[align=center]
.
.
الـــبــــــــــارت الــســـــادس عـــــشــــر
.
.
.
ببيت بو فهـد ،
كانت تجهز اغراضها بشنطه ومطنشه رهف الي تترجاها تترك الي براسها
رند بعناد : مانيب متراجعه عن شي وبالعكس هالشي احسن لي وله ولكم كلكم
رهف بجنون : انهبلتتي انتتي ؟ وش دخلك برجعة طلال وش دخل انك تكونين سبب يخليه مايرجع
رند : واكبر سبب يخليه معند كذا ومايرجع بعد ماتشافى خلاص
رهف بترجي : عطيه فرصه ! محتاج وقت اكثر ماتدرين وش هي ظروفه
رند وهي توقف بعد ماسكرت شنطتها وتأشر بيدها عند بداية رقبتها : انخنقققت وانا اعطيه من الفرص لكن ماني شايفته يسعى برجعته لهنا بالعكس انا اشوفه مرتاح وهو بعيد وانا مقدر اكون سبب في فراقه عنكم اسمحي لي
رهف : وش بتسويين ببيت لحالك هناك ؟ ماتخافين
رند وهي تهز راسها بالنفي : ماني بزر عشان اخاف ويومي بيصير بالمدرسه واذا رجعت اذاكر وبعدها انام
رهف : وكيف بتعيشين ؟ الاكل والمصاريف
رند بجمود : عندي مايكفيني .. واخذت عبايتها لبستها وطلعت من الغرفه ولما نزلت كانت ام فهد بالصاله جالسه وضاغطه على راسها بيدينها تقدمت لها رند بهدوء وانحنت باست راسها : مع السلامه
ام فهد اكتفت بالصمت ومن غير ماترفع راسها ،
تنهدت رند وطلعت وهي تسحب اغراضها وكان السايق ينتظرها واول ماطلعت اخذ الشناط من يدها وهي ركبت وماهي الا دقايق وركب ومشى لبيتهم .. .
.
دآخل البيت
طلع فهد من غرفته وهو مو عاجبه الي صار ونزل لأمه وكان الغضب معبي وجهها ، وقف عند بداية الدرج : كيف طاعك قلبك تتركين بنت صغيره تروح تعيش ببيت لحالها ومحد مسؤول عنها غيرننا الحين ؟
ام فهد عصبت : ومو يمكن يكون معها حق ؟ يمكن اخوك يحس على نفسه ويجي يشوف امه واهله ؟
فهد طير عيونه : ويعني هي السبب انه مايجي ؟
ام فهد شاحت بوجهها : الله العالم عن اخوك ذا بس تقوله مرته تركت البيت وانا انتظر جيته وقلبي غضبان عليه طول ماهو بفندق الزفت هذا
فهد بضيق : ان شاءالله ، ورجع بخطواته وصعد الدرج وهو يتأفف وياخذ الجوال ويتصل على منآر ويعتذر عن طلعته معها وعلمها بالاسباب وهي بالمقابل عذرته ، قام لبس وطلع متوجه للفندق ينهي الموضوع مع طلال الي زاد عن حده ..
_____________________
عنـد منار
كانت لابسه عبايتها وتنتظر فهد وتطقطق ع جوالها وبعد ماالغى طلعته معهآ زاد الملل عندها وقامت ونزلت وطلعت للسايق وطلبت منه ياخذها لمشوار وماهي الا دقايق وركبت السياره وقالت له ياخذها الكورنيش ،
وكعادة الكورنيش يكون مزحووم وازعاج الاطفال يعبي المكآن ،
ظلت لدقايق ماتحركت والذكريات تعصف ذاكرتها سببت لها توترر الا انها داست على عقلها ونزلت راحت ستاربكس واخذت لها قهوه بارده وصارت تمشي بعشوائيه الين ماوقفت عند الحاجز الي يفصل بينها وبين البحر وحطت كوب القهوه عليه والتفتت للسايق تتطمن وجوده وكان باقي واقف التفتت للبحر وسرحت بذاكرتها لبعـيد والام تعتصر قلبهآ غصبا عليها ومهما داست عليهم ، نزلت راسها ليدها وعيونها مرتكزه عاللي يلمع بإصبعهآ ، حركته بيدها الثانيه وعلى شفتها ابتسامة سخريه .. رفعت راسها بتنهيـده قويه وكأنها غلطت لما جات لهالمكان بالذات خصوصا انه مليئ بذكرياتهم
انتبهت على صوت جوالها يرن طلعته من شنطتهآ وللحظه انتفضت يدها وهي تشوف رقمه ينور بشاشة جوالها صارت تتلافت يمين وشمال وقلبها صار يدق بسسرعه عطته رفض ورجعت الجوال بالشنطه وهي تحس بخووف جنوني ، ومن غير تفكير رمت القهوه بالزباله والتفتت بتمشي الا وششهقت وعيونها طايره على الي واقف قدامها بلعت ريقها بصعوبه وهمت بتمشي الا انه اعترض طريقها .. ناظرته باستفهام
عبدالله ومميل راسه شوي : جـايه لهنا ؟ وماتبين تكلميني ؟
______________________
في الفـندق .. ،
طلال بخوف ملحوظ : وكيف تسمحون لها تطلع من البيت ؟ وين امي عنهاا
فهد بحده : وش هي امي عند رند عشان تمنعها من طلعتها دامك تاركها وماتدري عن حالها
صد بوجهه وهو يزفر ، وفهد استمر بكلامه : عطني بس كلام اخير !! وش نهاية جلستك هنا ؟ متى بترجع لحياتك الطبيعيه ؟ ليه حابس نفسك بين جدران هالغرفه والنهايه يعني ؟ هذا الحل الي قدرت تتوصل له ؟ تهجر امك وزوجتك وخواتك ؟
طلال بنبره عاليه : قل لييي بأي وجه اقابلهم ؟ اي عذر ممكن انه يغفر لي ؟
فهد بنفاذ صبر : رجعناااا لهالموضوع !! طلال والتالي معك ؟؟ كل الي حولك يدرون وش الي مريت فيه الكل يدري انك كنت تحت تأثير السحر الي يخليك تنفر من كل اهلك وراحتك بعيد عنهم والكل عاذرك وينتظر بس طلتك الى متى هالتغلي عاد
طلال ويحس بشي يكبت على صدره : ماهوو تغلي ياخووي والله يعلم مابداخلي اني كل مانويت ارجع للبيت تمر براسي تصرفاتي وفعايلي الي سويتها مع الكل اتذكر صراخي بوجه امي اتذكر ضربي لزوجتي ورجلي تنشل واجلس بمكاني وجهي مسّود ماني عارف وش اسوي بنفسي
فهد برجا : تدري قبل لااجيك امي وش قالت لي
ناظره طلال بمعنى " وش "
فهد : اول شي ماعارضت طلعة زوجتك وروحتها لبيتهم وانت عارف انهم طلعو منه ووصلت لك ان قلبها غضبان عليك طول ماانت بهالفندق
تصصلبت عيونه بعيووون اخوه مو كافي احساسه بالذنب تجاه امه هالمره قلبها يغضب عليه ، تجمع الدم بوجهه وهو ينزل راسه بخيبه : ماهي ببشاره يافهد
فهد : علّها تلوي ذراعك ويهمك رضاها وترجع الله يعلم بأن حالها ماهو حال متشفقه لجيتك مع كل فتحة باب وترجع تخيب وانت مانت راضي تغير موقفك
طلال رمى بظهره على الكنبه وهو يضغط بيدينه على جوانب راسه بقل حيله .. ونزل يدينه وهو يفتح عيونه بشويش : تنتظرني اجهز شنطتي واجي معك ؟
فهد فز تهلل وجهه : صاااادق بكلامك ؟
مارد عليه وقام دخل الغرفه وطلع شنطته وبدا يعبيها بأغراضه ،
____________________
الكورنـيش ..
ازداد خفقان قلبها والتوتر يكسي وجهها شدت بقبضتها على شنطتها وهي تحاول تمشي لكنه يعترض طريقها
رفعت راسها وهي تناظره بنظرات جامده : لو سمحت !
عبدالله وهو يغص بسبب نظراتها : ماجيتي هنا عبث وش صاير معك ؟
منار وعيونها تتنقل على الي حولها وتحس بأي لحظه بيطلع فهد قدامها ، تلعثمت : ء اروح و ... اروح وين ماابي !
عبدالله : عارف انك ماجيتي الا مشتاقه لذكريات يحملها هالمكآن لذكريات توضح بخيالك قدام هالبحر
داس على جرحها وبالحيل ونكرت : ماجيت مشتاقه لشي ابد لايروح فكرك لبعيد
عبدالله قاطعها بإصرار وعيونه مرتكزه بعيونها بتحدي : مشتـااااقــه
خزته لثواني وانفاسها تتسارع بضعف ثم اشاحت بوجهها : ياليت ماتعترض طريقي من جديد اروح للمكان الي ارتاح فيه هالشي راجع لي
عقد حاجبينه مستعجب من نبرة حكيها معه وبنبرة إستعطاف : منار !!
انتفضت خلايا جسمها وهي تسمع اسمها منه وياسرعان ماداست على هالشعور واستجمعت قواها واحتدت نظراتها وبنبره صارمه : انا على ذمة إنسان ثاني الحين اا ناسي اذكرك ياليت تكون حاط هالشي ببالك ومو متوقع اني بكلمك او بستقبل منك كلام الي بيننا كان له حد وانتهى واليوم مايعني لي اي شي ولا هو حتى ببالي
جن جنونه وقاطعها : منااااار انهبلتي
منار : بكامل قواي العقليه واي وحده متزوجه بتفكر مثل تفكيري ومافي شي يجبرني اني اخالف هالشي !! زواجي من فهد انت اول من دفعني له رغم اني كنت متمسكه وبآخر فرصه الا انك قدمتني له بطبق من فضه وتمنيت لي الخير بحياتي المستقبليه وانك بتختفي من حياتي للأبد " وعقدت حاجبينها " : وانا اشوف اليوم ان كلامك وقتها هو الصح وهو الي مفروض يصير ارجع اعيد كلامي من جديد لاتعترض طريقي من ثاني !! كان كلآمها قوووي عليه وهد له حيـله دنق راسه بخيبة امل وكانت تركته ومشت وماكملت دقيقه الا ورجعت وهي تفتح شنطتها : نسيت اقضي حاجتي من جيتي لهالمكان .. وطلعت علبه صغيره .. توسسعت عيونه على اكملها اول ماشاف العلبه وهي ترميهآ بالبحر وللحظه شهق بمحاوله انه بيمنعها لكن مالحق ، واختفت من قدامه بلمح البصر
رفع يده على فمه وهو تحت تأثير الصدمه ماستفاق .. يوميا ولو لربع ساعه كان يجي هالمكان بالذات وماكان يشوفها ولامره وبداخله يحترق بأنها نست كل شي وتعودت حياتها الجديده ، لكن اول ماشافها اليوم تجدد امل بداخله وماقدر يمنع نفسه من روحته لها الا انها حطمت كل امآله وخيبت ظنّه بشكل ماكان يتوقعه ابدا
عن منآر الي ركبت السياره وهي تنتففض بداخلها من الدور القوي الي تغمصته ابدا ماكانت هذي منار الي الكل يعرفها ! قويه بشكل غريب وقدآم اكثر انسان تضعف كل حواسها معه .. اسندت راسها وهي مغمضه وتتنفس الصعداء وتحاول انها تنسى كل شي خلاااص ..
_____________________
ببيت بو فهـد ،
كانت متشبثه فيه بكل مافيها وتمسح على راسه ووجهه تتفقده وقلبها متفطر على شوفته
وبالمقابل طلال بين الدقيقه والثانيه يرفع يدها ويقبلهآ ويطمنها عليه انه بخير
وبعد ماتطمنت ام فهد على ولدها وهدا بالها بس لسا متمسكه فيه ابتدا طلال بسؤاله : كيف سمحتي لرند تطلع من البيت يمه ؟
ام فهد : ماقدرت امنعها قلت يمكن انك رافض وجودها للحيـ.. طلال بإندفاع : ااببدداا ومن يقول هالكلام
ام فهد : هي ! هي حست بهالشي وماقدرت امنعها واقول يمكن معها حق
طلال : بيتهم فاضي كيف تخلينها تروح هناك لوحدها ؟
ام فهد : قبل شوي ماطاعني قلبي وارسلت الشغاله تنام معها لو الليله
طلال ارتخت ملامحه شوي وسكت ،
ام فهد : وش ناوي عليه ؟
طلال بهدوء : مدري
ام فهد : اتركها الليله هناك وبكره تروح وترجعها
ناظر امه بتشكيك وحيره ، وهي اصرت على كلامها : مابيك تتأخر زياده كافي شهرين وانتو بعاد عن بعض البنت ذبلت وهدها غيابك اسألني انا
نزل راسه وبدا عقله يفكر ببكره وشاللي راح يصير بكره .. بترضى انها تقابله ولالا بترضى انها ترجع معه ولالا وهل بتسامحه ولالا ؟؟
____________________
ببيت بو خـآلد ميآده الي كانت ماسكه جوالها ولاهيه فيه تكلم المبتز مثل ماسمته اهي ، والي طلب منها مبلغ وقدره وانها تسلمه له بأقرب وقت والا مقطعها راح ينتشر بين اهلها واحد ورا الثآني وبسببه عينها ماذاقت النوم من كم يوم والكوابيس ماهي تاركتها بحالها ..
.
.
وهدى بغرفتها غرقانه بضحكهااا وفخوره بنفسها انها قدرت تلوي ذراع مياده من غير لاتدري هي من ؟ وماكانت عندها رغبه بهالفلوس من الاساس الا انها طلبت مبلغ كبير وتعجيزي تعرف مياده ماتملكه وحبت تشوف الخوف والضعف والعجز بعيونها
______________________
يـوم جديد وفي الجبيل تحـديدا ،
بعـد مرور 6 سآعات من بداية العمليه
طلع الدكتور وهو ينزع الكمام من وجهه ويقابل بو ثامر ويهز راسه بالنفي : مثل ماقلت لكم مسبقاا وهذي اصعب عمليه واجهتها لليوم من بديت مهنتي وانـ..
قاطعه بو ثامر : وش الي صار معكم داخل ؟ وش علي انا اصعب ولااسهل عمليه الله يهديك
ناظره الدكتور بغيض : راح تبقى تحت الملاحظه وبنشوف ساعتها الحين مقدر اعطيك كلام وراح عنه
بو ثامر ضرب كفينه : لحول الله ، وطلع من المستشفى بعد ساعات قضاها بالانتظار اتعبته .. _____________________
ببيت بو ثـآمر ،
جلست من النوم ويدها على رقبتها بسبب وضعية نومها الغلط الي ماحست فيها اصلا ،، بعد اجهاد فضيع نظفت المكان بالكامل
قامت ودخلت لدورة الميآه غسلت وتوضت وطلعت تصلي مافاتهآ ولما خلصت جلست وهي تتحسس بطنها قرصهاا الجوع من جات ماطبت اللقمه بفمهآ التفتت للطاوله وكان فيه كيس فيه فطاير وعصير من حقين الطريق قامت بسرعه واخذت لها فطيره وفتحتها وبدت تاكل شوي وفجأه حطتها على جنب وهي تحس بنفسيتها مسدوده عن الاكل رغم جوعهآ القوي ، فتحت جوالها ومالقت اي اتصال من احد وماكان عندها شبكه وماقدرت انها تشوف اذا احد كلمها بالواتس او لا رجعت الجوال بمكانه وهي تنسدح بتعب على السرير وتزفررر بشكل قووي وترجع تجلس وهي عاقده حاجبينها ويدها على صدرها : اعوذ بالله وش صاير وش ذي الحاله
شوي وانفتح الباب ودخلت الشغاله وبيدها صينية الغدا حطتها على الطاوله وطلعت بدون ماتتكلم
قامت ميهاف وفتحت الاطباق وهمّت بتاكل لو شوي لكن شهيتها مسدوده على الاخر رجعت سكرتهم وراحت انسدحت على سريرها تتقلب بقلق على امها والود ودها تروح لها لو مشي !
______________________
في المستشـفى ..
وبآخر لحظات وجودها بهالحيـآه كانت تنازع الموت وتحاول انها تتمسك بالحيآه اكثر .. كانت تفتقد ريحة بناتها حولها وبأشد حاجتهم الحين تبيهم حولها يمدونها بالقوه كانت تبي سبب وجودها وسبب عيشتها الا انها كانت مفتقده كل شي
بقت تحت الملاحظه حـول الثلاث ساعات وكل امل الدكاتره انها تكون قويه وتقاوم ، الا ان صـوت جهاز القلب اصدر صوت حاد وقـوي وبإستقامه وحده ، سببت استنفار قوي بين الدكاتره والمرضى واقتحمو غرفة الملاحظه وكان خط القلب مستوي تمامآ ، وبكل محاولاتهم بإسترجاعها للحياه فشلت ، جهاز الصدمات كآن تأثيره سلبي وخصوصا انها ضعيفه وجسمها مايحتمل !
______________________
عنـد ميهآف
وهي منسدحه على جنب وتضغط على صدرها بقوه تحس بشي كاتم على انفآسها ! تجمعت الدموع بعيونها اول مره تصيبها الحاله ذي وبشكل خوفها
قامت بترنح وهي تلبس عبايتها وتطلع من الملحق وتروح لداخل البيت مافيها صبر زود ،
توجهت انظار الكل عليها بهاللحظه بلعت ريقها بتوتر : السلام عليكم
ردو عليها السلام
ام ثامر بحده :كان عطيتينا خبر انك بتجين عشان ثامر يقوم ماهو متعود حد يكشف وجهه قدامه غير زوجته
ميهاف وهي تنزل راسها مخنوقه ومغبونه : السموحه ، بس ... بس قلبي ماكلني على امي ياليت لو احد ياخذني لها الحين
بو ثامر : مالها داعي روحتك انا كنت طول اليوم هناك والعمليه وسووها والحين هي تحت الملاحظه دعواتك لها
ميهآف : ماقصرت ياعم بس روحتك انت غير ووجودي جنبها غير انا بنتها
بو ثامر : الي لازم تعرفينه اني ماحب اعيد كلامي مرتين
ارتجف فكّها بخيبه وصدت بتطلع الا رنين جوال عمها وصوته وهو يقول : المستشـفى يتصلون! اجبرها تلف وترجع لمكانها بسرعه وقلبهااا طااير
بو ثامر : اي نعـم معك بو ثامر .. اي اليوم الصبح عمليتها .. عساها استفاقت ؟ .. ... ... وش هو ؟
طال سكوت عمهآ وبعده شحوب وجهه وسؤاله بنبرة الاستنكار نشفت الدم بعروقها وتقدمت اكثر بخطواتها وهي تشوف عمها الي كان واقف جلس على حيله ويتلعثم بكلامه
ثامر خاف من ملامح ابوه : يببـه وش فيك وش الي قالوه
وماقدر يصبر وهو يشوف ابوه يبلع الكلام وسحب الجوال منه : الـ.. قاطعه عمه وهو منزل راسه : ام دلال عطتكم عمرها
الكـل ولاشعوري بهاللحظه لفو لميهآف الي صنمت بمكانها وعيونها على عمها مانطقت بحرف
بو ثامر وهو مختبص وقف وهو يتلافت بين زوجته وولده وبنت اخوه والكلام يطلع من قلبه متقطع : جسمها .. جسمها ماستقبل العلاج
ثآمر : انالله وانا اليه راجعون
شهـقه .. شهقتين .. وثلاث .. ووراها شهقات متتاليه وكأنها لشخص يلفظ اخر انفآسه
الكل تسآرع لها وهي تتهاوى وتطيح على الارض وهي تشهق بنفس الشهقات وتنتتفففضض بشكل مجنوون وويتجمع الدم بوجههاا وشوي شوي يميل لون وجهها للازررق وعيونها شاخصه وتهذي بصعوبه : ي ي يمـ... ي
نهى صررخت بخوووفف : تششنجتتت تششنجتت
بو ثامر يضرب ظهر ولده ويدفعها : شييلهااا شيلهااا بسسسرعه والحقني ، وطلع يسرع بخطوآته ولحقه ثامر يركض وهو حاملها مثل الجثه ، وطارو بسرعة البرق للمستشفى
واول ماستقبلوها الاسعـآف خذوها لغرفه واسعفوها بسرعه وبعد ماطلع الدكتور لبو ثامر خبره بأنه انهيآر في الاعصاب ولازم تبقى عنـدهم .. بو ثامر وهو يضرب كفينه ببعض : انالله وانا إليه راجعون لاحول ولاقوة الا بالله
ثامر : الله يرحمها برحمته
بو ثامر وكأنه تذكر : انا رايح اشوف اجراءات امها خلك هنا
هز راسه ثامر بالايجاب وراح بو ثامر يباشر اوراق ام دلال
ومامر من الوقت الا قلـيل الا ويسمع نحييب وصراخ بداخل الغرفه فز من طوله وفتح الباب بسرعه ودخل كانت من شوي مستعيده وعيهآ وملتمه على نفسهآ وتصيح وتصارخ تنادي امهآ وماان شافته قدامها الا وزاااد صراخها بصوت زلزل ممرات المستشفى وترميه بالتهم هو وابـوه وماهي واعيه وش تقوول وجهها احمر بقوه واطرافها ترجججف وتشد اطراف اللحاف وتصصارخ .. ماوعى على حاله الا بركض الممرضات وهم يدخلون الغرفه ويجتمعون حولها ويمسكونهآ بإحكام وتجي ممرضه وتمسك ذراعها وتفرغ ابرة المهدئ بيدهآ وتبدأ تطبطب على راسهآ الين مابدت عيون ميهاف تتثاقل ولسانها يثقل والكلام يطلع متقطع .. سدحوها من جديد وغطوها وهم يرجعون يثبتون ابرة المغذي بعد مانزعتهآ وطلعو .. طلع ثآمر وهو يتنهد وجلس على الكرسي بجنب الغرفه وينتظر رجعة ابوه
_______________________
بعد مرور سآعآت
ببيت بو خآلد ، كان جالس بالمكتب الخاص فيه ومنشغل بالقراءه ..
وانتبه على صوت وصول رساله لجواله عدل نظارته ورفع الجوال بيده وفتحه وهو قاطب حاجبينه ويقرا وعلى طول مالت ملامح وجهه للضيق : إنا لله وإنا إليه راجعون ، وطلع لرقم بو ثامر واتصل عليه وتأكد من صحة الخبر ،
وانتبه لصوت الباب : تفضل ،
دخلت هدى : العشا جاهز يبه ، وطلعت
نزع نظارته وهو يمسح وجهه بهم وطلع وكانو كلهم على الطاوله ويسولفون شوي مابينهم .. جلس واخذت صحنه ام خالد وبدأت تحط له ورجعت الصحن مقابله لكن هو ماكان معهم ابد
خالد : يبه عسى ماشر وجهك فيه شي صاير شي ؟
بو خالد وهو يتنهد : اي والله وصلني خبر ضايقني
ام خالد بقلق : عسى ماشر يارجال وش فيه
بو خالد وعيونه على زوجته : ام دلال اعطتكم عمرها
شهقت ام خالد ومعها منار الي فزت على طول : تمززح يبه ؟
بو خالد : لاحول ولا قوة الا بالله وهالمواضيع فيها مزح يابوك ؟
ام خالد كتمت شهقاتها بيدها وانسحبت من بينهم وهي تصيح بمرار ، بينما منار ركضضت لغرفتها وخذت الجوال واتصلت على ميهاف مره ومرتين وثلاث لكن مالقت منها اي رد ، ورجعت نزلت ووقفت عند الدرج وبنبره تشبه نبرة الامر : خذوني للجبيل الحيين !
بو خالد : بكره اول ماتشرق الشمس انا رايح الجبيل وامك اكيد بتروح وتجين معنا
منار بخوف وقلق ودموعها عالقه بعيونها : ميهااف ماترردد اكيد انها تعبانه وبحاجتي الحين لازم اكون بجنبها مافيني صبر للصبح مستحيل اقدر اصبر
بدر : خلاص يامنار استهدي بالله وروحي لغرفتك اقري القران ومن يطلع الصبح تمشون الجبيل
ضربت الارض برجلها بقل حيله وشفايفها مقوسه بعبوس ورجعت لغرفتها وهي تتصل على ميهاف على امل انها ترد
_____________________
عند رنـد ،
بعد ماخلصت مذاكره واكلت لها شي خفيف ودخلت تروشت طلعت من الغرفه تشيك وتطفي الانوار عشان ترجع تنام
سمعت صوت الجرس ووقفت بمكانها وتبلع بريقها وهي تحس بخوف من بيكون جاي لعندها ؟
رن الجرس مره ثانيه وزاد من ضربات قلبها السريعه وطلعت وهي تمشي على اطراف اصابعها وتنتففض خصوصا انه الوقت متأخر .. وقبل لاتروح عند الباب اخذت معها عصا المكنسه ووقفت ورا الباب وبصوت واااطي : مين ؟
كان واقف عند الباب وينتظرها تفتح وبدا يروح ويجي وماسمع صوتها وهي تسأل ورجع رن الجرس مره ثانيه ..
ضربت الباب براحة يدها وهي خايفه : ميين ؟ بتنطق ولا ماني فاتحه
ابتسم براحه وكأن شي يداعب خلايا وجهه وبهدوء : طلال
جمممددددت بمكانها وعيونها على الباب وشوي شوي بدت تحس ب قلبها الي بيطلع من مكآنه صارت تتحسس جبينها ويدها ترجفف وتتلافت وصدرها يرتفع وينزل ماهي عارفه وش تسوي !!
طلال عقد حاجبينه : طلال .. رند مراح تفتحين ؟
رمشت بحركه سريعه وحطت يدها على مقبض البآب وفتحته .. تراجعت بخطواتها لورا وهي تحس به يدفع الباب بشويش ويدخل ، كانت عيونها على الارض وتحديدا على رجلينه ماهي قاويه ترفع راسها ابد ..
سكر الباب وظلت ايده على الباب وعيونه على العصا الي بيدها وحبس ضحكته بداخله على الي طرا بعقلها اول ماسمعت الجرس وشد انتباهه اكثر انها مارفعت راسها للحين له وكمحاوله انه يكسر الصمت : زوجك ماني حرامي اتركي العصا
ارخت يدها الين ماطاحت العصا من يدهآ
وصدت بسرعه عنه ومشت تهرول لداخل
تفاجأه منها وبسرعه : رنـد وين ؟ ولحقها ودخل وراها وقبل لاتسكر باب غرفتها حط رجله ورصت عليها كشر بوجهه : ااخخ رند رند لاتسوين كذا
رنـد بصوت مرتجف فضيع : ارجع مكان ماجيت
طلال وهو متوقع كل شي : ماني براجع مكان افتحي لي الباب
رند بإصرار وصوتها على : ماني فاتحته ارججع مكان ماجيت ماني بحاجتك ولاابيك بقربي
تنهد بصبر ويده على الباب يدفعه بشويش : بس انا رجعت لك
رند : وانا ماعدت بحاجتك
طلال : زوجك !
رند وهي شوي وتنهار : على الوررق بس على الورق
سحب نفس عميق : مو مشكله يكون الي يكون لكن خليني ادخل الحين واجلس اتكلم معك
فتحت الباب بقوه وصقع بالجدار الي وراه وصرخت بوجهه رند بكل غضب كان مكبوت بداخلها : وشش الي بتتكلم فيه ؟ وش هو الي بيني وبينك اصلا عشان نتكلم فيه ؟ بتبرر لي غيابك وتركك للبيت عشاني فيه حتى بعد علاجك ؟ بتبرر لي تركك وهجرك لي شهرين من غير سؤال ولا غيره ؟ تطمن ماني محتاجه تبرير ولا لأي شيي من هذا كله تدري ليه ؟
طنش كلامهآ : آسف .. ضحكت بسخريه : والله ؟؟ آسسف ؟ وين اصرفها هذي " ورفعت انظارها له بقوه " : اطلع ياطلال واتركني بلحالي اطلع اططططلع ارججع لمكانك
طلال : ماني طالع من هنا لحد ماتسمعييني وتعرفين وش الي صار معي
صدت بجسمها عنه ومشت للتسريحه وصارت تضربها براحة يدينها بكل قوه منها وهي تصارخ : ماااببيييي ماابي اسمممع منك شي ماني طايقه وجودك بنفس المكان الي انا فييييه اطلع
قام لعندها بسرعه وسحبها من يدينها وابعدها عن التسريحه وماحس الا دفعته من صدره بعيد عنهآ ووجهها احمرر : لاتلمسسني خلك بعييد
غمض عيونه يتمالك اعصابه ويرجع يفتحهم وعيونه عليها : خلااص هددي رند هدي
اشاحت بوجهها وراحت جلست بعيد عنه معطيته ظهرها ودموعها مو راضيه توقف
وهو مآحب يضغط عليها اكثر وجلس على اطرف السرير والتزم الصمت وبضياع ماهو عارف وش يقول ووش يسوي
وطال الصمت مابينهم ماعدا شهقات رند الي كانت تكسر الصمت ..
نزل راسه وبدا يتكلم : بأي وجه كنتي تبيني اجي للبيت وادخله واقابلك وماكأني اجرمت فيك وغلطت عليك اهنتك ضربتك جيتك بالغصب .. ماكانت عندي الجرأه احط عيني بعينك افهميني طالبك ! الي صار كان خارج ارادتي الا اني مو قادر انساه واتجاهله انتي امااانه عندي وانا ماحافظت على هذي الامانه بالعكس اول من تضرر مني هو انتي ، ، يارند الي رجعني البيت هو امي بعد ماحلفت انها غضبانه علي لو مارجعت لايجي ببالك اني رجعت لأنك طلعتي منه
رند وهي تصد بوجهها وبصوت مرتجف : وانا ماعدت بحاجتك الحيين افهمني واتركني لوحدي
طلال بإصرار : مستحيل اتركك افهميني رند
صرخت بإنزعاج : مو على كيفك وقت ماتبي تبعد بعدت ووقت ماجا ببالي ترجع مفروض اني ارجع معك
مشى ووقف مقابلها : ليه مانتي راضيه تفهمين اني كنت بوضع صععب احلف لك ب وشو عشان تصدقين اني كنت ماني عارف كيف اواجهك واكلمك او حتى احط عيني بعينك
نزلت راسها بقهر وهي تحبس ارتجاف فكّها ودموعها ماتوقف
اثنى ركبته وجلس وبنبرة هادئه : لو اني منتظر طلعتك من البيت عشان اجيه وش الي يخليني اجي برجليني لعندك هنا مو المفروض اكون مبسوط انك طلعتي ؟ ليه اجيك واطلب منك ترجعين معي
رند ماردت وماتناظره :......
طلال وهو يسحب نفس : والله اني محتاجك اكثر من اي شي ثاني محتاجك جنبي
رند بنفس الصدود : وانا ماني محتاجتك جنبي عشت وتعودت عيشتي لوحدي ومن غير اي احد
طلال بضعف : بس انا محتاجك
رند : كنت محتاجتك اضعاف احتياجك لي الحين ومالقيتك جنبي
بتردد رفع يده وحطها على يدها الا سحبتها بسرعه والتفتت له وهي تتنفس بغضب : طلال ارجع مكان ماجيت
طلال علت نبرة صوته : وكيف تبيني اتركك بهالبيت لوحدك
اطلقت ضحكه طويله ممزوجه بسخريه وحطت عينها بعينه وبهدوء : تبي تقول انك خايف علي ؟
طلال سحب نفس يمسك نفسه : رند !
قامت وهي ترفع شعرها وتربطه وتعدل بيجامتها : ابغى انام ممكن ؟
التفت لها وهو جالس على ركبته وذراعه على السرير من غير مايرد
رفعت حاجبينها كأنها تنتظر رد منه
ربت بيده على السرير ووقف ومشى لعند الباب : نوم العوافي واذا احتجتي شي بتلقيني في الصاله
رند بإندفاع : كـ.... الا فزت بروعه من صفع الباب يمنعها تكمل جملتها ... زفررت بقوه وانسدحت وهي تفرك جبينها وماهي الا ثواني وغطت نفسها بالكامل بمحاولة نوم
_________________
بـيت بو خآلـد ،
جالس بغرفته وعقله بعيييد ، ماحس الا باللي دخلت ودموعها تسابق بعضها
انصرع من شكلها : بسم الله وش فييك
منار وهي تشهق : تكفى قوم خذني للجبيل وودني عندها
عز انصدم : الحين عاااد ؟ بهالوقت ؟
منار بإصرار : اييه اييه الحين حسو فييني عاااد فجرت جوالها اتصالات من غير ماتررد وماني عارفه كيف اوصل لها كيف تبغاني اجلس هنا
عبد العزيز : بس ابوي قـ... منار ضربت الارض برجل : ماعلي من ابوي انا بتقوم ونروح للجبيل والا بتصل على فهد واخليه يجيني واروح معه
عبد العزيز لقاها من الله فرصه قام : لا لا هذاني قمت يلا بس اغير ملابسي وبنزل
طلعت من الغرفه وهي تهرول وتمسح دموعها وبسرعه غيرت ملابسها ولبست عباتها واخذت الشنطه ونزلت وقفت عند سيارة عبد العزيز تنتظره ينزل وبعد عشر دقايق نزل
هبت فيه : وينك انت
عبد العزيز وهو يفتح السياره : ناويه نروح من غير علم ابوي
ركبت : بس هو مو معيي
عبد العزيز : اي بس قال الظهر مو الحين
منار : وش قال طيب
عبد العزيز : ماقال شي اخذت منه عنوان بيتهم والمستشفى
طلعت الجوال من الشنطه ورجعت تتصل على ميهاف لكن مالقت منها رد
عبد العزيز وعيونه تلقط نظرات على الجوال : من متى وانتي تتصلين ؟
منار مغبونه : من اول ماسمعت الخبر
عبد العزيز وهو يحس بشي داخله مكبوت : يمكن صامت او شي
ضغطت على الجوال بيدها : قلبي قااارصني عليها معقوله طول اليوم جوالها صامت وماجت عنده ؟ ياخوفي يكون صابها شي بس
لاشعوري زاد بضغطته على الدركسون وهو يتعوذ من الشيطان ويدعي الله يحميها
_____________________
في الريـآض
قبل جبينها بهدوء : يابنت تعوذي من الشيطان تراه جالس يوسوس لك
دلال وحاسه بضيقه كاتمه على انفاسها : اعوذ بالله من الشيطان الرجيم .. بس مدري وش فيني من جلست المغرب وانا ماني مرتاحه احس قلبي مو معي
معاذ بهدوء : بسم الله عليك قومي اغسلي وجهك وتعالي معي الصاله نجلس ونروق مراح اطلع الليله بجلس معك
ابتسمت ابتسامه طفيفه تجامله بالغصب : ان شاءالله
وقامت من جنبه ودخلت لدورة المياه وغسلت وجهها وطلعت متوجهه للمطبخ وبدت تصلح القهوه وعلى ماتستوي القهوه راحت تقطع الحلى وحطته بصحون وبعد ماجهزت القهوه خذت كل شي وطلعت للصاله ماشافت معاذ موجود فيها عقدت حاجبينها وهي تتلافت تدوره : معـاذ
مشت وهي تسمع صوته يتكلم مشت بالصينيه الي بيدها ولحقت صوته
عنـد معاذ ،
شهـق مرتاع : عمتي ام صالح ماتت ؟
بو معاذ : لالا اقصد عمتك ام حرمتك
معـاذ جمدت ملامحه : ام دلال !!
بو معاذ : ايه وانا ابوك قل لحرمتك عن امها وترى بكـ.. قاطعه معاذ بشهقه لما لف لوراه بسرعه من سمع الصينيه تطيح ويتكسر كل ماعليها ، راح لعندها بسرعه بيمسكها الا صدته بيدها وهي ترجف بشكل ملحوظ ودموعها تحجرت بعيونها : أأمـ .. أمـ...ـي الي ،
خاف لايصيبها شي : تعالي تعالي وبمحاوله انه يمسكها من يدينها وياخذها للصاله الا انها دفته بقوه وصرخختتت : يييمممممممماااااا ، وضمت راسها بيدينها المرتجفه وصدرها يرتفع وينزل من قوة شهقها وبكيها : ماتممووتتت اميي لاااا ماتممووت .. ورفعت راسها لمعاذ وعيونها مثل الجمر : انا السسبب انناااا معااااذذ انا ذبححتتت امممييي ذبحتهااا مافيهااا شييي بسس انااا ااييي اناااا
معاذ وهو يحاول يهديها : ششش اذكري الله اذكري الله ،،
هزت راسها بالنفي : لاااا لاااا اممميي مامااتت لا مستحييل وتصرخ مره ثانيه لحد مابرزت عروق رقبتها وبدت تضرب بنفسها مثل المجنونه وتضرب معاذ الي كان واقف مقابلها ومستقبل كل شي منها الين ماطاحت بحضنه وهي تحس بحيلها انهد .. تمسكت فيه بكل قوتها وهي تلقط انفاسهاا وكأنها بتفقد وعيها
معاذ حط يده على خدها بمحاولة انه يرفع راسها له : دلال
دلال بأنفاس متقطعه : ابـ..ـي امٌي
_______________
بعد مرور سآعآت وبعد ماوصلو للجبيل
وقف سيارته بمواقف المستشفى وقبل لاتنزل منار مسكها بسرعه : صبر صبر بشويش
منار وهي مستعجله : وش عندك عز تكفى خلني انزل ابي اروح اتطمن عليها
عبد العزيز مسكها بقوه يمنعها تنزل : سكري الباب
سكرت الباب وهي مقهوره : نعم وش فيك
عبد العزيز : البنت اليوم فقدت امها وفقدان ابوها مامر عليه كثير ومثل ماقال عمها انهارت عليهم اول ماسمعت الخبر ابيك تكونين هادئه جنبها وتصبرينها مابيك تنزلين ومن تدخلين لها تبكين معها وتزيدين من حزنها
منار تنهدت : طيب
عبد العزيز : يلا انزلي وانا بكلم طلال اكيد انه سمع بالخبر خليني اشوف متى بيجي
منار نزلت من غير ماتتكلم ومشت بهروله لداخل المستشفى وسألت الريسبشن عن غرفة ميهـاف وراحت بسرعه لها
واول مافتحت الباب دخلت بشويش وكانت ميهاف صاده بجهة النافذه وتبكي بصمت لفت للباب اول ماسمعت حس احد دخل وششههققتت بلهفه : منننااارر
راحت لها ركض وجلست مقابلها وضمتها بقووه وصوتها بدى يرجف : ياعيووون مناار
ميهآف وهي تشد بيدينها على منار وبدت تبكي بحرقه : ااممميي يامنااار
منار وهي تمسح على راس ميهاف : ادعي لها بالرحمه
ميهاف من بين شهقاتها : اممي راحت وتركتتنيي ررااحححتت ماابقى لي اححد ماابقى تيتمت للمره الثااانيييهه تيتمت تيتتتمتتت اااهه ياااربي ااااخخ والله اني ماابي اعيشش ماابيي عفت الحياه خلااااص ياليت الموت ياخخذ روحي ويريحنننيي مابي اعيش اكثر من كذا ماابييي مااابيي
منار وبالحيل تتكلم وتقاوم دموعها بالقوه : اذكري الله لاتقولين هالكلام وادعي لهم بالرحمـه قولي الله يرحمهم ويغفر لهم راحو للي احسن مني ومنك
ميهآف وبصعوبه تنطق : كـ..ـيف بعيش الحين قولي لي ككيف ماعندي ام وماعندي ابو منهو سندي بهالدنيااا منههوووو قولي لييي انا خلااص وحيده صررت وبتغربل بعيشتي ..........
كان واقف عند الباب بعد ماتركته منار مفتوح وسمع كلام ميهاف وماقدر يسمع اكثر سكر باب الغرفه بهدوء عشان محد يحس عليه وهو يضغط على عيونه بصبعينه وراح جلس على الكراسي ونزل راسه وهو حاط يدينه عليه وكلام ميهاف يتردد بباله
بعد مامرت نص سآعه انتبه بمنـار تطلع من الغرفه قام على طول وماانتبه الا انها راميه نفسها بحضنه وباين انها ماقدرت تمسك نفسها اكثر قدام ميهاف اخذها وجلسها بجنبه على الكرسي وهي منزله راسها : ماقدرررت امسك نفسي كلامها ذبحنيي والله ماقدرت استحمله ماقدرت
مسح دموعها وهو يتمالك نفسه : الله يرحمها ويغفر لها .. سكت للحظات وبتردد ، :شخبارها ميهاف الحين
منار تنهدت وهي تمسح مابقى من دموعها :مقدر اوصف وش حالها انا اول مره اشوف احد بهالموقف واول مره اشوفها بهالحال وهالضعف اهي حتى الحياه عافتها
عبد العزيز ويحس بداخله نار تلذعه : وطيب ليه تركتيها وطلعتي ليه مابقيتي معها
منار بهدوء وهي تسحب نفس : نامت من كثر مابكت ،اساسا باين تأثير المهدئات عليهاا ، واستندت على ظهرها وهي مغمضه تحارب دموعها لاتنزل
عبد العزيز انتبه لتعبها : تبين اوديك فندق تنامين فيه وترتاحين وترجعين لها بكره
منار فتحت عيونها بسرعه : لااا مستحيل اتركها وهي بهالحال راح ابقى معها
عبد العزيز : طيب تبغين شي اجيبه لك عصير او شي تاكلينه
منار : لاا مالي نفس ... الا صح كلمت طلال ؟
عبد العزيز : لا مارد علي بس ارسلت له رساله اذا شافها اكيد بيكلمني
منار : طيب انا بقوم لدورة المياه وبكلم فهد بخبره اني وصلت ثم برجع ، وقامت
وماان شافها غابت عن عيونه وكأنه منتظرها فرصه قام وفتح الباب بشوويش ودخل ..
