عرض مشاركة واحدة
قديم 29-03-20, 10:55 PM   #2294

Hoba Nasry
 
الصورة الرمزية Hoba Nasry

? العضوٌ??? » 435719
?  التسِجيلٌ » Nov 2018
? مشَارَ?اتْي » 545
?  نُقآطِيْ » Hoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond reputeHoba Nasry has a reputation beyond repute
افتراضي سلسلة قلوب معلقة الكاتبة المتميزة نور بلاك

#شظايا_القلوب

_سيدة القلم و الكلمة صاحبة المفردات المتميزة مجرمة السرد كلها ألقاب لا توفيكي حقك و تعطيك قدرك الحقيقي و أمام سطوة قلمك المبدع لا أجد الكلمات اللي تعني لتعبير عن اللى بحسه و أنا بقرأ ما تخطه أناملك لكاتبة جبارة مثلك متمكنة جداً من أدواتها الأدبية والفنية
فا سامحيني على عجز كلماتي المتواضعة أمامك و ما توصفش جزء يسير من إحساسي بالمشاعر الجميلة اللى عيشتيني فيها مع شخصيات رسمتها على الورق لكننا تفاعلنا معاها و كأنها من لحم ودم حقيقية عشنا صراعاتهم تخبطاتهم عثراتهم أخطائهم و بنعيش معاهم حالياً تصحيح مسار حياتهم
_شظايا_القلوب في نظري مش مجرد رواية للتسلية والترفيه تقدر تمضي معاها وقتك فقط
و تمر مرور الكرام لأ هي بتستوقفك لتفكر و تنظر حواليك تشوف قضايا و أخطاء غفلت عنها عنواين تصدرت صفحات الجرائد و الإعلام شفتها و عبرت من غير ما تترك أثر جواك مجرد شعور بالشفقة و بعدها هتكمل حياتك و كأن شيئاً لم يكن شظايا هنا هتخليك تدرك الصورة بأبعادها الحقيقية لأنها بتناقش التشت لأمة بأكملها و وطن أغتصب و شعب بيقاوم بالحجارة و نازحين في بلاد طمست هويتهم، مغتربين أثرت الغربة فيهم و تركوا أبنائهم لأفكار و معتقدات غريبة عنهم و عن عاداتهم و تقاليدهم و تعاليم دينهم، هتشوف أثر الخيانة الزوجية على كيان الأسرة و الأبناء، و مشكلة خلط الأنساب على الأطفال و كتير شفنا حوالينا حالات مشابهة، في شظايا نور بتأخذنا لرحلة لمشاكل و قضايا واقعية طال السكوت عليها و ندخل في العمق و ندقق في الصورة بتفاصيلها من خلال أحداث لشخصيات شبهنا بمميزاتهم و عيوبهم و معالجه لكل القضايا دى، نور بتطرح المشكلة و بتخلي القارئ يشارك بالتفكير في الحل و العلاج لها لأنها بتحترم عقل القارئ و بتحب تخاطب فكره
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
_هحاول أتكلم عن اللى حسيته من خلال قراءتي الفصل و الشخصيات بثوبهم الجديد بعد التعديل و رحلة الشفاء

#شيماء

_شيماء و بعد غياب أهم شخصين في حياتها نزار الهوى الحبيب و الصديق، و سبنتى الأخت و رفيقة الروح كانت بتتخبط في ظلامها و عجزها و كأنها بغيابهم فقدت عزيمتها و القدرة على المقاومة، مني و نوة محاولاتهم لأنها تخرج من قوقعتها، لكن الدافع القوي هو تحقيق حلمها في إنشاء مركز لتقديم خدمات لذوي الاحتياجات الخاصة و مساعدتهم خاصه غير القادرين لكنها أصدمت بقوانين مجحفة بتنظر لذوي الاحتياجات الخاصة دى على إنهم عاجزين و غير قادرين على الاعتماد على أنفسهم و بتضيف لعجزهم عجز من نوع آخر بتكبلهم به حبيت جداً إنك وضحت العراقيل و نظرة المجتمع قدامهم،. نفوذ ياسر و مساعدات خالد و مالك زوج شقيقتها الكبرى شذي أكتمل الحلم، لكن بيتبقي غصة في قلبها لغياب من كانت تشاركها الحلم و تشجعها، شيماء و اللي بتستعيد دفئ أيامها مع رفيق سبنتى و صديقها شلبي و بتخفف عنه غياب صديقته و إنها ما نسيتهوش و أعتقد أنها بتتواصل معاها، و إن سبنتى و شيماء ممكن يكون في إتصال بينهم محدش يعلم به، شيماء تعلمت من سبنتى ما تخفيش مشاعرها تجاه أى شخص و هي مش متقبلة علاقة خالد و لانا و أعلنتها قدامها بكل وضوح
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
#خالد_لانا

_لانا أنا بحترمها جداً كأنسانة عارفه هي عايزة إيه و محددة أهدافها في الحياة و شايفه إرتباطه بخالد و اللى فيه كل مواصفات الزوج المناسب اللي بتتمناه لأنها إنسانة عقلانية جداً و عواطفها مش بتتحكم فيها، و شايفه إن مشاعر خالد لسبنتى مؤقتة و كانت فترة مراهقة
لكنها بتخطئ في حق نفسها لأنها بتتجاهل كل الإشارات الواضحة اللي بتقول إنه خالد مش معاها بعقله و مشاعره و رفض أمه و أخواته و جموده معاها دليل على كده لكنها عايزة تصدق إنها قادره تخليه ينسي سبنتى و ده أكبر خطأ ترتكبه في حق نفسها هي فقط لأنها هي اللي هتنجرح لو ثبت عكس توقعها

_خالد و اللى واضح إنه بيعتني بشلبي أمانة سبنتى لشيماء و أصبح صديقه، خالد اللي شايف لانا بعقله فقط و فيها مواصفات الزوجه المناسبة و بمعايير العقل إنها تشبهه في إلتزامها و عائلتها و ثقافتها و هدوئها و إنها هتكون واجهه إجتماعية تناسب شكل حياته القادمة كوريث آل الراوي، لكنها ما تشبهش روحه ولا موجودة في قلبه و اللي بيحاول يخرسه و ما يستمعش لصوته و اللى بيقول إنه في واحدة غيرها احتلته و مجرد ذكرى عابرة لها بتخليه يتخبط و يرجع لخالد القديم بحيرته و صراعه، خالد مش عايز يظلم لانا أو يكون صورة لرجل خائن و ده أنا حباه فيه جداً إنه ضميره متيقظ دايما
_خالد و اللى قدر يعرف مكان راشد و سبنتى و إياب بعد ما تتبع الشركة اللي كانت أحياناً منافسة له و أحياناً آخري دعم له، و توصل إنها تابعة لراشد و ده خلاه ما يتملكاش أعصابه و يلجأ لإيهاب لأنه على بعد خطوه من إنه يرجع إياب لبدور و يشوف سبنتى، لكن إيهاب فوقه و إنه بحالته دى و ظروف مرض ياسر الأصلح إنه إيهاب هو اللى يسافر و يتفاوض مع راشد و يرجع إياب و ذكر خالد إنه يحترم الحلقه اللي في أيده و المرأة اللي أختارها و إنه ما يملكش أى سلطة على سبنتى حالياً بأختياره، و ده خلاه يهيم على وجهه يستعيد آخر ذكرى له معاها و وعودهم سوا
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
#بدور_نوة_مريم

_بدور هي صاحبة فكره لبس ليبريتا ملابس الدعسوقة و تطلق عليه إسم البعبع عشان تضعه في مواجهة قدام نفسه و إنه ما يخطأش بأرتباط هيدفع ثمنه لاحقاً و ينتظر لقائه مع سبنتى عشان يأخذ حكم عادل على مشاعره و على حكايته معاها و ده لحرصه الشديد على سعادته و إنه ما يرتكبش حماقة من حماقات و أخطاء رجال الراوي
بدور و لأول مرة في حوارها مع مريم و نوة تعترف بأنها كانت المذنبة الأولي في حرمانها من إبنها بالأخطاء و الفضائح اللى عملتها، بدور أبدت تفهم عادل لموقف سبنتى حتى لو ما كانتش بتحبها لكنها فهمت سبب تلاعب سبنتى بها بعد معرفتها حقيقة نسبها لخوفها الشديد إنها تخسر راشد الشخص الوحيد اللى تملكه في حياتها لصالح بدور و إبنهم، و فهمت محاولات راشد لما قالها إنها الوحيدة اللي حملت بطفله، بدور لأول مرة تبدى ندم على أخطائها في حق نفسها و إبنها و عمرها اللى ضيعته في فكرة الإنتقام، بدور و نوة بينهم إتفاق ضمنى على الحفاظ على سر نسب سبنتى حتى و يظل داخل العائلة و عدم كشفه حتى قدام مريم رغم مكانتها حالياً بينهم

_نوة و اللى لأول مرة تزور مريم في محاولة عشان تصفح عن والدهم و تقبل زيارته أدركت أنه مريم هي كمان ضحية مثلهم و أكثر و نالت من الألم و المعاناة مثلهم و ما كانتش تستحق منهم النبذ و الظلم، نوة أدركت هي كمان إنها ما كانتش بتقوم بدورها كأخت كبرى لأخواتها و كانت بتكتفي بالنصيحة فقط من غير ما تقوم بدور فعلي تجاههم كان من الممكن يجنبهم أخطاء و مشاكل كتير و ما تكونش بشكل أو بآخر سبب في حرمان بدور من إبنها

_مريم و اللى أصبحت الحضن و الذراع اللي بتبكي عليه بدور كأخت لها زى ما بدور ساندتها قبل كده، مريم أشتركت في خطة بدور عشان خالد يراجع نفسه من خطوبته بلانا و متفهمة جداً مشاعر سبنتى و شايفه إنها كانت منتظرة منه أنه ينتظرها و يوفي بوعده ليها، مريم رفضها لياسر الراوي لأنها ببساطة عمرها ما شعرت نحوه بعاطفة الأب ولا هو قام بدوره في حياتها، بالعكس هو كان سبب في معاناتها بتركه وراء ظهره لأم حقودة صبت غضبها و حقدها منه فيها، و عشان كده هى مش قادره تسامحه و تتقبله إنه نبذها عمرها كله و سلبها أبسط حقوقها يكون لها الظهر و السند، و عشان كده هى متفهمة موقف سبنتى في حبها لراشد و إنها أذت بدور رغماً عنها، و هي كل اللي تقدر تعمله إنها ما تقطعش زيارة أولادها لجدهم عشان يكون لهم عائلة و تحاول تشارك في مناسباتهم العائلية بحكم عمل إيهاب معاهم
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
#نزار

_جدة نزار رغم إعترافها بأن هناء أجادت تربية و تنشئة حفيدها كويس جداً لكنها مازالت بترفضها كنة لها و ده طبيعي مفيش حد ممكن يغير من أفكاره و معتقداته لكن برغم كده هى حبت نزار و أحتضنته و قدمت له العائلة و الإنتماء لدفئ العائلة و الوطن اللى كان بيحلم به
لكن نزار جواه جائع لحضن هناء و حنانها، نزار اللى مجبر على تحمل قوانين و بروتوكولات عائلته و اللى عوضته اللي إتحرم منه، فيقيان في حوارها مع نزار عشان مستقبله و خططه لحياته المهنية و إختيار الزوجة المناسبة حسب تقاليد عائلته صفعته بجريمته في حق أمه و اللي برغم كل اللي قدمته من أجله هو اللى آراق دمائها و فضحها جلدته بذنبه في حقها
_حبيت جداً سجال جوشوا و نزار و فيفيان و غيرة كل واحد فيهم على أمه و ذكرياتهم
نزار قرر قرار مصيري بعد نقاشه مع جدته و أن الطير المهاجر عليه العودة لحبيبته بحرية العينين⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
#إيهاب_ممدوح

_مراد و بحكم صلته بممدوح حاول يقدم له المساعدة في لقاء يجمعه مع إيهاب و ما كانش يعرف بحجم المشكلة و الخطأ اللى أرتكبه ممدوح في حق مريم و إيهاب

_إيهاب و اللى برؤيته لممدوح أعاد له حقارته و تعديه على شرفه و محاولة إنتهاك زوجته
و عشان كده مقدرش يسيطر على غضبه و ضرب ممدوح بكل الكره اللي بيحمله جواه
_ممدوح و اللى ترك إيهاب يفرغ كل اللي المكبوت جواه و مصر إنه يسمعه و كان بيحاول يفهمه أد إيه هو ندمان و كاره لممدوح القديم اللي بصيرته كانت معميه و روحه المشوهة و رغبته في الإنتقام خلاه يأذى مريم و دلوقتي هو جاي عشان يكفر عن ذنبه في كل اللي ظلمهم و أساء إليهم و بيطلب المغفرة و الصفح و متحمل لأى عقاب

_ممدوح و اللى حاسس بحجم جريمته في حق لورين و هو بيحكي لإيهاب عشان يمكن يساعده في العثور عليها و يشوف إن الله عادل و أقتص منه في إنه زى ما حاول ينتهك شرفه هو كمان شاف زوجته المرأة الوحيدة اللي حبها و حطمها و بيشوفها بتنتهك و هو مكبل بقيود و مسجون جوه ظلمته ممدوح و هو بيحكي عن مشهد إغتصابه لورين و كأن شخص آخر تلبس جسده و أقدم على الجريمة دى و ده بيزيد من جلده و تأنيبه لنفسه و ضميره أكثر، ممدوح إتغير و عايز يصلح أخطاء الماضي و بيبحث عن لورين عشان يعتذر لها
و عشان كده سعي لمقابلة إيهاب لأنه عايز يكفر عن ذنبه في حقه و حق مريم و يساعده يلاقي لورين و حكي له عن قضيتها لأنه واثق من رجولته
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
#بيت_أيوب

_أسرة أيوب و اللي استقر بهم الحال في بلد عربي أستقبلهم و رحب بهم و منحهم المواطنة و قربهم من حلمهم بالقرب من وطنهم و بيمنحهم الشفاء من بلاد الكوابيس و اللى سرقت أرواحهم و شوهتها

_فرح و اللى بتتلقي العلاج و الدعم النفسي و بتحاول تكمل دراستها الجامعية و مازالت الماضي بتشوهاته ما أثر فيها و ثقتها في نفسها و الحياة ضعيفة تكاد تكون معدومة، و لسه بتتخوف من أيوب لكنها مع العلاج النفسي و عائلتها حواليها بنتقدم ببطئ بعكس مرح

_مرح شخصية قوية صلبة قدرت ترمم نفسها بنفسها و تجتاز دراستها الجامعية و تشتغل و بتدفع تؤامتها فرح لتخطي الماضي، مرح و اللي بتنادي لها أمل بنت لورين ماما لأنها شايفه إن مرح أمها و لورين صديقتها و فرح زيها طفله صغيره و أيوب أبوهم كلهم و اللي مضلل عليهم بجناحته و بيته اللى بيضمهم و مدفيهم حواليه

_لورين بتحاول تشق طريقها و تبني حياتها و مستقبلها من جديد و بتساعد أخواتها و شايفه إنه مفيش حاجه تمنع إنهم ينجحوا و يحققوا إنجازاتهم و طموحاتهم و لو المعجزة حصلت و رجعوا لوطنهم مش هيترددوا في ترك كل شيء وراهم و يرجعوا بيت جدهم
لورين عايزه تتحدى نفسها بموافقتها على الزواج من طه عشان تثبت لنفسها إنها أغلقت صفحة الماضي للأبد
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
#ياسر_الراوى

_ياسر الراوي و قدام لحظة الموت بمهابتها كل حاجه بتبهت قدامها
المطامع و متاع الدنيا و بيظل فقط الندم و شريط حياتك و لحظة واحدة تطلب فيها المغفرة و الصفح من زوجته و أولاده على أخطائه في حقهم لأنه كان بيختار لهم حياتهم من وجهة نظره هو، لحظة الإنسان بينساها و يلهو به العمر و كأنه مخلد فيها و لما بتيجي الخوف و الندم على حياة ضيعتها في كبر نفس و غرور
_ياسر و آخر وصية له كانت لخالد إنه ينسي كل اللي حاول يقنعه به و يزرعه جواه و ما يظلمش قلبه ولا بنت حبته من كل قلبها و يكون ليها الوطن و أعتقد أنه كان يقصد سبنتى و أدرك خطأه في حقها و حق إبنه، مشهد طلب السماح من منى و بدور و ملاك الموت بيحاوطه مشهد مهيب مفيش تعليق ممكن يوصفه، حقيقي حزنت و أشفقت عليه جداً
المشهد ده جرس إنذار لكل إنسان إن مهما جري في الدنيا و حقق مكاسب و وصل لأعلى المناصب هيوصل للحظة دى و مش هيفضل فيها غير أعمالك و سيرتك اللي هتخلفها وراك
إحساس بدور برحيل ياسر الراوي هو إنها أصبحت بدون سند و حماية ظهرها مكشوف
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

الفصل جميل جداً جداً و التغيير اللى حصل مع كل شخصية و تأثرها بالضربات اللي حصلت لهم و كانت نتيجة أفعالهم و إختياراتهم و تصحيح مسار حياتهم جميل أوى
كالعادة مفيش كلام يوصف إبداعك و تفردك سلمت أناملك اللى بتعزف على قلوبنا أجمل لحن



التعديل الأخير تم بواسطة ebti ; 30-03-20 الساعة 01:24 PM
Hoba Nasry غير متواجد حالياً   رد مع اقتباس