[لامارا]

من بين ذاك الحطام وجدت نفسي
.
.
.
.
.
.
البارت الرابع عشر
.
.
.
.
.
.

أعتذر عن الأخطاء الإملائية
.
.
.
.
.
.
جلس على الكرسي وهو يفكر
؟ : ياربي ليش حسيت كذا حسيت اني اعرفه حسيت..... حسيت انه... انه
استغفرالله العظيم ايش فيني افكر كذا
تنهد بقوه وفسخ البالطوا الابيض وطلع
في طريقه للمستشفى
.
.
.
.
.
.
في مكان ثاني
.
.
.
.
.
.
؟ : اقول فيصل وش فيه ريان رجع ينام؟؟
فيصل : يقول يحس نفسه تعبان ويبغى يريح شوي
ناصر بمزاح ودلع : اقول جدو ماعليك من ريانوه وخلنا نرجع للمهم
منصور : أتكلم زين......... قلي ايش المهم؟؟
ناصر بتمثيل للزعل : ما تؤلي انك نسيت موضوعنا
منصور : هههه اي موضوع الله يهديك بس ؟؟
ناصر : أهئ أهئ أهئ وكمان بتنكر
منصور بتمثيل العصبيه : اقول بلا هباله وانطق ولا تخليني ارقص العقال على ظهرك
ناصر يمثل الجديه : انزين اسمع امس انت كل شويه وتكلمني عن البنات اللي في فرنسا والحين جاي تتهرب وتنحاش بعد ما صارت السالفه جد
منصور عصب جد : اقول ايش تخبص انت ها ايش تنحاش وما تنحاش ذي استحي على وجهك انا جدك ؟؟!
ناصر مكمل التمثيل بزعل : انت امس كل شويه والبنات هناك والبنات هناك ويوم قلتلك تخطب لي سويت نفسك ناسي الموضوع
الجد اخذ العصا من جنبه وضرب ناصر بشويش : قوم قوم طس من قدامي متى قلتلي اخطبلك يالنصاب قوم من جنبي
ناصر وفيصل : هههههههههههههههه
وفجأه دخل عليهم وحالته حاله
ناصر بصدمه : رعد وش فيك كذا متهاوش مع احد انت؟؟
رعد بتعب : ليتني تهاوشت مع احد ياليت والله ........
التف رعد لجده وكان بيروح يبوس راسه: كيف حالك يا جدي
الجد صد عن رعد بزعل :.........
جلس رعد بجنبه : اقول يالغالي والله ماتحمل زعلك علي
الجد : يعني يرضيك امس اوصل ولا تقول بروح اسلم على جدي واطمن عليه
رعد : حقك علي والله بس والله لو تعرف اللي صار بتسامحني على طول
الجد : انزين و شاللي صار؟؟
رعد تنهد : بقولك والله بس مو الحين ياجدي الحين انا تعبان وجالتي حاله اقسم بالله اني سهران من امس الصبح للحين ماغفت عيني بروح انام شويه واول ما اصحى بقولك كل شي
الجد رحمه : طيب روح نام وريح نوم العوافي أن شاء الله
رعد ابتسم وطلع لغرفته
.
.
.
.
.
.
في مكان ثاني
.
.
.
.
.
.
ام فواز كانت ماسكه يد وتين وتشكي لها اللي صار ووتين تبكي معها
ام فواز بدموع حارقه: انا مدري ايش بيصير بالبنات اللي مالهم احد فهالدنيا غير الله واخوانهم اللي ما يعلم بحالهم الا الله....... وقعدت تبكي.
وتين بتأثر: طيب وامل مالها اي احد ابدا يعني من اهل امها ولا ابوها
ام فواز بعدما هدت : كان لها جدها لكن توفي من فتره وهي دخلت في غيبوبه لأسبوعين لكنها قامت وظلت تكافح عشان اسرتها
والحين تموت امها واخوانها مسوين حادث وبين الحياه والموت
انا م..... مدري ليش يصير معهم كذا
مسحت دموعها وطالعت وتين اللي تبكي معها
ام فواز تمسح دموعها : سامحيني بس تأثرت
وتين : ولو يمه.... قصدي عمتي ماصار شي
ام فواز ابتسمت : لو تبين تناديني يمه عادي لاني ما اشوفك الا زي احلام وفواز
وتين ابتسمت : طيب ........ بس لحظه انتي عندك ولد؟؟
ام فواز : ايه عندي ولد اسمه فواز
وتين : كم عمره؟؟
ام فواز : عمره 17 ونص
وتين :توه صغير هو اللي فتح لي الباب؟؟
ام فواز : ايوه هو.... ابوك وزوجي الله يرحمهم حرمونا من بعض والا كنا عايشين سواء و عارفين كل شي عن بعض
وتين بحزن : الله يرحمهم
وتين : ي...يمه عادي اسلم على فواز
ام فواز : وليه تستأذني هو توه صغير روحي سلمي عليه
وتين ابتسمت : مشكوره هو وينه
ام فواز : اول ماتطلعين من هنا تحصلين غرفه قدامك يمكنه هناك او انه طلع
وتين : بروح اشوف انشاء الله انه موجود
طلعت وتين للغرفه
.
.
.
كان جالس والحزن في عيونه
فواز في نفسه : ليش ياربي ليش يصير فيهم كذا ايش ذنب الصغيره فرح واختها امل؟؟!
تنهد بقوه ومسح الدمعه الحارقه التي خانته : استغفر الله ليش اقول كذا؟؟؟
فجأه سمع دق على الباب
فواز : تفضل
دخلت بنت طالعت فيه وطلعت بسرعه
فواز : ايش فيها ذي؟
فجأه دخلت مره ثانيه
فواز وقف ولف وجهه عنها وقال بعصبيه : ياختي استحي شويه شفتي رجال اطلعي مو تقعدين تقزين فيه
وتين عصبت : من زينك اصلا عشان اقز فيك
دخلت ام فواز : ايش فيكم من اول يوم مضاربه
وتين : هو اللي بدا
فواز استغرب : يمه من ذي البنت؟؟
ام فواز : هاذي وتين بنت عمك عبدالله
فواز لف وجهه بصدمه : عمي عبدالله.................. طيب وعمي وينه؟؟
وتين بحزن : توفي
فواز : انا اسف ماقصدت اذكرك
وتين : ما نسيت عشان اذكر
فواز تذكر لف وجهه مره ثانيه
ام فواز : فواز ايش فيك؟؟
وتين بمزاح : يستحي يمه هههه
ام فواز : فواز انت توك صغير عادي
لف فواز وجهه وفعلا كان فيه احمرار من الحيا
وتين : كيف حالك؟
فواز : الحمدلله وانتي؟
وتين : الحمدلله بس عندي سؤال
فواز : ايش سؤالك؟
وتين : انت.........
ام فواز : اجلوا أسئلتكم الحين لازم نروح المستشفى
فواز.: طيب جهزوا انفسكم بنروح اول نشوف خالد وفهد ونشوف حالتهم بعدين نروح عند امل
وتين : طيب انتوا روحوا وانا بلحقكم لانه لازم اروح مكان وبرجع
فواز بجديه : وتين انا ما ادري عن حياتك اول لكن اللي اعرفه الحين ان عندك اسره
يخافوا عليك
وتين ما تضايقت بالعكس ابتسمت بفرح لما حست ان في من يخاف عليها : طيب
فواز : واعذريني لانه لازم اأجل مشوارك ضروري نروح المستشفى الحين
وتين : لا عادي مشواري مو مره مهم
فواز : طيب روحي جهزي نفسك
وتين :طيب ثواني
لبست عبايتها وطلعت حصلت ام فواز وهي شايله بنت صغيره على يدها وواضح انها نايمه
وتين : يمه من ذي؟؟
ام فواز : هاذي فرح اخت امل اللي قلتلك عليها
وتين : اها طيب انا جاهزه
فواز : طيب يالله انا وقفت سياره تاكسي
طلعوا في طريقهم للمستشفى
.
.
.
.
.
.
نرجع لرعد
.
.
.
.
.
اخذ له شور سريع ولبس ملابسه وكان بينام لكن تذكر كل اللي صار معاه
رعد في نفسه : ياترى يارعد ليش مهتم كذا ليش؟؟؟
غمض عيونها وثواني وسمع جواله يدق اخذه وكانت الجازي
رعد جلس بإستغراب : الو الجازي.....
الجازي بدموع : رعد الحق الحق على امل بتموت
رعد وقف بصدمه : شنو...!! الجازي ايش فيه ايش صار قولي؟؟؟
الجازي بصوت متقطع من البكاء : دخلنا على امل وهي........وسكتت
رعد وقلبه بيوقف : وهي ايش تكلمي؟
الجازي : تحاول تنتحر
رعد الجمته الصدمه ومانطق بكلمه
الجازي : رعد الله يخليك مارح نقدر نقولها اللي صار بإخوانها والله مانقدر انت لو تشوف حالتها اول مادخلنا عليها بتنصدم الله يخليك تعال بسرعه
وقفلت الجوال ورعد لا يزال في صدمته
رعد بحزن : ليش كذا يا امل ليش؟؟
قام بسرعه ولبس ثوبه وطلع بسرعه من دون لا احد يشوفه
وقبل لا يركب السياره في يد مسكته لتمنعه لف رعد وجهه وشاف..........
.
.
.
.
.
.
في مكان ثاني
.
.
.
.
.
.
وصل للمستشفى المطلوب واستفسر عن الغرفه 446 والغرفه 748
طلع للغرفه 446 وماحصل احد راح للغرفه وكان في بنتين جالسين على كراسي الانتظار بجنب للغرفه في بنت قامت اول ما شافته وحضنته وهي تبكي
؟ : يبه.... يبه
رائد : الجازي حبيبتي ايش فيك ايش صار
الجازي بدموع : يبه ما ابي افقدها
رائد : منهيه؟؟
الجازي : امل اعز صديقاتي مابي افقدها والله ........... احسها زي... زي كأنها اختي او يمكن اكثر
رائد حضنها بعطف : لاتخافي انشالله انها بخير
احلام كانت تنظر لهم وتتمنى لو ان ابو امل موجود عشان يحضن امل ويهديها ويعطف عليها وتذكرت ابوها ودمعت عيونها بشوق وحزن.
طلع الدكتور بعد عدة دقائق والكل وقف ورائد راح يستفسر منه
رائد : بشر يادكتور
الدكتور : المريضه عندها انهيار عصبي شديد ولازم ننتبه لها لا تسوي في نفسها شي
رائد : طيب هي الحين نايمه؟؟
الدكتور : ايه اعطينها بعض المهدئات لانه لو ظلت في حالة الانهيار العصبي ممكن تجن لا سمح الله او تسوي في نفسها شي اليوم كانت بتنتحر وبكره الله أعلم ايش ممكن تسوي بنفسها ....... وابي اقولكم شي هي لازم ما تتعرض لأي ضغط نفسي وحاولوا تبعدوها عن الأمور اللي ممكن تأثر على نفسيتها.......
احلام : بس شلون اخوانها.... اخوانها مسوين حادث قبل شويه ايش نقول لها اذا سألت عنهم؟؟!
رائد انصدم وبدأ يربط الاحداث
الدكتور : لازم ما تقولون لها شي لان العواقب راح تكون وخيمه
رائد : طيب مارح نقولها مشكور يا دكتور ما تقصر
الدكتور : هذا واجبي
رائد في نفسه : يمكن اللي عالجته قبل شويه يكون اخوها... يمكن ليش لا
مسكينه الله يعينها........ بس ليش احس...... احس ان ودي ادخل عليها واحضنها واخفف عنها...... واشيل عنها اللي في قلبها........... استغفر الله العظيم ليش افكر كذا انا اووووف صايره تجيني افكار غريبه والله هه
التف على الجازي اول مره يشوفها حزينه وخايفه كذا
جلس بجنبها وطبطب على ظهرها بخفه وهي بدورها ارتمت بحضنه عشان تحصل الأمان والشجاعه
.
