[فيتامين سي]

فديت تفاعلكم الجميل.. ومثل ماوعدتكم البارت وصل ..


البارت الخامس

شردت مهره من نافذة السياره .. وكانت في المقعد الأمامي في سيارة سيف ..
بترجع معاه . لبيته ..
وسيف الصغير نايم ورى ..

من شوي .. بعد ماكلمها وقال بيمرها ..
كانت سندس وزينه جالسين ع الطاوله بره .. يشربون شاي العصريه ..
جات لهم بره وبربكه : سيف بيمرني ..اللحين .. وبروح ..
زينه بحنيه قامت لها وضمتها:
بعد قلبي .. ان شاء الله زواجة الدهر والعمر ..
سندس ضلت معطتها ظهرها وتشرب بالاستكانه بدون تلتفت ..
ابتسمت مهره بتأثر وبوست زينه :
بفقدك زينه .. عاد امانه .. لاتخلون الخميس تعالوا حفلتي ..
زينه وخلاص بتبكي ..راحت ضمتها من جديد .. :
اكيد يابعدهم .. واحنا نقدر نخليك .. الليوم بروح واطق لي هاك الفستان الزين .. فرحانه عشانك والله ..
بلعت مهره ريقها بغصه وتطالع ظهر سندس :
سندس ..بتجين صح ..؟!
مالتفتت عليها..
كررت برجا : سندس .. قولي لي انك بتجين .. ردي علي ..
زينه ببتسامه تدف مهره لداخل : بتجي .. غصب عنها .. روحي جهزي قبل يوصل سيف .. قلتي لجديده ..؟!
مهره باحباط وعينها على سندس :
قلت لها .. قاعده تطلع ذهبي عشان اخذه معي ..
زينه : تمام .. بدلي وحطي لك ميك اب خفيف .. يلا حبيبتي .
وهم في الصاله الداخليه .. مهره : تكفين زينه كلميها ..تسويها سندس وماتجي ..
زينه : يابنتي ماعليك منها .. يلا لاتتأخرين ع الرجال .. ويصير ممشاكم كله ليل ..
مهره : طيب زينه لبسي سيف .. في بدله كويتها له ع الكنب ..
زينه: ابشري ..من عيوني ..

مشت من عندهم .. وسندس .. تحاشت تكون موجوده لوداعها .. يالله وش قد زعلانه منها .. !!

اللتفت سيف عليها وهي شارده وحب يتحرش فيها ويطلعها من حزنها :
الوووو ..
اللتفتت وابتسمت بخفوت:
هلااا ..
سيف : وراه يابنت .. وش هالصمت .. قولي شي ..
هزت كتوفها وبحيرتها وضياعها : مادري والله وش اقول ..
اللتفت وعطاها نظره .. ومد يده لخدها.. قرصه :
قولي اي شي .. اسئلي .. صيري فضوليه .. شفتي بذا الطريق .. لو تامرين على خصوصياتي طرحتها لك بدون تحفظ ..
ضحكت :
مُصر ان ميته واعرف خصوصياتك ..
رفع حاجب :
والله يامهره .. اني اعرض عليك شي .. بتدورينه مع الأيام .. بس هي فرصه وبتقضي مع وصولنا ..
مهره : ياشيخ ..؟!
سيف وبثقه بنفسه : انتي الخسرانه والله . .
مهره بدلع عفوي :
باللهي لاتفكر اني كذا بتخرفن وبقولك تكفى .. الكلام هذا ..مثلا ً ممكن يغري نوف ..هيا .. بس انا لا ..
مد شفته ورفع حاجبه :
طيب وان قلت لك .. العرض ذا لم يسبقكِ عليه احد ..
مهره كذا تكت كوعها على التنده وتتكلم :
تبي تقنعني .. انك ماتجاوب على فضول زوجاتك .. من قبل ..
هز راسه نفي : لا .. !
مهره تبي توقعه: يعني لما تجي من نوف وتقوولك هيا .. وش عشتك نوف ..؟! .. ماتقول ..
سيف : ابد .. مالها دخل .. كل وحده لها حياتها الخاصه ..مالثانيه حق انها تعرف ..
مهره : طيب تمام .. خلينا من عشى نوف .. لما نوف تقولك .. وش لبست وانت رايح لهيا .. رسمي شماغ وكذا .. ولا كاجوال .. تجاوب ..
ضحك : يهمك تعرفين .. ؟!
مهره : ايش اللي يهمني . انا اضربلك مثال ..تجاوب على نوف ولا ..
سيف بمكر :
ماجاوب على نوف.. بس لوتسئلين اللحين هالسؤال بجاوب ..بما اني معطيك الضوء الاخضر ..
مهره : طبعا ً ماراح يهمني .. اسئل .. هذي خصوصياتك اللي ماتعنيني ..
سيف : بس يمكن خصوصياتك تعنيني .. فلازم تجاوبين .. لو سئلتك ..
مهره :بالله .. اضف لشروط هالزواج ماحد له دخل بخصوصيات الثاني ..
سيف ببرود وابتسامه طالعها بجنب عينه :
طيب خلينا نجرب ..لابسه قميص او بادي .
مهره بنص عيون : ايش دراك يمكن فستان ..
سيف بمكر ..: شفتك لابسه بنطلون جنز . بين وانتي تركبين ..
مهره توسعت عيونها :
مااااشااء الله ..!!!!!!
سيف : واللحين جاوبيني .. بدي .. ولاقميص..
مهره ..:
وانا قلت مالك دخل في خصوصياتي .. لازم تلتزم بالشرط ..
سيف : بس انا ماوفقت عليه ..
مهره تتسند وتتكتف : اجل انتظر اللي بيجاوبك ..
سيف وبدون مقدمات .. سحب عباتها من فوق بخفها .وفتحها .. وقبل تستوعب .. سحب بلوزتها من فوق ..
والقى نظره :
قميص .. كنت متوقع ..
شهقت وهي تضرب يده وتضب عباتها : سييف ..!!!!
ابتسم وهو يرجع يركز في الطريق :
ماراح انتظرك تسمحين لي بخصوصياتك .. لابغيت اعرفها .. جاوبي ولا اعرف بطريقتي ..

تكتفت .. واسكتت ...
حس ان مزاجها تغيير .. وقفلت .. تنهد :
مهره .. ياخي ابي افهمك ... والله قصدي . احرك جوك .. واغير مودك .. وراه زعلتي ..
مهره بخفوت :
مازعلت .. بس فاجأتني ..
قالت كذا وهي تضب صدرها ..
سيف ربت على راسها :
دعابه يابنت .. لاتصيرين قفل ..
مهره :لاتنسى سيف اني كنت زوجة اخوك ..
سيف .. كذا تغيرت ملامحه وبعصبيه .. فاجئ مهره :
كنتي .. مهره كنتي .. فعل ماضي ..بس الواقع انك زوجتي اللحين انا .. انتي اللي انسي انك كنتي زوجة اخوي ..
توسعت عيونها :
بالله .. كيف انسى .. تراه اسباب زواجنا هالسبب ..
سيف وهو يسوق :
ممكن سببك انتي .. والعايله .. بس انا لا .. انا تزوجت عشانك .. ولا انا وش يعنيني اذا ربى سيف عند ابوي .. او عندك .. الولد له مني مايقصره شي .. من دريت انه ولد اخوي ..لمن آخر يوم بعمري ..بس في شي في نفسي مارضا انك تنظلمين .. حاجه بروحي مو راضيه انك تضلين مع جده اخذلتك .. ولا راضيه ان ابوي ياخذ ولدك ..
قبل هالعقد ممكن اي شي يصير .. وماكون راضي فيه .. بس مالي حق امنع .. اللحين لو ابي .. شلتك من البيت انتي ولدك .. وعشتي بعيد عن الجميع .. حتى لو ماكون معك .. بس ابن امه يمنعني ..

تأثرت وهي تهمس : ليه سيف .. ليه تسوي كل ذا عشاني ..
سيف :
شوفي انا دعمت عساف اول ماراح امريكا .. ابوي طرده .. لان عساف كانت بوادره دمار .. حاولت معه .. وكان يوعدني بالتغير .. وسوا مشروع .. وكنت ادفه ماديا ً .. انقطع عن التواصل معي كثير .. وكان يتصل احيان اذا احتاج .. ماكنت ادري .. عن حياته وش يسوي بالضبط .. ولا حتى وين ساكن .. ومن معه .. ابوي عنده بيت بامريكا ..كنا نروحه احيان .. نجلس فيه خلال شغل .. شي .. رحت كذا مره .. واكون متوقع انه فيه .. بس مع الأسف .. ماكان يجي فيه ..وذا دليل ان عساف فلت مره وحده .. ادري انه مدمن كحول .. وان راعي خرابيط .. وادري انه دفش .. وباختصار عساف سيء في التعامل .. مع اني الوحيد اللي كان يحشمني .. بس مو معناه انا بأيده .. او بكون في صفه .. فابناء على طريقة زواجك التقليديه .. منه ..اقدر اخمن انك انصدمتي فيه .. فايليت تنسين الايام الصعبه معه .. وانا الله يقدرني واسعدك ..
توها بتتكلم وتعترض.. قاطعها:
ماراح اخلف وعودي معك .. متقبل وجهة نظرك ومع انك حلوه يامهره .. الا اني انسان مسيطر على مشاعري .. ان ماجابني الحب لك .. ماراح يعميني جمالك .. ذا وعدي لك ..

مهره احمرت .. وقلبها يخفق .. رفع حاجب .. وطالعها بجنب عينه :
بس هاا .. الواقع انك زوجتي ..
مهره شهقت وبانفعال :
انت مثل اللي يوديك البحر .. ويرجعك عطشان ..
ضحك : ايه عشان ماتأمنين شري ..
توعى سيف وناداها .. ويقول انه جوعان ..
سيف : اووووه تصدقين نسيته ..
مهره خذت حليب من شنطتها .. وراحت لفت بجذعها لورى عشان تعطيه ..:
حبيبي انت ..اشرب فديتك ..
سيف وقربها .. بهالطريقه اربكه .. كانت ريحة العود بشيلتها .. وعطرها .. كفيل بلحظة سكينه حلت على روحه ..
سيف: وين اللوح ماما ..
مهره : بيت جدي سعود ..
شهق بسعاده ويقول : فالس .. (فارس)..
ابتسم سيف ..
ومهره قالت : ايه فارس هناك بعد ..
وارجعت جلست .. :
كيف مع فارس هوو ..
سيف : ممتاز .. يعني لو مستقبلا ً.. هاجرنا من بيتنا .. بتكون عندنا أسرة .. متحابه ..
مهره بنص عيون :
ومن قال بهاجر معك .. انا بقعد مثل السدره بيت عمي سعود ..
سيف : تمام .. عاد من قال اني اطمح اهاجر مع وحده مزاجيه .. متخبطه هي نفسها ماتعرف وش تبي ..
شهقت وسوت نفسها متأثره :
طعنتني بدون سكين .. ! .. تقصد اني .. ماعندي قرار .. واني مطفوقه .. قلها ع بلاطه ..يعني موافقتي على هالزواجه .. طفاقه ..
سيف بثقه:اتوقع انه القرار الصائب الوحيد .. اللي اتخذتيه في حياتك ..
فجعها : إيششششش ..؟!
..........
وصلوا وبعد استقبالهم ..
صعدوا عشان يبدلون وينزلون للعشاء..سيف راح غرفته وهي غرفة عساف ..
دخلت .. وكانت الخدامه ترتب في ملابسها بالدولاب اللفاضي ..
دارت بعيونها .. في المكان .. ارتاحت حيل .. لما شالوا كل شي يخص عساف منها حتى الصوره الكبيره تبعه ..
رتبوها بمفارش جديده حلووه .. بالوان دافيه وناعمه ..
تنهدت بارتياح .. الخطوه هذي .. اسعدتها .. ودعمتها نفسيا ً للحياه الجديده .. !
بدلت ولبست فستان ناعم .. وحزام جلد .. فكت شعرها .. وميك اب خفيف ..
طالعت نفسها .. وهي تتعطر ..
انتبهت لجيبها .. الواسع شوي ..وراحت ضبطته وهي تتخيل حركته بالسياره ..وردت خدودها..
وقفت بنص الغرفه .. محتاره ومستحيه .. تنزل كذا .. او تحط عليها شال ..
تنهدت وخذت جوالها .. وطلعت .. انصدمت لما لقت سيف واقف متسند على الجدار المقابل .. وعينه في الجوال .. والواضح ينتظرها ..
رفع عينه لها .. كيوت وناعمه.. ارتبكت :فكرتك نزلت ..
سيف :قلت يمكن تستحين .. تنزلين لحالك .. فقررت انتظرك ..
خذت الباب وسكرته ..
وراحت جهته ..ومبينه مرتبكه .. وعينها في الأرض ..
سيف عينه على ملامحها .. ويوم وقفت قدامه .. قالت :
سيف زين شكلي كذا .. ولا احط شال على راسي ..
ابتسم .. ومارد ..
رفعت راسها وتلاقت عيونهم ..
همس : كنتي تلبسينه عشاني في البيت .. اللحين من تلبسينه عنه ..
بخفوت : مادري ..
سيف: من متى كنتي تدرين عن شي ..
توسعت عيونها : لاتسوي نفسك عرفتني من يومين..
رفع حاجب وبرود: تمام لاتعصبين ..يلا ينتظرونا ع العشا ..
مشت معه وهي تقول : الغرفه تجنن .. غيروا كل شي .. تصدق ..ماكنها غرفة عساف..
سيف بهدوء وهي تمشي جنبه نازلين :
غرفتك هذي .. ماعادت غرفة احد قبلك .. ولو في شي تبين تغيرينه عطيني خبر ..
ابتسمت وهي تقرب منه وذراعه يلامس ذراعها :
سيف .. شكراً..
بلهجته الحلوه : على ..؟!
كانوا وصلوا تحت ..سكتت ..
بهدوءه: قولي مادري ..
ابتسمت وناظرته: لااا .. أدري ..شكراً على كل شي..
ثواني مرت فيها نظره عميقه ..
قطعها سيف الصغير .. وهو يسحب فستانها :
ماما .. قتوه .. ماتت ..
نزلت عيونها له : هاااا .. شلون ماتت ..
سيف وهو يفهمها وبيبكي:
ابي قتوو . فالس .. قول لي .. ماتت ..
ضحك سيف وهو يشيله :
يكذب عليك ..
سيف بقهر : ابي قتوو..
راح سيف ناحية الجلسه .. ومعه مهره .. وقال : فااارس .. ؟!
فارس يلعب قيم بجواله : هااا ..
سيف : وين شيلي .. جبها لسيف يلعبها ..
فارس : شيلي شكلها حامل .. اجيبها للورع الدفش ذا بتسقط ..
بلقيس : يالكذاااب .. مين الحامل ..
فارس وعيونه بالجوال :والله مشغووول ..
جلس سيف .. :
قم جبها .. تجمل مع ولد عمك يلد ..
فارس :بغرفتي .. ناد سونا تجيبها ..
بلقيس : سونا مع امي في المطبخ ..
فارس: قومي انتي طيب ..
بلقيس : اللحين انا اللي اشتغل في هالبحث .. اقوم .. وانت يالفاضي .. ماتبي تقوم ..
سيف : فروس قم استح على وجهك .. سمي ابوك ياحيوان .. المفروض طلباته مجابه ..

سيف جالس في حضن عمه ويطالع فارس ..ويترقب انه يقوم ..
رفع فارس عيونه له .. وطفى جواله .. وظل يناظره .. بعدين قال :
بجيبها .. بس لو مشعتها مثل هاك الليوم بمشعك ..وانتف شعرك ..
مهره كانت واقفه : سمعت سيف ..ماتلعب بشعر القطوه .. هاك الليوم قامت تصيح ..
سيف : احبها قتووه .. ابيها ..
قام فارس : طيب قم نجيبها ..
نزل من حضن سيف وتمسك بفارس وصعد معه ..
وهو يهدد فيه .. وسيف يتمسكن .. وانه بيصير عاقل ..
مهره : انا بروح اساعد خالتي ..
مسك يدها وسحبها جنبه .. وجلسها :
خليك ..
بلقيس ابتسمت ..: هناك سونا وجودي .. مع امي .. تدلعي ياعروستنا .. وش يوديك المطبخ ..
مهره بتسائل : وينها جمان .. ؟!
بلقيس : جا شاهين خذها .. تعرفين بيان مدرسه .. مايمديها تظل اكثر ..
مهره : ايوووه .. الله يعينها ..
سيف رجع راسه على ورا واسنده ع الكنب .. وغمض عيونه ..
وظل ساكت وباين تعبان ..
بلقيس تطالعه بحنيه ..
مهره حست ان فيه شي ..اشرت لبلقيس .. بكلام صامت : وش فيه .. نايم ..؟!
هزت راسها نفي .. وهمست : تعبان .. لانوو ..
وكملت بس مافهمت عليها مهره ..
عقدت حواجبها ..واشرت (وش ..مافهمت؟! )
بلقيس اشرت بجوالها .. وافهمت مهره وافتحت الواتس ..
كتبت لها : (سيف يصدع حيل في الطرق الطويله بالسياره .. هو كذا من توفت نجود بالحادث في طريق الديره ..) ..

فتحت مهره عيونها متأثره .. وهي تطالع بلقيس .. بعدين اللتفتت عليه .. وهو على وضعه ..
وحاط ذراعه على عيونه ..
بلقيس شالت الاب واشياءها .. وهمست: بصعد الاغراض وانزل ..
ورقت ..
مهره ظلت تناظر سيف .. مايتحرك ..لدرجة فكرته غفى .. وضعه وهو مغمض ترك لها المجال .. للانغماس في ملامحه .. (وسامته شاهقه .. وانا معرضه للسقوط .. هل من حبل أمان يشدني.. !)..
همس بدون يفتح :
ترى اشوفك ..
ارتبكت وهي تناظر الجوال ..كانها تتصفح فيه .. وقالت : هااا .. كيف يعني ..
فتح عيونه .. وطالعها بنص عيون وطالع جوالها:
طيب اذا كنتي بتمسكين الجوال مقلوب .. ع الأقل حطي التدوير التلقائي ..
غمضت عيونها بقوووه .. من الفشله ..
ابتسم :
خلاص ماكني انتبهت ..
تنهدت واللتفتت عليه : وش فيك سيف .. باين تعبان ..
عيونه كانوا مرهقين .. وداكنين .. دعكهم باصابعه:
مافيني الاالعافيه ..
مهره : صدااع ..؟!
سيف تنهد : اشووي ..
: اجيب لك بنادول ..
: خذت فوق .. شوي ويخف ..
مهره قلقت عليه وانشغلت .. وهي تسترق النظر له كل شوي .. وهو يشتغل على جواله ..
رفع عينه لها وكانت تطالعه ..ابتسم :
والله يخف .. انا رفقه مع الصداع من سنين ..
مدت شفتها .. وبتردد :
طيب طفي الجوال .. لأن راح يزيد مع تدقيقك ..
هو : شغل مهم .. والله ..
: ماراح يطير ..
ضحك ومبين عليه التعب :لا يطير ..لازم اعطي مدير اعماالي .. بعض التفاصيل .. في شروه تهمني .. وهو اللي بيقوم فيها بغيابي..
مهره بسخريه : مدير اعمالك ..!! شوي شوي يابراد بيت ..
توسعت عيونه وضحك : كنه ماهو عاجبك ..
مهره : لاماهو عاجبني .. انت ايش شغلك بلندن عشان يكون عندك مدير اعمال .. تمثل ..؟!
سيف : ياشيخه ..!
مهره : ايه وضح لي ..!
سيف : مو بس الممثلين والفنانين اللي معهم مدرة اعمال .. ابوي مثلا ً مدير اعماله .. نواف اخوي .. وهادي..
مهره : بالله .. وليه ماصرت انت مدير اعماله .. مبسوط على خيبتك ..
سيف ضحك وبدهشه: وش دخلني بشغل ابوي .. هو له مجال وانا لي مجالي .. من زمان وانا مستقل بنفسي عن ابوي ..
مهره بنص عيون وسخريه : ياعصااامي ..!!!
سيف : عصامي وغصب على خشمك .. مو مثل اللي عندها شهادة احياء وتطارد تبي تشتغل في مختبر ..
شهقت .. كنها مطعونه وتمسك قلبها : جرحتني .. ياقااااسي .. ترى شهادتي قويه .. بس الحظ مقصر ..
سيف : بالله حد يدرس احياء .. وش كنتي تسوين .. تشرحين ضفادع .. وتحنطين صراصير .. ايش هالميول ..
مهره تدافع : والله التخصص حلوو وممتع .. انا احب الحيوانات .. والطبيعه .. انت وش عرفك عاد ..
سيف ومستمتع وهو يسولف معها كذا مباشر .. مو بجوال .. ولا متغشيه..
قال : تبين تقنعيني هذا الشي الوحيد اللي تحبيه .. ؟!
مهره : لحووول .. لاتكرهني بتخصصي .. شوف في اشياء احبها .. واحب ابحر فيها .. بس مافي لها تخصصات هنا .. فانا اكتفيت باني اتعلمها بنفسي واقرى عنها كثير ..
تسائل باهتمام ..: مثل ايش ..؟!
مهره بلعانه: مالك دخل ..
سيف :هين يامهره .. ؟!
هي : طيب انت .. وش ميولك .. وش درست .. وش شغلك بالضبط ..
رد بنص عيون : مالك دخل ..
مهره كذا مو مهتمه .. وتاخذ مكسرات تقشمها :
ترى ماراح اترجاك ..
سيف: وحتى لو ترجيتي ماراح اقوول ..
مهره تكسر اللوز باسنانها: يااااخبر الليوم بفلوس .. بكره ببلاش..!!
.......
وليد يطالع التاج ع الطاوله .. ومعه اوراق وتعهدات ..
من بين اسنانه :
وهل انتي مجنونه .. لتفعلي ماطلبه منك .. كيف اخرجتيه واتيتي به ..
ماريا واقفه ومتكتفه :
لقد كان مُصر .. لو لم افعل ذلك .. لطلب من آرثر فعله .. انت تعرف سيف .. لن يتوقف على رأيي او رأيك ..
ضرب وليد الطاوله :ماريا لاتتصرفي وكأنك حديثه في هذا المجال .. اخراج مثل هذه القطعه من الدوله .. قد يؤدي لمسائله قانونيه ..
ماريا بانفعال:
القطعه لاميره المانيه بروسيه .. ليست من بريطانيا .. اعرف ما افعله .. ثم ان سيف اخيرا ً يتصرف بشكل دافئ .. وخاص .. لندعمه وليد .. لقد باتت العناكب في قلب هذا الفتى ..

