عرض مشاركة واحدة
قديم 23-12-19, 12:54 AM   #29

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#ﺑﺎﺭﺕ20
ﺭﻭﺍﻳﺔ .. ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ

💔💔💔💔💔💔💔💔💔
ﻣﻦ ﻃﺤﺖ ﻳﻤﻚ ﺣﺰﻳﻦ
ﺍﺳﺘﻐﺮﺑﻴﺘﻚ
ﺛﺎﺭﻱ ﻣﻮ ﻛﻠﻤﻦ ﺗﺤﺒﻪ
ﻳﺼﻴﺮ ﺑﻴﺘﻚ
..............................
ﺿﻠﻴﺖ ﺍﻟﻄﻢ ﻭﺍﺻﺮﺭﺥ ﺯﻧﻮﺑﻪ ﺭﺍﺣﺖ ﻣﻦ ﺑﻴﻴﻦ ﺍﺩﻳﻪ ﺷﻠﺘﻬﺎ ﻭﺭﻛﻀﺖ ﻟﻠﺤﺪﻳﻘﻪ ﺷﻔﺘﻪ ﻭﺍﻛﻒ ﻳﻢ ﻋﻤﻮ ﻭﻣﺤﻤﺪ ﻭﻫﺸﺎﻡ ﺑﺎﻟﻜﺮﺳﻲ ﺍﻟﻤﻘﻌﺪ
ﻫﻤﻪ ﻣﻦ ﺳﻤﻌﻮ ﺻﺮﺍﺧﻲ ﺍﻟﺘﻔﺘﻮ ﻋﻠﻴﻪ
ﻭﻫﻮ ﺍﺟﻪ ﻳﺮﻛﺾ ﻣﻠﻬﻮﻑ ﻭﺧﺎﻳﻒ ﻛﺎﻝ .. ﺷﻜﻮﻭﻭ ﺷﺼﺎﺍﺍﺍﺭ؟
ﺻﺮﺧﺖ ﺑﺨﻮﻭﻑ ... ﺯﻳﻴﻨﺐ ﺯﻳﻴﻴﻨﺐ ﺭﺍﺣﺖ ﻣﻦ ﺍﻳﺪﻱ
ﺟﻨﺖ ﺣﺎﻓﻴﻪ ﻭﻓﺴﺘﺎﻧﻲ ﻣﺸﻠﺘﺢ ﻭﺣﺎﻟﺘﻲ ﺣﺎﻟﻪ
ﺍﺧﺬﻫﺎ ﻣﻦ ﺍﺩﻳﻪ ﻭﻫﻲ ﺗﺘﻤﺎﻭﻉ ﺑﻴﺪﻩ ﻭﻣﻊ ﻛﻞ ﻫﺬﺍ ﻭﺧﻮﻓﻪ ﻋﻠﺊ ﺯﻳﻨﺐ ﺍﻧﺘﺒﻪ ﻋﻠﻴﻪ ﻛﺎﻝ ... ﺭﻭﺣﻲ ﺍﺩﺧﻠﻲ ﺟﻮﻭﻭﻩ
ﺟﺎﻭﺑﺘﻪ ﺑﺒﻜﺎﺀ ﻭﻧﺤﻴﺐ ... ﻣﺎﺍﺍ ﺍﺭﺭﺭﺭﻭﺡ ﻭﻳﺎﻙ ﺯﻳﻨﺐ ﻣﺪﺭﻱ ﺷﺒﻴﻬﺎ
ﻫﻮ ﻟﺰﻣﻬﺎ ﻛﺎﻝ ... ﺑﺎﻟﻠﻪ ﺑﺴﺮﻋﻪ ﺍﻟﺒﺴﻲ ﻭﺗﻌﺎﻟﻲ ﻭﺭﺍﺍﺍﻱ ﺑﺎﻟﺴﻴﺎﺭﻩ ..
ﺭﻛﻀﺖ ﺩﺧﻠﺖ ﺟﻮﻩ ﺷﻔﺖ ﻣﺎﻣﺎ ﻻﺑﺴﻪ ﻋﺒﺎﻳﺘﻬﺎ ﻭﺑﻴﺒﻲ ﻭﺧﺎﻟﻪ ﺩﻋﺎﺀ ﻛﺎﻟﻦ ... ﺷﺒﻴﻬﺎ ﺯﻳﻨﺐ ...
ﺻﺤﺖ ... ﻣﻴﻴﻴﻴﺲ ﺟﻴﺒﻲ ﺻﺎﻳﺘﻲ ﺑﺴﺮﺭﺭﻋﻪ
ﺧﻄﻴﻪ ﻣﻴﺲ ﺳﻮﺕ ﺍﻟﺪﺭﺝ ﺧﻄﻮﺗﻴﻦ ﻟﻮ ﺣﺎﻣﻞ ﻃﻴﺤﺖ ﺍﻟﻄﻔﻞ ﺑﺲ ﺍﻟﺤﻤﺪ ﻟﻠﻪ ﻣﻮ ﺣﺎﻣﻞ ...
ﺟﺎﺑﺖ ﺍﻟﺼﺎﻳﻪ ﻭﺍﻟﺤﺠﺎﺏ ﻟﺒﺴﺘﻬﻦ ﺑﺴﺮﻋﻪ ...
ﻣﺎﻣﺎ ﻋﺮﻓﺖ ﺯﻳﻨﺐ ﺗﺨﺮﺑﻄﺖ ﺭﺍﺩﺕ ﺗﺮﻭﺡ ﻭﻳﺎﻳﻪ ﺩﺧﻞ ﻋﻤﻮ ﻛﺎﻝ ... ﻳﺎﻟﻠﻪ ﺗﺎﺝ ﻋﻤﻮﻭ ﺑﺴﺮﻋﻪ
ﺷﺎﻑ ﻣﺎﻣﺎ ﻣﺤﺼﺮﻩ ﻧﻔﺴﻬﺎ ﻛﻠﻬﺎ ... ﺍﻡ ﻫﺸﺎﻡ ﺍﺭﺟﻌﻲ ﻣﺎﺑﻴﻪ ﺷﺊ ﻭﺍﻟﻠﻪ ﻫﺴﻪ ﻧﺎﺧﺬﻫﺎ ﻟﻠﺪﻛﺘﻮﺭ ﻭﻧﺠﻲ ﺭﻭﺣﻮ ﺍﻧﺘﻢ ﻟﻠﺰﻓﻪ ﻻ ﺗﻜﺴﺮﻭﻥ ﻭﺍﻫﺲ ﻫﺸﺎﻡ
ﻣﺎﻣﺎ ﺟﺎﻭﺑﺖ ﺑﻨﻔﻲ ... ﻳﺎﺍﺍﺍ ﺷﻠﻮﻥ ﻣﺎ ﺍﺭﻭﺡ ﺳﻮﺩﻩ ﻋﻠﻴﻪ ﺑﻴﺒﻲ ﺯﻧﻮﺑﻪ ... ﺍﻧﻮﺏ ﺍﻣﻬﺎ ﺗﻌﺎﺗﺒﻨﻲ ﺍﻛﻠﻬﺎ ﻣﻠﺘﻬﻴﻪ ﺑﻌﺮﺱ ﻫﺸﺎﻡ
ﻫﻮ ﺍﺻﺮ ﻣﺎﻣﺎ ﻣﺘﺮﻭﺡ ﺍﻟﺨﺎﻃﺮ ﻫﺸﺎﻡ ...
ﻣﺎﻣﺎ ﻛﺎﻟﺖ ... ﻟﻌﺪ ﺧﻮﻭﺵ ﺍﺧﺬﻭ ﺩﻋﺎﺀ ..
ﺭﺟﻌﺖ ﺑﺎﻭﻋﺖ ﻋﻠﻴﻬﺎ .. ﺩﻋﺎﻭﻱ ﻛﻞ ﺷﻮﻳﻪ ﺧﺎﺑﺮﻳﻨﻲ ﺧﻮﻭﺵ؟
ﺩﻋﺎﺀ ﻫﺰﺕ ﺭﺍﺳﻬﺎ ... ﺍﻱ ﺍﻱ ﺍﻱ
ﻃﻠﻌﻨﻪ ﻧﺮﻛﺾ ﺍﻣﻜﻴﺠﺎﺕ ﺟﻨﻪ ﺑﻨﺎﺕ ﺯﻛﻴﻪ ﺍﻟﺪﺍﮔﻮﮔﻪ
ﺻﻌﺪﻧﻪ ﺑﺎﻟﺴﻴﺎﺭﻩ ﺟﺎﻥ ﻋﻤﻮ ﻳﺴﻮﻭﻕ ﻭﺍﺑﺎﺫﺭ ﻛﺎﻋﺪ ﺑﺼﺪﺭ ﻭﺣﺎﺿﻦ ﺯﻳﻨﺐ ..
ﻭﻫﻲ ﺗﺤﺠﻲ ﺣﺠﻲ ﻣﻤﻔﻬﻮﻡ ﺑﺲ ﺍﻓﺘﻬﻤﺖ ﻣﻨﻬﺎ ﺑﺰﻭﻭﻧﻪ ﻋﻔﻨﻲ .. ﺗﻌﻀﻬﺎ ﻗﺼﺪﻫﺎ
ﻭﻛﻔﻨﻪ ﺑﺎﻻﺯﺩﺣﺎﻡ ﻭﺍﺑﺎﺫﺭ ﻳﺤﺠﻲ ﻭﻳﺎﻫﺎ ﺑﺲ،ﻫﻲ ﻣﻤﺜﺒﺘﻪ ﻭﻋﻴﻮﻧﻬﺎ ﻣﻔﺘﻮﺣﻪ ...
ﺍﺟﻪ ﺍﺑﻮ ﺍﻟﻐﺰﻝ ﺍﻟﺒﻨﺎﺕ ﻋﻤﻮ ﻣﻌﺘﺼﻢ ﺍﺷﺘﺮﻩ ﻟﺰﻧﻮﺑﻪ ﻏﺰﻝ ﺍﻟﺒﻨﺎﺕ ﻭﺍﻧﻄﺎﻩ ﺍﻟﻬﺎ ...
ﺍﺧﺬﺗﻪ ﺑﺲ ﻫﻲ ﻣﺘﺴﻴﻄﺮ ﻭﻛﻊ ﻣﻦ ﺍﻳﺪﻫﺎ ﻭﺍﻧﻲ ﺗﺨﺒﻠﺖ ﻋﻄﺖ ﺑﺼﻮﺕ ﺧﺎﻳﻒ ... ﻓﺪﻭﻭﻭﻩ ﺍﺑﺎﺫﺭ ﺷﺒﻴﻬﺎ .ﻫﻮ ﺍﺧﺬ ﻏﺰﻝ ﺍﻟﺒﻨﺎﺕ ﻭﻟﺰﻡ ﺍﻳﺪﻫﺎ ﻛﺎﻝ .. ﻻ ﺗﺨﺎﻓﻴﻦ ﻣﺎ ﺑﻴﻬﺎ ﺷﺊ
ﺍﻧﻔﺘﺢ ﺍﻻﺯﺩﺣﺎﻡ ﻭﺳﺎﻕ ﻣﻌﺘﺼﻢ ﺑﺴﺮﻋﻪ ﻭﺻﻠﻨﻪ ﻟﻠﻤﺴﺘﺸﻔﺊ
ﺍﻭﻝ ﻣﺎ ﻭﺻﻠﻨﻪ ﻭﻧﺰﻟﻨﻪ ﺍﺧﺬﻭﻫﺎ ﺑﺎﻟﻄﻮﺍﺭﺉ ﺩﺧﻠﻨﻪ ﻛﻠﻨﺎ ﻭﻳﺎﻫﺎ ﺍﻟﺪﻛﺘﻮﺭ ﺟﺎﻥ ﻳﻮﻛﻔﻬﺎ ﺗﻮﻛﻊ ﻣﺘﺜﺒﺖ ...
ﺍﻧﻲ ﺿﻠﻴﺖ ﺍﺑﺠﻲ ﻭﺍﻟﻄﻢ ﺑﺼﻮﺕ ﻋﺎﻟﻲ ﺍﻟﺪﻛﺘﻮﺭ ﺟﺎﻥ ﺭﺟﺎﻝ ﺷﺎﻳﺐ ﻛﺎﻝ ... ﺷﺒﻴﺞ ﺑﺎﺑﺎ ﻣﺨﺒﻠﻪ ﺍﺧﺬﻱ ﻏﺰﻝ ﺍﻟﺒﻨﺎﺕ ﻭﺍﻃﻠﻌﻲ ﺑﺮﻩ ﺧﻠﻴﻨﻪ ﻧﻔﺘﻬﻢ ﺷﻨﺴﻮﻱ
ﻃﻠﻌﺖ ﺑﺎﻻﻧﺘﻈﺎﺭ ﻭﺍﻧﻲ ﺍﺑﺠﻲ ﻭﺍﻟﺸﻌﺮ ﺑﻨﺎﺕ ﺑﻴﺪﻱ
ﺿﻠﺖ ﺑﺲ ﺩﻋﺎﺀ ﻭﻋﻤﻮ ﻭﺍﺑﺎ ﺫﺭ
ﻛﻌﺪﺕ ﻋﻠﺊ ﺍﻟﻜﺮﺳﻲ ﻭﺍﺿﺮﺏ ﻋﻠﺊ ﺧﺪﻱ ﻭﺍﺑﺠﻲ ﻭﺍﻛﻞ ﻏﺰﻝ ﺑﻨﺎﺕ ... ﻳﻤﻤﻪ ﺯﻳﻨﺐ ﺣﺒﻴﺒﺘﻲ ﺳﻮﺩﻩ ﺑﻮﺟﻬﻲ ... ﻭﺭﺟﻊ ﺍﻛﻞ ﻏﺰﻝ ﻟﺒﻨﺎﺕ ..
ﻭﺍﻟﻄﻢ ﻭﺍﺑﺠﻲ ﻭﺍﺭﺟﻊ ﺍﻛﻞ ...
ﺷﻔﺖ ﺍﻟﺮﺟﺎﻝ ﺍﻟﻤﻨﻀﻒ ﻳﺒﺎﻭﻋﻠﻲ ﻭﻳﺒﺘﺴﻢ ﺍﻧﻘﻬﺮﺕ ﺑﺪﺍﺧﻠﻲ ﺣﻴﻴﻞ .. ﺷﻜﺪ ﻧﺎﺱ ﻣﺎ ﺗﺴﺘﺤﻲ ﺭﺟﺎﻝ ﺷﺎﻳﺐ ﻳﺒﺎﻭﻋﻠﻲ ﻭﻳﺘﻤﻀﺤﻚ ﻋﺎﻳﺶ ﺍﻟﻤﺮﺍﻫﻘﻪ ﺷﻜﺪ ﻋﻴﻴﺐ ﻋﻠﻴﻪ
ﺑﺎﻭﻋﺘﻠﻪ ﺑﺤﻘﺪ ﻛﺘﻠﻪ ... ﺷﺒﻴﻚ ﺣﺠﻲ ﻣﻮ ﻋﻴﺐ ﺗﻀﺤﻚ ﻋﻠﻴﻪ ﺷﻨﻮ ﺍﻧﺖ ﻣﺮﺍﻫﻖ
ﻛﺎﻝ ﺑﻔﺸﻠﻪ ﻭﺿﺤﻜﻪ ... ﻻ ﻋﻤﻲ ﻭﺍﻟﻠﻪ ﻣﻮ ﻗﺼﺪﻱ ﺍﺿﺤﻚ ﻋﻠﻴﺞ ﺑﺲ ﺍﻧﺘﻲ ﺷﻨﻮ ﺗﺒﺠﻴﻦ ﻭﺗﺎﻛﻠﻴﻦ ﺷﻌﺮ ﺑﻨﺎﺕ ...
ﺑﺎﻭﻋﺖ ﻟﻠﻌﻮﺩ ﻣﺎﻟﺖ ﺍﻟﺸﻌﺮ ﺑﻨﺎﺕ ﻟﻜﻴﺖ ﺑﻲ ﺿﺎﻝ ﺷﻮﻳﻪ ﺷﻌﺮ ﺑﻨﺎﺕ ﻭﺍﻧﻲ ﻣﺎﻛﻠﺘﻪ ﻛﻠﻪ ﻭﻣﺎﺍﺩﺭﻱ ﺑﺮﻭﺣﻲ
ﻭﻛﻔﺖ ﻣﻘﻬﻮﺭﺓ ﻭﻓﺘﺤﺖ ﺣﺎﻭﻳﺔ ﺍﻟﺰﺑﻞ ﻭﺷﻤﺮﺕ ﺍﻟﻌﻮﺩ ﻛﺘﻠﻪ .. ﺣﺠﻲ ﺍﻋﺬﺭﻧﻲ ﺑﻨﺘﻲ ﺗﺨﺮﺑﻄﺖ ﻭﻣﺎ ﺍﺩﺭﻱ ﺑﺮﻭﺣﻲ ﻣﻦ ﺍﻟﻬﺒﻄﻪ
ﻫﺰ ﺭﺍﺳﻪ ﻛﺎﻝ .. ﺣﻘﺞ ﻋﻤﻲ ﺣﻘﺞ
ﺷﻔﺘﻬﻢ ﻃﻠﻌﻮ ﻣﻦ ﺍﻟﻐﺮﻓﻪ ﺭﻛﻀﺖ ﻋﻠﻴﻬﻢ ﻟﺰﻣﺘﻪ ﻣﻦ ﺍﻳﺪﻩ ﻣﻠﻬﻮﻭﻓﻪ ﻭﻫﻮ ﺑﺎﻭﻉ ﺍﻻﻳﺪﻱ ﻭﺭﺟﻊ ﺑﺎﻭﻋﻠﻲ ﻛﺘﻠﻪ ... ﻫﺎﺍﺍ ﺷﻴﻜﻮﻝ ﺍﻟﻄﺒﻴﺐ ...
ﻛﺎﻝ ... ﻳﻜﻮﻝ ﺍﻥ ﺷﺎﺀ ﻟﻠﻪ ﻣﺎ ﺑﻴﻬﺎ ﺷﺊ ﻭﺳﺠﻞ ﺍﻟﻬﺎ ﻋﻼﺝ
ﺟﺎﻭﺑﺘﻪ ﺑﺨﻮﻭﻑ .. ﺯﻳﻦ ﺗﻤﺸﻲ؟
ﺟﺮ ﻧﻔﺲ ... ﺍﻥ ﺷﺎﺀ ﻟﻠﻪ ﺗﻤﺸﻲ ﻻ ﺗﺨﺎﻓﻴﻦ
ﺍﺟﻪ ﻧﻔﺴﻪ ﻫﺬﺍ ﺍﻟﺤﺠﻲ ﻛﺎﻝ .. ﺑﻮﻳﻪ ﺷﺒﻴﻬﺎ ﺑﻨﻴﺘﻜﻢ
ﻋﻤﻮ ﻛﻠﻪ .. ﻭﺍﻟﻠﻪ ﺣﺠﻲ ﻓﺠﺎﺓ ﺍﻟﺒﻨﻴﻪ ﻭﻛﻌﺖ ﻭﻣﺘﻤﺸﻲ
ﺍﺧﺬﻫﺎ ﻣﻦ ﺍﻳﺪ ﺍﺑﺎﺫﺭ ﻛﺎﻝ .. ﺑﻮﻳﻪ ﺧﺎﻑ ﻣﺤﺴﻮﺩﻩ
ﺿﻞ ﻣﺮﻛﺰ ﺑﻴﻬﺎ ﻛﺎﻝ ... ﻭﺍﻟﻠﻪ ﻫﺎﻱ ﺍﻟﺒﻨﻴﻪ ﻋﻴﻦ ﻧﻜﺴﻪ ﺻﺎﻳﺒﺘﻬﺎ ﻋﻴﻦ ﻣﺎ ﻣﺼﻠﻴﻪ ﻋﻠﻰ ﺍﻟﻨﺒﻲ ..
ﻭﻻ ﺩﻛﻮﻟﻮﻥ ﻫﺬﺍ ﺍﻟﺤﺠﻲ ﻣﺨﺮﻑ ﻭﻳﺤﺠﻲ ﺑﻜﻴﻔﻬﺎ ﺍﻟﺤﺴﺪ ﻣﺬﻛﻮﺭ ﺑﺎﻟﻘﺮﺍﻥ ... ﻭﺍﻷﺣﺎﺩﻳﺚ ﺍﻟﻨﺒﻮﻳﺔ ﺗﻨﺺ ﻋﻠﺊ ﺍﻟﺤﺴﺪ .. ﻭﻣﺜﻞ ﻣﺎ ﻳﻜﻮﻝ ﺍﻟﻤﺜﻞ ... ﺛﻠﺜﻴﻦ ﺍﻟﻤﻜﺎﺑﺮ ﻣﻦ ﺍﻟﻌﻴﻮﻥ
ﺟﺎﻭﺑﻪ ﺍﺑﺎﺫﺭ ... ﻻ ﺣﺠﻲ ﺣﺸﺎﻙ ﺍﻱ ﺻﺢ ﺍﻟﻌﻴﻮﻥ ﺗﻜﺘﻞ ﻭﺍﻟﻠﻪ
ﻛﺘﻠﻪ ﺑﺒﻜﺎﺀ ... ﺍﻱ ﻭﺍﻟﻠﻪ ﻫﺎﻱ ﺍﻡ ﺭﺍﺿﻲ ﻛﺘﻠﺘﻬﺎ ﻛﺘﻞ ...
ﺍﻟﺤﺤﻲ .. ﻋﻤﻲ ﺗﻤﺸﻮﻥ ﻭﻳﺎﻱ ﺍﻟﺒﻴﺘﻲ ﻗﺮﻳﺐ ﻣﻦ ﺍﻟﻤﺴﺘﺸﻔﺊ ﺍﺳﻮﻳﻠﻬﺎ ﺧﺸﺒﻪ ﺍﺷﺒﺮﻫﺎ ﻋﻠﺊ ﻃﻮﻟﻬﺎ ﻭﺍﻗﺮﻩ ﻋﻠﻴﻬﺎ ...
ﺑﺲ ﺍﺧﺬ ﺍﺟﺎﺯﻩ ﺯﻣﻨﻴﻪ
ﺍﺑﺎ ﺫﺭ ﺑﺎﻭﻉ ﻟﻤﻌﺘﺼﻢ ﻭﻋﻤﻮ ﺟﺎﻭﺑﻪ ... ﻳﺎﻟﻠﻪ ﺍﻣﺸﻴﻨﺎ
ﺻﺪﻙ ﺍﻟﺤﺠﻲ ﺍﺧﺬ ﺍﺟﺎﺯﻩ ﺯﻣﻨﻴﻪ ﻭﺍﺧﺬﻧﺎﻩ ﺑﺴﻴﺎﺭﻩ ﻭﺻﻠﻨﻪ ﻭﺩﺧﻠﻨﻪ ﺍﻟﺒﻴﺘﻪ ﺑﻴﺖ ﺑﺴﻴﻂ ﺑﺲ ﻣﺮﺗﺐ ...
ﺍﺟﺖ ﻣﺮﺗﻪ ﺣﺠﻴﻪ ﻛﻌﺪﺕ ﻭﻳﺎﻧﻪ ﻭﻣﺎﻣﺎ ﻛﻞ ﺷﻮﻳﻪ ﺗﺘﺼﻞ ﻭﺩﻋﺎﺀ ﺗﻄﻤﻨﻬﺎ ...
ﺍﻟﺤﺠﻲ ﺟﺎﻥ ﺧﺸﺒﻪ ﻃﻮﻭﻳﻠﻪ ﻭﻗﺮﻩ ﻋﻠﺊ ﺍﻳﺎﺕ ﻗﺮﺍﻧﻴﺔ ﻭﺳﻮﺭ ﻗﺼﻴﺮﻩ ﻣﻦ ﺍﻟﻘﺮﺁﻥ ﺍﻟﻜﺮﻳﻢ ﻭﺷﺒﺮ ﺑﻲ ﻃﻮﻝ ﺯﻧﻮﺑﻪ ...
ﻭﺑﻌﺪﻫﺎ ﻃﻠﻊ ﺑﺎﻟﺤﻮﺵ ﺣﺮﻛﻬﺎ
ﺭﺟﻊ ﻛﺎﻝ .. ﺍﻥ ﺷﺎﺀ ﻟﻠﻪ ﺗﻨﺤﺮﻙ ﺍﻟﻌﻴﻦ ﺍﻟﺼﺎﺑﺘﻬﺎ ...
ﻛﻌﺪ ﺣﻄﻬﺎ ﺑﺤﻀﻨﻪ ﻭﺿﻞ ﻳﻘﺮﻩ ﻋﻠﻴﻬﺎ ﻭﺍﺣﻨﻪ ﻛﻮﻟﻨﻪ ﻛﺎﻋﺪﻳﻦ ﻭﻋﻤﻮ ﻳﺪﺧﻦ ﺧﻨﻜﻨﻪ ﺧﻨﻚ ...
ﻭﺩﻋﻴﻪ ﺿﺎﺭﺑﻪ ﺍﻟﻤﻜﻴﺎﺝ ﻋﺒﺎﻟﻚ ﺭﺍﻳﺤﻪ ﻟﻠﺼﺎﻟﻮﻥ ﻭﺍﻟﻌﺪﺳﺎﺕ ﻭﺍﻟﺼﺎﻳﻪ ﺣﺼﺮ ﻭﻛﻞ ﺷﻮﻳﻪ ﺑﺎﻭﻋﺖ ﻟﻌﻤﻮ
ﻧﺪﺳﺘﻬﺎ ﺑﻴﺪﻱ ﺑﺎﻭﻋﺘﻠﻲ ﻛﺎﻟﺖ ... ﺷﺒﻴﻴﻚ ﺣﻴﻮﻭﺍﻧﻪ
ﻛﺘﻠﻬﺎ .. ﺷﻜﻮ ﺗﺒﺎﻭﻋﻴﻦ ﻟﻌﻤﻮﻭﻭ
ﻫﻤﺴﺖ ﺑﻘﻬﺮ ... ﺍﺑﺠﻲ ﻧﻌﺎﻻﺕ ﻋﻠﺊ ﻋﻤﺞ ﻭﻟﺞ ﺷﻨﻮﻭ ﻣﻦ ﻋﻢ ﻫﺬﺍ ﻟﻮ ﻋﻤﻲ ﺍﻣﺸﻲ ﻭﺍﺗﻔﻞ ﻋﻠﻴﺞ
ﺍﺑﺘﺴﻤﺖ ﻫﻤﺴﺖ ... ﻃﺎﺡ ﺣﻀﺞ ﻳﺎ ﻋﺎﺭ
ﻭﺍﻟﻠﻪ ﺿﻠﻴﻨﻪ ﻛﺎﻋﺪﻳﻦ ﺷﻮﻳﻴﻪ ﻭﺯﻳﻨﺐ ﺗﺤﺴﻨﺖ ﺿﻠﺖ ﺗﻤﺸﻲ ﺷﻮﻳﻪ ﺷﻮﻳﻪ ﻭﺍﻧﻲ ﺍﺳﻨﺪﻫﺎ ﺑﻌﺪﻫﺎ ﺿﻠﺖ ﺗﻠﻌﺐ
ﻭﺗﻜﻤﺰ ﻋﻠﺊ ﺍﻟﺮﺟﺎﻝ ﻭﺗﺒﻮﺱ ﺑﻲ ﺯﻧﻮﺑﻪ ﺍﻟﻴﻔﻪ ﺑﺴﺮﻋﻪ ﺗﻌﺎﺷﺮ ﻭﺣﺎﺿﻨﺘﻪ ﻭﺍﻟﺮﺟﺎﻝ ﻣﺎﺕ ﻋﻠﻴﻬﺎ ...
ﻋﻤﻮ ﻭﺍﺑﺎﺫﺭ ﺗﺸﻜﺮﻭ ﻣﻦ ﺍﻟﺮﺟﺎﻝ ﻭﺭﺩﻧﻪ ﻧﻄﻠﻊ ﻭﺯﻳﻨﺐ ﻟﻄﺸﺖ ﺑﺮﺟﺎﻝ ﻣﺎ ﺗﻘﺒﻞ ﺗﺮﻭﻭﻭﺡ ﻋﻤﻮ ﻳﺴﺤﺒﻬﺎ ﻭﻫﻲ ﺭﺟﻌﺖ ﺣﻀﻨﺖ ﺍﻟﺮﺟﺎﻝ .... ﻣﺎﺍﺍﺍﺍﺍ ﺍﻋﺒﺒﺒﻪ ﺩﺩﻭ .. ‏« ﺟﺪﻭﻭ ‏»
ﺣﺎﻭﻟﻮ ﻭﻳﺎﻫﺎ ﻣﻘﺒﻠﺖ ﺍﺟﻪ ﺍﺑﺎﺫﺭ ﻛﻠﻬﺎ ... ﺯﻧﻮﺑﻪ ﻋﻤﻮﻭ ﺑﺎﺟﺮ ﺍﺟﻴﺒﺞ ﺍﻟﻴﻮﻡ ﻻﺯﻡ ﻧﺮﻭﺡ ﻟﻠﻌﺮﻭﺳﻪ
ﺿﻠﻴﻨﻪ ﻧﺘﻮﺳﻞ ﻭﻧﺴﻮﻳﻠﻬﺎ ﻣﻐﺮﻳﺎﺕ .. ﻳﺎﻟﻠﻪ ﻗﺒﻠﺖ ﺭﺟﻌﻨﻪ ﻟﻠﺒﻴﺖ ﻭﺯﻳﻨﺐ ﺗﻠﻌﺐ ﺑﻨﺼﻨﺎ ﺍﻧﻲ ﻭﺩﻋﺎﺀ ..بيج قصص عراقيه حقيقيه من واقعنا.روعه الطائي
ﺩﻋﻴﻪ ﺩﺍﻳﺨﻪ ﺑﻌﻤﻮ ﻭﻛﻞ ﺷﻮﻳﻪ ﺗﺒﺎﻭﻋﻠﻪ ...
ﺯﻳﻨﺐ ﺍﺷﺮﺕ ﻋﻠﺊ ﺩﻋﺎﺀ ﻛﺎﻟﺖ ... ﺗﻮﺗﻪ ﻫﺎﻳﻪ ﻣﻨﻴﻪ؟
ﺣﻀﻨﺘﻬﺎ ﻭﺿﺤﻜﺖ ... ﻫﺎﻱ ﺑﻴﺒﻲ ﺩﻋﺎﺀ
ﻫﻲ ﺑﺎﻭﻋﺘﻠﻲ ﻣﺼﺪﻭﻣﻪ ﻭﺿﺮﺑﺘﻨﻲ ﻋﻠﺊ ﺟﺘﻔﻲ ﻛﺎﻟﺖ ... ﻫﻬﻬﻬﻲ ﺷﻨﻮ ﺑﻴﺒﻲ ﺩﻋﺎﺀ
ﻋﻤﻮ ﺑﺎﻭﻉ ﺑﺎﻟﻤﺮﺍﻳﻪ ﻭﺍﺑﺘﺴﻢ
ﻛﺘﻠﻬﺎ ... ﺍﻱ ﻭﺍﻟﻠﻪ ﺷﺒﻴﺞ ﺍﻧﺘﻲ ﺑﻴﺒﻴﺔ ﺯﻧﻮﺑﻪ .. ﻳﻌﻨﻲ ﺍﻧﻲ ﺧﺎﻟﺘﻬﺎ ﻭﺍﻧﺘﻲ ﺧﺎﻟﺘﻲ ﻣﻌﻨﺎﻫﺎ ﺑﻴﺒﻴﺘﻬﺎ ...
ﺯﻳﻨﺐ ﺷﻤﺮﺕ ﺭﻭﺣﻬﺎ ﻋﻠﻴﻬﺎ ... ﺑﻴﺒﻲ
ﻫﻲ ﺩﻓﻌﺘﻬﺎ ﺑﻤﺰﺡ ... ﺍﻣﺸﻲ ﻭﻟﻲ ﻟﺞ ﺍﻧﻮﺏ ﺍﻧﻲ ﺑﻴﺒﻴﺘﻬﺎ
ﺍﺑﺎﺫﺭ ﺩﺍﺭ ﻭﺟﻬﻪ ﻋﻠﺊ ﺯﻳﻨﺐ ﻛﻠﻬﺎ .. ﺑﻌﺪ ﺷﺘﺮﺩﻳﻴﻦ ﺑﻴﺒﺘﺞ ﻭﺧﺎﻟﺘﺞ ﺑﻌﺪﻫﻦ ﺷﺒﺎﺏ ﺭﻭﺣﻲ ﻃﻜﻴﺘﻲ
ﻣﻌﺘﺼﻢ ﺿﺤﻚ ﻛﻠﻪ ... ﻟﻌﺪ ﺷﺒﻲ ﺣﻀﻲ ﺑﻴﺒﺘﻲ ﺣﺘﺊ ﺟﻨﺴﻴﺘﻬﺎ ﺳﻘﻄﺖ ﻛﺎﺗﺒﻴﻦ ﺑﺎﻟﻨﻔﻮﺱ ﻋﺜﻤﺎﻧﻴﺔ ... ﻣﻌﺎﺻﺮﻩ ﺍﻟﺴﻠﻄﺎﻥ ﺳﻠﻴﻤﺎﻥ
ﺍﺑﺎﺫﺭ ﺿﺤﻚ ﻛﻠﻪ ... ﻟﻚ ﺑﺲ ﻻ ﺗﻄﻠﻊ ﺑﻴﺒﺘﻚ ﺍﻟﺴﻠﻄﺎﻧﻪ ﻫﻴﺎﻡ
ﻣﻌﺘﺼﻢ ... ﻫﻬﻬﻬﻬﻬﻪ ﺍﺣﺘﻤﺎﻝ ﻭﺍﻟﻠﻪ
ﺭﺟﻌﺖ ﺩﻋﺎﺀ ﺿﺮﺑﺘﻨﻲ ... ﻃﺎﺡ ﺣﻀﺞ ﺭﺩﺗﺞ ﻋﻮﻥ ﻃﻠﻌﺘﻲ ﻓﺮﻋﻮﻥ ...
ﻭﺻﻠﻨﻪ ﻟﻠﺒﻴﺖ ﻧﺰﻟﻨﻪ ﻣﻦ ﺍﻟﺴﻴﺎﺭﻩ ﻭﺩﺧﻠﻨﻪ ﻟﻠﺤﺪﻳﻘﻪ
ﺟﺎﻧﺖ ﺩﻋﺎﺀ ﺗﻤﺸﻲ ﻭﺗﺒﺎﻭﻉ ﺍﻟﻤﻌﺘﺼﻢ ﻭﺗﻜﺴﺮ ﻧﻈﺮﺗﻬﺎ ﻭﻫﻮ ﺑﺎﻭﻋﻠﻬﺎ ﻳﻤﻜﻦ ﻣﺮﻩ ﻭﺣﺪﻩ ...
ﻣﻦ ﺩﺧﻠﻨﻪ ﻛﺎﻟﺖ ﺑﻔﺮﺡ ... ﺷﻔﺘﻲ ﺷﻠﻮﻥ ﻛﻨﺎﻓﻪ ﻳﺒﺎﻭﻋﻠﻲ ﻳﺎﺍﺍﺍﻱ ﻳﺠﻨﻦ ﺟﻨﻪ ﺍﻟﻜﻨﺎﻓﻪ ﺣﻼﺗﺔ ﺗﺼﻌﺪ ﺍﻟﺴﻜﺮ ...
ﺷﻤﺮﺕ ﺍﻟﺸﺎﻝ ﻭﺣﺮﻛﺖ ﺷﻌﺮﻱ ﺑﻐﺮﻭﺭ ... ﻻ ﺗﻔﻯﺤﻴﻦ ﻧﻈﺮﻩ ﻻ ﺍﺭﺍﺩﻳﻪ ...
ﺑﺎﻭﻋﺘﻠﻲ ﺑﻘﻬﺮ ﻛﺎﻟﺖ ... ﻃﺎﺡ ﺣﺾ ﻋﺸﻴﺮﺗﺞ ﻭﺍﻧﺘﻲ ﻫﻢ ﻣﺎ ﺍﻋﺘﺮﻑ ﺑﻴﺞ ﺍﺑﺎ ﺫﺭ
ﺭﻓﻌﺖ ﺣﻮﺍﺟﺒﻲ ... ﻳﻌﺘﺮﻑ ﺑﻌﺪﻳﻴﻦ
ﺍﻟﺒﻴﺖ ﺟﺎﻥ ﻓﺎﺭﻍ ﻛﻠﻬﻢ ﺭﺍﻳﺤﻴﻦ ﻟﻠﺰﻓﻪ ﻣﺎﻣﺎ ﺧﺎﺑﺮﺕ ﻃﻤﻨﺘﻬﺎ ...
ﺩﻋﺎﺀ ﻛﻌﺪﺕ ﺗﻠﻌﺐ ﻭﻳﻪ ﺯﻧﻮﺑﻪ ﻭﺍﻧﻲ ﺭﺣﺖ ﻟﻠﻤﻄﺒﺦ ﺍﺟﻴﺐ ﻣﻲ
ﺟﻨﺖ ﻧﺎﺯﻋﻪ ﺍﻟﺼﺎﻳﻪ ﺣﺴﻴﺖ ﺍﻛﻮ ﺷﺨﺺ ﻭﺭﺍﻳﻪ ﺩﺭﺕ ﻭﺟﻬﻲ ﺷﻔﺘﻪ ﻭﺍﻛﻒ ﺑﺒﺎﺏ ﺍﻟﻤﻄﺒﺦ ﻭﻣﺘﺮﺟﻲ ﺑﻴﺪﻩ ﻋﻠﺊ ﺍﻟﺒﺎﺏ ﻭﻳﺪﺧﻦ
ﺭﻓﻌﺖ ﺣﺎﺟﺐ ﺑﺘﺴﺎﺅﻝ
ﻧﻔﺦ ﺍﻟﺪﺧﺎﻥ ﻣﻦ ﺍﻧﻔﻪ ﻛﺎﻝ ... ﺷﻨﻮ ﻫﺬﺍ ﻓﺴﺘﺎﻧﺞ ﻣﺘﺴﺘﺤﻴﻴﻦ ﻣﺸﻠﺘﺤﻪ ﺗﺸﻠﺘﺢ ﻟﺞ ﺍﺧﺘﺎﺭﻳﺖ ﺷﻠﻮﻥ ﺍﺿﻤﺞ ﻣﻦ ﻃﻠﻌﺘﻲ ﺑﺮﻩ
ﺩﺭﺕ ﻭﺟﻬﻲ ﻭﻓﺘﺤﺖ ﺍﻟﺜﻼﺟﻪ ... ﻣﻤﻤﻢ ﻭﺷﻨﻮ ﻳﺨﺼﻚ ﻟﻴﻜﻮﻥ ﺗﻐﺎﺭ ﻭﺍﻧﻲ ﻣﺎ ﺍﺩﺭﻱ ... ﻻ ﺗﻨﺴﺊ ﺍﻧﻲ ﻣﺮﺓ ﺍﺧﻮﻭﻭﻙ ﻭﺍﻧﺖ ﻭﻓﻲ ﺍﻻﺧﻮﻙ ﻣﺘﺮﻳﺪ ﺗﺨﻮﻧﻪ ﻣﻮ ﺻﺢ
ﻣﺎ ﺣﺴﻴﺖ ﺍﻟﻪ ﺗﻘﺮﺏ ﻣﻨﻲ ﻭﺳﺤﺒﻨﻲ ﻣﻦ ﻭﺭﻩ ﺿﻬﺮﻱ ﻧﻀﺮﺏ ﺑﺼﺪﺭﻩ ﻭﺍﺩﻳﻪ ﺣﺎﻭﻃﺖ ﺧﺼﺮﻱ ...
ﺣﺴﻴﺖ ﻧﻔﺴﻲ ﻣﺜﻞ ﻗﻄﻌﺖ ﺛﻠﺞ ﻭﺫﺍﺑﺖ ﺑﻌﺪ ﻣﺎ ﻻﻣﺴﻨﻲ ﺍﻧﺼﻬﺎﺭ ﺻﺪﺭﻩ ...
ﺣﺎﻭﻟﺖ ﺍﺧﻠﺺ ﻧﻔﺴﻲ ﻣﻨﻪ ﻭﺍﻧﻲ ﺍﺩﻓﻊ ﺑﻴﺪﻩ ﻭﺍﺣﺎﻭﻝ ﺍﻓﻜﻬﻢ ﻣﻦ ﺧﺼﺮﻱ
ﻫﻤﺲ ﻋﻨﺪ ﺍﺫﻧﻲ ... ﻣﻦ ﺯﻣﺎﺍﺍﺍﺍﺍﺍﺍﺍﻥ ﻭﺍﻧﻲ ﻣﺎ ﻣﺨﻠﻲ ﺣﺎﺍﺟﺰ ﺍﻧﺘﻲ ﺧﻠﻴﺘﻲ ﺣﻮﺍﺟﺰ ﻭﺧﺮﺑﻄﺘﻲ ﻛﻠﺸﻲ ﺍﻧﺘﻲ ﺍﻟﺴﺒﺐ
ﺣﺴﻴﺖ ﺑﻲ ﻧﺒﺖ ﺍﺻﺎﺑﻌﻪ ﺑﺨﺼﺮﻱ ﺑﺨﺒﺚ ﺗﻮﺟﻌﺖ ﺣﻴﻴﻞ ﺩﻓﻌﺘﻪ ﻭﺍﻧﻲ ﺍﻓﺮﻙ ﺑﺨﺼﺮﻱ
ﺟﺎﻭﺑﺘﻪ ﺑﻘﻬﺮ ﻭﺣﻘﺪ ... ﺍﻧﺖ ﻭﺃﺣﺪ ﺍﻧﺎﻧﻲ ﻭﺍﻧﺘﻬﺎﺯﻱ ﻣﺮﺍﺡ ﺍﻋﺎﺗﺐ ﻻﻥ ﻣﺘﺴﺎﻫﻞ ﻭﺍﺫﺍ ﺗﺮﻳﺪ ﺗﻐﺎﺭ ﺭﻭﺡ ﻏﺎﺭ ﻋﻠﺊ ﺍﻧﺘﺼﺎﺭ
ﺍﺑﺘﺴﻢ ﻭﺩﺧﻦ ﺟﻜﺎﺭﺗﻪ ﻛﺎﻝ ... ﻣﻮ ﻏﻴﺮﻩ ﻭﺍﻧﻤﺎ ﺣﻔﺎﻅ ﻋﻠﻴﺞ
ﺿﺤﻜﺖ ﺑﺴﺨﺮﻳﻪ ... ﻭﻭﻭﻭﻭﻱ ﺍﺑﻮ ﺍﻟﻮﻻﻳﺎﺕ ﺻﺎﻳﺮ ﻣﺘﺪﻳﻴﻦ ﺷﺒﻊ ﻣﻦ ﺍﻣﺮﻳﻜﺎ ﻭﺟﺎﻱ ﻳﻄﺒﻖ ﻋﻠﻴﻪ ﺍﺣﻜﺎﻣﻪ
ﺭﻓﻊ ﺣﺎﺟﺐ ... ﻗﺼﺪﺝ ﺟﻨﺖ ﺑﺎﻣﺮﻳﻜﺎ ﺳﺎﻗﻂ ... ﻻ ﺑﻌﺪ ﻋﻤﺞ ﻏﻠﻄﺎﻧﻪ ﺷﻨﻮ ﺭﺑﺞ ﻣﺎ ﻣﻮﺟﻮﺩ ﺑﺲ ﺑﺎﻟﻌﺮﺍﻕ ؟
ﺗﺎﺝ ... ﻭﺍﻟﻠﻪ ﺍﻧﺖ ﺭﺣﺖ ﻻﻣﺮﻳﻜﺎ ﺷﺮﺑﺖ ﻭﻳﺴﻜﻲ ﻧﺴﻴﺖ ﺭﺑﻚ ﺍﺟﻴﺖ ﻟﻠﻌﺮﺍﻕ ﺍﺗﺬﻛﺮﺕ ﻋﻨﺪﻙ ﺭﺏ ﻋﺎﺩ ﻃﺒﻘﺖ ﺍﻟﺸﺮﻉ ﻭﺗﺰﻭﺟﺖ ﺍﺛﻨﻴﻦ ﻣﻮ ﺻﺢ
ﺍﺑﺎﺫﺭ ... ﻣﻮ ﺻﺢ ... ﺗﺮﺉ ﻣﺠﻨﺖ ﻧﺎﻭﻱ ﺍﻧﺘﻲ ﺣﺮﺿﺘﻴﻨﻲ ﺣﺘﺊ ﺍﻧﻬﺰﻣﺘﻲ ﻭﻛﻠﺖ ﻣﻴﺨﺎﻟﻒ ﺍﺑﺪﻱ ﺻﻔﺤﻪ ﺟﺪﻳﺪﻩ ﺑﺲ ﺍﻧﺘﻲ ﻃﻌﻨﺘﻴﻨﻲ
ﺍﻧﺼﺪﻣﺖ ﻛﺘﻠﻪ ... ﺷﺴﻮﻭﻭﻳﺖ ﺍﻧﻲ؟
ﺟﺎﻭﺏ ﺑﻐﻤﻮﺽ ... ﺍﻟﺘﺼﺮﻳﺢ ﺍﻗﻮﺉ ﻣﻦ ﺍﻟﺘﻠﻤﻴﺢ ﻭﺍﻻﺷﺎﺭﻩ ﺍﻗﻮﺉ ﻣﻦ ﺍﻟﻌﺒﺎﺭﻩ ﺗﻌﺮﻓﻴﻦ ﻧﻔﺴﺞ ﺷﻨﻮ ﺳﻮﻳﺘﻲ
ﺗﺮﻛﻨﻲ ﻭﺭﺍﺡ ﻣﺬﻫﻮﻟﻪ ﻭﻣﺼﺪﻭﻣﻪ ﺷﻨﻮ ﺍﻟﺼﺎﺭ ﺍﻧﻲ ﺷﻨﻮ ﺍﻟﺴﻮﻳﺘﻪ ﻣﻌﻘﻮﻟﻪ ﻳﻌﺮﻑ ﺑﻤﺮﺍﺳﻼﺕ ﺧﺎﻟﺘﻲ ﺑﺲ ﺷﻠﻮﻭﻥ ﻋﺮﻑ ..
ﺭﺣﺖ ﻛﻌﺪﺕ ﻳﻢ ﺩﻋﺎﺀ ﺗﺎﺧﺬ ﺻﻮﺭ ﻭﺗﻔﻴﻚ
ﻛﺎﻟﺖ .. ﺧﻴﻴﺮ ﺍﻧﻜﻠﺒﺖ ﺍﻟﺨﻠﻘﻪ ﺷﻜﻮﻭﻭ
ﻫﻤﺴﺖ ... ﺧﺎﻟﺘﻲ ﺍﺑﺘﻬﺎﻝ ﺗﺮﻳﺪﻟﻲ ﺍﻟﺨﻴﺮ ﻟﻮ ﻻ
ﺑﺎﻭﻋﺘﻠﻲ ﻭﺭﺟﻌﺖ ﺗﺎﺧﺬ ﺻﻮﺭ ... ﺍﺑﺘﻬﺎﻝ ﻣﻦ ﻳﻮﻡ ﻳﻮﻣﻬﺎ ﺗﻔﻜﺮ ﺑﺲ ﺑﻨﻔﺴﻬﺎ ﻭﺍﻟﺴﻮﺗﻪ ﻏﻠﻂ ﻭﺯﻳﻦ ﻣﻦ ﺯﻭﺟﺞ ﻣﺎ ﻛﺘﻠﺞ ﻻﻥ ﺳﻮﺍﻳﺘﺞ ﻣﺘﺴﻮﻳﻬﺎ ﺑﺲ ﺍﻟﻌﺮﻣﻪ
ﺩﻓﻌﺘﻬﺎ ... ﺍﻫﻮﻭﻭ ﻏﻴﺮ ﺗﺴﺘﻘﺮ ﺍﻟﻨﺎﺻﺤﻪ ﺍﻟﻤﺆﺩﺑﻪ ﺍﻟﺘﻜﻂ ﺍﺧﻼﻕ
ﻣﺠﺎﻭﺑﺘﻨﻲ ﻭﺿﻠﺖ ﺗﺎﺧﺬ ﺻﻮﺭ
ﻭﺍﻧﻲ ﺷﺘﻌﻠﺖ ﻭﻃﻔﻴﺖ ﻣﻦ ﻛﻼﻣﻪ ﺷﻨﻮ ﺍﻟﻲ ﻭﺻﻞ ﺍﻟﻪ ﺣﺘﺊ ﺗﺰﻭﺝ ﻋﻠﻴﻪ ...
.....................
ﻣﻴﺲ
ﺭﺣﻨﻪ ﺑﺎﻟﺰﻓﻪ ﻭﻛﻞ ﺷﻮﻳﻪ ﻭﻧﺘﺼﻞ ﺑﺘﺎﺝ ﻭﺩﻋﺎﺀ ﻭﻃﻤﻨﻨﻪ
ﻣﺴﻠﻢ ﻫﻮ ﺍﻟﻘﺎﺩ ﺍﻟﻌﺮﺱ ﻋﺎﺩ ﻋﺮﺱ ﻫﺸﺎﻡ ﺻﺎﺭ ﻳﺠﻨﻦ ﻛﻠﻬﻢ ﺟﻤﺎﻋﺔ ﻣﺴﻠﻢ ﻳﺮﻛﺼﻮﻥ ﺫﺑﻮ ﻟﺤﻢ .. ﺑﺎﻟﺮﻛﺺ ...
ﻭﺻﻠﻨﻪ ﻟﻠﺒﻴﺖ ﺍﻟﻌﺮﻭﺱ ﺩﺧﻠﻨﻪ ﻭﻣﺴﻠﻢ ﺩﺧﻞ ﻭﻳﻪ ﻫﺸﺎﻡ ﻻﻥ ﺧﻄﻴﻪ ﻫﻮ ﻳﻜﻌﺪﻩ ...
ﻫﺸﺎﻡ ﺟﺎﻥ ﺍﻟﻜﺮﺳﻲ ﺍﻟﻤﻘﻌﺪ ﺑﻲ ﺟﻬﺎﺯ ﻳﺤﺮﻛﻪ ﻭﻳﻤﺸﻲ ﺑﻲ ﻣﻦ ﻭﺻﻞ ﻣﺴﻠﻢ ﺳﺎﻋﺪﻩ ﻭﻛﻌﺪﻩ ﻋﻠﺊ ﺍﻟﻜﺮﺳﻲ ﺑﺲ ﺍﻟﺤﻠﻮﻭ ﻣﺴﻠﻢ ﻣﺒﺎﻭﻉ ﻟﻠﻨﺴﻮﺍﻥ ﻫﻬﻬﻪ
ﺑﺲ ﺑﺎﻭﻋﻠﻲ .. ﺍﻧﻲ ﻧﺰﻋﺖ ﺍﻟﺸﺎﻝ ﻭﺍﻟﺼﺎﻳﻪ ﺟﻨﺖ ﻻﺑﺴﻪ ﻓﺴﺘﺎﻥ ﺷﻴﻔﻮﻥ ﻣﻦ ﺻﺪﺭﻩ ﺿﻴﻖ ﻣﻦ ﺟﻮﻩ ﻣﻨﻔﻮﻭﺵ ﻟﻮﻧﻪ ﺑﻨﻔﺴﺠﻲ ﺟﺎﺑﺘﻪ ﺧﺎﻟﻪ ﺩﻋﺎﺀ ﺍﻛﻴﺪ ﻣﺸﻠﺘﺢ
ﻣﺴﻠﻢ ﺑﺎﻭﻋﻠﻲ ﻭﻋﺾ ﺷﻔﺘﻪ ﺧﻔﺖ ﻣﻨﻪ ﻣﻮ ﺭﺍﺣﻪ ﻛﺎﻝ ... ﻣﻴﺲ ﺗﻌﺎﻱ ﺍﻛﻠﺞ
ﺭﺣﺖ ﻭﺭﺍﻩ ﻛﺘﻠﻪ ... ﻫﺎﺍﺍﺍ
ﺟﺮﻧﻲ ﻟﻠﻤﻄﺒﺦ ﻛﺎﻝ .. ﺍﻧﻌﻞ ﺍﺑﻮﻭ ﻣﺮﺿﻌﺞ ﻭﻟﺞ ﺷﻄﺎﻟﻌﻪ ﻻ ﺑﺎﻟﻘﺮﺍﻥ ﺍﺣﻠﺊ ﻣﻦ ﺻﻴﻨﻴﺔ ﺍﻟﻘﺎﺳﻢ ﻭﻓﺮﺣﺔ ﺍﻟﺰﻫﺮﻩ
ﺑﺎﻭﻋﺘﻠﻪ ﻭﺭﻓﻌﺖ ﺣﺎﺟﺐ .. ﻋﻔﻴﻪ ﻣﺴﻠﻢ ﺻﺎﻳﺮ ﺗﺴﺐ ﻭﺗﻐﻠﻂ
ﻛﺎﻝ ... ﻻ ﻻ ﻣﻴﻮﺳﺘﻲ ﺑﺎﻟﻘﺮﺍﻥ ﻟﻮ ﻣﺎ ﺍﺑﻮ ﺍﻟﺘﻔﻠﻴﺶ ﺷﺒﻌﺘﺞ ﻣﺴﺒﻪ ﻋﻠﺊ ﻫﻞ ﺧﻠﻘﻪ ...
ﺑﺲ ﻛﺎﻝ ﺗﺘﻌﻠﻢ ﻭﺗﺨﻠﺼﻬﺎ ﺑﻨﺖ ﺍﻟﻨﻌﺎﻝ ﺑﻨﺖ ﺍﻟﻜﻠﺐ ﻧﻌﻠﺔ ﻋﻠﺊ ﺍﺑﻮﺝ ﻭﺗﺎﻟﻲ ﺍﺑﻮﻫﺎ ﻳﻤﻮﺕ ﻭﺗﺤﺘﺎﺭ ﺷﻠﻮﻥ ﺗﺴﺒﻬﺎ ...
ﺭﻓﻌﺖ ﺣﺎﺟﺒﻲ ﺑﺎﺳﺘﻬﺰﺍﺀ .. ﻭﺷﺠﺎﻭﺑﺘﻪ
ﻋﺾ ﺷﻔﺘﻪ ﻛﺎﻝ ... ﺍﻛﻠﻬﺎ ﻧﻌﻠﻪ ﻋﻠﺊ ﺍﻣﺞ
ﻫﺰﻳﺖ ﺍﻳﺪﻱ ﻣﻦ ﺗﻔﺎﻫﺘﻪ ﻭﺩﺍ ﺍﺭﻭﺡ ﺳﺤﺒﻨﻲ ﻣﻦ ﺧﺼﺮﻱ ﻭﻣﺎ ﺣﺴﻴﺖ ﻏﻴﺮ ﺑﺸﻔﺎﻳﻔﻪ ﺍﻗﺘﺤﻤﺖ ﺷﻔﺎﻳﻔﻲ
ﺭﺩﺕ ﺍﺧﻠﺺ ﺭﻭﺣﻲ ﻣﻨﻪ ﻣﻜﺪﺭﺕ ﺩﻓﻌﺘﻪ ﺣﻴﻴﻞ ﻛﺘﻠﻪ ﺑﻌﺼﺒﻴﺔ ... ﺷﺒﻴﻴﻚ ﻣﺘﺴﺘﺤﻲ ﻛﺪﺍﻡ ﺍﻟﻌﺎﻟﻢ
ﺗﻘﺮﺏ ﻣﻨﻲ ﻭﺭﻓﻊ ﻓﺴﺘﺎﻧﻲ ﻭﻣﺴﺢ ﺷﻔﺎﻳﻔﻲ ﻭﺍﻧﻲ ﻋﻄﺖ ﻭﺍﻏﻄﻲ ﺑﻨﻔﺴﻲ
ﻃﻠﻊ ﻭﻫﻮ ﻳﻀﺤﻚ
ﻭﺍﻧﻲ ﺭﺟﻌﺖ ﺍﻫﺰ ﺑﻴﺪﻱ ﺷﻜﺪ ﻣﺎ ﻳﺴﺘﺤﻲ ﻭﺳﺎﻓﻞ ... ﻃﺒﻌﺎ ﻣﺴﻠﻢ ﺳﻨﻪ ﻣﻮ ﻭﺍﻛﻊ ﻣﻜﺴﻮﺭ ﻧﺼﻪ ...
ﺧﺮﺏ ﺍﻟﺤﻤﺮﻩ ﺍﺑﻮ ﻃﺒﺮﻩ ﺍﻟﺴﺎﻗﻂ ...
ﻣﺨﻠﺼﻬﺎ ﺍﻟﻴﻞ ﻛﻠﻪ ﻳﻔﺘﺮ ﺑﺸﺎﺭﻉ ﺍﺳﺎﻟﻪ ﻳﻜﻮﻝ ﺍﺷﺘﻐﻞ ﻳﺮﺟﻊ ﻻ ﻓﻠﺲ ﻭﻻ ﺩﺭﻫﻢ ...
ﻭﻳﺄﺧﺬ ﻓﻠﻮﺱ ﻣﻦ ﻋﻤﺘﻲ ... ﻭﻣﻦ ﻳﺠﻲ ﻳﻔﺘﺢ ﺍﻟﻤﻠﺤﻖ ﻣﺎﻟﺖ ﺍﻟﻜﻨﺘﻮﺭ ﻭﻣﺪﺭﻱ ﺷﻴﻀﻢ ﺑﻲ ﻭﻳﻘﻔﻠﻪ ﻣﺪﺭﻱ ﺍﺷﻚ ﺿﺎﻡ ﻭﺣﺪﻩ ﺑﻲ ﻫﻬﻬﻪ
ﺭﺟﻌﺖ ﻷﺟﻮﺍﺀ ﺍﻟﺤﻨﻪ ﺑﻴﺒﻲ ﻣﻄﻨﻜﺮﻩ ﻣﻌﺎﺟﺒﻬﺎ ﺍﻟﻮﺿﻊ ﻭﺑﺴﺎﻃﺔ ﺍﻟﺒﻴﺖ ...
ﺷﻔﺖ ﻫﺸﺎﻡ ﻛﺎﻋﺪ ﺑﻬﺪﻭﺀ ﻭﺑﺮﻭﺩ ﻭﻳﻠﺒﺲ ﺑﻘﺪﺭ ﺍﻟﺤﻠﻘﻪ ﻭﻫﻲ ﺍﺑﺪ ﻣﺎ ﻧﻔﺮﺕ ﻣﻨﻪ ﺑﺎﻟﻌﻜﺲ ﺍﺣﺴﻬﺎ ﻣﺠﺎﻣﻠﺘﻪ ﻭﻣﺘﻘﺒﻠﻪ ﺍﻟﻮﺿﻊ
ﻟﺒﺴﺘﻪ ﺍﻟﺤﻠﻘﻪ ﻭﻫﻮ ﻟﺒﺴﻬﺎ ﻭﺷﺮﺑﺘﻪ ﻋﺼﻴﺮ ﻭﻫﻮ ﺷﺮﺑﻬﺎ ...
ﻭﺿﻠﻦ ﻳﺪﻛﻦ ﻭﻳﺮﻛﺼﻦ ﻭﺍﻡ ﺭﺍﺿﻲ ﺍﻟﻠﻮﻛﻴﻪ ﺗﺮﻛﺺ ﻭﺗﻬﻮﺱ
ﻭﺩﻛﻮﻝ .. ﻫﻞ ﻛﻀﺖ ﻭﺍﻟﻠﻪ ﮔﻀﺎﻫﺎ ﻭﻋﻨﺪ ﺍﺑﻮ ﺳﺠﻴﺪ ﻋﺸﺎﻫﺎ
ﻋﻮﺩ ﺷﻨﻮ ﺭﺍﺿﻲ ﻫﻮ ﺍﻟﻲ ﻗﺎﺩ ﺍﻟﻌﺮﺱ ﻭﻫﻮ ﺗﻜﻔﻞ ﺑﻌﺮﺱ ﻫﺸﺎﻡ
ﻭﻫﻮ ﺟﺬﺏ ﻋﻤﻮ ﻣﻌﺘﺼﻢ ﺧﻄﻴﻪ ﻛﻮﻭﻟﺸﻲ ﺳﻮﻩ ﻟﻬﺸﺎﻡ ﺣﺘﺊ ﺍﻟﻐﺮﻓﻪ ﻫﻮ ﺍﺷﺘﺮﺍﻫﺎ ﻭﺟﺎﺏ ﺻﺒﺎﻍ ﻭﻣﺤﺘﺎﺭ ﺷﻨﻮ ﻳﺴﻮﻱ
ﺧﻠﺼﺖ ﺍﻟﺤﻨﻪ ﻭﺑﻌﺪﻫﺎ ﻃﻠﻌﻨﻪ ﺍﺟﻪ ﻣﺴﻠﻢ ﺳﺎﻋﺪ ﻫﺸﺎﻡ ﻭﻫﺸﺎﻡ ﺧﻄﻴﻪ ﺗﺸﻜﺮ ﻣﻨﻪ ...
