[لامارا]

*****
الفصل الثالث

كانوا قاعدين يسولفون مع امهم

ام أسامة : شلون ام محمد وبنتها أسماء

إبتسام : زينه يمه وترا تبلغك سلامها

إم أسامة : الله يسلمها والله مادري شلون أجازيها وانا امك

إبتسام : ايوه يمه كانت لي ام بالغربة وأسماء إخت جزاهم الله كل خير

أم أسامة : كثر الله خيرهم يوم يجون علي السعودية اعزمهم علي بيتي واخدمهم براسي

ريتاج تضحك : هههه وش عندك يممه

أم أسامة : ناس وحطوا إختك بعيونهم وكانوا لها اهل وناس واخدمهم وقليلة عليهم

إبتسام : ايوه يمه ترا عزمتهم اول مايجون يقعدون ببيتنا

ريتاج بخبث : والله ليكون مشتاقة لهم

إبتسام عصبت وخربتها : ايوه حيل مشتاقة لهم

ام أسامة : متي يجون يمه

إبتسام تناظر ريتاج بغضب : أسماء تقول شهر شهر ونصف يجون

أم أسامة : ودكتورك بعد

إبتسام إستحت لطاريه : مادري يمه يمكن

ريتاج تغمز : إلا شلونه الدكتور

إبتسام عصبت " وش عليك إنت وش لونه " : زين

ريتاج تهبل فيها ترفع وتنزل حاجب لها

أم أسامة : والله ذاك الدكتور دخل قلبي يوم يجي أتشكره بنفسي

ريتاج ضحكت وإبتسام تناظر أمها : ليش يمه

ام أسامة : تقولين كان لك اخو وسند

إبتسام تذكرت ذيك الايام الحلوة وإبتسمت بحبور لها : الصراحة لله ايوه يمه عاملني مثل وحدة من اهله واكثر
ريتاج بخبث : والله ناس خير وكرم

إبتسام خاقة علي ذكرياتها الحلوة : إيه

ام أسامة : جزاهم الله كل خير

ريتاج : بسووم شلون اسومة

إبتسام تبعد هذولا الذكريات " مستحيل يحبني " : زينة وتسلم عليك وبعثت لك شي معي

ريتاج إشتغلت اللقافة وبفرح : إحلفي واصدق وش هي قولي قولي

إبتسام حبت تحرق اعصابها : سربرايز ..بعدين وتعرفين وش هي

ريتاج عصبت : ترا تتكلمين وتقولين وش هي او إتوطي بمسارينك

إبتسام بدلع : يممه شوفيها

ام أسامة عصبت : ريتاج بشويش عليها ترا هي مريضة وبعدين إصبري ورح تعرفين وش هي

ريتاج تهدد وبين اسنانها : هين يابسووم النذلة

إبتسام إبتسمت بنصر : يمه عن إذنك اروح انام مرة تعبانة

أم أسامة باستها : ايوه ياقلبي روحي نامي وإرتاحي ..المساء يجون اهلك ويتطمنون عليك

إبتسام حبت راسها وقامت : إنشالله
ريتاج قامت معها : اروح معك

ام أسامة : وين معها إتركيها ترتاح

إبتسام : ههه ماعليه يممه انا تعبانة وهي تبربر علي راحتها
ريتاج تتمسكن * مسوية فيها القط ياكل عشاها * : افا عليك وانا اقول إختي حبيبتي الوحيدة أتطمن عليها واخذ علومها

إبتسام : إيه هين صدقتك يام قلب رهيف

ريتاج تسحبها : مالت عليك

أم أسامة ضحكت : هههه ريتاجووه إتركيها تنام زين

ريتاج تستهبل : لا تشغلين بالك يمه بالحفظ والصون

إبتسام تمشي معها : ليه امانة ضايعة

ريتاج سفهتها : هاه بسوووم شخبار ناس المانيا

إبتسام تدري عنها : قلت لك بخير

ريتاج إنقهرت بس مابينت " إبتسام نذلة " : زين شخبار دكتورك محمد

إبتسام إستحت غصب لطاريه : زين

ريتاج عصبت : هذا اللي طلع معك ( تقلدها ) زين

إبتسام عصبت : وش تبين اقول وبعدين وش عليك إنت من اخباره

ريتاج تطنز : ابد يالغيورة حبيبي إختي أسال عنه وبس

إبتسام ماسكة صرختها : رتوج

ريتاج من الاخير : بسك نذالة وعلمني شصاير معك إنت وهو

إبتسام عصبت اكثر : وش هاذي انا وهو الرجال دكتوري ومايحبني إفهمي

ريتاج بثقة : والله ليش كل ماقلت لك تقولين توه كان بالغرفة وطلع

إبتسام بغضب : وبعدين الرجال دكتور وانا مريضته ويجي عندي يسوي شغله وبس

ريتاج بشك : كل ساعة وهو يتطمن ويسوي شغله

إبتسام معصبة : عمي ابو بدر وصاه علي وهو دامه بالمستشفي ودكتوري يجي يدخل ويطلع

ريتاج مو مقتنعه : بس كذا

إبتسام تنهدت : اووف ايوه علابالك اكذب

ريتاج تهبل فيها : لا ماتكذبين بس اكيد لمح لك بحبه لك

إبتسام بتبكي : ريتاج واللي يعافيك والله صدع راسي ليش ماتبين تصدقني

ريتاج ماسكة ضحكتها : عشانه حاسة إنه يحبك

إبتسام سفهتها ومشت مو عشانها عشان نفسها اول شي ماتبي تعيش بحلم إسمه محمد ويطلع وهم وسراب ويتعذب قلبها المريض الضعيف

ريتاج لحقتها : يله سمعني شصاير بألمانيا

إبتسام بطولة بال : وش كنت اقول لك بالموبايل

ريتاج فرحت : ماعليه مو ورانا شي خلنا نسولف

إبتسام بدلعها الرباني : ريتاج وقسم بالله تعبانة ودي انام

ريتاج فقعت ضحك : ههههه فطرتي قلبي نصفين نامي وإرتاحي ويوم تصحين ونسولف

إبتسام تستهبل : يعني مافيه مفر

ريتاج : هههه نفر

إبتسام تنهدت : اه زين زين انام والمساء نسولف وبعدين ادري عن الملقولة الثانية الله يجرينا من لسانها الطويل ابو مترين

ريتاج فقعت ضحك ودخلت معها حق غرفتها اللي كلها احمر ستاير وحرامات ورد وشموع إبتسام قالت قبل إنها بعد اسبوع وترجع وريتاج جهزت كل شي لها مفأجاة حلوة لها وإبتسام فرحت فيها وتشكرتها وعطت لها هديتها من أسماء وكانت تذاكر عبارة عن قلعة فينيسيا داخل كرة ثلج موف عشان ريتاج تعشق البنفسجي ومرة فرحت فيها ودقت علي أسماء تتشركها

إبتسام علي طول غفت ونامت يوم غيرت ملابسها

ريتاج كملت سوالف مع أسماء ولفت وشافتها ملاك نايم راحت لها وغطتها وباست خدها الناعم وبحب : الحمد لله وأخيرا رجعت للبيت بدعي لربي تمين طول حياتك زينه ومافيك الام ....طلعت عنها بعد ماشغلت المكيف وطفت الضوا وسكرت الباب

***
نهاية الفصل