#ضحيه_لمن_لايرحم
بارت٨
ﻓﺼﻠﻴﻪ ﺟﻴﺖ ﺍﻋﻠﻴﻚ ﻣﻮﺵ ﺑﺮﺿﺎﺗﻲ
ﺟﺎﺑﻮﻧﻲ ﺑﺎﻟﺘﺎﺑﻮﺕ ﺗﺴﺤﻞ ﻋﺒﺎﺗﻲ
،،،،،،،،،
// ﺿﺤﻴﻪ ﻟﻤﻦ ﻻﻳﺮﺣﻢ //
// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ //
،،،،،،،،،،،،،،،
ﺻﺒﺎﺡ ﺍﻟﺨﻴﺮ
،، . ،،،، . ،
ﻏﺼﻮﻥ، ﻛﻞ ﻛﻠﻤﻪ ﺗﺤﺠﻴﻬﺎ ﺍﻟﻤﺮﺓ ﺭﻭﺣﻲ ﺗﻨﻘﺒﺾ ﺍﻛﺜﺮ ﻭﻳﻀﻞ ﺑﺎﻟﻲ ﻳﻢ ﺯﻳﻨﺐ ﻃﻮﻝ ﻣﺎﻛﺎﻧﺖ ﺗﺤﺠﻲ ﺑﺪﺍﺧﻠﻲ ﺍﮔﻮﻝ ﻳﺎﺭﺏ ﺣﻨﻦ ﮔﻠﻮﺑﻬﻢ ﻋﻠﻴﻬﺎ
ﺍﻡ ﺫﻳﺎﺏ،،ﺍﻭﻝ ﻣﺎﺗﺰﻭﺟﺖ ﻭﺍﺧﺬﻧﻲ ﺍﺑﻮ ﺫﻳﺎﺏ ﺍﻟﻠﻪ ﻳﺮﺣﻤﻪ ﻋﺸﻨﻪ ﺍﺑﻴﺖ ﻋﻤﻲ ﺍﻟﻲ ﻫﻮ ﺣﺎﻟﻴﺎ ﺑﻴﺖ ﺍﺑﻮ ﻟﻮﺍﺀ
ﻫﺬﺍ ﺟﺎﻥ ﺑﻴﺖ ﻋﻴﺎﻟﻲ ﻛﻠﻬﻢ ﻣﻠﺘﻤﻴﻦ ﺑﻲ
ﺍﻟﻄﺎﺑﻖ ﺍﻟﻔﻮﮒ ﺍﻟﻲ ﺑﻲ ﻏﺮﻓﻪ ﻭﺍﻟﺜﺎﻧﻴﻪ ﻣﺨﻠﻴﺘﻬﺎ ﻋﻤﺘﻲ ﺍﻟﻠﻪ ﻳﺮﺣﻤﻬﺎ ﻣﺨﺰﻥ ﻭﺍﻟﺜﺎﻟﺜﻪ ﻝ ﺍﻡ ﻟﻮﺍﺀ
ﻭﺍﻟﻄﺎﺑﻖ ﺍﻟﺠﻮﺓ ﻏﺮﻓﺔ ﻋﻤﺘﻲ ﻭﺍﻻﺳﺘﻘﺒﺎﻝ ﻭﺍﻟﻤﻀﻴﻒ ﻭﻏﺮﻓﻪ ﻟﺒﻨﺎﺕ ﺍﻡ ﻟﻮﺍﺀ ﺍﻟﻜﺒﺎﺭ ﻧﻬﻠﻪ ﺍﻡ ﺳﺠﺎﺩ ﻭﻧﺬﻳﺮﺓ ﺍﻡ ﺟﻨﻪ
ﺑﺲ ﺟﺎﻧﻦ ﻣﺎﻣﺘﺰﻭﺟﺎﺕ ﺑﻌﺪﻫﻦ ﺍﺣﺪﻳﺜﺎﺕ
ﻧﻬﻠﻪ ﻣﻦ ﺯﻏﺮﻫﺎ ﻫﺎﺩﺋﻪ ﻭﻣﺎﻟﻬﺎ ﺻﻮﺕ ﻭﺣﺒﺎﺑﻪ ﺣﺘﺊ ﻣﻦ ﺗﺘﻌﺎﺭﻙ ﺍﻡ ﻟﻮﺍﺀ ﻭﻳﺎﻱ ﺗﻀﻞ ﻧﻬﻠﻪ ﻳﻤﻲ ﺗﺴﺎﻋﺪﻧﻲ ﺑﻨﻮﺑﺘﻲ
ﺗﺪﺭﻳﻦ ﺍﻧﺘﻲ ﺟﻨﺎﻳﻦ ﻭﻻﺯﻡ ﻳﺼﻴﺮ ﺑﻴﻨﻬﻦ ﻣﺸﺎﺣﻨﺎﺕ
ﺟﻨﺖ ﻣﺎﺍﺣﺠﻲ ﺍﺿﻢ ﺑﮕﻠﺒﻲ ﻻﻥ ﻋﻤﺘﻲ ﺗﺼﻒ ﻭﻳﻪ ﺍﻡ ﻟﻮﺍﺀ ﺩﺍﺋﻤﺎ
ﻭﺍﻧﻲ ﻣﻦ ﻳﺠﻲ ﺍﺑﻮ ﺫﻳﺎﺏ ﻣﻦ ﺍﻟﻌﺴﻜﺮﻳﻪ ﻣﺠﺎﺯ ﻣﺎﺍﺣﺠﻴﻠﻪ ﺍﮔﻮﻝ ﺧﻄﻴﻪ ﺍﺣﺠﻴﻠﻪ ﻫﻤﻮﻣﻲ ﻛﺎﻓﻲ ﻋﻠﻲ ﻫﻤﻮﻡ ﺍﻟﺠﻴﺶ ﻭﺍﻟﺘﻌﺐ ﺍﺳﻜﺖ ﺍﺣﺴﻦ ﺍﻟﻲ
ﺣﺒﻠﺖ ﻭﺭﺓ ﺳﻨﻪ ﺑﺬﻳﺎﺏ ﻭﺻﻌﺒﻪ ﻋﻠﻴﻪ ﺍﺻﻌﺪ ﺍﻟﻐﺮﻓﺘﻲ
ﻑ ﺍﻓﺮﺵ ﺑﻐﺮﻓﺔ ﻋﻤﺘﻲ ﻻﻥ ﺑﻄﻨﻲ ﻭﺍﺻﻠﻪ ﺍﻟﺨﺸﻤﻲ
ﺗﺠﻲ ﻧﺬﻳﺮﺓ ﻣﻦ ﻏﺒﺸﻪ ﻣﻦ ﺍﻟﻔﺠﺮ ﺗﺴﺤﻞ ﺍﻟﺒﻄﺎﻧﻴﻪ ﺍﻟﻤﺘﻐﻄﻴﻪ ﺍﻧﻲ ﺑﻴﻬﺎ ﺍﺗﮕﻠﻲ ﮔﻮﻣﻲ ﻋﻠﺊ ﺳﺎﻋﻪ ﻳﺠﻲ ﺧﻄﺎﺭ ﻳﺸﻮﻑ ﺑﻴﺒﻴﺘﻲ ﻭﺍﻧﺘﻲ ﻣﻔﻠﮕﺤﻪ ﻭﺑﻄﻨﺞ ﺷﻜﺒﺮﻫﺎ
ﻭﻻﺍﺗﮕﻮﻝ ﺍﻧﻲ ﻣﺮﺕ ﻋﻤﻬﺎ ﻋﺒﺎﻟﻚ ﺷﺮﻳﺠﺘﻬﺎ
ﺍﮔﻮﻡ ﺍﻟﻢ ﻓﺮﺍﺷﻲ ﺑﺪﻭﻥ ﻣﺎﺍﺣﺠﻲ ﻟﻮ ﺍﺗﻌﺎﺭﻙ ﻻﻥ ﺍﻡ ﻟﻮﺍﺀ ﻭﻋﻤﺘﻲ ﻳﺎﻳﺪﻥ ﻛﻼﻣﻬﺎ
ﻳﺨﻠﻨﻲ . ﺍﮔﻌﺪ ﻣﻦ ﻏﺒﺸﻪ ﺣﺘﺊ ﺍﺷﺘﻐﻞ ﻭﻫﻨﻪ ﮔﺎﻋﺪﺍﺕ
ﻣﻦ ﻳﻨﺰﻝ ﺯﻟﻤﺘﻲ ﻣﺠﺎﺯ ﻳﺸﺘﻐﻠﻦ ﮔﺪﺍﻣﻪ ﻋﻮﺩ ﺷﺎﻳﻠﻴﻦ ﻧﻮﺑﻪ ﻭﻳﻪ ﻣﺮﺗﻚ ﻭﻣﻦ ﻳﻠﺘﺤﻖ ﻳﺸﻮﻓﻨﻲ ﺍﻟﻨﺠﻮﻡ ﺑﻌﺰ ﺍﻟﻀﻬﺮ
ﻣﺮﺍﺕ ﺍﻡ ﻟﻮﺍﺀ ﺗﺴﻮﻱ ﺭﻭﺣﻬﺎ ﺗﺴﺘﻨﺠﺲ ﻣﻦ ﻛﻨﺴﻲ ﻭﺗﺘﺤﺠﺞ ﺍﺗﻜﻠﻬﻢ ﻣﺎﺍﺗﻨﻀﻒ ﻋﺪﻝ ﻭﺗﺮﺟﻊ ﻭﺭﺍﻱ ﺍﺗﻨﻀﻒ ﺍﻟﺒﻴﺖ ﺣﺘﺊ ﻟﻮ ﻧﻀﻴﻒ ﻓﻲ ﺳﺒﻴﻞ ﺍﻃﻠﻌﻨﻲ ﻭﺳﺨﻪ ﺑﻨﻀﺮ ﻋﻤﺘﻲ
ﻳﻮﻡ ﻣﻦ ﺍﻻﻳﺎﻡ ﺩﺧﻠﺖ ﺑﺸﻬﺮﻱ ﻭﻋﻤﺘﻲ ﻣﻨﻌﺘﻨﻲ ﺍﻧﺎﻡ ﻳﻤﻬﺎ ﺍﺗﮕﻮﻝ ﺍﻧﺘﻲ ﺗﻮﻧﻴﻦ ﺑﻠﻴﻞ ﻣﺎﺗﺨﻠﻴﻨﻲ ﺍﻧﺎﻡ
ﻭﻓﻌﻼ ﺟﻨﺖ ﺍﻭﻥ ﻻﻥ ﺍﻳﺎﻣﻲ ﻗﺮﺑﺖ ﻭﺍﻟﻄﻔﻞ ﻧﺰﻝ ﻋﻠﺊ ﺳﺎﻋﻪ ﺍﻃﻠﮓ ﻭﺯﻟﻤﺘﻲ ﺑﺎﻟﻌﺴﻜﺮﻳﻪ ﻭﻣﺤﺪ ﺍﻟﻲ ﺍﺑﻮ ﻟﻮﺍﺀ ﺑﻴﺪ ﻣﺮﺗﻪ ﺷﺘﮕﻠﻪ ﻳﺴﻮﻱ
ﺻﺎﺩﻑ ﺑﺪﺍﻳﻪ ﺭﻣﻀﺎﻥ ﻭﺻﺎﻳﻤﻪ
ﻏﺴﻠﺖ ﻣﻼﺑﺴﻲ ﻭﺷﺮﻳﺘﻬﻦ ﻉ ﺍﻟﺤﺒﻞ ﺑﺎﻟﺤﺪﻳﻘﻪ
ﺷﻮﻳﻪ ﻭﻃﻠﻌﺖ ﻟﮕﻴﺘﻬﻦ ﻭﺍﮔﻌﺎﺕ ﺑﺎﻟﻄﻴﻦ ﺑﺲ ﻧﺬﻳﺮﺓ ﺟﺎﻧﺖ ﻭﺍﮔﻔﻪ ﺑﺎﻟﺤﻮﺵ
ﻣﺎﺷﻜﻴﺖ ﺑﻴﻬﺎ ﮔﻠﺖ ﻳﺠﻮﺯ ﻭﺍﻛﻌﺎﺕ ﻣﻦ ﺍﻟﻬﻮﺉ
ﺭﺟﻌﺖ ﻟﻤﻴﺘﻬﻦ ﻭﻏﺴﻠﺘﻬﻦ ﻭﺭﺓ ﺍﺳﺒﻮﻉ ﻫﻢ ﻏﺴﻠﺖ ﺍﻟﻤﻼﺑﺲ ﻭﺷﺮﻳﺘﻬﻢ ﻭﺷﺎﺋﺖ ﺍﻟﺼﺪﻓﻪ ﺍﻧﻮ ﺍﻛﻮﻥ ﺑﺎﻟﻤﻄﺒﺦ ﺷﺒﺎﻙ ﺍﻟﻤﻄﺒﺦ ﺻﺎﻳﺮ ﺑﺠﻬﺔ ﺍﻟﺤﺪﻳﻘﻪ ﻭﺷﻮﻳﻪ ﻣﻔﺘﻮﺡ ﺩﻧﻴﻪ ﺍﻟﻀﻬﺮ ﻭﻣﻦ ﺍﻟﻀﻮﺓ ﺍﻟﻮﺍﮔﻒ ﺑﺮﺓ ﻣﺎﻳﺸﻮﻓﻚ ﻻﻥ ﺍﻟﺪﺍﺧﻞ ﻳﺼﻴﺮ ﺿﻠﻤﻪ
ﺍﺑﺎﻭﻉ ﺍﻟﻨﺬﻳﺮﺓ ﺭﺍﺣﺖ ﻟﻠﺤﺒﻞ ﺗﺘﻠﻔﺖ ﺧﺎﻑ ﻭﺍﺣﺪ ﻳﺠﻲ
ﺻﺎﺭﺕ ﺗﺸﻴﻞ ﺑﻤﻼﺑﺴﻲ ﻭﺗﺸﻤﺮ ﺑﺎﻟﮕﺎﻉ ﻭﺗﺴﺤﮕﻬﻢ ﺑﺮﺟﻠﻬﺎ
ﺷﻔﺘﻬﺎ ﺷﻮﻑ ﻋﻴﻨﻲ ﻃﻠﻌﺖ ﻓﺎﻳﺮﺓ ﺻﺪﮒ ﻃﻠﻌﺘﻬﺎ ﻣﻦ ﻣﺎﻋﻮﻧﻬﺎ ﺷﺎﻓﺘﻨﻲ ﺳﺎﻛﺘﻪ ﺭﻛﺒﺘﻨﻲ ﺍﻛﺜﺮ
ﻛﺘﻠﻬﺎ ﻭﻟﺞ ﻋﻤﻪ ﺑﻌﺪﺝ ﺯﻏﻴﺮﺓ ﻭﻛﻠﺒﺞ ﻣﻠﻴﺎﻥ ﺣﻘﺪ ﻟﻴﺶ ﻣﺘﻜﺎﺑﻠﻪ ﻭﻳﺎﺍﻱ ﺷﻤﺴﻮﻳﺘﻠﺞ ﺣﺘﺊ ﺗﺸﻤﺮﻳﻦ ﺑﻬﺪﻳﻤﺎﺗﻲ ﻭﺍﻧﻲ ﻋﺒﺎﻟﻲ ﻣﻦ ﺍﻟﻬﻮﺉ ﻳﻮﮔﻌﻦ
ﻋﻠﺊ ﺻﻮﺗﻲ ﻃﻠﻌﺖ ﻋﻤﺘﻲ ﻭﺍﻡ ﻟﻮﺍﺀ ﻳﺮﻛﻀﻦ ﻭﻫﻲ ﻛﺎﻣﺖ ﺗﺒﺠﻲ ﺍﺗﮕﻠﻬﻦ ﺷﻔﺖ ﻫﺪﻭﻣﻬﺎ ﺑﺎﻟﮕﺎﻉ ﺭﺩﺕ ﺍﺷﻴﻠﻬﻦ ﻭﺍﺷﺮﻫﻦ ﺷﻮ ﻃﻠﻌﺖ ﺗﻐﻠﻂ ﻭﺗﺘﻬﻤﻨﻲ ﺍﻧﻲ ﺫﺍﺑﻪ ﺍﻻﻫﺪﻭﻡ
ﻳﺨﺎﻟﻪ ﻳﻐﺼﻮﻥ ﻓﺮﺕ ﺍﻟﺴﺎﻟﻔﻪ . ﻋﻠﻴﻪ ﺧﻠﺖ ﺍﻣﻬﺎ ﻭﺑﻴﺒﻴﺘﻬﺎ ﻳﺼﺪﮔﻦ ﻭﺍﺗﻌﺎﺭﻛﻦ ﻭﻳﺎﻱ ﻭﺍﻡ ﻟﻮﺍﺀ ﺗﺼﻴﺢ ﻭﻳﻦ ﺍﺧﺬ ﺑﻨﺎﺗﻲ ﻭﺍﻫﺞ ﺑﻴﻬﻦ ﻻﻥ ﺍﻧﺘﻲ ﻣﺘﮕﺎﺑﻠﻪ ﻭﻳﺎﻫﻦ
ﺻﺪﻙ ﺍﻧﻬﻀﻤﺖ ﺑﻴﻮﻣﻬﺎ ﻭﻫﻨﻪ ﺯﻋﻠﻦ ﻭﻳﺎﻱ ﻣﺎﻳﺤﺎﺟﻨﻲ
ﺻﻌﺐ ﺗﻌﻴﺶ ﻭﻳﻪ ﻋﺎﺋﻠﻪ ﺗﺤﺴﻬﺎ ﻧﺎﺑﺬﺗﻚ ﻭﻛﻠﻬﻢ ﻣﺎﻳﺤﺠﻮﻥ ﻭﻳﺎﻙ
ﺗﺤﺲ ﺭﻭﺣﻚ ﻣﻨﺒﻮﺫ
ﺍﻧﻮﺏ ﺻﻌﺪﺓ ﺍﻟﺪﺭﺝ ﺻﺎﺭﺕ ﻛﻠﺶ ﺻﻌﺒﻪ ﮔﻮﺓ ﺍﻭﺻﻞ ﻏﺮﻓﺘﻲ
ﺛﺎﻧﻲ ﻳﻮﻡ ﺍﺷﺘﻬﻴﺖ ﻛﺒﺎﺏ ﻣﺎﻝ ﺑﻴﺖ ﻭﻋﻤﺘﻲ ﻣﻦ ﺯﻋﻠﺖ ﻭﻳﺎﻱ ﮔﺎﻟﺖ ﻻﺍﺭﻳﺪﺝ ﺍﻃﺒﺨﻴﻦ ﻭﻻﺗﮕﺎﺑﻠﻴﻨﻪ ﺑﺎﻻﻛﻞ
ﺟﺒﺖ ﺍﻟﺘﺨﺘﻪ ﻭﻛﻔﺖ ﺑﺎﻟﻤﻄﺒﺦ ﺛﺮﻣﺘﻠﻲ ﻣﺎﻋﻮﻥ ﻛﺒﺎﺏ ﻣﺎﻝ ﺑﻴﺖ ﻭﺣﻄﻴﺖ ﺍﻟﻘﻮﺭﻱ ﻉ ﺍﻟﻨﺎﺭ ﻗﺒﻞ ﺍﻟﻔﻄﻮﺭ ﺑﻨﺺ ﺳﺎﻋﻪ
ﮔﻠﻴﺖ ﺍﻟﻜﺒﺎﺏ ﺣﻄﻴﺘﻪ ﺑﻤﺎﻋﻮﻧﻪ ﺑﺎﻟﺼﻴﻨﻴﻪ ﻭﺧﻠﻴﺖ ﺍﻟﻘﻮﺭﻱ ﻫﻢ ﺑﺎﻟﺼﻴﻨﻴﻪ ﻭﺷﻠﺘﻬﻢ
ﺻﻌﺪﺕ ﻟﻠﺪﺭﺝ ﺍﺗﺬﻛﺮﺕ ﻧﺴﻴﺖ ﺑﻄﻞ ﺍﺣﻂ ﺑﻲ ﻣﺎﻱ
ﻭﺻﻠﺖ ﺍﻟﻨﻬﺎﻳﻪ ﺍﻟﺪﺭﺝ ﻓﻮﮒ ﺣﻄﻴﺖ ﺍﻟﺼﻴﻨﻴﻪ ﻭﻧﺰﻟﺖ ﺍﺟﻴﺐ ﺍﻟﺒﻄﻞ
ﻭﺍﻟﻠﻪ ﺍﻟﻌﻀﻴﻢ ﻳﺎﻳﻤﻪ ﺑﻌﺪﻧﻲ ﺗﻮﻧﻲ ﺭﺟﻌﺖ ﺑﻴﺪﻱ ﺍﻟﺒﻄﻞ
ﺍﺭﻳﺪ ﺍﺻﻌﺪ ﻭﺟﺎﻥ ﺍﺷﻮﻑ ﺻﻴﻨﻴﺘﻲ ﺗﺪﺭﺑﻪ ﻉ ﺍﻟﺪﺭﺝ ﻫﻲ ﻭﻛﺒﺎﺑﻬﺎ ﻭﺍﻟﻘﻮﺭﻱ ﺍﻟﻤﺘﺮﻭﺱ ﺟﺎﻱ ﺣﺎﺭ
ﻧﺰﻟﻦ ﻳﺘﺪﻫﺪﻥ ﻣﻦ ﻓﻮﮒ ﺭﻓﻌﺖ ﺭﺍﺳﻲ ﻭﺟﺎﻥ ﺍﺷﻮﻑ ﻧﺬﻳﺮﺓ ﺣﺎﺻﺮﺗﻬﺎ ﺿﺤﻜﻪ ﻋﺮﻓﺘﻬﺎ ﻫﻲ ﺍﻟﺸﻤﺮﺗﻬﻦ ﻣﻦ ﻓﻮﮒ
ﻋﺎﺩ ﺍﻧﻲ ﺍﻫﻨﺎ ﺻﺎﻳﻤﻪ ﻭﮔﻠﺒﻲ ﻣﻔﺮﻓﺢ ﺷﻠﺖ ﻃﺮﻑ ﺣﺠﺎﺑﻲ ﻭﺭﻓﻌﺖ ﻋﻴﻨﻲ ﻟﻠﺴﻤﺎﺀ
ﮔﺘﻠﻪ ﺭﺑﻴﻴﻲ ﻋﺒﺪﺗﻚ ﺍﻧﻲ ﺻﻮﻳﻤﻪ ﺍﺭﻳﺪﻙ ﺗﺸﻮﻓﻨﻲ ﺑﺎﻟﻀﺎﻟﻢ ﻳﻮﻭﻡ
ﻫﻢ ﺻﺎﺭﺕ ﻫﻮﺳﻪ ﻭﻋﺮﻛﻪ ﻭﻧﺬﻳﺮﺓ ﺍﺗﮕﻠﻬﻢ ﻫﻲ ﺣﺎﻃﺘﻬﻦ ﻓﻮﮒ ﻭﺩﻓﺮﺗﻬﻦ ﺑﺪﻭﻥ ﻣﺎﺍﻧﺘﺒﻪ ﻣﺎﺷﻔﺘﻬﻦ
ﻋﺎﺩ ﻣﻦ ﻧﺰﻝ ﺍﺑﻮ ﺫﻳﺎﺏ ﮔﻌﺪﺕ ﻭﻳﺎﻩ ﻭﻛﺘﻴﺖ ﺍﻻﻭﻝ ﻭﺍﻟﺘﺎﻟﻲ ﺣﺠﻴﺘﻠﻪ ﺿﻴﻢ ﺳﻨﺘﻴﻦ ﻭﻳﺎﻫﻢ ﺳﺎﻛﺘﻪ
ﻋﻤﺞ ﻣﻦ ﺳﻤﻊ ﺳﻮﺍﻟﻔﻲ ﺛﺎﻧﻲ ﻳﻮﻡ ﺍﺷﺘﺮﺓ ﻫﺬﺍ ﺍﻟﺒﻴﺖ ﺟﺎﻥ ﻗﺒﻞ ﺑﺎﻟﺪﻧﺎﻧﻴﺮ ﺑﺲ ﺍﻟﺪﻳﻨﺎﺭ ﻳﺤﺠﻲ ﻗﺒﻞ ﻭﻏﺎﻟﻲ
ﺍﺧﺬﻧﻲ ﻭﻃﻠﻊ ﻣﻦ ﺑﻴﺖ ﺍﺑﻮ ﻃﻠﻌﻨﻪ ﺑﻄﺮﮒ ﺍﺭﻭﺍﺣﻨﻪ ﻣﺎﻋﻮﻥ ﻣﺎﺍﻧﻄﻮﻧﻪ ﻭﺯﻟﻤﺘﻲ ﺍﻟﻌﻨﺪﺓ ﻭﺍﻟﻤﺎﻋﻨﺪﺓ ﻟﻤﻬﻦ ﻭﺍﺷﺘﺮﺓ ﺑﻴﻬﻦ ﺍﻟﺒﻴﺖ
ﻃﻠﻌﺖ ﻓﺎﺭﻏﻪ ﺑﺲ ﻏﺮﻓﺖ ﺧﺸﺎﺑﻲ ﺍﺧﺬﺗﻬﺎ ﺧﻠﻒ ﺍﻟﻠﻪ ﻋﻠﺊ ﺍﺧﻮﺗﻲ ﻭﺍﻣﻲ ﻭﺍﺑﻮﻱ ﺟﻬﺰﻭﻟﻲ ﺍﻟﻨﻮﺍﻗﺺ ﻣﺎﻝ ﺍﻟﺒﻴﺖ
ﻣﺎﻛﻮ ﺷﺪﺓ ﺇﺫﺍ ﻣﺎﺑﻌﺪﻫﺎ ﻓﺮﺝ ﺍﻟﻠﻪ ﻳﻔﺮﺝ ﻋﻠﺊ ﻋﺒﺪﺓ ﺍﻟﺼﺎﺑﺮ ﻷﻥ ﻛﺎﻋﺪ ﻋﻠﺊ ﻛﺮﺳﻲ ﺣﻖ ﻭﻳﺸﻮﻑ ﺭﺑﺞ ﻋﺎﺩﻝ ﻳﻴﻤﻪ ﻭﻻﺑﺪ ﻳﺠﻲ ﻳﻮﻡ ﻳﻄﻠﻊ ﺿﻠﻢ ﺍﻟﻀﺎﻟﻢ ﻣﻦ ﺧﺸﻤﻪ ﺇﺫﺍ ﻫﻮ ﺟﺮﻉ ﺍﻟﻨﺎﺱ ﺍﻟﻤﺮ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ ﺭﺍﺡ ﻳﺨﻠﻲ ﻳﺠﺮﻉ ﺍﻷﻣﺮ ﻣﻨﻪ
ﺍﻟﻠﻪ ﻻﻳﺠﻌﻠﻨﻲ ﻣﻦ ﺍﻟﺸﺎﻣﺘﻴﻦ ﺑﺲ ﺷﻮﻓﻲ ﺍﻟﻠﻪ ﺷﻨﻮ ﺿﻢ ﻟﻠﻀﺎﻟﻢ ?
ﻧﺬﻳﺮﺓ ﺣﺎﻝ ﺍﻟﻀﻴﻢ ﺣﺎﻟﻬﺎ ﻫﺴﻪ ﻋﺎﻳﺸﻪ ﻋﻠﺊ ﺍﻓﻠﻮﺱ ﺍﺑﻮﻫﺎ ﻭﺍﺗﺮﻣﻠﺖ
ﻭﻋﻤﺘﻲ ﺻﺎﺑﻬﺎ ﺳﻜﺮ ﮔﺼﻮ ﺭﺟﻠﻴﻬﺎ ﺍﺧﺬﺗﻠﻬﺎ ﺳﻨﻪ ﻭﺍﺗﻮﻓﺖ ﺍﻟﻠﻪ ﻳﺮﺣﻤﻬﺎ ﻭﻳﻐﻔﺮﻟﻬﺎ
ﻭﺭﺍﺡ ﺫﺍﻙ ﺍﻟﻮﻛﺖ ﻭﺻﺎﺭ ﺳﻮﺍﻟﻒ ﻭﺭﺑﺞ ﺍﻓﺮﺟﻬﺎ ﻋﻠﻴﻪ ﻭﻋﻮﺿﻨﻲ ﺑﺬﻳﺎﺏ ﻭﺍﺧﻴﺎﺗﻪ ﺍﺛﻨﻴﻨﻬﻦ ﻭﺍﻟﺤﻤﺪﺍﻟﻠﻪ ﻋﻠﺊ ﻛﻞ ﺣﺎﻝ
ﻳﻴﻤﻪ ﺍﻧﺘﻲ ﺍﻣﺞ ﺗﺤﺒﺞ ﻭﺩﺍﻋﻴﺘﻠﺞ ﺻﺮﺗﻲ ﻟﻮﻟﻴﺪﻱ
ﺑﺲ ﻫﻮ ﺑﻌﺪﺓ ﻣﺴﺘﻐﺮﺑﺞ ﻻﻥ ﺯﻭﺍﺟﻜﻢ ﻻﻫﻮ ﻋﻦ ﺣﺐ ﻭﻻﻫﻮ ﺯﻭﺍﺝ ﺗﻘﻠﻴﺪﻱ
ﻭﺍﻧﺸﺎﺀﺍﻟﻠﻪ ﺑﻤﺮﻭﺭ ﺍﻟﻮﻛﺖ ﺍﻟﻠﻪ ﻳﻌﻤﻞ ﺑﻲ ﺍﻟﺨﻴﺮ
ﻭﺍﻟﻠﻪ ﺣﺒﻴﺘﺞ ﻣﻦ ﺍﻭﻝ ﻣﺎﺷﻔﺘﺞ ﻧﮕﻌﺘﻲ ﺑﺨﺎﻃﺮﻱ
ﻏﺼﻮﻥ،،ﻫﻤﻲ ﻛﺒﺮ ﻋﻠﺊ ﺯﻳﻨﺐ ﻻﻥ ﺍﻻﺳﻤﻬﺎ ﻧﺬﻳﺮﺓ ﺍﻡ ﺟﻨﻪ ﻭﻳﻪ ﻣﺮﺕ ﻋﻤﻬﺎ ﺷﻮﻓﺘﻬﺎ ﺍﻟﻮﻳﻞ ﺟﺎ ﺍﺷﻠﻮﻥ ﻭﻳﻪ ﺯﻳﻨﺐ ?
ﺷﻮﻳﻪ ﻭﺩﺧﻠﺖ ﻋﺬﺭﺍﺀ ﻭﺍﻻﺑﻨﻴﻪ ﻭﺭﺍﻫﺎ ﺑﺎﻭﻋﺘﻠﻬﺎ ﺧﺰﺭﺗﻨﻲ
ﻋﺬﺭﺍﺀ،،ﻳﻤﻪ ﺍﻟﺴﺎﻋﻪ 9 ﺑﻠﻴﻞ ﺧﻞ ﺫﻳﺎﺏ ﻳﻜﻌﺪ ﻳﻮﺩﻳﻨﻪ ﻗﺒﻞ ﻻﻳﻨﺎﻣﻮﻥ ﺍﻋﻴﺎﻟﻲ ﻭﻣﺤﻤﺪ ﺍﻟﻴﻮﻡ ﺧﻔﺎﺭﺗﻪ ﻣﺎﻳﺠﻲ
ﺍﻡ ﺫﻳﺎﺏ،،ﺍﺻﻌﺪﻱ ﮔﻌﺪﻱ ﻳﻤﻪ ﻣﻦ ﺍﻟﻌﺼﺮ ﻧﺎﻳﻢ ﻟﺴﻪ
ﻏﺼﻮﻥ، ،ﻫﻲ ﺻﻌﺪﺕ ﻭﺍﻻﺳﻤﻬﺎ ﻧﻮﺭ ﻭﺍﻛﻔﻪ ﻣﻜﺘﻔﻪ ﺍﺩﻳﻬﺎ ﻭﻻﺑﺴﻪ ﻋﺒﺎﻳﺘﻬﺎ ﺗﻨﺘﻀﺮ ﻳﻨﺰﻝ ﻳﺎﺧﺬﻫﻢ
ﻧﺰﻟﺖ ﻋﺬﺭﺍﺀ ﮔﺎﻟﺘﻠﻬﺎ ﻫﺴﻪ ﻳﺠﻲ
ﺷﻮﻳﻪ ﻭﻧﺰﻝ ﻻﺑﺲ ﺍﺗﺮﺍﻙ ﺍﺳﻮﺩ ﺑﻴﺪﺓ ﺍﻟﺴﻮﻳﺞ ﻭﺍﻟﻤﻮﺑﺎﻳﻞ
ﻃﻠﻊ ﮔﺪﺍﻣﻬﻦ ﻭﻋﺬﺭﺍﺀ ﺷﺎﻟﺖ ﻣﺼﻄﻔﺊ ﺍﺑﻨﻬﺎ ﻻﻥ ﻧﺎﻳﻢ
ﻭﻧﻮﺭ ﺑﺎﻭﻋﺘﻠﻲ ﺑﻨﻀﺮﺓ ﺍﺗﺤﺴﻬﺎ ﻃﻠﻘﻪ ﻣﻮﻧﻀﺮﺓ
ﺳﻠﻤﺖ ﻋﻠﺊ ﺍﻡ ﺫﻳﺎﺏ ﻭﻃﻠﻌﺖ
ﺷﻮﻳﻪ ﻭﺭﺟﻌﺖ ﮔﺎﻟﺖ ﺧﺎﻟﻪ ﻳﻤﺞ ﺍﻟﺜﻼﺟﻪ ﺧﺎﻑ ﺍﺗﺠﻮﻋﻴﻦ ﻻﺗﺴﺘﺤﻴﻦ ﺍﻟﺒﻴﺖ ﺑﻴﺘﺞ
ﻋﺎﻓﺘﻨﻲ ﺍﻟﻤﺮﺓ ﻭﻃﻠﻌﺖ ﺍﺗﻤﺪﺩﺕ ﺑﺎﻟﻔﺮﺍﺵ ﻭﺍﺗﻐﻄﻴﺖ
ﺻﺮﺕ ﺍﺫﻛﺮ ﺍﻳﺎﻡ ﻗﺒﻞ ﻭﺩﻣﻮﻋﻲ ﻭﺣﺪﻫﻦ ﻳﻨﺰﻟﻦ ﺍﻣﺴﺢ ﻭﺣﺪﺓ ﺗﻨﺰﻝ ﺍﻟﺜﺎﻧﻴﻪ
ﻣﺎﺍﺩﺭﻱ ﺷﻮﻛﺖ ﻏﻔﻴﺖ ﮔﻌﺪﺕ ﻋﻠﺊ ﺻﻮﺕ ﻃﮕﻄﻪ ﺧﺎﺭﺝ ﺍﻟﻐﺮﻓﻪ
ﺍﻧﻲ ﺟﺒﺎﻧﻪ ﺍﻻﺑﻌﺪ ﺍﻟﺤﺪﻭﺩ ﻭﺍﻭﻝ ﻣﺮﺓ ﺍﻧﺎﻡ ﻭﺣﺪﻱ
ﻳﻢ ﺍﻫﻠﻲ ﺍﺣﺸﮓ ﺭﻭﺣﻲ ﻳﻢ ﺍﺧﻮﺍﻧﻲ ﺍﻟﺼﻐﺎﺭ ﺑﻠﻴﻞ ﻻﻥ ﺍﺧﺎﻑ
ﻃﻔﺮﺕ ﻣﻦ ﻣﻜﺎﻧﻲ ﻓﺘﺤﺖ ﺷﻮﻳﻪ ﻣﻦ ﺍﻟﺒﺎﺏ ﺍﺭﻳﺪ ﺍﺷﻮﻑ ﺷﻜﻮ
ﺍﻟﺤﺮﻛﻪ ﺑﺎﻟﻤﻄﺒﺦ ﻣﺴﺘﻤﺮﺓ ﺗﺎﻟﻲ ﻣﺎﺍﺗﺤﻤﻠﺖ ﻃﻠﻌﺖ ﺍﺭﻳﺪ ﺍﺭﻛﺾ ﺍﻟﻐﺮﻓﻪ ﺍﻡ ﺫﻳﺎﺏ ﺭﺩﺕ ﺍﺧﺒﺺ ﺍﻟﺤﻮﺵ ﺑﺎﻟﺼﺎﻳﺢ
ﻋﺒﺎﻟﻲ ﺣﺮﺍﻣﻲ
ﺑﺴﺮﻋﻪ ﻣﺸﻴﺖ ﻟﻠﻐﺮﻓﻪ ﻓﺘﺤﺘﻬﺎ ﻭﺍﻧﻲ ﺍﺭﺟﻒ ﻭﺍﮔﻠﻬﺎ ﺧﺎﺍﻟﻪ ﺣﺮﺭﺍﻣﻲ ﺣﺮﺍﻣﻲ
ﺍﻟﻤﺮﺓ ﻓﺰﺕ ﻣﺮﻋﻮﺑﻪ ﻋﺒﺎﻟﻬﺎ ﺍﻟﺒﻴﺖ ﺍﺩﺍﻫﻢ
ﺍﻡ ﺫﻳﺎﺏ،ﺍﺳﻢ ﺍﻟﻠﻪ ﺍﻟﺮﺣﻤﻦ ﻭﻳﻨﻪ ﺍﻟﺤﺮﺍﺍﻣﻲ ?
ﻏﺼﻮﻥ،،ﺍﺷﺮﺗﻠﻬﺎ ﻉ ﺍﻟﻤﻄﺒﺦ ﺑﺴﺮﻋﻪ ﺭﺍﺣﺖ ﻭﮔﻔﺖ ﺑﺎﻟﺒﺎﺏ ﺍﺗﺒﺎﻭﻉ ﻭﺑﻌﺪﻫﺎ ﺍﻟﺘﻔﺘﺘﻠﻲ ﺗﻀﺤﻚ ﻭﺗﺼﻔﮓ ﺍﻳﺪ ﺑﻴﺪ
ﺍﺳﻤﻊ ﺻﻮﺕ ﺭﺟﺎﻝ ﺑﺎﻟﻤﻄﺒﺦ ﻳﺴﺎﻟﻬﺎ ﺷﻜﻮ ﻳﻤﻪ ?
ﺍﻡ ﺫﻳﺎﺏ،،ﻟﺘﺨﺎﻓﻴﻦ ﺑﻨﻴﺘﻲ ﻫﺬﺍ ﺍﻟﺤﺮﺍﻣﻲ ﻋﺮﻑ
ﻏﺼﻮﻥ،،ﻫﻮ ﻣﻦ ﺳﻤﻊ ﺣﺠﻲ ﺍﻣﻪ ﻃﻠﻊ ﻭﮔﻒ ﻳﻤﻬﺎ ﻋﻠﺊ ﻭﺟﻬﺎ ﻧﻀﺮﺍﺕ ﺗﻌﺠﺐ ﻭﺍﻧﻲ ﻣﻦ ﻓﺸﻠﺘﻲ ﺧﺒﺼﺖ ﺍﻟﻮﺍﺩﻡ ﻧﺺ ﺍﻟﻠﻴﻞ ﻣﺪﺭﻱ ﻭﻳﻦ ﺍﺿﻢ ﻭﺟﻬﻲ
ﺗﺎﻟﻲ ﻋﺪﻟﺖ ﺣﺠﺎﺑﻲ ﻭﺩﻧﻜﺖ ﺭﺟﻌﺖ ﻟﻠﻐﺮﻓﻪ
ﺳﺪﻳﺖ ﺍﻟﺒﺎﺏ ﻭﺭﺟﻌﺖ ﻟﻔﺮﺍﺷﻲ ﻭﺍﺣﺲ ﻭﺟﻬﻲ ﺩﺧﻦ ﻣﻦ ﺍﻟﻔﺸﻠﻪ ﻫﺴﻪ ﺷﻴﻜﻮﻟﻮﻥ ?
،،،،،،،،،،،،،،،،،
ﺯﻳﻨﺐ،، ﻧﺰﻟﺖ ﺍﻧﻀﻒ ﺟﻮﺓ ﺷﻔﺖ ﻧﺴﻮﺍﻥ ﻛﺎﻋﺪﺍﺕ ﺍﺭﺑﻌﻪ ﺑﺎﻟﺼﺎﻟﻪ ﻭﺍﻡ ﻟﻮﺍﺀ ﻭﺣﻨﺎﻥ ﻭﻛﻠﻬﻦ ﮔﺎﻋﺪﺍﺕ ﻳﻤﻬﻦ
ﺍﻛﻮ ﻭﺣﺪﺓ ﻣﻨﻬﻦ ﮔﺎﻋﺪﺓ ﺑﺼﻒ ﺣﻨﺎﻥ ﺗﺒﺠﻲ ﺭﻓﻌﺖ ﺭﺍﺳﻬﺎ ﺍﻟﻲ ﻭﺍﺷﺮﺕ ﻋﻠﻴﻪ
ﺍﻡ ﺣﻨﺎﻥ،، ﻫﻲ ﻫﺎﻱ ﺍﻟﻔﺼﻠﻴﻪ؟؟
ﺣﻨﺎﻥ،، ﺍﻱ
ﺍﻡ ﺣﻨﺎﻥ،، ﺍﻟﻠﻪ ﻻﻳﻮﻓﻘﺞ ﻭﻻﻳﻮﻓﻖ ﺍﺧﻮﺝ ﺍﻟﻠﻪ ﻳﻔﺮﻓﺢ ﺍﻣﺞ ﺑﺎﺍﺧﻮﺍﻧﺞ ﺍﻧﺸﺎﺀﺍﻟﻠﻪ
ﺯﻳﻨﺐ،، ﺿﻠﺖ ﺍﻟﻤﺮﺓ ﺗﻌﺪ ﻭﺗﺼﻒ ﺍﺣﺘﺎﺭﺕ ﺷﺘﺤﺠﻲ ﺗﺎﻟﻲ ﻋﻔﺘﻬﺎ ﻭﺭﺩﺕ ﺍﺭﺟﻊ ﻟﻠﻤﺨﺰﻥ
ﮔﻮﺓ ﻛﺎﺗﻤﻪ ﺩﻣﻮﻋﻲ ﺧﻨﮕﺘﻨﻲ ﺍﻟﻌﺒﺮﺓ ﻻﻥ ﻓﺸﻠﺘﻨﻲ
ﺟﻨﻪ،، ﻫﻴﻴﻲ ﻭﻳﻦ ﻣﻮﻟﻴﻪ؟
ﻧﻀﻔﻲ ﺍﻟﻤﻄﺒﺦ ﻭﻏﺮﻓﺔ ﺑﻴﺒﻲ
ﺯﻳﻨﺐ،، ﺭﺣﺖ ﻟﻠﻤﻄﺒﺦ ﻧﻀﻴﻒ ﻣﺎﺑﻲ ﺷﻲ ﻛﻌﺪﺕ ﺍﻣﺴﺢ ﺑﺎﻟﻜﺎﻭﻧﺘﺮ ﺩﺧﻠﺖ ﺍﻡ ﺟﻨﻪ ﻓﺘﺤﺖ ﺑﺎﺏ ﺍﻟﻜﺎﻭﻧﺘﺮ ﺻﺎﺭﺕ ﺍﻃﻠﻊ ﺟﺪﻭﺭ ﻭﺻﻮﺍﻧﻲ ﻭﺗﺤﻂ ﮔﺪﺍﻣﻲ
ﺍﻡ ﺟﻨﻪ،، ﺷﻮﻓﻲ ﻭﻟﺞ ﺫﻧﻲ ﺍﻟﺠﺪﻭﺭ ﻭﺍﻟﺼﻮﺍﻧﻲ ﺍﺭﻳﺪ ﺗﺠﻠﻔﻴﻬﻦ ﺑﺎﻟﺴﻴﻢ ﺍﺭﻳﺪﻫﻦ ﻳﻠﻤﻌﻦ ﻟﻤﻊ ﻛﻮﻥ ﻭﺟﻬﺞ ﻳﻨﺸﺎﻑ ﺑﻴﻬﻦ
ﺯﻳﻨﺐ،، ﺍﻟﻜﺪﻭﺭ ﻣﺘﺮﻭﺳﺎﺕ ﺳﺨﺎﻡ ﻣﻦ ﺟﻮﺓ ﻣﻦ ﻛﺜﺮﺓ ﺍﻟﻨﺎﺭ ﮔﻌﺪﺕ ﺑﺎﻟﻜﺎﻉ ﻻﻥ ﺍﻫﻮﺍﻱ ﻃﻠﻌﺖ ﻛﻞ ﺍﻟﻤﻮﺟﻮﺩ ﺑﺎﻟﻜﺎﻭﻧﺘﺮ ﺟﻨﻪ ﺟﺎﺑﺖ ﺳﻴﻢ ﺷﻤﺮﺗﻪ ﻳﻢ ﺭﺟﻠﻲ
ﻛﻤﺖ ﺍﺧﺬﺕ ﻛﺪﺭ ﺑﻲ ﺗﺎﻳﺖ ﻭﺳﻔﻨﺠﻪ ﻭﺑﺪﻳﺖ ﺍﺟﻠﻒ ﺑﺎﻟﺠﺪﻭﺭ ﻭﺍﺣﻂ ﻋﻠﺊ ﺻﻔﺤﻪ
ﺍﺣﺲ ﺿﻬﺮﻱ ﺍﻧﻜﺴﺮ ﻣﻦ ﮔﺪ ﻣﺎﺩﻧﻜﺖ
ﺍﺟﻠﻒ ﻭﺍﺭﺟﻊ ﻟﻮﺭﺓ ﺍﻫﻮﺍﻱ ﺑﺎﻟﺴﺎﻋﺘﻴﻦ ﺍﻧﻲ ﻣﺒﺴﻄﻪ ﺑﺎﻟﻤﻮﺍﻋﻴﻦ ﺑﺎﻟﻤﻄﺒﺦ ﺍﻟﻴﺮﻭﺡ ﻭﻳﺠﻲ ﻳﺸﻮﻓﻨﻲ
ﻛﻤﻠﺖ ﻭﮔﻠﺒﺘﻬﻦ ﻋﻠﺊ ﻭﺟﻮﻫﻦ ﺑﺼﻴﻨﻴﺔ ﺟﺒﻴﺮﺓ ﺣﺘﺊ ﻳﻨﺸﻒ ﺍﻟﻤﺎﻱ ﺍﻟﻤﻮﺟﻮﺩ ﺑﻴﻬﻦ
ﺩﺧﻠﺖ ﺍﻡ ﺟﻨﻪ
ﻧﺬﻳﺮﺓ،، ﻳﺎﺍﻟﻠﻪ ﻓﻀﻴﻬﺎ ﻋﺪﻧﻪ ﺧﻄﺎﺭ ﺻﺎﺭﻟﺞ ﺳﺎﻋﺘﻴﻦ ﻧﺎﻳﻤﻪ ﻉ ﺍﻟﺠﺪﻭﺭ ﺗﺘﻨﻌﻮﺻﻴﻦ ﻫﻤﻴﻲ ﺍﻳﺪﺝ ﻭﻓﻀﻴﻬﺎﺍﺍ ﻳﺎﺍﻟﻠﻪ
ﺯﻳﻨﺐ،، ﻭﻛﻔﺖ ﻳﻢ ﺍﻟﺴﻨﮓ ﺗﺮﺳﺖ ﺍﻟﺠﺪﺭ ﻣﺎﻱ ﻭﺷﻤﺮﺗﻪ ﺑﻨﺺ ﺍﻟﻤﻄﺒﺦ ﻓﻴﻀﺘﻪ
ﻧﺬﻳﺮﺓ،، ﺍﻏﺴﻠﻲ ﺍﻟﻤﻄﺒﺦ ﺯﻳﻦ ﺷﻮﻓﻲ ﺍﻟﻜﺎﺷﻲ ﺷﺼﺎﺭ ﺑﻲ ﻣﻦ ﺍﻟﺴﺨﺎﻡ
ﺯﻳﻨﺐ،، ﻭﺭﺟﻌﺖ ﺍﺭﺩﻭﺩ ﻏﺴﻠﺖ ﺍﻟﻤﻄﺒﺦ ﻭﻧﺬﻳﺮﺓ ﺗﻔﺘﺮ ﻣﺜﻞ ﺣﺼﺎﻥ ﺍﻟﺸﺮﻃﻪ ﻓﻮﮒ . ﺭﺍﺳﻲ ﺳﻄﺮﺗﻨﻲ ﺳﻄﺮ ﺑﺲ ﺗﺘﺄﻣﺮ
ﻛﻤﻠﺖ ﺭﺩﺕ ﺍﻃﻠﻊ ﺻﺎﺭ ﺑﻮﺟﻬﻲ ﺭﺟﺎﻝ ﺟﺎﻳﺐ ﻋﻼﻟﻴﻚ ﺍﻫﻮﺍﻱ ﺑﻴﻬﻦ ﻣﺴﻮﺍﮒ
ﻧﺬﻳﺮﺓ ﺳﺎﻟﺘﻪ ﻉ ﺍﻟﺴﻤﺞ ﮔﺎﻟﻬﺎ ﺑﻌﺪﺓ ﺍﺑﻮ ﺍﻟﺴﻤﺞ ﻣﺎﻛﻤﻞ ﺷﻮﻱ ﺍﻧﻄﻴﻨﻲ ﺻﻴﻨﻴﻪ ﺍﺭﻭﺡ ﺍﺟﻴﺐ ﺍﻟﺴﻤﺞ ﺑﻴﻬﺎ
ﺭﺍﺣﺖ ﺍﻧﻄﺘﻪ ﺻﻴﻨﻴﻪ ﺍﺧﺬﻫﺎ ﻭﺭﺍﺡ ﻧﺺ ﺳﺎﻋﻪ ﻭﺭﺟﻊ ﺟﺎﻳﺐ ﺍﻟﺴﻤﺞ ﺍﻟﺸﻮﻱ ﺭﻳﺤﺘﻪ ﺗﺮﺳﺖ ﺍﻟﻤﻄﺒﺦ ﺗﺮﺱ ﻭﺍﻧﻲ ﻋﻠﺊ ﺭﻳﻮﮒ ﺍﻟﺼﺒﺢ ﺧﻠﻒ ﺍﻟﻠﻪ ﻉ ﺍﻟﻤﺮﺓ ﺍﻟﻄﻴﺒﻪ ﺭﻳﮕﺘﻨﻲ ﻭﺭﺍﺣﺖ ﻭﺍﻟﺴﺎﻋﻪ ﺏ 2 ﺍﻟﻀﻬﺮ ﺗﻘﺮﻳﺒﺎ ﺟﻮﻋﺎﻧﻪ
ﺍﺟﺖ ﺟﻨﻪ ﺣﻀﺮﺕ ﺍﻟﺰﻻﻃﻪ ﺑﺲ ﻭﺍﮔﻔﻪ ﻭﺗﺘﺎﻣﺮ ﺟﻴﺒﻲ ﻫﺎﻱ ﻭﺟﻴﺒﻲ ﺫﻳﺞ ﻭﻻﻥ ﻣﺎﺍﻧﺪﻝ ﻏﺮﺍﺿﻬﻢ ﻭﻳﻦ ﺣﺎﻃﻴﻬﻦ ﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ ﺍﺗﮕﻠﻲ ﺛﻮﻝ ﺍﻫﻨﺎ ﺣﺎﻃﻴﻦ ﺍﻟﻤﻠﺢ ﺛﻮﻝ ﺍﻫﻨﺎ ﺣﺎﻃﻴﻦ ﺍﻟﺸﻐﻠﻪ ﺍﻟﻔﻼﻧﻴﻪ
ﻭﻣﺨﻠﺼﺘﻬﺎ ﻭﻳﺎﻱ ﺛﻮﻝ ﻭﻋﻤﻪ ﺍﺳﻮﺩ
ﻣﺎﻛﻤﻠﻨﻪ ﺗﺤﻀﻴﺮ ﺍﻟﻐﺪﺓ ﺍﻟﻪ ﻋﻴﻮﻧﻲ ﺻﺎﻳﺮﺓ ﺧﻀﺮ ﻣﻦ ﺍﻟﺘﻌﺐ ﻭﺍﻟﺘﺤﻀﻴﺮ ﻭﻫﻮ ﺍﺻﻼ ﺟﺎﻫﺰ ﺍﻟﻤﻔﺮﻭﺽ ﺑﺴﺮﻋﻪ ﻳﺤﻀﺮﻥ
ﺍﺣﻨﻪ ﺍﺑﻴﺖ ﺍﻫﻠﻲ ﻟﻮﺟﺎﻳﺒﻴﻦ ﺳﻤﺞ ﺷﻮﻱ ﻳﻤﻜﻦ ﺍﺑﻮﻱ ﺑﻌﺪﺓ ﺷﺎﻳﻠﻬﺎ ﺑﺎﻟﺒﺎﺏ ﻭﻳﻠﮕﺎﻫﺎ ﻣﺨﻠﺼﻪ ﻗﺒﻞ ﻣﻨﺤﻄﻬﺎ ﺑﺎﻟﺴﻔﺮﺓ ﻭﺫﻭﻟﻪ ﺳﺎﻋﻪ ﻳﺤﻀﺮﻭﻥ ﺯﻻﻃﻪ
ﻭﺍﺧﻴﺮﺍ ﺷﺎﻟﻮ ﺍﻻﻛﻞ ﻭﺍﻧﻲ ﻭﺣﺪﻱ ﮔﺎﻋﺪﺓ ﺑﺎﻟﻤﻄﺒﺦ ﺑﺎﻟﻜﺎﻉ ﻻﻥ ﻧﺬﻳﺮﺓ ﻛﺎﻟﺖ ﺍﻧﺠﺒﻲ ﻭﺍﻛﻌﺪﻱ ﺍﻫﻨﺎ ﻻﺗﺘﺤﺮﻛﻴﻦ
ﺍﻧﻲ ﻫﻢ ﻣﺎﺗﺤﺮﻛﺖ ﺿﻠﻴﺖ ﻋﻠﺊ ﻛﻌﺪﺗﻲ
ﺷﻮﻳﻪ ﻭﻛﻤﻠﻦ ﺩﺧﻠﺖ ﺍﻡ ﺣﻨﺎﻥ ﺭﺍﻓﻌﻪ ﺍﺩﻳﻬﺎ ﻛﺎﻓﻪ ﺍﺭﺩﺍﻧﻬﺎ ﺑﻴﻬﺎ ﺯﻓﺮ ﻭﻛﻔﺖ ﻉ ﺍﻟﺴﻨﮓ ﺍﺗﻐﺴﻞ ﻭﺗﺒﺎﻭﻋﻠﻲ
ﻛﻤﻠﺖ ﻭﺍﻟﺘﻔﺘﺘﻠﻲ ﻛﻠﻬﻦ ﻭﺍﻛﻔﺎﺕ ﻳﺮﺩﻥ ﻳﻐﺴﻠﻦ
ﺍﻡ ﺣﻨﺎﻥ، ﺍﺧﻮﺝ ﺍﻟﺴﺎﻗﻂ ﺭﻭﺣﻠﻪ ﺷﺎﺏ ﻳﺴﻮﺓ ﺭﺍﺳﻪ ﻭﺭﺍﺳﺞ ﻭﺭﺍﺱ . ﺍﺑﻮﺝ
ﺑﻨﻴﺘﻲ ﻣﺎﺗﻬﻨﺖ ﺑﻌﺮﺳﻬﺎ ﻣﺜﻞ ﺍﻟﺒﻨﺎﺕ
ﻋﺴﻦ ﺑﻴﺖ ﺍﺑﻮﺝ ﻳﺼﺒﺢ ﺧﻔﺖ ﻭﺭﻣﺎﺩ ﻋﻠﺊ ﺭﻭﺳﻜﻢ ﺍﻧﺸﺎﺀﺍﻟﻠﻪ
ﺯﻳﻨﺐ،، ﻫﻢ ﺿﻠﻴﺖ ﻣﺪﻧﻜﻪ ﻣﺎﺣﺎﺟﻴﺘﻬﺎ
ﺍﺟﺖ ﺟﻨﻪ ﺗﻤﺸﻲ ﺑﺴﺮﻋﻪ ﻋﺒﺎﻟﻚ ﻣﻨﺘﻮﻟﻪ
ﺟﻨﻪ،، ﻧﻌﺎﺍﻟﻪ ﻣﺎﺗﻜﻮﻣﻴﻦ ﺗﻠﻤﻴﻦ ﺍﻟﺴﻔﺮﺓ ﻟﻮ ﺗﺮﺩﻳﻦ ﻭﺍﺣﺪ ﻳﺠﻲ ﻳﻜﻠﺞ
ﺯﻳﻨﺐ،، ﻛﻤﺖ ﺍﺧﺬﺕ ﺻﻴﻨﻴﻪ ﻭﺻﺮﺕ ﺍﻧﻘﻞ ﺑﺎﻻﻛﻞ ﺭﺟﻌﺖ ﺧﻠﻴﺖ ﺍﻟﻘﻮﺭﻱ ﻉ ﺍﻟﻨﺎﺭ
ﺍﻧﺘﻀﺮﺗﻪ ﻳﻔﻮﺭ ﺍﺳﻤﻊ ﺍﻡ ﺣﻨﺎﻥ ﺍﺗﻜﻮﻝ ﺍﻟﺒﺘﻬﺎ
ﺍﻡ ﺣﻨﺎﻥ،، ﻳﻤﻪ ﺍﺑﻮﺝ ﻣﺎﻳﻘﺒﻞ ﺍﺗﻀﻠﻴﻦ ﺍﻫﻨﺎ ﻭﺩﺯﻧﻲ ﺣﺘﺊ ﺍﺟﻴﺒﺞ ﻭﻳﺎﻱ ﻳﻜﻮﻝ ﺯﻟﻤﺘﻬﺎ ﻭﺭﺍﺡ ﺷﻜﻮ ﺿﺎﻟﻪ ﻳﻤﻬﻢ ﺑﻌﺪ
ﺯﻳﻨﺐ،، ﺣﻨﺎﻥ ﻛﺎﻣﺖ ﺗﺒﺠﻲ ﻣﺎﺗﻘﺒﻞ ﺍﺗﺮﻭﺡ ﻭﺍﻣﻬﺎ ﻛﺎﻟﺘﻠﻬﺎ ﺍﺑﻮﺝ ﺣﻠﻒ ﺍﺫﺍ ﻣﺎﺍﺟﻴﺘﻲ ﻭﻳﺎﻧﻪ ﻳﺪﺧﻞ ﻟﻬﻨﺎ ﻭﻳﺎﺧﺬﺝ ﺍﺳﻤﻊ ﺣﻨﺎﻥ ﺗﺒﺠﻲ ﻣﺎﻗﺎﺑﻠﻪ ﺗﺮﻭﺡ ﻭﻳﻪ ﺍﻣﻬﺎ ﻭﺣﺘﺊ ﺍﻡ ﻟﻮﺍﺀ ﺗﺒﺠﻲ ﻭﻳﺎﻫﺎ ﺷﻮ ﻣﺎﺣﺴﻴﺖ ﻏﻴﺮ ﺍﺟﺖ ﺣﻨﺎﻥ ﻃﺎﻳﺮﺓ
ﺍﻧﻲ ﻭﺍﻛﻔﻪ ﺑﺼﻒ ﺍﻟﻄﺒﺎﺥ ﺩﻓﻌﺘﻨﻲ ﺩﻓﻌﺘﻬﺎ ﻗﻮﻳﻪ ﺍﺣﺲ ﻣﺘﻨﻲ ﺍﻧﺨﻠﻊ
ﺍﺧﺘﻞ ﺗﻮﺍﺯﻧﻲ ﻭﻣﺪﺭﻱ ﺍﺷﻠﻮﻥ ﺟﺮﻳﻨﻲ ﻣﻦ ﺷﻌﺮﻱ ﻟﻠﻜﺎﻉ ﻭﺻﺎﺭﺕ ﻓﻮﻛﻲ ﻫﻲ ﺍﺻﺨﻢ ﻣﻨﻲ ﺻﺮﺕ ﻓﺮﺥ ﺟﻮﺍﻫﺎ
ﺻﺎﺭﺕ ﺗﻀﺮﺏ ﺑﻮﺟﻬﻲ ﺑﻬﺴﺘﻴﺮﻳﺎ ﺭﻓﻌﺖ ﺍﺩﻳﻪ ﺍﺣﻤﻲ ﻭﺟﻬﻲ ﺑﻴﻬﻦ ﻟﺰﻣﺖ ﺷﻌﺮﻱ ﻣﻦ ﻃﺮﻑ ﻛﺬﻟﺘﻲ ﻭﺻﺎﺭ ﺗﻬﺰ ﺑﺮﺍﺳﻲ ﺍﺣﺲ ﻓﺮﻭﺓ ﺭﺍﺳﻲ ﺍﻧﺸﻠﻌﺖ ﺑﻴﺪﻫﺎ ﻧﺬﻳﺮﺓ ﺍﺟﺖ ﻫﻲ ﻭﺟﻨﻪ ﻭﺑﻌﺪ ﻣﺮﺓ ﻭﻳﺎﻫﻦ ﻭﺧﺮﻥ ﺣﻨﺎﻥ ﻣﻦ ﻓﻮﻛﺎﻱ ﺳﺤﺒﻨﻬﺎ
ﻭﺍﻣﻬﺎ ﺍﺗﻜﻠﻬﻦ ﻋﻮﻓﻨﻬﺎ ﺧﻞ ﻳﺮﺗﺎﺡ ﻛﻠﺒﻬﺎ ﺳﻮﺩﺓ ﻋﻠﻴﻪ ﺑﻨﺘﻲ ﻣﻔﺮﻓﺤﻪ ﻣﻦ ﻭﺭﻩ ﺫﻭﻟﻪ ﺍﻟﺨﺎﻳﺴﻴﻦ ﻣﺎﺧﻠﻮﻫﺎ ﺗﺘﻬﻨﻪ ﺑﺰﻭﺍﺟﻬﺎ
ﻛﻤﺖ ﺍﻋﺪﻝ ﺑﺜﻮﺑﻲ ﻭﺑﺤﺠﺎﺑﻲ ﻭﺷﻌﺮﻱ ﺻﺎﺭ ﺷﻜﺒﺮﺓ ﻧﻔﺸﺘﻪ ﻧﻔﺶ ﺍﻟﻲ ﻭﺟﻬﻲ ﺍﺣﺴﻪ ﻧﺎﺭ ﻋﺒﺎﻟﻲ ﻣﻦ ﺍﻟﺮﺍﺟﺪﻳﺎﺕ ﺗﺎﻟﻲ ﺭﺟﻌﺖ ﻟﻠﻤﺨﺰﻥ ﺍﺭﻛﺾ ﺍﺗﻤﻨﺊ ﺍﻟﻜﺎﻉ ﺗﺒﻠﻌﻨﻲ
ﺍﻟﻜﻨﺘﻮﺭ ﺑﻲ ﻣﺮﺍﻳﻪ ﺍﺑﺎﻭﻉ ﺍﻟﻮﺟﻬﻲ ﺻﺎﻳﺮ ﺧﺮﻳﻄﻪ ﻣﺸﺨﻂ ﻣﻦ ﺍﺿﺎﻓﺮﻫﺎ
ﻛﻌﺪﺕ ﺑﺎﻟﻜﺎﻉ ﻟﺰﻣﺖ ﻃﺮﻑ ﺣﺠﺎﺑﻲ ﺳﺪﻳﺖ ﺑﻲ ﺣﻠﻜﻲ ﻻﻥ ﺻﺮﺕ ﺍﺑﺠﻲ ﺑﺤﺮﻛﻪ
ﺍﻟﻠﻪ ﻻﻳﻨﻄﻴﻚ ﻳﺎﺍﺣﻤﺪ ﺍﻟﻠﻪ ﻳﺸﻠﻊ ﻛﻠﺒﻚ ﻣﺜﻞ ﻣﺎﺷﻠﻌﺖ ﻛﻠﺒﻲ ﻭﻛﻠﺐ ﺍﺑﻮﻙ ﻭﺍﻣﻚ
ﺍﺳﻤﻊ ﻫﻮﺳﺘﻬﻦ ﺑﺮﺓ ﻋﺮﻓﺖ ﺣﻨﺎﻥ ﺭﺍﺣﺖ ﻭﻳﺎﻫﻦ ﻣﻦ ﺻﻮﺗﻬﺎ ﺍﻟﻌﺎﻟﻲ ﻭﻫﻲ ﺗﺪﻋﻲ ﻋﻠﺊ ﺍﻫﻠﻲ
ﻭﺟﻬﻲ ﻳﺮﺣﻜﻨﻲ ﺍﺣﻂ ﺍﻳﺪﻱ ﻋﻠﻲ ﺍﻓﺰ ﺭﺟﻌﺖ ﺑﺎﻭﻋﺘﻠﻪ ﺍﻟﺸﺨﻮﻁ ﺍﻧﻔﺨﻦ
ﺿﻠﻴﺖ ﺧﺎﺗﻠﻪ ﺑﺎﻟﻐﺮﻓﻪ ﻻﺳﺎﻋﻪ ﻭﻻﺳﺎﻋﺘﻴﻦ
ﺩﺧﻞ ﻭﻟﺪ ﺗﻘﺮﻳﺒﺎ ﺑﻜﺪ ﺍﻣﻴﺮ ﺍﺧﻮﻱ ﺍﻟﺰﻏﻴﺮ ﻳﻄﻠﻊ ﻋﻤﺮﺓ ١٠ﺳﻨﻮﺍﺕ ﺑﻴﺪﺓ ﺻﻴﻨﻴﻪ
ﺣﻄﻬﺎ ﻛﺪﺍﻣﻲ ﻭﻛﻌﺪ
ﻣﺒﻴﻦ ﻫﺎﺩﺉ
ﺟﻮﺩ . ،ﺍﻛﻠﻲ ﺑﺲ ﺣﺒﺎﺑﻪ ﻟﺘﻜﻮﻟﻴﻦ ﻟﻤﺎﻣﺎ ﺟﺒﺘﻠﺞ ﻻﻛﻞ ﺍﻟﺰﺍﺩ
ﺗﺮﺓ ﺗﻀﺮﺑﻨﻲ
ﺯﻳﻨﺐ،، ﺍﺑﺘﺴﻤﺖ ﺑﻮﺟﻬﺎ ﻭﻛﺮﺻﺖ ﺧﺪﺓ ﺑﺎﻭﻋﺖ ﻟﻼﻛﻞ ﺷﺰﺍﺩ ﻣﻨﻪ؟
ﺑﺲ ﺍﻟﻜﺸﻮﺭ ﻣﺎﻝ ﺍﻟﺴﻤﺞ ﺿﺎﻟﻪ
ﻟﻜﻦ ﺟﻮﻋﺎﻧﻪ ﺣﻴﻞ ﻭﺭﺍﻱ ﺷﻔﺖ ﻣﺴﺎﺋﻲ ﺑﺎﻟﺘﻨﻀﻴﻒ ﺧﻞ ﺍﻛﻞ ﻭﺍﺫﺏ ﺣﻤﻠﻲ ﻭﺭﺓ ﺍﻟﻠﻪ
ﺿﺤﻜﺖ ﻋﻠﺊ ﻧﻔﺴﻲ ﺑﺪﻭﻥ ﻣﺎﺍﻧﺘﺒﻪ ﺳﺎﻟﻨﻲ
ﺟﻮﺩ،، ﻟﻴﺶ ﺍﺗﻀﺤﻜﻴﻦ؟؟
ﺯﻳﻨﺐ،، ﺳﺎﻣﻊ ﺑﺎﻟﻤﺜﻞ ﺍﻟﻴﻜﻮﻝ ﻛﺘﻠﻪ ﺏ ﺍﻛﻠﻪ؟
ﺟﻮﺩ،، ﻻ
ﺯﻳﻨﺐ،، ﻣﻦ ﺗﻜﺒﺮ ﺗﺴﻤﻊ ﺑﻲ ﻭﻫﺴﻪ ﻫﻠﻤﺜﻞ ﻳﻨﻄﻴﻖ ﻋﻠﻴﻪ ﺣﺼﻠﺖ ﻛﺘﻠﻪ ﻣﺴﺎﻉ ﻭﻫﺴﻪ ﺍﻛﻞ ﺣﺘﺊ ﻳﺼﻴﺮ ﺑﻴﻪ ﺣﻴﻞ ﻟﻠﺸﻐﻞ ﻭﺍﻟﻜﻨﺪ
ﺟﻮﺩ،، ﻭﺍﻟﻠﻪ ﺍﻧﻲ ﺭﺩﺕ ﺍﺣﺎﻣﻴﺞ ﻣﻦ ﺿﺮﺑﺘﺞ ﻋﻤﻪ ﺣﻨﺎﻥ ﺑﺲ ﻣﺎﻣﺎ ﻟﺰﻣﺘﻨﻲ
ﺍﻧﻲ ﺭﺟﺎﻝ ﺻﺮﺕ ﺍﺣﺎﻣﻲ ﻣﺎﻣﺎ ﻭﺍﺧﻮﺍﺗﻲ
ﺯﻳﻨﺐ،، ﺭﺟﻌﺖ ﺍﺑﺘﺴﻤﺖ ﻭﺑﺪﺍﺧﻠﻲ ﻛﻠﺖ ﺧﻞ ﺍﻟﻨﺎﺱ ﺗﺘﺤﺎﻣﻪ ﻣﻨﻬﻦ ﻭﺑﻌﺪﻳﻦ ﻳﺎﻟﻪ ﻳﺤﺘﺎﺟﻦ ﺍﻟﻴﺤﻤﻴﻬﻦ
ﺟﻮﺩ،، ﺍﻛﻠﻲ ﺣﺒﺎﺑﻪ ﺑﺴﺮﻋﻪ ﻻﻥ ﺑﻴﺒﻲ ﻛﺎﻟﺖ ﺫﺏ ﺍﻻﻋﻀﺎﻡ ﻣﺎﻝ ﺍﻟﺴﻤﺞ ﻟﻼﺟﻼﺏ ﻣﺎﻟﺘﻨﻪ
ﺯﻳﻨﺐ، ﻏﺼﻴﺖ ﻭﺍﻟﺪﻣﻌﻪ ﻻﺟﺖ ﺑﻌﻴﻨﻲ
ﻛﺘﻠﻪ ﻳﻌﻨﻲ ﻫﺬﺍ ﺍﻛﻞ ﺍﻟﺠﻼﺏ؟؟
ﺟﻮﺩ،، ﺍﻱ ﺫﻧﻲ ﺟﻼﺏ ﺧﺎﻟﻮ ﺣﺴﻴﻦ ﺍﻟﻠﻪ ﻳﺮﺣﻤﻪ ﺑﻮﻟﻴﺴﻴﺎﺕ ﻳﺤﺒﻬﻦ ﻭﻣﺪﻟﻠﻬﻦ ﻭﺑﻴﺒﺒﻲ ﻫﺴﻪ ﻳﻮﻣﻴﻪ ﺍﺩﺯﻟﻬﻢ ﺍﻻﻛﻞ ﺍﻟﺰﺍﻳﺪ ﻭﻣﺮﺍﺕ ﺍﻭﻝ ﻣﺘﻄﺒﺦ ﻣﺎﻣﺎ ﺗﻮﺩﻳﻠﻬﻦ ﻻﻥ ﻳﺠﻦ ﻳﻮﻛﻔﻦ ﺍﺑﺎﺏ ﺍﻟﻤﻄﺒﺦ
ﺯﻳﻨﺐ،، ﺍﻟﻄﻔﻞ ﻳﺤﺠﻲ ﻭﺍﻧﻲ ﺍﻛﻞ ﺣﺘﺊ ﺍﻟﺠﻠﺪ ﺍﻛﻠﺘﻪ ﻣﻦ ﺍﻟﺠﻮﻉ ﺍﺣﺲ ﻣﻌﺪﺗﻲ ﺍﻧﺘﺮﺳﺖ ﻣﻦ ﻛﺜﺮ ﻣﺎﺍﻛﻠﺖ
ﺍﻧﻨﻔﺘﺢ ﺍﻟﺒﺎﺏ ﻭﺩﺧﻠﺖ ﺟﻨﻪ
ﺟﻨﻪ،، ﺧﻮﺵ ﺑﺴﻄﻪ ﺑﺲ ﻭﺍﻟﻠﻪ ﻟﺴﻪ ﻣﺎﻣﺮﺗﺎﺡ ﻛﻠﺒﻲ ﺍﻣﺸﻲ ﻋﺪﻝ ﺗﺮﺓ ﺍﻗﻞ ﺯﻟﻪ ﻣﻨﺞ ﺍﺑﺴﻄﺞ ﺑﺴﻄﻪ ﺍﺧﻠﻴﺞ ﺗﺮﺣﻤﻴﻦ ﺍﻟﺤﻨﺎﻥ ﻋﻠﺊ ﻫﺎﻱ ﺑﺴﻄﺘﻬﺎ ﻻﻧﻬﺎ ﻭﻻﺷﻲ ﻣﻦ ﺿﺮﺑﻲ
ﻭﺍﻧﺘﻪ ﺷﺘﺴﻮﻱ ﺧﺎﺗﻞ ﺍﻫﻨﺎﺍ؟؟
ﻛﻮﻡ ﺍﻣﻲ ﺗﺼﻴﺤﻠﻚ ﻭﺍﺫﺍ ﺷﻔﺘﻚ ﺍﻫﻨﺎ ﺍﺧﻠﻲ ﺍﻣﻲ ﺗﻜﻄﻌﻚ
ﻭﺍﻧﺘﻲ ﻳﺎﺍﻟﻠﻪ ﻓﺰﻱ ﺑﻴﺘﻨﻪ ﻳﺮﺍﺩﻟﻪ ﺗﻨﻀﻴﻒ
ﺯﻳﻨﺐ،، ﻋﺪﻟﺖ ﺣﺠﺎﺑﻲ ﻭﻧﻬﻀﺖ ﻭﺭﺍﻫﺎ ﻭﺑﻜﻠﺒﻲ ﺍﻛﻠﻪ ﺭﺑﻲ ﺍﺧﺬ ﻋﻤﺮﻱ ﻭﻻﺗﺨﻠﻴﻨﻲ ﻣﻜﻔﺨﻪ ﻟﻠﺮﺍﻳﺢ ﻭﺍﻟﺠﺎﻱ
ﺭﺣﺖ ﻭﺭﺓ ﺟﻨﻪ ﺍﺗﻠﮕﺘﻨﻪ ﺍﻣﻬﺎ ﺍﺣﺼﺎﻥ ﺍﻟﺸﺮﻃﻪ
ﻧﺬﻳﺮﺓ،، ﺍﺧﺬﻳﻬﺎ ﺧﻞ ﺗﻨﻀﻒ ﺑﻴﺘﻨﻪ ﺍﺭﻳﺪ ﺗﻜﻠﺒﻪ ﻉ ﺍﻻﺑﻄﺎﻧﻪ
ﺯﻳﻨﺐ،، ﻣﺸﻴﺖ ﻭﺭﺓ ﺟﻨﻪ ﺻﺎﺭﺕ ﻛﺪﺍﻣﻲ ﺍﻟﻤﻐﺴﻠﻪ ﻏﺴﻠﺖ ﺍﺩﻳﻪ ﻋﻦ ﺍﻟﺰﻓﺮ ﺑﺴﺮﻋﻪ ﺍﺷﻠﻮﻥ ﻣﺎﺟﺎﻥ ﻻﻥ ﺍﻟﺒﻮﻣﻪ ﺗﺒﺎﻭﻋﻠﻲ
ﺭﺣﺖ ﻭﺭﺍﻫﺎ ﻃﻠﻌﻨﻪ ﻉ ﺍﻟﺤﺪﻳﻘﻪ ﺑﻴﺖ ﺻﻐﻴﺮ ﻣﻮﻛﻠﺶ ﺟﺒﻴﺮ ﺩﺧﻠﺖ ﻭﺭﺍﻫﺎ ﻭﺿﻠﺖ ﺍﺩﻟﻴﻨﻲ ﺍﺑﻴﺘﻬﻢ ﻭﻧﻀﻔﻲ ﻫﺎﻱ ﻭﺟﻴﺒﻲ ﻫﺎﻱ
ﺍﺣﺲ ﻃﻠﻊ ﺟﻠﺪ ﺍﻟﺴﻤﺞ ﻣﻦ ﺧﺸﻤﻲ ﻣﻦ ﻛﺜﺮ ﺍﻟﺘﻌﺐ ﻭﺍﻧﺘﺮﺳﺖ ﺍﺗﺮﺍﺏ ﺣﺘﺊ ﺍﻟﺤﺪﻳﻘﻪ ﻛﻨﺴﺘﻬﺎ ﺑﺎﻟﻤﺸﻮﺍﻑ ( ﻋﺜﮓ ﻧﺨﻞ ﻳﺎﺑﺲ )
ﺍﻧﻬﻠﻜﺖ ﻭﺍﺣﺲ ﺿﻬﺮﻱ ﺍﻧﻘﺴﻢ ﻧﺼﻴﻦ ﻣﻦ ﺍﻟﺼﺒﺢ ﻟﺴﻪ ﺍﻛﻨﺪ ﻭﻣﺎﻣﻠﺤﻜﻪ ﻋﺒﺎﻟﻚ ﻣﺎﺻﺪﻛﻮ ﺍﺟﺘﻬﻢ ﺧﺪﺍﻣﻪ
ﻋﺮﻛﺖ ﻣﻦ ﺍﻟﺘﻌﺐ ﺭﺩﺕ ﺑﺲ ﺍﺳﺒﺢ ﺣﺘﺊ ﺍﺭﺗﺎﺡ
ﻟﻠﻤﻐﺮﺏ ﻛﻠﺶ ﻛﻤﻠﺖ
ﻭﺟﻨﻪ ﻛﺎﻋﺪﺓ ﺗﻠﻌﺐ ﺑﻤﻮﺑﺎﻳﻠﻬﺎ ﻉ ﺍﻟﺘﺨﻢ ﻭﻛﻞ ﺷﻮﻳﻪ ﺗﺎﺷﺮ ﺑﻴﺪﻫﺎ ﻧﻀﻔﻲ ﺍﻫﻨﺎ ﻭﻧﻀﻔﻲ ﺍﻫﻨﺎﻙ
ﻣﺎﺻﺪﻛﺖ ﺧﻠﺼﺖ ﻛﺎﻣﺖ ﻛﺪﺍﻣﻲ ﻭﺍﻧﻲ ﻭﺭﺍﻫﺎ
ﻫﻲ ﻣﺪﺭﻱ ﻭﻳﻦ ﺭﺍﺣﺖ ﻭﺍﻧﻲ ﺻﺎﺭ ﺑﻮﺟﻬﻲ ﺟﻮﺩ ﻟﺰﻣﺘﻪ ﺑﺪﻭﻥ ﻣﺤﺪ ﻳﻨﺘﺒﻪ ﺳﺎﻟﺘﻪ ﻉ ﺍﻟﺤﻤﺎﻡ
ﺟﻮﺩ،، ﺑﺎﻟﻤﻤﺮ ﺍﻟﺠﻮﻩ ﻳﻢ ﺍﻟﺪﺭﺝ
ﺯﻳﻨﺐ،، ﺩﺧﻠﺖ ﻟﻠﻤﺨﺰﻥ ﻃﻠﻌﺖ ﺍﻟﻬﺪﻭﻡ ﺍﻻﻧﻄﻮﻫﺎ ﺍﻟﻲ ﺍﺻﻼ ﺍﻫﻮﺍﻱ ﻭﻳﺎﻫﻦ ﺍﺳﻤﻴﻬﻦ ﻫﺪﻭﻡ ﻭﻛﻞ ﺛﻮﺏ ﺷﻜﺒﺮﺓ ﺍﻣﺸﻲ ﻭﺍﻋﺜﺮ ﺑﻲ ﻭﺍﻋﺮﺍﺽ
ﺍﺧﺘﺎﺭﻳﺖ ﺍﻟﺰﻳﻦ ﻣﺎﺑﻴﻬﻦ ﻳﻠﻌﺐ ﺳﺘﻴﻦ ﻧﻔﺲ ﺑﺲ ﺍﻟﻤﻬﻢ ﻋﻨﺪﻱ ﺍﺳﺒﺢ
ﻃﻠﻌﺖ ﻣﻼﺑﺲ ﺍﻟﺒﺎﻗﻴﻪ ( ﺩ ) ﻣﻦ ﺍﻟﺠﺒﺘﻬﻦ ﻭﻳﺎﻱ
ﻭﺭﺣﺖ ﻟﻠﺤﻤﺎﻡ ﻟﻜﻴﺘﻪ ﻣﻨﺘﻀﺮﻧﻲ ﺍﺷﺮﻟﻲ ﻣﻦ ﺑﻌﻴﺪ ﺑﻤﻌﻨﺊ ﺫﺍﻙ
ﺭﺣﺖ ﺩﺧﻠﺖ ﻟﻠﺤﻤﺎﻡ ﻳﺨﺒﻞ ﻋﻮﺯﻙ ﺗﻔﺮﺵ ﻭﺗﻨﺎﻡ
ﻳﻤﻜﻦ ﺍﻟﺤﻤﺎﻡ ﺑﮕﺪ ﻏﺮﻓﺘﻨﻪ ﺍﻧﻲ ﻭﺍﺧﻮﺍﺗﻲ
ﺍﻧﺘﺒﻬﺖ ﺑﺼﻒ ﺍﻟﺤﻤﺎﻡ ﺗﻮﺍﻟﻴﺖ ﻏﺮﺑﻲ
ﺿﻠﻴﺖ ﺻﺎﻓﻨﻪ ﻫﺬﺍ ﺍﺷﻠﻮﻥ ﻳﻜﻌﺪﻭﻥ ﻋﻠﻲ؟
ﻣﺮﺓ ﺍﺫﻛﺮ ﺍﻣﻲ ﺗﺨﺮﺑﻄﺖ ﻧﺺ ﺍﻟﻠﻴﻞ ﻟﺰﻣﺘﻬﺎ ﺑﻄﻨﻬﺎ
ﺍﺧﺬﻧﺎﻫﺎ ﺍﻧﻲ ﻭﺍﺑﻮﻱ ﻟﻠﻤﺴﺘﺸﻔﺊ ﻑ ﻃﻠﺒﻮ ﻣﻨﻬﺎ ﺗﺤﻠﻴﻞ ﺧﺮﻭﺝ ﺭﺣﻨﻪ ﻟﻠﺤﻤﺎﻣﺎﺕ ﺍﻛﻮ ﺷﺮﻗﻲ ﻭﺍﻛﻮ ﻏﺮﺑﻲ
ﺍﻣﻲ ﺍﺧﺘﺎﺭﺕ ﺍﻟﺸﺮﻗﻲ ﻛﺎﻟﺖ ﻫﺎﻱ ﺗﻮﺍﻟﻴﺘﻨﻪ ﺍﻟﻤﻌﻠﻤﻴﻦ ﻋﻠﻴﻬﺎ
ﻭﺍﻧﻲ ﻛﺘﻠﻬﺎ ﺷﺴﺎﻟﻔﻪ ﻳﻤﻪ ﺍﺻﻼ ﻫﺎﻱ ﺳﻬﻠﻪ
ﺩﺧﻠﺖ ﻟﻠﺘﻮﺍﻟﻴﺖ ﺍﻟﻐﺮﺑﻲ ﺑﺎﻭﻋﺖ ﻣﻨﺎ ﺭﺩﻳﺖ ﻣﻨﺎ
ﻣﺎﻟﻜﻴﺖ ﺭﻭﺣﻲ ﻏﻴﺮ ﺷﺒﺨﺘﻬﺎ ﻭﺻﻌﺪﺕ ﻓﻮﻛﻬﺎ
ﻣﺎﺣﺴﻴﺖ ﻏﻴﺮ ﻭﻛﻌﺖ ﻭﻧﺺ ﺻﻔﺤﺘﻬﺎ ﺍﺗﻔﻠﺸﺖ
ﺍﻣﻲ ﺍﺟﺖ ﻣﺨﺘﺮﻋﻪ ﻭﺍﻧﻲ ﺭﺟﻠﻲ ﺍﻧﺸﺨﻄﺖ
ﺗﺎﻟﻲ ﻃﻠﻌﻨﻪ ﺷﺎﺭﺩﻳﻦ ﺧﺎﻑ ﻳﺠﻲ ﻣﺴﺆﻭﻝ ﺍﻟﺘﻨﻀﻴﻒ ﻭﻳﺸﻮﻑ ﺻﻔﺤﻪ ﺍﻟﺘﻮﺍﻟﻴﺖ ﻃﺎﻳﺮﺓ
ﺍﺗﺬﻛﺮ ﻭﺍﺿﺤﻚ ﻣﺎﺍﺩﺭﻱ ﺑﺮﻭﺣﻲ ﻛﻤﻠﺖ ﺗﻌﻠﻴﻚ ﻣﻼﺑﺴﻲ ﺭﺩﺕ ﺍﺳﺪ ﺍﻟﺒﺎﺏ ﺩﻓﻌﺖ ﺟﻨﻪ ﺍﻟﺒﺎﺏ ﺑﻴﺪﻫﺎ
ﺟﻨﻪ،، ﻫﻮﻭﺏ ﻫﻮﻭﺏ ﻫﺎﻱ ﺍﻫﻨﺎ ﺗﺮﺩﻳﻦ ﺗﺴﺒﺤﻴﻦ؟؟
ﺯﻳﻨﺐ،، ﻫﺰﻳﺖ ﺭﺍﺳﻲ ﻣﺎﻣﻔﺘﻬﻤﻪ ﻛﻼﻣﻬﺎ
ﺟﻨﻪ،، ﺷﺒﻴﺞ ﺻﻔﻨﺘﻲ ﺟﻨﺞ ﺍﺯﻣﺎﻝ ﺍﻃﻠﻌﻲ ﻳﺎﻟﻠﻪ
ﺯﻳﻨﺐ،، ﺍﺣﺴﺎﺱ ﻣﺎﻳﻨﺸﺮﺡ ﻭﻻﻳﻨﻮﺻﻒ ﻭﻻﺣﺘﺊ ﺍﻛﺪﺭ ﺍﻋﺒﺮ ﻋﻨﻪ ﺑﻤﺠﺮﺩ ﻛﻠﻤﺎﺕ
ﻟﻤﻴﺖ ﻣﻼﺑﺴﻲ ﻣﺜﻞ ﺍﻟﺤﺒﺎﺑﻪ ﻭﻃﻠﻌﺖ ﻣﻦ ﺍﻟﺤﻤﺎﻡ
ﺟﻨﻪ،، ﺗﻌﺎﻱ ﺍﻛﻠﺞ ﻭﻳﻦ ﺗﺴﺒﺤﻴﻦ ﻭﻳﺎﻭﻳﻠﺞ ﺍﺷﻮﻓﺞ ﺩﺍﺧﻠﻪ ﻟﻠﺤﺎﻣﺎﺕ ﺍﻟﺪﺍﺧﻠﻴﻪ
ﺯﻳﻨﺐ،، ﻃﻠﻌﻨﻪ ﺧﺎﺭﺝ ﺍﻟﺒﻴﺖ ﺷﻮﻳﻪ ﻗﺮﻳﺐ ﻉ ﺍﻟﻤﺨﺰﻥ ﺗﻮﺍﻟﻴﺖ ﺷﺮﻗﻲ ﻣﺒﻴﻦ ﻣﺘﺮﻭﻙ
ﺟﻨﻪ،، ﺍﻫﻨﺎ ﺍﺗﺴﺒﺤﻴﻦ ﻫﺬﺍ ﻣﻜﺎﻧﺞ
ﺯﻳﻨﺐ،، ﻋﺎﻓﺘﻨﻲ ﻭﺭﺍﺣﺖ ﺿﻠﻴﺖ ﺍﺑﺎﻭﻉ ﻭﺍﻫﺪﻭﻣﻲ ﺑﻴﺪﻱ
ﻛﻌﺪﺕ ﺑﺎﻟﻜﺎﻉ ﺍﻧﺘﺠﻴﺖ ﺑﻀﻬﺮﻱ ﻉ ﺍﻟﺤﺎﻳﻂ
ﻫﻲ ﻫﺎﻱ ﺣﻴﺎﺗﻲ؟
ﺟﺮﻳﺖ ﺣﺴﺮﺓ ﺷﻜﺖ ﻛﻠﺒﻲ ﻭﻃﻠﻌﺖ
ﺍﺳﺘﻐﻔﺮﺕ ﺍﻟﻠﻪ ﻭﻛﻤﺖ ﺩﺧﻠﺖ ﻟﻠﺘﻮﺍﻟﻴﺖ ﺣﻄﻴﺖ ﻣﻼﺑﺴﻲ ﻓﻮﻙ ﺍﻟﺒﺎﺏ ﻻﻥ ﻣﺎﺑﻲ ﻣﻌﻼﻛﻪ
ﺣﺘﺊ ﻃﺸﺖ ﻟﻮ ﺩﻭﻟﻜﻪ ﻣﺎﻛﻮ ﺗﺎﻟﻲ ﺷﻄﻔﺖ ﺍﻟﺒﺮﻳﺞ ﻭﺳﻤﻴﺖ ﻋﻠﻲ ﺧﺎﻑ ﻧﺠﺲ
ﺗﺮﺳﺘﻪ ﻭﺑﺪﻳﺖ ﺍﺳﺒﺢ ﻭﻛﻞ ﺷﻤﺮﺓ ﻣﺎﻱ ﻋﻠﺊ ﺭﺍﺳﻲ ﺗﻮﻛﻊ ﺑﻜﺪﻫﺎ ﺩﻣﻮﻉ ﻣﻦ ﻋﻴﻨﻲ ﻋﻠﺊ ﺣﻴﺎﺓ ﺍﻟﺬﻝ ﻭﺍﻟﻤﻬﺎﻧﻪ ﺍﻟﺸﻔﺘﻬﺎ ﺑﺬﻧﻲ ﺍﻟﻴﻮﻣﻴﻦ
ﻛﻤﻠﺖ ﻭﻃﻠﻌﺖ ﻟﻠﻤﺨﺰﻥ ﻫﻤﺰﻳﻦ ﺍﻣﻲ ﻣﺨﻠﻴﻪ ﻛﻞ ﻏﺮﺍﺿﻲ
ﻭﻣﻦ ﺿﻤﻨﻬﻦ ﻣﺸﻂ ﻣﺸﻄﺖ ﺷﻌﺮﻱ ﻭﻟﻔﻴﺖ ﺣﺠﺎﺑﻲ
ﺍﻟﺪﻧﻴﺎ ﺿﻠﻤﺖ ﻭﻣﻌﺪﺗﻲ ﺻﺎﺭﺕ ﺍﺗﻜﻄﻌﻨﻲ ﺍﺗﻜﻄﻊ ﻋﺮﻓﺖ ﻣﻦ ﺟﻠﺪ ﺍﻟﺴﻤﺞ ﺍﺗﺨﺮﺑﻄﺖ
ﺍﺟﻪ ﺟﻮﺩ ﻛﺎﻝ ﺍﻣﻲ ﺍﺗﻜﻮﻝ ﺧﻞ ﺗﺠﻲ ﺗﺼﺐ ﻋﺸﻪ
ﻫﻢ ﻛﻤﺖ ﺭﺣﺖ ﻟﻠﻤﻄﺒﺦ ﻟﻜﻴﺘﻬﻦ ﺻﺎﺑﺎﺕ ﻭﻣﺨﻠﺼﺎﺕ
ﺑﺲ ﻻﺯﻡ ﺍﻭﻛﻒ ﻳﻤﻬﻦ ﻗﺎﺑﻞ ﻳﺼﻴﺮ ﺍﺭﺗﺎﺡ ﺷﻮﻳﻪ؟
ﻻ ﻣﺎﻳﺼﻴﺮ
ﺳﻤﻌﺖ ﺍﻡ ﻟﻮﺍﺉ ﺍﺗﻜﻠﻬﻦ ﻣﻮﺗﻨﺴﻦ ﻋﺸﻪ ﻟﻮﺳﻲ ﻭﺟﺎﻛﻲ
ﺑﻜﻠﺒﻲ ﮔﻠﺖ ﻓﺪﻭﺓ ﺍﺷﻠﻮﻥ ﺍﺳﻤﺎﺀ ﺣﻠﻮﺓ ﺍﻛﻴﺪ ﻟﻮﺳﻲ ﻭﺟﺎﻛﻲ ﺣﻠﻮﻳﻦ ﺑﺲ ﻭﻳﻨﻬﻢ ﻣﺎﺷﻔﺘﻬﻢ؟
ﺍﺟﺖ ﺍﻡ ﺟﻨﻪ ﺑﻴﺪﻫﺎ ﺻﻴﻨﻴﻪ ﻋﻠﻴﻬﺎ ﺗﻤﻦ ﻭﻣﺮﻙ ﻭﺧﺒﺰ ﻭﻟﺤﻜﻢ ﺻﺎﻳﺮﻩ ﻫﻮﺳﻪ
ﻛﺎﻟﺖ ﺍﺧﺬﻳﻬﺎ ﺍﻧﻄﻴﻬﺎ ﺍﻟﻮﺳﻲ ﻭﺟﺎﻛﻲ
ﺿﻠﻴﺖ ﺻﺎﻓﻨﻪ ﻋﻠﻴﻬﺎ ﺑﺲ ﺍﺳﻤﻊ ﺍﻟﺠﻼﺏ ﺗﻨﺒﺢ ﺍﺑﺎﺏ ﺍﻟﻤﻄﺒﺦ ﺍﻟﺨﺎﺭﺟﻲ ﻻﻥ ﺑﻲ ﺑﺎﺑﻴﻦ ﺑﺎﺏ ﻳﻮﺩﻱ ﺍﻟﺪﺍﺧﻞ ﺍﻟﺒﻴﺖ ﻭﺑﺎﺏ ﻧﻄﻠﻊ ﻣﻨﻪ ﻟﻠﺤﺪﻳﻘﻪ
ﺍﺳﻤﻊ ﺍﻟﺒﺎﺏ ﻳﻨﺪﻙ ﻋﺒﺎﻟﻲ ﻭﺍﺣﺪ ﻳﺪﻙ ﺑﻲ
ﻭﻟﺤﺪ ﺍﻻﻥ ﻣﺎﺍﻋﺮﻑ ﺍﻟﻤﻦ ﺍﻭﺩﻱ ﺍﻻﻛﻞ؟
ﺟﻨﻪ،، ﻳﺎﻟﻠﻪ ﺍﻟﻤﻦ ﺻﺎﻓﻨﻪ ﻣﻮﻓﻠﺸﻦ ﺍﻟﺒﺎﺏ
ﺯﻳﻨﺐ،، ﻫﻢ ﻣﺎﻓﻬﻤﺖ ﺗﺎﻟﻲ ﺟﻮﺩ ﻛﺎﻝ ﻭﻫﻮ ﻳﻀﺤﻚ ﻃﻔﻞ ﻭﻋﺮﻓﻨﻲ ﻣﺎﻣﻔﺘﻬﻤﻪ ﺍﻟﺴﺎﻟﻔﻪ
ﻛﺎﻝ ﻟﻮﺳﻲ ﻭﺟﺎﻛﻲ ﺍﻟﺠﻼﺏ ﺍﻟﺒﻮﻟﻴﺴﻴﻪ ﻣﺎﻝ ﺧﺎﻟﻮ ﺣﺴﻴﻦ
ﻃﻠﻊ ﺟﻮﺩ ﻛﺪﺍﻣﻲ ﻓﺘﺢ ﺍﻟﺒﺎﺏ ﻭﺍﻧﻲ ﻭﺭﺍﻩ ﺑﻤﺠﺮﺩ ﻣﺎﺷﻔﺘﻬﻦ ﻣﻦ ﺍﻟﺨﻮﻑ ﺭﺩﺕ ﺍﺫﺏ ﺍﻟﺼﻴﻨﻴﻪ ﻋﻠﺊ ﻫﺪﻭﻣﻲ
ﻳﻔﺘﺮﻥ ﺩﺍﻳﺮ ﻣﺪﺍﻳﺮﻱ ﻳﺸﻤﻦ ﺑﻄﺮﻑ ﺛﻮﺑﻲ ﻭﺍﻧﻲ ﺟﺎﻣﺪﻩ ﻟﻮ ﺗﺬﺑﺤﻮﻧﻲ ﻗﻄﺮﺓ ﺩﻡ ﻣﺎﺗﻠﻜﻮﻥ ﺑﻴﻪ
ﻛﺘﻠﻪ ﺟﻮﻭﺩ ﺭﺍﺡ ﺍﺷﺮﺩ
ﺟﻮﺩ،، ﻻﻻ ﻟﺘﻨﻬﺰﻣﻴﻦ ﻣﻨﻬﻦ ﺗﺮﺓ ﻳﺮﻛﻀﻦ ﻭﺭﺍﺝ ﻭﻳﻌﻀﻨﺞ
ﺫﻧﻲ ﻣﺪﺭﺑﺎﺕ ﻟﺘﺨﺎﻓﻴﻦ
ﺯﻳﻨﺐ،، ﻛﻌﺪ ﻳﻤﻬﻦ ﻳﻤﺴﺪ ﺑﻀﻬﺮﻫﻦ ﻣﺪﻥ ﺭﺟﻠﻴﻬﻦ ﻭﻛﻌﺪﻥ ﺑﺎﻟﻜﺎﻉ ﺟﻮﺩ ﺍﺧﺬ ﺍﻟﺼﻴﻨﻴﻪ ﻣﻦ ﺍﻳﺪﻱ ﺣﻄﻬﺎ ﻛﺪﺍﻣﻬﻦ ﺻﺎﺭﻥ ﻳﺎﻛﻠﻦ
ﺑﻜﻠﺒﻲ ﻛﻠﺖ ﻭﺍﻟﻠﻪ ﻋﺒﺎﻟﻲ ﻟﻮﺳﻲ ﻭﺟﺎﻛﻲ ﺍﻃﻔﺎﻝ ﻃﻠﻌﻦ ﺟﻼﺏ
ﻟﻤﻦ ﻛﻤﻠﻦ ﺍﻛﻞ ﻳﺎﺍﻟﻠﻪ ﻧﻬﻀﻦ ﻭﺭﺍﺣﻦ
ﻭﺍﻧﻲ ﺑﻌﺪﻧﻲ ﺍﺿﺤﻚ ﻋﻠﺊ ﺗﻔﻜﻴﺮﻱ
ﺑﻌﺪﻫﺎ ﺑﻠﺸﺖ ﺑﺎﻟﻤﻮﺍﻋﻴﻦ ﺭﺩﺕ ﺍﻏﺴﻠﻬﻦ ﺍﺑﺎﻭﻉ ﺍﻡ ﺟﻨﻪ ﺗﻠﻢ ﺑﺎﻻﻛﻞ ﺍﻟﺰﺍﻳﺪ ﻣﻦ ﺍﻟﻤﻮﺍﻋﻴﻦ
ﺗﺮﺳﺖ ﺍﻟﻤﺎﻋﻮﻥ ﺗﻤﻦ ﻣﺨﺒﻮﻁ ﻓﻮﻛﺎﻩ ﻣﺮﻙ ﻭﻟﻤﺖ ﺍﻟﻘﻄﻊ ﻣﺎﻝ ﺍﻟﺨﺒﺰ ﺍﻟﺰﺍﻳﺪﺓ ﻧﺼﻬﻦ ﻣﻨﻜﻌﺎﺕ ﻣﺮﻙ
ﺣﻄﺘﻬﻦ ﻓﻮﻙ ﺍﻟﻤﺎﻋﻮﻥ
ﺍﻡ ﺟﻮﻩ،، ﻫﺬﺍ ﻋﺸﺎﺝ ﺍﺧﺬﻱ
ﺯﻳﻨﺐ،، ﺿﻠﻴﺖ ﺻﺎﻓﻨﻪ ﻉ ﺍﻟﻤﺎﻋﻮﻥ
ﻭﻫﻲ ﺍﺧﺬﺕ ﺍﻟﺠﺪﻭﺭ ﺣﻄﺖ ﺍﻻﻛﻞ ﺑﺎﻟﺜﻼﺟﻪ
ﺍﻡ ﺟﻨﻪ ﻟﻤﻲ ﺍﻟﻤﻮﺍﻋﻴﻦ ﺍﻏﺴﻠﻴﻬﻦ ﻭﻧﻀﻔﻲ ﺍﻟﻤﻄﺒﺦ
ﺯﻳﻨﺐ،، ﺳﻮﻳﺖ ﻣﺜﻞ ﻣﺎﻃﻠﺒﺖ ﻣﻨﻲ ﺑﺲ ﻣﺎﻋﻮﻥ ﺍﻟﺘﻤﻦ ﻛﺪﺍﻣﻲ ﺍﺧﺬﺗﻪ ﺷﻤﺮﺗﻪ ﺑﺎﻟﺰﺑﺎﻟﻪ ﻻﻥ ﻣﻮﺟﻮﻋﺎﻧﻪ ﻭﻣﻌﺪﺗﻲ ﺗﺎﺫﻳﻨﻲ ﻣﻦ ﺍﻛﻠﻪ ﺍﻟﻀﻬﺮ ﺻﺎﺭﺕ ﺳﻢ ﻋﻠﻴﻪ
ﻛﻤﻠﺖ ﺗﻨﻀﻴﻒ ﻭﺭﺟﻌﺖ ﻟﻠﻤﺨﺰﻥ ﺑﺲ ﺍﺣﺲ ﻣﻌﺪﺗﻲ ﺍﻧﺸﻠﻌﺖ
ﺿﻠﻴﺖ ﺍﺣﻮﺱ ﻣﻨﻴﻦ ﻳﺠﻲ ﺍﻟﻨﻮﻡ ﻭﻧﺎﺭ ﺷﺎﺑﻪ ﺑﻤﻌﺪﺗﻲ
ﺗﺎﻟﻲ ﺭﻛﻀﺖ ﻟﻠﺘﻮﺍﻟﻴﺖ ﺍﻟﺨﺎﺭﺟﻲ ﺍﺗﻘﻴﺌﺖ ﻳﺎﻟﻠﻪ ﺷﻮﻳﻪ ﺍﺭﺗﺎﺣﻴﺖ ﻋﺒﺎﻟﻚ ﺭﺍﻛﺐ ﺍﻻﻛﻞ ﻋﻠﺊ ﻣﻌﺪﺗﻲ ﻣﻦ ﺍﻟﻀﻬﺮ
ﻭﻫﻴﺞ ﻣﺮﺕ ﺍﺭﺑﻊ ﺍﻳﺎﻡ ﺍﻛﻌﺪ ﻣﻦ ﺍﻟﺴﺘﻪ ﺍﻟﺼﺒﺢ ﻣﺜﻞ ﺍﻟﻔﺮﺍﺭﺓ ﺍﻓﺘﺮ ﺑﺎﻟﺒﻴﺘﻴﻦ ﺗﻨﻀﻴﻒ ﻭﺷﻐﻞ
ﺍﻛﻤﻞ ﺍﻟﺒﻴﺖ ﺍﻟﺠﺒﻴﺮ ﻭﺍﺭﺟﻊ ﻟﺒﻴﺖ ﻧﺬﻳﺮﺓ
ﺑﺲ ﻣﺤﺪ ﺣﺠﺖ ﻭﻳﺎﻱ ﻣﺠﺮﺩ ﺭﺯﺍﻳﻞ ﻋﺎﺑﺮﺓ ﻣﻮﻣﺜﻞ ﺍﻭﻝ ﻳﻮﻣﻴﻦ ﻣﻦ ﺟﺎﻧﺖ ﺣﻨﺎﻥ ﻣﻮﺟﻮﺩﺓ ﻛﻠﺴﺎﻉ ﺗﻜﻔﺨﻨﻲ
ﻛﻠﺸﻲ ﺻﺎﺭ ﺑﺮﺍﺳﻲ ﺗﻨﻀﻴﻒ ﻭﻃﺒﺦ ﻭﻫﺪﻭﻡ ﺻﺮﺕ ﻣﺎﻟﺤﻚ ﺍﺣﻂ ﺧﺒﺰﻩ ﺑﺤﻠﻜﻲ ﻣﻦ ﺍﻟﻔﺮﻩ ﺍﻟﻲ ﺍﻓﺘﺮﻫﺎ ﻭﺑﻠﻴﻞ ﻣﻦ ﺍﺭﻳﺪ ﺍﻧﺎﻡ ﻣﺎﺍﻛﺪﺭ ﺍﻧﺎﻡ ﻣﻦ ﺍﻟﻢ ﺿﻬﺮﻱ ﺑﺤﻴﺚ ﺍﺭﻳﺪ ﺍﻧﻜﻠﺐ ﻋﻠﺊ ﺻﻔﺤﺘﻲ ﺍﻟﺜﺎﻧﻴﻪ ﻣﺎﺍﻛﺪﺭ ﻣﻦ ﺍﻻﻟﻢ
ﻣﺮ ﺍﺳﺒﻮﻉ ﻋﻠﺊ ﺭﻭﺣﺔ ﺣﻨﺎﻥ ﺍﻧﻲ ﺑﺎﻟﻤﻄﺒﺦ ﺍﻟﻤﻐﺮﺏ ﺍﺟﻬﺰ ﺑﺎﻟﻌﺸﻪ ﻭﻫﻤﻪ ﻳﺼﻠﻮﻥ
ﻣﻮﺑﺎﻳﻞ ﺍﻡ ﺟﻨﻪ ﻳﻤﻲ ﻉ ﺍﻟﻜﺎﻭﻧﺘﺮ ﺳﻤﻌﺘﻪ ﻳﺮﻥ
ﺍﺟﺖ ﺟﻨﻪ ﺍﺧﺬﺗﻪ ﻟﻤﻬﺎ
ﺍﺳﻤﻌﻬﺎ ﺗﺴﻮﻟﻒ ﺷﻮﻳﻪ ﻭﺻﺎﺭﺕ ﻫﻮﺳﻪ
ﺻﺎﺭ ﻋﻨﺪﻱ ﻓﻀﻮﻝ ﺍﻋﺮﻑ ﺷﻜﻮ ﻭﺷﺒﻴﻬﻢ ﺍﻧﺨﺒﺼﻮ ﻭﺍﻟﺸﻴﺦ ﻳﺼﻴﺢ ﻳﺎﺍﺍﺍﻟﻠﻠﻪ
ﺍﻻﻓﻔﺘﻬﻤﺘﻪ ﻣﻦ ﻛﻼﻣﻬﻢ ﺣﻨﺎﻥ ﺣﺎﻣﻞ ﺷﻬﺮ ﻭﻧﺺ ﻭﻣﺘﺪﺭﻱ ﺑﺮﻭﺣﻬﺎ
ﺑﻠﺤﻀﻪ ﺍﻧﻜﻠﺐ ﺟﻮ ﺍﻟﺒﻴﺖ ﻣﻦ ﺣﺰﻥ ﺍﻟﺊ . ﻟﺤﻀﺎﺕ ﻓﺮﺡ
ﺣﺘﺊ ﺍﻧﻲ ﻓﺮﺣﺖ ﻻﻥ ﺫﻛﺮ ﺍﺑﻨﻬﻢ ﻣﺎﺭﺍﺡ ﻳﻨﺪﺛﺮ ﻭﺭﺍﺡ ﻳﻜﻮﻥ ﺍﻟﻪ ﻃﻔﻞ ﻳﺤﻤﻞ ﺍﺳﻤﻪ
ﻳﺘﺘﺒﻊ
|