
ﻭﺗﺎﺝ ﺍﻗﺘﻨﻌﺖ ﺑﻌﺪﻳﻦ ﻛﺎﻟﺖ .. ﺑﺲ ﺫﻫﺒﻲ ﻋﻨﺪ ﺧﺎﻟﻪ ﺍﺧﺎﻑ ﺍﻛﻮﻝ ﻟﻤﺎﻣﺎ ﻭﻣﺎﻣﺎ ﺗﺰﻋﻞ ...
ﻛﺘﻠﻪ .. ﻻ ﻣﺘﺰﻋﻞ
ﺑﺲ ﻫﻲ ﺣﺒﺖ ﺗﺎﺟﻞ ﺍﻟﻤﻮﺿﻮﻉ
ﻭﻣﺎﻣﺎ ﻛﻠﺘﻠﻬﺎ ﺍﺧﺎﺑﺮﻩ ﻭﺍﺧﻠﻲ ﻳﻠﻐﻲ ﻓﻜﺮﺓ ﺍﻟﺰﻭﺍﺝ ﻫﻲ ﺣﻠﻔﺖ ﻣﺎﻣﺎ ﺑﺮﻭﺡ ﻫﺒﺔ ﻣﺘﺤﺠﻲ ﻭﻳﺎﻩ ﺑﻬﺬﺍ ﺍﻟﻤﻮﺿﻮﻉ
ﻛﻌﺪﺕ ﺗﺤﺠﻲ ﻋﻦ ﺧﻄﻴﺒﻲ ﻭﺗﺴﺄﻝ ﻋﻨﻪ .. ﻭﺑﻌﺪﻫﺎ ﻛﻌﺪﻧﻪ ﻧﺤﻈﺮ ﻟﺨﻄﺒﺔ ﻫﺸﺎﻡ ﺑﻌﺪ ﻛﻢ ﻳﻮﻡ
ﻭﻓﺮﺣﺎﻧﻴﻦ ﺣﻴﻴﻞ ﺭﻏﻢ ﻫﺸﺎﻡ ﻣﻄﻨﻜﺮ ﻣﺪﺭﻱ ﺷﺒﻲ ..
ﺭﺍﺣﺖ ﺗﺎﺝ ﺑﺎﺳﺖ ﺑﺎﺑﺎ ﺍﻋﺘﺬﺭﺕ ﻣﻨﻪ ﻭﻫﻮ ﺧﻄﻴﻪ ﻣﻘﺼﺮ ﻭﻳﺎﻫﺎ ﻫﻤﺎﺗﻴﻦ ﺣﻀﻨﻬﺎ ﻭﺑﺎﺳﻬﺎ ...
.......................
ﻗﺪﺭ
ﻗﺪﺭ .. ﺍﻟﻴﻮﻡ ﻫﻮ ﻳﻮﻡ ﺧﻄﺒﺘﻲ ﺍﺟﺮﺕ ﻓﺴﺘﺎﻥ ﺍﺣﻤﺮ ﺍﺧﺬﺗﻪ ﻭﺍﺧﺬﺕ ﺗﻮﻟﻴﻦ ﻻﻡ ﻋﺒﺪﺍﻟﻠﻪ ﺍﻟﻤﻴﻜﺐ ﺍﺭﺗﻴﺴﺖ .. ﺣﺠﺰﺕ ﻋﺪﻫﺎ ﻗﺒﻞ ﻳﻮﻡ ..
ﺩﻛﻴﺖ ﺍﻟﺒﺎﺏ ﻓﺘﺤﺘﻪ ﺍﻟﻴﻪ ﻣﺸﻜﻠﺔ ﺍﻟﺪﺷﺪﺍﺷﺔ ﻣﺎﻟﺘﻬﺎ ﻭﺗﻌﻠﺞ ﻛﺎﻧﻬﺎ ﻓﻴﻔﻲ ﻋﺒﺪﻭ ﺑﺎﻟﻄﻮﻝ ﻭﺍﻟﻀﺨﺎﻣﺔ ..
ﻛﺎﻟﺖ ﻫﻼ ﺑﺮﻳﻢ ﺍﻟﻔﻼ ﻫﻼ ﺑﺎﻟﻌﺮﻭﺳﺔ ﺩﺧﻠﻲ ﺣﺒﻴﺒﺔ ﺩﺧﻠﻲ
ﺩﺧﻠﺖ ﺟﻮﺓ ﻭﻫﻴﻪ ﻭﺭﺍﻱ ﺗﻤﺸﻲ ﺗﺴﺤﻞ ﺑﻨﻌﺎﻟﻬﺎ ﺍﺑﻮ ﺍﻻﺻﺒﻊ
ﻛﺎﻟﺖ ﺑﺲ ﺍﻃﺒﺦ ﺍﻟﺘﻤﻦ ﻭﺍﺟﻴﺞ ﺣﺒﻴﺒﺔ ﺍﻃﻠﻌﺞ ﺗﺨﺒﻠﻴﻦ .. ﻭﻟﻮ ﺍﻧﺖ ﺣﻠﻮﺓ ﻣﻨﺎﻗﺼﺞ ﺷﻲ ﺑﺲ ﻳﺮﺍﺩﻟﺞ ﺷﻮﻳﺔ ﺭﺗﻮﺵ ..
ﻫﺰﻳﺖ ﺭﺍﺳﻲ ﻭﺍﺑﺘﺴﻤﺖ ﺍﻟﻬﺎ ... ﻛﺜﻴﺮ ﻛﺬﺍﺑﻪ ﻛﺎﻧﺖ ﺗﺴﻤﻴﻨﻲ ﻋﺼﺎ ﻣﻄﻴﺮﺟﻲ
ﺭﺍﺣﺖ ﻭﺍﺣﻨﺎ ﺑﻘﻴﻨﺎ ﺑﺎﻟﻐﺮﻓﺔ ﺍﻟﻲ ﻫﻴﻪ ﻣﺴﻮﻳﺘﻬﺎ ﺻﺎﻟﻮﻥ
ﺑﻘﻴﺖ ﻛﺎﻋﺪﺓ ﺑﻤﻜﺎﻧﻲ ﺑﺲ ﺗﻮﻟﻴﻦ ﺗﺘﺠﻮﻝ ﺑﺎﻟﺼﺎﻟﻮﻥ
ﺭﺍﺣﺖ ﻳﻢ ﺍﻟﻤﺮﺍﻳﺎﺕ ﻇﻠﺖ ﺗﻠﻌﺐ ﺑﺎﻟﻤﻜﻴﺎﺝ ﺭﺣﺖ ﻋﻠﻴﻬﺎ ﺍﺧﺬﺗﻪ ﻣﻦ ﺍﻳﺪﻫﺎ ﻭﺭﺟﻌﺘﻪ ﻟﻤﻜﺎﻧﻮ ..
ﺣﻜﻴﺖ ﻋﻴﺐ ﺗﻮﻟﻴﻦ ﺷﻲ ﻣﺎ ﺍﻟﻚ ﻻ ﺗﻠﻌﺒﻲ ﺑﻲ ﺍﺑﺪ .
ﻛﺎﻟﺖ ﺷﺒﻴﻚ ﺑﺲ ﺟﺎﻱ ﺍﺑﺎﻭﻉ
ﺑﺎﻭﻋﻲ ﺑﺪﻭﻥ ﻣﺎﺗﻠﺰﻣﻲ ﺯﻳﻴﻦ
ﺩﺍ ﺍﺣﻜﻲ ﻭﻳﺎﻫﺎ ﺍﺟﺖ ﺍﻡ ﻋﺒﺪﺍﻟﻠﻪ
ﻛﻌﺪﺕ ﻉ ﺍﻟﻜﺮﺳﻲ ﻭﻫﻴﻪ ﺑﻠﺸﺖ ﺭﻓﻌﺖ ﺷﻌﺮﻱ ﻭﻣﻜﻴﺠﺖ ﻭﺟﻬﻲ ﺩﺣﻜﺖ ﻟﺮﻭﺣﻲ ﺑﺎﻟﻤﺮﺍﻳﺔ ﻃﻠﻌﺖ ﺍﺟﻨﻨﻦ ﻣﻌﺮﻓﺖ ﻧﻔﺴﻲ ، ﺗﺤﺴﺮﺕ ﺑﺪﺍﺧﻠﻲ ﺍﻧﺎ ﺣﻠﻮﺓ ﻭﻣﻨﺎﻗﺼﻨﻲ ﺷﻲ ﺑﺲ ﻟﻴﺶ ﻫﺬﺍ ﺣﻈﻲ ؟
ﺍﻡ ﻋﺒﺪﺍﻟﻠﻪ ﺷﺒﻴﺞ ﻟﻴﺶ ﺿﺠﺘﻲ ﻣﺎﻋﺠﺒﺞ ﺗﻌﺎﻟﻲ ﺍﻛﻌﺪﻱ ﺍﻏﻴﺮﻩ ﺍﻟﺞ ...
