[أغاني الشتاء..]

المشاركة الأصلية كتبت بواسطة بين أهلها

((مآآآلك))

ملكت قلبي..و ربي فيك ولعني
و نويت قربك و جيت الشوق سراني!
كنت اتمنى نصيبي فيك يجمعني
و اللحين صرتي على ذمة رجل ثاني!
شوف القدر فيك عيا لآيطاوعني
حطم قلوب..و هدم امال و اماني!
ياما على درب وصلك شوقي يدفعني
و يردني عنك(سلم ابوي و جداني)!
أحلام عمري تلاشت يا مودعني
حتى الفرح من رحلتي قام يجفاني!
دبلته بـ يدك ولكن شلي يقنعني
لاصار حبك تولى عروق شرياني!
أنا (ضحية غرامك) يآ مضيعني
بجهاد حبك! و ضيم الوقت و أحزاني!
بالعقل بأنساك لكن قلبي ضيعني
يصون حبك و يبقى لك عمر ثاني!
ذكراك لاجيت ب انسى..لك ترجعني
و أسجّ معها و انسى الناس و انساني!
الكون من بعد عينك ما هو ياسعني
ملعون أبو الفرقى زادت هم حرماني!
استاحشت روحي من شفتك توادعني
و جيت اتكلم و عيا يطاوع لساني!
صديت مابي تشوف الدمع طوّعني
لكن جرت دموعك..دمعة أعياني!
الموقف أحياناً أكبر لاتطالعني
نويت اكفكف دموعك بس ممداني!
و إن كان فرقاك دمرني و موجعني
الكون فاني و أنا مثله بعد فاني!
بقول كلمه و ركز فيها و اسمعني
ماهو عشانك و لكن على شاني!
لأوقاتي الماضية طالبك رجعني
مدام صرتي على ذمة رجل ثاني!

>>💔😭 وضعي من امس و انا اسمع هالشيله!

رائعة..مميزة بإنتقائاتك..
بس يبغالكم ي الحزب تقوون قلبكم للقادم