ﺭﺟﻌﻨﻪ ﻟﻠﺒﻴﺖ ... ﻣﺎﻣﺎ ﺭﻏﻢ ﺷﻜﺪ ﺗﺤﺐ ﻫﺸﺎﻡ ﺑﺲ ﺍﺑﺒﺪ ﻣﺎ ﺍﺷﺘﺮﻛﺖ ﺑﺎﻟﺮﻛﺺ ﻭﺍﻟﻬﻮﺳﺎﺕ ﻭﻣﺒﻴﻦ ﺍﻟﻬﻢ ﺗﺎﺭﺱ ﻭﺟﻬﻬﺎ ﻋﻠﺊ ﻫﺒﻪ ...
ﺭﺟﻌﻨﻪ ﻟﻠﺒﻴﺖ ﻟﻜﻴﻨﻪ ﺗﺎﺡ ﻛﺎﻟﺒﻪ ﺍﻟﺨﻠﻘﻪ ﻭﻻﺑﺴﻪ ﺗﺮﺍﻙ ﻭﺻﺎﻓﻨﻪ ﻋﺮﻓﺖ ﺑﻴﻬﺎ ﺷﺊ
ﻭﺩﻋﺎﺀ ﻛﺎﻋﺪﻩ ﺗﺎﺧﺬ ﺻﻮﺭ ﺷﻜﺪ ﺗﺤﺐ ﺍﻟﺼﻮﺭ ...
ﺿﻠﻴﻨﻪ ﻧﺴﻮﻱ ﻋﺸﺎﺀ ﻭﺗﻌﺸﻴﻨﻪ ﺍﻟﻌﺎﻟﻢ ﺗﻌﺸﻮ ﻳﻤﻨﻪ ﻭﺑﺎﺗﻮﻭ
ﺩﺧﻠﺖ ﻟﻠﻐﺮﻓﻪ ﻟﻜﻴﺖ ﺩﻋﺎﺀ ﻻﺑﺴﻪ ﻋﺒﺎﻳﺔ ﺍﻟﺼﻼﻩبيج قصص عراقيه حقيقيه من واقعنا.روعه الطائي
ﺍﻧﺼﺪﻣﺖ ﻛﺘﻠﻬﺎ .. ﺟﺎﻱ ﺗﺼﻠﻴﻦ ﺻﻼﺓ ﺍﻟﻴﻞ ﻻﺍﺍ ﻣﺎ ﺍﺻﺪﻙ ﻳﻮﻡ ﺍﻟﻤﺴﻠﻢ ﻭﻳﺘﻮﺏ ﻣﺜﻞ ﺗﻮﺑﺘﺞ
ﻛﺎﻟﺖ ... ﺍﻱ ﻫﻤﺰﻳﻦ ﺍﺟﻴﺘﻲ ﺗﻌﺎﻟﻲ ﺍﺧﺬﻳﻠﻲ ﺻﻮﺭ ﻭﺍﻧﻲ ﺑﻌﺒﺎﻳﺔ ﺍﻟﺼﻼﻩ
ﺗﺎﺝ .. ﻏﻴﺮ ﺗﺴﺘﻘﺮ ﺍﻟﻤﺆﻣﻨﻪ ﺍﻟﺰﺍﻫﺪﻩ ﺍﻟﻌﺎﺑﺪﻩ
ﻫﻲ ﻋﺎﻓﺘﻬﺎ ﻭﺗﺼﻮﺭ ﻭﻋﺎﻳﺸﻪ ﺍﻟﺪﻭﺭ ...
ﺛﺎﻧﻲ ﻳﻮﻡ ﺻﺎﺭ ﺍﻟﻌﺮﺱ ﻭﺍﻟﺨﺒﺼﻪ ﻣﺎﻟﺖ ﺍﻟﻌﺮﺱ ﻭﻣﺤﺘﺎﺭﻳﻦ ﻛﻞ ﻭﺣﺪﻩ ﺗﻤﻜﻴﺞ ﻭﺗﻠﺒﺲ ...
ﻭﺭﺣﻨﻪ ﻟﻠﺰﻓﻪ ﺟﺎﻧﺖ ﺣﻠﻮﻭﻭﻩ ﺍﻟﺰﻓﻪ
.......
ﻗﺪﺭ
ﺍﺟﻴﺖ ﻣﻦ ﺍﻟﺼﺎﻟﻮﻥ ﺭﺍﺣﺖ ﻭﻳﺎﻳﻪ ﺗﻮﻟﻴﻦ ﺑﺲ ﺧﻠﺼﺘﻬﺎ ﺑﻜﻲ ﻛﻨﺖ ﻛﺜﻴﺮ ﻣﺸﺘﺎﻗﻪ ﻟﻤﺎﻣﺎ ﻭﻛﻨﺖ ﺍﺗﻤﻨﺊ ﻣﺎﻣﺎ ﺗﺤﻈﺮ ﻋﺮﺳﻲ ﻭﺗﻜﻮﻥ ﻭﻳﺎﻳﻪ ﺧﻄﻮﻩ ﺑﺨﻄﻮﺓ ...
ﺑﺲ ﺍﻟﻘﺪﺭ ﺍﻟﻮ ﻛﻠﻤﺘﻮ ﻭﺍﻟﻤﻮﺕ ﺣﻖ ﻭﻫﺴﻪ ﺍﻧﺎ ﺣﻜﻮﻥ ﻋﺮﻭﺱ ﺑﺪﻭﻥ ﺍﻫﻞ ﻻﻥ ﺑﻴﺖ ﻋﻤﻮ ﻣﺎ ﺍﻋﺘﺒﺮﻫﻢ ﺍﻫﻞ ...
ﺍﺟﻪ ﺍﺧﺬﻧﻲ ﺍﺑﻦ ﻋﻤﻮ ﻟﻬﺸﺎﻡ ﺍﺳﻤﻮ ﻣﺤﻤﺪ ﻭﺍﺧﺬﻧﻲ ﻟﺒﻴﺖ ﻋﻤﻮ
ﻃﻨﺖ ﻃﺎﻟﻌﻪ ﻛﺜﻴﺮ ﺣﻠﻮﺓ ...
ﻭﺻﻠﻨﻪ ﻟﻠﺒﻴﺖ ﻭﺻﺎﺭﻭ ﻳﺠﻮ ﺍﻟﻌﺎﻟﻢ ﺣﺘﺊ ﻋﺪﻭﻳﻪ ﻭﺣﻴﺎﺓ ﺍﺟﻮ ﻟﻠﻌﺮﺱ
ﺷﻮﻳﻪ ﻭﺍﺟﺖ ﺍﻟﺰﻓﻪ .. ﻭﺩﺧﻞ ﻫﺸﺎﻡ ﺩﺧﻠﻮ ﺍﺑﻦ ﻋﻤﻮ ﻣﺤﻤﺪ ﻭﺍﻧﺎ ﻟﺒﺴﺖ ﺍﻟﺒﺮﻧﺺ ﺷﻮﻳﻪ ﻭﻃﻠﻌﻨﺎ ﻭﺻﻌﺪﻭ ﺑﺴﻴﺎﺭﺓ ﻛﺎﻥ ﺍﻟﺴﺎﻳﻖ ﻣﻌﺘﺼﻢ ﻋﻢ ﻫﺸﺎﻡ ...
ﺻﺎﺭﺕ ﺍﻟﺰﻓﻪ ﻭﺍﻧﺎ ﻛﻨﺖ ﺍﺑﻜﻲ ﻃﻮﻝ ﺍﻟﻄﺮﻳﻖ ﻭﻫﺸﺎﻡ ﺳﺎﻛﺖ ﻣﺎ ﺣﻜﺊ ﻭﻻ ﻛﻠﻤﻪ ...
ﺑﺲ ﻣﻌﺘﺼﻢ ﺳﻤﻌﺘﻮ ﺣﻜﺊ ... ﻋﻤﻮ ﻫﺸﺎﻡ ﻭﻳﻦ ﺗﺮﻳﺪ ﻟﻠﻔﻨﺪﻕ ﻟﻮ ﻟﻠﺒﻴﺖ
ﻫﺸﺎﻡ ﺟﺎﻭﺑﻮ ... ﻻ ﻋﻤﻮ ﻟﻠﺒﻴﺖ ﺍﺣﺴﻦ
ﻭﻣﺜﻞ ﻣﺎ ﺣﻜﺊ ﺭﺣﻨﻪ ﻟﻠﺒﻴﺖ ﻭﺫﺑﺤﻮ ﺧﺮﻭﻑ ﻛﺒﻴﺮ .. ﻛﺎﻧﺖ ﺗﻮﻟﻴﻦ ﺗﺒﻜﻲ ﻋﻠﻴﻪ ﻛﺜﻴﺮ ﻭﺍﻣﻮ ﻟﻬﺸﺎﻡ ﺗﺴﻜﺖ ﺑﻴﻬﺎ ...
ﻭﺍﻧﺎ ﻣﻦ ﺷﻔﺘﻬﺎ ﺗﺒﻜﻲ ﺑﻜﻴﺖ ﻭﻳﺎﻫﺎ .. ﺍﺟﻦ ﺍﻟﺒﻨﺎﺕ ﺿﻠﻮ ﻳﺴﻜﺘﻮﻥ ﺑﻴﻪ ﻭﻳﻤﺴﺤﻮﻥ ﺩﻣﻮﻋﻲ ...
ﺑﻌﺪﻫﺎ ﺗﻌﺸﻮ ﻭﺭﺍﺣﺖ ﻫﻲ ﻭﻣﺮﺓ ﻋﻤﻲ ﺑﻜﻴﺖ ﻋﻠﻴﻬﺎ ﻭﻛﺴﺮﺕ ﺧﺎﻃﺮﻱ ﻛﺜﻴﺮ ﻫﻲ ﻣﺘﻌﺮﻑ ﺗﻨﺎﻡ ﺍﻟﻪ ﺑﺤﻀﻨﻲ ﻭﺗﺨﺎﻑ ﻛﺜﻴﺮ ...
ﻳﺎﺭﺑﻲ ﻳﺤﻔﻈﻚ ﻳﺎ ﺗﻮﻟﻴﻦ ﻭﻳﺒﻌﺪ ﻋﻨﻚ ﺍﻟﺸﺮ ...
ﺯﻓﻮﻧﻲ ﻟﻐﺮﻓﺘﻲ ﺩﺧﻠﺖ ﻛﺎﻧﺖ ﻛﺜﻴﺮ ﺣﻠﻮﻭﻩ ﻭﺍﻟﻮﺍﻧﻬﺎ ﻣﺘﻨﺎﺳﻘﻪ ﻛﺜﻴﻴﺮ ﻋﺠﺒﺘﻨﻲ ﺑﺲ ﻣﺎﻋﻨﺪﻱ ﻓﺮﺣﺔ ﺍﻟﻌﺮﻭﺱ
ﺷﻮﻳﻪ ﻭﺩﺧﻞ ﻫﺸﺎﻡ ﻭﻛﻔﺖ ﻣﻦ ﺷﻔﺘﻮ ﻫﻮ ﺣﻜﺊ ... ﺍﻛﻌﺪﻱ ﺍﻛﻌﺪﻱ ...
ﻛﻌﺪﺕ ﺣﻜﺊ ... ﻣﺒﺮﻭﻙ ﺍﻥ ﺷﺎﺀ ﻟﻠﻪ
ﻫﻤﺴﺖ .. ﺍﻟﻠﻪ ﻳﺒﺎﺭﻙ ﺑﻴﻚ
ﺿﻠﻴﻨﻪ ﻛﺎﻋﺪﻳﻦ ﻻ ﻫﻮ ﺣﻜﺊ ﻭﻻ ﺍﻧﺎ ...
ﺭﺣﺖ ﺑﺪﻟﺖ ﻫﻮ ﺧﻄﻴﻪ ﺳﺎﻋﺪﻧﻲ ﻭﻓﺘﺢ ﺍﻟﺴﺤﺎﺏ ﺑﺲ ﺍﻧﺎ ﻛﻌﺪﺕ ﻛﻌﺪﻩ ﻻﻥ ﻫﻮ ﻛﺎﻥ ﻛﺎﻋﺪ ﻋﻠﺊ ﺍﻟﻜﺮﺳﻲ ﻭﻓﺘﺢ ﺍﻟﺴﺤﺎﺏ ...
ﻭﺍﻧﺎ ﺳﺎﻋﺪﺗﻮ ﺑﻠﺒﺴﻮ ﻭﺳﺎﻋﺪﺗﻮ ﻳﻜﻌﺪ ﻋﻠﺊ ﺍﻟﺴﺮﻳﺮ
ﺟﺎﺑﻮ ﺍﻟﻌﺸﺊ ﻭﺍﻛﻠﻨﻪ ﺍﻧﺎ ﻭﻳﺎﻩ ﻛﺎﻥ ﻛﺜﻴﻴﻴﺮ ﻫﺎﺩﺉ ﻭﺣﺒﺎﺏ
ﻭﻣﺎﻓﺘﺢ ﺍﻱ ﻣﻮﺿﻮﻉ ...
ﺍﺟﺖ ﺍﺧﺘﻮ ﻣﻴﺲ ﻭﺍﺧﺬﺕ ﺍﻟﺼﻴﻨﻴﻪ ... ﻭﺍﻧﺎ ﺍﻧﻄﻴﺘﻮ ﻛﻨﻠﻜﺲ ﻣﺒﻠﻞ ﺍﻧﻄﻴﺘﻮ ﺍﻟﻮ ﻭﻫﻮ ﻣﺴﺢ ﺑﻲ ﺍﻳﺪﻭ ﻭﺷﻔﺎﻳﻔﻮ ﻭﺍﺧﺬﺗﺔ ﻣﻨﻮ ﺧﻠﻴﺘﻮ ﺑﺴﻠﺔ ﺍﻟﻤﻬﻤﻼﺕ ...
ﻣﺪﺩﺗﻮ ﻋﻠﺊ ﺍﻟﺴﺮﻳﺮ ﻭﻧﻤﺖ ﺑﺼﻔﻮﻭ ﺿﻞ ﻣﺮﻛﺰ ﺑﻮﺟﻬﻲ ﺩﻗﺎﻳﻖ ﻭﺑﻌﺪﻫﺎ ﺧﻠﻪ ﺍﻳﺪﻭ ﻋﻠﺊ ﻋﻴﻮﻧﻮ ﻭﻧﺎﻡ ...
ﻭﺍﻧﺎ ﻧﻤﺖ ﻫﻤﻴﻦ ﻻﻥ ﻛﻨﺖ ﻛﺜﻴﺮ ﺗﻌﺒﺎﻧﻪ ﻭﺑﺎﻟﻲ ﻋﻨﺪ ﺍﺧﻮﺍﻧﻲ ...
..............
ﺧﻠﺺ ﺍﻟﻌﺮﺱ .. ﻭﺭﺟﻌﻨﻪ ﻟﻠﺒﻴﺖ ...
ﻭﺍﻧﺘﺼﺎﺭ ﺣﺎﺩﻩ ﺍﺳﻨﺎﻧﻬﺎ ﻭﺍﺟﺖ ﻣﺮﺓ ﺭﺍﺿﻲ ﻭﻫﻲ ﺩﻛﻮﻟﻬﺎ ﺑﺼﻮﺕ ﻋﺎﻟﻲ ... ﺻﺎﺭﻟﻪ ﻳﻮﻣﻴﻦ ﻛﺎﺗﻞ ﺭﻭﺣﻪ ﻋﻠﻴﻬﻢ ﻭﺍﻧﻲ ﺷﺎﻣﺮﻧﻲ ﻋﻨﺪ ﺍﻫﻠﻲ ...
ﻣﺮﺓ ﺭﺍﺿﻲ ... ﺍﻱ ﺧﻴﻪ ﺣﻈﻮﻅ ﺍﻟﺰﻟﻢ ﺗﺤﺐ ﺍﻟﻨﺴﻮﺍﻥ ﺍﻟﻤﺸﻤﺨﺮﻩ ﻭﺧﺸﻤﻬﻦ ﻳﺎﺑﺲ ...
ﺍﻧﺘﺼﺎﺭ .. ﻭﺍﻟﻠﻪ ﻣﺪﻟﻠﺘﻪ ﺩﻻﻝ ﺑﻮﺱ ﻭﺣﻀﻦ ﻭﻛﻠﺸﻲ ﺣﺎﺿﺮ ﻭﻫﻮ ﻭﻻ ﻳﻤﻪ ...
ﺟﺮﻳﺖ ﻧﻔﺲ ﻭﻋﻔﺘﻬﻦ ﻫﻮ ﻏﻴﺮ ﺍﻟﺨﺎﻃﺮ ﻋﻤﺎﻣﻪ ﺭﺍﺡ ﻟﻠﻌﺮﺱ ﻗﺎﺑﻞ ﺍﻟﺨﺎﻃﺮﻱ ...
ﺷﻮﻳﻪ ﻭﺍﺟﻪ ﻣﻦ ﺩﻭﺍﻣﻪ ﻭﻫﻲ ﺗﻠﻜﺘﻪ ﺑﺬﺍﻙ ﺍﻻﺳﻠﻮﺏ ﺍﻟﺤﻠﻮﻭ ﻭﺑﺎﺳﺘﻪ
ﻭﺍﻧﻲ ﺗﺨﺒﻠﺖ ﺑﺲ ﻣﺠﺎﻱ ﺍﻛﺪﺭ ﺍﺣﺠﻲ ﺷﺊ
ﺻﺒﻴﻨﻪ ﻏﺪﻩ ﻭﻛﻌﺪﻧﻪ ﻧﺎﻛﻞ ﻭﻫﻲ ﻛﺎﻋﺪﻩ ﺑﺼﻔﻪ ﺷﻮﻳﻪ ﻭﺗﻨﻂ ﺑﺤﻀﻨﻪ ...
ﻭﺑﻌﺪﻫﺎ ﺣﻄﺖ ﺍﻳﺪﻫﺎ ﻋﻠﺊ ﺣﻠﻜﻬﺎ ﻭﺭﻛﻀﺖ ﻫﻮ ﺍﺳﺘﻐﺮﺏ ﻭﺍﻧﻲ ﻭﻣﺤﻤﺪ
ﻛﺎﻟﺖ ﻋﻤﺘﻲ .. ﻳﺎﺍﺍ ﺷﺒﻴﻬﺎ؟
ﺍﺑﺎﺫﺭ ... ﺷﻤﺪﺭﻳﻨﻲ
ﻣﺤﻤﺪ .. ﺧﺎﻑ ﺣﺎﻣﻞ ﻛﻠﻬﻦ ﻫﺎﻱ ﺭﻛﻀﺘﻬﻦ ﻣﻦ ﻳﺤﺒﻠﻦ
ﻣﻦ ﻛﺎﻝ ﺣﺎﻣﻞ ﻋﺒﺎﻟﻚ ﻭﺍﺣﺪ ﻭﺿﺮﺑﻨﻲ ﺭﺍﺷﺪﻱ ﺑﺎﻭﻋﺘﻠﻪ ﻭﻫﻮ ﻋﻘﺪ ﺣﻮﺍﺟﺒﻪ ﻭﻧﺰﻝ ﻋﻴﻮﻧﻪ ﻛﺎﻝ ... ﻣﺎ ﺍﻋﺘﻘﺪ
ﻣﺤﻤﺪ .. ﻟﻴﺶ ﻣﺘﻌﺘﻘﺪ ﻟﻴﻜﻮﻥ ﻋﻘﻴﻢ ﻭﺍﻧﻲ ﻣﺎﺍﺩﺭﻱ
ﺍﺑﺎﺫﺭ .. ﺍﻛﻞ ﺗﺒﻦ
ﺍﺟﺖ ﻫﻲ ﺗﻤﺴﺢ ﺑﻮﺟﻬﻬﺎ ﻭﺗﺘﻨﻬﺪ ﻫﻮ ﻛﻠﻬﺎ ... ﺷﺒﻴﺞ؟
ﻛﺎﻟﺖ .. ﻣﺪﺭﻱ ﻟﻌﺒﺖ ﻧﻔﺴﻲ
ﺑﻌﺪﻫﺎ ﺿﻠﺖ ﺗﺎﻛﻞ ﻭﻛﻞ ﺷﻮﻳﻪ ﺍﺧﺬﺕ ﻟﻴﻤﻮﻧﻪ ﻛﺎﻟﺖ ﺟﻨﺖ ﺍﻛﺮﻫﻪ ﻫﺴﻪ ﺍﻣﻮﺕ ﻋﻠﺊ ﺍﻟﻠﻴﻤﻮﻥ ...