وليد ضغط على جبينه .. وغمض بقووه :
كيف سترسليها بالشحن ..؟! ..
ماريا : لقد اخبرني سيف ما افعله .. سأرسلها بفاتوره .. معتمده من احد محال الالماس ..هي والثوب .. سأقوم بتأمين ايضا ً.. صدقني سيصل ..
وليد بانفعال: اللعنه على التأمين والتعويضات .. قيمة التاج ليست ماديه ماريا .. تاريخه فوق القرن ..
ماريا راحت جلست جنبه وضمت ذراعه :
وليد انت جدي اتجاه هذه الامور لعملك في ادارة المتحف .. لكن الواقع .. استخدامها بهذا الشكل.. هذا مايجعل لتاريخ تلك القطع امتداد .. فلنقل ان العائله الملكيه البست ابنتها سيسلي ..هذا التاج ..في حفل زفافها قبل قرن .. سيف يفعل ذلك الان .. وكأن التاريخ يعيد نفسه .. اختاره لمناسبه تُخلد .. فالندع الفتى يقوم بذلك .. ثم انها قطعه ليست ملك المتحف .. هي ممتلك خاص بسيف .. وهو حر بالتصرف بها ..
وليد بعصبيه : انتي متفائله جدا ً بالنسبه له ..
ماريا ابتسمت : وانت فعلا ً متفائل .. الم تدعم موضي في هذا القرار ..
وليد : ماريا .. سيف يقوم بهذا الوضع الخاص بدافع .. اسعاد الفتاة فقط .. لانيه له بالتقرب والحب ابدا ً..
داعبت خده باناملها :
ومع ذلك .. هو يقوم بتصرف غريب عليه ..
تنهد :
سأساعدك على ارسالها .. ليس لأجله .. بل من اجل تفاءلك ..
ضمته بسعاده : حبيبي ..
......



نجود: طيب انا ابي اروح ..احس حيل واحشتني الديره .. وعماتي ..
سيف : برد نجود والديره تلقينها ثلج.. فارس على طول بيمرض ..
نجود ومصره تروح : لاا اصلا ً فارس بخليه .. اتفقت مع امي موضي وبتخليه معها .. هي اوب رايحه ..
سيف بعصبيه : نجود من جدك .. كيف يطاوعك قلبك تخلينه .. متعلق فيك ..
نجود واصرارها الغريب : طيب شلون اقطع الوصل مع اهل ابوي .. دامك بتروح انت وشاهين بروح يعني بروح ..
سيف .. : وانا مابيك تروحين خلك مع فارس ..
هي بعناد : سيف ترى اول تروحون وتجون انت وشاهين بس ..اللحين فيه نجود .. وبروح ..

كان مايبيها تروح ..!!
كان بيكنسل الروحه بسبب شعوره والضيق اللي جاه من اصرارها ..
بس توسلته وترجته .. انها مشتاقه لجدها وجدتها .. وراحوا ..
وسبحان الله .. لاشافت الجد ولا الجده ..

كان غفى. .وغرق بهلوسة الماضي ...فتح عيونه .. وتنهد بثقل في قلبه ..وراسه مو راضي يفك الصداع منه .. جلس ونزل رجوله في الأرض .. وضغط على راسه بقووه . .خذ بنادول.. وشال بكت الدخان وجواله .. وطلع من الغرفه وجناحه كله ..
جلس في الصاله الفوقيه ..
ولع له زقاره .. ونفخ الدخان وهو يرخي راسه لورى ..
هدووء وظلام الا من بعض اللمبات البسيطه ..
توه بينفض الرماد في الطفايه .. الاشاف ايباد سيف المكسوره شاشته ..
ظل يحدق فيه .. بعدين فتح جواله واتصل .. ردت بخفوت : هلا ..
سيف : نايمه ..؟!
مهره : لا والله جالسه اقرا ..
سيف: طيب تمام .. اطلعي يمي انا بالصاله اللي فوق ..
ماعطاها فرصه ترد او تعترض .. قفل الاتصال ..

ظل شوي الا انفتح باب غرفتها .. ومارفع راسه .. سمع خطواتها .. وهي تجي ناحيته ..
وقفت على بعد مترين منه وكان شارد بنقطه وهميه .. بقلق: ماخف الصداع ..؟!
حرك عينه .. وطاحت على اقدامها الحافيه .. رفع نظراته لنص سيقانها اللي باين من البجامه الحلوه اللي لابستها .. واستغرب من الكنزه المفتوحه اللي عليها ..
قال: ترى صيف ..؟!
مهره جلست على الكنب المنفرد : انا اسئلك عن صداعك وانت تتريق على كنزتي ..
ابتسم :ماتريق والله .. بس ايش جوك ..
مهره : الغرفه بارده .. مره ..
بدهشه : من جدك من ذاك الليوم مافيه ريموت ..
مهره : قبل امشي كان فيه .. يوم جيت مادري وين حطوه العاملات بعد مارتبوها .. ماكتشفت ان الغرفه بارده حيل الا والكل نام .. عادي ترى البطانيه ثقيله .. بس انا ابالغ وابرد ..
سيف سكت شوي وبتسائل: وش اللي ماخلاك تنامين الى الان .. ؟!
مهره تنهدت :ارق .. افكر بكل شي .. ابي استوعب .. احس حياتي قاعد يصير فيها اشياء غريبه وسريعه ..يعني شفت لما عجوز تكون مرت بكل التجارب في سنينها.. انا احس خلاص كل شي حصل .. لو اموت .. اكون كفيت ووفيت..
سيف : بسم الله عليك .. جعل عمرك طويل ..
ابتسمت ومدت شفتها :
عساه اذا بيطول براحة البال .. ولا قبورنا اولى فينا ..
سيف نفخ الدخان : يائسه ..غلط ..
مهره : تبي تقنعني انك متفائل..
سيف بعمق وعينه على وجهها الجميل اللي يخلو من اي ذرة مكياج :
يقول افلاطون (الحياه أمل .. فمن فقد الأمل .. فقد الحياه )
مهره بلامبالاه :
يتفلسف ..
ضحك : اذا ماتفلسف افلاطون .. من يتفلسف .. انتي ..؟!
مهره : والله احيان الواحد .. يفقد الأمل .. عتامه ياسيف .. ونعيش .. مو عشان فيه امل .. عشان بس خايفين من عذاب الله لانتحرنا ...
عقد حواجبه: ايش اللحظات .. اللي بقى عندك بس الخوف من الله ..
مهره بشرود : سيف شفت لحظات اللي تحس تبي تموت ..هذا اللي بقى عندي شعور الخوف من الله ..
بس في لحظات اسوء ..مرحلة بعد موت عساف .. انا كفرت استغفر الله .. صار عندي قنوط .. سيف مرت فترة قمت ماصلي من الجزع .. الفترة ذي .. كان تمسكي بالحياه .. مو الخوف من الاخره .. كنت افكر بسيف الصغير .. لو انتحرت بيموت من الجوع والبكي .. ومامعنا احد ..هناك ..
انصدم .. :عطيني تفاصيل مهره .. ابي تفاصيل حياتك مع عساف .. كلها ..
مهره هزت راسها نفي وابتسمت بوجع :
خلي الجروح مقفله .. انتهت باللي فيها ..

سيف .. كان يدقق في ملامحها الموجوعه ..
وهي تدارك المها:
قلي كيف راسك اللحين ..؟!
سيف : ورب البيت الصداع لعب فيني .. غفيت شوي .. وكوابيس .. وهلوسه .. صحيت مو متحمل اظل بالغرفه ..
لاحظته مهره .. كيف مبين تعبان من عيونه:
طيب كان رحت الدكتور يمكن عندك الضغط مرتفع ..
سيف:لا .. احيان يمسك معي بس احسه طولها ..
وضغط بابهامه وسبابته فوق خشمه ..
مهره رحمته ..
قامت وخذت منديل فرته : خلينا نسوي اجتهادي .. ونشوف ..
وقفت قدامه .. ابتسم وهي تقول: ارفع راسك ..
: وش بتسوين ..
قربت المنديل من خشمه وبعد.. ضحك: خبله انتي ..
جلست جنبه وبترجي وهي تقرب يدها :
والله بينفع .. يلا سيف ..
هو يبعد يدها وماسك معصمها:
لااااا مهره .. وش دخل خشمي .. اعقلي .
مهره وتبي توصل لخشمه :
بنطلع الابخره من راسك ..
ضحك :تستهبلين ..
مهره: جرب .. ماراح تخسر،شي .. هي عطسه ..
خلاها بتردد وهو ماسك معصمها وهي تدقدق خشمه.. مهره بابتسامه وترقب ..
تغيرت ملامحه .. وهو يقول : بس خلاص خلاص. بس .. وصلت ..
وعطس عطسه كارثيه .. وتلتها ثانيه ..مهره تضحك :
طاح السقف علينا ..
سيف بيتكلم وعطس ثالثه ..
وهي تضحك..
وقفت عطساته .. ومسك جبينه .. جلست جنبه وبترقب : ها بشر .. تحس خف ..
رفع حاجب .. وطالعها بجنب عينه .. :
والله لو انه سحر كلها عطسه ..
مهره: والله تعطي مفعول .. اسئلني ..خلينا ننتظر شوي ونعيد ..
سيف : يعني انتي تبين تساعديني ..
هزت راسها ايجاب .ببراءه..
سيف : ابعدي شوي ..
بتقوم .. قال : خلك .. زيحي اشوي ..
سوت مثل ماطلب ..
فاجأها .. لما انبطح .. وحط راسه على فخذها ..ارتبكت وتلعثمت ..:سيف ..!
غمض عيونه في محاوله منه للاستكنان.. :
مهره .. مسجي راسي شوي .. تعبان والله ..
تأملت قربه .. وحرارة راسه على فخذها .. عينها على لمحاته .. وعينه اللي مقفله .. وقلبها يخفق بشكل غريب .. حتى انها حست بالنبضات اللي بوريد عنقها ..
رفعت يدينها لجبينه وبتردد حطت ابهاماتها في مقدمة راسه .. وهمست :
تمام .. بتخيلك جديده اجل ..
ابتسم ومازال مغمض .. وهي تمسج راسه وقال بخفوت :
وش معنى .. جديده ..؟!
مهره واصابعها في فروة راسه وتحركهم فيها :
انا امسجها كذا لو صدعت .. عاد جديده يوميا ً مصدعه .. ويبي لها مساج..
ابتسم وهو مغمض ومسترخي مع حركاتها :
اذا كذا بغير اسمي .. من سيف الى جديده ..
ابتسمت.. وهي ترجع تدلك جبينه وتمر على اعلى انفه .. :
عاد مو يوميا ً امسجها .. اغلب شي اعطسها وامشي ..
فتح عيونه .. وتلاقت بعيونها القريبه .. وهمس:
لا عاد انا ابي البند الثاني ..
مهره تحاول تتحاشى عيونه .. ومستمره .. بتدليكها المريح .. ومسكت شعرات راسه .. وتشدهم .. على فوق ..
ورجع غمض ..
*طوقتني انامل مهره باستكنان عجيب .. كنت اشعر بحركاتها .. وكأنها تنومني مغناطيسيا ًعن كل ماحولي ..
فلا اشعر الا بعطرها الخلاب .. ودفئها .. وقلبها اللذي اشعر بنبضاته في بطنها القريب من خدي ..
هاهي تصل بتدليكها لخلف اذني ..فاتضغط بابهامها.. وتنزل لعنقي .. من تلك النقطه شعرت انها تُخرج همي .. !!
واعادت تلك الحركه .. فاشعرت ان ضيقي فقاعه .. وفجرتها ..
عادت بلماستها وكأنها مايسترو اروكيسترا .. تحرك مشاعري كامجموعة عازفين ..!
همس من خلال استرخاءه:
ياحظ جديده ..؟!
ماتكلمت ..
ولافتح عيونه ..
مهره استمرت في حركاتها .. على راسه .. وحس حتى بلمساتها على جفونه ..
تذكرت جدتي لما مره قالت
( .. لاجا احد يمرخك .. لازم يكون يحبك عشان تطيب .. لو كان واحد حاقدٍ عليك .. والله ياسيف يمرضك .. مايريحك) ..!

