*****
الفصل الرابع
فارس دق علي طلال
طلال كان منسدح بغرفته والملل مأخذ مفعوله معه
طلال ( ولد خالة ريتاج وإبتسام واخوهم من الرضاعة رضعوا من ام أسامة وهو خوي فارس الروح بالروح واخوه بعد من الرضاعة ملقوف ونمبر وان وجه بلاوي ويحب يطيح قلوب الناس بمقالبه ...يدرس بالمعهد معه ومأخذ الزين كله شعره مطوله شوي اسود ناعم مرة وعيونه كبيرة ولها رموش كثيفة بحال البنات وبشرته مرة بيضا وخشم طويل حاد وهو طويل وعريض جسمه خيالي معضل والبنات خاقين عنده وهو بحال فارس يعشق يتغزل فيهم بس عقله سرقته أمونة حياته إخت أعز اصحابه ) رن موبايله ورد
طلال بضجر : الوووو
فارس برجة : صباح الخير وينك
طلال يطنز : الحمد لله وإنت شخبارك شعلومك
فارس يستهبل وبصوت رومنسي: زين حبيبتي وإنت شخبارك حياتي
طلال قعد وعصب : فرووووس
فارس ضحك : هههه بسك هبل علي وينك فيه
طلال إبتسم " هين اقلبها لك " : بالمريخ ...وين بكون يعني بالبيت
فارس : ههه قم نطلع للنادي
طلال قام : والله فكرة احسن من قعدة البيت مثل الحريم
فارس تذكر : زين قل حق يزيد يطلع معنا بعد ...إلا سمعت
طلال بسرعة وبثقة : إبتسام رجعت قالته الاخبارية الاولي بالسعودية
فارس فقع ضحك : ههههه اوكيه إنت دق علي مصعب وفهد وانا إخوانك
طلال يستهبل : زين تامر بشي بعد ..ياقلبي
فارس : هههه سلامتك ياحبي
طلاا عصب : مالت عليك يالمخنث ....وسكر منه
فارس عصب وصرخ : طلاااااااال
طلال يضحك : بغي يهبل فني هبلت فيه ..علي هامان ياون
ونزل حق اهله وحصلهم قاعدين يسولفون ويشوفون الاخبار
طلال : السلام وعليكم
الكل : وعليكم السلام
ابو طلال رجال بعمر 45 عنده شراكة مع ابو مصعب يحب عياله وزوجته ويحقق طلاباتهم وهو حنون وطيب بس صارم
ام طلال إخت إم أسامة الوحيدة سند وعون لزوجها وتحب عيالها وتدلع بناتها وتحب إبتسام وريتاج وتعزهم مثل بناتها
يزيد الولد الثاني بعمر 21 يدرس إدراة اعمال وحلمه يصير اول سيد اعمال بالمملكة والكل يسمع بإسمه ويحسب له حساب وعن جماله مزيون واحلي شي فيه غمزاته اللي تظهر يوم يضحك وهو عاقل مب بحال طلال المهبل
هديل بنت حنونة طيوبة دلوعة ورقيقة بعمر إبتسام وتدرس تاريخ بالجامعة تحب أسامة وتتمني يفكر فيها وعن جمالها زينه
فرح اقرب وحدة لمني تدرس معها بالثانوية رقيقة وهادية ودلوعة وريتاج تسميها ارق من فراشة وعن جمالها طبيعي بس شعرها الميال لأحمر زادها فتنة وشفايفها المنتفخة شوي زادتها روووعة
طلال : يزيد قم نطلع للنادي مع العيال
يزيد كان منسدح ورافع رجوله وحاطهم علي طاولة الصالة ولاهي بالموبايل ( سامسنغ ) لف له : صادق مليت ...وقعد
فرح كشرت : قلنا نروح حق إبتسام نتطمن
طلال : المساء ونروح اكيدة تعبانة كانت مسافرة البنت
هديل إنقهرت هي بعد
ام طلال قامت : صادق ارجع علي إختي أتطمن
ابو طلال بمزح : عيال هالمرة تطلع مليار ريال امكم كل شوي تتصل علي إختها تتطمن
العيال: هههههههههههه صح
ام طلال ضحكت : ههههه إدفع وإنت ساكت
ابو طلال : هههه فداك يالغالية
إم طلال إستحت والعيال ماسكين ضحكتهم
طلال ضحك : ههههه احلي يالرومنسي
العيال فقعوا ضحك
ابو طلال مسوي فيها حازم : مو كنت تقول تبي نادي اطلع يله
العيال يضحكون
طلال : هههه ابشر طالع
ام طلال مشت حق التلفون وهي مستحية
وطلال طلع هو ويزيد
طلال دق علي مصعب
مصعب كان بسيارته يسوق ورد : هلا بالشيخ
طلال : هلا والله وغلا حياك
مصعب ضحك : هههه شعندك رايق
طلال يستهبل : شفت لي بنت مزيونة توها فايته
مصعب ضحك : ههههه الله ياخذ بليسك قل امين
طلال : ههه امين وينك فيه
مصعب : مافيه وش خبارك
طلال : مب فاضين وبعدين تكسر جبل وش لي باخبارك
مصعب يدري إنه يمزح : مالت عليك الله يحفظ لي صحتي وعافيتي ...بسيارة طالع ل
طلال : شعندك إنت شغل في شغل
مصعب بضجر : الوالد الله يهداه
طلال : الله يعينك كنت اقول طالعين لنادي مع الشباب تخاوينا
مصعب : إنشالله ساعة زمان اكون فيها
طلال : ازين ناطرينك
مصعب : إنشالله تبي شي بعد
طلال : سلامتك فامان الله
مصعب : فامان الكريم ...وسكر
ولد بعمر 24 رجال بمعني الكلمة عاقل كمل دراسة ويشتغل مع ابوه بالشركه شايل اهله بعيونه وعن جماله مزيون ويطيح الطير من السما واحلي شي فيه جسمه والكل يقول له بطل سنيما والبنات ينذبحون عنده بس هو كل همه شغله
ابو مصعب رجال عنده من الحلال الكثير يحب عياله ويبغي يعيشهم ملوك ويحب زوجته
ام مصعب سند وعون لزوجها وتحب عيالها وتهتم لطلباتهم وتحقق امانيهم
مدي وندي التوأم الزين والمزيون بنات بعمر 16 يدرسون بالاولي بالثانوية الاهلية مع مني وفرح بس كل وحدة بجمالها ورقتها ودلعها واحلي شي فيهم يوم يتكلمون مع بعض ويصدعون راس مصعب
راشد اخر العنقود بعمر امين يعشق الكرة ويبي يصير ياسر القحطاني ويموت علي البلاستيشن ويحمل كل الالعاب الجديدة
يزيد دق علي فهد وهو ولد خاله واقرب الناس له
فهد كان مع اهله قاعدين يسولفون عند المسبح
فهد لابس بس البنطلون ومنسدح علي ظهره علي الكرسي الطويل
نوف لابسة بيجامة أصفر حرير ومدخلة رجولها بالمويه وتلعب
ابو فهد ماسك الجريدة ومدخل رجوله بالمويه ويشرب قهوته العربية
ام فهد تشرب قهوتها التركية وماسكة مجلة ازياء تناظرها وتختار فساتين تناسب عمرها وتناسب بنتها
فهد ولد بعمر 21 يدرس إدراة اعمال مع يزيد ولد عمته وهو الولد الوحيد حق رجل الاعمال منصور بن علي وعن جماله مملوح وهو ولد عاقل ويعز إخته الوحيدة نوف مرة ولو يشوفها تبكي يبكي معها يحبها ويحقق كل طلباتها
ابو فهد رجال عنده من الخير الكثير واسهم وxxxxات وكل حلاله لعياله الاثنين نوف دلوعته واميرته وفهد اميره وزوجته ملكته وهو حنون وطيب بس بالشغل صارم
إم فهد الحرمة العاقلة الرزينة اقرب وحدة لأم طلال تحب زوجها وعيالها الاثنين تدلع نوف ومعروف عليها تهتم ببشرتها وجمالها وهي بعمر 40 بس اللي يشوفها يقول بعمر العشرين ونوف تستشيرها بكل شي يخص عالم الجمال والموضة
نوف البنت الدلوعة والاميرة تطلب يتحقق تتمني تحصل وهي اقرب الناس لإبتسام تدرس بالجامعة معها وهي حنونة طيبة وتكره شعور الغيرة والحقد وعن جمالها هادي وعيونها عيون سود عربية كبيرة ولما تحط لهم كحل تضيع اللي حولها
فهد يرد علي يزيد : الوووو
يزيد : الوووين صباح الخير شخبارك
فهد : صباح الخير الحمد لله وإنت شخبارك
يزيد : زين ..شعندك.. فاضي
فهد بملل : ايوه لاشغلة ولا مشغلة وإنت
يزيد : طالع للنادي مع العيال تخاوينا
فهد قعد : اي والله مليت ..منهو طالع
يزيد : انا وطلال ومصعب وفارس وعيال عمتك
فهد فرح شوي علي الاقل يطلع يغير جو : زين هذا طريقي لكم
يزيد : إنشالله... نسيت اقول ترا إبتسام رجعت ..سمعت ؟!
فهد إبتسم : ايوه دقت ريتاج تقول لنوف
يزيد ضحك : هههه نسيت وكالة الاخبار السعودية
فهد ضحك : هههه صادق يله اشوفك بالنادي ...تامر بشي
يزيد : سلامتك فحفظ الكريم
فهد : فحفظ الرحمان ...وسكر منه
نوف كانت تسمع له وكشرت : لا تقول بتطلع
فهد قام بيلبس ثوبه اللي كان فاسخه : ايوه العيال بيطلعون لنادي
نوف بقهر وبدلع : فهوود بسووم رجعت وانا حيل مشتاقة لها
فهد كشر وفهم عليها : نوف البنت توها وصلت واكيد طول الليل بالطيارة وتعبانه إتركيها ترتاح والمساء تزورينها
نوف بقهر : بليزززز
إم فهد رفعت عيونها عن المجلة : صادق يممه المساء وتزورينها وتتطمنين
نوف إستغلت الفرصة : وانام عندها بعد
إم فهد : هههه إنشالله
فهد تنفس : زين انا طالع تبون شي
نوف تدلع : شكلاطة غلاكسي
فهد ضحك : هههه نفسي اطلع بيوم وتقولين ماتبين شي
نوف : هههه بالحلم
فهد : هههه يمه حبيبة قلبي وإنت شتبين ؟!
ام فهد : سلامة قلبك يممه إنتبه لنفسك
فهد : إنشالله
ابو فهد : ياوليدي رح حق ال وشف منهو فيه
فهد إستغرب : يوم عطلة يبه
ابو فهد : ايوه ادري ياوليدي بس موصي علي ه سلع من الامارات واليوم توصل رح شفها
فهد كشر : إنشالله هذا طريقي لها
ابو فهد : الله يرضي عليك
فهد تبسم ومشي له حب راسه وحب راس امه وطلع عنهم راح لل ولحق لعيال لنادي وفلوها لما لعصر ورجعوا لبيوتهم تغدوا ومشوا حق بيت ابو اسامة
إبتسام صحت من نومها تغسلت وصلت فرضها ولبست ملابسها ورحبت بالكل مع امها وإختها وقعدت سولفت مع البنات وراحت حق الشياب والعيال شافوها وتطمنوا... كلهم يحبونها ويهتمون لها مصعب وفهد ويزيد كلهم يعتبرونها إخت لهم وهي سلمت عليهم وكانت متحجبة وقعدت شوي ورجعت دخلت للحريم
الكل رجع لبيته ينام ويرتاح يوم تطمنوا عليها إلا أماني ونوف اللقافة ماكلتهم اكل نوف مب ملقوفة بس هاذي إبتسام مو غيرها ولزوم تسمع كل شي وخاصة إبتسام قالت لها بالموبايل فيه سالفة ابي اقول لك عنها يوم أشوفك وهي ميته لقافة لين تسمعها
إجتمعوا بغرفتها محاصرينها
إبتسام تدري عنهم : خير وش جمعكم ليش تناظروني كذا
أماني تغمز لها : نبي نسمع كل شي صار معك بألمانيا
إبتسام كشرت : وش كنت ابربر بالموبايل وقبل ساعة مع الحريم ومعكم
ريتاج : بس نحن نبي نسمع شي ثاني ماقلتيه قدام الحريم
إبتسام مسوية فيها غبية : شي ...مثل شنو !!؟؟
نوف ماسكة ضحكتها والله لتشويها إبتسام : شي مثل الدكتور محمد بن سلمان
( ادري بتقولون يشبه إسم ولي العهد ترا ماقصد شي إسم وبس )
إبتسام عصبت وناظرتها بغضب " النذلة هين يالدوبة "
أماني : ترا نسمع لك تفضلي
إبتسام معصبة من نوف : وش اتفضل الظاهر ماتفهمون الرجال دكتوري وبس
ريتاج بثقة : علينا يالولهانة
إبتسام بغضب : وبعدين
