[AyahAhmed]

المشاركة الأصلية كتبت بواسطة ام زياد محمود

فصلين ولا اروع يا يويا
موقف فى منتهى الشهامة فعلا من الرخمه غسق انها تفكر تنقذه وتقف جمبه لأخر لحظة بالرغم من شكها انه ممكن يكون واحد من المتخلفين اللى كانوا بيضربوه
داغر طلع من عيلة السمرى اصحاب العداوة الدائمة مع الحاج سليمان وقذارة داغر وخبثة من سنين وبدأت بمشهد تدخل غسق لانقاذ كرم اللى عليه قرر انها فى حمايته وخايف عليها من اى ضرر يصيبها من داغر وانتقامه
داغر مش سهل وخايفه منه جدا على هدير اكتر من خوفى على غسق هدير وحيدة ومافيش حد هيفكر اصلا انه ممكن يدخلها فى حساباته للانتقام من كرم ودى مشكلة كبيرة
متأكدة ان داغر هو اللى ورا الشجار اللى حصل فى الحى عشان يقلب الدنيا على بعضها واكيد ليه هدف تانى
غسق الغبية اللى دايما عندها نظرة ناقصة للحى وشبابه لسه مصرة تحط على عنيها غشاوة من ناحية رامى وتشوف انها فى حساباته ومهتم بيها
حبيت شخصية ديما العفوية جدا ومساعدتها لأريج اللى واضح ان الامور معاها هتتغير بمقابلة مؤيد رجل الجليد الغامض الصارم ياترى مين هيكسر قيود التانى الأول
خطوبة فاطمة وجدعنة شباب الحى كالعادة وسخافة سهر وحقدها اللى بالرغم من كل اللى عايشه فيه مش بتحاول تكسب قلب المحيطين بيها وبأفعالها الغبية بتكرهم فيها اكتر
فلك بجد قلبى وجعنى عليها احتياجها القوى لأب فى حنان طارق حاجة مؤلمة جدا .. ميرنا ليها حق تغير على ابوها من تعامله مع فلك بصراحة مش قادرة الومها انما السخيفة لبنى اللى عايزه ضرب النار

ايوب وفلك طريقهم مش عايز يتقابل ابدا هى خايفة عليه من حياتها وكون ان هيام امها وهو خايف عليها من شغلها اللى ما يعرفش بيحصلها فيه ايه
الفصلين روعه يايويا تسلم ايدك

ايوة كده هلت الأنوار تاني في الرواية
منورة الدنيا يا ام زياد♥♥
انتي مش طايقة غسق خالص😂🤦‍♀️
مؤيد وصل اخيرا 💃
ميرنا اتعودت على ابوها و صعب تسيب حبه و حنانه لحد تاني حتى لو من باب العطف و الشفقة...اما لبنى بستخبى وار مظهرها الراقي عشان تعمل اللي عاوزاه...
حبيبتي يا ام زياد تسلميلي على الريفيو الجميل ده♥♥