[عاشقةديرتها]

{6}


..الماضي البعيد..


تجلس وبأحضانها بتال أبن السنتين .. غير راضية عن مايطلبه منهم عقاب ..
هل سيستقبلن زوجة السائق ...
ردة بغيض لاتستطيع كبحه :وحنا وش دخلنا بأمين ومرته ذبحتنا بالعزايم والحفلات من زملائك الضباط وأطبخن أونفخن واللحين حتى السواق اللي جندي تبينا نسوي لمرته عشاء ...
عقاء المتكيء يعدل جلسته :أنا ولد هجرس يالعوبا ياقليلة التربية ترادديني !!! ...
والله والله يافهدة لو ماعقلتي وثمنتي كلمتس قبل ماتقولينها لأرجعتس لخيمة اخوتس بالقفار اللي أنتي خابرتها ..
فهدة تكبح لسانها .. فحديثه واضح أي على ماذا ترين نفسك فأنا من صنعتك ..
حسناً بهذة معك حق ..حاولت تهدأت نفسها قليلاً ...ف
هي تخشى أن ينفذ تهديدة :طيب على أمرك ياأبو سلطان ..
عقاب الذي هدأت فورة غضبة :كل الضباط اللي أنتي تهرجين عنهم وطايره بحريمهم خوياتس في كفة ووأمين في كفة ...
كانتس تبينه تعدينه أخوي عدية وأعز من أخو ...
شعاع التي تدخلت أخيراً بالحديث :الله يهديتس ياأم بتال أنتي وش تبين بهالضعيف أمين مناقرته .. وأنتي عارفة بغلاة عند عقاب ...
عقاب بأزداء على غرور فهدة :أيه علميها ياأم سلطان بس وش بينفع التعليم وولدها بحضنهااا لو بتعلم تعلمت في بيت اخوها ..
لاحقاً تدخل عليهم رضا التي جرت لهذة المناسبة قصراً
فهي لاترغب بالأختلاط بأحد .. بعد دقائق من الحديث معها تبادلت الأثنتان نظرات مستنكرة !!!!
ولم يطقن صبراً حتى رحيلهم بعد تناول العشاء ...
وحين حضر عقاب ليسأل كيف وجدن الضيفة ...
بادرت شعاع تسأله :ياأبو سلطان تذكر هكى السنين يوم اقولك لاتسافر للغرب وتأخذ علي الأفرنجية وش قلت لي !!
عقاب الذي لم يفهم على ماذا تلمح :يامرة هاتي اللي عندتس بدون لف ودوران ...
فهدة بحماس لاتستطيع كبحة :ياأبو سلطان مرة أمين ماهي سعودية ..
وانت قايلنا العسكري مايأخذ أجنبية يفصلونه...
عقاب الذي شعر كدلو ماء مثلج يسكب على رأسه :لااا ماهو صحيح ...
أمين مايسويها هو عارف القوانين أكيد عارفها يوم يتجند يعلمونه بكل شيء !!!
شعاع بتأكيد لما أكتشفنه :حنا استشكينا من هرجها وقلنا لها وش أنتي من العرب قالت أنا ماني عربية ..
فهدة :وياليتك تشوفها وهي تقولها ياعقاب أخص صرنا ماحنا شي عندهااا متعنطزة علينااا ...
عقاب يتجاهل حديث فهدة ويوجه كلامه لشعاع :وش قالت يمكنهااا من اللي معهم الجنسية فيه بالحجاز كثير عجم بس أخذوا الجنسية ..
شعاع :والله ياعقاب ماحنا غاشينك هذا اللي قالته لنا الأدمية الله يسترنا علينا وعليها ..
هو وش اللي حدة عليهااا ..الله يعينه على بلواه ..اللحين وش بيسوون فيه ...
عقاب الذي لم يستطيع تقبل الأمر حتى اللحضة أي مصيبة حلت على رأسه :بتأكد من الموضوع والله يستر ..
وأخذ يردد:لاحول ولاقوة إلا بالله ...