ﺍﺷﺮﺕ ﺍﻟﻬﺎ ﺑﻴﺪﻱ ﻻ ﻻ ﻛﺜﻴﺮ . ﺣﻠﻮ ﻭﺍﻟﻠﻪ
ﺍﻧﻄﻴﺘﻬﺎ ﺍﻟﻤﻘﺴﻮﻡ ﻭﺍﺟﺘﻲ ﻋﻤﻪ ﻋﻠﻴﻪ ﻟﻠﺼﺎﻟﻮﻥ ﻭﺭﺟﻌﺖ ﻟﻠﺒﻴﺖ .. ﻛﻌﺪﻭﻧﻲ ﻭﻇﻠﻴﻨﺎ ﻧﻨﺘﻈﺮ ﺍﻫﻞ ﺍﻟﻌﺮﻳﺲ ﻳﺠﻮﻥ ..
ﻣﺨﻠﻴﻦ ﻉ ﺍﻟﻄﺒﻠﺔ ﺍﻟﻜﺪﺍﻣﻲ ﺻﻴﻨﻴﺔ ﺍﺳﺘﻴﻞ ﻭﺑﻴﻬﺎ ﻛﻴﻜﺔ ﻣﺰﻳﻨﺔ ﻭﻳﻤﻬﺎ ﺷﻤﻮﻉ ﻭﺑﺨﻮﺭ ﺑﺲ ﻳﺪﺧﻦ ﺧﻨﻜﻨﻲ ﺧﻨﻚ .
ﻭﺭﺓ ﺩﻗﺎﻳﻖ ﺍﺟﻮ ﻭﺷﻮﻥ ﻧﺎﺱ ﻣﺒﻴﻨﻴﻦ ﻃﺎﻛﻴﻦ ﻛﻌﺪﺕ ﺑﻴﺒﻴﺘﻪ ﻗﺮﻳﺐ ﻋﻠﻴﻪ
ﻇﻠﺖ ﺗﺒﺎﻭﻉ ﻣﻨﺎ ﻭﻣﻨﺎ ﻭﺗﻌﻮﺝ ﺑﺤﻠﻜﻬﺎ ﻣﻌﺠﺎﺑﻬﺎ ﺍﻟﻌﺠﺐ
ﻛﺎﻟﺖ ﻭﻳﻦ ﺟﺎﻳﺒﻨﻪ ﻣﻌﺘﺼﻢ ﺣﺎﻃﻴﻦ ﺍﻟﻌﺮﻭﺱ ﻭﺍﻟﻨﻀﺪﻩ ﻭﺭﺍﻫﺎ ﺧﻮﺵ ﻣﻨﻈﺮ .. ﻭﻇﻠﺖ ﺗﻔﺮ ﺑﻴﺪﻫﺎ ..