وكانت الغرفه شبه ظلام
قرب لعندها وكانت نايمه معطيته ظهرها وقف وهو مركز فيها وانتبه بأنها ماهي مرتاحه من طريقة انفاسها المحمله بالتعب وعقدة حاجبينها ، بلع ريقه بشوي خوف ورفع يده على جبينها وصار يقرا عليها آيآت من القرآن بهدوء
وهي كانت بين النوم والصحوه بس فيها من التعب الي يمنعها ترفع نفسها او حتى تنطق بحرف ،
وحست باليد المرتخيه على جبينها وببالها انها منار تقرا عليها وبقت مغمضه وشوي شوي وحرارة جسمها ترتفع وكأن الدم يشتعل بداخلهاا وزادت من سرعة انفاسها اكثرر ، حست بشي غريب بس ماهو جديد عليها نفس الرهبه بنفس الاحساس والشعور
بقت مغمضه عيونها بس واعيه ومنتبهه وبمحاوله قويه انها تركز بالصوت الهامس الي فوق راسها ، وبمحاولة انها تقطع الشك باليقين لعلّها تتوهم رفعت يدينها برجفه وااضحه بتحطها على اليد الي فوق جبينها الا سحبها بسرعه وصد وطلع من الغرفه بظنه انها ماحست عليه ولا عرفته ، مشى مبعد عن الغرفه يبي يهرب بشعوره المجنون
،
اما عنها في الغرفه تكورت على نفسها وهي تشد بيدينها على الغطا وتجهش بالبكي بصوت مكتووم وجوده بهالوقت زاد من وجعها وجع والم وزاد من احساسها بالضياع والغربه وكأنه ذكرها انها ماعادت عايشه قريبه منه ،
الين ماحست بالتعب يهاجمها من جديد وتغفى من غير ماتحس ،
_____________________
يـوم جديد
عنـد طلال ورنـد ،
فتح عيونه وهو يتثاوب وجلس بسرعه على حيله : ييووهه وش الي نومني هنا ورفع يده يشوف كم الساعه وكانت 6
اخذ الجوال وينصدم بالعدد الهائل من اتصالات عبد العزيز : خير اللهم اجعله خير ، وانتبه للرساله وفتحها وطيير عيونه بصصصدمه فضييعه لهالخبر المفجع .. وبسرعه قام ودق باب غرفة رنـد : رند افتحي
شوي وفتحت له الباب وهي لابسه مريولها وبيدها العبايه ومستغربه : انت للحين هنا
طلال بتتنيح ولعثمه : على وين
رند رفعت حاجب : لابسه مريولي على وين يعني
طلال وهو للحين بصدمته : كيف يعني بتداومين وانتي عادي يعني ؟
رند ستغربت : وشو ؟
سحب نفس والتفت يمينه وشماله وهو يحس انه متلخبط وضايع ،
رند : شفيييك تتلافت وش عندك بتقوله
طلال من غير مقدمات : كييف بتداومين وامك ... امممكك توفت
تصصلبت عيووونهاا وجمدددت انظارها بثبات بعيونه وبعدم استيعاب منها وبلعثمه فضيعه : ك كيـ .. مافهـ..مـ منو مـ..ـات ؟ امـيي ؟ انااا ؟؟؟ انااا اممي ماتت ؟؟ " بلعت غصتها بصعوبه وطاحت عبايتها من يدها حطت يدها على صدرها وتتنفس بصوت واضح ووجهها شحب لوونه
تدارك الوضع بسرعه وسحبها من خصرها بعد ماحس انها بتطيح من طولهاا ، وصار يضرب خدها بشويش بعد ماحطها على سريرها : رنند .. رنـد بسم الله عليك رند فتحي عيونك يابوي رنـد انتي واعيه ،،
صارت تفتح عيونها وترجع تغمضهم بتثاقل ولسا تبي تستوعب الي سمعته
وقف على حيله وهو يمرر يده على راسها بلُطف وهمس : بسم الله عليك
فتحت عيونها وناظرته بضعف وعيونها ممتليه دموع وبإستضعاف : امي ماتت ؟
سكت لثواني من غير رد وهي بعيونها لهفه لجوابه ، هز راسه بالايجاب : عطتك عمرها
عضت شفتها بقوه تمنع رجفتها وتمسك نفسها الا انها ماقدرت وانفجرت بالبكي وتغطي وجهها بيدينها وهي تنتفض
صعب عليه حالها وجلس على السرير ورفع راسها واسندها عليه لاجل يهديها
ومر عليهم الوقت الين مابدت تهدا شوي شوي ،
_____________________
بعـد مرور ايآم العزا ثقيله على الكل وخصوصا البنات الثلاث ، ميهاف الي رفضت تطلع لأحد وبقت منومه في المستشفى كم يوم بسبب حالتها النفسيه وترفض انها تكلم وتشوف احد
اما رند ف رفضت انها تروح للجبيل بكبرها ودوم تردد ان امها باقيه ماماتت ف كيف تروح لعزاها ،
ودلال كانت اهدأ نفسيا من بين خواتها وقامت بعزا امها وحاولت كذا مره تزور ميهاف وتدخل لها لكن ميهاف ترفض وبقوه انها تشوف دلال بحجة انها هي السبب بموت امها ،،،
مر شهر على وفاة ام دلال والبعض بدا يعيش حياته كما كانت والبعض يعيش وكأن الوفاه توها البارح ،
_____________________
بيـت بو خـالد .. الوضع بين خالد ومياده على ماهو عليه
مياده جالسه بالمطبخ وقدامها كوب الشاهي وبنادول وحاطه راسها على الطاوله وبيدها الجوال كأنها تنتظر رساله من أحد ،
دخل الشقه وراح للغرفه فصخ شماغه وراح للمطبخ يبغى يشرب له ماي وشافها على وضعها المعتاد وكالعاده تصنع اللامبالاه واخذ كاسه وطلع من المطبخ وقلبه يحتررق من داخل لكن كبريائه وكرامته كانو اقوى منه
اما هي فززت من سمعت صوت رساله وصلت وفتحتها على طول " ماوصلني شي الى الحين وللمره الاخيره احذرك واقول لاتلعبين بالنار تراك ماانتي بقدي احذرك "
طيرت عيونها بخوف وهي تعضض اصابعها وقامت
للحمام و تتصل على الرقم واول مارد بدت تتكلم بهمس وهي غاصه بعبرتها : والله والله حططيت المبلغ بالمكان الي قلت لي عنه والله العظيم ماني كذابه تكفى خلاص تعبت تعذذبت استر علي الله يستر عليك
وتتفاجأ بأنه سكر الخط بوجهها نزلت الجوال وهي تعض اصبعها بخوووف فضيع الين مابدت تحس بمغص قوي انحنت وهي تضغط على بطنها ومكشره بوجهها جلست مستنده على الباب ولامه رجولها لعندها ورافعه راسها بعد ماخف المغص ، تنهدت بتعب وهي مغمضه وشوي شوي بدت ترخى ملامحها ،
__________________
اما بغرفه ثانيه وعند هدى تحديدا
كانت منسدحه وعيونها غرقانه بالدموع من كثر ماضحكت على مياده وكيف صرعتها وسحبت منها فلوس كثر ماتبي وزود : لسى باقي كثيييير صبرك علي بس ،
__________________
في الجبيـل ،
عند ميهاف الي كانت منسدحه على السرير ومعطيه الباب ظهرها ، انفتح الباب بقوه وبحركه مُتعمّده من ام ثامر الي دخلت وصفعت الباب بالجدار وصرخت : هههيي انتي متى ناويه تقومين وتنظفين الخرابه الي انتي عايشه فيها ترى محد بينظفها غيرك وبأحلامك الشغاله تجي وتساعدك ولا شفتيها وقلتي هي تجي وتنظف غرفتي لاتنسين نفسك تراك مثلها اقصاك خدامه تخدمين
ابتسمت ميهاف ابتسامه ساخره من غير ماترد
ام ثامر وجنونها تكلم احد ويحقرها راحت لميهاف ودفت كتفها بقبضة يدها : اكلمك انا ياجعلك للماحي الي يمحاك ويفكني منك
ميهاف مالها نفس ترد عليها ابد
ام ثامر : بتقومين تنظفين ذا المزبله ولا راح احرمك من الاكل
ميهاف ببرود اعصاب : غرفتي وش دخلك ارتبها ولا اخليها كذا
ام ثامر وتدور الزله بققت عيونهااا بعصبيه والشرار يتطاير منها رصت على زند ميهاف ورفعتها بقوه وهي تلفها لها وميهاف مستجيبه لها : وشش قلتي ياست الحسن والدلال انا تردين علي كذا يامسودة الوجه
ميهاف وهي تقولب بعيونها : ان رديت عليك عصبتي وان حقرتك عصبتي وش اسوي معك
ام ثامر : تاكلين تبن ولا تنطقين حرف جعل الله ياخذك مثل ماخذ امك ويريحني منكم
ميهاف وانداس على الوتر الحساس عندها : ينقططع حسك ولاتجيبين طاري امي على لسانك الوصخ
ام ثامر صرخت : ااااصصصصص تنكتمين ياجعله لسانك القص
ميهاف بصوت عالي : دامك تجيبين طاري امي تحملي مايجيك مني
ام ثامر بتهديد ووعيد : زيين حسابك عندي وصبرك علي ، وطلعت من الملحق تاركه الباب مفتوح وطلع من الصاله ثامر ولدها وباين وجهه مصفوق استوقفته : وش فيه وجهك بعد انت منقلب عسى ماشر
ثامر بدون نفس : ماشر ماشر ، ومشى طالع من البيت
دخلت ام ثامر للصاله وشافت بو ثامر فيه : وش فيه ولدك طالع ومطنقر
بو ثـامر وعيونه بجواله : بلاه مايعرف العدال
ام ثامر : اي عاد وش فيه
بو ثامر بحمق : اجل انا ابوه وآمر عليه يتزوج بنت عمه الي مرميه بالملحق ويقول لي مانيب متزوج
ام ثامر شههقت : وووششووو وش تقول انت ؟؟؟ لا الظاهر انك انهبلت
بو ثامر خزها : اضبطي لساانك
ام ثامر انصرعت وتلعثمت : انت تخلي الواحد يضبط لسانه يارجال وش له تزوج ولدي ثانيه وهو متزوج وتوه جاي له ولد وش له تغث حرمته تحط على راسها حرمه ثانيه
بو ثامر : مانيب مرتاح وميهاف جالسه بالملحق لحالها بهالوضع مااكون متطمن عليها ابيها قدام عيني هنا وماابيه يلتزم بوجودها وافضل شي ازوجهم لبعض عشان تحل عليه وتكون داخل البيت
ام ثامر : وانا ماني موافقه ان ثامر يتزوجها
ثامر : انا عطيته امر ان مانفذه بيتي يتعذره
ام ثامر ضربت فخذها بعناد : وان تزوجها مالي قعده بهالبيت
بو ثامر بتطنيش وقف : الباب يوسع جمل
انصصدمت : لهالدرجه مهتم لبنت اخوك
بو ثامر وهو ماشي للدرج : كلامي وصلكم انتي وولدك
تنحت ام ثامرر وتلاحق زوجها بعيونها وماان شافته اختفى طلعت بحققد متجمع بداخلها ورفست باب الملحق بقوه صرعت ميهاف وراحت مهروله لها وسحبتها من شعرهااا : تعععاااللييي
ميهاف صرخت بألم وتقاوم تحاول تثقل نفسها : ووججججععع اتررركيييي ششعرررري وش فيك انتتتييي
ام ثامر من غير اي استجابه لميهاف سحبتها بقوه بيدينها الثنتين وطلعت معها للحوش ووقفت عند الزباله ورمت ميهاف على الارض وصارت تفتح اكياس الزبايل وتكببهم بالارض وميهاف مثل الضايعه ماهي فاهمه شي
راحت لها ام ثامر ومصعتها من ذراعها : تقومين تلمين هالوصخ كله وترجعينه مثل ماكان
ميهاف انهبلت : لا والله بذمتي مانتي صاحيه الحين تكبين الوصخ وتبيني ارجع اشيله
ام ثامر وهي تتنفس بغضب بسبب ان حياتها مهدده بسبب هالانسانه ، مسكت شعر ميهاف بقوه وشدته : اقسسم بالله لو ماتسوين الي قلته لااخليك تكرهين اليوم الي انولدتي فيه
ميهاف دفعتها لورا : اوووووهه ترى ماني فاضيه لجنونك روحي استجني لحالك حلوه هذي بعد ، وصدت ماشيه خطوتين الا سحبتها ام ثامر من شعرها وترميها بالارض صرخت بألم : آآآهه
انحنت لها ام ثامر وتشدها من ياقة بلوزتها وتصرخ بجنون بوجهها : بهالبيت كلمتي هي الي تمشي ولو اقولك تنظفين تحت رجليني تنظفينهااا ساامعهه ولالا
ميهاف مغمضه عيونها بخوف من هالمجنونه الي قدامهآ وصاده بوجهها
ام ثامر صرخت : ساااامعتنننيييي
بجهه ثانيه ،
رجع للبيت ونزل من سيارته والدنيا ضايقه فيها ورفع راسه مستغرب من صراخ امه ! قفل السياره ومشى يلاحق الصوت
وانتبه لأمه واهي تسحب ميهاف من شعرها وترميها بالارض وتجلس تصارخ عليها
ووقف وعيونه طاييررره ومن غير شعور وبصوت عالي : ييمممممهه وش تسوووين .. وركض بسرعه وسحب امه من اكتافها وقفها وهو محتضنها ووجه كلامه لميهاف : قومي لغرفتك
قامت وهي تحارب دموعها واالتفتت لام ثامر بعيون مليانه قهرر ومشت بسرعه راجعه للملحق
وثامر بخوف : يممه وش فيك وش الي بتسوينه بالبنت ليه ترمينها بالارض ليه طايحه فيها ضرب حرام عليك
ام ثامر وهي ترص على اسنانها : واذبحها بعد ماهي صعبه علي
ثامر بيستخف : اييي ليه عاد وش صاير وش سوت لك
ام ثامر بتحوير وكذب : اجل انااا انطرد من البيت عشان هالتافهه هذي ، ورجعت لداخل وعيونها على الملحق وبداخلها حققدد مايمحيه دهر
شد مقدمة شعره وهو يزفر ولحق امه لداخل ،
___________________
عنـد ميهآف
جلست على السرير وكل خليه بجسمها تنفض وترجف من شدة الخوف الي تحس فيه صارت تتحسس يدينها ودموعها تطفر من غير ماتحس فيهم ومن غير شعور اخذت الجوال واتصلت وهي تشااهق .
.
الخـــبــــر
وتحديدا ببيت بو خالد على طاولة العشا
رن الجوال بجيبها تركت ملعقتها وطلعته واول ماشافت المتصل تغيرت ملامح وجهها للراحه وابتسمت
ام خالد : ها اشوفك توزعين ابتسامات منو يتصل فيك
منار وهي تقوم : هذي ميهآف يمه
ام خالد ابتسمت : ااي سلمي لي عليها
منار : ان شاءالله ، وتوجهت للدرج وردت ..: الوو .... ووقفت وانقلب وجهها بثواني وركضت بخطواتها وهي تقول : بسسم الله عليك ميهاف وش ذا البكي وش فيييكك
ام خالد طار قلبها وعيونها تلاحق منار: خير اللهم اجعله خير ، ياعمري على هالبنت والله
بو خالد : الله يكون بعونهم ويصبرهم
هدى ببرود : عادي ماهي اول ولااخر وحده يموتون اهلها واخرتها بتنساهم وبتعيش وبعدين امها كانت تعبانه حيل ف ماتفرق لو ماتت انا اشوف انه اريح لها
عبد العزيز بحـده : هدى وش ذا الكلام
هدى بتطنيش : وانا عند ربي صادقه امهم مشلوله حملها كله عليهم حتى بالاكل والحمام يعني الحين اريح لها ولهم
عبد العزيز حط ملعقته بغضب على الطاوله وقام وهو يستغفر ولحق منار ،
بدر : حتى لو كانت تعبانه وحملها ثقيل تبقى امهم وفراقها عذاب
هدى ميلت شفتها : الله يرحمها
،،
،
بغـرفة منار ،
كانت شاده شعرها ووجهها احممرر من كثر ماهي معصبه : ولييه ترضين على نفسك يصير لك كل ذا وين ميهاف القويه الي محد يوقف بوجهها وتردع الكل بكلامها وينهااا ليه صرتي ضعيفه ليه تتركينها تسوي فيك الي تبغاه وبأي حق اصلا وليه ماتروحين تخبرين عمك بكل الي يصير فيك
ميهاف وهي لامه رجولها وضامه راسها بينهم ومسنده وتاركه الجوال سبيكر على السرير وتتكلم بضععف : عمي مارحمني من اول ماجيت ويكره حتى يناظرني رماني بهالملحلق القذر من اول يوم والحراره تلهب فيه تبيني اروح اقوله ترى زوجتك تهينني وتضربني ضنك انه بيوقف معي ضدها
منار تتأفف : ااااففف ميهاف لاتجننيني تبقى هي الي تسويه غلط واكبر غلط مالها حق تضرببب مالها حق
ميهاف بإنكسار : ابغى ارجع الخبر
تبددت ملامح منار للضيق وهدأت نبرتها : ياليتني اقدر وبيدي شي اسويه عشان ترجعين الخبر ياليت
ميهاف بنبرة رجاء : تعالي طيب الجبيل محتاجتك جنبي بالحيل محتاجه احد يخفف من همي وضيقي
منار بإندفاع : ولآيهمك بكره بكره انا عندك ابشـ.. وصدت بجهة الباب الا نقزت بروعه ..: بسم الله
ميهاف خافت : وش فيييك
منار تلعثمت : ها .. لا بس كنت شسمه امشي ومانتبهت لعبد العزيز واقف ارتعت
ميهاف استعدلت بقعدتها : اها خلاص اجل اخليك الحين
منار وعيونها على عز : اشوفك بكره ان شاءالله .. سلام ، وسكرت وهبت بوجه اخوها : وجعع ماتعرف تتنحنح روعتني قسم بالله حتى البنت انحرجت وسكرت
عبد العزيز ونظرات عيونه ماتتفسر : ميهاف تنضرب هناك ؟
منار تنحت : ههمم
عبد العزيز بنرفزه : لاتنحين سمعتك تقولين بأي حق تضربك يعني هي تنضرب هناك صح ؟
منار بحذر : ايه
صرخ بجنون لدرجة عروق رقبته نطت : وليييههه اييي لييه ساكته لهم وليه يضربونها جعل ايدينهم الكسر مايخافون الله بهالبنت اليتيمه
منار انصرعت : طيب وش دخلني تصارخ علي
عبد العزيز بنفس العصبيه : اصااارخ عليك لانك المفروض تكونين لها سندد وتدافعين عنهاا تقولين لنا ميهاف متضرره وحتى لو كان عمهااا الي يضرها مو معناتها نتركها له
منار : ماقد قالت لي هيي توها ذا المره تقول عز شفيك والله مدري انا
تحت بالصاله
ولأن باب غرفة منار ماكان مسكر وصل لهم صوت صراخ عبد العزيز
بو خالد رفع راسه يسمع الصوت وويوجه الكلام لأم خالد : وش فيه ولدك يصارخ
ام خالد : والله مدري علمي علمك هو من قام وهو نفسه شينه
بدر فز : اقوم اشوف وش صاير معه
ماامداه قال جملته الا ونزل عبد العزيز وباين الحمق بعيونه ومنار وراه وهي خايفه
بو خالد : خيير وش عندكم وش ذا الصراخ حنا هنا ونسمعه
عبد العزيز واقف عند بداية الدرج سحب نفس عمييييق واعطى نظره لمنار والتفت لابوه وامه : يبه .. يمه طالبكم طلب لاتردوني ..
ام خالد ناظرت زوجها الي حط ستكانة الشاي على الطاوله ونطق : ماعاش من يردك آمرني
عبد العزيز وبدا قلبه ينبض بدقات سرريعه وارتبك لوهله : طالبك تخطب لي ميهـآف انـا قررت وابي اتزوجها
تهلل وجه ام خالد بسعااااااده ،
وهدى الي طاح الجوال منها ع الارض وعيونها فاهيه في عبد العزيز ومتنحه فاتحه فمهاا
بو خآلد استعدل بجلسته : وش صاير لك وش عندك قررت تعرس فجأه
عبد العزيز وهو ملخبط شوي : لا يبه صار لي فتره افكر بهالموضوع مو من قريب
بو خالد سكت وهو مدنق ويربت بيده على فخذه وكأنه يفكر
ورفع راسه لولده : وش معنى ميهاف ؟
هدى بنفس شينه : يبغى يسود وجهنا ياخذ له خدّامه !
ام خالد ناظرتها : عيب ياهدى
هدى وهي تأشر على عبد العزيز : خل يعرف هو العيب قبل خليه يفكر قبل لاياخذ خدامه بنت خدامه
بو خالد بحـده : هدى اطلعي فوق
هدى ناظرت بطرف عين وقامت وهي تخز عبد العزيز الي كان متجاهلها ومرت من جنبه وانتبهت لنظرات منار الي كلها فرح وانتصار ، تعمدت وهي مارّه تدوس على رجلها وتكمل طريقها لكن منار مااعطت لحركتها اي اهميه والتفتت لأبوها وهو يتكلم : عموما هذي حياتك الي انت بتعيشها ولا اي احد له الحق انه يتدخل ويختار البنت الي انت بتكمل حياتك معها
عبد العزيز ابتسم ابتسامه عريضه وتقدم لابوه وباس راسه وراح لأمه وباس راسها وبنبرة ترجي ممزوجه بالضحك : وش رايك بكره تتصلين وتخطبينها يالغاليه ؟
ضحكو عليه كلهم
خالد وهو يضحك : وراك طاير
عبد العزيز وعينه على امه ينتظرها ترد : مستعجل و ابي اكمل نص ديني
ام خالد ضربت راسه : لا جا بكره يصير خير اركد شوي ،
__________________
عنـد ميآده
طلعت من المطبخ وبيدها علاجات للصداع وجيك المويه
ووقفت لان احد يضرب الباب حطت الي بيدها وراحت تفتح الباب والا ب هدى واقفه تركت الباب مفتوح ودخلت معطيتها ظهرها
هدى وهي تسكر الباب : شدعوه لا هلا ولا مرحبا ولاشي
مياده وهي تجلس ع الكنب وتسحب الادويه : مااظن بيننا هالرسميات تعالي اجلسي
هدى تتصنع البراءه : وش فيك ؟؟ ولاتقولين مافيني شي ترى من مده وحالك من زفت الى ازفت وجهك ماعاد اشتهي اناظر فيه تحت عيونك من السواد تقول مدمنه اللهم ياكافي
مياده ببرود : تعباانه شوي
هدى بتصنع : اقوول لايكون حامل
ضحكت مياده ضحكه ممزوجه بسخريه على نفسها : هههههههههههههههههه حامل هم الله يسلمك
هدى رفعت حواجبها بدهشه : هم ؟؟ اعوذ بالله وش همه الي حاملته
مياده غمضت عيونها واسندت راسها على الكنب : خلك مني وش عندك وش صاير عندهم ماجيتي عندي الا وفيه شي تبين تقولينه لي
هدى كشرت : الظاهر عندهم خطبه قريبه
مياده فزت وبطنها يتتللوىى من زود ماهو يمغص : خاالدد ؟
هدى رفعت حاجبها بشك : نعم ؟؟ ليه خالد ناوي يعرس؟
مياده انخطف لون وجهها ورجعت تسندت وهي تبلع ريقها : لا بس قلته كذا
هدى ماصدقت بس سلكّت للموضوع : بيخطبون لـ عبد العزيز
مياده كاتمه ضحكتها وناظرت هدى : بيخطبونك ؟؟
هدى ابتسمت بغيض من نظرات مياده : ميهاف
مياده طيرت عيونها وفزت : نععععممم
هدى : الي سمعتيه
مياده بعدم تصديق : هدى انتي مستوعبه وش تقولين وش ذا !! ميهاف عاااد خلصو البنات عشان يختار ذي
هدى قلبت شفتها بعدم اهتمام : بقريح وش علينا منه ميهاف ولا غيرها انا بس جيت اعطيك خبر بما انك منقبره بشقتك يلا تصبحين على خير
مياده وهي بتنهبل : هييي وين ؟ قطيتي الخبر كذا وبتمشين
هدى ببرود : وش تبين اسوي يعني اروح امسكه من ياقته واقوله لاتخطبها ؟ كيفه
مياده تنحت : كيفه ؟؟
هدى بنظره مافهمتها مياده : ماعاد احد يهمني بهالبيت اهم شي انا وبس ، وقامت طلعت من عند مياده
___________________
يـوم جـديد
ببـيت بو ثآمر ،
بو ثامر بعد ماخلص فطوره وقام يطل على ثامر في المطبخ : وش فيك تفطر بالمطبخ ماجيت للصاله
ثامر من غير مايلتفت : كذا مرتاح
بو ثامر : فكر بكلامي زين دام انك جالس بلحالك
غمض عيونه بقوه وهو يتنهد : رايي وتعرفه
بو ثامر بحـده : وانا كلامي هو الي يمشي
لف له ثامر بعصبيه : وش تستفد لما تزوجها لواحد متزوج ولايبيها يعني بدل ماتريحها بتعذبها زود تراك
بو ثامر : الشرع محلل لك اربع وهي بنت عمك اولى فيها من الغريب
ثامر يحاوله يقنعه : بس مو ناقصني شي عشان اتزوج على نهى مرتاح بحياتي معها والله رزقني بولد ليه تبي تجيب المغثه لي بزواجي من ميهاف ؟
بو ثامر مايبي يتناقش : بكره بتجيني وبتقول مشكور يبه انك اصرّيت علي وخليتني اتزوج بنت عمي ، وتركه وطلع من البيت .......................