ﺍﻧﻲ ﻫﻤﺴﺖ ﻣﻦ ﻳﻤﻲ ﻣﺎ ﺍﺭﻳﺪ ﺍﺻﺪﻙ ﻫﻲ ﺣﺎﻣﻞ ﻛﺘﻠﻬﺎ .. ﺍﻱ ﻫﻢ ﺍﺣﺐ ﺍﻟﻠﻴﻤﻮﻥ ...
ﻫﻲ ﺑﺎﻭﻋﺘﻠﻲ ﻭﺿﺤﻜﺖ ﻭﻧﺰﻟﺖ ﻋﻴﻮﻧﻬﺎ ...
ﻋﺰﻟﺖ ﺍﻟﺴﻔﺮﻩ ﺑﺴﺮﻋﻪ ﻭﺭﺣﺖ ﺳﻮﻳﺖ ﺟﺎﻱ ﻭﺍﻧﻲ ﺍﺭﺟﻒ
ﺍﻛﻮ ﺑﻨﻴﻪ ﻳﻤﻬﻢ ﺍﺳﻤﻬﺎ ﺩﺍﻟﻴﺎ ﺗﺎﺧﺬ ﺧﻴﻴﺮﻩ
ﻟﺒﺴﺖ ﺻﺎﻳﺘﻲ ﻭﺣﺠﻴﺖ ﻭﻳﻪ ﻋﻤﺘﻲ ﻛﺘﻠﻬﺎ ﺍﺭﻭﺡ ﺍﻟﺪﺍﻟﻴﺎ ﻛﺎﻟﺖ ﺭﻭﺣﻲ
ﻟﺒﺴﺖ ﺟﺎﻱ ﺍﻃﻠﻊ ﻫﻮ ﺻﺎﺡ ﻋﻠﻴﻪ ﺑﺼﻮﺕ ﻏﺎﺿﺐ ... ﺗﻌﺎﺍﺍﻱ ﻟﺞ ﻭﻳﻦ ﺭﺍﻳﺤﻪ
ﻛﺘﻠﻪ .. ﺍﺑﺎﺫﺭ ﺍﺭﻳﺪ ﺍﺭﻭﺡ ﺍﻟﺪﺍﻟﻴﺎ ﻋﻨﺪﻱ ﻣﻮﺿﻮﻉ ﻭﻳﺎﻫﺎ
ﻋﺎﻁ ﺑﻮﺟﻬﻲ .. ﺍﻣﺸﻲ ﻭﻟﻲ ﺟﻮﻩ ﻃﺎﺡ ﺣﻀﺞ ﻣﺎﻋﻨﺪﺝ ﺍﺣﺘﺮﺍﻡ ﺑﻜﻴﻔﺞ ﺗﻄﻠﻌﻴﻦ
ﺩﻣﻌﺖ ﻋﻴﻮﻧﻲ ﻭﺭﻛﻀﺖ ﺍﻟﻐﺮﻓﺘﻲ ﺍﺑﺠﻲ
ﻫﻮ ﺷﻮﻳﻪ ﻭﺩﺧﻞ ﻟﻠﻐﺮﻓﻪ ﻛﺎﻝ .. ﻟﺞ ﺷﺒﻴﺞ ﻭﺍﻟﻠﻪ ﻭﺭﻣﺘﻲ ﻛﻠﺒﻲ ﺍﻧﺘﻲ ﻟﻴﺶ ﻣﺴﺘﻬﺎﻧﻪ ﺑﺎﻟﻜﻞ ﻟﻴﺶ ﻣﺪﻛﻠﻴﻠﻲ ﻣﻦ ﺗﺮﺩﻳﻦ ﺗﻄﻠﻌﻴﻦ
ﻣﺤﺠﻴﺖ ﺑﺲ ﻣﺴﺤﺖ ﺩﻣﻮﻋﻲ
ﺟﺮ ﻧﻔﺲ ﻛﺎﻝ .. ﻭﺍﻟﻠﻪ ﻣﺎ ﺍﺣﺐ ﺍﺍﺫﻳﺞ ﻭﻻ ﺍﺣﺐ ﺍﺿﻠﻤﺞ ﺑﺲ ﺍﻧﺘﻲ ﺗﺠﻴﺒﻴﻦ ﺍﻟﻤﺸﺎﻛﻞ ﺍﻟﻨﻔﺴﺞ ...
ﺷﻬﻜﺖ ﻭﻣﺴﺤﺖ ﺩﻣﻮﻋﻲ ﻫﻮ ﻣﻴﻌﺮﻑ ﺍﻟﻲ ﻳﺪﻭﺭ ﺑﺒﺎﻟﻲ ﻭﺷﻨﻮ ﺍﻟﺼﺎﺭ ﺑﻴﻪ ﻣﻦ ﻋﺮﻓﺖ ﺍﻧﺘﺼﺎﺭ ﺣﺎﻣﻞ ...
ﻛﺎﻝ .. ﺣﻀﺮﻱ ﻧﻔﺴﺞ ﻫﺬﺍ ﺍﻻﺳﺒﻮﻉ ﺗﺸﺘﺮﻳﻦ ﻣﻼﺑﺲ ﻭﺗﺪﺍﻭﻣﻴﻦ ﻣﺪﺭﺳﻪ ﻣﻮ ﺍﻧﺘﻲ ﻃﻠﺒﺘﻲ ﺍﻣﻲ ﺗﺤﺠﻲ ﻭﻳﺎﻱ ﻭﺍﻧﻲ ﺭﺣﺖ ﻭﻗﺪﻣﺖ ﺍﻟﺞ ﺷﻔﺘﻲ ﻣﺎﺍﺭﻳﺪ ﺍﺿﻠﻤﺞ
ﺍﻧﺼﺪﻣﺖ ﻭﺍﻓﻖ ﻳﺨﻠﻴﻨﻲ ﺍﺩﺭﺱ ﻭﻣﻘﺪﻡ ﻓﺎﻳﻠﻲ ﺷﺊ ﺣﻠﻮﻭ
ﺳﻜﺘﺖ ﻣﺎﻋﺮﻓﺖ ﺷﻨﻮ ﺍﺣﺠﻲ ﻭﻫﻮ ﺧﻠﻪ ﻭﻃﻠﻊ ..
ﻭﺍﻧﻲ ﺭﺟﻌﺖ ﺍﺑﺠﻲ ﻭﺯﻧﻮﺑﻪ ﺗﻔﺘﺮ ﻋﻠﻴﻪ .. ﻃﻄﺎﺭ ﺷﻤﺮﺕ ﻋﻠﻴﺞ ﺑﺬﻭﻭﻧﻪ .. ﻧﻌﻞ ﺍﺑﻮ ﻃﻄﺎﺭ
ﺣﻀﻨﺘﻬﺎ ﻭﺑﺠﻴﺖ ﻭﺿﺤﻜﺖ ﺑﻨﻔﺲ ﺍﻟﻮﻗﺖ ﻋﻠﺊ ﺗﻌﻠﻴﻘﻬﺎ ...
......................
ﻗﺪﺭ
ﺻﺎﺭ ﺍﻟﺴﺎﻋﻪ ﺑﺜﻨﺘﻴﻦ ﺑﺎﻟﻴﻞ ﻭﺍﺑﻮ ﻃﺒﺮﻩ ﻣﺎﻛﻮﻭ
ﻋﻤﺘﻲ ﺗﺨﺒﻠﺖ ﺗﺘﺼﻞ ﻋﻠﻴﻪ ﻣﻴﻔﺘﺢ ﺧﻂ ﻛﺎﻟﺖ ... ﻭﺍﻟﻠﻪ ﺑﺲ ﻳﺠﻲ ﺍﻟﻪ ﺍﺧﻠﻲ ﻳﻨﺎﻡ ﺑﺎﻟﺤﻮﻭﻭﺵ ﻫﻞ ﺳﺎﻗﻂ ﺍﻟﻬﺘﻠﻲ ﻫﺬﺍبيج قصص عراقيه حقيقيه من واقعنا.روعه الطائي
ﺿﻠﺖ ﺗﺪﺭﺩﻡ ﻭﺗﺤﺠﻲ ﻭﺍﻧﻲ ﻣﺎﻛﻠﻪ ﺗﺒﻦ ﻭﺳﺎﻛﺘﻪ
ﺭﺍﺣﺖ ﻗﻔﻠﺖ ﺍﻟﺒﺎﺏ ﻭﺧﻠﺖ ﺑﺲ ﺍﻟﺒﺎﺏ ﺍﻟﺮﺋﻴﺴﻲ ﻣﻔﺘﻮﺡ
ﻫﻮ ﺷﻮﻳﻪ ﻭﺍﺟﻪ ﺩﻙ ﺍﻟﺒﺎﺏ ﻭﻫﻲ ﻫﺠﻤﺖ .. ﺭﻭﺡ ﻟﻚ ﻋﺎﺭ ﺳﺎﻗﻂ ﺍﺩﺏ ﺳﺰ ﺍﺑﻮ ﺍﻟﻌﺮﻙ ﺑﻴﻚ ﺧﻴﺮ ﺟﺎﺍ ﻟﻔﺎﻙ ﺍﺑﻮﻙ ﺑﺲ ﻣﺎ ﺑﻴﻚ ﺧﻴﻴﺮ
ﻫﻮ ﺗﺨﺒﻞ ﺩﻓﺮ ﺍﻟﺒﺎﺏ ﺣﻴﻴﻞ ﻛﻠﻬﺎ ... ﺍﻧﻲ ﺗﻌﻴﺮﻳﻨﻲ ﺑﻬﺬﺍ ﻫﻮ ﻭﺍﺑﻨﻪ ﺍﻧﻲ ﻭﺍﻟﻠﻪ ﻭﺍﻟﻠﻪ ﺍﻟﻪ ﺍﻧﻌﻞ ﺳﻠﻔﻪ ﺳﻠﻔﺎﻫﻢ ﻭﺍﻟﻠﻪ ﺣﻘﺪﺕ ﻋﻠﻴﺞ ...
ﻫﻲ .. ﺍﻣﺸﻲ ﻟﻚ ﺣﺮﺍﻣﻲ ﻭﻟﻚ ﺣﺘﺊ ﺭﺍﺗﺒﻲ ﺑﺎﻳﻜﻪ
ﻣﺴﻠﻢ ﺑﻌﺼﺒﻴﺔ .. ﻋﺎﻳﺰ ﻋﻠﺊ ﺭﺍﺗﺒﺞ ﻣﺎﻝ ﺭﻋﺎﻳﺔ ﺍﺟﺘﻤﺎﻋﻴﻪ ﺷﻠﻮﻥ ﺭﺍﺗﺐ ﺑﻄﻞ ﻋﺮﻙ ﻣﺎ ﻳﺠﻴﺐ
ﻫﻲ ﺿﻠﺖ ﺗﺪﺭﺩﻡ ﻭﻫﻮ ﻳﺤﺠﻲ ﻭﺗﺎﻟﻲ ﻛﺎﻟﺖ .. ﻭﺍﻟﻠﻪ ﺍﻟﻴﻮﻡ ﺗﻨﺎﻡ ﺑﺎﻟﺤﻮﺵ ﻣﺎ ﺍﻓﺘﺢ ﺍﻟﺒﺎﺏ . ﺭﻭﺡ ﺧﻠﻲ ﻳﻜﺘﻠﻚ ﺍﻟﺒﺮﺩ ﻳﺎ ﺳﺎﻗﻂ
ﻫﻮ ﺿﻞ ﻛﺎﻋﺪ ﻭﺍﻧﻲ ﺍﺑﺎﻭﻋﻠﻪ ﻣﻦ ﺍﻟﺸﺒﺎﻙ ﻳﺪﺧﻦ ﻭﺟﻬﻪ ﻣﻜﻠﻮﺏ
ﺍﺟﺖ ﺍﻣﻪ ﺻﺎﺣﺖ .. ﻣﺴﻠﻢ ﺟﻮﻋﺎﻥ ﻟﻮ ﻻ
ﻫﻮ ﺭﺩ ﺑﺰﻋﻞ .. ﺟﻮﻋﺎﻥ
ﺭﺍﺣﺖ ﺳﻮﺗﻠﻪ ﻟﻔﻪ ﻣﻦ ﺍﻟﻌﺸﺎﺀ ﻭﺣﻤﺖ ﺍﻟﺠﺎﻱ ﻭﺍﻧﻄﺘﻪ
ﺷﻔﺘﻪ ﺍﻛﻠﻬﺎ ﻭﺑﻌﺪﻫﺎ ﺻﺎﺣﺖ .. ﻣﺴﻠﻢ ﺑﺮﺩﺍﻥ
ﻫﺰ ﺭﺍﺳﻪ ﺑﺄﻱ
ﺭﺍﺣﺖ ﺟﺎﺑﺖ ﺩﻭﺷﻚ ﻭﺑﻄﺎﻧﻴﻪ ﻭﻣﺨﺪﻩ ﻓﺘﺤﺖ ﺍﻟﺒﺎﺏ ﻭﺷﻤﺮﺗﻬﻦ ﻋﻠﻴﻪ ﻫﻮ ﻓﺮﺵ ﻭﻧﺎﻡ ﻭﺗﻐﻄﺊ
ﺭﺟﻌﺖ .. ﺍﻛﻠﻚ ﻣﺴﻠﻢ ﻳﻤﻤﻪ ﻋﻄﺸﺎﻥ
ﻛﻠﻬﺎ ﺑﺰﻋﻞ .. ﺍﻱ ﻳﻤﻤﻪ
ﺭﺍﺣﺖ ﺟﺎﺑﺖ ﺑﻄﻞ ﻣﻲ ﻭﺍﻧﻄﺘﻬﺎ
ﻛﺘﻠﻬﺎ .. ﻋﻤﻪ ﺑﻌﺪ ﻋﻠﻴﻤﻦ ﻏﻴﺮ ﻋﻘﻮﺑﻪ ﻫﺎﻱ ﺩﺧﻠﻲ ﻭﺧﻠﻲ ﻳﺎﻛﻞ ﻭﻳﻨﺎﻡ ﺟﻮﻩ ﺍﺫﺍ ﺍﻧﺘﻲ ﻛﻠﺸﻲ ﻣﻮﻓﺮﻩ ﺍﻟﻪ
ﺟﺮﺕ ﻧﻔﺲ ﻭﺭﺍﺣﺖ ﺑﺎﺳﺘﻪ ﺿﻠﻮ ﻳﺴﻮﻟﻔﻮﻥ ﻭﺷﻮﻳﻪ ﻭﺩﺧﻞ ﻟﻒ ﺭﺍﺳﻪ ﻭﻧﺎﻡ
ﺧﺒﻞ ﻳﻮﻡ ﺭﻭﻣﺎﻧﺴﻲ ﻭﺑﺲ ﻫﻮ ﻭﺑﺲ ﻭﻳﻮﻡ ﻣﺨﺒﻞ ﻭﺑﺲ ﻳﻌﺎﺭﻙ ﻭﺭﻭﺣﻪ ﺑﺨﺸﻤﻪ ....
ﻋﺎﺩ ﺍﻧﻲ ﻓﺮﺷﺖ ﺑﺎﻟﻜﺎﻉ ﻭﻧﻤﺖ ﺯﻋﻼﻧﻪ ﻻﻥ ﻋﻤﻪ ﺑﺲ ﺗﺒﺴﻤﺮ ﺩﻛﻮﻝ ﻣﺴﻠﻢ ﻣﺎ ﻳﻤﺪ ﺍﻳﺪﻩ ﻣﻦ ﺗﺰﻭﺝ ﺿﻞ ﻳﺨﻤﻂ ﺑﻴﻪ
ﻋﺎﺩ ﻣﺎ ﺍﻫﺘﻤﻴﺖ ﺍﻟﻬﺎ ﻻﻥ ﻫﻲ ﻛﻠﺒﻬﺎ ﻃﻴﺐ ﻭﺗﺒﺪﻝ ﺑﺲ ﻫﻮﺳﻪ ....
ﺑﺲ ﻣﻠﻴﺖ ﻭﻋﻮﺩ ﺭﺩﺕ ﺍﺑﺪﻱ ﺻﻔﺤﻪ ﺟﺪﻳﺪﻩ ﻭﺍﻧﻄﻲ ﺫﻫﺒﻲ ﻳﻌﺪﻝ ﺍﻟﺒﻴﺖ ﺍﻭ ﻳﺸﺘﺮﻱ ﺳﻴﺎﺭﻩ ﺑﺲ ﻟﻼﺳﻒ ﻣﺎ ﻋﻨﺪﻱ ﺛﻘﻪ ﺑﻲ ....
...................
ﻗﺪﺭ ...
ﺻﺮﺕ ﺍﻛﻌﺪ ﻣﻦ ﺍﻟﺼﺒﺢ ﺍﺑﺎﺷﺮ ﺑﻌﻼﺝ ﻫﺸﺎﻡ
ﺍﻛﺘﺸﻔﺖ ﺷﻐﻠﻪ ﻫﺸﺎﻡ ﻣﺮﻳﺾ ﻧﻔﺴﻲ ﺑﺴﺒﺐ ﺣﺎﻟﺘﻮ ﻣﻦ ﻳﺎﺧﺬ ﻋﻼﺟﻮ ﻳﻜﻮﻥ ﻫﺎﺩﺉ ﻭﺣﺒﺎﺏ
ﻭﻣﻦ ﻳﺘﺮﻙ ﻋﻼﺟﻮﻭ ﻳﺼﻴﺮ ﻣﺠﻨﻮﻥ ﻭﻳﻀﻞ ﻳﺼﻴﺢ ﻭﻳﻐﻠﻂ ﻭﺗﺘﻬﺴﺘﺮ ﺣﺎﻟﺘﻮﻭ
ﺍﻧﺎ ﺻﺮﺕ ﺍﺳﺎﻋﺪﻫﻢ ﺑﺸﻐﻞ ﺍﻟﺒﻴﺖ ﻭﻣﺪﺍﺭﻳﻪ ﻫﺸﺎﻡ
ﺑﺲ ﻫﻮ ﺻﺎﺭ ﻳﺘﺬﻣﺮ ﻣﻨﻲ ﻭﻛﺎﻥ ﻭﺟﻮﺩﻱ ﺳﺎﺀ ﺣﺎﻟﺘﻮ ﺭﻏﻢ ﺍﻧﺎ ﻛﺜﻴﺮ ﺣﺬﺭﻩ ﻭﻳﺎﻩ ﺑﺲ ﻣﺎﺍﻋﺮﻑ ﺷﻨﻮ ﺍﻟﺒﻲ ..
ﺣﺘﺊ ﻣﺮﺍﺕ ﻣﻦ ﻣﺎ ﻳﺎﺧﺬ ﻋﻼﺟﻮ ﻳﻀﻞ ﻳﺴﺐ ﺑﻴﻪ
ﻭﻣﻌﺘﺼﻢ ﻳﻜﻮﻝ .. ﺣﺎﻟﺘﻪ ﺗﻌﺒﺎﻧﻪ ﺍﺻﺒﺮﻱ ﻋﻠﻴﻪ ﺷﻮﻳﻪ
ﻭﻗﺮﺭ ﻳﺎﺧﺬ ﺗﻮﻟﻴﻦ ﻭﺍﺧﺘﻲ ﺍﻻﺭﺑﻴﻞ ﺑﺲ ﻳﻨﺰﻝ ﻧﺰﻟﺘﻮ ﺍﻟﺜﺎﻧﻴﻪ ...
.....................