******
مشعل يناظر ظهرها وهي منطويه على نفسها .. وعساس انها نايمه.. همس لها : هي بخير .. نامي ياسندس ..
تنهدت بغصه:
مانتظرت ع الأقل تروح يوم العشا اللي بيسونه .. تتصرف بعشوائيه .. خايفه عليها والله ..
لمس ظهرها .. :
خلينا ندعمها .. لانخذلها اكثر .. حتى لو تصرفت بطيش ومافكرت .. لازم نكون القوه عند مهره .. سندس .. حتى لو ماتوفقت .. لو طاحت من جديد .. بنمسكها ..
غمضت عيونها بقووه .. وحستهم ناااار .. من الدموع اللي طاحت .. :
مشعل شعوري بمهره نفس شعوري بغنى والله .. احسها بنتي .. كيف وضعها الليوم بحياتها الجديده .. كيف هالسيف معها .. نامت اللحين ولامتضايقه ..
سحبها عنده .. وضمها من ظهرها .. وهمس عند اذنها :
صدقيني امورها طيبه .. عساف كان حاله شاذه .. اخوه غير .. لاتبكين يابعد حيي ..
وباس رقبتها ..
همست سندس : احسني قسيت عليها حيل .. راحت وقلبها في حضني والله ..
ضحك مشعل :
ياخي اختك .. وش هالقسوه ..
سندس وهي تبكي : قاهرتني ..
ضمها مشعل اكثر ..وهمس :
خليك معها .. انتبهوا تتخلون عن اختكم ..

(اغمضت عيني .. تخيلت مهره بالمريول الكحلي في الصف الأول .. كنت انا في الصف السادس .. لم اتوتر في حياتي مثل الاسبوع الاول لمهره ..
لم اركز على الدروس .. ولا الشروح .. كنت استأذن كثيرا للذهاب للحمام .. لدرجة ان معلمتي شكت ان لديا سُكر ..
بينما كنت اتوجه .. لصف مهره .. والقي نظره عليها ..
لاانسى صورتها وهي تجلس على الكرسي الأول .. وعينيها مكسوره من الشمس .. كانت ترفع كفها اللتي تضمها بريالات الفسحه .. لتحجب الشمس عن عينيها ..
اتذكر اني تلفتت .. كيف تنعكس الشمس .. بهذا الشكل؟!! ..
وجدت خلفي برادة مياه فضيه بمرايات هي اللتي تعكسها.. وتضايق عيني صغيرتي العسل ..
ذهبت ولم اسئل احد تصرفت .. ازحت لوحة اعلانات وجعلتها موازيه .. للبراد ..
مهره انتبهت لاختفاء الاشعه ..فجأه .. "اللتفتت تشوف .. وشافتني .."
يالله .. كيف ابتسمت بسعاده .. وكأنها تراني وانا عائدة من سفر طويل ..
بينما .. تفصلنا ساعتين منذ لقاءنا الاخير ..
لووحت لي .. وارسلت لها قبله .. وارسلت لي كثير من القبلات ..وهي ترميها بيديها الصغيرتين ..
ثم ذهبت .. قبل ان تلحظ معلمتها .. وخوفا من تأخري .. في الحصه ..!
زينه ومهره .. صغيراتي .. رغم فارق العمر البسيط ..
نعم مقهوره .. من رعونتها .. ومما اقدمت عليه ..
لكني لا أتخلى عنها ابدا ً..!
******
مهره تستلقي على بطنها ..على عشب ممتد .. وخلفنا بحيرة ويندرمير ..
رأسها يرتكز على كفوفها .. وتحدق بي بعيناها الآسره ..وابتسامه خلابه ..
وكأني اجلس مقابل لها .. واتأملها بدوري.. وقلت : كيف لندن .. اعجبتك ..
سكتت وماردت ..
هو :مهره .. ؟!
لكنها ماردت .. استعدلت .. وقامت تطقطق في يدينها ..
انصدمت وانا اشووف عروق كفوفها .. وذرعانها .. بنفسجين .. ورماديين .خضر. من اصابعها لفوق ..
قلت بهلع: يدينك وش فيها ..
طالعتهم بلامبالاه ..: عادي يروحون ..
سألتها: بالله عليك .. كيف صاروو كذا ..
مهره: تعرف وش ذا .. ؟!
هزيت راسي بتسائل..
مهره:كلها من بلاوي راسك .. كلها انتقلت من راسك ليديني .. وحتى جسمي .. حتى شووف ..
وكنها افتحت صدرها .. وكله نفس يدينها ..
شهقت بقوووه ..
في الحلم .. وفي الواقع وانا افز .. من هالحلم الغريب ..
جلست ولقيتني على كنب الصاله .. اللي مسجت راسي مهره عليه ..
مو هنا الصدمه .. الصدمه النور والشمس اللي داخله من النوافذ والساعه تشير للثمان ..
يالله كيف غرق في النوم وماحس .. طالع المخده اللي حطتها تحت راسه بدل فخذها ..
وللبطانيه الخفيفه اللي عليه ..!
لمس راسه وعيونه .. الصداع تلاشى .. انفجع كيف ماحس .. بجلسة الناس الصبح ..
وبلقيس وفارس وهم يجهزون للدوامات ..
هو نومه متعلق في اذانه .. ويحس على طول ..
كلم نفسه: ياربي وش سوت هالبنت ..مادري قرت علي ..

قام وشال البطانيه معه وراح غرفته ..
وتوه يحط جواله والبكت على الطاوله الاوقعت عينه على الريموت .. طرت عليه وهي بالكنزه .. وكيف بردانه ..
خذه وطلع وتوجه لغرفتها ..
فتح الباب بخفوت ..ودخل .. مشى لنص الغرفه وقصر ع التكيف البارد ..
توجه لعند سريرها.. وجنبها الابجوره الخافته..
وقف عند راسها .. كانت حاطه كفوفها بوسط بعض .. وفوقهم خدها ..
نائمه بعمق وبين عينيها براءة الوجود ..!
حرك يده قدام عيونها بس الواضح انها مو حاسه ..
انحنى وطبع بوسه على خدها .. وابتسم وهمس:
تسلم يدينك .. ويسلم كلك ..
وخلال إنحناءته .. لاحظ سيف كيف داخل في ظهرها .. وخانق رقبتها بذراعه الصغيره ورجله فوق خصرها ..
كان بيضحك .. على وضعية العنكبوت اللي متخذها سيف ..
بس راح من الجهه الثانيه وفكه عنها .. واسدحه عدل ولحفه ...
سحب البطانيه على رجل مهره اللي تطل.. وطلع عنهم وسكر الباب ..
*******
جمان في مرسمها .. مكان واسع من فيلتها .. فيه نافذه كبيره جدا ً تطل ع الحديقه الخارجيه ..
كانت منغمسه بين الالوان .. والرسمه التعبيريه اللي جالسه ترسمها ..
الصوره فيها حطام وانكسارات .. مافي شي صريح بس حتى الأ لوان تنطق ..
وقفت على بعد متر ..
شعرها الاسود مرفوع بعشوائيه ..
وتشرب بكوب قهوه امتلى خارجه بالالوان من يدها ... كانت مشغله ميوزك ايطاليه .. عميقه .. وحزينه ..
جاها صوته : جمان انا ماشي ..
بدون تلتفت .. : بالتوفيق .
تنهد ويطالع الصوره الي مبينه من جنبها..قرب ..
ومع خطواته .. كان كيانها يرتعش .. وقع ظله على اللوحه .. وهي ظلت ثابته ..
حوط خصرها بيده .. والليد الثانيه اللي كانت ممسكه بقبعة طيار ..
همست : فيني الوان .. لااوسخك ..
انحنى وطبع بوسه على رقبتها : فداا ..
ظل ضامها .. ويحدق في انكساراتها المعكوسه في اللوحه .. همس:
توصين شي ..
جمان : ياليت تكون حاضر بعشاء سيف ..
شاهين : من عيوني .. راح نبيت يوم واحد مع الطاقم وبنرجع برحلة الليوم الثاني ..
جمان بهدوء : يكون أفضل ..!
قرب من اذنها : ارضي عني ..
همست بغصه: الله يحفظك ..
باس راسها وقال: انتبهي لبيان وديم..
هزت راسها ايجاب ..
وغادر المكان ..

*رأيت شاهين من النافذه يمضي بالبدلة الرسميه لكابتن الطيار ..
وشاهين اللذي يعطي لتلك البدله فخامه .. ولاتعطيه هي ..
همست:
‏حرّ كببدي يوم قفى وإلتوّجد غافي
‏كني للي صبحوه وديرته ..محتللّه .

كنا رسامه وطيار .. !
وقصتنا سلسه جميله .منذ الولاده .. وشفهيا ً انا عروس شاهين .. ونجود عروس سيف ..!
سيف ونجود .. كانوا سباقين .. لان نجود اصلاً اصغر من سيف بسنه .. اما انا اصغر من هذا الشاهق بسبع سنوات ..
فكان ينتظرني حتى انتهي من دراستي .. او هكذا كنت اضن .. !
فعليا ً الكل كان ينتظرني لهذا الزواج .. ماعادا شاهين ..
وبصراحه لم اعلم .. بهذه الكارثه العاطفيه .. الا حين ولادتي بديم ..
هل تصدقون ان ذلك اللذي كان زوجي .. يحتضني ويقبلني وانجبت منه طفلتين .. شاهين كان زوج عاشق .. شاهين .. حتى قدمي قبلها .. !
هو يفعل ذلك بلا اراده منه .. وانه يجاري .. الواقع .. ومجبور لانه النصيب ..
لاني اختيار .. عمي فهد .. واختيار امه .. امي سلمى .. !
يفعل ذلك ..
لأني انا المتوفر والمباح .. بعد ان مُنع عن حب حياته (غادة) ..!!!!!

وحين طرء الاسم في ذهني .. كسرت الريشه في يدي بحقد وغل.. ورميتها ومن بين اسناني :
الله يلعنك ياااااغاده ...!!!!
........
كانت مهره في المطبخ ..
لما جاها نداء .. فارس : يووووومه .. يوووووووومه ... يوووووومه ...
قالت : تعال فارس ..
راح لها .. وهي جالسه تقطع سلطه .. ابتسمت :
منووور ..
جلس ع الكرسي .. الثاني وهو ياخذ خيار وياكل : قولي متفحم ..ال** رشيد .. تأخر علي .. كل خوياي مشوا وبقيت انا بس ..
ضحكت .. وهي تطالع وجهه قالب احمر ومسومر ..: هو خذ خالتي نزلها مع سيف للدانوب .. اكيد خذك وبيرجع لهم ..
فارس : بذمتك مهره .. مو المفروض عندي سياره واروح بها واجي ..
مهره : ليش المفروض ..؟!
فارس : انا اعرف اسوق .. ومع ابوي فلوس ليش مايشتري لي ..
مهره بنص عيون : معك رخصه ..!
فارس : الله يلعن الرخصه .. اهم شي اعرف اسوق ..
وقام وهو يتحلطم .. فتح الثلاجه : ياخي مافي كولاا .. ولا حمضيات ولاشي .. ايش اللثلاجه الفقيره ذي ..
مهره وهي تنزل السلطه بالزبديه: طيب اشرب ماي ..
فارس بعصبيه : مابي .. لااصرت عطشان كذا ابي شي يسرسح ..
مهره : طيب رح بدل واسوي شي يعجبك .
فارس فجأه : مهره ليه تقطعين .. وقاعده بالمطبخ .. انتي عروس جديده .. روحي قابلي ابوي .. عشان مايروح لنوف وهيا ..
ابتسمت :
كنك تدري .. رايح ياخذ نوف من دوامها .. تقول تعبانه ..
فارس بصوت عالي : الله يالكككككككذب .. والله حصان .. بس حيوانه نوف انا اعرفها ..الساحره اكيد درت انه تزوج وتبي تتلصق..
مهره : عيب فارس .. سواء مريضه ولاتتمارض .. خليها تضبط وضعها مع ابوك .. احنا وش دخلنا ..
وراحت تطلع ليمون من الثلاجه ..
فارس بقهر :مهره لاتصيرين غبيه وتقهريني ..
شهقت :
فااارس ..!
صاح فيها : ياخي انتي عروس توك .. ليه تسمحين له يروح لها ..
مهره بدت تعصر ليمون وبلامبالاه :
اصلا ً هو قال بياخذها بيت اهلها .. وبيرجع ..
فارس: ياشيخه .. لو جاك بكره زين ..!
ضحكت :
وش حارق رزك .. خليه يجي بعد سنه .. ليه انت نكدي ..
طلع وهو يتحلطم ..

دخل سيف الصاله .. وهو يشيل نظارته الشمسيه .. كان بثوب ابيض وحاسر .. ويكلم جوال ..وكان يقول:
ترى توني لاعن نوف .. تبين يجيك الدور .. افتحي هالسيره ..
هيا بعصبيه: يعني بذمتك يجيني هالعلم من نوف .. ليه ماقلت لي..
سيف : لايكون بدق عليك وانتي تطامرين على شواطئ المالديف .. واعطيك خبر عن تحركاتي ..
هيا : ماقلت كذا ..
جلس وهو يشغل زقاره ويدخنها :معنى كلامك كذا .. !

في المطبخ .. مهره .. تسكب عصير الليمون على ورق النعناع .. جات الخادمه جودي : مستر سيف .. هنا ..
مهره اللتفتت وبانجليزي واستغراب: سيف العم .. ؟!
ابتسمت : نعم ليس سيف جونيور ..
ضحكت :اعجبني اللقب ..
راحت خذت كاس عصير .. ورمت فيه شرايح ليمون .. وطلعت ..
راحت الصاله واسمعته يقول :
والله ياهيا .. انك تربطين امور .. من خيالك .. اجل تزوجت عشان اعاقبك على روحتك ..
وراااح ضحك بصوت عالي بسخريه ..
وقعت عينه .. على مهره اللي جايه بكاس العصير ..
ظل يحدق بزولها الخلاب .. وهي تحاول ماتصدر صوت .. عشانه يكلم زوجته ..

سكت .. وعينه على اناملها النحيله والكاس الكبير بيدها .. مملوء بشرائح الليمون والنعناع وفقاعات الصودا ..
هيا.. كانت تتكلم .. وهو مو مركز معها .. وصلت مهره عنده ومدت الكاس .. وحركت شفايفها : عصير منعش ..
خذه .. وقال قاطع حديث هيا : تمام هيا خلينا نقفل الموضوع .. كلميني سناب لارحتي على الشاطئ .. خليني املي عيني .. من شوفتك ..
هيا صدمها : وش ..؟!
سيف : اشوفك على خير ..
وقفل الجوال ..
مهره بصدمه : انفصااااام ..!
شرب من العصير : جااا بوقته ..
جلست مهره على الطاوله الوسطيه : وش فيها نوف .. خذتها للمستشفى!
سيف رفع حاجب :
مافيها شي وادري .. انها تبالغ .. شوية مغص .. يبي له بنادول بس ..
مهره انحرجت .. وافهمت وش فيها ..
سيف شاف وجهها تلون وقال :
ومو الغايه تبي تطلع عشان ترتاح .. هي اتصلت علي من رقم ثاني لاني مسوي لها بلوك لما طلعتني من طوري .. عاد في بخاطرها كلام .. ومالقت الا هالديابجه عشان تلتقيني ..
مهره : طيب .. الطبيعي .. انها تزعل .. ليش بلوك سيف .. وضح لها ظرف هالزواج .. وحدوده .. مابي اسبب بينكم مشاكل وفجوات ..
شرب من العصير وحط الكاس جنبها بقوه وقرب منها وبحزم: ماراح اوضح شي .. انسي .. قدام الكل انتي زوجتي .. بكل شي .. الحدود اللي تتكلمين عنها .. مايعرف عنها الا الكم شخص في البيت .. تمام مهره ..
ارتبكت وتلعثمت .. : بس سيف .. احنا .. !
قاطعها : اذا تبين تحفظين الحدود .لان لو تعدت المعلومات هذي سور البيت .. ماراح اكون الرجل العصري المتفهم .. تمام ..
مهره بعدت عن قربه وبخوف :
سيف وش فيك .. ؟!
دخلت موضي معها سيف الصغير .. وسونا شايله اكياس من الماركت ..
اعتدل سيف في جلسته ..
ومهره قلبها يدق بقوووه ..
موضي بحماس : ياااااازينكم ..
مهره ابتسمت وتحاول ماتبين رجفتها .. وهي تمسك يدينها في بعض ..
سيف عينه على يدينها .. بدون تعبير .. بعدين قال بهدوء : وش مطلعك يمه الظهر ..
موضي :
في كم شغله ابيها .. وقلت على ماتجون اكون جبتها .. طفيتي مهره على القدر .
:ايوه خالتي ..
: كفوو حبيبتي ..
قالت كذا وراحت عشان تشيل عبايتها ..

جااا سيف ومعه كيسه يوريها امه الي قامت وجلست ع الكنب الثاني .. فيها حلويات والعاب..
مهره تشووف .. وتحاول تطلع من كلام سيف .. وشافت لعبه فيها كور صغار.. شالت الكور وخبتهم في يدها ..
سيف انتبه .. وبعصبيه مسك يدها : ديبيها ..
مهره تقبض على كفها :لاااا شوف الكيس مليان العاب وحلويات .. هذا مايصلح ..
سيف بعناد : ابي دي مهره ديبيها .. ديبها ..وانه.. (حيوانه) ..
سيف عقد حواجبه .. وهو يطالعه .. يتعلق فيها .. ويسبها ..
سكت شوي ينتظر مهره تحل الوضع ..
بس سيف تمادى وهو يشد شعرها وواضح انها تبي توخر يدينه بدون تعوره ..
كانت تقول بألم : خلاااص سيف قطعت شعري .. هده .. ياتبن ..
صاح بعصبيه : ديبي لعبتي ...
سيف خلاااص اعصابه فلتت .. وهو يشوف شعرها بين اصابعه .. وكيف وجهها صار احمر من الوجع ..
قام له .. ومسكه .. وبحده : سيف فك يدينك ..
كاتم الصيحه .. وبعناد : ابي لعابي ..
سيف يطالع عيونه بغضب : سيف اترك ولا بتنضرب ..
طالع عيون عمه .. وبعناد مشعها بزياده وصرخت مهره ..
عمه مسك يدينه وفكهم بالقوه .. ووخره عنها واصابعه مليانه من شعرها ..
مهره حطت يدها على راسها بقهر .. وماتبي تتكلم عشان بتبكي خلاص ..
سيف خذه على الكنب وكبل كفوفه وبحده : امك ياخرا .. كيف تمد يدك عليها ..
سيف يصارخ ويتحلطم .. ويبي يوخر ..
جا فارس .. من فوق .. وشاف الموقف .. وشاف وجه مهره وشعرها : وش فيك ..
ماردت ..
اللتفت لابوه .. كيف يخز سيف وسيف يخزه..
سيف : قوول آسف ..
سيف بعناد : مااااابي ..
سيف من بين اسنانه : قووول .. آسف ..
سيف بصراخ : مااابي ..
ضربه على ظهر كفووفه ..
وشهقت مهره .. وقامت : تركه سيف ..
بدون يلتفت :لاا تدخلين ..
سيف خلااص غاص بالصيحه ومنقهر ..
سيف : بتتأسف من امك .. ولا اضرب ثاني ..
سيف : ابي العابي ..مابي قوله آسف ..
بحده: سييييف .. !!!
فارس قرب .. وبحنيه : قوول آسف سيف .. يلا عشان نلعب شيلي ..
سيف يشوهق ..
رفع سيف يده مره ثانيه : هو يبي ينضرب ..
سيف وهو يبولع : آ .آ آ. سـ .. ف ..
سيف بحزم : آسف.. ماما ..
الصغير وهو يشوهق : آسف .. ماما ..
سيف بقسوه: قم انقلع واذا شفتك .. تضرب امك .. او تسبها .. مو بس بضربك .. برميك في زباله بره ..
وخر عنه ...
سيف وهو مطنقر تزحلق من الكنب وفر وهو يبكي بطوول صوته وراح بعد ..
مهره بتروح له .. وكسر خاطرها .. بس سيف مسك ذراعها :
لاتكلمينه ..
مهره : سيفي .. ماقووا فيه ..
سيف سحبها : قلت لاتروحين .. فارس روح له انت ..
راح فارس .. له وسيف وضعية السجود .. وصياحه يرن في البيت كله .. حتى موضي نزلت .. ومصفووقه : وش فيييييه .. ؟!!!
فارس .. يحاول يقومه ويراشيه .. وهو منهار ..
اشر سيف بعيونه .. يعني اتركيه ..
وتسائلت .. بايماءه ..
وجات عندهم .. مهره تدلك فروتها : تشبك فيني .. وسيف ضربه ..
شهقت : ضربته .. خبل انت .. بزر ..
سيف : فكونا .. وحطو الغدا .. ولابروح اتغدا بره..
موضي ومو راضيه : ان لله وان اليه راجعون ..
فارس قدر يسكت سيف وقعد في الجلسه الثانيه وجلسه على حضنه .. وفاتح جواله ويوريه شي ..
وسيف .. وضعية اللي ينتع من بقايا البكي ..
موضي راحت المطبخ ..
مهره وهي تلف شعرها : يتشره .. مو عارف يسكت ..
سيف بهدوء :ولا كأنك تشوفيه .. وقصي اظافره .. ال** شمخ خدك .. زين ماكسرت اصابعه ..
مهره تو تنتبه للخدها .. لمسته وحست بحرارة الشمخ..
قال سيف : خلي امي تعطيك مرهم وحطي عليه ..
همست : تمام ..
وراحت المطبخ ..!
جلس وفتح يده .. كان فيه شعر مهره اللي كان بكفوف سيف .. حس بغضب .. لو ترك نفسه يمكن كفر في سيف ..حتى لو بزر .. حتى لو ولدها .. كيف كانت خايفه تعوره .. وهو مزع خصلاتها كذا ..!!


****


في مقصورة الطيار .. في الرحله .. المتوجه لمطار فيينا ..
بكامل تركيزه .. في شغله .. بمهارته في كل مقبس .. وكل زر ..
*في الماضي ..العائله اجمعت ان جمان له ..متجاهلين رأيه .. مشاعره .. قلبه .. وكل شيء ..
شاهين درس الطيران في الخارج .. وكااغلب مواليد الثمنينات .. اصبحت لديه علاقه وطيده .. بالانترنت .. وبالاخص في الشات والمنتديات ..
ومع انه كان في كندا .. الا ان تصفحه .. كان غالب في منتديات السعودية .. وكذا ..
وعنده صداقات وعلااقات .. في الشبكه ..!
المهم ..
تعلق ببنت .. من خلال النت .. وكانت غاده .. صريحه على عكس الفتيات .. في ذاك الوقت ..الاغلب كان يدعي الدلع والدلال .. والسفر .. وانها آخر حبه .. والبعض كانت تدخل باسم ولد اصلا ً .. والنكات حدث ولاحرج .. اما هي .. كان اسمها غاده .. وكانت شخصيه بسيطه .. واقعيه .. عندها طرح .. واسلوب ..
كانت تكلمه وماتخاف من شي .. وكانت على قناعه انه اللي تسويه مو غلط ..
عندها الثقه انها تواجه اي احد .. !
ودامني اسوي الشي قدام ربي .. اذا عادي اسويه قدام الناس ..
شاهين اعجبه منطقها .. واسلوبها .. انتقلوا من الصفحات العامه ..
الى اماكن اكثر خصوصيه .. مثل الماسنجر .. وبعد الثقه العظيمه بينهم .. تبادلو الأرقام ..
وصار بينهم .. مكالمات .. !
وهالشي اشعل قلب الاثنين في بعض ..

خلص .. واشتغل .. ومرت كم سنه ..وكان يبيها ..
لكن الواقع .. ان هو مرتبط بخاتم وهمي .. بعقد لفضي .. !
مع جمان ..اللي كانت ماخلصت دراستها لسى ..قرر يواجه .. وردة الفعل من ابوه متوقعه .. الرفض .. والغضب .. ونعته ونعت غاده بأشنع الألفاظ ..
وان لو ياخذها متبري منه ومن عياله مستقبلا ً.. تمنى امه تدعم مشاعره .. بس كان رفضها اشنع .. لأن جمان بالنسبه لها الكمال .. وهي اللي تناسب العائله ومستواها ..
جمان بجمالها .. وسحرها .. راقيه .. تدرس الفنون في اعرق معاهد روما ..
كانت امه تشوف ان جمان جوهرة نادره .. ان ياخذها احد غيره .. خسارة فادحه ..
عاند .. بس حصل شي غير متوقع .. غاده اختفت .. من كل موقع .. وكل صفحه ..جوالها انقطع .. وصار ملقي .. !

انتظر كثير ..وذاب قلبه على فراقها .. ضل متعلق بصورة يتيمه رسلتها له على الايميل ..
بس زاد الغياب ..
واستسلم .. وتزوج جمان .. بصراحه كان في وضع جاف .. وجمان كانت رشة مطر .. !
كان مجروح .. وجمان كانت علاج ..
حب جمان .. تعلق فيها .. كانت تشبهه في كل شي .. تناسب شخصه ومستواه .. جميله لاتشكي .. لاتعاتب .. مشاعرها السلبيه تترجمها وتلقيها على اللوحات ..

بصراحه .. ظل يحس ان اللي بينه وبين جمان ود ورحمه .. وتعلق ..
استبعد العشق والغرام .. لأن مقتنع ان غاده الحب الأول والأخير ..
كان الاعتراف هذا .. لذاته ونفسه .. لكن الحقيقه .. ان مرت اول اربع سنوات من زواجهم .. وكانوا احلى ثنائي ..وكانوا جابوا اول بنت .. وسموها غاده ..!!!!!!!!!!*
*****
بالعصر دخلت جمان بيتهم .. وكانت امها تسوي اتصالات وتحجز ضيافات وشغلات للحفل ..
مهره مو عاجبها الوضع .. سلمت عليهم جمان .. ويوم قفلت موضي ..
مهره: الله يهديك خالتي .. ايش هالمبالغه .. صدمتيني .. احنا قلنا شيي بسيط حق اشهار بس ..
موضي بوناسه .. تدق رقم جديد: اسكتي بس انا والله بخاطري اسوويه بقاعة فندق .. بس انتوا كابتيني .. الووو ..
مهره توسعت عيونها : ياخاله .. هجدي ..
ضحكت جمان : خليها ذا عرس عين السيح ..
بيان جات تسلم على مهره :صحيح يوم الخميس بتكونين نفس الأميره ..
مهره تحس ان الوضع اوفر ..
ضحكت بتسليك : اميره ..! ..
انتبهت مهره لشعر بنات جمان والقصات مرتبه ..شعورهم ناعمه وسودا .. وملامحهم دقيقه جميله .. نفس امهم :
كأن شعورهم غير جمان ..؟!
جمان: قبل اجي مريت المشغل .. رتبتهم عشان العرس ..
مهره انهارت : بتجلطوووني ..
*****
بعد شوي جا سعود .. وبلقيس نزلت ..وفارس صحى من النوم .. والجلسه كانت حلووه ..لمن سعود نادا بيان وقال :
تعالي يابنتي ياغاده .. جيبي بوكي من طاولة المكتب ..
*انا ضننت ان الاسماء اللتبست لديه .. وكثيرا ً مانغلط في النداءات ..
لكن .. خيم التوتر .. والصمت ..ووجه جمان قلب .. عصبيه .. وغضب.. وسعود الى الان مانتبه للخطأ .. *

نادا : غاده قومي الله يصلحك ..
جمان بخفوت وعصبيه :
يبه اسمها بيان ..!
سعود وكنه تذكر : الله يعلم .. اني انسى .. غاده ..بيان .. كله واحد .. اجل ثلاث سنين اسمها غاده .. وغيرتوه ..لله درها اللي تعودت ..
جمان بعصبيه : مو كله واحد يبه .. لاتطرون هالاسم .. ابي بيان تنساه ..كنكم تتعمدون تغثوني ..
سعود : قومي اضربيني بعد ..سهيت وقلته ..
موضي تبي تلطف الجوو :
خلاص يابو سيف .. جمان متوتره .. تعرف هي مع كل رحله لشاهين .. تظل على اعصابه لمن يكلم ..
فارس :ماياخذني خالي شاهين شنطه معه ..
ضحكت بلقيس ..: وانا ابي اصير جوازه ..
فارس : ياحضك جمان زوجك طيااار .. لازم مستقبلا ً اتزوج طياره ..
ضحكت بلقيس تجاريه : وانا بتزوج المطار واهههههههههههههههههههههه ...
جمان انحشرت غصه في حلقها .. قامت وطلعت الحديقه .. !
مهره مو فاهمه شي ..: ايش فيها جمان تضايقت كذا ..
بلقيس : قومي بيان جيبي بوك جدي من المكتب
قامت : طيب ..
راحت .. وقالت بلقيس : بيان .. كان اسمها غاده .. من انولدت لمن صار عمرها ثلاث سنوات ..
مهره بصدمه: وليش غيروه .. حلووو غاده ..
فارس : جمان .. وقت ولدت بديم .. كشت من الاسم .. وتشاءمت .. وسوت سالفه الا يتغير .. وغيره خالي شاهين ..
سعود: معطيها وجه .. ولا رجال وسمى بنته .. حق ايش يغيره على شورها ..
موضي : سبحان الله .. الله كاتب ياسعود .. يمكنها شايفه حلم شي ..
مهره : غريبه والله ..
.......
اعتبرني حلم مرك على غفوة رقاد
‏وانا ابعتبرك قصه قريتها ولا كملتها

في فيينا .. وفي بهو احد الفنادق الراقيه .. شاهين يعبر .. مع مساعد الطيار ومجموعه من المضيفات ..
خذ كرت الغرفه .. وصعد .. واجرى اتصال .. وردت :
هلا غاده .. اطمنك .. وصلت ..
غاده : الحمدلله على سلامتك ياقليبي ..
ابتسم : الله يسلمك .. ويهديك ..!
غاده : ليش شايفني خبله ..
ضحك : عارفه قصدي .. !
غاده : وانت عارف رايي ..
شاهين : انسحب من الحوار ..
غاده : مع نفسك ..
شاهين : انتبهي لحالك ..
غاده: وانت بعد ..
وقفلوا ..!

علق جاكيته .. وفوقه القبعه .. فتح ازرار قميصه .. وهو يحدق بالجاكت المعلق .. ليعود به الزمن .. لرميه لزييه .. في كل مكان .. بالصاله .. بالغرفه .. ع الأرض ..
جمان تعلقه .. :
مو من باب الترتيب وعدم الاهمال .. احترم زيك ياخي .. رمي الشي ع الارض .. فيه اضطهاد .. وامتهان .. شاهين ..لاترمي الشي الي تحبه وتحترمه بهالطريقه ..
شاهين : والله تكبرين الامور ..ياخي ملابس .. وهو اصلا ً يبي له غسيل .. الخادمه تشيله ..
جمان وهي تمسح ع الجاكت .. :
ماراح تفهم نظريتي .. حتى الجماد .. احيان يحس .. لما تتخيل .. انك سعيت .. لمن وصلت لبدلة الكابتنه هذي .. واللحين تهملها بهالطريقه .. انها ممكن .. تتخلى عنك .. او تكرهك فيها ..
شاهين : ياشيخه .. حتى لو بها جني ..
ضحكت : شاهين .. تدري .. مره رسمت لوحه .. والكل مدحها .. في المعهد .. انا ماكنت مقتنعه فيها .. اذكر الاداره كانت بتعرضها في المعرض الشهري للرسوم الطلاب .. وانا حاولت ارسم غيرها .. لانها مب راضيتني .. ماقدرت ارسم غيرها .. استهلكت كميه من اللوحات .. والالوان .. بدون فايده .. المهم .. قبل المعرض بيوم .. بطلع اللوحه .. اللي الكل اجمع عليها .. وانا مستاءه .. اني مو مقتنعه فيها وكنت راكنتها مع كمية لوحات تجارب يبي لهم اتلاف .. تدري وش شفت ..
شاهين باهتمام : وش ..؟!
جمان : لقيت الرف اللي فوق اللوحه .. طايحه علبة التينر .. وسايحه ع اللوحه .. وعادمتها علي .. خسرت اللوحه .. والمعرض .. ومع ترشيح الاداره للوحه كان ممكن افوز بمبلغ مادي .. حلوو .. الا ان اللوحه شاتتني قبل اشوتها ..
شاهين : استغفر الله .. ذا تشاؤوم وتطير مايجوز ..
ضحكت : خذها من باب الحث ع الترتيب .. انا احب كلشي بمكانه الطبيعي .. *

فاق من ذكرى جمان ونبرة جمان .. وحلاوة جمان وعمقها ..
اعتاد .. اعتياداتها .. فلسفتها في كثير من الأمور .. تجيب نتيجه معه ..
مشى لمن النافذه وفتحها .. ليصدم وجهه بنسائم فيينا الجميله .. ورائحة الورد اللذي يملئ فريز النافذه ..

تاكل الضيقة طرف كبدي ‌واكابر
اتحدى وابتسم والنفس موجوعة

كل شيء كان جميل .. حتى ولادتها بديم .. وحتى يوم خروجها من المشفى بالذات ..

*شاهين : خليني اخلص الاجراءت .. وانتي بدلي لها ..
جمان : لاتنسى كرت التطعيم اخذه شاهين .. مو تضيعه مثل كرت غاده..
هو ببتسامه .. : ابشري .. بدبس الكرت بصدري ..
ضحكت بوجهها الشاحب المُتعب ..
وانحنى باس ديم .. : باااااكلهااا شبيهة امهااا ..
جمان ضحكت :انت بتاكلها وغاده بتذبحها .. منكم لله يالعصابه ..!
طلع .. وعلى وجهه ابتسامه ..
واغلق الباب ..
وكان قد اغلق الباب .. في فصل جمان وحبها .. لينفتح باب فصل قد اغلقه مذ زمن ..

كان واقف في الرسبشن .. ويعبي اوراق الخروج ويوقعها ..
وكان يسئل البنت المحجبه واللي ماركز فيها ابد .. التاريخ هنا اكتب تبع الليوم .. ولا يوم دخول الام ..
قالت : الليوم .. !
وخلال عيونه في الورق .. البنت بصوت خافت هامس .. ملهوف :
مبروووك ماجاك بو جارح ..
انصدم وتوسعت عينه .. والى الان مركز في الورقه ..
(بوجارح) .. من اي حقبه زمنيه طلع الأسم .. من اي غبار منتدى .. انفض ..
ليس المهم الاسم والحقبه .. الصوت والهمس ..
ارتجف القلم بيده .. وهو يرفع عينه بدون تصديق .. وبذهوول .. وملامحها اللي تغيرت خلال السنين .. وهو اللي ماشافها الا من خلال صوره وحده وكانت اصغر فيها ..
بس نفس الملامح والعيون .. الا انها اكثر نضوج..بعدم تصديق وتسائل:
غاااااااده ..؟؟؟؟!!!!!!!
شتت نظرها ..وللمره الاولى اصلا ً يلتقون في الحياه .. بشكل مباشر ..وليس من خلال الهاتف .. او شاشة الكمبيوتر ..
كانوا كتابة وصوت ..
هي حافضته ..شافت له صور كثير وحتى فديوهات ..
بعكس هو لم يملك لها الا صوره وحيده ..
خذت الورق وتختمهم .. :
تزوجت اجل ..
هو بذهوله :انتي وين كنتي .. وين اختفيتي .. غاده يوم انك موجوده ورى تركتيني ..
غاده تلملم الورق .. وتقول : ظروف شاهين .. بوس لي البنوته ..

ومدت الورق .. له ..
بعصبيه .. من الوضع والمكان .. خذ القلم وطلع ورقه من جيبه .. ومن بين اسنانه: هاتي رقمك ..
هي بعصبيه وخفوت وحمدت الله ان مافي زحمه .. : تعوذ من الشيطان ورح استلم زوجتك ..
في الغرفه .. جمان لبست نقابها .. وتباطت شاهين ..
شالت ديم .. وقالت للشغاله تشيل اغراضها .. وطلعت تمشي في الممر ..
كانت خطواتها صغيره .. من الولاده والتعب .. اقبلت ع الرسبشن ..
وانخلع قلبها وهي تشوف شاهين ماسك معصم البنت .. ويحط ورقه بيدها وبصوت واضح للمسافه اللي بينهم :
رقمي لو كنتي ضيعتيه .. ابي توضيح ياغاده ..
تحاول تفك يدها : خلاص شاهين .. لاتسوي فضيحه ..
من بين اسنانه : مايهمني ..!!!!

(جمان) .. والأرض تهتز من تحتي .. بأقوى زلزال يمر في التاريخ ..
احماض معدتي تصعد لتحرق المريئ والبلعوم ..
الرؤيه يبتلعها السواد والعتامه .. واقسى كارثه في الموقف ..
ان اسمها غاده .. وغاده ابنتي .. خياااانه عظمى.. ارتكبها شاهين في حقي ..
ديم كانت ستقع من يدي ..
وسمعت بس صوت لونا الخادمه تقول : مدام .. مدام .. امسك بيبي كويس ..
اللتفت شاهين بحده ..
وجااا بسرعه ..
ولقف ديم قبل توقع ع الارض .. وبهلع : جمان وش فيك ..
اسندت كفها بالجدار .. وتحاول تتماسك .. : مافيني شي .. بس دخت .. خذني بسرعه للبيت ..
شاهين قرب منها .. وهو شايل ديم : تمسكي فيني ..
لونا:ويل شير مستر..؟!
جمان هزت راسها نفي وهي تمسك ذراعه .. متمسكه ببقايا .. كرامتها ..
متظاهره انها ماسمعت .. !
لانها لو بينت انها اسمعت .. ماراح تسترد كرامتها الا بجريمه .. وجنازه تخرج من المشفى اما لها او لشاهين .. او للمغضوبه غاده ..
بخفوت: لا اقدر امشي ..
شاهين بخوف عليها ومايدري انها شافت الموقف: خلي الدكتوره تشوفك ..
جمان وهي تضم ذراعه اكثر : طلعني من هنا..

طلعوا .. وطلبت منه ياخذها للبيت .. قبل بيت ابوها ..
ظلت ساكته طوول الطريق ..
وهو كان باله .. مو معه ابد .. شارد .. ومو مصدق .. ان شاف غاده .. وتساؤولات كثيره في باله ..

لمن وصلوا البيت..
حدثت مواجه .. وانفجار من جمان .. افجعت عيشتة .. كيف انها شافت الموقف واسكتت هناك وطول الطريق ..
عشان تحافظ على صورتها وصورته ..
حاول يبرر .. في البدايه .. بس جمان بحده :
اذا عندك زفت تحبها من قبل .. ليه تزوجتني .. ليه شاهين .. ترى لعلمك انا ماكنت احبك قبل الزواج .. كان فرض علينا ان حنا لبعض .. بس ماكنت ميته عليك .. ولو تزوجت غيري ماكنت بزعل .. ورااااس بناتي ماكنت بزعل .. اصلاً حمود خطبني .. وولد علي الراشد .. وجزاء ولد عمي عبد المحسن وغيره وغيره ..لو ماخذ انت كلبتك وتاركني لشخص شاريني لذاتي .. مو مغصوب علي .. كااان افضل لنا الاثنين ..
شاهين بصدمه وغضب :
وعادي تقولينها في وجهي ..
جمان بحده وغضب : لاتسوي صدمتك .. ولاتسوي كنت ميت فيني .. وكنت تنتظرني اخلص دراستي .. بلا كذب .. انت جبان شاهين .. واهلك اللي جابوك على خشمك وغصوبك على هالزيجه ..
جمان استفزته لتسقط جميع الأقنعه..صاح فيها:
صحححح .. كلامك كله صح .. جمان انتي اختيار امي وابوي .. ماانتي اختياري .. وكنت ابي غاده ومارضو .. وكنت ماراح اتزوج غيرها .. واختفت .. ضليت مده .. وسليت عنها .. خلصتي دراسه وتزوجتك .. فعليا ً نسيتيني اياها .. جمان .. اللي بينا ماكان كذب .. اقسم بالله ماكااان كذب..

جمان وعيونها تجمر .. بس واقفه بشموخ .. قالت بهدوء مزلزل : والدليل انك سميت بنتي غاده ..

توسعت عيونه ..
وللتو يستوعب هالكارثه في حق جمان .. شاهين : لحظه جمان .. الاسم كان عاجبني .. ماهو عليها ..
صاحت ودموعها تطيح :
يالظالم .. كنت مابي الاسم .. وكنت اقوول قديم .. وماهو عاجبني ..ياللي ماتخاف الله انا تعسرت ولادتي بها وبغيت امووت .. كان نفسي اسميها انا .. وانت اصريت .. ويطلع اسم الكلبببببه حقتك ..
مسك جبينه ونفخ .. : جماان .. هدي .. وخلينا نحل الامور بشكل هادي .. ولانضيع اللي بينا بلحظه ..
جمان : في ستين داهيه انت معها .. شف شاهين .. لو انها ماضي وانتهت .. ماكنت تصر تبيها تتواصل معك .. وتبي تفهم .. غيابها .. انت انتهيت معي .. دامك ابتديت معها ..
صاح فيها : ماااااااطلقك .. لو اموت ماطلقك جمان ..
جماااان وكاخه الدنيا : طلقت ماطلقت مشكلتك .. والله حتى لو اشوفك وياها بفراش ماعدت تعنيني ..(وباللهجه حازمه ماتقبل النقاش) الأوله .. بنتي الاولى .. تغير اسمها .. انت بتسوي اجراءات ديم .. تسوي اجراءات تغير اسمها .. وسميها بيان ..
شاهين بذهول : مجنووونه انتي .. البنت كملت الثلاث وماشيه في الاربع ..
جمان بشكل قاطع : تغيييره .. مايهمني .. تغيره ..
شاهين : ماهو زين على نفسيتها بتتعب ..
جمان بعصبيه : تغيره .. ولا والله اذبحها واحسب الله ماخلقها ..
شاهين بحده وانفعال : بنتك كيف تقوين تقولين كذا ..
جمان بجنون : والله اذبحها .. ومثل ماجبتها ع الدنيا انهيها .. تغير اسمها ولاتمتحن جنوني ..

وفعلا ً تم تغير اسم غاده لبيان .. صدمه للعائله .. حتى امه وابوه .. اللي كانوا عارفين يبي وحده بس ماكانوا عارفين ان اسمها غاده ..
بيان تعبت نفسيا ً .. والكل ماتعود بسهوله .. ع الاسم ..
بس كانت جمان صارمه وغاضبه اتجاه اي احد يناديها بغاده ..!

اسمتها بيان .. لأن بسببها .. بانت الحقائق جميعها ..
لوكانت سمعته يكلم موظفة الرسبشن بغاده .. وكان غير اسم ابنتها ..
لكان الامر مجهول ..
لكن .. عندما قال غاده .. وابنتهم غاده .. تبين تاريخ العلاقه القديم ..
بل تبين حجم الحب اللذي اسمى ابنته غاده .. حينما لم يسميها سلمى على امه ..

*بيان ابنتي انا .. طهرتها .. من رذيلة ابيها .. بل تممت لها من جديد .. مباركه باسمها اللذي اخترته لها انا .. *..!
******
بالليل .. فارس في قهوه .. ويشيش .. وينفخ الدخان ..: تيم لاتوهقني دام ابوي هنا .. مالي في الطلعه ذي..
تيم ويسحب الشيشه بنفس طووويل .. :
كيفك انت الخسران .. بس الشله كلها بتروح .. بتتحسف ..
فارس ويسحب نفس اكثر من تيم ..ونفخه وبسخريه :
والله مادري وش بتحسف عليه عاد .. انا مكتفي فيكم هنا .. طلوعي من السعوديه ماحبه الا مع ابوي ولانواف ..
هيثم : يهااايط ..الكلب ..
ضحك : عاد من ابووه سيف بن سعود يحق له الهياط ..
تيم يطالع فارس بنص عيون .. وبغل عميق في قلبه اتجاهه .. شرد .. وهو يشيش بصمت .. هو اكبر من فارس بثلاث سنوات تقريبا ً..
من ايام الابتدائي وكانوا سوا ..
بالمتوسط .. تيم وهيثم .. اخلاقهم .. وسلوكياتهم صارت غير مرغوب فيها ..
سيف بدا يمنع ولده عنهم .. وفارس احيان يلتقيهم بالخفااء ..
تيم يفكر ان سيف يشوف انهم مو مستوا ولده .. وانهم بسيطين .. وعلى قول البعض تربية شوارع ..
اما سيف كان يخاف على ولده بشكل اعمى .. من الشخصيات اللي كذا ..
لان عساف ماتدحدر الا بالاسلوب ذا .. !

فارس ضرب الطاوله .. : وش فيك تخزني كذا .. خيييير ..
تيم يشرب الشاي : ماقوول الا حظوظ .. ياجعل حظي حظك..
فارس : بعد انضلن .. يكفي امي وتوفت .. اذبحوا ابوي ..انعنتن الله على هالوجه ..
ضحك تيم : ماشاء الله .. تف عليك .. الله يزيدك ..
فارس .. رمى عليه سلك الشاحن : تف عليك انت ياكلب ..
ذياب يضحك : ذي تفلة الحسد عن العين .. يافارس ..
فارس يضبط الفحم ع الراس :
ادري .. بس هو يبي يتفل .. ال**** ومسوي عن الحسد ..
هيثم بتصفيق وبحماس:
اووووووف ياللفظ .. تطورت منفوحه ..
فارس : كل ** .. منفوحه امك ..
ماتوا ضحك كلهم ..
ورن جوال .. فارس .. اشر لهم يسكتون .. ورد .. :
هلاااا حيالله العشير ..
نواف : وينك فيه ..
فارس : بسم الله .. مع الربع .. شفيك جيت ..
نواف :لاا قايل لك ماراح اقدر اجي هالفتره ..
فارس : اجل وش تبي ..
نواف : سنابتك ياحيوان .. مبين فيها لي شيشه .. والله لو شافها ابووك .. ياكل هاللي من جلدك ..
انصفق وجه فارس : احللللللف ..اصبر اصبر نواف ..
وراح فتح السناب وسريع شاف المشاهدات .. وحذف الصوره ..
ورجع يكلم : الحمدلله ماشافها ..
نواف معصب .. :
قم ارجع البيت لاوالله ادق عليه اخليه يحرقك بقرنتك ..
فارس .. بهدوء .. يعني عشان مايوضح شي قدام الربع : حااااول عاد .. عشان نسوي حفله بالرشاشات لبوفارس ..
نواف من بين اسنانه : استأذن منهم .. وقم اطلع ..من جاي معه .. ؟!
ضحك فارس: بسيارتك ..
نواف : الله يلعنك .. الشرهه اوب عليك .. على اللي حاط مفتاحه حولك ..
فارس قام وشال شاحنه المتنقل .. وطلع من محفظته فلوس قطها ع الطاوله .. واشر للشباب .. انه حساب القهوه ..
ومشى وهو يتكلم مع نواف ..
*****
دخل سيف البيت .. كانت امه جالسه .. وابوه ..

سيف بتسائل : يمه .. فارس ماقالك وين منقلع ..
موضي : الا .. رايح استراحة خويه ..قايل يشوفون مباراه ..
سيف بعصبيه: عشر ونص يمه .. وراه مدرسه ..
سعود : ولدك من متى ينام بدري ..
سيف : لايرقد .. يحضر في البيت .. والحيوان مايرد ..
سعود : هد معه يايبه .. انت ماتجي له الا كل كم شهر ..والله يرضى عليه.. ماسوا سواكم ..
سيف وهو يجلس ع الكنب :
لا والله خووش دعم يبه .. قل عنده كذا .. وكبر راسه ..
سعود وكنه تذكر : الا يقوولون انك ضارب الورع ولد اخوك ..
سيف ببرود : والله ماخلا من عساف شي .. مو كنت بضربه بس .. كنت بعجنه .. بس مسكت نفسي ..
سعود : صغير ذا .. مايفهم ..
سيف : يابن الحلال طير عيونه بوجهي قوي العين ..يعني يتحداني ..
ضحك سعود : ذيب ..
سيف مستاء : الا ** ..

بره .. فارس وقف السياره .. وطلع عطر من الدرج .. ورش على تشترته وشعره ..ونزل ..
دخل البيت ..
وببتسامه للجميع :
السلااام عليكم ياجماعة المسلمين ..
سيف يطالعه بنص عيون : كم الساعه عندك .. ؟
فارس : اللحين اللحين حدعش الا ربع ..
سيف : وليه جالس لذا الوقت بره ..
فارس : باستراحة اخوان ذياب .. نشوف المباره .. مانتهت الا من شوي .. صدق ترى .. توها منتهيه ..
سيف يطالع فيه بشك :طالع بسيارة نواف ها ..؟!
شهق : اكيد رشيد الفتيني قالك ..
سيف : ماقال لي .. بس ماهي موجوده .. ومافي ملقوف في البيت غيرك ..
فارس .. جا جلس يمه : والله يبه .. الاستراحه قريبه .. يبه سعود .. مو انت عادي تخليني اطلع قريب ..
سعود : ايه ياسيف .. خله يتدرب وسواقته هاديه ورايقه .. ماعليه شر ..
سيف ماوده يعارض ابوه ويهز كلمته .. : وجوال حضرتك ليش مغلق ..
طلع الجوال من مخباه : شفه والله خلصت البطاريه .. اصلا كنت اكلم نواف .. فضى الشحن وتقفل على وجهه ..
سيف واحيان يحس ان فارس كبر .. ويسوي افعالهم .. تقارب اجيالهم .. مخليه يعرف انه يكذب ..
الليوم مافيه مباراه ويدري ..
مر جهة استراحة ذياب وكانت سيارة نواف مو حولها ..
وبرضوو مايخفاه انفاس فارس وريحة المعسل .. رغم العطر اللي مالي فيه ثيابه ..
مايبي يكبرها ..
ويسوي سالفه معه ..
عرف انه في قهوه ومشيش ..
يتفاهم معه بوقت ثاني لحالهم ..
تنهد وقال : طيب اصعد .. صف كتبك اذا ماصفيتهم .. فرش اسنانك وارقد ..
فارس ويتبادل بوسة خد من ابوه : من عيوني .. يبه .. تصبحون على خير ..
كلهم : تلاقي خير .. ! .

صعد .. وبعد شوي صعد سيف .. مر جهة غرفة مهره .. بابها في الطريق لغرفته ..
وقف شوي ويده على مقبض الباب .. تردد ..
هدوء .. وواضح انها نايمه مع سيف .. !
شافها في العصر ..
قبل يطلع ..
كان وده يجي ويلقاها صاحيه ..
عقد حواجبه .. مستنكر .. هالاعتراف .. انه يبي يشوفها ..!!!
ترك مقبض الباب .. وراح غرفته ..!
دخل وقفل الباب ..
توجه لصورة نجود ..تأمل مبسمها وعيونها تنهد بحزن :
حدانِي على جُو انعزالي من الناس ّ
‏صَدى صوتٍ للماضي ينادي ّو البي له ُ


****


بنتظار ارائكم وتفاعلكم ..🕊️❤️❤️❤️
حماسكم ..يحمسني ابكر في البارتات .. واسووي اتثنائات ...😜👏👏👏👏👏👏.