ﺃﻣﻨﻴﺘﻲ ﺿﻠﻚ ﻣﻦ ﻳﻤﺮ
ﺗﻮﮔﻒ ﻋﺪﻝ ﺭﺟﻠﻴﻪ 💔
،،،،،،،،،،،،،،،،،
/// #ﺿﺤﻴﻪ_ﻟﻤﻦ_ﻻﻳﺮﺣﻢ ///
// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ //
#بارت٥
،،،،،،
ﺻﺒﺤﻜﻢ ﺍﻟﻠﻪ ﺑﺎﻟﺨﻴﺮ ﻳﺎﻭﺟﻪ ﺍﻟﻌﺎﻓﻴﻪ 😘
ﺑﻨﺎﺕ ﻳﻌﻤﺮﻱ ﺍﻧﺘﻦ ﻧﻮﻫﺖ ﺑﺎﻟﺒﺎﺭﺕ ﺍﻟﺮﺍﺑﻊ ﮔﻠﺖ ﺍﻧﺸﺎﺀ ﺍﻟﻠﻪ ﻳﺒﺪﻱ ﺍﻟﺘﻨﺰﻳﻞ ﻣﻦ ﺍﻻﺳﺒﻮﻉ ﺍﻟﻘﺎﺩﻡ ﻳﻌﻨﻲ ﺍﻟﺠﻤﻌﻪ ﺍﻟﻘﺎﺩﻣﻪ ﺭﺍﺡ ﻳﺒﺪﻱ ﺗﻨﺰﻝ ﺍﻟﺮﻭﺍﻳﻪ ﺑﺎﺍﻧﺘﻀﺎﻡ ﻻﻥ ﺣﺎﻟﻴﺎ ﺩﺍﺍﺧﺬ ﺍﻻﺣﺪﺍﺙ ﻭﺍﻛﺘﺐ
ﻭﺍﻧﻲ ﻣﺎﺍﺭﻳﺪ ﻛﻞ ﺣﺪﺙ ﺍﺧﺬﻩ ﺍﻛﺘﺒﻪ ﻭﺍﻧﺸﺮﺓ ﻻﻥ ﻳﺠﻮﺯ ﺍﻛﻮ ﺍﺷﻴﺎﺉ ﺑﺎﻟﺒﺎﺭﺗﺎﺕ ﺍﻟﻘﺎﺩﻣﻪ ﻣﺮﺗﺒﻄﻪ ﺑﺎﻻﺣﺪﺍﺙ ﺣﺎﻟﻴﺎ
ﻑ ﺍﻻﺗﻤﻨﺊ ﻣﻨﻜﻢ ﺍﺻﺒﺮﻭﻟﻲ ﻓﻘﻂ ﺍﺳﺒﻮﻉ ﻭﻧﺒﺪﻱ ﺑﺎﺍﺫﻥ ﺍﻟﻠﻪ
ﺍﺣﻔﻀﻮ ﺍﻟﺮﻭﺍﻳﻪ ﺑﺎﻟﻤﻜﺘﺒﻪ ﻭﺳﻮﺗﺎﻛﺎﺕ ﺍﻟﻤﺘﺎﺑﻌﻴﻜﻢ ﻭﻫﺎ ﻟﺘﻨﺴﻮﻥ ﺍﻟﺘﺼﻮﻳﺖ
ﻭﺍﻧﺸﺎﺀﺍﻟﻠﻪ ﺑﺎﺍﺧﺮ ﺑﺎﺭﺕ ﻣﻦ ﺍﻟﺮﻭﺍﻳﻪ ﻋﻨﺪﻱ ﺍﻟﻜﻢ ﻣﻔﺎﺟﺌﻪ ﺣﻠﻮﺓ 😘
،،،،،،،،،،،،،،
ﺯﻳﻨﺐ ﺍﻟﺘﻔﺘﺖ ﺍﻟﻤﺼﺪﺭ ﺍﻟﺼﻮﺕ ﺷﻔﺘﻪ ﻧﻔﺴﻪ ﺍﺑﻦ ﺍﻟﺸﻴﺦ ﺍﻟﻲ ﺩﻭﻡ ﺍﺷﻮﻓﻪ ﻳﻨﺰﻝ ﻟﻠﺒﺴﺘﺎﻥ
ﺳﻜﺘﺖ ﺩﺭﺕ ﻭﺟﻬﻲ ﻭﺩﻧﮕﺖ ﻛﺎﺗﻤﻪ ﻏﻀﺒﻲ
ﻭﺍﻟﮕﺪﺍﻣﻲ ﺍﺛﻨﻴﻨﻬﻦ ﺻﺎﺭﻥ ﻳﺒﺠﻦ ﻭﺍﻻﺳﻤﻬﺎ ﺟﻨﻪ ﺭﺍﺣﺘﻠﻪ ﺗﺒﺠﻲ ﻭﻛﻔﺖ ﻳﻤﻪ ﺗﺎﺷﺮ ﻋﻠﻴﻪ
ﺟﻨﻪ،،ﺧﺎﻟﻲ ﺗﺮﺿﺎﻫﺎ ﻫﺎﺍﻱ ﺍﺗﮕﻠﻲ ﺳﺎﻗﻄﻪ ??
ﺯﻳﻨﺐ،،ﻫﻢ ﺭﺟﻌﺖ ﺟﻔﺼﺖ ﺑﻤﺼﺮﺍﻧﻲ ﺭﻓﻌﺖ ﺭﺍﺳﻲ ﮔﺘﻠﻬﺎ ﺗﺮﺓ ﻋﻨﺪﻱ ﺍﺳﻢ
ﺻﺪﻓﻪ ﺍﺟﺖ ﻋﻴﻨﻲ ﺑﻌﻴﻨﻪ ﺧﺰﺭﻧﻲ ﺍﻟﺘﻔﺖ ﻝ ﺍﻣﻪ
ﻟﻮﺍﺀ،،ﺣﺠﻴﻴﻪ ﻗﺴﻤﺎﺍ ﺑﻤﺤﻤﺪ ﺭﻭﺣﻲ ﻣﺎﺣﺎﻣﻠﻬﺎ ﺗﺮﺓ
ﻭﮔﻮﺓ ﻭﺍﮔﻒ ﻭﻳﺎﻛﻢ ﻓﻬﻤﻴﻬﻦ ﺫﻧﻲ ﺍﺫﺍ ﺳﻤﻌﺖ ﺻﻮﺕ ﻭﺣﺪﺓ ﻣﻨﻬﻦ ﻫﺴﻪ ﺑﺎﻟﺤﺴﻴﻦ ﺍﻻﺳﻤﻊ ﺻﻮﺗﻬﺎ ﺍﺣﻂ ﻃﻠﻘﻪ ﺑﺮﺍﺳﻬﺎ ﻭﺍﺧﻠﺺ ﻣﻦ ﻫﺎﻱ ﺍﻟﻄﻼﺑﻪ
ﺯﻳﻨﺐ،،ﺗﺮﻛﻨﻪ ﻭﺭﺍﺡ ﻋﺒﺎﺭﺓ ﻋﻦ ﻛﺘﻠﻪ ﻏﻀﺐ ﺗﻤﺸﻲ ﺍﻻﺳﻤﻬﺎ ﺟﻨﻪ ﻏﻤﺘﻨﻲ ﻭﺫﻳﺞ ﺍﻟﺜﺎﻧﻴﻪ ﻫﻤﺴﺖ ﺑﺼﻮﺕ ﻧﺎﺻﻲ
ﺣﻨﺎﻥ،،ﻭﺍﻟﻠﻪ ﺍﻟﻪ ﺍﺭﺑﻴﻠﺞ ﺳﺮﻃﺎﻥ ﺑﮕﻠﺒﺞ ﻭﺍﻣﻮﺗﺞ ﺑﺲ ﺍﺻﺒﺮﻳﻠﻲ
ﺍﻡ ﻟﻮﺍﺀ،،ﺟﻨﻪ ﺍﺧﺬﻳﻬﻦ ﺍﺷﻤﺮﻳﻬﻦ ﺑﺎﻟﻤﺨﺰﻥ ﻭﻧﻔﺲ ﻣﺎﺍﺭﻳﺪ ﺍﺳﻤﻊ
ﺯﻳﻨﺐ،،ﻛﻞ ﻫﺎﻱ ﺍﻟﻬﻮﺳﻪ ﻭﻏﺼﻮﻥ ﺳﺎﻛﺘﻪ ﺑﺲ ﻋﻴﻮﻧﻬﺎ ﺗﻨﺘﻘﻞ ﺑﻴﻨﺎﺗﻨﻪ ﻗﻬﺮﺗﻨﻲ ﺍﻧﻲ ﺍﮔﺪﺭ ﺍﺭﺍﺩﺩ ﻭﺍﺩﺍﻓﻊ ﻋﻦ ﻧﻔﺴﻲ ﺑﺲ ﻏﺼﻮﻥ ﻧﺼﻴﺤﻠﻬﺎ ﺍﻟﺨﺮﺳﻪ ﻣﻦ ﺯﻣﺎﻥ ﻫﺎﺩﺋﻪ ﻋﻜﺴﻲ ﺗﻤﺎﻣﺎ
ﺭﺣﺖ ﻳﻤﻬﺎ ﻟﺰﻣﺖ ﺍﻳﺪﻫﺎ ﺍﺭﻳﺪ ﺍﮔﻮﻣﻬﺎ ﻧﺰﺕ ﻭﺭﻓﻌﺖ ﺭﺍﺳﻬﺎ ﻓﺎﺗﺤﻪ ﻋﻴﻮﻧﻬﺎ ﺍﺩﺭﻱ ﻣﺼﺪﻭﻣﻪ ﺑﺲ ﺷﻨﻮ ﺑﻴﺪﻱ ?
ﺍﺫﺍ ﺍﻧﻲ ﻭﻳﺎﻫﺎ ﻭﺍﻛﻌﻴﻦ ﺑﻨﻔﺲ ﺍﻟﻤﺸﻜﻠﻪ
ﺍﺧﺬﺗﻨﻪ ﺍﻻﺳﻤﻬﺎ ﺟﻨﻪ ﺗﻤﺸﻲ ﮔﺪﺍﻣﻨﻪ ﻭﺍﺩﺭﺩﻡ
ﺟﻨﻪ،،ﻭﺍﻟﻠﻪ ﻭﻛﺖ ﻧﺠﻴﻴﺐ ﻛﺘﺎﻝ ﺧﺎﻟﻲ ﺍﻧﮕﻌﺪﻩ ﻋﺪﻧﻪ
ﺯﻳﻨﺐ،،ﺭﺩﺕ ﺍﮔﻠﻬﺎ ﻗﺎﺑﻞ ﺷﺎﻳﻔﺘﻪ ﺧﺎﻟﺞ ﺣﺘﺊ ﺍﻛﺘﻠﻪ ?
ﺑﺲ ﺻﺎﺭ ﻛﺪﺍﻣﻲ ﺍﻻﺳﻤﻪ ﻟﻮﺍﺀ ﻳﺮﻳﺪ ﻳﺼﻌﺪ ﻟﻠﺪﺭﺝ
ﻣﺎﮔﺪﺭﺕ ﺍﺣﺠﻲ ﻛﻤﻞ ﻃﺮﻳﻘﻪ ﻟﻔﻮﮒ ﻭﺍﺣﻨﻪ ﻃﻠﻌﻨﻪ ﺧﺎﺭﺝ ﺍﻟﺒﻴﺖ ﻭﮔﻔﻨﻪ ﮔﺪﺍﻡ ﻏﺮﻓﻪ ﻣﻔﻄﻮﺭﺓ ﺑﻴﻬﺎ ﺷﺒﺎﻙ ﻧﺺ ﺍﻟﺸﺒﺎﺑﻴﻚ ﻣﺎﺑﻴﻬﻦ ﺟﺎﻡ ﺑﺎﺑﻬﺎ ﺣﺪﻳﺪ
ﺟﻨﻪ، ،ﻓﻮﻭﻭﺗﻦ ﻳﺎﻟﻠﻪ
ﺯﻳﻨﺐ، ،ﺩﺧﻠﻨﻪ ﻟﻠﻤﺨﺰﻥ ﻏﺼﻮﻥ ﻻﺯﻣﻪ ﺛﻮﺑﻲ ﻣﻦ ﺿﻬﺮﻱ ﺍﺣﺴﻬﺎ ﺗﺴﺘﻨﺠﺪ ﺑﻴﻪ ﻟﻮ ﺗﺘﺤﺎﻣﻪ ﺑﻀﻬﺮﻱ ﻣﺎﺗﺪﺭﻱ ﺍﻧﻲ ﺧﺎﻳﻔﻪ ﺍﻛﺜﺮ ﻣﻨﻬﺎ ﺑﺲ ﺍﻟﺴﺎﻥ ﻻﻛﻦ ﺩﺍﺧﻠﻲ ﻫﺶ
ﺍﻧﻲ ﺩﺧﻠﺖ ﻭﻏﺼﻮﻥ ﺗﺮﻛﺖ ﺛﻮﺑﻲ ﻭﺗﻤﺸﻲ ﺑﺨﻄﻮﺍﺕ ﺛﮕﻴﻠﻪ ﻭﺭﺍﻱ
ﻣﺎﺣﺴﻴﺖ ﻏﻴﺮ ﻏﺼﻮﻥ ﺍﻧﺪﻓﻌﺖ ﺑﻘﻮﺓ ﻟﻤﻦ ﻭﻛﻌﺖ ﻋﻠﺊ ﻭﺟﻬﺎ
ﺍﻟﺘﻔﺘﺖ . ﺑﺴﺮﻋﻪ ﺑﺎﻭﻋﺖ ﺟﻨﻪ ﻣﺒﺘﺴﻤﻪ ﺑﺨﺒﺚ ﻧﺎﺭ ﺷﺒﺖ ﺑﺮﻭﺣﻲ ﻭﺍﻧﻲ ﺍﺷﻮﻑ ﺩﻣﻌﺖ ﻏﺼﻮﻥ ﻭﮔﻌﺖ
ﻭﮔﻌﺪﺕ ﻋﺪﻟﺖ ﺭﻭﺣﻬﺎ ﺗﻠﻤﻠﻢ ﺑﺜﻮﺑﻬﺎ
ﺍﺗﻘﺪﻣﺖ ﺭﺩﺕ ﺍﺟﺮﻫﺎ ﻣﻦ ﻛﻔﺸﺘﻬﺎ ﺑﺲ ﺩﺧﻠﺖ ﺍﻻﺳﻤﻬﺎ ﺣﻨﺎﻥ
ﺣﻨﺎﻥ،،ﻫﺎﺍﺍ ﻭﻳﻦ ﺗﺮﺩﻳﻦ ?
ﻫﻢ ﻋﻮﺯﺝ ﺍﺗﻤﺪﻳﻦ ﺍﻳﺪﺝ ﻭﺍﺗﻀﺮﺑﻴﻬﺎ ﺣﺘﺊ ﺍﻛﺴﺮ ﺍﺩﻳﺞ ﻭﺭﺟﻠﻴﺞ
ﺯﻳﻨﺐ،،ﻧﻔﺴﻲ ﺻﺎﺭ ﻧﺎﺭ ﻟﻮ ﻳﻮﮔﻌﻦ ﺑﻴﺪﻱ ﻭﺍﻛﺘﻠﻬﻦ ﻋﺎﺩ ﺍﺑﺮﺩ ﮔﻠﺒﻲ ﺑﺲ ﺳﻜﺘﺖ ﻭﺫﻧﻲ ﻣﺒﻴﻨﺎﺕ ﺷﺮﺍﻧﻴﺎﺕ ﺧﺎﻑ ﺍﻧﻮﺏ ﻳﺘﮕﺎﺑﻠﻦ ﻭﻳﻪ ﻏﺼﻮﻥ ﻭﻫﺎﻱ ﻓﺎﻫﻴﻪ
ﺭﺟﻌﺘﻠﻬﺎ ﻣﺴﺤﺖ ﺩﻣﻮﻋﻬﺎ ﻭﺟﺮﻳﺖ ﺭﺍﺳﻬﺎ ﺑﺤﻀﻨﻲ ﺗﺮﺟﻒ ﻭﺫﻧﻲ ﻳﺒﺎﻭﻋﻦ ﻋﻠﻴﻨﻪ
ﺍﺟﺖ ﺍﻡ ﻟﻮﺍﺀ ﺗﺪﻓﻊ ﺑﻴﻬﺎ ﺍﺧﺖ ﺟﻨﻪ ﺩﺧﻠﺖ ﻳﻤﻨﻪ
ﺍﻡ ﻟﻮﺍﺀ،،ﺍﺳﻌﻨﻲ ﺯﻳﻦ ﻭﻛﻼﻣﻲ ﻣﺎﺍﻋﻴﺪﺓ ﻭﺭﻭﺡ ﻭﻟﻴﺪﻱ ﻋﺰﻳﺰ ﮔﻠﺒﻲ ﺍﻟﻲ ﻻﺗﻬﻨﻪ ﺑﺸﺒﺎﺑﻪ ﻭﻻﺗﻬﻨﻪ ﺑﻌﺮﺳﻪ ﺍﺫﺍ ﺳﻤﻌﺖ ﺻﻮﺕ ﻭﺣﺪﺓ ﻣﻨﺠﻦ ﻫﺎﻱ ﺍﻟﻲ ﺍﻟﻠﻪ ﻛﺘﺒﻬﺎ ﻋﻠﻴﺠﻦ ﻣﺎﺗﻌﺮﻓﻦ ﺷﺴﻮﻱ ﺑﺤﺎﻟﺠﻦ ﻓﺎﻫﻤﺎﺕ ﻟﻮﻻﺍﺍ ?
ﻭﻫﺴﻪ ﺍﻧﺠﺒﻦ ﻭﺍﺳﻜﺘﻦ ﺍﻫﻨﺎ ﻭﺍﻧﺘﻦ ﺍﻃﻠﻌﻦ ﻋﻨﻬﻦ ﺧﻠﻴﻬﻦ ﻳﻨﮕﺒﺮﻥ ﺑﻤﻜﺎﻧﻬﻦ ﻭﺍﻧﻄﻨﻬﻦ ﺍﻟﮕﻮﻧﻴﻪ ﺍﻟﺒﻴﻬﺎ ﺍﻟﻬﺪﻭﻡ ﺍﻟﺴﻮﺩ ﺧﻞ ﻳﺒﺪﻟﻦ ﺟﺎﻳﺎﺗﻨﻲ ﻻﺑﺴﺎﺕ ﺍﺣﻤﺮ ﻳﺘﺸﻤﺘﻦ ﺑﻨﺎﺕ ﺍﻟﻔﮕﺮ ﺑﻤﻮﺕ ﺍﻭﻟﻴﺪﻱ
ﺯﻳﻨﺐ،،ﺍﻣﻲ ﻓﻘﻴﺮﺓ ﻭﻣﻦ ﺻﺎﺭﺕ ﺍﻟﺴﺎﻟﻔﻪ ﺣﺘﺊ ﻣﺎﻋﺪﻫﺎ ﻋﻘﻞ ﺍﺗﮕﻠﻲ ﻳﻤﻪ ﺍﻟﺒﺴﻲ ﺍﺳﻮﺩ ﻣﻦ ﺗﺮﺣﻴﻦ ﺷﻮ ﺍﺣﻨﻪ ﻃﻠﻌﻨﻪ ﺍﻧﻲ ﻭﻏﺼﻮﻥ ﻣﻦ ﺑﻴﻮﺕ ﺍﻫﻠﻨﻪ ﻣﺜﻞ ﺍﻟﺴﺒﺎﻳﻪ
ﻣﺴﺒﻴﻴﻦ
ﺍﻟﺘﻔﺘﺖ ﻟﻼﺑﻨﻴﻪ ﺍﻟﻮﺭﺍﻫﺎ ﮔﺎﻟﺖ ﺍﻟﻬﺎ ﻏﻔﺮﺍﻥ ﺷﻮﻓﻲ ﺧﺎﻟﺘﺞ ﻭﻳﻦ ﺣﺎﻃﻪ ﺍﻟﮕﻮﻧﻴﻪ ?
ﺭﺍﺣﺖ ﺍﻻﺳﻤﻬﺎ ﻏﻔﺮﺍﻥ ﺩﻗﺎﻳﻖ ﻭﺍﺟﺖ ﺍﻟﻤﺮﺓ ﺗﻤﺸﻲ ﻭﺭﺍﻫﺎ ﻧﻔﺴﻬﺎ ﺍﻟﻔﺰﻋﺘﻠﻲ ﻣﻦ ﺿﺮﺑﻨﻲ ﺑﺲ ﺍﻛﻮ ﻭﺣﺪﺓ ﺛﺎﻧﻴﻪ ﻋﺮﻓﺘﻬﺎ ﺍﻡ ﺟﻨﻪ ﻻﻥ ﮔﺎﻟﺘﻠﻬﺎ ﻳﻤﻪ ﻣﺒﻴﻨﻪ ﺷﺮﺍﻧﻴﻪ ﻣﺜﻞ ﺑﺘﻬﺎ ﺑﺲ ﻫﺎﻱ ﺗﺨﺘﻠﻒ ﻋﻨﻬﻦ ﺳﺎﻛﺘﻪ ﻣﺎﺗﺤﺠﻲ ﺣﺘﺊ ﺻﻮﺗﻬﺎ ﻧﺎﺻﻲ
ﺭﺍﺣﺖ ﻟﻠﻜﻨﺘﻮﺭ ﺍﻛﻮ ﻛﻨﺘﻮﺭ ﺍﺑﻮ ﺑﺎﺑﻴﻦ ﺑﻲ ﺑﺲ ﺑﺎﺏ ﻭﺍﺣﺪ ﻭﺍﻟﺜﺎﻧﻲ ﻣﺸﻠﻮﻉ ﻓﺘﺤﺖ ﺍﻟﺒﺎﺏ ﻃﻠﻌﺖ ﺍﻟﮕﻮﻧﻴﻪ
ﺣﻄﺘﻬﺎ ﺑﺎﺍﻟﮕﺎﻉ ﻭﺑﺪﺕ ﺗﺴﺤﺐ ﺍﻟﻤﻼﺑﺲ ﻣﻨﻬﺎ ﻭﺗﺤﻂ ﺑﺼﻔﻬﺎ
ﮔﺎﻟﺘﻠﻬﺎ
ﺍﻡ ﺳﺠﺎﺩ،،ﻳﻤﻪ ﺫﻧﻲ ﺍﺧﺮﮒ ) ﻣﻼﺑﺲ ﻗﺪﻳﻤﻪ
ﺷﻴﻠﺒﺴﻬﻦ ?
ﺫﻧﻲ ﻳﻨﻔﻌﻦ ﻭﺻﻞ ﻟﻠﻤﺴﺢ ﻣﻮﻣﺎﻝ ﻟﺒﺲ
ﺍﻧﻲ ﻋﻨﺪﻱ ﺍﻫﺪﻭﻡ ﺳﻮﺩ ﺍﻫﻮﺍﻱ ﻭﺍﻧﻄﻴﻬﻦ ﺧﻞ ﻳﻠﺒﺴﻦ
ﺍﻡ ﻟﻮﺍﺀ،،ﺍﻧﻄﻴﻬﻦ ﻣﺮﺭﺭﺽ ﻳﻠﺒﺴﻨﻪ ﺫﻧﻲ ﺍﻟﻔﮕﺮﻳﺎﺕ
ﻫﻨﻪ ﺫﻧﻲ ﺍﻟﺠﺮﻭﺩ ﻭﻣﺴﺘﺨﺴﺮﺗﻬﻦ ﺑﻴﻬﻦ
ﺍﻧﻄﻴﻬﻨﻨﻦ ﺧﻞ ﻳﻠﺒﺴﺴﻨﻬﻦ . ﻭﻳﺨﻠﺼﻨﻪ
ﺯﻳﻨﺐ،،ﺍﻟﻤﺮﺓ ﺍﻡ ﺳﺠﺎﺩ ﺳﻜﺘﺖ ﻣﺎﺣﺠﺖ ﺷﻲ ﺑﺲ ﻣﺒﻴﻨﻪ ﺍﻧﻬﻀﻤﺖ ﻣﻦ ﻛﻼﻡ ﺍﻣﻬﺎ ﻭﺯﻣﺨﻬﺎ ﺑﻮﺟﻬﺎ
ﮔﺎﻣﺖ ﻋﺎﻓﺘﻨﻪ ﻭﻃﻠﻌﺖ ﺩﻣﻌﺘﻬﺎ ﺑﻌﻴﻨﻬﺎ
ﺍﺟﺖ ﺟﻨﻪ ﺟﺮﺕ ﺛﻮﺑﻴﻦ ﻭﺷﺎﻟﺖ ﺍﻟﮕﻮﻧﻴﻪ ﻣﻦ ﺍﻻﺧﻴﺮ ﻓﺮﻏﺘﻬﺎ ﺑﺎﻟﮕﺎﻉ
ﺟﻨﻪ،،ﻳﺎﻟﻠﻪ ﺍﻟﺒﺴﻦ ﻭﺧﻠﺼﻨﻪ
ﺯﻳﻨﺐ،،ﺍﺧﺬﺕ ﺛﻮﺏ ﺍﻟﻲ ﻭﺛﻮﺏ ﺍﻟﻐﺼﻮﻥ ﺍﻟﺴﺎﻛﺘﻪ
ﻭﺍﻟﺒﺎﻗﻲ ﺩﻓﺮﺗﻪ ﺑﺮﺟﻠﻬﺎ ﻳﻢ ﺍﻟﻜﻨﺘﻮﺭ
ﺟﻨﻪ،،ﺫﻧﻲ ﺍﻟﺠﺮﻭﺩ ﺻﺎﺭﻥ ﺍﻫﺪﻭﻣﺠﻦ ﻭﻫﺬﺍ ﺍﻟﻜﻨﺘﻮﺭ ﺣﻄﻨﻬﻦ ﺑﻲ
ﻳﺎﻟﻠﻪ ﺑﻴﺒﻲ ﻣﻮﺯﻳﻦ ﻋﻠﻴﺞ ﺍﻟﮕﻌﺪﺓ ﺍﻟﻬﻮﺍﻱ ﺗﻌﺎﻱ ﺍﺣﻄﺞ ﺑﻔﺮﺍﺷﺞ
ﺯﻳﻨﺐ،،ﻃﻠﻌﻦ ﻳﺒﺴﺴﻦ ﺑﻴﻨﺎﺗﻬﻦ ﻭﺍﻧﻲ ﺭﺣﺖ ﻳﻢ ﻏﺼﻮﻥ ﺑﺎﻭﻋﺘﻠﻲ ﺑﻨﻀﺮﺓ ﻣﻠﻴﺎﻧﻪ ﻗﻬﺮ ﻭﺧﻮﻑ ﻭﺿﻴﺎﻉ
ﺍﺣﺎﻭﻝ ﺍﻃﻤﻨﻬﺎ ﺣﺘﺊ ﻟﻮ ﺑﺎﺍﻟﺠﺬﺏ
ﮔﺘﻠﻬﺎ ﻟﺘﺨﺎﻓﻴﻦ ﻭﺣﻘﻬﻢ ﺍﻟﺠﺎﻱ ﻳﺴﻮﻭ ﻻﻥ ﺍﺑﻨﻬﻢ ﻭﻋﺰﻳﺰﻫﻢ ﻭﺍﻱ ﺷﺨﺺ ﺑﻤﻜﺎﻧﻬﻢ ﻳﺴﻮﻱ ﻧﻔﺲ ﺍﺳﻮﺍﻳﺘﻬﻢ ﻭﺍﻛﺜﺮ
ﺍﻧﺸﺎﺀﺍﻟﻠﻪ ﻓﺘﺮﺓ ﻭﺗﺨﻠﺺ
ﻏﺼﻮﻥ،،ﻣﺎﺗﺨﻠﺺ
ﺯﻳﻨﺐ،،ﺣﺠﺘﻬﺎ ﻭﺩﻧﻜﺖ ﺗﺒﺠﻲ ﻣﺪﻳﺖ ﺍﻳﺪﻱ ﻃﻮﻗﺘﻬﺎ ﺍﻟﺤﻀﻨﻲ ﻛﺘﻠﻬﺎ ﻛﻮﻣﻲ ﺍﻟﺒﺴﻲ ﺫﻧﻲ ﻻﺗﺮﺟﻊ ﻣﻴﺴﺎﺀ ﺍﻟﺴﺤﺎﺭﺓ ﻭﺍﻟﻌﺠﻮﺯ ﺍﻟﺸﻤﻄﺎﺀ ﻳﮕﻮﺭﻋﻦ ﺭﻭﺳﻨﻪ
ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ﻧﻬﻀﺖ ﻧﺰﻋﺖ ﻋﺒﺎﺗﻲ ﺳﻮﻳﺘﻠﻬﺎ ﺳﺘﺮ ﺗﺒﺪﻝ ﺑﻲ ﺣﺘﺊ ﻣﺤﺪ ﻳﺸﻮﻓﻬﺎ ﻻﻥ ﺍﻟﺸﺒﺎﻙ ﻣﺎﺑﻲ ﺟﺎﻡ ﻭﻧﻨﺸﺎﻑ
ﻛﻤﻠﺖ ﻏﺼﻮﻥ ﻭﺍﻧﻲ ﻭﺭﺍﻫﺎ ﻟﺰﻣﺘﻠﻲ ﺍﻟﻌﺒﺎﻳﻪ ﺣﺘﺊ ﺍﺑﺪﻝ
ﻭﺍﻟﻠﻪ ﺍﻟﻐﺼﻪ ﺍﻧﺠﻤﻌﺖ ﺗﺮﺱ ﺭﻭﺣﻲ
ﻻﻥ ﻛﻠﻬﻦ ﺭﻳﺤﻪ ﺍﺗﺮﺍﺏ
ﺍﻧﻲ ﺍﻟﺠﻨﺖ ﻣﻌﺘﻨﻴﻪ ﺑﻨﻔﺴﻲ ﺭﻏﻢ ﺍﻃﻠﻊ ﻟﻠﺤﻼﻝ ﻭﺍﻟﻬﻮﺵ ﺑﺲ ﺍﻣﻲ ﺗﺼﻴﺤﻠﻲ ﺍﻡ ﺣﻼﺗﻲ
ﻻﻥ ﻛﻞ ﻣﺎﺗﺼﺨﺮﻧﻲ ﻋﻠﺊ ﺷﻲ ﺧﺎﺭﺝ ﺍﻟﺒﻴﺖ ﻻﺯﻡ ﺍﻟﺒﺲ ﻧﮕﺒﻪ ) ﻧﻘﺎﺏ
ﻳﺎﺍﻟﻠﻪ ﺍﻃﻠﻊ ﺍﻣﻲ ﺍﺗﮕﻠﻲ ﻭﺍﻟﻠﻪ ﺍﻟﺞ ﺧﻠﮓ
ﺍﮔﻠﻬﺎ ﺍﺧﺎﻑ ﻋﻠﺊ ﺣﻼﺗﻲ ﻣﻦ ﺍﻟﺸﻤﺲ
ﺍﺗﺸﺎﻗﻪ ﻭﻳﺎﻫﺎ ﻭﺍﺭﺟﻊ ﺍﮔﻠﻬﺎ ﻳﻤﻪ ﻫﻮ ﺍﻧﻲ ﺳﻤﺮﺓ ﻭﺍﻧﻮﺏ ﺗﻀﺮﺑﻨﻲ ﺍﻟﺸﻤﺲ ﺣﺘﺊ ﺍﺿﻞ ﻋﻠﺊ ﺍﻛﻠﺒﺞ ﻣﺤﺪ ﻳﮕﻠﺐ ﺳﻠﻌﺘﻲ
ﺍﻟﻤﻬﻢ ﻛﻤﻠﻨﻪ ﻟﺒﺲ ﻭﺍﺟﺖ ﺍﻻﺳﻤﻬﺎ ﻏﻔﺮﺍﻥ ﺍﺧﺖ ﺟﻨﻪ ﮔﺎﻟﺖ ﻳﺎﺍﻟﻠﻪ . ﺍﻃﻠﻌﻦ ﻳﺮﺩﻭﺟﻦ ﺑﺮﺓ
ﻧﻬﻀﻨﻪ ﺍﻧﻲ ﻭﻏﺼﻮﻥ ﻻﺑﺴﺎﺕ ﻋﺒﺎﻳﺎﺗﻨﻪ ﻣﻠﻔﻠﻔﺎﺕ ﺑﻴﻬﺎ ﻧﻤﺸﻲ ﻭﻧﺘﻌﺜﺮ ﺑﺬﻳﺎﺍﻟﻬﺎ ﻻﻥ ﻣﺮﺗﺒﻜﻴﻦ ﻭﺧﺎﻳﻔﻴﻦ
ﺩﺧﻠﻨﻪ ﻭﺭﺍﻫﺎ ﻟﻠﺼﺎﻟﻪ ﺑﻴﻬﺎ ﺗﺨﻢ ﻗﻨﻔﺎﺕ
ﺍﻡ ﻟﻮﺍﺀ،،ﺍﻧﮕﺒﺮﻥ ﺍﻫﻨﺎ ﺍﻛﻌﺪﻥ
ﺯﻳﻨﺐ،،ﮔﻌﺪﻧﻪ ﺍﻧﻲ ﻭﻏﺼﻮﻥ ﻭﺟﺎﻥ ﺗﺰﻣﺦ ﺑﻴﻨﻪ ﺯﻣﺨﻪ ﻃﻔﺮﻧﻪ ﺍﺛﻨﻴﻨﻪ
ﺍﻡ ﻟﻮﺍﺀ،،ﺑﺎﻟﮕﺎﺍﺍﺍﻉ
ﺯﻳﻨﺐ،،ﺍﺗﻤﻨﻴﺖ ﺍﻟﮕﺎﻉ ﺗﻨﻔﺘﺢ ﻭﺗﺒﻠﻌﻨﻲ ﻣﻦ ﺍﻟﻔﺸﻠﻪ
ﻛﺮﻫﺖ ﺍﻟﻔﻠﻮﺱ ﻭﻛﺮﻫﺖ ﺍﻻﻏﻨﻴﺎﺀ ﺍﻟﻲ ﻳﺒﺎﻭﻋﻮﻥ ﻟﻠﻔﻘﻴﺮ ﺑﻨﻀﺮﺓ ﺍﺣﺘﻘﺎﺭ
ﻓﺸﻠﺘﻨﻪ ﻻﻥ ﮔﻌﺪﻧﻪ ﻋﻠﺊ ﺍﻟﻘﻨﻔﺎﺕ ﻃﻔﺮﻧﻪ ﺍﻧﻲ ﻭﻏﺼﻮﻥ ﮔﻌﺪﻧﻪ ﺑﺎﻟﮕﺎﻉ ﻳﻢ ﺍﻟﻘﻨﻔﻪ ﺟﻮﺓ ﮔﺎﻟﺖ
ﺍﻡ ﻟﻮﺍﺀ،،ﻣﻮ ﺍﻫﻨﺎﺍﺍﺍﺍ ﮔﻮﻣﻦ ﺍﻫﻨﺎﻙ
ﺯﻳﻨﺐ ،،ﺍﺑﺎﻭﻋﻠﻬﺎ ﺗﺎﺷﺮ ﻳﻢ ﺍﻟﺒﺎﺏ
ﺍﻟﺘﻔﺘﺖ ﻏﺼﻮﻥ ﺗﺒﺎﻭﻋﻠﻲ ﻭﺩﻣﻮﻋﻬﺎ ﺗﺠﺮﻱ ﺍﻧﻲ ﺍﺗﺤﻤﻞ ﺑﺲ ﻏﺼﻮﻥ ﻣﺪﻟﻠﻪ ﻋﻤﻲ ﺭﻭﺣﻬﺎ ﺗﺮﻓﻪ ﺣﻴﻴﻞ
ﻟﺰﻣﺖ ﺍﻳﺪﻫﺎ ﺗﺮﺟﻒ ﻧﻬﻀﺖ ﻭﺭﻓﻌﺘﻬﺎ ﻭﻳﺎﻱ ﻣﻦ ﺍﻳﺪﻫﺎ ﻭﺭﺣﻨﻪ ﮔﻌﺪﻧﻪ ﺑﺎﺍﻟﺒﺎﺏ ﻳﻢ ﺍﻟﻨﻌﻞ
ﺩﺧﻞ ﺍﻟﺸﻴﺦ ﺿﻞ ﻳﺒﺎﻭﻋﻠﻨﻪ ﻣﺴﺘﻐﺮﺏ ﻣﻜﺎﻥ ﮔﻌﺪﺗﻨﻪ ﺭﺍﺩ ﻳﺤﺠﻲ ﻣﺎﺍﻧﻄﺘﻪ ﻣﺮﺗﻪ ﻣﺠﺎﻝ ﺳﺎﻟﺘﻪ ﻋﻠﺊ ﻟﻮﺍﺀ
ﻣﺒﻴﻦ ﺍﻛﻮ ﺷﻲ ﺻﺎﻳﺮ
ﺷﻴﺦ ﻣﻨﻬﻞ،،ﻣﺎﺍﺩﺭﻱ ﺑﻲ ﻭﻳﻦ ﺭﺍﺡ ﻭﻏﺎﻟﻖ ﻣﻮﺑﺎﻳﻠﻪ ﻭﺍﻟﺴﻴﺪ ﮔﺎﻋﺪ ﺑﺎﺍﻟﻤﻀﻴﻒ
ﺯﻳﻨﺐ،،ﻋﺮﻓﺖ ﺭﺍﺡ ﻳﻌﻘﺪﻭﻟﻨﻪ ﺍﺣﺲ ﮔﻠﺒﻲ ﺍﻧﺨﻤﺶ
،،،،،،،
ﻟﻮﺍﺀ،،ﻣﺎﮔﺪﺭﺕ ﺍﺿﻞ ﺑﺎﺍﻟﺒﻴﺖ ﻻﺯﻡ ﺍﺭﻭﺡ ﺍﺣﺠﻲ ﻭﻳﻪ ﺍﻡ ﻋﻠﻲ ﻭﺍﻭﺻﻠﻠﻬﺎ ﺧﺒﺮ ﺍﺳﺘﺸﻬﺎﺩ ﺍﺑﻨﻬﺎ ﻣﻦ ﺍﻟﻠﻴﻞ ﻣﺎﻧﺎﻳﻢ ﺍﺷﻠﻮﻥ ﺍﻟﻲ ﻋﻴﻦ ﺍﺭﻭﺡ ﻭﺍﮔﻠﻬﺎ ﺍﺑﻨﺞ ﻣﺎﺕ
ﻣﻮﻗﻒ ﺻﻌﺐ ﻻﻭﻝ ﻣﺮﺓ ﺑﺤﻴﺎﺗﻲ ﺍﻧﺤﻂ ﺑﻬﻴﺞ ﻣﻮﻗﻒ
ﺭﺑﻊ ﺳﺎﻋﻪ ﮔﺎﻋﺪ ﺍﺑﺎﺑﻬﻢ ﻻﻥ ﻣﺎﻋﻨﺪﻱ ﺍﻟﻘﻮﺓ ﺍﺩﺧﻠﻠﻬﻢ
ﺭﺩﺕ ﺍﺭﺟﻊ ﺍﻟﻌﺒﺮﺓ ﺧﺎﻧﮕﺘﻨﻲ ﻣﺮﺗﻴﻦ ﺍﺟﻴﺖ ﺍﻟﺒﻴﺖ ﻋﻠﻲ ﺧﻼﻝ ﻣﻌﺮﻓﺘﻲ ﺑﻲ ﻫﺎﺟﺖ ﻭﻳﻪ ﺟﻴﺘﻲ ﻛﻞ ﺍﻟﻤﻮﺍﺟﻊ
ﺭﺩﺕ ﺍﻧﻬﺾ ﺍﻧﻔﺘﺢ ﺍﻟﺒﺎﺏ ﻃﻠﻊ ﺍﺧﻮ ﻻﺯﻡ ﻣﻮﺑﺎﻳﻠﻪ ﺷﺎﻓﻨﻲ . ﺍﺗﻔﺎﺟﺊ
ﺳﻠﻤﺖ ﻋﻠﻲ ﺍﻧﻲ ﻣﺪﻧﮓ ﻭﺍﺧﻮ ﻳﺪﻭﺭ ﺑﻤﻼﻣﺢ ﻭﺟﻬﻲ ﻣﺒﻴﻦ ﻣﻦ ﻧﻀﺮﺍﺗﻪ ﺍﻟﻘﻠﻖ
ﺍﺑﻠﻊ ﺑﺮﻳﮕﻲ ﺍﺣﺲ ﻧﺎﺷﻒ ﻳﺒﺲ ﺣﻠﮕﻲ
ﺩﺧﻠﻨﻲ ﺍﻟﻮﻟﺪ ﻟﻠﺒﻴﺖ ﻭﺭﺍﺡ ﻳﺼﻴﺢ ﻟﻠﺤﺠﻴﻪ
ﺷﻮﻳﻪ ﻭﺍﺟﻪ ﻫﻮ ﻭﻳﺎﻫﺎ ﻣﺮﺓ ﻭﻗﺮﺓ
ﺩﺧﻠﺖ ﻛﻌﺪﺕ ﻳﻤﻲ ﺍﻟﻐﺼﻪ ﺍﻧﺠﻤﻌﺖ ﺍﺑﻠﻌﻮﻣﻲ ﺍﺭﺗﺒﻚ ﺻﻮﺗﻲ ﻭﺍﻧﻲ ﺍﺣﺎﻭﻝ ﺍﻭﺻﻠﻠﻬﺎ ﺧﺒﺮ ﺍﺳﺘﺸﻬﺎﺩ ﺍﺑﻨﻬﺎ
ﺻﺪﻣﺘﻨﻲ ﺻﺪﻣﺔ ﺣﻴﺎﺗﻲ ﻣﻦ ﮔﺎﻟﺖ
ﺍﻡ ﻋﻠﻲ،،ﺧﺎﻟﻪ ﻳﺒﻌﺪ ﺧﺎﻟﺘﻚ ﺗﺮﺓ ﺍﺩﺭﻱ ﺟﻴﺘﻚ ﻟﻬﻨﺎ ﺣﺘﺊ ﺍﺗﮕﻠﻲ ﺍﺑﻨﺞ ﺷﻬﻴﺪ
ﻟﻮﺍﺀ،،ﺑﺠﻴﺖ ﺑﺼﻮﺕ ﻋﺎﻟﻲ ﻭﺍﺧﻮ ﻭﺍﮔﻒ ﻫﻢ ﺧﻄﻴﻪ ﮔﻌﺪ ﺑﺎﻟﮕﺎﻉ ﻳﺒﺠﻲ ﺑﺲ ﺍﻣﻪ ﺩﻧﮕﺖ ﺗﻬﺰ ﺑﺮﺍﺳﻬﺎ ﻣﺘﺎﺳﻔﻪ
ﺗﺼﻔﮓ ﺍﻳﺪ ﺑﻴﺪ ﺫﺑﺤﺘﻨﻲ ﻣﻦ ﮔﺎﻟﺖ
ﺍﻡ ﻋﻠﻲ،،ﻳﻤﻪ ﻭﺍﻳﺴﺖ ﻣﻨﻪ
ﺩﻓﻨﺖ ﺍﻟﻮﻟﺪﺩ ﻭﺃﻳﺴﺖ ﻣﻨﻪ
ﻟﻮﺍﺀ،،ﺭﻓﻌﺖ ﺭﺍﺳﻬﺎ ﻭﻛﻌﻦ ﺍﺩﻣﻮﻋﻬﺎ ﻣﺴﺤﺘﻬﻦ ﺑﺸﻴﻠﺘﻬﺎ
ﮔﺎﻟﺖ ﻭﻟﻚ ﺧﺎﻟﻪ ﺟﺒﺘﻠﻲ ﺟﺜﺘﻪ ﺍﺩﻓﻨﻬﺎ ?
ﻟﻮ ﺍﻭﻟﻴﺪﻱ ﺑﺪﻭﻥ ﮔﺒﺮ ﻳﻀﻞ ??
ﺍﺗﻌﺎﻟﺖ ﺍﺻﻮﺍﺗﻨﻪ ﺑﺎﻟﻨﺤﻴﺐ ﻛﻤﻠﺖ ﺍﻟﻨﻌﻲ ﻣﺎﻟﺘﻬﺎ
ﺍﻡ ﻋﻠﻲ،،ﻳﻤﻪ ﺩﻓﻨﺖ ﺍﻟﻮﻟﺪ ﻭﺃﻳﺴﺖ ﻣﻨﻪ
ﻳﻤﻪ ﻣﺎﻣﺶ ﻣﺤﻨﻪ
ﻳﻤﻪ ﻣﻨﻪ ﻭﺑﻌﺪ ﻣﺎﻣﺶ ﻣﺤﻨﻪ
ﻭﻟﻚ ﻳﻤﻪ ﺍﻟﻮﻟﺪ ﻭﻧﻪ ﺍﻋﻠﻪ ﻭﻧﻪ
ﻣﺎﺑﻄﻞ ﻭﺍﺿﻞ ﻭﻧﻪ ﺍﻋﻠﻪ ﻭﻧﻪ
ﺣﺮﺍﻣﺎﺕ ﻳﻴﻤﻪ ﻣﻦ ﻧﻔﮕﺪ ﺍﻟﻤﺜﻠﻚ ﺣﺮﺍﻣﺎﺕ
ﻣﺎﺗﻌﺮﻑ ﺍﺗﺒﺎﺕ ﻳﻤﻪ ﻭﺍﻋﺮﻓﻦ ﺑﺎﻟﮕﺒﺮ ﻣﺎﺗﻌﺮﻑ ﺍﺗﺒﺎﺕ
،،،،،،،،،
ﺻﻌﺐ ﺍﻛﻤﻞ ﻣﺸﻬﺪ ﺍﻡ ﻋﻠﻲ ﺍﻟﻠﻪ ﻳﺼﺒﺮ ﻛﻞ ﺍﻡ ﻣﻔﺠﻮﻋﻪ ﺑﻮﻟﻴﺪﻫﺎ
ﻣﺎﺣﺪﺙ ﻓﻲ ﺍﻟﻌﺮﺍﻕ ﻭﻣﺎﻳﺤﺪﺙ ﺣﺎﻟﻴﺎ ﻫﻲ ﺍﻣﺜﻠﻪ ﻟﻜﻮﺍﺭﺙ ﺗﺒﻠﻐﻨﺎ ﻛﻢ ﺃﻥ ﺍﻻﻧﻔﺲ ﻻﺭﻫﺎﻥ ﻋﻠﻴﻬﺎ
ﻓﻘﺪﻧﺎ ﻛﺜﻴﺮ ﻣﻦ ﺍﻟﺸﻬﺪﺍﺀ ﻛﺎﻥ ﻣﻨﻬﻢ ﻳﻌﺪﻭﻥ ﻟﺨﻄﺔ ﻓﺮﺡ ﺍﻭ ﺯﻭﺍﺝ ﺍﻭ ﺭﺣﻠﻪ ﺍﻭﻋﻤﻞ ﺍﻭ ﺣﻴﺎﺓ ﺟﺪﻳﺪﺓ
ﻳﺮﺳﻤﻮﻥ ﺍﻟﻒ ﻓﻜﺮﺓ ﻭﻳﺤﻠﻤﻮﻥ ﺍﺣﻼﻡ ﺑﺴﻴﻄﻪ ﻋﻠﺊ ﺍﻣﻞ ﺍﻥ ﺗﺘﺤﻘﻖ ﻭﻋﻨﺪ ﺍﺭﺍﺩﺓ ﺍﻟﻠﻪ ﻳﺨﺘﻠﻒ ﺍﻟﻤﺴﺎﺭ ﺑﻴﻦ ﻟﺤﻀﻪ ﻭﻟﺤﻀﻪ ﻗﺪ ﻻﻧﻜﻮﻥ ﺑﻴﻦ ﺷﻬﻴﻖ ﺍﻻﻧﺴﺎﻥ ﻭﺯﻓﻴﺮﺓ
ﻳﻜﺘﺐ ﺍﻟﺘﺎﺭﻳﺦ ﺍﻟﻒ ﺣﻜﺎﻳﻪ ﻭﻧﻬﺎﻳﻪ
ﺍﻟﻠﻬﻢ ﺍﺭﺣﻢ ﺷﻬﺪﺍﺋﻨﺎ ﺍﻻﺑﻄﺎﻝ ﻭﺍﺳﻜﻨﻬﻢ ﺟﻨﺎﺓ ﺍﻟﺨﻠﺪ ﻭﺍﺣﺸﺮﻧﺎ ﻭﺍﻳﺎﻫﻢ ﺑﺮﺣﻤﺘﻚ ﻳﺎﺍﺭﺣﻢ ﺍﻟﺮﺍﺣﻤﻴﻦ
،،،،،،،،
ﻟﻮﺍﺀ،،ﺗﻌﺒﻨﻪ ﻣﻦ ﺍﻟﺒﺠﻲ ﻫﺪﺋﺖ ﺍﻡ ﻋﻠﻲ ﻛﻤﻠﺖ ﻛﻼﻣﻬﺎ ﻭﻫﻲ ﺗﻤﺴﺢ ﺩﻣﻮﻋﻬﺎ
ﺍﻡ ﻋﻠﻲ،،ﺍﻭﻝ ﺍﻟﺒﺎﺭﺣﻪ ﺻﻠﻴﺖ ﺍﻟﻀﻬﺮ ﻭﻧﻤﺖ
ﻓﺘﺤﺖ ﻋﻴﻮﻧﻲ ﻋﻠﻲ ﻳﻢ ﺭﺍﺳﻲ ﺑﺎﺳﻨﻲ ﻭﺑﺎﺱ ﺍﻳﺪﻱ ﻭﺍﻟﻀﺤﻜﻪ ﺗﺎﺭﺳﻪ ﻭﺟﻬﺎ
ﮔﺘﻠﻪ ﻣﻔﺰﻭﻋﻪ ﻫﻠﻪ ﺑﺠﻴﺘﻚ ﻳﺒﻌﺪ ﺍﻣﻚ ﻭﺍﻟﻠﻪ ﻣﻴﺘﻪ ﻣﻦ ﺍﻟﺨﻮﻑ ﻋﻠﻴﻚ ﻧﺘﺼﻞ ﺑﻴﻚ ﻣﺎﻧﺤﺼﻠﻚ
ﺟﺎﻭﺑﻨﻲ ﻻﺗﺎﺧﻔﻴﻦ ﻳﻤﻪ ﻛﻠﺸﻲ ﻣﺎﺑﻴﻪ ﻭﺍﺣﺲ ﺭﻭﺣﻲ ﺗﻮﻧﻲ ﺍﺭﺗﺎﺣﻴﺖ ﻳﻤﻪ
ﺑﺎﻭﻋﻲ ﺑﻴﺘﻲ ﺍﻟﺒﻨﻴﺘﻪ ﺍﺷﮕﺪ ﺣﻠﻮ
ﻃﻠﻊ ﻣﻮﺑﺎﻳﻠﻪ ﻣﻦ ﺟﻴﺒﻪ ﻳﺸﻮﻓﻨﻲ ﺻﻮﺭ ﺑﻴﺘﻪ ﺍﻟﺠﺪﻳﺪ ﺑﻴﺖ ﺑﺎﻻﺣﻼﻡ ﻣﺎﺷﺎﻳﻔﺘﻪ ﻣﻦ ﺣﻼﺗﻪ ﻭﺭﻭﻋﻪ ﻣﻜﺎﻧﻪ
ﮔﺘﻠﻪ ﻳﻤﻪ ﻳﻨﻄﻴﻚ ﮔﻠﺒﻚ ﺗﺸﻴﻞ ﻋﻦ ﺍﻣﻚ ?
ﺟﺎﻭﺑﻨﻲ ﺍﻧﻲ ﻳﻤﺞ ﻳﺎﻟﻐﺎﻟﻴﻪ ﻣﺎﺭﺍﻳﺢ ﺍﻟﻤﻜﺎﻥ ﺑﺲ ﺧﻠﻴﻨﻲ ﻣﺮﺗﺎﺡ ﺍﺣﺲ ﺭﻭﺣﻲ ﻣﺮﺗﺎﺡ ﺭﺍﺣﻪ ﺑﻌﻤﺮﻱ ﻣﺎﺷﺎﻳﻔﻬﺎ
ﻳﺨﺎﻟﻪ ﻣﺪ ﺍﻳﺪﺓ ﻋﻠﺊ ﺻﺪﺭﻱ ﺍﻳﺪﺓ ﺑﻴﻬﺎ ﻣﺜﻞ ﺍﻟﻀﻮﺓ ﻣﺮﺭﻫﺎ ﻋﻠﺊ ﺻﺪﺭﻱ ﺍﺣﺲ ﻣﺎﻱ ﺑﺎﺭﺩ ﻧﺰﻝ ﻋﻠﺊ ﮔﻠﺒﻲ
ﻓﺰﻳﺖ ﻣﺎﻣﺶ ﻋﻠﻲ
ﮔﻤﺖ ﺍﻓﺘﺮ ﺑﺎﻟﺤﻮﺵ ﻛﻞ ﺿﻨﻲ ﺟﺎﻱ
ﺑﺲ ﻣﻦ ﻛﻌﺪﺕ ﺑﻴﻨﻲ ﻭﻳﻴﻦ ﺭﻭﺣﻲ ﻋﺮﻓﺖ ﻭﻟﻴﺪﻱ ﺍﺳﺘﺸﻬﺪ ﻭﺍﺟﻪ ﻳﻮﺩﻉ ﺍﻣﻪ
ﻭﺣﻂ ﺍﻳﺪﺓ ﻋﻠﺊ ﮔﻠﺒﻲ ﺣﺘﺊ ﺗﺒﺮﺩ ﻧﺎﺭﻱ
ﻳﺨﺎﻟﻪ ﻻﺗﺨﺎﻑ . ﺍﻋﻠﻪ ﺧﺎﻟﺘﻚ ﺗﺮﺓ ﻣﻌﻠﻢ ﻋﻠﺊ ﺍﻟﻠﭽﻤﺎﺕ ﮔﻠﺒﻲ
ﺟﺎﻧﻮ ﻋﻨﺪﻱ ﺛﻼﺙ ﺍﺧﻮﺍﻥ
ﺑﻮﻛﺖ ﺍﻟﻨﻀﺎﻡ ﻗﺒﻞ ﻣﺎﻟﻬﻢ ﺷﻐﻞ ﻻﺑﺎﻟﺮﺍﺡ ﻭﻻ ﺏ ﺍﻻﺟﻪ ﻓﻘﺮﺓ ﺍﻻﺑﻌﺪ ﺍﻟﺤﺪﻭﺩ
ﺍﻭﻻﺩ ﺍﻟﺤﺮﺍﻡ ﻟﺰﻛﻮ ﺑﻴﻬﻢ ﺗﻬﻤﻪ ﻭﺍﺑﻮﻱ ﻭﻳﺎﻫﻢ
ﺍﺟﺔ ﺍﻟﺠﻴﺶ ﺍﺧﺬ ﺍﺧﻮﺗﻲ ﺍﻟﻜﺒﺎﺭ ﺍﺛﻨﻴﻨﻬﻢ ﻭﺍﺑﻮﻱ ﻭﻳﺎﻫﻢ
ﻭﺑﻘﻪ ﺑﺲ ﺍﺧﻮﻱ ﺍﻟﺰﻏﻴﺮ ﺟﺎﻥ ﺑﻌﺪﺓ ﻃﻔﻞ ﺑﻮﻛﺘﻬﺎ
ﻋﺪﻣﻮ ﺍﺑﻮﻱ ﻭﺍﺧﻮﺗﻲ ﻭﺍﻧﻪ ﻭﺍﻣﻲ ﻭﺍﺧﻮﺍﺗﻲ ﺷﺒﻌﺘﻨﻪ ﺍﻟﺪﻧﻴﻪ ﺿﻴﻢ ﻭﻗﻬﺮ ﻭﻟﻄﺸﺘﻨﻪ ﺗﻠﻄﺶ ﻣﻦ ﻣﺼﻴﺒﻪ ﺍﻟﻤﺼﻴﺒﻪ ﺑﺲ ﺍﻣﻲ ﺟﺎﻧﺖ ﻛﻠﻤﻪ ﻭﺣﺪﺓ ﺑﻠﺴﺎﻧﻬﺎ
( ﺍﻟﻤﺆﻣﻦ ﻣﺒﺘﻠﺊ )
ﻫﺬﺍ ﺍﻣﺘﺤﺎﻥ ﻣﻦ ﺍﻟﻠﻪ ﻳﺨﺎﻟﻪ ﻻﻥ ﺍﻟﺪﻧﻴﺎ ﺩﺍﺭ ﺍﻣﺘﺤﺎﻥ ﻭﻣﺪﺭﺳﻪ ﺟﺒﻴﺮﺓ ﻭﺍﺣﻨﻪ ﻃﻼﺑﻬﺎ
ﻭﻫﻨﻴﺎﻝ ﺍﻟﻨﺠﺢ ﻭﻓﺎﺯ ﺑﺎﻟﺠﻨﻪ
ﺑﺎﻟﻌﺎﻓﻴﻪ ﻋﻠﺊ ﺍﻭﻟﻴﺪﻱ ﺍﻟﺸﻬﺎﺩﺓ ﺿﻤﻦ ﺍﻟﺠﻨﻪ ﻭﻧﻌﻴﻤﻬﺎ
ﻟﻮﺍﺀ،،ﺍﺑﺪ ﻣﺎﺷﺎﻳﻒ ﺍﻣﺮﺃﻩ ﻣﺜﻠﻬﺎ ﻣﻮﻣﻨﻪ ﺑﻘﻀﺎﺀ ﺍﻟﻠﻪ ﻭﻗﺪﺭﺓ ﺍﻟﻔﺮﻕ ﺑﻴﻨﻬﺎ ﻭﺑﻴﻦ ﺍﻣﻲ ﺟﺒﻴﺮ
ﺍﻣﻲ ﺍﻧﺸﻠﺖ ﻧﺺ ﺍﺣﺰﺍﻣﻬﺎ ﻭﺍﻟﻨﻬﺎﺭ ﻛﻠﻪ ﺍﺗﻔﺮﻓﺢ
ﻭﺍﻡ ﻋﻠﻲ ﻓﺮﺣﺎﻧﻪ ﺑﺸﻬﺎﺩﺓ ﻋﻠﻲ ﺭﻏﻢ ﺩﻣﻮﻋﻬﺎ ﺍﻟﺘﻮﺍﺳﻲ ﺑﻴﻬﻦ ﺭﻭﺣﻬﺎ
ﺍﺣﺲ ﺣﻤﻞ ﻭﺍﻧﺰﺍﺡ ﮔﺘﻠﻬﺎ ﺧﺎﻟﻪ ﺍﻧﻲ ﺑﻤﻜﺎﻥ ﻋﻠﻲ ﺍﻧﻲ ﻫﻢ ﻭﻟﻴﺪﺝ
ﺿﻠﻴﻨﻪ ﻓﺘﺮﺓ ﻣﻦ ﺍﻟﻮﻗﺖ ﻧﺴﻮﻟﻒ ﻭﺍﺗﻔﻘﻨﻪ ﺑﺎﺟﺮ ﻧﻨﺼﺐ ﺟﺎﺩﺭ ﻭﻧﻜﺘﺐ ﻗﻄﻌﻪ ﺗﻌﺰﻳﻪ ﺍﺑﺎﺑﻬﻢ
ﺑﻌﺪﻫﺎ ﺭﺟﻌﺖ ﻟﻠﺒﻴﺖ ﺍﺗﻠﮕﺎﻧﻲ ﺍﺑﻮﻱ
ﻋﺮﻓﺘﻪ ﻣﻨﺘﻀﺮﻧﻲ ﻋﻠﻤﻮﺩ ﻋﻘﺪ ﺍﻟﺴﻴﺪ ﺑﺪﺍﺧﻠﻲ . ﮔﻠﺖ ﺳﺒﺤﺎﻥ ﺍﻟﻠﻪ ﺷﮕﺪ ﺟﺎﻧﺖ ﺍﻣﻲ ﺗﺘﻮﺳﻞ ﺑﻴﻪ ﺣﺘﺊ ﺗﺨﻄﺒﻠﻲ ﻭﺟﻨﺖ ﺭﺍﻓﺾ ﻣﺎﺩﺭﻱ ﺷﻨﻮ ﻣﻀﻤﻮﻣﻠﻲ ﻣﻦ ﻗﺴﻤﻪ
ﺯﻳﻨﺐ،،ﻛﻠﻬﻦ ﺍﺟﻦ ﮔﻌﺪﻥ ﻳﺘﺒﺎﺟﻦ ﻭﻳﻨﺤﺒﻦ ﻭﺍﻡ ﻟﻮﺍﺀ ﺗﻀﺮﺏ ﻋﻠﺊ ﺭﺟﻠﻴﻬﺎ ﺗﺒﺠﻲ ﺑﺤﺮﮔﻪ ﻭﻛﻠﻤﻪ ﻭﺣﺪﺓ ﺑﻠﺴﺎﻧﻬﺎ ﻳﺎﺣﺴﻴﻦ ﻳﺎﻳﻤﻪ
ﻭﺍﻛﻮ ﻛﻢ ﻣﺮﺓ ﺍﺟﺖ ﮔﻌﺪﺕ ﻫﻢ ﻳﺒﺠﻦ
ﺩﻧﮕﺖ ﻭﺍﻟﺪﻣﻌﻪ ﺑﻌﻴﻨﻲ ﺍﺫﻛﺮ ﻳﻮﻡ ﺍﻟﺤﻨﻪ ﻣﺎﻟﺖ ﺣﺴﻴﻦ ﻭﺍﻧﻲ ﻭﻏﺼﻮﻥ ﻧﺮﺍﻗﺒﻬﻢ ﻣﻦ ﺍﻟﺴﻄﺢ ﻗﺒﻞ ﺷﻬﺮﻳﻦ ﺟﺎﻥ ﺑﻬﺬﺍ ﺍﻟﺒﻴﺖ ﻋﺮﺱ ﻭﺍﻟﻴﻮﻡ ﻫﻢ ﻳﻌﺘﺒﺮ ﻋﺮﺱ ﺑﺲ ﻋﺮﺱ ﻣﻮﺕ
ﺍﻱ ﻧﻌﻢ ﻫﺬﺍ ﺍﻻﺳﻢ ﺍﻃﻠﻘﺘﻪ ﻋﻠﺊ ﻫﻴﺞ ﺍﻋﺮﺍﺱ ﻭﺗﻘﺎﻟﻴﺪ ﻋﺸﺎﺋﺮﻳﻪ ﺑﺎﻟﻴﻪ
ﻋﺎﺩﺍﺕ ﻭﺗﻘﺎﻟﻴﺪ ﻟﻤﺠﺘﻤﻊ ﻣﺘﺨﻠﻒ ﻭﺟﺎﻫﻞ ﻳﺒﺨﺲ ﺣﻖ ﺍﻟﻤﺮﺃﺓ ﻭﻳﻀﻠﻤﻬﺎ ﻭﻛﺎﻧﻬﺎ ﺳﻠﻌﻪ ﺗﺒﺎﻉ ﻭﺗﺸﺘﺮﺉ
ﻋﻤﺮﺓ ﺍﻟﺪﻳﻦ ﻣﺎﻛﺎﻥ ﺿﺎﻟﻢ ﻟﻠﻤﺮﺃﺓ
ﺑﺲ ﺍﻟﺘﻘﺎﻟﻴﺪ ﻫﻲ ﺍﻟﻲ ﺗﻀﻠﻢ ﺍﺣﻴﺎﻧﺎ
ﻛﻢ ﺍﻧﺴﺎﻧﻪ ﺩﻓﻌﺖ ﻋﻤﺮﻫﺎ ﺛﻤﻦ ﻟﻐﻠﻄﺔ ﻏﻴﺮﻫﺎ ??
ﻭﺍﻧﻲ ﻭﻏﺼﻮﻥ ﺍﺣﺪ ﺗﻠﻚ ﺍﻟﻨﺴﺎﺀ ﺍﻟﻲ ﻗﺪﻣﻦ ﺣﻴﺎﺗﻬﻦ . ﺛﻤﻦ ﻏﻠﻄﻪ ﻣﺎﺍﻗﺘﺮﻓﺘﻬﺎ ﺍﻳﺪﻳﻬﻦ ﺍﻟﻲ ﻭﮔﻌﻦ ﺿﺤﻴﻪ ﺑﻴﺪ ﻧﺎﺱ ﻣﺎﺗﺮﺣﻢ
ﺻﺤﻴﺖ ﻣﻦ ﺗﻔﻜﻴﺮﻱ ﻋﻠﺊ ﻛﻼﻡ ﺍﻟﺸﻴﺦ
ﺷﻴﺦ ﻣﻨﻬﻞ،،ﮔﻮﻣﻦ ﻳﺎﺑﻪ ﻭﻳﺎﻱ
ﺯﻳﻨﺐ ﻧﻬﻀﻨﻪ ﺍﻧﻲ ﻭﻏﺼﻮﻥ ﻃﻠﻌﻨﻪ ﻭﺭﺍﻩ ﻓﺘﺢ ﻏﺮﻓﻪ ﺟﺒﻴﺮﺓ ﻣﺜﻞ ﺍﻻﺳﺘﻘﺒﺎﻝ ﻣﺨﻠﻴﻦ ﺑﻴﻬﺎ ﺩﻳﻮﺍﻧﻴﻪ ﺑﺎﻟﮕﺎﻉ
ﻟﮕﻴﻨﻪ ﺭﺟﺎﻝ ﻣﻌﻤﻢ ﮔﺎﻋﺪ ﻭﺍﻻﺳﻤﻪ ﻟﻮﺍﺀ ﻭﻳﺎﻩ ﻭﺑﻌﺪ ﻭﺍﺣﺪ ﮔﺎﻋﺪ ﻣﻦ ﺍﻟﻄﺮﻑ ﺍﻟﺜﺎﻧﻲ
ﮔﻌﺪﻧﻪ ﺍﻧﻲ ﻭﻏﺼﻮﻥ ﻣﺪﻧﮕﻴﻦ ﻭﻏﺼﻮﻥ ﻻﺯﻣﻪ ﺛﻮﺑﻲ
ﺍﻟﺸﻴﺦ ﻣﻨﻬﻞ ﺳﺄﻝ ﻣﻨﻮ ﺍﺧﺖ ﺍﺣﻤﺪ ?
ﺟﺎﻭﺑﺘﻪ ﻭﺍﻧﻲ ﻣﺪﻧﮕﻪ
ﺍﻧﻲ
ﺍﻟﺸﻴﺦ ﻣﻨﻬﻞ،،ﺍﺑﺪﻱ ﺷﻴﺨﻨﻪ ﺍﻋﻘﺪﻟﻬﺎ ﻋﻠﺊ ﺍﺑﻨﻲ
ﺯﻳﻨﺐ،،ﮔﻠﺒﻲ ﻣﻦ ﺩﮔﺎﺕ ﺍﻟﺨﻮﻑ ﻳﺮﻳﺪ ﻳﻔﺮ ﻣﻦ ﺻﺪﺭﻱ
ﺭﺩﺕ ﺍﻧﻬﺾ ﻭﺍﮔﻠﻬﻢ ﻣﻮﻭﻭ ﻫﺬﺍﺍ ﺣﻠﻤﻲ
ﻭﻣﻮ ﻫﺎﺍﺍﻱ ﺍﺣﻼﻣﻲ ﺍﻟﺤﻠﻤﺘﻬﻦ
ﻣﻮ ﻫﺬﺍ ﺍﻟﻌﺮﺱ ﺍﻻﺗﻤﻨﻴﺘﻪ ﻟﻮ ﺍﺳﺘﺎﻫﻠﻪ
ﻳﺎﻋﺮﻭﺱ ﺗﻌﻘﺪ ﺑﺜﻮﺏ ﺍﺳﻮﺩ ﻭﺳﺦ
ﻟﻴﺶ ?
ﻭﺷﻨﻮ ﺫﻧﺒﻲ ?
ﻭﺷﻨﻮ ﺍﻻﻗﺘﺮﻓﺘﻪ ?
ﻭﺷﻨﻮ ﺍﻟﺠﻨﻴﺘﻪ ﺣﺘﺊ ﺍﺳﺘﺎﻫﻞ ﻫﻴﺞ ﺷﻲ ?
ﺟﺮﻳﺖ ﻧﻔﺲ ﻛﺎﺗﻤﺘﻪ ﻭﺣﺼﺮﺓ ﺧﺎﻳﻔﻪ ﺍﻃﻠﻌﻬﺎ ﻻﺗﺬﺑﺤﻨﻲ
ﺍﺑﻠﻊ ﺑﻐﺼﺎﺗﻲ ﺍﻟﻲ ﺍﻧﺠﻤﻌﻦ ﺑﺮﻳﮕﻲ ﻭﺣﺪﺓ ﻭﺭﺓ ﺍﻟﺜﺎﻧﻴﻪ
ﻣﺎﺍﺩﺭﻱ ﺷﻨﻮ ﺣﺠﻪ ﺍﻟﺴﻴﺪ ﻭﺷﮕﺎﻝ
ﻛﻞ ﺍﻻﻋﺮﻓﻪ ﻣﻦ ﻛﻤﻞ ﻋﻘﺪ ﮔﺎﻝ ﺍﻟﻠﻪ ﻳﺘﻤﻤﻠﻜﻢ ﻋﻠﺊ ﺧﻴﺮ
ﺑﻌﺪﻫﺎ ﻋﻘﺪ ﺍﻟﻐﺼﻮﻥ ﻋﻠﺊ ﺍﻻﺳﻤﻪ ﺫﻳﺎﺏ
ﻻﺯﻣﻪ ﺍﻳﺪﻱ ﻋﺎﺻﺮﺗﻬﺎ ﻭﺗﺮﺟﻒ ﻛﺎﻧﻪ ﺗﺘﺤﺎﻣﻪ ﺑﻴﻪ
ﻣﺎﺗﺪﺭﻱ ﺍﻧﻲ ﺍﺭﻳﺪ ﺍﻟﻴﺤﻤﻴﻨﻲ ﻭﻳﻄﻤﻨﻲ
ﻣﻦ ﻣﺴﺘﻘﺒﻞ ﻣﺠﻬﻮﻝ ﻣﺎﺍﻋﺮﻑ ﺷﻨﻮ ﺿﺎﻣﻠﻲ ﻣﻦ ﻣﺼﺎﻳﺐ ﺛﺎﻧﻴﻪ
ﻛﻤﻞ ﺍﻟﻌﻘﺪ ﻭﺍﻟﺴﻴﺪ ﮔﻌﺪ ﻳﺤﺠﻲ ﻭﻳﺸﺮﺣﻠﻬﻢ ﻋﻦ ﺿﻠﻢ ﺍﻟﻤﺮﺃﻩ ﻭﻛﺜﻴﺮ ﻛﻼﻡ ﻛﺎﻧﻪ ﻳﻮﺻﻠﻠﻬﻢ ﻓﻜﺮﺓ ﺍﻧﻮ ﺫﻧﻲ ﻣﺠﺮﺩ ﻓﺼﻠﻴﺎﺕ ﺟﺎﻱ ﻳﺪﻓﻌﻦ ﺛﻤﻦ ﻏﻠﻄﺔ ﻏﻴﺮﻫﻦ
ﻻ ﺗﻀﻠﻤﻮﻫﻦ
ﺍﻟﺸﻴﺦ ﮔﺎﻝ ﮔﻮﻣﻦ ﻳﺎﺑﻪ ﻓﻮﺗﻦ ﺟﻮﺓ
ﮔﻤﻨﻪ ﺍﻧﻲ ﻭﻏﺼﻮﻥ ﻣﺜﻞ ﺍﻋﻤﺊ ﻳﻘﻮﺩﻟﻪ ﺑﻀﺮﻳﺮ
ﺩﺧﻠﻨﻪ ﻟﻠﺒﻴﺖ
ﺍﻟﺰﻟﻢ ﻃﻠﻌﻮ ﻟﻠﻤﻀﻴﻒ ﻭﺍﻟﺒﻴﺖ ﺑﺲ ﻧﺴﻮﺍﻥ
ﻣﺎﺣﺴﻴﻨﻪ ﻏﻴﺮ ﺣﻨﺎﻥ ﺍﺟﺘﻨﻪ ﻃﺎﻳﺮﺓ ﺑﺜﻨﻴﻦ ﺍﺩﻳﻬﺎ ﻟﺰﻣﺖ ﺷﻌﺮﻧﻪ ﺳﺤﻠﺘﻨﻪ ﻣﻦ ﺣﺠﺎﺑﺎﺗﻨﻪ
ﺣﻨﺎﻥ،،ﻭﻟﻠﻠﺠﻦ ﺑﺴﺒﺒﺒﺐ ﺍﺧﻮﺍﻧﺠﻦ ﺗﺮﻣﻠﻠﻠﻠﻠﺖ ﻭﺍﺍﺍﻧﻲ ﻋﺮﻭﻭﻭﺱ
ﻭﺍﻟﻠﻠﻠﻠﻪ ﻣﺎﺍﺧﻠﻴﺠﻦ ﺗﺘﻬﻨﻦ ﻭﺍﺍﺍﻟﻠﻠﻪ
ﺯﻳﻨﺐ ﺍﺩﻳﻬﺎ ﻣﻨﺒﺘﺘﻬﻦ ﺑﺸﻌﺮﻧﻪ ﺍﺣﺲ ﻓﺮﻭﺓ ﺭﺍﺳﻲ ﺭﺍﺡ ﺗﻨﺸﻠﻊ ﻣﻦ ﻗﻮﺓ ﻟﺰﻣﺘﻬﺎ
ﺍﺟﺖ ﺍﻡ ﺳﺠﺎﺩ ﺗﺮﻛﺾ ﺗﺮﻳﺪ ﺗﺤﻞ ﺍﻳﺪ ﺣﻨﺎﻥ ﻣﺎﺗﮕﺪﺭ
ﻭﻫﺎﻱ ﻣﺴﺘﻤﺮﺓ ﺗﻌﺖ ﺑﺸﻌﺮﻧﻪ ﻏﺼﻮﻥ ﺑﺲ ﺣﺎﻃﻪ ﺍﻳﺪﻫﺎ ﻋﻠﺊ ﺭﺍﺳﻬﺎ ﻓﻮﮒ ﺍﻳﺪ ﺣﻨﺎﻥ ﻭﺗﺒﺠﻲ ﺑﺨﻨﻴﮓ
ﺑﺲ ﺍﻧﻲ ﻟﺰﻣﺖ ﺍﻳﺪﻫﺎ ﻋﺼﺮﺗﻬﺎ ﺣﻴﻴﻞ ﻻﺍﻧﻲ ﺭﺍﺿﻴﻪ ﺍﻫﺪ ﺍﻳﺪﻫﺎ ﻭﻻﻫﻲ ﺍﻟﺮﺍﺿﻴﻪ ﺗﻬﺪ ﺷﻌﺮﻱ
ﺍﺟﺖ ﺍﻡ ﺟﻨﻪ ﺗﺮﻳﺪ ﺗﻮﺧﺮ ﺍﻡ ﺳﺠﺎﺩ ﻋﻦ ﺣﻨﺎﻥ ﺍﺗﮕﻠﻬﺎ
ﺍﻡ ﺟﻨﻪ،،ﻋﻮﻓﻴﻬﺎ ﺗﺒﺮﺩ ﮔﻠﺒﻬﺎ ﺑﻴﻬﻦ ﻻﺗﺪﺧﻠﻴﻦ
ﺍﻡ ﺳﺠﺎﺩ،،ﺗﺮﺓ ﺍﻟﻠﻪ ﻓﻮﮒ ﺭﻭﺳﺠﻦ ﺧﻠﻨﻪ ﺑﻴﻦ ﻋﻴﻮﻧﺠﻦ ﺣﺮﺍﻡ ﻫﺬﺍ ﺿﻠﻢ
ﺷﻨﻮ ﺫﻧﺒﻬﻦ ﻭﺍﺗﺤﺎﺳﺒﻨﻬﻦ ?
ﺣﻨﺎﻥ،،ﻭﺗﺴﺄﻟﻴﻴﻦ ﺷﻨﻮﻭﻭ ﺫﻧﺒﻬﻦ ﺍﻡ ﺳﺠﺎﺍﺍﺍﺩ ?
ﺫﻧﺒﻬﻦ ﺍﺧﻮﺗﻬﻦ ﻫﻤﻤﻤﻤﻪ ﺍﻟﺴﺒﺐ ﺑﻤﻮﻭﻭﺕ ﺭﺟﻠﻠﻠﻲ
ﺍﻡ ﺳﺠﺎﺩ،،ﻭﺍﻧﺘﻲ ﮔﻠﺘﻴﻬﺎ ﺑﻠﺴﺎﻧﺞ ﺍﺧﻮﺗﻬﻦ ﻳﻌﻨﻲ ﻣﻮ ﻫﻨﻪ
ﻟﻴﺶ ﺗﺤﺎﺳﺒﻴﻬﻦ ﺑﺬﻥ ﻏﻴﺮﻫﻦ ﻳﺎﻳﻤﻪ ?
ﺣﻨﺎﻥ،،ﺍﻡ ﺳﺠﺎﺩ ﻭﺧﺮﻱ ﺍﻟﺨﺎﻃﺮ ﺍﻟﻠﻪ ﺧﻠﻴﻨﻲ ﺍﺿﺮﺑﻬﻦ ﺑﻠﻜﺖ ﻳﺒﺮﺩ ﮔﻠﺒﻲ ﻭﺗﻬﺪﺉ ﻧﺎﺭﻱ
ﺍﻡ ﺳﺠﺎﺩ،،ﺍﺫﺍ ﺻﺪﮒ ﺗﺤﺒﻴﻦ ﺣﺴﻴﻦ ﻫﺪﻳﻬﻦ
ﺍﺣﻠﻔﺞ ﺑﺮﻭﺡ ﺍﺧﻮﻱ ﺗﻮﺧﺮﻳﻦ ﻋﻨﻬﻦ
ﺯﻳﻨﺐ،،ﻫﺪﺕ ﺭﻭﺳﻨﻪ ﻭﺩﻓﻌﺘﻨﻪ ﻏﺼﻮﻥ ﺧﻠﺖ ﻭﺟﻬﺎ ﺑﻤﺘﻨﻲ ﻏﻄﺖ ﻭﺟﻬﺎ ﻛﺎﺗﻤﻪ ﺑﺠﻴﻬﺎ ﻭﻟﺰﻣﺘﻨﻲ ﻗﻮﻱ
ﻋﺪﻟﺖ ﺣﺠﺎﺑﻲ ﻭﺩﺧﻠﺖ ﺷﻌﺮﻱ ﻟﻤﻴﺖ ﺍﻟﻄﻠﻊ ﻣﻦ ﺍﻟﺤﺠﺎﺏ ﺑﺪﺍﺧﻠﻪ ﻣﻦ ﺍﺛﺮ ﺳﺤﻠﺔ ﺣﻨﺎﻥ
ﺑﺪﺍﺧﻠﻲ ﺍﮔﻮﻝ ﺷﻨﻠﻤﻠﻢ ?
ﺍﺫﺍ ﻫﻲ ﺍﺭﻭﺍﺣﻨﻪ ﻣﻄﺸﺮﺓ
ﺍﻧﻲ ﺍﺩﺭﻱ ﺑﺎﻟﻌﺮﻭﺱ ﻣﻦ ﺗﻌﻘﺪ ﺗﺘﻠﻜﺎﻫﺎ ﺍﻟﻬﻼﻫﻞ ﻭﺍﻟﭽﻜﻠﻴﺖ
ﺑﺲ ﺍﺣﻨﻪ ﺍﺗﻠﮕﺘﻨﻪ ﺿﺮﺑﺎﺕ ﻭﻛﺴﺮ ﺧﻮﺍﻃﺮ ﻭﺩﻣﻮﻉ
ﻋﺮﻓﻨﻪ ﺍﻧﻮ ﻫﺎﺫﻱ ﺣﻴﺎﺗﻨﻪ ﺍﻟﺠﺪﻳﺪﺓ ﺍﻟﻤﺮﺓ
ﺍﻟﻲ ﺭﺍﺡ ﻧﻌﻴﺸﻬﺎ ﺩﺍﺧﻞ ﺟﺪﺭﺍﻥ ﻫﺬﺍ ﺍﻟﺒﻴﺖ
ﺩﻗﺎﻳﻖ ﻭﺩﺧﻞ ﺷﻴﺦ ﻣﻨﻬﻢ ﻭﺣﺪﺓ ﻣﻦ ﺍﻟﻨﺴﻮﺍﻥ ﻣﺮﺓ ﺟﺒﻴﺮﺓ ﮔﺎﻣﺖ ﻣﻦ ﻣﻜﺎﻧﻬﺎ ﻛﺎﻧﻪ ﺗﻌﺮﻑ ﺍﻟﺸﻴﺦ ﺟﺎﻱ ﻋﻠﻴﻬﺎ
ﻭﻓﻌﻼ ﺳﻠﻤﺖ ﻋﻠﻲ ﺑﻜﻞ ﺍﺣﺘﺮﺍﻡ
ﺷﻴﺦ ﻣﻨﻬﻞ،،ﺍﻡ ﺫﻳﺎﺏ ﺍﻧﺘﻲ ﺗﺪﺭﻳﻦ ﻭﺣﺪﺓ ﻣﻦ ﺍﻟﻔﺼﻠﻴﺎﺕ ﺻﺎﺭﺕ ﻟﺬﻳﺎﺏ
ﺍﻡ ﺫﻳﺎﺏ، ،ﻫﺬﺍ ﻫﻮ ﺧﻮﻳﻪ ﺷﺘﻔﺼﻞ ﺍﻧﺘﻪ ﺍﺣﻨﻪ ﻧﻠﺒﺲ
ﺯﻳﻨﺐ،،ﺍﻟﻤﺮﺓ ﺗﺤﺠﻲ ﻭﻋﻴﻨﻬﺎ ﺑﺎﻟﮕﺎﻉ ﻣﺎﺭﻓﻌﺘﻬﺎ ﺍﺑﺪ
ﺭﺟﻊ ﺍﻟﺸﻴﺦ ﮔﺎﻝ
ﺷﻴﺦ ﻣﻨﻬﻞ،،ﺍﻟﺜﺎﻧﻴﻪ ﺍﻟﻲ ﺑﺼﻒ ﺍﻡ ﺳﺠﺎﺩ ﺻﺎﺭﺕ ﻣﺮﺓ ﺫﻳﺎﺏ ﻣﻦ ﺗﺮﺣﻴﻦ ﺍﺧﺬﻳﻬﺎ ﻭﻳﺎﺝ
ﺍﻡ ﺫﻳﺎﺏ،،ﺍﻧﺸﺎﺀﺍﻟﻠﻪ
ﺯﻳﻨﺐ، ،ﺟﺎﻥ ﻳﺤﺠﻲ ﻭﻳﺄﺷﺮ ﻋﻠﺊ ﻏﺼﻮﻥ
ﺯﺍﺩﺕ ﺭﺟﻔﺘﻬﺎ ﻓﺘﺤﺖ ﻋﻴﻮﻧﻬﺎ ﻋﻠﺊ . ﻭﺳﻌﻬﻦ ﻋﻴﻮﻧﻬﺎ ﺑﻴﻬﻦ ﻋﻼﻣﻪ ﺍﺳﺘﻔﻬﺎﻡ
ﻛﺎﻧﻪ ﺍﺗﮕﻠﻲ ﻭﻳﻦ ﺭﺍﺡ ﻳﺎﺧﺬﻭﻧﻲ ?
ﺷﻮﻳﻪ ﻭﺩﺧﻞ ﻃﻔﻞ ﮔﺎﻟﻬﺎ ﻳﺎﺍﻟﻠﻪ ﺑﻴﺒﻲ ﺧﺎﻟﻲ ﻳﺼﻴﺤﻠﺞ
ﻧﻬﻀﺖ ﺍﻟﻤﺮﺓ ﻭﺍﺟﺖ ﻭﮔﻔﺖ ﻳﻤﻨﻪ ﮔﺎﻟﺖ ﻳﺎﺍﻟﻠﻪ ﻧﺮﻭﺡ
ﺍﺗﺸﺒﺜﺖ ﺑﻴﺪﻱ ﻏﺼﻮﻥ ﺑﻜﻞ ﻗﻮﺗﻬﺎ ﺑﺠﺖ ﻭﻫﻠﻤﺮﺓ ﺍﻧﺴﻤﻊ ﺻﻮﺗﻬﺎ ﻭﻫﻲ ﺍﺗﮕﻮﻝ
ﻏﺼﻮﻥ،،ﻣﺎﺍﺭﻭﺡ ﺯﻳﻨﺐ ﻣﺎﺍﺭﻭﺡ ﺧﻠﻴﻨﻲ ﻳﻤﺞ
ﺍﻡ ﺫﻳﺎﺏ،،ﺍﺷﻠﻮﻥ ﺍﺧﻠﻴﺞ ﻳﻤﻬﺎ ﮔﻮﻣﻲ ﻭﻳﺎﻱ
ﺯﻳﻨﺐ،،ﺍﺗﺸﺎﺑﮕﻨﻪ ﺍﻧﻲ ﻭﺍﺧﺘﻲ ﻭﺻﺪﻳﻘﺘﻲ ﺍﻟﻲ ﺻﺪﮒ ﺍﺣﺴﻬﺎ ﺗﺆﻣﻲ ﺍﻟﻲ ﻣﺸﺎﺭﻛﻨﻲ ﺑﻜﻠﺸﻲ ﺣﺘﺊ ﺑﻤﺼﺎﻳﺒﻲ
ﻛﺎﻧﻪ ﺑﻴﻮﻡ ﺍﻟﻲ ﺍﻧﻮﻟﺪﻧﻪ ﺳﻮﺓ ﻛﺎﻧﻪ ﺍﻟﻠﻪ ﻛﺘﺐ ﻋﻠﺊ ﮔﺼﺘﻨﻪ ﻧﻔﺲ ﺍﻟﻘﺪﺭ ﻭﻧﻔﺲ ﺍﻟﻀﻠﻢ ﻭﻧﻔﺲ ﺍﻟﻤﻌﺎﻧﺎﺓ
ﺍﻟﻤﺮﺓ ﻟﺰﻣﺖ ﺍﻳﺪ ﻏﺼﻮﻥ ﮔﺎﻟﺘﻬﺎ ﮔﻮﻣﻲ ﻧﺮﻭﺡ
ﺯﺍﺩﺕ ﺑﺎﻟﺒﺠﻲ ﻓﺮﻓﺤﺖ ﺭﻭﺣﻬﺎ
ﮔﺎﻣﺖ ﻭﻳﻪ ﺍﻟﻤﺮﺓ ﻭﻋﻴﻨﻬﺎ ﻋﻠﻴﻪ
ﺍﺣﺲ ﺍﻧﻲ ﻭﻳﺎﻫﺎ ﺭﻭﺡ ﻭﺟﺴﺪ
ﺍﺫﺍ ﻃﻠﻌﺖ ﺍﻟﺮﻭﺡ ﻣﺎﺕ ﺍﻟﺠﺴﺪ
ﺭﺍﺣﺖ ﻏﺼﻮﻥ ﺑﺪﻣﻮﻋﻬﺎ ﻭﺣﺴﺮﺗﻬﺎ ﻭﻋﻴﻨﻬﺎ ﺍﻟﻀﻠﺖ ﻣﺘﺸﺒﺤﻪ ﺍﻟﺼﻮﺑﻲ
ﺭﺟﻌﺖ ﺍﻟﺤﻴﺎﺓ ﺗﻄﻌﻨﻲ ﻃﻌﻨﻪ ﺟﺪﻳﺪﺓ
ﻭﻛﻞ ﻃﻌﻨﺎﺗﻬﺎ ﻭﺣﺪﺓ ﺍﻗﻮﺓ ﻣﻦ ﺍﻟﺜﺎﻧﻴﻪ
ﺑﺪﺍﺧﻠﻲ ﮔﻠﺖ ﺷﻨﻮ ﺿﺎﻣﻠﻲ ﺑﻌﺪ ﺍﻟﻘﺪﺭ ﺑﻬﺬﺍ ﺍﻟﺒﻴﺖ
ﺍﻟﻲ ﺟﻨﺖ ﺍﺣﻠﻢ ﺍﻋﻴﺶ ﺑﺪﺍﺧﻠﻪ ??
ﻳﺘﺒﻊ، ،،،،،،،
|