[هاجر جوده]

بارت 4


قبل ما انزل البارت اعتذر من يلي طلبوا تعجيل البارت لاني دوبني جهزته...بالتوفيق للجميع



وليد جالس بتفكير: خطوة حلوة انها تزورنا لكن احس في شيء خلف هالزيارة مع خالتي ام ناصر!
حنين بلامبالاه لانها ما حبت مريم ابدا لانها تحسها سبب انكسار الجازي : بالنسبة لي وجودها وعدمه واحد !
وليد هز راسه : على الاقل لازم يكون منا مبادره زمان البنت صغيره وما كانت تميز الصح من الغلط وكان في تأثير من حولها يشبع عقلها بالافكار السوداء ...انا ما الوم البنت صراحة على موقفها من امها !
عمرها ما شافتها من لما وعيت بالعكس دوم عقلها ينلعب فيه انها امها سيئة !
حاليا اقدر اجذبها جهة الجازي ..متاكد رح تفرح الجازي برجوع مريم لها !
حنين ما اقتنعت بالموضوع : اترك المركب ساير ...الجازي ربنا عوضها بعيال ما تشوف احد بالدنيا غيرهم !
اتركها انا احس هالمريم مب قليله وما استبعد انه جواد ارسلها تقهر الجازي ما شفتها وهي تقول تبغى تتعرف على جدتها وخالاتها الا الجازي ما تبغاها !
أكيد قاصده هالكلام !
وليد مط شفته وهو يشوف بندر ناوي يطلع من البيت : على وين ان شاء الله !
بندر يلعب بمفتاح السياره بروقان : طالع مع ربعي !
وليد ما يدري هالولد متى يصير رجال ويعتمد عليه المشكله رافض الزواج ما يدري كيف يفكر : كيف الشغل مع فياض!
مط شفته : ماشي حاله !
حنين وهي تناظره : عسى ربي يحفظك ويبعد عنك عيال الحرام !
ضحك بندر: لا تقولين كذا اخاف اطلع الحين ما القى ولا واحد من ربعي ههه
وليد ناظره بمقت : يعني عارف انه شلتك خايسة !
الله يهديك يا بندر الله يهديك !
روح بلاه تتأخر على ربعك !
واعطاه نظرة تشكيك ولف وجهه !
بندر ناظر امه وحك راسه بتوتر : تبغين شيء يمه !
حنين بيأس انه يعقل ؛ سلااامتك !
**
**
**

ناظرت جدتها بهدوء : كيف يعني !
ام جواد بضجر : يا بنت ما تعرفين تعملين شاهي هذا جدك قريب يوصل ورأسه مسطل يبغى شاهي !
مريم بنعومة: انا اعرف بس انت تقولين
ام جواد عفست ملامحها ما لها خلق تسمع : خلااص اعمليه مثل ما تبغين !
الجازي : انتبهي يا مريم اعملي الشاهي ثقيل جدك ما يحب يكون خفيف !
هزت راسها بابتسامه: ان شاء الله !
طلعت من الصالة بخطوات هاديه ..سرعان ما توجهت للمطبخ بسرعه لما شافت ليث ولد عمها نازل من الدرج مستعجل !
بالصالة الداخليه ام جواد ناظرت شذى بقهر: اقول اسكت واترك عنك هذه الهذره !
شذى بقهر : ما رح ارجع له حتى تعملون له حد !
بخيل وما يصرف علينا الا بطلوع الروح !
وانا وعيالي لنا احتياجات لازم يوفرها لنا !
ام جواد : انا ما لي دخل متى ما جاء ابوك والا اخوانك خليهم يتفاهمون معه !
ترى انا مليت من مشاكلكم إلي ما تنتهي !
مروة وهي تعلك : شوفي عمي جواد طول وقته يحل مشاكل الناس ومب قادر يحل مشكلتك !
شذى ناظرتها والشرار يطلع من عيونها : يا لطيف وش تحبين الفلسفة الزايده !
مروة ناظرت امها : انا قلت شيء غلط !
ميس ناظرت شذى : البنت ما قالت شيء ..واذا انت معصبة لا تطلعين حرتك فيها !
نغم رفعت حاجب : بس ابنتك لسانها طويل بزياده وتتدخل بأمور الي اكبر منها !
ميس عقدت حواحبها : لا والله!
ام جواد ضاق خلقها بزياده: الحين رح يبدآ مسلسل جديد وكأنه ينقصنا !
قاطعهم صوت ليث وهو يتكلم بالجوال ...
ام جواد ناظرت نغم :شكل ولدك طالع !
نغم هزت راسها : عنده دوام !
شذى رفعت حاجب : ومتى تزوجونه !
ترى تحت يدي عروووووس تأخذ العقل
ام جواد: عروس والا قردة ما رح يترك بنات عمه ويتزوج من البعيدات !
من هنا حتى يجهز اموره يلقى طابور بس يؤشر وحنا جاهزين
نغم انفتخ وجهها ،: والله هذا زواج وما رح نوقف بوجهه لو يبغى وحده من اخر الدنيا رح نخطب له وبعدين يا خالتي الدم ثقييييييل على بعضه !
ميس رفعت حاجب وهي فاهمه نغزتها انها رافضه ابنتها : اكيد رح يخطبون غريبه لانه ما في بنات حوله!
مروة محيرة
نغم فتحت فمها : محيره !
اول مره نسمع بالسالفه !
ميس مطت شفتها : ما له لزوم تعرفين ومريم صغيره اذا بغى ينتظرها يكون عنس !
ام جواد: من هنا حتى يجهز امورة يكونوا البنات كبروا !
قفلوا هالسيره ما له داعي تتذابحن على شيء ما صار !
**
**
**
**
واقفه عند حافة الشباك ..والستائر خلفها باللون السكري ...اضاءة خفيفه بالصالة ....نظرها محدد عليه و هو جالس يدخن بشراهة هذا اليوم الثاني للزواج وبيده الجوال يطقطق بالجوال باندماج !
نفسها تمسك الفازاوتكسرها فوق راسه ..لو تعرف طريق العودة كان رجعت مب مرتاحه لهذا الشخص وخاصه لما تكلم بالجوال برموز : "عندي شيء بيعجبك ..تعال وشوف "
ما تدري وش الورطه إلي تورطت فيها ...حتى المكان إلي سكنوا فيه لوحده يشعرك بعدم الامان !
تحس انها لازم تهرب باسرع وقت ....
وكأنها حاسيتها السادسة اشتغلت وهي تنذرها بعدم الامان !
نقزت برعب لما حست بالباب ينطرق بطريقة افزعتها !
رفع نظره لها وكأنه مستغرب من طرق الباب ....لما زاد الطرق على الباب وقف متوجه للباب بتردد !
التصقت بالشباك وتتمنى لو تقدر تقفز منه وتهرب لابعد نقطه ..
مين إلي يزورهم بهذا الوقت وخاصه اهله مب هنا !-
فتح الباب وسرعان ما رجع للخلف وهو يشوف المكان تمت مداهمته!
انرعبت وهي تشوف المكان كله رجال ....بسرعه مسكت عباءتها والشال ولبستهم والدم نشف بعروقها وهي تسمع زوجها يردد : تراها زوجتي زوجتي!
ماتدري كيف انتهى فيها الامر وهي موجودة بمركز الشرطة ..غطت وجهها بالشال وهي تحس نفسها رح تنفجر باي لحظة !
هذه اخرتها حاطها بشقة مشبوهة .. نار ملتهبة بداخلها....ناظرت المحقق إلي يناظرها باحتقار:-لو سمحت
قاطعها بحزم : سالفه ضحك علي والا خطفك ترى حفظناها ....اعطيني رقم اهلك !
تكلم بقهر وهو يناظرالمحقق : اقولك زوجتي
المحقق بغضب: زوجتك!
اعطيني اثبات انها زوجتك !
زفر بغضب ما يدري وين دفس ورقة الزواج ما يذكر انه اخذها !
كره هالبنت لانها وجه نحس عليه متى يوصل ليث ويخلصه من هالسالفة !
لهم اكثر من نص ساعه ينتظرون!
رفع نظره لما تكلمت بقوة وهي تؤشر عليه : وقسم بالله الا تندم !
لأنك واحد خسيس
قاطعها وهو يوقف يبغى يضربها !
رجعت للخلف خطوة كرد للفعل !
تراجع لما دخل ليث بملامح ما تتفسر : السلام عليكم
تقدم من الضابط وسلم عليه صديقه من ايام المدرسه : هلاحياك !
ليث ناظر عمه:وش السالفه ء
المحقق مط شفته :تم القبض عليه بشقه تم التبليغ عنها انها مشبوهه وعمك تم القبض عليه كان مع هذه البنت
ناظر عمه لمتى يرقع خلفه ناظر البنت باشمئزاز :بلغتم أهلها
رد بقهر وهو يوزع نظره بينهم : اقولكم زوجتي وش ذنبي اذا كانت الشقة مشبوهة انا
قاطعه ليث بقهر : متزوجها بعد !
وين عقد الزواج اذا كلامك صحيح !
رد وهو يشد على شعره بقهر: ما ادري وين حطيته
الضابط : كذا انا ما اقدر أساعدكم وناظر رونق اعطيني رقم ابوك !
ناظرته بغضب وهي تسمع كلامهم وكأنها بنت من الشارع : قلت لك من اول ابوي ميت انا طالعه الحين وإلي فيه خير يوقفني اشوف !
تحركت خطوتين سرعان ما سحبها نايف بقوة:انطقي هنا لا تدخلينا بمشاكل ثانيه !
ردت بغضب وهي مسلطه نظرها عليه : انت أكبر مشكله بحياتي !
انا اذا جلست هنا دقيقه اذبحك تفهم !
ليث مط شفته صدق المثل شين وقوي عين !
تكلم نايف بعد ما تنهد : الحين اتصل بعمك ييجي يعطيني ورقة العقد
ردت وهي شاده على اسنانه :عمي لا تدخله بالسالفه !
مط شفته وهو يناظرها مب باين منها شيء :ايه اكيد خايفه عليه إن جاء هنا مايطلع على طول للسجن !
ليث بضيق : انا طالع اشوف عقدالزوج بسيارتك بس وين مكان الشقة
نايف وصف له المكان وجهه اسود من الورطة !،
جلست وتحس نفسها انهارت هذه اخرتها تجرجر اخر الليل على ذي السوالف ..نفسها يكون الحين مرزوق قدامها وتتفل بنص وجهه على هالعريس الخايس إلي جابه لها !
عضت شفتها بقهر على حظها النحس لاااا وحريم القريه كله حاسدها عليه امحق عريس باين انه راعي شرب وسكر حول عيونه اسود وفوق هذا واضح انه راعي بنات !
لكن مب رونق إلي تسكت على هذه السالفه رح تحط المر بحلقه ..بس خليها تطلع من هنا ويصير خير!
ناظرت المحقق منشغل بملفات قدامه ...رجعت ناظرت نايف وهي صاكه على اسنانها تنتظر اللحظه إلي تنقض عليه !
تكلمت بنبره امره قويه وبداخلها تبكي ايه بداخلها طفله تبكي على حظها : اتصل مع الزفت إلي راح يجيب الورق شوف وينه طس !
رفع نظره يحس انه سمع غلط !
هذه البزر تكلمه وكأنه يشتغل عندها ...غمض عيونه وهالموقف اعاده لذكريات جميله داعبت ذاكرته !
اه من الزمن إلي وقف ضده البنت إلي حبها الكل وقف ضده ..راحت وتزوجت وهو !
عايش ضايع بذي الدنيا !
لو وافقت عليه كان الحين هو مبسوط وعنده عيال ...تنهد بحنين لايام الجازي نفسه يشوفها ويسمعها
رفع حاجب لما تكلمت بصوت محروق : الله يأخذك
سكتت لما دخل ليث ومعه الاوراق ..وقف نايف : لقيتهم بالسيارة !
ليث يمد الاوراق للمحقق : تفضل
المحقق هز راسه : بس وش يعرفنا انها هي نفسها زوجته ما معها اثبات هويه او على الاقل جواز سفر يثبت شخصها !
فتحت عيونها وبدات دموعها تتراقص بعيونها وش هالورطه إلي وقعت فيها !
ليث لو يطلع بيده يكسر عمه تكسير : شوف تاريخ ميلادها للحين ما وفت السن إلي تطلع فيه هويه
مط شفته الضابط : متزوج قاصر !
وين انت عايش !
ليث يبغى يخلص من هالسالفه : تقدر تسألها عن المعلومات إلي بعقد الزواج حتى تتأكد انها نفسها !
هز راسه وناظرها : وش اسمك ؟!
ردت وهي خلاص بتنفجر : رونق خالد .....
هز راسه : كم تاريخ ميلادك
ردت بغضب مكبوت ...
ليث يبغى يخلص : شفت صدقني انها زوجته !
انتهت الاجراءات بعد عناء ..كانت ثقيله حيل على قلب رونق ....
وقفت معه عند سياره ليث رفعت اصبعها بتهديد : والله لتندم
قاطعها وهو يلوي ذراعها : مب بزر تهدد فيني !
ردت وهي كاتمه الالم : البارحه ما كنت بزر قطعت كلامها بصرخه بسيطه من الألم
شد يدها بغضب : الله يأخذك ما شفت منك الا المصائب
حاولت تفلت يدها منه وبغضب : انت اكبر مصيبه بالدنيا يا داشر يا
سكتت لما ابعد ليث يد عمه : اتركها !
نايف ناظرها بقرف وتوجه للسيارة ....
ليث بدون ما يطالع جهتها وبنبره حاده : اركبي
صكت اسنانها وهي ماسكه يدها تفرك مكان يد نايف !
مضطره تطلع معهم لازم تفكر بطريقه ترجع لأهلها !
اهلها كيف ترجع بعد يومين من الزواج !
هذه لوحدها كارثه !
تحركت السيارة بنبرة قويه آمره لنايف بجون ما تناظر الشخص إبطلي معهم او تهتم لوجوده: انا لذيك الشقة ما ارجع تفهم !
لف لها وكأنه ناقصه : قسم بالله اذا تكلمت كذا الا اهفك كف اطير ملامحك تفهمين !
ردت بنبره اقوى : مب فاهمه
دامك رخمة وداشر ليه تتزوج بنات الناس !
جعلك تقع بشر اعمالك يا منحط !
نايف بغضب :وقف عندك خليني اعلمها حدودها وقف
ليث زفر بضجر :-ترى والله مب فايق لكم !
نايف هز رأسه بتوعد ّ: وقسم بالله الا تندمين !
بداخلها تغلي غلي وهي تفكر كيف تفك نفسها منه !
بدات دموعها تنزل بضعف وهي تحس نفسها وحيده بعيده عن اهلها ...وين جدتها ...زادت دموعها اشتياق لجدتها !
وقفت السيارة عندنفس الشقة ..ناظرت المكان المنظر لوحده يجيب الشبهة !
تكلمت بثبات ولا كأنه دموعها تنزل : انا هنا مب نازله !
نزل نايف وهو يتكلم: خذها ولاقرب مزبله ارميها تكون عملت لي معروف
ردت وصوتها يرعد : انت واهلك المزبلة
قاطعها وهو يفتح الباب ويسحبها من السياره بقوة : تراك تعديتي حدودك !
تكلم وهو قابض يده بكتفها بقوة: توكل الله يسهل دربك !
حرك مباشره ليث بعد ما قفل نايف الباب !

**
**
**
تكلم بغضب : بس اتفاقنا مب كذا !
انت قلت انك نويت تترك هالدرب وتستقر !
نايف بغضب : كرهت الحريم لأجلها !
هذه مب بزروقسم بالله كأنها عجوز على حفة قبرها تعرف كل شيء !،
رد بقهر : وين عيني من صديقي المقرب انت
سكت مافي شيء يوصفه !
نايف بهدوء: انا كلمت عمها وقلت له الحين مرجعها لهم
قاطعه بقهر : خاف ربك انت شايف كم الساعه الحين !
رد بضيق: تراك ما تدري وش صار والبنت هذه بالذات تستاهل خلي الناس تأكل وجهها هالحقيره!
الحين بقفل وباكر اكلمك !
قفل الخط وهو مستعجل يبغى يتخلص من هالبنت يحسها حمل ثقيل على قلبه !
من ليله الزواج وهو مب مرتاح في شيء كاتم على صدره !
**
**
**
**
التقى بعمه جواد جالس برا بالحديقه ...رد السلام بخفوت
جواد باستغراب؛ عسى ما شر راجع الحين
زفر بضيق وجلس جنب جواد: اي خير من خلف عمي نايف
رفع حاجب باستغراب ما يذكر متى التقى بنايف : نايف
ليث يناظر حوله وبعدها بصوت منخفض :-اتصل فيني كان بمركز الشرطه تخيل متزوج بنت بعمر 14 سنة
جواد بانفعال: هذا متى يترك سوالفه قسم لو يعرف ابوي إلا تصيبه جلطة !
وش سالفته !
بدا ليث يكلمه بالاحداث بالتفصيل : هذا إلي صار تركته وهو يتوعد فيها ! يعني اتوقع باكر نسمع بجريمة قتل اما اخوك القاتل او هي القاتله وارجح تكون هي القاتلة يا لطييييف وش قوية !
لسانها وش طوله !
جواد زفر بضيق :متى يعقل هالنايف؟!
ليث عفس ملامحه: ما ظنيت يعقل أبدا ذبحني بمصائبه ويستغل نقطةعملي حتى اطلع له منافذ !
جواد هز راسه بتفهم : انتبه احد يعلم بالسالفه ..باكر اكلم اخواني لازم نحط له لانه رح يوصل سمعة العائلة بالأرض ..لازم يتزوج وحده من العائله تمسكه لعله يستقر !
ليث وهو يتثاوب:ان شاء الله !
*
**
**
*-
ناظر ولده والدنيا ظلام : مافي غير ذي الطريق يدخل للقرية اتوقع انه على وصول !
هز راسه مرزوق وهو يناظر العصاة بيده :والله ليندم ابن...
مرعي والنار تغلى بقلبه كل شيء يهون الا العرض ..ما رح يسكت له..يظن انهم اهل قريه وما يقدرون يأخذون حقهم !
وقف بنص الطريق وهو يشوف سيارةمتوجه لهم اكيد هو ما في احد ينزل للقرية بهذا الوقت المتأخر !-
اخفى العصاة خلف ظهره واشر له يوقف !
نزل نايف باستغراب ليه ينتظرونه هنا !-


يتبع يوم الإثنين بإذن الله ...دمتم بخير