[فيتامين سي]

#بارت37

رواية..#نصف_عذراء_بين_انياب_� �اتلي

#بقلمي...نور سمو العراق

💔💔💔💔💔💔💔💔💔

تاج كانت غزالي الصغيرَ
وهـذا الـغـزالُ كـثيرُ الوثوبِ

وفي جُبِّ حَوضِ السباحة غاصتْ
عـلـى غفلةٍ من عيون الرقيبِ

وضـاعـتْ تاج في لحظةٍ
ومـا الـموتُ غيرَ البعيدِ القريبِ

ضليت اصررخ بصوت عالي واني الطم علئ وجهي وابجي...يمممه ولج يممه تااااج تااج يممه تااج ولج توته...

عمتي اباوعلها شايله ابني وتبجي وعمتي ام اباذر تركض للشارع وره اباذر...

اباوع الاديه ترجف حيييييييل ودموعي توكع لا ارادي بهاي الساعه ما اكدر اوصف اي شئ من احساسي وشعوري اختي بين الحياة والموت احس الروح تطلع بس مجرد ما احس ان هي بخطر
امي امي سودة عليه بعد جرحها اخضر علئ هبه انوب تاج والله تموت تموووووت...

ركضت وراهم ما اشووف اله محمد هو الي ركب يسوق وعمتي صعدت بصدر واباذر صعد بيها للسياره وره واني ركبت وياهم...

ضلت البنات الصغار بالبيت يصرخن عمتي ام مسلم ضلت يمهن...

هو خلاها كلها بحضنه ودافن وجهه بوجهها ويحجي وياهت مثل طفل وفقد امه هستوه ويتوسل بيها ودموعه غركت وجهها...

وهي جانت تون بوووجع وترررررجف ولازمه اييييده حييييييييل...

هز راسه بعدم تصديق وهو يحاجيها وعيونه تلمع بدمووع همس الها...لييييش،تااااج مو كتلج انتي كيييياني مو كتلج انتي رووووووحي ليش هيج كسرتي ضهري...

شكول لامج الي بعدها تحن وتون علئ هبه ما كدرت احافظ عليج...

هي ما جانت الها اي ردة فعل بس دموعها تنزل بوجع وتهمس...لا تخليني اموووت..

هو رجع حضنها بوووجع واني لازمتها من ايدها واصرررخ من شفت حروق جسمها...
وصلنه للمستشفئ وهو نزل شايلها يركض بيها ومحمد ركض جاب سديه اخذوها بالطوارئ الدكاتره والممرضين...

واني كعدت بالكاع ابجي والطم علئ وجهي وعمتي كطعت روحها تكطع من ماتو ولدها مسوت هييج

ضلت تدك علئ وجهها ...يمممه انهبت يمممه انهجم بيتي عليه يممه مرة اباذر تاج يالفقيره يالمؤدبه يممه هي بيتي يممه دهر صابني يممه اباذر سوده بوجهي يممه كون امك ميته ولا مرتك يمممه...

اني حضنتها وضليت ابجي...

محمد بسرعه خابر علئ عمو وعلئ بابا...

واباذر اباوع علئ ادييييه ترجف وحافي حتئ ما لبس حذائه...

واديه محتركه لان هو طفاها باديه اول مره ...اباوعله وجههه اصصصصصفر ويرجف كله يرررجف

وكل شويه مسح وجهه بتوتر ويباوع للسمه وكل شويه كال...ياااا ربي يااارب تاج وديعتك يااارب لا تفجعني بيها اخذي من عمري علئ عمرها...

ومحمد خطيه ملهووف يروح ويجي وراحو انوب دخلوو للطوارئ واني وعمتي بس نبجي...

ومحتاره بماما شلون حتجي ويوصلها الخبر....
......................

قدر...

كنت اغسل مواعيين الغداء تقريبا الساعه ب 3 ونص

خلصت ورحت دا اسوي جاي اليوم متاخرين بالغداء ...

عمو كل عاده ممتواجد وابو هشام بالبصرة عندو حموله...

