رجعت لكم ومعاي بآآرب جديد
*البارت الثاني*
دخل بكشخته واناقته وكان مسوي شعره سبايكي وحاط فيه جلي يعني يذبح وهو داخل فصخ نظارته الشمسيه ويكلم حمد: هاا انت روح اطلب وانا بستنى في( وهو يأشر بالطاوله الي جنب البنات)ذيك الطاوله
حمد: اوكي بس ايش تبي؟
...:اي شي(وبعدين ابتسم)كل شي منك حلو ياحلو
حمد يعدل بلوزته: احم احم هذا من ذوقك
...: اقول ضف وجهك ويلا روح اطلب ماتنعطى وجه
حمد: هههه زين لاتعصب وراح يطلب فطور اي كلام
راح وجلس في الطاوله الي جنب البنات وكانت الجوري في وجهه على طول وكانت الجوري سرحانه في الرسومات الي على الجدار
وهي بتنزل عيونها وتشرب الموكا طاحت عيونها على نايف(طلع اسمه نايف خخخخ)الجوري شرقت بالموكا: كح كح كح نسرين جيبي الماي بسرعه كح
نسرين مفزوعه:ايش فيك الجوري ايش صار لك
الجوري وهي تمسح الدموع الي طاحت على عيونها من الشرقه: لا ولا شي مجرد شرقه
نسرين انتبهت لنايف وهمست في اذن الجوري: قال شرقه قال محسبتني مانتبهت
رنا: ايش فيكم انتي وياها؟
نسرين لرنا: طالعي وراك وبتعرفي
دارت رنا وجهها عشان تشوف ايش الي خلى الجوري تشرق ولما شافت شهقت بقوه وحطت ايدها على فمها: الصدف وماتسوي
نسرين بهدوء للجوري: الجوري انتي متاكده من مشاعرك؟؟
الجوري وهي منزله راسها: خلاص نسرين سكرو على الموضوع
نسرين ببتسامه: على راحتك حبيبتي بس اذا تبين تقولي ايش فيك انا موجوده كلي فدوه لك
الجوري ابتسمت:تسلمي يابعدهم ماتقصري ياتؤم روحي
رنا: احم احم موكانكم قلبتوها فلم هندي؟؟
الجوري ونسرين:هههههه نعرف بس لازم الاكشنات
رنا: الا على طاري الاكشنات اشرايكم نفكر بخطه كيف نجيب راس هالمقرود نوووييف
الجوري مسويه معصبه:مقرود بعينك تراني ماسمح لك
رنا ونسرين يصفقو بالخفيف :اوه اوه عاشت جوولييت والله
الجوري: اكرمونا بسكوتكم بس
رنا: الموهيييم انا عندي فكره اشرايكم الحين وحده مننا تروح تشتري اي شي فستان تيشيرت برمودا اي شي وجوليت,..اقصد الجوري تسوي نفسها مو منتبه وتصقع الكيس في طاولتهم
نسرين:خلاص انا بروح اشتري شي اي كلام وراجعه.. كانت بتمشي بس وقفتها الجوري
الجوري:اشتري من كارفور لان اقرب مابيك تتاخري ويروح
رنا: اي صح اسرع يلا بسرعه
راحت نسرين بسرعه شوي وتركض وراحت كارفور قسم الملابس واشترت بلوزة بيضى فيها كلام بالاسود وبرمودا(بعدني محتفظه فيهم خخخ) وراحت تحاسب وطلعت
نسرين وصلت ستار بكس واخيرا
نسرين وهي تنافخ :اوووه سلام ها عسى ماراح روميو بس
جاتها خزة قويه من الجوري فبلعت لسانها
رنا:يلا الجوري
الجوري بخوف: لالا مابي اخاف ارتبك ودموعي تخونني
نسرين: يلا عااد وانا كنت بقول لك تسويلي واسطه هنا وهناك
الجوري فهمت عليها قامت تضحك على خفيف وتوكلت على الله وراحت
سوت نفسها ماتدري وصقعت الكيس على الطاوله بس بالخفيف
الجوري وهي مرتبكه مررره: اووه سوري ماكنت اقصد السموحه
نايف وقف: لا اشدعوى عاادي ماصار شي خيتوو>>واجد مطيح الميانه الاخ هع
الجوري: تسلم والله ماتقصر(سكتت شوي وبعدين) اوكي انا استأذن والسموحه مره ثانيه
توها بتمشي الا ونايف يمسكها من ايدها وطالع في عيونها بهدوء: كاني مشبه عليك.. مو انتي بنت عبد الامير..؟
الجوري زاد خوفها وارتباكها من حركته: اي بس ممكن لو سمحت تشيل ايدك عن ايدي.؟
نايف انتبه لنفسه وشال ايده: اسف. والنعم فييك والله . والله وطلعتي اخت مره اخوي
الجوري ابتسمت ابتسامه تذبح: هههه (وتقلده)والله وطلعت اخو رجل اختي ههههه
نايف في قلبه(فديت هالضحكة ياناس بتجنني):ههههههه
الجوري حست ان زودتها بالوقفه: امم اوكي انا استأذن الحين مع السلامه
نايف ماوده تروح: لاا توو الناس
الجوري ابتسمت: خخخ لا الجايات اكثر من الرايحات ان شاء الله
نايف(الله يسمع منك): ان شاء الله
الجوري بأبتسامه: بآآآي
نايف: بايات
طبعا كل الي صار ورنا ونسرين متابعين الفلم اقصد السالفه اول بآول
...........
نايف: شااب رومانسي وكوول . يحب الموضه ويحب المزح في ثانوي عمره17سنه كشخه مررة ويصير اخو زوج جمانه اخت الجوري وهو حاط عينه على الجوري(يعني معجب)بس هي ماتدري والمسكينه متعذبه بس عشان يحس فيها
...........
بعد الي صار بـ10 ثواني
كان نايف سرحان لعالم ثاني الله اعلم وين
حمد وهو يشرب الكوفي منتبه لسرحانه ومخليه على راحته لان حاس بالشعور الي يحس نايف
بعد5دقايق
حمد حس بالملل قام يحرك ايده في وجه ناايف عشان يصحى
حمد: يااااهووو يابو الشباب ايش فيك سرحان كل هذا عشان هالمزيونه
نايف كان شوي وبيكفخه بس مسك روحه قدام الناس: نعم خير انت ماتخلي احد بحاله وراي وراي وين ماروح حتى بتفكيري معاي اففف
حمد وهو ماسك ضحكته بقوه: مو انت الي مفزعني من الصبح(وهو يقلده) اشرايك نروح مجمع الراشد ترى حدي ملان
نايف ماقدر يمسك نفسه من الضحك: ههههههههه العن ابو الذل الحين تبي تقنعني انك مو ملان وزهقان من هالعيشه.؟
ـــــــــــــــــــــــــ ـــــــــــــــــــــــــ ـــــــــــــــــ
عند الجوري(الله يعينها)بعد ماصار الموقف على طول طارت على الحمام تغسل وجهها بماي باارد يخفف من حراره وجهها الي صار طماطم يقلي في ناار حااره وراحت لهم
ـــــــــــــــــــــــــ ـــــــــــــــــــــــــ ــــــــــــــــــ
عن البنات
كانوو نسرين ورنا خايفين على الجوري ليكون صار لها شي لان صار لها اكثر من نص ساعه بالحمام
رنا وهي تقوم: اقول انا بروح اشوفها ليكون صار لها شي
نسرين: اجل لحظة بروح معاك
توهم بيمشون الا ويلمحون الجوري جايه من بعيد
رنا وهي تجلس:هذا هي جات
نسرين طنشت رنا وراحت للجوري
لما وصلت
نسرين:اشفيها الحلوة زعلانه.؟
الجوري قامت تضحك:اقول انسي السالفه وخل نرجع نتسوق
نسرين وهي تمد ايدها:يلا.؟
الجوري مدت ايدها لاايد نسرين وابتسمت:يلا
ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
الساعه 10ونص الصبح
عند طلال وراكان
كانو في بيت ابو بدر(عبد الامير ابو الجوري)وكانوو في الدور الارضي يلعبون بلياردوو
طلال ترك العصاه بملل:اففف وربي زهق
راكان:اوه اوه اشفيك تونا حلوين ايش صار لك وقلبت كذا
طلال راح جلس جنب المسبح:ولا شي بس ملان ليه ماندور لنا طلعه تونس
راكان يفكر:اممممم اي لقيتها ايش رايك نروح مجمع شي(وغمز له)ونوسع صدورنا
طلال فهم عليه وقام يضحك:هههههه اثاريها كذا.هههه وبعدين من قال لك بيدخلوننا لحالنا.؟
راكان:طيب ليه مانقول للمهابيل جوري ونسرين ورنا يروحو معنا وذيك الساعه يحلها الف حلال
طلال وكأن دخلت مزاجه الفكره:طيب خذ جوالي واتصل لاي احد منهم
راكان وهو ماسك جوال طلال:طيب اي وحده ادق عليها.؟
طلال:اي وحده ولا اقولك اتصل على جوري احسن لانها تضبطنا
راكان:طيب
ـــــــــــــــــــــــــ ـــــــــــــــــــــــــ ــــــــــــــــــ
في الراشد وبالتحديد في محل زارا
كانو البنات يتسووقون
الجوري وهي تطالع البرمودا:نسرين شوفيه حلوو..؟
جوال الجوري<<انفلونزا الحب الي عداني صابني في القلب سرعه ورماني
نسرين بدون ماتطالعتها: اقول ردي بس ردي بسك تسووق
الجوري وهي ترد:اششششش
الجوري:الوووه
راكان:هلا وغلا والله بالحلوين
الجوري كاتمه ضحكتها:منو راكان.؟
راكان:ههههه اي راكان
الجوري: هلا بيييك خييوو خير اشتبي.؟
راكان:اوف اوف المزاج زفت من الصبح
الجوري: اقول اخلص ايش عندك.؟
راكان:ولا شي بس اقول انتي وينك.؟
الجوري:في الراشد ليه ايش عندك.؟
راكان: خخ ولا يقولون ولا يعزمون
الجوري :طالعين طلعه بنات مانبي خشات تماسيح
راكان:افاا الحين احنا تماسيح..؟
الجوري وصلت معها:انت مطول.؟
راكان: لا بس حبيت اقول لك انا واخوك المقروود بعد شوي بنجيكم
الجوري: طيب انا ايش اسوي.؟
راكان: نبي وحده منكم تطلع لنا عشان ندخل
الجوري: اقوول صدق انكم فااضين. بااااي
وسكرت في وجهه
نسرين: شيبي هذا الغثه.؟
جات رنا وبيدها فستان:منو هذا الغثه.؟
نسرين: اخوك راكانوووه بعد منو
رنا بدون اهتمام:توك تدرين انه غثه من زكاان اهو كذا
ـــــــــــــــــــــــــ ـــــــــــــــــــــــــ ــــــــــ
راكان سكر وهو يتحلف في الجوري اذا شافها
طلال وهو فاطس ضحك:ههههههههه وييييييييوو ماعطته وجه هههه بعد عمري والله خيتوو
راكان وهو يقلده:بعد عمري والله خيتوو. مالت عليكم انتوو الاثنين اقول قوم بس نروح لهم في الراشد
طلال وهو يقوم: طيب لاتعصب ياراقل (ياراجل)
وراحوو برا البيت متجهين لمجمع الراشد
الساعه11الا ربع الصبح في الخبر
راكان:اقول اتصل عليهم خل وحده منهم تطلع لنا
طلال وهو يسوق: اقول دق انت ماتشوفني اسوق
راكان بتأفف: طيب
طلال: اقول اسكت بس تجيب الهم والله(تذكر شي)الا تعال وين فارس هذا من الامس ماشفناه
راكان: اي ماقال لك ؟
طلال مستغرب:لا ايش.؟
راكان: الحبيب راح الامارات يشتري له سياره
طلال وهو بعده مستغرب: غريبه ماقال لي طيب متى راح.؟
راكان: لاتستغرب من فارس هذا اذا بقى الشي يسويه .تصدق رايح الساعه 6الصبح
طلال:اهااا طيب يلا دق على وحده من البنات قول لها تطلع
راكان:طيب بس بدق على رنيوو
دق على اخته رنا>>طلبتك لاتحاكيني عن غيابك ولا ذكراك
رنا ردت:الوو
راكان:هلا بسرعه طلعي برا
رنا:طيب ليش.؟
راكان مرره ماعنده وقت:لانك حماار في الجيش بسرعه اطلعي
رنا مسويه معصبه:نعم!!انا حماار ياجحش طيييييب شوف الي يدخلك مالت عليك
وسكرت بوجهه>>قهر موو.؟
راكان ووجهه احمر من التعصيب:اففففف احد داعي علي اليوم.؟
طلال فاقع ضحك:ههههههههههههههههههههه� �هه والله مدري بس تصدق مشكلتك انك ماعندك اسلوب
راكان: ماعلينا الحين بعد كل هالمشوار من بيدخلنا.؟
طلال نط :لقيتها. اشرايك ننزل واذا شفنا بنات او حريم بيدخلون ندخل وراهم
راكان غمز له: جبتها على الجرح والله
طلال: ايش جاب ذي مع ذا
راكان بسرعهـ:اقول قوم قوم يلا
طلال:ههه شكلك مستعجل هع
راكان نزل بدون مايتكلم
طلال وهو ينزل:ههه الحمدلله والشكر
...توقعااكم...
برايكم الشباب راح يدخلون المجمع..؟؟
وهل خطتهم بتنجح..؟؟
وفارس من زمان عنه .. ياترى ايش راح يصير لما يرجع..؟؟
.... انتظروني في البارت الثالث ....
يهمني تفآآعلكم
|