عرض مشاركة واحدة
قديم 31-01-20, 11:20 AM   #25

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الواحد والعشرون 🌿


لا تجعلون الروايه تلهيكم عن طاعاتكم اللهم بلغت اللهم فشهد


‏ترا ضحكاتك اللي على وجهّك .. تحييني

ردت
هلا والله
نشور/هلا
راشد/اخبارك حياتي
نشور /مشغوله شروق شوي اكلمك
راشد/لو قفلتي مو بزين لك
نشور/اوك اكلمك مع السلامه وطبقت وعطت الرقم حظر
لؤي رفع حاجبه/شروق
مدت جوالها له/شف
الا دف جوالها وقام ومشا
زفرت براحه ووجها اصفر من الخوف ودقات قلبها الي تضرب بقوه بدت تخف تدريجيا وترجع طبيعيه
مسكت قلبها وهي ملاحظه هلفتره اذا دق يعورررها بشكل قوييي وكانه يضرب مايدق تنهدت بحزن وقعدت وهي ماتدري شتسوي بهلورطه راشد كل يوم جايها برقم جديد وهي اساسا ماانتقمت منه غمضت عيونها وهي تتذكر قبل يمكن خمس شهور
شروق بضحك /من جدكككك انتي
اسيل/ااي والله
نشور/خبله اسيللل خبله
الا يسمعون صراخ قامو يتراكضون
نشور /وش فيكممم
الجده/مشارري مشارري
نشور وقف شعر جسمها كله واقشعر جسمها وقامت ترجف وهي ماتبي تسمع ايش بعد مشاري
شجون صرخت/ايش به
الجده/سو حااادث وطاحت تبكي تجمعو عليها البنات يواسونها ويواسون ام مشاري ويبون اييي خبر يجييي
نشور كانت حالتها مرره مزريه
دخل خالد عليهم الكل قام
وش به صاحي حي تكلم طمني اذا عندك شي زين قله جب لي الخبر الزين ياخالد لاتحرق قلوبناا
غمض خالد وقال/الحمدلله عدا الحادث على خير بس دعواتكم له
الجده/بشووفه بشوف ولدييي
خالد /ياجده ارتاحي الحين وابشري اوديكم كلكم به بس ارتاحو الحين وخلوه يرتاح
قعدو بعد ماتطمن الكل عليه راح خالد
ونشور كانت بتسأله اذا صاحي مشاري ولا لا ونست الا لحقته مع شروق للمقلط الا وقفن مشي بعد ماسمعن
بدر/من تتوقعون
خالد وهو يحط يدينه على وجهه ويتنهد/ماادري والله الله يعين
يوسف/مشاري ماله اعداء متصالح مع الكل من الي وصلت فيه المواصيل انه بيذبحه لدرجه يرسل شخص يخليه يتعمد يسوي حادث لمشاري
ابراهيم/خلوه يصحا باذن الله واسألوه
وقفت وهي تشهق وتطالع لشروق وعيونها ادمعت يعني حادث معتمد
):
صحا مشاري وراحو له بعد ماسلم عليه الكل وقعدو معه شوي
الجد/يله الكل يرجع للبيت خلو مشاري يرتاح
طلعو بدون معارضه الا نشور قالت تبي مشاري
طلعو
مشاري ابتسم لها واشر على السرير يقول لها اجلسي بتعب/تعالي
جت له ترجف وهي تتخيل فكررره انها راح تفقده مجرد الفكرره رعشت جسمها
مشاري/وش بك
نشور/مشااري قل لي الصدق من الي متعمد يسوي لك الحادثث تكفىى مشاري علمني
مشاري بصدمه طالع لها/نشوور وش هلكلام
نشور/لا تكذب لاتكذبببب علي انا سمعتهم وهي تشهق انا سمعتتتت مشاري لا تكذب
مسك يدها وهو يحاول يقوم وتألم الا رجعته علطول /غبي انت انسدح لا تتعور
مشاري/بوقف الهبال الي انتي تقولينه
نشور/مشارري لا تحسبني غبيه علمنييي تكفى
مشاري /نشور روحي للبيت وخلي هبالك عنك يله ياحب يله
نشور وقفت /لا تحسبني بسكت عن الموضوع ومشت
تنهد بتعب وغمض عيونه يعرف نشور ماراح تعدي الموضوع بسهوله وهو تعب بكل مره راح يركض وراها
مع الوقت بدت تسمع من العيال انهم لقوه وبدت تحلل وتفسر ووصلت انها تتجسس عليهم بس عشان هلموضوع الين ماعرفت اسمه راشد خلف ال**
والي قهره ان مشاري مارد عليه وسحب عليه ولا كان راح يذبحه وكان يقول انا ماراح اقرب له الا معي دليل عشان الشرطه وهو مامعه دليل فنسا الموضوع الا هي مانسته بدت تبحث عنه بمساعده شروق وفاطمه خويتها الي كانت تستدرج معن عن راشد بدون لا توضح له الين ماعرفن وش هوو من راشد وعرفت انه حق بنات وسهرات فقررت تجيه من هلناحيه ماانكرت انها كانت تبكي من الخوف من ربها واهلها وادري انه ذنب عظيمم لاكن كانت بتاخد حق مشاري الي تشوفه عاجز وتدري انه منقهر انه مايقدر يقول له شي وكانت خطتها ماشيه طول الخمس شهور والاكيد ان راشد ماعرفها حتى ولا يعرف اسمها حتى الحقيقي كانت تلعب عليه لاكن راشد حبها وشروق دايم تقول لها خليني بدالك انتي متزوجه وكانت ترفض وتقول اذا انا مااخذت حق مشاري من ياخذه تعرف انه خطأ لاكن الشيطان اعماها والين الحين وهي مقرره تكمل انتقمها لاكن الاكيد ان لؤي لازم يفهم السالفه وهو يعطيها الاذن تدري انه راح يرفض لاكن راح تضغط عليه وخطتها الي كانت مااشيه الا ان لؤي خربها عليها حقدت عليه تمنت لو قعد بس كم شهر ولا رجع الا بعد ماتخلص من انتقامها تدري لو درى مشاري ممكن يهجرها طول عمرها لاكن راضيه اهم شي تبرد قلبه مشاري اههه يامشاري دواءها دواء جروحها كيف ماتحقد على الي يحاول ياخذ من دواءها وحياتها وروحها دمعت عيونها ومسحتها وهي تفتح عيونها الا لقته قدامها فزت بخوف
لؤي الي كان يتأملها طول ماهي كانت سرحانه ويشوف دموعها الي تسقط من عيونها المغمضه ويشوف كيف تتخيل وتكشر وترجع تبكي ويدري ان خيالها كان مزعج
/بك شي
هي ابدددد ماكان لها خلق انها الحين بذات تقعد تبكي وتطلع الي كابتته كان ابددد مو وقته ابددد حاولت ترجع دموعها وتأمرها بقسووه انها ترجع وتمسح دموعها بجفاف وبقسوه
لؤي سحب يدينها من وجهها وهو يشوف انها بتقطع وجهها ماتمسح دموعها/شوي شوي
وخرت يدينها وقامت وهي فعلا مسحت دموعها الي قررو يخرجون من الكبت الي هم كانو فيه لاكن اسيرتهم رفضت بقسوه ورجعتهن وهي ماتدري متى راح يرحمنها مره ثانيه ويقررن يطلعن/تبي شي ؟
لؤي تنهد وهي طفشان وجداً بعد الخبر الي قاله له جده/بكره طيارتنا
نشور عقدت حواجبها /لوينن
لؤي/شهر بصل معك لروما
نشور رفعت حاجبها
لؤي/نشور لا تطالعين فيني كذا لا اكفر بك
صدت عنه وهي مالها خلق/كم يوم
لؤي بسخريه/قصدك كم اسبوع
نشور /الي هو
لؤي /اسبوعين امشي بوديك للبيت تاخذين اغراض لسفر لي ولك
نشور/طيب ومعن؟
لؤي/خليه وجيبي كل اغراضه يقعد عند جدتي
نشور /طيب
بعدها طلع وطلعت وراه بعد مالبست وراحو للبيت
لؤي/كم يبي لك
نشور /بطول لاني بنظف البيت والم المطبخ والاغراض
لؤي /خلي تنظيف البيت اجيب الشغاله تنظفه بس لمي اغراضنا
نشور/طيب بس
كانت بتقول له بروح لخوالي لاكن عارفه النتيجه فماراح تطلبه
لؤي فهمها لاكن ماوضح لانه هو من الاساس كان بيوديها /وش بعد
نشور/ولا شي ونزلت ودخلت البيت يوم شافها دخلت وقفلت الباب راح لبيتهم اخذ الشغالات ورجع نزلهم ورجع لبيت جدها من جديد
لمت اغراضها ولمت اغراض لؤي وهي ماتدري وش يبي نوع ماعلمها اخذت له ترنقات واشياء رسميه واخذت ادوات الحلاقه حقته وفرشاته وعطوره وكل شي وبعدها اخذت اغراضها واغراضه واغراض معن وطلعت الا الشغالات مخلصات كل شي ناظرت بحسره لو هي كان توها بالصاله وماتخلص الا الفجر لاكن مع الشغالات بساعه خلصن ناظرت للبيت الي يلق وريحت المنظفات الي تفتح النفس شغلت بخور وارسلت ل لؤي انهم خلصو جاء لؤي وهو ياخذ الشناط وهي تشوف السواق جاي ياخذ الشغالات استغربت هم رايحين لنفس البيت ليش ماياخذهن معه كشرت يمكن مايتشرف ياخذ شغالات الا ضرب هرن لؤي لفت وجت له
لؤي /ساعه اصايح عليك بوش مسررحه
نشور تنهدت وهي مالها خلقه ابد/معليش
يكررره الاسلوب ذا ماعودته كذاا عودته انها ترد عليه وكان يشوف بعيونها القوه اما الحين مايشوف الا ضعفها يكرره ضعفها او عجزها يبيها نشور الي تعود عليها مشا وهو يضرب الدركسون بيده وكانه يطلع عصبيته به
نشور بااستغراب تطالع له لاكن سكتت والطريق طول لفت مو وجهت بيت جدها استغربت لاكن ماناقشته وهو تشوفه كل شي يسرع اكثر متعوده على مشاري يسرع لا عصب لاكن مو كذا سرعه جنونيه
نشور/لؤي هدي
الا اسرع اكثر لدرجه حست بااي لحظه بيصدمون
نشور /لؤي تكفى هدي
ولا كانه يسمع الين مااوقف عند محل حلويات ونزل سكتت وهي تتنهد كيف بتتحمله ماصار لهم كم اسبوع مع بعض ومو قادرين يتحملون بعض
رجع ومعه اكياس كثيره حلويات وورق عنب الي تحبه ومشا وهو مايتكلم استغربت الطريق طريق خوالها الا فتحت عيونها وهي تشهق وهي تشوفهم يدخلون حي خوالها ابتسمت غصبا عنها طالع لها بطرف عين وشكت الي مااوقف عند بيت خوالها وهي يعطيها من الحلويات وورق العنب والباقي كان جايبه للعيال /معك ساعتين وبس وبدون مناقشه
نشور قامت تضحك مشتتتااقه حتى لشكل البيت /اوك شكررررا
لؤي سكت وهو يطالع لها وهي فتحت الباب الا انفتح الباب ويطلع منه الوليد وعزام ومشاري وخالد
لؤي هاذا الي كان مايبغاه/وقفييي سكري بابك ولفت وهي تحسبه بيرجعها وعلطول ناظرت له باانكسار وصدت وهي تسكر الباب بقوووه لدرجة خلتهم يلفون
لؤي/وقصصصصص لهليد يانشور وقصصص
نشور طنشت ولا كانها تسمعه
مشاري كان يفهم لؤي ويفهم كره للوليد ويدري ان وليد يحب نشور ولا يلؤم لؤي ابدد
انتظر لؤي الين مامشا الوليد وعزام
نشور كانت تنتظره يمشي لاكن استغربت انه واقف
لما راحووو بعيد
لؤي/انزلي
نشور /صدق!!!
لؤي/اخلصي نشور انزلي
نشور ابتسمت له من جديد ونستتت انها تو زعلانه منه ومن كلامه /يخلييييييك لي ياخي وفتحت الباب وجت بتصفقه
الا صرخ /بااااااب سيارتي اذبحككككك وربي
وعلى اخر لحظه مسكته وسكرته بخفيف وهي تضحك
ومشاري وخالد ابتسمو وهي يسمعونه ومشا لؤي وهو اسيرر لضحكتها ولدعوتها يحس بااحساس غريبب وبسرعه تدارك وضعه وتذكررر هي ايششش ورجع الاشمئزاز منها يحاوطه
مشاري/ماالومه والله على الصقعه الي قبل شوي والله لو انه انا لااقتلك وهي يضمها وهي تضحك
مشاري/اافااا يالقاطعه وينكككك
نشور بمكابره /خلاص تزوجت وش ابي بكك
مشاري ضربها على ضهرها/وجعع ياحيوانه
الا ضحكت
وخرت وهي تسلم على خالد من بعيد ودخلو داخل وبعد السلام ولقت خالاتها كلهن وامها الي ماسافرت واختها نوف الي ماكانها اختها
قعدت
شروق وهي تفتح الاكياس/وش جايبه لنااااا وتفتح الاكياس
شروق/ياحيوانه كله الاشياء الي تحبينها كان ذكرتيني بالكيك الي احبه
نشور استغربت من لؤي يعني حتى الحلويات الي تحبها يعرفها/مانزلت والله لؤي هي الي جابه ولا شفت وش جاب
شروق /ياعييييييني ياعييييني لؤي طلع اهه ياجده انتي تشوفييييين متى ربييي يرزقني بزوج مثل لؤي يجيب لي الاشياء والاكل الي احبه اه بس
الا جتها علبة المنديل من مشاري /قليلة الحيا
الا ضحكت وهي تطلع الحلويات
ونشور بقلبها تقول "اسم الله عليك"
لفت لاامها الي تطالع لها بحقد استغربتت منها تدري ان امها ماتحبها لاكن اول على الاقل كانت ماتوضح لاكن لاحضت من انعما ابراهيم ورجعو وكانها تحط الوم عليها وتووضح لها انها تكرها تنهدت وصدت عن امها صارت ماتجرحها حركات امها عادي ممكن تبلد!!!!
نشور/جده ترا بسافر بكره
شجون شهقت/صدقققق مابغيتوو
نشور ابتسمت
اسيل/ويننن
نشور/روما
شروق/الله والله زينن مااخترتو
نشور/اااي وناااسه امنيتي اروح للمدرج الروماني الكولوسيوم وانشاءالله اروح له
شهد/ونافوره تريفي بعدد حلوووه
نشور/اييي بعد
وبدت تاخذهم السوالف ومر الوقت بدون مااتحس الا دق لؤي/يله اطلعي
نشور/طيب
وقفلت وُدعت الجميع معدا امها الي سوت انها تكلم وطلعت والكل يدري ليشش ولا احد استغرب
وطلعت له وكان معه فهد

السلام عليكم
/وعليكم السلام
فهد/واخيررر شرفتي لنا ساعه منلطعين
ولؤي لف يطالع لها وهو بعيونه معصبب وكانها فهمت ولف الا قالت وهي تطالع له من المرايه /شسوي قعدو يسلمون علي والاغلب متجمع وكثار مشاءالله
فهد ضحك /عذر ذا يعني
نشور /ايي!
فهد /تدرين بسافر معاكم
نشور بفرحه/جدددد
الا مات ضحك فهد ولؤي ابتسم /اطقطق تخيلتني بينكم وقعد يضحك انتي شوفي عيون لؤي بس الفكره خلت عيونه تطلع نار اعوذبالله
الا زدات ابتسامت لؤي
نشور بخيبه/وانا صدقت
فهد بجديه/مو من جدكككك بدال ماتطرديني وضحك عشان ابوي يقص اذاني ورجولي هو ماارتاح الا يوم اخذ الاجازه لـ لؤي
نشور/عـــــادي واذا رحت معانا
الا لف لها لؤي وهو يرفع حاجبه
فهد ضحك/نطقطق والله نطقطق لو تقوول لي امش انا اعي
لؤي بسخريه/اساسا ماراح اقول لك
فهد/اااااااانننننن
وضحك لؤي واخيرر
فهد ابتسم وقال/لؤي مر المحطه ذي بااخذ للعيال سهره
لؤي/والي جبته لهم!!
فهد/يبون بطاطسات ويقولون الثلاجه فاضيه وانا عندي فلوس ههههههههههههههههههههههههه ههههههههههههههههههههههههه ههههههههههههههههههههههههه ههههههههههه.
لؤي ضحك/اسحب عليهم مااينعطون وجه ذولا توي قبل كم يوم معبي لهم ثلاجة الملحق
فهد /شسوي احبهم وقف وقف
وقف لؤي وقبل ينزل لف لنشور /تبين شي
نشور/كودرد
لؤي/لا بالله
فهد /وانت شدخلك ونزل
لؤي /ماتشربينه
نشور /ليش
لؤي/كودرد صااحيه انتيييي مضر مضر ولك انتييي خصوصا مضر ماتحموله العيال انتي تتحملينه اساسا هو الي يجيب القلب اذا ماتدرين ولو فهد يدري ان معك قلب بيذبحك لانك فكرتي حتى بشربه
لفت بقهررر بكل مرره يذكرها بكل مرره حتى الكودرد عافته خلاص ماعاد تبيه يسد نفسها على كل شي
وهو لف وومو ندمان قاعد يشووف وحده مستهتره بصحتها بشكللل مو طبيعي
جاء فهد وهو شاري السوبرماركت كلها لدرجه معه كم عامل يشيل معه نص الاغراض حطهن ورا عند نشور ومد لها كيس به كودرد وبطاطس وحلويات الا سحبه لؤي واخذ الكودرد وهو ماشي فتح الشباك وحذفه
فهد انصدم عكس نشور الا عادي ماكنه سوا شي
فهد/مرررريض انت
لؤي/فهيدان لا تتدخل
فهد /لا جددد مريض مريض
لؤي/طيب انا مريض ولا تدخل
فهد انقهر منه ولف لنشور الي عادي الوضع طبيعي/ابشري بالعووض
نشور ابتسمت له وهي تاخذ الكيس الي جايبه لها/فهووودي ماعليك ياروحي ذا يكفييني سهره اليوم وتغمز له
وابتسم وصد وهو يخز لؤي الي ماهمه ابددددد
وصلو للبيت ونزل فهد ومشا وهو يقول لعمال الحديقه يجيبون الاغراض بعد ماينزل لؤي
لؤي مد لها مفتاح الجناح حقهم /امسكي ذا مفتاح الجناح اذا بتنامين وانا بسهر مع العيال وراح اطول وطايرتنا 10الصباح راح نروح من8
نشور/طيب بروح لعلا
لؤي هز راسه واخذت مفتاح الجناح ونزلت وهي تنزل الاكل معاها وشنطتها
وهو نزل بعدها بفتره
بالملحق الي طلعو باب له برا وصار جلسة العيال ويعزموون فيه صارو بعد ماطلعو باابه
دخل لؤي والكل مجتمع واخوياء العيال بعد
يوسف صفر/يااااهوه على عمنااااااا الكريممم ياهوه
عساف /مو بعض الناسسس ماجابو الا شويااات بس لدرجة خلص بيومممم
لؤي/والله انتم البغووول اعوذبالله مقضي لكم حق الف وعليها وخلصتوها بكم يوممم
رائد خوي لهم ضحك/ولا والمشكله مو واضح كل واحد عوود بينكسر من نحفه
وائل سمين /مو اناا يعمري اكل سنكرس حبه حبه ازيد عشره كيلو
ضحكو
نواف /اعووووذبالله من عيونكم اعوذبالله
وائل /تف تف تف ماشاءالله بعد الحين يصير بك شي تقول ويقلد صوت البنات يمهه وائل عطاااني عيننن
ضحكو
مهند/يعيال نلعب
وبدو الي يعلبون قيمم والي يلعبون بلوت والي يتابعون فلم
وضحك ووناسه وطقطقه
.....
الحمدلله



نشور/امااا بسم الله وشبلاهم ماتكلمو
علا/يعنني خايفين من العين غريبه ماقال لك لؤي
نشور قلب وجهها/ لا ماقال لي يمكن نسا الله يعين زوجها من الحين
علا/بجدددد راحمته امه ام لؤي وزوجته حلا يعمرررري
لو ماخذين ميّ اشوى
نشور/اي احس اخلاق ميّ حلوه
علا /ميّ طيبه جداً بس مشكلتها تتأثر بلي حولها وانا مالومها بعد يعني تخيلي امك وخواتك وخالاتك وقرايبك اخلاقهم سيئه اكيد بتصيرين مثلهم لو ماتبغين تضطرين عشان تعيشين معاهم
نشور/صح بس ولو احس مو عذر
علا/كيفهم عاد
نشور ابتسمت لها
علا/اي علميني كيف لؤي
نشور بدت تخترع مواقف وسوالف كلها خيال بس عشان ماتوضح لعُلا شي ..

الساعه3تقريبا بليل
دخلت البيت وطلعت لجناحهم وهي خايفه كانت بتنام عند علا بس اخذت بنصيحة عمتها الي قالت روحي عشان كلامهم هي تدري ان لؤي عند العيال شافت سنابات فهد وهو يصورهم ولؤي كان موجود ارتعشت من البرد الي بدا يدخل خصوصا بـ اليل وخايفه جداً من الهدوء الي حاصل
تنهدت واخذت لها بجامه ولبستها وانسدحت تحاول تدفأ الا دخل لؤي سوت نفسها نايمه وهي شايله هم نومة لؤي معاها وتدعي انه ينام بكنب الصاله ومغمضه عيونها الا حست فيه فوق راسها
لؤي تأملها شوي وقال/ترا ادري انك صاحيه ومشا ياخذ له ملابس وبعدها دخل للحمام تكرمون
فتحت عيونها وهي مكشره "مسوي قافط"
قامت وهي تدور لها جاكيت بااغراضها مالقت كل الاشياء الي ماخذتها خفيفه والاشياء الثقيله بشنطتها حقت روما وماراح تفتحها عشان ماتنحاس
/يليل شسويي الحين!
لؤي من وراها/وش بك
لفت وهي فازه /خرعتني
كمل لتسريحه وهو يعيد سؤاله /وش بك
نشور/ادور جاكيت ولا لقيت لي
لؤي ناظر لها/بردانه؟
هي كملت لسرير وانسحدت/لا الحين ادفأ
لؤي/وشنطة السفر مابها
نشور/الا بس مابي افتحها عشان مااحوسها خصوصا انهن اخر شي
لؤي راح لدولاب الموجود وفتحه وطلع جاكيته وعطها هي قامت ترجف/مايحتاج بديت ادفأ
لؤي بسخريه/مررره باين انك دفيتي خوذيي
نشور مدت يدها وهي ترجف /شكراً
لؤي/العفواً
نشور/وين بتنام
لؤي/بجنبك
نشور فزت/صدق
لؤي باستهزاء/ليش مايشرررفك!!!!!!!!!ولا لازم واحد حقير مثلك ويغمز لها
نشور بقهر/ثمنننن كلامك
لؤي وهو ينسدح وهي قامت علطول/والله اقول الي يعجبني
نشور/حتندم
لؤي ضحك بسخررررريه/انتظرررر بفارغ الصبر
نشور انقهرت/ مااتحمل الكنب قاسي انت نم فيه
ضحك بجد هلمره /بالله؟؟؟!
نشور انقهرت زياده/مااستهبل
لؤي/نشور مصدع ولا لي خلقك بالله يانامي هنا وانتي ساكته ياروحي نامي بالصاله وياليت الثانيه احسسسن
نشور/ماابغا انام معك بنفس المكان طيب!
لؤي /اجل انقلعي لصاله
نشور/عيببب ترا
لؤي رفع حاجبه /بالله
نشور /اوووووهوه عاد من الاخر ماابغا انام بالصاله لانها على بااب وبها بلكونه وماعليها ستاره البلكونه واشوف الي برا فـ اخاف
لؤي /نامي هنا اجل وغمض عيونه وقلب للجهه الثانيه
نشور/شوي تقديرررر
لؤي/راسيي مصدع اوووص
نشور/طيب قم اسحب لي الكنبه هنا
لؤي/بالله
نشور/تسحبها ولا اسحبها انا
لؤي /روحي اسحبيها وقومي البيت كله يلله بسرعه
نشور انقهررررت والضغظ وصل معاها اتشش
راحت بقهر وهي تخبط الارض برجولها وانسحدت على الكنبه الي بالصاله وتناظر للبلكونه ومن كثر الخوف بدأ يتهيأ لها اشكال واصوات لدرجه تحس ان فيه احد بسرعه ركضت للغرفه وقعدت على السرير بخووف وتناظر للباب الي به ضوء والغرفه ظلمأ
لؤي فز منخرع/بك شيً
نشور/والله شفت احد بالبلكونه والله شفت
قام لؤي بيشوف من
نشور /لا لا لاتروح يمكن يعورونك ولا شي
لؤي دفها وراح قعد يناظر وماشاف احد والحوش سكوون وبدا يدور بالجناح مافيه شي وعلطول تاكد من خوفها بدت يتهيأ لها
رجع الا فزت بخوف /مافيه شي من خوفك تحسين فيه اشياء مي موجوده
نشور تبكي /والله شفت والله
لؤي قرب منها/مافيه شي نشور انا رحت وشفت ودورت مافيه والله
بدت ترجف وهي مي مصدقته
قرر يكذب عليها/اي صح يمكن سمعتي اصوات العيال طلعو من الملحق وراحو لبيتهم
نشور /ليش هم بالملحق يوم جيت
لؤي/اي انا جيت اول واحد وهم يلعبون تلقينهم خلصو
نشور/كان فيه واحد
لؤي/نشور من اصوات العيال بدأ يتهيأ لك اشكال صدقيني تبين نروح مع بعض نشوف
نشور /لا لا ماابغا ماابغا
لؤي سحبها غصب معاه وطلعها وخلاها بنفسها تتاكد ان مافيه احد
بعدها دخلو الغرفه وسكر الباب وهي شغلت النور
لؤي/طفيه
نشور/اخاااف
لؤي/بلا هبال نشور انا موجود تخافين ليش
نشور صدت
لؤي راح بيطفيه
نشور بعيون راجيه وبصوت يرجف /لا تطفيه
الا طفأه وهو يمسك يدينها وهو مقرر يخليها تتجاوز شوي من خوفها
الا هي بدت تنزل دموعها وهو كان يسمع لاكن ساكت وصلها لسرير وخلاها تنسدح وانسدح هو وغطاها وهو يقول /لا تخافين انا معك
كلماته طمنتها وبدت تمسح دموعها وتقوي قلبها وتدري ان لازم تتأقلم على الوضع مو كل مره بيخلي النور شغال
ترجع تبكي بعدين تسكت وهاذا وضعها
لفت له الي معطيها ضهرها /لؤي
لؤي يحس برجفه سرت لقلبه/هلا
نشور وهي ترجف/عادي اقرب لمك؟
لؤي تنهد وهو يحس قلبه يوجعه كيف يحبها وزوجته وبينهم مسافه لدرجة اذا بتقرب لمه تستئذن
اما هي تحسب انه تضايق وبدت تبكي
لف لجهتها وسحبها لحضنه وهي زادت شهقاتها وتضمه اكثر لدرجة حست ان ضلوعه بتتكسر
عكسه هو الي كان يحس بشيي غريب شي يسري بجسمه شعور حلو ومزعج شعور يبغاه يتكرر لاكن بنفس الوقت مايبغا يتعلققققق هي من نشور الي تكلم عيال وتواعدهم ومايدري ضمت احد منهم بعد ولا لا حس بااشمئزاز منها وحاول يبعدها لاكن رفضتت
نشور/بس اليوم بس
تنهد وهو يلمها وغمض عيونها وهو يستنشق ريحتها وعطرها حق الاربع سنوات الي من عرفها وهاذا عطرها وهاذي ريحتها ريحتها الي عشقهاا من اول ماشمها
اما نشور فقلبها يدق بشكل مررعب اول مره تحضن شخص لقت بحضنه الامان الطمئنينه لقت الشعور الحلو الي خلا قلبها يفززز لاكن بنفس الوقت تدري ان هلحضن نفسه هو الي بيعذب بها تنهدت وهي تنام
اليوم نامو بحضن بعض بكره ياترى ايش!!!!!!!!!!<<<<<

.......

اشهد ان لا اله الا الله


الساعه 7الصباح صحا لؤي ولقاهم على نفس الوضعيه بعدها بهدوء ونزل
وهو يشم بجامته ويحس ريحتها به ويعترف لكم بصرررراحه قد الاشمئزاز منها بشكل غريب الا ان بقدد نفس الاشمئزاز مايبغا ريحتها تروح منه والود وده يقعد ببجامته طول عمره
تسبح ولبس وراح صحها
نشور نشور نشور يله بقا ساعه ونروح للمطار نشور نشور الين ماقامت وهي نعساننننه جداً وكان تو تتذكر ليلة امس وكيف طلبته بكل جراءه انها تضمه بدت تسب نفسها كيف تطلب منه هلشي وهو انسان حيوان معاها
قامت هي بعد وتسحبت
وقف عند باب الحمام
/بروح تحت افطر كلهم بالحديقه قاعدين لخلصتي تعالي
نشور/اوك
ومشا وخلاها
نزل لقا الاغلب/صباح الخير
صباح النور صباح الورد اهلا صح النوم كانت اغلب الاجابات كذا
جلس
الجد/وين نشور
لؤي/تجي شوي
هز راسه الجد وسكت
امه/يعني تروحون اليوم خلاص مانت مغير رايك
الجد بعصبيه/ليش ماتبينه بعدد يروح
امه /لا ماابغا ولدي يروح
الجد/اعقليييي يامره طولان لسانك
الا زمرها ابو لؤي وسكتت
لؤي/معليك يمه ماعلي خلاف ان اشاء الله
امه/عارفه ياوليدي بس ماابغاك تروح مع نشور
لؤي/يمههه
الا كشرت وسكتت
الجد/قلة حيا الي تقولينه وتسوينه يامره وقلة فهم بعد اول مره اشوف مره ماتبغا سعادة ولدها حتى تقول لا تروح مع زوجتك وتونس وتسافر اخبر الحريم يركضن ورا سعادة عيالهن واي شي يسعدهم لو يألم الام تسويه بس عشان ولدها عكسك انتييي وخالتك ماشفت زيك ابد
خالتها الي هي الجده زوجته وتصير خالتها اخت امها وام زوجها
الجده/وانا شدخلننني
فهد ابتسم/يبه تراها الغاليه مانرضا عليها وغمز لاابوه
ابوه /وانا ماقلت الا الصدق ياوليدي
قطع كلامهم نشور الي جت
صباح الخير
وردو عليها وجلست بجنب فهد الي اشر لها تجي بجنبه
نشور /بتداوم
فهد/بوديكم اول بعدها اروح الله يالدنيا انت تشوف يبه ناس تداوم وناس تروح لـروما
ضحك الجد
لؤي ابتسم/قل اعوذ برررب الفلق من شررر ماخلق
فهد بسخريه/ماعليك ماعليك ماني حاسدك تتتتف ماشاءالله
لؤي خزه وصد
الا فهد قرب لنشور وهو يطالع لـ لؤي وهمس /بسألك يابنت اخوي كيف متحملته
الا مااتت من الضحك نشور وفهد بعد شاركها ضحكتها سؤاله المفاجئ وطريقه كلامه مع تعابير وجهه ضحكتها
لؤي يخزهم من بعيد/شعندكم
عزوز بلقافه/اكيدد حشه بالمغرور امانه وشييي تكفى يافهد تكفىىى لو ماعلمتني تراني حمووووووووت من غيضي ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
فهد/انقلع مت شدخلني ولاني معلمك اصلا مااسمح لك تسب لؤي بس انا وزوجته
عزوز/بالله
فهد/اي والله
الجد/مالكم نيه تسكتون
لؤي/ابوسس راسك ياشيخ على الدرر الي تقولها
نشور طالعت له وصدت
فهد/سبحان الله لؤي و ابوي لايقين لبعض مررره احس لو تحطهم بنص البر عادي مايملون نفس الطينه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
حس انه جاب العيد
مادر الا الا الضربه الي جته والكل ضحك
ابوه وهو يكبح ابتسامته/يقليل الادب قم قم انقلع
قام فهد وهو يضحك باس راس امه وابوه
ولف لـ لؤي/يالعشير انتظرك بالسياره جب اغراضكم وتعالو
لؤي قام /اصلا انا خلصت
الاقامت نشور
نشور/وانا بعد
وراحت مع لؤي ياخذون الاغراض
نزلو
سلمو على الكل
الجد/لااوصيك عليها يالؤي حطها بعيونك
لؤي/لاتوصي عليها ياجدي
بعدها طلعو
بالسياره
فهد/شرايكم نروح لستار بوكس ناخذ لنا كوفي
لؤي/مايمدينا بقا ساعه وشوي على الطياره
فهد/شدراك يمكن يمدي شرايك نوشه
نشور/نروح ليش مانروح!!!
فهد/اي هاذا الكلام
لؤي/اليوم يجون الطلاب
فهد تنهد/اي ياررب تصبرني
ضحكت نشور/عاد هـ الله الله ببنت خالي
فهد/معليك ماخذها حقها بلسانها
نشور/عمممي حرام عليك
فهد/وانا صاادق ولا يالؤي
لؤي/مدري مااقد قابلتها شخصيا يعني من بعيد لبعيد
فهد /احمد ربك ملسونه
لؤي ضحك
نشور /عمي اكيد قايل لها شي هي ماتتكلم عبث!
فهد/مو بس انا كل الدكاتره
نشور /عممممي اتقيي الله اعرفها
الا سطرها لؤي مع راسها بخفه/وجعع وش شايفته
نشور /ااااي وبدت تمسح راسها وهي تقول وانا صادقه اعرفها شروق محترمهههه مره
فهد/والله عاد انتي تشوفينها محترمه لاكن تعالي للمستشفى شوفي كيف يطلع السان
ضحكت نشور وسكتت
فهد/عاد لا تنسون التصوير والهدايا هـ الله الله بالهدايا
لؤي/تبشرر والله عيووني لك
فهد/حبيبييي مااتقصرررر بس بالله لا جيت بتجيب لي ملابس خل بنت اخوي تختارهن وضحك
لؤي رفع حاجبه/يافرررررقا طول عمري انا اقضي لك الحين صار ذوقي مو حلو
فهد/ياخيي كيفيييي ابي اغير الحين عاد بعدين تقارن ذوقك بذوق نشور!!
لؤي/ياشييييخ وضحك
نشور مشاعرها ترجف خصوصا وهي تشوف رقم ينور الشاشه وتدري انه راشد عطت الرقم بلوك واقفلت الجوال حزينه جداً بتسافر مع الشخص الي ماتثق فيه ولا بتصرفاته يمكن يذبحها بس لانه عرف انها كلمت راشد وهي غلطانه بعد ماعلمته انه يكلمها بس شتسوي خافت خافت ماايثق فيها وتخسره للابد
..
بالمطار
ندا لرحلتهم لدبي ومن دبي يطلعون لروما علطول
فهد/هاه يالحب انتبه لنفسك وانتبه لنشور
لؤي/ان شاءالله
فهد/ومن توصلون كلمني
لؤي/ان شاءالله وسلم لي على جدي وابوي والكل وقل لهم لا يتنازلون لو ايش ماكان
فهد/ان شاءالله ولف لنشور تبين شي
نشور /سلامتك ياروحي
فهد/الله يسلمك وابتسم لها وسلم عليها وعلى لؤي وطلعو متجهين لطيارتهم وهو طلع متوجه لدوامه
•••••
الحمدلله


الجد /راح اتنازل ولا اتضرر
خالد/يبههه ليتهم يتساهلوووون ليت كان انا قلت لك تنازل بس ذولا كلاب مايستاهلون
الجد لف عليه/بلا هلالفاظ ياخالد!!!وش سوو لكم بفهم وش العداوه الي تستاهل لهدرجه هم بيعادونا كيفهم حنا نعاديهم ليش!!!!!! لا بالكتاب الكريم ولا بالسنه النبويه الي احسن مني ومنك مكتوب عادو المسلمين وانا مابي المشاكل وبتنازل لهم لوجه الله وانا تنازلت عشاني ماابي اسمي مع اسمهم صح بتقولون توه يقول ليش تعادونهم والحين يقول ماابي اسمهم معي لاكن انا مااحبهم والحب والكره من ربيي لاكن مااعاديهم واسؤ لهم ولاني مجبور احبهم واشتغل معاهم
راشد/الي يريحك يبه
لف الجد بضيقهه وسكت
خالد لسالم/خسارتنا كبيره
سالم/الشكوى لله ابوي مايغير كلمته الا لؤي ولا فهد نقول لهم وهم يقنعونه
خالد/صدقت
••••
لا اله الا الله

مهند/شقلت؟؟
فهد تأفف/اوك
مهند/يحللللوك
فهد ابتسم ومشا
دخل غرفة المدير والطالب عنده/السلام عليكم
الكل/وعليكم السلام
ابو عادل/ياهلا الا وين مهند؟
فهد/طلع عنده شغل وانا اخذ الطلاب عنه
ابو عادل /طيب خذهم معك وطلعت التقسيمه ود كل طلاب لقسمهم وخلاص مهمتك تخلص ويبقا الي بالقسم هنا عاد حط كل ثلاث اربع طلاب مع دكتور وخذ انت وعلموهم
فهد اشر على عيونه لا ابو عادل/من عينيا واخذ الاوراق ولف لطلاب/يله يادكاترة المستقبل وابتسم لهم
وطلعو معه
وصل لقسم العمليات /وداد مهره الوليد هنا
وداد/لاااااااا دكتور
ضحك لؤي/هي الدنيا كددددا يوم لك ويوم عليك المره الجايه القسم الي تبين ان شاءالله ومااعطها فرصه تتكلم اشر بيده ودخلو
وكمل مع الطلاب الي معه
وقف عند قسم العيون /اميره فاطمه ريان ومسعود
فاطمه ناظرت لشروق بصدمه وشروق ضحكت ورفعت كتوفها بمعنى شسوي!
ودخلو كملو
قسم العيون/ياسمين ال...
وكملو لااخر قسم
لف بقا قسمه جراحة القلب وناظر للي معه شروق وعنود ويزن وزيد
فهد/انتم معي يزن لدكتور احمد بغرفه 11رح والعنود معه والباقي معي وبهمس مع الاسف وهو يناظر شروق الي قرت شفايفه
شروق /وقح بهمس وهي تطالع له وتدري انه فهم
طنشها /يله امشو راح نسوي اشاعه اليوم وعملية قسطره
ومشو معه
طلع بوجهه الدكتور فادي/اوووووه يزيد
يزيد ضحك /اووووووه فيفو وضمه ويسلم عليه
فادي/اخبارك
يزيد/والله الحمدلله وانت اخبارك واخبار العيال؟؟
فادي/ابد يسلموون عليك صايرر ماتنشاف
يزيد/وربيييي ماافضا من الجامعه للمستشفى للبيت وانام واقوم للجامعه وهاذي حالتي
فادي /ماللك عذر ترااا مررره ولا يافهد
فهد ضحك/اي والله ماله داعي
يزيد/قلبتو علي الحين كلكم واحد معيي وضحك
فادي/مافييه وضحك راح اسرقك معي اليومم ماصدقت اشوفك ولف لفهد يزيد معي؟؟
فهد/تأمر بس علمه عاد مو سوالف وضحك
ضحكو
فادي/معليك ومشو
فهد تنهد ولف لها /امشي
شروق رفعت حاجبها /بدون نبرة امر!
فهد/لا والله من الدكتور!!!!
شروق/انت بس انا بعد دكتورة المستقبل ولازم تحترمني ولا؟؟؟؟مو ذا كلامك مو كلامي
فهد/والله عاد اسلوبي اتكلم بطريقه الي ابي مع الي ابي
شروق لفت/طيب يله مشيت
فهد لف ومشا وهي وراه مايدري ليش يتنرفز اذا شافها خصوصاً بعد مادخلت هلقسمم بالذات يحاول يمسك اعصابه معاها خصوصاً انها ماسوت له شي نهائي ولا تستاهل لاكن مو قادر!

•••••
الحمدلله

بالطياره درجة الvib رجال الاعمال
نشور بالنص ولؤي عند الشباك ويطالع لشباك من ركبو ماتكلم معاها
نشور طقته
لف لها
نشور /نتبادل؟
لؤي رفع حاجبه وضحك بسخريه /بالله
نشور/اي
لؤي/بااحلامك طبعاً ولف
رجعت طقته ولف/هلا
نشور/بصور
لؤي/حتى بالمكاننننن مناشبتني
نشور ابتسمت له
لؤي تأفف وقام /سرعه معك عشر دقايق
نشور /من عيييوني
رد تلقائي يطلع منها هي كذاا اسلوبها كذا بعد لو كان مع عدوها ماتغير اسلوبها عشان احد
صورت وهو طول الوقت يطالع لها ارتبكت ماقدرت تطلع بصوره وحده زينه الين مالف عنها صورت وخلصت قامت وهي تقول/خلصت
لؤي وهو مايطالع لها/اقعدي به خلاص مابيه
نشور/بالله ومو تقول اخذت مكاني بعدين
لؤي/انطقي اقول
نشور تأففت من اسلوبه وجلست الا مسك معصم يدها /لا تتأففين بوجهي لااذبحك ورربك
نشور وعيونها مدمعه/يعور
لؤي/تفهمين ولا لا
نشور/يعور
تركها بقوه ولف عنها وهي لفت لشباك وهي تمسح على يدها بشكل متواصل ولا تركت يدها حتى طول الوقت حاضنتها بيدها الثانيه
••••
استغفرالله


فهد رفع حاجبه/مثل ماسمعتي!!
شروق/هاذا الي باقي قال ايش قال لبسيني القفاز والسكراب ليششش لاني الدكتور وانتي الممرضه ياهوووه اصحا تراي دكترر دكتر دكتوره مو تمريض!!!!ولو تمريض ماتأمرني كذا ماني خدامه انا؟؟
فهد/حاليا حاليا من الدكتور هنااااا
شروق صدت
فهد/اسأل انا
شروق بعصبيه ووجه محمر/الشرهه على الي بتقعد معك اصلاً اروح اخذ دكتور ثاني ابرك
فهد بسخريه/ليش ماجيت على ذوقك وغمز ولا تبين الي يضحك لك ويهلي ويرحب ويطلع
شروق فتحت عيونها بكبرها اهانه هي تنهانن وبشكل قوي بعد اهانه وجداً جداً اهانه
حتى فهد انصدم من نفسه يدري انه اهان شرفها
شروق ماحست على نفسها الا وعطته كف ومع الكف طاحت دمعتها وطلعت بسرعه
وفهد مصدوووووم من كفها ولا من دمعتها حس الدمعه بقلببه بقلببه ذا فهد يجرح يندم علطووول وخصوصا اذا ماكان يقصد ابداً ماافكر بالكف نهائي فكر بدمعتها ماافكر انه انهان فكر انه هو اهان ذا فهد يجماعه ذا فهد

••••
الحمدلله

طلعت شروق وهي تحاول ترفع راسها عجزت تحس بااهانه كبيييره لها وماتدري ليش استثقلتها خصوصا منه هوووووو يمكن لو احد ثاني قال لها عادي بس هو ماتدري ليش حستها ثقيللله وجرحتهااا بقوه
اخذت اغراضها ودقت على السواق وطلعت تنتظر برا
طلع فهد يدورها سأل قالو طلعت برا طلع الا وقف لما لقا ولد عندها وتسولف معه وتبتسم ماقد شافه بعايلتهم ابتسم على نفسه بسخريه ورجع ودخل
شروق/الحمدلله سهل والله التطبيق حتى اسهل من الدراسه
هيثم/اي اكيد كلها اشياء دارستها يله كلها كم سنه وتتخرجين باذن الله ونشوف بنت عمي دكتوره ونرفع روسنا بها
ابتسمت شروق/تسلم والله ماتقصر
هيثم ابتسم/يله اشوفك قريب ان شاءالله وسلمي لي على الوالده والوالد
شروق/يوصل وسلم لي على عبير وبنتك الجوري
ابتسم هيثم/يوصل مع السلامه
شروق /مع السلامه
وراح والسواق علطول وصل وركبت ومشا وهي تداري دمعتها
•••••

وقعو بروما ونزلو خلصو كل شي من المطار وطلعو للفندق
نشور تتنفس /آه حتى هواهم غييييير
لؤي /بالله
نشور خزته ولفت
وصلو الفندق كان ماخذ جناح به غرفه رئيسِه وغرفه ثانيه
لؤي/غرفتين بها غرفه لي وغرفه لك
نشور/اوك بتنام ولا نطلع
لؤي/بنام تعبان لا صحيت نطلع وبطلب لك اكل
نشور سد نفسها صدق كان نفسها بالطلعه لاحقين على النوم خصوصا انه نام بالطياره طول الوقت يعني مستحيل نعسان/لا ماابغا حتى انا بنام
لؤي/احسن بعد
!!كان وجه نشور كذا سحبت شناطها وراحت لغرفتها فندق فخم جداً طلعت لها بجامه وراحت تتسبح خاطرها تطلع بس خايفه من لؤي فنامت
••••
فهد/يبه انت مرتاح بهاذا القرار!
ابوه/اي
فهد /الي يريحك يالغالي دام هاذا قرارك الي يريحك
خالد/جبناك عون صرت فرعون!!!!
فهد/خالد خلاص اهمشي راحت ابوي غير كذا انا مايهمني
ابتسم الجد وقال لسالم/دق على المحامي وخلهم يتفقون لنا بمكان نجتمع فيه لو عند بانسيو
سالم/ابشر
فهد/يله استئذن بروح انام تعبان
الكل/نوم العوافي
طلع وهو يفكر بشي يدري مو صالحه هلشي وراح يزعل ابوه جداً بس بيسويه لاكن اول شي بيستشير لؤي
بدا يدق يدق يدق الين مارد
لؤي/ايش تبيييي ايششش تبي ابي انام تعبان
فهد بجديه/قم بستشيرك بشي
فز لؤي يوم حس بجدية الموضوع/وش بكم وش صاير
فهد/يليل مافيه شي بشاورك شي اسمع..
••••
قامت يوم سمعت صوته وهي اصلا ماكانت نايمه مرره ناظرت لساعه صار لهم 5ساعات نايمين لبست بنطلون جنز اسود وبلوفر ابيض وبالطو طويل اسود اوامر لؤي ان لبسها يكون اسود وواسع وقعدت بالصاله
الا طلع لؤي رفع حاجبه/متجهزه ماشاءالله ولي يقولك مايبي يطلع اليوم
نشور/عادي انا اطلع لحالي
ضحك بسخريه/بالله وين عايشه انتي
نشور /بروما ههه
لؤي قرب لها/نشووور احترمي نفسك
نشور/طيب
لؤي رفع حاجبه /صايره مؤدبه
نشور/غريب انت والله لا تأدبت قلت ليش واذا قليت ادبي قلت ليش وش يرضيك!
لؤي/مايرضيني شي ومشا للحمام
نشور/لانك مريض نفسي قالتها بهمس
لؤي لف/عفواً
نشور/ولا شي
ومشا وخلاها
••••
اللهم صلِ على محمد


اجتمعو ببيت الجد سالم
فهد مرتبك جداً
الجد /طلبتنا نجتمع عشان المشروع!
الجد/اي نعم طلبتكم وانا بعلمكم قراري
الجد/تفضل
الجد /انا مستعد اتنازل لوجهه الكريم وعشان مصلحة نفسي وانا ماابي حتى مشروع يربط اسمي بااسمكم ولاذالك بتنازل بلمشروع لكم
قام فهد/لاكن بشرط
الا الكل لف عليه حتى ابوه مصدوم!
فهد/تزوجوني بنتكم شروق
الكل /ايش!!!!!!

🛑🛑🛑🛑
تمت


لا اله الا الله وحده لاشريك له له الملك وله الحمد وهو على كل شي قدير استغفرالله واتوب اليك ان اصبت فهو من الله وان اخطئت فهو من نفسي والشيطان

اتمنى البارت كان طويل واعجبكم واعذروني عن الانقطاع
دعواتكم لـ كل مرضى المسلمين ودعواتكم للمتوفين منهم
القادم اجمل باذن الله❤❤

الصلاة على النبي محمد بن عبد الله صلى الله عليه وسلم وتُسمّى أيضاً التصلية[1] ويُرمز لها بـ"صلى الله عليه وسلم"، هي إحدى العبادات الواجبة على المسلمين وفقا للآية القرآنية ( إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا )
اللهم صلِ وسلم على نبينا محمد

...




لامارا غير متواجد حالياً