عرض مشاركة واحدة
قديم 20-09-20, 04:06 AM   #24

Reem1997

نجم روايتي

 
الصورة الرمزية Reem1997

? العضوٌ??? » 410013
?  التسِجيلٌ » Oct 2017
? مشَارَ?اتْي » 1,948
? الًجنِس »
? دولتي » دولتي Yemen
?  نُقآطِيْ » Reem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond reputeReem1997 has a reputation beyond repute
¬» مشروبك   cola
?? ??? ~
My Mms ~
افتراضي

اقتباس:
المشاركة الأصلية كتبت بواسطة طيــر مشاهدة المشاركة
حدثنا

~ عن طقوسك في الكتابة ,..؟

بين الكمبيوتر والسيجارا

بينَ خفقة ٍ وَ دمعه ..

بين غيمةٍ و غيمة ..

المسافة بين فكرتي و " أنتم " .. هي الكتابه


|| نافذه

~ نافذة تأخذك إلى كل مكان ,..إلى أين تتسلل ؟
إلى ذلك الجسر الشتوي .. الوحيد

~ على من تتلصص ؟ على نفسي .. وضعفي ..وغبائي .. كم جبانٌ أنا حينَ أضعت تلك الفرص
كم أحمق لا زلت .. على هفواتي والتي يجب استدراكها وحالا ً .. ولا زلت لا أحرك ساكنا ً

~ إلى أي الأيام تهرب ؟
ربما .. لذلك اليوم الذي يصبح لقلبي أرجوحه في قلوب أحبتي


~ في أي الفصول تعيش ؟

في الفصل الأبعد و القريب ,
بينَ علامة السؤال والنقطة ..
في سبابةِ شجرة بدأت تصفر أوراقها وهي تشير الى السماء


~ متى تهرب ؟

حالا وفورا .. منذ زمن بدأت ولا زلت

~ بماذا ستملئ حقيبتك ؟
لن أحمل حقيبة

~ كيف تحدد وجهتك ؟

الطريق الأكثر ورودا ً ساسلكه

~ شكل سماءك ؟

ليتها تبقى رماديةً باردة , طوال الياسمين

~ وسيلة سفرك ؟ سفينة .. قد تكون فضائية ههه !

~ ماذا ستغني ؟

لن اغني ,, سأتحدث مع الاشجار .. والطيور ..وادعو الا اصادف شيئا متحركا بالطريق

~ هل ستخبر احدا ؟ كلا .. فلا أحد سيفتقدني ولن يتنظرني أحد

أتعشق الطريق أم الوصول ؟
الطريق .. إني ربما لا أصل

---

|| أنت

~ بين الفيس و الانستا و .. الخ اين تقبع ؟

بيني وبين الفيس حالة تفاهم ..لكني لا أقبع فيه !

~ نسبة اقتباس قتاعاتك من الاخرين

ربما كثيرا ً .. فأنا أصغر اصدقائي .. وكثيرا ً ما كنت منعزلا ..
لذلك كتير بتهمني اراء الناس وافكارهم ..
لكني أحتفظ باسقاط شعوري نحو الاحداث .. وَ أبني فوقه


~ نسبة اقتباس شخصيتك من الاخرين
من 0 الى 10 .. الانسان بيتطور .. وكان عندي ناس حب كون متلا بيوم من الايام .. بعدين بطلت

~ من يلفت نظرك ؟
يلي بيقدر يبث الامان بقلب خايف
ويجبر بخاطر يلي حواليه

يلي بيكون موجوع وما بيحكي .. يلي بمسح دمعه غيره وقلبه عم يبكي وماحدا حاسس

هاد الشخص الوحيد يلي بياثر فيني
لاني انا بس اضايق بروح لعندو
بعمرو هو ماردني .. وبعمري مافكرت انه الو مشاكل .. وهو لما يتضايق ما بيجي لعندي ..
و كتير بغار من الشخص يلي هو بروح لعندو بس يضايق

~ كتاب مقدس لم يوجد عبثا في مكتبتك ؟
ماعندي مكتبة

~ تختلف قيمة الأسرار بنوعيتها أم بأهمية أصحابها
اهمية اصحابها

~ طقس تحافظ عليه
اديشني حمار ع هيك اسئلة ! ماخاطر ببالي ولا طقس والله
إنو وين كان مخي وانا عم بكتب هيك اسئلة ؟
وانتي مبسوطه ماهيك ... بتخليني جاوب!


~ ألديك وسوسة في أمر ما
نعم

~ متفائل ؟ كلا لكني أحب الهدوء النفسي الذي يعتريني حين اعلم ان الله لا يخذل يدا طرقت بابه


~ المطربون القدامى ؟ ...أتطرب لهم ؟ ومن منهم الأقرب لذائقتك ؟
بمن استبدلتهم ؟

نعم جدا .. لااستبدلهم


~ جبينُ صباحك متى يبزغ ,.. كيفَ يبدو ,.. متى يكون مثاليا ؟
يكون مثاليا حين اكون وحدي والدنيي ضباب و برد و البيت دافي

~ قهوتك متى تشربها؟ .. طول اليوم .. قهوة شاي نسكافيه


~ أنتِ شخص هادئ \ منفعل \ فوضوي \ سهل \ منظم .. الخ؟ مع الاسهاب
أنا هادئ .. صامت اغلب الوقت لانه مافي حدا حاكيه يمكن
لكني بضوج بسرعه من الشي الغلط
وبضوج من حالي بس كركب مكان مابقعد وما اعرف رتبه


~ أنتِ في نفق طويل ~ على أي مشهد تتمنى أن ينتهي النفق ؟
اني كون ع سفح جبل عالي .. وضباب وجبال خضرا .. وهوا

~ نسبة ثقتك بصديقك ؟ ماجربتو ومابحب جربو ل ما اخسرو

~ متى تغفر ,.. ومتى لا تغفر ؟ مابغفر لاي حدا بعدني عن الطريق يلي رسمته لحياتي او اباح لنفسه يتعدى حدوده ..لانه يلي بتعدى حدودو بدون ازنك بكون مالو امان

~ متى تقلب الصفحة ؟
بس قلبي ينقز من لي قبالي أو بس يتكرر الخطأ

~ هل تعتذر .. نعم

~ هل تصفح بسهولة .. إذا احسن الاعتذار

~ هل تحب الحياة ؟ حسناً .. ربما لو !

~ بتوقف مع رفيقك او مع الحق ..

بوقف مع الحق من وجهة نظري .. لاني برفض الظلم بكل اشكالو

~ نبرة صوتك ؟ واطي بشكل عام

~ شي خاص عنك ؟ ما بتدخل فيك =ما بسمحلك تتدخل فيني

هل يوجد ... واذا حبيت تقول مين ؟ نعم .. ولاء !

عضو بس تشوفو اون بتفرح .. كتار والله لا يحرمنا منهم ويرجعوا الغايبين بالسلامة

عضو بينك وبينه مشكل .. مابعرف لو فيه

عضو تهديه وردة .. كل حدا قاسمته حرف بيوم بهديه وردة

عضو تهديه شوكة ..

انا ما بهدي شوك ولا باذي حدا وماعندي هدية الها وجهين او تضمر عكس ما تظهر ..
لكن للي اذوني هديتي الن هي حسبي الله ونعم الوكيل .. وبمشي

عضو بتتمنى لو تهديه غنيه ..لا احد

عضو ردوده مختلفه .. كل رواد القسم الادبي

عضو له مدونه ملفته .. مافي مدونات هون

عضو تتابعه .. كلن والله

عضو مشتاق له .. الغايبين والحاضرين بس غيب عنن

عضو طفولي .. كل حدا في جواتو هداك الطفل يلي كلنا هلق صرنا نعرف انه من الافضل و الاجمل و الاسلم انه مايكبر

عضو فكرو بيشبهك .. موضوعي الوحيد ويلي كان فيه رايي او اعتقاد ممكن تقول عنه بشبهني كان الكل مختلف عني و ضدي فيه
ومالقيت فيه حدا يشبهني الا اخر رد

ما الذي ينقصك لكي تكون سعيدا ..
اي عد لقلك .. مال العم دهب ..ذكاء شارلوك هولمز .. قلم بعض الكتّاب الرائعين .. كوكب أخر .. وَ هيَ!


أعظم شعور يحس به الانسان ؟ الامان

أعظم شعور تمنحه لانسان ؟ الامان ايضا

أسوء شعور تمنحه لانسان ؟
لما تحسسه انك غدار ..
لما يكون الشخص هاد مافي منه مهرب .. العلاقة بينكم لا تنتهي .. متل الدائرة الملعونة
وكل شي بيعرفه عنك - بحكم القرابة مثلا ..
هالشخص مستحيل يمد ايدو الك يساعدك ..وازا مدها .. هالشخص بيدفنك
وبيقدر بلحظة يحطم كلشي فوق راسك .. لانه بيعرف كيف يلعب بلخيوط .. !
ولانه متل الحية .. مافي بقلبو الا السم ..

- كيف بتحب تاكل البيض ؟

بحبو عيون

- شرابك المفضل ؟

شاي

- فلمك المفضل

سريز هاري بوتر يحضرني هذه اللحظه

- لونك المفضل

اسود و ازرق .. و رمادي

قسم بتحبه اكتر شي ~ قسم نادرا ما تفوته

الادبي .. الروايات

كنت تحب المدرسة ؟ شو اكتر حصة بتحبها وشو اكتر حصة بتكرهها ؟

نعم .. مم حسب الاستاذ كنت إكره الفيزيا بالتاسع وصرت حبا بالبكالوريا .. بكره حصص التاريخ و الجغرافيا

عمرك اخدت صفر بشي مادة ؟ عمرك غشيت ؟

صفر لاء .. بس طبعا بغش

[/I]
[/SIZE]

مراحب مراحب
هي هذي الاسئلة بس ؟
ليش لما جاوبت انا حسيتهم كثار ولما قرأتها هنا كانوا خفيفين لطيفين هه؟
السبب كلماتك المنمقة والي احساسها عالي ويمكن غمستها بالصدق عشان كذا دخلت للقلب بسرعة ههه
برغم كل الأسى بالأجوبة الا انه حروف الامل بتزاحم بين رماديتها
باين الحياة استعجلت فيك ببداية العمر واعطتك صفاعاتها بسرعة عشان كذا انت مش متأمل لها بالكثير لانها بتغدر بأي لحظة
بس يمكن احسن من الي بيكبروا وهم يحسبوا الحياة وردي وتجيهم الصفعات متلاحقه وتغرقهم ببحر الخيبات

ردود شجاعة مش زي همس جاوبت كم سؤال ههه


Reem1997 غير متواجد حالياً   رد مع اقتباس