ﺗﺎﺝ
ﺻﺎﺭ ﺍﺳﺒﻮﻉ ﺍﺩﺍﻭﻡ ﻣﺪﺭﺳﻪ ﻭﻛﻮﻭﻟﺶ ﻓﺮﺣﺎﻧﻪ ﻋﻨﺪﻱ ﺻﺪﻳﻘﻪ ﺻﺎﺭﺕ ﻭﻳﺎﻳﻪ ﺑﻨﻔﺲ ﺍﻟﻤﻨﻄﻘﻪ
ﻣﺎﻣﺎ ﺍﺷﺘﺮﺕ ﺍﻟﻴﻪ ﻣﻼﺑﺲ ﻣﺪﺭﺳﻴﻪ ﻭﺑﺪﻳﺖ ﺍﺩﺍﻭﻡ ﺍﻟﺒﻨﺎﺕ ﺯﻳﻨﺐ ﺍﺧﻠﻴﻬﺎ ﻳﻢ ﻋﻤﻪ ﻭﺯﻫﻮﺭﻩ ﻳﻢ ﻣﺎﻣﺎ
ﻭﻣﺮﺍﺕ ﺍﺧﻠﻴﻬﻦ ﺛﻨﻴﻨﻬﻦ ﻳﻢ ﻣﺎﻣﺎ ﻭﻫﻴﺞ ﻣﻤﺸﻴﻪ ﺍﻟﺤﺎﻝ
ﺻﺮﺕ ﺍﺑﺒﺪ ﻣﺎ ﺍﻟﺘﻘﻲ ﺑﺎﺑﺎﺫﺭ ﻭﻻ ﺣﺘﺊ ﺍﺷﻮﻓﻪ ﻋﻨﺪﻱ ﻫﺪﻑ ﺍﺭﻳﺪ ﺍﺣﻘﻘﻪ ﺍﺭﻳﺪ ﺍﻛﻤﻞ ﺩﺭﺍﺳﻪ ﻭﺍﺛﺒﺖ ﻟﻠﻜﻞ ﺍﻧﻲ ﺍﻟﻲ ﺷﺨﺼﻴﺘﻲ ﻭﻛﻴﺎﻧﻲ
ﺑﺲ ﻫﻮ ﻣﺘﺬﻣﺮ ﺣﻴﻴﻞ ﻣﻦ ﺍﻋﺘﺰﺍﻟﻲ ﻭﺿﻞ ﻳﺤﺠﻲ ﻋﻠﻴﻪ ﻛﺪﺍﻡ ﻋﻤﺘﻲ ﻭﻛﻠﻬﺎ ﻧﺴﺘﻨﻪ ﺑﺲ ﺩﺧﻠﺖ ﻣﺪﺭﺳﻪ ﻣﺘﺨﺒﻞ ﻣﺪﺭﻱ ﺷﺒﻲ ...
ﺑﺲ ﺍﻧﻲ ﻣﻬﺘﻤﻴﺖ ﻟﻜﻼﻣﻪ ﻭﺿﻠﻴﺖ ﻣﺼﺮﻩ ﻋﻠﺊ ﺍﻟﺪﻭﺍﻡ ..
ﻭﺍﻧﺘﺼﺎﺭ ﺑﻌﺪﻫﺎ ﺗﺘﻜﻠﺐ ﻭﺩﻛﻮﻝ ﻳﻤﻜﻦ ﺣﺎﻣﻞ
..................
ﻛﺎﻟﻌﺎﺩﺓ ﻛﺎﻋﺪﻩ ﻋﻠﺊ ﺍﻟﺪﺭﺝ ﺍﻟﻤﺘﻬﺎﻟﻚ ﻭﺍﻧﻲ ﺭﺍﻓﻀﻪ ﺍﻟﻮﺍﻗﻊ ﺍﻟﻤﻠﻐﻮﻡ ﻭﻣﺘﻜﺄﺑﻪ ﺣﻴﻴﻞ ﻣﻌﺎﺟﺒﻨﻲ ﺍﻟﻮﺿﻊ ﺍﺑﺒﺪ ﻣﺎﺍﻛﺪﺭ ﺍﻋﻴﺶ ﺑﻬﻞ ﻗﺮﻑ ﻫﺬﺍ ...
ﻣﺎﺣﺴﻴﺖ ﻏﻴﺮ ﻭﺍﺣﺪ ﻛﻌﺪ ﺑﺼﻔﻲ ﻭﻫﻮ ﻳﻐﻨﻲ ... ﻣﻦ ﺯﻋﻠﻚ ﻣﻦ ﺑﺠﺎﻙ ﻻﻧﻌﻞ ﺍﺑﻮ ﺍﻟﻲ ﺑﺠﺎﻙ ...
ﺑﺎﻭﻋﺖ ﻋﻠﻴﻪ ﻭﺷﻬﻜﺖ ﻣﺴﺤﺖ ﺩﻣﻮﻋﻲ ﺑﺴﺮﻋﻪ ﻭﺩﺭﺕ ﻭﺟﻬﻲ
ﻫﻮ ﺗﻘﺮﺏ ﻣﻨﻲ ﺍﻛﺜﺮ ﻭﺣﻀﻦ ﺧﺼﺮﻱ ﻛﺎﻝ ﺑﺼﻮﺕ ﻣﺎﺋﻞ ﻟﻠﺬﻭﺑﺎﻥ .. ﺷﺒﻲ ﺍﻟﺤﻮﻭﺏ ﻟﻴﺶ ﺷﺎﻳﻞ ﺧﺸﻤﻪ ﻭﻳﺒﺠﻲ ..
ﺷﻬﻜﺖ ﺑﺼﻮﺕ ﻣﺴﻤﻮﻉ ﺟﺎﻭﺑﺘﻪ ﺑﺤﺰﻥ ... ﺿﺎﻳﺠﻪ
ﺟﺮ ﻧﻔﺲ ﺑﻀﻴﻖ ﻭﻛﺎﻝ ... ﻟﻴﺶ ﺍﻧﻲ ﺯﺍﻋﺠﺞ ﺑﺸﻲ ﻣﺴﻮﻳﻠﺞ ﺷﺊ ﺗﺮﺉ ﻭﺍﻟﻠﻪ ﺟﺎﻱ ﺍﺣﺎﻭﻝ ﺍﺳﻌﺪﺝ ﺑﻜﻞ ﺍﻟﻄﺮﻕ ﺑﺲ ﺷﺴﻮﻱ ﺍﺫﺍ ﺍﻧﻲ ﻓﻜﺮ ﻭﻣﻬﺘﻠﻒ ﺍﺻﺒﺮﻱ ﻋﻠﻴﻪ ﺷﻮﻳﻪ ﻭﺍﻥ ﺷﺎﺀ ﻟﻠﻪ ﺗﻨﺤﻞ ...
ﻋﻀﻴﺖ ﺷﻔﺎﻳﻔﻲ ﺑﺠﺰﻉ ﻭﻫﻤﺴﺖ .. ﻛﻨﺖ ﺍﺣﻠﻢ ﺍﺗﺰﻭﺝ ﺍﻧﺴﺎﻥ ﻳﺴﻌﺪﻧﻲ ﺩﺍﺭﺱ ﻭﻣﺘﻮﺿﻒ ﻭﺑﻴﺘﻪ ﺣﻠﻮﻭ ﻭﺍﻫﻠﻪ ﻧﺎﺱ ﺷﻴﻮﺥ ﻟﻜﻦ ﻟﻼﺳﻒ ﺍﺣﻼﻣﻲ ﻛﻠﻬﺎ ﺗﺤﻄﻤﺖ ...
ﻫﻮ ﺳﻜﺖ ﻭﺑﻌﺪﻫﺎ ﻛﺎﻝ ... ﻣﺎﺍﻋﺮﻑ ﺷﻨﻮ ﺍﺭﺩ ﻋﻠﻴﺞ ﺑﺲ ﻳﺎ ﺣﻮﺑﻲ ﺍﻛﻮ ﻧﺎﺱ ﺯﻧﺎﻛﻴﻞ ﻭﻧﺰﻟﻮ ﺍﺳﻔﻞ ﺍﻟﺴﺎﻓﻠﻴﻦ ﻭﺍﻛﻮ ﻓﻘﺮﻩ ﻭﺍﻟﻠﻪ ﺭﺯﻗﻬﻢ ﺍﻟﺪﻧﻴﺎ ﺩﻭﺍﺭﻩ ... ﻭﺑﻌﺪﻳﻦ ﺷﻠﺞ ﺑﺎﻟﺪﺍﺭﺱ ﻭﺍﻟﻤﻮﺿﻒ ﺍﻛﺜﺮﻫﻢ ﺑﻴﻬﻢ ﺣﺎﻟﺔ ﻧﻔﺴﻴﺔ ﻭﻣﺮﺽ ﺍﻟﺘﻮﺣﺪ ﻭﻧﻀﺮﻫﻢ ﺿﻌﻴﻒ
ﺟﺎﻭﺑﺘﻪ ﺑﻘﻬﺮ .. ﺭﺟﺎﺀﺍ ﻣﺴﻠﻢ ﻻ ﺗﺘﺨﺬ ﺩﻭﺭ ﺍﻟﻤﺴﻜﻴﻦ ﺗﺮﺉ ﻛﻮﻟﺶ ﻣﻤﻼﺋﻤﻚ ﺍﻟﺪﻭﺭ ﺍﺭﺟﻊ ﺍﻟﻄﺒﻌﻚ ﺍﺣﺴﻦ ..
ﻣﺴﻠﻢ .. ﺷﺘﺮﺩﻳﻦ ﺍﺳﻮﻱ؟
ﺑﺎﻭﻋﺘﻠﻪ ﺑﺮﺟﺎﺀ ... ﺍﻭﻻ ﺍﻟﺘﺠﺊ ﺍﻟﺮﺏ ﺍﻟﻌﺎﻟﻤﻴﻦ ﻭﺍﺗﺮﻙ ﺍﻟﺼﻴﺎﻋﻪ ﻭﺍﺗﺮﻙ ﺍﻟﺴﻮﺍﻟﻒ ﺍﻟﺘﻌﺒﺎﻧﻪ ﻭﺍﻟﺪﻳﺎﺣﻪ ﻧﺺ ﺍﻟﻴﺎﻟﻲ ﻭﺷﻐﻠﻚ ﺍﺟﻤﻌﻪ ﻣﻮ ﻣﺨﻠﺼﻪ ﺟﻜﺎﻳﺮ ﻭﻣﺪﺭﻱ ﺷﻨﻮ .. ﺧﻄﻴﻪ ﺍﻣﻚ ﻟﻴﺶ ﺗﺨﻤﻂ ﻧﺺ ﺭﺍﺗﺒﻬﺎ ...
ﺭﺩ ﺑﺘﻔﺎﺟﺊ ... ﺍﻧﻲ ﺧﺎﻣﻂ ﻧﺺ ﺭﺍﺗﺒﻬﺎ : ؟
ﺟﺎﻭﺑﺘﻪ .. ﺍﻱ ﻫﻲ ﺩﺩﻛﻮﻝ ﻭﻧﺒﻲ ﺍﺣﺲ ﻓﺸﻠﺖ ﻋﺒﺎﻟﻚ ﺍﻧﻲ ﺧﺎﻣﻄﻪ ﻣﻮ ﺍﻧﺖ ﻟﻴﺶ ﻫﻴﺞ ﺩﺗﺴﻮﻱ ﺍﻧﺖ ﻭﻳﻦ ﺗﻮﺩﻱ ﺍﻟﻔﻠﻮﺱ ..
ﺟﺎﻭﺏ ﺑﻌﺼﺒﻴﺔ ... ﺑﺎﻋﻲ ﻻ ﺗﺬﺑﻦ ﺗﻬﻤﻪ ﻋﻠﻴﻪ ﺗﺮﺉ ﺍﻟﺠﺮﻳﺬﻱ ﺍﻛﻞ ﻓﻠﻮﺳﻬﺎ ﺍﻧﻲ ﺷﻌﻠﻴﻪ ...
ﺣﺠﻴﺖ ﺑﮕﻠﺒﻲ ﺍﻱ ﺟﺮﻳﺬﻱ ﻣﻄﺒﻮﺭ ﺣﺎﺟﺒﻪ ﻭﻣﻦ ﻛﺜﺮ ﻣﺎ ﻳﮕﺮﻁ ﻓﻠﻮﺱ ﺍﻧﻜﺴﺮ ﺳﻨﻪ ...
ﺭﺟﻊ ﺍﺑﺘﺴﻢ ﻋﻠﻴﻪ ﻭﺑﺎﺱ ﺍﻳﺪﻱ ﺑﺮﻭﻣﺎﻧﺴﻴﻪ ﻣﻼﻳﮕﻪ ﻋﻠﻴﻪ ... ﻭﻳﻦ ﺗﺮﺩﻳﻦ ﺍﺧﺬﺝ ﺍﻭﻧﺴﺞ ﺑﺎﻟﺴﺘﻮﺗﻪ ﻭﺍﺷﻐﻠﺞ ﺍﻟﺪﻳﺠﻲ ﻛﻞ ﻋﻠﻮﻩ ﺍﺣﺴﺴﺞ ﻛﺎﻋﺪﻩ ﺑﺤﻔﻠﺔ ﺧﻤﺲ ﻧﺠﻮﻡ .. ﺍﺷﻐﻠﺞ ﻣﻴﺜﺎﻕ ﻭﺭﻋﺪ ﺫﻭﻝ ﺍﻟﻤﻄﺮﺑﻴﻦ ﺍﻟﺘﻮﻡ ﺍﻟﮕﺮﻋﺎﻥ ﺻﻮﺗﻬﻢ ﻓﺪ ﺷﺊ ﻳﺨﻠﻮﺝ ﻣﺎ ﺗﺤﺴﻴﻦ ﺑﺎﻟﻄﺮﻳﻖ
ﺍﺑﺘﺴﻤﺖ ﺑﺪﻟﻊ .. ﻣﺎ ﺍﺭﻳﺪ
ﺿﺮﺑﻨﻲ ﺑﻌﻜﺴﻪ ﺑﻤﺰﺡ .. ﻟﻚ ﻓﺪﻳﺖ ﺍﻟﻴﺪﻟﻊ ﺍﻣﻮﺕ ﻋﻠﺊ ﺍﻟﺨﻠﻘﺞ ﺑﺤﻴﺎﺗﻲ ﻣﺸﻔﺖ ﻣﺜﻠﺞ ﺣﻠﻮﻩ .. ﻣﺨﻠﻮﻗﻪ ﺑﻠﻴﻠﺔ ﺍﻟﻘﺪﺭ .. ﻗﺎﺑﻞ ﻣﺜﻠﻲ ﺍﻧﺨﻠﻘﺖ ﺑﻴﻮﻡ .. ﻣﺎ ﻫﻨﺪ ﻗﺘﻠﺖ ﺍﻟﺤﻤﺰﻩ
ﺟﺮﻳﺖ ﻧﻔﺲ ... ﻣﺴﻠﻢ ﺭﺍﺡ ﺃﺑﺪﻱ ﻭﻳﺎﻙ ﺻﻔﺤﻪ ﺟﺪﻳﺪﻩ ﺑﺲ ﻛﻮﻥ ﺍﻧﺖ ﺗﺴﺎﻋﺪﻧﻲ ...
ﺟﺎﻭﺑﻨﻲ ﺑﻠﻬﻔﻪ .. ﺑﺨﺪﻣﺘﺞ ﺍﺳﺎﻋﺪﺝ ﺣﺘﺊ ﻣﻮﺍﻋﻴﻦ ﺍﻏﺴﻞ ... ﻫﺎﺍﺍ ﻧﺪﺧﻞ ﻟﻠﻐﺮﻓﻪ ..
ﺑﺎﻭﻋﺘﻠﻪ ﺑﻘﻬﺮ .. ﻻ ﺗﺴﺘﻌﺠﻞ ﺧﻠﻲ ﺍﻧﻄﻴﻚ ﺷﺮﻭﻁ ...
ﻣﺎ ﺍﺷﻮﻑ ﺍﻟﻪ ﻟﺒﺎﺏ ﺗﻌﻄﺮ ﺗﻌﻄﺮ ﻭﺍﻟﺼﻴﺎﺡ ﻭﺍﻟﻤﺴﺒﻪ ﺻﺎﺭﺕ ﺑﻔﻠﺲ ...
ﺍﺟﺖ ﻋﻤﺘﻲ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻣﺮﻩ ﻣﺒﻴﻨﻪ ﺑﻨﺺ ﺍﻷﺭﺑﻌﻴﻦ ﻻﺑﺴﻪ ﺛﻮﺏ ﻛﺸﻤﻴﺮ ﺍﺑﻮ ﺍﻟﺰﺧﻤﺘﻴﻦ ﺳﻤﺎﺋﻲ ﻃﺎﻳﺮ ﻣﻦ ﻛﺪ ﻣﺎ ﻛﺮﺷﻬﺎ ﺭﺍﻓﻌﻪ ﻭﻻﺑﺴﻪ ﺷﺤﺎﻃﻪ ﺟﻮﺯﻳﻪ ﻭﺣﺪﻩ ﺑﻴﺪﻩ ﻭﺭﺩﻩ ﻭ ﻭﺣﺪﻩ ﻣﻜﻄﻮﻋﻪ .. ﻭﻻﺑﺴﻪ ﺷﻴﻠﻪ ﺧﻔﻴﻔﻪ ﻟﻮﻧﻬﺎ ﺟﻮﺯﻱ ...
ﻛﺎﻧﺖ ﺳﻤﻴﻨﻪ ﺷﻮﻳﻪ ﺩﺍﻛﻪ ﺗﺎﺗﻮ ﻟﻮﻧﻪ ﺻﺎﻳﺮ ﺍﺣﻤﺮ ﻭﺣﻮﺍﺟﺒﻬﺎ ﻃﺎﻟﻌﻪ ﻓﻮﻙ ﺍﻟﺘﺎﺗﻮ ﻣﺎ ﻣﺤﻔﻮﻓﻪ ﻭﻋﻨﺪﻫﺎ ﺷﺎﻣﻪ ﻛﺒﻴﺮﻩ ﺑﺨﺸﻤﻬﺎ ..
ﺍﻭﻝ ﻣﺪﺧﻠﺖ ﻛﺎﻟﺖ ... ﻭﻳﻨﻪ ﻫﺬﺍ ﺍﻟﺴﮕﻂ ﻭﻳﻨﻪ
ﻋﻤﺘﻲ ﻛﻠﺘﻠﻬﺎ .. ﻣﻨﻮ ﺍﻟﺴﻜﻂ ..
ﻛﺎﻟﺖ ... ﻣﺴﻠﻢ ﺍﻟﺴﺎﻗﻂ .. ﺍﻟﻜﻮﺍ ... ﺍﻟﻴﻮﻡ ﺍﺷﻌﻞ ﻋﺸﻴﺮﺗﻪ ﻧﻔﺮ ﻧﻔﺮ ﺍﺑﻮ ﺍﻟﻤﻼﻫﻲ ... ﺍﺑﻮ ﺍﻟﻌﺮﮒ
ﻫﻮ ﺑﺎﻭﻉ ﻋﻠﻴﻬﺎ ﻣﺼﺪﻭﻡ ﻛﻠﻬﺎ ... ﺍﻡ ﻋﺒﺪﺍﻟﻠﻪ
ﻫﻲ ﺻﺎﺣﺖ ﺑﻌﺼﺒﻴﻪ ﻭﻣﺴﺒﻪ ... ﻻﻧﻌﻞ ﺍﺑﻮﻙ ﻻﺑﻮ ﺣﺘﺊ ﺍﻡ ﻋﺒﺪ ﺍﻟﻠﻪ ﻭﻳﺎﻙ ﻭﻟﻚ ﺳﺎﻗﻂ .. ﻛﻮﺍ ... ﺗﻀﺤﻚ ﻋﻠﻴﻪ ﻭﺗﺎﺧﺬ ﺑﻔﻠﻮﺳﻲ ﺗﻜﻮﻝ ﺍﺗﺰﻭﺟﺞ ﻭﺗﺎﻟﻲ ﺭﺍﻳﺢ ﻣﺘﺰﻭﺝ ﻣﺎ ﺻﺪﻛﺖ ﺍﺭﻭﺣﻦ ﻻﻫﻠﻲ ﺍﻟﻴﻮﻡ ﺍﺣﺮﻙ ﺍﻟﺒﻴﺖ ﻋﻠﺊ ﺭﺍﺳﻚ ﻭ ﺭﺍﺱ ﺍﻟﻌﺮﻭﺱ ...
ﺍﻧﻲ ﻛﻨﺖ ﻣﺜﻞ ﺍﻻﻃﺮﺵ ﺑﺰﻓﻪ ﺑﺲ ﺻﺎﻓﻨﻪ ﻭﻣﺘﻔﺎﺟﺌﺔ ﻭﻣﺼﺪﻭﻣﻪ ﻣﺴﻠﻢ ﻳﺤﺐ ﻭﺣﺪﻩ ﺑﻜﺪ ﺍﻣﻪ ﻭ ﻭﺍﻋﺪﻫﺎ ﺑﺎﻟﺰﻭﺍﺝ ﺻﺪﻭﻙ ﺳﺎﻗﻂ ﻣﺠﺬﺑﺖ ﺍﻟﻤﺮﻩ ... ﻫﻴﺞ ﻧﻔﺴﻪ ﺩﻧﻴﺌﻪ ﻭﺣﻘﻴﺮﻩ ﺩﻧﺖ ﻋﻠﺊ ﻭﺣﺪﻩ ﺑﻜﺪ ﺍﻣﻪ
ﻫﻮ ﺭﺩ ﻋﻠﻴﻬﺎ ﺑﺎﺍﺭﺗﺒﺎﻙ ﻭﺗﻮﺗﺮ ... ﻫﻠﻪ ﻫﻠﻪ ﺍﻡ ﻋﺒﺪ ﺍﻟﻠﻪ ﺯﺍﺭﺗﻨﻪ ﺍﻟﺒﺮﻛﻪ ﺍﺟﻴﺘﻲ ﻣﻦ ﺍﻫﻠﺞ ﻋﺎﺩ ﺟﺒﺘﻴﻠﻨﻪ ﻫﺪﻳﻪ ﻻ ..
ﺍﻡ ﻋﺒﺪﺍﻟﻠﻪ ... ﺟﺒﺘﻠﻚ ﺟﻔﻦ ﻳﺎ ﺳﺎﻓﻞ ﻳﺎ ﻣﻬﺘﻠﻒ ...
ﻋﻤﺘﻲ ﻛﻠﺘﻠﻬﺎ ﺑﻌﺼﺒﻴﺔ ... ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﺟﻔﻨﻮﺝ ﺍﻥ ﺷﺎﺀ ﻟﻠﻪ ﺑﺎﻟﺠﻔﻦ ﻭﻟﺞ ﺷﺘﺮﺩﻳﻦ ﻣﻦ ﺍﺑﻨﻲ ...
ﺍﻡ ﻋﺒﺪ ﺍﻟﻠﻪ ... ﺍﺭﻳﺪ ﺍﻧﻌﻞ ﻭﺍﻟﺪﻱ ﻭﺍﻟﺪﻳﻪ ﻫﻞ ﻋﺎﺭ ﻫﺬﺍ ﺍﻟﺠﺬﺍﺏ
ﺑﺎﻭﻋﺘﻠﻪ ﺑﻘﻬﺮ ﺟﺎﻥ ﺻﺎﻓﻦ ﻭﻣﺎ ﻳﻌﺮﻑ ﺷﻨﻮ ﻳﺤﺠﻲ ﺑﺲ ﻫﻮ ﻣﻠﻌﺐ ﺍﻛﻴﺪ ﻣﺎ ﻳﻨﻐﻠﺐ ﻛﻠﻬﺎ ﺑﻀﺤﻜﻪ ﻣﺘﻮﺗﺮﻩ ... ﺍﻡ ﻋﺒﺪ ﺍﻟﻠﻪ ﺻﺪﻙ ﺟﺬﺏ ﺍﻧﻲ ﺍﻟﻌﺐ ﻋﻠﻴﺞ ... ﺑﺲ ﺷﺴﻮﻱ ﺑﻌﺪ ﻗﺴﻤﻪ ...
ﺍﻧﻲ ﺗﺨﺒﻠﺖ ﺗﻤﻨﻴﺖ ﺍﺣﺒﺴﻪ ﺑﺎﻟﺤﻤﺎﻡ ﺍﻟﻤﻜﺮﻓﻊ ﻋﻘﻮﺑﻪ ﻋﻠﺊ ﻛﻼﻣﻪ ... ﻗﺴﻤﻪ ﻭﻟﻚ ﻧﺬﻝ ﻟﻮ ﻣﺎ ﺳﻮﻳﺖ ﺭﻭﺣﻚ ﺍﻟﺪﻳﺎﻧﻪ ﻣﻨﻚ ﻭﺗﻨﻜﻄﻊ . ﺑﺲ ﺍﻟﻌﺘﺐ ﻣﻮ ﻋﻠﻴﻪ ﻋﻠﺊ ﻋﻤﻮ ﺍﻟﻲ ﺑﻼﻧﻲ ﺑﻲ .. ﻛﻼﻣﻲ ﺟﺎﻥ ﺑﻜﻠﺒﻲ ﻃﺒﻌﺎ
ﻫﻲ ﺣﻄﺖ ﺍﻳﺪﻫﺎ ﻋﻠﻰ ﺧﺼﺮﻫﺎ ﻛﻠﺘﻠﻪ ﺑﺴﺨﺮﻳﻪ .... ﻗﺴﻤﻤﻪ !! ﻗﺴﻤﻪ ﻭﻟﻚ ﺍﺑﻮ ﺍﻟﻤﻼﻫﻲ ... ﺳﻮﻟﻔﻬﺎ ﻋﻠﺊ ﺍﻣﻚ ﻫﺎﻱ ﻣﺎﻝ ﻗﺴﻤﻪ ﻣﻮ ﺍﻟﻴﻪ ... ﺍﻃﻴﺢ ﺣﻀﻚ ﺑﺎﻟﻘﺮﺍﻥ ...
ﻫﻮ ﺗﻌﺼﺐ ﻛﻠﻬﺎ ... ﺍﻃﻠﻌﻲ ﺑﺮﻩ ﻃﺎﺡ ﺣﻀﺞ ﺑﻜﺪ ﺍﻣﻲ ﻭﺗﺪﻭﺭ ﺭﻭﻣﺎﻧﺴﻴﻪ ﺭﻭﺣﻲ ﺗﺰﻭﺟﻲ ﺍﺑﻮ ﻋﺪﻭﻳﻪ ﻳﻠﻮﻛﻠﺞ .. ﺍﻟﻠﻪ ﻳﺮﺣﻤﻜﻢ .. ﺍﺀﺀ ﻗﺼﺪﻱ ﺍﻟﻠﻪ ﻳﺤﻔﻈﻜﻢ ..
ﻫﻲ ﻃﻠﻌﺖ ﻭﺭﻓﺴﺖ ﺍﻟﺒﺎﺏ ﺑﺮﺟﻠﻬﺎ ﻭﺭﺟﻌﺖ ﺭﻓﻌﺖ ﺍﺻﺒﻌﻬﺎ ﺗﻬﺪﺩ ... ﻟﻚ ﻋﺎﺍﺍﺭ ﻭﺍﻟﻠﻪ ﻟﺨﻠﻲ ﻋﺒﺪﺍﻟﻠﻪ ﻳﺴﻮﻳﻚ ﻭﺻﻠﺔ ﻣﺴﺢ ﻭﺗﺮﺟﻊ ﻓﻠﻮﺳﻲ ﻏﺼﺒﺎ ﻋﻨﻚ ...
ﻣﺴﻠﻢ .. ﺩﻃﻴﺮﻱ ﻣﻮ ﻋﺴﺎﺱ ﺑﻨﻴﺖ ﻗﺼﺮ ﺑﻔﻠﻮﺳﺞ ﻭﻫﻨﻪ ﺑﺎﻛﻴﺖ ﺟﻜﺎﻳﺮ ﻣﺎ ﻳﺠﻴﺒﻦبيج قصص عراقيه حقيقيه من واقعنا.روعه الطائي
ﻃﻠﻌﺖ ﻭﺭﺍﺣﺖ ﺗﻐﻠﻂ ﻋﻠﻴﻪ ﻭﺍﻧﻲ ﺑﺎﻭﻋﺘﻠﻪ ﺑﻐﻀﺐ ﻭﺭﺣﺖ ﺍﻟﻐﺮﻓﺘﻲ ﻗﻔﻠﺘﻬﺎ ﻭﻏﻤﻴﺖ ﺣﻀﻲ ﺍﻷﻏﻢ ...
.............
ﺭﺟﻌﺖ ﻣﻦ ﺍﻟﺪﺭﺳﻪ ﺗﻌﺒﺎﻧﻪ ﺑﺪﻟﺖ ﻭﻧﻀﻔﺖ ﺍﻟﺒﻴﺖ ﻭﻳﻪ ﺍﻧﺘﺼﺎﺭ ﻻﻥ ﺻﺎﺭ 15 ﻣﺠﺎﻳﺘﻬﺎ ﺍﻟﺸﻬﺮﻳﻪ ﻭﻋﻤﻪ ﺗﺨﺎﻑ ﻋﻠﻴﻬﺎ ﻭﻫﻲ ﺗﺘﻤﻀﻴﻚ
ﺗﻌﺒﺖ ﺣﻴﻞ ﺩﺧﻠﺖ ﺍﻟﻐﺮﻓﺘﻲ ﻭﺳﺒﺤﺖ ﺳﻮﻳﺖ ﻣﻤﻪ ﻟﺰﻫﻮﺭﻩ ﺭﺿﻌﺘﻬﺎ ﻭﺳﺒﺤﺖ ﺯﻧﻮﺑﻪ ﻭﻣﺸﻄﺖ ﺷﻌﺮﻫﺎ ...
ﺍﻟﻴﻮﻡ ﻋﺪﻧﻪ ﻣﺠﻠﺲ ﻻﻡ ﺍﻟﺒﻨﻴﻦ ... ﻋﻠﻴﻬﺎ ﺍﻟﺴﻼﻡ ﻟﺒﺴﺖ ﺛﻮﺏ ﺍﺳﻮﺩ ﺍﺭﺍﺩﻧﻪ ﺗﻮﺭ ﺧﻔﻴﻒ ﻭﻟﺒﺴﺖ ﺷﺎﻝ ﺍﺳﻮﺩ ﺑﺎﻭﻋﺖ ﻟﻮﺟﻬﻲ ﺻﺎﻳﺮ ﺻﺎﻓﻲ ﻭﻧﺎﺻﻊ ﺍﺣﺐ ﺍﻫﺘﻢ ﺑﺸﺮﺗﻲ ﺣﻴﻞ ...
ﻃﻠﻌﺖ ﺍﻟﻌﺼﺮ ﻟﻜﻴﺖ ﺍﻟﻮﻟﺪ ﻛﻠﻬﻢ ﻣﻮ ﻫﻨﺎ ﺷﻐﻠﺖ ﺑﺨﻮﺭ ﺍﻧﺘﺼﺎﺭ ﻛﺎﻟﺖ ... ﺍﻫﻮﻭ ﺑﺪﺕ ﺍﻟﺴﺤﻮﺭﻩ ...
ﻛﻠﺘﻠﻬﺎ .. ﻛﻠﻤﻦ ﻳﺸﻮﻑ ﺍﻟﻨﺎﺱ ﺑﻌﻴﻦ ﻃﺒﻌﻪ ﻣﺮﺍﺡ ﺍﺭﺩ ﻋﻠﻴﺞ ..
ﺷﻮﻳﻪ ﻭﺍﻟﺘﻤﺖ ﺍﻟﻨﺴﻮﺍﻥ ﻭﺍﻟﺒﻨﺎﺕ ﺍﺟﺘﻨﻲ ﺍﻟﻤﻼﻳﻪ ﻭﺳﻮﻳﻨﻪ ﻣﺠﻠﺲ ﻧﻌﺖ ﻋﻠﺊ ﺍﻻﻡ ﻭﺍﻧﻲ ﺑﺠﻴﺖ ﺑﺼﻮﺕ ﻋﺎﻟﻲ ﻭﺣﻴﻞ ﺗﺄﺛﺮﺕ ﺗﺬﻛﺮﺕ ﺍﻣﻲ ﻭﻫﺒﻪ ﻭﺍﻟﺼﺎﺭ ﻛﻠﻪ ﺫﺍﻛﺮﺗﻲ ﻣﺎ ﺧﻠﺖ ﻣﻦ ﺯﻭﺍﺝ ﺍﺑﺎ ﺫﺭ ﻭﺍﺫﻳﺘﻪ ...
ﺧﻠﺺ ﺍﻟﻤﺠﻠﺲ ﻭﻋﻨﺪﻱ ﺻﺪﻳﻘﺎﺗﻲ ﺟﻴﺮﺍﻧﻬﻢ ﺍﻟﻤﺠﻠﺲ ﺍﻟﺜﺎﻧﻲ ﺑﻴﺖ ﺍﻫﻞ ﺭﺣﺎﺏ ﺻﺪﻳﻘﺘﻲ ﻛﺎﻟﺖ .. ﺗﻌﺎﻟﻲ ﻟﻤﺠﻠﺴﻨﺎ ﺑﺲ ﺍﺣﻨﻪ ﻧﺠﻲ ...
ﻛﻠﺘﻠﻬﺎ ... ﻭﻧﺒﻲ ﺍﺑﺎ ﺫﺭ ﻣﻴﻘﺒﻞ ﻣﺘﻌﺮﻓﻴﻨﻪ ﻣﺤﺬﺭﻧﻲ ...
ﺭﻓﻌﺖ ﺣﺎﺟﺐ ﺑﺰﻋﻞ .. ﻳﺎﺑﻪ ﻛﻮﻟﻲ ﻟﻌﻤﺘﺞ ﻭﺗﻌﺎﻟﻲ ﻭﺍﻃﻠﺒﻲ،ﻣﺮﺍﺩ ﻣﻦ ﻣﺠﻠﺴﻨﻪ ﻳﻨﻄﻲ ﺍﻟﻤﺮﺍﺩ ...
ﺭﺣﺖ ﻛﻠﺖ ﻟﻌﻤﻪ ﻛﺎﻟﺖ ... ﺍﻧﻲ ﺷﻌﻠﻴﻪ ﺯﻭﺟﺞ ﻳﻘﺒﻞ ﺭﻭﺣﻲ ﻭﻣﺪﺍﻡ ﻫﻮ ﻣﺎ ﻣﻮﺟﻮﺩ ﻻ ﺗﻄﻠﻌﻴﻦ ...
ﻛﻠﺘﻠﻬﺎ ﺑﺮﺟﺎﺀ .. ﻋﻔﻴﻪ ﻋﻤﻪ ﻭﺍﻟﻠﻪ ﺑﺴﺮﻋﻪ ﺍﺟﻲ
ﻋﻤﺘﻲ ﺣﻄﺖ ﺍﻳﺪ ﻋﻠﺊ،ﺍﻳﺪ ﻭﻛﺎﻟﺖ .. ﻣﺎﻟﻲ ﺩﺧﻞ ...
ﺑﺎﻭﻋﺖ ﺍﻻﻧﺘﺼﺎﺭ ﺗﺒﺎﻭﻋﻠﻲ ﺑﻐﺮﻭﺭ ... ﻋﺎﺩ ﺍﻧﻲ ﺷﺴﻮﺕ ﺭﺣﺖ ﺍﻟﻐﺮﻓﺘﻲ ﻭﻟﺒﺴﺖ ﻋﺒﺎﺗﻲ ﻭﻃﺮﺕ ﻭﺭﻩ ﺍﻟﻤﻼﻳﻪ ..
ﺩﺧﻠﻨﻪ ﻟﻠﺒﻴﺖ ﺍﺟﺖ ﺍﻟﻤﺮﻩ ﺩﺗﻮﺯﻉ ﻛﻴﻚ ﻭﻗﻮﺍﻃﻲ ﺑﺒﺴﻲ ﺍﻟﻤﻼﻳﻪ ﻛﻠﺘﻠﻬﺎ ﺧﻠﻲ ﺍﻗﺮﻩ ﻭﺑﻌﺪﻳﻦ ﻭﺯﻋﻲ ﺣﺘﺊ ﻣﺘﺼﻴﺮ ﻫﻮﺳﻪ ....
ﺑﻌﺪﻫﻲ ﻣﺎ ﺑﺎﺩﻳﻪ ﺑﺎﻟﻤﺠﻠﺲ ﺟﻨﺖ ﺍﺳﻮﻟﻒ ﻭﻳﻪ ﺍﻟﺒﻨﺎﺕ ﻭﻫﻨﻪ ﻳﻜﻮﻟﻦ ﻟﻴﺶ ﺗﺰﻭﺝ ﻋﻠﻴﺞ ﺍﻧﺘﻲ ﻣﺎ ﺷﺎﺀ ﻟﻠﻪ ﺣﻠﻮﻩ ﻭﺻﻐﻴﺮﻩ ﻭﺍﺻﻼ ﺍﺣﻠﺊ ﻣﻦ ﻣﺮﺗﻪ ﺍﻟﺜﺎﻧﻴﻪ ..
ﺿﺤﻜﺖ ﻛﻠﺘﻠﻬﻦ ... ﻳﺤﺐ ﻳﻄﺒﻖ ﺍﻟﺸﺮﻉ ﻭﻳﺘﻌﺪﺩ ﻫﻬﻬﻪ
ﻫﺴﺘﻮﻫﺎ ﺑﺪﺕ ﺍﻟﻤﻠﻪ ﺗﻘﺮﻩ ﺍﻟﺪﻋﺎﺀ ﻭﺍﺷﻮﻑ ﺑﻨﺖ ﺍﺧﺘﻲ ﺯﻧﻮﺑﻪ ﻣﻦ ﺑﻴﻦ ﺍﻟﻨﺴﻮﺍﻥ ﺗﺮﻳﺪ ﺗﻌﺒﺮ ﻭﻣﻠﻬﻮﻓﻪ ﻭ ﻭﺟﻬﻬﺎ ﻣﺨﻄﻮﻑ ﺍﻧﻲ ﺧﻔﺖ ﻣﻦ ﺷﻔﺘﻬﺎ ﻳﻤﻪ ﺯﻧﻮﺑﻪ ﺍﻡ ﺍﻟﻌﻠﻮﻡ ﺍﻛﻴﺪ ﺻﺎﻳﺮ ﺷﺊ ...
ﺍﻟﻤﻬﻢ ﻛﻮﻩ ﻋﺒﺮﺕ ﻣﻦ ﻧﺺ ﺍﻟﻨﺴﻮﺍﻥ ﻭ ﻭﺻﻠﺖ ﺍﻟﻲ ﻛﺎﻟﺖ ﻭﻣﻼﻣﺢ ﺍﻟﺨﻮﻑ ﻭﺍﻟﺮﻋﺐ ﻣﺮﺳﻮﻡ ﻋﻠﻰ ﻣﻼﻣﺤﻬﺎ ﺍﻟﺒﺮﻳﺌﻪ ... ﺗﻮﺗﻪ ﺩﻭﻣﻲ ﻭﻟﺖ ﺍﻟﻴﻮﻡ ﻋﻤﻮ ﻳﺪﺑﺤﺞ .. ﺩﺍﻝ ﺻﻴﺤﻴﻬﺎ ﻻ ﺍﺩﻱ ﺍﺗﺤﻠﻬﺎ ﻣﻦ ﻧﺺ ﺍﻟﻨﺘﻮﺍﻥ ...بيج قصص عراقيه حقيقيه من واقعنا.روعه الطائيﺍﻟﺘﺮﺟﻤﺔ ... ﺗﻮﺗﻪ ﻛﻮﻣﻲ ﻭﻟﺞ ﺍﻟﻴﻮﻡ ﻋﻤﻮ ﻳﺬﺑﺤﺞ ﻛﺎﻝ ﺻﻴﺤﻴﻬﺎ ﻻ ﺍﺟﻲ ﺍﺳﺤﻠﻬﺎ ﻣﻦ ﻧﺺ ﺍﻟﻨﺴﻮﺍﻥ ...
ﻭﻛﻔﺖ ﻣﺮﻋﻮﺑﻪ ﻭﺧﺎﻳﻔﻪ ﺭﻓﻌﺖ ﺛﻮﺑﻲ ﻭﻋﺒﺎﺗﻲ ﻭﻃﻠﻌﺖ ﺍﺭﻛﺾ ﻭﺍﻛﻤﺰ ﻣﻦ ﺑﻴﻦ ﺍﻟﻨﺴﻮﺍﻥ ﻛﺎﻟﻦ ... ﻫﺎﺍﺍ ﺗﺎﺝ ﻭﻳﻦ ﺭﺍﻳﺤﻪ ...
ﺯﻧﻮﺑﻪ ﺗﺮﺩ ﻋﻠﻴﻬﻦ ﺑﺨﻮﻑ .. ﻋﻤﻮ ﺍﻟﻴﻮﻡ ﻳﺪﺑﺤﻬﺎ ..
ﻫﻨﻪ ﻛﺎﻟﻦ ... ﻳﺎﺍﺍ ﺍﺑﺎﺫﺭ ﺍﺟﻪ ﻭﻳﺮﻳﺪﻫﺎ ﻳﺎﻟﻠﻪ ﻻ ﺗﺨﺎﻓﻴﻦ ﻗﺸﻤﺮﻱ ﻫﻮ ﺑﺲ ﻳﺸﻮﻑ ﺍﻟﺰﺑﺪ ﻳﻨﺴﻪ ﻛﻮﻟﺸﻲ ...
ﺍﻟﻤﻼﻳﻪ ﻛﻠﺘﻠﻬﻦ ﺑﻼ ﺻﻮﺕ ﺭﺟﺎﺀﺍ ﺍﻧﺘﺒﻬﻦ ...
ﺍﻧﻲ ﻭﺻﻠﺖ ﻟﻠﺒﺎﺏ ﻭﺭﺟﻌﺖ ﺍﺭﻛﺾ ﻟﺼﺎﺣﺒﺔ ﺍﻟﻤﺠﻠﺲ ﻛﻠﺘﻠﻬﺎ .. ﻋﻔﻴﻪ ﺍﻧﻄﻴﻨﻲ ﻣﺮﺍﺩ ﺑﻠﻜﻲ ﺍﻗﺸﻤﺮﻩ ﺑﻴﻪ ...
ﺧﻄﻴﻪ ﺍﻧﻄﺘﻨﻲ ﻛﻴﻜﻪ ﻭﻗﻮﻃﻴﺔ ﺑﺒﺴﻲ ﻭﺭﺟﻌﺖ ﺍﺭﻛﺾ ﻭﺍﺭﺟﻒ
ﺩﺧﻠﺖ ﻟﻠﺒﻴﺖ ﺟﺎﻥ ﻫﺪﻭﺀ ﺑﺲ ﺍﻟﻮﺟﻮﺓ ﻣﺘﺒﺸﺮ ﺑﺨﻴﺮ ﻭﺍﻧﺘﺼﺎﺭ ﺗﺮﻋﺐ ﺍﻟﻤﺎ ﻳﻨﺮﻋﺐ ﻭﻋﻤﺘﻲ ﺳﺎﻛﺘﻪ ﺑﺎﻭﻋﺘﻠﻲ ﺑﻌﺘﺐ ﻭﺭﺟﻌﺖ ﺗﻨﻬﺪﺕ ...
ﻛﻤﺰﺕ ﻣﻦ ﺻﻮﺗﻬﺎ ﻭﻫﻮ ﻳﺼﻴﺢ ﻣﻦ ﻏﺮﻓﺘﻪ ... ﻣﺎ ﺍﺟﺖ ﻫﺎﺍﻱ ﺍﻟﺤﻴﻮﺍﻧﻪ ﻣﺎﺍﺟﺖ
ﺣﺴﻴﺖ ﺭﺟﻠﻴﻪ ﺻﺎﺭﺕ ﺧﻴﻮﻁ ﻭﻋﻴﻮﻧﻲ ﺩﻣﻌﺖ ﺻﺮﺕ ﻛﻮﻩ ﺍﺑﻠﻊ ﺭﻳﻜﻲ ...
ﺍﻧﺘﺼﺎﺭ ﻛﺎﻟﺖ ... ﺍﻱ ﺷﺮﻓﺖ ..
ﻫﻮ ﻓﺘﺢ ﺑﺎﺏ ﺍﻟﻐﺮﻓﻪ ﻭﺑﺎﻭﻉ ﻋﻠﻴﻪ ﻭﺟﻬﻪ ﻳﻠﻄﻢ ﻭﺻﺎﻳﺮ ﻧﺎﺭ ﺑﺎﻭﻉ ﻋﻠﻴﻪ ﻭﺍﺷﺮﻟﻲ ﺍﺟﻲ ...
ﺩﺧﻞ ﻭﺍﻧﻲ ﻃﻠﻌﺖ ﺑﻤﻮﺑﺎﻳﻠﻲ ﺑﺴﺮﻋﻪ ﻣﻦ ﺻﺪﺭﻱ ﻛﺘﺒﺖ ﺭﺳﺎﻟﻪ ﻟﻤﺎﻣﺎ ﺍﻟﺤﻜﻲ ﻋﻠﻴﻪ ﺭﺍﺡ ﺍﻧﻜﺘﻞ ...
ﺻﺎﺡ ﺑﺼﻮﺕ ﻋﺎﻟﻲ ... ﻭﻳﻨﺞ ﻟﺞ ﺣﻤﺎﺍﺍﺭﻩ ..
ﻗﻔﻠﺖ ﺍﻟﻤﻮﺑﺎﻳﻞ ﻭﺭﺣﺖ ﺍﺭﻛﺾ ﺍﻧﺘﺒﻬﺖ ﻋﻠﺊ ﺯﻧﻮﺑﻪ ﺗﺒﺠﻲ ﻋﻠﻴﻪ ﺭﺩﺕ ﺍﺭﺟﻊ ﻋﻠﻴﻬﺎ ﺍﺑﻮﺳﻬﺎ ﻭﺍﻃﻤﻨﻬﺎ ﺑﺲ ﺧﻔﺖ ﺍﺗﺎﺧﺮ ﻋﻠﻴﻪ
ﺩﺧﻠﺖ ﺷﻔﺘﻪ ﻛﺎﻋﺪ ﻋﻠﺊ ﺍﻟﺠﺮﺑﺎﻳﻪ ﺍﻭﻝ ﻣﺪﺧﻠﺖ ﺭﻓﻊ ﺭﺍﺳﻪ ﺟﺎﻥ ﻳﺪﺧﻦ ﺑﺠﻜﺎﺭﺗﻪ ﺿﻞ ﻣﺮﻛﺰ ﻋﻠﻴﻪ ﻭﺍﻧﻲ ﻣﺤﺘﺎﺭﻩ ﻛﻞ ﺷﻮﻳﻪ ﺍﺑﺎﻭﻉ ﻋﻠﻴﻪ ﻭﺍﻧﺰﻝ ﻋﻴﻮﻧﻲ ...
ﺣﺴﻴﺖ ﻧﻔﺴﻲ ﻣﺜﻞ ﻃﺎﻟﺐ ﻛﺴﻼﻥ ﻭﻣﻤﺤﻈﺮ ﻭﺍﺟﺒﻪ ﻭﺍﻛﻒ ﻣﻘﺎﺑﻴﻞ ﺍﺳﺘﺎﺫ ﺻﺎﺭﻡ ﻭﻗﺎﺳﻲ ...
ﺭﺟﻊ ﺑﺎﻭﻋﻠﻲ ﻭﻣﺴﺢ ﻋﻠﺊ ﻭﺟﻬﻪ ﻛﺎﻝ ... ﺍﻟﻤﺠﻠﺲ ﻭﺍﺟﺐ ﺗﺮﺣﻴﻠﻪ .. ؟
ﺑﻠﻌﺖ ﺭﻳﻜﻲ ﻭﻣﺎﺭﺩﻳﺖ ﻋﻠﻴﻪ ﺳﻜﺘﺖ
ﺭﺟﻊ ﻭﻛﻒ ﻣﻘﺎﺑﻴﻠﻲ ﻭﻧﺰﻝ ﻧﻔﺴﻪ ﻟﻤﺴﺘﻮﺍﻱ ﻭﺍﻧﻲ ﺭﺟﻌﺖ ﺧﺎﻳﻔﻪ ﻣﻨﻪ ﺣﻴﻞ ﻛﺎﻝ ... ﺧﻠﻲ ﺍﻧﻄﻴﺞ ﻣﻌﻠﻮﻣﻪ ﺍﻟﻤﺠﻠﺲ ﻣﻮ ﻭﺍﺟﺐ ﻭﺍﻟﻠﻪ ﻣﺎ ﺭﺿﺊ ﺑﺎﻻﺩﺭﺍﻙ ﺑﺲ ﻃﻠﻌﺘﺞ ﺑﺪﻭﻥ ﻋﻠﻤﻲ ﻭﻋﺼﻴﻨﺎﺝ ﻭﺗﻤﺮﺩﺝ ﺍﻟﺪﺍﺋﻢ ﻋﻠﻴﻪ ﻫﺬﺍ ﺍﻟﻲ ﺍﻛﺪﺭ ﺍﺣﺠﻲ ﺑﻲ ﺑﺎﻟﺸﺮﻉ ﻭﺍﻟﻮﺍﺟﺐ ....
ﺑﺎﻭﻋﺘﻠﻪ ﺑﻌﻨﺎﺩ ﻭﻋﻴﻮﻧﻲ ﺗﺪﻣﻊ ﺑﺲ ﺑﻌﺪ ﻳﺤﺠﻲ ﻛﻼﻡ ﺍﺑﺠﻲ ﻭﻫﻮ ﺛﺒﺖ ﻧﻈﺮﺍﺗﻪ ﻋﻠﻴﻪ ﻛﺎﻝ ... ﻭﺍﺟﺐ ﻋﻠﻴﺞ ﺗﻄﻴﻌﻴﻨﻲ ﻫﺬﺍ ﺷﺮﻉ ﻃﻠﻌﺘﺞ ﺑﺪﻭﻥ ﻋﻠﻤﻲ ﺧﻠﻪ ﺍﻟﻤﻼﺋﻜﻪ ﺗﺴﺒﺞ ﻣﻦ ﺑﺎﺏ ﺑﻴﺘﻨﻪ ﻟﺤﺪ ﺑﺎﺏ ﺍﻟﻤﺠﻠﺲ ...
ﻧﺰﻟﺖ ﻋﻴﻮﻧﻲ ﻣﻦ ﻧﻈﺮﺍﺗﻪ ﺍﻟﻘﺎﺳﻴﻪ ﻭﺍﻟﻠﻪ ﻣﺎ ﻋﻨﺪﻱ ﻗﻮﺗﻪ ﻭﻻ ﺟﺒﺮﻭﺗﻪ ﻭﻻ ﻗﺴﻮﺓ ﺍﻳﺪﻩ ...
ﺟﺮ ﻧﻔﺲ ﻭﻛﻤﻞ ﻛﻼﻣﻪ .. ﻻ ﺗﻀﺮﺑﻴﻦ ﺍﻭﺍﻣﺮﻱ ﺑﻌﺮﺽ ﺍﻟﺤﺎﻳﻂ ﻫﺎﻱ ﻣﺎ ﺍﻗﺒﻠﻬﺎ ﺍﺑﺪ ﻭﺣﺘﺊ ﻣﺎ ﻳﻨﻀﺮﺏ ﻭﺟﻬﺞ ﺍﻟﺤﻠﻮﻭ .. ﻣﻔﻬﻮﻡ
ﻫﺰﻳﺖ ﺭﺍﺳﻲ ﺑﻘﺒﻮﻝ ...
ﺷﻔﺘﻪ ﻏﻴﺮ ﻧﻈﺮﺍﺗﻪ ﻟﻌﻨﺪ ﺍﻳﺪﻱ ﺟﻨﺖ ﻻﺑﺴﻪ ﺛﻮﺏ ﺍﺭﺩﺍﻧﻪ ﺗﻮﻝ ﺧﻔﻴﻒ ﺣﻂ ﺍﻳﺪﻩ ﻋﻠﺊ ﺯﻧﺪﻱ ﻭﺍﻧﻲ ﺳﺮﺕ ﺭﻋﺸﻪ ﺑﻜﻞ ﺍﻋﻀﺎﺀ ﺟﺴﻤﻲ ﻛﺎﻝ .. ﻫﺎﻱ ﻣﻨﻮ ﺿﺎﺭﺑﺞ ﺑﺎﻳﺪﺝ
ﺭﺩﻳﺖ ﻋﻠﻴﻪ ﺑﺴﺮﻋﻪ ... ﻻ ﻛﻨﺖ ﺩﺍ ﺍﻟﻄﻢ ﻫﻴﺞ ﺻﺎﺭ ﺍﺣﻤﺮ
ﺩﺧﻞ ﺍﺻﺒﻌﻪ ﻣﻦ ﺛﻘﻮﺏ ﺍﻟﺘﻮﺭ ﻭﺗﺤﺴﺲ ﺍﻳﺪﻱ ﻛﺎﻝ ﺗﻮﺟﻌﺞ ...
ﺣﺴﻴﺖ ﺍﻧﻘﻄﻊ ﻋﻨﺪﻱ ﺍﻻﻭﻛﺴﺠﻴﻦ ﺟﺎﻭﺑﺖ ﺑﺎﺍﺭﺗﺒﺎﻙ .. ﻻ ﻻ ﻣﺘﻮﺟﻊ ....
ﺗﺠﺎﻫﻞ ﻛﻼﻣﻲ ﻭﺿﻞ ﻣﺮﻛﺰ ﻋﻠﺊ ﺑﻴﺎﺽ ﺑﺸﺮﺗﻲ ﻣﻦ ﺧﻼﻝ ﺍﻟﺘﻮﻝ ﻛﺎﻝ .. ﺍﻱ ﺻﺪﻙ ﺍﺫﺍ ﻣﺘﺖ ﻫﻴﺞ ﺗﻠﻄﻤﻴﻦ ﻋﻠﻴﻪ .. ﻳﻌﻨﻲ،ﻣﺜﻼ ﺍﺳﺘﺎﻫﻞ ﻋﺮﺍﺿﻪ ﻟﻮ ﺗﻬﻮﺳﻴﻠﻲ ... ﺣﺠﺎﻫﺎ ﺑﺎﺳﺘﻬﺰﺍﺀ
ﺷﻔﺘﻪ ﻻﻧﺖ ﻣﻼﻣﺤﻪ ﻣﻨﺎﻭﻱ ﻳﻀﺮﺏ ﻛﺘﻠﻪ ﺑﺒﺘﺴﺎﻣﻪ ... ﻻ ﺗﺴﺘﺎﻫﻞ ﺍﺭﻛﺼﻠﻚ ..
ﺿﺤﻚ ﺑﺼﻮﺕ ﻣﺴﻤﻮﻉ ﻛﺎﻝ ... ﺑﻴﺞ ﺧﻴﺮ ﺍﺭﻛﺼﻴﻠﻲ ﻭﺍﻟﻠﻪ ﻋﻬﺪ ﻋﻠﻴﻪ ﺍﻃﻠﻊ ﻣﻦ ﺍﻟﺘﺎﺑﻮﺕ ﺍﺭﻛﺺ ﻭﻳﺎﺝ ...
ﺿﺤﻜﺖ ﻭﻳﺎﻩ ﻭﺍﻧﻄﻴﺘﻪ ﺍﻟﻜﻴﻜﻪ ﻭﺍﻟﻌﺼﻴﺮ ﻛﺘﻠﻪ ... ﻫﺬﺍ ﻣﺮﺍﺩ ﻣﻦ ﺍﻟﻤﺠﻠﺲ ﺑﻠﻜﻲ ﻳﺎﺭﺏ ﻳﺨﻔﻒ ﻣﻦ ﻋﺼﺒﻴﺘﻚ ...
ﻭﺑﻜﻠﺒﻲ ﻛﻠﺖ .. ﻭﻳﻌﻘﻠﻚ ﻳﺎﻟﺨﺒﻞ ...
ﺍﺑﺘﺴﻢ ﻭﺍﺧﺬﻫﻦ ﻣﻦ ﺍﻳﺪﻱ . .
ﺍﻧﻔﺘﺢ ﺍﻟﺒﺎﺏ ﺑﻬﺪﻭﺀ ﻭﻣﺪﺕ ﺭﺍﺳﻬﺎ ﺑﻄﻔﻮﻟﻪ ﻭﺑﺼﻮﺕ ﺧﺎﻳﻒ ﻛﺎﻟﺖ . ﻫﺎﺍﺍ ﺗﻮﺗﻪ ﺗﺘﻠﺞ .. ﻛﺘﻠﺞ
ﺿﺤﻜﺖ ﻋﻠﻴﻬﺎ ﺑﺼﻮﺕ ﻋﺎﻟﻲ ﻭﺭﺣﺖ ﻛﻌﺪﺕ ﻋﻠﺊ ﺭﻛﺒﻲ ﺻﺮﺕ ﺑﻤﺴﺘﻮﺍﻫﺎ .. ﻻ ﻣﻜﺘﻠﻨﻲ ﺷﺤﺪﻩ ﻏﻴﺮ ﻣﺮﺍﻳﺪ ﺭﻭﺣﻪ
ﻃﻠﻌﺖ ﻣﻦ ﺍﻟﻐﺮﻓﻪ ﻭﻫﻮ ﻃﻠﻊ ﻭﺭﺍﻳﻪ ﺍﻧﺘﺼﺎﺭ ﻋﺒﺎﻟﻬﺎ ﻳﻜﺘﻠﻨﻲ ﻃﻌﺠﺖ ﻭﺟﻬﻬﺎ ﺯﻋﻼﻧﻪ ...
ﺿﻠﺖ ﺗﺤﺠﻲ ﻭﻳﻪ ﻋﻤﺘﻲ
ﻭﺭﺍﺣﺖ ﻛﻠﺘﻠﻪ ... ﺍﺑﺎ ﺫﺭ ﺍﺭﻳﺪ ﺍﺭﻭﺡ ﺍﺳﻮﻱ ﺗﺤﻠﻴﻞ ﺍﻧﻄﻴﻨﻲ ﻓﻠﻮﺱ
ﻫﻮ ﻃﻠﻊ ﻣﺤﻔﻀﺘﻪ ﻭﺍﻧﻄﺎﻫﺎ ...
ﻫﻲ ﺣﻀﺮﺕ ﻧﻔﺴﻬﺎ ﻭﺭﺍﺣﺖ ﻫﻲ ﻭﻋﻤﻪ ﻭﺍﻧﻲ ﺣﺴﻴﺖ ﺍﻧﻄﻌﻨﺖ ﺑﺴﺠﻴﻦ
ﺍﺫﺍ ﺻﺎﺭ ﻋﻨﺪﻩ ﻃﻔﻞ ﻣﻦ ﺍﻧﺘﺤﺎﺭ ﺑﻌﺪ ﺍﻧﻲ ﻭﺑﻨﺎﺕ ﻫﺒﻪ ﻣﻴﻌﺘﺮﻑ ﺑﻴﻨﻪ ﺑﺎﻟﻨﻌﺎﻝ ...
ﺿﻠﻴﺖ ﺍﻓﺘﺮ ﺑﺘﻮﺗﺮ ﻭﺧﻮﻭﻑ ﻫﻨﻪ ﺗﻘﺮﻳﺒﺎ ﺳﺎﻋﻪ ﻭﺍﺟﻦ
ﺑﺎﻭﻋﺘﻠﻬﺎ ﺑﺨﻮﻑ ﻭﺗﺴﺎﺅﻝ ...
ﻋﻤﺘﻲ ﺿﺤﻜﺖ ﻛﺎﻟﺖ .....
ﻧﻬﺎﻳﺔ ﺍﻟﺒﺎﺭﺕ .... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻭﻗﻔﻪ ... ﺍﻟﺤﺴﺎﺑﺎﺕ ﺍﻟﻨﺎﻗﻠﻪ ﺍﻟﻘﺼﻪ ﻳﻜﻮﻟﻮﻥ ﺍﻟﺒﺎﺭﺕ ﻗﻠﻴﻞ ﻭﺗﺘﺎﺧﺮﻳﻦ ﺑﺎﻟﺘﻨﺰﻳﻞ ...
ﻃﺒﻌﺎ ﺍﻟﺒﺎﺭﺕ ﻃﻮﻭﻭﻳﻞ ﻭﺁﻟﻠﻪ ﺣﻴﻞ ... ﻭﺍﻟﺘﺎﺧﻴﺮ ﺍﻧﺐ ﻧﻈﺎﻣﻲ ﺑﻴﻦ ﻳﻮﻡ ﻭﻳﻮﻡ ﻣﻦ ﺯﻣﺎﻥ ﻣﻮ ﻫﺴﻪ ... ﻭﻗﺪﺭﻭ ﻣﻮﻗﻔﻲ ﺿﺮﻭﻓﻲ ﺷﻮﻳﻪ ﺻﻌﺒﻪ ﻭﺍﻟﻠﻪ ...




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس