***
الفصل الخامس
قبل ثلاث شهور
نزلت إبتسام وعمها بمطار برلين عاصمة ألمانيا وإتصل ابو بدر علي شخص يعرفه عدله وبحال ولده
عند ذاك الشخص كان نايم بمكتبه من التعب ويحلم "كمل عملية مع دكتوره المشرف وطلع لمكتبه في المستشفي اللي يملك فيه أسهم وهو عضو إدارة بعد وراح علي مكتبه وأول مافتح الباب لفت له بنت وتم يطالعها ومستغرب وش جابها علي مكتبه ويطالعها من فوق لتحت وهي مبتسمه وتتكلم بس مافهم شي وأرتبك من جمالها وحلاوتها لابسة عباية أسود مع أبيض وحجاب أسود مطلعها لولو بصدفتها سمع شي واحد بس ...انا بسمة " وقطع عليه صوت الموبايل ورد وفيه النوم
ابو بدر : الوووو محمد ياوليدي
محمد فز : هلا عمي شخبارك
ابو بدر : زين الحمد لله إنت شخبارك
محمد يفرك عيونه : بخير ياعم
ابو بدر : ترا وصلت بعد شوي أجيك
محمد طالع ساعته : حياك إرتاح وساعتين زمان تعال للمستشفي عشان مشغول الحين
ابو بدر : زين إبعث عنوان المستشفي
محمد : ابشر ..سكر منه وقعد يفكر فحلمه وفنفسه " كأني كنت احلم ببنت بمكتبي وإسمها بسمة " طالع حوله وإبتسم علي غباءه وقام يسوي شغله
وبعد ساعتين وصل ابو بدر للمستشفي معه إبتسام
ابو بدر رن موبايله برقم اخوه : بسمه ياعم إدخلي وانا ارد علي ابوك وألحقك
إبتسام دخلت مكتب الدكتور : زين ياعم
ابو بدر رد علي اخوه وهي دخلت داخل المكتب وتمت تطالع فيه وتكلم نفسها : مشالله مكتب كبير مرة ونظيف ههه معقم نسيت إنه مكتب دكتور ...
سمعت صوت الباب إنفتح ولفت علابالها عمها ابو بدر وفهت
محمد ( ولد بعمر 27 كمل دراسة الطب ودخل قسم جراحة القلب وهو مرة فطن وشاطر وصار له سنة ونصف تدريب وبالنسبة لجماله يذببببح يجننن عيونه أخضر خشم طويل وعيون نعسانة وسكسوكته خفيفة بس تطيح الطير جماله سعودي أصيل وجسم رياضي وعضلات مفتولة وكان لابس بنطلون وبالطو وهو هادي ومايحب المشاكل بس اللي يبيه يحصله ولازم كل شي يتمانه يحققه )
كان محمد ومن فتح الباب إنصدم كأنه شافها من قبل
إبتسام تطالعه وهي مبتسمة " دكتور مزيون " : دكتور محمد
محمد يطالعها وفنفسه " وين شفتك قبل ...اه نفس البنت اللي بالحلم نفس اللبس والجمال والعيون " يفتح ويغمض وهز راسه بإيه
إبتسام إستحت منه وبربكة : انا ...انا بسمة
محمد إنصدم اكثر " والله هي نفس الاسم " بهفاوة ونسي نفسه : إنت حقت الحل....
قطع عليه ابو بدر : محمد ياوليدي
محمد فز ولف له وإبتسم : عمي هلا حياك
حب راسه واخذ علومه وللحين منصدم من اللي قاعد يصير شاف إبتسام بالحلم
إبتسام مستغربة يعرف ابو بدر وحب راسه وإيده وكانهم يعرفون بعض عدل
محمد طالعها وفنفسه " سبحان الله شفتك بالحلم " : عمي تفضل حياك
قعد ابو بدر وإبتسام وهو قعد ورا مكتبه
محمد بهدوء : السموحة ياعم كان عندي شغل
ابو بدر :ماعليه ياوليدي حتي نحن أرتاحنا شوي من السفر
محمد : وصلت من ساعتين ؟
ابو بدر : ايوه وحجزنا باوتيل قريب للمستشفي
محمد إبتسم وطالع إبتسام " لما حطتي رجلك بهالمكان كنت أحلم فيك وش هالصدفة " : زين حياكم ...إنت هي المريضة
إبتسام بحيا وبصوت هادي : أيوه
محمد طالع عمه : زين اطلب ضيافة ونروح نسوي فحوصات
ابو بدر : اللي تشوفه
طلب محمد ضيافة لهم : عمي شخبار بدر
ابو بدر إبتسم : اتوقع إنت ادري بأخباره
محمد إبتسم : ادق عليه ومايرد
ابو بدر : زين ابشر اشد إذنه
محمد ضحك غصب : هههه يستاهل
إبتسام " يعرف بدر ولد عمي "