اماني ناوية عليها : ولا قبلين إنت كل ماندق عليك تقولين جاب لي اكل ..جاب لي كتاب... توه طلع ...يجي كل ساعة يتطمن علي
إبتسام " هذولا نذلات انا ابي انسي وهم ناوين علي " : اماني عادي الرجال يسوي شغله
نوف : وبس إنت المريضة او شنو ؟ كل ساعة والثانية راز كشته بغرفتك
إبتسام عصبت " شدخلك إنت " : لا حول ولا قوة إلا بالله
ريتاج ضحكت : هههه نوف ترا إختي ماترضي علي حبيب القلب
إبتسام لفت لها بغضب
نوف تستهبل وبدلع يلوع القلب : اوبس سورري ياقلبي ماقصدت
أماني عصبت منها : سمعينا حامت كبدي من دلعك
إبتسام ضحكت غصب
نوف عصبت : مالت عليك ياشيخ الشباب
اماني بغضب : ترا مب فاضية لك سمعينا ازين لك
نوف :روحي عني ...عاد انا الفاضية لك
اماني تناظرها بغضب
ريتاج بغت تغير السالفة وقامت : اروح اجيب بوب كورن وشبس منهو تبي ؟؟
إبتسام بسخرية : والله ليش بتحضرين فلم
ريتاج تغمز لها : ايوه عنوانه حب بسمة ومحمد خارج حدود الديرة
إبتسام صرخت فيها : ريتااااااااج
الثلاثي تسدحوا ضحك
اماني تزيد عليها : جبي بعد جوز وبندق عشان نركز عدل مع الاحداث الرومنسية
ريتاج : إنت تامرين امر
إبتسام معصبة : نذلات
نوف : يله عاد لاتسوين فيها سالفة علمينا وريحينا
إبتسام والشرر يطلع من عيونها : ترا إنت شغلك بعدين يالنذلة شدخلك بين المهبل
نوف ضحكت : هههههه إنشالله
أماني : ههههه احسن حتي تقولين شص معك
إبتسام بطولة بال : ماصار شي إفهموا
نوف : نحن نقرر
إبتسام عصبت : ترا من الحين اقول لا تصدعون راسي وتقولون بس هذا اللي ص معك
أماني : خلك صادقة وقولي كل شي ونحن يومها نحكم
إبتسام تنهدت من قلب : يارب عونك
الثنتين ضحكوا ورجعت لهم ريتاج ومعها العدة اللازمة حق فلم مشوق
نوف تناظرها : والله اللي يشوفك يقول من جد بتحضرين فلم
ريتاج ماسكة ضحكتها : وش رايك ترا هاذي قصة حب براد بيت وأنجلينا
إبتسام تدعي عليها : حبك حب
ريتاج عصبت : وجع تدعين علي
إبتسام بوثوق : ايوه عشان لابحياتي شفت إخت مثلك
ريتاج : ترا بسكت بس دامك مريضة او كان تصرفت معك تصرف ثاني
إبتسام تطنز : مشكورة حق التفهم والتسامح
اماني ملت : إتركينا من البربرة وعلمينا عن اللي ص معك يله تفضلي كلنا اذان صاغية
إبتسام للحين تدعي : عساها تفقع إنشالله
اماني عصبت : وجع يوجعك يالدوبة تدعين علينا
إبتسام : ايوه واعلي مابخيلك إركبيه
نوف خشت قبل ماتبدي الحرب : بسوومة بسك نذالة وقولي شص معك
إبتسام تنهدت وبرجا : تكفون إفهموا الرجال مايحبني
ريتاج : ماعليه حياتي خلينا نسولف مو وارنا شي
نوف واماني إستغربوا شقلب المتوحشة حق الحنونة
إبتسام ضحكت غصب : ههههه كل شي تسوينه عشان ترضين فضولك
وضحكوا كلهم
ريتاج : هههمه احلي يالذكية يله تفضلي
إبتسام إبتسمت : ههههه زين ...قبل ثلاث شهور
****
نهاية الفصل