[هاجر جوده]

البارت 21

~~~~~

ما قدر يتحمل منظر ابووه و طلع من الغرفة بعدها طلع من المستشفى كله تارك ورااه ابوه يلي ابدا ما تعود علييه هيبك ابوووه يلي كان قوي دائما و كان قدوته هلأ صار مو قادر يتحرك مو مصدق هالشي
مو قادر يستوعب انو ابوه ما عاد يتجول او يمشي او يحكي معهم مثل قبل
فكر يتصل باخوه و يخبره ان ابوه صحى بس غير رايه و ما حب يزعجه بهذا الوقت المتأخر
~~~~~
صباح يوم جدييد
بالفندق
حاتم / انا و خالد رحنا عالمستشفى الصبح بس ما كان فييه غير الياس و امه اما الباقي رجعو
خديجة / حتى لو انا بروح بشوف الين و الباقي اكييد بيجو بعدين
سلمى / و انا بروح معك
خديجة / طيب روحي فيقي اختك
سلمى / اوكي
و قامت لغرفتهم
سلمى تهزها / ملك ملوووك
ملك / همممم
سلمى / ملك قومي نحن رايحين عالمستشفى
ملك / اتركيني بدي نااام
سلمى / اففف ملك قومي
ملك / اففف كلكن رايحين
سلمى / لا بس انا و خالة خديجة و رامز والباقي بعديين بيجو
ملك / لكان بجي معهن
سلمى / براحتك
طلعت من الغرفة
سلمى / تقول بتجي مع نزار و رامي
خديجة / اففف شو هالكسل يلي فييها " وجهت كلامها لنزار و رامي " جيبوها معكن بعديين
رامي / اوكي
نزلو من الفندق
و لما كانو طالعين
سلمى و كأنها تذكرت / مووبايلي
رامز / شبك
سلمى / نسيت موبايلي رايحة جيبه
خديجة/ بسرعة اخرتينا
طلعت ركض على غرفتهم
~~~~~
بهذا الوقت كان امير طالع من الغرفة بعد ما سهر مع رفقاته بالفندق
كان نازل ليرجع للبيت و بعدها يمر عالمستشفى ليشوف الياس
~~~~~
بوسط سرعتها ما انتبهت له و صدمت فييه
كانت رح تسقط بس مسكها بسرعة
سلمى / العمى ما بتشوف انت
امير / انا ولا انتي كإنك مضيعة عيونك
سلمى / هيييه انت مو صدمتني و جاي عم تطول لسانك لاتعصبني احسن ما تشوف شي ما بيرضيك
امير بسخرية / لاا والله خوفتيني
سلمى / ما بضيع وقتي معك لانك ما بتستاهل و كملت طريقها
امير / اي رووحي " بصوت عالي " ناس مجنونة
انقهرت منه فتحت باب الغرفة و دخلت و سكرته بكل قوتها
نزار / هييه شوي شوي عالباب
سلمى / اسكت ماني رايقتلك
نزاار / لااا يا لا تقوليها
سلمى / اففف و بعدين معك
نزار / ولا قبلين
رامي / ليش رجعتي
سلمى / ما دخلك
رامي / انتي لازمك قص لسان
ما ردت علييه و دخلت للغرفة اخذت موبايلها و طلعت و سكرت الباب بنفس القوة
نزار / شبها اختك
رامي / و انا شو بيعرفني ..... تعال نطلع نتمشى شوي
نزار / تمشى لحالك انا نعساان رايح نام
رامي / تسطفل انا طالع
نزار / بااي
و رااح ينام
~~~~~
بغرفة رغد
غيداء / هالتمثال حلو كثيير
رغد / مروان اشتراه بس اخذته منه
غيداء ابتسمت / ذوقه حلو
رغد بخبث / اي اكيد هذا حبيب القلب
غيداء / هههه اكيد
رغد / هااه شو صار معكن
غيداء / طلب انو نلتقي
رغد / اي و بعديين
غيداء / امم ما بعرف مو متطمنة " سكتت شوي و بعدها قالت " انتي متأكدة انو ما بيعرفني
رغد / اي متاكدة هو ما شافك معي ابدا يعني ما رح يعرف انك رفيقتي
غيداء / لكاان بحدد معه موعد منشان نلتقي
رغد / اي و بأقرب وقت
غيداء / اي صحيح هنن مو مقررين موعد الزواج
رغد / لا لسا يعني حتى يكمل مروان دراسته و يستلم شركة ابي و يكون حاله يعني
غيداء / السنة الجاية يعني
رغد / اي هييك شي لهيك لازم نبعدهن قبل هالمدة و نخلييه يحبك انتي
غيداء / يعني هو هلأ بيحبها
رغد / ما بعرف هو هييك قال
غيداء / ما بظن لانو لو بيحبها ما كان كلم غيرها
رغد / اي معك حق بس شو السبب يلي بيخليه يخطبها اذا ما بيحبها
غيداء / ما بعرف بس اكيد في سبب
سمعو صوته يكلم امه
رغد / ليكو اجا
~~~~~
بالمستشفى
دخلو و سلمو على الين و ظلو معها
سلمى " افففف ياليت ظلييت بالفندق بس لااا انا الغبية جااية لهوون هلأ شو بدي ساوي ملييييييت احسن شي اطلع اتمشى شوي احسن من حكي العجايز "
قامت لتروح و وقفتها خديجة / لوييين
سلمى / راايحة اتمشى شوي
خديجة / طيب لا تبعدي
سلمى / اوكي
طلعت سلمى
وكملت خديجة حكيها مع الين
~~~~~
امير / الوو
الياس / نعم
امير / وينك
الياس / بالمستشفى
امير / اي بعرف بس ويين بالظبط
الياس / تحت بالكوفي
امير / طيب انا جاي
الياس / عم استناك
~~~~~
كانت ماسكة موبايلها متوجهة للكوفي
صدمت فييه بسبب عدم انتباهها و سقط موبايلها
سلمى / اسفة
امير / مو مشكلة
رفعت راسها و شافته
قالو بنفس الوقت
امير / هذي انتي
سلمى / هذا انت
سلمى / افففف انت لاحقني وين ما رووح
امير / انا يلي لاحقك ولا انتي
سلمى / طبعا انت
امير بصوت شبه مسموع / شو هالحظ ما لقيت اصدم الا فيها
سلمى / شو قلت
امير / ولا شي
سلمى / اي احسن
امير / طيب بدي فووت
سلمى / فووت مين ماسكك
امير / انتي غبية ولا غبية
سلمى / غبية الثانية
امير / اهاا منييح قلتيلي
سلمى / غبي
امير عصب / شو قلتي
سلمى / قلت غبي
امير / مافي غبية غيرك هوون سامعة و هلأ بعدي من وجهي
بعدها عنه و راح للكوفي
و هي تمشت شوي بعدها ملت و دخلت لنفس الكوفي ما كان في طاولة غير وحدة جنب طاولة الياس و امير
سلمى / شو هالحظ
راحت جلست و طلبت مشروبات غازية
~~~~~
قاعد بالصالون يستنى منال و رؤى يفيقو حتى يروحو للمستشفى
بعد يلي سمعه من اخوه مو قادر يفكر او يركز بشي مو مصدق ابوه سنده بهالحياة ما عاد يمشي بهالبيت من قبل او يحكي معهن
صح هو ما تعود على ابوه كثيير لانه بصغره كاان اغلب وقته عند خالته و لما كبر صاار كل وقته سفر بس رغم كلشي هذا ابووه ابوه يلي ما بيقدر حدا ياخذ مكانه
~~~~~
بشركة اياد
اتصل على الياس يلي كان موبايله خالص شحنه و مجد ترك موبايله بالغرفة و رؤى نايمة فما سمعته
توتر و خاف يكون صاير معهم شي اتصل على منال و قلبه ازدادت سرعة نبضاته
~~~~~
قامت من النوم على صوت موبايلها ردت من دون ما تشوف الاسم
منال / الوو
اياد / اهليين
منال / ايااد
اياد / اي الظاهر فيقتك من النوم
منال بارتباك / هااه لا مو مشكلة
اياد ابتسم لانه حس بارتباكها / عم اتصل على مجد و الياس و رؤى بس ما حدا عم يرد
منال / ما بعرف يمكن نايمين بدك منهم شي
اياد / لا بس بدي اطمن على عمي
منال / ما بعرف نحن رجعنا عالبيت مبارح و ما ظل غيير ماما و الياس
اياد / اها طيب مو مشكلة عكل حال انا شوي و رايح عالمشفى
منال / و انا بروح بشوف رورو و مجد اذا فايقين بنروح
اياد / اوكي بشوفك هنيك
منال / اوكي باي
اياد / بااي
سكرت منه و قلبها تسارعت نبضاته هذا حبيبها يلي تعشقه بكل ما فييه كان عندها احساس انه ما مات و انه بيرجع و هلأ رجع
تجاهلت افكارها و قامت اخذت شاور سريع و راحت عغرفة رؤى
~~~~~
اما عنده ابتسم بعد مكالمته معها يعجبه خجلها و براءتها قرر بعد ما يشفى عمه يروح يخطبها مو قادر يصبر اكثر
طلع من الشركة و ركب سيارته متوجه للمستشفى
~~~~~
دخلت و شافتها نايمة
راحت لها لتصحيها / رؤى رؤى قوومي
رؤى / اممم
منال / قومي لنروح للمستشفى
رؤى / طيب
قامت و راحت تغسل وجهها
اما منال نزلت لتحت و شافت مجد
منال / صباح الخير
مجد رفع راسه / صباح النور
منال / موبايلك وينه
مجد يفتش جيوبه / بالغرفة لييش
منال / اياد حكى معي هلأ و قال انه اتصل عليك و على الياس بس مارديتو
مجد / ليش شو كان بدو
منال / ولاشي بيطمن على بابا
مجد / اها ....رؤى فاقت
منال / اي شوي و بتجي
مجد / ااا منال بدي قلك شي
منال / خيير
مجد / بصراحة بابا فااق
منال بفرح / جد طيب انت ليش زعلان
مجد / هو اا هو ما بيقدر يمشي ولا يحكي
وقت بصدمة و دموعها بدت تنزل / كيييف
~~~~~
كانت داخلة للصالة و اتفاجأت من شكل منال
رؤى / شبك ليش عم تبكي
رمت نفسها بحضنها و صارت تبكي بحدة / بابا بابا ماعاد يقدر يمشي او يحكي يا رؤى
انصدمت من يلي سمعته التفتت لمجد على أمل انه يقول غير هالكلام بس كان منزل راسه
نزلت دموعها بصمت و ضمت منال و حاولت تهديها
بعد فترة هديت منال شوي و راحو للمستشفى
~~~~~
كان سرحان فيها و مو منتبه لكلام اليااس
الياس / هيييه وين وصلت
امير / هااه معك
الياس / اي واضح
التفتت للمكان يلي كان يطلع فييه و شاف سلمى
الياس / غريبة شو جايبها هلأ
امير / انت بتعرفها ??
الياس / اي بتكون بنت خال رؤى ليش انت بتعرفها
امير / لا صدمت فييها لما كنت جاااي
الياس / اهاا لكان هي يلي اخذت عقلك و مانك منتبه لكلامي
امير / جنيت انت
الياس / اي اعترف واضح انها عجبتك
امير / ليش قلو البنات حتى تعجبني هذي
الياس / هههه طيب طيب لا تعصب عليينا
امير / اففف
~~~~~
دخل للمستشفى ما شاف حدا عند غرفته دق الباب و دخل
استغرب نظرة الاستحقار يلي استقبله فييها عمه تجاهل هالشي و راح جلس جنبه تحمد له بالسلامة و مسك يده بس تفاجأ لما سحبها عمه و نظرة الاحتقار واضحة بعيونه
اياد / عمي شبك
رد علييه بنظراته يلي تقتله
اياد بخوف / شو صاير
اشر عمه للباب بملامح عصبية و كأنه يقلعه طلع اياد و تفكيره بيلي صار مو ملاقي تفسير لردة فعل عمه ركب سيارته و ظل يمشي او فيها بدون وجهة محددة

~~~~~

نهاية البارت