[فيتامين سي]

البارت السادس

في وقت العصر ..
وفي بيت سعود .. اجواء الاستعدادت للحفل .. والبنات .. يتزينون ..
بوجود ميك اب ارتست شاطره .. غير البنات الي يضبطون شعورهم .. !
خوات سعود حليمه ومنال وبناتهم جاوو ..وكانوا معهم بالبيت .. !
وكان لازم يوضحون قدامهم ان الزواج ماشي طبيعي ..
مهره خلصت .. وكان وقت المغرب .. قالت لها جمان : ألبسي .. عشان المصوره في الطريق .. احنا بنمشي المزرعه .. لاخلصتوا يجيبك سيف ..
توسعت عيون مهره وبخفوت : اي مصوره .. جمان شفيكم .. صور جوال ونمشي ..
جمان اسحبتها : لايسمعونك عماتي .. خلي الامور طبيعيه .. ترى سيف محذر ..
مهره مسكت جبينها ومحتاسه : وين حطيتي فستاني طيب ..
جمان : بغرفة سيف ..
شهقت مهره : لااااء أوفر ..
اشرت لها جمان يعني قصري حسك ..
مهره بشويش : اووفر ... روحي جيبيه ..
جمان: سيف قال لي اخلي اغراضك هناك ..
مهره سحبت جمان بره الغرفه اللي حولوها صالون .. : امانه جمان قدري موقفي .. روحي جيبي الفستان .. ولابلبس اي زفت غيره ..
جمان تمد صبعها وتمسح شي تحت عين مهره .. وبلامبالاه :
لاطولينها وروحي قبل يجي سيف دامه مب هنا .. يمديك تبدلين .. ترى ان جا .. بتبدلين وهو يطالع فيك .. اعرف اخوي وقواية عينه ..
توسعت عيون مهره : نعععععععم ..!
ابتسمت جمان : روحي فديتك .. خلينا نشوف كشختك قبل نمشي ..
مهره كانت بميك اب ناعم جميل .. بكحله فرنسيه برزت عيونها .. وشعرها مصلح بشكل مره حلوو .. وكانت لابسه رووب ابيض لنص الساق .. ربطت الروب بقووه ..
وراحت بسرعه وهي تتحلطم ..
تلبس بسرعه قبل يجي .. اصرف لها ..
وبس وصلت لباب غرفته ..
اتصلت جمان عليه :
الجميل صار بالغرفه ..!

دخلت مهره .. وكان في غرفة جلوس صغيره دارت بعيونها مالقت شي .. عبرت باب الغرفه المفتوح ..
ارتجفت سيقانها .. لبرودة المكان وبرودة الموقف .. ريحة عود .. وعطر سيف المميز مالي الغرفه ..

طاحت عينها على بشته الاسود مسفط بترتيب ومحطوط ع الاريكه ..
ارتجفت اكثر ..
هي اشترت فستان تيفاني .. اذا بشته هنا .. والشماعه ماعليها شي .. وين فستاني ..
تراجعت على ورى بتطلع ..
الا لقته واقف عند الباب وساند كفه ورافع حاجب : وين رايحه .. ؟!
شهقت وهي ترجع على ورى ..
خطى داخل الغرفه .. ومهره ابعدت خطوه لاارادي .. وباللعثمه :
بروح اشوف جمان .. قالت انها حطت فستاني فيذا .. وماشوفه..
سيف : تقصدين هالاخضر مادري السماوي ..
مهره تصلح المعلومه : تيفاني ..!
سيف : اللي هو .. اللحين قايل لك البسي ابيض..
مهره متوهقه : بس .. بس..المهم ان خلاص شريناه .. بروح اسئل جمان .. وين حطته..
دخل وسكر الباب ..
مهره فجأه حست قلبها وقع في الأرض ..
مشى سيف ناحيتها ..
وتأمل زينتها الناعمه .. وشعرها الجميل .. واصلاً شكلها بالروب يهوس ..
تعداها .. وراح بغرفة الخزاين .. وقال : فستانك اللي شريتيه كويس .. بس ممكن تخليه لمناسبه ثانيه ..
طلع وماسك فستان ابيض .. ناعم .. وراقي ..وباين من براند فرنسي ..
توسعت عيونها وحطت كفها على فمها ..

وقال:
مهره .. انا صدق تزوجت كذا مره بعد نجود .. بس للمره الاولى بعدها اتزوج زواج معلن.. وبتحضر العايله .. ابيك تظهرين بصورة زوجتي .. بتفاصيل سيف ..
مهره شتت نظرها :
ليه يعني ذوقي .. مايناسب مستوا حضرتك ..
قرب منها وحط الفستان ع السرير .. ورجع وقف قريب منها وهمس :
تستهبلين ..
رفعت عينها له .. وبنظره ماتقصدها .. كانت تعاتب بدلع :
كلامك هذا معناته ..
ابتسم .. والواضح ان نظرات مهره .. بتكون صعبه عليه وعلى .. جوارحه.. همس :
انتي وش فيك مايعجب.. ورب الكعبه .. كل مافيك يذبح ..
خفق قلبها بقووه .. لهذا الغزل الصريح .. واللتزمت الصمت وعينها في الارض .. همس : نفسي تلبسين الفستان اللي جبته لك .. ترى موصي عليه من لندن .. زين وصل الليوم ..
بدهشه : الله .. لندن .. ! .. تبالغ سيف ..
سيف : مابالغ .. انا ابي هالشي .. وسويته..
مهره بحيره : ليه .. سيف .. ليه ..
احتار اكثر .. من حيرتها .. :
مادري .. صدقيني مادري .. خذيه واللبسيه ..
وشاله حطه بين يدينها ..
تناظر الفستان وتناظره واللتفتت بتطلع .. وقفها .. : روحي بدلي بغرفة الخزاين ..اذا لبستي فيه شي ثاني لك ..
شهقت : الله اكبر .. ابدل وانت في الغرفه .. سيف .. ياسيف .. ركز شوي ..
سيف خذها ودفها من ظهرها لمن الغرفه .. غرزت مهره .. وبتوسل :
والله بلبس هناك واجي .. استحي اقسم بالله ..
سيف بانفعال:
يابنت .. ماراح اطب عليك وانتي تبدلين .. ثقي فيني .. واخلصي ..
مهره متوتره ..:
طيب خلاص .. ابعد .. هناك ..
سيف بنفاذ صبر :
ابشري ياعمه ..
مهره : طيب لاتقول ياعمه ..
سيف بعصبيه: بعد شنسوي الظاهر لازم نتوطى لك .. عشان توافقين ..
مهره ببراءه: لا .. مو هذا قصدي ..
سيف اومئ براسه بتسائل ..
مهره بفهاوه : يعني لاتقولي عمه .. وتكبرني .. يخف لسانك عليها .. عاد يفكروني عمتك يالشايب ..
توسعت عيونه .. وضاع .. هي تمزح .. تنكت .. ولا شفيها ..
والله تتكلم بجديه ..
: من اللي يفكرونها عمتي ..؟!
مهره بكل ثقه : أنااا .يعني مين.؟!
(خلاص مهره في المواقف الصعبه تفقد التركيز وتضرب فيوزاتها ..) ..
سيف مو عارف شالتعليق السليم قدام عباطتها ..
خاصه انها انزرعت في فتحة غرفة الخزاين وواضح .. انها قامطه ..
بهدوء : مهره ادخلي بدلي خليني اشوف اذا هالشي عدل عليك .. ولاتطولينها..
مهره بدون تتحرك : طيب ..
انتظرها تروح ..
وهي والله مو ناويه تتحرك ..
سيف بتهديد : والله وقلت والله .. لو قلت ثلاثه وانتي فيذا .. لشلح عنك هالروب وانا اللي البسك ..
توسعت عيونها .. وشهقت .. مجرد ثانيه .. قبل يعد .. اختفت من عنده ..

سيف بعد وراح توجه لركن فيه خزانه فتحها وبوسطها خزنه .. دخل ارقامها .. وفتحها .. طلع علبه مخمل .. ووحده ثانيه شكلها مميز ..
جاه صوت مهره :
ووين فستاني .. ذا شكله ضيق ..
سيف وهو يطلع شي من الخزنه :
بلا كذب .. ترى حطيته على فسانك الازرق نفس المقاس ..
مهره بصوت عالي : تيفاني .. ماهو ازرق
سيف يسكر الخزنه : صجيتي امي بهالتيفاني ..
انهارت مهره واضح توهقت : من جدك سيف .. يعني بداية السحاب صايره في ..
وسكتت وكانت بتطلع منها كلمه غلط .. وكملت بصرخه : مااايرقى ..
سيف مااات على اسلوبها .. مهره مع ربكتها من الموقف .. صايره تقط قطات .. عجيبه ..
مسك ضحكته:
وش اللي مايرقى ..
مهره بتبكي وتصيح : السحاب سيف .. الفستان منقسم نصين .. ومايبي يجتمع ..كلم جمان تجيب لي الثاني ..
سيف قرب من غرفة التبديل .. : انا اقفله لك ..
مهره بفزع : لا والله .. ماتجي ..
سيف : لاتحلفين .. بجي .. ماراح نخلص مهره انتي راعية طويله ..
دخل ومهره لصقت بظهرها في الجدار .. وبتحذير : سيف .. بليز خلينا نتصرف بشكل حضاري ..
رفع حاجب : بقفله .. يعني ماراح افتحه ..
مهره بعصبيه .. وتحذير : انا مايشوف ظهري الا اللي خلقه ..
سيف : الله أكبر .. ! ..
مهره جد وجهها شحب .. وبتوسل وبدت عيونها تغورق : خلاص سيف .. الفستان باين مو مقاسي .. وانا مالف ظهري لأحد .. لايتعكر جوي .. جب الثاني ..امانه سيف .. قدر موقفي ..
عقد حواجبه .. وهاله خوفها .. وارتياعها من الفكره .. .. وبهمس يهديها :
طيب اهدي .. مهره .. بقفل سحابك بس .. اذا ماتبين عادي .. اجيب لك جمان ولابلقيس ..
هزت راسها نفي بقووه : لاااا .. والله مايجون .. ماحب والله اعطي ظهري لاحد .. انا كذا نفسيه .. معقده .. مادري .. مادري شفيني .. بس مارضى صدق ..
قرب منها وهي تلصق زياده بالجدار .. وبتوسل : سيف .. لاتكسر بخاطري .. انا جربت الفستان اللي قبل وعرفت اقفله لحالي .. (رفعت ذرعانها لوجهها وكنها تحمي نفسها منه وغمضت عيونها بقوه) ..
سيف وخفقات قلبه .تتسارع ..ماهذا الخووف .. والهلع ..
مهره كانت تذكرني بالحدود بيني وبينها .. لكني لم اتوقع .. ان السبب .. هذا الحطام .. منظر مهره الآن كومة حطام لحرب طاحنه .. لم تبقي شي ولاتذر ..
ويهرول لي السؤال .
مالذي فعله عساف .. بهذه الروح المخضبه ..
كادت مهره تحفر الجدار .. لتختبئ خلفه .. وهي تردد برجفه :
لاتقرب سيف .. عشاني .. خلاص سيف .. اتركني .. اتركني ..
مسك ذرعانها بلطف .. وابعدهم عن وجهها..همس:
يابنت .. والله مايجييك شي انتي مو راضيه عنه .. قلت والله .. ماراح اشوف ظهرك .. بس بقفله ..
رفعت عيونها لعيونه ومتعلقه دمعه برمشها ..
رفع انامله .. ومسحها وابتسم:
انتبهي لدموعك لايسيل الكحل ..
هي حركت رموشها واخفضت عيونها ..
سيف مرر يدينه من تحت ذرعانها وداهم ورى ظهرها ..
ولوهله .. اقتربت من صدره .. بدون اعتراض .. وبدون لاحول ولاقوه ..
سيف جمع الفستان .. ويقفل السحاب ببطئ .
همس عند اذنها :قلت لك ماراح اشوف ..
رفعت عيونها الذباحه لسيف ..
وسيف وهو يقفل السحاب للنهايه :
وكنت واثق ان المقاس صح عليك ..
مهره حطت كفوفها على صدره تبي تبعده شوي ..
بس هو ماتحرك ..
كان يستشعر رجفة يدينها ..
وفي داخله ..( هي لي الآن .. هذه الروح المعذبه لي وحدي .. كيف ياربي .. امسح عمرا ً عاشته مع عساف .. وانسيها اياه .. )..
همس وهو يبتعد عنها ويطلع .. :
انتظرك ..

وقفت مهره قدام مرايا .. طويله .. انبهرت بشكلها الجميل .. بذاك الثوب الراقي ..
رتبته .. وطلعت له ..
اللتفت وابتسم بحنيه : يابنت ماحلاك .. طالعه اميره .
ابتسمت بخجل .. واخفضت عيونها : صدق ..؟!
نادها : تعالي ..
راحت عنده .. وجلسها ع الاريكه .. وجلس ع الطاوله المقابله .. تنهد وقال :
مهره ابوي ..ماله داعي خوفك .. انا سندك ..انسي ماضيك .. وانسي اي شي ازعجك وغثك ..
سحب كفها ومسكها :
انا مو نبي ولارسول .. ولا انا الخالي من العيوب .. وادري .. انك لو بتحبين .. مو حابه شخص مثلي متزوج كم مره .. والحرمه عنده شكل وصوره .. ومزاج .. انا خذتك مو لذا الدافع انتي الوحيده بعد نجود اللي ماخذتك عشان شهوه .. وحاجه .. ولا خذتك عشان احبك .. ولا مفتون فيك مثل ماخذت نجود .. انتي حاله مختلفه في عمري يامهره .. اقرب شعور مني لك .. شعوري بفارس .. ابي ادلعك .. ابي ابعد كل شر عنك .. ابي اشوفك مبسوطه وتضحكين .. ابي اكمل لك كل نقص بحياتك ..

مهره وكلماته تطبطب على روحها المريضه .. رفعت كفها الثانيه وحطتها على كفه .. :
آسفه .. ردة فعلي غبيه وغريبه مساع .. بس مو في يدي والله ..
سيف بحنيه : انا هنا يابوي .. الخوف ذا لايجيك وانا معك ..
ابتسمت .. ابتسامه صغيره ..:
احبك لاقلت ياابوي .. تذكرني باابوي ..
سيف وهو يرفع كفها .. اللي مانتبهت وهو يلبسها الخاتم قال:
اجل شوفي ياابوي .. عساه يعجبك ..
طالعت الدبله المميزه .. باستغراب .. وبدهشه: بسم الله .. والله ماحسيت .
سيف يحرك ابهامه .. على ظهر كفها وصبعها .. وابتسم :
انتي احسن اذا ماحسيتي ..
شهقت مهره : ايش قصدك ..
سحب علبه من جنبه .. فتحها : هدية زواجك ..
الطقم كان ناعم وفخم حيل ..
مهره باحراج: لاسيف كذا كثير والله .. جد جد .. انت تبالغ..
مارد عليها .. قفل العلبه .. وحطها بحضنها ..
وخذ العلبه الثانيه ..وقال قبل يفتحها : الطقم والخاتم .. كيفك فيهم .. لك ..حتى لو ترمينهم .. هذا لك .. بس اذا خلصتي منه .. جيبيه حطيه بالتجوري ..
مهره استغربت : وشوو ذا ..
فتح العلبه وبان تاج راقي .. تصميمه فريد .. همست بانبهار:
يجنن .. !
(سيف ماحب يقول لها اي تفاصيل عنه .. لان خاف ماتلبسه .. وتحس بالمسؤوليه .. )
فارفعه .. وقال : الصوره اللي ابيك الليوم عليها اميره .. والاميره بعرسها يلبسونها تاج ..
مهره ضمت كفوفها ..
وامتلت عيونها دموع ..
ياااربي اني استودعك قلبي .. من هذا الرجل .. ونطقه .. وتفاصيله ..
رفع التاج وحطه فوق راسها .. وبتهكم ومزح: حركات الانجليز .. ماناقصنا الا البابا يجي .. يبارك لنا .. ويعلنا عريس وعروسه..
ضحكت وهي تحس بثقل التاج :
واللهي متأثر ..

بالحديقه بره .. فارس واقف عند شاهين .. وماسك يد سيف الصغير .. اللي رافع راسه يطالعهم ومو فاهم الحوار ..
فارس بندم : والله ياخاالي طاح وجهي ..يعني هو لو طقني اهون ..
شاهين : ياخاالي .. مالك في القهاوي .. ماوراها الا جمعات خرا .. وتجرك لااشياء االله لايوريك ..
فارس : والله بس معسل .. هذا انت ونواف تعسلون طيب .. ..
شاهين : ابتلينا .. توك صغير لاتبلي عمرك .. بس افحمك ابوك جايك باسلوب دبلماسي ..
وضحك ..
فارس : وانا وش غابني.. هو بالعاده يكفخني .. واحس بالظليمه مهما سويت .. اللحين حاس ان قلبي عليه جبل ..
شاهين يعبث بشعر فارس :
سلامة قلبك ياخالك .. وسع صدرك .. ياعينه ..كلشي ولاضيقك ياولد الغاليه..
ابتسم فارس..
وسيف سحب كفه: فالس ابي ألوح ماما..
فارس :بتنزل اللحين مع ابوي .. هي .. مايصلح سيف ..نروح لهم ..
سيف بعصبيه : ابي ألوح لها .. بوي يتكها .. ألوح لها فالس .. ألوح ..
شاهين يضحك :
وش هادم اللذات ذا .. عز الله .. قضت ليلتك ياسيف ..
ضحك فارس : المفروض بينام معي الليله .. الله يستر لارميه مع الدريشه ..
شاهين : يلد ضبط ابوك .. شغله .. الله يشغل عدونا ..
صاح سيف : الوووح مااااااماااا ..
فارس : لاتفكره مثل بناتك .. ذا سلالة عساف .. كل اطباعه معفنه .. مثله ..
شاهين : يااوجه الله ..
سيف يسحب فارس .. فقال : بروح معه .. يشوف امه .. وننزل نمشي معكم ..
شاهين : على خير يابوي ..

ـــ فــارس دخل جناح ابوه .. وراح طق الباب .. سيف : هلاا ..؟!
فارس : عيالكم ..
ضحك سيف : حياكم يبه ..
دخل فارس .. وسيف ..
وطاحت عيونهم على مهره واقفه .. بشكل ساحر خلاب ..
فارس : واااووو ..
سيف انصدم وتغير لونه .. واول مره يشوف امه بهالصوره ..
مهره تمد يدها : تعال سيف .. حلووه ماما ..؟!
سيف تنح .. وكذا مذهول ..
فارس : شفيه تشنج ..
مهره : مستغرب علي المكياج واللبس ..اول مره يشوفني بهالصوره ..
سيف لصق برجول فارس .. وهو يقوول : حووفين ماااماا .. (تخوفين ماما ههههههههههههههههههههههههه هههههههههههههههههههه)
فارس وسيف انصدموا .. ومهره ماتت ضحك : يامعفن كل هالكشخه واخووف ..
سيف : ماعندك ذوق والله .. يقولون اللي مايعرف الصقر يشويه ..
مهره راحت قربت منه .. وهي تقول : سيفي .. شوفني ..حلووه ..
وراحت جلست نص ركبه عنده .. وبكياته توريه : شوف علي تاج نفس الملكه .. وفستاني حلوو..
سيف يفتح ويغمض .. .. ويطالع بوجهها .. ومد يده بتردد .. يلمس شعرها ..بعدين حلقها .. قال بانبهار : مااامااا .. انتي فوزون ..
سيف : وش ذااا ..
مهره تخاطب ولدها بابتسامه حلوه: مين احلى .. انا ولا فروزن ياسيف ..
ضحك فارس : ورب الكعبه تحطين فروزن بجيبك ..
رفعت مهره راسها له : بالله فارس .. لاتخلي الريشه تطلع ..
فارس : طلعيها .. في ذمتي .. انك مزيونه .. ماعندك اخت صغيره .. احجزها ..
سيف كان يشخص : فارس خف لا خلي حرمتي تتغشى منك ..
فارس : خييير خير .. الشرع يقوول حرمة الابوو ماتتغشى من عيال زوجها .. كان خليت نوف وهيا يتغشون .. مهره انا شايفها قبلك ..
ضحكت : اي والله .. ذا ورعي اللحين .. ولدي .. غش حريمك انا ماتغشى عنه ..
طالعهم سيف بنص عيون :
والله كملت .. والكامل وجهه ..
فارس شاف البشت .. توسعت عيونه وبتعجب : لااااااا.. له له .. بتلبسه .. ؟!!
شاله سيف .. وافتحه وفرده على كتوفه.. واللتفت يرتبه ..
طبعا ً مهره وفارس .. اثنينهم عيونهم تلمع .. ومتخرفنين على سيف ورزته ..
فارس بانفعال: في ذمتي انك امير ..
سيف طالع مهره ببتسامه فتاكه : اخليه ولا اشيله ..
مهره احمرت ..
واللحظه فريده .. لم ترتدي الابيض مع عساف .. ولاهو لبس بشت ..
همست .. بخجل : خليه .. احنا قايلين بنصور وانت لابسه ..
فارس رفع حاجب .. : والله بتجيكم الساحره اللحين وبوفارس .. ويمحطونكم اثنينكم ..
ضحكت مهره :
لايحووشك ..


******



كانت ليله خياليه صالة المزرعه زينت بشكل راقي بالورد والطاولات والضايفات والشمعادانات.. الجميع اعجب بمهره .. وباركو الزواج..
بنات العايله .. كانوا يتحاورون :راح عليك يالجين .. يوم عزم على زواج صدقي .. خذ حرمة عساف ..
لجين منقهره .. وتطالع مهره: عاد وش لقى فيها .. ارمله وعليها ولد ..ويقولون عايشه بمزرعه مع جدتها ..
اروى تقهرها : عيونها تكفي يابنت خالتي ... البنت جميله ..
لجين : انتوا لو تشوفون سنجاب يمشي قلتوا جميل ..
شيخه :الله يالقهر عامل عمايله فيك ..مااشااء الله .. شوفيها وشوفي اختها زينه .. مزز ..

مهره كانت يم زينه .. وماسكه البكيه : ماترد زينه .. حتى مشعل مايرد .. ماراح تجي ..
زينه ..:
طيب واذا ماجات تضيقين صدرك كذا .. ابتسمي .. والله اللي يشوفك بيقول غاصبينها ..
مهره بعصبيه : ياشيخه في اللعنه.. ابي سندس .. جيبوو سندس ..
ومن ركن من الصاله الكبيره ..
طلت غنى ..!!!

تلك الصغيره تشبه مهره اكثر من امها .. لونها كالعسل .. وعيونها الواسعه ملفته ..
في الرابعه من عمرها ..
مزينه بفستان جعلها كالدمى ..
وبين يديها باقة ورد هائله .. تحملها بصعوبه ..

مهره .. وعيونها اللي كانت تدور وتبحث عن زول سندس ..
وقعت على غنى ..
شهقت وخلاص لمعت عيونها .. واغرقت دموع وهي تشوف سندس وراها .. بكامل اناقتها وزينتها ..
ومعهم جمان .. والواضح انها هي اللي استقبلتها ..
مهره راحت بسرعه لاختها وباللهفه ضمتها بقووووه .. : ياااحيووووووانه .. وربي قلت ماراح تجين ..
سندس تضمها بدورها : وانا اقدر فيتس يالنزغه ..
مهره تعقد ذرعانها .. ورى رقبة سندس وخلاص بتبكي : احبك سندس .. امووووت فيك .. لاتزعلين مني ثاني .. اماااانه ..
سندس وتبي تمسك دموعها :
طالعه تجنين ياعين اختك .. انا افدااا عيونتس..
*******
*فارس .. يصور ابوه .. وذاك مايدري .. ومبسوط حيل .. على ابتسامته .. جا قعد جنبه .. ورفع الجوال :
سيلفي يابوفارس ..
عطى سيف نظره مع فارس وخذ صوره وراح بااس خشمه :
يابعد روحي انت ..
سيف سرح بوجه فارس .. وهو يكتب تعليق على الصوره..
وتوه بيقوم الا مسك يده ورجعه جنبه ..
فارس باستغراب : وش .. يبه ..؟!
سيف :
اللحين انت مبسوط صدق .. ولا بس تسوي كذا عشاني ..
فارس رفع حاجب : وش ذا السؤال .. ؟!
سيف رجع على ورى ويحرك سبحته :
يعني انا اتزوج واخلص اموري بعيد عنك .. هالمره مختلف .. والله يافارس،شايل هم خاطرك ..
فارس .. ابتسم : والله .. والله ورب الكعبه .. ان فرحتي بذا الليوم ماتشيلها جبال ..
سيف : اكيد ياعين ابوك ؟!
فارس :اكيدين يابعدهم ..
.....
سيف الصغير ملبسينه ثوب ولاصق عند جده .. اللي حيل سعيد بهالمناسبه .. وكان يكلم نواف :
ماناقصنا الا وجودك يبه ..الفال لك ..
نواف :
افرح يبه بسيف .. انا باقي .. في اشيا كثير ببالي .. لاحق ع العرس ..
ضحك :
انت تعال .. وامصع اذانك واعرسك ..
ضحك نواف: انت لو امرت بقوول تم .. بس عارفك ماتغصبني ...
ابوه بحنيه : الله يمد لي في العمر .. واشوف ربي عطاك حتى ارضاك .. مثل ماانت راضيني يايبه ..
نواف :جعل عمرك طوويل يابعد راسي..

