عرض مشاركة واحدة
قديم 20-09-20, 03:54 PM   #52

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



ﺑﺎﺭﺕ 44
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ

💔💔💔💔💔💔💔💔💔
ﺃﻓﻀﻞ ﻛﺘﺎﺏ ﻗﺮﺃﺗﻪ ﻫﻮ ﺃﻣﻰ، ﺃﻓﻀﻞ ﺣﻜﻤﺔ ﺗﻌﻠﻤﺘﻬﺎ ﻛﺎﻧﺖ ﻣﻦ ﺃﻣﻰ، ﻻ ﺗﻮﺟﺪ ﻓﻲ ﺍﻟﻌﺎﻟﻢ ﻭﺳﺎﺩﺓ ﺃﻧﻌﻢ ﻣﻦ ﺣﻀﻦ ﺍﻷﻡ، ﻭﻻ ﻭﺭﺩﺓ ﺃﺟﻤﻞ ﻣﻦ ﺛﻐﺮﻫﺎ .
....................................
ﺍﻛﻮ ﺷﻌﻮﺭ ﺑﺪﺍﺧﻠﻲ ﻻ ﻳﻨﺤﺠﻲ ﻭﻻ ﻳﻨﺒﺠﻲ ﻭﻻ ﻳﻨﻜﺘﺐ ﻫﻮ ﺑﺲ ﻳﻮﺟﻌﻨﻲ
ﺟﺎﺳﺮ ﺟﻨﺖ ﺍﺭﻳﺪﻩ ﻫﻮﻩ ﻳﺪﺍﻭﻱ ﺟﺮﻭﺣﻲ ﺍﺫﺍ ﻧﺰﻓﺖ ﺟﺒﻞ ﺷﺎﻣﺦ ﻳﺪﺍﻋﺐ ﺧﻄﻮﺍﺗﻲ ﻭﻳﺤﻀﻨﻲ ﺍﺫﺍ ﺗﻌﺒﺖ ..
ﻧﻬﺮ ﺍﺑﻴﺾ ﻳﻐﺴﻞ ﺫﻧﻮﺑﻲ ﺍﺫﺍ ﻏﻠﻄﺖ
ﺭﺩﺗﻪ ﻣﺜﻞ ﺍﻟﺒﺤﺮ ﺍﻟﻲ ﺍﺷﺮﺏ ﻣﻨﻪ ﺍﺫﺍ ﻋﻄﺸﺖ ﻣﻦ ﺑﻌﺪ ﻣﺴﻴﺮﺓ ﻣﻦ ﺍﻻﻟﻢ ...
ﺭﺩﺕ ﺍﻋﻴﺶ ﻋﻠﺊ ﻛﻮﻛﺐ ﺍﻻﺭﺽ ﻣﻮ ﻛﻮﻛﺐ ﺍﻟﻘﺴﺎﺓ
ﺷﻔﺖ ﺍﺧﻮﻳﻪ ﻣﺮﺑﻮﻁ ﻋﻠﺊ ﺍﻟﻜﺮﺳﻲ ﻭﺣﺎﻟﺘﻪ ﻳﺮﺛﺊ ﺍﻟﻬﺎ ﺭﻛﻀﺖ ﻋﻠﻴﻪ ﺑﻠﻬﻔﻪ ﻭﻋﻤﻲ ﻋﻜﺎﺏ ﺍﺧﺬ ﻣﺠﺘﺒﺊ ﻣﻨﻲ ﻭﻫﻮ ﻻﺯﻡ ﻣﻤﻴﺘﻪ ﻭﻳﺮﺿﻊ ﺑﻴﻬﺎ ﻭﻳﺒﺎﻭﻋﻠﻲ ﺑﺬﻫﻮﻝ ..
ﺣﺎﺯﻡ ﺑﺎﻭﻋﻠﻲ ﺑﺼﺪﻣﻪ ﻭﺗﻌﺐ ﻫﻤﺲ ﺑﺼﻮﻭﺕ ﻣﻮﺟﻮﻉ ... ﺟﻮﻟﻴﻴﻴﺖ
ﺭﻛﻀﺖ ﻋﻠﻴﻪ ﻭﺣﻀﻨﺘﻪ ﻭﻫﻮ ﻣﺮﺑﻮﻭﻁ ﺻﺮﺧﺖ ﺑﻨﺤﻴﺐ ﻭﺍﻧﻲ ﺍﺷﻢ ﺑﻴﻪ ... ﻳﻤﻪ ﺭﻳﺤﺔ ﺍﻣﻲ ﺑﻴﻴﻴﻚ ﺣﺎﺯﻡ ﺷﺴﻮﻳﺘﻮﺍ ﺑﻴﻪ ﻟﻴﺶ ﻇﻠﻤﺘﻮﻧﻲ ...
ﺷﻬﻜﺖ ﺑﺮﺟﻔﻪ ﻭﻫﻮ ﻳﺒﺠﻲ ﻭﻳﻬﻤﺲ ﺑﺼﻮﺕ ﻣﺘﻌﻮﺏ ... ﺟﻮﻟﻴﻴﺖ ﺩﻣﺮﻧﺎﺝ ﺟﻮﻟﻴﻴﺖ ﺟﻮﻟﻴﻴﺖ ﺍﺣﻨﻪ ﻣﻮ ﺍﺧﻮﻩ ﺍﺣﻨﻪ ﺍﻋﺪﺍﺀ ...
ﺗﺠﺎﻫﻠﺖ ﻛﻼﻣﻪ ﻭﺍﻧﻲ ﺍﺷﻬﻚ ﻣﻦ ﺍﻟﺒﺠﻲ ﻭﺛﻨﻴﺖ ﺭﺟﻠﻴﻪ ﻛﻌﺪﺕ ﻋﻠﺊ ﺭﻛﺒﻲ ﻭﻓﺘﺤﺖ ﺍﺩﻳﻪ ﻣﺮﺑﻮﻃﺎﺕ ﺑﺤﺒﻞ ﻗﻮﻭﻭﻱ ﻣﻦ ﺍﻟﺨﻮﻑ ﻭﺍﻟﺮﻋﺐ ﻭﺍﻟﻘﻠﻖ ﻣﺎ ﻋﺮﻓﺖ ﺣﺘﺊ ﺷﻠﻮﻥ ﺍﻓﺘﺤﻬﻦ ....
ﺍﻭﻝ ﻣﺎ ﺣﺮﺭﺕ ﺍﺩﻳﻪ ﻫﻮ ﻭﻛﻒ ﺑﻠﻬﻔﻪ ﻭﺍﺣﺘﻀﻨﻲ ﺑﻜﻞ ﻗﻮﻭﻭﻭﻩ ﺑﺤﻴﺚ ﺣﺴﻴﺖ ﺍﺿﻼﻋﻲ ﺗﻜﺴﺮﺕ ﺑﻴﻦ ﺍﺩﻳﻪ
ﻭﻳﺒﺠﻲ ﺑﺼﻮﺕ ﻋﺎﻟﻲ ﻭﻳﻜﻄﻊ ﺍﻟﻜﻠﺐ ﻭﻳﺸﻢ ﺑﻴﻪ ﻭﻳﺒﻮﺳﻨﻲ ﻭﺍﻧﻲ ﺣﺎﻟﻪ ﺍﺭﺩﺉ ﻣﻦ ﺣﺎﻟﻪ ﻭﺍﻟﺪﻣﻮﻉ ﻣﻄﺮ ﻣﻦ ﺣﺰﻥ ...
ﺍﺑﺘﻌﺪ ﺷﻮﻳﻪ ﻭﺍﺣﺘﻀﻦ ﻭﺟﻬﻲ ﺑﻴﻦ ﻛﻔﻮﻓﻪ ﻭﺍﻧﻲ ﺍﺷﻬﻚ ﺑﻐﺼﻪ ﺗﺨﺘﺮﻕ ﻧﻴﺎﻁ ﮔﻠﺒﻲ ...
ﺑﺎﺳﻨﻲ ﺑﻮﺟﻬﻲ ﻭﺟﺒﻴﻨﻲ ﻭﺧﺪﻱ ﻭﻳﻴﺠﻲ ﺣﻴﻴﻞ ﺑﻌﺪﻫﺎ ﺭﻓﻊ ﺍﺩﻳﻪ ﻭﺑﺎﺳﻬﻦ
ﻫﻤﺲ ﺑﻌﺬﺍﺏ ﻭﻋﺒﺮﻩ ... ﺟﻮﻟﻴﻴﺖ ﺍﺣﻨﻪ ﺍﻟﺪﻣﺮﻧﻪ ﺣﻴﺎﺗﺞ ﻣﻦ ﻧﻌﻮﻣﺔ ﺍﺿﺎﻓﺮﺝ ﻭﻫﺴﻪ ﺍﻧﺘﻲ ﺟﺎﻳﻪ ﺗﻨﻘﺬﻳﻨﻲ ﻣﻦ ﺍﻟﻤﻮﺕ ﻭﻣﻀﺤﻴﻪ ﺑﺮﻭﺣﺞ
ﺳﺤﺒﺖ ﺍﺩﻳﻪ ﻭﺭﺟﻌﺖ ﺣﻀﻨﺘﻪ ... ﺣﺎﺯﻡ ﺗﻌﺬﺑﺖ ﻭﺍﻟﻠﻪ ﻛﻞ ﻳﻮﻡ ﻣﺎ ﺍﻧﺎﻡ ﺍﺫﺍ ﻣﺎ ﺍﺫﻛﺮﻛﻢ ﺣﺎﺯﻡ ﺻﺪﻙ ﺍﺑﻮﻳﻪ ﻣﺎﺍﺍﺕ ﺍﻣﻲ ﺷﻠﻮﻧﻬﺎ
ﻣﺴﺢ ﺍﻟﺪﻣﻌﻪ ﺍﻟﺤﺰﻳﻨﻪ ﻣﻦ ﻋﻴﻨﻲ ﻭﻋﻴﻮﻧﻪ ﻏﺮﻛﺎﻧﻪ ﺑﺎﻟﺪﻣﻮﻉ ... ﺍﻱ ﺟﻮﻭﻟﻴﻴﺖ ﻣﺎﺕ ﻭﻫﻮ ﻳﺴﺄﻝ ﻋﻨﺞ ﻭﺍﺧﺮ ﻛﻠﻤﻪ ﻧﻄﻘﻬﺎ ﻗﺒﻞ ﻻ ﻳﻤﻮﺕ ﻫﻮ ﺍﺳﻤﺞ
ﺟﺎﻥ ﻳﻬﻤﺲ ﺑﺴﻤﺞ ﻭﻳﻜﻮﻝ .. ﺑﻮﻳﻪ ﺣﺎﺯﻡ ﺍﻧﺖ ﺍﺣﻦ ﻣﻦ ﻋﺎﺻﻢ ﺍﺧﻴﺘﻚ ﺫﻣﻪ ﺑﺮﻛﺒﺘﻚ
ﻟﺤﺪ ﺍﻻﻥ ﺍﺫﻛﺮﻩ ﻣﻦ ﺭﻓﻊ ﺍﺻﺒﻌﻪ ﻭﻫﻮ ﻳﺤﺘﻀﺮ ﻭﺍﻟﻤﻮﺕ ﻣﺤﺎﺻﺮﻩ ﻛﺎﻝ ... ﺟﻴﺒﻮﻟﻲ ﺟﻮﻟﻴﻴﺖ ﺍﺭﻳﺪ ﺍﺣﻀﻨﻬﺎ ﺍﺭﻳﺪ ﺍﻭﺩﻋﻬﺎ
ﺻﺮﺧﺖ ﺑﺼﻮﺕ ﻋﺎﻟﻲ ﻭﺍﻧﻬﻴﺎﺭ ... ﻟﻴﻴﻴﺶ ﺣﺎﺯﻡ ﻟﻴﻴﺶ ﺍﻧﻲ ﺍﺧﺘﻜﻢ ﻣﻮ ﻋﺪﻭﺗﻜﻢ ﻭﺍﻟﻠﻪ ﻣﻮ ﻋﺪﻭﺗﻜﻢ ﻭﺍﻟﻠﻪ ﺍﺣﺒﻜﻢ ﺭﻏﻢ ﻛﻮﻭﻭﻟﺸﻲ ﺳﻮﻳﺘﻮﺍ ﺑﻴﻪ
ﺍﺑﻮﻳﻪ ﻳﻤﻮﺕ ﻭﻣﺎ ﺍﻋﺮﻑ ﺩﻣﺮﺗﻮﻧﻲ ﻭﺍﻟﻠﻪ ﺫﺑﺤﺘﻮﻧﻲ ﻭﺳﻮﺩﺗﻮﺍ ﻋﻴﺸﺘﻲ
ﻭﻛﻞ ﻫﺬﺍ ﻭﻣﺎ ﺍﺭﻳﺪ ﺍﻟﻜﻢ ﺍﻻﺫﻳﻪ ﻭﻻ ﻫﻮ ﺍﺭﻳﺪﻩ ﺗﺘﻠﻄﺦ ﺍﻳﺪﻩ ﺑﺪﻣﻜﻢ
ﺍﻧﻲ ﺍﻻﺿﺤﻲ ﺑﺮﻭﺣﻲ ﺍﻟﺨﺎﻃﺮﻛﻢ ﻭﺍﻟﺨﺎﻃﺮﻩ ﻭﻣﺎ ﻣﺤﺼﻠﻪ ﻣﻨﻜﻢ ﺑﺲ ﺍﻻﻫﺎﻧﻪ ﻭﺍﻟﺘﻜﻔﺦ
ﻟﻴﺶ ﺣﺎﺯﻡ ﺷﻠﻮﻥ ﺗﻨﺎﻡ ﻋﻴﻮﻧﻜﻢ ﻭﺍﺧﺘﻜﻢ ﺗﻨﺎﻡ ﻣﻬﻀﻮﻣﻪ ﺗﺪﺭﻭﻥ ﺷﻨﻮ ﺍﻟﻌﺸﺘﻪ ﻭﺷﻨﻮ ﺍﻟﺼﺎﺭ ﺑﻴﻪ
ﻟﺰﻣﺘﻪ ﻣﻦ ﺍﻳﺪﻩ ﻭﺍﻟﺪﻣﻌﻪ ﺗﻨﺰﻝ ﻭﺗﺘﻼﻫﺎ ﻋﺸﺮﻳﻦ ﺩﻣﻌﻪ ... ﺭﻭﺡ ﺣﺎﺯﻡ ﺍﻧﻘﺬ ﻧﻔﺴﻚ ﺳﺎﻓﺮﻭﺍ ﻫﺎﺟﺮﻭﺍ ﻭﻳﻦ ﻣﺎ ﺗﺮﺣﻮﻥ ﺭﻭﺣﻮﺍ ﺑﺲ ﺍﻟﻤﻬﻢ ﻻ ﺗﻀﻠﻮﻥ ﻫﻨﺎ
ﺍﺣﺘﻀﻨﻲ ﺑﺎﻟﻢ ﻭﻫﻮ ﻳﺘﻌﺬﺭ ... ﺻﺪﻙ ﻳﺎ ﺟﻮﻟﻲ ﻋﺬﺑﻨﺎﺝ ﻭﺩﻣﺮﻧﺎﺝ ﻭﺳﻮﺩﻧﻪ ﻋﻴﺸﺘﺞ ﺧﻮﻳﻴﻪ ﺍﻟﻜﻼﻡ ﻫﻮﻭﻭﺍﻱ ﻭﻫﺎﻟﻪ ﻟﻌﺒﺖ ﻋﻠﺊ ﺍﻟﺤﺒﻠﻴﻦ
ﺻﺤﻜﺖ ﺑﺎﺳﺘﻬﺰﺍﺀ ... ﻭﺍﻧﺘﻢ ﺩﻭﻡ ﻣﺼﺪﻛﻴﻬﺎ ﺍﺑﺪ ﻣﺎ ﻋﻨﺪﻛﻢ ﺛﻘﻪ ﺑﻴﻪ ﻭﺍﻧﻲ ﺍﺧﺘﻜﻢ ﻣﻦ ﻣﻜﻢ ﻭﻟﺤﻜﻢ ﺷﺤﺠﺖ ﻋﻨﻲ ﻫﺎ ﺳﺎﻓﻠﻪ ﻫﺎﻱ ...
ﺟﺮ ﻧﻔﺲ ﻭﺗﻨﻬﺪ ... ﺟﺎﺑﺖ ﺗﺼﻮﻳﺮ ﺍﻟﻌﺮﺱ ﻭﻗﺎﺭ ﻭﺍﻧﺘﻲ ﺣﺎﺿﺮﺗﻪ ﻭﺍﺑﻮﻱ ﻣﺎ ﺻﺎﺭ ﻛﻢ ﺍﺳﺒﻮﻉ ﻣﻦ ﻣﺎﺍﺍﺕ
ﺍﺑﺘﺴﻤﺖ ﺑﺎﻟﻢ ... ﺍﻧﻲ ﻣﺎ ﻋﻨﺪﻱ ﺣﻆ ﻭﻳﻪ ﺍﻟﻜﻞ ﺷﻔﺖ ﺣﻈﻲ ﺣﺘﺊ ﻭﻳﺎﻛﻢ ﺍﻧﺘﻮ ﻟﺨﻮﺍﻧﻲ ﺣﻈﻲ ﻣﻌﺪﻭﻡ ﺍﻧﻲ ﺍﻟﻲ ﺍﻧﻌﺎﻛﻢ ﺑﻜﻞ ﺻﺒﺢ ﻭﻣﺴﻴﻪ
ﺗﺘﻬﻤﻮﻧﻲ ﻫﻴﺞ ﺑﺎﻃﻞ ﻭﺗﺼﺪﻛﻮﻥ ﻫﺎﻟﻪ ﺍﻟﺰﺑﺎﻟﻪ ﻟﻚ ﺣﺎﺍﺍﺯﻡ ﻫﺬﺍ ﺍﺑﻮﻳﻪ ﺍﻟﻲ ﺍﺣﻦ ﻋﻠﻴﻪ ﻣﻦ ﻧﻔﺴﻲ ﺷﻠﻮﻥ ﻫﻴﻴﺞ ﺍﺳﻮﻱ ﺑﺲ ﺍﻧﻲ ﻣﺠﻨﺖ ﺍﻋﺮﻑ ﻭﻫﻲ ﺍﻟﻜﻠﺒﻪ ﻣﺎ ﻛﻠﺘﻠﻲ
ﻭﺣﺘﺊ ﺣﺰﻥ ﻋﻠﺊ ﺍﺑﻮﻳﻪ ﻣﺎ ﺧﻠﺘﻨﻲ ﺍﺣﺰﻥ ﺷﻔﺖ ﻫﻴﻴﺞ ﺣﻘﺎﺭﻩ ﺑﺲ ﻭﺍﻟﻠﻪ ﻣﺎ ﺍﻋﺘﺐ ﻋﻠﻴﻬﺎ ﺍﻋﺘﺐ ﻋﻠﻴﻜﻢ ﺍﻧﺘﻢ ﺍﻫﻠﻲ ﺻﺪﻛﺘﻮﻫﺎ ﻣﺮﻩ ﻻ ﺗﺼﺪﻛﻮﻫﺎ ﻣﺮﺗﻴﻦ
ﻭﻫﻲ ﺍﻟﻲ ﻋﻠﺴﺘﻚ ﻭﺍﻧﻄﺘﻚ ﺿﺤﻴﺔ ﺍﻟﺠﺎﺳﺮ ﺩﻳﺮﻭﺍ ﺑﺎﻟﻜﻢ ﻣﺮﻩ ﺛﺎﻧﻴﻪ ﻭﻻ ﺗﺘﻮﺍﺻﻠﻮﻥ ﻭﻳﻪ ﻋﻤﻲ ﻻﻥ ﻫﺎﻱ ﻣﺸﺘﻐﻠﻪ ﺟﺎﺳﻮﺳﻪ ﻋﻠﻴﻜﻢ
ﺗﻨﻬﺪ ﺑﻌﺼﺒﻴﺔ ﻭﻗﺒﺾ ﺍﻳﺪﻩ ﺑﻐﻀﺐ ... ﺑﺴﻴﻄﻪ ﺍﻟﻪ ﺍﺧﻠﻲ ﻋﻤﻲ ﻳﻌﻴﺪ ﺗﺮﺑﻴﺘﻬﺎ ﻫﻞ ﺳﺎﻗﻄﻪ ﻫﺎﺍﺍﻱ ﺗﺎﺧﺬ ﻛﻼﻡ ﻭﺗﻨﻘﻞ ﻛﻼﻡ
ﺍﺑﺘﺴﻤﺖ ﺑﺎﻧﺬﺑﺎﺡ ... ﺩﻛﻮﻝ ﺍﻣﺞ ﺗﺒﺮﺕ ﻣﻨﺞ ﺻﺪﻙ ﻫﺬﺍ ﺍﻟﺤﺠﻲ ﻭﻟﻮ ﺍﻋﺮﻑ ﻣﺴﺘﺤﻴﻞ ﻣﺎﻣﺎ ﺗﺘﺒﺮﻩ ﻣﻨﻲ
ﺟﺎﻭﺑﻨﻲ ﺑﻘﻤﺔ ﻏﻀﺒﻪ ... ﺧﻠﻲ ﺗﻮﻭﻭﻭﻟﻲ ﻃﺎﻳﺤﺔ ﺍﻟﺤﻆ ﻫﺎﻱ ﺍﻣﻲ ﺗﺘﻤﻨﻪ ﺗﻨﺎﻡ ﻋﻠﺊ ﺗﺮﺍﺏ ﺭﺟﻠﻴﺞ ﻭﻣﺘﻌﺬﺑﻪ ﻋﻠﻴﺞ ﻭﺍﻟﻠﻪ ﺑﺲ ﻋﺎﺻﻢ ﻛﺎﻃﻊ ﻋﻠﻴﻬﺎ ﻛﻞ ﺷﺊ ﻳﺨﺼﺞ
ﺟﺮﻳﺖ ﻧﻔﺲ ... ﺍﻟﻠﻪ ﻛﺮﻳﻢ ﺍﻥ ﺷﺎﺀ ﺍﻟﻠﻪ ﺗﻨﺤﻞ ﺍﻻﻣﻮﺭ
ﺭﺟﻊ ﺍﺣﺘﻀﻨﻲ ﻭﺑﺎﺳﻨﻲ ﻫﻤﺲ ﻋﻨﺪ ﺍﺫﻧﻲ ... ﺟﻮﻟﻴﻴﺖ ﻗﺮﺭﺕ ﺍﺳﻠﻢ ﻧﻔﺴﻲ ﻟﻠﺸﺮﻃﻪ ﻭﺍﺧﺬ ﻣﻜﺎﻥ ﻋﺎﺻﻢ ﻭﺍﻛﻮﻟﻬﻢ ﺍﻧﻲ ﺍﻟﻲ ﻗﺘﻠﺖ ﺍﻫﻞ ﺟﺎﺳﺮ ﺣﺘﺊ ﺍﻧﺘﻲ ﺗﺮﺗﺎﺣﻴﻦ
ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻪ ﺍﻣﻨﻊ ﻛﻼﻣﻪ ﻭﺍﻟﺼﺪﻣﻪ ﺍﻟﺠﻤﺖ ﻛﻞ ﺣﻮﺍﺳﻲ ... ﺍﺭﺗﺎﺍﺍﺍﺡ ... ﺍﺭﺗﺎﺍﺍﺡ ﺣﺎﺯﻡ؟ ﺷﻨﻮ ﻫﻞ ﻛﻼﻡ ﺍﻧﺖ ﻣﻈﻠﻮﻡ ﻭﻣﺴﺠﻮﻥ ﻭﺍﻧﻲ ﺍﺭﺗﺎﺡ؟
ﺍﻧﺖ ﻣﺎ ﺍﻟﻚ ﺫﻧﺐ ﺑﺎﻟﺼﺎﺭ ﺧﻠﻲ ﻋﺎﺻﻢ ﻫﻮ ﻳﺴﻠﻢ ﻧﻔﺴﻪ ﻭﻳﺎﺭﻳﺖ ﻟﻮ ﻳﺴﻠﻢ ﻧﻔﺴﻪ
ﺭﺩ ﺣﺎﺯﻡ ﺑﻘﻬﺮ ... ﻫﻮ ﻣﻴﻘﺒﻞ ﻳﺴﻠﻢ ﻧﻔﺴﻪ ﻭﻳﻜﻮﻝ ﺍﺣﺎﻭﻝ ﺍﺻﻠﺢ ﺍﻟﺼﺎﺭ
ﺟﺎﻭﺑﺘﻪ ﺑﺎﺳﺘﻨﻜﺎﺭ ... ﺷﻨﻮ ﺍﻟﻲ ﻳﺼﻠﺤﻪ ﻋﺎﺻﻢ؟ ﻟﻚ ﺣﺎﺯﻡ ﻫﺬﺍ ﺑﺮﮔﺒﺘﻪ ﺩﻡ ﻟﺘﻼﺛﻪ ﺗﻌﺮﻑ ﺷﻨﻮ ﺗﻼﺛﻪ ﻭﺟﺎﺳﺮ ﻣﺎ ﻳﻨﺎﻡ ﻋﻠﺊ ﺣﻘﻪ ﻭﻣﻮ ﻛﻞ ﻣﺮﻩ ﺗﺴﻠﻢ ﺍﻟﺠﺮﻩ
ﺍﺣﺘﻤﺎﻝ ﻳﻘﺘﻠﻪ ﺧﻠﻲ ﻳﺴﻠﻢ ﻧﻔﺴﻪ ﻭﻳﺨﻠﺼﻨﻪ ﻣﻦ ﻫﻞ ﻣﻬﺰﻟﻪ
ﺗﻨﻬﺪ ﺑﻀﻴﻖ ... ﺍﻥ ﺷﺎﺀ ﺍﻟﻠﻪ ﺍﺧﻠﻲ ﻳﺴﻠﻢ ﻧﻔﺴﻪ ﻭﻏﺼﺒﺎ ﻋﻠﻴﻪ ﻭﺍﺫﺍ ﻣﺎ ﻗﺒﻞ ﺍﻧﻲ ﺍﺷﺘﻜﻲ ﻋﻠﻴﻪ
ﺿﺤﻜﺖ ... ﻫﻢ ﻣﺸﻜﻠﻪ ﻻﻥ ﺟﺎﺳﺮ ﺣﻴﺒﺮﻱ ﻣﻦ ﺍﻟﺘﻬﻤﻪ ﻫﻮ ﻳﺮﻳﺪ ﻳﻘﺘﻠﻪ ﺑﻴﺪﻩ ...
ﻭﺗﺮﺉ ﺍﻟﺼﺎﺭ ﺑﺠﺎﺳﺮ ﻣﻮ ﻗﻠﻴﻞ ﻳﻬﺪ ﺟﺒﺎﻝ ﻭﺍﻟﻠﻪ ﻗﺘﻞ ﺗﻼﺛﻪ ﻣﻦ ﺍﻫﻠﻪ ﻭﺑﻨﺘﻪ ﺍﻟﻲ ﺍﻋﺰ ﻣﻦ ﺭﻭﻭﻭﺣﻪ ﻭﺍﻟﻠﻪ ﺍﻟﻘﺘﻞ ﺑﺤﻖ ﻋﺎﺻﻢ ﻗﻠﻴﻞ
ﺑﺲ ﺍﻧﻲ ﻛﻠﺒﻪ ﻭﺣﻴﻮﺍﻧﻪ ﺍﻛﻮ ﺷﺊ ﺑﺪﺍﺧﻠﻲ ﻳﺮﻓﺾ ﺟﺎﺳﺮ ﻳﻘﺘﻠﻪ ﻟﻮ ﺍﻟﺪﻭﻟﻪ ﺗﻌﺪﻣﻪ ﻭﻻ ﺟﺎﺳﺮ
ﺭﺩ ﻋﻠﻴﻪ ﺑﻀﺤﻜﻪ ... ﻟﻴﺶ ﺗﺤﺒﻴﻨﻪ؟
ﻧﺰﻟﺖ ﺭﺍﺳﻲ ﺑﺤﺰﻥ ... ﻳﻀﻞ ﺍﺣﺴﻦ ﻣﻨﻜﻢ ﺑﻬﻮﺍﻳﻪ ﻋﻠﺊ ﺍﻻﻗﻞ ﻣﺴﺘﻌﺰ ﺑﻴﻪ ﻣﻮ ﻣﺜﻠﻜﻢ ﺭﺧﺼﻮﺗﻲ
ﺑﺲ ﺍﻧﻲ ﻣﺎ ﺭﺧﺼﺘﻜﻢ ﻭﻻ ﻓﺮﻗﺖ ﺑﻴﻨﻜﻢ ﻳﺎﻟﻠﻪ ﺭﻭﺡ ﻻ ﻳﺮﺟﻊ ﻭﻳﺬﺑﺤﻨﻲ ﻭﻳﺬﺑﺢ
ﺍﻧﻄﻴﺘﻪ ﻭﺭﻗﻪ ﺑﺎﻭﻋﺘﻠﻪ ﻭﺍﻟﺪﻣﻌﻪ ﺗﻼﻟﻲ ﺑﻌﻴﻨﻲ .. ﺣﺎﺯﻡ ﻫﺎﻱ ﺍﻟﺮﺳﺎﻟﻪ ﺗﻨﻄﻴﻬﺎ ﺍﻻﻣﻲ ﻫﺎﻱ ﺍﻟﺮﺳﺎﻟﻪ ﺗﺨﺺ ﺍﻣﻲ
ﻛﻠﻠﻠﻬﺎ ﺧﻠﻲ ﺗﺒﺮﻳﻨﻲ ﺍﻟﺬﻣﻪ ﻫﻮﺍﻳﻪ ﻋﺎﺗﺒﺘﻬﺎ ﻭﻣﺎ ﺍﺟﺘﻨﻲ ﻭﻛﻠﻬﺎ ﺟﻮﻭﻭﻟﻲ ﺗﺤﺒﺞ ﺗﻤﻮﺕ ﻋﻠﻴﺞ
ﻣﺴﺢ ﻋﻠﺊ ﺭﺍﺳﻲ ﻭﺑﺎﻭﻉ ﻟﻠﺸﻴﺦ ﺧﺎﻑ ﻣﻨﻪ ﺑﺲ ﺍﻟﺸﻴﺦ ﺟﺎﻥ ﻛﻮﻭﻭﻟﺶ ﻣﻨﺼﻒ ﺭﺩ ﻋﻠﻴﻪ ... ﺑﻮﻳﻪ ﻻ ﺗﺨﺎﻑ ﺍﻧﻪ ﺍﺫﺍ ﺍﺭﻳﺪ ﺍﺧﺬ ﺍﻟﻘﺼﺎﺹ ﺍﻟﺘﺠﺊ ﻟﻠﻤﺤﺎﻛﻢ ...
ﻭﺍﻥ ﺷﺎﺀ ﺍﻟﻠﻪ ﻏﺮﻳﻤﻨﻪ ﻣﻮ ﺍﻧﺖ ﻏﺮﻳﻤﻨﻪ ﻋﺎﺻﻢ ﺍﻟﻠﻪ ﻳﻨﺘﻘﻢ ﻣﻨﻪ ﺩﻫﻮﺭ ﺍﻟﻌﺎﺋﻠﺘﻴﻦ ﻭﺩﻣﺮﻛﻢ ...
ﻫﻮ ﺭﺩﻳﻪ ﻋﻠﻴﻪ ﺑﻘﻬﺮ ... ﺍﻟﻠﻪ ﻳﻮﻓﻘﻚ ﺷﻴﺨﻨﻪ ﻭﻳﻜﺜﺮ ﻣﻦ ﺍﻣﺜﺎﻟﻚ ﻭﻳﺤﻔﻆ ﻋﺎﺋﻠﺘﻚ ﻓﻀﻠﻚ ﻣﺎ ﺍﻧﺴﺎﻩ ...