اتصل موبايل عمتي ام هشام...انا رحت فتحت خط كانت عمت ميس حكت...الوووو ام هشام

رديت...لا انا كنتها زوجة هشام

عمة ميس...هاا خاله شلونج ام هشام موجوده

ابتسمت...اي موجوده هسه اروح انطيها الموبايل

اخذت الموبايل العمتي وانا مبتسمه انطيتها الموبايل حكيت...هاي ام مسلم اتصلت تريد تحكي معاكي

اخذته عمتي بخوف حكت...يمممه اسم الله ميس بيها شئ

ضلت تحكي ويه المره وبعدها حكت...ياااا شبي ابن ميس تخربطت يااا يممه ميوسه اسم الله يالله يالله جايه بيا مستشفئ
يالله هسه بس البس جواريبي اجي اني وعمتي...

حكيت...خيير عممه شكوو؟

ردت بقهر...ابن ميس متخربط ورايحه اشوفه

رحت جبت جواريبها وعباتها وشغلاتها جرت نفس وتنهدت حكت...قدر تذكرين قبل شويه من كتلج كلبي انعصر بس لا بناتي بيهن شئ

هزيت راسي بأي

كملت...هااي خطيه ميوسه محترك كلبها علئ ابنها وحسيت بيها

ابتسمت..كلب والده اكيد تحسين بيهم...

هزيت راسها بخوف...كلبي ما مرتاح ولا راح ارتاح الدنيا تردم بيه من كل مكان وجنها لزمتني وحطتني كدامها وكالت ما عندي غيرج اااااخ تعبت حييل وهم هبه لحد الان ياكل بكلبي...

رديت عليها...الله يعوضك عمه لا ما ينساكي والله

هزيت راسها وحكت...الحمد لله علئ كل حال...

وبعدها راحت هي وبيبي وانا ضليت والوحدي خطيه هشام طلع يمشي علئ عكازتو حكا...اكوو شئ امي وين راحت
ابتسمت..لا ماكوو ابن ميس متخربط وراحت تشوفو....

...................

ميس...

لحد الان ماكوو شئ بس دخلوها للطوارئ واحنه بس،نبجي وندعي ما خلينه دعاء مدعيناه...

شوويه ودخل عمو يركض وهو لابس زيه العسكري وجهه مخطووف

شاف اباذر منتجي علئ الحايط ولاف بكنلكس هو اجه عليه ملهووف وسحبه بقوووه وعاط بوجهه بعصبية...شبيهه تااااااااج

اباذر جر نفس كال...احتركت

لزمه من ياخة قميصه . ...لخ شنووو احتركت شلووون احتركت والله اليوم احرك عشيرتكم شلووون بنات اخوووي يرحن هيييج

اباذر دفعه بعصبية...لك وخرررر مني روووووحي طااااافره مني وانت بطررران

دك علئ صدره...لك هذاااا احتتترك روحي احتركت وياااها ولك والله والله البيت احركه اذا ماتت تاااج والله...
عموو باوعله بصدمه وعيونه طاااكه الخوف مبين عليه...

اباذر سحب المسدس من خصر معتصم وعمو تخبل...

حط المسدس براسه وهو يرجفف...والله والله قسما بذات الله تاج اذا ماتت دقيقه وحده ما اعيش بعدها...

امه خطيه ركضت عليه وسحبت المسدس من اييده وحضنته...لااا يمه لااا فدوه اروحلك يمممه ان شاء الله ما بيها شئ بناتك يمه منو الهن...

هو سحب نفسه وكعد كعده حط وجهه بين جفوفه وتكلم بالم وصوت مبحوح...يممممه احبببها احبببها

حط عمو ايده علئ جتفه وراد يوكفه بس هو مقبل ضل كاعد عمو رد عليه...كوول يالله بلكي الله وتعيش

باوعله بعيون دامعه وخالطت دموعه ضحكه حزينه...شتعييش نسبة الحرك خمسين بالميه من غير هي حااامل وبشهر السابع واكيد الطفل يتاثر وياثر علئ حياتها

عمو جر نفس بحيييره...واني كعدت ابجي بصوووت عالي وارجف من عرفت النسبه وهي حاااامل

ما اشوووف اله ماما دخلت خطييه اجت عليه تركض بس انخطف لونها من شافت الكل متجمع...
حتئ جيرانهم خطيه اجووي...

تقربت مني كالت...مييس شكووو شصاير

حضنت ماما وبجييت بصووت عالي هي بعدتني والرعب بعيونها كالت...احجييي شكوو شصاير لا تعلين كلبي

رجفت شفايفي ووببكاء كتلها...تاج احتركت

هي فتحت عيونها بصدمممه ورجعت خطوووات ...لااااااا لااااااا جذذذذذب تااااج يممممه تاااج لاااا

ركضت علئ اباذر لزمته. .كووووول جذذذذب كووول جذب لييييش ليييش عمممه يمممه تاااج

ضلت تلطم وتصرررخ ...والله ما اضل والله احرك روحي وراها والله يممه بنيتي يممممه لاااا تاج ما كسرت خاااطرج

شلووون شلووون احتركت...

لزمتها واني ابجي...طك عليها الطباااخ ماما

ضلت تلطم علئ وجهها ....يييمه لااااا تااج يمممه شلووون دهر صابني عزززا العزاني...

كعدت بالكاع وهي تصرخ واني وعمتي لازميها ونبجي وياها
باوعت الهم كالت بصرررراخ...معتصم انت واباذر ارررريد بنتي منكم تاااج يممه يالحلوووه يصغيرونه يمممه

يممه يم حلك الحلووو ارريد بتي والله اررريدها

يمممه كل يوميه امجن مغربه بيجن للنجف يوميه اني دافنه وحدده لااااا لاااا والله كلشي ولا تاج والله امووت وراها...

يمممه شسوووي شلووون اشتريج يمممه ما اكدر اتحمل يمممه
لزمتها واني ابجي وابوس بيها...ماما ماما حبيبتي ان شاء الله ما بيها شئ

هزت ايدها بصراخ...يا ما بيها شئ اختج مطبوخه طبخ يممه هبااااوي يمممه ادعي الاختج والله امووت ما اكدر ادفن ثنين....

ربي لا تفجعني ببناتي اخذي عمري ولا تختبر صبري بهباوي وتاج...

ركضت علئ اباذر لزمته وهي تتوسل بي...عمممه شلوون مو كتلك توته امانتك مو كتلك صغيره اصبر عليها مو كتلك مدلله سايرها...

انت مو كتلي علئ ميها مخليها مو كلت بطن عيني مخليها شلوون ما حافضت عليها...
هو رد عليها باستنكار...طك عليها الطباخ ما ادري

ركضت علئ عمتي ام اباذر...مو تدرين بيها حامل وروحها بخشمها ليش خليتيهل تطبخ جان كتيلي واني اجيت اصير خدامه الكم بس بتي شلوون بيها...

عمتي حضنتها...والله يام هشام مخليتها بعيوني بعيوني مخليتها بس ما ادري شلون غفلت عنها...

طلع الدكتور منها واحنه كلنه ركضنه عليه اباذر لزمه..فدوه دكتور لا تصدمني كوول هي بخيير

وماما لزمته وتتوسل بي وتصرخ...دكتووور شتريد انطيك بس تاج كون بخيير ابيع البيت واكعد بشارع واصير مجديه انت بس أأمر تاج كون مابيها شئ

الدكتور جر نفس كال...البنيه نسبة حركها 50 بالميه رجليها متاذيات وبطنها اكثر شئ بس صدرها اكثر شئ سالم بيها لان ملابسها الداخليه قطنيه

احنه الي علينه نسوووي بس حياتها ضلت بيد الله

البنيه حااامل والطفل مات ببطنها وما نكدر انطلعه ولا نكدر نسوي الها عمليه لان كوووووولش خطر علئ حياتها

فلازم ننقلها لمدينة الطب وهناك ينطوها ابر ولاده ويخلوها تطلك وتجيب طبيعي لان غير هل حل ماكوو
وهذا كله يسبب تلوث عندها ونخاف يتسمم جسمها

فلازم بعد ما نخليها تستقر حالتها لازم تروح تولد بغير مستشفئ...

امي لطمت علئ وجهها...لا تاااج متعييش والله متعييش يممه تصخمت امج يا تاااج

رجع الدكتور كمل...وهسه يجي الضابط ياخذ اقوالها ويعرف شنو اسباب الحرق هل هو انتحار او حادث...

ضلينه منتظرين اجه ضابط التحقيق ودخل وياه عمو واباذر رغم الدكتور رفض رفض قااااطع بس اباذر اصر وعمو بمثابة شغله دخل وياهم...

...

اباذر دخلت عليها بعد ما لبسنه ملابس معقمه احس روووحي طااارت عليها...

واني اشوفها مغطيها بشرشف ابيض والمغذي بيدها وتون بوووجع...

من شافتني رفعت عيونها اليه عذبتني اكثر بنظراتها...

باوعتلها بقهر وحزن والم عيوني صارت علئ بطنها طفلي مات بطنها قبل لا يشوف النور...

هو مو اهم منها ولا اي احد اهم منها الكل ينتهي مت حياتي اله هي .....هي اهم شئ بحياتي....
تقرب منها معتصم باسها وضل يحجي وياها واني مبتعد كل البعد خاااايف اتقرب منها وتموت

الرجفه الي اعتلت جسمي دمرتني اخر شئ كنت اتوقعه تاج تحترك وتروح من ادييه...

واني لجبت كل عمري احاول ارضيها واسعدها وما جنت احبها من تقارن بيني وبين صباح...

وهسه احس صباح احسن مني بقاطات اني احبها وصباح ما حبها...

شلون غفلت عنها وضيعتها من ايدي

رجعت باوعتلي ومدت ايدها تريدني حركتها دمرت كل احساس بيه ...

رحت عليها ملهوووف لزمت ايدها وبستها كدامهم

كعدت يمها جان حجابها مخربط عدلته وهي نظراتها ابببد ما نزلتها مني

احسها طفله وتستنجد بابوها شلووون بيه تمنيت امووت ولا تابوعلي هييج...

اديه مربطه وما بيدي شئ اسوي الها وفوك هذا كله لازم تولد طبيعي فووك جروحها والما انوب الم الولاده...

همست بوووجع...ااااا ابب اباذر اشتريني لا تخليني امووت
رديت عليها بلهفه...ولج اشتريج بروحي ولج والله لو علاجج باخر الدنيا اجيبه اجيبه...

هي بجت بوجع احسها عصرت كلبي عصر...

همست...البنات ذمه بركبتك ولا تزوج عليه احبك والله

لزمت ايدها حييل وتقربت منها همست بخفووت وخووف ...ولج يااا اتزوج ولج غير روحي ذايبه وياج

ابتعدت عنها شويه من شفت الضابط يريد يستجوبها...

ضل يسالها شلون عايشه وما اعرف شنو وهي جانت ترد بتعب وحتئ احس لسانها ثكل وترتل...

وبعدها سالها...انتي حركتي روحج لو احتركتي...

باوعتلي خااايفه وجاوبت...ما اعرف

رد سالها...شنو متعرفين انتي حركتي روحج لو احتركتي

رجعت جاوبت ببكاء...احتركت

هو اخذ باقي اقوالها وطلع...

لزمت ايدها كتلها...تاج انتي احتركتي بشنو

باوعتلي بخوف ودارت وجهها ما جاوبت...
اجه الدكتور طلب منه نطلع حاولت اضل يمها اكثر وهي لازمه بيدي حيييل ما تريد اعوفها وكل شويه وكالت اخااف لا تعوفني
غمضت عيوني بحزن علئ حالها وبلعت ريكي خايف عليها اكثر من نفسها همست بوجع...تااج شلون احتركتي

كالت...هووو

استغربت كتلها..منووو ؟

سكتت مجاوبت خلتني بحيره من امري وانرعبت حييل منو الي يحاول يتعده علئ حرمتي وياذيها ...

اخاف هب حاركه روحها وهاي مصيبه جديده وين اروح من نفسي وشنو الي قصرت بي وياها حتئ تحرك نفسها...

تاج صح الي براسها تسوي وعنوديه بس خوافه وتعرف ربها زين وتعرف الانتحار من افعال الشيطان هي نمله ما تاذي مو تروح تحرك نفسها...

اعرفهر خوووافه رغم تمردها منو الي حرضها معقوله تكون مريضه وراكبها جن...

هي حملها بهذا الطفل دهور حالتها بس ما توصل تحرك روحها...

هي تحب نفسها حييل وتحب تهتم بنفسها وتتباهي بجمالها وروحها مو معقوله تاذي نفسها...
تركتها وطلعت بعد ما طلب الدكتور وخوفا عليها وعلئ صحتها...

غمضت عيوني فتحته مرعوووووووب مجرد ما اتخيل تموت وادفنها بيدي...

والله اذا صار بيها شئ مستحييل اضل عااايش هنا تاج هي روحي وما اريدها تنسلب مني....

طلعت ضليت كاعد بالانتضار وامها واختها تخبلن عليها وشويه اجوو بيت جدها وخالاتها وكل وحده تجي تاخذ الها مشوار من البجي والماساة الي صارت

جريت نفس البنات صغار ضلن الوحدهن ومحد بحالهن وهي بس توصي بيهن خطيه ام مسلم ضلت يمهن....

دعيت ربي ياخذ عمري قبلها ولا يفجعني بيها كوه حصلت عليها وتعبت يالله خليتها حبتني وحسيت بالرضا بعيونها هسه ارتاحت وارتاحيت وياها ما اريد اخسرها اصلا ما تحلئ مره بعيني غيرها...

امها تكسر الخاطر اختها الكل يكسر خاطري وهبه بنتها حتئ ما شبعت منها....

جريت نفس ودعيت الله يخليها اليه حتئ لو مشوهه

شووويه واجه هشام حضن امه وضل يبجي علئ اخته رغم كل الي صار وكل الالم الي تعرضت اله بس هشام موقفه كسرني
لان مريض واجه ملهووف عليها ويبجي مثل الطفل بحضن امه وهو يكلها...يمممه اني مو مريض خلي الله ياخذ عمري بس يخلي تاج خطيه البنات صغار ويحبنها وبتها بعدها صغيره اني مو مهم عيشتي تاج تعيش بمكاني قابل والله...

وعمي لحد الان ما اجه هو بالبصره عنده حموله محد كله تاج احتركت كلوله هشام تخربط

ضلينه ليله كامله بالمستشفئ بس ميس خلوها مرافقه الها...

وامها ابببد ما دخلت عليها لان خطيه متخبله وبس تبجي ما كدرت تواجهها...

وشويه اجه مسلم هو واصدقائه وما قصرو وكفو وكقه مشرفه يركضون يجيبون دم وابر وما اعرف شنو

وحتئ راضي اجه هو ومرته وامه

بس تضل ام راضي تفح بسمها علينه اخر كلمة كالتها...حركت روحها شلون بنات عرم و وكحات بس الكح....تسوي سوايتها

وكملت...يالله هو مثل اخو هم انتحرت بسببه

ما كدرت ارد عليها ولا احاجيها بس اكييد كل واحد حسابه مو هسه وكل كلمة انطقت باطل لتاج ارجعها عشره عليهم

المهم عندي تاج تطيب والباقي همه والنعال لا يهمني راضي ولا امه...
بس شلون تاج كسرتني وخلت اهل راضي يتشمتون ويكسرون ضهري بهل كسره

..................

دعاء...

كلولنه الخبر واحنه تخبلنه تسودنه مو معقوله تاج تحترك. مثل هبه وتروح مثل شربة المي

اني تخبلت ضليت اصررخ وابجي اجينه للمستشفئ ونشوف اختي ام هشام حالتها حاله وتبجي الصخر حضناها وضلينه نبجي وياها
ردنا ندخل الها مقبلو رحت شفتها من الجام باوعت عليها واني ابجي وانوح عليها...

هي باوعتلي من بعييد ملامحها شاحبه والموت داخل بوجهها ابتسمت بحزن وهزت راسها بأي

ما عرفت شنو معناها...

همست بوجع..تاااج حبيبتي يعمري ان شاء الله من عمري علئ عمرج يا عمري...

حسيت بشخص واكف ورايه باوعتله شفته معتصم كال ...شلونج

جريت نفس...الحمد لله
بجيت بصوت واني اباوع التاج حسيت بي سحبني الصدره كال...اششش لا تخوفيها وتبجين هي تخاف من تشوف واحد يبجي

باوعتله بدموع...اي تحس قربت ساعتها اسم الله عليها

هز راسه وجر تنهيده...اي خطيه لا تخوفيها انطوها قووه وكلولها ما بيج شئ ان شاء الله

هزيت راسي بأي واني اباوعلها وابجي وامسح بدموعي ضحكت واني اباوعلها اشرت الها بيدي...

وهي رفعت ايدها بس مكدرت رجعتها وبعدها حركت شفايفها عرفتها تريد امها

لان حسيتها دكول ماما

تريد تشوف اختي واختي متخبله بس تصررخ وتبجي ومنهاره وكل شويه تتخربط...

خطيه ميس واكفه يمها وتمسح بدموعها وتحاول تصبر بنفسها بس هيهات لان تاج مو بخير ابببد

عفتها ورحت اركض من شفت حالتها متسر واني ابجي بصوت عالي حسيته سحبني بقووه وضمني الصدره

جنت محتاجه ابجي بجيت علئ صدره وهو ساكت ما نطق وحالته مو احسن من حالتي

رجفت من البجي همست...يعني تاااج تموت
جر نفس كال...ادعيلها الدكتور ما طمنه

باوعتله برجاء ودموعي تنزل شلال...لا فدوووه معتصم والله والله شتريد اسويلك بس تاج تعيش

كال...ان شاء الله انتم ادعولها ادعولها لا تضلن بس تبجن وتخوفنها هي من تشوفجن تبجن تخاف وتهبط حالتها.....

هزيت راسي بأي وخليت وطلعت اختي اجتني تركض كالت برعب...هاااا دعااء شفتي تاج

ابتسمت بحزن...اي شفتها مابيها شئ شوويه محتركه مو مثل هبه وان شاء الله تطيب الدكتور مطمنهم

ردت بخووف. وتوسل...والله والله اذا تاج طلعت سلامات ربي ثور لوجهك الكريم ربي فدوووه لا تكسر ضهري بتوته...

يمممه يتوته يالحلوة يممه كلها حلوه جنها حمامه ترفه يمه ترفه ما تتحمل الحرك...

يمه يم خدود ورديه شجابج يم لهيب النار يممه

يممه تجيني ودكلي ...ماما مختنكه ماما احس واحد يخنك بيه واني اكلها من الحمل ما ادري بملك الموت يسحب بروحها ويعصر بيها عصر سوده عليه يمه يتوته يالحلوه يممه...
وينك ابو هشام وينك تعال شوووف تصخمت تعزيت بناتي وينك تعال شوف توته بين الحياة والموت...

ضلينه تقريبا يومين والطفل ميت بس حالتها ما تسمح ياخذوها تولد

اجه ابوها كلب الدنيا متخبل عليها ودخل عليها خطيه حتئ رجلها باسها ويبوس بديها والدكتور ما قبل لان ضلت تبجي ولسانها ثكل وهمه يخافون عليها من ان تسئ حالتها وتتدهور

........................

اباذر صار 3 ايام علئ نومتها بالمستشفئ حالتها تعبانه ولازم تولد...

البنات عند اختي الثانيه...

نديمه اجت للمستشفئ بس تبجي خايفه ما اعرف حسيت حالتها غريبه....

بس ما اهتميت الها...

طلعت من المستشفئ ردت اجيب جنسيتها واغراض وفلوس الان اليوم ننقلها المستشفئ مدينة الطب...

فتحت كنتورها مرتب مثلها ومصفط وانيق مثلها

شكد احبها واعشقها ضليت صافن علئ ملابسها اتذكرتها من تاخبرني واني بالشركه
اضل لابس السماعات واسمع الكلامها وحجيها ومرات اكلها صيري هادئه ولا تحجين خليني مركز بشغلي اريد اسمع بس انفاسج

وهي تضحك وتضل تعاند وتغني وساعه تعيط علئ البنات

احب خبالها واحب كل سوالفها

انتبهت علئ دفتر صغير محطوط بالزاويه مالت الكنتور فتحته...

مجان بي غير صفحتين مكتوب بيهن

الاول بس سطر كاتبه انا نصف عذراء بين انياب وحش

والسطر الثاني كاتبه نصف عذراء باحضان حبيبي وشاخطه عليه بس الكتابه مبينه....

درت باقي الصفحات فارغه...

واكو صفحه بنهاية الدفتر مكتوب بيها...

هذا الكلام...

راحله انا..

ها انا قطعت تذكرة وداع بلا عوده من اوطانك الشائكه

اودعت لك وصيتي الاخيره...احتفظ بها في جيوب ذاكرتك
اياك والسرعه حين قيادتك...

تذكر بكاء طفله كان يرعبها ان يخطف الفقد اباها

تذكر توبيخ ام ثكلئ كان ينقبض قلبها ذعرا من طيش طفلها الوحييد
تذكر وهن عاشقه اقسمت يوما بأن الحياة...

لو كانت تباع لوهبتك فوق عمرك عمرا...وسبقتك الئ الموت مهروله...

هاا انا اليوم لست عذراء باحضان قاتلي ...بل انا عذراء باحضان الموت...

معذبي لقد احببتك من كل قلبي...

ضليت اعيد واقره بكلماتها وكأن تعييد شريط حياتي من دائما تخاف من سياقتي السريعه وتتذمر...

وتضحك عليه من امي تخاف عليه ودكول احسها تحجي ويه طفل ...

ودائما تكلي لا تموت اخاف هبه تضل وحيده

وتراودها اشياء غريبه...

هذا الي جانت تشع. بي كاتبته ..بست كلماتها واحرفها
حضنت شالها وصررخت بصوووت عالي شكد جنت كاتم بصدري وخجلان ابجي كدامهم بس اليوم انهارت كل حصوني واني احس بروحها بالغرفه ...

احبببببها واعترافها بحبي ذبحني

حطيت ايدي علئ راسي مذبوووح من الوريد احس روحي ...

اكثر لحضات العذاب من اشوف محبوبتي بين الحياة والموت وكل لحظه اموووت الف موته و موته من احسها بخطر....

بلعت ريكي ودعيت بصدق...ياااااااارب شافيها يا منجي يونس من بطن الحوووت نجي حبيبتي من هل ازمه....

اتصل موبايلي لزمته بأيد ترجف شفته معتصم احس روحي ذابت وكلبي انطعن بقسوه خفت صاير بيها شئ...

و وخفت افتح خط شجعت نفسي وفتحت خط كتله...معتصم لا تعذبني احجي اكو شئ

كال.. لا ماكوو بس تعال بسرعه تاج تريدك

خفت حييل كتله...بيها شئ حالتها تدهورت

رد بسرعه...حالتها مثل قبل بس لازم تولد لان جسمها قابل للتسمم والطفل لازم يطلع مت بطنها...

والدكتور كال انقلوها المستشفئ مدينة الطب وهي تريدك

رديت عليه بسرعه...اي اي اجييت بسرعه هسه مسااافة الطريق...

قفلت الخط وركبت سيارتي وسقت بسرعه جنونيه بس بحيث اوصل الها...

مسافة الطريق و وصلت ...شفتها طلعوها بسديه وهي مغطينها بالكامل وامها لازمتها وتبجي هي وامي وميس....

نهاية البارت...يتبع

كونوا انتم كونوا بخير...احبكم 💔

نور سمو العراق 🌹

لا تنسو التصويت والمشاركه بكم نكتمل..احبتي