عرض مشاركة واحدة
قديم 06-02-20, 01:30 AM   #528

ضاقت انفاسي
 
الصورة الرمزية ضاقت انفاسي

? العضوٌ??? » 351847
?  التسِجيلٌ » Aug 2015
? مشَارَ?اتْي » 222
?  نُقآطِيْ » ضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond repute
افتراضي



في اليوم الثاني فتحت عيونها على صوت امها المستنكر: قومي الساعة 3 وانت للحين نايمة !
تحسست رقبتها بألم صلت الفجر وبعدها دخلت بالنوم بعد ما شربت حبوب منومه !
نهضت نفسها بكسل للحين ما صلت الظهر !
حنين وهي تفتح النوافذ :قومي لحقي الصلاة وانزلي للاكل !
تحسست حلقها الظاهر انها اصابتها انفلونزا !
حنين ناظرتها بانتقاد : يا الجازي ما يصير عمتك كم لها عندنا ولا جلست معها !
الله يسعدك انزلي تحت
الجازي بهمس : ان شاء االله !
حنين طلب منها وليد ما تفتح معها موضوع خطوبة فياض !
بداخلها تتمنى يتم الموضوع وتفرح الدنيا للجازي من جديد !
بعد ما صلت نزلت للصاله بخطوات هاديه شافت عمتها ام فياض وابنتها مع امها جالسات ...
ما لها نفس تفتح حلقها بحرف واحد بعد ما خسرت وانتصر عليها جواد:السلام عليكم
ام فياض ناظرتها بتأمل دائما شاحبة وذبلانه لازم ترجع البنت لطبيعتها : هلا والله هلا بالزين كله !
سلمت بهدوء وجلست بصمت وهي تناظر عمتها وهي تسالها عن حالها : كيفك يا ابنتي ؟! وينك ما نشوفك !
ناظرت عمتها وهي منكمشه تحس جسمها بردان : كنت مشغوله !
واكتفت بهذه الاجابه !
ليان ناظرت الجازي حستها متكبره عكس اخواتها يدخلون القلب مباشره !
ام فياض بحرص : تعبانه !
هزت راسها بالنفي ... وبعدها وقفت وهي عافسه ملامحها من البرد !
توجهت للمطبخ سحبت كرسي وجلست بتعب ....تحس جسمها مرهق !
وضعت كفها على جبينها تحس حرارتها مرتفعه !
دخلت حنين عليها : تعبانه !
الجازي وهي عابسه ملامحها : تعب بسيط !
حنين تحط لها الاكل : لازم تأكلين حتى تتحسنين !
اكلت بدون نفس وبعدها اخذت الدواء لعلها تتحسن !
وبعدها قررت ترجع تنام لعل جسدها يرتاح!
وقفها صوت ام فياض: تعالي يا ابنتي اجلسي !
كتمت ضيقها من هالعمة إلي ناشبة لها !
ردت بهدوء : ابغى اصلي العصر !
وبعدها تركت المكان وغادرت !
حنين تفشلت من برود الجازي مع ام فياض !
ليان رفعت حاجب ورجعت تطقطق بالجوال ما عجبها الموضوع كله وكيف اخوها يرتبط بانسانه متكبره وبارده لهذا الحد !
**
**
**
**
جالس مع خاله وهو رافع حاجب : اليوم وصلنا بلاغ واحد من الموظفين اشتكى علينا !
وليد باهتمام : خير ان شاء الله !
فياض اخفى غيضه : أبدا سلامتك بس الجازي رافعه قضيه لاني فصلتها من الشركه !
وليد بتعجب : انت فصلتها ؟!
ماقالت انها انفصلت !
وش السبب ؟!
فياض بتحفظ : ملفها اصلا فيه انذارين ..وحضرتها ضيعت اوراق مهمه للشركه فحصلت على انذار وكذا استحقت الفصل !
بس شكلها ما عجبتها السالفة او حاسه انها انظلمت بهذا القرار !
وليدعقد حواجبه بضيق من الجازي تتصرف بدون علمه وهو اخر من يعلم !
ما يدري متى يهجد جنونها هذا !
زفر يضيق وبعدها نطق : حقك علينا يا فياض و اعتبر الشكوى ملغيه
فياض مط شفته بلامبالاه : خليها يا خالي اشوف وش رح يطلع لها !
وليد باحراج من تصرف الجازي : قلت لك اعتبر الشكوى ملغيه !
وبتردد: ءءء بالنسبة للخطوبة الجازي تبغى تجلس معك
قاطعه بتأييد : وانا بغيت اجلس معها وكنت رح اطلب منك اذا وصلتني الموافقه !
وليد : خلاص الحين اشوفها وتنزل هنا اذا ما عندك اشغال !
فياض بهدوء : ما عندي شيء يا خالي ..انا انتظر !
وقف وليد بهدوء : على خير ان شاء الله !
توجه لغرفة الجازي وهو متضايق من حالها عازله نفسها بذي الغرفة !
دخل الغرفة بعد ما استأذن ..ناظرها وهي مستلقيه على السرير باسترخاء ...نهضت نفسها لما دخل ابوها !
وليد ناظرها بعتب بدون اي كلمه !
الجازي ترجع خصله من شعرها خلف اذنها بذبول : هلا يبه!
وليد اجل كلام كثير ما هو وقته الحين ...نطق بهدوء : جهزي نفسك علشان تجلسين مع فياض !
عقدت حواجبها باستغراب وكأنها ما هي بوعيها : اجلس مع فياض ؟!
ليه ؟!
قاطعها وليد وهو صاك على اسنانه : الجازي !
لا تستهبلين !
نسيتي ؟!
فتحت عيونها بتذكر : اها!
الحين
وليد تنهد ما يحب يقسى عليها : يا ابوي وش فيك ؟!
انا طالع من عند الرجال وهو جالس ينتظر فيك ..تبغين تفشليني !
هزت راسها بالرفض : لا لا الحين انزل !
تنهد براحة توقع انها تعاند لانها متقلبه وما عاد يفهمها هالايام !
غمضت عيونها للحظات بعد خروج ابوها ...ما عادت تفرق معها !
ياااااه البارحة رجعت لها المحاميه معنويتها وحماسها بكل شيء ..لكن سرعان ما دمرت مريم كل شيء كل شيء !
اوجعها لحد النخاع رفضها لها !،
وقفت بهدوء لبست العباية ..لفت الشال وهي تناظر نفسها بالمرايه ...متاكده رح يرفضها اذا شافها !
وهو عز الطلب !،
حمدت ربها انه عمتها ام فياض وامها وفرح طلعوا لزيارة نجوى !
والا يمكن ينشبون لها الحين !
خرجت بخطوات هاديه باتجاه المجلس !
وقفت وبدأ قلبها ينبض بقوة من الموقف !
طرقت الباب بخفه !
وليد ابتسم لها : تعالي يا جازي !
دخلت وهي تحس الاكسجين خلص من الغرفة !
ردت السلام بصوت منخفض وجلست بجهة اليمين وفياض بصدر المجلس !
فياض رد السلام بهدوء وهو يسألها عن حالها !
ردت بنفس الهدوء :تمام !
وليد وقف : خذوا وقتكم !
تركهم وغادر المكان !
عم الصمت بالمكان للحظات ...قطع الصمت صوت فياض : سمعت انك تبغين تجلسين معي ؟!
تفضلي اسمعك !
رفعت راسها بدون ما تناظره ..وتكلمت بهدوء عكس قلبها إلي يخفق بقوة : أنا حبيت اجلس معك واكون معك صريحه بما اننا ما زلنا على البر !
تكلم بتأييد : صحيح !
تابعت كلامها بهدوء وقلبها من الداخل ينزف : انا مريت بتجربه فاشله وكان احد اسباب فشلها انه العريس كان مجبور علي وانا ما ابغى اكرر نفس الغلط !
انا متأكده يمكن عمتي نجوى احرجتك او
قاطعها : قالوا لك حرمة انغصب على الزواج !
ردت بتذكير: بس انا سمعتك ما تبغى فتاة سبق لها الزواج وهذا حقك ما احد يعترض عليه !
وانا سبق لي الزواج
قاطعها : ادري !،
وانا طلبتك من ابوك وانا مقتنع بالسالفة وما احد ضغط علي !
تابعت كلامها : انا بغيت اخبرك بامور حتى تكون مطلع عليها ..حتى لا تقول خدعتوني وما احد خبرني!
انا تزوجت وزواجي دام حوالي ثلاث سنوات !
وكان نهايته الطلاق !
اكبر الاسباب العريس كان مجبور واضيف ما في تفاهم بيننا !
انا ما أقول اني انظلمت او كنت مسكينه بالعكس يمكن في كثير من الاحيان يكون الغلط علي !
وهو بعد ما قصر فيني !
واحب اوضح لك ترى انا عندي مشاكل بالانجاب يعني مب سهوله حتى أنجب عيال..وانت بعدك باول الطريق واكيد تبغى عيال !،
رفع حاجب باستفسار: يعني ما انجبت من زوجك الاول ؟!،
ردت بغصة : عندي بنت والبنت عايشه عند ابوها !
هز راسه بتفهم : انت مجبورة على هذا الزواج!
زفرت بضيق وبعدها نطقت : بصراحه أنا مب مجبوره عليك ..لكن ابوي جابرني على الزواج يعني ما في مفر
قاطعها: طبعا انا أفضل فرصه لك !
رفعت حاجب من غروره بنفسه على وش شايف حاله !
ردت بقلب ميت : ما عادت تفرق بالنسبه لي !
كل إلي بغيته اوضح لك سواء انت او خاطب ثاني وضعي ويكون على بينه !
سكت للحظات وهو يفكر بكلامها ...مطلقه ..ومشاكل بالحمل ...وعندها طفله ....مواصفاتها بوادي ومواصفات إلي يبغاها بوادي !
تكلم وهو يناظرها ما ناظرته من اول ما دخلت وكانها جالسه تكلم نفسها : شوفي يا جازي !
انا ما كنت اعرف انه عندك بنت !
احسك تبغين اعرف حتى اهون عن خطبتك وتقولين هو رفض وانت مالك علاقه !
لكن اقولك انا موافق على كل شيء وما
عندي مشكلة !
باكر نعمل الفحوصات ونجهز كل شيء وعسى ربي يكتب لنا الخير ....انا استخرت وارتحت للموضوع !
سالها : استخرتي !
هزت راسها بالرفض : لا !
طيب الحين انت موافقه والا لا !
ردت ببرود: موافقه !
تضايق من برودها وكأنه ذابح نفسه حتى يأخذها وهي متنازله ووافقت عليه !
وقفت بهدوء : عن اذنك !
استاذنت وطلعت وهو يفكر غريبه ليه البنت مع أبوها !
ما يدري هل قراره صحيح او لا !
ابتسم مجامله لوليد إلي دخل وعلامات الراحه على ملامحه !
**
**
**
**
واقفه مع امها وام فياض ونجوى إلي الفرح يشع من عيونهم !
حسسوها وكأنها فعلا عروس !
لو كانت بوضع غير وضعها كان فرحتها ورد فعلها غير !
اقترب فياض منهم بملامح مريحه ورد السلام !
الجازي ما ناظرته ولا تبغى تناظره ما لها نفس تشوف احد !
نجوى بابتسامة : هلا بالمعرس !
الجازي ناظرت عمتها نجوى وفرحتها ...مطت شفتها بسخريه ولفت للجهة الثانيه !
ما انتبهت للي واقف وانسحر بجمال عيونها بالنقاب !،
اول مره يدقق كذا بعيونها بالنقاب !
تكلم بابتسامه : الله يحييك !
ام فياض : لما تطلع النتائج مباشرة رح نتوجه للسوق ونجهز لامور الحفله ما بقى الا يومين !
فياض : ان شاء الله ! اقول بدل الوقفه هنا خلينا نجلس بالانتظار افضل !
حنين بتأييد :: وانا اقول كذا !،
توجهوا لصالة الانتظار والجازي تمشي بالمؤخرة بملل من هالاجراءات !
التفت عليها وهي تمشي بشويش وعقلها سارح !،
كان يفكر يسال عن طليقها ويعرف عن طريقه سبب الطلاق لكن بما انها صارحته ببعض الامور و خالته نجوى اكدت له زين اخلاقها ..كنسل السالفة حسها صعبه يسال عن ابنة خاله !
جلسوا بصاله الانتظار بعد وقت من السوالف والضحك تقدم وليد بابتسامة : الف مبارك يا فياض !،
وقف فياض وسلم على خاله بابتسامه امه وخالته حسسوه فعلا انه عريس !
ام فياض تحضن الجازي : مبرووووك يا قلبي!
الجازي ببرود : الله يبارك فيك،!
ما فاته برودها مع امه وحتى مع اهلها منزويه وكأنها مجبروه على هذا الزواج !
حتى امها وابوها ما باركوا لهاردت بنفس البرود!
ام فياض : الحين طالعين للسوق!
وليد بابتسامة : هذه الحين وظيفة العريس اناما لي خلق لذي السوالف !
استأذن وليد وغادر المكان ..والجازي تناظر زول ابوها تتمنى ترجع معه ..لو يطلع بيدها كان قالت لهم اشتروا إلي تبغون بدوني
تنهدت و استسلمت للأمر الواقع !
بالسوق تركهم فياض يأخذون راحتهم وبعد ما ينتهون يتصلون عليه !،
بعد مرور ساعات حرك فياض السياره بعد ما كملوا وبداخله نار مشتعله وهويشوف عيونها مكشوفه وجزء من خدودها طالع !
خليه بالاول يملك عليها وبعدين يصير خير !-
**
**
**

يوم الملكة قرروا يكون عقد القران بالمحكمة والحفلة بالليل للرجال وللنساء !
تمت اجراءات عقد القران بالمحكمة ....تقدم وليد بفرح وحضن الجازي : مبروك يا قلبي !
عسى تكون فاتحة خير لك !
الجازي بمشاعر للحين ميته : آمين !
وليد ناظر فياض : سلم على زوجتك !
هز رأسه بثقل ومد يده للجازي ؛ مبارك
مدت يدها بتردد ..سلمت وهي تحس بالحرج يدها بيد فياض !
فياض ما ترك يدها وسحبها بالقرب منها حتى توقف : انا الجازي راجعين
قاطعته ام فياض وهي تسحب يد الجازي : اترك البنت الحين عندنا شغل ...لازم الحين نروح للصالون حتى تضبطها ما بقى وقت !
ناظرت الجازي عمتها كيف الفرح يشع من عيونها ...واصرت تعمل حفلة كبيره للخطوبه حتىكل الناس تشوف خطيبة ولدها
حست نفسها تبغى تبكي وهي تتذكر خطوبتها الاولى البائسة !
معقول تقدر تتجاوز أحزانها وذكرياتها الحزينة وتعيش حياة جديده !
**
**
*

يتكلم بالجوال باعتذار : والله كان ودي اكون شاهد على عقد زواجك بس تعرف خلص شحن جوالي وقبل شي رديت البيت!لا تخاف دقائق واجهز نفسي لزواج احلى صديق بالعالم !
فياض بابتسامه: انتظرك لا تتأخر !
قفل الخط وبسرعه جهز نفسه وقبل خروجه ناظر الجازي بتحريص : انتبهي على مريم وعبود !
حمل نفسه وخرج بعجله لحفلة الخطوبة
عقد حواجبه وهو يقترب ويشوف وليد زوج حنين هنا !
حتى سالم !
معقول لهم معرفة بفياض !
هز كتوفه بلامبالاه وش عليه منهم !
تقدم من فياض يبارك له بفرح : مبرووك !
فياض بنفس الابتسامه الله يبارك فيك !
جواد وهو يناظر الحضور: وين ابوك خليني ابارك له !
تقدم جواد وبارك لابو فياض و بعدها سأل باستغراب : انت مين نسيبك ؟!
فياض : ذاك نسيبي خالي وليد !
فتح عيونه باستنكار:: خالك ؟!!!





**
**
انتهى البارت ..دمتم بخير


ضاقت انفاسي غير متواجد حالياً   رد مع اقتباس