في الملحق ،
واقفه مقابله المرايه بدورة المياه ولافه يدها تشوف اثار الجروح الباقيه وتحط مرهم عليهم وهي تتحسب على ام ثامر ، قاطع وقفتها رنين جوالها .. راحت له ركض وكان المتصل منار ردت بلهفه : الووو
منار بحماس : يازين الالوو وراعيتها والله
ميهاف ابتسمت وبهدوء : وش ذا الحماس وش عندك
منار وهي تتفقد اغراضها : بعد كم ساعه بالضبط بكون عندددك
ميهاف صرخت : تمزحيييييينن
منار ضحكت : والله ماامزح حتى انا الحين بعباتي واتصلت اشوفك محتاجه شي ولاشيّات عشان اجيبهم لك معي
ميهاف : صبر صبر خل استوعب انك بتجين ! يعني فهد بيجيبك ؟
منار وهي تحك حاجبها : ااااممم لا مو فهد .. عبد العزيز
ميهاف وقلبها ينبض بجنون : اهاا ، اقول ! ماتحسين انك ساحبه على زوجك المصون
منار رفعت حاجبينها : الظروف حدتني وبعدين زواجنا ماباقي عليه شي يعني اعتبريها مقاطعه
ميهاف كتمت ضحكتها : على اساس صار لكم سنه من ملكّتو عشان تقولين مقاطعه ارحمينا بس
منار : يالخايسه هذا جزاتي الي بجي لك ومن الاساس ابوي مراح يرضى اطلع معه للجبيل
ميهاف بمزح : ايه معه حق مافي ثقه
منار وهي تضحك ومسويه معصبه : بتوطى ببطنك بس خل اجيك
ميهاف وهي مشتاقه لمنار : يوووهه وش ينطرني هالكم ساعه عشان اشوفك والله ودي ارمي بنفسي للخبر رمي واشوفني عندك
منار : يلا خليني اسكر الحين عز ينتظرني بس ماقلتي محتاجه شي تبين شي ؟
ميهاف : لالا سلامتك وانتبهو للطريق لاتسرعون
منار من غير ماتحس : خايفه علييي ولاا على الي معي ؟
ميهاف طيرت عيونها وقلبها طاح ببطنها : هاااا
منار غمضت عيونها وهي تعض شفتهاا وتداركت الوضع : ههههههههههه امزح امزح وش فيك بسم الله
ميهاف : مدري قلت وش فيها تخبص بالحكي
منار : يلا سلام
ميهاف : سلام ، وسكرت من عندها وركضت لعند المرايه وهي تحس بجسمها يشع حراره من بعد كلمة منار ، كان وجهها محمّر بشكل ملحووظ حطت يطها على صدرها وسحبت نفس عميق وهي تبتسم والفرح يتسلل لداخلها والتفتت وهي تلقي نظره على الغرفه لازم تنظفهاا وترتبها عشان تستضيف منار فيها ، وابتدت ترتب بحمآس
______________
عند عبد العزيز ومنـآر
عبد العزيز : وش فيك فاهيه خلي كل شي بتشترينه اذا وصلنا للجبيل ان كان به عصاير او شي خذيهم لها باردين
منار بتفكير : اااممممم عدل كلامك
عبد العزيز وهو يناظر قدامه : وش ردة فعلها انك بتروحين لعندها
منار ابتسمت : فرحت وبشكل ماتتصوره ياعمري اكيد شايفه الضيم هناك ومحد معها طق معها الملل وتبي من يغير جوها
عبد العزيز : تروحين لها وتغيرين من جوها طول اليوم
منار تكمل الجمله : وكلها فتره وانت تاخذها وتفتك منهم
عبد العزيز ابتسم على جنب : ان شاءالله
منار تناظره بنص عين : على الطاري .. تبيني افتح معها الموضوع واشوف وش تقول
سكت لثواني يفكر : مدري اذا الوقت مناسب ولا
منار : ااامممم انا اذا شفت الجو يناسبني راح افتح معها الموضوع واشوف ردها
عبد العزيز وهو يخفي حماسه : على خير
___________________
بعد كم ساعه ببـيت بو فهـد ،
بغرفة طلال تحديدا
منسدحه على بطنها وقدامها البومات صور تجمعها هي واهلها وتتصفحهم بهدوء ومره تبتسم ومره تدمع
انفتح الباب ودخل طلال وهو لابس وجاهز بيطلع ومن شاف رند وقدامها صور تأفف بملل وراح سكرهم : بذمتك ماطفشتي من هالوضع
رند وهي تصد وتهف بيدها على وجهها : اشتقت لهم ومالي الا صورهم ! وش تبيني اسوي
طلال وهو يرتب الالبومات : طيب يلا قومي معي بطلعك مشوار
رند بإستنكار : وعلى وين ؟
طلال : اذا طلعنا تعرفين يلا قومي واستعجلي
رند وهي تقوم من السرير وتربط شعرها : تعرف ان ماعندي وقت اطلع واصلا نفسيتي ماتسمح لي اطلع وثانيا بكره عندي اختبارين خلصت ماده واخذت راحه جلست اشوف الصور والحين برجع اذاكر
طلال بصبر : مافيها شي لو طولتي مدة الاستراحه
رند وهي تطلع الكتاب من الشنطه : مافيه وقت شايف الحين الساعه كم ؟
طلال : ااااممم لسا بدري وكثير بدري باقي شوي وتصير الساعه 8 عندك وقت طويل
رند بنرفزه : اي بس ماابي اطلع لاتضغط علي
طلال مسكها مو ذراعها : تكفين قومي .... عشآني
رند ابتسمت على جنب : لهالدرجه واثق ؟
طلال : مو شرط اسمع هالشي بلسانك يكفي اني اعرف الي بداخلك
هزت راسها بيأس بتصنع وداخلها يرقع مثل الطبول :ابي من ثقتك هذي بس
طلال ناظر ساعته : لاتضيعين الوقت رند خلينا نطلع ونرجع بسرعه
رند لفت له بصرامه : يووه ! قلت لك مانيب رايحه مكان
طلال راح وسحب الكتاب من يدها : ساعة زمان مراح تعطلك عن اشغالك لاتعاندين
خزته مقهوره وراحت لبست عبايتها بسرعه ورجعت وقفت وهي ساكته
طلال تم يناظرها وهو ساكت ولف للتسريحه وجلس يفتح الارواج ويشوف الوانهم اخذ له لون فاتح وراح لعندها وهي مستغررربه ! مسك يدينها ببعضهم عشان لاتعارض
وبدا يحط لها بس ماعرف كيف يكمله سحبت الروج منه بعصبيه ومشت للمرايه تحط لها بترتيب وهو ضحك عليها وطلع من الغرفه بعد ماقال انه ينتظرها بالسياره ، سكرت الروج ولفت غطاهاولحقته
وطول الطريق وهي ساكته وهو يسولف بلحاله وكل شوي جاب له موضوع على امل انها ترد عليه بس ماكانت معطيته جوه
الين ماوقف عند مطعم معروف انه على طول زحمممه والي يجون لازم يجلسون عالانتظار ساعه
اول ماشافت المطعم لفت له بعصبيه : الحين تقول لي مشوار سااااعه بالكثير وتجيبني لهنا الي يحتاج انتظار ساعه ! تلعب علي انت
طلال طفى السياره : لالا مراح نطول انزلي ، ونزل مو معطيها مجال تتحلطم
ونزلت معه وهي كاتمه غيضها ودخلو للمطعم وفعلا كان زحمه وناس جالسه ع الانتظار .. تركها ودخل شوي وطلع لها : يلا تعالي
تنحت والتفتت تشوف الناس الجالسه : الحين كيف بندخل قبل ذولي كلهم وهم جايين قبل
طلال : ااممم اغلبهم شوفي عوايل كبيره حنا بس ثنين يلا
مشت معه مستغربه ووقفو عند الغرفه حقتهم واشر لها تدخل قبله
دخلت وهي طاقه النفسيه عندها مليون واوول مادخلت ششههقققتتت وهي تشوف المكان متروس ورود وشمووع
رجعت بسرعه بتطلع الا صدمت فيه كان واقف وراها بالضبط وهي مختبصه سحبته من يده : تعال تعال ذي مو لنااا
وهو بحركه اقوى سحبهاا وضمها وهي مقابله الورود وهمس لها : كل عام وانتي بخير
عقدت حاجبينها بتفكير ولفت له مصدومه واومأ راسه بالايجاب : اليوم ميلادك حبيبي ياعساها مية عام
رجعت بأنظارها على الطاوله وصارت الدموع تتجمع بعيونها وتضحك مو مستوعبه
انتبه لدموعها : ها ها وش ذا البكي
ماقدرت انها تمنع دموعها وصدت عنه مقابله الجدار ومغطيه وجهها بيدينها وتصيح بصمت وتحاول تمسح دموعها الا وتطيح غيرها
راح وقف جنبها ودنق براسه لها وبهدوء : ترى بهون الحين اذا ماسكتي
رفعت راسها وهي مابين الضحكه والغبنه وتمسح دموعها بظهر يدها : مو مستوعبه احس اني بصحى الحين وبلاقي نفسي بالغرفه ولحالي بعد اووووفف والله مو مصدقه
طلال وهو مبتسم تنهد : بس ابي رضاك
صارت تحك راسها بإرتباك وتردد وبهدووء قربت منه والحيا طاغي عليها وقفت مقابلته وسحبت نفس عميييق ارتفعت على اطراف اصابعها وضمته وهو كردة فعل شدها لحضنه اكثر ،
غمضت عيونهاا وهي تتنفس بعمق وراحه : اشتقت لك
طلال ابتسم بإرتياح : عندك من زمان بس ماتبيني
ماردت عليه واكتفت بالصمت وعاجبها الوضع وهي متعلقه فيه
مسح على راسها ومسك يدها وراحو جلسو مقابلين بعض
ووجه رند وحالتها تغيرو 180 درجه الابتسامه مو راضيه تبعد عنها وغير تعبيراتها الخجلانه مما ترك طلال يحس ان الدنيا مو سايعته من وناسته
___________________
في الجـبيـل ،
كآنت واقفه وتاركه الباب مفتوح شوي وتطل منه وفكها واطرافها ترججفف بشكل جنوني وهي تسمع ام ثامر تمنع منار من انها تدخل لميهآف
.
.
....
منار مستغربه : بس انا ماني غريبه انا صديقتها وعاشت معي بالبيت شهور هي اختي الي ماجابتها امي ليه تمنعيني اشوفها
ام ثامر باشمئزاز : حي الله وحده جايه لي من الشارع وتقول انا مثل اختهاا
منار عصبت : عاد احترمي نفسك وش يعني جايه من الشارع ثمني كلامك
ام ثامر : يلا يلا ارجعي مكان ماجيتي ،وجت بتسكر الباب الا منعتها منار : الله يهديك تعوذي من الشييطان انا متعنيه من الخبر لهنا وبالاخير ماشوفها .. طيب خليها على الاقل تطلع نتمشى ثم ارجعها
ام ثامر تكتفت : والله ياليت لو بيدي بعد تاخذينها ولاعاد تجيبينها بس مو بيدي محكوم انها تقعد علّه على قلبي يلا يلا عن الوقفه بالشارع مع السلامه ، وسكرت الباب بوجه منار الي لفت لعبد العزيز متحططممه
عبد العزيز وحامل قهر الدنيا كله : وش ذي !! هذي مخلوق هذي ؟
منار مغبونه : وش نسوي الحين
عبد العزيز : مدري تعالي اركبي السياره .
.
داخل البيت
اول ماسكرت ام ثامر الباب ورجعت بتدخل الا طلعت بوجهها ميهاف والغصه ناشبه ببلعومها : لييييهه! مو حرام عليك
ام ثامر : حرمت عليك عيشتك وش الي حرام من تكون هذي عشان ادخلها بيتي هاا
ميهاف : سمعتي وش قالت لك ؟ صديقتي صديقتي وعشت معهم بنفس البيت ليه تمنعينها تدخل لييه وش مسوية لك انا عشان تكرهيني وتمرمرين عيشتي كذاا خافي ربك فيني
ام ثامر قربت منها : تبيني ادخل الي اشتغلتي خدامه عندهم انتي وامك ؟ تبين سواد الوجه حقكم يجي لبيتي هنا ؟ حامض على بوزكم
ميهاف بعصبيه : طيب خليني اطلع معهاا اذا ماتبينها تدخل لبيتك
ام ثامر كشرت : الله عاد ومن زود الثقه عشان اخليك تطلعين تصيعين مع مدري من بنته، انا اقول ترجعين وتنثبرين بغرفتك واجد احسن وانسي ان احد يجيك او تطلعين لاحد
ميهاف وهي تخزها : يعني قصدك من هنا لقبري
ام ثامر ضربت كفينها ببعض ورفعتهم : وه ياربي عساه عاجل قريب .. وناظرت ميهاف : عاد تبين الصراحه مثل الجاثوم وقاعد على نفسي ماني طايقتك ابد
ميهاف ناظرتها بحقد وتحدي : وربي لأخليك تكرهيني زود بس صبرك ان ماقلبت حياتك ماكون ميهاف
رمت عليها نظره ومشت تاركتها ودخلت لداخل وقفلت باب الصاله الرئيسي خافت لاتدخل لها ميهاف وتسوي فيها شي
ابتسمت ميهاف : غبيه ... ودخلت للمحلق وركضت لجوالها واتصلت بمنار الي ردت متضايقه : الوو
ميهاف : حمدلله على السلامه يابعدي
منار : الله يسلمك
ميهاف بحماس : وينكم؟
منار مميله شفتها : والله واقفين عند البيت مرت عمك مارضت تدخلتي
ميهاف : ادري ادري ماعليكم منها عجوز خيبر هذي تعالو يمين البيت عند الارض الفاضيه وخلوكم هناك
منار لفت لعبد العزيز مستغربه وردت على ميهاف : ليه ؟
ميهاف : تعالو وبس وسكرت من عندها ، وقامت بسرعه لبست عبايتها وفتحت دولابها طلعت شوي من ملابسها وحطتهم تحت اللحاف وضبطته كأنها نايمه وطفت الانوار وطلعت من الغرفه وهي تمشي بحذر الين ماوصلت لعند الجدار الي بتخطر منه وماكان فيه شي تصعد عليه تلافتت يمين ويسار ومالقت غير الزباله سحبتها لعند الجدار ورمت شنطتها لورا الجدار وقلبت الزباله بكل حذررر انها ماتطلع صوت ونطت عليها وبهالوقت جاها صوت منار من برا : يامجنووونهه
ميهاف وهي تضحك : جايتك جايتك .. تمسكت بأطراف الجدار وفزت : ههييي منار خلك عند الجدار عشان اذا طحت اتكسر معك مو بلحالي
منار وهي تضحك : طيييب .. وفعلا وقفت عند الجدار بالضبط وخلت ميهاف تتمسك فيها عشان ماتطيح ويصير فيها شي
واول مانزلت ميهاف مسكت يدين منار : دقيقه دقيقه اتمقل فيك ... وسحبتها لحضنهااا وهي تداري نفسها : ااااخخخ قسم بالله اشتقت لك اشتقتت لك
منار وهي تسحب نفسها وتناظر ميهاف : وربي حتى انا بيتنا صار ماصخ من دونك .. والتفتت جهة السياره ورجعت تناظر ميهاف : الحين وش بتسوين بتجين معنا ؟
ميهاف طاحت عيونها على السياره وتخربطت موازينها : ء اامم مدري
منار بإندفاع : اجل بترجعين داخل ؟
ميهاف بلعت ريقها : لا بجي نتمشى ساعة زمان ثم ارجع
منار فرحت : ححللووو
ومسكت يد ميهاف وسحبتها من يدها وفتحت لها باب السياره الخلفي : تفضلي
ميهاف وهي تحس بأن صوتها شوي شوي يختفي : شكرا وركبت وهي ترص يدينها ببعض تمنعم يرجفون وبهدوء : السلام عليكم
عبد العزيز ماكان حاله احسن منها كان يضرب بأصابعه على فخذه : عليكم السلام
منار لفت لعبد العزيز : عز تكفى خذنا لأحسن مطعم هنااا
عبد العزيز : اي تامرون
ميهاف كانت اكثر شي محتاجه له انها تجلس قدام البحر وعلى طول ارسلت لمنار انها تبي البحر
وصلت الرساله لمنار واول ماقرتها لفت لعبد العزيز : ولا اقولك ناخذ عشانا ونروح البحر وش رايك
عبد العزيز الي فهم من صوت الرساله بجوال اخته ان هذي رغبة ميهاف : الي يريحكم
وراحو شرو لهم عشا وراحو عند البحر ونزلو منار وميهاف اما عبد العزيز ف كان فيه مطعم يطل ع البحر راح وجلس فيه
.
.
عند منار وميهاف
ميهاف اكلت شي بسيط من عشاها وحطته
منار : وش فيك ليه وقفتي ؟
ميهاف : ماحس نفسي جوعانه
منار وهي ترفع يد ميهاف : اي مو جوعانه حرام عليك شوفي وجهك وشلون قايل ويدك ذي الي صايره كنها مسواك من الضعف
ميهاف : قلت ابي اجي البحر احس بداخلي شي ابي افرغه هنااا اما الاكل خليه بعدين
منار سكرت كل شي قدامها " فهمت ان ميهاف تبغى تفضفض " : اسمعك
ميهاف وهي متربعه وتلعب بيدها في التراب تنهدت تنهيده طويله ورفعت راسها : آآآآهه
منار حطت يدها على كتفها : بسم الله عليك من الآه وش فيك
ميهاف بهدوء : قولي وش الي مافيني ااافف يامنار وش اقول وش اخلي احس ... احس بداخلي هم يهد جبال بس ماني عارفه وش اقول ! احسه كذا مكبوت بداخلي عجزانه انطق شي منه
منار : اول شي قولي لي وش مسويه مع مرت عمك ؟
ميهاف وعيونها تناظر قدامها : تكرهني من هنا لسابع سما
منار تدرج الحكي منها : ليه ؟
ميهاف قلبت شفتها بحيره ورفعت كتوفها : مدري ! بس لا هي تكره امي تكرهها بجنون وتحط حرة هالكره فيني انا
منار : يعني كيف وش تسوي
ميهاف وهي تقولب عيونها : يعني تجيني احيانا بس عشان تقط كلام يسم البدن وتمشي او تجي تحارش تبيني اقوم انظف او مدري وش اسوي بغرفتي واذا طنشتها مدت يدها
منار بإندفاع : وانتي وش تسوين
ميهاف نزلت راسها : مرات استسلم لها ومرات اوقف بوجهها
منار تنهدت : طيب وعمك
ميهاف تأففت : من توفت امي ماعاد شفت وجهه
منار استغربت : ولا مرره !!
ميهاف بسخريه : حتى انه يتجنب يشوفني ! بس حابسيني بهالملحق لااحد يشوفني ولااشوف احد
منار عصبت : اي ليييه عاد ولمتى ؟
ميهاف سكتت وهي تبلع ريقها والتفتت لمنار : لين يزوجوني او اذا مالقو احد ياخذني معناته لين اموت
منار انصصدمت : نننعععمممم
ميهاف بجمود : قبل يومين كنت طالعه اتمشى اخر الليل وكانت نافذة الصاله مفتوحه وسمعت عمي وهو يقول لمرته انه لازم يزوجني ويفتك مني ومن همي ومراح يرتاح لين اتزوج
منار خافت : يعني فيه احد متقدم لك؟
ميهاف ناظرتها ورفعت اكتافها وتعابير وجهها تغيرت : مدري ! ، وصدت جهة البحر وبعيونها خووف مو طبيعي بدت تستقطب دلاله انها بتبكي
منار همست : وش فيييك
ميهاف لفت لها : منـار ... بموت والله بموت لو زوجوني حالي هذا ارحم ارحم بكثير من انهم يزوجوني ويحكمون علي اموت وانا حييه
منار : طيب لاتوافقين
ميهاف : بكل بساطه تقولينها ؟ تدرين لو احد يجي انا متأكده انهم بيوافقون حتى بدون ماياخذون شوري
منار بهدوء : طيب يمكن يكون بن حلال وتفتكين من ضيمهم
ميهاف صارت تناظرها بنظرات عجزت منار تفهمها ياليت لو عندها الجرأه وتبوح عن كل الي بداخلها وترتاح تقول لها قلبي مو ملكي قلبي تملّكه اخوك ومقدر اكون مع انسان جسد وروحي وعقلي عند انسان ثآني
انتبهت من سرحانها على صوت منار : ههههييي
ميهاف : ها
منار : الي شاغل بالك !
بلعت ريقها بإرتباك وخافت لايفضحها وجهها
منار :فيه شي بتقولينه
هزت راسها بالنفي : لا
منار : طيب وش رايك تقومين نتمشى شوي تغيرين من نفسيتك ومنها اقولك اخبار تغير نفسيتك شوي
ميهاف تنهدت بإبتسامه : يلا
وقامو يتمشون وكل وحده ساكته وغارقه بتفكيرها
قطعت الصمت ميهاف : اييه .. قولي لي وش عندك من اخبار
منار ابتسمت : بتصير عندنا خطوبه جديده عن قريب
وقفت ميهاف وقابلتها : دقيقه افكرر ااامممممم
قاطعتها منار : اساعدك شوي ، بتصير عندي مرت اخو جديده
جممدت ملامحهاااا وعيونها سكنت عن الحركه حست بشي ضرب قلبها ضربه قويه من زود ماحست انه يوجعهاا ، حاولت تتدارك نفسها وتتصنع الإبتسامه : منو ؟
منار وهي تبتسم تتصنع البراءه وتسوي انها مو حاسه على شي : بو العز قال لابوي وامي انه يبي يعرس وطلب من امي تخطب له
بلعت ريقها وهي تحاول تحتفظ بإبتسامتها قد ماتقدر وصوتها بالحيل يطلع : م .." سحبت نفس " مبروك مقدما
منار وهي تمسك يد ميهاف بحماس : اففف ماتصدقين وش كثر متحمسه لزواجه هو بالذات اووووهه يااني برقص بعرسه لحتى تتكسر رجولي من التعب
سحبت يدينها بسرعه وهي تفرك جبينها : منار الوقت تأخر وابي ارجع البيت
منار برطمت : يووووهه الوقت بدري تكفين عاد
ميهاف بمزاج متعكر : لا خلاص ماابي اتمشكل خليني ارجع
منار : تمام ، وراحو رجعو لمكانهم واتصلت منار على عبد العزيز وطلبت منه يجي عشان يرجعون ميهاف للبيت
وطـول الطريق كانت ميهاف ساكته وصاده بجهة النافذه وتفرك يدينها ببعض
لاحظ عبد العزيز ان مزاجها تغير وملامح وجهها تثبت هالشي
وأول مادخلو الشارع الي فيه بيت بو ثآمر انصصصدم عبد العزيز ولف لميهاف من غير مايحس !!
.
.
.
نـــــهــــايــــة الـــــبـــــــــــارت [/align]
|