ﺍﻧﻘﻬﺮﺕ ﻭﺩﻧﻜﺖ ﻭﺍﻡ ﻫﺸﺎﻡ ﻇﻠﺖ ﺗﺴﻜﺖ ﺑﻴﻬﺎ
ﺑﺎﻭﻋﺖ ﻟﻠﻄﺒﻠﺔ ﻭﺭﻛﺰﺕ ﺑﻌﻴﻮﻧﻬﺎ ﻉ ﺍﻟﺼﻴﻨﻴﺔ ﺍﻟﺴﺘﻴﻞ ﻭﺍﻟﻜﻴﻜﺔ
ﻛﺎﻟﺖ ﺷﻨﻲ ﻫﺎﻱ ﻣﻮ ﺟﻨﻬﺎ ﺧﻄﺒﻪ ﺟﻨﻬﺎ ﻋﺒﺪ ﻣﻴﻼﺩ ﻣﺎﻝ ﻓﻜﻮﺭ
ﺗﻘﺮﺑﺖ ﻣﻨﻬﺎ ﺑﻨﻴﺔ ﺷﺎﺑﺔ ﺗﻬﻤﺴﻠﻬﺎ ﺑﺎﻥ ﺗﺴﻜﺖ ﺑﺲ ﻫﻴﻪ ﻣﺴﺘﻤﺮﺓ ﺗﺤﺠﻲ ﻭﺗﻘﻠﺪ .. ﻗﻬﺮﺗﻨﻲ ﻭﺣﺰﺕ ﺑﻨﻔﺴﻲ ﺑﺲ ﺷﺴﻮﻱ ..
ﺍﺟﺖ ﻭﺣﺪﺓ ﻣﻨﻬﻦ ﻛﻌﺪﺕ ﻳﻤﻲ
ﻛﺎﻟﺖ ﺍﻧﻲ ﻣﻴﺲ ﺍﺧﺘﻪ ﻟﻬﺸﺎﻡ .. ﺣﻜﻴﺖ ﻫﻼ ﺣﺒﻴﺒﺘﻲ ﻭﺑﻮﺳﺘﻬﺎ . ﺍﺷﺮﺗﻠﻲ ﻋﻠﻰ ﻭﺣﺪﺓ ﻛﺎﻟﺖ ﻫﺎﻱ ﺍﺧﺘﻲ ﺗﺎﺝ ﻫﻢ ﺳﻠﻤﺖ ﻋﻠﻴﻬﺎ ﻭﺑﻮﺳﺘﻬﺎ . ﻇﻠﻦ ﻳﺎﺧﺬ ﻭﻳﺎﻳﻪ ﺻﻮﺭ .. ﺍﻧﺘﺒﻬﺖ ﻋﻠﻰ ﺍﻳﺪﻱ
ﻛﺎﻟﺖ ﺷﺒﻴﺞ ﺗﺮﺟﻔﻴﻦ ؟ ...
ﺍﺣﺘﺎﺭﻳﺖ ﺷﻨﻮ ﺍﺟﺎﻭﺑﻬﺎ ﺍﻧﻔﺮﺟﺖ ﺷﻔﺎﻓﻲ ﺍﺭﻳﺪ ﺍﻧﻄﻖ
ﻭﺻﺎﺣﻮﻧﻲ ﺗﻌﺎﻟﻲ ﻋﻘﺪﻱ ، ﺍﺟﺖ ﻋﻤﻪ ﻟﺒﺴﺘﻨﻲ ﺑﺮﻧﺺ ﻭﻟﻔﻠﻔﺘﻨﻲ ﻭﺍﺧﺬﻭﻧﻲ ﻟﻠﻐﺮﻓﺔ ﺍﻟﺜﺎﻧﻴﺔ ﻣﻜﺪﺭﺕ ﺍﺭﻓﻊ ﺭﺍﺳﻲ ﺑﺲ ﺍﺳﻤﻊ ﺍﺻﻮﺍﺕ ﻣﻦ ﺣﻮﻟﻲ .
ﺻﻮﺕ ﺍﻟﺸﻴﺦ ﺍﻟﻲ ﻳﻌﻘﺪ ﺍﻟﻨﺎ ﺍﻣﺎ ﺻﻮﺕ ﺍﻟﻌﺮﻳﺲ ﺑﺎﻟﻜﺎﺩ ﻳﻨﺴﻤﻊ . ﻛﻠﺖ ﻧﻌﻢ ﺍﻗﺒﻞ ﻭﻭﻳﺎﻫﻪ ﺍﻫﺔ ﻋﺼﻴﺔ ﻭﺗﻨﻬﻴﺪﺓ ﻃﻠﻌﺖ ﻣﻦ ﻗﻠﺐ ﻣﺜﻘﻞ ﺑﺎﻟﻬﻤﻮﻡ .
ﻃﻠﻌﻮﻧﻲ ﺑﻌﺪﻫﺎ ﻭﺭﺟﻌﻮﻧﻲ ﻟﻠﻜﻮﺷﺔ ﻣﺎﻟﺘﻲ ﻭﺍﻟﺤﺠﻴﺔ ﺑﺲ ﻋﻮﺯﻫﺎ ﺑﺲ ﺗﻐﻤﻨﻲ ...
ﻛﺜﻴﺮ ﻣﻐﺮﻭﺭﺓ ﻋﻜﺲ ﺍﻟﺒﻨﺎﺕ ﻭﺍﻣﻬﻢ ﻛﺜﻴﺮ ﺣﺒﺎﺑﺎﺕ ﻭﺍﻧﻌﺠﺒﻮ ﺑﻴﻪ .. ﻭﻓﺮﺣﺎﻧﺎﺕ ...
ﺍﺟﺖ ﻭﺣﺪﻩ ﺻﻐﻴﺮﻩ ﺷﻌﺮﻫﺎ ﻗﺼﻴﺮ ﺣﻜﺖ .. ﺍﻧﺘﻲ ﻣﺸﻔﺘﻲ ﺍﺧﻮﻳﻪ ﺧﻠﻴﻨﻲ ﺍﺷﻮﻓﻪ ﺍﻟﺞ ﺑﺼﻮﺭ
ﻓﺘﺤﺖ ﻣﻮﺑﺎﻳﻠﻬﺎ ﻭﺩﺣﻜﺖ ﺑﺼﻮﺭﻭ ﻛﺎﻥ ﺷﺎﺏ ﺑﻤﻘﺘﺒﻞ ﺍﻟﻌﻤﺮ ﻭﺷﻜﻠﻮ ﻣﻘﺒﻮﻝ
ﺍﺑﺘﺴﻤﺖ ﺑﺨﺠﻞ ﻭﻣﺤﻜﻴﺖ ﺷﺊ ...
ﺑﻌﺪﻫﺎ ﻋﺮﻓﺖ ﻣﻨﻬﻢ ﺍﻥ ﻣﻴﺲ ﺧﻄﻴﺒﺘﻮ ﻟﻤﺴﻠﻢ ﺍﻧﺼﺪﻣﺖ ﻣﺴﺘﺤﻴﻴﻞ ﺷﻨﻮ ﺑﺎﻳﻌﻴﻨﻬﺎ .. ﻭﻳﻤﺘﺊ ﺧﻄﺐ ﻫﻞ ﺧﺎﻳﻦ ﺍﺑﻮ ﻓﺮﺣﺔ ﺍﻟﺰﻫﺮﺓ ...
ﺑﺲ ﺣﻠﻮﺓ ﻣﺎ ﺷﺎﺀ ﺍﻟﻠﻪ ..
ﻫﻮ ﻣﺎﺣﻜﺊ ﺷﺊ ﻭﻻ ﻧﻌﺮﻑ ﺧﺎﻃﺐ ... ﺍﺣﺘﻤﺎﻝ ﻳﺨﺎﻑ ﻣﻦ ﺍﻡ ﻋﺒﺪﺍﻟﻠﻪ ﻭﺍﻟﻠﻪ ﺗﺬﺑﺤﻮ ﻭﺗﺬﺑﺢ ﺍﻟﺨﻠﻔﻮﻭ
ﺧﻠﺼﺖ ﺍﻟﺨﻄﻮﺑﻪ ﻭﻛﻠﻤﻦ ﺭﺍﺡ ﺑﺤﺎﻝ ﺳﺒﻴﻠﻪ ﺍﻧﻄﻮﻧﻲ ﺑﻴﺎﺽ 200 ﺍﻟﻒ ...
ﻛﻨﺖ ﺷﻮﻳﻪ ﻣﻘﺘﻨﻌﻪ ﻣﻮ ﻛﺜﻴﻴﺮ ...
ﺑﺲ ﺍﻟﺤﻤﺪ ﻟﻠﻪ ﺍﺣﺴﻦ ﻣﻦ ﺍﺑﻮ ﻋﺪﻭﻳﻪ ...
........................
ﻣﻴﺲ .
ﺭﺟﻌﻨﻪ ﻟﻠﺒﻴﺖ ﻭﺟﻨﻪ ﺣﻴﻴﻞ ﻓﺮﺣﺎﻧﻴﻦ ﺍﻭﻝ ﻣﺮﻩ ﺗﺼﻴﺮ ﻋﺪﻧﻪ ﺧﻄﺒﻪ ﻣﺎﻟﺖ ﻭﻟﺪ ...
ﻭﺧﻄﻴﻪ ﻫﺸﺎﻡ ﺧﻄﺐ ﻣﺎ ﻣﺼﺪﻛﻴﻦ ﻭﻣﺎ ﺷﺎﺀ ﻟﻠﻪ ﺍﻟﺒﻨﻴﻪ ﺗﺠﻨﻦ ﻋﻴﻮﻧﻬﺎ ﻣﻠﻮﻭﻧﻪ ..
ﻭﺍﻧﻲ ﺍﺣﻠﻒ ﺑﺜﻨﻌﺶ ﻣﻌﺼﻮﻡ ﻟﻮ ﻣﺎ ﺣﺎﻟﺘﻬﻢ ﻓﻘﻴﺮﻩ ﻭﻳﺘﻴﻤﻪ ﻣﺎﻳﻨﻄﻮﻫﺎ ﺍﻟﻬﺸﺎﻡ ...
ﻋﻤﻮ ﺧﺎﺑﺮ .. ﺍﺑﺎﺫﺭ ﻳﺠﻲ ﺑﺲ ﻣﻘﺒﻞ ﻛﺎﻝ ﻋﻨﺪﻩ ﺷﻐﻞ ...
ﺍﺟﺖ ﺗﺎﺝ ﻟﻠﻐﺮﻓﻪ ﺗﻔﺘﺮ ﻭﺗﻄﻚ ﺑﻜﻌﺒﻬﺎ ﻛﺎﻟﺖ ... ﺧﻠﻲ ﺍﺧﺎﺑﺮ ﻣﺤﻤﺪ ﻳﻜﻮﻝ ﻻﺑﺎﺫﺭ ﻳﺎﺧﺬﻧﻪ
ﻛﺘﻠﻬﺎ .. ﻋﻠﻴﻤﻦ ﺧﺎﺑﺮﻱ ﺍﺑﺎﺫﺭ ﻫﻮ ﻳﺠﻲ
ﺭﺩﺕ ﺑﺒﺘﺴﺎﻣﻪ ... ﻻ ﻣﺤﻤﺪ ﺍﺣﺴﻦ ﺣﺘﺊ ﺍﺣﺴﺴﻪ ﺍﻧﻲ ﻣﻤﻬﺘﻤﻪ ﺍﻟﻪ
ﺧﻄﻴﻪ ﺍﺗﺼﻠﺖ ﺑﻤﺤﻤﺪ ﻭﺿﻠﺖ ﺗﺤﺠﻲ ﻭﻳﺎﻩ ﺑﻌﺪﻫﺎ ﺟﻤﺪﺕ ﺑﻤﻜﺎﻧﻬﺎ ﻭﺑﻠﻌﺖ ﺭﻳﻜﻬﺎ ...
ﻭﻛﻔﺖ ﻳﻤﻬﺎ ﻭﺍﺧﺬﺕ ﺍﻟﻤﻮﺑﺎﻳﻞ ﻣﻦ ﺍﻳﺪﻫﺎ ... ﻭﻣﺤﻤﺪ ﻳﺼﻴﻴﺢ ... ﺍﻟﻮﻭ . ﺍﻟﻮﻭﻭﻭ
ﻛﺘﻠﻬﺎ .. ﺷﻜﻮﻭﻭ
ﻋﻀﺖ ﺷﻔﺎﻳﻔﻬﺎ ﻭﺑﺠﺖ ﻛﺎﻟﺖ .....
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ ..
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ .. ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻭﻗﻔ