[عمري الحلو]

المشاركة الأصلية كتبت بواسطة عاشقةديرتها

السلام عليكم ورحمة الله وبركاته
مساء الخير ..

مقتطفات الفصل 29 سيتم طرحه الأربعاء ليلة الخميــس ..بإذن الله ..



سلطان الذي عاد ليستلقى :تدرين ماهي شينة أخذ غادة من جديد عشان تربيتس ... يوم تغلطين على ناس مالهم ذنب ...
متجبرة ياحسناء أنا أجيب لتس اللي تلفين على نفستس ولاتقدرين تردين عليهاااا ...بأخذها بس لعانة فيتس ....
حسناء بأنهيار :أنا وش سويت على مين غلطت ...
سلطان بسخرية :لا أبد مايطلع منتس الغلط من يوم أخذ أخوي بنت لافي وأنتي ماقصرتي فيهااا طبينتهااا ماسوت سوياتس ولانسينا طبينتهااا براسها واحد ثاني ... وفزة الورعة اللي ماجاتس منهااا شر واقفة لها بالطالعة والنازلة ...وباقي تقولين وش سويت ...
****
ياسمين التي تسحب حقيبتهاا التي ستدخل معها لطائرة فهم جائوا بحقيبة واحد وسيعودون فيها :ياعمة هلكت أدورتس ليه ماتردين على جوالتس ...
غادة :ياسمين أنقلعي عن وجهي لأفضحتس بين الله وخلقه ..
قبل أن تستدرك :اختس وين ..
ياسمين تلتصق فيها بترجي :معه ...عمة والله مالي ذنب عساني أسخط قرد لو كنت فاهمة ليه يسوي كذا فجأة قال بوديكم أنااا ...والله يوم رحت هناك كل خوالي يسألون عمتس بتزوج حضري !!!
أمي اللي قايله لهم ..وشكلهم كبروها براسه ..عشان يرجعتس
ولا حنا مالنا ذنب ..
ياسمين تكمل وهي ترى تجاهل غادة لها :بس جدي قال مالكم شغل فيهااا ...وخالي فياض قال بيطلق أمي من أبوي ...لو سويتيها صدق ..
غادة تتأفف:ماأبي أسمع خرابيطتس أنقلعي عن وجهي ..
وروحي قولي لخالتس أنا بتزوج واحد أعزب مامعه مرة ...وش أسوي بأبو مرة ووراعين ..
****
يدور على نفسه بغضب وهو يكرر :ثمان ساعات مرت ثمان وباقي تقولون لاا مافيه شي وبينزل ...
لازم نسوي شي لازم ...
كان أخوية بوجوه ذاهله وشاحبة ..
هو وحدة من يصيح ويستنكر ويحاول فعل شيء ما
أحد أصدقائهم :ياأبن الحلال طول بالك وش بيدنا نسوي الساعة ثنتين تالي الليل من بيطلع يدوره ...
فياض وهو يفتح هاتفه الثريا :لازم نطلب مروحية بحث ..
اللآخر يلتقط هاتفه ليعيقة عن فعلته :مروحية وش ..هو تايه ..انت تعطل المروحية عن أحد ثاني بحاجتها..أخوك ماهو ضايع يعرف يدبر عمره ..
فياض بحنق :ولاهو طايح ولاعالق ولافيه بلاء
:المروحية ماراح تطلع هالحزة وين بتلقى طيار فاضي لك يدور عشان شك ...لاطلعت الشمس حنا نتسلق وندوره ..
فياض بغيض :ايه وأنا بحتري الشمس تطلع عشان أدور أخوي ...
سلطان :فياض بس خلصناااا لاطلعت الشمس شفنا وضعنااا ...يالله توكلوا على الله كل واحد على فراشة ...

بدينا ياعشوقه بالقصف

حسناء تستاهلين ماجاك كله من قلبك الاسود

غاده وياسمين قويات ثنتينهم
وخلاص هونا مانبي ياسمين لهجرس عوبا هي متصلح له

اما مين متسلق الجبل الله العالم بتال

بس يمكن خلص شحنه ونام فوق هو يحب الفضاء والبر وكل شي متعلق بالصحراء ماعليه خوف ان شاء الله بيرجع


:a555: