عرض مشاركة واحدة
قديم 29-03-20, 10:08 PM   #2283

Hoba Nasry
 
الصورة الرمزية Hoba Nasry

? العضوٌ??? » 435719
?  التسِجيلٌ » Nov 2018
? مشَارَ?اتْي » 545
?  نُقآطِيْ » Hoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond repute
افتراضي

#شظايا_القلوب

_في البداية عوداً أحمد لعودة شظايا القلوب و القضايا الشائكة و الحوارات والنقاشات الجادة، و الحبكة القوية و سرد و حوار راقي⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩

_صفقة القرن أو بصقة القرن الوصف الأدق لعار و تخاذل زعماء العرب هتلتصق بيهم لتقاعسهم عن الدفاع عن القضية الفلسطينية و الأرض و الوطن المغتصب و الإشتراك في صفقة ملعونه توصمهم جميعاً بالعار و فضيحة هتلاحقهم في تاريخ الشعوب، حبيت ربطك للحدث ده بقضية لورين لأنهم مش بينفصلوا فعلاً و بيتماشي مع مسار الأحداث في خط متوازي

#لورين

و اللى بتناضل من أجل حلمها و الرجوع لوطنها و أرضها و بتملأ العالم بصراخها و الدفاع عن حقوقهم و رفضت إنها تدخل وطنها زائرة و يتختم جواز سفرها بختم أخضر و كأنها أجنبي غريب مش صاحبة الأرض و بتشاهد أرض السلام و الزيتون بأنوارها بتعلن عن شموخها و إنها هتظل حرة أبية تقدم الشهداء من أغلى أبنائها لتحريرها لأنهم هما الأمل مش في زعماء باعوا القضية و شعوب لهتها ظروف الحياة و المعيشة على الصمت و الوقوف دور المتفرج
_لورين قدرت تلعق جراحها بنفسها و تنهض كما العنقاء لأنها بتمتلك روح محاربة قوية شامخة بتنجو رغم الصعاب و تقوم أقوى مما كانت، أستقرت بها الحياة هي و والدها أيوب و أخواتها فرح و مرح و معاها بنتها وشمي في بيت كبير بيضمهم، و مستمرة في نضالها لتحقيق حلمها بالعودة حتى لو شايفة إنه صعب و يكاد يكون مستحيل لكنها بتحارب لتحقيقه، طه و اللي بيحمل نصفه الجنسية الفلسطينية و واضح إنه من اللى بيقاومه و يدافعوا عن القضية الفلسطينية و عشان كده يمكن يكون ده سبب تعارفهم على بعض و الصلة اللي بتجمع بينهم و ده ولد مشاعر جواه تجاه لورين، لكن لورين ما حستش بأنها تحمل تجاهه نفس المشاعر دى مازالت بتعانى من تأثير اللي حصل من ممدوح و حياتها هي بنتها و عملها و قضيتها و أسرتها فقط و اللي بتتمثل في بيت أيوب و كأنه حلم الوطن، و بنت لورين وشمي اللي واضح جداً إنها ما تعرفش حاجه عن أبوها و لفت نظري إنها بتنادي لورين بأسمها و أيوب من غير لقب جدي يا ترى ده إشارة لحاجة معينة ولا شيء طبيعي زى عادة بعض الأطفال ينادوا والدتهم و أقاربهم بأسمائهم
**********************************************
#خالد_بدور_مريم

_خالد فارس آل الراوي و اللى تحمل المسؤولية الملقاة عليه و أعباء عائلته و أستلم الراية من ياسر الراوي بعد ما كبر و مرض و الخسائر المادية اللي أضرت بمجموعة الراوي و قدر يقود الإمبراطورية دى و يحافظ على الكيان من إنه يقع و يظل قائم بنفس القوة و النجاح و يحقق إسم له الكل بيهابه و بيعمل له حساب و في سبيل ده فقد جزء منه، خالد قدر يحتوي بدور و يساعدها و يقدم لها الدعم والمساندة الكافية اللي كانت محتاجهم و ترجع أميرة عائلة الراوي، لكن خالد من جواه بيتألم مجروح غاضب و حاقد على سبنتى لأنها تركته وراها و رحلت و أخلفت وعدها معاه و ما حاولتش تتواصل معاه و تسترضيه كعادتها معاه و مش قادر يشوف تصرفها غير إنه خيانة و طعنه له و ده لأنه تعود من سبنتى دائماً إنها الطرف المبادر و لسه ما أستوعبش أو غافل عن حجم ألمها و صدمتها اللي تعرضت لها و تسببت في هزة عنيفة، و يمكن عشان كده أخذ قراره بالإرتباط بلانا ده غير حجم الضغط عليه من والده لإتخاذ الخطوة دى بعد ما لانا و والدها قدموا كل الدعم والمساندة لعائلته في محنتهم، خالد رمي في نفس المكان اللي وعد سبنتى فيه إنها هتكون حلاله و يرتبط بها آخر حاجة بتفكره بها لكن هي منقوشة جواه و مش قادر ينساها و بيدعي ربه ينزعها من قلبه لأنه مش عايز يظلم واحدة تانية مالهاش ذنب و مش عايز يظلمها و إقدامه على الخطوة دى تسرع منه برغم نصيحة بدور و رفض شيماء و نوة لكنه كمل فيه و كأنه بيمنع نفسه من التراجع عنه

_بدور بعد كل اللي حصلها و مرت بيه و فترة قضتها في مصحة و الدعم اللي لقتها في خالد و مريم و أطفالها اللي كانوا بيعوضوها غياب إياب و يملوا فراغ الثقب في قلبها لفراقه، رجعت تقف على رجليها من جديد بس بدور مولوده من رحم الآلم و الهزيمة و قادرة على المضي قدماً و تعلمت من أخطاء الماضي برغم وجعها و حرقة قلبها على فراق طفلها لكنها بتساند و تحتوي أخوها اللي فهمت قيمته في محنتها و كان لها خير العزة و السند و رأب الصدع اللي كان جواها من صورة الأب و الحبيب المشوهة ، و دلوقتي هى كمان بتقدم لخالد الإحتواء و نصيحة في إنه ما يخالفش أمر قلبه و يتجاهل مشاعره و ما يفقدش نقاءه و طهره

_مريم و اللي كانت من الأسباب الرئيسية اللي ساعدت بدور على التماسك و أنتشلتها من توهتها و كانت الإيد اللي بتأزرها و دلوقتي بتبديء تختلط بعائلتها و تظهر في مناسبات تخصهم و أخواتها خالد و اللي بيحاول يتواصل معاها و نوة و شذى بيبدوا قبول لوجودها حتى لو كان بسيط و والدها لسه بتتعامل معاه بتحفظ بس مريم هي كمان بتخرج من شرنقتها، ليبرتا واضح جداً إنها بقت نسخه من سبنتى حتى لقب البعبع اللي أطلقته على خالد و إختيار نفس الملابس و الألوان و خجلها في التجمعات
************************************************

#تميم_الخطيب

تميم هو مختلط الجنسية الفلسطينية و جنسية أجنبية أخرى و بيقدر يدخل وطنه و في علامات إستفهام حوالين النقطه دي و إذا كان هو من اللي قبلوا التطبيع و في علاقاتهم رجل أعمال حواليه ألغاز و غموض كبير تعاملاته اللي بتثير التساؤلات حواليه و هو مدرك لكل اللي بيقال عنه و لكنه مش مهتم بنظرة الآخرين له و شايف إنه بيدافع عن القضية بطريقته و رغم كل التناقضات في شخصيته الكل بيشهد له بأنه خير عون في الصعاب و وقت الشدائد و بيتميز بالدهاء و القوة ، تميم عايز يرتبط ببدور لأنها بتمثله صورة إمرأته و زوجته المناسبة و بتفكره بغزالة صغيره تسببت في جرحه و شاف في بدور شبه بينهم نفس القوة و الصلابة و الشموخ والكبرياء و من وقتها و كل النساء بيتشابهوا عنده
أعتقد إنها ممكن تكون مرح لأن الصفات دى بتشبهها نوعاً ما
************************************************
#ممدوح

ممدوح تعافي نوعاً ما جسدياً و لكن روحه بتحمل حمول من الأخطاء و الذنوب أثقلت كاهله و عايز يدفع فاتورتها كاملة في حق اللي أخطأ إليهم و تعامله مع تميم الخطيب لأنه عارف إنه شريك في شركات الراوي و علاقاته و عايز منه خدمة و أعتقد إنها تخص لورين و عايز يعرف مكانها و إنه يكفر عن خطأه في حقها و في نفس الوقت هو بيحاول من خلال مراد يقابل إيهاب عشان يقدم إعتذاره و ثمن لجريمته في حق مريم، ممدوح إتغير و ندم و تصالح مع نفسه و قدر يشوف حجم الجرم اللي أكترفه في حق لورين و مريم و متحمل المسؤولية كاملة في تلقي العقاب أيا كان و راجع و كله إصرار إنه ينال العفو
***********************************************
#نزار_جوشوا_هناء

_نزار فهم خطأه في حق هناء و إنها كانت ضحية لخدعة مارست عليها بمهارة أوقعتها في فخ و مخالب صياد أفترسها و هو ما رحمهاش و جلدها بذنب سذاجتها و إنها صدقت و بعد ما نفي من حضنها و نال كل ما كانت بتهفو روحه إليه من الإسم و العائلة و الجذور لكن روحه معلقة هناك علي أرض نشأ و كبر فيها و حبيبة بتطارده في أحلامه و عايش في وسط عائلته بنزار تربية هناء و أخلاقه و دينه اللي مقدروش بريق الغرب يفقده نقاءه و مع ذلك ما أخذش قرار الرجوع لأنه مازال بيفتقد الشجاعة
_جوشوا و اللى بيقدم كل فروض الحب و العشق لهناء عشان تغفر و تصفح عنه و تطوي صفحة الماضي و تقبل ببداية جديده و تمنحه فرصة تانية للتعويض عن كل اللي فات
_هناء الأم اللي قلبها مع إبنها بتحتضنه و تفرح بنجاحه حتى لو فرقت بينهم أميال و عينيها بتراقبه و تحميه و فخورة به و كل اللي وصله و لكنها عاتبة عليه أنه أخذ على الهجر و ما حاولش يمد جسر من التواصل معاها، هناء و اللى رغم حبها و مشاعرها الواضحة جداً تجاه جوشوا لكنها مش قادره تتخطي الماضي و كل اللي حصلها
************************************************#� �اشد

_راشد بيتابع أخبار العائلة و حزين على إن خالد جرح صغيرته و تصرف بغباء رجال عائلة الراوي رغم أنه أحياناً كان بيأنب نفسه على ظلمه لخالد، راشد في صراع جواه ما بين ظلمه و حرمان إبنه لأمه و ما بين بقايا غضب و حقد على بدور و إنه شايف إنها السبب في اللي وصلوا إليه و لكنه بيمرر سيرتها لإبنه إياب من خلال حكاية خيالية و بيحكى فيها قصتهم و أخطائهم اللي أرتكبوها في حق بعض
راشد و كأنه بيمهد لإياب عشان لما يجي الوقت المناسب إنه يقابلها و يعرفها يحكم بقلبه و نقاء روحه و إياب و اللى فى صفات شخصية ورثها من بدور زى حبه للزيتون و في الملامح في شيء بيخليه مشتاق لبدور بمشاعره الفطرية و بيحذبه ليها من غير ما يشوفها
_المقولة القاسية في القفلة و اللى قيلت على لسان واحدة مجهولة الهوية لغاية دلوقتي ممكن تكون سبنتى لأن راشد مش هيتجوز مش عشان لسه عايش على حبه و ذكرياته مع بدور بس لكن لأن راشد كان مشغول بترتيب حياته مع أولاده و دعم سبنتى و ما أعتقدش إنه راشد بشخصيته يكون بالقسوة دى و يخلي إبنه يرتبط بواحدة تانية و يحرم بدور من إبنها للأبد أعتقد أنه مرتب يرجع بعد فترة

الفصل جميل جداً جداً كل مشهد فيه محتاج الكلام و الإستفاضة في تحليله سلمت يمناك و دمتي مبدعة 🌹🌹🌹🌹🌹🌹🌹🌹🌹🌹👏👏👏👏👏👏👏👏



التعديل الأخير تم بواسطة ebti ; 29-03-20 الساعة 10:23 PM
Hoba Nasry غير متواجد حالياً   رد مع اقتباس