[MooNy87]

فطار لذيذ وخفيف

المكونات:

ملعقة ونصف سمنة أو زبدة
عيش توست ابيض او اسمر
2 طماطم متقطعة مربعات
ربع كوباية ريحان متقطع
الجبنة اللي تحبيها
2 بيضة
ملح وفلفل

الطريقة:

الخطوة الأولى:
اول حاجة هنحضر البروسكيتا، هنمسك التوست ونمسحه بنصف فص ثوم ونضيف عليه شوية من السمنة أو الزبدة ونسيبه في الفرن يتحمص.

الخطوة الثانية:
هنضيف نصف كمية الطماطم في طبق ونضيف عليه الريحان وملح وفلفل قليل ونسيبها في الثلاجة علشان نستخدمه كصوص للتغميس بعد كده.

الخطوة الثالثة:
هنعمل البيض الاومليت، هنخلط البيض مع النص اللي اتبقى من الطماطم مع ملح وفلفل ونضيف ملعقة سمنة وننزل بالبيض.

التقديم :
الفطار هيكون عبارة عن بروسكيتا مع البيض وصوص الطماطم للتغميس.