.
.
.
.
.
في مكان ثاني
.
.
.
.
.
.
وقبل لا يركب السياره في يد مسكته لتمنعه لف رعد وجهه وشاف............
رعد : ناصر وش تبي؟؟
ناصر بجديه : لا تسألني انا اللي اسألك انت قلت بتروح تنام وش غير رايك؟
و وين رايح وحالتك كذا؟
رعد بتعب : ناصر واللي يسلمك خل اسألتك لبعدين الحين لازم اروح
ناصر : طيب....... لكن مو لوحدك راح اجي معك
رعد : بس.........
ناصر : بلا بسبسه انا مستحيل اخليك تروح لوحدك وانت بذي الحاله تقوم تسوي حادث وتقتل اي احد واحنا اللي نبتشل بعدين شوف شكلك كأنك من الأحياء الأموات لو يشوفك اي احد..........
رعد : لوك لوك لوك ولا راديو حبه حبه ياخي عشان نفهم
ناصر : قول مشاء الله لاتصكني عين ويالله اركب انا بسوق
رعد ضحك بتعب : ههههه يالله
ناصر : وين بتروح؟؟
رعد : مستشفى.........
التفت له ناصر بإستغراب لكن ما تكلم وشغل السياره وحرك .
.
.
.
.
.
في مكان ثاني
.
.
.
.
.
وصلوا للمستشفى
كان قلبه يدق بسرعه كبيره كان خايف ايوه خايفه وليش لأ
اخوانه واعز أصدقائه بين الحياه والموت...... ما يدري ايش يسوي وصلوا للغرفه المقصودة وكان في احد جالس على كراسي الانتظار
فواز : مشعل؟؟!
مشعل : هلا فواز
فواز : وش صار؟؟
مشعل شاف حرمتين واقفين معاه ما حب يخوفهم : اااا ممكن آآ
فواز فهمها وكلم امه : يمه انا بروح اكلم مشعل على انفراد انتوا اقعدوا هنا
ام فواز : انزين
بعدوا فواز ومشعل عنهم
فواز وقلبه بيطيح : قلي ايش فيهم
مشعل : انا ماعرف أسمائهم بس في واحد منهم بغيبوبه والثاني عنده اصابه في العمود الفقري مسبب له شلل نصفي
فواز جلس بتعب : فهد في غيبوبه وخالد مشلول
مشعل بإستغراب : وانت وش دراك؟؟
فواز بحزن : خالد كان يكلمني وكان ماسك يدي بس فهد ماتكلم
ماتكلم ابدا....
مشعل حزن عليه حط يده على كتف فواز : لاتخاف عليهم انشاء لله يقوموا بخير بعدين خالد ممكن انه يرجع يوقف الدكتور قال ان في امل
وفهد انشاء الله انه يقوم بخير. (ماقال له انه لازم يسافرو للخارج)
فواز ابتسم بألم : ماتوقع ان الأمل هنا الامل برا البلاد صح
مشعل حزن اكثر : ايه بس لاتخاف راح اساعدهم في السفر برا السعوديه وخلا تكلفة العلاج علي
فواز وقف : لا مشكور ما تقصر انا بتصرف ومشكور مره ثانيه على وقفتك معي عن اذنك
ما عطى مشعل فرصه انه يتكلم ومشى من جنبه
مشعل حس بحزن شديد عليه ومايدري ايش يسوي
.
.
.
فواز راح لعند امه
ام فواز بخوف : فواز ها ايش قلك ايش فيهم
فواز نزل عيونه وجلس بحزن : خالد مشلول وفهد بغيبوبه
ام فواز من الصدمه مقدرت حتى تتكلم
صحت فرح اللي كانت نايمه بحضن ام فواز
فرح وهي تتلفت : خاله احنا وين وماما ماما ليش ماما ماهي موجوده
ام فواز دمعت عيونها : الحين بنروح عندها
وتين كانت تطالع فيهم بحزن وماتدري ايش تسوي
فواز وقف : يمه يالله لازم نروح نشوف امل واحلام
ام فواز بتعب : يالله
.
.
.
.
.
.
في مكان ثاني
.
.
.
.
.
.
وصلوا رعد وناصر للمستشفى وطوال الطريق محد نطق بكلمه
دخلوا المستشفى وهناك حصلوا ابو رعد والجازي واحلام
رعد : الجازي وش صار امل فيها شي؟؟
الجازي وقفت بتعب وحضنت رعد وقف معها ابوها وهو ينظر بشك لرعد لكن ما تكلم
رعد وهو حاضن الجازي : ايش صار الجازي تكلمي امل ايش فيها؟
الجازي ما تكلمت تحس بتعب وصوتها مو راضي يطلع
احلام بصوت ضعيف : امل كنا بنفقدها كانت بتروح من يدنا
رعد بتساؤل: ايش صار
احلام بدموع : كانت بتنتحر
نزلت دموعها هي والجازي بحزن وماهي الا ثواني وام فواز ووتين وفواز للمستشفى
ام فواز تحضن احلام وتبكي معها : احلام ايش صاير يا احلام ايش صاير
احلام ببكاء يقطع القلب : يمه امل راح تتركنا امل ضعيفه يمه ضعيفه مارح تتحمل اللي يصير فيها والله مارح تقدر يمه مارح تقدر تتحمل كل ذا........ ليش ياربي ليش معها كذا
ام فواز بدموع: خلاص يابنتي خلاص لاتقطعين قلبي يا أحلام امل انشاء الله مافيها الا كل خير ان شاء الله تقوم بالسلامة يارب
فواز يكلم رعد : ايش صار؟؟
رائد يرد عليه : لا تخاف ما صار شي هي عندها انهيار عصبي ولازم ما تقولون لها شي ممكن انه يأثر على نفسيتها
فواز تنهد : انشاء الله
ناصر ووتين كانوا يطالعون في الكل ومو فاهمين شي
رائد بجديه : رعد تعال ابي اكلمك
رعد ما سمع اللي قاله ابوه كان مسرح تماما
رائد : رعد انا اكلمك
رعد :ها يبه وش قلت؟؟
رائد تنهد : وش فيك انت وين عقلك فيه
رعد : هنا.... انا اسف
رائد : اشك انه هنا المهم تعال ابي اكلمك
رعد : طيب جاي
طلعوا سوا لبرا المستشفى
رعد : يبه في شي امل فيها شي؟؟
رائد : امل مافيها شي..... انت اللي فيك
رعد استغرب : انا؟؟! ايش فيني انا؟؟
رائد : انا اللي اسئلك هالسؤال.... ايش فيك يارعد؟
رعد : يبه انا مدري إيش تقصد بس انا ما فيني شي
ايش بيكون فيني مثلاً
رائد : مو انت اللي فيك قلبك اللي فيه صح
رعد : يبه ايش تقصد؟؟!
رائد بكل صراحه : انت تحب امل صح
.
.
.
.
.
.
في مكان ثاني
.
.
.
.
.
.
؟ : ريان بسئلك رعد امس وين كان؟؟
ريان : وانا ايش دراني كنت نايم
سمر بغيض: ما منك فايده
وقامت من جنبه لغرفتها
ريان : وش فيها ذي؟؟
دق جواله
ريان : هلا هلا بحبيبة قلبي نوره
نوره بمايعه : هلا حبيبي شلونك
ريان : اذا انتي بخير انا بخير
.
.
.
.
.
.
.
.
هنا راح اوقف اعتذر على تأخري لكن فعلا كنت مشغوله كثير هالفتره

على كلا كل عام وانتم بخير وينعاد علينا وعليكم بالصحه والسلامه
مع تحياتي للجميع
.
.
.
.
اللهم اصرف عنا البلاء