ﺑﺎﻭﻉ ﺍﻟﻤﺠﺘﺒﺊ ﻭﺍﺑﺘﺴﻢ ﺍﺧﺬﻩ ﻣﻦ ﺍﻳﺪ ﺍﻟﺸﻴﺦ ﻭﺑﺎﺳﻪ ﺑﺲ ﻣﺠﺘﺒﺊ ﻣﺎ ﻗﺒﻞ ﺑﻲ ﻭﺿﻞ ﻳﺒﺠﻲ ﻭﻳﺪﻓﻊ ﺑﻲ،ﻭﺣﺘﺊ ﻭﻛﻌﺖ ﺍﻟﻤﻤﻪ ﻣﺎﻟﺘﻪ ﻣﻨﻪ
ﺍﺧﺬﺗﻪ ﻣﻨﻪ ﻭﺍﻧﻲ ﺍﺳﻜﺖ ﺑﻲ ... ﻫﻬﻪ ﻓﺪﻳﺘﻚ ﻣﺎﻣﺎ ﻻ ﺗﺨﺎﻑ ﻣﺎ ﻳﺎﺧﺬﻙ ﺍﻧﻲ ﻳﻤﻚ ﻫﺬﺍ ﺧﺎﻟﻮ ﺷﺒﻴﻚ
ﻋﻘﺪ ﺍﻟﻨﻮﻧﻪ ﺑﺒﺮﺍﺀﻩ ﻭﺩﻣﻮﻋﻪ ﻻﺻﻘﻪ ﺑﺎﻫﺪﺍﺑﻪ ﻭﺍﻧﻲ ﺍﺑﻮﺱ ﺑﻲ ﻫﻮ ﺳﺤﺐ ﺍﻳﺪﻩ ﻭﺑﺎﺳﻬﺎ
ﺭﺩ ﺑﻀﺤﻜﻪ ... ﻳﺸﺒﻬﺞ ﺣﻴﻴﻴﻞ
ﺿﺤﻜﺖ .. ﺍﻱ ﻛﻮﻭﻭﻟﺶ ﻣﺮﺗﻀﺊ ﻫﻤﺎﺗﻴﻦ ﻳﺸﺒﻬﻨﻲ ﺑﺲ ﻣﺠﺘﺒﺊ ﺍﻛﺜﺮ ﻓﺪﻳﺘﻪ
ﺟﺮ ﻧﻔﺲ ﺣﺰﻳﻦ ﻭﺭﺟﻊ ﺑﺎﺳﻨﻲ ... ﺍﻟﻠﻪ ﻳﺤﻔﻈﻬﻢ ﺍﺧﻴﺘﻲ ﻭﺍﻥ ﺷﺎﺀ ﺍﻟﻠﻪ ﻣﺎ ﺗﺸﻮﻓﻴﻦ ﺳﻮﺀ ﺑﻴﻬﻢ
ﺭﺟﻌﺖ ﺣﻀﻨﺖ ﺍﺑﻨﻲ ﺑﺎﺭﺗﻴﺎﺡ ﻭﻫﻤﺴﺖ ... ﺍﻣﻴﻴﻦ
ﻭﺩﻋﺘﻪ ﻭﺟﺎﻥ ﺍﻛﻮ ﻋﻼﻛﻪ ﻫﻮ ﺍﺧﺬﻫﺎ ﻛﺎﻝ ﻫﺎﻱ ﻓﻠﻮﻭﻭﺱ ﻣﺎﻟﺘﻲ ﺟﺎﺳﺮ ﻣﺎ ﺍﺧﺬﻫﻦ ﻣﻨﻲ ...
ﻭﺣﺘﺊ ﻣﻔﺘﺎﺡ ﺍﻟﺴﻴﺎﺭﻩ ﺧﻼﻩ ﺑﺎﻟﻔﻠﻮﺱ ﻛﺎﻝ ﺣﺎﺯﻡ ﻭﺍﺧﺬﻫﻦ ﻭﻃﻠﻊ ...
ﺑﻌﺪ ﻣﺎ ﻭﺻﺎﻧﻲ ﻋﻠﺊ ﻧﻔﺴﻲ ﻭﻃﻠﻊ ﺣﺴﻴﺖ ﺑﺎﺭﺗﻴﺎﺡ ﻣﻦ ﻃﻠﻊ ﻭﺭﺍﺡ ﺍﻟﺤﻤﺪ ﻟﻠﻪ ﺑﺲ ﻛﻮﻥ ﺍﺭﺟﻊ ﻟﻠﺒﻴﺖ ﺑﺨﻴﺮ ﻭﺳﻼﻣﻪ
ﺑﺎﻭﻋﺖ ﻟﻠﺸﻴﺦ ﺗﻘﺮﺑﺖ ﻣﻨﻪ ﻭﺑﺴﺖ ﺍﻳﺪﻩ ﻫﻮ ﺳﺤﺒﻬﺎ ﺑﺴﺮﻋﻪ ﻭﺳﺤﺐ ﺭﺍﺳﻲ ﻭﺑﺎﺳﻨﻲ ﻛﺎﻝ ... ﻻ ﺑﻮﻳﻪ ﻻﺍﺍ ﺍﻧﺖ ﺑﻨﻴﺘﻲ ﻭﺑﻤﺜﺎﺑﺔ ﺭﻳﻬﺎﻡ ﺗﻌﺎﻱ ﺑﻮﻳﻪ ﺧﻠﻴﻨﻪ ﻧﺮﻭﺡ ﻻ ﻳﺠﻲ ﺭﺟﻠﺞ ﻭﺗﺼﻴﺮ ﺩﻭﻝ ﺍﻟﺪﻭﻻﺓ
ﻃﻠﻌﻨﻪ ﺑﺴﺮﻋﻪ ﻭﺭﻛﺒﻨﻪ ﺍﻟﺴﻴﺎﺭﻩ ﻭﺭﺟﻌﻨﻪ ﺟﻨﺖ ﻃﻮﻭﻭﻝ ﺍﻟﻄﺮﻳﻖ ﻛﺎﻋﺪﻩ ﻋﻠﺊ ﻧﺎﺍﺍﺍﺭ ﻭﺧﺎﻳﻔﻪ ﺍﺧﺎﻑ ﺍﺭﺟﻊ ﻭﺍﻟﻜﺎﻩ ﻳﻤﻮﺗﻨﻲ ﻭﺍﻟﻠﻪ ﺑﺲ ﺍﻛﻮﻟﻪ ﺟﻨﺖ ﺑﺎﻟﺪﻛﺘﻮﺭ ﻭﺍﻟﺸﻴﺦ ﻳﺸﻬﺪ ﻭﻳﺎﻳﻪ ...
ﻭﺻﻠﻨﻪ ﻟﻠﺒﻴﺖ ﺗﺸﻜﺮﺕ ﻣﻦ ﻋﻤﻲ ﺍﻟﺸﻴﺦ ﺩﺧﻠﺖ ﻋﻠﺊ ﺍﻃﺮﺍﻑ ﺍﺻﺎﺑﻌﻲ ﺑﺨﻠﺴﻪ ﻭﺧﻮﻭﻑ ...
ﻣﺎ ﺳﻤﻌﺖ ﺑﺲ،ﺻﻮﻭﻭﺕ ﻋﺎﻟﻲ ... ﻭﻳﻴﻴﻦ ﺟﻨﺘﻲ
ﺑﺎﻭﻋﺖ ﺑﺎﺳﺘﻐﺮﺍﺏ ﺷﻔﺘﻬﺎ ﺷﻬﺪ ﻋﻘﺪﺕ ﺣﻮﺍﺟﺒﻲ ... ﻭﺍﻧﺘﻲ ﺷﺪﺧﻠﺞ ﺣﺒﻴﺒﺘﻲ ﺯﻭﺟﻲ ﻭﺗﺤﺎﺳﺒﻴﻨﻲ
ﻫﺰﺕ ﺍﻳﺪﻫﺎ ... ﺍﻫﻮﻭﻭ ﺷﺒﻴﺞ ﺍﻛﻠﺘﻴﻨﻲ ﺑﻜﺸﻮﺭﻱ ﻭﺑﻌﺪﻳﻦ ﺍﻧﺘﻲ ﺑﻴﺞ ﺣﺎﻟﻪ ﻧﻔﺴﻴﻪ ﺷﻮ ﺑﺲ ﻧﺎﻳﻤﻪ ﻭﺗﺸﻮﻋﻄﻴﻦ
ﺍﻧﺼﺪﻣﺖ ﻣﻦ ﻛﻼﻣﻬﺎ ... ﺍﻛﻠﻲ ﺗﺒﻦ ﻟﺞ ﺭﺣﺖ ﺍﺧﺬﺕ ﺍﺑﻨﻲ ﻟﻠﺪﻛﺘﻮﺭ ﺷﻨﻮ ﺍﺷﻮﻋﻂ ﻭﺑﻌﺪﻳﻦ ﺍﻧﻲ ﺍﻛﺒﺮ ﻣﻨﺞ ﻣﻮ ﻋﻴﺐ ﻫﻴﺞ ﺗﺤﺠﻴﻦ ﻭﻳﺎﻳﻪ
ﺟﺎﻭﺑﺖ ﺑﺎﺳﺘﻨﻜﺎﺭ ... ﻳﺎﺍﺍ ﻭﺍﻟﻠﻪ ﻓﺮﺣﺎﻧﻪ ﺑﺮﻭﺣﺞ ﺍﻛﺒﺮ ﻣﻨﻲ ؟ ﻛﻢ ﻣﻦ ﻛﺒﻴﺮ ﻋﻘﻠﻪ ﻓﺎﺭﻍ ﻭﻛﻢ ﻣﻦ ﺻﻐﻴﺮ ﻋﻘﻠﻪ ﻓﺎﺭﻍ
ﻳﺠﻮﺯ ﺍﻧﻲ ﺍﻓﻬﻢ ﻣﻨﺞ ﻭﺣﺎﺑﻪ ﺍﻋﻠﻤﺞ ﻋﻠﺊ ﺍﻟﺼﺢ ﻭﺍﻟﺨﻄﺎ ﻣﺎ ﻳﺼﻴﺮ ﺗﺨﻠﺼﻴﻬﺎ ﺑﻐﺮﻓﺘﺞ ﻟﻮ ﺗﺨﻠﺼﻴﻬﺎ ﺗﻔﺘﺮﻳﻦ ﺷﻠﻮﻥ ﺑﻌﺪ ﺍﻟﻌﻴﺎﻝ ﻳﺤﺒﻮﺝ
ﻭﺗﺮﺉ ﺍﻟﻌﻴﺎﻝ ﻋﻴﺎﻝ ﺑﺲ ﻳﺮﺩﻭﻥ ﺍﻟﺰﻟﻪ ﻋﻠﺊ ﺍﻟﺠﻨﻪ ﺍﻛﺴﺒﻲ ﻋﻤﺘﺞ ﻭﺭﺟﻠﺞ ﻭﺣﻤﻮﻳﻨﺞ ﻭﺍﻟﺒﻘﻴﻪ ﻃﺰ ﺑﻴﻬﻢ ﺍﻟﻤﻬﻢ ﺫﻭﻭﻝ ﺣﺒﻴﺒﺘﻲ
ﺍﺑﺘﺴﻤﺖ ﻭﺍﻧﻲ ﺍﻧﺰﻉ ﺑﺼﺎﻳﺘﻲ ﻻ ﻳﺠﻲ ﺟﺎﺳﺮ ﻭﻳﺸﻮﻓﻨﻲ ﻏﻴﺮ ﻳﺬﺑﺤﻨﻲ
ﺧﻠﻴﺘﻬﺎ ﻋﻠﺊ ﺍﻟﻤﺤﺠﺮ ... ﻭﺍﻟﻠﻪ ﻭﻧﻌﻢ ﻣﻨﺞ ﺷﻬﻮﺩﻩ ﺭﺍﺡ ﺍﺧﺬ ﺑﻨﺼﺎﻳﺤﺞ
ﺟﺎﻭﺑﺖ ﺑﺜﻘﻪ .. ﺷﺘﺤﺘﺎﺣﻴﻦ ﺍﻧﻲ ﻣﻮﺟﻮﺩﻩ ﺍﺫﺍ ﺗﺮﺩﻳﻦ ﺗﺤﻔﻴﻦ ﺍﻋﺮﻑ ﺣﻔﺎﻓﺘﻲ ﺗﺨﺒﻞ ﻭﺍﺳﻮﻱ ﺷﻴﺮﻩ ﺗﺠﻨﻦ ﻭﺍﻋﺮﻑ ﺍﺿﻔﺮ ﺿﻔﻴﺮﺓ ﻓﺮﻧﺴﻴﻪ ﺍﺫﺍ ﺣﺎﺑﻪ ﺍﺿﻔﺮﻟﺞ
ﺿﺤﻜﺖ ... ﻭﺍﺍﺍﺍﻭ ﻛﻮﻭﻭﻟﺶ ﺣﻠﻮﻭﻭ ﺍﻥ ﺷﺎﺀ ﺍﻟﻠﻪ ﺍﺧﻠﻴﺞ ﺗﻀﻔﺮﻳﻠﻲ
ﺟﺎﻭﺑﺖ ... ﺑﺪﻭﻥ ﻓﻠﻮﺱ ﺍﻻﻭﻟﺊ ﻟﻠﺘﺠﺮﺑﻴﻪ ﻭﺍﻟﻤﺮﻩ ﺍﻟﺜﺎﻧﻴﻪ ﺍﺧﺬ ﺍﻟﻒ ﺣﺘﺊ ﺍﻟﺤﻔﺎﻓﻪ ﺑﺎﻟﻒ ﻭﺍﺫﺍ ﻣﺎﻋﻨﺪﺝ ﻋﺎﺩﻱ
ﺩﺧﻞ ﺟﻌﻔﺮ ﺳﺎﻟﻬﺎ ﻋﻦ ﺷﻨﻮﻭﻭ ﺗﺤﺠﻲ ﻛﻠﺘﻠﻪ ﻫﻲ ﻋﻮﺩ ﺣﻔﺎﻓﻪ ﻭﺗﺼﺒﻎ ﻭﻣﺪﺭﻱ ﺷﺘﺴﻮﻱ ﻭﺗﺸﺘﻐﻞ ﺑﺎﻟﻒ ﺩﻳﻨﺎﺭ
ﺑﺎﻭﻋﻠﻬﺎ ﺑﻠﻮﻭﻡ ﻭﻋﺾ ﺷﻔﺘﻪ ... ﻻ ﺷﻬﺪ ﻏﺎﻟﻴﻪ ﺣﻴﻴﻞ ﺷﺪﻋﻮﻩ ﻫﻮ ﻛﻠﻪ ﺍﻟﺒﻜﺮﻩ ﺑﺮﺑﻊ ﺩﻳﻨﺎﺭ ﻭﺗﻀﻞ ﺷﻬﺮﻳﻦ ﺷﺪﻋﻮﻩ ﻋﻠﻴﺞ ﺗﻀﺮﺑﻴﻦ ﺑﺎﻟﻌﺎﻟﻲ ... ﻗﺎﺑﻞ ﺟﺎﻱ ﺗﻄﻠﻌﻴﻠﻬﺎ ﻭﺟﻬﻪ ﺟﺪﻳﺪ
ﺭﻓﻌﺖ ﺣﺎﺟﺐ ... ﻟﻌﺪ ﺑﻴﺶ ﺗﺮﺩﻭﻥ ﻳﻤﻪ ﺑﺮﺑﻊ
ﺿﺤﻚ ... ﺍﻱ ﺑﺮﺑﻊ ﺣﺘﺊ ﻣﻦ ﻭﺍﺣﺪ ﻳﻌﺎﻣﻠﺞ ﻛﻮﻟﻲ ﻧﻬﺎﻳﺘﻬﺎ ﺑﺒﻼﺵ ...
ﻫﺰﺕ ﺍﻳﺪﻫﺎ ... ﻓﻮﺕ ﻋﻴﻨﻲ ﻓﻮﺕ ﻣﺤﻀﺮﻩ ﺣﻤﺎﻣﻚ ﺍﺳﺒﺢ ﻭﺧﻠﻲ ﺍﺻﺒﻠﻚ ﻏﺪﻩ ...
ﻫﻮ ﻏﻤﺰﻟﻬﺎ ... ﻣﻌﺪﻟﻪ ﺍﻭﻭﻭﻟﻲ ﻳﺎﺑﻪ ﺍﻟﻨﺪﺍﺭﻩ ﻣﺒﻴﻨﻪ ﻣﻦ ﺳﻄﺢ ﺑﻴﺘﻨﻪ
ﺭﻓﻌﺖ ﻳﺎﺧﺔ ﺛﻮﺑﻬﺎ ﺑﻔﺨﺮ ... ﻭﺑﻌﺪ ﻭﺑﻌﺪ ﻣﺎ ﺷﻔﺖ ﺷﺊ ﻭﺩﺍﻋﺘﻚ
ﻫﻮ ﻋﺎﻓﻬﺎ ﻭﺭﺍﺡ ﺑﺎﻭﻋﺘﻠﻲ ﻛﺎﻟﺖ ... ﺷﻔﺘﻲ ﺷﻠﻮﻥ ﻛﺴﺒﺘﻪ ﻭﺧﻠﻴﺘﻪ ﻣﺤﺒﺲ ﺑﻴﺪﻱ ﺍﺣﺮﻛﻪ ﻳﻤﻴﻦ ﻭﺷﻤﺎﻝ ﻟﻴﺶ ﻻﻥ ﻧﺎﺩﺭﻩ ﻭﻣﻬﺘﻤﻪ ﺑﻲ ﻭﻣﻼﺑﺴﻪ ﻧﻀﻴﻔﻪ ﻭﺣﺎﺿﺮﻩ
ﻋﺎﺩ ﻫﻮ ﻋﺎﻁ ﺑﻴﻬﺎ ﺑﺼﻮﺕ ﻏﺎﺿﺐ ... ﺷﻬﻬﻬﻬﻬﺪ
ﻫﻲ ﺑﺎﻭﻋﺘﻠﻪ ﺑﺘﻔﺎﺟﺊ ... ﻫﺎﺍﺍﺍﺍ
ﺭﺩ ﻋﻠﻴﻬﺎ ﺑﻐﻀﺐ ... ﻭﻃﻤﺎﺍﺍﺍ ﻭﻟﺞ ﻟﻴﺶ ﻭﻟﺞ ﺣﺎﺭﻛﻪ ﻗﻤﻴﺼﻲ ﻟﻜﻴﺖ ﺍﻻﻭﺗﻲ ﻻﺯﻙ ﻋﻠﻴﻪ
ﺿﺮﺑﺖ ﺧﺪﻫﺎ ﻳﺎﺍﺍﺍﺍ ﻧﺴﻴﺖ ﺍﻃﻔﻲ ﺍﻻﻭﺗﻲ ﻣﻦ ﻃﻔﺖ ﺍﻟﻜﻬﺮﺑﺎﺀ ﻭﺭﺍﺣﺖ ﺗﺮﻛﺾ ﺍﻟﻪ ﻭﻫﻮ ﻳﺮﺯﻝ ﺑﻴﻬﺎ ...
ﺿﺤﻜﺖ ﻭﺧﻠﻴﺖ ﻭﺩﺧﻠﺖ ﺍﻟﻐﺮﻓﺘﻲ ﻟﻜﻴﺖ ﻣﺎﻣﺎ ﺭﺿﻴﻪ ﻧﺎﻳﻤﻪ ﺑﻴﻬﺎ ﻭﻣﺮﺗﻀﺊ ﻧﺎﻳﻢ ﺑﺤﻀﻨﻬﺎ ﺍﺑﺘﺴﻤﺖ ﺑﻤﺮﺡ ﻋﻠﻴﻬﺎ
ﻭﺩﻧﻜﺖ ﺑﺴﺘﻬﺎ ﺑﺨﺪﻫﺎ ﻭﺑﺴﺖ ﺭﺿﺎﻭﻱ ﺟﺎﻥ ﻣﺠﺘﺒﺊ ﻧﺎﻳﻢ ﺧﻠﻴﺘﻪ ﺑﻔﺮﺍﺷﻪ ﺷﺮﺑﺘﻪ ﺧﺎﻓﺾ ﺣﺮﺍﺭﻩ ﻻﻥ ﺍﺣﺲ ﺑﻲ ﻣﺴﺨﻦ ...
ﺭﺣﺖ ﺳﺒﺤﺖ ﻭﺑﺪﻟﺖ ﻃﻠﻌﺖ ﺩﺍ ﺍﻣﺸﻂ ﺷﻔﺖ ﺍﺻﺎﺑﻊ ﺟﺎﺳﺮ ﻣﻄﺒﻮﻋﻪ ﺑﺨﺪﻱ ﺍﺣﺲ ﻣﻼﻣﺤﻲ ﺍﻻﺛﻴﺮﻩ ﺗﺸﻮﻫﺖ
ﺍﺗﺬﻛﺮ ﺣﺎﺯﻡ ﻣﻦ ﻣﺴﺢ ﻋﻠﺊ ﺧﺪﻱ ﻭﺳﺎﻟﻨﻲ ﺑﻌﺬﺍﺏ .. ﻫﻮ ﺿﺮﺑﺞ ﻭﺍﻧﻲ ﺟﺎﻭﺑﺘﻪ ... ﻻﺍﺍﺍ ﻣﻮ ﻫﻮ ﺗﻌﺎﺭﻛﺖ ﺍﻧﻲ ﻭﺯﻭﺟﺔ ﺣﻤﺎﻳﺔ ﻻ ﺗﺨﺎﻑ
ﻣﺎ ﺣﺒﻴﺖ ﺍﺷﻐﻞ ﺑﺎﻟﻬﻢ ﻋﻠﻴﻪ ﻭﺍﻋﺬﺑﻬﻢ ...
ﺣﺴﻴﺖ ﺑﻲ ﺩﺧﻞ ﺭﻛﻀﺖ ﻓﺘﺤﺖ ﺍﻟﺒﺮﺩﻩ ﺷﻔﺘﻪ ﺩﺧﻞ ﺍﻟﻐﺮﻓﺘﻪ ...
ﻛﻌﺪﺕ ﻣﺎﻣﺎ ﺭﺿﻴﻪ ﺳﺎﻟﺘﻬﺎ ﺍﺫﺍ ﻫﻮ ﺟﺎﻱ ﻣﻦ ﺍﻧﻲ ﻣﻮ ﻫﻨﺎ ﻟﻮ ﻻ
ﻛﺎﻟﺖ ... ﻻ ﻳﻤﻊ ﻣﺎ ﺍﺟﻪ ﻫﻮ ﺣﺘﺊ ﺧﺎﺑﺮﻧﻲ ﻛﺎﻝ ﺟﻮﻟﻴﻴﺖ ﻭﻳﻴﻦ ﻛﺘﻠﻪ ﻧﺎﻳﻤﻪ ﺑﻐﺮﻓﺘﻬﺎ
ﺗﻌﺼﺐ ﻭﺿﻞ ﺑﻐﻠﻂ ﻛﺎﻝ ... ﻫﺎﻱ ﺭﺍﺡ ﺗﻤﻮﺗﻨﻲ ﺗﻌﺒﺖ ﻣﻨﻬﺎ ﺑﺲ ﺍﺣﺎﺟﻴﻬﺎ ﻭﺣﺒﺴﺖ ﺭﻭﺣﻬﺎ ﻭﻛﻄﻌﺖ ﺍﻻﻛﻞ ﻭﺍﻟﻠﻪ ﻣﻦ ﺍﺭﺟﻊ ﻋﻠﻴﻬﺎ ﺍﻟﻪ ﺍﺳﺤﻠﻬﺎ ﺳﺤﻞ ﻭﺍﺧﻠﻴﻬﺎ ﺗﺎﻛﻞ ﻏﺼﺒﺎ ﻋﻨﻬﺎ
ﻛﺘﻠﻪ ... ﻻ ﻳﻤﻪ ﺍﻧﻄﻴﺘﻬﺎ ﺍﻛﻞ ﻭ ﻭﻛﻠﺘﻬﺎ
ﺿﺤﻜﺖ ... ﻻ ﻟﻴﺶ ﻣﺎﻣﺎ ﻟﻮ ﻣﺨﻠﻴﺘﻪ ﺑﻌﺪ ﻳﺘﺤﺮﻣﺲ ﺣﺘﺊ ﻳﺠﻴﺒﻠﻲ ﻛﺒﺎﺏ ﻣﻦ ﺍﻟﻤﻄﻌﻢ
ﺑﺎﻭﻋﺘﻠﻲ ﺑﺼﺪﻣﻪ ... ﺗﺮﺩﻳﻦ ﻛﺒﺎﺏ .. ﻣﻮ ﺗﺘﺪﻟﻠﻴﻦ ﻋﺴﺎﺝ ﻋﻠﺊ ﻛﺒﺎﺏ ﻫﺴﻪ ﺍﺭﻭﺡ ﺍﺟﻴﺐ ﺍﻟﻤﻄﻌﻢ ﻛﻠﻪ ...
ﺣﻀﻨﺘﻬﺎ ﺑﻤﺮﺡ ... ﻻ ﻣﺎﻣﺎ ﻭﺍﻟﻠﻪ ﺣﺘﺊ ﻣﻮ ﻫﻠﻜﺪ ﺍﺣﺒﻪ ﺍﻟﻴﻮﻡ ﻓﺘﻨﻪ ﻣﻦ ﺍﻟﻤﻄﻌﻢ ﺳﺪﻳﺖ ﺧﺸﻤﻲ ﻟﻌﺒﺖ ﻧﻔﺴﻲ ﻣﻦ ﺭﻳﺤﺔ ﺍﻟﺸﻮﻱ ...
ﺣﺬﻳﺖ ﺍﻳﺪ ﻋﻠﺊ ﺍﻳﺪ ﺑﺤﻴﺮﻩ ... ﺷﻠﻮﻥ ﻫﺴﻪ ﺗﻤﻮﺗﻴﻦ ﺟﻮﻭﻉ ﺭﻭﺣﻲ ﺳﻮﻳﻠﺞ ﻟﻜﻤﻪ ﻭﺍﻛﻠﻴﻬﺎ ...
ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﺑﺴﺘﻬﺎ ﻭﺭﺣﺖ ...
ﻓﺘﺤﺖ ﺍﻟﻤﺠﻤﺪﻩ ﻟﻜﻴﺖ ﺑﻲ ﺟﻴﺲ ﻣﺎﻝ ﻫﻤﺒﺮﻛﺒﺮ ﺍﺧﺬﺕ ﻭﺣﺪﻩ ﻭﻛﻠﻴﺘﻬﺎ ﻓﺘﺤﺖ ﺍﻟﺜﻼﺟﻪ ﻟﻜﻴﺖ ﺻﻤﻮﻥ ﻓﺮﻧﺴﻲ ﺧﻠﻴﺖ ﺍﻟﻬﻤﺒﺮﻛﺮ ﺑﻲ ﻭﻃﻤﺎﻃﻪ ﻭﻛﻌﺪﺕ ﻋﻠﺊ ﺍﻟﻜﺮﺳﻲ ﻭﻣﺪﻳﺖ ﺭﺟﻠﻴﻪ ﻋﻠﺊ ﺍﻟﻜﺮﺳﻲ ﺍﻟﺜﺎﻧﻲ
ﻭﺍﻧﻲ ﺻﺎﻓﻨﻪ ﻭﺿﻤﻴﺮﻱ ﻣﺮﺗﺎﺡ ﻭﺍﺣﺲ ﺑﺸﻌﻮﺭ ﺣﻠﻮﻭﻭ ﻻﻭﻝ ﻣﺮﻩ ﻭﺍﻛﻞ ﺑﺎﺳﺘﻤﺘﺎﻉ ...
ﺩﺧﻞ ﻫﻮ ﺑﺠﺒﺮﻭﺗﻪ ﺍﻟﻤﻌﺘﺎﺩ ﻭﺧﺸﻤﻪ ﺍﻟﻴﺎﺑﺲ ﺑﺎﻭﻋﺖ ﻋﻠﻴﻪ ﻭﺭﺟﻌﺖ ﺍﻛﻞ ...
ﻫﻮ ﺿﻞ ﻳﻔﺘﺮ ﺑﺎﻟﻤﻄﺒﺦ ﻭﻓﺘﺢ ﺍﺑﻮﺍﺏ ﺍﻟﻜﺎﻭﻧﺘﺮ ﻛﻠﻬﻦ ﻭﺑﺲ ﺍﻟﺼﻮﺕ ﻃﺎﻙ ﻭﻃﻴﻚ
ﺑﺎﻭﻋﻠﻲ ﺑﻐﻀﺐ ... ﻣﺎ ﻛﻮﻟﻴﻦ ﺧﻞ ﺍﺷﻮﻑ ﺯﻭﺟﻲ ﺷﻨﻮ ﻳﺮﻳﺪ ﺷﻴﺪﻭﺭ ﻟﻮ ﻣﻐﻠﺴﻪ ﻓﺮﺣﺎﻧﻪ ﻣﺪﺍﻡ
ﺟﺎﻭﺑﺘﻪ ﺑﺒﺮﻭﺩ ... ﺷﻜﻮﻭ ﺷﺘﺪﻭﺭ
ﺣﻚ ﻟﺤﻴﺘﻪ ﺑﺘﻔﻜﻴﺮ ... ﻫﺎﺍﺍ ﺍﻱ ﺷﺊ
ﻋﻘﺪﺕ ﺣﻮﺍﺟﺒﻲ ... ﺷﻨﻮ ﺍﻱ ﺷﺊ
ﻓﺮﻙ ﻭﺟﻬﻪ ﺑﺘﻮﺗﺮ ... ﺍﻭﻭﻭﻑ ﺷﺘﺎﻛﻠﻴﻴﻦ
ﺟﺎﻭﺑﺘﻪ ﺑﻬﺪﻭﺀ ... ﻫﻤﺒﺮﻛﺮ
ﺩﻓﻊ ﺭﺟﻠﻴﻪ ﻭﻛﻌﺪ ﻛﺎﻝ ... ﺳﻮﻳﻠﻲ ﻟﻔﻪ
ﻭﻛﻔﺖ ﺩﺍ ﺍﺳﻮﻳﻠﻪ ﻟﻔﻪ ﻛﻠﻴﺖ ﻭﻛﻤﻠﺖ ﺍﻧﻄﻴﺘﻪ ﺍﻟﻪ ﻛﺎﻝ ... ﺍﻛﻌﺪﻱ
ﻛﻌﺪﺕ ﻣﻘﺎﺑﻴﻠﻪ ﻭﺿﻠﻴﺖ ﺍﻛﻞ ﺑﺲ ﺗﻠﻌﺜﻤﺖ ﻣﺎ ﻋﺮﻓﺖ ﺷﻠﻮﻥ ﺍﻛﻞ ﻭﻫﻮ ﻛﻞ ﺷﻮﻳﻪ ﻭﻃﺎﻝ ﺍﻟﻨﻈﺮ ﺑﻮﺟﻬﻲ
ﻛﺎﻝ ... ﺟﻮﻟﻴﻴﺖ ﺍﻧﺘﻲ ﻣﺘﺨﺒﻠﻪ ﻫﺎﻱ ﺍﻻﻳﺎﻡ ﺷﺒﻴﻴﺞ
ﺿﺤﻜﺖ ﺑﺤﺰﻥ ... ﻻ ﺳﻼﻣﺘﻚ ﻣﺎ ﺑﻴﻪ ﺷﺊ ﻣﺜﻞ ﻣﺎ ﺗﺤﺐ ﻭﻣﺜﻞ ﻣﺘﺸﻮﻑ ...
ﺟﺮ ﻧﻔﺲ ... ﺍﻧﺘﻲ ﺗﺠﺎﻭﺯﺗﻲ ﻭﻳﺎﻱ ﻭﺧﻠﻴﺘﻨﻲ ﺍﺿﺮﺑﺞ ﺷﻨﻮ ﻧﺬﻝ ﻣﻮ ﻋﻴﺒﺐ
ﺭﻓﻌﺖ ﺍﻛﺘﺎﻓﻲ ... ﻋﺎﺩ ﺍﻧﺖ ﻣﻮ ﺩﻛﻮﻝ ﺑﺮﺑﻮﻙ ﺍﺷﻮ ﻣﺎ ﺍﺯﻋﻞ ﻣﻨﻚ ﻭﻻ ﺍﺛﻮﺭ ﻋﻠﻴﻚ ﻫﺴﻪ ﻣﻦ ﻛﻠﺖ ﻧﺬﻝ ﺣﺼﻠﺖ ﺭﺍﺷﺪﻳﻴﻦ ...
ﺭﻛﺰ ﺑﻌﻴﻮﻧﻲ ... ﺍﻓﺎﺍﺍ ﺍﻧﻲ ﻣﻦ ﺍﻛﻠﺞ ﻫﻞ ﻛﻠﻤﻪ ﺟﺎﻧﺖ ﺷﻘﻪ ﺑﺲ ﺍﻧﺘﻲ ﺣﺠﻴﺘﻴﻬﺎ ﺑﺘﺠﺎﻭﺯ ﻋﺒﺎﻟﻚ ﺿﺎﻣﻪ ﺷﺊ
ﺍﺑﺘﺴﻤﺖ ... ﺿﺎﻣﻪ ﻫﻮﻭﻭﺍﻳﻪ ﺟﺎﺍﺍﺳﺮ ﺍﻧﺖ ﻭﻫﺎﻟﻪ ﻣﺘﻔﻖ ﺿﺪﻱ ﻭﻫﻲ ﺩﻛﻮﻝ ﻳﺮﺍﺳﻠﻨﻲ ﻭﻧﺨﻠﺺ ﺍﻟﻴﻞ ﻛﻠﻪ ﻧﺴﻮﻟﻒ ﺍﻧﺘﻲ ﺯﻭﺟﻲ ﻟﻮ ﻣﻬﻤﺎ ﺗﻜﻮﻥ ﺣﺎﻟﺘﻨﻪ ﻭﻣﻬﻤﺎ ﺗﻜﻮﻥ ﺣﻴﺎﺗﻨﻪ ﺍﻟﺨﻴﺎﻧﻪ ﻣﻮ ﺣﻠﻮﻩ
ﻭﻫﺎﻟﻪ ﺣﻴﺔ ﺗﺒﻦ ﺗﺴﺘﻐﻠﻚ ﺿﺪﻱ ﻭﺍﻧﺖ ﺗﺴﺘﻐﻠﻬﺎ ﻫﻤﺎﺗﻴﻦ ﺿﺪﻱ ﻋﺒﺎﻟﻚ ﺍﻧﻲ ﻃﻮﺑﻪ ﻭﻛﻞ ﺷﻮﻳﻪ ﻭﺍﺣﺪ ﺭﺍﻓﺴﻨﻲ ﺑﻤﻜﺎﻥ
ﺑﺸﺮﻓﻚ ﺑﺪﺍﻋﺔ ﺑﻨﺘﻚ ﻟﻮ ﺍﻧﻲ ﺍﺗﺮﺍﺳﻞ ﻭﻳﻪ ﻏﻴﺮﻙ ﺗﺮﺿﺎﻫﺎ
ﻋﺎﺩ ﻫﻮ ﺛﺎﺭ ﻋﻠﻴﻪ ﻭﻟﺰﻣﻨﻲ ﻣﻦ ﻓﻜﻲ ﻫﺰ ﺟﺎﻥ ﻭﺍﻛﻒ ﻭﺍﻧﻲ ﻛﺎﻋﺪﻩ ﻛﺎﻝ ... ﺷﺤﺪﺝ ﻏﻴﺮ ﺍﺩﻓﻨﺞ ﺑﻤﻜﺎﻧﺞ
ﺍﺑﺘﺴﻤﺖ ... ﻳﻌﻨﻲ ﺍﺫﺍ ﺗﻮﺍﺻﻠﺖ ﻭﻳﻪ ﻏﻴﺮﻙ ﺍﻋﺘﺒﺮ ﻧﺬﻟﻪ ﻣﻮﻭ؟
ﺭﺩ ﻣﻦ ﺑﻴﻦ ﺍﺳﻨﺎﻧﻪ ... ﻭﺳﺘﻴﻴﻦ ﻧﺬﻟﻪ
ﺭﻓﻌﺖ ﺍﻛﺘﺎﻓﻲ ... ﻋﺠﻴﻴﻴﺐ ﻣﻦ ﻧﺎﺣﻴﺘﻚ ﻏﻔﻮﺭ ﺭﺣﻴﻢ ﻭﻣﻦ ﻧﺎﺣﻴﺘﻲ ﺷﺪﻳﺪ ﺍﻟﻌﻘﺎﺏ ﺑﺎﺑﺎ ﺍﻧﻲ ﻣﻦ ﻛﻠﺖ ﻧﺬﻝ ﺑﺲ ﺩﺍ ﺍﻗﺼﺪ ﻋﻠﺊ ﺗﻮﺍﺻﻠﻚ ﻭﻳﻪ ﻫﺎﻟﻪ
ﺭﺩ ﺑﺘﻜﺬﻳﺐ ... ﻣﻤﺘﻮﺍﺻﻞ ﻭﻳﺎﻫﻪ ﺍﺻﻼ ﻫﻲ ﻧﻌﺎﻟﻴﺶ ﻭﺍﺗﻮﺍﺻﻞ ﻭﻳﺎﻫﺎ ﻟﻮ ﺗﻀﻞ ﺍﺧﺮ ﻭﺣﺪﻩ ﻣﺎ ﺗﻐﺮﻳﻨﻲ ﻭﻻ ﺍﻫﺘﻢ ﺍﻟﻬﺎ ﻋﻨﺪﻱ ﺷﻐﻠﻪ ﻭﻳﺎﻫﺎ ﻭﺧﻠﺼﺖ ﻭﻫﺬﺍ ﻫﻮ ﺭﺍﺣﺖ ﺑﻄﺮﻳﻘﻬﺎ ...
ﺟﺮﻳﺖ ﻧﻔﺲ ... ﻟﻮ ﺗﺘﻮﺍﺻﻞ ﻭﻳﻪ ﺍﻟﻌﺎﻟﻢ ﻛﻠﻪ ﻣﺎ ﺍﻫﺘﻢ ﺑﺲ ﻫﺎﻟﻪ ﻻﺍﺍﺍ ﻻﻥ ﻫﺎﻟﻪ ﻋﺪﻭﺗﻲ ﻭﺩﻣﺎﺭﻱ ﻛﻠﻪ ﻣﻦ ﻭﺭﺍﻫﺎ ﻫﺬﺍ ﺍﻟﺼﺎﺭ ﺑﻴﻪ ﻫﻲ ﺍﻟﺴﺒﺐ ﺑﻲ ﺍﺗﻬﻤﺘﻨﻲ ﺑﺎﻃﻞ ﻭﻟﺤﺪ ﺍﻻﻥ ﺗﺘﻬﻤﻨﻲ ...
ﻭﺍﻟﻠﻪ ﻭﺍﻟﻠﻪ ﺍﺫﺍ ﺍﺟﺖ ﻟﻬﺬﺍ ﺍﻟﺒﻴﺖ ﺑﻌﺪ ﺍﻛﺘﻠﻬﺎ ﺣﻼﻝ ﻭﻋﻮﺩ ﺍﻧﺖ ﺍﻓﺼﻞ ﺑﻤﻜﺎﻧﻲ
ﺭﻓﻊ ﺣﺎﺟﺐ ﻭﻫﻮ ﻳﺨﻔﻲ ﺍﺑﺘﺴﺎﻣﻪ ... ﺍﻟﻤﺎﻳﻌﻪ ﺻﺎﻳﺮﻩ ﻗﻮﻭﻭﻳﻪ ﻣﺎ ﺗﻨﺠﺮﻋﻴﻦ
ﺭﺩﻳﺖ ﺑﺜﻘﻪ ... ﺗﺮﺑﻴﺘﻚ ﺍﺑﻮ ﺭﺿﺎﻭﻱ ﺗﺮﺑﻴﺘﻚ
ﻛﺮﺹ ﺧﺪﻱ ﺣﻴﻴﻴﻞ ﻭﺟﺎﻭﺑﻨﻲ ... ﺧﻮﻭﻭﻭﺵ ﺍﺭﺑﻲ ﻭﺍﻟﻠﻪ ﺳﻮﻳﺘﺞ ﻟﺒﻮﻩ ﺑﻌﺪ ﻣﺎ ﺟﻨﺘﻲ ﺑﺰﻭﻥ ﻋﻤﻴﻪ ..
ﺿﺤﻜﺖ ... ﻭﻧﻌﻢ ﻣﻨﻚ ﻭﻣﻦ ﺗﺮﺑﻴﺘﻚ ﻛﺎﺳﺮ ﻗﻠﺒﻲ
ﺑﻠﻊ ﺭﻳﻜﻪ ﻭﺭﺟﻊ ﻛﻌﺪ ﻣﻘﺎﺑﻴﻠﻲ ﻛﺎﻝ ... ﺟﻮﻟﻴﻴﺖ ﺍﻧﻲ ﻣﺤﺪ ﺣﺎﺱ ﺑﻴﻪ ﺍﻧﻲ ﻣﺠﺎﻱ ﺍﺗﺤﻤﻞ ﺍﻟﺪﻧﻴﺎ ﺿﺎﻳﮕﻪ ﺑﻌﻴﻨﻲ ﻣﺮﺍﺕ ﺍﻓﻜﺮ ﻛﻮﻥ ﺍﻣﻮﺕ ﻭﺍﺧﻠﺺ
ﺍﻧﺘﻔﺾ ﻛﻞ ﺟﺴﻤﻲ ﻣﻦ ﻛﻼﻣﻪ ... ﻟﻴﺶ ﺗﻤﻮﺕ ﺍﻧﺖ ﻟﻴﺶ ﺍﻧﺎﻧﻲ ﻭﺗﻔﻜﺮ ﺑﺲ ﺑﻨﻔﺴﻚ ﻳﻌﻨﻲ ﻟﻬﻠﺪﺭﺟﻪ ﻣﺠﺘﺒﺊ ﻭﻣﺮﺗﻀﺊ ﻣﺎ ﺍﻟﻬﻢ ﺧﺎﻃﺮ ﻋﻨﺪﻙ ...
ﻣﻮ ﺟﻨﺖ ﺩﻛﻮﻝ ﺍﺣﺐ ﺍﻟﺤﻴﺎﺓ ﻻﻥ ﻏﺰﻝ ﻣﻮﺟﻮﺩﻩ ﺑﻴﻬﺎ ﻟﻴﺶ ﺷﻨﻮ ﻓﺮﻕ ﻏﺰﻝ ﻋﻦ ﻣﺮﺗﻀﺊ ﻭﻣﺠﺘﺒﺊ ...
ﻟﻮ ﻏﺰﻝ ﺍﻣﻬﺎ ﺷﺎﻡ ﺗﺤﺒﻬﺎ ﺍﻧﺖ ﺑﺲ ﻭﻟﺪﻙ ﺍﻣﻬﻢ ﺟﻮﻟﻴﻴﺖ ﻭﺍﻧﺖ ﺗﻜﺮﻩ ﺟﻮﻟﻴﻴﻴﺖ ...
ﻟﻴﺶ ﺟﺎﺍﺍﺳﺮ ﻟﻴﺶ ﻻﻥ ﺍﺧﻮﻳﻪ ﻣﺠﺮﻡ ﻭﺍﻧﺘﻬﻚ ﺣﺮﻣﺔ ﺑﻴﺘﻜﻢ ﺣﻘﻚ ﻣﺎ ﺍﻟﻮﻣﻚ ﺍﻥ ﺷﺎﺀ ﺍﻟﻠﻪ ﻋﺎﺻﻢ ﺗﺎﺧﺬﻩ ﺍﻟﺤﻜﻮﻣﻪ ﻭﺗﺴﺠﻨﻪ ﻭﺍﻥ ﺷﺎﺀ ﺍﻟﻠﻪ ﺗﻄﻠﻜﻨﻲ ﻭﺍﻭﻻﺩﻧﺎ ﺑﻴﻨﻪ
ﻭﺗﺰﻭﺝ ﻭﺍﻹﺣﺴﻦ ﻣﻨﻲ ﺍﺫﺍ ﺗﻜﺮﻫﻨﻲ ﻣﻮ ﻣﺒﺮﺭ ﺗﻜﺮﻩ ﺍﻃﻔﺎﻟﻚ ﻭﻛﺎﺭﻫﻪ ﺍﻟﺪﻧﻴﺎ ﻭﺍﻫﻠﻬﺎ ...
ﻳﻌﻨﻲ ﻣﺠﺘﺒﺊ ﻣﺎ ﻳﻌﺰ ﺑﻌﻴﻨﻚ ﻣﺎ ﺗﻔﺮﺡ ﻣﻦ ﺗﺸﻮﻓﻪ ﻳﻀﻞ ﻳﺼﻔﻚ ﻭﻓﺮﺣﺎﻥ ﻣﻦ ﻳﺸﻮﻓﻚ ﻭﻣﻦ ﺗﺮﻭﺡ ﻭﺗﻌﻮﻓﻪ ﻳﻨﻂ ﻣﻦ ﺍﻟﺒﺠﻲ ﻳﺮﻳﺪﻙ ...
ﺭﺩ ﺑﺎﺳﺘﻨﻜﺎﺭ ... ﻻ ﺑﺎﻟﻌﻜﺲ ﺃﻃﻔﺎﻟﻲ ﺭﺣﻤﺔ ﺍﺟﺘﻨﻲ ﻣﻦ ﺭﺏ ﺍﻟﻌﺎﻟﻤﻴﻦ ﻭﺗﻌﻮﻳﺾ ﻋﻦ ﺍﻟﺮﺍﺡ ﺑﺲ ﻣﻮ ﺑﻴﺪﻱ ﻧﻔﺴﻴﺘﻲ ﺗﻌﺒﺎﻧﻪ ﻭﻏﻠﻴﻠﻲ ﻣﺎ ﺷﻔﻪ ﺟﺮﺡ ﺑﻨﺺ ﮔﻠﺒﻲ ﻟﺤﺪ ﺍﻻﻥ ﻳﻨﺰﻑ
ﺍﺑﺘﺴﻢ ﺑﺤﺰﻥ ... ﺭﺍﺡ ﺍﻓﺘﺢ ﺟﺰﺀ ﻣﻦ ﮔﻠﺒﻲ ﻭﺷﻮﻓﻲ ﺷﻨﻮ ﺑﺪﺍﺧﻠﻲ
ﺃﻟﻢ ﻋﻠﺊ ﻓﺮﺍﮒ ﺷﺎﻡ ﻭﺃﻟﻢ ﻋﻠﺊ ﺭﺟﻌﺘﻬﺎ ...
ﺍﻟﺼﺎﺭ ﻭﻳﺎﻱ ﺻﻌﺐ ﻣﺤﺪ ﻳﺘﺤﻤﻠﻪ ﺍﻭﻝ ﺣﺐ ﻭﺍﻭﻝ ﺯﻭﺟﻪ ﻓﺎﺭﻛﺘﻬﺎ ﻭﺍﻟﻨﻮﻡ ﺟﺎﻓﻪ ﻋﻴﻮﻧﻲ ﻭﻳﻦ ﻫﻲ ﺍﻱ ﻋﺬﺍﺏ ﺗﻌﺬﺑﺖ ﺷﻨﻮ ﺍﻟﻲ ﻗﺎﺳﺘﻪ ﺷﻨﻮ ﺍﻟﻘﺴﻮﻩ ﺍﻟﻲ ﺗﻌﺮﺿﺖ ﺍﻟﻬﺎ ..
ﻭﺍﻙ . ﺍﺣﺴﺎﺱ ﺑﺪﺍﺧﻠﻲ ﻳﻜﻮﻝ ﺭﺟﻮﻉ ﺷﺎﻡ ﻗﺮﻳﺐ ﻭﻫﻞ ﺷﻨﻮ ﻣﺨﺮﺑﻂ ﺍﺣﻮﺍﻟﻲ ﺷﻠﻮﻥ ﺍﺫﺍ ﺳﺎﻟﺘﻨﻲ ﻋﻦ ﻏﺰﻝ ﺷﻨﻮ ﺟﻮﺍﺑﻲ ﻣﺎ ﺣﻔﻈﺖ ﺍﻣﺎﻧﺘﻬﺎ ﺍﻟﻮﺣﻴﺪﻩ ﺗﺨﻴﻠﻲ ﺑﺲ ﻟﻮ ﻛﻠﺘﻠﻲ ﺟﺎﺳﺮ ﻭﻳﻦ ﺑﻨﺘﻲ
ﺍﻡ ﻫﺎﺍﺍﻱ ﺍﻡ ﺷﻠﻮﻥ ﺗﺘﺤﻤﻞ ﺍﺫﺍ ﻛﻠﺘﻠﻬﺎ ﻣﺎﺗﺖ ﺍﻧﺘﻲ ﺭﺩﺕ ﺍﺧﺬﻫﻢ ﻣﻨﺞ ﺗﺨﺒﻠﺘﻲ ﻭﺍﻧﻬﺮﺗﻲ،ﻭﺯﻋﻠﺘﻲ ﻭﺻﺎﺭ ﻋﻨﺪﺝ ﺍﻧﻬﻴﺎﺭ ﻭﺻﺮﻉ ...
ﺷﻠﻮﻥ ﺍﻛﻠﻬﺎ ﺑﻨﺘﺞ ﺩﻓﻨﺘﻬﺎ ﺑﻴﺪﻱ،ﻭﺗﺮﻛﺘﻬﺎ ﺑﺮﻣﻠﺔ ﺍﻟﻨﺠﻒ ...
ﺩﻣﻌﺖ ﻋﻴﻮﻧﻲ ﻭﺻﺮﺕ ﮔﻮﻩ ﺍﻟﻮﻙ ﺑﺎﻟﻜﻤﻪ ﺣﺘﺊ،ﻣﺎ ﺗﻨﺒﻠﻊ ﻏﻠﺒﻨﻲ ﺍﻟﺤﻨﻴﻦ ﺍﻟﻐﺼﻪ ﻭﻛﻌﺖ ﺑﺒﻠﻌﻮﻣﻲ ...
ﺧﻠﻴﺖ ﺍﻟﻠﻔﻪ ﻋﻠﺊ ﺍﻟﻤﻴﺰ ﻭﺳﻜﺘﺖ ﻭﺍﻧﻲ ﺍﺳﺘﻤﻊ ﺍﻟﻪ
ﺍﺭﺩﻑ ﺑﻘﻬﺮ ... ﻭﺛﺎﺭ ﺍﺑﻮﻱ ﻭﺍﺧﻮﻱ ﺍﻟﻲ ﻣﺎ ﺍﻋﺮﻑ ﻣﻦ ﻭﻳﻦ ﻃﻠﻌﻠﻲ ﻋﺴﺎﺱ ﺍﻧﻲ ﻧﺎﻗﺺ ﻣﺸﺎﻛﻞ ﻭﻋﺎﺻﻢ ﺣﻘﻴﻴﻴﺮ ﺍﺣﻘﺮ ﺧﻠﻖ ﺍﻟﻠﻪ ﻭﻻﺯﻡ ﺍﻗﺘﺺ ﻣﻨﻪ ...
ﻭﺍﻧﺘﻲ ﻳﺎ ﺟﻮﻟﻴﻴﺖ ﺍﻧﺘﻲ ﺑﺮﻳﺌﻪ ﻭﺍﻟﻤﺢ ﺍﻟﺤﺰﻥ ﺑﻌﻴﻮﻧﺞ ﻭﺿﻠﻤﺘﺞ ﻫﻮﻭﺍﻱ ﻭﺗﺠﺒﺮﺕ ﻋﻠﻴﺞ
ﺣﺮﻣﺘﺞ ﻣﻦ ﻫﻮﻭﻭﺍﻱ ﺍﻣﻮﺭ ﺣﺮﻣﺘﺞ ﻣﻦ ﺍﻣﺞ ﻭﺍﻫﻠﺢ ﺑﺲ ﺻﺪﻛﻴﻨﻲ ﻫﺬﻱ ﺑﺲ ﺑﺒﺪﺍﻳﺔ ﺛﺎﺭﻱ ﺑﺲ ﺑﻌﺪﻫﺎ ﻣﻦ ﺷﻔﺖ ﺍﻟﺤﺰﻥ ﻏﻄﺎ ﻛﺎﻣﻞ ﻋﻴﻮﻧﺞ
ﻛﻠﺖ ﻻﺍﺍ ﻻ ﺗﺤﺮﻣﻬﺎ ﻣﻦ ﺍﻫﻠﻬﺎ ﻭﺣﺒﻴﺖ ﺍﺭﺟﻌﺞ ﺍﻟﻬﻢ ﺑﺲ ﻟﻼﺳﻒ ﺍﻟﺼﺎﺭ ﻣﺎ ﺍﻛﺪﺭ ﺍﺣﺠﻲ ﻭﻻ ﺍﻛﺪﺭ ﺍﻛﺴﺮ ﺧﺎﻃﺮﺝ ..
ﺍﻧﺘﻲ،ﺑﺪﻭﻧﻲ ﺗﻀﻴﻌﻴﻴﻦ ﻃﻔﻠﻪ ﻭﺍﻧﻀﻠﻤﺘﻲ ﻭﻳﺎﻱ ﺍﺟﻴﺘﻲ ﺑﻮﻗﺖ ﺟﺎﺳﺮ ﻣﻮ ﺟﺎﺳﺮ ﻻ ﻛﺎﺍﺍﺍﺳﺮ
ﺍﻧﻲ ﻓﻌﻼ ﺗﻌﺒﺎﻥ ﺑﺲ ﻣﺤﺪ ﺣﺎﺍﺍﺱ ﺑﻴﻪ ﻭﺍﻟﺘﻔﻜﻴﺮ ﺍﺣﺲ ﺗﻌﺒﻨﻲ ﺍﺣﺲ ﺷﺮﻳﺎﻥ ﺭﺍﺡ ﻳﻄﻚ ﺑﺮﺍﺳﻲ ...
ﻣﺴﺤﺖ ﺩﻣﻮﻋﻲ ... ﻭﺍﻟﻠﻪ ﻳﺎ ﺟﺎﺳﺮ ﺍﻧﻲ ﻣﺠﻨﺖ ﻧﺎﻭﻳﻪ ﺍﺍﺫﻳﻚ ﻭﻟﻮ ﺑﻜﻠﻤﻪ ﺑﺲ ﺍﻧﺖ ﺍﺳﺘﻐﻠﻴﺖ ﻫﻮﺍﻳﻪ ﺍﻣﻮﺭ ﺍﻟﺼﺎﻟﺤﻚ
ﺍﻧﻲ ﻣﻦ ﺧﻮﻓﻲ ﻣﻨﻚ ﺟﻨﺖ ﻣﺎ ﺍﺣﺠﻴﻠﻚ ﺍﻱ ﺷﺊ ﺍﺧﺎﻑ ﺗﻀﺮﺑﻨﻲ ﺍﻧﻲ ﻣﺜﻠﻚ ﻭﺍﻟﻠﻪ
ﻋﺎﻳﺸﻪ ﺑﺮﻋﺐ ﺧﺎﻳﻔﻪ ﺗﺎﺧﺬ ﺍﻃﻔﺎﻟﻲ ﻣﻨﻲ ﻭﺗﺸﻤﺮﻧﻲ ﻭﺻﻴﺮ ﻣﺜﻞ ﻟﺒﻮﻩ ﻓﺎﻗﺪﻩ ﺿﻨﺎﻫﺎ ﻭﻣﺤﺪ ﻣﺌﺎﺯﺭﻫﺎ ...
ﺍﺧﺎﻑ ﺑﻴﻮﻡ ﻣﻦ ﺍﻻﻳﺎﻡ ﺗﻀﺮﺑﻨﻲ ﻭﺗﺸﻠﻨﻲ ﺑﻀﺮﺑﺘﻚ ﻻﻥ ﺍﻧﺖ ﺗﻔﻘﺪ ﻣﻦ ﺗﺮﻳﺪ ﺗﻀﺮﺏ ...
ﺍﻧﺖ ﻣﺘﺮﺣﻢ ﻭﻻ ﺗﺘﻔﺎﻫﻢ ﻭﻳﺎﻳﻪ ﺧﻠﻴﺘﻨﻲ ﺍﺧﺎﻑ ﻭﻣﺎ ﺍﺛﻖ ﺑﻴﻚ ...
ﻭﺩﺍﺋﻤﺎ ﻛﻼﻣﻲ ﻋﻨﺪﻙ ﻻ ﺷﺊ ﺭﻏﻢ ﺗﻮﺳﻠﺘﻲ ﺍﻧﻲ ﻫﻤﺎﺗﻴﻦ ﺗﻌﺒﺖ ﻣﻮ ﺑﺲ ﺍﻧﺖ ...
ﻟﻴﺶ ﺻﺮﺕ ﺍﻓﻘﺪ ﻭﺍﻧﻬﺎﺭ ﻭﺍﻧﺼﺮﻉ ﻻﻥ ﺍﻟﻤﺸﺎﻛﻞ ﻣﺎ ﺧﻠﺖ ﻋﻘﻞ ﺑﺮﺍﺳﻲ ﺟﺎﺳﺮ ﻣﻠﻴﻴﺖ ﻭﺍﻟﺼﺒﺮ ﻓﺎﻗﺖ ﺣﺪﻭﺩﻩ ﻋﻨﺪﻱ ﺍﺭﺣﻤﻨﻲ ﻭﻻ ﺗﺮﻋﺒﻨﻲ ﺭﻳﺤﻨﻲ ﻭﻟﻮ ﺑﻜﻠﻤﻪ ﻭﻛﻮﻝ ﺍﻟﻘﺎﺩﻡ ﺍﻥ ﺷﺎﺀ ﺍﻟﻠﻪ ﺍﺣﻠﺊ ...
ﺟﺮ ﻧﻔﺲ ... ﺍﻥ ﺷﺎﺀ ﺍﻟﻠﻪ ﺃﺣﻠﺊ ...
ﻭﻛﻒ ﺑﺴﺮﻋﻪ ﻛﺎﻝ ﺑﻬﻤﺲ ﻋﻄﺸﺖ ﻭﺍﻟﻠﻪ ..
ﻭﻛﻔﺖ .. ﺩﺍ ﺍﺭﻭﺡ ﺍﺟﻴﺒﻠﻚ ﻣﻲ
ﺳﺤﺒﻨﻲ ﻭﺍﺣﺘﻀﻦ ﺧﺼﺮﻱ ... ﻭﺍﻟﻠﻪ ﻳﺎ ﺍﻡ ﻣﺠﺘﺒﺊ ﻧﺸﻔﺘﻲ ﺣﻠﻜﻲ ﻭﻋﻄﺸﺘﻴﻨﻲ ﺧﻠﻲ ﺍﺭﻭﻱ ﻧﻔﺴﻲ ﻋﻠﺊ ﻃﺮﻳﻘﺘﻲ
ﺍﻟﺘﻬﻢ ﺷﻔﺎﻳﻔﻲ ﺑﻜﻞ ﺭﻗﻪ ﻭﻧﻌﻮﻭﻣﻪ ﻭﺩﻓﻮﻭﺍ ...
ﻏﻤﻀﺖ ﻋﻴﻮﻧﻲ ﻭﺍﻟﻠﻪ ﺻﻌﺒﻪ ﺣﻴﺎﺓ ﺑﻴﻦ ﻣﺪ ﻭﺟﺰﺭ ﻳﻮﻡ ﻳﻀﺮﺑﻨﻲ ﻭﺍﻟﺜﺎﻧﻲ ﻳﺒﻮﺳﻨﻲ ...
ﺍﺑﺘﻌﺪ ﺷﻮﻳﻪ ﻋﻨﻪ ﻭﻣﺴﺤﺖ ﺷﻔﺎﻳﻔﻲ،ﺑﻜﻢ ﺛﻮﺑﻲ ..
ﻋﺎﺩ ﻫﻮ ﺛﺎﺭ ﻋﻠﻴﻪ ﻭﺭﺟﻊ ﺑﺎﺳﻨﻲ ﺑﻘﻮﻩ ﻭﻋﻨﻒ ﺭﺟﻊ ﺑﺎﻭﻋﻠﻲ ﺑﻐﻀﺐ ... ﺍﻣﺴﺤﻲ ﺷﻔﺎﻳﻔﺞ ﻭﺷﻮﻓﻲ ﺑﺮﺑﻮﻙ ﻣﺎ ﻋﺎﺟﺒﻬﻪ
ﺿﺤﻜﺖ ﻭﺩﺍ ﺍﺭﻳﺪ ﺍﻣﺴﺢ ﻭﺑﻌﺪﻫﺎ ﻧﺰﻟﺖ ﺍﻳﺪﻱ ... ﻻ ﻣﻮ ﻫﻴﺞ ﺑﺲ ﺍﻧﻲ ﻫﻴﺞ ﻃﺒﻌﻲ ﺣﺘﺊ ﺍﺫﺍ ﺷﺮﺑﺖ ﻣﻲ ﺍﻣﺴﺢ ﺷﻔﺎﻳﻔﻲ ...
ﻏﻤﺰﻟﻲ ... ﺍﻱ ﺑﺲ ﺑﻮﺳﺘﻲ ﻻ ﺗﻤﺴﺤﻴﻬﺎ ...
ﻧﺰﻟﺖ ﻋﻴﻮﻧﻲ ﺑﺎﺣﺮﺍﺝ ﻭﻫﻮ ﻃﻠﻊ ﺑﺮﻩ ﺍﻟﻤﻄﺒﺦ ﺑﺸﻤﻮﺥ ﺍﻱ ﺣﻘﻪ ﻳﻀﺮﺏ ﺑﻜﻴﻔﻪ ﻭﻳﺒﻮﺱ ﺑﻜﻴﻔﻪ ﻫﻬﻪ
ﺑﺲ ﻣﻴﺨﺎﻟﻒ ﺍﻟﻤﻬﻢ ﺣﺎﺯﻡ ﻃﻠﻊ ﻣﻦ ﻫﻞ ﻣﺸﻜﻠﻪ ﺍﻟﺤﻤﺪ ﻟﻠﻪ ...
ﺭﺣﺖ ﺳﻤﻌﺖ ﺍﻻﻃﻔﺎﻝ ﻳﺒﺠﻮﻥ ﺩﺍ ﺍﺳﻮﻱ ﺍﻟﻬﻢ ﻣﻤﻴﺎﺕ ﺩﻭﺭﺕ ﻋﻠﺊ ﻣﻤﺔ ﻣﺠﺘﺒﺊ ﻣﺎﻛﻮ ﻧﻜﺘﺖ ﺍﻟﺒﻴﺖ ﻧﻜﺖ ﻣﺎﻛﻮ
ﻟﻄﻤﺖ ﺧﺪﻱ ﺑﺨﻮﻑ ... ﻋﺰ ﺍﻟﻌﺰﺍﻧﻲ ﺿﻠﺖ ﺑﺎﻟﺨﺮﺍﺑﻪ ﻣﺎﻝ ﺟﺎﺳﺮ ﻳﺎﺭﺑﻲ ﻻﺍﺍ ﺳﺘﺮﻙ ﻳﺎﺭﺏ ...
ﺍﻧﻮﺏ ﺟﺎﺳﺮ ﻫﻮ ﺍﻟﻲ ﺟﺎﺏ ﺍﻟﻬﻢ ﺍﻟﻤﻤﺎﺕ ...
......................
ﻭﻗﺎﺭ ...
ﻋﻤﺘﻲ ﺍﻡ ﺟﺎﺑﺮ ﺭﺍﺣﺖ ﻟﻠﺴﻮﻙ ﻭﻋﻤﻮ ﺧﺎﺑﺮﻭﺍ ﻭﺭﺍﺡ ﻭﺍﻧﻲ ﺿﻠﻴﺖ ﺍﻟﻮﺣﺪﻱ ... ﻭﺭﻳﻬﺎﻡ ﺍﺟﺎﻫﺎ ﺻﻼﺡ ﻭﺭﺍﺣﺖ
ﺟﺎﺑﺮ ﺑﺪﻭﺍﻣﻪ ...
ﺧﺎﺑﺮﺗﻪ ﻓﺘﺢ ﺧﻂ ﻛﺘﻠﻪ ﺑﺪﻟﻊ ... ﺍﻟﻮ
ﺭﺩ ﺑﺤﺐ . ﺍﻟﻮ ﻳﺤﻠﻮﻭﻭ
ﺿﺤﻜﺖ ... ﺍﻟﺤﻤﺪ ﻟﻠﻪ ﺗﻤﺎﻡ ﻭﺍﻧﺖ ﺷﻨﻮ ﺣﺎﺏ ﺍﺳﻮﻳﻠﻚ ﻏﺪﺍ ﺣﺘﺊ ﺍﺣﻀﺮ ﻣﻦ ﻫﺴﻪ
ﺟﺎﻭﺑﻨﻲ ﺑﻠﻬﻔﻪ ... ﻛﻠﺸﻲ ﻣﻦ ﺍﻳﺪﺝ ﺣﻠﻮﻭﻭ ﻣﺸﺘﺎﻗﻠﺞ ﻭﻟﺞ ﻣﻠﻌﻮﻭﻭﻧﻪ ﻭﻫﺎﺍﺍ ﺗﺮﺉ ﺍﺭﻳﺪ ﺑﻨﻴﻪ ﻛﻮﻥ ﻣﺜﻠﺞ ﻫﺎﺩﺋﻪ ﻭﺑﻨﻔﺲ ﺍﻟﻮﻗﺖ ﻣﻜﻄﻮﻉ ﺧﻴﻂ ﺑﺮﺍﺳﻬﺎ
ﺿﺤﻜﺖ ﺑﺼﻮﺕ ﻋﺎﻟﻲ ... ﺍﺩﺭﻱ ﺩﺗﻤﺪﺡ ﺩﺗﺬﻡ
ﺭﺩ ﻋﻠﻴﻪ ﺑﻀﺤﻜﻪ ... ﻣﻨﺎ ﻭﻣﻨﺎ ﺻﺎﻳﺮﻩ ﺗﺨﺒﻠﻴﻦ ﻭﻣﺮﺣﻪ ﻭﺻﺎﺑﺮ ﺍﺷﺘﺎﻕ ﺍﻟﺞ ﺑﺤﻴﺚ ﻫﺴﻪ ﺍﺭﻳﺪ ﺍﺧﺬ ﺍﺟﺎﺯﻩ ﻭﺍﺟﻲ
ﺟﺎﻭﺑﺘﻪ ﺑﺘﻮﺳﻞ ... ﺍﻱ ﻋﻔﻴﻪ ﺣﺒﺎﺏ ﺗﻌﺎﺍﺍﻝ
ﺿﺤﻚ ... ﻫﻬﻬﻪ ﻭﺍﻟﻠﻪ ﺑﺲ ﺍﺧﻠﺺ ﺷﻐﻞ ﺍﺟﻲ،ﺑﺴﺮﻋﻪ
ﺿﻠﻴﺖ ﺷﻮﻳﻪ ﺍﺣﺠﻲ ﻭﻳﺎﻩ ﻭﺑﻌﺪﻫﺎ ﻗﻔﻠﺖ ﺍﻟﺨﻂ ﺿﻠﻴﺖ ﺍﻧﻀﻒ ﻭﻋﺪﻧﺎ ﺩﺟﺎﺟﻪ ﺗﺒﻠﺘﻬﺎ ﺑﺼﺎﺹ ﻭﻛﺠﺐ ﻭﺩﺑﺲ ﺍﻟﺮﻣﺎﻥ ﻭﻟﻴﻤﻮﻥ ﺩﺍ ﺍﺳﻮﻳﻬﺎ ﺷﻮﻱ ...
ﻓﺮﺣﺎﻧﻪ ﺣﻴﻴﻴﻞ ﻭﻣﺮﺗﺎﺣﻪ ﺍﻛﺜﺮ ﻣﻦ ﺍﻫﻠﻲ ﻭﻣﺎﻣﺎ ﻛﻞ ﺷﻮﻳﻪ ﺗﺨﺎﺑﺮﻧﻲ ﻭﻫﻲ ﺑﺎﻟﻨﺠﻒ ﻛﺎﻟﺖ ﺷﺘﺮﺩﻳﻦ ﺍﺟﻴﺐ ﺍﻟﺞ ﻣﻨﺎﻙ
ﺍﻧﻲ ﺍﺣﺐ ﻃﺮﺷﻲ ﺍﻟﻨﺠﻒ ﺍﻟﻤﺪﺑﺲ ﻛﻠﺘﻠﻬﺎ ﺟﻴﺒﻴﻠﻲ ﻃﺮﺷﻲ ﻛﺎﻟﺖ ... ﺍﺩﻟﻠﻲ ﺟﻢ ﻭﻗﻮﺭﻩ ﻋﻨﺪﻱ ...
ﺍﻣﻲ ﺗﺼﺮﻓﺎﺗﻬﺎ ﻣﻮ ﻣﺜﻞ ﻗﺒﻞ ﻗﺒﻞ ﺟﺎﻧﺖ ﺍﺣﺴﻬﺎ ﻣﺘﺤﺒﻨﻲ ﻭﺗﺴﺘﻌﺎﺭ ﻣﻨﻲ ﻭﻟﻮ ﻣﺎﻛﻮ ﺍﻡ ﺗﻜﺮﻩ ﺿﻨﺎﻫﺎ ﺑﺲ ﻫﻲ ﺗﺼﺮﻓﺎﺗﻬﺎ ﺗﻌﻜﺲ
ﻳﻤﻜﻦ ﻻﻥ ﺍﻳﺪﻱ ﻣﻔﻘﻮﺩﻩ ﻫﻴﺞ ﺗﺘﺼﺮﻑ ﺑﺲ ﻣﻦ ﺗﺰﻭﺟﺖ ﺟﺎﺑﺮ ﻭﺻﺪﻳﻘﺎﺕ ﻣﺎﻣﺎ ﻛﻠﻬﻦ ﺗﻌﺠﺒﻦ ﻋﻠﺊ ﺟﺎﺑﺮ ﻣﺎﻣﺎ ﻣﻜﻴﻔﻪ ﻋﺒﺎﻟﻚ ﺟﺎﺑﺮ ﻣﺘﺰﻭﺟﻬﺎ ﻫﻬﻬﻬﻪ
ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ﺷﻮﻳﻪ ﻛﻠﺖ ﻣﻨﻮﻭﻭ
ﻫﻲ ﺟﺎﻭﺑﺖ ... ﺍﻧﻲ ﺍﻧﻲ ﻭﺩﻓﻌﺖ ﺍﻟﺒﺎﺏ ﻭﺩﺧﻠﺖ ﺑﺎﻭﻋﺘﻠﻬﺎ ﻣﺴﺘﻐﺮﺑﻪ ﻳﺒﻮﻭﻭ ﻫﺎﻱ ﺍﻡ ﺩﺍﻭﻭﺩ ﺷﺠﺎﺑﻬﺎ ...
ﻭﻣﺎ ﺍﺷﻮﻑ ﺍﻟﻪ ﻭﺭﺍﻫﺎ ﻭﺍﺣﺪ ﻳﻤﺸﻲ ﻋﻠﺊ ﻋﻜﺎﺯﻩ ﻭﻳﻌﺮﺝ
ﻭﻣﺘﻐﻴﻴﺮ ﺣﻴﻴﻞ ... ﻋﺰﺍ ﺍﻟﻌﺰﺍﻧﻲ ﺩﺍﻭﻭﺩ
ﺭﺟﻌﺖ ﺑﺼﺪﻣﻪ ﻭﻫﻠﻊ ﻫﻮ ﺑﺎﻭﻋﻠﻲ ﻭﺿﺤﻚ ﺑﺴﺨﺮﻳﻪ ... ﺍﻡ ﺍﻳﺪ ﺍﻟﻤﻜﻄﻮﻣﻪ ﺻﺎﺭﺕ ﻣﺮﻩ ﻭﺗﺘﻌﺎﺭﻙ ﻋﻠﻴﻬﺎ ﺍﻟﺰﻟﻢ
ﻋﻘﺪﺕ ﺣﻮﺍﺟﺒﻲ ﻭﺭﺩﻳﺖ ﻋﻠﻴﻪ ﺑﻐﻀﺐ ... ﺍﺷﺮﻑ ﻣﻨﻚ ﻭﻣﻦ ﺍﻣﺜﺎﻟﻚ ﻋﻠﺊ ﺍﻻﻗﻞ ﺍﻧﻲ ﻓﻘﺪﺕ ﺍﻳﺪﻱ ﻭﺍﻧﻲ ﺑﺮﻳﺌﻪ ﻭﺍﻧﺖ ﺍﺧﻮﻳﻪ ﻛﺴﺮﻙ ﻭﺧﻼﻙ ﺗﻌﺮﺝ ﻻﻥ ﻋﺎﺍﺭ
ﻋﺎﺩ ﻫﻮ ﺗﺨﺒﻞ ﻫﺠﻢ ﻋﻠﻴﻪ ﺑﻌﻜﺎﺯﺗﻪ ﺭﺍﺩ ﻳﻀﺮﺑﻨﻲ ﻭﺍﻣﻪ ﻭﻛﻔﺖ ﺑﻮﺟﻬﻪ ﻛﻠﺘﻠﻪ ... ﻋﻮﻓﻬﺎ ﻫﺎﻱ ﺣﺴﺎﺑﻬﺎ ﺑﻌﺪﻳﻦ ﺍﺣﻨﻪ ﺟﺎﻳﻴﻦ ﻧﻌﺘﺬﺭ ﻣﻦ ﺷﻴﺦ ﻋﻜﺎﺏ
ﺿﺤﻚ ﺑﺎﺳﺘﻬﺰﺍﺀ ... ﺗﻤﺎﻡ ﺗﻤﺎﻡ ﻧﺸﻮﻑ ﺑﻌﺪﻫﺎ ﺷﻨﺴﻮﻱ
ﺩﺍ ﺍﻃﺮﺩﻫﻢ ﻭﺍﺟﻪ ﻋﻤﻲ ﺍﻭﻝ ﻣﺮﻩ ﻣﺎ ﺍﺳﺘﻘﺒﻠﻬﻢ ﺑﺲ ﺑﻌﺪﻫﺎ ﻛﻠﻜﻢ ﺗﻔﻀﻠﻮﺍ ...
ﻫﻮ ﻓﺎﺕ ﻣﻨﻲ ﻭﻛﺎﻝ ... ﺣﻠﻴﺎﻧﻪ ﺍﺧﺖ ﺍﻟﻜﻠﺐ ...
ﺟﺎﻭﺑﺘﻪ ﺑﺤﺪﻩ ... ﻣﺎ ﻏﻴﺮﻙ ﻛﻠﺐ
ﻋﻔﺘﻪ ﻭﺩﺧﻠﺖ ﺟﻮﻩ ﻭﺍﻧﻲ ﺍﻓﻮﺭ ﻫﺬﺍ ﻧﻴﺘﻪ ﻣﻮ ﺻﺎﻓﻴﻪ ﻳﺠﻲ ﺟﺎﺑﺮ ﻭﺍﻛﻮﻟﻪ ﻋﻠﻴﻪ ...
..............................
ﺭﻳﻬﺎﻡ ...
ﺻﻼﺡ ﺭﺍﺡ ﻳﺠﻴﺐ ﺍﻟﺘﺤﻠﻴﻞ ﻭﺍﻧﻲ ﻣﻨﺘﻈﺮﻩ ﻋﻠﺊ ﻧﺎﺭ ﻭﺧﺎﻳﻔﻪ ﻭﻣﺮﺗﺒﻜﻪ ﺩﺧﻠﺖ ﺟﻮﻟﻴﻴﺖ ﻛﺎﻟﺖ ... ﻛﻮﻟﻲ ﻳﺎﻟﻠﻪ ﺭﻫﻮﻣﻪ ﺍﻥ ﺷﺎﺀ ﺍﻟﻠﻪ ﻣﺎﺑﻲ ﺷﺊ
ﺍﺑﺘﺴﻤﺖ ﺑﻘﻠﻖ ... ﻭﺍﻟﻠﻪ ﻳﺎ ﺟﻮﻟﻴﻴﺖ ﻣﺎ ﻣﺘﻄﻤﻨﻪ ﺑﺲ ﺍﻛﻮﻝ ﺍﻥ ﺷﺎﺀ ﺧﻴﺮ ...
ﻟﺰﻣﺖ ﺍﻳﺪﻫﺎ ﺍﻃﻤﻨﻬﺎ ... ﺍﻥ ﺷﺎﺀ ﺍﻟﻠﻪ ﻭﺍﻟﻠﻪ ﺍﻧﺘﻲ ﻣﺎ ﺗﺴﺘﺎﻫﻠﻴﻦ ﺣﺒﺎﺑﻪ ﻭﻛﻠﺒﺞ ﻧﻈﻴﻒ ﺑﺲ ﺍﻟﻤﺆﻣﻦ ﻣﺒﺘﻠﺊ ﺧﻠﻲ ﺍﻣﻠﺞ ﺑﺮﺑﺞ ﻛﺒﻴﺮ
ﺟﺮﻳﺖ ﻧﻔﺲ ... ﻭﻧﻌﻢ ﺑﺎﻟﻠﻪ
ﺍﺟﻪ ﺻﻼﺡ ﺭﻛﻀﺖ ﻋﻠﻴﻪ ﻣﻠﻬﻮﻭﻓﻪ ﻛﺘﻠﻪ ... ﻫﺎﺍﺍ ﺑﺸﺮ ﺻﻼﺡ
ﺿﺤﻚ ﻛﺎﻝ ... ﻟﻜﻴﺘﻪ ﻣﻌﺰﻝ ﺍﻟﺪﻛﺘﻮﺭ ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﺟﻴﺒﻪ
ﻫﻤﺴﺖ ... ﺍﻥ ﺷﺎﺀ ﺍﻟﻠﻪ
ﺧﻠﻴﺖ ﻭﻃﻠﻌﺖ ﺍﻧﻲ ﻭﺟﻮﻟﻲ ﺭﻏﻢ ﻣﺎﻛﻮ ﺍﻟﺘﺤﻠﻴﻞ ﺑﺲ ﺍﺭﺗﺎﺣﻴﺖ ﺍﻟﺤﻤﺪ ﻟﻠﻪ ﺧﺎﻳﻔﻪ ﻣﻨﻪ ﺣﻴﻴﻞ ﻳﺎﺭﻳﺖ ﺻﻼﺡ ﻣﺎ ﻳﺠﻴﺒﻪ ...
ﻛﻌﺪﻧﻪ ﺑﺎﻟﺤﺪﻳﻘﻪ ﻭﺍﻟﻌﺮﻭﺱ ﺍﻟﺠﺪﻳﺪﻩ ﻣﺎﺧﺬﻩ ﺍﻟﺒﻴﺖ ﺣﺎﺻﻞ ﻓﺎﺻﻞ ﺑﺲ ﻭﺣﺪﻩ ﺗﺠﻲ ﻣﻦ ﺍﻟﺴﻮﻙ ﻫﻲ ﺗﺠﻲ ﺗﺮﻛﺾ ﺗﻨﺰﻉ ﺟﻮﺍﺭﻳﺐ ﺭﺿﻴﻪ ﻭﺍﻡ ﻓﻼﺡ ﻭﺗﻐﺴﻠﻬﻦ ﻭﺗﻐﺴﻞ ﺍﻟﻌﺒﻲ ﻣﺎﻟﺘﻬﻦ ...
ﻭﻫﻨﻪ ﻣﻜﻴﻔﺎﺕ ﺭﺿﻴﻪ ﺗﻤﻮﺕ ﻋﻠﻴﻬﺎ ﻭﻛﻞ ﺷﻮﻳﻪ ﻭﻋﺎﺭﻛﺖ ﺟﻌﻔﺮ ﻻﻥ ﺟﻌﻔﺮ ﻳﺼﻨﻒ ﻋﻠﻴﻬﺎ ﻭﻳﻘﺼﻒ ﺑﻴﻬﺎ ...
ﺍﺗﺼﻞ ﻣﻮﺑﺎﻳﻞ ﻋﻤﺘﻲ ﺍﻡ ﻓﻼﺡ ﻛﺎﻟﺖ ﺑﺎﺳﺘﻐﺮﺍﺏ ... ﻫﺎﻱ ﻧﻮﺍﻝ ...
ﺭﺩﺕ ﺷﻬﺪ ﺑﻐﻀﺐ ... ﺍﻫﻮﻭﻭ ﻫﻢ ﻭﺟﻬﻪ ﺍﻟﻄﺎﻭﻩ ﻣﺎ ﻧﺮﺗﺎﺡ ﻣﻨﻬﺎ ...
ﻋﻤﺘﻲ ﺿﻠﺖ ﺗﺤﺠﻲ ﻭﻳﺎﻫﺎ ﻭﺑﻌﺪﻫﺎ ﺿﺮﺑﺖ ﺻﺪﺭﻫﺎ ﺑﻔﺠﻴﻌﻪ ... ﻋﺰﺍ ﺍﻟﻐﺰﺍﺝ ﻭﻟﺞ ﺷﻠﻮﻥ ﺣﺎﻣﻞ ﻭﻣﻦ ﺷﻮﻛﺖ ﺍﺻﻼ ﺟﻌﻔﺮ ﺷﻮﻛﺖ ﻧﺎﻡ ﻭﻳﺎﺝ
ﺍﻧﻲ ﺑﺎﻭﻋﺖ ﺍﻟﺠﻮﻟﻴﻴﺖ ﻭﺟﻮﻟﻲ ﺑﺎﻭﻋﺖ ﺍﻟﺸﻬﺪ ﺍﻟﻲ ﺍﺣﺘﻘﻦ ﻭﺟﻬﻬﺎ ﻭﻓﺎﺭﺕ ﺍﻋﺼﺎﺑﻬﺎ ...
ﺍﺭﺩﻓﺖ ﺍﻡ ﻓﻼﺡ ... ﻣﻦ ﺟﺎﻥ ﺳﻜﺮﺍﻥ ﺑﻌﺮﺱ ﻭﻗﺎﺭ ﻫﻮ ﺩﺧﻞ ﻋﻠﻴﺞ ﻋﺰﺍ ﺑﻌﻴﻨﺞ ﻛﻮﻭﻭﻥ ...
ﻗﻔﻠﺖ ﺍﻟﺨﻂ ﻭﺑﺎﻭﻋﺖ ﺍﻟﺮﺿﻴﻪ ﺑﺨﺬﻻﻥ ﻭﺭﺿﻴﻪ ﻫﺰﺕ ﺭﺍﺳﻬﺎ ﺑﺎﺳﺊ
ﺩﺧﻞ ﺟﻌﻔﺮ ﻭﻫﻮ ﻳﻔﺮ ﺑﺴﻮﻳﺞ ﺍﻟﺴﻴﺎﺭﻩ ﻫﺠﻤﺖ ﻋﻠﻴﻪ ﺷﻬﺪ ﻭﺭﺿﻴﻪ ﻭﺍﻡ ﻓﻼﺡ ﻛﻠﻮﻟﻪ ﻧﻮﺍﻝ ﺣﺎﻣﻞ ...
ﺭﺩ ﺑﺼﺪﻣﻪ ... ﺷﻬﻞ ﻛﻼﻭﺍﺕ ﻫﻮ ﺍﻧﻲ ﺷﺎﻳﻒ ﻭﺟﻬﻪ ﺍﻧﻮﺏ ﺍﻧﺎﻡ ﻭﻳﺎﻫﺎ ﻭﺣﺎﻣﻞ ﺗﺎﻛﻞ ﻧﻌﻞ ﺟﺬﺍﺑﻪ
ﺭﺿﻴﻪ ... ﺩﻛﻮﻝ ﻣﻦ ﺟﻨﺖ ﺳﻜﺮﺍﻥ ﺑﻌﺮﺱ ﻭﻗﺎﺭ
ﺟﺎﻭﺑﻬﺎ ﺑﺎﺳﺘﻨﻜﺎﺭ ... ﺟﺬﺍﺑﻪ ﻳﻤﻌﻮﺩﻩ ﻭﺍﻟﻠﻪ ﺟﺬﺍﺑﻪ ﺧﺘﻠﻲ،ﻫﺎﻱ ﺍﻧﻮﺏ ﺣﺎﻣﻞ ﺍﻧﺘﺤﺮ ﺍﺣﺴﻦ ﺍﻟﻲ
ﺧﺎﻑ ﺍﻟﺠﻨﻲ ﺣﺒﻠﻬﺎ ﻣﻮ ﻫﻲ ﺩﻛﻮﻝ ﻳﻐﺎﺯﻝ ﺑﻴﻪ ﻭﻳﻔﺘﺮ ﻋﻠﻴﻪ ﺑﺸﻮﺭﺗﻪ
ﺍﻣﻪ ﺭﺩﺕ ﺑﻐﻀﺐ ... ﺟﻌﻔﺮ ﻻ ﺗﺨﺒﻠﻨﻲ ﺍﺣﺠﻲ ﺍﻟﺼﺪﻙ ﺍﻧﺖ ﻣﺘﻘﺮﺏ ﻣﻨﻬﺎ ﻟﻮ ﻻ
ﺭﺩ ﺑﺼﺪﻣﻪ ... ﻫﻮ ﺍﻧﻲ ﻣﻦ ﺍﺷﻮﻓﻬﺎ ﺍﺑﺘﻌﺪ ﻣﺘﺮﺗﻴﻦ ﻣﻮ ﺍﻧﻮﺏ ﺍﺗﻘﺮﺏ ﻣﻨﻬﺎ ...
ﺑﺲ ﺍﻟﻠﻪ ﺍﻋﻠﻢ ﻳﺠﻮﺯ ﻭﺍﻧﻲ ﺳﻜﺮﺍﻥ ﺍﻋﺘﺪﺕ ﻋﻠﻴﻪ ﺟﺬﺍﺑﻪ ﻭﺍﻟﻠﻪ ﻟﻮ ﺻﺪﻙ ﺣﺎﻣﻞ ﺍﻧﺘﺤﺮ ....
ﻭﻳﻴﻴﻊ ﺍﻧﻮﺏ ﻭﺟﻬﻪ ﺍﻟﻄﺎﻭﻩ ﺣﺎﻣﻞ ﺑﻜﺪ ﺣﺒﻮﺑﺘﻲ ﻭﺣﺎﻣﻞ ﺍﺻﻼ ﻫﻲ ﺑﻌﺪ ﻣﺘﺨﻠﻒ
ﺿﺮﺑﺘﻪ ﺭﺿﻴﻪ ﻋﻠﺊ ﻛﺘﻔﻪ ... ﻭﻟﻚ ﻻ ﺗﻜﻌﺪ ﺗﻘﻠﺪ ﺍﺣﺠﻲ ﺍﻟﺼﺪﻙ ﻭﺑﻌﺪﻳﻦ ﻫﻲ ﻣﻨﻴﻠﻬﺎ ﺟﺒﻴﺮﻩ ﺻﻐﻴﺮﻩ ﺍﻟﺒﻨﻴﻪ ﻛﻞ ﻋﻤﺮﻫﺎ 35
ﺟﻌﻔﺮ ﺑﻐﻀﺐ ... ﺩﺧﻠﻲ ﺗﻮﻟﻲ ﺍﻡ ﺍﻟﺸﻔﻂ ﻭﺍﻟﻨﻔﺦ ﻭﺍﻟﻤﻌﻂ ﺩﺧﻠﻲ ﺍﻋﺘﺮﻑ ﺑﻴﻬﺎ ﺍﻧﻮﺏ ﺍﻋﺘﺮﻑ ﺑﺎﺑﻨﻬﺎ ...
ﺷﻬﺪ ﺟﺎﻧﺖ ﺗﻨﻔﺦ ﻭﺑﻌﺪﻫﺎ ﺧﻠﺖ ﻭﺭﺍﺣﺖ ﻣﺘﻌﺼﺒﻪ ﺍﻟﻐﺮﻓﺘﻬﺎ ...
ﺑﺲ ﻭﺍﻟﻠﻪ ﺍﻧﻘﻬﺮﻧﻪ ﻋﻠﻴﻬﺎ ﺑﻌﺪﻫﺎ ﻋﺮﻭﺱ ﻭﺗﻨﺼﺪﻡ ﺑﺤﻤﻞ ﻧﻮﺍﻝ ...
...........................
ﺟﺎﺑﺮ ...
ﺧﺎﺑﺮﻧﻲ ﺟﺎﺳﺮ ﻛﺎﻝ ﺑﻜﻞ ﻋﺼﺒﻴﺔ ﻭﻏﻀﺐ ... ﺗﻌﺎﺍﺍﺍﻝ ﻟﻠﺒﻴﺖ ﺍﻟﻘﺪﻳﻢ
ﻗﻠﻘﻠﺖ ﻭﺍﺳﺘﻐﺮﺑﺖ ﻣﺎ ﻟﺤﻜﺖ ﺍﺳﺎﻝ ﺷﻜﻮﻭ ﻻﻥ ﻗﻔﻞ ﺍﻟﺨﻂ
ﺭﻛﺒﺖ ﺳﻴﺎﺭﺗﻲ ﻭﺭﺣﺖ ﻟﻠﺒﻴﺖ ﺍﻟﻘﺪﻳﻢ ﻭﻛﻞ ﺷﻮﻳﻪ ﻭﺍﺗﺼﻞ ﻭﻫﻮ ﻳﻨﻄﻲ ﻣﺸﻐﻮﻝ
ﺷﻜﻮﻭ ﺑﺎﺭﺑﻲ ﺷﺼﺎﻳﺮ ﻣﻌﻘﻮﻟﻪ ﻛﺘﻞ ﺣﺎﺍﺍﺍﺯﻡ ...
ﻭﺻﻠﺖ ﻟﻠﺒﻴﺖ ﻓﺘﺤﺘﻪ ﻭﺩﺧﻠﺖ ﺑﺲ ﺍﺛﺎﺭ ﺍﻧﺘﺒﺎﻫﻲ ﺍﻟﻘﻔﻞ ﻣﻜﺴﻮﺭ ﺍﻧﻬﺒﻄﺖ ﻭﺍﺭﺗﻌﺸﺖ ﺍﺻﺎﺑﻌﻲ ...
ﺷﻔﺘﻪ ﻛﺎﻋﺪ ﻋﻠﺊ ﺍﻟﻘﻨﻔﻪ ﻭﺣﺎﻁ ﺭﺍﺳﻪ ﺑﻴﻦ ﻛﻔﻮﻓﻪ ...
ﻭﺻﻼﺡ ﻭﺍﻛﻒ ﻋﻠﺊ ﺍﻟﺸﺒﺎﻙ ﺍﻟﻄﻮﻳﻞ ﺍﻟﻤﻮﺟﻮﺩ ﺑﺎﻟﻐﺮﻓﻪ
ﺍﻭﻝ ﻣﺎ ﺭﻓﻊ ﺭﺍﺳﻪ ﺍﻟﻴﻪ ﺭﻣﻘﻨﻲ ﺑﻨﻈﺮﺍﺕ ﺣﺎﺩﻩ ﺑﺎﻭﻋﺘﻠﻪ ﺑﺘﺴﺎﺅﻝ ... ﺧﻴﺮ ﺷﻜﻮﻭﻭ ﺍﺷﻮ ﻭﺿﻌﻜﻢ ﻣﺎ ﻳﻄﻤﻦ ...
ﻭﻛﻒ ﺑﻜﻞ ﺟﺒﺮﻭﺕ ﻭﺗﻘﺮﺏ ﻣﻨﻲ ... ﺍﻧﺖ ﻫﺮﺑﺖ ﺣﺎﺯﻡ
ﺑﺎﻭﻋﺘﻠﻪ ﺑﺬﻫﻮﻭﻝ ﻭﺑﻌﺪﻫﺎ ﻫﺰﻳﺖ ﺭﺍﺳﻲ ﺑﻨﻔﻲ ....
ﺿﺤﻚ ﺑﺴﺨﺮﻳﻪ ... ﺗﺨﻮﻧﻲ ﺟﺎﺑﺮ
ﺭﺩﻳﺖ ﺑﻘﺴﻮﻩ ... ﺍﻟﺨﻴﺎﻧﻪ ﻣﻮ ﺛﻮﺑﻲ ﻭﻻ ﺍﻧﻲ ﺍﻫﻞ ﺍﻟﻬﺎ ﻛﺎﻓﻲ ﺟﺎﺳﺮ ﺗﻤﺎﺩﻳﺖ ﻫﻮﻭﻭﺍﻱ ﻭﺍﻧﻲ ﺩﺍﺋﻤﺎ ﻣﺤﻂ ﺷﻜﻮﻛﻚ
ﺑﺲ ﻭﺍﻟﻠﻪ ﻣﻮ ﺍﻧﻲ ﻭﻻ ﻣﻬﺮﺑﻪ
ﻏﻤﺾ ﻋﻴﻮﻧﻪ ﺑﻘﻬﺮ ﻭﺑﻌﺪﻫﺎ ﺛﺎﺭ ﺑﺤﺪﻩ ﻭﺭﻓﺲ ﺍﻟﻜﺮﺳﻲ ﺑﺮﺟﻠﻪ ... ﻣﻨﻮﻭﻭ ﺑﺲ ﻟﻮ ﺍﻋﺮﻑ ﻣﻨﻮﻭﻭﻭﻭ ﻭﺍﻟﻠﻪ ﺍﺧﻨﻜﻪ ﺑﻴﺪﻱ
ﻣﺴﺘﺤﻴﻞ ﻣﺴﺘﺤﻴﻴﻴﻞ ﺣﺎﺯﻡ ﻳﻄﻠﻊ ﻣﻦ ﻛﻴﻔﻪ ﺍﻟﻘﻔﻞ ﻣﻜﺴﻮﺭ ﻭﺍﻟﺤﺒﻞ ﻣﻔﺘﻮﻭﺡ ...
ﺣﻄﻴﺖ ﺍﻳﺪﻱ ﻋﻠﺊ ﻛﺘﻔﻪ ... ﻛﻮﻝ ﻳﺎﻟﻠﻪ ﻭﺍﻛﻴﺪ ﻧﻌﺮﻓﻪ ﺑﺲ ﺍﻧﺖ ﺍﻫﺪﺉ ﺍﺣﺘﻤﺎﻝ ﺗﻜﻮﻥ ﻫﺎﻟﻪ ﻳﻌﻨﻲ ﻣﻮ ﻣﻌﻘﻮﻟﻪ ﺗﻀﺤﻲ ﺑﺎﺑﻦ ﻋﻤﻬﺎ
ﻫﺰ ﺭﺍﺳﻪ ﺑﻨﻔﻲ .... ﻻ ﻣﺎ ﺍﻋﺘﻘﺪ ﺍﺻﻼ ﻫﺎﻟﻪ ﻣﺎ ﺗﻨﺪﻝ ﻫﺬﺍ ﺍﻟﺒﻴﺖ ﺷﻠﻮﻥ ﺗﻜﺪﺭ ﺗﺨﺒﺮ ﻋﻨﻪ
ﺟﺮﻳﺖ ﻧﻔﺲ ... ﺍﻱ ﻫﻢ ﺻﺢ ﺑﺲ ﻳﺠﻮﺯ ﻫﻮ ﺣﺮﺭ ﻧﻔﺴﻪ ...
ﺿﺤﻚ ﺑﻘﻬﺮ ... ﺟﺎﺑﺮ ﺭﺟﺎﺀﺍ ﺍﺳﻜﺖ ﺷﻨﻮ ﺣﺮﺭ ﻧﻔﺴﻪ ﻣﻨﻮ ﻫﻮ ﺳﻮﺑﺮﻣﺎﻥ
ﺿﻞ ﻳﻤﺸﻲ ﻭﻣﺘﻮﺗﺮ ﻭﻳﻔﺘﺮ ﺑﺎﻟﻐﺮﻓﻪ ﻋﺜﺮ ﺑﺸﺊ ﺑﺎﻭﻉ ﻟﻼﺭﺽ ﻭﺭﻓﻌﻬﺎ ﻣﻤﻪ ﺑﻴﻬﺎ ﺣﻠﻴﺐ ﺭﺑﻊ ﺗﻘﺮﻳﺒﺎ ﻭﻛﺰﺍﺯ ﺑﻴﻬﺎ ﺣﺎﻓﻈﻪ ﻣﻄﺎﻃﻴﻪ ﻟﻮﻧﻬﺎ ﺳﻤﺎﺋﻲ ﻓﺎﺗﺢ ...
ﺭﻓﻌﻬﺎ ﻭﺑﺎﻭﻉ ﺍﻟﻬﺎ ﺑﺬﻫﻮﻭﻭﻭﻝ ﺿﻞ ﻣﺮﻛﺰ ﻋﻠﻴﻬﺎ ﻛﺎﻝ ... ﺟﺎﺑﺮ ﺍﻛﺜﺮ ﺷﺊ ﻳﺬﻝ ﺷﻨﻮﻭﻭ؟
ﺟﺎﻭﺑﺘﻪ ﺑﺜﻘﻪ ... ﺍﻟﻘﻬﺮ
ﻫﻤﺲ ﺑﻮﻋﻴﺪ ... ﺑﺴﻴﻄﻪ ﺟﻮﻟﻴﻴﺖ ﺑﺴﻴﻴﻄﻪ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس