عرض مشاركة واحدة
قديم 14-12-20, 01:09 AM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الثاني

اوجعني قلبي .. كيف سيف في يدينهم .. خايف من دموعهم .. وشمهم وبوسهم ...موضي ضمته بقوووه ومنهاره بكي :
يااااابووووي .. ياعسااف .. يااقلبي يممممه..
سيف : بشويش يمه .. خوفتي الورع ..
موضي تناظر وجهه .. وتضحك : يازينه .. يمه ياجمال عويناته ..
انصدمت مهره لما ضحك ولدها مع ضحكات جدته ..
جمان بضحكه : يمممه مبسم عساف .. شوفي خشمه .. ياويلي .. نسخه ..
مهره عيونها امتلت دموع .. حست ولدها بعييييد .. وكنهم خذوه منها ..
سيف انتبه لعيونها .. وهي تهل دموع وتبلل نقابها ..بدون ماتحس..
عقد حواجبه .. وخواته لاهين بسيف .. مر من وراها وبخفوت : مهره .. وعدتك .. ماحد ياخذه منك .. امسحي دمعك ولاتبكين ..
مسحت دموعها بسرعه .. وبكذب: مابكي والله ..

وجاا صوت سعود ..وباللهجه متهدجه :هو صدق كلااام بلقيس ..؟!!!!
موضي بفرح :
تعال يااااسعود .. تعال وشوف فضله ورحمته .. من قال بنشووف ضنا عساف ياسعود ...

راقبت ذاك الأب .. كيف يسرع بالعصا .. نحو ابني ..وشيباته تبتلع دمعاته .. اللتي والله قتلتني ..
حين يذكره عساف .. يذكر قسوته ..
وجبروته .. وسطوته ..
لاأدري مالحقائق ومالزيف .. !
من الظالم ومن المظلوم ..
عساف .. ماذا كان يريد بالضبط .. ولما فعل كل ذلك ..لما اختار الغربه والوحده ..
وعائلته تكاد تسجد لابنه الآن ..

بعد قليل .. وبعد كم هائل من الترحيب بي .. والتعبير عن فرحتهم بلقائي انا وسيف الصغير..
حاولت ان اتعرف على الاسماء بدون السؤال .. واوضح اني اعرف ان لديه اخت اسمها جمان وبلقيس ..
وانا والله لتو ادري ..
فقد كان عساف .. لايأتي بسيرة احد امامي .. فقط اعرف ان والده اسمه سعود .. واخاه الاكبر سيف ..
وعرفت سيف لما جا بيسمي .. سيف ولاقبلها ماكان يطريه ..
عساف كان غريب .. غريب لاقصى حد ..
سيف : مهره كلمي جدتك وطمنيها ..
مهره : ان شاء الله اللحين اكلمها ..
وقف .. ومهره حست انها بتقوله (وين بتروح ..؟! )

لسى ماخذت ع المحل .. ومرتبكه .. مانطقت .. بس سيف تكلم : بصعد ابدل .. وبروح بيتي .. الله الله بمهره ..
موضي ببتسامتها الحلوه: افااا .. بيتها ..في عيوني والله..
جمان رفعت حاجب وبسخريه : من ليلته الليوم الاميره نوف .. ولاالملكه هيا .. ولا في شي جديد ماندري عنه ..
طالعها بنص عيون :
والله في رد في خاطري .. بس خليني حاشم هالضيفان ..
وراح متوجه للدرج ..
موضي بخفوت : جمان ووجع ..
بلقيس : ماتوبين .. والله نسيتي يوم كب الماي في وجهك ..
سعود واللي باين في عالم ثاني مع سيف الصغير .. ويلعب فيه ويداعبه .. قال: شووفوو احسن غرفة وعطوها للامير سيف وامه .. ام سيف .. خلهم يرتبون المكان .. للشيخه مهره ..

بلعت مهره ريقها : يعطيك العافيه عمي .. عادي لاتكلفون ..
بلقيس : وش فيك لابسه نقابك .. شيليه راح سيف .
مهره بربكه : هاا .. مادري .. يعني ..
وكنها تقصد سعود ..
ضحكت موضي : ابوووك ذا .. ابو زوجك يابنتي .. افتشي .. خلينا نشوف .. عساف وش كان ماخذ ..

سيف كان بيدخل غرفته .. وانتبه انه نسى جواله تحت .. نزل وفي نص الدرج .. سمع عبارات الانبهار من امه وخواته ..
والواضح .. انهم يعبرون عن جمال مهره ..
موضي : بسم الله تبارك الخالق .. وش هالزين .. وش هالملح ..
جمان : تجنيييين .. يازينك ... لاله الا الله ..
بلقيس : تهبليييين يامهرة ..ليت سيف طلع يشبهك .. ههههههههههههه.. ماله حظ .. لو ماخذ هالعيون العسليه .. كان طلع مززز ..
مهره وردت خدودها .. ومره استحت .. : عيونكم الحلووه والله ..
موضي بضحكه وكانها تكلم طفل: ياااربي على اللي استحووو ..سلمهم ياناااس ..
مهره حطت كفوفها على وجهها : لااا عاااد مو كذا مره لااا ..
وكلهم قاموا يضحكوون ..
سيف ..
زفر بعد الكلام اللي اسمعه .. ورجع غرفته .. فووق ..!
****
دخل غرفته .. رمى شماغه على السرير .. ويفتح ازرار ثوبه ..
دار بعيونه في الغرفه الواسعه .. اثاثها الفخم .. واناقة كل قطعة اثاث .. وجمال كل لمسه ..
لكن استقرت عيونه على الصوره في البرواز .. هو بالبشت وجنبه نجود عروسه ..
توجه للصوره ..

واصوات ترن في اذنه (بزارين .. تزوجونهم .. ) .. (دامه يبي بنت عمه .. اعين واعاون .. ازوجه حتى لو انه ببتدائي ..).. (نجود رضووو ..) (الله .ونااااسه.. متى الملكه )..

صياحهشااهين خفف بعيير ).. صرخة شااهين (بننقلب سيف بننقلب ..) وصرخت نجووود (سيييييف..!!)..
وتظلم الدنيااا .. مع تلك الانقلابه .. وتظلم اكثر بعد افاقته من المشفى ..
حدق في عيونها في الصوره .. وبحجم حزنه تكونت غصه .. ثم دمعه ..
ويدينه على الجدار .. وفي مجال حضنه الصوره ..
مُبعثر فيكِ ما للحزنِ لا يُشفى
كأنَّ عينيكِ لا أرضُ ولا منفى..
.............
بعد شوي .. بالصاله ..انطباعي عن العائله انهم جدا جميلين .. وطيبين ..
كذا احتواني بشكل .. وماحسسوني اني غريبه .. ولاحسيت بغضب او نفور من فكرة زواجي بعساف من غير علمهم ..

ويمكن هالشي جا .. ان عساف توفى .. ومافيهم قلب يغضب عليه واهو تحت رحمة ربه ..
امهم مره تجنن .. وباين ان سيف طالع عليها حييل .. وماخذ من تقاسيمها الجميله .. هو وبلقيس .. جمان تشبه عساف .. اللي كان وسيم بسمار .. اقرب لابوهم ..
بوسيف جاله اتصال وراح مكتبه اللي بالدور الارضي ..
كنت اجاوب على سؤال جمان واقول : احياء .. تخرجت وتزوجت على طول .. الى الان ماتوظفت ..
ابتسمت : يعني تبين تصيرين معلمه ..
مهره: ماأدري .. ماعندي ميول تدريس .. ممكن اشتغل بعياده بيطيريه .. او حتى في مختبر جامعه .. شي .. بس ماحب ادرس .. مع ان جديده حلمها بالحياه .. اصير معلمه ..
موضي : ياحليلها جدتك .. من طاريها ودي اشوفها ..
مهره ضحكت بتسليك : هي مره كيوت .. بس حادة الطباع ..
موضي : عصبيه ..؟!
مهره : يعععععني ..!! تقدرين تقولين ..
جمان : عندنا وعندك خير .. جدتي ام ابوي.. تقولين لك ضابط .. اعوذ بالله .. من تجي فيذا .. توقف الكل على اعصابه ..
بلقيس : واضح ان الجيل القديم .. ممشين رجالهم صح ..
موضي : اففففف .. خليني ساكته مابي اطيح هيبة جدكم ..
ضحكوا البنات .. وجا صوت سيف .. يتنحنح.. على طول مهره .. تغطت بالشيله ..

سيف الصغير .. كان يلعب مع بنات جمان .. في جهه من الصاله ..
نزل ..وقالت امه : تعشى يمه .. وين بتروح ..
سيف وهو يدور جواله على الكنب : عوافي ..يمه ..
موضي: وش تدور ..؟! ..
سيف: جوالي ..
مهره رفعته من جنبها : هذا .. ؟!
جا ناحيتها : ايه هذا اهوو ..
خذه..
وتوه بيطلع .. ورجع : فارس وينه ..؟!
موضي : على جيه .. كلمته من شوي .. (رفعت الام عيونها له .. ولاحظت ضيقه من نزل ..وحتى خواتها من صمتهم .. واختلاس النظر له باين .. فيه شي ..)
موضي: خليك ياابوي .. دامك ضايق .. لاتزيدها على نفسك ..
رفع راسه وزفر بغصه :
من قال متضايق .. عادي .. اروح عند نوف .. ومااشاء الله مع بربرتها .. تنسي الواحد اسمه ..
جمان بضيق : ايش جلد هالذات ..ياخي اصحى ..
خزها وبحده : جمااان ..!!!