*شاهين بالجوال : اكيد مت عليها .. عندك اعتراض ..
غاده بقهر : اللحين تحبني .. وتغازل فيها ..
شاهين ببرود : انتي سئلتيني .. اذا حلووه جمان الليله ولا .. تبين اكذب عليك .. واقول لا .. جمان جمالها ماحد ينكره ياغاده .. واذا ماشفتيها شفتي بناتي .. تراه يشبهونها..
غاده : ودامك ميت عليها لذي الدرجه .. حق ايش متعلق فيني الى الان ..
شاهين بهدوء : لاني احبك .. انتي .. حتى لو جمان احلى منك ..
غاده بغضب : ايش جوك شاهين .. خير احلى مني .. يعني انا شينه ..
ضحك : والله ماقلت كذا .. حلووه .. بس امزح معك .. ابي نتلاقى .. متى تقدرين ..
غاده تفكر : نشوف بكره ..او بعده .. في نفس الكوفي ..
شاهين : اوك .. ماشي .. انتبهي لنفسك ..
وقفل .. وشرد في نقطه .. وكان واقف عند سيارته ويدخن ..
(مايكذب .. جمان اجمل من غاده بمراحل .. بس القلب ينبض لغاده .. غاده اللي عجز منها يتزوجها .. رافضه الفكره .. لمن يطلق جمان .. وهالشي مستحيل .. رغم جفا جمان .. وبعدها عنه ومعرفتها بمكالماته وحبه لغاده .. الا ان مب عارف يفرط فيها .. يمكن لانها ام بيان وديم .. يمكن .. !!!!!
يجي له شي يقول .. بيعيشون .. وماراح ينقصهم شي .. بس عجز يخطي خطوة طلاق .. مايتخيل .. ينفصل عن جمان .. مايحبها .. بس يمكن تعود عليها .. يمكن ..! )
....
سيف الصغير .. وبس شاااف مشعل يدخل .. ترك جده .. وركض عنده بانتماااء عجيب .. ضحك مشعل وهو يشيله :
هلا بك يبه ..
سيف يبوس خشمه .. ويقلد كلام مشعل الشمالي :
وحستني ملي ..
ضحك مشعل : ياااابعد حيي..
راح مشعل يسلم على رجال وهو شايله ..
سعود ببشاشه:
واضح ان ولدنا متعلقن فيك يامشعل ..
مشعل بابتسامه:
ولدي ذا فديت روحه ..
سيف يسلم على مشعل .. ويشوف سيف كيف ضام رقبة :
والله تعرف من تتعلق به .. اوريك يالنتفه ..
سيف ضام مشعل ولارد على سيف ..
فارس : واضح يبه ان سيف حاقدن عليك ..
مشعل : بالله .. ليش ..؟!
سيف بنص عيون لسيف الصغير : انزل خنقت الرجال ..
سيف يتشبك في مشعل وعقد حجاجه : ماااابي ..
......
هيا عند الشاطئ .. تحدق في البحر .. المظلم .. والنجووم المنتشره في السما .. وضامه نفسها بذرعانها ..
*احببته حقا ً .. لكني كنت اطرد وراء سراب .. اتخيل كيف لقاءي الأول به ..
كنت في قسم العلاقات العامه .. في عملي ..وكان سيف عميل .. جاي بشكوى .. اذكر ورغم جرئتي وانطلاقي .. تلعثمت امام .. اسلوبه وهيبته .. وافحمني في شكوته ضد الشركه .. وكان هادئ .. رغم حدته ..وفي ذاك الليوم وقعت في ذاك الرجل ..*

قاطعتها لولوه من افكارها : وين وصلتي ..
تنهدت : الليوم زواجه .. يالولوه ..مادري متضايقه شوي..
لولوه : المفروض مايضايقك هالشي .. خله يدقر نوف مثل مادقرك ..
هيا ضحكت بمرار: لولوه .. كل مره اقابل سيف افكر .. انه قرب مني .. والواقع ابتعد اكثر .. وش ذنبي اذا انا رضيت فيه مسيار ..
لولوه : الواقع هيا .. انتي بعد وفاة محمد قمتي تتخبطين .. وحتى الفرص اللي جاتك اللي شايب .. واللي برقبته عيال .. سيف كان بعمرك .. وانتي اصلاً ميته عليه وقاضيه ..
هيا رفعت راسها تداري دموعها :
ليتني مارضيت .. ليتني اقنعته بزواج عدل مو المسخره اللي صارت ..
لولوه : هياااا اقنعتيه ومارضى ..الحياه قدامك .. اطلقي .. ولاتضلين معلقه كذا ..
تنهدت :
مادري .. لولوه .. سيف مو الشخص اللي تعيشين معه ..وتقدرين تتركينه بسهوله ..
لولوه : يابنتي .. على ايش .. من الاحتواء .. ولا الحب اللي هاريك فيه .. انسان اناني توقف عنده الزمن على نقطه .. والله لو زوجته اللي توفت .. من الحور العين ..
هيا: مادري ياخيتي .. الدنيا مع سيف بتاخذني على وين .. ؟!
*****
نوف .. بيدها الجوال .. وفيه صورة لسيف وهو مقفي والبشت على كتوفه .. ويده اللي تزينها سبحه .. مرفوعه عند عقاله ..
ومكتوب بيت
‏يسعد مساك وحقق الله امانيك
‏يانبض قلبي ياغلاه ورصيده
‏
‏كانت اول صورة في سناب فارس .. قبضت على الجوال .. بغضب وغيض .. وهي تشوف باقي الصور ..
سيف طالع يجنن .. امير .. لبس البشت على اكتافه .. وهو اللي كان يقوول آخر عهده فيه بعرسه على نجود ..
من تكوون هذي عشان لبسه عشانها ..
يقوول ارملة اخووه ..
وحد يحتفي كذا على زواجه من ارملة اخوه ..!!
بكت بقهر .. ولامت نفسها .. كان من شروط سيف .. الزواج بهالطريقه .. وانها مالها دخل بحياته .. لو تزوج بعدها هو حر .. لو طلق هو حر .. كانت تبي تتزوج وبس .. وكان سيف بحجمه المادي .. وحجم وسامته .. كفيلين بقض البصر .. !
بس تعلقت فيه وكبر في قلبها .. ولعنت حظها .. وياشينه حظ ..
........
شاهين .. في السياره .. راجعين من الحفل .. جمان جنبه ..وبناته والشغاله ورى ..
من شوي وآخر مابقى في المجلس عمه سعود وسيف وفارس .. وهو ..
جات جمان عشان تبارك لابوها قبل تمشي ..
*تعلقتها عيني .. حتى كدت افترسها .. كانت بثوب عنابي قاتم يميل للسواد جعل من لونها وبشرتها .. شيء يثير جنوني .. ويحولني الا فتات ..
جميله جمان بحجم تخبطاتي ..
جميله جمان بحجم المسافه اللتي لااستطيع تخطاها ..
تكبلني عن المضي او التراجع ..
قويه ولعينه .. عاشقه لي امام الجميع .. نافره مني وحدنا .. لاتتركني اعيش باسلام .. ولا تأخذني زوجها بالرحمه والموده اللتي عشناها ..
لما لاتقدر سنينا ..
وتقدر ان لايدا لي في ذاك الحب ..لما لاتقدر اني لااتركها رغم عشقي لغاده ..
اللتي لااطالها والسبب وجودها في حياتي ..
مازالت رائحتها تلتصق بي .. وقد دخلت المجلس .. وسلمت على عمي وسيف .. واختارت المكان جانبي .. لتلتصق بي بدلال :
عاد يبه لاتبالغ .. مافيه حلوين مثلي انا وشاهين ..
ضمت ذراعي .. وبغنج هتكني هناك :
ولا شاهين ..؟!
سقطت عيناي .. في سحرها الشائك .. ولاتفصلني عنها الا سانتي مترات .. وانا اقول :
ماحد مثلنا ياعمي .. ولا يوصل مواصلينا .. في هالدنيا أحد ..
صفر فااارس باصااابعه : يالبيييييييييييه ... !

افاق من شروده .. على اغنية ابتدت من جواله الموصول بمسجلة السياره :
(ماااامل قلبك من زعلنا .. لين الحين .. بنمووت واحنا ماعرفنا السعاده ..
حرام يعني بالرضا نعيش يومين ..ولا انت شاطر بالزعل والنكااده)
مد يده بيطوول .. وكانت اصابعها سباقه قصرتها .. بس وخر يدها وطولها ..
وكانت الاغنية تعزف على الوتر الحساس ..
شاهين قلبه محروق .. مشتاااق لها .. وهي صدودها شاهق .. وجبار ..
كانت تسمع الاغنيه .. وداخلها يذوب .. لكن ..!
خارجها كتله جليد .. حتى رمشها لم يرف ..

وصلوا البيت ..
وكانت في غرفة البنات مع لونا .. تبدل لبناتها وتلبسهم بجامات ..
بيان :ماما .. خاله مهره تجنن .. كذا عليها تاج .. نفس الملكه ..
جمان : يعني انا مو ملكه ..؟!
ديم تضم امها .. اللي كانت ترفع سروالها وتلبسها اياه :
الا ماما انتي .. ملكه واميره وحلوه ..
باستها : ياعمري .. ياديم ..
بيان : ماما ليش فارس ماعنده ام .. وليش خالي سيف تزوج .. انتوا تقولون عمتي نجود .. اللي بالصوره هي زوجته ..
جمان: عمتك نجود .. مو موجوده اللحين راحت عند الله .. خالك سيف .. مايصلح يظل لحاله .. عشان كذا تزوجها ..
بيان : ماما .. يعني اذا اختفيتي انتي .. بابا .. يتزوج .. عشان مايظل لحاله ..
شاهين كان واقف قريب من الغرفه ..
ومجرد الحوار اشعره ببرودة القبور..
وجمان تقول : ليش لا .. الحياه كذا .. يابنتي ..
ديم تمسكت في امها بقوه وباسلوب عصبي دفاااعي :
لاااا بيان .. ماما .. حقنا .. بابا حقنا .. مابي .. مابي بيان .. ماما .. ماتروحين مكان .. ديم تبكي انتي تختفين .. والله ديم تبكي واجد ..

جمان وكفوف ديم تعتصرها ألم .. ابتسمت بحنيه :
انا هنا .. امي .. مارحت مكان ..
بيان وهي شايله بجامتها .. ولونا تعلق الفستان .. :
طيب وخري خلي ماما تلبسني ..
ديم متعلقه برقبة امها وبعدوانيه : انتي تقولين بابا يتزوج .. انتي شريره بيان ماحبك ..
ضحكت جمان : خلاص ديم .. يا امي وش فيك فصلتي ..
راح شاهين الغرفه ..
جلس على طرف السرير .. واخفى وجهه بكفوفه .. وضغط على جبينه ..واطلق تنهيده حاااره ..
بعد شوي .. دخلت .. توجهت للتسريحه وهي تشيل الحلق : مانمت .. ؟!
حدق فيها ..والله لو اني حجر .. لو انها معي وهي موعلى ذمتي .. انا كان حتى الحرام سويته ..
ياناس جمان .. وزوجتي .. يتسكر علينا باب .. انفاسنا تجمعها غرفه .. انا على السرير وهي على الكنبه ..
لسناا راهبين .. احيان يخرج الشيطان بداخلي .. وتتملكني تلك النافره مني .. فاطحنها بين ضلوعي.. واخذها من عنادها عنووه ..
تتحاشى ثوراتي .. لكن .. !
انا لا استطيع كبح نفسي .. وشغفي بها ..
جمان وتشعر ان عينا شاهين يحرقان عنقها وظهرها .. وهو ساكت ..
راحت بسرعه تفسخ الطقم .. عشان تروح تبدل بسرعه وتستر نفسها عن عيونه ..
بس ولسوء الحظ .. شبك مفتاح العقد في شعرها .. وتحاول تفكه ..
وخلاص توها بتسحبه بقوه مستغنيه عن خصلتها العالقه .. الا مسك معصمها .. : اتركيه ..
جمان : خلاص ابعد انا اشيله ..
شاهين يفك العقد من خصلتها.. وانامله تلامس عنقها .. اللذي والله نقطة ضعفه وجنونه ..
جمان تكهربت .. وكل عرق فيها يرجف .. آخر عهدهم في بعض من شهور .. ومن زمان وهي مسويه على نفسها درع من البعد .. والبعد .. تحاول تدخل الغرفه اذا نام .. وتصحى قبل يصحى ..
وجودهم في نفس الغرفه عشان بناتهم .. وصورة العائله الجميله اللي مايبونها تهتز قدام احد واولهم بيان وديم ..
فك العقد .. ومسك عنقها .. وقرب همس عند اذنها:
‏انا والله اني من وصالك لحقني جوع
‏تمناك قلبي منوه الماء على.. الضامي

حاولت تبعد .. بس اصابعه قبضت على مقدمة رقبتها وسحبها لصدره .. :
ابيك جمان والله ابيك ..
جمان بعصبيه : وانااا مابيك .. فكني ..لاتخرب علي هاليله شاهين ..
ولم تشعر الا بفمه على عنقها .. بل احست ان اسنانه ستدميها ..
جمان ولم تغفل في السياره .. عن اتصال غاده .. وكيف عطاها مشغول لانهم موجودين ..
كيف يكلمها ويجيني ..
كيف يغازلها .. واعطيه اللي يبي ..
عرفت تبعد وواجهته وبصياح :
خلاص شاهين .. ماعندي لك شي .. ياخي اتركني مابيك .. وانت من الاساس ماتبيني .. مسئلة انك تحب وحده هناك .. وتجيني بس عشان حاجتك .. تخليني احتقر نفسي .. ياخي احسني بنت ليل .. اكرمني وخلني في حالي ..

شاهين صاح في وجهها :
لااااتقولين عن نفسك كذا .. والله اذبحك .. اذبحك جمان .. هاللفظ لاتكررينه .. تراه يوجع ..
ضحكت بقهر ودموع :
يوووجع .!!!!.. . اجل وش اللي يسويه فيني ..تبي غااااده اتزوجها وفكني .. انت ماتقدر عليها هي .. وتجي الظاهر تشوفها فيني ..

انصدم شاااهين .. من كلامها .. ولااااعمره .. ولا في ثانيه شاف غاده فيها .. لاجاها يجي متشفق عليها هي .. مشتاق لها هي .. جمان حاده .. وتجرح نفسها قبل تطعنه هوو..
قرب منها .. : والله .. ولاعمري شفت فيك غيرك .. جمان انتي في قلبي والله ..
جمان تبعد لمن صقعت في الجدار :
القلب مايشيل ثنتين .. انت تحبها هي ولاتنكر ..
صاح في وجهها :
شسوووي .. شيليها من خاطري .. ابعديها عن مخي .. عالجيني منها .. غاده شي نمى مع قلبي الصغير وكبر .. مابي اكذب عليك .. واخدعك .. انا مو قادر اتخلص منها .. واشيلها من خاطري ..

صاحت : لاتتعالج منها ولاتشيلها .. ولا لي مكان عندك ولا في خاطرك .. اذا هي مو هاين عليها نفسها وماتبي تتزوجك وانا على ذمتك .. تبيني انا اسمح لنفسي .. ياخي على قد ماحبيتك .. كارهتك .. الله يلعن ساعة اجمعتني فيك .. رووح لغاده خل تحرك فيك مثل ماتبي .. تخلت .. وارجعت .. لقيتها .. وبمزاجها ارجعت لك .. على الرجوله السلاام والله ..

عقد حواجبه : ايش .. ايش قلتي ..؟!
راحت مشت ناحيته عشان تروح غرفة التبديل .. ووقفت قدامه بتحدي : قلت على الرجوله السلااام ياااولد عمي ..
وتوها بتروح .. الا مسك ذراعها .. وسحبها بقووه : جمان اسحبي كلمتك ..
رفعت حاجب : ماقلت شي غلط عشان اسحبه ..
بغضب : جماااان لاتطلعين جنوني .. اسحبي كلمتك لا اكفر فيك ..
حاولت تسحب يدها ..: ابعد عني .. تأخرت على ديم تبيني احكي لها قصه .
مسك كتوفها ..وحفرهم باصابعه : يلعنك ويلعن ديم .. اسحبي كلمتك ..
صاحت : خلاص اتركني اوجعتني ..
بتحذير وغضب : جماااااان ..؟!!!!
رفعت عيونها لعيونه .. وبتحدي ومن بين اسنانها :
ايووه ما انت رجال .. وبنت هالكلاب لاعبه فيك .. وش تبي تسوي .. بطلقني .. ابرك الساعات ..

*وفتحت على نفسي بوابة الجحيم .. واتى ذاك الثائر بكل سخطه .. وجنونه ..
وفتك بي .. افترسني بغضبه وعشقه .. بشوقه وبعده ..
بكيت بانهيار .وانا احاول الافلات .. من قبلاته ويديه... ياربي اني اعشق شاهين فانزعه من قلبي .. بقدرتك ياأرحم الراحمين .. !
.....
مهره تطل من شلخ الباب .. وتطالع بلقيس .. في الصاله الفوقيه مع شيخه واروى ..

سيف بعد مابدل جا في غرفة الجلوس في جناحه .. وشافها كيف تطل ..
ابتسم وقال :
تراه مطولين .. ماينامون اللحين ..
رجعت وسكرت الباب .. وقالت : طيب هم كانوا بيبيتون بالمزرعه .. وش جابهم ..
سيف جلس : بلقيس .. لزمت عليهم .. هي صداقه مع بنات حليمه .. ..
مهره محتاسه .. وكانت بدلت لابسه قميص قطني قصير كيوت : طيب سيف يمكن يلعوز فارس .. كلم بلقيس .. قل لها فضو الجلسه وكذا .. ترى دايخه ابي انام ..
سيف راح جلس على اريكه واسعه .. : سيف نايم .. تو مقفل من فارس ..ماله داعي تتقروشين عشانه..
قال كذا وفتح الايباد ..
مهره الجوال بيدها .. رن .. طالعت الشاشه .. ضحكت بسخريه .. وقهر ..
عقد حواجبه .. وهو يراقبها..وهي تكلم الشاشه ..بقهر قبل تفتح الاتصال : بدري يانوير .. والله بدري ..
سيف باستغراب : مين نوير ؟! ..
اشرت يعني لاتتكلم .. وتنحنحت .. وردت .. وباسلوب ناعس: اهلين ماما ..
امها: يووه حبيبتي ازعجتك .. قفلت من زينه وقالت ان توك راجعه البيت ..
مهره ومتعمده تحرجها:عادي .. على فراغتك ..اترك سيف شوي واتفضى لك .. كم ماما عندي ..
سيف رفع حااجب .. ومهره تشطح .. وتحسس امها انها في جوو معه وهي قاطعتهم ..
مهره : آمريني ..ليه متصله ..
نوير: بغيت ابارك لك .. واعتذر منك ودي جيت والله ..بس مسافره مع عمك منصور .. عندنا شغل ..
سيف راقب رجلها كيف تهزها بتوتر : يبارك فيك .. عادي يعني .. مو متوقعه حضورك .. عارفتك بزنس ..
نوير :بنت لااتتكلمين كذا .. الله يعلم ودي جيت .. بس صعبه ..
مهره بعصبيه .. ومحاوله تتماسك نفسها : طيب ماما .. خليك مع منصور .. سيف معي ذا اللحين ..
نوير : الله يسعدك ياماما .. انتبهي لحالك .. بكره احاكيك ..
قفلت مهره قبل تقوول شي ..
ومسكت الجوال بقوه ويدها ترتجف ...
سيف بخفوت وتسائل: مهره ..؟!
ردت بعصبيه:
كيف تقطع اشغالها واعمالها .. ومنصور افندي .. وتجي تحضر مناسبه تخصنا .. ابي العن واسب .. بس اخاف يكتبني ربي عاقه ..

قامت تروح وتجي في المكان : انا ماكنت بقوول لها تجي .. بس طينة الجنه زينه اصرت تقوول ..كأن بتقطع نفسها وتجي .. الله يرحمك ياابوي .. ويعوضك في الجنه ..

سيف يلاحظ ارتجافتها .. وغضبها .. وشفايفها اللي ترجف .. (والواضح مهره كانت تتمنى وجود امها .. حتى لو انكرت ..)
مد يده : مهره اجلسي ..
وقفت وضغطت راسها بكفوفها .. وعيونها تقاوم الدموع :
مابيها .. مابيها ليش دقت ..
همس: طيب تعالي عندي .. اهدي ..
تقدمت ناحيته ومسكت يده الممدوده .. وجلسها جنبه ظلت رجلها تهتز وتعض ابهامها .. وهي ترجف ..
سيف يناظرها .. وهي شارده ومتوتره .. همس : كنتي تبينها تجي .. صح ..؟!
هزت راسها نفي .. وهي تعض شفتها ..
ابتسم .. وبخفوت :
شحليلك وانتي تقولين لها مااما .. يابنت ايش هالدلع..
مهره خلاص ماتحملت .. امتلت عيونها دموع ونزلت على خدودها .. مسحتهم وهي تقول : شسوي .. هي راحت .. وانا باقي نتفه اقوول مااما .. ماتعودت اناديها .. ولاكبر اسمها .. ظل عالق .. كذا .. ماتطور ..
خذ راسها على صدره .. ومهره اللي خبت وجهها بكفوفها .. ونزلت دموعها بصمت .. غريب ..
(لما صوت امها يحرك وجع كامن في صدرها .. صوت امها يذكرها باقدمها اللتي رفعتها عن لغم الوداع ..وفجرت فيهم الوحده .. صوت امها يذكرها بخذلان غازي .. وخيبته .. آااه يا ابي .. ليتك لم ترفع سقف التوقعات .. )
همس لها : تحبك .. مهما كان .. تبقون بناتها يامهره ..
مهره وسانده نفسها على صدره .. ماردت لابالايجاب ولا النفي ..
سيف ظل يحوطها بذراعه ويداعب خصلاتها .. ومهره ساكته وشارده .. بعدين تكلمت بخفوت ودمعه عالقه بزاوية عينها :اذكر مره بحصة التعبير ..
طلبت منا المعلمه كتابة تعبير عن الأم .. بمناسبة يوم الام .. اتذكر شكلي وانا مب عارفه شكتب .. ارفع راسي والبنات مندمجات ويكتبون .. وانا علق مخي .. مو طالع معي شي .. ذاك الليوم .. ابي استحضر وجهها على الأقل .. تصدق بالله نسيته .. مو عارفه اتخيل ملامحها .. ابي موقف يجمعني فيها .. كلشي تبخر .. تذكرتها واهي تسميني ياعسل امك .. قمت كتبت (انا عسل امي .. ) . وتنحت مره ثانيه .. طيب هي وش لي انا .. كتبت (تركتني امي ) .وشخطت عليها ومسحتها.ورحت اكتب مقتطفات .. وجمل .. وامسح .. صفحتي .. صارت كلها جمل مطموسه ..
يوم يئست .. قلت للاستاذه .. وانا خانقتني العبره .. عادي ابله اكتب عن جديده .. ؟! ..

الابله ابتسمت بحنيه .. والله اعلم فكرت ان امي ميته.. راحت قالت ماعليه حبيبتي .. اكتبي .. تصدق .. عبيت ثلاث صفحات ..
سيف وهو يحرك خصلاتها :
العوض من الله .. يوم امك تركت .. الله عوضكم بجدتكم ..
مهره وهي تستكن مع لمساته .. ومرتاحه لقربه اسبلت عيونها: جعل عمرها طويل ..

*عدلت من وضع راسي لاستمع لنبضه اكثر .. كنت متعبه .. من الليوم بطوله واحداثه ..رائحة العطر والسجائر تدقدق انفي .. وتخدر اطرافي .. كنت بحاجه لحضن سيف .. ولم اقاوم .. رغبتي .. مجرد حضن .. في النهايه هو زوجي .. ليكن لي نصيب .. من طبطبته .. ليست جريمه .. ! *
سيف تركها بحضنه .. كل مايحتاجه في علاقتهم .. الأريحيه هذي .. مايبي اكثر ..هدت مهره كثير .. لاحظت الايباد على الطاوله .. والمفتوح على صفحه انجليزيه .. فيها صور مخطوطات .. باوراق عتيقه ..
تسائلت بدون ترفع راسها : ايش تشوف ..؟!
سحب الايباد ..ومسكه باليديتين ومهره صارت في محيط ذرعانه :
موقع كريستي ..
تسائلت : وشو طيب .. ايش هالصور .. اثار ..
سيف يحرك الشاشه بصبعه .. وفتح على صفحه فيها لوحات .. قال :
ذا مزاد .. محله الاساسي في لندن.. بس يقام بعدة دول .. يبيع اثار واشياء نادره ..
مهره تكبر لوحه باصبعها.. : شايفه اللوحه هذي من قبل ..اوشي يشبها معروفه يعني ؟!
سيف : لوحة بابلو بيكاسو .. اسمها هيئه .. تعتبر اغلى لوحه في الفن السريالي...
مهره تحدق في اللوحه :
طيب شكلها بشع .. كيف تكون اغلى لوحه ..
سيف هز كتفه :
البشعه هذي .. تدرين آخر بيعه لها بكم ..؟
مهره رفعت راسها له : بكم يعني ..؟!
سيف: فوق الحدعش مليون دولار .. قريبه للثنعش مليون .. عاد اضربي الرقم بظ£.ظ§ظ¥ هلله وطلعيها بريال ..
توسعت عيونها وهي تطالع وجهه .. : هذي ..؟!
ابتسم : ايه هذي ..
مهره باستخفاف : والله حتى لو انها بريال ماخذتها ..
ضحك:شعرفك انتي ..؟!
مهره تحرك الشاشه وتتفرج : يعني بعلق الوجه الودر هذا بغرفتي .. والله اتحلم بالليل .. انت لو تحصل لك .. علقتها ..؟!
سيف : والله الى الان ماوصلت مواصيل اني اقدر اشتري لوحات بيكاسو .. لو سعرها انزل ممكن اشتريها .. ومو بس اعلقها بغرفتي .. اسدحها معي في السرير ..
مهره : لذي الدرجه تحب الرسم .. انا سمعت ان جمان رسامه ..
سيف : لا مارسم .. انا متذوق للفن .. وبعدين مو اي رسم .. تهمني الاشياء القديمه .. شغلي في هالمجال ..
مهره : كيف .. وش شغلك بالضبط .. وربي مافهمت ..
سيف يوريها في الايباد : اشتري قطع من مزادات .. لوحات .. مجوهرات .. تحف من عصور قديمه .. وعندي معرض في لندن .. يضم الشغلات هذي .. بعضها ممكن ابيعها .. من خلال معرضي .. واتعامل مع المشتري مباشر .. وبعضها ادخلها مزادات ..واكسب فرق السعر في البيعه الثانيه ..

مهره بتسائل : طيب هو العميل ورى ماخذها من المزاد .. مباشر ..ليش يزيدها على نفسوه ..
سيف : التعامل في الشغلات هذي حق كبار .. السوق مايدخله الا اصحاب الملايين والمليارات .. ماتهمهم الفوراقات في كل بيعه .. مثلا ًعندي زباين بره لندن .. يوجهوني للمزاد .. ويوكلوني بالشراء .. والمعامله تتم عن طريقي .. واطلعها من عندي بفاوتير المحل .. وبالسعر اللي انا اطلبه ..
عقدت حواجبها : وليه ماخذها هو طيب ..!
ابتسم بغموض :
بعضهم اسماءهم مايبون يطلعونها .. ولاوجوهم ..ممكن يبي القطعه لغرض غسيل اموال ..وعاد بعض القطع تدخل في السوق السودا للاثار .. يعني يكون في اسباب ..
عقدت حواجبها :
وانت طيب .. مافي خطر عليك ..من انك تبيعها بهالسبل ..
هز كتفه : لا .. انا المعرض تبعي مصرح من الحكومه البريطانيه .. وعندي تصاريح من وزارة الاثار .. وشهادات من اقوى متاحف اوروبا .. السلعه تخرج من محلي عدله .. غير مدلسه ومافيها تزوير .. المشتري .. ينهي القطعه من عندي باستلامه ...
مهره مو مستوعبه كلشي ..: احس شغله غريبه .. يعني لو تحول محلك متحف افضل .. واضمن ..
سيف : اشارك في بعض القطع في متاحف .. واخذ اجار القطعه.. بس انا لو بحول المكان لعرض فقط.. ماراح تجيني الارباح اللي ابيها .. انا يهمني كم ..ومن ضمن شغلي في جهه ثانيه عندي من المعرض .. ورشه للقطع هذي ..
تسائلت ..: ايش تسوي فيها بالضبط ..
ابتسم وهو يداعب خدها بابهامه : تنظيف وترميم .. القطع الاثريه .وصيانتها... على ايدي متخصصين .. والجزء ذا يمكن اهم عندي من المعرض نفسه .. لأن المعرض تحول تقريبا ً.. لبيع مجوهرات حديثه وقديمة..!!

مهره باهتمام : يعني انا لو عندي لوحه وابي انظفها .. اجيبها لورشتك ..
سيف وعيونه على ملامحها .. وتعابير فضولها .. ابتسم وقال :
حسب لوحتك وتاريخها .. الورشه مختصه للاثار .. يعني ماتجيبين لوحه انتي مخربطتها وتدخلينها الورشه ..تكون اللوحه اصليه .. عليها وثائق .. معتمده .. لان ترميمها وتنظيفها .. يكلف كثير ..
مهره عقدت حواجبها : سيف .. انت تتكلم عن شي كبير.. واصلاً الشغل حساس .. يعني لو دخلت قطعه بالورشه وانسرقت كيف .. ؟!
سيف : في نظام امني جامد على المحل .. مهره .. احنا مدعومين من وزارة الثقافه والاثار البريطانيه .. اصلا ً تجينا قطع من المتحف البريطاني احنا ننظفها ونرممها .. التعاقد ذا ينفعنا .. في حماية المعرض .. احنا نضبط ادارة المتحف باسعار اقل .. ونكسب حماية اقوى لشغلنا ..
توسعت عيونها : احسني مصدومه .. ماتوقعت ذا شغلك ..
سيف فتح صفحه فيه صورتين نفس الشي .. نفس البرواز ..
وقال: وش تشوفين ..
مهره : نفس اللوحه .. ايش الغريب فيها ..
سيف كبر الصوره ..: ترى اللوحتين جنب بعض .. مو مدخلين فوتشوب ..
دققت وشافت انهم فعلا ً معلقين على نفس الجدار ..
مهره : طيب ..؟! .. وش الغريب .. ممكن الرسام راسم ثنتين .. صح ..؟!
سيف : لاا .. هذي لوحه من لوحات فان غوخ .. وحده اصليه .. والثانيه مزوره ..
توسعت عيونها وهي تدقق : مستحييييييل ..
سيف : هذا وانتي تشوفينهم صوره بايباد .. انا،شفت الثنتين مع بعض .. استحاله تكون مزوره ..هذا من ضمن شغلنا .. تحليل عمر اللوحه .. اواي قطعه اثريه وموادها.. والتمييز بين الاصل والمزور .. مثلا ً هذي اليسار هي الاصل ..
مهره مو مستوعبه .. : بس كيف كيف .. تميزون ..
سيف : احيان نضطر ناخذ عينات بسيطه من اللوحه من الوانها .. وتحليلها في المختبر .. العمل صعب .. بس ماتتخيلين كيف ممتع ..

مهره ابتسمت : حمستني والله .. لهالامور ..
سيف :يجي يوم ان شاء الله اخذك .. المعرض وتشوفين .. وحتى الورشه ..
مهره : بس سيف انت ماتقتني الشغلات لك .. مثل المهوسين في تجميع الاثار .. واستعراضها ببيوتهم ..
سيف : والله يامهره .. الشغل في المجال ذا .. غصب يااخذك للعالم وحبه ..من قال ما اغتني .. انا ترى مهووس بالقطع ذي ..

تلفتت حولها .. : مافي شي معلق .. يدل انه قديم .. ولابس تحتفظ فيها بلندن ..
ابتسم بخفوت .. وهو يلقي نظره على تاجها ع الطاوله الوسطيه .. وباقي الطقم .. في العلبه المفتوحه ..

قال لها وهو يفتح الايباد : بوريك شي ..
حدقت في الايباد .. وفتح صفحه .. ولقت صورة التاج .. في موقع وثائقي للمجوهرات ..
عقدت حواجبها .. وهي تاخذ الايباد من يده .. وتقرى الكلام الانجليزي اللي مكتوب عن التاج ..وعيونها تتوسع بصدمه..رفعت عيونها ..(حفيدة امبراطور روسيا ) .. سيف رفع حواجبه ونزلهم ..
وراحت كملت .. بعدين صااااحت : اييييييشششششش ...؟!
ضحك سيف ..: وش فيك .. ؟!
مهره : ذا صدقي اللي عندي ولا مقلد عليه ..
سيف مستمتع بشكلها المذهول : هذا تاج سيسلي نفسها.. يوم اني اقولك حطيه بالتجوري .. وانتي راميته على الطاوله .. يابنت المهراجا ..
مهره مصدومه .. تحدق بالايباد .. والتاج ع الطاوله .. مسكت جبينها :
وانا شايله هالامر على راسي .. واروح واجي .. لو صاير فيه شي ..
سيف : حلالك يابعدهم .. فدا ..
مهره مب عارفه شتقول .. حست الوضع اوفر .. قالت : والله لو ادري مالبسته .. مسؤولية سيف .. من جدك .. والله ماله داعي .. وربي تبالغ ..
سيف بخفوت : عشان كذا ماقلت لك ..
مهره تعض شفتها ومحتاره من السؤال .. تشجعت وقالت : نوف وهيا .ونجود... لبستهم كذا ..؟!
سيف شغل زقاره ونفث دخانها وبصدق : لاااا .. نجود توفت قبل دخولي في هالمجال .. وقبل ادماني فيه .. لو لحقت كان لبستها.. نوف وهيا والله ماقصر معهم بشي بس الامور ذي بالنسبه لي معنويه .. اكثر منها ماديه ..خاصه المقتنيات اللي تخصني انا ..

قال كذا وشرد .. ومهره شردت في وجهه .. وتكتشف اكثر ان سيف شخصيه فريده من نوعها .. شخصية تجذبها للفضول .. والغوص في عالمه اكثر ..

اللتفت عليها فجأه .. وغمز بعينه ..ابتسم : وش فيك ..؟!
مهره بشرود : مادري ..
هزت راسها وتنهدت بعمق ..: والله مادري ..!
طفى سيجاره ودعاها لصدره ثاني : طيب تعالي عندي ..
ومهره .. بدون وعي وباستسلام .. عادت لصدره .. طوقته بذرعانها هالمره .. واكتفت بالانفراد مع نبضاته .. ولمساته الحانيه .. على شعرها ..


******
******
اتاني صووت ضربات الباب .. وديم تنادي : يلا ماما .. تعالي .. قولي لي قصه .. مامااا .. مامااا ..
تحركت بروح لها لكن شاهين كبل حركتي .. بقدمه وذراعيه .. وهو يكتم صوتي بصدره ..: ديم روحي نامي ..
ديم صاحت : ابي ماما .. تقولي قصه ..
شاهين بعصبيه : خلااااص ديم .. امك نايمه ..
همست بصوتي المتحشرج: شاهين .. خليني اروح لها ..
ضمني حتى كدت اسمع صوت اضلاعي تتكسر : والله ماتركك .. مشتااااق لك ..
همست بوجع : انت تحبها هي ماتحبني انا ..
رد علي بحشرجه واعرف انه غايب في اللحظه: ماااااحب غيرك .. انتي روحي جماان .. ماضيع الا فيك والله ..
نزلت دمووعي حاره.. وداخلي يردد : كذاااب ..

ضربت ديم الباب بقووه: افتحي ماما افتحي ..
وضمني شاهين بتملك اكثر .. لايريد ان يشاركه انا حتى ابنتي ..
....
نامت مهره على صدري كاطفله صغيره .. هذه الجميله وحدها تستطيع ان تجذبني للحديث والثرثره ..
كنت اجيب عن فضولها .. وكان ذاك من دواعي سروري ..
تريحني فكرة ان انام .. دون ان اخيب ضنها واتعمق فيما لاتريده .. !
تريحني فكرة ان تكون مهره جانب كهذا .. !
تشقيني بالسؤال ..وافضي لها .. نتصفح معا ً.. ونضحك .. تقترب مني .. وانيمها على صدري ..
كانت ليلتنا خفيفه .. وعلى صدري ريشه ..
ماذا اخذت من ليالي غيرها .. غير اني اصحو .. وقلبي راضخ تحت جبل .. !
ابتدي ليلي .. بشغف .. وانهيه بندم ..

مهره
في نومي ذاك .. رئيت ملاين الشمعات وكأني في البتراء .. ضحكت سعيده بالمنظر ..كنت امسك بيد ابي .. واتفلت اريد ان اركض بين الشموع ..
لكنه تشبث بيدي ومنعني .. قلت باللهفه : هدني يبه ..
قال: دامني مسكتك .. ماتركك ..
لم يكن صوت ابي ..ابداً ليس صوت ابي ..بل صوت بدءت اعتاده .. واستطيبه ..
اللتفت ..
وكان سيف ..
وكان يحدق في الشمعات ويقول : لوو ماكفوك .. والله اشعل لك زياده ..

تحركت مهره في نومها ..سيف بسرعه حرك ذراعه ولقف راسها ..
سقطت نظرته على وجهها النائم باسلام .. بلع ريقه .. وخفقه نسيها منذ سنين داهمت قلبه .. راح يرسم على ملامحها نظراته ..بحاجبان مقطبان ..
مهره برمشاها الطويلان وشفتاها المنفرجتان..
ابحرت بسيف للبعيد .. والبعيد ..!
...
في صباح الجمعه ..
وفي وقت باكر .. جمان جالسه على طرف السرير .. وتطالع شاهين .. اللي نايم على بطنه .. ومتعمق في نومه ابتسمت بخفوت وغصه .. وهي تلمس انفه الشامخ بظهر سبابتها.. حيث خدش طويل من ظفرها ليلة البارحه ..
كيف دخل الطرف الثالث .. كيف دخل الماضي ..كيف اتت صدفة غاده .. لتغتال كل جميل ..
كيف كانت لياليهم عشقيه .. !
وكيف اصبحت بالإكراه ..والألم ..
رفعت يدينها .. معصمها .. كيف اثر اصابعه .. من ضغطه عليها ..
لفت الاشارب على رقبتها ..بيد مرتجفه .. وعليها اخفاء .. الكثير الليوم .. من نتائج حرب شاهين ..!
ارتجفت بقوه وقلبها يرتعش .. حقاً اصبحنا معادله مستحيله ..!
المحاولات في حلها عقيمه ..
اهتز جوال شاهين الصامت على الكومدينا .. القت نظره .. متخاذله .. لحرف الـ(g)..!
ياربي اي رُقيه .. ومعوذات .. تخفي كابوس غاده من حياتي ..!
غاده كالسرطان اللذي ينتشر بخبث .. في جسدي قبل جسد شاهين .. ويعطب كل شيء فينا .. وشاهين مريض .. يائس .. خاضع للمرض ..لو .. لو يتمسك في الحياه .. فعلا ً وينوي طرد ذاك المرض اللعين من جسده .. لكنت .. العلاج اللذي يُضخ في خلاياه .. واللذي يقاوم ..!
لكن .. هو لايريد .. هو يكذب .. هومتعلق بجماليات عاشها معها ويتصور انها الجنه ..!
هو .. لم يصل لمبتغاه في غاده ..
فايظل مثل الضامي المتعلق .. بكومة سراب .. رن الجوال من الجديد ..
خذته وطفته مره وحده ورجعت الجوال .. وقامت طلعت من الغرفه ...!
طلت على غرفة بناتها .. لسى ماصحوا .. نزلت وكانت لونا تلمع الطاولات .. شافتها وببشاشه : قود مورننغ مدام ..
ابتسمت : قود مورنغ لونا ..
لونا : هل احضر الفطور والقهوه ..
جمان : اكملي عملك لونا .. انا سأحضر القهوه ..
راحت المطبخ .. وبدت تسوي القهوه .. كانت واقفه تناظر الرتوه وسحبت كمومها لمن نصف كفوفها ..
تمنت تختفي عن العالم كله .. في افكار تراودها .. !
بس في اشياء تمنعها .. بيان وديم .. شردت في الرتوه اللي فاضت ع الفرن .. تغلي مثل القهوه .. كامنه .. لكن سيأتي يوم وتفوض .. حارقه كل قريب .. مشوهه لكل جميل .. !

بعد شوي كانت في مرسمها ..واقفه .. تعصر الالوان الزيتيه .. بشكل عشوائي على خشبة الألوان .. وتشرب القهوه .. المُره كامرارة حلقها ..
تخلط بالريشه ..
وحست اصابعها ترتجف .. وترتعش .. اتصلت رجفتها .. حتى ذراعها .. وكتفها وحست ألم في ضلوعها ..
نزلت الكوب ع الطاوله ..
وخارت قواها .. جثت ع الارض .. انثنت بوضعية السجود .. وهي تعتصر معدتها .. الم رهيب داهمها في كل مكان ..

التظاهر بالقوه والشموخ .. مكلف للغايه .. تتقطع من الداخل .. وتتحول لاشلاء.. بكت مانعه صرختها .. وهي تقفل اسنانها بقوووه ..

كأَنني بحر أَرهقتهُ العواصِف وممراتُ
السُفن،
أتدري ما معنى أنّ يتعـب البحر؟.
*****
صحى سيف .. على صوت جواله .. رد وبخمول:
هلا هياا ..
هيا :مبروك ..
حط ذراعه على عيونه : يبارك فيك .. ها متى الجيه ..
هيا : خلال هالاسبوع ..
سيف: توصلين بالسلامه ياقليبي .. وحشتيني ..
هيا بسخريه: لاتسمعك زوجتك .. واضح كنت نايم.. اكيد جنبك ..لاتزعل عليك .. توكم ..
سيف بتهكم :نايمه فديتها .مغيبه ..ياعساها نومة الهنا ..
(سيف جا باسلوب حلو لهيا في البدايه وردت بسخريه .. وقصفها مرره وحده ..)
سكتت وهي تقبض ع الجوال بيد مرتجفه .
جلس سيف ع طرف السرير .. وماهانت عليه .. قال بحنيه:
خلاص لاتتضايقين فديتك .. قولي لي متى بتجين .. ابي اللتقيك على طوول .. من جد لك وحشه ..
هيا بخفوت: صدق ..؟!
قام :ماعودتك اكذب ..
هيا : وانا والله مشتااااقه لك..
سيف: اجل لنا لقااا..
هيا: على خير ..انتبه لحالك ..
سيف : وانتي بعد ..
قفل .. ورمى الجوال ع السرير .. تنهد.. وزفر بقوووه ..
طلع من الغرفه وراح غرفة الجلوس.. ابتسم بحنيه .. ومهره نايمه ع الاريكه .. على جنب.. ركبها طاويتهم عند بطنها ..وقميصها مرتفع .. ومبين سيقانها وجزء من فخذها .. وبطانيتها اللي حطها عليها البارح طايحه ع الارض..
خذها و.غطاها. وبس حست بالبطانيه .. سحبتها واحضنتها .. وباين انها مثلجه من المكيف ..
ابتسم وجثى قريب من وجهها .. نادها : مهره ..
ماردت ..
تأملها شوي واذ ارتسمت على شفتيها ابتسامه عابره واختفت ..
تماماً مثل الطفل النائم اللذي يبتسم حين تداعبه الملائكه ..!
عقد حواجبه .. مع شعوره الغريب ..وهمس يحاول مايتأملها اكثر : مهره .. اصحي ..
رف رمشها وافتحت عيونها .. وتنهد سيف بداخله .. مايبي يتأملها وهي مغمضه .. خاف يضيع ..
فتحت وبان عسل عيونها وضاع زياده ..
مهره بتسائل وهي تستعدل: انفضت جلست.. البنات..؟!
سيف وقف .. : اي بنات .. تلاقين اللحين وصلوا الديره ...
مهره كانت تتمغط وتتثاوب ..توسعت عيونها وهي تستعدل : شديرته .. كم الساعه اللحين ..؟!
سيف :حدعش ..
مهره قامت بسرعه وهي تنزل قميصها وتعدله : تمزح ..؟!
سيف : شوفي ساعتك ..
شالت جوالها .. وبدهشه: كيف نمت كذااا ..يالله رحمتك .. كنت بس انتظره يأذن .. ماااصليت..
وراحت اللبست شبشب .. دورت الثاني .. وراحت نزلت في الارض تطل تحت الكنب .. وسحبته وهي تتحلطم ..
وسيف يطالعها وهي ترمي الشبشب .. وتلبسه .. وتطلع من الغرفه ..
.....
بعد شوي .. مهره .. عند درابزين الدرج وتنادي : فارس .. سيف جنبك ..
فارس : ايه ياخي ولدك نشب في جوالي ..تعالي اخذيه لا اعضه..
ضحكت : انتبه لايكسره .. بجيب ايباده معي ..
فارس : مهره بنروح نصلي الجمعه ..بناخذه معنا ..
مهره : اهم شي بدل هو .. ؟!
فارس : ايه .. لبسته امي ثوب ..
مهره : وينه .. ماشوفه ..
فارس يكلم سيف اللي متخبي بالجوال تحت الكنب : تعال كلم امك ..
سيف منسدح على بطنه ويلعب بالجوال.. ويقول : مابيها .. نام مع ابه خليني .. (طبعا ً سيف يقول لسيف يبه .. مثل فارس ) ..
فارس فقع ضحك ..
مهره : شيقوول ..؟!
فارس مستمر يضحك: مايقوول شي .. خليه يولي ..

في غرفة سيف قبل لاينزل للصلاه .. كان كلم نوف .. وصار بينهم حوار .. ونوعا ً ما .. قدر يراضيها ..
دخلت مهره .. لغرفة الجلوس تبع سيف .. وراحت تدور عن جوالها في الكنب والطاوله ولا لقته .. متأكده كان هنا ..
راحت لباب الغرفه المفتوح .. طقت بخفوت .. واسمعته يكلم .. طلت براسها .. كان بثوب وحاسر .. بيده الجوال واليد الثانيه زجاجة عطر يرش منها ..
مانتبهت من يكلم .. قالت: سيف ماشفت جوالي ..؟!
اشر على الكمودينا .. لقته شابكه في الشاحن ..
راحت شالته واسمعته يقول : خلاص تعالي البيت الليوم ..واراضيك .. كم نوف عندي ..

كانت تبي تطلع بسرعه .. وماتبي تسمع شي.. الا ان طقطق باصابعه ينبهها .. اللتفتت .. وهزت راسها يعني *وش ..*
اشر لها يعني *انتظري ابيك ..*
وقفت .. وهو يقول : تمام ابشري .. سلام ..
وقفل ..
مهره واقفه تنتظره .. وش يبي يقول ..مشى لعند الخزانه .. وهو يقول : تعالي بووريك شي ..
لحقته وهو يفتحها .. ويبين التجوري .. قال : طقمك وتاجك هنا .. تعالي شوفي كيف افتحها وحفظي الرقم ..
مهره برفض : لااااا .. ماله داعي سيف .. لابغيتهم .. قلت لك تطلعهم ..
سحبها من ذراعها .. ووقفها قدام الخزانه .. وصار وراها وراح يضغط الارقام ويقول : حفضيه شكلا ً اسهل .. كأنك تكتبين حرف اف ..
انفتح التجوري .. كان فيه اوراق وعلب .. وفلوس وسلاح ..
اشر على اشياءها ..: هذا هم ..
مهره .وتبي بس تهج ... تدودهت مع عطره وانفاسه اللي لهبة خدها : تمام.. خلاص حفضته ..
قفلها من جديد وهو محتفظ فيها بين ذرعانه .. : فتحيها اشوف ..
مهره وكل ماحست بظهرها يلصق فيه .. ارتجفت : والله حفظته ..
سيف وعارف انها مرتبكه: وريني ..
بدت تدخل الرقم .. واغلطت .. مع ارتباكها ..
مد يده ياشر على الارقام من فوق : الارقام اللي بنص .. ترجعين لها بعدين .. بعد ماتكملين للتسعه هنا ..
مهره بسرعه .. : خلاص فهمت .. فهمت..
وراحت دخلته .. وافتحت ..
سيف : كفووو .. شاطره .. واللحين قفليها ..
مهره غمضت بقووه : سيف ترى بدت الخطبه ..
سيف بصوته .. القريب من اذنها .. : ألحق .. امامنا يطوول ..
قامت اقفلتها .. وقلدت ايش سوا ..وبسرعه .. بتطلع من تحت ذراعه .. بس حكرها .. وهو مبتسم ورافع حاجب ..
غمضت بقووه وقلبها بيطلع من مكانه ..
سيف قرب انفه تحت اذنها :وش اسم عطرك .. مره اعجبني .
بعدت رقبتهاا وكل شعره كامنه نبتت في مساماتها الجلديه ..: شنيل ..
سيف باللعانه رجع يشمه : اي واحد فيهم ..
مهره ضاع منها الاسم : اصوره وارسله لك..
سيف وشاربه يداعب عنقها : اتوقع قبريال ..
مهره تبي توخر : ايه ايه اتوقع..
قال: تمام .. لاتأكدتي قولي لي ..
وقام باسها بوسه خفيفه .. وهو يشوف كفوفها اللي لامتهم بقوووه .وتشنج..
ابتسم متلذذ بخجلها .. وهو يبعد .. ويطلع من الغرفه ..
مهره .. بس سكر الباب .. اسندت يدينها على باب التجوري .. وهي تتنفس بسرعه .. بعدين مسكت قلبها بقووه .. وهي اللي حسته بيطلع من مكانه ..
..........
بالليل وفي احد المقاهي ..
شاهين شارد .. ويسحب من دخان الشيشه .. وصمت جمان طوال الليوم يخنقه ..
كانوا على الغدا .. لما كانت شارده .. وتحرك الشوربه بالملعقه ..
لاحظ معصمها اللي تخفيه بكمها .. واوجعه قلبه..
كيف كانت تبتسم للبنات بشحوب .. وتتحاشى عيونه ..
غاده وهي تحدق فيه : شاهين وش فيك .. ترى ماشفتك من ثلاث اسابيع .. ايش هالصفنه ..
طالعها وهي متحجبه .. وبطاقة العمل معلقه في رقبتها .. لقاؤاتهم دوم في الاماكن العامه .. حدق في عيونها اللي يحب .. وخال خدها اللي يموت فيه .. وبهدوء:
الى متى ياغاده هالعناد ..؟!
غاده تشرب من قهوتها وتشتت نظرها : اي عناد ..مافهمت عليك؟!
شاهين : ترى من رجعنا مع بعض صار لنا ثلاث سنوات .. لالامسين سما ولا ارض..
غاده بهدوء : انت عارف شرطي .. شاهين .. ماتزوج وعلى ذمتك مرتك .. اتوقع انك حفضت هالديباجه ..
شاهين بعصبيه: ياشيخه .. تنازلي عشاني .. انا جمان ماقدر انفصل عنها .. بنت عمي .. دمي ولحمي ..
غاده بعصبيه اكبر : وداام كذا ورى تبيني ومتمسك فيني .. انا وهذا ماصرت زوجتك وانقهر قهر .. وانت معها .. وتنام معها .. اوك انا غلطت .. يوم اختفيت .. بس شسوي ..زين الله طلعني من ذاك الحادث .. مااختفيت بكيفي .. كنت بين الحيا والموت شاهين ..وترى صديتك اول مالتقينا .. خلاص بالنسبه لي كلشي انتهى وانا اشوفك جاي تستلم بنوتك .. انت رجعت ورجعت كل المشاعر داخلي ..من حقي اتملكك لحالي ومايشاركني فيك أحد .. انا احبك قبل جمان .. ترى انا الأوله ..
شاهين .. سحب الدخان من اللي ونفخه : والله ماتعرفين من الحب الا اسمه .. لو تحبيني ماتضيقينها علي .. الدنيا خانقتني ياغاده ..
غاده وملاحظه اللي بخشمه .. حدقت فيه وقالت بغل : واااضح انك مختنق ومب قادر تتنفس ..
عقد حواجبه : وش قصدك ..؟!
اومأت بعينها : ماشفت وجهك الليوم ..؟!
عقد حواجبه وفعلا ً مايدري .. : شتخربطين انتي ..؟!
غاده شالت شنطتها وجوالها : قلنا حلوو وماتلزمك المرايا .. بس بعد الليالي العنيفه .. ضروري تطل تشوف وجهك ..!

قالت كذا ومشت ..
شاهين بسرعه خذ الجوال وشغل الكاميرا الاماميه .. وانتبه لشمخ الطويل بخشمه ..وبصدمه: أووووووووف ...
.......
فارس ..بحماس :
يعني مافي مدارس الا الثلاثاء .. عشان الليوم الوطني ..
بلقيس : والله نبي نفلها ..ايش رايك جمان .. تعزمين نمشي بكره دبي .. نرجع الاثنين بالليل ..
جمان ومالها خلق لشي : من جدك انتي .. يوم وطني ونطلع بره .. لاخلينا هنا .. وبعدين بكره انا عندي مشاركه برسم مع مجموعه من الرسامين .. صورة لليوم الوطني .. على جدار .. صاله بيسون فيها احتفال ..
مهره : مااشاء الله عليك .. وودي اشوف لوحاتك ..
ابتسمت : تعالي بيتي .. واوريك كل شي ياقلبي ..
مهره : اكيد فديتك ..
جمان: وين المعرس اجل .. ؟!
مهره : فووق .. شوي ويجي ..
فارس : فاتك الليوم .. جمان .. ابوي بيطلع يتغدا مع مهره .. يعني مسوي فيها صباحيه الكنغ .. ونشبنا انا وسيف ورحنا معهم..
فقعت جمان ضحك :
الله يخرب بيتكم .. اللحين سيف ونقوول بزر .. ومايفهم .. انت ماتستحي على هالشنب اللي خط ناشب لهم ..
فارس : والله مثل مايودون الكلب الصغير يودوني ..
مهره : باللعكس .. فارس حلا الطلعه .. ولدي العود ..
فارس يقلد الكويتين : انااا اخوكم الكبير ..
مهره تذكره : كيف فارس .. سيف وهو زعلان من ابوك ..
فارس وكنها ذكرته : انتوا تدرون ان ابوي مو على صلاح مع سيف .. كذا عطبه وجني .. من يوم ضربه هاك الليوم .. الليوم ابوي يسئله وش يبي ياكل وهو مطنش .. يروح يقول في اذن مهره .. وقالت انه يبي بطاطس .. ابوي عناد فيه ماجاب .. جابوو الطلب .. الا البطاطس .. وابوي الا تقوول انت ولا مافيه .. والله ياجمان ..ان قعد كذا تكتف ومد البوز واحنا ناكل .. بس مايبي يطلب من ابوي ..

جمان : ياعميري كبرياء رجل ..
فارس : بس جابه ذيبان على خشمه .. قبل نطلع .. راح وهو زانطته العبره .. ويقلده فارس (أوبه ابي بطاطس ) ..
جمان : أوووويه عليه .. مهره ..الورع ..خافوا الله..
ضحكت مهره :
كل آفه والله يسلط عليها آفه ..
جمان : وجاااب له ..
فارس : ايه راح طلب له سفري ..

فارس جاله اتصال .. ورد: خلاص شووي واجيكم ..
وقفل ..
نزل سيف .. وشماغه على كتفه وشايل العقال .. سلم ..
وردو ..
جمان عقدت حواجبها : وين على الله ..
سيف ويصب لنفسه فنجال قهوه يشربها وهو واقف : بروح بيتي ..
توسعت عيون بلقيس ..
وجمان اصلا ً اخلاقها زباله .. بعصبيه صاحت : ايششش .. الليوم .. ماانت صاحي .. لو نسيت اذكرك .. ترى بنت الناس .. تو عرسها امس ..

رفع راسه ونفخ .. ويحاول يسيطر على اعصابه ..:
جماااااان .. ياليت ماتدخلين في هالأمور .. عشان ماغلط في حقك ..
جمان بغضب : لا اغلط .. لاتقصر .. اذا انت مو قد هالزواجه .. لاكان دقيت الصدر وتزوجت ..
توسعت عيون مهره .. وخافت لما شافت الغضب في عيون سيف ..قالت :
جمان تكفين .. خلاص ..انتي مو غريبه .. وعارفه ظروف هالزواج .. زوجاته احق مني فيه ..
جمان بغضب : حتى لو شكليات .. زواجكم .. غير زواجاته الخرائيه اللي قبل .. المفروض يعمل حساب .. وجوده .. ويحشم ايام زواجكم الأولى .. بس الظاهر ماعاد به سنع ..

مهره لاحظت سيف انه ممكن ينقض على جمان ويخنقها .. بس ماسك نفسه .. ظل يحدق بعيونها .. بعدين راح توجه لمهره .. ومسك ذراعها وقفها : تعالي ابيك ..
وقال موجه كلامه لفارس : شوضعك في البيت ولابتطلع ..؟!
فارس : بروح استراحة ذياب ..
سيف : حدك ثنعش ..
فارس : وحده يبه ..شدعوا مافي مدارس بكره ..
سيف بشكل قاطع ..: ثنعش .. وخلنا حلوين ..
فارس : ابشر .. يبه .. على هالخشم ..
سحب مهره وطلع بها بره .. وقف ومسكها من كتوفها .. : مهره .. ماعلي من كلام جمان ..ولا اي احد .. انتي يضايقك ..لارحت الليوم لنوف..
هزت راسها نفي :
لا والله .. عادي ..
سيف ومهتم لأمرها : ادري ان ثاني يوم لك .. اذا بتقولين لاتروح بظل ..
مهره بكل جديه :
ليه نكذب على نفسنا .. هو زواجنا كذا .. انت لك حياتك ياابوي .. رح والقلب داعي لك ..
ناظر عيونها مده ..
في شي داخله تمنى.. لو قالت ايه بتضايق .. لو رحت .. !.. ايه ظل معي ..!!

مهره ارتبكت . :ليه تطالعني كذا ..
سيف .. وخر يدينه عن كتوفها ..: ولاشي ..
مهره نزلت عيونها .. وحست بدقره .. بس على طول رفعت راسها وابتسمت :
اهم شي خذ هديه .. تراضيها فيها ..
سيف يمشي معها لمن الكراج : وش اقتراحاتك .. ؟!
مهره : المتعارف .. لرضاوة الحرمه ذهب .. مجوهرات .. ولا مبلغ حلوو .. اذا هالاشياء ترضيها .. عليك بها ..
ركب وفتح النافذه .. وابتسم :
يعني لازعلتي ترضين بالذهب ..
مهره : انا لازعلت مايرضيني مالية قارون .. انا لازعلت اكره .. خلاص .. اعاف ..
سيف يشغل السياره : بالله كذا لازم نتحاشى زعل سموك ..
مهره بدلعها العفوي : لاتزعلني عشان ماتضطر تراضيني ..
سيف رفع حاجب وبخبث : عطيني فرصه ادلعك .. ثم ازعلك .. بعدها اراضيك .. بغير الذهب .. تتحدين ..؟
مهره مافهمت : بايش يعني ..؟!
سيف : ولاشي .. قولي لي اللحين .. لو مكان نوف .. وابي اراضيك .. وش يرضيك ..
مهره : تبي الصدق الصدق الصدق .. لو انا مكانها .. ؟!
سيف : اييييه ؟!!!!
مهره وهي تتكى ع النافذه : يعني انا نوف اللحين ..
سيف : ايه انتي وش يرضيك في هالحاله ..؟!
مهره رفعت حاجب .. اللحين انا نوف وزعلانه لانك تزوجت مهره .. عشان ارضى تطلق مهره .. وتطلق حتى هيا .. وافكر ارضى .. !

سيف انصدم من الاجابه : يعني انتي نوف اللحين ..
مهره بثقه : اي نعم ..!
سيف : عمرك مارضيتي ..
ماتت ضحك .. وهي توقف عدل: ياقاسي ..
سيف : المهم بوصيك ..
مهره بتسائل : على ..؟!
سيف : فارس .. بيطلع .. لو جات فوق الثنعش وهو ماجاا .. تدقين علي ..
مهره :بيجي ان شاء الله .. ايش جوي اتصل عليك وانت عند حرمتك ..
سيف بنص عيون : والله بتتصلين حتى لو اني فـ...
قاطعته قبل يكمل : خلاااص خلاص .. بتصل ..لاتقول شي ..
سيف : حلوو .. توصين شي ..
مهره : سلامة عمرك .. !
سيف : يسلمك ياابوي ..

رجعت مهره .. وهي تمشي على ورى وتراقب سيارته تخرج من البوابه ..
وحست بغبن .. وضيقه .. عكس ضحكها مساع ..
*مابال قلبي قد اريق كما الماء .. لماذا اردته ان يبقى ..ياروحي ليس لنا نصيب بسيف فلا تتمسكي فيه .. يانفسي حاربي الشعور .. (لمست حلقها واذا بغصه تتضخم .. ).. نفخت بقوووه .. تحاول تبديدها .. وبعدين تنحنحت ..
فارس من وراها:وش فيك ... واقفه فيذا ..
اللتفتت :توه ابوك ماشي .. هذا بدخل ..
عقد حواجبه : مهره وش فيك .. ؟!
ابتسمت وباين فيها العبره :مافيني شي .. المهم لاتتأخر ترى ابوك موصيني لو مارجعت اتصل عليه ..
فارس ظل عاقد حواجبه: بالله وش فيك .. زعلك ابوي ..؟!
مهره : لا والله ضلينا نضحك لمن مشى ..
فارس : ومشى وفصلتي الفيش ..
ضحكت : عليك مصطلحات عجيبه ..
فارس لاحظ دمعتها اللي سالت بدون تحس .. راح مسحها باصبعه وبجديه :
مهره لاتقعدين تكابرين .. انتي زعلتي لانه مشى ..
مهره طالعت وجه فارس .. وعيونه اللي تشبه عيون سيف الحنونه .. قامت تنهدت .. وامتلت عيونها دموع .. واللتزمت الصمت ..
فارس بحنيه :
مهره حتى لو تزوجتو عشان سيف الصغير .. لاتضلين متمسكه ان هذا سبب زواجكم بس .. من سنين ماشفنا ابوي بهالمود .. والله مبسوط يامهره ..من صار موضوعكم .. واضح عليه..
مهره بتسائل : كيف يعني ..؟!
فارس : شفتي اسلوبه مساع .. وهو يرد على جمان وكيف يسئلني بدفاشه .. غالبا ً كان هذا اسلوبه قبل .. مادري كذا البارح بالزواج .. والليوم وقت طلعنا نتغدا ..حيل متغير ومبسوط ..
مهره بإنكار :ماهو بسببي صدقني .. انا ماسويت شي ..
ابتسم : ماسويتي .. بس تقدرين تسوين .. انتي غير اللي قبلك والله ..
مهره بحيره ..شردت في نقطه وهميه بالأرض ..
فاجأها فارس باس راسها وقال :
بالتوفيق مهره ..
ابتسمت وهو يداعب راسها بكفه .. ومشى .. نادته : فارس لاتتأخر ..
فارس وهو يبعد : تمام .. بس جهزي شاي قبل اجي .. عندي فلم نبي نسهر عليه مع بلقيس ..
هي : اووك .. انتبه لحالك ..
......
في لندن .. وفي مطعم فخم .. وبملابس رسميه .. على طاوله دائريه .. وليد يراقب الولاعه بيد مشاري .. وهو يفتح ويسكر غطاتها ..وبيده الثانيه يشرب من كاسة الواين ..
وليد :ايه وبعدين ..؟!
ماريا جات وباين مخلصه مكالمه : اتصدق لقد اكتشفوا بصعوبه انها مزيفه ..لقد استخدموا مواد .. قريبه من العصر الثامن عشر ..
مشاري ضحك بسخريه :
اهم شي انها جميله وتفي بالقرض ..
ماريا : اووف مشاري اوف .. تفكيرك سطحي .. ليتك اخذت من تمسك والدك بهذه الأمور ..
مشاري : اهتم بما يعنيني منها .. لست مهووس مثل والدي ..لما اضع تعب اشهر من جني الاراباح من عملي في كتلة طين ..
ياسمين : لو راجح هنا لبصق في وجهك مشاري ..
وليد ببتسامه بجنب فمه : هو يعرف متى يرمي الكلام .. في وجود راجح .. هو يعبد الآثار عباده ..
مشاري بعبث : تبون تعرفون وش اللي اعبده عباده ..
حسين العراقي : ولك يابه أُقعد ومانريد نشوف شي .. هسه يبتدي شغل الاستعراض مالك .. اللي بياخوضنا لستين داهيه ..

مشاري .. مسك زيتونه .وقاعد يحدد هدف بالطاوله المقابله. : راقبوا ابليس وش بيسوي ..
عزيز مر .. في وجهه : مشاري .. بلبق السياره وصقعت سيارتك ..
مشاري رفع عينه له : الله يلعنك .. سكران قبل تدخل المطعم ..
قعد عزيز .. :انت حاشر سيارتك زاويه .. كنا البارك من حر مال ابوك ..
مشاري مب حوله .. والزيتونه .. فوق ظفر سبابته .. والباقين يراقبونه .. وراح نبطها .. وطاحت في كاس شمابانيا .. لسيدة اربعينه جميله .. رفعت عينها له بتسائل ..
وغمز بعينه .. : سقطت من غير قصد ..هل يمكنني استعادتها ..
طبعا ًمشاري الحيوان .. مزززز وجذاب .. وعمره تسع وعشرين .. عيونه حاده ولونها ازرق ..ماخذها من امه البريطانيه وملامحه عربيه ..حاده ..مثل راجح ابوه ..
ابتسمت ومبسوطه على خبثه : الا يوجد غيرها ..
مشاري باسلوبه الأخاذ: هذه بالذات اريدها ..
رفعت كاسها تسوي نخبك .. وفرغت الكاس بجوفها..: اذا ًخذها ..
قام مشاري .. وحسين يتحلطم ..:ولك هاذ الجلب مايتوب ..
وليد مبتسم ابتسامه مخفيه ..
ومشاري ياخذ الزيتونه .. وبحركه خزبق الحرمه .. حطها على شفتها .. : بما ااني لا استطيع فالتلامس التوت قبل ان آكلها .. وراح كلها ..
الحرمه فهت .. ومانتبهت لخفة يده .. رمى جوالها من ع الطاوله ..
سوا نفسه بيرجع .. واللتفت يكمل فلم الخرفنه .. وعطى نظرة انه بيرجع وهو يقول: هاتفك ..
قامت وانحنت: لاداعي انا اللتقطه ..
ومع انحناؤتها .. الكلب مشاري .. ضربها بخفه .. رفعت راسها بشهقه .. فاعض شفته:
لم اقاوم .. اعذريني يبدو ان العنب عثى بعقلي ..
وقفت .. وعطت ضحكه : لاعليك .. الخطأ على العنب .. فالنغفر له ..
باس سبابته والوسطى .. ورماها عليها .. ورجع ع الطاوله ..
ياسمين : يلعنك .. يالمنتهي ..
ماريا تشرب من كاسها: لنقل انه اعطى المسكينه .. جرعة سعاده ..
وليد : الا تريدين جرعة سعاده عزيزتي ماريا ..
ماريا باستهتار : طبعا ًاريد .. لكن ليس في الأماكن العامه ..
ضحك مشاري : اقطع طريقها وليد في الأخير هي زوجتك ..
جا .. واحد حط على الطاوله مبلغ قدام مشاري ..: فزت بالرهان ..
مشاري يعد الملغ : على الرحب والسعه .. مستعدين لاي رهان قادم ..
مشى ..
وكلهم بتسائل .. : وش رهانه ..
مشاري يراقب الخمسيني اللي جا على طاوله الحرمه ..
وقال بخفوت .. : اللحين انا جيت قبلكم .. جلست مع اثنين .. ومسوين رهان .. من يقدر يلمس مؤخرة زوجة مدير الشرطه .. (وغمز) ..
عاد انتوا افهمو الباقي ..
حسين منفجع : هسه هالماجده مرت مدير الشرطه . .
مشاري : ايه وهذا مدير الشرطه وصل ..
حسين : ولك انت مو بس لمستها .. انتا مزقت ش****..
ياسمين مسكت راسها : ياخي حسنوا الفاظكم .. الله يقرفكم ..
عزيز : عاد مشاري وحسين وتقابلوا .. المفروض لا نتي ولاماريا تجون ..
ضحكت ماريا واللي صارت تفهم اغلب كلامهم :لماذا لايتزوج هذان الاثنان ..
مشاري يطلع جوف الابوستر .. ويضيف عليها ملح : ماجنينا لسى ليدي راثبون ..
ماريا بعربيه مكسره حلوه : والله انت .. مجنون رسمي ..
مشاري بتحذير: ماريا ...!!!!
وليد يشيل لحم الابوستر بالشوكه ويحطه بفم ماريا : انا افداك.. يابعد حيي ..لاتكلمين هالاشكال ياعينه ..ترفعي ياملي ..
ماريا بانهيار : كلا .. لااتكلمني هكذا .. لاااستطيع ترجمة شيظ”..
عزيز: طيرت سبيكتها الله يصلحك ..
مشاري :علمها وليد .. لاتصير فاغره مثل امي .. ماتت .. ماعرفت من العربيه شي ..
حسين : آني ود افهم شي واحد .. انتا اومك تقول عنها فاغره .. اجل بنات الحرام اش تقول عنهن ..
مشاري : محضوره .. ياملي ..
عزيز : ماخذت من الاجانب الا خشتك .. والا الذرابه انت في ديره وهي بديره ..
مشاري بصرخه : ابااااا سيف .. والله جووكم بدونه بيض ..
وليد : معرس .. وش يبي بمقابل وجهك ..
مشاري : شفت سناب فارس .. مصوره وهو لابس بشت ماعرفته .. وين الارماني .. والبانانا .. رجعووه مايصلح هناك.. صاير بدوي ابن اللذين .. حلاته انجليزي ..
ماريا تستفسر من وليد شيقول مشاري عن سيف .. لانها ماترضى عليه ..
وضح لها ..
وقامت قالت بصوت حالم : انا فداه ..
توسعت عيون مشاري وعزيز وفقعوا ضحك .. مشاري : عيدي . عيدي .. يخرب بيتك عيدي ..
ماريا .. مافهمت عليه: لم افهم .. ماذا قال هذا المتسكع وليد ..
وليد يترجم وهو ياكل : يطلب منكِ الإعاده ..
مشاري شغل جواله يبي يصورها .. رفعت حاجب .. وعناد فيه : الى الجحيم مشاري ..
وليد باس خدها: صح لسانك يابوي ..
.......
مهره جالسه في الصاله .. سيف راسه على حضنها ونايم ..
وتتابع فلم مع بلقيس وفارس ..
شردت وهي تحرك شعرها باصابعها ..
سيف من طلع ماتصل عليها ابد .. ولا ارسل شي..
كانت تقول لنفسها : هو الطبيعي مايتصل .. اوك اهتم ..في الكم يوم الماضيه .. بس خلاص الواقع حقه نوف .. وقبلها هيا .. انا كذا بس ..
ليه تضايقت .. ليه طرى عليها نومها على صدره البارح ..
حنيته .. عيونه .. ريحة عطره وسجايره ..
انعصر قلبها ..
لما طرى عليها انه بحضن نوف .. وانه زوج نوف .. ماهو لها لحالها .. ياخبله .. المستحيل بعينه انك تكوني زوجه لسيف بشكل طبيعي .. لاتنسين انه اخوو عساف .. حياتك لسيف الصغير وبس ..!
ابتسمت وهي تطالع وجه سيف ورموشه ونايم باسلام .. (يكفيني من الدنيا اهو ..والله) ..
جاتها رساله واتس .
افتحتها والمتوقع زينه او سندس .. استعدلت وهي تشوف الرساله من سيف ..
راسل : ها جا فارس .. ؟!
طالعت الساعه ثنتين .. حدقت بالجوال بنص عيون .. لذي الدرجه غارق في العسل .. توه يتذكر فارس ..
قامت صورة فارس وهو منبسر ع الكنب .. ورسلتها له .. بدون ماتعلق ..

سيف .. كان مخلي نوف نايمه وطالع في الصاله .. ويدري ان فارس رجع..
وكان يبي يكلمها هي .. ماعرف ينام .. وصورتها ماراحت من باله ..
كتب لها : مانمتي الى الآن .. ؟!
كتبت : نشوف فلم مع فارس ..
رفع حاجب : كأنك تصرفين ..؟!
كتبت : واللهي منسجمه مع الفلم .. يلا اخليك ..
كتب :تمام .. استمتعي ..
توسعت عيونه لما جا صح واحد والواضح انها اقطعت النت ..

هي قطعت النت وحطت وضع طيران وحطت الجوال ع الطاوله ..
وبعصبيه داخلها : مو انا اللي تجيني على فراغتك ياسيف ..
الفلم كان انتهى .. بلقييس: رووووعه ...
قام فارس ويتمغط بصرخه ..
مهره : هششش فارس .. لاتصحي .. اخوك ..
فارس انفجع : اخووووي ..؟! .. تكفون لاااا .. سأعيش وحيدا واموت وحيدا ..ولااصير اخو قليص ..
ضحكت : يالظالم والله يحبك ..
بلقيس : خلاص بتنامون ..
مهره : ايه .. دام سيف نام ..
فارس قام وتوجه لمهره: خليني اشيله..
ابتسمت ..وبلقيس قالت : ياربي محلاك فروس ... صاير حنين مع سيف ..
شاله من حضن مهره : هو كلب .. بس يشفع له الأسم ..
مهره تشيل جوالها واغراضها ..: ياربي ذليت ولدي باسم ابوك .. بغيره واسميه غازي ..
بلقيس تطفي الانوار والشاشه ..:
يذبحك سيف ..
مهره تمشي ورى فارس ع الدرج : هذا وهو سميه .. الا ان متسلط عليه .. لو بغير اسمه .. ابصر كيف يتعامل معه ..
فارس وصل غرفة مهره .. وسدحه ع السرير .. مهره : يعطيك العافيه فارس .. تشيل عيالك ان شاء الله ..
فارس باستبعاد : رددي يالليل ماطولك ..
مهره وهي تحط اشياءها ع الطاوله .. فارس لحف سيف وتنهد وقال :
احس ابوي انعدمت ثقته فيني ..
رفعت راسها له : ليه .. ايش صاير ..
فارس بضيق ..: تخيلي كلمني ثنعش وربع .. وقلت له اني جيت .. ماصدق .. الا يوم كلمته سناب فديو ..
مهره انصدمت يعني يدري ان فارس هنا .. وكان يبي يكلمها ومب عارف ..
نفضت راسها وقالت : وليه طيب .. ايش خلاه مايثق..
فارس: من كم يوم .. قلت له اني باستراحة ذياب ورحت القهوه .. وخلاااص .. تقولين لك سبوره ومسحناها .. ماعاد يثق ..
ابتسمت: ماعليه .. مو عدم ثقه .. زيادة حرص .. انت شفت جديده شسوت فيني .. وقت جيتكم قبل الزواج .. لعبت في حسبتي .. لو بزعل زعلت .. على كثر ماتحرصني على الغطا والستر ..

فارس توجه للباب بيطلع وهو يقوول : ياااشيخه .. لقد ولدنا احراراً..
ضحكت : الخلااا بس .. افسخ وقل ولدنا احرار..
ضحك : تصبحين على خير ..
مهره : تلاقي خير يا امك ..
ابتسم فارس على كلمتها ..وطلع ..
مهره .. طالعت جوالها .. مده.. وتنهدت وماتبي تفتحه .. سحبت فوطتها .. وراحت الحمام ..


في تزامن غريب سيف ظل يحدق في الجوال .. واطلق تنهيده ضايقه ..

ياوجودي لاسرى الليل والخاطر حزين
من صدوف الوقت مافيه شيٍ يسعده.
.......



بنتظار تعليقاتكم ..
واتمنى البارت الاستثنائي .. اعجبكم وحاااز على رضاكم ..

والله وكله لعيون تفاعلكم ورتويتاتكم اللي اكتملت في دقااااايق يالااااابه انتوا ...