[فيتامين سي]

السلام عليكم ورحمة الله وبركاته
فيس داخل وهو مستحي بعد الغياب
مبدعه ياوطن نوره ماشاء الله عليك تميز في الحبكه والسرد وكل شيء

فهد وغاده
الثنائي المريح والمحبوب ربي يتمم فرحتهم
فهد بسبب وضعه وخوفه وشيء من الخجل كان صعب يندمج
مع غاده لكن غاده قدرت بشخصيتها وأسلوبها تغير نفسية فهد
وأصبح يتعامل معها طبيعي ومع الوقت راح يعيش معها حياه
زوجيه سعيده خاصة إذا حملت غاده

حاكم والجادل
أنا هالحاكم قاهرني أنا ممكن أتقبل زعله من الجادل وكرهه لها
الدائم لكن تقلبات الجو عنده أبد ماتقبلتها مرات يمزح ويضحك
وكلام حلو وعند نقطه معينه يقلب وماني قادر أنسى وأتقبل
مدري هو يتدلل على الجادل والا وش بلاه أنت واثق فيها وعارف
أنها بريئه فمافي داعي لتصرفاتك الجادل معها حق تزعل وحلال
فيه يظن إنها بتتخدع فيه طول العمر

ذيب مثل ماتوقعت قلت مستحيل يكون عايش ويغيب كل هالغيبه
عن أهله إلا إذا كان فاقد الذاكره والله حالته صعبه مدري كيف بتتغير

عزام وشعاع
أخيرا عزام بدأي يغير تعامله مع شعاع ويحس بها ويحاول يسعدها
وخبر حمل شعاع أسعد الكل وخاصه شعاع وإن شاء الله راع يغير
عزام للأفضل من ناحية شعاع
عزام الله يكون في عونه كل ماقال هانت جد علم جديد

عبدالإله ولولوه
واضح تقبله للولوه لو أظهر أنه جابرينه وأتوقع تفاهم راااائع بين
الإثنين منتظره زواجهم بفارغ الصبر وفستاني جاهز

تسلم يمين خطت لنا هالإبداع منتظرينك الجمعه إن شاء الله