الفصل السادس
لاتعلم كم مر من الوقت عليها وهي تنتفض بقهر , تبا لها لماذا لاتستطيع الاعتراض بقوة , هي تملك الحق وكل الحق في رفض تواجدها في منزل اخته والاهتمام بصغير لاتعلم من هو , فشلت جميع محاولات تلك الفتاة الصغيرة في إخراجها من مزاجها السيء , تارة فتحت لها التلفاز وسألتها عن فيلم جيد تحبه لكنها لم تجب , ثم أحضرت أوراق الأونو للعب ورفضت , أحضرت لها القهوة لكنها رفضت أيضا ,
رفعت رأسها فجأه لتجد كتلة صغيرة تمشي باتجاهها , كان رياض ذو وجه بشوش وشعر ملفلف , أسرها شكله وتقربت نحوه ببطء ومما دفعها لللإقدام أنه لم يستنكر وجودها وتقدم نحوها , حملته من على الأرض وسرى شعور غريب بداخلها , قبلته من رأسه وتركته مرة أخرى على الأرض وكأنها تذكرت وجودها في منزلهم رغما عنها , سمعت أخته من الخلف تهتف بلطف
- خالتي سارة , ليش تركتيه ترا باين حبك ؟
ردت بتلعثم
- ,مدري ماحب الأطفال مومتعوده عليهم
لتهتف الصفيرة بلقافه
- يوووووووه أجل لاجبتي عيال انتي وخالي سليمان هو بيشيلهم
ثم أردفت وهي تضحك بشقاوه
والله شكل خالي يضحك وهو شايل عياله تخيلته
تأففت بضجر وهي مستاءه من تخيلات الصغيرة
- الحين هالكلام مو عيب ياااا .. وش اسمك والله نسيت
تبرمت الصغيرة وهي تهمس قبل ان تحمل اخوها الصغير بقوة وتدخل غرفتها
- رزان
تنهدت براحه بعد دخول تلك المزعجة وتمددت على الكنبه الممتده في الصاله وغفت بنوم عميق
مريم
بعد خروج والدها لاتعلم كيف التصق بها ذاك وهو يهمس لها
- مبروك يامريم
- الله يبارك فيك , ردت بصوت منخفض مهزوز
- وشفيك خايفه مني ولامستحيه ؟
- ماعرف
أمسك بكفها مرة أخرى وقبلها ببطء وهو يقول
- ان شالله اني بسعدك لاتشيلين هم , بس في أمور لازم تعرفينها قبل وأمسك بإصبعها وهو يقول واحد انا زوجتي وعيالي خط أحمر لا تتجاوزينه مهما صار , وكلمة سوء تمسهم ماراح أسامحك فيها , اثنين أنا رجال ماحب الخرجات والدخلات , يعني بيوت صديقاتي وسوق ومول وقهوه ماحب هذي الشغلات , ثلاثه , انا رجال عندي عيال لذلك ما أبي عيال فلا تجين يوم وتقولين لي أبي أحمل , أربعه ........
أحست بتشوش وهي تراه يعدد لها شروط حياتها معه وأيقنت تماما أنها اساءت الإختيار ووقعت في حفرة أعمق من سابقتها
فتحت عينيها وهي ترى وجهه الغاضب يهمس لها بحنق
- شلون تنامين ببيت مو بيتك لو جا أحد وشافك هنا بالصاله ؟ بعدين مهوب تاركينك معهم عشان تهتمين فيهم؟ شلون تركتيهم ونمتي
ردت بوقاحه بعد أن استوعبت المكان الذي هي فيه
- والله ماهي مسؤوليتي , انت تركتني وماسألتني أنا ودي اجلس أو لا أو ودي أهتم فيهم أو لا , أًصلا خير مني اني جلست ولا كنت ابركب تاكسي واروح بيتنا
واخذت ترتب ياقة قميصها وهي تحس أن ريقها جف من العصبية , ارتدت عباءتها على عجل ولفت الطرحه وهمت بالاتجاه نحو الباب , ليسحبها بقوة نحو غرفه مغلقه , فتحها وأدخلها عنوه
أمسك بعضدها وهو يشد عليه بقوه وهي تشعر أنه يريد أن يحطمه وقال بفحيح
- اقسم بالله العظيم لو إنك سويتيها كانت ماتمر ليلتك على خير
تجاهلت شعور الخوف الذي تملكها وهي تقول
- وش كنت بتسوي مثلا , تبي تضربني ياسليمان ؟ كان فيك خير سويها , واصلا تحسب اني بجلس معك اكثر بعد ؟ اليوم بروح لأبوي واقله اني مابيك , ودني بيتنا الحين لو سمحت وفكني من شرك
قهقه باستفزاز وهو يقول
- جربي وقوليله وشوفي وش بيرد عليك , واذا عدتي هالسالفه بوجهي مرة ثانيه تلقين نفسك صباح اليوم الثاني زوجتي وفي بيتي فاهمه ؟
- لا مو فاهمه , وبطل تهددني كل شوي , انا زوجتك ماني عامل عندك
- مدامك زوجتي تصرفي على هالأساس واحترميني واحترمي اسمي
نفخت بقهر
- وانا كمان احتاج منك احترام , كل تصرفاتك معي تدل على عدم احترام , اذا تبغا شي قدمه بالأول
تقرب منها وهو يراوغ
- يقولون فيك حاله نفسية تدرين . ؟ وأكمل وهو يضحك باستفزاز
- رزان خافت منك تقول خالي زوجتك احس فيها شي موطبيعي شالت رياض وفجأه تركته عالأرض
- عشانها قليلة حيا مثل خالها
أمسك بفكها وهو يضغط عليه بشده
- هي وخالها تاج راسك ويله الحين امشي قدامي عالبيت
سماا
أخبرت صديقتها بسمة بموضوع الخطوبة الغريبة ومن وقت أخبرتها بها تقبلت سيل من العتاب واللوم وانها ترمي بنفسها وتضحي بها, هي حقا لاتفهم وجهة نظرها , هي تتمنى الخلاص من منزل عمهاالذي لاتشعر فيه براحة ابدا
أسندت كفها تحت ذقنها وهي تتأمل ماحولها بحيرة وهي تستمتع لنصائح بسمة التي لاتنتهي , لكنها لاتعي شيئا مما يقال ,
انتبهت على صوت ضربات بسمة على الطاولة وهي تقول
- ياهوووو اكلمك فين رحتي ؟
- معك والله فين وصلنا .؟؟
- ايه واضح معايا خلاص ماراح أكمل سوي اللي تبغينه
تنهدت بضيق
- بليز بسمة افهميني , أنا احس اني ثقيلة عليهم أبغا أفتك من الشعور هذا
هتفت باستنكار
- وترمي نفسك في الوحل عشانك ثقيله ؟ هم ملزومين فيك ياقلبي
صرخت بقهر
- أي وحل ؟؟ أي وحل ؟ اشدراك انه وحل ؟ انا في الوحل الان
بسمة بطريقة لانهاء النقاش
- طيب بس اوعديني لو ماناسبك بعد الشوفه تفركشي الموضوع
|