[نانا]

فياض ..... بطل البارت بلا منازع

خزام مسويه فيها قويه وهي من جنبها مرضت من طاري الفراق

فياض وردت فعله من تصرفات خزام اعتقد خوف انه يبين مشاعره وينجرح مره ثانيه اذا اجبره ابوه على الطلاق

اكثر شي ضحكني موقفه مع جوز سهى🤣🤣
فياض من اكثر الشخصيات المحببه في الرواية تعجبني تصرفاته😂

الهجرس....


سلامات ماتشوف شر

طلعت مهي هينه فله جيبه راسك ومضيعه علومك

اسماء....

عجبني موقفها مع بتال وتنبؤها بموقف جوزاء

وابد ماني متحمسه لقصتها مع احمد

احمد لو ياخذ فاتن بنة عمه ويفكنا من اسماء و اخوها المنذر كان احسن

بتال....

في جيبك الصغير🤔 طيب بنشوف اخرت غرورك يا رجل عبير

مشكلة الصنهات وعيال محمد الي هم اهل عبير وطبعاً بتال كان موقع معهم على ان الصنهات مالهم حق في لقب الصوارم

واعتقد ان توقيع بتال الي بيظهر في القضيه هو القشه الي بتقصم ظهر البعير

وهو الي خلاها تقول بفصخه مثل النعال ماهو نسب الرسول عليه السلام

بس بتقوله لمن اعتقد الموجه بتكون بينها وبين بنات محمد ماهو مع بتال

بتال بيروح الجبه بدون اي مواجه معها واتمنى يخيب ظني ولا يروح الا بعد مواجهة بينهم تبرد قلوبنا فيه

فهده...

ضحكني موقفها لما شالت الاكل عنهم😂

اعتقد انه كان لها يد في سالفة طلاق فياض وهذا واضح من كلام شعاع

هي بعد يبي لها تاديب وقرصة اذن في انتظار وقوع حلم فزه

فيني حره عليها وعلى ولدها بتال يبي لهم تاديب قلبي🖤ماسامحتهم على الي سواه في جوزاء💔


شكراً عاشقه على الابداع سلمتي🌹