أبو بدر : بالف خير ويقول أخر شهور دراسة
محمد : ايوه هبلنا بالدكتوراه حقه
ابو بدر إبتسم : خليه يدرس عشان مكانه الوحيد الشركة
محمد إبتسم : له الشرف يشتغل معك
ابو بدر : تسلم ياوليدي
محمد لف بعيونه يطالعها " ياربي موب قادر أصدق نفس البنت " : إخت بسمة
إبتسام بهدوء : نعم
محمد : من متي وإنت مريضة
إبتسام منزلة عيونها ومشكبة إيدينها : من عشر سنين
محمد عقد حواجبه : زين وش قال دكتورك المعالج قبل
إبتسام : قال لازم عملية زرع قلب
ابو بدر يسمع لهم
محمد إبتسم : نسوي فحوصات اول ونقرر ...علمني شلون صرتي مريضة قلب قصدي بسب حادث او شنو
إبتسام بركبة وبصوت هادي مرة : طحت
محمد ماسمع : إيش !!؟؟
ابو بدر تدخل : طاحت من علي الدرج وهي بعمر تسع سنين
محمد ناظر عمه : هاه ...زين
ابو بدر : تعاني من خوف من الحادثة
محمد تفهم وإبتسم : زين ماعلينا انا قدمت ملفها حق دكتوري المشرف وهو قال إمكانية عملية ...مثل ماقلت لك بالتلفون
وصلت ضيافتهم وطلعوا وسوا لها محمد اللازم وكل الفحوصات وطلعوا من المستشفي
محمد : ننتظر بكرة تطلع النتيجة ونشوف
أبو بدر : زين وش تتوقع
محمد : عملية شي اكيد ورح تتحسن حالتها
ابو بدر فرح : مكثور الخير
محمد طالع إبتسام " موب قادر افارقك شفني ": واجب ياعم ....وين الاوتيل حقكم
ابو بدر : قريب مرة
محمد لف له : زين شرايكم تروحون لبيتنا
إبتسام ساكته وتسمع له ولعمها
ابو بدر : مكثور الخير الاوتيل قريب ومانبي نثقل عليكم
محمد عارض : لا ياعم وش هالكلام وبعدين الوالد وصاني اول ماتوصل أخذك علي البيت
ابو بدر : تسلم والله زين رح نجيكم المساء بإذن الله
محمد فرح ولف علي إبتسام : فعندي إخت بعمرك قلت لها أمس عنك وتبي تتعرف عليك
إبتسام إبتسمت : اتشرف والله
محمد حس بفرحة غريبة : زين اوصلكم علي الاوتيل والمساء أيجكم وماله داعي تاكسي
ابو بدر : لا ياوليدي مانبي نثقل عليك ونتعبك
محمد إبتسم " المشكلة مابي أفارقكم ليش مادري " : وش دعوة تعبكم راح ..تفضلوا علي السيارة
ركبوا بالسيارة ومحمد فرحان بس واوقات يرفع عيونه ويشوفها بالمراية
إبتسام قاعده ورا عمها وتطالع الشوراع والناس فيها والمحلات
محمد يسولف مع أبو بدر لين وصلهم لأوتيل وتركهم ورجع علي بيته ويفكر فيها " أيوه البنت اللي بالحلم نفس الاسم نفس اللبس نفس الوجه نفس العيون الرمادية ...شفني وش سالفتي احس نفسي مشتاق لها وابي أشوفها " طول الوقت وهو يفكر فيها وينتظر ساعة ثمنية بالليل ماقال لأخته عنها وصلت ثمنية بالليل ورجع لهم لأوتيل وركبوا بسيارته واول ماشاف إبتسام إبتسم لها غصب وحس بفرحة غامرة غريبة يعيشها هاليوم
إبتسام كانت مستحية مرة منه وطول الوقت ماقدرت تحط عيونها بعيونه وخجل وربكه تجيها يوم تشوفه
وصلوا للبيت علي قولته بس قصر مو بيت كبير بالمرة وإبداع فنان ومهندس بناء القعدة باي زاوية فيه ترد الروح وخاصة النافورة اللي بالوسط وتقسم البيت نصفين لفوا عليها بالسيارة ونزلوا منها وإبتسام تطالع شكلها اوزة كبيرة تطلع من فمها الموية وفيه اوزات صغيرة محيطة فيها وانوار وصوت المويه أمسية موسيقي تبي تعزف مع الحان الطبيعة وترسم صورة الحياة فيها
محمد وقف ويطالعها ومبتسم وبصوت هادي : عجبتك
إبتسام فزت : هاه ...ايه تهبل
محمد " إنت ياللي تهبلين " إبتسم بس ويناظرها
إبتسام إستحت منه
ابو بدر : عمي تبين ترسميها ؟!
محمد لف له
إبتسام هزت راسها بإيه
ابو بدر إبتسم : زين خلينا ندخل ومتي ماتبين إرسميها
محمد إنتبه : ايوه تفضلوا تفضلوا
دخلوا داخل وشافوا رجال سعودي اصيل لابس ثوب أبيض وشماغ أحمر وعقال وقاعد ينتظرهم وجنبه حرمة لابسة عباية وحجاب
ابو محمد ( سلمان رجال بعمر 55 عنده شركات بألمانيا وعنده من الخير الكثير وكله بأسم ولده وبنته وعنده أسهم بالمستشفي اللي يشتغل فيه محمد وهو عايش بألمانيا عشان محمد مايبي يعيش بالسعودية )
ام محمد ( زهرة حرمة كبيرة بعقلها تحب ولدها وتعزه وماتبي تفارقه ورضت تعيش بالغربة عشانه هو وهي حنونة مرة "
إبتسام سلمت علي ام محمد وهي رحبت فيها وابو محمد رحب وسلم علي ابو بدر ودخلوا داخل البيت للصالة وقعدوا
إبتسام مع ام محمد بعيد عنهم ...ومحمد مع ابوه وابو بدر بعيد عنهم
محمد إنتبه لشي وقام وراح حق امه : يمه وين أسماء ؟؟
أسماء من وراه : وراك
محمد لف لها وإبتسم : زين تعالي سلمي جبتها لك
إبتسام تطالعه وتطالع البنت
أسماء ( بنت بعمر 19 تدرس بالجامعة وهي عربجية ومزيوية عيونها لون كأنه أخضر وكانه عسلي وبشرتها بيضا مرة وعندها شامة علي خدها اليسار زادتها حلاوة وجمال مليانه شوي وطويلة وشعرها اصفر بس حاطة حجاب عشان ابو بدر ولابسة جلابية ساترة ) : هلا هلا حياك إنت بسمة ؟
إبتسام قامت لها وفرحت دام فيه بنت بعمرها يمكن تسولف وتتعرف عليها : ايوه وسمني إبتسام إذ تبين
محمد واقف ويطالعهم
أسماء فرحتها اكبر من إبتسام تبي تتعرف عليها وتسولف معها وتخليها صديقة لها : مشالله تهبلين
محمد" صح "
إبتسام إبتسمت :أدري بس مو احلي منك
أسماء فقعت ضحك وضمتها لها : عيونك الحلوة يالحلوة
إبتسام تضمها : تسلمين ياقلبي
ام محمد فرحانه : محمد ياوليدي
محمد فز : هلا يايمه
ام محمد : هذي بسمة اللي قلت عليها امس ؟
محمد إبتسم : ايوه يمه هي
ام محمد قامت : الله يشفيك
محمد وأسماء : امين
ام محمد : زين ترا نحن اهلك الحين
محمد حس إن وجوده غلط : زين السموحة ارجع لأبوي
ام محمد : مسموح
راح عنهم محمد وهم قعدوا ويسولفون عن الوطن والاهل فيها وأسماء تضحك وتسولف مع إبتسام كأنها تعرفها من سنين
محمد يسولف مع ابوه وابو بدر ويسمع لصوتها وصوت ضحكتها هي وإخته وفرحان بس نسي كل شي غيرها ويفكر فيها وبس
مر الوقت وتعشوا الرجال بروحهم والحريم بروحهم ورجعوا يسولفون
ابو بدر إنتبه لشي : عندكم بيانو؟
ابو محمد : ايوه لزينه ....بنتي أسماء وطلباتها
ابو بدر إبتسم : تعزفون عليه ؟
محمد : لا ياعم مانعرف له
ابو بدر : زين بسمه تعرف تعزف عليه
محمد حس بالفرح : صدق !!
ابو بدر : ايوه عازفة ....تبون تسمعون عزفها عليه !؟
ابو محمد : يله قول لها نسمع
محمد ماصدق خبر وقام : زين اقول لها تجي
ابو بدر : زين
محمد راح لهم : أسماء ترا ضيفتنا عازفة بيانو
إبتسام بقبقت
أسماء فرحت : صدق منهو قاله !؟
محمد يطالع إبتسام : عمي ابو بدر ...ويقول خلوها تسمعكم عزف عليه
أسماء ماصدقت خبر : بسمة تعرفين تعزفين عليه !!؟؟
إبتسام ماتدري وش تقول : مو مرة بس شوي .
أسماء فرحت اكثر وقامت : قومي قومي سمعينا
ام محمد ضحكت : هههه أسماء بشويش يالمرجوجة
إبتسام خجلانه : صدقني ماعرف زين له
أسماء : إنت قومي إعزفي ونحن نقرر
إبتسام إرتبكت : بس ...
محمد خش : طلبانك
إبتسام ماقدرت ترده وقامت : زين وش تبون تسمعون !!؟؟
***
نهاية الفصل ان شاء الله يعجبكم