[مِسك]

السلام عليكم ورحمه الله وبركاته .. صباحكم بركه وخير يارب 💖 .. عاشقه كالعاده مُبهره ، مُبدعه حقيقي والله اتعبتي من بعدك 🌸✨ .. فصل جبار و على قد الانتظار والحلو فيه هادي مافيه صدمات تخلينا مانقدر نصبر شهر قدام ..


لمحه الماضي .. والله وطلع بتال شاعر لعيون الجميله جوزاء .. سبحان الله يالصدف والنصيب كيف جابها لعنده ورجع يقصّد فيها 😍❤ .. اما وضحى سبحان الله هالانسانه قد ايش تستفزني وماقدرت احبها .



خزام وفياض .. نفس الوضع لاجديد .. الفرق الوحيد ان خزام سارت شبه تاخذ حقها ، وفياض من زود العشق يطنش ومو فالح يعلمها بحبه الا اذا نامت 🙈💔 .. الخزامى اللي تكلم عنه اتوقع هو اللي زارعه مو امين بس عشان الكبرياء قال امين 🤣💔 .. متت ضحك على هوشات ليلى وخزام كل وحده تبغى تكون الطرف المنتصر .

ليستقبله الحارس مخبره أن السور قد تعرض للكثير من الأعمال التخريبية على أمتدادة ...ويوجد الكثير من الكتابات والتشوية ...

الحمدلله اللي سلم العم عقاب من هالطايشين .. وبعدين خير ان شاءالله ابو وزوج بنته شدخلهم هم .. يفلتون مراهقينهم على آل عقاب سلامات ، لولا طيبه العم عقاب ولا كان انرموا بالسجن يمكن وقتها يتأدبون شوي لا ومن زود وساعه الوجه مشتكين على هجرس يوم هددهم 🤣 قمه البجاحه .. الله يستر على احمد بس لا يتعرضون له 😢💔 .



اسماء واحمد المزيون سليل الملوك ابو عيون زرقاء رماديه 😍😍❤ .. واضح اني حابته ولا بعد مو واضح 🤣💔 .. ياناس ثقل وزره واناقه وشياكه حتى اسماء الجامده خقت طاحت وماسمت عليها فهده 😂 .. صدمتها بلون عيونه موتتني ضحك والمشكله لسا شاكه اي لون الصح ، بالعقل الصنهات معروفين بعيونهم الملونه يعني اكيد الازرق صح .. مدري ايش بتسوي لاعرفت عن لون شعره 🤣🤣🤣 ..
حزنت على اسماء يوم بكت 😢 وواضح حتى احمد تأثر .. اتمنى يتصارحون باللي يمرون فيه عشان تمشي حياتهم صح + المفروض هالفتره يتواصل احمد مع دكتوره ، لان الواضح انه محتاجه هالفتره اكثر من قبل .. قبل كان مرحله علاج مابعد التحرش ولكن اللحين تغير الوضع سار متزوج ولازم يفصل بين الفتره الحاليه واللي مر فيه قبل .



غاده وسلطان .. دوبنا الفصل اللي راح نقول ماشاءالله على سلطان ومافي زيه وراك خربتها هالفصل .. يمكن لو حسناء اللي تدخلت بينك انت وهجرس نقول صح مالها دخل لانها من الاول موضحه موقفها من هجرس .. اما غاده مسكينه عارفها وعارف نيتها وطيبتها وتعامل هجرس وكأنه ولدها او اخوها الصغير يعني ماله داعي الجرح ، الحمدلله ان هجرس جبر بخاطرها 😢💔 .. اما حسناء الزفت عساها تلحق اختها رفعت ضغطي .. وين اللي كانوا يقولون حسناء مسكينه ومظلومه الا والله سكينه مرسله السفاح يخرب الكهرباء عساه يتكهرب هو وحسناء في نفس اليوم 🌚 ووسيع الوجه مساعد الشر طالب منها وعد تنفذه له بعدين واكيد بيكون له علاقه بجوزاء 💔 الله يكفيها شرهم يكفيها اللي هي فيه 😢 .



جوزاء وبتال .. الحمدلله على سلامه الوصول للرياض .. وزي ماقلت الفصل اللي فات الهدوء اللي يسبق العاصفه .. عذرت بتال يوم زار اهل عبير ويوم جلس مع عياله لو فكرنا فيها صح فهذا اللي المفروض يسويه .. صح انه المفروض يوصل جوزاء بس هي خلاص تعتبر رايحه لبيتها وكم لها معاها في المانيا ، بينما بناته وولده فاقدين الاب والام وهم احق يلتفت لهم شوي ..
موضوع الوصيه الكذابه .. يعني ام صالح حرمه كبيره صايمه مصليه تكذب ليش ؟ متى امدها عبير توصي بالله وبعدين حزنانه على عيال عبير وماحزنت على بنتها اللي بترميها لزوج اختها 💔 افف قاهرتني ياكثر اللي ودي يتكهربون مع مساعد ، المشكله اغلب اللي ابيهم يتكهربون من طرف العايله نفسها 😂😂💔 .
وبتال الله يهديه يعني مايتوب ، اخذ جوزاء عطيه وهو يحب عبير وظلم جوزاء بالبدايه واللحين نفس الشيء يفكر ياخذ اميره وصيه وهو يحب جوزاء 😶 .. ما فرح قلبي الا انفجار جوزاء العسل ايوه كذا كشري عن انيابك ووريهم واولهم "ولد هجرس" مسوي بينفذ الوصيه خلينا نشوفه بعد هالانفجار بينفذها ولا يهون .. والله ياهي نسفته نسف 😂😂💔 واخرها حذفها للقب الصوارم من بطاقتها قوييه حركتها بس فيها رد اعتبار لكرامتها ..
ونصيحه مني لفياض لاتفكر تقرب من جوزاء بنسختها المطوره مع هرمونات الحمل ، مساعد واخوه راحت سياراتهم وانت مو بعيده تدعسك بالسياره روحه ورجعه وخزام تتفرج عليك 🤣💔 .


ليلى .. كنت احبها وتونسني بس وراها هالفتره جالسه تخربها .. تصرفاتها مع حريم اخوانها لا تطاق واضح انها تغار منهم 😬💔 يبغالها العم عقاب يلتفت لها 🤣 .


فهده .. حلمها غريب ويخوف .. مافهمت من الادميه اللي حلمت فيها ، اللي فهمته انها وحده من اللي كانوا ساكنين البيت يعني ياحسناء او عبير او فزه هم اللي كانوا ساكنين بقسم فهده .. واتوقع انها حسناء والله اعلم .

وهو يدخل على والده بالمجلس الذي وقف ليستقبله فأرتجف لولا وجود الحكم جواره وأسناده له لكان قد سقط .. لم يكن يتحدث فعباراته مملؤة بالعبرات ..
حتى أخيراً نطق بصوت متحشرج :الحمدلله اللي بلغني هاليوم وأشوفك داخل علي من جديد ...
كان قد أجتمع الجميع لأستقباله .. أحضان أخوته قبلاتهم على جبينهم عبارات الترحيب كلها ترمم ماأنكسر داخله في منزل أهل عبيـــــر ..

يالله هالمشهد تغلغل لاعماق قلبي 😭😭💔 .. كل كلمه انكتبت فيه حسيت اني اشوفها في الواقع .. العبره اللي خنقت العم عقاب لشوفه ولده بخير ، فرحه الاخوان برجعه اخوهم وسلامهم .. بيتصنف هالمشهد من ضمن المشاهد اللي أثرت فيني ولمست قلبي 😢❤ .



ياسمين وهجرس .. ههههههههههههههههههههههههه ههههههههههههههههههههه ياربي فضيعين هالاثنين واضح ياسمين بدأت تغار 🙈😬 واذا بدأت تغار يعني بدأت تحب وتحس بالمسكين المتيم فيها .. المشكله للحين مو مناشبها الا العاملات وهو بكل بلاهه مو مستوعب 😂💔 .. حسافه الشاهي اللي تعب وهو يسويه اخرتها انحرق به 🤣🤣 اما الكبرياء حكايه ثانيه اظن ماخفف عليه الوجع الا اهتمام ياسمين ولو انه كان اهتمام ناشف بس يعتبر تقدم من ياسمين 😂 .



الله يسلم يمينك عاشقه وتعيشين وتكتبين لنا من هالابداع .. والله يصبر قلبي شهر من اللحين اشتقت 😢💔، اللي مهون علي ان توقف الروايه كان برمضان 😍

ختاماً .. مبارك عليكم الشهر ، والله يجعلنا من صوامه وقوامه ويتقبل منا الصيام والقيام وصالح الاعمال 🌙✨ .. لنا لقاء بإذن الله بعد رمضان ❤