مهره (بصراحه ارتجفت .. وبصراحه .. مادري شالسالفه .. واضح ان على سيف هاله وفوقه علامة تعجب ..لكن ..!!!
انا وش يدخلني ..) ..
موضي : طيب خليك بيجي فارس ..
راح ناحية الباب : بكره اشوفه .. سلاام ..
قال كذا وطلع ..
موضي بخفوت وعصبيه: جمان .. لاشفتي اخوك كذا .. قفلي حلقك وابلعي لسانك ..
جمان بقهر : يعني انا اللي ازيده .. مقهوره عليه وقلبي واجعني .. بدل ماياخذ وحده عدله تنسيه .. نجود .. كل شوي ماخذ سلوقيه ..يطقطق معها .. ويطلقها ..
بلقيس : طيب لاتستغيبينهم .. ليش تقولي عنهم سلوقيات ..
ضحكت جمان بقهر : اجل مسيار ..لو انها وحده عدله مارضت ..
بلقيس : يخرفنهم اخوك .. بهالزين .. والماده ويرضون ..
جمان : ويه مالت على هالزين اللي فنى .. مضيعه على زويد وعوير واللي مافيه خير ..
موضي : اسكتي انتي وياها فشلتونا مع مهره .. ماتحشمون ..
مهره ضحكت بربكه ..: عادي خالتي .. خذو راحتكم ..
جمان : يعني يمه مهره .. اكيد عندها لمحه عن حياة الشقا تبع سيف .. ماتوقع الله يرحمه عساف .. ماقال .. لها ..
قبل ماتعلق مهره .. احمدت ربها انفتح الباب الخارجي ..
ودخل منه ولد عمره ظ،ظ¦ تقريبا ً .. وتو مهره بتتغطى .. كلهم : خلك عادي .. ذا فارس .. توه ثانوي ..لايغرك طوله ..
مهره .. مستغربه .. وخاصه جدتها كانت قفل حيل .. وحريصه ..
وهالعايله مره .. فري .. والله يستر من القادم ..
ابتسمت مهره .. وهي تشوف فارس .. يالله .. يالله .. الولد يجنننن ..
نحيل .. وشعره ناعم وكثيف بقصه حلووه .. عيونه واسعه .. ولابس كات وشورت .. وعليه ايشارب ريال مدريد ..فارس يشبه الأم وسيف .. كثير ..
وقبل يسلم .. توسعت عيونه .. وهو يشوف سيف الصغير .. ويشهق :
والله صدق .. بسم الله الرحمن الرحيم..
بلقيس تضحك : قلت لك .. بترتاع .. نفس عساف ..
جثى .. عند سيف اللي طالعه باستغراب .. وبانفعال :
الطغااااااه ... لايموووتون .. عساااف .. طلع من جديد ..
وصرخ بانفعال ويسوي نفسه يبكي .. سيف الصغير صقعه على جبهته باللعبه .. وهو يقول : تب .. !!(شب)
البنات يضحكون
ومهره : لاااسيف امي عيب .. حب عمي ..
فارس يسوي نفسه يبكي .. : ورب الكعبه تأثرت ..هذا الجروو من ذاك التسلب ..
موضي : فارس استح .. تزعل امه شفيك منت على طول ..مهره تراه يمزح.. هو فارس شيطان ..
مهره ببتسامه ومكيفه عليه:باللعكس خليه ياخذ راحته ..

فارس يطلع جواله .. ويعدل وجه سيف .. اللي عاقد حواجبه بغضب ..ومصع خدوده: يااازينه .. ياجماااله .. ياااحلوووه ..
جمان : ياخي روعت الولد .. وش تبي فيه ..
فارس : بصوره .. ارسله لنواف ..اصدم عيشته ..بس ماش .. مايبي يبتسم ..
مهره .. : صوره سلفي وحط فلتر .. يعجبك ..
خذه فارس ولصقه عنده ورفع الجوال .. : يلا يلد سلفي .. سلفي ..
وسيف عطى ابتساااامه فتااااكه .. مع فلتر الكلب اللي حاطه فارس ..
وطلع لسانه .. ..
عماته انصدموا وجمان : ياويلي ..طلع لسانه بعد ..
بلقيس تخرفنت: كيوووووت ..
فارس باااس خد سيف بقووه .. وقام وراح صافح مهره : اخبارك ام سيف ..
مهره :يسرك الحال ..
وراح بعدين عند موضي وعطاها حضن وظل ضامها وراسه على صدرها : يمه .. من الظهر ماشفتك .. جاني جفاف عاطفي ..
موضي :خل الدواره تنفعك .. ماتستحي ..
فارس .. ياخذ يدها ويبوسها : رحنا العصر منتجع .. وقضيناها سباحه .. برجع .. الا ابتدت المباراه وقعدت اشوفها مع الشباب ..

باست راسه ..: الموهم .. الوقت قضيتوه بنظافه .. ومافي اشياء ماتعجب ..
رفع عيوونه : افااا عليك .. الله وكيلك مشغلين قرآن .. وبعدها سمعنا قصص الانبياء من المغماسي..
بلقيس : ياكلب لاتتمهزل .. والله ماورا قعداتكم نظافه .. واصلا ً ابوي قالك لاتروح المنتجع .. ايش وداك ..
فارس استعدل :الثقه يابلقيس الثقه ..
جمان :والله ماضيعكم الا الثقه ..
فارس توتر .. وتغيرت ملامحه : لااحد يكلمني كني فاسد .. بلاوي غيري .. مالي شغل فيها .. امي واثقه فيني .. وانا قد هالثقه ..

عقدت مهره حواجبها .. والواضح ان الشباب في هالعايله جايبين العيد وبقووه ..
بس ياربي هالفارس كيوت .. ومستحيييل عنده بلاوي ..
موضي ..بدفاع :حدكم عاد .. الا فارس ..بعد عيني ماتطلع منه العيبه ..
رجع ضمها : بعد قلبي يمه ..
..............
فتح باب فيلته .. الداخلي ..ودخل .. اجواء رومانسيه ..
ونوف ماخلت شمعه .. ولا فواحه الامشغلتها .. ومحضره طاوله .. بعشا من بره بس منسقته .. بالشموع والورد ..
وكانت مستمره تشغل .. الشمع لما انتبهت لدخوله ..
وتركت اللي بيدها .. وجات ناحيته : وحششششتني .. ياقلبي ..
ابتسم وهو ياخذها في حضنه ..ونوف تحوطه بذراعينها وتلصق فيه اكثر ..
سيف .. ويضمها اكثر .. ويد على ظهرها .. ويد مغروسه في شعرها ..
وعينه على الاجواء اللي محضرتها ..
(اهرب من اختناقي .. واختنق اكثر ..)
نوف ترفع راسها وتطالعه :كذا ثلاث شهور ماشوفك .. ماشتقت لي ..
باس خدها .. وعيونها .. : لو ماشتقت لك ..ماجيتك .. ايش هالحلااوه ..
خفق قلبها .. بسعاده .. : صدق ..؟!
سيف .. يتأمل نوف .. جميله .. وبيضه .. وباين مجتهده .. في الميك اب .. وشعرها قصير وناعم ..
رفع حاجب : وشاكه بحلاوتك ..تجنين ..ياقلبي..
نوف .. وهي بين ذراعينه .. وعيونها على وجهه بسؤال يائس : سيف .. تحبني .. ؟!
تغيرت ملامح سيف .. وراحت ابتسامته ..وهو يطالع في عيونها بشكل مطوول .. بعدين باس شفايفها .. وبهدوء : نتعشى ..؟!
وتركها وراح ناحية الطاوله ..
وقفت شوي .. تحاول ماتنزل دمعتها .. ناداها : يلا حبيبي ..لايبرد الاكل ..
رفعت راسها .. وخذت شهيق .. ونفخت : تمام حبي .. جااايه ..
............
تتقلب تحت البطانيه ..ومو عارفه تنام .. الساعه ثلاث ..تغير عليها المكان ..
جلست وجات بتصرخ تعبر عن توترها .. بس اسكتت .. وسيف نايم ..
الغرفه مره واسعه .. وفخمه .. واصلاً غرفة عساف ..
اختاروها لها .. ورتبوها .. ونظفوها .. سيف نام عادي .. واهي .. لا ..
كلمت جدتها .. وسندس .. وزينه ..وعطتهم كل الأخبار والمستجدات ..
بعدين الكل نام .. ومافي احد تكلمه .. متوتره .. وتحس عساف حولها ..!
قامت مشت في الغرفه .. ووقفت قدام صوره كبيره له ..
اوول ماخطف عينها وسامته ..وسمرته الجميله .. واناقته ..
منطوقه .. وانوا بياخذها لامريكا .. كان مثل الحلم الجميل .. اللي بيطلعها من قوانين الجده .. وكبت المزرعه ..

لكن ..!!
طرى عليها بكاها : بتموووت .. والله بتمووت .. الدكتور قالك الكبد عندك تلفت .. عساف .. كل ادمان له علاج .. حرام اللي تسويه في نفسك وفيني ..
وهوو يشرب والالم بادي في وجهه : مااقدر .. والله امووت لو ماشربه .. انتي مو فاهمتني ..مهره .. سامحيني .. حللني ..
.......

في طرف اخر .. ومن شرفة غرفته .. كان جالس يدخن ..
ونوف نايمه .. الليله هاديه والسما صافيه والقمره كامله ..
نفخ الدخان بشرود .. وعيون مهره .. قبل يمشي في باله ..
ليه حسها خايفه .. وكنها ماتبيه يطلع .. هو جابها .. لبيت ابوه .. ووعدها ..لكن من الوضع اللي صار .. وضحكة الكل بوجود ولد عساف ..بعد ماغابت بسمتهم مع عساف ووفاته ..
شكلو بتصعب .. وبتتعقد .. والله يستر ..
ماسك جواله .. ومتردد .. هو تبادل معها الرقم .. قبل يطلعون من مزرعتهم ..عشان في نزلاتهم للاستراحات واذا احتاجت شي ..

طفى زقارته وشغل ثانيه .. يمكن نامت .. بس لو جات على توقعاته .. من شخصية مهره اللي استشفها بهاليومين ..
ماعرفت تنام ..
دق عليها .. وبعد رنتين قفله..
مهره اللتفتت بستغراب لجوالها .. وراحت .. خذته .. سيف .. ؟!
غريبه ..
جاتها رسالة واتس : لو صاحية اتصلي ..
بلعت ريقها ..الطبيعي .. انها ترتبك ...
وبعد تردد .. اتصلت .. اجابها .. بصوته الرجولي .. العميق : مرحبا ..
بخفوت : هلا..
سيف ينفخ الدخان .. ويروح سحابه قدامه .. : توقعت انك صاحيه .. واضح مارتحتي في المكان .. والى الآن توسوسين ..
مهره : لا والله المكان مريح .. بس تغير علي المكان وكذا .. من جد .. مع ان سيف نام من زمان ..
ابتسم : هماني نمت في بيتكم .. وروحت بغيبوبه .. ماقلت تغير علي المكان ..
مهره بتنهيده: ماينام الا خلي البال ..
ضحك بخفوت ورفع راسه .. يداري الغبنه ..
مهره بنص عيون : ماقلت شي يضحك ..
سيف : طيب سوري ..ضحكتي واسحبها ..
مهره : سيف الانطباع اللي حصلته البارح ..من الجميع.. زين .. بس برضو يخوف ..
شرد .. والنتيجه هذي وصل لها قبل .. تقول له ..
كملت : حسيت الكل تعلق بسيف .. وتشفقوا عليه .. وحسيت انو رجع ضحكه غايبه من البيت من زمان ..
سيف ومستمر يدخن : المتوقع كذا ..
ضلت ساكته .. مده .. وشردت ..
عقد حواجبه : مهره .. ؟! ..
بشرودها : همممم ..
سيف : انا وعدتك .. ماتثقين فيني ..
مهره: لا ما أثق .. وليش اثق ..يقولك.. انا واخوي على ابن عمي .. وانا وابن عمي على الغريب ..
ضحك سيف بصدمه ..: جاملي يابنت ..
مهره: انا ما اجامل .. انا صريحه .. بكره بس يقولون اهلك يبون ولدهم .. بتوقف معهم وتتركني ..
سيف : لاقالوا نشوف لهم حل ..
مهره بعصبيه :ياربي يعني بيقولون شلون بنام اللحين ..
سيف ابتسم : نامي .. ومالك الا اللي يسرك وانا اخوك ..
سيف .. ومستغرب .. من نفسه .. انه يسولف .. وياخذ ويعطي .. الشي ذا .. بطبيعة شخصيته مستحيله ..
مهره فجأه عقدت حواجبها وهي تشوف وقت المكالمه وكيف مشت الدقايق ..
ارتبكت ..وارجعت اسكتت ..
وسيف اللي عاجبه اسلوبها في الكلام ونبرتها ..رغم انه يكره كثرة الكلام.. الا انه مايبيها تسكت : مهره ..؟!
مهره: انا آسفه واضح تبي تطمن على وضعي .. واحنا طولناها بالكلام..
سيف:طيب وين المشكله ..؟!
مهره: اللحين انت تركتنا ورايح لزوجتك ..
قاطعها : واذا ..؟!
مهره في خاطرها ياربي العايله فسقانه وكل شي عادي ..
قالت : لا ولاشي .. بقفل يمكن انام .. قبل يصحى سيف .. ويقلقني ..
سيف: تمام .. مع اني شاك في انك بتنامين .. واضح ان ابليس مخاويك بالغرفه ..
مهره رفعت عيونها تدور في الغرفه وبتنهيده:لحوول ..
وقبل ماتقفل ارتفع صوت الأذان .. تلتها لحظة صمت .. وهم يسمعون الاذان اللمتداخل ..من كل مكان .. وبعد مانتهى .. قال: صلي .. وفالك الراحه والنوم ..
مهره: الله يجزاك خير ..
ابتسم .. وقفل.. وظل ماسك الجوال ..هل ما اطال الحوار بساطة مهره .. ام فضوله .. او نبرتها الجميله ..
جاه صوت نوف: دخل علي صوتك بالحلم وتسولف.. ماصدقت .. قمت والله صدق .. تحقق الحلم .. من تكلم ..؟!
شغل زقاره ونفخها ببرود دون يطالعها .. وبنص عيون :
اكلم نفسي ..
نوف بعصبيه: وتبيني اصدق .. انت الناس ماتحاكيها .. عشان تكلم نفسك .. من تكلم سيف ..؟!
بهدوء: قلت لك.. نفسي ..
نوف: وماصدقتك ..
سيف رفع حاجب: عمرك .. ماصدقتي ..!
بغضب:سيف ..!
قام سيف الغرفه ولا كنه يشوفها ..
******
طبعا ً صلت مهره .. وارجعت فراشها وحاولت تنام .. بس عجزت .. ويمكن مانامت الا ست الصباح ..
سيف نام .. وصحى ع السبع ..نوف كانت تجهز لانها موظفه وبتروح تداوم .. قام خذ منشفه .. وقال :
نوف ماله داعي تجين الليله الفيلا ارجعي بيتكم ..
اللتفتت : ليه بتجي هيا ..
سيف : لا .. انا بظل بيتنا .. ابي اشوف اهلي .. ماصار فيه وقت قعدت معهم ..
نوف .. وهي تقفل شنطتها الصغيره: طيب سيف تكفى .. من كنت تكلم .. وانا نايمه..
سيف : مو شغلك .. عارفه .. اني ضد الاسئله والتحقيق .. خلينا حبايب ولانزعل من بعض ..
وتركها وراح دورة المياه ..
تحلطمت وهي تلف الشيله عليها وتطلع ..
****
بعد شوي كان سيف يدخل بيتهم .. والبيت فاضي الا من الخدم ..
ابوه اكيد مداوم .. امه نايمه .. جمان في بيت زوجها .. وبلقيس في الجامعه وفارس في المدرسه ..
صعد فووق .. وقبل يدخل غرفته .. سمع صوتها من غرفة عساف .. وكانت تتوسل : تكفى سيف نام .. حرام عليك .. توني نايمه..
وهو يبكي : قووومي .. نلوح بله .. ماما نلوح دجاجه ..
وقف يسمعها:خذ الايباد شوف جيري..
سيف : مابي جيري .. نلوح بله ..
تذمرهاا .. وهي تصيح : ياااااصبر الأرض ..عشاني ماما خليني شوي ..
راح سيف ناحية الباب .. وطقه بخفوت .. واسكتو اثنينهم ..
مهره: هلاا ..؟!
هو : خليه يجيني .. وانتي نامي ..
توسعت عيون مهره .. وحست بالاحراج .. وزين ماهفت النزغه كف ..: فشلتنا حسبي الله على ابليسك..

ظل سيف ينتظر شوي .. الا انفتح الباب .. ومن خلاله طلع سيف ببجامه كيوت .. وابتسامه مصحصحه ..
مهره من ورى الباب ..: والله فشله ..اذا ازعجك .. خلي الخدامه تجيبه ..
مد يده ومسكه سيف : ماعليك .. ادبره..
وتوه بيمشي .. الا قالت: سيف ..!!
اللتفتو اثنينهم ..
قالت: بالله .. خلي الخادمه تعطيه حليب ولا كورن فليكس ..
رفع سيف حاجب وبسخرية: ابشري ..تبين اخذه للحمام بعد ..
مهره بعفويه: لا خلاص خذته .. انا ..
سيف والجميل ان مهره مو عارفه شخصيته الا بشكل سطحي ..ولا عارفه مكانته الاجتماعيه ..وشغله ..
قال: تمام ..نامي ..
وراح وهي قفلت الباب .. وفعلاً تلحفت وارجعت نامت ..
*******
الساعه حدعش تقريبا ً.. صحت وكانت مصدعه .. ومتكسره .. من التكييف البارد .. بدلت وحطت شال كبير على راسها .. وانزلت ..
تأملت وهي تنزل فخامة المكان والنوافذ العملاقه اللي مخليه الشمس تدخل من كل جهه ..
توسعت عيونها وهي تشوف سيف الصغير .. جالس على الارض ويلعب مع قطووه رماديه كبيره وجنبه لفافات صوف باين العاب القطووه ..
وسيف جالس ع الكنب .. يشرب قهوه .. ومندمج في الايباد وكان يكلم جوال ويقول : هو راجح قبل يفتح المزاد ومنوي عليها .. عليه بالعافيه ..
بعدين قال : وليد .. مر الورشه ..وتأكد اذا العمال ..بدو بتلميع لوحة لويس سيمون .. الكلب آرثر من اسبوع قايله .. وقبل امشي المطار مريت ومابدا فيها اصلا ً..
ضحك : اجل كيف .. بمزاد بونهامز القادم .. بنزلها ..فالنا لوحة كلود مونيه ..
سكت شوي بعدين قال بتحدي : انا لاحلمت ..ما احلم على قدي .. لازم اتعدا قدي يابعدي ...
وانهى المكالمه بـ: .. سلم على راجح ومشاري لاشفته ..سلام ..
طبعا ً مهره .. ماستوعبت المكالمه .. ولا ايش يقصدون ..
بعد ماقفل قالت: صباح الخير ..
رفع راسه لها : صباح النور .. ماتوقعت تصحين ..
جلست وهي متغطيه بالشال .. ومسكت ذراعينها : التكييف مره بارد ..احسه كسر عظامي ..
عقد حواجبه: ليه ماقصرتيه ..
مهره : دورت ريموت .. ماحصلت ..
سيف: مو من جدك .. كان طلبتي من الخدم ..
مهره: والله مو ماينه على المكان .. بكره ان شاء الله ماشين ..
سيف يحط الايباد ع الطاوله : بدري ..
هي : لا حنا اتفقنا يومين .. نجي مره ثانيه بوقت ثاني ..
سيف : اهجدي .. ماراح تفرق لمددتي كم يوم .. خلي الولد يتعود علينا شوي ..
اللتفتت على ولدها وهتفت : عساس جالس تلعبه بحضنك .. الولد يلعب لحاله .. مهمله .. مع هالقطو الكبير..
سيف يشرب قهوته :
شوفي انا خذته لاني ادري مانمتي .. ولا انا مو رفقه ابدا ً مع الاطفال .. وبعدين ولدك يحن يبي الدجاج .. عاد جبت له قطوة فارس .. وماشاء الله مبسوط معها ..

انهارت .. وهي ترفع شيلتها شوي وتشوف شعر سيف وهو مليان من شعر القطوه :
سييييف .. ماباقي الا تاكل شعر القطوه ..
سيف وكفوفه مختفيه داخل شعر القطوه : قتووووووووه حلوووووه مااااامااااا..
مهره : حرام عليك .. ازعجتها يالموذي .. يجيك فارس يضربك ..
سيف : ترى عادي .. باللعكس سيف ألطف من فارس في التعامل .. مع شيلي ..
مهره بغت تنجلط من برود سيف .. والقطووه كل شوي صرخت من دفاشة سيف معها ..
راحت جلست على الأرض ..: هاتها اشووف .. عطني هالشي .. مشطها ذا ..
سيف : مسطتهاااا ..
مهره كفخت سيف على راسه بالمشط:
رح تقلع ..هذا مو تمشيط .. انت عفستها .. صار شعرها كنها غدت بكبينة كهربا .. يالحجي ..
سيف يهاوش امه : انتي اجيه .. آهو انا ..
سيف بغى يفقع ضحك على حوارهم .. ومهره حطت القطوه بحضنها وتمشطها بحنان ..:
هذا كائن حي .. ياعميري .. قلبها يرجف .. ويرعد .. ياللي ماتخاف الله ..
سيف يبي يسحبها :آتيها .. آتيها .. انا امسطها ..
مهره : والله ماتاخذها شفها كيف زابنه عندي ..حرام ماما ..
سيف يبي يسحب القطوه : تيبيها أجيه أجيه .. (جيبيها ياللحجيه ..)
دفعته مهره :اللحجي انت واشكالك .. رح فيذاك يامروح .. يالقاسي ..
سيف وبدون ماتلاحظ مهره كان مستمتع .. في تأمللها هي وسيف الصغير ..
كانت كنها طفله وهي تهاوش معه .. ويسبون بعض ..
سيف يهددها : اطه تحل عنونس .. (احط كحل في عيونك)
مهره وهي تمسح على القطوه اللي ساحت بحضنها: بالله .. تعال قرب وشوف مين بنعبي عيونه كحل ..
جات ام سيف .. وضحكت :
والله التهديد أليم يامهره .. بس ياويلك لو سويتيها بالحفيد ..
رفعت مهره عيونها لها .. وقامت : صبحك بالخير ياخاله ..
ام سيف بوستها : صبحك بالنور والسرور ياعين الخاله ..
طبعا ً سيف عطى وضعية اللي مو حولهم واللي منسجم بشغله بالجوال ..
خذت موضي سيف وضمته وبوسته : كيفك .. يارووحي .. تعال عط جديده بوسه ..
سيف باسها ويقوول : لعبت قتوو ..
ضحكت : بعدي ولدي ..
راحت جهة سيف الكبير .. : ماشاء الله منورنا .. الشيخ ..
سيف : نورك يمه ..
موضي : افطرتي مهره ..
مهره : لا والله توني نازله من شوي .. بغسل وآكل تمره وقهوه ..
موضي: افاا .. الفطور ع الطاوله .. روحي وشوفي مشتهاك واكلي ..
مهره : لا وين تأخر الوقت .. لو صاحيه ابكر فطرت ..
سيف : انتي وش يصير لك معارض ..؟!
توسعت عيونها : مين ذا ..؟!
سيف : السنجاب اللي في فلم الكرتون القديم..
انصدمت : انا سنجاب ..؟!
سيف : روحي افطري وعيني خير .. لاترجعين لجدتك .. وتقول حنا جوعناك ..
مهره بانفعال: بالله ..يعني مو عشان انا جايعه .. عشان جدتي .. برافوو والله ..
سيف : اجل خير لسى ما أذن الظهر ماتبين تفطرين ..
مهره : انا عاد متعوده كذا .. يعني خلاص لا افطرت ..ذا الوقت ما اتغدا .. يعني وش اقتراحك اخوي سيف .. افطر .. ولا اتغدا ..
سيف بنص عيون : بتفطرين وتتغدين .. جدتك اهلكتتي وصايه عليك .. وانا صراحه ابي اطلع ببياض وجه ..
مهره وشكلها عجيب تتكلم والشال على وجهها : بالله .. اجل . مابي لا افطر ولا اتغدا دام النيه كذا .. الله يسلم التمره والشقرا ..
سيف ويهاوشها : لاتسوين نظام شيبان .. خير تمره وقهوه ..ولا مو جايز لك المكان ياحرم عساف .. وسادين نفسك ..

طبعا ًام سيف ..رافعه حواجبها .. ببتسامه .. العجب العجاب .. اللي جالس يصير .. انوو سيف يناقش بهالاسلوب .. والاعجب .. ان واضح مهتم ان مهره مافطرت ويبيها تفطر ..

مهره : ايش دخل المكان في الموضوع ..
موضي قاطعتهم : طيب عشاني ياقلبي يامهره .. اكلي حتى لو اشوي .. ولو تبين شي مختلف ..قولي للخدم ..
سيف بلامبالاه وهو يتسند : تبين بعد نطلب لك من بره ..عادي ..لاتستحين ..

مهره ديورت وراحت ناحية المطبخ .. اللي البارح دلوها عليه مع بقية البيت ..:هفففف ..

اختفت بالمطبخ .. ضحكت موضي : ياحليلها هالمهره ..
سيف : ياخي بزر ..
موضي : تراه عمرها خمس وعشرين..
سيف : كويس ..
موضي : ايش اللي كويس .. قولي غريب مبكر ..
سيف : عادي يمه .. صحيت ومافيني النوم .. قلت اجي فيذا .. واشوف الجميع .. لي ثلاث شهور عنكم ..
موضي تطالعه بحنيه : سعيده .. عشان هالشعور ..
رفع راسه وتنهد .. : لاتحسسيني متبلد يمه ..
موضي وعلى طول طلعت دمعه بزاوية عينها مسحتها : حاشاك يمه .. بس تعبت من بعدكم .. تعبت .. متى المكم حولي واشبع منكم .. عساف راح وماشبعت منه .. راح وهو قاطعني عن نفسه سنين ..
تنهد سيف .. وقلبه يوجعه : الله يرحمه .. ويرحم نجود .. هم راحوا .. وأوجعونا ..

مسكت امه يده وخذتها عندها :
الله يرحمهم جميع .. سيف يابعد عيني .. انسى ..سنين مرت .. لاحزنك بيرجعها .. ولابعدك عن الحب بيغير شي .. الحياه قدامك .. حاول تحب .. وتكون اسره سليمه .. وفك عن حياة الشعثره اللي ماتزيدك الا شتات يا امك ..

ضحك بسخريه : قصدك اعيش مع نوف بشكل رسمي .. ولا عاد هيا .. ولا اجيب منهم عيال .. مستحيييييل ..ما اتحملهم بشكل مطول يمه .. والله مااتحمل ..
موضي: من حقهم .. يعيشون حياه طبيعيه ..
سيف : هم عارفين ظروف هالزواج وراضين ..
موضي:والله تلقى داخلهم شعور نقص .. بس ساكتين .. وبالعينها ..
سيف ببرود: ماحد مغصوب .. الحياه قدامهم .. وانا والله معطيهم الضوء الاخضر .. متى مابغت .. اسرحها .. لها الطلاق .. بمؤخر دسم وفوقه باقة ورد ..
موضي بقهر : بالله مافيه شوية مشاعر .. ماتحس بتفقد هالحرمه .. ماتقول مر معها يوم حلوو ..
سيف رفع حاجب ونزله : ابد يمه .. شوفي انا رجال .. واذا تزوجت وحفظت نفسي من الحرام .. مو معناها .. اني نسيت نجود وممكن احب غيرها .. فاصدقيني لو شايف في هالزواجات اللي مرت شي شدني .. وحرك قلبي .. باللعكس ممكن اتمسك .. بس والله مااافيه .. مافيه يمه .. يالعيب فيهم ولا فيني ..
موضي ومحتفظه بيده : الله يهداك يمه ..
سيف بوجع قلبه : الله يجبرني يمه ..

صرخت القطووه .. اللي رجع سيف يتحرش فيها ..ضحك سيف : بتجيك امك اللحين ..
سيف شال القطوه اللي طوله وحضنها : تدي ماما .. اتكها (تجي ماما بطقها)
توسعت عيون موضي :ياااااازيييينه ...!
سيف زقره: استح ياولد احد يطق امه ..
النتفه عقد حواجبه يجاري عمه: اتكك انت ..
توسعت عيون سيف: اياا ابن الكلب ..
ضحكت موضي: راحت الهيبه ياسيف وروحها سميك.. الظاهر خزتك ماعاد بها مفعول ..
سيف : لاتستفزيني يمه اقووم افغص هالنمله ذا ..
موضي وعارفه يسويها سيف : لا والله ماطقه .. بعد نفر الورع من بيتنا وحنا فرحانين فيه ..

********



مهره .. ومعشرها الحلوو .. امضت الوقت مع موضي في طبخ الغدا .. وسولفوا سوى .. جات عند سيف اللي كان يلعب بالايباد وغفى ..
شالته .. قالت لها موضي:
خذيه غرفة الجلوس .. تحت .. في فراش صغير البارح حطته جمان لبنتها ..
طلعت من المطبخ : تمام ..

مرت في الصاله .. اللي قفلوا ستايرها .. على سيف العم اللي نايم ع الكنب بالصاله ..
كانت ماره ومو متغشيه ..
طاح نظرها .. عليه نايم على جنب .. فوق راسه مخده ..
*كيف يكون كيان سيف مريح في المكان .. ومطمئن .. عكس عساف ..
لما شعوري الغريب .. بهذا الرجل وكأني اعرفه منذ زمن .. وكأنه احضرني الا هذا المنزل .. واصبحت انتمي اليه هو .. لما .. ؟! .. *

توجهت للغرفه .. ونومت سيف على الفراش ع الارض .. وتوعى .. وتباكى .. وجلست جنبه .. ظلت تغني عليه وتنومه .. !
بعد شوي طلعت من الغرفه .. وتقفل الباب بخفوت .. وسمعت الكلام الهامس .. رفعت عيونها ..
لفارس اللي جاي من المدرسه .. وجالس ع الكنب جنب بطن سيف النايم .. ويقول : طيب كلمني .. مشتاااق لك ..
سيف ببتسامه وعيونه مغمضه : تعال واعطني هاق .. خل ترد الروح فيني ..
فارس بشوق .. ولهفه .. طب في حضنه وهو منسدح .. وضم رقبته بقوووه : وقسسم بالله نورت السعوديه .. ياعينه ..
سيف يربت على ظهره وضامه كنه طفل : يابعد حيي .. يعني وش يبي الواحد اكثر يصحى ويشوف عيون فارس ..
ضحك فارس وعيونه امتلت دموع.. وحاط خده على خده :ايه واضح .. وانت رايح قبل تشوفني عشان تصبح بعيون الساحره نوف ..
ضحك بنعس:فكني من الطاري.. يا ابوي ..
سيف باس خده ..واستعدل :
لو تجي معي لندن .. خلاص .. ماجي السعوديه الا بالاعياد ..
رفع فارس حاجبه: والله كان ينجلط ابوي .. وفوقه امي .. تعرف مايعزون عن زولي ..

مهره كانت متخرفنه على هالاخووه .. لما عساف طرى أبوة سيف وحنانه.. كان يقصد كذا .. يالله .. !!
مرت مهره .. بترجع للمطبخ ..
شهق فارس : اوووه مهره .. تعالي ..كيفك يالمزيونه ..
مهره : تمام ..
سيف كان يدعك عيونه ..ورفع راسه لها : اجل شاركتي امي بالطبخ ..
مهره : يعني .. شوي ..
سيف : ممتاز .. في تطور .. يعني بديتي تحسي ان ذا بيتك ..
مهره : يعني مع الخاله موضي .. لازم احس بهالشعور ..
قام سيف .. : تحسسيني .. ان احنا نمشي ونهضم فيك ..وين السمي ..؟!
مهره: نايم ..
فارس باندفاع: بروح اصحيه ..
مهره : لاتكفى ..خليه دام نامت شياطينه ..
فارس : يالله .. خلوو الورع يمارس هواياته ..
مهره راحت توجهت ناحية المطبخ .. ومع الشال على وجهها صقعت ركبتها في الطاوله .. : اووووش ..
اللتفت سيف بسرعه :انتبهي .. ماتشوفين ..
مهره تضغط على ركبتها : ظلام .. ومتغشيه ايوه ماشوف ..
شغل النور بسرعه .. : زينه انتي ..
مهره وتحس ركبتها انفلقت .. بس قالت بكبرياء : ايه ضربه خفيفه ..
سيف رفع حاجب .. وعشان يقهرها : اتوقع الطاوله هي اللي انشرخت .. على هالصوت ..
ضحك فارس : من جد ..شيكي مهره على ركبتك ..
راحت وكانت تعرج شوي .. سيف اشر بعيونه لفارس .. وذاك فهم على طول .. راح مسك ذراعها ..: خليني اساعدك .. مهره ..
******
على طاولة الطعام .. بغياب الاب .. سيف كان جالس على راس المائده ..
وفارس على يساره والام يمينه .. بلقيس جنب فارس ومهره جنب الام ..
موضي: ترى عادي افتحي وجهك .. خليك متحجبه ..
مهره : لاماعليك .. اعرف آكل خالتي ..
بلقيس : تبين تقنعيني .. بامريكا مع عساف كنتي تتحجبين ..
شردت مهره : الا كنت اتحجب .. بس ما اتغطى ..
بلقيس : تمام .. تخيلي انك بامريكا واكشفي ..
مهره وماتدري ليه .. مرتاحه بذا الحاجز بينها وبين سيف ..
في قووه عجيبه .. في عيون سيف ..يخففها الحاجز ذا .. ويسهل الحوار معه .. وحتى يسهل الرد على لسانه اللاذع .. قالت وهي تاكل وماسكه الشال مغطيه جنب وجهها : بلقيس .. سمي واكلي.. ماعليك من خشتي ..
مهره لاحظت سيف شال صحن فارس .. ويسكب له ويقول : لاتاكل حشوو .. فيها مكسرات .. عشان تقويمك ..
فارس عطى سيف كشره بسنانه ..: شرايك بالتغيرات ..
سيف قرب يطالع فم فارس .. ويفتح فمه من جنب بصبعه: جميل تسكرت الحفره اللي هنا .. رحت موعدك الاخير ..
فارس وبدى ياكل : ايه يبه .. وترى ..
وقبل مايكمل شرقت مهره .. وبغت تموووت .. مع كلمة يبه .. موضي ..طقطقت ظهرها .. وعطتها ماي ..
شربت مهره شوي .. وبعيوون مفجوووعه تطالع فارس : فارس .. وش ناديت سيف .. من شوي ..
فارس مصدوم : كيف يعني .. ؟! ..
سيف عقد حواجبه ..
ومهره بذهول : انت قلت يبه .. قلتها ولا يتهيئ لي ..؟! .
فارس بدهشه : اجل وش اقول دادي .. ولا بابا .. ايه قلت يبه ..
سيف استوعب .. ان مهره .. اصلا ً طول الوقت ماتدري ان فارس ولده ..
بشبح ابتسامه قال : مهره .. ترى فارس ولدي .. من ردة فعلك ..واضح تفكرينه اخوي صح ..
مهره حطت يدينها فوق راسها :
لا .. دار راسي .. جد جد .. تستهبلون ..في شي غلط بالموضوع ..
فارس مات ضحك : اوما انك تحسيني .. كبير بزياده ولا ابوي صغير .. لانو بصراحه نتعرض لهالموقف كثير خاصه من الناس اللي مايعرفونا ..
مهره اللتفتت ناحيتهم .. واثنينهم يبتسموون .. الشبه بينهم رهيييب .. مثل الشبه بين عساف وولدها ..
تمتمت : يالله وضعكم غريب .. وربي من البارح افكره آخر العنقود عند الخاله موضي ..
ابتسمت موضي : فارس انولد وعمر سيف عشرين .. كبر ابووه الله يحفظه ..
بلقيس :والنزغه شايف نفسه اخونا .. لايقول عمتي .. ولاجده وجدي ..
رفع حاجب : سلامات اقوول لك عمتي .. ماتطلع والله ..
بلقيس: وقح اقسم بالله ..
مهره .. رجعت تاكل مبهوره بهالحقيقه ..سيف شاب كثير على انو يكون عنده ولد شاب كبر فارس ..
بس والله .. كابلز عجيب .. حلوووين مره سوا . واسلوبهم وحواراتهم ..تفووز ..!!!
*********
مضى ثاني يوم باهتمام مكثف من العائله .. وحب هائل لي ولسيف الصغير ..
سيف مع شقاوته .. وكلامه ولسانته .. علق قلب الجميع به..
والجد سعود .. يحضنه ويضمه ويقبله .. وكأنه ينوي ان يعطي سيف حب العالم وحنانه ..وكأنه ينوي تعويض سنين العجاف مع عساف من خلال ابنه ..
يفترض اني ذاهبه في الغد .. لكن .. !
سيف اتصل بجديده .. وباسلوبه .. ودبلوماسيته اقنعها بالتمديد ..لاسبوع لكن وباللتي ..رضت اظل ثلاث ايام .. وعلى مضض ..
وكلمتني .. واعطتني موشحات .. في العقل والستر والاحتشام عند اهل زوجي ..
وصوتك لايعلى .. وخلك مؤدبه .. وسنعه .. وفساله ما أبي ..
تنهدت وقفلت .. كانت في غرفة الجلوس ..
الجده صبحا ..وانظمتها .. النقيض .. للناس هنا ..
هنا كل حاجه ماخذينها سهاله .. وفري بعقل .. اما جديده .. استغفر الله ..
لو بودها قفلت على البنت بصندوق احفظ لها ..
تضايقت بعد تكرار جدتي ووصايها .. طلعت من غرفة الجلوس وكانت حدعش الليل ..
كانوا بلقيس وفارس يتابعون فلم ومعهم سيف اللي غاب اكثر الليوم وتوه جاي ..
جلست وهي متغشيه بصمت ...
رفعت رجولها ع الكنبه وضبتهم ..ومن تحت شالها الكبير شردت .. وتحاول تنسى واقعها ..
وحياتها القشره .. وخيباتها .. وفوقها الجده وضغطها ..
سيف .. كانت عينه بالجوال .. لكن .. مهره في مجال رؤيته .. كان يرفع عينه لها ..
وحاس ان فيها شي .. مر الوقت وهي حاضنه نفسها .. بالصوره اللي لاحظها فيها بيت جدتها .. وكانها تعزي نفسها ..

فارس وبلقيس يتناقشون عن الفلم .. ضحك فارس :
يبه .. ذكرتني الرقصه بليان .. في لندن ..بحفلة عمي راجح .. غصب تبين ارقص معها .. دعست رجولها .. وكرهتها نفسها ..
بلقيس : من جدك راقص مع هالزبده .. يععع .. كن مافي ابوو دلع بنته الا ابوها ..
فارس : هي مو الغايه ترقص معي .. تعرفين بزر ..هي تبي تتميلح على ابوي ..عشان يجي ويقوول لها تعالي يابعد حيي ارقصي مع الأصل .. بس ذيبان مابرد قلبها ..
ضحكت بلقيس ..
وفارس : يبه ..
سيف اللي كان باله مو معه .. ومنشغل بمهره ..ايش فيها .. وليه تغير مودها .. ليه ذاويه .. وحزينه .
فارس : يبه .. !
اللتفت :هلا ابوي..
فارس:وراك .. وش مشغول به ..
سيف ويحاول يلفت انتباه مهره: افكر هو سيف..بيصمل بنومته في غرفة ابوي .ولا..
بلقيس : والله هو اندعس مع ابوي .. وسولف عليه وصدق كذب نام ..
سيف عقد حواجبه .. واللتفت جهتها: مهره .. انتي ايش رايك ..
ارتعشت .. من شرودها: هاا .. في وش ..؟!
كرر عليها السؤال ..
مهره بخفوت : مادري .. ممكن .. هو احيان ينام مع جديده بالمزرعه .. ممكن يكمل ..
بعدين وقفت .. :
اعذروني بصعد غرفتي .. تصبحون على خير ..
كلهم : تلاقين خير ..!
........
يا ضيقه الليل خليني على فالييّ
يكفيني من الدهر عرجاته وسوآته.

بعد منتصف الليل ..
سيف كان جالس في غرفته .على طاوله وكرسي جانبي..وزقاره في فمه ..وبيده قطعه بحجم الكف شكلها حجر كريم او الماس .. ويلمعه بدقه بمحلول .. وقطعة قماش ..كان مجتهد بس تركيزه الى الان مع مهره ..
ويحاول يطرد هالشعور ..
والاهتمام .. الغريب لها ..!
بس ماهو قادر .. خذ جواله .. فتح صفحتها تبع الواتس .. متجاهل رسايل نوف وهيا .. رسل لها: يابنت .. طمنيني عليك .. حد مزعلك ..
ظل شوي ..وشافها تكتب وتمسح .. وتكتب وتمسح بعدين ارسلت:مافيني شي .. وفيس منهضم ..
ارسل:مهره ..انا اخوك ولا .؟
كتبت:الا ..
كتب : طيب سولفي لاخووك ..
كتبت:لاتشغل بالك ياخيي .. الأمور طيبه ..
سيف .. قفل الواتس واتصل ..
ظل يرن وقت .. ويرن..
بعدها ردت .. بصوت مخنوق : هلا ..
عقد حجاجه .. ويتوعد : مهره .. من زعلك .. قولي لي بس من .. ومالك الا اللي يسرك ..
ضحكت بصوتها الباكي: من قال زعلانه ..
سيف: تبكين ؟!
مهره تكذب: لا .. بس ساكته من وقت تغير صوتي ..
سيف : بلاش كذب .. ؟! .. مهره وش فيك .. كنتي بالنهار مبسوطه .. وكل شي تمام .. وش غير احوالك ..
مهره .. سكتت .. وخفق قلبها .. مع شعور سيف فيها .. وكيف يعرف تقلبات مزاجها .. مع ان مايشوف وجهها .. ولاعيونها ..
مسحت دموعها وانفها بمناديل ..
واسندت جبينها في ركبها :
‏يمكن ..جايتني الطواري .. ويمكن ضغوط .. يمكن مخنوقه ..من الدنيا..يمكن مشتاقه لسندس وزينه .. اي جد مره واحشيني ..مادري او حيل مخنوقه من اسلوب جديده .. اصلا ً حتى ركبتي توجعني من ضربة الطاوله .. (وراحت انهارت تبكي) مررره تووووجع ..

سيف فتح عيونه بذهول: مهره .. كل ذا .. (وكان يقصد غبنتها وبكاها ) .. اهدي .. قولي وش تبين.. وش اللي يطيب خاطرك ..
مهره تنوشق : والله مابي شي .. والله .. مافيني شي .. صدق ..
سيف : فاقده عساف ..؟!
سكتت مهره .. وتتخيل عساف .. وايام عساف .. وجنونه ..
ردت: مادري .. الاسئله عن عساف ..ماعندي لها جواب ..
عقد حواجبه : كيف .. ماكنتي تحبينه .. ؟! .
مهره : الا .. زوجي كيف ماحبه .. ابو سيفي .. يكفي ان سيف ولده .. ذا يشفع له كل شي ..
سيف يقلب الحجر ع الطاوله .. بعدها قال : اخوي واعرفه .. بادمانه للكحول اكيد آذاك ..
حست بغصه:
الله يبيحه ويحله .. مابي اذكر الا محاسنه ..
ومع حشرجة صوتها .. سئلها : مهره ..آذاك .. وانتي مجروحه منه .. قولي لي .. عارف عساف .. طايش .. ودفش .. واذا شرب مايشوف قدامه ..
مهره بصوت باكي مخنوق : تكفى سيف .. خلينا نقول شي ثاني .. عشاني .. عشاني ..

وعندما كررت مهره مستجديه بشانها .. ورب الكعبه .. واقسم ان شانها اصبح لاينزل الأرض عندي ..
ابتسم وبحنيه :طيب ابشري .. سولفي لي .. انا واحد ليلتي طويله ..وابي اسمع هرج ..
مهره بعفويه: يالليل .. اللحين خواتك وخالتي اجمعوا انك ماتحب الحكي .. وان كلامك مختصر .. من اصدق اللحين ..
شغل زقاره : مادري .. يمكن عاجبن ان عندي اخت جديده وابي اتعرف عليها اكثر ..
مهره ضحكت وهي تمسح دموعها :
تدري لو جديده .. تدري عن هالمكالمه وش تسوي ..
ابتسم : وش ..؟!.
مهره : ماراح تاخذها من باب الاخوه .. وبتقول .. حماك .. وبتسوي لي محاضره .. وتلعني وتفل علي ..وبتعتبرني ساقطه وماستحي ..
سيف : افاا .. كل ذا .. ايش هالتعقيد .. الوضع عندنا جدا ًمختلف ..
مهره : لا .. جدتي اسلوبها في حفظ البنت مختلف .. كيف اوضح لك .. امممم ..تخاف عليها من الفتنه .. والرجال .. تخاف ان البنت تحب او تنحب .. اصلا ً حتى لو علقنا على ممثل انو وسيم او جميل .. نكون وقعنا في المنكر والمحضور ..كنا صغار .. وتحط كحل اثمد في عيونا .. واذا قمنا نصيح من حرارة الكحل .. تقوول عشان تتذكرين نار جهنم لانصبت بعنونتس .. تغازلين هالكفار يالبازع ..

سيف مفجوع : ايش هالاسلوب .. ذا عنف ..
مهره : بس صدقني .. ياسيف تحبنا .. وتخاف علينا من الهوى الطاير .. بس هي مره حاده اتجاه بعض الامور .. وخاصه تحس كل شي يمس البنت وكل شي ممكن يجيب عليها كلام .. عندها الستر هو الزواج .. وتخيل .. مو احنا اللي اخترنا زواجاتنا .. هي اللي تنظر للمتقدم .. اذا تمام .. نسبه كويس .. عمره مناسب .. وغني .. لازم يقدم مهر مره غالي ..لان حنا بنات ولدها وحيدها ..المهم تاخذه وتروح فينا سوق الذهب وتشري به كله ذهب .. وتعطينا اياه ..

سيف بتسائل: ليه هالشرط ..طيب ..؟!
مهره تنهدت ..: جديده .. رغم حبها لنا .. الا انها ماتنسى ان امي تخلت عن ابوي .. عشان ظروفه الماديه اللي دخل فيها بفتره من الزمن .. فاذا اعترضنا على هالشرط التعيس .. تقوول امكم .. سوت وافعلت ببوكم .. والعرق دساس .. فأنا بأمن لكم حياتكم .. عشان ماتنفصلون عشان القريشات ..

سيف مصدوم : يا وجه الله ..!
كان مكيف على اسلوب كلامها ويبتسم وهي تقلد اسلوب الجده في الحكي ..
مهره : اختي سندس الله وفقها .. عنده فلوس،بس ماشاء الله رجل والننعم . اما اختي زينه خذها واحد يقرب لنا من بعيد .. ابوه اقشر .. واهو ألعن .. وزينه مسكينه مالها لسان .. وماجابت عيال .. والعيب من زوجها النفسيه .. الا حاط البلا فيها .. ويغلط في حقها .. يعصب على اقل،شي .. الا انه .. مايبي يتركها .. متعلقن في زينها وجمالها .. وعارف ماراح يلقى مثل خيتي ...
سيف ..يداعبها:بس متعلق فيها عشان زينها ..
مهره بتفكير: امممم .. زينه اختي .. زينه في كل شي .. ان جا في شكل ومضمون .. ماسموها زينه الا انه تبطي الحريم تجيب مثل زينها ..
سيف ويبي يطيحها بالكلام: وليه سموك مهره ..؟!
مهره بعفويه :لاني شقرا مثل المهار .. وغاليه عند ابوي .. كان يقول انتي مهره نادره واصيله .. وصعبه على كل خيال ..
سيف رفع حاجب: بس عساف جاب راسك ..
مهره بنص عيون: بعيد عن شواربه ..
سيف باستنكار : اييييش ..؟!
مهره ببرود : ولاشي ..
سيف ومايبي يدقق على معنى كلمتها .. دام زان مزاجها .. :طيب على اي اساس اخطبك عساف .. كيف وصلك ..
مهره : ابد واحد قريب جديده .. بامريكا .. يعرفه.. نصحه فيني .. كان عساف يدور وحده بنت ناس ومتربيه .. وتخاف الله ومحتشمه .. وقال له عني .. تقدم .. وقريبنا مدح فيه .. وتعرف وش قال لجديده .. ان ابوك يبي يغصبه على وحده مايبيها .. ومادري ايش ..وانه يبي يظلمه.. ورضت جديده .. خاصه انه وضح ان شارينا وشاري نسبنا .. انو حتى لو درى ابوك .. بيقدر هالنسب ..

عقد حواجبه : ماني عارف استوعب ليش .. عساف خطى هالخطوه ..
شردت وبخفوت: يمكن ..كان يبي يستقر .. يمكن ..!
سيف: واستقر..؟!!
بشرود : مادري..
سيف : لاخذت منك حق ولاباطل ..
ضحكت مهره ضحكه صافيه : ياشيخ .. انت سحبتني في الحكي .. ومابقى شي الا قلته ..
سيف وضحكتها داعبت روحه ..
لاأدري .. لكن شعوري ان مهره .. لاتستحق الا ان تضحك ..
تلك البسيطه .. !
لا الانسانيه .. ولا القانون .. تسمح ان تظلم .. وان تخطف ضحكتها ..
سكتت .. وهو بعد ..
مرت ثواني ..
بعدها قالت مهره .. : طيب وانت .. ؟!
سيف : وش فيني انا .. ؟!
مهره بشقاوه: اللحين اخوي .. وخذت علمي .. المفروض اعرف انت وش علمك ..
سيف واللي مايفضي لأحد :
وش علمي عاد.. ماعندي علوم ..
مهره : بالله .. سمعت انك تتزوج وتطلق .. ليه ..ايش هالفوضى .. اللي عايش فيها ..
رفع حواجبه مصدوم ..:
تدرين ..انك قاعده تتجرئين على شي ماحد يجرء عليه ..
مهره بعدم اهتمام : ليه يالبيت الابيض .. يعني خير .. من حل لك المسيار .. احسه غلط ..
سيف بتحذير: مهره ..!!!
مهره: اقنعني ..
سيف ينفخ الدخان : وش اقنعك فيه ..
مهره: لما تتزوج .. وتروح تسير على حرمتك وتمشي .. ماتحس في غلط ..
رفع حاجب :
ماروح لها هي تجيني .. انا عندي بيت كبر ذا البيت وله اكبر ..اللي ابيها تجيني فيه .. ماهو انا اللي اروح لهن في بيوت اهلهن ..
مهره : استغفر الله .. ايش هالأذلال .. كيف تهون عليها نفسها ..
هتف : زوجها .. !!!!!.. ماهو واحد من الشارع ..
مهره باعتراض : زوجها ومخلي بيت شكبره فاضي .. وانت فيه .. وتختار الحرمه وتجيك .. لو هي حاسبه عمرها حرمتك .. ظلت في البيت وماطلعت ..من حقها تقعد في بيت زوجها ..
سيف يدافع عن نفسه: انا اتزوج وشروطي بينه ..لو ماعجبها ماترضا وانتهى ..انا من سنتين .. مر علي وقت اربع على ذمتي .. اجيبهم كلهم بيتي .. يهبون ..
توسعت عيون مهره : اربع .. يالظالم .. ايش عندك قلب ولا فندق ..
سيف : ورب الكعبه ولا وحده عتبت قلبي .. زواج بس ..انا رجل الله منعم علي وراعي سفر .. واخاف الله .. مافيها شي لاصنت نفسي بالحلال ..
مهره معترضه من المنطق : كيف الواحد يقدر يكون مع شخص مايحبه .. يعني كيف .. هذا ..
وسكتت قبل تتعمق وزفرت وهي تقول : لاتعليق ..
ابتسم يوم فهم وش تقصد .. وكان بيضحك .. كيف مهره استحت .. وظلت ساكته ..
قال : طيب ماعلينا .. حياتي كذا وش نسوي ..
مهره وكأنها تعرف سيف من سنين .. : سيف لازم تشوف حل .. اذا مو عشانك .. عشان فارس ..وش وضعه وهو يشوف حياتك كذا .. كل يوم مع زوجه ..
سيف بهدوء : عادي والله .. هو مقدر اني ماقدر احب بعد امه .. باللعكس من البيت ذا كله فارس .. هو اللي يدور سعادتي .. ولاعمره اعترض .. عكسهم تماما ً..
مهره .. : انت وش دراك وش في نفسه ..واهلك اذا اعترضو لانه غلط .. وربي غلط ..
سيف يطالع الساعه كيف مر الوقت .. حس بصدمه ..
قال : وش الحل في رايك ..؟!
مهره بكلام عقلاني : لازم تحط في قلبك نية التغير للأفضل ..اوك حلو انك متمسك بحبك القديم .. ووفي له .. بس انت اللحين حي .. والحي ابقى من الميت .. ودامك تقدر تتزوج .. وماعندك حاجز ضد المرأه .. اذا تقدر تحب .. دامك تقدر تخون ام فارس جسديا ً.. لاتسوي نفسك وفي قلبيا ً..
عقد حواجبه وتوترت اعصابه .. : مهره ..!!!!
مهره بثبات :
كلامي واقعي .. الحاجز اللي ينهدم بين المره والرجال .. انا اشوفه اختلاط مشاعر .. الله اكرمنا عن الحيوان .. ياسيف ..
سيف بغضب : مهره .. لاتتمادين ..
مهره بهدوء : ليه عصبت من كلامي .. لأن لامس شي .. انت رافضه بداخلك ..انت رافض هالحياه وهالاسلوب .. بس شي يرضي ذاتك ورجولتك ..
حط كفه على عيونه وبعصبيه وخفوت : ماهو كذا .. مهب انا اللي اثبت رجولتي بهالاسلوب ..
مهره : طيب بعيد عن اثبات رجولتك .. ليه .. اقنعني .. وش الشيق .. اني كل شوي رابط حرمه في اسمي ومطلقها ..
سيف بحده : انا رجل .. واحتاج للحرمه بحياتي ..
مهره : الحرمه سكن يا اختك .. ماهو شي عابر يمر .. ويمشي .. حتى الخادمه في البيت تنام فيه وتقعد طول مدة عقدها ..
توسعت عيون سيف .. للقصف اللي جاه من مهره .. وكيف لسانها لاذع ..
كملت :مع الاسف سيف .. انت مخلي حبك لام فارس .. شماعه لاغلاطك في بنات الناس .. واغلاطك على نفسك .. لان لوجينا للواقع .. لو ام فارس عايشه .. كان ذبحتها جزع من وضعك هذا ..
عقد حواجبه .. بعدها قال بخفوت : انا ماقدر احب غيرها .. والله ماقدر ..
مهره : طيب لاتحب .. موده .. رحمه .. استقرار .. وكل شي يجي بعده ..
سيف وحس انه ارهق .. ومخه انشل .. : ياشيخه خلاص غيري الموضوع...
مهره ضحكت: نحاول نحل قضيتك ..
سيف ويشغل زقاره : لو انحلت قضية فلسيطن ..يمكن تنحل قضيتي ..
مهره ببتسامه : الهادي الله ..
ابتسم : ضغطتيني .. شوي واطلع من السماعه .. اعطيك كف ..
شهقت : خييييير .. !!
سيف: السبع صمل عند ابوي ..
مهره بانبهار: ملاحظ كيف سوا علاقه مع جده ..
سيف : كل سيف ذكي .. ويعرف من وين تأكل الكتف ..
مهره بنص عيون: انت تمدح ورعي ولانفسك ..
ضحك ..
وابتسمت مهره مع ضحكته ..
سيف في مكالمته وحواره .. قدر يطلعها .. من شعور البؤوس .. والضيق ..
ابتدينا مكالمتنا بدمعه ..
وانهيناها بضحكه ..!
وسبحانك اللهم وبحمدك .. اشهد ان لااله الا انت استغفرك واتوب اليك ..
.............
صحيت الظهر .. لاني مانمت الا متأخر ..البيت كان مافي احد .. نزلت .. وقالت لي الخادمه .. ان العم سعود .. خذ ولدي سيف ..للمزرعه ..تبعه ..
لأن ظل يلح يبي يشوف الدجاج .. فاراحت موضي .. وحتى بلقيس اللي كانت اوف الليوم ..
سويت لي قهوه تركيه ..
وخذت حبة شوكلت .. ابي افكك صواميل مخي .. الي انعدم مع نومي التعبان ..

وتوني ارتشفت اول رشفه .. الا سمعت صووت سيف يتكلم بغضب وحده:طيب .. وانا مو راضي كيف ..
بلعت ريقي .. والصوت يقرب عند درابزين الدرج من فوق .. واللي لو ارفع راسي اشوفه ..
صاح بصوت زلزل المكان بالصدا : والله ان سافرتي ياهيا .. فا نتي طالعه من ذمتي ..
توسعت عيون مهره ..وقمطت مع الصوت ..
وهو يقول :
ماهوو انا اللي تبين تجاكريني .. يعني انا اسافر واخليك .. ولما جيت تبين تسافرين وتخلين .. لا يبه لا ..عندك ثلاث شهور انا مو فيه .. ليه ما انقلعتي .. مع خواتك .. توها تجي السفره .. !!
سكت شوووي يسمعها .. وبعدها بصيحه حست مهره ..انها هي ارتعدت :
مشكلتك ..
مهره بعدها سمعت باب غرفته اللي سكره بقووه .. خل الصدا يرن بعده ..
توسعت عيونها :
بسم الله .. بسم الله .. وش فيه ذا ..

بعد شوي .. حضروا الخدم سفرة الغدا .. وجات نادت مهره .. اللي شارده في الصاله .. وقالت لها عن الغدا ..
مهره: وانا بقعد لحالي ع السفره .. ماله داعي ..
سونا: كلام انا مستر سيف .. اللحين يجي من فوق ..
مهره: اوك اللحين اجي .. شكراً ..

جلست ع طاولة الاكل الجانبيه .. وسمعت صوته على الدرج .. :المفروض طالع من المدرسه .. ورا ماجيت ..
فارس وحس ان ابوه معصب: كنت بجي ..بس بنتغدا .. بماك يبه .. انا والربع ..
سيف عاقد حجاجه : ومن الربع .. ؟!
تلعثم فارس : ربع المدرسه .. معاذ وذياب واحمد ..
سيف بتهديد واضح : ولايكون تيم وثامر معهم ..
فارس : لايبه .. لا .. خلاص انت مو راضي .. تركتهم .. جد ..
سيف: المهم .. تتغدا .. وتدحدر البيت .. جدك مكلم .. بنروح له المزرعه ..
فارس : تم يبه من عيوني ..
سيف : السواق معك .. ؟!
فارس بربكه : لايبه هو جا المدرسه .. وصرفته .. لان معاذ معه سيارته ..يعني واحنا مخططين نطلع نتغدا سوا ..
سيف من بين اسنانه : هين يافارس وعدك في البيت..
وقفل في وجهه..
راح جهة الطاوله وسلم .. ردت.. بخفوت : وعليكم السلام ..
جلس في كرسي بعيد .. ومهره .. تطالعه بجنب عينها .. وماسك جواله ودق رقم .. وظل شوي ..: هلا نواف ..
نواف : هلا .. حيالله العضيد .. وش اخبارك ..
سيف: تمام ياابوي .. انت كيفك ..
نواف : بخير جعلك بخير ..
سيف : سمعت ان ابوي منتدبك .. في مهمه ..
ضحك : نووسع الشغل والعلاقات يا اخوك .. صاري لي عشر ايام ..
سيف ويشغل ويطفي في الولاعه : ع القوه .. عساك احسن من اخوانك ..
نواف : العين ماتعلى ع الحاجب ياسيف ..
سيف : نواف .. قبل ماتمشي .. انا وصيتك فروس .. مايماشي تيم وثامر ..
نواف : واهوا كذلك .. فارس كان اغلب الوقت معي .. وش فيه .. صاير شي ..
سيف : مادري عنه الكلب ..صوته واضح يلف ويدور .. طلع من المدرسه وماجا ..
نواف : هد ياخوك ..اقعد وياه .. وتكلم باسلوب .. وعقل .. وبيقول كل اللي عنده .. لاتضغط عليه .. فروس مايجي بالقووه ..
سيف : خلاص لاتحاتي .. انتبه لحالك ..
نواف : اووك .. في امان الله ..
قفل ..

وساد الصمت .. بينهم وياكلون بهدوء ..ولما طال الصمت .. سيف :
بالله ..لسانك اللي تحكين فيه بالجوال .. بلعتيه ..
توسعت عيونها .. : اييييش ..؟!..
سيف ..: ليه ساكته.. وش فيك ..
مهره : ولاشي .. ماعندي كلام ابدا فيه حوار ..
سيف عقد حواجبه : طيب وش فيك متوتره ..
مهره : باقي انا تهاوش معي .. بعد .. رجاءً.. خلني في حالي ..
رفع حواجبه .. وعرف انها اكيد كانت تحت وقت كلم هيا وهزئها..
تنهد : سمعتي مكالمتي.. وانا اهاوش هيا ..
مهره: أيا ً كانت .. ايش هالاسلوب ..ياخي.. توني برتشف قهوتي .. الا صوتك زي الرعد .. احترق لساني ..
ابتسم : سلامتك .. بس استفزتني ..
مهره : طيب .. الي فهمته انها بتسافر .. وانت ماانت راضي ..
سيف : يعني حبكت تسافر يوم جيت .
مهره بعقلانيه : هي جات كذا .. وياسيف من كلامك البارح .. انت اللي بينك وبينهم مجرد زواج والسلام .. فاعشان تطلع ببياض الوجه .. وماتطلع بصورة المستعبد لهم .. خليها تروح .. والثانيه .. باللعكس .. راح تعبي مكانها الفاضي .. وبرضو الثانيه .. راح تلقى مجال تحتويك .. وتحتفظ فيك لنفسها ..
سيف ومو عاجبه : تحتفظ فيني لنفسها ..!! خير ..
مهره تنهدت : سيف وش فيك .. مو المفروض تحاول تحسن في اسلوب حياتك .. وتعطي مجال لقلبك يحب ..
سيف .. : ياشيخه .. عاد نوف .. لا مستحيل ..
مهره بنص عيون : طيب سافر مع هذي الي بتسافر ..ترى السفر والغربه .. تقرب المسافات ..
سيف: لااااا مستحيل .. انا توني جاي .. ماسافر الا بعد ثلاث شهور ..
مهره .. ترجع تشرب شوربه : كيفك.. ياخي انت حاله ميؤوس منها ..
سيف .. القى عليها نظره .. وهي ماسكه شالها على جنب وجهها وتتغدا :
المهم ابووي كلمني .. يبي نروح له هناك ..بالمزرعه ..
مهره .. بهدوء :جدتي ماراح ترضى ..
عقد حواجبه: وانتي بزر ..ليش ماترضى ..
مهره : شوف .. لو اكلمها واقوول لها .. بكره بتجي تاخذني ..
توسعت عيونه : طيب ليه تكونين سلبيه .. خلاص اجهزي .. ولاتعطينها خبر ..
مهره : ماااقدر والله .. احس اني اسوي جريمه . اذا بطلع من بيتكم .. لازم ابلغها ..
سيف : يابنت الحلال .. نفسه قروب بيتنا .. بس بيختلف المكان .. قومي وماجاك عندي ..
مهره ودها وخايفه ..
*****
كانت جالسه بالسياره ورى وواقفين عند البيت.. وتشيك بملابس سيف بالشنطه .. وجوالها باذنها: ايه خالتي شلت كفايه .. بس تكفين خلاص لايقرب من المويه .. سيف يمرض ع طول ..اوك يعطيك العافيه ..
قفلت .. وسيف اللي جالس قدام :ماخذوا له ملابس ..
مهره : تبديله وحده .. وعدمها .. بدلت له خالتي ويبي يرجع يلعب بالمسبح ..
سيف : يالبى السمي .. خلوه يمارس هواياته ..
مهره : وانا ماقلت شي .. بس سيف .. على طول يمرض ..
سيف: طالعن علينا الله يحفظه ..
وراح هرن ..
مهره تطالع الباب : لاتعجله .. توه جاي .. بيبدل ..
طلع فارس يركض .. وينزل العتب بسرعه وركب جنب ابووه ..وهو يلهث : سووري يبه .. بس خذت لي ترويشه سريعه ..

سيف مارد عليه حرك بالسياره .. مهره تطالع فيهم.. اثنينهم .. بشورتات جينز وتشرتات ونظرات شمسيه ..
الووضع كيوت .. انهم ابوو وولده ..
فارس شبك جواله بلوتوث .. بالمسجله .. وشغل اغنية اجنبيه ..
وسيف كذا جكاره .. طفاها ..
فارس راح شغل اغنيه ثانيه ..
وسيف طفاها ..

فارس بانفعال : يبه شفيك .. خلينا نسمع ..
سيف ببرود : مالي خلق لك ولا لذوقك المعفن ..
توسعت عيون فارس :الله .. زعلااان علي يبه ..
مارد ..
فارس سحب يده وبرجا: الا زعلك .. ياعقالي .. انا آسف .. تكفى .. سامحن .. وربي ماعيدها ..
سيف مارد عليه..
فارس بالحاح : والله جات كذا واضطريت امشي السواق .. وكان صعبه ادق استأذن .. بيقولون عني ..
قاطعه : رخمه ..
فارس شهق : ترضاها علي ..
سيف سحب يده : ولما تعصاني .. ماهي رخامه ..
فارس :يايبه افهمني كلها ماك .. ومعاذ معه سيارته .. ماني بزر يبه ترى كبرت ..
سيف بحده : ومعاذ ال**معه رخصه ..
سكت فارس ..
ومهره ابلعت ريقها ..
كمل بنفس الحده : تدري اني ناهيك تركب مع اي واحد من المدرسه ..بس والله لو تليعنت معي فروس .. بتكمل دراستك عندي هناك بلندن ..
فارس انفجع: شدعوا يبه .. حصل خير ..
سيف ياخذ جواله .. وبيدق رقم:
لا تصدق بكلم وليد .. يشوف التسجيل هناك ..
سحب الجوال من ابوه : والله ماتدق عليه .. عاد خالي وليد مايبيها الا من الله ..
سيف بحده :والله عنده وجهة نظر .. قايل الثانويه خله يدرس هناك .. بس ماش.. انا الكلب،اللي مااطيع ..
فارس سحب يده وباسها وبرجا: محشووم يبه .. لاتقول عن نفسك كذا ..
سيف بيسحب يده وفارس ظل يبوس فيها : والله ماهدها الا اذا سامحتني ..
سيف يسوق .. وترك يده عنده ..
ومهره خلاص بتدمع عيونها على فارس .. كيف يبوس في يده ويترجاه ..
فارس يستجدي عطفه .. ويتكلم بصيغة شخص ثاني يتوسط .. له:
سامحه .. مسكين .. سامحه يتووب . والله مايعيدها .. تكفى سامحه يتيم ماعنده أم ..
خلاص هنا سيف حس بليمونه في حلقه... (ورب الكعبه ضرب فارس في اشد الأوتار ضعفاً في قلبه) ..
وقف بسرعه بجانب الطريق .. واللتفت عليه وبانفعال : ياحيواااان مو كذااا ..
وسحب راسه واحضنه ..
فارس رفع راسه له وبنظره خبيثه: عرفناا كيف نطحن اللي براسك..
كفخه على راسه.. ودفه رجعه ..: لاتكرر هالكلام وجع . ..
فارس يحك راسه : اححح .. بعد انت ساحب ماترد ..
سيف : واذا مارديت .. تقعد تستخدم اسلوب الشحاذين ..
مهره طبعا ًورى ساكته .. وانفعالاتها تتشكل مع هالاثنين ...بكوها .. وتروها .. وضحكوها ..
وكانت تفكر سيف ناسي تواجدها بالسياره .. لمن وقف بشيشه وقال: وش تبين مهره من البقاله ..؟!
مهره: موويه ..
:وبعد ..؟
مهره: بيرة شعير ..
نزل ..
فارس: وانا قول لي وش تبي ..
سكر الباب في وجهه ولارد عليه ..
فارس:يالله معصب الابوو ..
مهره:وربي ما انت صاحي يافارس .. جننت ابوك ..
ضحك وهو يفر عمره جهتها ويفسخ النظاره:وش رايك .. شفتي كيف جبت راسه ..
مهره: بس مايصلح تستقل نقاط ضعفه ..
فارس:ما ألجئ للاسلوب ذا الا لمن تتقفل السبل ..
مهره : واللهي عيار ..ايش هالاسلوب تلح تلح .. وفي النهايه تكسره بذا الكلمه ..
فارس : عاد لاتحسفيني ..
مهره: الا باين تأثر ..
استعدل : لا ماعليك اروقه اللحين ..
دق جوال .. سيف .. خذه فارس ورد : هلا نووف ..وش تبين ..؟!
سمعته مهره وهو يقوول : ايش اقوول يعني ماما نوف .. ؟!
فارس وهو قاعد يتعبث في التكيف والمسجل :لا ماراح يجيك الليوم .. الليوم لي ابوي ..
توسعت عيون مهره وهو يقول : والله عاد .. هذا آخر الحتسي .. مستعد ارمي نفسي من السطح واقلبها عزا بس مايجيتس ابوي الليوم ..
مهره قرصت كتفه ..لا ارادي .. تنبهه ..
ضحك ..
بعدين قال: لا مامزح معك .. انا اضحك .. مع مرت ابوي الجديده ..
جلللطططططط نوووف ..
ومهره: ياحيوووووواااااااااان .... !!!!!!
نوف خلاص انهارات خاصه اسمعت الصووت .. وتبي تفسير .. وفارس جننها .. ومره ينفي ومره يأكد .. ويوم لمح ابوه طلع من البقاله قفل في وجهها .. وقفل الجوال .. وحطه .. كنه ماسووا شي ..
مهره بانفعال: بقوول لابوك .. ماانت صاحي والله ..
فارس ميت ضحك .. ويمسك في فكه يحاول يسكت: امانه لاتقوولين .. انا اعلمه بعدين .. بس خل الساحره نوف تتواكل شوي ..

فتح الباب ودخل ..
وحط الكيس بحضن فارس : في شغلات لسيف .. لاتلعب فيها ..
طالع الكيس في حلويات وشبسات: والله مايصلح كذا ..اللحين انت لما تجيب لهيا خاتم .. تجيب لنوف صح..؟!
سيف وهو يسوق : طيب ..؟!
فارس: المفروض جبت لي نفس سيف .. وين العدل ..
سيف : اعدمته جوي .. وتبين اكافئك ..
فارس يحط اغنيه .. وبشطانه: اعرف شلون اضبط جووك .. اسمع عبادي .. شيقول اهداء..
وحط اغنية (من عذابي .. قلت لعيونك هلا .. ياهلا بك ياعذابي ياهلا ) ..

سيف .. ومن الناس اللي يطربه عبادي .. طول الصوت شوي ..
كانت الاغنيه دووم توديه لعيون نجود ..
بس كان يبحث عن عيون نجود .. بمخه ..
ولايلقى الا عيون مهره .. بمراية السياره ..
كانت شارده تطالع من النافذه .. !
وكل ماتحاشى .. يناظرها ..
رجعت عينه غصب عنه .. لعيونها ..
عيونها حزينه .. ضايعه .. شارده بعيييييد .. كيف لعينان تحمل كل هذا الكم من الجمال .. ان تحزن بهذه الطريقه الظالمه ..
كيف لمهره .. ان تبدي عكس داخلها .. كيف تكون مغلفه .. بهذا الشكل العجيب .. محصنه دواخلها .. تمزح .. وتسخر .. وداخلها الكثير ..
عقد حواجبه ..
وهي تمسح زوايا عينها .. من دموعها اللي خانتها .. !

وصلوا المزرعه .. وقبل ينزلون ..فارس مد جوال ابوه له .. :يبه .. ترى دقت نوف .. وصرفتها ..
سيف خذ الجوال .. وشافه مقفل .. : كيف صرفتها يعني .. متى اتصلت ..
فارس: وانت بالبقاله .. وعطيتها خبر ..انك ماتقدر تجي الليوم ..
سيف من بين اسنانه: وبس .. ؟!
فارس فتح الباب يبي يهج: ايه بس ..
سيف: ومادام بس .. وشهولا قافل الجوال ..
فارس توهق..: قلت لها انك الليوم لي .. يعني خير وانا ماالي حق فيك ..
ونزل رجل من رجوله ع الارض .. سيف : تعال تعال .. يا **.. وش هببت ..
مهره ضحكت : النحشه فاارس ..
فارس : كنت امزح معها .. وكذا وقامت تبكي .. وجاتها نوبة هستيريا ..
سيف خلاص يبي يذبح فارس : ياكلب وش قايل لها ..
فارس: انا ضحكت لمهره .. وتفكرني اضحك لها .. وقلت لها انا مع حرمتك الجديده .. ومهره كملتها قالت لي حيووان وهي سمعت .. انهااارات .. قفلت في وججهها ..بس ..

ونزل وانحاااش واهو ينادي : يوووووومه ...
سيف ضغط جبينه ويستغفر .. ويتعوذ الشيطان .. لايذبح فارس ..
******


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس