عرض مشاركة واحدة
قديم 27-02-21, 08:04 PM   #132

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


جالسة مع رونق تحت الشجر وهي مبتسمة: تحسين ماسكين لسانهم يبغون يقولون يا كذابة
روعة ضحكت: يا اختي انت اركدي شوي
رونق: وقسم بالله احيانا ابغى اقولهم تراها كذبة بس أتراجع لاني ما ابغى يطلع جراح قدامهم كذاب
روعة بابتسامة عريضة : كذاب وستين كذاب!
يعني الا الحمل ما ينكذب فيه!
وصفصف بعدها ؟!
رونق امالت شفتها بضجر:،ما تبغى ترجع حتى يرجع العرسان وتسلم عليهم ...وطبعا ما يحلى لها هالجمعات الا عندنا !
روعة : وانت ليه متضايقة يا حلو جلسة العجائز تسمعي اخبار العالم وقصص عجيبة غريبة!
رونق بملل: هالكلام تقولينه لما تكون الامور طبيعية ما هو بوضعنا هذا !
روعة بسؤال عابر: وامك زارتك ؟
رونق بابتسامة: ايه جاءت وبالاخير اضطر جراح يطردها لصقت عندنا ما تبغى ترجع لبيتها!
قاطعتها روعة وهي تدفها: يا سخفك !
تكلمي عدل اصلا انا الغبية الي سألت لأنه مستحيل زوجها يسمح لها تروح لبيت اخوالها!
رونق ابتسمت بوجع: بس هذه المرة سمح لها السيد فياض وجاءت وحضرته معها
روعة باندماج: احلفي!
تصالحتم؟!
اشاحت وجهها للجهة الثانية وتكلمت وكأنه خنجر بوسط صدرها: هي ما جاءت لزيارتي ...جاءت تزور مريم انت تعرفين فياض وراكان اصدقاء!
روعة بانفعال: وليه ما طلعت عندها تراها امك غصب عن الكل!
رونق بغصة تكلمت: ما كنت اعرف بوجودهم ما احد خبرني للصدفة ناظرت من الشباك وشفتهم لما غادروا !،
وبس!
روعة سكتت وهي تشوف لمعة الدموع بعيون رونق..
رونق زفرت بضيق: سبحان الله مريم اجهضت وانا نفس الشيء بس ما سألت عني
روعة تحاول تخفف عنها ضربتها بخفه: مصدقة حالها الاخت وعايشة الدور هههه
رونق ابتسمت بألم: بس ما احد يعرف انها كذبة !
تدرين مع الايام اكتشف انه ابوي افضل من امي ومع مريم حق لما اختارته!
امي بس مجرد شعارات حب بدون فائدة
روعة بدفاع: امك مضطرة تعمل كذا عندها بيت ومسؤوليات
رونق عقدت حواجبها: بالرغم من تصرفاتي الا انه يتغاضى عنها ويساندني!
ومع ذلك لما اناظر من زاوية ثانية اشوف امي أمرها ما هو بيدها !
تدرين ما عادت تفرق انا قررت الابتعاد عنها زوجها ما يطيقني وامي عانت بحياتها ليه تخرب حياتها بسببي!
خليها تفرح وان شاءالله يديم المحبة بينها وبين مريم!
ناظرتها روعةوهي تحسها شحطه وتبكي ...تنهدت ونطقت بمواساة: متأكدة بعد ما تمضي فترة رح ترجع وتزورك!
رونق مطت شفتها بسخرية: صدق!
خذيها مني نصيحة الي انكسر عمره ما رح يتصلح!
كسرت بخاطري بزيارتها لمريم!
انا ما صار بيني وبينها شيء حتى تعمل كذا!!!
بالعكس مريم آذتها من لما كانت طفلة وانا وش عملت؟!
وإلا السيد فياض زعل خلاص!
تخيلي وقفت بالزواج مقابل لي وكأني غير مرئية ما تشوفني!
وكأنها رسالة صريحة منها تقول فيها انت ولا شيء بحياتي ولا أشوفك بعيوني!
روعة بتبرير:تراك تبالغين!
عقدت حواجبها بقهر:أبالغ!
ما فكرت بموقفي قدام اهل زوجي!
امي ما تدخل بيتي وانا مجهضة!-
روعة بضجر:رجعت تقول مجهضه مصدقه نفسها الاخت!
ضحكت رونق وهي تمسح دموعها: سخيفة!
روعة بروح رياضيه: يا اختي الي باعك ارميه في البحر
رونق بتذكر: في اخبار عن جوالي!
روعة هزت رأسها بالنفي
رونق بقهر: متأكدة إنه مع وسيم
روعة بتفكير: وليه ما تستدرجيه
رونق لمحت بعقلها فكرة : اليوم رح اروح لهم واشوف هذا المراهق
روعة: تبغين تزورين قدر
قاطعتها : ابغى اسحب قدر الي يتبرأ مني ما له احفاد مني!
روعة بتأييد: ايه اسحبيها شوفي البنت كيف لما عاشت معهم كيف سحبت عليك وما تسأل عنك !
اكيد طول الوقت يلعبون بعقلها!
ابنتك كبيرة وش فيها لو جلست بالبيت لما ترجع من الدوام لوقت رجوعك!
هزت رأسها بموافقه ..وألف فكرة تدور برأسها!
**
**
**
وقف جراح السيارة ومسكها من كتفها لما همت بالنزول:-خلاص انا أنزل انت خليك هنا
ناظرته بجمود: فياض طلب منك ما ادخل بيتهم؟!!
جراح سكت للحظات وبعدها نطق: لا مو كذا!
خليك مرتاحة ما ابغى نتأخر على البيت!،
هزت راسها وسكتت وأوجعها تصرف فياض !
بعد ما دخل جراح نزلت من السيارة ..ناظرت بيت امها ومطت شفتها بحزن ...
التفتت لوسيم متوجه للبيت .بحركه سريعة مسكت جوالها فتحته ..جهزته للتسجيل ورجعته لحقيبتها بحركة سريعة....وتقدمت منه وبقوة مسكته من كتفه: اشوفك مبسوط يالمراهق!-
وسيم بقوة ناظرها وهو نافش صدره: مراهق بعينك!
ابعدي يدك احسن ما اكسرها!
رونق بابتسامة جانبيه: صدق!
بس حبيت اقولك جوالي الي دفنته تحت الشجرة طلعناه وبصماتك عليه
قاطعها بانفعال: مستحيل لاني كسرته
سكت لما حس بغلطته!
رفعت حاجب وهي تهزه من كتفه : جعل يدك للكسر!
وليه تكسره؟!
جوال ابوك حتى تكسره؟!
وليه تمسكه من الاصل ؟!
مين سمح لك تفتح حسابي!
دفها عنه:-انقلعي!
انا حر اعمل كل شيء وما احد يحاسبني
رونق مسكته من يده قبل ما يهرب: تعال وين رميته بعد ما كسرته!
وسيم لما شاف سيارة ابوه وقفت: اتركيني انا ما ادري عن جوالك!-
فتحت عيونها من تقلب موقفه هالكذاب!
اقترب منهم وهو يشوفها ماسكه وسيم من يده: وش صاير؟!-
وسيم: يبه تبغى جوالها تقول انا الي سرقته!
فياض سحبه ولده بقوة منها ...وبنبره حادة ناظرها:انت وبعدين معك !
مب ناويه تكفين أذاك عنا!!
وجايه لباب بيتنا!
ما خبرك جراح اني ما ابغى اشوف زولك هنا!
فوق هذا مصره ترمي بلاك علينا!
وتتهمين ولدي بشيء مستحيل يعمله لأنه تربيتي!
رجاء أنا للحين ساكت عنك فلا تختبرين صبري!
نطقت بنبرة مجروحه من كلامه وهي تطلع الجوال: خذ اسمع
دف الجوال من يدها بقرف: ما اثق فيك
نزلت للارض بسرعة وتناولت جوالها الي سقط على الارض
انهى كلامه وهي جالسه على الارض وبيدها الجوال وكأنها صنم دون حراك!
تحرك فياض للداخل بدون ما يلتفت لها!
ناظرت الجوال تأثرت الشاشة الخارجية .....تحس بوجع داخلها كل يوم يزيد ....ما غلطت عليه وكلمته بأدب حتى ما أعطى لها فرصة تتكلم!
غمضت عيونها بألم وهي متأكدة رح ييجي اليوم الي يرجعون لها ...لكن ذاك الوقت يكون الوقت تأخر وما رح يلقونها!
وقفت لما طلع جراح ومعه قدر ويرافقهم فياض...توجهت عند السيارة ووقفت بهدوء!
سلمت عليها قدر وعلامات الضجر واضحه عليها ما تبغى تروح معهم !
ما اهتمت لأنه بداخلها وجع اكبر من كذا!
دخلت السيارة بهدوء وما ناظرت جهة فياض ...ركب جراح السيارة وحرك بهدوء وهو يتكلم مع قدر ويضحك!
ماسكه نفسها بصعوبة ما تبكي ....التفتت على جراح الي يكلمها ...ما قدرت تنطق حرف واحد ...اكتفت بهز رأسها بالنفي وصدت للجهة الثانية!
فسر حزنها وعيونها الي تنذر بالبكاء بسبب جفاء امها معها!
حاول يصلح الوضع بينهم لكن فياض راكب رأسه ورافض رفض قاطع!
**
**
**
**
«نخفِي حُزناً ووَجعاً وَدُموعاً أحيَاناً، خَلفَ عبَارة أنَا بخَير، تباً لعزة النفس، وسحقاً لواقع لا‌ يوجد به احتواء صادق»منقول


جالس بالصالة يقلب بالجوال....استغرب لما انطرق الباب....توجه عبود يفتح الباب!
سرعان ما اعتدل بجلسته وهو يشوف رونق داخله ومعها قدر!
وقف وعلى رأسه علامات استفهام غريبه جايه تزوره!
سلم عليها وهو يرحب فيها: يا هلا!
رونق ابتسمت بعيون ذابله: الله يحييك!
سلم على قدر وبمجامله لرونق: وانت يا حلوة ما تزورين جدك!
ابتسمت قدر بخجل وجلست جنب امها!
جواد باستغراب: والله بغيت أشوف حرارتك اكيد حرارتك مرتفعة!
كيف عملتيها
قاطعته ما لها خلق لذي السوالف: الحين ارجع!
جواد ابتسم ،: لا لا خلاص الحين نقفل هالسالفة!
عبود جيب لاختك قهوة!
رونق برفض: لا معدتي توجعني ما لي نفس!
عبود جلس : براحتك!
جواد ناظر قدر: روحي يا ابنتي العبي مع اخوالك بالغرفة!
قدر تحركت بهدوء وغادرت ...وبعدها تحرك عبود وتوجه لغرفته
جواد باهتمام: الحمد لله على سلامتك ..بغيت ازورك
رونق بلامبالاه وبداخلها وجع لما جلست عند جدتها ام جواد قبل ما تطلع لابوها اكتشفت انه زار مريم في بيتها غير الزيارات بالمستشفى: مو مهم انا بخير
بلعت غصتها وسكتت ما في شيء تتكلمه مع ابوها ..تحس امها وأبوها وكأنهم اتفقوا على انه مريم هي ابنتهم وهي ابنة البطة السوداء!
جواد باهتمام: كيف صحتك اليوم؟!،
رجعت للمستشفى؟!
هزت رأسها بالنفي وبصوت مخنوق: لا وضعي تمام !
ام عبدالله مو هنا؟!
رد بهدوء: لا والله راحت عند مريم هي وسلفاتها!
هزت رأسها وهي كاتمه الضيق الي بداخلها !
جواد وهو يناظرها والكآبه والحزن يرفرف حولها: رونق انت متضايقة من شيء!
اهل جراح ضايقوك بشيء!
هزت رأسها بالنفي وبداخلها «ما احد كاسرني غيركم وش تختلف مريم عنها »
وقفت وهي تحس نفسها رح تبكي...وبصعوبه نطقت: انا استأذن
قاطعها: وين وين دوبك جلست!
ردت بصوت مخنوق: عندي دراسة بس قلت اجي اشوفك واسلم عليك!
حس كلمتها ملغومه ..بس طنش وهو يحس وضعها ما هو طبيعي : طيب اتركي قدر عندنا تلعب
قاطعته وهي تهز رأسها بالموافقة...وتحركت للخارج بخطوات هادية....اول ما وصلت الحديقة سمحت لدموعها بالنزول ....
وبمواساه لنفسها نطقت بهمس« مريم غير عاشت طول حياتها معه وطول وقتها تزوره اكيد ما رح يقطعها ما هو مثلها ما كانت تزوره»
بس مريم ما هي مثلها ...مريم تدخل بيته وكأنها فرد من افراد البيت لانه هذا بيتها الي عاشت فيه طفولتها ومراهقتها وشبابها ...ما هو مثلها تدخل البيت وكأنها ضيفة !
هي مجرد ضيفة تدخل بيتهم لوقت وبعدها تغادر ما في وجه مقارنه بينهم ابدا !
**
**
**


«مُوجع أن تَتصنّع التجَاهل، وَقلبَك يَتألم بصَمت»منقول

&&
&&

الجازي بهدوء ظاهري نطقت : ما كلفت نفسها تدخل تسلم علي !
وحتى زرنا مريم اتصلت فيها ام راكان حتى تطلع ورفضت تقول مشغوله!
ماتوقعت انها كارهيتني لذي الدرجه وما تبغاني!
حنين وهي تشرب القهوة: بقلعتها انت وش تبغين فيها تراكضين خلفها!
انت امها هي المفروض تركض خلفك!
ام فياض : قولي يا كثر ما شكت عنها ام راكان حاطه المر بحلقها!
وطبعا جراح مثل الخاتم باصبعها تعال وروح على كيفها !
حنين رفعت حاجب: ترى زوجات اخواني عندهم مبالغة شوي!
الجازي تنهدت: والله ما بغيت توصل الامور لهذه الدرجة
ام فياض : كذا افضل ..والا يقول فياض للحين بعدها خلف سالفة الجوال وانه وسيم سارقه!
وليه وسيم يسرقه وهو بنعمة ورفاهية!
اما هي وجه الفقر تظن الناس مثلها ...انا سمعت انها سارقه خاتم ام ناصر
الجازي بضيق: عمتي رجاء
ام فياض بلامبالاه: ما في أحد غريب ام راكان همست لي وأخبرتني ما حبت تتكلم قدامك كونك امها!
حنين هزت راسها بالنفي: اوووووف من هالكذبة !
لا ما أصدق يمكن امي نسيت وين وضعته ..يعني البنت كم جلست عندكم و جاءت عندنا ما عمرنا فقدنا شيء!
حتى احس عندها عزة نفس ...تراهم يبالغون وامي بس تبغى سالفة على هالبنت!
ما ادري امي مع الايام صارت تفقد عقلها يرحم ايام لما كانت بوعيها كانت مثال للحق ودائم تدافع عن خلق الله!
اتركي عنك هالسالفة يا ام فياض
ام فياض: انا ما تكلمت امام احد غيرك!
الجازي اكتفت بالصمت والحيرة تشتتها من الكلام الي تسمعه عن رونق ....ما توقعت بيوم يكون عندها بنت بهذا السوء وتتمنى الشر لاختها!
حنين :انا اليوم رايح عند امي ورح ازورها
الجازي طار قلبها للحظات ...بعدها استدركت الوضع ونطقت بهدوء: ابوي معك
حنين هزت رأسها بالرفض: لا انا لوحدي!
**
**
الهدوء يغلفهاوهي تسمع احاديث صفية وحنين ...ما لها نفس بالكلام موجوعة حد النخاع!
ام راكان بمداخلة : والله سمعت انه نجوى تبحث عن عروس
صفية بنصيحه: قولي لها لا تستعجل وتختار البنت الي ينعرف اصلها ومعدنها وتقدر اهل زوجها لأنه هالايام صعب تلقى بنت كذا!
ام راكان بتأييد: تجلس سنة وهي تفصفص البنت قبل ما تخطبها احسن ما تنشب لها بحلقها!
حنين بهدوء: هذا النصيب وكل انسان مكتوب له نصفه الثاني!
ما نطقت حرف رونق وهي تحس بالخيبة من الجميع ومتأكدة هالنغزات هي المقصوده فيها!
حنين تسأل رونق: ما اخذت اجازة
صفية بتعجب: انا اول مرة اشوف وحده دوبها مجهضة
قاطعت حديثهم قدر وهي تركض : جدتي ام ناصر تنادي
ام راكان وقفت : تعالوا نجلس معها
حنين وقفت : ايه
وناظرت رونق: ما تشوفين الشر! وجدك يقولك الحمد لله على سلامتك!
*•
**
**
فياض الضيق ملازمه ما يحب يكون قاسي كذا بس هذه البنت استثناء ...دوم تطلعه عن طوره!
بنظره بيته اولى من رونق ...ما هو مستعد يخرب بيته علشان تصرفاتها المجنونة!
ناظر فارس الي منشغل بجواله ومبتسم ...معقول للحين يفكر برونق!
وبسؤال مقصود نطق: مب ناوي تخطب لفارس يا سالم! !
سالم بابتسامة: ان شاء الله لما يتخرج من هنا واخطب له من هنا !
بس هو يؤشر عليها
فارس مط شفته بضجر: الكلام ببلاش!
سالم فتح عيونه: يا قليل التربية !
يعني انا كذاب!،
فارس بقهر: اشرت لك على وحده قمت فتحت لي تحقيق وفتحت تاريخ جدها الاول!
فياض رفع حاجب بانتقاد: انت بعدك على ذكرى
فارس هز راسه بالنفي: طبعا لا !
بس انا اعطي الوالد العزيز مثال بس مجرد مثال!
سالم كش عليه: اقول روح اندفس افضل لك!
غاب وجاب !
يبغى يناسب المرض النفسي بذاته!
وكأنه ينقصنا!
فياض بنصيحة: لا تورط ولدك الحين بخطوبة وزواج متى ما تخرج وتوظف يصير خير ...بالاول يعتمد على نفسه!
فارس مط شفته بانزعاج: الي يسمع يقول طالب منكم زواج!،
اصلا انا ما افكر بالزواج وهو اخر همي!
قاطعهم وليد وهو يجلس: وهو الافضل...الي مثلك الافضل انهم ما يتكاثروا!
فارس ابتسم،: الله يسامحك وش زيني!
وليد بهدوء ناظر فياض: للحين ما نزل الحطب الي براسك؟!
فياض بعناد: وما رح ينزل!
وليد بنبرة هادية: بس الدين ما يقول تحرم الام من ابنتها ...قلنا فترة قصيرة وبعدها
قاطعه بتصميم على قراره: انا بيتي ما بقى على خرابه الا شحطه!
وش يضمن لي ما ترجع وتعمل تصرفاتها الغبية!
لا خلينا كذا افضل لنا!
وليد تنهد بتفكير: حنين زارتها ....ومتضايقه كثير على حالها ...
فياض يمثل عدم المبالاه: لا تخاف عليها
وليد : وليه ما نخاف عليها!
تقول لو تشوفها الحزن والانكسار بعيونها ما ادري كيف قلبك طاوعك تعمل كذا!
فياض تنهد: خلي الأمور كذا افضل لنا ولها!
الباب الي يجيك منه ريح اغلقه واستريح!
سالم مط شفته،:ابنة جواد وش رح تطلع!
خير ما عمل خلي المركب ساير كذا افضل!!
**
**
**
سعاد رايحه راجعه بتفكير ...كيف تفرق بينهم ...ناظرت امها : على اساس راكان يقول بعد زواج زياد رح يخلصكم منها ما اشوفه عمل شيء!!
ام راكان بقلب ميت: راكان رفع الراية البيضاء عجز يفرقهم ...يقول ما في غير نبتلي عليها بشيء بس هذا الشيء مستحيل يعمله ما رح يكون ظالم لذي الدرجة!
ودامه اختارها بنفسه خلي كل واحد يقلع شوكه بيده!
يقول حنا نصحناه
سعاد رح تنفجر: لا وطالع معها بدل ما يقول تعالي يا امي معنا ...اخذ ابنتها الزفت معها!
ما تدري ترى قدر اولى منا كلنا !
انا بحياتي ما شفت احد يبيع اهله مثله علشان ظفر من زوجته!
هذا نايف وقسم بالله اشوفه بالمناسبات السعيدة ويا ليت يبتسم بوجهي!
ام راكان بقهر: اتركيها عنك رح ييجي اليوم الي نفرح فيه !
**
**
**
تتمشى مع جراح ومبتسمة وهو يتكلم عن بطولاته بكلية الطب!
جراح بضحكه: تدرين مرة بالتدريب ما عرفت اسحب عينة الدم ما ادري وش اصابني ارتبكت... وقتها الدكتور نايف بغضب صرخ بوجهي « انت اغبى متدرب شفته بحياتي ما ادري كيف الدكتور زياد اخوك»ههههههههه
بس والله احرجني!
رونق وهي تضحك لما تتخيل شكل جراح بهذا الموقف: ترى الدكتور نايف ما ينطاق شايف نفسه
جراح ابتسم: هو كذا ما عنده مزح !
قدر ركضت لهم : ماما عادي اجلس هناك!
رونق هزت رأسها بابتسامة : ايه عادي!،
جراح وعيونه على قدر : الحمد لله خفت تعمل لنا نكد حتى ترجع لخالتي الجازي!
رونق تنهدت براحه: الحمد لله صارت تندمج مع اخواني من ابوي وحتى مع اختها تلعب وتندمج فيها!
بس اختك احيانا تطردها،وتنفجر بوجهها!
جراح مط شفته: سعاد عصبيه وما عندها اسلوب للتعامل مع الناس!
الحين اهم شيء شدي حيلك بالدراسة خلينا نسافر ونروح لمكان ما يكون فيه الا انا وانت!
بدون مشاكل ووجع رأس!
////////
فتحت عيونها على هذه الذكرى ...مرت عليها سنوات..تنهدت وهي تناظره يتكلم من رؤوس خشومه: كلامي مفهوم!
صدت للجهة الثانية بعبوس من ثرثرته!
نطق بأسلوب جاف فيه حده: دكتورة اسماء فيه شيء ما عجبك!
ردت بملل ما قدرت تخفيه:-أبدا يا دكتور !
أعطاها نظرات حادة وبعدها رجع يكمل تعليماته!-
بعد وقت زفرت براحة بعد ما كمل ...اتصلت بروعة وأول ما فتحت الخط تكلمت بكره: انا جدك هذا ذابحه ذابحه رفع ضغطي!
ضحكت روعة: تستاهلين !،
رونق بضيق: متى يخلص هالتدريب واتحرر وبعدها اهج من هالمكان كله !
روعة بانشغال: لحظة اكلمك بعدين!
رونق مطت شفتها : روحي قابلي مرضاك
قفلت الخط وتحركت بخطوات هادية وقفت لما شافت الدكتورة ريم اقتربت منها وسلمت عليها : كيفك رونق
رونق بنفسها «بخير بدون ابوك» وبمجاملة: هلا دكتورة...تمام ..كيفك ؟
ريم بهدوء: بخير ...كيف التدريب؟!
رونق كتمت ضيقها وبمجاملة: الحمد لله بخير
غمضت عيونها للحظات تحاول تتحكم بأعصابها وهي تسمع صوته من خلفها: هنا مكان عمل وتدريب ما هو للتعارف يا دكتورة اسما!
قاطعته رونق وهي تصحح له: دكتورة رونق!
مط شفته بسخرية : رونق والا أسماء ما رح يغير شيء من الواقع!
ريم تواسيها بصوت هامس: ان شاء الله تعدي ايام التدريب على خير وترتاحي!
نايف بأمر: تحركي على مكانك وقابلي الحالات الموجودة واترك عنك اللقافة والتعارف!
كانت تبغى ترد لكن ريم شدت على يدها بتحذير لانها تعرف ابوها اذا كره شخص صعب يصفى له وما تبغى رونق تتضرر...وبهدوء نطقت ريم وهي تناظر ابوها : ما جلسنا نتعارف .... بس تعرف بمجال تخصصنا يجمعنا المحبة والسؤال عن بعضنا!
نايف خزها طول عمرها لسانها مثل السيف مستحيل تسكت لازم تتكلم!
رونق بهدوء نطقت: عن اذنكم!
تركتهم وغادرت
ريم ناظرت ابوها بقهر من اسلوبه مع رونق :انا نفسي اعرف ليه حاط رأسك برأس هذه البنت!
مع انها متفوقة
نايف بجعرفه : ما تعجبني تصرفاتها ...وعاملة نفسها ذكيه وهي من جنبها مستواها
قاطعته ريم بضجر: الحين مستوى رونق التعليمي ما هو عاجبك!
بس افهم روعة وش مستواها!
نايف بمكابرة: روعة مستواها افضل بكثير من هالرونق
ريم باستنكار؛ الحين روعة الغبية الي نشفت ريقنا حتى تخرجت مستواها اعلى من مستوى رونق !
صدق امرك عجيب!
ترى يا ليت بس تفرق بين مشاعرك وبين عملك !
تحبها والا عمرك ما حبيتها هذا ما له علاقة بالعمل!
تحرك وهو يتكلم بعبوس: يا شينك اذا تفلسفتي!
هزت رأسها بأسف وتابعت طريقها بخطوات واثقة !
**
**
**
وقت الاستراحة متربعة على الكنبة وبابتسامه وهي تسمع تسنيم تتكلم : والله يا بنات انها اصابتني ام الركب من الخوف!
ليلى بضحكه: غبية احمدي ربك إنه ما سمعك وفصلك
تسنيم وهي تقرص عيونها: احساسي إنه سمعني ...انت ما تشوفينه كيف يناظرني وكأني اكلت حلاله!
ليلى عفست ملامحها: ترى ما هو لوحدك ...الدكتور نايف يناظرنا الثلاثة وكأننا ذابحين له احد !
رونق وضعت العصير أمامها بضحكة: تسنيم تذكرين لما كنا بالمصعد وانت
قطعت كلامها وهي تضحك بقوة
تسنيم بضحكه مرتفعة شوي: ايه اذكر
ليلى بلقافه : وش السالفة!
رونق وهي مستمرةبالضحك: كنت انا وتسنيم
دخلت علا وهي تناظرهم بانتقاد من هالضحك: الدكتورنايف يسأل عنكم وبالتحديد انت!
رونق اشرت على نفسها بعد ما قطعت ضحكتها: انا!
هزت علا رأسها وطلعت!
رونق بضجر: يا ابو النشبة!
تراه ناشب لي هنا «اشرت على حلقها » !
تسنيم وقفت بفزع بعد ما ناظرت ساعتها: البريك خلص
رونق ضحكت على شكل تسنيم : شكلك كذا نهفة لزوم نصورك!،
**
**
**
واقف قريب يناظرها ويبتسم وهو يسمع الدكتور نايف بأقصى غضبه من استهتار البنات بالتدريب!
حرك حواجبه يغيضها..اشرت له بيدها تتحلف له وكأنها تقول له «بسيطه»
سرعان ما نقزت لما نطق اسمها بقهر من استهتارها: انا اكلم مين!
هذا اخر تنبيه لك ولشلتك فاهمه!
غادر وهو نفسه يصفقها من البلادة الي فيها !
تقدم جراح بابتسامة ...اقتربت منه رونق وهي تخزه: مبسوط اشوفك!
جراح توسعت ابتسامته: وقليل عليك !
انت ليه ما تشتغلين بذمة وضمير
خزته : مين يتكلم !
جراح بضحكة قصيرة: كنت جاي اعزمك على فنجان قهوة بس الوضع ما يسمح لأني اتوقع الدكتور نايف اليوم يدفنك ..يا بنت وش عملتي له مسكين احسه مثل الثور الهائج هههههه
وبتذكر نطق: استغفر الله جالس استغيب بالرجال وانت تبتسمين بدل ما تذكريني
رونق ابتسمت وبهمس: يرفع ضغطي ...يا رب رحمتك الغيبة هذه رح تفلسنا يوم القيامة!
جراح هز رأسه : استغفر الله !
رونق تذكرت القهوة وبابتسامة: القهوة نشربها وحنا راجعين من الدوام!
هز راسه بالرفض : لا ما اقدر اليوم جدتي صفية جاية ولزوم ما نتأخر!
خليها مرة ثانية
هزت رأسها بتفهم وبابتسامة مجاملة: ان شاء الله !
غادر وعيونها مسلطه عليه ....
قاطعتها ليلى وهي تضربها على كتفها بخفة: حسستيني انك مخطوبة له!،
اصحي تراك متزوجة من سنوات يعني زهقانة الزواج !
رونق مطت شفتها وقررت تكون ساكته ما له داعي نشر الغسيل الي بالقلب بالقلب!
**


انتهى البارت ....لنا لقاء اخر بإذن الله ...دمتم بخير


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس