[·!¦[الجوري]¦!·]

*البارت الرابع*


في اليوم الثاني الصبح الساعه9
الكل كاان على الفطور
ابو وام الجوري+وطلال+والجوري+ومناف+ ونسرين
وطبعا بنات العايله مايلبسون عبايه عن الشباب بس لازم يلبسون شي ساتر
الجوري وهي تشرب الكوفي:بابا
عبد الامير:ياعيون بابا امري
الجوري:مايامر عليك عدوو بس بغيت اسالك اذا بنروح رحله او مكان في العيد
عبدالامير:ايوا بنروح الشاليه
الجوري:اهاااا
نسرين:طيب عمي شاليهكم فيه مراجحين اولا.؟
الجوري وطلال ومناف:ههههههههههههههههههه� �هههههههههههههههههههههههه� �ههههههه
عبدالامير:ههههه ايوا فيه ولا نسيتيه بعد
نسرين:لاعموو مانسيته بس صار لنا زماان مارحنا
جنان:اي والله من زماان مارحنا
عبدالامير وهو يقوم:في العيد ان شاء الله الحمدلله
جنان:ماكليت شي يابو بدر
عبدالامير:الحمدلله شبعت
نسرين:الحمدلله
جنان:وين ياابنتي
نسرين:بقوم ابدل
الجوري:اجل طلعيلي ثياب مالي خلق اشوف ايش بلبس
نسرين:طيب
بعد مسافه في المغسله الي جنب المطبخ
نسرين بهمس:عمي
عبدالامير انتبه عليها:امري يابنتي
نسرين بهمس:ابيك بموضوع
عبدالامير:خير اللهم اجعله خير
نسرين:لاخير ان شاء الله بس ممكن نروح المطبخ عشان لاحد يسمع
عبدالامير ناظرها وماتكلم وعلى طول راح المطبخ
عبدالامير:خير نسرين ايش صاير
نسرين:لا عمي ماصاير شي بس بغيت منك طلب
عبدالامير:امري
نسرين:نبي نروح انا وطلال وراكان اليوم نزين ورا الشاليه
عبدالامير:ليهـ.؟
نسرين قربت عند اذنه وهمست:عشان عيد ميلاد الجوري ياعمي
عبدالامير تذكر:اهااااااااااا طيب ولا يهمكم انا بجيب عمال وبضبط كل شي
نسرين: اممم طيب بس الله يخليك ويطول بعمرك نبي شي شبابي وكووول
عبدالامير:ههههههههه طيب
نسرين باست راسه:ماتقصر والله ربي يطول بعمرك
................
في غرفه الطعام
الجوري وطلال:الحمدلله
جنان:شبعتوو.؟
الجوري:ايوا يلا عن اذنكم
مناف وجنان:اذنك معاك
راحو الجوري وطلال الصاله ولحقتهم نسرين
ــــــــــــــــــــــــ
في الليل الساعه 8ونص كانوو طلال والجوري ونسرين مجتمعين في برا الحديقهـ(الحوش)وكانوو كل واحد بلاب توبهـ وصاير هدوء فجأه رن جوال طلال
طلال:هلوو راكانوو
راكان:هلا وغلا شخبآآركم؟؟
طلال:تماام الحمدلله وينك انت ماجيت عندنا ولا شفناك
راكان:وين اجي وانا بمصيبه
طلال خاف:ايش صاير قول تكلم ايش صاير
راكان:لا ابد ماصاير شي بس انا في المستشفى
طلال خاف اكثر:ربي يغربل بليسك تكلم ايش صاير
البنات كانوو خايفين
الجوري:ايش صاير .؟
طلال حرك ايده بمعنى اصبري
راكان:لا بس هالسواق مسوي حادث وهو طايح بالمستشفى
طلال كان واقف بعدين جلس وهو مرتاح وجلسو معاه البنات
طلال:الحمدلله الله يرجك خوفتني المهم شخباره الحين..؟
راكان:ماكو جالس ياكل مندي
طلال:ههههههههههههههه الله يرجك الحين مندي.؟!!
راكان:وش تبيني اسوي اجل
طلال:هههههه طيب جيب رنا عندنا تسهر
الجوري راحت على طول باست اخوها
طلال يمسح خده: اقول اهجدي يابنت
نسرين والجوري:ههههههههههههه
راكان:كيف اجيبها يالدلخ.
طلال:خلاص اجل بقول للسواق يجيبها
راكان:على خير طيب الدكتور طالبني بااي
طلال:بااي طمني
وسكر منه
طلال:الجوري اتصلي على رنا قولي لها تجهز السواق بيمرها
الجوري:طيييب
اخذت الجوري جوالها ودقت على رنا
.....
رنا كانت جالسهـ في غرفتها
رن جوالها وردت
رنا:الووو
الجوري:هلووو
رنا:هلا
الجوري:رنيو تبين السواق يمرك يجيبك عندنا انا ونسرين.؟
رنا:اوكي
الجوري:طيب اجهزي
رنا:اوكي باي
بعد 10دقايق جات رنا وكملو السهره لين الساعه2ونص الليل وبعدين كل وحده رجعت لبيتها وناموو
..................
اليوم الثاني الساعه4العصر
عند نآآيف
كان جالس في بيتهم وبالتحديد في غرفته وسمع احد يطق الباب
نايف :ادخل
لميس(اخت نايف):هلا وغلا باحلى اخوو
نايف:الزبده ايش تبين.؟
لميس:فديت الي يفهمني
نايف:هههه طيب تكلمي ايش تبين
لميس:ابي اروح فنيسيا ضرووري
نايف:متى.؟
لميس:الحين او الليل عاادي
نايف:خلاص اجل بعد صلاه العشاء اوديك ..في احد بيروح معاك.؟
لميس:ايوا ازهار وزينهـ بنات عمي
نايف:طيب خلاص بعد صلاه العشاء اوديك
لميس:طيييييب
.............
بيت جود الساعه 8ونص الليل
جود كانت جالسه مع زوجها ناصر
يطالعون فلم مرعب
جود متخبيه ورا الخده:يووووومه، ناصر تكفى طفه
ناصر وهو يضحك:هههههههه جبانه عناد لك مابطفيه
جود:تكفى طفه ولا بروح الغرفه وبخليك
ناصر:ههههه طيب لاتطالعين
جود:كيف ماطالــــ... كانت بتتكلم بس حست بدوخه ولوعه
جود قامت ركض للمغسلهـ
ناصر خاف عليها بس بنفس الوقت حس قلبه يقرقع هع
ناصر:خير سلامات ايش السالفهـ..؟
جود:وهي تاخذ المنشفه لا مافي شي بس هذا يمكن من الشغل
ناصر مادخل الكلام مزاجه:اهااا
جود على طول راحت الغرفه وانسدحت على السرير:تصبح على خير
ناصر:تو الناس الحين بتنامين..؟!!
جود:مدري دخت
ناصر:براحتك ..وطفى النور وطلع
..............

بيت عبدالامير
كانو ابو بدر وام بدر جالسين في القبوو ويتقهوون ويسولفون
عبدالامير:اي صح يام بدر خواتي بيجوون يوم الاحد قبل العيد
جنان:يؤؤؤ الله يهديك ليه ماقلت لي من قبل..؟
عبدالامير:والله مدري مادريت الا اليوم
جنان:طيب متى بيمدينا نجهز للضيافه وننظف ونجهز لهم غرف
عبدالامير:عندك الخدم يساعدونك
جنان:طيب من الي بيجي
عبدالامير:اممم ام سليمان وام جاسم بعد من
جنان:اهااا وبيجون عيالهم معهم.؟
عبدالامير:امممم مدري اتوقع انتو جهزوو ويحلها الف حلال اذا جوو
جنان:ان شاء الله
.............
خلوني اعرفكم على اهل ابوي

عماتي الي ساكنين في الرياض
ام سليمان:نوره اكبر من ابوي ب6سنوات ارملهـ وعندها 3اولاد وبنتين
سليمان:عمره 30 وعنده ولد عمره 4سنوات اسمهـ جواد
ماجد:عمره 22 سنه يدرس في الامارات وكل شهر ينزل السعوديه
حنان:عمرها 25سنه متزوجه وعندها بنت وولد توأم عمرهم 3سنوات
عنود:عمرها 16 سنه تدرس في ثانوي ومغروره شوي
سعد:عمره 14سنه يدرس في متوسط
................
ام جاسم:الهنوف عمرها 33سنه متزوجه وعندنا ولدين وبنت
جاسم:عمره 18 سنه وهو المدلل عند امه وابوه ومحترم بمعنى الكلمه بس مرجوج ههه
تركي:15سنه ويحب يجتمع مع اهلهـ
رناد:13سنه بنت مرره مرجوجه ونعومه وتحب تحط مكياج هع
.................
عندي عم واحد اسمه زايد عمره 40سنه وعايش بكندا ومتزوج وحده من كندا اسمها جولي وجابت منه ولدين
أيلياعلي)عمره 21سنه
سلام:12سنه
.................
نرجع لمحور حديثنا
يوم السبت الساعه 12
كانت الجوري جالسه مع امها في الصاله
جنان:دريتي..؟
الجوري:لا ايش.؟
جنان:بكره بيجون عماتك هنا
الجوري وفي وجهها اكبر علامه استفهام:اي عمات..؟؟!!!!
جنان:عماتك بعد ايش
الجوري:هو انا عندي عمات..؟؟

.. توقعاتكم ..

معقولهـ الجوري عندها عمات وهي ماتدري..؟؟؟

وهل فعلا بيجون وبينفتح باب جديد في الروايهـ..؟؟

.. انتظروني في بارت اطول من هذا البارت وفي البارت الخامس..

يهمني تفاعلكم وردودكم